Post: #5 Title: Re: اغنية اهديهاالي العريس بقال يؤديها بقال شخصيا!! Author: ابوعسل السيد احمد Date: 02-09-2007, 01:37 AM
أخي هباني سلامات يا زول يا أغبش يا تكاسيا في بلاد العم سام الحقيقة ملاحظتك مدهشة أن المغني به كثير من الشبه بأخينا ابراهيم بقال هذا الشبه يؤكد أننا معشر الشعوب السودانية جميعنا أبناء أمنا الجميلة الدافئة افريقيا، و قد قال عنها الراحل صلاح أحمد إبراهيم في "مرية": أنا من افريقيا صحرائها الكبرى و خط الاستواء شحنتني بالحرارات الشموس و شوتني كالقرابين على نار المجوس
و إني والله لأعجب لكثير من إخوتنا في السودان، و بالخصوص سودان المركز، أنهم يأنفون أن يكون الأحباش و الارتريين إخوانا لنا، و هم أكثر شعوب الأرض احتراما للسودانيين أينما يكونون! بل و يسخر هؤلاء من هذه الشعوب ناسين أنها،على الأقل، اليوم تفضُلنا بأنها ثارت على الدكتاتوريات في بلادها حتى النصر. و بعد دا كله كلكم لآدم و آدم خلق من تراب.
نحن ديل ذاتنا من عزاب المنبر إلا ما حاسدين بقال. بل فرحانين ليه، و نسال الله أن يرزقنا ببنات الحلال و يلدن لينا ابناء و بنات يكونوا ذخرا للوطن. تعيش أيها الوطني الصادق
Quote: إني والله لأعجب لكثير من إخوتنا في السودان، و بالخصوص سودان المركز، أنهم يأنفون أن يكون الأحباش و الارتريين إخوانا لنا، و هم أكثر شعوب الأرض احتراما للسودانيين أينما يكونون! بل و يسخر هؤلاء من هذه الشعوب ناسين أنها،على الأقل، اليوم تفضُلنا بأنها ثارت على الدكتاتوريات في بلادها حتى النصر. و بعد دا كله كلكم لآدم و آدم خلق من تراب.
عشان كده انا من اشد مؤيدي فكرة الوحدة مع اهلنا الاحباش والارتريين والصوماليين والجيبوتيين يعني باللحمة وبالثقافة المشتركة وبالجوار وبالمزاج الواحد وبالانسانية وبابونا ادم الاصلو من بلدانا دي! ودي واحترامي
Post: #6 Title: Re: اغنية اهديهاالي العريس بقال يؤديها بقال شخصيا!! Author: Salah Waspa Date: 02-09-2007, 01:38 AM
فرجينيا بالزلط
هشام كيفك والله المحيرني ياهشام الحاجات المنقة بتجيبها من وين?
وبعدين تعااال هنا إنت كل مرة بتقول لينا عندي مشوار كده
وبجيكم راجع يعني معناتا إلا تكون بالتكنلوجيا بتاعت أمريكا
ركبت ليك هناي ده بسمو شنو ? قول معاي ياخ إنترنت في العربة
خاصتكم وكان كدي وبعد كدي اللعبة يادوب حتسخن وكده يعني .
شنكل عدييل :
منتظرين رأي بقال في الكليب العسل بتاع شهر الأسل ده
ات عارف ياواسبه انا قبل كده سالتو نفس السوال ده الظاهر انو هذا الهبانى عندو تكلنوجيا in side the taxi قالى هرشك داير تسحرنى 0 بلاهى يالهبانى عندكم مجنمع تكاسازى فى السودان يعنى ونسه فى الموقف وفطور جماعى طبعا التكاسه اكتر ناس بعرفو محل الاكل السمح0 وحاجات من دى0 وشكرا 0 خالد المحرب
انتوا ناس سحارين عديل وربما اقرر عدم التحدث معكما وانا من زمان بسمع كلام حبوبتي حتى في الغربة...وتقول لي خلي معاك الحجيب ده من شيخنا ودعويضةومعاهو الحصن الحصين! كان الزبون ساكت في التاكسي غز عينو فيك..قول ليهو هرشك لحم كرشك! والعين بحسين ويا ناس يا شر كفاية ار ويا عين يا عنية لا تصيبي هشام ود الهبانية!!
Quote: عشان كده انا من اشد مؤيدي فكرة الوحدة مع اهلنا الاحباش والارتريين والصوماليين والجيبوتيين يعني باللحمة وبالثقافة المشتركة وبالجوار وبالمزاج الواحد وبالانسانية وبابونا ادم الاصلو من بلدانا دي! ودي واحترامي
الناظر هباني.
تحياتي لك يا عزيزي. كلامك الفوق ده أن معاه مية المية. بعدين أخونا بقال ده زول حبوب جدا. لقد قابلته في الخرطوم مؤخرا. تمنياتي له بحياة زوجية سعيدة. مبروك للوجيه بقال ولعروسته الحلوة.
Quote: تحياتي لك يا عزيزي. كلامك الفوق ده أن معاه مية المية. بعدين أخونا بقال ده زول حبوب جدا. لقد قابلته في الخرطوم مؤخرا. تمنياتي له بحياة زوجية سعيدة. مبروك للوجيه بقال ولعروسته الحلوة.
خلاص من هسع خلينا نعمل الحركة القومية لوحدة شعوب القرن الافريقي وبما فيها جيبوتي والصومال..ونشوف لينا عضوية في امريكا من اهلنا من الشعوب دي وديل ناس جادين وبقيفوا في فكرة زي دي لمن تجي من السودانيين لانهم لهسع بحترموا السودانيين جدا! الود والاحترام