Post: #1
Title: تهانينا لانصـار السـنة بشيخهم الجديد حسن الترابي؟؟
Author: هشام هباني
Date: 04-30-2006, 07:16 PM
والمقصود اعزائي هم انصار السنـــــــــــة بكسـر السين وفتح النون
بعد فتاوى الشيخ الجليل حسن الترابي في تحليل الفرح المعبأ في القوارير الانيقة
لمجرد انه فرح لم يرق بالراح لمرتبة ام الكبائر وهي تبعث في البشر النشوة و( الشعشعة)
ولا تحرك نوازع العنف في بشر هم احوج للسكينة باية وسيلة تنسيهم لهاث الرزق التفيه في زمن الانقاذ الحريق.............حريقة في الانقاذ واهلها ومن شايعها ومن ايدها ومن برر شرورها واثامها ودافع عن اباطيلها...ولله الحمد...
هباني ظاااطو
سندة: طبعا اخونا هاشم نوريت اكون تووووووووووووووووووش دخل مغمض من العنوان ده وسبحل وحوقل واخيرا تنفس الصعداء عندما علم بان الامر لا يعني ملته غير الفرعونية
اي انصار السنة.....ولله في خلقه شئون..
|
Post: #2
Title: Re: تهانينا لانصـار السـنة بشيخهم الجديد حسن الترابي؟؟
Author: ABDELMAGID ABDELMAGID
Date: 04-30-2006, 08:14 PM
Parent: #1
Quote: والمقصود اعزائي هم انصار السنـــــــــــة بكسـر السين وفتح النون
بعد فتاوى الشيخ الجليل حسن الترابي في تحليل الفرح المعبأ في القوارير الانيقة |
.
ود هبانى اخوى
مساك الله بالخير
يعنى شيخ حسن بقى زول بيرتا بااااارده ساكت ؟؟؟ و ابيض ضميرك ؟؟؟؟
كسره :
يعنى بالعدم ( حسوه !! ) او ( شربوت !!! ) ... و ات تعال يا اخوى منو القالك ناس انصار السنه ( بفتح السين ) اى ( الوهابية ) مو هم بناس سنه ( بكسر السين !!! ) بس الفرق الوحيد انهم عندهم خيار و فقوس و ذلك عندما يكون صاحب ( السنه !!! ) بكسر السين أمير من أمراء عائلة ال سعود فيتحول الفلم كلو و بقدرة قادر الى خل فى خل بدل ( ويسكى !!! )  ...
عبدالماجد
|
Post: #3
Title: Re: تهانينا لانصـار السـنة بشيخهم الجديد حسن الترابي؟؟
Author: هشام هباني
Date: 04-30-2006, 08:58 PM
Parent: #2
عبد الماجد المسخوت
يا زول قالوا ليك الايام دي الانادي في الحصاحيصا وما جاورها انتجت عرقي( الشيخ) ده قالوا ليك عرقي بس بتاع ( سنسنة) ساكت يعني شعشعة.... وستات الانادي قالوا مبسوطات انبساط شديد من شيخ حسن شيخ انصار السنة الجديد وقالوا عرقي الشيخ ده بس لزوم البارتيهات الصغيرة وطبعا زي ما قال شيخ حسن جزاه الله عنا كل خير (عرقي خالي عدوان) يعني لمن تجغمو تشوف الجنة ظااااطها وسكسك في محلك وترقص هي لله هي لله لا للسلطة لا للجاه .... واما الحسوة والشربوت والنبيت والكوجو مورو فقالوا دي حاجات بقدموها ضيافة في بعض البيوت....فحمدا لله شيخ حسن اتي انصارالسنة بكسر السين بفتح مبين في مجالات تحليل الصبوح بنت الصبوح...
ظااااطو
|
Post: #4
Title: Re: تهانينا لانصـار السـنة بشيخهم الجديد حسن الترابي؟؟
Author: ABDELMAGID ABDELMAGID
Date: 04-30-2006, 09:10 PM
Parent: #3
| Quote: يا زول قالوا ليك الايام دي الانادي في الحصاحيصا وما جاورها انتجت عرقي( الشيخ) ده قالوا ليك عرقي بس بتاع ( سنسنة) ساكت يعني شعشعة.... |
ود هبانى اخوى
كان كلامك ده صوح !!! بخت أهلنا الحلاويين كان كدى ياهم الشمشم ما ( خنقت !!! )
كسرة :
الله استر كمان أخونا عبدالرحمن الحلاوى ما اجى ناطى لينا فى انصاص الليالى و اكون فهم الموضوع غلط ...مع بالغ تحياتى لاخى و صديقى و قريبى كمان ابن الجزيرة عبدالرحمن الحلاوى ..
عبدالماجد
|
Post: #5
Title: Re: تهانينا لانصـار السـنة بشيخهم الجديد حسن الترابي؟؟
Author: ABDELMAGID ABDELMAGID
Date: 04-30-2006, 10:09 PM
Parent: #4
وصله يا ود هبانى ....
المريسه دبر ( بفتح الدال و الباء ) و لا ود عكر ؟؟؟
عبدالماجد
|
Post: #6
Title: Re: تهانينا لانصـار السـنة بشيخهم الجديد حسن الترابي؟؟
Author: هشام هباني
Date: 05-04-2006, 09:47 AM
Parent: #5
عبد الماجد اخوي
اها علي ضمانتي بعد فتوى شيخ حسن دي....تب ما تخجل امش وكان ما بتشرب امشي اشتري (الجعة) النضيفة علي قول ود الفاروق واضرب سواحل ميامي الجميلة ديك ويمم وجهك شطر منشية الترابي الرسول الجديد واشتري ليك جيتار عشان لزوم السكسكة والهجيج بس لانو دين شيخ حسن داير السكر بس للهجيج والسكسكة من غير زعل ومن غير عنف عشان ما تصل مرحلة ام الكبائروبعد داك الزارعة الله في الحجر بتقوم وان سالوك يوم القيامة قول ليهم الناس علي دين ملوكها وشيوخها وعلق الشغلانية كلها في رقبة شيح حسن.........عشت
هباني ظاااطو
|
|