Post: #2 Title: Re: يا جماعة هل فعلا عبد الله الجزار ده مصارع سوداني!!؟ Author: هشام هباني Date: 07-29-2007, 07:58 PM Parent: #1
علي حسب قول صديق بقول انو منو السودان دحين الزول ده من وين في السودان وهسع عايش وين اوعي اكون بقي جبهجي وكمان اكون شغال في بيوت اشباح جديدة!!؟ غايتو لو سوداني وما كوز انا من هسع حاجزو و بقترح ليهو عضوية من اخونا بكري شان افطس لينا الجماعة الطيبين ديل!!
Post: #5 Title: Re: يا جماعة هل فعلا عبد الله الجزار ده مصارع سوداني!!؟ Author: Gaafar Ismail Date: 07-30-2007, 10:19 AM Parent: #2
الأخ هباني
سـلام
قابلت عبدالله الجزار عدة مرات عندما كان يقيم في اليابان ، ووجدته لا يتكلم عربي ولا يعرف كلمة واحدة عربية ، وسألته عن بلدته في السودان فوجدته لا يعرف أي شيئ عن السودان وقال أنه ترك السودان وهو صغير.
Post: #6 Title: Re: يا جماعة هل فعلا عبد الله الجزار ده مصارع سوداني!!؟ Author: هشام هباني Date: 07-30-2007, 12:50 PM Parent: #5
استاذنا جعفر سماعين
سلامات
Quote: قابلت عبدالله الجزار عدة مرات عندما كان يقيم في اليابان ، ووجدته لا يتكلم عربي ولا يعرف كلمة واحدة عربية ، وسألته عن بلدته في السودان فوجدته لا يعرف أي شيئ عن السودان وقال أنه ترك السودان وهو صغير
امكن الزول ده اكون من احفاد جدنا المك نمر المرق من ومان ما جاء....كان كدي نقوم ناترو والله الكلام ده عيب تب..لا بد من حملة (لتاتير) اخونا الهامل الرايح عبد الله الجزار!
مودتي
Post: #3 Title: Re: يا جماعة هل فعلا عبد الله الجزار ده مصارع سوداني!!؟ Author: MOHAMED EL-BEELI Date: 07-29-2007, 08:28 PM Parent: #1
يا ود هبانى الزول الشافتو عينى ده لو طلع صحى سودانى وكمان كوز ؟! تانى الا تشوفليك بلد تتضاير فيهو !! لانو شكلو كدة عايش فى امريكا .!! يعنى ممكن يلبدليك فى شارع ويتناولك انت وعربيتك يفرتكم ويبيعكم اسبيرات .. ما الكوز جنو بيع
Post: #4 Title: Re: يا جماعة هل فعلا عبد الله الجزار ده مصارع سوداني!!؟ Author: هشام هباني Date: 07-29-2007, 08:47 PM Parent: #3
غايتو يا ود البيلي لو طلع سوداني وكوز دي حيكون طشت عديل كوز بتاع ميتينك!
Post: #7 Title: Re: يا جماعة هل فعلا عبد الله الجزار ده مصارع سوداني!!؟ Author: إسماعيل وراق Date: 07-30-2007, 01:01 PM Parent: #4
ود هباني كيف حالك وما تنسى أحمد جونسون.. برضو سوداني
Post: #8 Title: Re: يا جماعة هل فعلا عبد الله الجزار ده مصارع سوداني!!؟ Author: هشام هباني Date: 07-31-2007, 01:06 PM Parent: #7
ود وراق اخوي سلامات
كان كدي نعمل حملة قومية لاعادة لم الشمل للجزار وجونسون اكونوا اولاد عمنا لاجئين من زمن عبود ونحن ما عارفين!
Post: #9 Title: Re: يا جماعة هل فعلا عبد الله الجزار ده مصارع سوداني!!؟ Author: على محمد على بشير Date: 07-31-2007, 03:29 PM Parent: #8
ود هبانى
زمان لمن كنا مرضانيين بالمصارعه زكر لى احد الاخوان انو عبد الله الجزار دا سودانى واهله تحديدا من ابو سعد وانا ما كنت مصدق الكلام دا علا الليليه صدقته
