Post: #1
Title: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 07:10 AM
Parent: #0
لا زال سؤالي السابق قائما حول وجود شركة التحويلات المالية الامريكيةالwestern union وهو امريثير لغزا كبيرا داخل السودان حيث المقاطعة الامريكية لا زالت سارية علي السودان وكل الشركات الامريكية محظور عليها التعامل مع دولة السودان...الا انه قبل شهور ظهرت شركة الاwestern unionالامريكية الشهيرة لاول مرة في تاريخ السودان وفي ظل نظام عصابة الانقاذ المعادية في العلن للولايات المتحدة وفي السر(( سمن علي عسل))!!
نعم لاباس ان يكون هنالك تعاون امريكي سوداني لخدمة السودانيين المهاجرين الي الولايات المتحدة في تسهيل عملية تحويلاتهم المالية الي ذويهم ومصالحهم بالسودان ويا ليت ان يكون صاحب الامتياز والمستفيد من هذا التوكيل لهذه الشركة المالية العملاقة ان يكون وطنيا من عامة الشعب السوداني او مجموعة وطنية سودانية لا علاقة لها البتة بعصابة النظام!
ولكن لا زال هنالك غموض حول ايلولة هذا الامتياز ويبرز بالتالي سؤال هام جدا..لماذا تم استثناء هذه الشركة الامريكية وحدها من دون الشركات الامريكية من قانون حظر التعامل الاقتصادي والتجاري مع السودان..ومن هي الجهة المستفيدة بالظبط من هذا الامتياز داخل السودان....هل هي جهة ليست ذات علاقة بالنظام ام جهة مرتبطة بهذا النظام بشكل مباشر وغير مباشر مستفيدة من مقابل عملية خدمات التحويلات المالية وهي ملايين الدولارات بالتاكيدتذهب في جيوب افراد مستفيدين من هذا الامتياز!!؟
وهل يعقل ان هذاالنظام الفاسد والشره قد سمح بهذا الامتياز لافراد ليست لديهم اية علاقة به مفرطا في هذه ((النقاطة الدولارية)) العظيمة؟؟
واذا ثبت ان وراء هذاالامتياز لهذه الشركة الامريكية بالسودان هم من المتنفذين الرسميين من عصابة الخرطوم...ايحق حينها لاي سوداني في الولايات المتحدة او بالسودان رفع دعوى ضد هذه الشركة الامريكية باعتبارها داعمة لعصابة الخرطوم!!؟
هشام
|
Post: #2
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 07:22 AM
Parent: #1
وبالتاكيد هذه الشركة اذا كانت تابعة لافراد تابعين او متعاونين مع العصابة الحاكمة في الخرطوم فانها تكون ملمة بمعلومات هامة حول اسماء مرسلي التحويلات المالية سواء من اميريكا او خارجها والاشخاص المرسلة اليهم هذه الاموال وايضا التعرف علي كمية الدولار الداخل الي البلاد!! وبالتاكيد هذه معلومات امنية مفيدة للاجهزة الامنية بالبلد لرصد هؤلاءالاشخاص المحولة اليهم ومنهم هذه المبالغ المالية الكبيرة!!
عليه اعتقد جازما ان وراء هذا الامتياز جهات متنفذة اخذت هذا الامتياز مقابل تسهيلات
لانه لايمكن لحكومة تدعي معاداتها السافرة للولايات المتحدة وفي ذات الوقت تسمح لاكبر شركة تحويل اموال امريكية بمزاولة نشاطها الرسمي والعلني في قلب الخرطوم وهي تتصرف في ملايين الدولارات!!؟
|
Post: #3
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 07:33 AM
Parent: #2
واتعجب جدا لاجراء اول مرة اعايشه عندما تذهب لتحول نقودك امام نافذة هذه ( الويسترن يونيون) فسرعان ما ياخذون لك صورة فورية بكاميرا جاهزة مع جهاز الحاسوب عند الصراف!!
|
Post: #4
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 07:35 AM
Parent: #3
بالله يا ناس الداخل تحروا لنا عن صاحب الامتياز لتوكيل هذه الشركة بالسودان ومدى ارتباطه بالحكومة واهلها!!
|
Post: #5
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Mustafa Mahmoud
Date: 04-21-2007, 08:01 AM
واتعجب جدا لاجراء اول مرة اعايشه عندما تذهب لتحول نقودك امام نافذة هذه ( الويسترن يونيون) فسرعان ما ياخذون لك صورة فورية بكاميرا جاهزة مع جهاز الحاسوب عند الصراف!!
isthis a joke??
this is very serious
|
Post: #6
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 03:02 PM
Parent: #5
سلامات يا دكتور مصطفي يا جميل
نعم هذه حقيقة يعرفها الجميع هنا وانا استغرب لهذا التصرف
العجيب!
|
Post: #18
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Azhari Nurelhuda
Date: 04-21-2007, 10:32 PM
Parent: #2
يا إبن عمي
سلامات
من تبحيته لندنية علي خفيف كده....
صديق سعى ليفتح الشغل ده في السودان... و قام بكل اللازم و تم تحويله للإتصال بمندوب ال western union في أفريقيا و المقيم في اليونان و وقع عقد الوكالة كوكيل جزئي في السودان. ثم حمل كل أوراقه و المشروع و سافر الخرطوم ممنيا النفس بمستقبل باهر.....
في الخرطوم تقدم للجهات الرسمية و التي إستلمت منه الأوراق للدراسة و من ثم التصديق....ثم بداءت المماطلة إلى أن وصلت لمرحلة الورق ضاع....قدم ورق جديد....
و هو في خضم هذه المعمعة إذا ببنك المشرق يعلق العلامة باللونين الأصفر و الأسود....
سرقت الفكرة....
و صاحبنا أكل نيم
و العهدة على الراوي
|
Post: #19
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-22-2007, 01:12 AM
Parent: #18
ابو الزهور
سلامات
Quote: من تبحيته لندنية علي خفيف كده....
صديق سعى ليفتح الشغل ده في السودان... و قام بكل اللازم و تم تحويله للإتصال بمندوب ال western union في أفريقيا و المقيم في اليونان و وقع عقد الوكالة كوكيل جزئي في السودان. ثم حمل كل أوراقه و المشروع و سافر الخرطوم ممنيا النفس بمستقبل باهر.....
في الخرطوم تقدم للجهات الرسمية و التي إستلمت منه الأوراق للدراسة و من ثم التصديق....ثم بداءت المماطلة إلى أن وصلت لمرحلة الورق ضاع....قدم ورق جديد.... |
ما كان اسال عمو عبد الرحيم حمدي كان حيوريهو الحكاية في الكباية!!
|
Post: #7
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: النصرى أمين
Date: 04-21-2007, 03:57 PM
Parent: #1
سلام يا هشام
واحد اخونا من ناس كندا كانت لديه فكره استثماريه جديده ورائعه فى السودان
تعرف غير رائه ليه؟
لانو خاف "شفع" الكيزان ديل يقومو يسرقو الفكره ويستفيدو من
نفوذهم داخل الدوله وينفذو المشروع بامكانيات عاليه ويطلع صاحبنا
كيت out of business
لنجاح اى عمل تجارى (كبير) فى السودان لازم الكيزان يشبعو فى الاول وبعد داك
صاحب المشروع (اذا ما كوز) ياخد الفيها النصيب .....
.....
علاقه بنك المشرق بالاداره الامريكيه تحتاج لتوضيح من العالمين ببواطن الامور!!!
كيف ولماذا تم السماح للبنك بمباشرة عمله والبلاد ما زالت تحت المقاطعه الامريكيه؟
هل نفهم ان ملايين الدولارات يتم تحويلها من امريكا للسودان دون ان يكون هناك دور
للاستخبارات الامريكيه فى فرز اسماء المرسلين وعنوانيهم؟
الف سؤال وسؤال يا هشام
بالنسبة لكاميرات ويسترن يونيون... بدات الشركه استخدام الكاميرا منذ فتره طويله
وما اظن ان ليهاعلاقه بتحويلات السودان
|
Post: #8
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 04:03 PM
Parent: #7
العزيز النصري
سلامات
Quote: علاقه بنك المشرق بالاداره الامريكيه تحتاج لتوضيح من العالمين ببواطن الامور!!!
كيف ولماذا تم السماح للبنك بمباشرة عمله والبلاد ما زالت تحت المقاطعه الامريكيه؟
هل نفهم ان ملايين الدولارات يتم تحويلها من امريكا للسودان دون ان يكون هناك دور
للاستخبارات الامريكيه فى فرز اسماء المرسلين وعنوانيهم؟
|
نعم اسئلة تحتاج لتوضيحات من اهل العلم ببواطن الامور!
محبتي واحتراماتي والتحايا لكل ال كالغري ومنهم المفتاح وصحبه الميامين.
هشام
|
Post: #9
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: النصرى أمين
Date: 04-21-2007, 04:21 PM
Parent: #1
هشام
عليك الله ركز لى على البوست ده..
مواضيع القروش والامتيازات بتجهجه الكيزان شديد ...
خلينا لابتين بجاى لغايه ما يجى التوضيح من احد "المتنفذين"
|
Post: #10
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Atif Makkawi
Date: 04-21-2007, 04:26 PM
Parent: #1
الأخوهباني : تحيات بحجم غضبك علي هؤلاء المجرمين
هذا البوست غاية في الروعة
وهذه الأسئلة غاية في الأهمية
أرجو من ذوى الإختصاص المساهمة
في الإجابة علي هذه التساؤلات
وأخص من ذوى الإختصاص هنا عضوى المنبر
د. صدقي كبلو و
د. إبراهيم الكرسني
|
Post: #11
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 04:33 PM
Parent: #10
العزيزان النصري وعاطف
سلامات
لنواصل فضح هؤلاء الخونة...لنكشف مدى الفساد والتورط في هذا الوطن التعيس!
سندة ( تحت تحت هذا الامتياز بقولوا لصلاح غوش وكرتي ومطرف وعبدالله اخو الريس وكمان السيدة وداد و بعض التماسيح نظير تسهيلات قدمت لواشنطون في جخانين التكل الكبير!))
ده كلام سر سر يا جماعة...ما تكلموا بيهو زول انتو قايلين مجهوداتن دي بتقع في التراب ساكت.. والتعرصةما عندها تمن...!!
ظاااطو
|
Post: #12
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: NEWSUDANI
Date: 04-21-2007, 04:33 PM
Parent: #1
الأخ هشام هباني
موضوع الويسترن يونيون فعلا موضوع جاد يحتاج لأيضاح من،كيف،والسئلة ليست موضوع بنك المشرقوهو بنك أماراتي
لكن هذه الصرافات لديها رئاستها في الولايات المتحدة....
أصحي يا بريش
|
Post: #13
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 04:36 PM
Parent: #12
نيو سودان
سلامات
Quote: لكن هذه الصرافات لديها رئاستها في الولايات المتحدة....
|
عشان كده نحن بنبحبت في الجحور شان نعرف الحقيقة!
|
Post: #14
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Mustafa Mahmoud
Date: 04-21-2007, 04:37 PM
Parent: #13
موضوع الويسترن يونيون فعلا موضوع جاد يحتاج لأيضاح من،كيف،والسئلة ليست موضوع بنك المشرقوهو بنك أماراتي
لكن هذه الصرافات لديها رئاستها في الولايات المتحدة....
أصحي يا بريش
|
Post: #15
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Mohamed Kheir
Date: 04-21-2007, 05:04 PM
Parent: #14
الحبيب هباني...
اي مورد دخل ذو فائدة
اقتصادية لا يخضع لما يسمي بالـEmbargo
فاغلب الشركات الكبيرة ترغب في وجود لها
في اي حتة فيها نقاطة دولارية
وهي بالتاكيد ما نقاطة اذن!
دي واحدة...
but
انتا البحبيت الواقعك شنو
ياخوي الدنيا ماشا علي صيف
وعقارب الصيف بتسقط حجيرك
خلي بالك وانتا تبحبت
لك الوD
|
Post: #16
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-21-2007, 07:43 PM
Parent: #15
محمد خير
سلامات
Quote: انتا البحبيت الواقعك شنو
ياخوي الدنيا ماشا علي صيف
وعقارب الصيف بتسقط حجيرك
خلي بالك وانتا تبحبت |
يا خي في زول بروح قبال يومو...خلينا نبحبت لمن نشوف اخر الفيلم فيه شنو!
ودي واحترامي
|
Post: #17
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: Mohamed Kheir
Date: 04-21-2007, 09:43 PM
Parent: #16
والله دي المحريه فيك
الاصرار علي سبر الحقايق
لي قدام
ودي
حمدخير
|
Post: #20
Title: Re: هل هنالك متنفذون من عصابة الانقاذ وراء الwestern union في الخرطوم!؟
Author: هشام هباني
Date: 04-22-2007, 03:33 PM
Parent: #17
.....
|
|