Post: #1
Title: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروهم!
Author: هشام هباني
Date: 05-14-2007, 08:48 AM
Parent: #0
انهم خلايا استراتيجية ستكون في سبات مبرمج لحين ايقاظها في الوقت المناسب يتم زرعها حاليا بالخارج لتبقي معينا لجبهة الهوس الداخلية تزودهم بالخريجين من ذوي الكفاءات العلمية العالية من فقاسات خارجية باسم الدراسة بالخارج يتم تمويلها باموال الوطن المنهوبة في شكل بعثات دراسية علي الحساب الخاص... ولكنهم مدفوعة رسومهم بملايين الدولارات المنهوبة من اموال شعبنا التعيس وفي ذات الوقت يقومون بنشاطات تجسسية لصالح النظام بالداخل علي التجمعات الوطنية بالخارج!
احذروهم وارصدوهم وتابعوهم....انهم الان بالالوف يتوافدون علي شمال امريكا واوروبا وايضا في ماليزيا واندونيسيا تحت مظلات طلاب قادمين للدراسة علي الحساب الخاص بموجبها يحصلون علي الاقامات الشرعية في هذه البلدان ليمارسوا دورهم الامني التجسسي وايضا دورهم الاستراتيجي في رفد ودعم مشروع الهوس الاستراتيجي في بلادنابالكفاءات العلمية المدربة والمتمكنة من هؤلاء الموفدين المشبوهين!
|
Post: #2
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Mohamed E. Seliaman
Date: 05-14-2007, 08:51 AM
Parent: #1
يا هشام
دراسات عليا وللا دراسة في المرحلة الجامعية؟
|
Post: #3
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 09:22 AM
Parent: #2
الاتنين يا محمد سليمان
|
Post: #4
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 09:32 AM
Parent: #3
ومنهم من بدا الان في مرحلة ( فبركة) واختلاق قصة تليق بتاهيله للحصول علي الاقامة كالذين سبقوهم للحصول علي الاقامة الدائمة من خلال اللجوءالسياسي زاعما مناهضة اهله بالداخل وهو امر سهل جدا هنا بالولايات المتحدة بضعة الاف من الدولارات في وجه محامي امريكي ضليع مشهور ومتخصص في امور الهجرة حيث تتم الامور بكل سهولة من خلال عقلية البزنس الغربية وحمدا لله جيوبهم مترعة بالدولارات القادمة من خزائن الوطن المنهوبة وبالتالي بعدها يحوز (اخونا) علي الاقامة الدائمة لاجئا سياسيا رسميا شانه شان كل المناضلين الشرفاء مزايدا عليهم بالوطنية والنضال عند اللزوم وفي الحقيقة هو واحد من خدام المشروع الظلامي الامناء!
|
Post: #5
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 09:43 AM
Parent: #4
هم منظمون جدا ومترابطون جدا ولكنهم مكشوفون لا زالوا تقليديين في طرق الاستقطاب القديمة للاخرين في هذه البلدان مستغلين خوفهم ورهبتهم من الذوبان في هذه الحياة الغربية الغريبة الخادشة لايماناتهم ..وبالتالي يحاصرونهم بالدين في اسوا طرق استغلاله من خلال جلسات التلاوة المنظمة في بعض التجمعات باسم صون وحماية هؤلاء المرهوبين ليتم استقطابهم لمشروع الهوس وتجنيدهم خداما استراتيجيين في هذه المهاجر الهامة بالنسبة لهم..لانها مهاجر ذات منابر دولية عالية الصوت مؤثرة علي جبهة العمل الداخلي في الوطن المستباح ولذلك لن يفرطوا فيها للقوى الوطنية الشريفة كي تستغلها لصالح شعبنا في الداخل!
وقد نجحوا في اختراق التجمعات السودانية بالخارج من خلال هذه المداخل الاجتماعية السلسة لاصطياد ضعاف النفوس..لتجنيدهم خداما للمشروع الظلامي الشرير!
|
Post: #6
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 09:46 AM
Parent: #5
متمكنون جدا بامكانيات مهولة من الاموال المهربة المنهوبة من بلادنا وبمقدورهم بناء مدارس ودور اجتماعية وبناء مساجد بالخارج ودعم جاليات وتنشيطهاودعم اسر والانفاق علي طلاب ابناء مهاجرين بالخارج بغرض استقطابهم للمشروع الشرير!
|
Post: #7
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 10:03 AM
Parent: #6
ولذلك سيظل الوطن مهددا في استقراره السياسي والاجتماعي مستقبلا حتى لو اتي التغيير الديموقراطي الشكلي المرتقب....طالما ظلت هذه القوى الشريرة داخل وخارج الوطن بمناى عن المساءلة والمحاسبة علي كل فلس تمت سرقته من اموال الشعب.... وهي حتماستهدد النظام السياسي المرتقب اذا قدر للقوى الاخرى النجاح في بلوغ السلطة السياسية مستقبلا وهو امر مستحيل في ظل القراءة الواقعية للمشهد السياسي الراهن..حيث لازال الاقتصاد عصب الحياة بايديهم وسيظل بايديهم مستقبلا..سيمكنهم من بلوغ السلطة وحتى اذا لم يوفقوا في ذلك فانهم لن يقفوا مكتوفي الايدي بل سيستغلون قوتهم الاقتصادية في اختلاق الضوائق والازمات المعيشية وبالتالي يشككون البسطاء من الجياع والفقراء الذين كانوا يحلمون بعودة الديموقراطية سيشككونهم في قدرات القوى الوطنية التي علي السلطة لو حالفها الحظ وهو امر مهين للنظام الديموقراطي سيكسر بلا شك هيبته ويحقره عند البسطاء من الفقراء والجياع عندما يرون الديموقراطية تترنح وتعجز قواها الخائرة في توفير لقمة الطعام وجقمة الماء وحبة الدواء وكراسة الدرس... بسسب تامر هؤلاء الاشرار وبالتالي سيحنون الي عودة هؤلاءالاشرار كما تمنوا من قبل عودة النميري وقبله عبود في ونحن ندور في حلقة شريرة تضيق دوما علينا من سييء الي اسوأ ولا خيار للناس الا بين ايهما الافضل بين الاشرار والسيئين!؟
|
Post: #8
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-14-2007, 12:04 PM
Parent: #1
الناظر هباني.
كلامك ده صحيح مية المية.
عندنا كوز كان دبلوماسي في سفارة واشنطن في فترة أوائل التسعينيات. رجع هذا الكوز الى السودان وبعد حوالي 6-7 سنوات عاد مرة أخرى لواشنطن ولكن هذا المرة عاد غانما وهو يحمل مبلغ ضخما من المال(كاش) حضر الكوز لكي يحضر لدراسات عليا بجامعة جورج تاون الكاثوليكية"الكافرة" بواشنطن. حضر هو وأسرته وكل ذلك من مال الشعب السوداني المنهوب. الجدير بالزكر أن جامعة جورج تاون تعتبر من أفضل الجامعات الامريكية والدراسة بها مكلفة جدا. فهل ياترى مثل دراسة هذا الكوز وبمثل هذا المبلغ الكبير, كان من الممكن أن تفتح لها كم مدرسة في السودان؟
دينق.
|
Post: #9
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-14-2007, 12:26 PM
Parent: #8
موش الناس ديل سودا نيين
يبقى ما باموالكم المنهوبة لانه عندهم حق فيها..
دي من ناحية..
كل هذه الاماكن تحترم نفسها جدا لا تقبل طلاب ما نافعين..
لازم يكونوا مجتازين كل شروط القبول وهي التميز
في الشهادة الاولى...
وتاني عاين لنصف الكأس على الاقل الناس دي لو كيزان بالجد
معناها حيدربوا تدريب ممتاز
احسن من الوهم الاسع قاعدين لخبطو الدنيا..
عملوا التعليم 11 سنة اصبحت الشهادة السودانية تعادل الاو ليفيل
وما الايه ليفيل بعد شوية حيكون ما معترف بيها
دي خرمجة عملها زول لا يعرف كوعه من بوعه..
يعني لو اصلا حيحكمونا العدو العاقل خير من العدو الجاهل
في ماليزيا
99% طلاب المستوى الجامعى من اولاد المغتربين...
نوعية تسألوا أبوك كوز؟
بيقوليك لا دنقلاوي ...
غالبية طلاب الدراسات العليا جايين من التعليم العالي.
والبقية من دول الاغتراب...
وقلما تجد شخص قدم من السودان على النفقة الخاصة..
لدينا شركة للتنسيق . كل طلابي الذين احضرتهم
من اولاد المغتربين في قطر وعمان و السعودية..
وكلهم ولدوا في المهاجر بالكاد يعرفون ما يدور في السودان..
اي زول عايز يقري ولدو ولا بتو في ماليزيا بالله يرسل لي على الايميل دا
[email protected]
وننسق للدراسات العليا في كل التخصصات لمن يرغم ونصلح ساعات كمان,,
شكرا يا هباني
|
Post: #10
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-14-2007, 02:02 PM
Parent: #8
السلطان دينق
سلامات
Quote: عندنا كوز كان دبلوماسي في سفارة واشنطن في فترة أوائل التسعينيات. رجع هذا الكوز الى السودان وبعد حوالي 6-7 سنوات عاد مرة أخرى لواشنطن ولكن هذا المرة عاد غانما وهو يحمل مبلغ ضخما من المال(كاش) حضر الكوز لكي يحضر لدراسات عليا بجامعة جورج تاون الكاثوليكية"الكافرة" بواشنطن. حضر هو وأسرته وكل ذلك من مال الشعب السوداني المنهوب. الجدير بالزكر أن جامعة جورج تاون تعتبر من أفضل الجامعات الامريكية والدراسة بها مكلفة جدا. فهل ياترى مثل دراسة هذا الكوز وبمثل هذا المبلغ الكبير, كان من الممكن أن تفتح لها كم مدرسة في السودان؟
|
قطع شك يا دينق اخونا ده بكون اخذ من بنك من البنوك المنهوبة والمستباحة دي(قرض حسن) وقرض الناس قرض مع تحياتي للدكتور وحبيبنا محمد ابراهيم قرض... والقرض الحسن ده في زمن الجبهة مال سايب اسمو(شيل شليتك وزوغ ساكت)....وكان الله في عون شعب السودان!
|
Post: #11
Title: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروهم!
Author: الفاتح خليل الفكي
Date: 05-14-2007, 02:32 PM
Parent: #1
الأخ / هشام
سلام واحترام ،،،
نعم يتم تفويج المبعوثين للدراسات في امريكا واروربا بامولنا
وغيرهم يموت جوعاً ولا يجد من هذه الاموال قرشاً واحداً يصرفه على اكله
الأخت بيان اي ديل سودانيين وعندهم حق في الاموال دي وبرضو الطفل المحتاج
لمصاريف العملية الانتي كاتبه عنو ووالده ماعندو 10.000 جنيه برضو سوداني
وحياته اهم من الدراسة في اوربا ولاشنو
الحكاية ما سودانيين ولا ما سودانيين الحكاية نحن مع منو ولمصلحة منو وفي
النهاية الخاسر الوحيد المواطن المسكين .
تقبلوا تحياتي
أبو كريم
|
Post: #12
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: هشام هباني
Date: 05-14-2007, 02:42 PM
Parent: #11
حبيبنا الفاتح خليل
Quote:
سلام واحترام ،،،
نعم يتم تفويج المبعوثين للدراسات في امريكا واروربا بامولنا
وغيرهم يموت جوعاً ولا يجد من هذه الاموال قرشاً واحداً يصرفه على اكله
الأخت بيان اي ديل سودانيين وعندهم حق في الاموال دي وبرضو الطفل المحتاج
لمصاريف العملية الانتي كاتبه عنو ووالده ماعندو 10.000 جنيه برضو سوداني
وحياته اهم من الدراسة في اوربا ولاشنو
الحكاية ما سودانيين ولا ما سودانيين الحكاية نحن مع منو ولمصلحة منو وفي
النهاية الخاسر الوحيد المواطن المسكين .
تقبلوا تحياتي
أبو كريم
|
والله كلام عقل يا فاتح
عارف يا فاتح انا بعرف قريب صاحبي جدا وهو كوز معروف كان عضواتحاد طلاب جامعة الخرطوم نهب ولبع لبع الجن...منظمة خيرية معروفة... وتزوج اربع نسوان وطلق اتنين....وبعد ده بعثوهو عديل بقروش الحيكومة..ومشي حضر الماجستير والدكتوراة في شرق اسيا... ومش كده وبقي بعد داك ملحق اعلامي في سفارتين.. ورجع الحمدلله هسع السودان وعندو هسع عمارة قدر الضربة.. وكمان راجل كاتب عديل عندو كتاب!!
|
Post: #13
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: hanadi yousif
Date: 05-14-2007, 03:13 PM
Parent: #12
الغريب في الامر يتصفون بالبلادة
وتم تحويل معظمهم من جامعات حكومية لخاصة لانهم لم يجتازو الامتحانات
ولدينا نمازج من جامعة الجزيرة
ومفترض البحثة ان تكون سنتات او ثلاثة لكن يقيمون لاكثر من عشرة وسبعة وخمس سنوات
ونعرف بعضهم لا ينتمون للكيزان اجتازوا درجات الماجستير والدكتوراة في سنتان فقط ولله في خلقة عقول.
خلي بالكم في ناس لم تنجحو ولكن يطلقون على انفسهم "دكتور - بروف والخ....
|
Post: #14
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: Ahmed Mohamedain
Date: 05-14-2007, 03:15 PM
Parent: #13
Keep on checking on them in case Harun and Kushayb might attempt escaping to remote save heaven!!!!!!!!
|
Post: #15
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 05:52 PM
Parent: #13
Quote: الغريب في الامر يتصفون بالبلادة
وتم تحويل معظمهم من جامعات حكومية لخاصة لانهم لم يجتازو الامتحانات
ولدينا نمازج من جامعة الجزيرة
ومفترض البحثة ان تكون سنتات او ثلاثة لكن يقيمون لاكثر من عشرة وسبعة وخمس سنوات
ونعرف بعضهم لا ينتمون للكيزان اجتازوا درجات الماجستير والدكتوراة في سنتان فقط ولله في خلقة عقول.
خلي بالكم في ناس لم تنجحو ولكن يطلقون على انفسهم "دكتور - بروف والخ.... |
اها يا هنادي ما تبالغي كمان
كيف زول يعمل دكتوراه وماجستير في سنتين؟
اها النفوليك البعثة الحكومية 5 سنوات(من زمن الانجليز ولا اسع)
ماجستير ودكتوراه
قابلة لتجديد سنة اخرى بناء على توصية المشرف..
بروف ما شهادة مافي زول بدرس عشان يبقى بروف
لمان تعمل الدكتوراه وتتخرج
بتكون استاذ مساعد بعداك بتكتب عدد من المقالات التي تنشر في دوريات
محكمة تكون اضافة في حقلك..ويكون عندك عدد محدد من الطلاب
والمؤتمرات تقدم عشان تبقى استاذ مشارك
اهي تستمر في نفس الشغل وتكتب مقالات وتمشي مؤتمرات
وتشرف على طلاب دراسات عليا بعداك تقدم لبروفسورشب
وفي كل هذه الترقيات ترسل مساهماتك
لبروفات عالمين يقوموا انجازك
حتى تتم ترقيتك..
والرحلة دي عايزة بعد الدكتوراه
ذي من 15 سنة لى 20 سنة
اها زول ذي محمد عبدالحي توفي وهو استاذ مشارك..
رغم تل المعرفة الذي تركه..
فبالله ما تتكلمي ساكت
في امريكا وبيرطانيا وماليزيا
مافي حاجة زول يسقط في جامعة حكومية يمشي خاصة
دا يمكن في السودان..لكن في هذه الامكان لا يوجد ماهو خاص ويكونوا متهاونين
ومتهاودين في النجاح...
في مواصفات محددة للدراسات العليا
متشايهة تختلف في النظام.. في الدنيا دي كلها..
اما ترهات الناس في قدح وذم وتبخيس انجازات الغير المختلفين معهم
سياسياكلها كلام فاضي...وغير مؤسس..
وزول ما ينجح ويدوه شهادة دكتوراه من الجامعة
ما ممكن يجي يقول انه دكتور ساكت كدا ويعينو..
|
Post: #16
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 06:02 PM
Parent: #15
| Quote: عارف يا فاتح انا بعرف قريب صاحبي جدا وهو كوز معروف كان عضواتحاد طلاب جامعة الخرطوم نهب ولبع لبع الجن...منظمة خيرية معروفة... وتزوج اربع نسوان وطلق اتنين....وبعد ده بعثوهو عديل بقروش الحيكومة..ومشي حضر الماجستير والدكتوراة في شرق اسيا... ومش كده وبقي بعد داك ملحق اعلامي في سفارتين.. ورجع الحمدلله هسع السودان وعندو هسع عمارة قدر الضربة.. وكمان راجل كاتب عديل عندو كتاب!! |
زولك دا انا عرفتو
متخرج بمرتبة الشرف الثانية العليا
من جامعة الخرطوم
وعنده ماجستير لا اعرف من اين..
قبل في جامعة معتبرة
جدا ومدققة وعمل دكتوراه في تلاتة سنوات..
ولم يكن مبعوثا واعطي منحة وكان يعيش قي ضنك دائم..
وارسل اسرته الى السودان...
وعلمت انه كتب كتابا..
زواجه وطلاقه طبعا لا يمس انه طالب شاطر ولا لا..
لكن هو كان زول شااااااااطر
|
Post: #17
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: هجو الأقرع
Date: 05-14-2007, 06:54 PM
Parent: #16
الاخ هشام هبانى ، سلام كلام اختك د. بيان والله ما يقدر زول يزايد عليه بكلمة واحدة ، لانو منطقى ومن شخص متخصص ، الان يا ابو احمد الانقاذ تخطت مرحلة التمكين عن طريق كوادر يتم تأهيلها لقادم الايام، ربما الذى لاتعرفونه انت ودينق، ان الانقاذ تعمل على ضخ المزيد من شباب الصف الاسلامى فى الكليات العسكرية ، خاصة من الخريجين ومن كل التخصصات ، بمعنى الاعتماد على موازين القوة، اما ما دون ذلك فلا تعترف به الانقاذ. لقد تم انشاء تخصصات فى الكليات العسكرية وغيرها تعتمد على التقنيه والحاسوب ومجالات الطيران. نعم تم ابتعاث العديد من الكوادر العسكريه لنيل التدريب والاطلاع على احدث النظم العسكرية ، وايضا تم ابتعاث العديد من الطلاب لدراسة هندسة البترول وعلومه، واعرف العديد من المتفوقين ومن غير ابناء الكوادر الاسلامية، ومنهم من يعيش هنا فى الدوحة.
|
Post: #18
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: Adam Omer
Date: 05-14-2007, 07:38 PM
Parent: #17
ابو انتوفا رامى الشــــــــــوف بــــــــــــــــعبد التحتو ما بشـــوفا ولى العدو كيتو مخلوفة ود هبانى كيفينك عنك طيب >>>>> د بيان ما فضل ليهاالا تقول البلد بلدم وهوما اســــــــــــــيادة >>لك من الود اردب +ريكة
|
Post: #27
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: عبدالغني بريش فيوف
Date: 05-14-2007, 10:01 PM
Parent: #17
الاخ هجو
سلام
اترك سياسة أنصر أخاك ظالما كان او مظلوم، لاننا نعيش في القرن الواحد وعشرين وقول الحق والحقيقة !!!
ثانيا ثروة الشعوب السودانية ليست ملكا لحزب المؤتمر الوطني الحاكم حتى يتصرف فيها كيفما يشاء - وبعدين حكاية اعداد كوادر دي ما بتخص الشعوب السودانية لان اجندة الجبهة الاسلاماوية ليست هي اجندة شعوبنا السودانية 0
على اي اساس تتصرف الجبهة الشيطانية في اموالنا يا هجو ؟ هل هي حكومة منتخبة شعبيا ؟0
0000000000
|
Post: #29
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: هجو الأقرع
Date: 05-14-2007, 11:00 PM
Parent: #27
اخى عبدالغنى سلام ، لو اعدت قرات ما كتبت تجد كلامى اخطر مما ذكره اخونا ود هبانى ، بعدين د. بيان ليست فى حاجة لمساندة والله شنو ؟ اخى اننى اعلم تماما ان الكلمة امانة ومسئولية ، يعنى اما نوافقكم الرأى ، او نكون ظلمة ، اخى ان الانقاذ استولت على الحكم من سنين عددا ، واستحلت كل شىْْء، ولم ينقصها كوادر المستقبل والا كانوا بلعبواساكت .
|
Post: #19
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: هشام هباني
Date: 05-14-2007, 07:39 PM
Parent: #16
الدكتورة بيان
كدي يا اختنااستهدي بالله
Quote: زولك دا انا عرفتو
متخرج بمرتبة الشرف الثانية العليا
من جامعة الخرطوم
وعنده ماجستير لا اعرف من اين..
قبل في جامعة معتبرة
جدا ومدققة وعمل دكتوراه في تلاتة سنوات..
ولم يكن مبعوثا واعطي منحة وكان يعيش قي ضنك دائم..
وارسل اسرته الى السودان...
وعلمت انه كتب كتابا..
زواجه وطلاقه طبعا لا يمس انه طالب شاطر ولا لا..
لكن هو كان زول شااااااااطر |
نحن تب ما قلنا شيتا في شطارتو والزول عارفو شاطرا كارب ما بتصاقع!
لكن ياالاخت الشي ده طالب ولا شنوالبحضر علي حسابو الخاص الماجستير والدكتوراه فوق الخارج بالضورار وكمان فوق حبلو اربع نسوان وعيال وشفع وجغجغ... وارجع بعد داك عندو عمارة واراضي ده حالتو طالب بس ومال اها بعد ما سوا الدكتوراه اكون هسع بقي شنو!!؟
اصطغفر الله العظيم!
ولا
|
Post: #20
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: Gafar Bashir
Date: 05-14-2007, 07:58 PM
Parent: #19
ده موضوع جميل جدا يا هباني ...
وياريت تكون في اسماء وبيانات لكل الكيزان ... بعدين القصة دي شغالين فيها من بدري ... كل مرة والتانية تكتشف انو في كوز من القروا معاك ولا من حلتك قاعد في بلد اوروبي او امريكي ...
------
Quote: في ماليزيا
99% طلاب المستوى الجامعى من اولاد المغتربين...
نوعية تسألوا أبوك كوز؟
بيقوليك لا دنقلاوي ...
|
يا دكتورة دي عنصرية ...
بعدين بلد بموتوا فيها الناس من الحروب ونقص الماء والغذاء ... القراية الليهم شنو .. وده كلام ما موجه لي الافراد لكن ليساسة الدولة .. وتحديد اولوياتها ...
|
Post: #22
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 08:06 PM
Parent: #20
...| Quote: القراية الليهم شنو |
انا قلت ليك اولاد مغتربين؟
اصلا المغتربين ديل المارقاهم من بلدهم شنو غير تعليم اولادهم
يعني يقعدوا اولادهم في البيت عشان الناس عيانة وفقرانة..
منطق عجيب يا جعفر
انت ما ياهو دا اتعلمت والسودان طوالي فقران وعيانين..
ليه ما ابيت تقرا قلت اوفر على الحكومة..
اتكلموا بمنطق....
العنصرية وين؟
|
Post: #37
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-15-2007, 03:38 AM
Parent: #20
| Quote: وياريت تكون في اسماء وبيانات لكل الكيزان .... |
دا كلام مفيد جدا.. يلا يا هباني ورينا الباينات الاسماء علما
ان البعثات لاوريا وامريكا
متوقفة من فترة طويلة..
الا المنح التى تمنح من مؤسسات لمؤسسات,,كما هو سائد من زمن الانجليز..
(السائد المنح)
منتظرين الحقائق...
|
Post: #21
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 08:00 PM
Parent: #19
| Quote: وارجع بعد داك عندو عمارة واراضي ده حالتو طالب بس ومال اها بعد ما سوا الدكتوراه اكون هسع بقي شنو!!؟ |
يا هباني
زولك دا كان هنا في منتصف التسعينات..
يعني عنده دكتوراه ليه 1كثر من 10 سنوات..
وحضر بس دكتوراه واعطي منحة بعد اكماله الكورسات
وجاب درجات عالية شديد.. منحة لا تسمن ولا تشبع ورجع اسرته
بعداك لما بيكتب في البحث رجع السودان..
يعني هنا كان ذيو وذي طلاب الدراسات العليا
تعب شديد..
وفي ذلك الوقت كان عنده زوجة واحدة...
ورجع بدري خالص يا هشام..لا عمارة ولا اراضي
وربما ديون..
بعدين اقوليك انت ما سمعت بماليزيا وليبيا واليمن ضياع زمن...
زولك ربنا فتحها عليه بعد مشى من هنا..طبعا دا لو قصة الاراضي والعمارة دي
حقيقة لانه مرات الناس يتكضب في الناس ساكت
فلان عنده عمارة ..وفلان عنده بيت وين قصص خرافية..وفلان عرس اربعة نسوان
وتلقى المسكين ساكن في السامراب ذينا ويركب المواصلات..وياها مريتو
القديمة ديك..الما تغباك
لازم تصتغفر الله لانك بهتو..وواصلا لو ذي ما بتقول
كان الجماعة دفعو ليه مصاريف الدراسة وماا تبشتن..
ذي بشتنة طلاب الدراسات العليا
هنا..وفي كل مكان وزمان..
الزول دا كنت بلاقيه كثير جدا
لانه الزمن داك كنت شغالة في الجامعة فول تايم من 8 الى 4 ونص
وبقضي نص وقتي في المكتبة بكتب بحثي الاول حق الوسائل ..
وكثيرا ما عملنا بريكات معا..عارفة البير وغطاها..
بالمناسبة كتابو كتاب ممتاز جدا.. حاول القاه..
|
Post: #23
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: Gafar Bashir
Date: 05-14-2007, 08:14 PM
Parent: #21
معليش يا دكتورة اذا كلامي ما واضح لانو ديل موضوعين منفصلات ..
العنصرية مقصود بيها اولاد المغتربين المافارزين التنظيمات السياسية من القبائل السودانية ... دي براها
التانية انو حتي لو الناس القابلوك هم اولاد مغتربين ده ما بمنع انو في كمية كبيرة من الكيزان البقروا في الدول الاوروبية والامريكية والاسيوية وبي منح سودانية ... وسؤالي هلي الالوية هي القراية في بلد بموت فيها النسا من نقص الدواء والغذاء ومسجمة ومرمدة بالحروب ... وكررت ليك انو المسالة ما خاصة بالافراد ... خاصة بسياسة الدولة واولياتها ....
|
Post: #24
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 08:29 PM
Parent: #23
| Quote: د بيان ما فضل ليهاالا تقول البلد بلدم وهوما اســــــــــــــيادة |
ابدن ياخوي ما قلت كدا
بس انا ما بريد الكلام الما صاح
اي زول عايز يكتب كلام لازم يكون حقائق...
هو جاب سيرة ماليزيا..
انا قاعدة هنا وعندي شركة بتاعة تنسيق ووكالة من جامعة..
عارفة انه غالبية الطلاب هنا من اولاد المغتربين دي حقيقة..
وغالبية طلاب الدراسات في جامعتنا مساعدين تدريس بجوا بمنح
من الجامعة هنا..او لعمل الدكتوراه بمنح من ادارة التدريب في السودان
كلهم بيكونوا متخرجين بالتانية العليا,,,
ما يجي واحد ناطي يقول خرجوهم بيها عشان يبعثوهم
لانه لو اصلا طلاب ضعفاء ما بتخرجوا..يعني ممكن تغش هناك
هنا ما بتقدر حيث الاستاندرد عالي جدا..
غالبية الطلاب الذين اتوا تخرجوا في الوقت المناسب..
على اي شخص يكتب هنا ان يتحرى الصدق والدقة..
واي سوداني يجد فرصة للدراسة هنا او اي بلد اخرى
تصب في تنمية الموارد البشرية التى تصب في مصلحة السودان.
|
Post: #25
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-14-2007, 08:32 PM
Parent: #24
لا يبعث مساعدي التدريس على نفقة الدولة
لعمل ماجستير..الا في التخصصات غير الموجودة في السودان
غالبيتهم ياتوا للدكتوراه..
|
Post: #26
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: Adam Omer
Date: 05-14-2007, 08:54 PM
Parent: #25
يا دكتورة مســـــــــــــــــــائك ســــــعيد انتى مطاردانى وشـغالة معاى > توم وانجيرى مالك لكى منى كل الود
|
Post: #28
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-14-2007, 10:18 PM
Parent: #1
| Quote: انا قاعدة هنا وعندي شركة بتاعة تنسيق ووكالة من جامعة |
يعني ماليزيا دي بقت بتاعت الكيزان عديل كده؟
زيتكم في بيتكم يا كيزان.
دينق.
|
Post: #30
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 00:40 AM
Parent: #28
جعفر لسع ما شايفة قصة العنصرية في كلامي دا,,,
بعدين تنمية الموارد البشرية اساس اي تنمية
لا ننكر ان هناك تمكين وشهدت بعد الحالات التى لم تستطع الاستمرار
وان التمكين هذا من اسوء السياسات لانه يضع
الولاء قبل الكفاءة,,,ويضر بالبلد كما هو حادث الان,,
حيث انهارت الخدمة المدنية تماما..
لقد جاعت شعوب لتصنع بلادها وعرفت ان النهضة لا تقوم الا بموارد بشرية
متعلمة ومدربة.. والنموذج الماليزي الذي بدا تنميته
بأعداد الموارد البشرية ببعت الالاف الى الخارج منذ الاستقلال وحتى الان
ليبنوا نهضتهم حيث سمعت ان 60% من مواردهم صرفت على اعداد الموارد البشرية
في 20 سنة الاولى بعد الاستقلال.. ثم بعد ذلك صرف على البني التحتية
والان خمس الميزانية يصرف على التعليم..وتدريب الموارد البشرية
واالامية لا تتجاوز ال1%ز( اريتو حالنا)
فالاولويات دائما المفروض تكون في تنمية الموارد البشرية
هذا حديث عام.. اذا تم ابتعاث اي عدد من ابناء الشعب
السوداني فهذه محمدة. يجب معالجتها بان تنتقد فكرة التمكين
وارسال كوادر حزبهم..ولكن ليس بطريقة هشام هباني..
بنقل احاديث اشاعات لا تخدم مسألة التعليم والتنمية في البلاد..
على الحكومة الوحدة او ناس البشير الانتباه الى ان الكفاءة قبل الولاء
لو جادين في تنمية البلد...
خاصة ان فكرة التمكين فكرة مخالفة للاسلام.. وللدستور..
ولي رجعة للحديث عن فكرة تنمية الموارد البشرية. واختيار اميز الطلاب
بقض النظر عن الانتماء الفكري كما هو كان حادثا قبل
الانقاذ..وارسالهم للخارج للدراسة لاكتساب خبرات يتم نقلها لاحقا
الى البلد...
|
Post: #31
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 00:51 AM
Parent: #30
Quote: يعني ماليزيا دي بقت بتاعت الكيزان عديل كده؟
زيتكم في بيتكم يا كيزان. |
يدنق والكلام الخارم بارم...
اسع كلامك دا معناه شنو؟
دخل الكلام دا بالكيزان شنو؟
انا موش قلت ليك انه 99% من طلاب المستوى الجامعي اولاد مغتربين؟
دخل المغتربين بالكيزان شنو؟
بالله ما تجي تتكلم ساي.
هذا مساهمتي في اعداد الموارد البشرية السودانية..
في احسن الجامعات..للقادرين على ارسال اولادهم.
بدلا عن ارسالهم للسودان الى حيشان ثورة التعليم
ودفع نفس المبلغ تقريبا لتخريج شخص يدرس بمذكرات
ويحلس في الكافتريا اكثر من حجرات الدرس,,
هنا جامعات حقيقية معدة اعداد
ممتاز وتدرس باللغة الانجليزية.
هؤلاء الطلاب هم امل السودان..
وامل تنميته...
فخلي بالله الكلام الما مسؤول..وناقش الموضوع بصورة جادة...
|
Post: #32
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Adel Khamis
Date: 05-15-2007, 01:10 AM
Parent: #31
الاخ ود هباني تحياتي
ياخي دائما بتجيب الحقائق وشـوف وكل الناس ديل منظمـين موجودين في
كل الولايات وتجمعهم التلاوة واللقيمات بالشـاي في الظاهـر الا ان افعالهم
مشبوهة
اخوك عادل خميس
|
Post: #33
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 01:38 AM
Parent: #32
الاجابة للاخ دينق عن سؤال من اين لك هذا في بوست
مجاور....
والاين هو شركة تنسيق الاسمها زاريا...
يا دينق الشركة شركة خدمية مسجلة في السودان ..
راس مالها خبرتي في التعليم
التى تجاوزت 15 سنة.. وما عندها راس مال
غير علاقاتي عامة...والى الان ما بدات بصورة جيدة..
يعني لا شركة بناء ولا تشيد ولا استيراد ولا تصدير
بعداك سؤالك قبيح قبح دواخلك..لانك سالتوا في مكان
تحريضي جدا...قلبك الاسود يوم برميك في حتة بطالة
بكرة القى البورد كلو لافي يتكم عن شركة زاريا
شركة كيزان..ذي صورتي مع جمعة وباقال الفخورة بيها انا
وبيدلل بيها بعض المرضى اني في الامن..
رغم انها في احتفال سودانيزاونلاين
وانه محمد جمعة عضو في المنبر..
يا سذاجتك ياخي..
|
Post: #34
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: sari_alail
Date: 05-15-2007, 03:00 AM
Parent: #1
Quote: ماليزيا
99% طلاب المستوى الجامعى من اولاد المغتربين...
نوعية تسألوا أبوك كوز؟
بيقوليك لا دنقلاوي ...
|
LOOOOOOOOOOOOOOOOOOOOOOOL
am coming soon
wad habanni ...
i dont have an arabic keyboard at this moment ....
but we have a big snatch in our university MMU .. He is from al gama3a ....
|
Post: #35
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 03:21 AM
Parent: #34
Quote: نحن تب ما قلنا شيتا في شطارتو والزول عارفو شاطرا كارب ما بتصاقع!
لكن ياالاخت الشي ده طالب ولا شنوالبحضر علي حسابو الخاص الماجستير والدكتوراه فوق الخارج بالضورار وكمان فوق حبلو اربع نسوان وعيال وشفع وجغجغ... وارجع بعد داك عندو عمارة واراضي ده حالتو طالب بس ومال اها بعد ما سوا الدكتوراه اكون هسع بقي شنو!!؟
اصطغفر الله العظيم! |
اها كلامك دا مافيهو ولا حقيقة واحدة..
الحقيقة الواحدة انه طالب ما بتصاقع..
|
Post: #36
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-15-2007, 03:37 AM
Parent: #1
شيخة الظلام بيان.
الواضح ما فاضح.
شغلك ده شغل كيزان عدييل كده. شركة مسجلة في السودان وشغالة في ماليزيا, وبتساعد أبناء المغتربين. أظن الحتة دي محتاجة الى نفسير زيادة.
بعدين كلمة علاقات عامة دي كلمة كبيرة جدا. ولو ما تمت تزيكيتك بواسطة الجماعة ما أظن أنك ممكن تحصلي على ربع دولار. خلينا بالله يا بيان نكون واقعين بعض الشئ. شغلك ده من غير مباركة الجماعة لا يسوى شئ. الله يكضب الشينة بس.
دينق.
|
Post: #38
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 03:49 AM
Parent: #36
دينق العب غيرها يا ساذج
ياخي الشركة دي عملنا ليها اعلان هنا وفي الاوف لاين
ولما مشيت الدوحة اتكتب عنها هنا وين كنت انت؟
يارب لما كنت شغال مترجم في العراق؟
ايوا يا دينق سرقنا قروش البلد وعملناها..
غياتو اجمل مافي الامر في البورد دا
لما يكون المتحدث ما واعي بيكون السامع واعي..
امشيى البروفايل حتلقاها... يعني ما سرية
وانت ما الجهة البتسأل منها..
|
Post: #39
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 04:08 AM
Parent: #38
| Quote: بعدين كلمة علاقات عامة |
نحكها معاك..
علاقاتي مع الاهل والاصدقاء وناس البورد..
وناس المعهد وناس الحيشان الثلاثة
والمدن العشت فيها عمري كلو..
غير عيشي هنا 14 سنة..
الكلية دي فيها بناتي المسؤول منها رسل لي وطلب مني
اجيب ليه طلاب عرب وسودانيين...
يعني هم الطلبوا مني وادوني وكالة..انا ما مشيت ليهم
ولا اظنه يعرف اي شخص سوداني غيري..
وابنتي اول سودانية دخلت هذه الكلية وعلق لاجلها
علم السودان بين الاعلام الاخرى..(20 دولة)
ومن زمن انا عندي فكرة انشاء شركة تعليمية استشارية..
كان فكرتي في اعداد المعلمين الذي عندي فيه خبرة ممتازة..
وعمل كتب تعليم لغة عربية..
ثم بدأت الان بالتنسيق الى ان نجعل لها مجلس
اكاديمي..معتبر..لو كتبت ناس بيتنا بس فيهم ثلاثة
من حملة الدكتوراه ويدرسون في جامعات منذ سنوات طويلة..
والباقين يعملون في مهن قريبة من التعليم..
وفي تخصصات مفيدة في التعليم غير المستشارة القانونية
حقتنا زيتنا في بيتنا
غير الوالد الذي درس 40 عاما..
ما شاء الله تبارك الله ..
شوفت دي ياها الخبرات والعلاقات..
الصيق في الواسطات والناس دا بعملو الزيك الما عندهم مؤهلات..
يتموها سياسة وعمالة وانا مسيحي مضطهد.
نحنا لا ...
مقدرات وقدرات وشهادات بس..
والموضوع دا احسن تخليه ما يبقى ذي قصة كضبك في عبد العظيم
لانه ما ممكن كل مرة تكضب وتدلس ونقبضك ياخي
انا فترت من قبض كضباتك ياخي وكشفها..
|
Post: #40
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: ود العجمى
Date: 05-15-2007, 06:49 AM
Parent: #1
Quote: انهم خلايا استراتيجية ستكون في سبات مبرمج لحين ايقاظها في الوقت المناسب يتم زرعها حاليا بالخارج لتبقي معينا لجبهة الهوس الداخلية تزودهم بالخريجين من ذوي الكفاءات العلمية العالية من فقاسات خارجية باسم الدراسة بالخارج يتم تمويلها باموال الوطن المنهوبة في شكل بعثات دراسية علي الحساب الخاص... ولكنهم مدفوعة رسومهم بملايين الدولارات المنهوبة من اموال شعبنا التعيس وفي ذات الوقت يقومون بنشاطات تجسسية لصالح النظام بالداخل علي التجمعات الوطنية بالخارج!
احذروهم وارصدوهم وتابعوهم....انهم الان بالالوف يتوافدون علي شمال امريكا واوروبا وايضا في ماليزيا واندونيسيا تحت مظلات طلاب قادمين للدراسة علي الحساب الخاص بموجبها يحصلون علي الاقامات الشرعية في هذه البلدان ليمارسوا دورهم الامني التجسسي وايضا دورهم الاستراتيجي في رفد ودعم مشروع الهوس الاستراتيجي في بلادنابالكفاءات العلمية المدربة والمتمكنة من هؤلاء الموفدين المشبوهين! |
تعميم غير موفق . هناك الكثيرون الذين يعرض بهم مثل هذا الكلام غير المسئول . أعرف الكثير من الأسر التى
تستقطع قوت أبناءها الآخرين ليتمكنوا من تدريس أحدهم فى الخارج لأنهم رأوا فيه نبوغ ..
هبانى أنت أكثر من تعرض للتجريح فى هذا المنبر والآن أنت تعرض بالآخرين . عليه أخى أرجوك شاكرا أن تعتزر عن هذا التعميم غير الموفق بكل شفافية
إحترامى
|
Post: #54
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-15-2007, 12:59 PM
Parent: #40
حبيبنا ود العجمي
سلامات
لو قرات الموضوع من اوله بتمعن جيدا ستجد انني لم اعمم بل قصدت هذه الفئات
التي مدفوع لها من اموالنا المنهوبة وليس الموفدون علي حساب اهلهم من ابناء المغتربين
وغيرهم من ابنائنا في الداخل.
Quote: ولكنهم مدفوعة رسومهم بملايين الدولارات المنهوبة من اموال شعبنا التعيس وفي ذات الوقت يقومون بنشاطات تجسسية لصالح النظام بالداخل علي التجمعات الوطنية بالخارج!
|
ان شاء الله واضح الموضوع
مودتي واحترامي
هشام
|
Post: #41
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Alshafea Ibrahim
Date: 05-15-2007, 07:32 AM
Parent: #1
ودهباني
شكرا يا عمدة كنا في نوم عميق ، كنا نحسبهم ينهبون المال العام لغرض الاستثمار في النساء والعقار والأسهم والسياحة وغيرها ، الغريب وين شغالين هؤلاء المؤهلين العائدين من البعثات ؟ نفس الفساد والرشوة والسرقة والمحسوبية والكروش واللحى والكذب والريا و خلافه .
الآن جاء محمد حامد ويفتح بوستا يعترف فيه بذلك، ومنذ زمن بعيد على حد قوله ؟ يعني السودان كله اصبح الموتمر الوطني والعكس، بعثات باسم (الموتمر) اقصد الحكومة وعلى حساب الحكومة (اقصد) (الموتمر ، تقول لي العطش والفقر والمرض والجوع والنزوح والموت ووو السودان والإنسانية والحياة الكريمة ؟؟ كان الله في عون المسكين الفقير السوداني
الشفيع
|
Post: #42
Title: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروهم!
Author: الفاتح خليل الفكي
Date: 05-15-2007, 08:43 AM
Parent: #1
الأخ / هشام
سلام واحترام ،،،
الموضوع جميل ومهم بس هنا في المنبر في ناس بتعوم في المواضيع
وحقيقة احترم كلام اخونا محمد حامد جمعة الواضح وصريح وبدون لف ولا دوران
وبدون تطبيل وهو يدافع عن رايه وحزبه بشجاعة وهو يؤكد على صدق كلامك
في بوست فتحه وهو يدافع عن الحكومة بشجاعة ووضوح .
وحقيقه الاموال منهوبة ومستفيدة منها شريحة معينة وغيرهم يموت جوعاً وفقراً وجهلاً
أخي هشام ياريت قبل كل رد يكون الواحد صادق وواضح مع نفسه اولاً بعدين يصدق مع
الاخرين
تقبل تحياتي واحترامي
أبو كريم
|
Post: #43
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: المسافر
Date: 05-15-2007, 09:03 AM
Parent: #42
Quote: اي زول عايز يقري ولدو ولا بتو في ماليزيا بالله يرسل لي على الايميل دا
|
د. نجاة
أرسلت ليك على الإيميل
ولو عند تسهيلات بالله عليك ما دايرة وصية
وما تنسي حق أخونا بكري أبوبكر في هذا الإعلان
مع تحياتي
محمد حمد المسافر
|
Post: #44
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذروه
Author: bayan
Date: 05-15-2007, 09:41 AM
Parent: #43
| Quote: ولو عند تسهيلات بالله عليك ما دايرة وصية |
من عيوني يا ود مدينتي..
لكن ايميلك ما وصل..
|
Post: #45
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-15-2007, 10:36 AM
Parent: #1
شيخة الظلام بيان.
أنا قلت لك مية مرة حاولي تتأكدي من مصادرك البتجسسي بيهم على الناس كويس.
لأنوا كل معلوماتك ضاربة. ولا أقول لك أحسن المرة الجاية تتصلي بي كلوشة ممكن يكون عندها معلومات أفضل.
دينق.
|
Post: #46
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 10:39 AM
Parent: #45
Quote: أنا قلت لك مية مرة حاولي تتأكدي من مصادرك البتجسسي بيهم على الناس كويس.
لأنوا كل معلوماتك ضاربة. ولا أقول لك أحسن المرة الجاية تتصلي بي كلوشة ممكن يكون عندها معلومات أفضل. |
خارم بارم
|
Post: #47
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Mustafa Mahmoud
Date: 05-15-2007, 10:54 AM
Parent: #46
the dirty دكتورة بثينة]
|
Post: #48
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-15-2007, 11:18 AM
Parent: #1
غايتو الناس لازم تعمل حسابها من شركة نجاة محمود( بيان) دي, خصوصا أن بيان تحمل تفكير طالباني.
دينق.
|
Post: #49
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 11:21 AM
Parent: #48
| Quote: غايتو الناس لازم تعمل حسابها من شركة نجاة محمود( بيان) دي, خصوصا أن بيان تحمل تفكير طالباني |
تاني كلام خارم بارم..
|
Post: #50
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-15-2007, 11:40 AM
Parent: #1
الظلامية بيان.
مرتين تطلعي كلامي خارم بارم؟
المرة الجاية بجيب لك كلام كلوشا.
دينق.
|
Post: #51
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 11:42 AM
Quote: الظلامية بيان.
مرتين تطلعي كلامي خارم بارم؟
المرة الجاية بجيب لك كلام كلوشا.
دينق. |
برضو كلام خارم بارم,,,
|
Post: #52
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Deng
Date: 05-15-2007, 11:53 AM
Parent: #1
بيان.
أستلفتي من ياتوا بنك لتأسيس شركتك دي؟
أوع تكوني ضاربة لك بنك زي جماعتك؟
دينق.
|
Post: #53
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-15-2007, 12:01 PM
Parent: #52
Quote: بيان.
أستلفتي من ياتوا بنك لتأسيس شركتك دي؟
أوع تكوني ضاربة لك بنك زي جماعتك؟
دينق. |
برضو كلام خارم بارم..
|
Post: #55
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: أحمد أمين
Date: 05-15-2007, 04:29 PM
Parent: #53
الاخ هبانى
تحياتى
خليكم عمليين احصروا الاسماء وارصدوا الجامعات واتصلوا بها
خصوصا فى امريكا معظم الجامعات فى امريكا عامله divestment
للسودان.
وخصوصا الطلبة الذين تمولهم الحكومة السودانية (المؤتمر الوطنى) او شركات تابعه للحكومة
أو شخصيات معروفه بولائها للمؤتمر الوطنى
دى قروش الشعب السودانى وليس قروس المؤتمر الوطنى
لو كان هناك برنامج بعثات فليفتح لكل افراد الشعب ذى ما كان زمان
لكنه فساد النظام الذى لايستحى ..............(دى سرقة عديل كده)
وبعدين نحن عايزنهم يكونوا متسقيين فكريا الغرب الكافر والعلمانى اليهودى ده حق (الكفار والعلمانيين) شنو التطفل على علم الناس ديل مادام هم كارهين الغرب ده، وليس لديهم القدره الفكرية او العلمية لاستخدام مناهجه (بل الفشخرة والعنة على خلق الله) (عيب والله)، يشوفوا ليهم خلوه ولا جامعة سعودية ولا احسن جامعاتهم بتاعت ثورة التعليم دى العملوها فى السودان ربما بمعجزة تطلع ليها عالم اسلامى.
|
Post: #56
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-16-2007, 11:16 PM
Parent: #55
العزيز احمد
سلامات
Quote: خليكم عمليين احصروا الاسماء وارصدوا الجامعات واتصلوا بها
خصوصا فى امريكا معظم الجامعات فى امريكا عامله divestment
للسودان.
وخصوصا الطلبة الذين تمولهم الحكومة السودانية (المؤتمر الوطنى) او شركات تابعه للحكومة
أو شخصيات معروفه بولائها للمؤتمر الوطنى
دى قروش الشعب السودانى وليس قروس المؤتمر الوطنى
لو كان هناك برنامج بعثات فليفتح لكل افراد الشعب ذى ما كان زمان
لكنه فساد النظام الذى لايستحى ..............(دى سرقة عديل كده)
وبعدين نحن عايزنهم يكونوا متسقيين فكريا الغرب الكافر والعلمانى اليهودى ده حق (الكفار والعلمانيين) شنو التطفل على علم الناس ديل مادام هم كارهين الغرب ده كده الغرب وليس لديه القدره الفكرية او العلمية لاستخدام مناهجهم (بل الفشخرة والعن ة على خلق الله) (عيب والله)، نشوف ليه خلوه ولا جامعة سعودية ولا احسن جامعاتهم بتاعت ثورة التعليم دى الفى السودان ربما بمعجزة تطلع ليها عالم اس |
وهو المطلوب يا احمد ويفترض ان نستنفر كل الشرفاء بالخارج للتحري من هوية هؤلاء اللصوص والجواسيس!
|
Post: #57
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: sari_alail
Date: 05-17-2007, 04:22 AM
Parent: #1
Quote: ماليزيا
99% طلاب المستوى الجامعى من اولاد المغتربين...
نوعية تسألوا أبوك كوز؟
بيقوليك لا دنقلاوي ...
|
قصدك شنو يا دكتورة??
ود هباني جاييك بخصوص الحكاية>>>>>
Dear habanni....
true stories happenes in malaysia .... am busy nowadays .. but i will write about as soon as i can ..
|
Post: #58
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Dr.Saeed Zakarya Saeed
Date: 05-17-2007, 08:39 AM
Parent: #57
Dear habanni....
true stories happenes in malaysia .... am busy nowadays .. but i will write about as soon as i can
حبيبنا ساري اليل
مجرد تعديل لبعض الاخطاء اللغوية
|
Post: #59
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: ateif abdoon
Date: 05-17-2007, 09:00 AM
Parent: #58
هباني الزول البنحبو
سلمات وعوافي
ودي ليك وليهم وللبوست
أحذروا اللصوص
كلمات وألحان وأداء أبو عركى
-----------------------------
لصوص هذا الزمن أحذروهــم..
أحذرو اللصـوص
أفتحو العين الكبيرة عشان تشوفهم...
أفتحو عينكم كبيرة عشان تشوفهم
مرحلة مرحلة تابعوهم..
أرصدو كل تحركاتهم وأنتبهو ليهــم
وضحــو ليهم أنكم أنتو بتعرفــوهم
سرقو البلد..كتلو الولد..نهبو الدهب....
وسرقوالأمل من أعين الناس الحيارى
وكل معاناة هذا الوطن منسوبة ليهم....
وأصلو مابتغيرو الا أنتو تغيروهــم
شدو حيلكـــم غيروهـــم .
|
Post: #60
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-17-2007, 11:41 AM
Parent: #59
| Quote: قصدك شنو يا دكتورة?? |
انه غالبيتهم لا يعرفون ما يدور
في السودان في الجبهة السياسية
بالمناسبة الرد ردتو ابنتي
عندما سالها شخص في السودان بعد ان اخبرته انها تعيش في ماليزيا
وطبعا لانه السودانيين لم يسمعوا بماليزيا
الا بعد الانقاذ ربطوا الانقاذ بها..وصار
كل من يعيش في ماليزيا كوز..
سالها رجل هل ابوها كوز؟
قالت ليه لا ابوي دنقلاوي..
وابنتي الان تدرس هنا في الجامعة مثلها مثل عدد ضخم
من اولاد المغتربين الذين لا يميزون هذه الاشياء...
والى الان لا تعرف معنى كوز...التى لا يعرفها الا من يعيش في السودان..
هذا ما قصدته...
هل لديك اي معلومات تناقض ما كتبته؟
كون ان 99% من طلاب المستوى الجامعي حضروا الى هنا
من بلد ثالث؟
لو عندك ادينا الاحصاء الجديد الذي تعرفه..
مع الشكر...
|
Post: #61
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: أيمن الطيب
Date: 05-17-2007, 12:34 PM
Parent: #1
دكتورة بيان المحترمة ( تأبطت شرها)
إنت دنقلاوية !!!! ؟
أيمن.
|
Post: #62
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-17-2007, 12:37 PM
Parent: #61
| Quote: إنت دنقلاوية !!!! ؟ |
سلام ايمن
لا بديرية عطبراوية..
| Quote: دكتورة بيان المحترم ( تأبطت شرها) |
هاهاهاههاها لا والله..
|
Post: #63
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: أيمن الطيب
Date: 05-17-2007, 12:46 PM
Parent: #1
سلامات يا دكتور,
| Quote: لا بديرية عطبراوية.. |
والنعم والله.
طيب الجماعة الهنا ديل شابكنك كوزة كوزة الحاصل شنو !!!
أنا والله قايلك كوزة
|
Post: #65
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: bayan
Date: 05-17-2007, 02:37 PM
Parent: #63
| Quote: أنا والله قايلك كوزة |
شوفت الحالة دي يا ود امي؟
 
|
Post: #64
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: أيمن الطيب
Date: 05-17-2007, 02:12 PM
Parent: #1
|
Post: #66
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: AMNA MUKHTAR
Date: 05-17-2007, 11:22 PM
Parent: #1
عارف يا استاذ هبانى..
الدكتوراة فى السودان بقت من تمانية الى عشرة مليون
والماجستير من خمسة الى ستة مليون..
ناهيك عن تكالبف الدراسات العليا من مراجع ومواصلات
وبحث ميدانى وخلافه.
يعنى الماعندو ملايين متلتلة ما يفكر خالص.
لذلك تجد ان معظم الدارسين والمتخرجين من الدراسات العليا حاليا كيزان
او أقرباء ناس الحكومة.
|
Post: #67
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: tasneem
Date: 05-18-2007, 09:52 AM
Parent: #66
الاخ هشام
قبل كم شهر كدا بعثوا 18 شاب الي باكستان منهم ابن الكاروري
لدراسة اللغة الانجليزية
تحياتي
|
Post: #68
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-19-2007, 08:20 AM
Parent: #67
اختنا تسنيم
سلامات
Quote: قبل كم شهر كدا بعثوا 18 شاب الي باكستان منهم ابن الكاروري
لدراسة اللغة الانجليزية
|
قطع شك منح باكستان دي حقتن مية بالمية!
ان شاء الله ما تنفعكم يا حرامية!
|
Post: #69
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-22-2007, 07:06 AM
Parent: #68
>
|
Post: #70
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-23-2007, 02:30 AM
Parent: #1
...
|
Post: #71
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-23-2007, 05:39 PM
Parent: #70
.
|
Post: #72
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-25-2007, 09:07 AM
Parent: #1
؟؟؟
|
Post: #73
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-28-2007, 09:19 AM
Parent: #1
>>>>
|
Post: #74
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Mustafa Mahmoud
Date: 05-28-2007, 09:40 AM
Parent: #73
لصوص هذا الزمن أحذروهــم..
أحذرو اللصـوص
أفتحو العين الكبيرة عشان تشوفهم...
أفتحو عينكم كبيرة عشان تشوفهم
مرحلة مرحلة تابعوهم..
أرصدو كل تحركاتهم وأنتبهو ليهــم
وضحــو ليهم أنكم أنتو بتعرفــوهم
سرقو البلد..كتلو الولد..نهبو الدهب....
وسرقوالأمل من أعين الناس الحيارى
وكل معاناة هذا الوطن منسوبة ليهم....
وأصلو مابتغيرو الا أنتو تغيروهــم
شدو حيلكـــم غيروهـــم .
|
Post: #75
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-28-2007, 04:10 PM
Parent: #74
؟؟؟
|
Post: #76
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: هشام هباني
Date: 05-30-2007, 07:06 AM
Parent: #1
....
|
Post: #77
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: wesamm
Date: 06-01-2007, 07:45 PM
Parent: #76
up
|
Post: #78
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Mustafa Mahmoud
Date: 06-10-2007, 09:45 PM
Parent: #77
*********************
|
Post: #79
Title: Re: افواج من المبعوثين للدراسا ت بامريكا واوروبا وماليزيا واندونيسيا باموالنا المنهوبة.. احذرو
Author: Mustafa Mahmoud
Date: 06-16-2007, 08:17 AM
Parent: #78
كل يوم يزداد وجه الانقاذ سوادا
وتزداد صفحتهاالكالحة جرائما
حسبنا الله ونعم الوكيل
|
|