المفيد والمختصر لسائقي التاكسي حين يداهمهم الخطر!؟

لانها مهنة المخاطر الكبرى..فانت والتاكسي من اسهل الاهداف لمحترفي السطو علي مثل هذه الاهداف السهلة المتحركة... وخاصة هنا في هذه الولايات المتحدة الامريكية حيث تشتهر بهذا النوع من الجرائم والتي يروح ضحاياها سائقو التاكسي لمجرد انهم اناس غير محميين وايضا بحوزتهم الهدف الاكبر من الجريمة وهو( الكااااااش) في جيب صاحبه او في جيب السيارة وبالتالي تضيع حياته لاجل دولارات سعي اليها المجرم ربما لمجرد شراء لفافة مخدرات او قارورة بيرة او شراء شطيرة ماكدونالد!!
ففي بعض الولايات الامريكية هنالك سيارات اجرة مجهزة بزجاج سميك واق من الرصاص حاجز بين السائق والزبون وهنالك فتحة صغيرة بينهما لاستلام النقود.. ومهمة هذا الزجاج هو حماية السائق من رصاص المجرم القابع خلفه...وغيرمسموح بقوانين امريكا ان يحمل سائق التاكسي سلاحا ناريا ولو مرخصا لحمايته او مجرد سلاح ابيض!
ودوما هنالك سائقو تاكسي يؤثرون السلامة ويعملون لاجلها فقط في اماكن امنة مثل المطارات والفنادق والمطاعم والشركات وبعض المعالم السياحية حيث طبيعة رواد هذه الاماكن من الزبائن العاديين والذين لا تحوم حولهم شبهات.... ولذلك يحبذ هؤلاء السائقون
العمل في هذه الاماكن الامنة...وهنالك سائقو تاكسي يعتمدون علي العمل المتجول داخل اروقة المدن والاحياء النائية والاندية الليلية والبارات وهؤلاء اكثر سائقي التاكسي تعرضا للسطو...وبالذات الذين يعملون بنظام(gps) وهو نظام عبر شبكة اتصالات بالقمر الصناعي بين التاكسي والشركة التي تبعث اليه شارات وهي عروض بمشاوير يستقبلها سائق التاكسي عبر كمبيوتر ملحق بسيارته...حيث لا علم لك احيانا بالزبون الذي يطلب المشوار خاصة الذين يطلبون مشاوير من امام محطات بنزين او في شوارع عامة او امام اندية ليلية او في مساكن شعبية.. ومن هؤلاء دوما تاتي المصائب حيث لا عناوين واضحة ولا تلفونات واضحة خاصة اذا استعملوا تلفونات عامة اذ ليس من السهل رصدهم اذا ارتكبوا جريمة السطووليس اولئك الذين يطلبون المشاوير من داخل بيوتهم وبعناوينهم واسمائهم الصحيحة المثبتة علي شاشة الكمبيوتر حيث يسهل رصدهم وملاحقتهم بتلكم العناوين وارقام تلفونات بيوتهم اذا ارتكبوا جريمة السطو ضد سائق التاكسي!
وسيارات التاكسي المزودة ينظام(gps) ايضا محمية بهذا النظام حيث يسهل رصدها ومتابعتها من قبل ادارة الشركة التي تبث اليهم هذه الرسائل اذا تم اختطافها..حيث يعلمون بموقع التاكسي ويعلمون باسم سائقه ورقم التاكسي وايضا باسم الزبون وعنوانه ورقم تليفونه اذا كان زبونا منطلقا من عنوان بيت وايضا هنالك زر اغاثة ملحق بالكمبيوتر يدوسه السائق المسطو عليه في حال وقوع الخطر وبالتالي تسهل متابعته الي حين تامينه اذا لم يقدر الله ان عاجله المجرم برصاصة قبل انقاذه!

ولذلك اقدم هذه النصائح للاخوة التكاسة وبالذات التكاسة الجوالين... والذين ليس لديهم نظام(gps)عليهم ان يكونوا حذرين جدا من زبائن الشارع..من شكل تصرفاتهم اذا كانوا صغار السن و مخمورين او غير ذلك... اي عندمايقتربون من الزبون عليك ان تتاكد ان نوافذك كلها وابوابك مغلقة ومؤمنة وافتح فتحة بسيطة من زجاج بابك فقط تمكنك من التحدث مع الزبون...فاذا شعرت انه شاب صغير السن متلعثم في كلامه او زائغ النظرات..وفي حالة شديدة من السكر..اتركه واسرع وغادر المنطقة....وعندما تدخل منطقة مغلقة مثل مجمع سكني
ومعك زبون تاكد انك مدرك المخرج اي البوابة الرئيسية.. ودوما قبل ان تقف بالزبون تاكد انك استعدلت سيارتك و سيارتك متجهة صوب المخرج فقد يقع السطو في اللحظة التي تود ان تحاسب وتنزل فيها الزبون... ودوما تحاشي ان تنزل الزبون في اماكن مظلمة في مثل هذه المجمعات السكنية.... ودوما مع الزبون كن حذرا في كلامك...فاذا سالك علي سبيل المثال عن( الفكة) لمبلغ مائة دولار....دوما قل انك لا تملك صرفا لهذه الورقة الكبيرة لانها ربما تكون فخا اراد منه المجرم معرفة ما بحوزتك من النقود حتي يضمن نجاح عمليته بصيد وفير! وايضا اذا سالك الزبون عن اوضاع العمل في هذا اليوم كن حذرا
و( اتحتحت) وابلغه انه اسوا الايام في حياتك او انك فقط ابتدات العمل الان وانه هو الزبون الاول...حتى تقطع عشمه في صيدك ايها الطيب!
ولا تسرف في الحديث بالهاتف مع اصدقائك امام الزبون وانت ترغي متحدثا عن ارزاق اليوم
لان المجرم ايضا يسترق السمع وسيفهم من خلال حديثكما اوضاعك المالية وهنا تغريه بالسطو!
ودوما امام محطات الوقود احذر هذا النوع من الزبائن المجهولين جدا ودوما انتظره امام
باب المحطة في منطقة مضاءة....لتعطي فرصة لمن يعمل بالمحطة من مشاهدة هذا الزائر المريب!
واذا سالك الزبون سؤالا عن احوالك الاسرية ( اتحتحت.. واقع في الارض وقول ليهو ماشاء الله مليان جغجغ لليفةعشرة في افريقيا وعشرة..معاك في ارميكا وعايش خالاتك وحبوباتك وكل ناس الحلة في السودان وسب الانقاذ والبشير التافه وكل الحرامية ووريهو انك لاجيء تعبان جااااي من دارفور محل المجاعات امكن اكون سمع بيها الزول المصيبة ده شان تحننو لو بتحنن وكمان وريهو انك كنت مجرم وانسجنت في بلدك...شان سرقت من زول جعزمية دولار..طبعا مكنة بت كلب كان تحلك من الزول المصيبة ده)!
افرح زبونك اذا رايته عبوسا قمطريرا ورايت في عينيه بالمراة الخلفية شررا يتطاير من عينيه..او رايته يهمس الي صاحبه كثيرا....حينهااشعل فيه موسيقي الجاز بصوت عال اذا كان الزبون من اولاد الخالة...وارقص ايضا اثناء قيادتك وقدها بسرعة جنونية سيارتك وافتعل حركات انك ( مقدد الراااب ومعاها حركات بالاصابع ولوليحات راس,,,ده كلو شان احلك الحل بله.. وما بطال لو حافظ مدحة في سيدنا عيسي بالتنقليزي بتكفك من الزول البلوى ده!!
اما اذا وقع المقدر وشعرت بشئ( صاقط) في عنقرتك.. ومتبوعا بشتيمة لام امك بالتنقليزي ومعها ( لبيعات) تشهد في سرك وترحم علي روحك ولا تقاوم وضع يديك علي المقود واحني راسك لان الشيء ( الصاقط ده المصدص ظاااااطو....كاكا)!!
دعه ياخذ كل شيء من السيارة ومن جيوبك او اذا اراد السيارة نفسها اعطها له بكوندوم او من غير كوندوم كما يفعل اهلنا الرساليون.. ولا تترددولا تنظر الي الخلف في عينيه ابدا لانك ستراه وتعرفه وبالتالي ربما يقبضون عليه ومن السهل ان تتعرف عليه... ولذلك سيقضي عليك اذا تاكد انك رايته!
لا تحاوره...و( جعوليتك وفراستك ورجالتك ختها في ميتينك!) فالوضع ليس موضع فروسية ورجالة وشطارة....هنا الموت الرخيص لاجل دولار يقضي به هذا المجرم البارد حاجته وتموت موت الضان اذا تذكرت انك ابن فوارس وابطال وشجعان وقررت ان تقاوم!
وبعد ان يقضي المجرم حاجته...تذكر ان بقي في جيبك سنتا نادي عليه واعطه اياه!
لكن لا تقبل هذا المجرم ان اتاك بالكوندوم والهجين والعجين لانك ستكون احقر من فرعون اخر الزمان فلان الدلقان..فالوضع هاهنا دفاعا عن شرف وليس عن دولار وحكم وسلطان
وحينها قاتل بشرف وتذكر مقولة اهلنا الخالدة : الصقر ان وقع كترت البتابت عيب!!

ارسكككككككككككككككم....سرررررراميت...قالوا نحنا بتاعين ويلفير...شفتو شغل التاكسي ده مو حرابة وشغل رجالة جد بالجد!!

فائق حبي واحتراماتي اليكم يا معشر قبيلة التكاسة في كل العالم والله اديكم الصحة والعافية واكفيكم شر المصايب والله اطلع دين اولاد الحرام الحرامية الختونا في الوعسة الشينة دي!

هباني التكاسي ظاااااااطو

من نكات التاكسي حكي لي صديق عربي يعمل في مدينة نيويورك
انه هنالك حي خطير جدا جدا يهابه ساقو التاكسي ليلا ونهارا
اذا قدر الله ان وجههم في مشاوير لذاك الحي!
قال لي لي ان له قريب عربي كان يعمل موظفا واخيرا بعد ان تم تسريحه من وظيفته اضطر ان يعمل في مهنة التاكسي التي كان رافضا لها ويهابها جدا لمخاطرها... ودوما يمني نفسه ان لا يوقعه حظه في مشوار لذلك الحي الخطر جدا ... وذات يوم حمل مشوارا من المطار الي ذاك الحي الكارثة وكان الزبون بن خالة زول ضخم جدا.. ومعه زوجته وطفله الرضيع...فتكهرب السائق جدا من هذا المشوار رغم ان زبائنه قادمون من مطار اي من سفر ويبدو عليهم انهم اسرة ميسورة الحال و محترمة جدا!
((المهم صاحبنا مكهرب كهربة شديدة واتوكل علي الله واتشهد علي المشوار السمح بقريشاتو الكتيرة والكعب بمخاطرتو الكبيرة واتحرك وايدو في قلبو والدنيا نص الليل
قام الشويفع ود الحنوت الصغير وبلعب في حجر امو وشايل ليهو بزة.. وصاحبنا السواق متنشن...اقوم الشويفع ود الحنوت بلعب بالبزة اقوم بالغلط اقز ليك البزة الصاقطة في عنقرة السواق العربي المتنشن..........صاحبك علي طول اتشهد باعلي صوتو وفرمل العربية ولبد تحت الدركسون..لحدما الاسرة انخلعت وود الخالة افتكر في حادث حصل للسيارة.. وعندما حاول ان يسال السواق عن الحاصل...اخرج الرجل كل نقوده وفي حالة هنضبة من بزة الشويفع المصيبة الخوف العربي الجدو اسد الله حمزة وخالو شنفرة !!

غايتو جنس فضيحــــــــــــــــــــة!

العزيز العمدة ودهباني..

مساك الخير..

دحين يا عمدة كان صالحت قريبك داك و قبضت ليك شلية منو مش كان

أحسن ليك من شغل السجم ده.. لكن راسك العنيد ووطنيتك الزايدة نهايتها

إمكن تبقيك سفيرنا في إسرائيل.. و (سفيرنا) دي تقبل تأويل دولتين أما لأمريكا

أو للسودان و طبعآ ده عشان الإشكنازية..و الجعزية الأم..

يلا لي قدام و حفظكم الله من هذه المخاطر..

قريبي ملامح الجميل بن الرجل العظيم

Quote: أو للسودان و طبعآ ده عشان الإشكنازية..و الجعزية الأم..

ما قلنا ليكم راعوا مشاعرنا ومشاعر اطفالنا ونسائنا....انها اللغة البعيرية!

بالله اي تكاسي فيكم هسع تكاسي ادخل البوست ده واسجل انو تكاسي ولو كان تكاسي زمان
برضو ما بطال واحكي لينا حكاوي التاكسي ومقالبو,,,يلا يا سيف ومعاوية ووسام ودكتور عبد الماجد والبقية تاتي كلمونا عن مقالب ومطبات التاكسي!

العمدة العزيز

البوست ده حيتملى طرائف بس ناس سيف ديل بكونو نابمين هسه..لأنهم بسوقوا

بالليل... أما بخصوص اللغة الأم فلقد وردت هكذا بذات الإسم لأنو منبعها

أهلنا الشفارديزم.. يهود الشرق..و تبقى العبرية بنت عم العربية..

لذلك تبقى الجعزية هي الأصل...ولا تثريب في ذلك ..

و دمت قريبي العمدة ود هباني..

التحيه لك يا هباني
ولكل الصامدين في الخارج على اوجاع الغربه

Quote: ...قالوا نحنا بتاعين ويلفير...شفتو شغل التاكسي ده مو حرابة وشغل رجالة جد بالجد!! فائق حبي واحتراماتي اليكم يا معشر قبيلة التكاسة في كل العالم والله اديكم الصحة والعافية واكفيكم شر المصايب والله اطلع دين اولاد الحرام الحرامية الختونا في الوعسة الشينة دي! هباني التكاسي ظاااااااطو

يا هباني انتو اوجاع التكاسي هينه
هل تعرف اشهر مهن نساءنا هنا ام لا؟؟؟


انها رعاية المسنين و العجزه
وهل تعرف فداحة الاحساس بالهوان احيانا و الظلم وانت تحمل افضل الشهادات
وزملائك من اهل البلد هم الاقل تعليما.
يهني مافي تكاسي ابيض امريكي او كندي بكون متعلم زيك
كمان مافي ممرضه من الذين يرعون هؤلاء متعلمه كثيرا
بينما المهاجرات و المهاجرين باعلى الشهادات مطلوب منهم القائها خلف ظهرهم والعمل بهذه المهن .

اختنا الباسلة ام حازم وسند

لك التحايا

Quote: انها رعاية المسنين و العجزه وهل تعرف فداحة الاحساس بالهوان احيانا و الظلم وانت تحمل افضل الشهادات وزملائك من اهل البلد هم الاقل تعليما. يهني مافي تكاسي ابيض امريكي او كندي بكون متعلم زيك كمان مافي ممرضه من الذين يرعون هؤلاء متعلمه كثيرا بينما المهاجرات و المهاجرين باعلى الشهادات مطلوب منهم القائها خلف ظهرهم والعمل بهذه المهن .

نعم هذه من المهن الشاقة جدانفسيا وعضليا وتحتاج صبرا كبيرا ومثابرة ورعاية في التعامل مع بشر علي حافة القبر...اللهم انصر نساءنا الشريفات وهن بعملن في هذه المهن
الصعبة......... (والله اطلع دين الانقاذ في القبل الاربع الختتنا في الختة المهببة دي))!
مع ودي واحترماتي

العزيز ود هباني ...

دحين ما صارلك موقف في مسيرتك التكاسية دية و هنضبوك انشاء الله بي موزة ساكت .؟؟

احتراماتي ...

الابن سوباجو

Quote: دحين ما صارلك موقف في مسيرتك التكاسية دية و هنضبوك انشاء الله بي موزة ساكت .؟؟

والله العظيم عمك اخد ليهو قبل كده لكيدات ومعاها ماسورة صاقطة انختت لعمك ظاطوفي عنقرتو وهم شفع تلاتة عمر كم وعشرين شالوا ال 77 دولار من جيبي وحاولت من الغبينة من الشفع الدرافين ديل ارفع سكينتي خاتيها في جيب الباب ..اها لمن شعر بيها الشافع الوراي الشايل المصدص كاكا ظاطو...اداني ضربة بقعرو تحت الاضان لمن جابت الدم..بس المهم ما في جرسة... والقريشات راحت في غضب الله.. ولمن حكيت لقريبي بالحادثة قال لي ات يا زول غبيان ديل ما تقاومن.... ات محظوظ مفروض اشوتوووووووووووووك علي طول...لكن الله كاتب لك عمر شان تجهجه بيهو كلاب الانقاذ ديل باقي العمر و عشان نفش فيهم غباينا قبل ما نمشي القبر!

Quote: وسيارات التاكسي المزودة ينظام(gps) ايضا محمية بهذا النظام حيث يسهل رصدها ومتابعتها من قبل ادارة الشركة التي تبث اليهم هذه الرسائل اذا تم اختطافها..حيث يعلمون بموقع التاكسي ويعلمون باسم سائقه ورقم التاكسي وايضا باسم الزبون وعنوانه ورقم تليفونه اذا كان زبونا منطلقا من عنوان بيت وايضا هنالك زر اغاثة ملحق بالكمبيوتر يدوسه السائق المسطو عليه في حال وقوع الخطر وبالتالي تسهل متابعته الي حين تامينه اذا لم يقدر الله ان عاجله المجرم برصاصة قبل انقاذه!

والله ناس الـ(gps) ديل حظهم يا قريبي ودهباني - أخوك في سنة 87 أشتغل تكاسي في الأمسيات لزوم اخشوشنو فإن النعم لا تدوم ودا طبعاً بعد الرجعة الأولى من السعودية. وفي ليلة من الليالي أخوك عمل ليه تلاتة مشاوير حلوين وعاوز يعمل المشوار الختامي (الشهداء - الثورة). وفي أثناء الوقوف جاء واحد زبون ومعاه أم العيال وقالو عاوزين مشوار للقماير. قلت ليهم القماير دي دربها بي وين أنا بالنهار ما شفتها أمشي ليها الساعة تسعة ونص بالليل وقام الراجل ومرته إتعكلتو معاي عكلته بس قلت ليهم يا جماعة الخير أمشو لي بتاع البوليس الواقف داك خليه يمشي معانا (طبعاً في سري قلت كان هو راجل). طبعاً الجماعة صدقو ومشو لي بتاع البوليس بس في اللحظة ديك أخوك جاهو زبون وعشق تاكسيه وكسح.

نسوان الثورة الواحدة لامن تركب معاك تكرهك حياتك ولا من تحس إنك واعي شوية وبتعرف شوية إنقليزي تقول (سجمي) سواقين التاكسي بقو يرطنو إنقليزي الدنيا قربت تخرب. ولا قالت ليك ياأخوي إنت بتاع (أمن) ولا شنوّّّّّ!!! يا أخي المهنة دي أختاها. إن شاء الله تعمل ليك محل مرطبات

Quote: والله العظيم عمك اخد ليهو قبل كده لكيدات ومعاها ماسورة صاقطة انختت لعمك ظاطوفي عنقرتو وهم شفع تلاتة عمر كم وعشرين شالوا ال 77 دولار من جيبي وحاولت من الغبينة من الشفع الدرافين ديل ارفع سكينتي خاتيها في جيب الباب ..اها لمن شعر بيها الشافع الوراي الشايل المصدص كاكا ظاطو...اداني ضربة بقعرو تحت الاضان لمن جابت الدم..بس المهم ما في جرسة... والقريشات راحت في غضب الله.. ولمن حكيت لقريبي بالحادثة قال لي ات يا زول غبيان ديل ما تقاومن.... ات محظوظ مفروض اشوتوووووووووووووك علي طول...لكن الله كاتب لك عمر شان تجهجه بيهو كلاب الانقاذ ديل باقي العمر و عشان نفش فيهم غباينا قبل ما نمشي القبر!

العم دو هباني ...


الحمد لله الكتب سلامتك و نسال الله ان (يغتي عليك) زي ما بقولو حبوباتنا ...!!


وفوق تاني عشان العبرة و الحيطة و الحذر ...


بيلو

ساحكي لك يا هباني عن مهنة ال (Personal support workers )
او تختصر احيانا ب PSW.
او ما يعرف بتمريض العجزه و المسنين هنا
وهي مهنه للجنسين لكن تجد فيه النساء اكثر
وهي تختلف عن التمريض الحقيقي كثير والتي عليك ان تدرس قرابة الاربعه سنوات جامعيات
صعبات جدا في ما يقارن الطب علوما...لذا دخل مهنة التمريض الحقيقيه عالي جدا.
لكن نحن نحكي هنا عن مهنه يمكن ان تقوم بها بعد حوالي ال 3 اشهر تدريب واحيانا 6 اشهر.
وساعتها تبدأ عندنا ب 9 دولار ولو محظوظ كثير تبدأ في مستشفي ب 12 دولار
يقال انه في امريكا عندكم دخلها افضل.
المهم يازول السودانيات كانوا محجمات عنها في البدايه رغم اعتقدي شخصيا
بانها ليس بها ما يعيب..فقط نحن مدلعات زياده عن اللزوم.
والشريحه المهاجره مننا تعتقد انها اولاد عز في السودان ان كان عز عرقي او مالي المهم
هم ما بنظفوا للاخرين ولايمكن يقوموا باعمال زي دي,رغم اني ارى فيها انسانيه كثيره.
ثانيا
ثقتي ان كل الاعمال واحد وكلها احيانا اقصد المتاحه لنا فيها كثير من الاهانه بالمفاهيم
السودانيه ولكنها اعمال عاديه بمفاهيم الموضوعين.

المهم يازول بعد سنين من القعده في الولفير وبعد ما يستنفزوا كل القعاد من اجل اللغه
يبدأ التفكير في العمل..فيفجأوا بانهم لا يوجد شيء سواها..ولانهم لم يتعلموا لغه فعلا
ولانهم لم يهتموا بتطوير قدراتهم في اي مجال..ولانهم افتكروا انهم مغتربين هنا.
ونحن هنا لسنا مغتربين اطلاقا بمعاني الاغتراب..واي بيت مالم تشتغل فيه المرأه و الرجل يظل
بيت فقير ليوم الدين مهما كان دخل الرجل. طبعا فقير دي ذاته فرق من بلد لبلد
وانا اقصد الفقر في الدول الغربيه.

المهم يازول في كندا اقبلوا السودانيات اخيرا على هذه المهنه وبدأنا نسمع قصصها في مجتمعاتنا.
اطرف قصه سمعتها
كانت كالآتي:
واحده سودانيه ماشه للشغل لزبونه مريضه او عاحزه,تفأجأ بها بانها فلانه التي تعرفها وشديده ولضيديده بس نجحت في غش السطات وحصلت على تصنيف بانها مريضه وتستحق دعم يديو للقيام باعمال منزلها؟تخيل يا هباني نفسك في مكانها؟؟؟
الاولى شريفه وعفيفه وقررت تكون مواطنه صالحه وتساهم في ميزانية الدوله بدفع ضرائبها.
والثانيه مستهبلبه ما كفاها كل العون البتأخذ فيه بلا وجه حق وكمان تنجح في ان تصنف
disable ويرسلوا ليها ممرضه عشان تساعدها!! وطبعا الموضوع مش ممرضه بس الموضوع
فيه دعم مالي كثير!!المهم السودانيه رفضت ان تخدم اختها المستهبلبه هذه ورجعت للمكتب
قالت ليهم كان تضبحوني ما بمشي للزبونه دي!! قال عندها غضروف قال!!

المهم يازول كيزانك القلت عليهم ديلاك البجو لكندا بقروش كثيره
باقي الفليم بيكذبوا ويقولوا قروشهم كملت ويدخلوا ال Disability
وتعال شوف الخدمات و خم القروش.
وطبعا ديل ما بيكفيهم النهبوا من البلد جاين ينهبوا البلاد دي ويشتوا المعارضه
او على الاقل يدخلوا الناس في سلوكيات ما فاضين ليها
من استعراض بالاموال
التحدث عن الاجازات
الاستعراض بشراء البيوت
الاستعراض بالدهب
وكل امور الفارغه
جاءت لمجتمعاتنا المهاجره معهم
وآخر اليوم يتلتموا وتلقاهم في صفوف الDisability!!
عندما سنت هذه الدول هذه النظم من مساعدات فهي لمستحقيها ولكن لليس لمستغلين
من همباتة العالم الثالث.
ربك يعين.

Quote: ولا تسرف في الحديث بالهاتف مع اصدقائك امام الزبون وانت ترغي متحدثا عن ارزاق اليوم لان المجرم ايضا يسترق السمع وسيفهم من خلال حديثكما اوضاعك المالية وهنا تغريه بالسطو! ودوما امام محطات الوقود احذر هذا النوع من الزبائن المجهولين جدا ودوما انتظره امام

الاخ الهبانى المثل بقول اسال مجرب ولاتسال طبيب هذه نصايح غاليه
وانا اعلم انت من اصحاب التجارب فى هذه المهنه لكن الحمد لله انا ما كنت طرف يوم وقوع الكارثه

السيد ناظر البطانة في السودان الجديد ود المحرب!

Quote: المثل بقول اسال مجرب ولاتسال طبيب هذه نصايح غاليه وانا اعلم انت من اصحاب التجارب فى هذه المهنه لكن الحمد لله انا ما كنت طرف يوم وقوع الكارثه

يا زول انت بركاتك كبيرة .. وعشان كده دايما لمن تتصل بتجيب لينا المطر والعيش!
والله اديكم العافية وما تشوفوا شر.. وتحياتنا لبنت الاصول اختنا وحرمكم المصون عفاف ابو حريرة وكل الابناء المحاربين الصغار وبالذات السغمبوتية الفصيحة( مروة)!

العزيزة تراجي

سلامات

Quote: واحده سودانيه ماشه للشغل لزبونه مريضه او عاحزه,تفأجأ بها بانها فلانه التي تعرفها وشديده ولضيديده بس نجحت في غش السطات وحصلت على تصنيف بانها مريضه وتستحق دعم يديو للقيام باعمال منزلها؟تخيل يا هباني نفسك في مكانها؟؟؟ الاولى شريفه وعفيفه وقررت تكون مواطنه صالحه وتساهم في ميزانية الدوله بدفع ضرائبها. والثانيه مستهبلبه ما كفاها كل العون البتأخذ فيه بلا وجه حق وكمان تنجح في ان تصنف disable ويرسلوا ليها ممرضه عشان تساعدها!! وطبعا الموضوع مش ممرضه بس الموضوع فيه دعم مالي كثير!!المهم السودانيه رفضت ان تخدم اختها المستهبلبه هذه ورجعت للمكتب قالت ليهم كان تضبحوني ما بمشي للزبونه دي!! قال عندها غضروف قال!! المهم يازول كيزانك القلت عليهم ديلاك البجو لكندا بقروش كثيره باقي الفليم بيكذبوا ويقولوا قروشهم كملت ويدخلوا ال Disability وتعال شوف الخدمات و خم القروش. وطبعا ديل ما بيكفيهم النهبوا من البلد جاين ينهبوا البلاد دي ويشتوا المعارضه او على الاقل يدخلوا الناس في سلوكيات ما فاضين ليها من استعراض بالاموال التحدث عن الاجازات الاستعراض بشراء البيوت الاستعراض بالدهب وكل امور الفارغه جاءت لمجتمعاتنا المهاجره معهم وآخر اليوم يتلتموا وتلقاهم في صفوف الDisability!! عندما سنت هذه الدول هذه النظم من مساعدات فهي لمستحقيها ولكن لليس لمستغلين من همباتة العالم الثالث.

والله عالم ما بتخاف الله وما بتستحي
يعني فضايح حتى في بلاد العجم!
الله يجازي اللي كانوا السبب!

ودهباني

سلام وتحية...

عندي قريبي رطاني.. كان عندو تاكسي في السودان أيام التاكسي (البرلينا- دايهاتسو) تتهادى في شوارع العاصمة المثلثة. المهم..

وقفوه مرتين من جنب صينية الملتقى وقالوا ماشات الدروشاب. وأختلفوا على السعر .. وفي الأخير واحدة وافقت وركبت والثانية ركبت

مذهولة من موافقة رفيقتها... قالت ليها بس أنت أركبي.. والثانية ممغوسة وصارة قدومها وقريبي وهو وسيم وحنكوش يعاين ليها في

المراية.. وأول ما دخلت الثانية التاكسي سألت أختها عن سر قبول الأجر العالي للمشوار وكان السؤال بالرطانة التي يجيدها قريبي.

رديت عليها أختها برضو بالرطانة وقالت ليها أنت بصحك أنا دايرة أديهو القروش القالها.. وحلفت يمين أول ما تصل تنادي ليهو

أخوها يرمي ليهو الفيها النصيب ويدقوا لو قال بغم.. وأخواتنا ما ناقشات أنو قريبي فهم الحديث كلو.. وأسره في نفسه. وبعد ما

خلص الطريق المأهول وقف التاكسي في الخلاء وقال ليهم أنزلوا .. وصويحباتك دقوا الجرسة .. وبقوا في ليه وما ليه.. أها قريبي

قام فتاه ليهم.. وخجلهم من كلامهم.. وبعد ما كانت مؤامرة.. بقت أنت ما ولدنا وود حلتنا... المهم قريبي اشترط دفع المعلوم

مقدما وإلا يخليهم في الحتة المقطوعية.. المهم.. بعد داك أصرن إلا يضيفوه ولو بكوز موية


تراجي سلام...

سمعنا برضو بعض الجاهلات من السودانيات يستلمن دعم تعلم اللغة الإنجليزية ويقيموا يضربوا القريشات ويظلن كما خلقتني.. والكثير

تم ضبطهن .. بالله أحكي لينا من حكاويهن..

التحية لاشقائي في شركة يونايتد السودانية بدالاس..تكساس... والله اديهم الصحة والعافية!

هؤلاء هم سائقو شركة يونايتد السودانية وهم الجنود المقاتلون في هذه المهنة الخطرة وهم يعرضون انفسهم يوميا للخطر في سبيل اسرهم في المنفي وفي داخل الوطن المنفي... والله اجازي اولاد الحرام الكانوا السبب!
وهؤلاء بينهم نسبة 70 من حملة الشهادات الجامعية من البكالريوس وحتي الدكتوراه حيث بينهم المهندسون والاطباء والمحامون والدبلوماسيون والمحاسبون والبياطرة وضباط الشرطة والسياسيون!

حبيبنا كمال كرار

سلامات وشكرا علي مرورك الباهي

Quote: عندي قريبي رطاني.. كان عندو تاكسي في السودان أيام التاكسي (البرلينا- دايهاتسو) تتهادى في شوارع العاصمة المثلثة. المهم.. وقفوه مرتين من جنب صينية الملتقى وقالوا ماشات الدروشاب. وأختلفوا على السعر .. وفي الأخير واحدة وافقت وركبت والثانية ركبت مذهولة من موافقة رفيقتها... قالت ليها بس أنت أركبي.. والثانية ممغوسة وصارة قدومها وقريبي وهو وسيم وحنكوش يعاين ليها في المراية.. وأول ما دخلت الثانية التاكسي سألت أختها عن سر قبول الأجر العالي للمشوار وكان السؤال بالرطانة التي يجيدها قريبي. رديت عليها أختها برضو بالرطانة وقالت ليها أنت بصحك أنا دايرة أديهو القروش القالها.. وحلفت يمين أول ما تصل تنادي ليهو أخوها يرمي ليهو الفيها النصيب ويدقوا لو قال بغم.. وأخواتنا ما ناقشات أنو قريبي فهم الحديث كلو.. وأسره في نفسه. وبعد ما خلص الطريق المأهول وقف التاكسي في الخلاء وقال ليهم أنزلوا .. وصويحباتك دقوا الجرسة .. وبقوا في ليه وما ليه.. أها قريبي قام فتاه ليهم.. وخجلهم من كلامهم.. وبعد ما كانت مؤامرة.. بقت أنت ما ولدنا وود حلتنا... المهم قريبي اشترط دفع المعلوم مقدما وإلا يخليهم في الحتة المقطوعية.. المهم.. بعد داك أصرن إلا يضيفوه ولو بكوز موية

قريبك المفتح ده ما تكلموا خليهو اجينا لوتري...عشان اعرف مطبات التاكسي في امريكا
والله يا كمال ما اظنو اقر اقعد يوم...حيلقي عجايب من البشر اشكال والوان وانت كل يوم خاتي ايدك في قلبك!

ود هباني تحياتي اليك وربنا يكفيك شر المخاطر في هذه المهنة.

اخي خلي العناد وارجع السودان سوف يتعمل معك مفاوضات ومنها سوف تقاسم في الثروة وتاخذ حقك في السلطة وربما تكون كبير كبيري مستشاري الجمهورية... واذا مشيت هناك ما تنسانا عليك الله...


تحياتي

الامين

حبيبنا الامين

سلامات

Quote: اخي خلي العناد وارجع السودان سوف يتعمل معك مفاوضات ومنها سوف تقاسم في الثروة وتاخذ حقك في السلطة وربما تكون كبير كبيري مستشاري الجمهورية... واذا مشيت هناك ما تنسانا عليك الله...

مالك اااازول عاوز تفتح للتكاسة ريسينن وكمان هم ظااااطن افكروا في حكم البلد الهاملة
دي كمان بقت ناقصة تكاسة....انتو عاوزننا نطرح بيكم.... ولا نقوم بيكم سداري..اوعي ااازول...شيل الفكرة دي من راسك....غايتو مرات بفكر اخش القصر الجمهوري بالتاكسي زي ما العرة البشير دخل بالدبابة...لكن واطاتكم اصبحت كان خليتو التكاسة احكموكم!

اخي كمال كرار تحياتي

Quote: تراجي سلام... سمعنا برضو بعض الجاهلات من السودانيات يستلمن دعم تعلم اللغة الإنجليزية ويقيموا يضربوا القريشات ويظلن كما خلقتني.. والكثير تم ضبطهن .. بالله أحكي لينا من حكاويهن..

خي ليست فلوس محدده لتعليم اللغه
هي عموما ما يعرف بالولفير في امريكا وكندا و اسمه في بريطانيا البينفت
وفي كهظم بلاد الغرب,المقصود بيه الماساعده الي ان تلقى عمل.
يقوموا اول ما يجوا الناس اغلبهم لغتهم ضعيفه,وحتى لو ما ضعيفه عايزه تقويه
المهم انت ماكل شارب وبيت مدعوم ومفروض تكون بتطور في قدراتك لاجل ان تحصل على عمل.
نحن بقى بنجي هنا وبنقرض على ماكل شارب دي وبننسى انها مفروض حاجه مؤقته.
الفيلم وين انه مافي زول بيسكت لك..بعد شويه يرسلوا لك..انت ما لقيت عمل لسه
تقول ما لقيت يقولا لك بتعمل في شنو اذن؟؟؟تقوم تدحل تقول بحسن في لغتي؟؟
يقوموا يصدقوك...ثاني بعد سنين ينادوك اها لغتك كيف؟؟؟صاحبك او صاحبتك يكونوا بقوا لبلب
لكن بروضا يسوقوا معاهم مترجم ويعمل فيها ما قادر يقول بغم..ويقول عايز سنتين كمان
وهو تلقاهو شغال تاكسي زي هباني ده لكنه لابد واسمه من تحت الطاوله.

ناس هباني في امريكا ماعندهم ولفير زينا قد يكون مؤقت شهر شهرين ويكشحوك يقول لك
قوم فتش شغل. ثانيا في امريكا ما بفتح بيت.بينما في كندا بيفتح بيت بالتلتله.
لذا نضحك على اختنا بينا لما تنبز زول من امريكا وتقول ليه يا بتاع الولفير
ناس امريكا ديل مدعوكين جد ربنا يعينهم.
بعدين كمان التاكسي في كندا بائس ليس مثل التاكسي في امريكا
ما بيفتح بيت وترسل لاهلك عشان كده لازم تتموا ولفير وحاجات زي كده.

الخلاصه انه للاسف بعضنا وليس كلنا لا نستفيد من تدريس اللغه المجانا
على فكره اللغه في امريكا ليست مجانا مثل كندا وبريطانيا كما اسمع.
بعدين الظريف شنو؟؟امريكا دي كل ولايه ممكن تلقى فيها حاجات مختلفه جدا.
عشان كده الملعومه لازم تتاكد منها جيدا.
لك الود واخواتنا واخونا الله يعينهم,لكن فيهم مستنكحين يفقوا القلب.

ان شاء الله ياهشام يصادفك زبون كوز مليان قروش

يقوم ينسى الشنطة في التاكسي وما تلم فيهو سماء وواطة

بس اوعى تعمل فيها شريف وتسلَم الشنطة لسيد الحوش

حيدوري

Quote: ان شاء الله ياهشام يصادفك زبون كوز مليان قروش يقوم ينسى الشنطة في التاكسي وما تلم فيهو سماء وواطة بس اوعى تعمل فيها شريف وتسلَم الشنطة لسيد الحوش

انت يا حيدر زول طيبان ساكت ديل قايلن بشيلوا القروش في شنط
ولا بركبوا كمان تكاسي....ديل اولاد هرمة ومفتحين ولو ما مفتحين
ما كانوا قعدوا في ريسينا تمنتاشر سنة!!

شكرا أختي تراجي على المعلومات القيّمة..

وأكيد كلامك صاح.. لكن سمعت من جماعة معاناهنا عندهم الجواز الكندي..ربما لم أتبين التفاصيل

عموما المثل بيقولO in Rome as the Romans Do وجماعتنا يمشوا كندا ولا ايسلندا ويتصرفوا

كأنهم في أحدى الكلاكلتين (صنقعت أو القبة)..

تحياتي ليكم في الغربة وأنتم تجاهدون شيء تكاسة وشيء سوشيال هيلبرز .. وياهو الواحد بيعيش

بكرامته..

مرة أخرى شكرا للمعلومات الثرة ودمتم في حفظ الله

كمال كرار كيفيك؟؟
يا اخوي العجب لو اشتغلته اسنو رموفيرس Snow removers
ديل البنضفوا الثلج بعد العواصف,اها ناس هباني دي ما عندهم لانه
على فكره امريكا معظمها دافئه لكن تعال شوف الردم في كندا.

اها دي بيقول فيها قروش كثيره لكن سودانين شنو البيشتغلوها
وحياتك الوكت داك بيكونوا لابدين في اثقل بطانيه ويا السرير جاك زول.
بيشتغلوها الروس وناس شرق اروبا لانهم شويه متعودين على الثلج والغالب بعض الكندين الجدجد
مش كندين نص كم زينا..نقعد مليون سنه ولسه عاملين ضيوف.
يازول دي بيكون عندك كوريك عملاق مربوط في عربيه بعضها ضخمه
قلبات كبيره وبعضها عاديه زي بوكس كبير وبعضها صغيرونه تشوفها زي الركشه للممرات
بتاعة المشاة..وبعتقد انها شغلانه لذيذه بس بتمشي ورا وقدام وانت في عربيتك دفيان
لكن المشكله الوحل مرات بيوحلوا هم نفسهم في الثلج.


ثاني في شغلانه برضها فظيعه..وهي شفت الكراكات الدرداق ديك بتاعت سفلتت الشوارع
البتجي تضغط الارض بعد الخرسانه والزفت دي زيها قالوا في وحدات عملاقه
لضغط الثلج قبل وضع حفارات البترول العملاقه في ولاية البرلتا البتروليه.
اها ده بتطلع للشغل في درجة حراره -55 تحت الصفر تخيل!!
اها لو انت هناك مش بتدعي على البشير مليون مره؟؟
يازول ديل وحياتك السوها فينا بس خليها على الله.

واحد سوداني كان طبيب في منطقه اسمها يلو نايف بتاعت ما نسميهم الهنود الحمر قديما والآن
قانونيا اسمهم السكان الاصلين دي مدينه مواجه المحيط المتجمد الشمالي...
قال لك المشي فيها الا بالطائرات في موسم الثلج!! لو مريض عيان بيرسلوا ليه طائره
لتنقلوا للمستشفى بس الكويس طبعا انه تلفوناتهم شغاله ودولتهم عندها امكانيات تنقلهم بالطائرات!!

وكمان في سوداني لاقيته مره في مؤتمر قال بيدرس في ابناء الهنود الحمر في منطقه برضها
قريبه ليو نايف دي تخيل؟؟؟

تقوم تتخيل البرده كله يتنفض منه واحد شغال في المحيك المتجمد الشمالي وعشان يرسل لاهل في السودان ومتحمل المحن دي كلها..يقموا يشتموه لك ناس بيان بيا آكلي الولفير!!
والادهى لو بي اصابعه المكننشه دي قرر يجي يشارك هنا ويكتب كلمتين تعاطف مع اهله او تضامن
معهم يقوم يتشتم بيا مناضلي الكي بورد!!
يازول الحياه هنا كلها نضال وحياتك بس ربنا يعين.
تحياتي وتصبح على خير.

....

Quote: ....البوست ده حيتملى طرائف بس ناس سيف ديل بكونو نابمين هسه..لأنهم بسوقوا

كلامك صاح يا ملامح نحنا بنوم بدرى و نحنا كمان حناكيش التكاسة فى امريكا وبعدين يا ودهبانى نحن زبائنا الغالبية منهم كلجات يعنى ما منهم خوف.... من المواقف الطريفة.... كنت سايق لى اتنين من الجماعة اياهم من نادى ليلى وجماعتك اظن مالينها تمام .... المشوار بتاع 7 دولار... الجماعة بمجرد ما ركبو اشتقلوا ليك ظراط طيط طيط طيططططططط روائح عجيبة... وقفت ليك التكسى وقلت ليهم انزلو وبى هرشة جماعتك جرو .. واطى وقالوا لى معليش قلت ليهم لازم تنزلو وبعداك قالوا لي بنديك 100 دولار اخوك جرى واطى وقلت ليهم كان كدة ممكن تهرو كمان...

ود جبريل

سلامات

Quote: خوف.... من المواقف الطريفة.... كنت سايق لى اتنين من الجماعة اياهم من نادى ليلى وجماعتك اظن مالينها تمام .... المشوار بتاع 7 دولار... الجماعة بمجرد ما ركبو اشتقلوا ليك ظراط طيط طيط طيططططططط روائح عجيبة... وقفت ليك التكسى وقلت ليهم انزلو وبى هرشة جماعتك جرو .. واطى وقالوا لى معليش قلت ليهم لازم تنزلو وبعداك قالوا لي بنديك 100 دولار اخوك جرى واطى وقلت ليهم كان كدة ممكن تهرو كمان...

ياخي انت تكاسي خيخة معقولة تشتغل عيفونة في امريكا بي فد 100 دولار!؟

العم الاخو ود هباني...
سلام...
تتذكر انا كان قسمت انو ابقي تكاسي بعد فتوة الرضاعة ديك ويا زول من ديك وهاك يا امتحانات بوليس و كشف طبي و نفسي وكدة!
اسع انا لي شهرين تكاسي لكن عليك امان الله لا هسع اعاين يمين و شمال لي رضعة بلا فايدة
اها بعد ما اتبلينا جيت تخوفنا من الشغلة...
يا زول استهدي بي الله وخلنا اول شئ نحلل لمهنة!!


ودي
محمدخير

محمد خير

سلامات

Quote: تتذكر انا كان قسمت انو ابقي تكاسي بعد فتوة الرضاعة ديك ويا زول من ديك وهاك يا امتحانات بوليس و كشف طبي و نفسي وكدة! اسع انا لي شهرين تكاسي لكن عليك امان الله لا هسع اعاين يمين و شمال لي رضعة بلا فايدة اها بعد ما اتبلينا جيت تخوفنا من الشغلة... يا زول استهدي بي الله وخلنا اول شئ نحلل لمهنة!!

انت يا زول الطيرت علينا حكاية الرضاعة دي..الموضوع كان ماشي كويس
واخوانا اشتروا السيارات ذات المواصفات المطلوبة...لكن علماء الضلال
عملوها ووقفوا ليهم حديث صحيح عديل!!

الاخ هاشم هباتي تصائح قيمة اضيف اليها ( اذا نزل الزبون واتخارج بدون دفع الفاتورة وترك الباب
الخلفي فاتح اياك والنزول لقفل الباب تحرك واعمل لفة سريعة لقفل الباب

: السيرة الهبانية....... لعضو اللجان الثورية ............... أبو جنسية نيجيرية!!!! (Re: Mohamed Abdelmotalib Hassan)

أها يا المناضل الجسور الهارب:

مازال السؤال قائما...
أنا هنا قاعد ليك لحدي ما توري الناس هنا
وتجاوب علي الاسئلة التالية:

بصفتك عضو في اللجان الثورية للجماهيريه العربية
الليبية الاشتراكية العظمي جدا:

هل ساهمت في نقل تجربة اللجان الشعبية للسودان؟
هل نلت أي دورات تدريبية في ذلك؟
أين كانت تلك الدورات وفي أي دولة؟
هل تلقيت أي تدريبات عسكرية في هذا الشان؟
هل كان لك أي دور في ما أطلق عليها حركة المرتزقة؟
هل ساهمت بأي دور في الهجوم الذي قامت به أحدي الطائرات الليبية
لمبني الاذاعة السودانية؟
هل كنت تتلقي أي مبالغ مالية نظير ذلك؟
هل ساهمت في تقديم أي معلومات عن السودان وأنت عضو فعال في تلك اللجان؟
هل ساهمت في تجنيد وضم أعضاء جدد لللجان الثورية؟
ماهي ملابسات انضمامك لللجان الثورية؟
هل هي الصدفة أم توصية ام قناعة بالفكرة ام مصلحة شخصية؟
هل كان لك اتصال مباشر بالقيادة اللليبية؟
هل التقيت العقيد الأممي؟
كم عضوية السودانيين في التنظيم؟
لماذا دعمت الحكومة الحالية ولماذا تهاجمها الآن؟
هل لديك مصلحة شخصية انتفت جعلت من صديق الأمس عدو اليوم؟
ما الفرق بينك وبين الكيزان وقد كنت الناصح الأمين لهم؟
هل هو تأنيب الضمير وعقدة الذنب أم محاولة التمويه؟
هل تشعر بالخزي لذلك السبب؟


والله فترت خلاص.
لو ما جاوبت : هناك قائمة من الاسئلة أكبر من دي في انتطارك.
غرزة وطبزة : من الليلة ولي قدام حأضيف ليك لقب المناضل الجسور الهارب
ولو ما جاوبت هناك القاب أخري في انتظارك.

غرزة وطبزة تانية : دايما استعين بي مدقق قانوني قبل ما تعمل اضف رد, فاهم يا شاطر؟؟
غرزة أخيرة وطبزة : عملت ليك الخط بي لون أخضر عشان يعمل ماتش للكتاب بتاعكم البمبي.

ود هبانى ظاااطو

والله بوستك لزيز وممتع
وخاصه صاحبنا الهبشوه بالبزه وقام جر واطى .. الله يفضحه
بس والله ليهو حق .. وشغلتكم دى الله وحده يسلمكم من اخطارها خاصه تكاسة نيويورك
ديل يامان دايما فى الافلام الامريكيه قاعد تحصل معاهم حاجات كدا عجيبه

بس يامان
انا لمن قريت عنوان البوست جيت جارى جرى قلت ود هبانى بقى سلفى والا شنو

يلا واصل وانحنا مستمتعين
مع دعواتى لكم كلكم بالسلامه

حبيبنا الوليد

Quote: اضيف اليها ( اذا نزل الزبون واتخارج بدون دفع الفاتورة وترك الباب الخلفي فاتح اياك والنزول لقفل الباب تحرك واعمل لفة سريعة لقفل الباب

يبدو انك تكاسي (مقددة) من زمان وشكرا علي النصيحة الفنية الغالية!

السيرة الهبانية....... لعضو اللجان الثورية ............... أبو جنسية نيجيرية!!!! (Re: Mohamed Abdelmotalib Hassan)

أها يا المناضل الجسور الهارب:

مازال السؤال قائما...
أنا هنا قاعد ليك لحدي ما توري الناس هنا
وتجاوب علي الاسئلة التالية:

بصفتك عضو في اللجان الثورية للجماهيريه العربية
الليبية الاشتراكية العظمي جدا:

هل ساهمت في نقل تجربة اللجان الشعبية للسودان؟
هل نلت أي دورات تدريبية في ذلك؟
أين كانت تلك الدورات وفي أي دولة؟
هل تلقيت أي تدريبات عسكرية في هذا الشان؟
هل كان لك أي دور في ما أطلق عليها حركة المرتزقة؟
هل ساهمت بأي دور في الهجوم الذي قامت به أحدي الطائرات الليبية
لمبني الاذاعة السودانية؟
هل كنت تتلقي أي مبالغ مالية نظير ذلك؟
هل ساهمت في تقديم أي معلومات عن السودان وأنت عضو فعال في تلك اللجان؟
هل ساهمت في تجنيد وضم أعضاء جدد لللجان الثورية؟
ماهي ملابسات انضمامك لللجان الثورية؟
هل هي الصدفة أم توصية ام قناعة بالفكرة ام مصلحة شخصية؟
هل كان لك اتصال مباشر بالقيادة اللليبية؟
هل التقيت العقيد الأممي؟
كم عضوية السودانيين في التنظيم؟
لماذا دعمت الحكومة الحالية ولماذا تهاجمها الآن؟
هل لديك مصلحة شخصية انتفت جعلت من صديق الأمس عدو اليوم؟
ما الفرق بينك وبين الكيزان وقد كنت الناصح الأمين لهم؟
هل هو تأنيب الضمير وعقدة الذنب أم محاولة التمويه؟
هل تشعر بالخزي لذلك السبب؟


والله فترت خلاص.
لو ما جاوبت : هناك قائمة من الاسئلة أكبر من دي في انتطارك.
غرزة وطبزة : من الليلة ولي قدام حأضيف ليك لقب المناضل الجسور الهارب
ولو ما جاوبت هناك القاب أخري في انتظارك.

غرزة وطبزة تانية : دايما استعين بي مدقق قانوني قبل ما تعمل اضف رد, فاهم يا شاطر؟؟
غرزة أخيرة وطبزة : عملت ليك الخط بي لون أخضر عشان يعمل ماتش للكتاب بتاعكم البمبي.

...

السيرة الهبانية....... لعضو اللجان الثورية ............... أبو جنسية نيجيرية!!!!

اسمع:

كدي قول لي انت متنكر لي تاريخك ليه؟؟ قول للناس هنا علاقتك شنو باللجان الثورية بالجماهيرية العربية الليبية
الاشتراكية العظمي جدا ( الاسم عندكم لكن) ... كدي قول لي انت فرقك شنو من الكيزان؟؟ مش سيادتك كعضو في اللجان الثورية
صاحب الفكرة الجهنمية بتاعة اللجان الشعبية في السودان؟؟ ولا عامل فيها رايح وما عارف؟؟ مش دي الفكرة اللي كرست للقبلية
والجهوية في السودان؟؟ وقسمت المواطن الي درجة رابعة حسب القبيلة والجهة وحسب الحزب والانتماء؟؟ مش و قية السكر والرغيفة
كانت بتتوزع للمواطن المسكين بي بطاقة وأصحاب الحظوة والقربي باخدو بلا حساب؟؟ ولا نسيت ولا عامل ناسي؟؟


مش دي اللحان الشعبية اللي أهانت الانسان السوداني في كل شبر من أصقاعه؟؟؟

شوف:

الليلة جاي تعمل فيها مناضل وتوزع في الألقاب والشرايط ؟؟ ده كوز؟؟ وده لوز؟؟ انت فرقك شنو من الكيزان؟؟ انت والكيزان
في سرج واحد؟؟ فهمت ولا لسه؟؟ متخيل انك جيت أمريكا خلاص حتتقمص شخصية جديدة بي لسان جديد وبي فكرة جديدة والموضوع يمشي
علي كده؟؟واهم والله...!!

انت ما عارف انو التاريخ لا يرحم ذو الوجوه المتعدده وأصحاب مقولة لكل حالة لبوس؟؟ .. لا والله ما علينا..... الوهمة دي مشيها علي
زول لابس قنبور؟؟

خلي عندك الشجاعة وقول للناس علاقتك مع اللجان الثورية ؟؟ بدت كيف؟؟ وانتهت كيف؟؟ وليه؟؟ ولا لسه مستمرة؟؟

عليك الله انت في الدنيا دي لما انتميت ما لقيت غير اللجان الثورية؟؟ ووقت طلعت من السودان ما لقيت غير ليبيا؟؟ يعني بقن عليك
الاتنين: ليبيا وأمريكا واليمن ضياع زمن!!! وكمان جات عليها سودانييز اون لاين يعني ضياع زمن من كل الاتجاهات!!!

شوف يا وحيد زمانك:

انت مش قلت جنسيتك وجوازك سحبوهم؟؟ وبتصرخ ليل ونهار جنسيتي جنسيتي؟؟ طيب كدي واحده واحده: انت ما عندك لا جنسية سودانية
ولا جواز ( حسب كلامك بي عضمة لسانك) طيب طلعت من ليبيا وجيت أمريكا بي شنو وكيف؟؟ حاااااوي انت؟؟

أكيد طلعت بي جواز سفر..... ورينا طلعت جواز سفر كيف؟؟ ومن ياتو دولة؟؟ قبل كده في زول قاليك ليك انك طلعت جنسية نيجيرية
وفشلت في الرد عليهو!!! يعني الكلام ده صح؟؟ جاوب بي شجاعة!!!! يبقي حقو تلم خشمك عليك وتسكت لأنو الموضوع ده كده ما كويس
في حقك , بعدين الكلام ده فيهو مسئولية قانونية وانت سيد العارفين الكلام ده يعني شنو!!!

كدي أقنع الناس الهنا دي كيف جنسيتك مسحوبة وجوازك مسحوب وسافرت من ليبيا وجيت أمريكا؟؟؟ وما تعمل فيها ما شايف ولا مطنش
السؤال ده!!! السؤال ده حيظل يطاردك ويلاحقك لحدي ما توري الناس الحقيقة...... انت شكلك ما عارف اني عضمة ناشفة وشوكة حوت!!
يعني الشفتنة ما اتعلمتها علي كبر.... فاهم يا شاطر؟؟؟؟

غرزة وطبزة أولي : الفين سلام وتحية لللجان الثورية ... في كل أركان الجماهيرية...... السموها العربية ... ذات العماد الليبية
أم الصبغة الاشتراكية العطمي جدا جدا أوي.

غرزة وطبزة ما قبل الأخيرة كلاكيت تاني مره: اذا لم تستحي فأصنع ما شئت... صحيح الاختشو ماتو.

غرزة وطبزة قبل أخيرة .. كلاكيت تالت مره: التاريخ لا يعيد نفسه مرتين بنفس الطريقة... فهمت يا مناضل يا جسور؟؟؟

غرزة وطبزة أخيرة... كلاكيت رابع مره: سبق وقلت ليك لما تنشر موضوع هنا أعرضه علي مدقق قانوني عشان انت عارف القانون
الجنائي الأمريكي والكريمينال ديفاميشان وأبعاده. ( أنا شفت وممسح زفت.... لو ما عارف؟ أعرف).

....