Post: #1 Title: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 08:37 AM
اصول واحدة..جوار متشابك ومتداخل يصعب فيه فض الاشتباك الاثني والثقافي والاجتماعي بين الشعب الواحد في الثلاثة جهات .....ثقافة مشتركة حد التمازج والانصهار و مزاج متقارب جدا حيث لا زالت امهاتنا واخواتنا لا ينعدل مزاجهن احيانا عند الاحساس بالانقباض والكدر الا باللجوء الي متنفس نفسي هو لولية الظار الحبشي!!... وبعض اغانينا لا ينعدل تطريبها وجرس موسيقاها الا عندما نطعمها بنكهة حبشية وايضا رقصنا لا يطيب ايقاعه الا بهزات حبشية ! ولون مشترك وهي سمرة ادم السوداني الحبشي الاسمر وكلنا لادم وادم من تراب والتراب سوداني حبشي ارتري!! ورغما عن ذلك عقمت ادبياتنا السياسية والثقافيةعن مجرد التفكير في حلم او طيف تنشدوحدة بين هذه الشعوب الشقيقة..في حين عند الملمات والنكبات اول من نستجير بها وهي ايضااول من تستجير بناوفي التاريخ شواهد..... وسلوا البطل النمر المك وهو يرقد هانئا في تلكم البلاد الحبيبة الملاذ ولم يعد حتى الان!!وسلوا (سرور) الراقد في حضن اسمرا السمراء هانئا بموت جميل في مضارب الاحباب!! لماذا هذا التجافي.. ولا حديث عن الوحدة والاندماج بين الشعب الواحد في البقاع الثلاثة!!؟
هباني
Post: #2 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 08:53 AM Parent: #1
المبدع ياسر تمتام يؤدي اغنية اثيوبية مشهورة في السودان وقد عرفناها وسمعنا بها ونحن اطفال وغنيناها ورقصنا فيها.....مزاج واحد..احاسيس متقاربة جدا ومشاعر منسجمة مع بعضها!
ممكن بس بعد ما يفكر السودانيين جادين في وحدة مع السودانيين !!!
ولك الود ,,,
Post: #8 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 07:01 PM Parent: #7
عبد الناصر سلامات
طالما ممكن ان نتوحد معاهم...طيب ما ندخلهم من هسع عشان املوا الفراغات دي واكون دخولهم بركة وخير لتوحيد السودانيين وهم محتاجين ليهم لناس اهل حكمة ورشد شان اوحدوهم والكلام ده عند اهلنا الاحباش بالكتير. ودي واحترامي
Post: #9 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 07:49 PM Parent: #8
ما سبب تعالي كثير من السودانيين علي الاثيوبيين والارتريين لدرجة اضطهادهم واحتقارهم احيانا!!؟
Post: #10 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: omer abdelsalam Date: 02-09-2007, 10:17 PM Parent: #1
Quote: اصول واحدة..جوار متشابك ومتداخل يصعب فيه فض الاشتباك الاثني والثقافي والاجتماعي بين الشعب الواحد في الثلاثة جهات .....ثقافة مشتركة حد التمازج والانصهار و مزاج متقارب جدا
كلام عقل ياهباني ..اتفق معك تماما . كيف ننسى اقرب الناس الينا ونلهث وراء سراب الوحدة العربية المزعومة
Post: #11 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: abdalla elshaikh Date: 02-09-2007, 10:27 PM Parent: #10
إنت عارف السودان حقنا دا زي الزول اللي ماعارف قدر نفسه..تمددالسودان الطبيعي ثقافيا هو شرقا وغربا(جيبوتى - السنغال)لكن الله يجازي اللي كان السبب
Post: #13 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 11:10 PM Parent: #11
حبيبنا كارلوس
كدي انتو ناس الابداع والفن ديل ابدوا لينا الشغل الثقافي و ده الساس وعضم الشغل بنبني من هنا من المداخل الثقافية... وبعد داك بجي السقف السياسي لقدام واقعدوا وسووا مركز ثقافات شعوب اثيوبيا الكبري ولا اكسوم ولا السودان الكبير ولا القرن الافريقي..المهم ابدوا لينا الشغل ده.. واعملوا لينا اليوم المفتوح السوداني الاثيوبي الارتري الصومالي الجيبوتي عندكم هناك في ناشفيل!!
Post: #12 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-09-2007, 11:02 PM Parent: #10
حبيبنا عمر عبد السلام
سلامات
ما خلاص اقعدوا واتوهطوا في الجابرة دي يا معشر المثقفين السودانيين وصوغوا لينا الخطاب السمح ده ونشرع من الان في بناء الكيان ده وندعو ليهو كل اهلنا الاثيوبيين والارتريين والصوماليين والجيبوتيين عشان نقعد نفكر في تسمية المولود ومكان السماية وبقية الشغل الاستراتيجي القوي وتكون لينا نحن السودانيين الريادة في المشروع الحضاري الجد جد ده!!
Post: #14 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: abdalla elshaikh Date: 02-10-2007, 01:30 AM Parent: #12
لقد كتبت ورقة نقديه في مصر بهذا الخصوص..إذ لاحظت ان تـمدد الثقافات السودانية شرقا وغربا وذلك بالنظر لحظ الموسيقي السودانية في هذا الـمحيط وقد حرضني علي كتابتها التجاهل بل وعدم الـمعرفة التي وجدها عمالقة الفن السوداني بالقاهرة(محمد الامين ووردي ويوسف الـموصلي ومصطفي سيداحمد) علما لو أنهم تواجدوا في محيط(جيبوتي - السنغال)لكان الاحتفال بهم في قام الـمقام رغما عن حاجز اللغه
Post: #15 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: sharnobi Date: 02-10-2007, 04:07 AM Parent: #1
الفالت عن طابور الخنوع هاشم
بس السبب لانو العقل السودانى المستلب بعروبة مزيفة يرى فى الاحباش قوم اذا جاعوا سرقوا واذا شبعوا زنوا
واصبحنا نجوعهم لكى نزنيهم ونجعلهم سبايا ولكنهم جزء اصيل من تاريخنا تانهسو اى اثيوبيا اى ارض السود وحضارة اكسوم وتلك من بعض الى ان اتى بادى ابو شلوخ واللملكة الزرقاء التى كانت تتدفق مع النيل الازرق لتنشا مملكة اسلامية لا عربية
ولنا ان نعيد التاريخ بشكل من التحرر من العرقية بمنطق نقدى
Post: #16 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 05:08 AM Parent: #15
العزيزان شرنوبي وكارلوس
سلامات ان هذا الانسجام بيننا كشعوب نحسه احساسا صادقا من خلال المعايشة في اي واحد من هذه البلدان فعندمايقيض الله لك فرصة الذهاب الي اسمرا او اديس ابابا لن تحس ابدا انك في ديار غربة بل انت سيد الدار وضيفهم العزيز الاول من خلال نظرات الشارع وتحياتهم اليك وايضا هذا احساس اشقائناالاثيوبيين والارتريين في بلادهم السودان.. وظل فننا كما فنونهم تتعايش في دواخلنا ودواخلهم بكل توهط وراحة لانها توهطت مكانها الطبيعي ومستقرها الحقيقي.
Post: #18 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 07:19 AM Parent: #17
وفي اسمرا السمراء يشمخ العملاق وردي بفنه المنساب نهرا دافقا في الوجدان الارتري الشقيق وهو وجدان توأم يهضم فن توأمه في السودان امرا مسطورا منذ الازل القديم! انظروا مدي هذا الانسجام العفوي و كاننا في سهرة في قلب الخرطوم حيث يؤدي النغم السوداني الفنان الارتري محمد ادم وهو اسم سوداني ناخع في تفاصيلنا الجميلة
Post: #19 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 07:28 AM Parent: #18
كاذب من يميز بين الاشقاء انظروا الي سحناتهم ليس مكتوب علي جباههم ارتريين! يمكن ان يكونوا سودانيين او اثيوبيين او صوماليين او جيبوتيين ولكن قسمتنا اطماع الاغراب فرقوا بيننا باوهام الحدود الجغرافية والسياسية ونحن نستميت في القتال والزود عنها بالمجان لصالح من قسمونا وفرقوا بينناّ! " target="_blank">
Post: #20 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 07:40 AM Parent: #19
هل منكم من يميز بين هذه السحنة لاخت لنا من الصومال الشقيق وسحنة اخواتنا في السودان وبين اللحن وبين الحاننا السودانية والايقاع هو ذات الايقاع...هل مكتوب عليه لحن اوسحنة صومالية!!؟
Post: #21 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 09:32 AM Parent: #20
>>>>>>>>>>>>>>>>>>>>>>>>>>>>>.
Post: #22 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-10-2007, 05:31 PM Parent: #21
,,,,,,,,,,,,,,,,,,,,,
Post: #23 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: كمال علي الزين Date: 02-10-2007, 06:06 PM Parent: #22
العزيز هباني
تحياتي
التأريخ وحده لا يكفي للوحدة .
التشابه , العاطفة , الإحترام المتبادل أيضاً لا تكفي .
إثيوبيا وإرتريا كانتا دولة واحدة , أسهمنا نحن في تقسيمها ّ!!!
كيف نقسم كيان موجود ؟؟
ثم نعود لخلق وحدة جديدة ؟؟؟؟
عودة إثيوبيا وإرتريا كياناً واحداً , أمراً بعيد المنال , ناهيك عن خلق وحدة ثلاثية !!!
ليتها تحدث
لكنها تظل أماني عاطفية
محبتي
Post: #24 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-13-2007, 02:57 PM Parent: #23
حبيبنا كمال
سلامات
اليس بالحياة احلام واماني.. وتطلعات ومن حقنا ان نحلم ونفعل ما بوسعنا والباقي علي الله..فقط مجرد التفكير بصوت عالي مطلوب كمرحلة اولية للفت الناس الي هذا الحلم المشروع الجميل!
فتناك لعافية
هشام
Post: #25 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-15-2007, 09:01 AM Parent: #24
...
Post: #44 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 03-15-2007, 04:24 PM Parent: #17
>>>>>>>>>>>>>>>>>
Post: #26 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: عمر عبدالجليل البعشي Date: 02-15-2007, 12:01 PM Parent: #1
الأخ هبانـى كثيـرا ما يبتدرك الصومالى بالحديث بالصومالية ظانا أنك صومالى وأيضا لا تستطيع فى كثير من الأحيان التمييز بين السودانيين والأرتريين والأثيوبيـن هذا من ناحية الملامـح و كذلك الأخوة فى تشاد لا تستطيع التمييز بيننا وبينهم بحكم التمتدد القبلى بين بلدان هذه الدول أما من ناحية الطباع فهناك تقاريب كبيـر إن حل مشاكل السودان - أرتريا أثيوبيا تشاد تكمن فى توحد هذه البلدان ونلاحظ متى ما إختلف السودان مع أثيوبيا مثلا إندلعت كثير من النيرا وخير مثال على ذلك أريتريا رغم صغر حجمها وضعف أقتصادها أستطاعت أن تشكل عدم إستقرار لحكومة الأنقاذ لفترة طويلة وينطبق الحال على منقستو الذى لعب نفس الدور مع نميرى وأخيرا ديبى مع الأنقاذ أيضا نفس الشىء السودان زعزع إستقرار الأثيويين والتشاديين والأرتريين لذلك متى يعى الحكام أن إستقرار أوضاعهم حتى الشخصية هو فى التقارب مع هذه الشعوب رحم الله الأزهـرى حينما قال سأحمى حـدود بلادى بحسـن الجــوار
Post: #27 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-17-2007, 04:13 AM Parent: #26
عزيزي عمر
سلامات وشكرا علي الاهتمام
Quote: كثيـرا ما يبتدرك الصومالى بالحديث بالصومالية ظانا أنك صومالى وأيضا لا تستطيع فى كثير من الأحيان التمييز بين السودانيين والأرتريين والأثيوبيـن هذا من ناحية الملامـح و كذلك الأخوة فى تشاد لا تستطيع التمييز بيننا وبينهم بحكم التمتدد القبلى بين بلدان هذه الدول أما من ناحية الطباع فهناك تقاريب كبيـر إن حل مشاكل السودان - أرتريا أثيوبيا تشاد تكمن فى توحد هذه البلدان ونلاحظ متى ما إختلف السودان مع أثيوبيا مثلا إندلعت كثير من النيرا وخير مثال على ذلك أريتريا رغم صغر حجمها وضعف أقتصادها أستطاعت أن تشكل عدم إستقرار لحكومة الأنقاذ لفترة طويلة وينطبق الحال على منقستو الذى لعب نفس الدور مع نميرى وأخيرا ديبى مع الأنقاذ أيضا نفس الشىء السودان زعزع إستقرار الأثيويين والتشاديين والأرتريين لذلك متى يعى الحكام أن إستقرار أوضاعهم حتى الشخصية هو فى التقارب مع هذه الشعوب رحم الله الأزهـرى حينما قال سأحمى حـدود بلادى بحسـن الجــوار
نعم نحتاجها هذه الوحدة جدا والافكار تبدا باحلام ومن حقنا ان نحلم ولو تتحقق بعد مليون عام هذه الوحدة الواقعية والطبيعية!
Post: #28 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: wesamm Date: 02-17-2007, 10:35 AM Parent: #27
Post: #29 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-18-2007, 10:23 AM Parent: #28
عاشت الوحدة السودانية الاثيوبية الارترية الصومالية الجيبوتية
Post: #30 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: ابوالقاسم ابراهيم الحاج Date: 02-18-2007, 01:59 PM Parent: #1
اويد ذلك بشدة اخي هشام
واتمنى ان يفكر السودانييون بصورة جادة بدلا من الولولة عكس التيار الذي لم ياتينا منه الال الاحتقار
وانعدام الثقة بالنفس
الله يخرب بيت المتسبب في هذه المصيبة التى تعاني منها بلادنا
Post: #31 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-20-2007, 04:29 AM Parent: #30
Post: #33 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: wesamm Date: 02-20-2007, 05:05 AM Parent: #32
اسمرا الجميلة
Post: #34 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: sultan Date: 02-22-2007, 08:30 PM Parent: #33
الأخ هشام
غايتو انا عاوز وحدة مع تشاد برضو "اصول واحدة..جوار متشابك ومتداخل يصعب فيه فض الاشتباك الاثني والثقافي والاجتماعي"
تحياتي لك وكل الاعزاء
= = = = == السودان لكل السودانيين المجد لشعب السودان ... المجد لأمة السودان
Post: #35 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-22-2007, 08:38 PM Parent: #34
العزيز سلطان
سلامات
Quote: غايتو انا عاوز وحدة مع تشاد برضو "اصول واحدة..جوار متشابك ومتداخل يصعب فيه فض الاشتباك الاثني والثقافي والاجتماعي"
تحياتي لك وكل الاعزاء
ومالو يا سلطان زيادة الخير خيرين وبرضو كمان اهلنا في تشادفي جوه الوحدة وبعد داك الزارعة الله في الحجر بتقوم! ودي واحترامي
Post: #36 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: رأفت ميلاد Date: 02-22-2007, 08:39 PM Parent: #34
سلام هشام الهمام
المؤسف فعلآ هؤلاء الشعوب أثيوبيا وأرتريا والصومال يكنون لينا محبة صادقة ونحن ما داير أقول ما بنحبهم لكن بنتعالى عليهم .
فعلآ هم أقرب الشعوب إلينا ولعن الله الشمولية هنا وهناك
مودتى
Post: #37 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-22-2007, 08:46 PM Parent: #36
حبيبنا رافت ميلاد
Quote: المؤسف فعلآ هؤلاء الشعوب أثيوبيا وأرتريا والصومال يكنون لينا محبة صادقة ونحن ما داير أقول ما بنحبهم لكن بنتعالى عليهم .
فعلآ هم أقرب الشعوب إلينا ولعن الله الشمولية هنا وهناك
علينا من الليلة البحث عن اسباب التعالي الفاضي بتاعنا ده وبعد داك نبحث عن طريقة لتاطير العلاقات بين شعوبنا بمستويات تقربنا من الحلم ده وبمبادرة سودانية في كل الانحاء...كل سودانيين في اي دولة ابادروا بالمشروع ده والباقي علي الله!
Post: #38 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: عبدالأله زمراوي Date: 02-22-2007, 10:38 PM Parent: #37
Quote:
اليس بالحياة احلام واماني.. وتطلعات ومن حقنا ان نحلم ونفعل ما بوسعنا والباقي علي الله..فقط مجرد التفكير بصوت عالي مطلوب كمرحلة اولية للفت الناس الي هذا الحلم المشروع الجميل!
فتناك لعافية
Post: #39 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-22-2007, 10:51 PM Parent: #38
صديقي الجميل زمراوي
امثالكم الشعراء والمغنون والرسامون والمبدعون الاخرون من كل صنوف الابداع هم المدخل السلس والطبيعي المنطلق من بوابة الثقافة لانجاز هذا الحلم والثقافة هي القاسم المشترك وهي الارضية التي تنطلق منها المبادرات العفوية لانجاز الحلم....
ولي قدام نسمع منك قصيدة لاجل هذا الحلم لتكن ضربة البداية من ذلك النوع الملاحمي! ودي واحترامي
Post: #40 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-23-2007, 04:22 PM Parent: #39
................
Post: #41 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 02-24-2007, 08:35 PM Parent: #40
......
Post: #42 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: Hani Arabi Mohamed Date: 02-24-2007, 09:19 PM Parent: #1
السودان و أثيوبيا و أرتيريا قريبة جدا من بعضها
و لا شيء يمنع الوحدة.
Post: #43 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 03-11-2007, 06:33 AM Parent: #42
..................
Post: #45 Title: Re: لماذا لم يفكر السودانيون بشكل جاد في وحدة مع اثيوبيا وارتريا؟؟! Author: هشام هباني Date: 03-16-2007, 07:12 PM Parent: #1