الدويم الدويم الدويم الدويم الدويم الدويم الدويم!

ايهاالدويماب الجميلون في كل بقاع الدنيا شيبا وشباباانتم مطالبون اليوم وقبل غد بملحة شديدة من اهلنا الدويماب ايضا بكل بقاع الدنيا ان تفكروا علي بركة الله وتشرعوا بعدها في بناء موقع اسفيري باسم مدينة الدويم مدينة النور والجمال وهو من حقها علينا ان كنا نعزهاوهو مشروع سيؤسسه كل الجميلين والمبدعين ابناء مدينة الدويم داخل وخارج الوطن وسيرفدونه بكل افكارهم وامكانياتهم وقدراتهم ومواهبهم حتى يغدو مشروعا لاعادة الدويم الحبيبة اسفيريا في ثوبها الجميل وهي تعود الينا تلكم الساحرة نستدعيها بجمالها وتفاصيلها الحبيبة من ذلك الماضي الجميل حينما نجدل بذاكراتنا الخصبة والمترعة بذكرياتها الجميلة بمختلف اجيالنا ثوب هذا المشروع النبيل مشروع مدينةالنور والجمال (دويم شات والركوب عجلات)!
وفقكم الله وسدد خطاكم.....وتوكلوا علي بركة الله والزارعة الله في الحجر بتقوم!

اخوكم هشام هباني

الاخوة الاتية اسماؤهم
ازهري عبد القادر
مامون احمد
ابي عز الدين
خضر الطيب
نزار حسين
حسن محمد سعيد
ادريس خليفة
اسماعيل وراق
امين سيد مختار
الامين لعوتة
عمار يس النور
امل هباني
جمال هباني
معتز القريش
الصادق خليفة
هادية محمد
عبد الباقي شحتو
احمد الشايقي
وبقية الدويماب بالمنبر
انتم مطالبون بالتفاكر في هذا المشروع وعرضه علي كل اهلنا بالداخل والخارج
للمساهمة في دعمه بافكارهم.

إبن العم هشام هباني
تحية طيبة
شخصي قطع شوط كبير من حيث جمع المعلومات (المحتوى) ولي تصور خاص للموقع.. على أية حال الفكرة طيبة.. وإيد على إيد تجدع بعيد

مودتي
وراق

الأخوان هشام و إسماعيل

لكم الود

المقترح جميل و من الممكن تنفيذه

و يا ناظر الدعوة مقبولة

للدويم تاريخ من الواجب إطلاع العالم عليه

يا حبذا لو ربطنا الدويم بمعهد التربية بخت الرضا فهما توأمان لا ينفصلان

و كموعد تقديري لانطلاق الموقع من الممكن ان يكون الاحتفالات بمئوية الدويم الريفية

لكم الشكر مرة أخري لهذا الجهد

و الي الامام



-

هباني حبابك عشرة و اخبار عيالك

انا وأخوي الكاشف جمال هباني بنصلي الظهر ركعتين و الباقين اربعة .

عموماًمعاك لاخر السكة .

ويحي العدل

الصادق

سلامات

كويس اني لميت فيك

تحياتي ليك و الأسرة

و الي لقاء قريب


-

الدويماب الحلوين

ود لعوتة وودوراق والصادق

سلامات

علينا رفد الفكرة بكل تصوراتنا لهذا المشروع اي تناول الدويم بكل تفاصيلها الجميلة
بحيث يحتوي الموقع التعريف بالدويم ماضيا وحاضرا واخبار الدويم واحاديث حول الحركة الثقافية والرياضية ومبدعيها ماضيا وحاضرا بالدويم...وجغرافيا الدويم وافراح الدويم ومشاكل الدويم والسياسة بالدويم واحاديث حول بخت الرضا....وبحر ابيض وبنطون ومجانين ودراويش وصعاليك وظرفاء الدويم!
واقترح الاستفادة القصوي من ذاكرة الاستاذ ابي عز الدين البشري الرقمية الخطيرة في تصويرها لتفاصيل الدويم كما ابان ذلك في كتاباته الرائعة حول الدويم وايضا الاستفادة من المبدع اخيناازهري عبد القادر في التوثيق للحركة الفنية بالدويم... وان تستفيدوا ايضا من فنيات ابننا المبدع الخطاط..مامون احمد في اخراج بعض الاعمال الفنية التي تحتاج لمساته الفنية وايضا عرض اعماله الفنية العالميةو ايضاالاستفادة من اعمال بن الدويم الفنان العالمي لعوتة... اذا كان لديه من بعض تصاوير ورسومات قديمة للدويم... وايضا الاتصال بالبروفسور الاعلامي الطيب حاج عطيةللمساعدة في الحصول علي بعض الوثائق من وزارة الثقافة والاعلام ما يتعلق منها ببخت الرضا وبعض معالم الدويم القديمة والاتصال بكل ابناء الدويم في الداخل والخارج ليساهموا في هذا المشروع النبيل!

الاخ هباني
انا من الدويم بالانتساب
يوجد كتاب عن الدويم به صور قديمة جدا للدويم ولمحات تاريخية عنها وتوثيق جميل لها يمكن الاستفادة منه

حبيبنا ود هباني

والرائعين من ابناء الدويم في مشارق الارض ومغاربها

لكم التحية والتقدير


حقيقة اصبح وجود موقع اسفيري لتلك المدينة الخالده ضرورة

لابراز مكانتها التعليمية والاجتماعية ودورها في الحركة الوطنية

وياريت لو تتوحد الجهود وتبدا الانطلاقة من مبادرة الاخ سماعين

والموسوعة استاذنا ابي عز الدين البشرى , وتفعيل المشروع من

خلال رابطة ابناء الدويم بالمملكة العربية السعودية وانحنا

جاهزين لكامل الدعم , وفقكم الله وسدد خطاكم

Quote: الاخوة الاتية اسماؤهم ازهري عبد القادر مامون احمد ابي عز الدين خضر الطيب نزار حسين حسن محمد سعيد ادريس خليفة اسماعيل وراق امين سيد مختار الامين لعوتة معتز القريش هادية محمد عبد الباقي شحتو احمد الشايقي

الحبيب ود هباني اضف لقائمة ابناء الدويم بالبورد


الاخ نزار يوسف حاج الطاهر

الاخ مهلب خلف الله القريش


الاخت الهام احمد

Quote: و كموعد تقديري لانطلاق الموقع من الممكن ان يكون الاحتفالات بمئوية الدويم الريفية

يا تماسيح بحر أبيض

السلام جاكم

شفت يالناظر كلام الهندسة ده كيف.....؟

موافقون موافقون ويلا نبدأ من البوست ده....

الدويماب الحلوين/ شادية, خضر وازهري ود دريشة!

حبابكم الف

اها نبقي علي الكلام الجد الجد وشايف الجماعة بقوا متحمسين
شديد... وحقو نبقي في مقترحاتنا لشكل الموقع والمواد وبقية الافكار الحلوة!
وانت يا اختنا شادية اهلال بيك وحبابك الف وعندك كامل ( التابعية) للدويم...مش زي تابعية التابعين!
واها اخوانا من ناس الدويم الحلوين الخارج الشبكة والعندو اقتراحات للمشروع ارسلها لي عبر عنواني الالكتروني وسوف انشرها باسم صاحبها وعنواني كالتالي:

[email protected]
وهذا هاتفي الجوال في امريكا...4696825300

Quote: Quote: الاخوة الاتية اسماؤهم ازهري عبد القادر مامون احمد ابي عز الدين خضر الطيب نزار حسين حسن محمد سعيد ادريس خليفة اسماعيل وراق امين سيد مختار الامين لعوتة معتز القريش هادية محمد عبد الباقي شحتو احمد الشايقي الحبيب ود هباني اضف لقائمة ابناء الدويم بالبورد الاخ نزار يوسف حاج الطاهر الاخ مهلب خلف الله القريش الاخت الهام احمد

و أضيف إسمي كمان

عمار يس النور




عاشق بخت الرضا

قريبي عمار

سلامات

امسحها لخالك في وشو...السهوة دي... وكمان ما تنسي امل هباني وجمال هباني
واي واحد من اهلنا الدويماب اعضاء هذا المنبر....مع خالص الود والتقدير وسلام للاسرة الكريمة.

هشام

لي قدام يا دويم النور الحبيبة

الناظر هباني

تحياتي يا غالي لك ولأسرتك الكريمة
نعم الدويم تستحق موقع يعرف الناس بها
عني أنا على استعداد لأي شئ يطلب مني
وافيدكم أنني اخطط للذهاب الى السودان
في أواخر شهر يوليو وسوف اعمل جاهدا للحصول
على كمية من الصور لكل مناطق الدويم
وسأستنطق الوالد وأحضر ما لديه من معلومات
وقصص وحكاوي وتاريخ ..

شكرا لك على هذه اللفتة ونتمنى أن ترى النور قريبا

***

الدويمابي معتز ود عمنا القريش

سلام

Quote: نعم الدويم تستحق موقع يعرف الناس بها عني أنا على استعداد لأي شئ يطلب مني وافيدكم أنني اخطط للذهاب الى السودان في أواخر شهر يوليو وسوف اعمل جاهدا للحصول على كمية من الصور لكل مناطق الدويم وسأستنطق الوالد وأحضر ما لديه من معلومات وقصص وحكاوي وتاريخ ..

كتر خيرك يا زول يا اصيل
وبالله يا معتز لو لقيت لينا بس صور للهلبة غرب وابو رزقة ونفيسة طربوش
وحاجة حليمة ومنقة وعمر العوير وسوق النسوان القديم تكون ما قصرت تب
وياريت صورة لبار المحبة وعمنا ابكر!!

الاخ هشام
يشرفني الانتساب للدويم مدينة العلم والنور

حبابك الف بت الطيب سلامات ومرحب بيك في دويم شااااات

Quote: ازهري عبد القادر مامون احمد ابي عز الدين خضر الطيب نزار حسين حسن محمد سعيد ادريس خليفة اسماعيل وراق امين سيد مختار الامين لعوتة عمار يس النور امل هباني جمال هباني معتز القريش الصادق خليفة هادية محمد عبد الباقي شحتو احمد الشايقي

اضم اسمى الى هذة القائمة
وايد المشروع
ان الذى يربطنى بمدينة الدويم ليس مصاهرة او نسب بل اعتبر نفسى ابن من هذة المنطقة

ههههههههه


هباني

نسيت

احمد جلافيط؟

ارفع...ارفع ارفع

هههههههههههههههه

نخنا جاهزين

مامون

شكيتك علي الله ...انت بتذكر ارفع ارفع!
ومال وين جمال ود الجعافرة الاصفراني البكون جااااري طوالي في الشارع بتاع البحر
وعمك الفلاتي ود الشوال ابو قناية البكون رابط شوالو وعريان وماشي الباجور!

هههههههههههههههه
عليكم الله ياهشام
ارفع ارفع
دي استخدما في بوستاتك الجميلة ديك
هههههههههههههه



مالك ماشفت ودافعت عن مواطنينا في كنانه والمشروع الجديد هنا

Re: صور تعذيب مواطني النيل الأبيض (مشروع السكر)

يا ود هباني
ما تتضيق واسع في الدويم بس
خليها النيل الابيض كلها شبشة ونعيمة وام جر وابقر ........... واخريات

ناس الدويم سلام،

معذره للتاخير فيادوب دخلنا الحوش،
عارف يا هشام عنوان البوست ده بزكر ب(الكواريك الموسيقيه) لكماسره بصات الخرطوم – الدويم لمن البصات تكون متوفره و مرصرصه بالكوم...ظاهره مبهجه و لكن تختفي لمن البنزين (اقط) من السوق،
الدويم مدينه جميله نالت الاجحاف في زمن كل الدكتاتوريات...و قاومت سنين (الضلمه) بنور داخلي حتي قيل (ناس الدويم بشوفو في الضلمه).
معاكم لكتابه تاريخ الدويم ... و لصنع الجديد
و الانحناءه للدويم و لنيلها و ناسها......لناس شبشه ونعيمه و امجر وابقر و كل امتدادت بحر ابيض و عشاق بحر ابيض

بنتنا العزيزة اميرة


الف مراحب بيك في الدويم شات ونتوقع منك الكتير والكتير
والله اديك العافية والاسرة الكريمة.

هشام

يا هشام ازيك
انا اباذر عبد الباقى
من الدويم
ومشروع الاحتفال بمئويه الريفيه
دا مشروع جميل جدا
والدويم دى انا بسميها ماكوندو السودانيه
بس دايره ماركيز سودانى ىكتب عنها
وعن الشخصيات العجيبه الفيها
حقا هى مدينه ساحره

وليالى حبى
ياقلبى
ليالى حبى كانت نعيم
ويا قلبى هنا فى الدويم

وين امين سيد مختار
لو بتكلمو قول ليهو اباذر بسلم عليك
وخش البوست
دا
تضامنا مع حمله وليد دارفور
مع تحياتى للناس ديل كلهم وبهديم العمل دا ولكل الجميليين فى الدويم
تتذكر عمك جباره
تضامنا مع حمله وليد دارفور(اغنيه اكيد فى امل) اباذر عبد الباقى

ابننا الجميل اباذر عبد الباقي

اهلا بيك وحبابك الف يا زول يا دويمابي يا اصيل
البيت بيتك وانت زول مبدع جميل نتوقع منك حاجات اجمل لدويم النور والجمال
واكرر التهنئة بك اخي الاصغر ابا ذر.
مودتي واحتراماتي

هشام

شيخي الناظر

ااقتزحت (على) نفسي
ههه
ان اقترح ان يكون اسم الموقع
[ الـــدويم رضـــا )
باعتبار ان يتضمن الاسم اسم بخت الرضا
والمعنى الثاني واضح
ونحن راضون عنها (ها هي راضية عنا؟)

اما الاخ الدي طلب توسيع الماعون
ليشمل كل شمال النيل الابيض
فارى انه محقحصوصا وان المتطقة
عانت من التهميش من النميري الى الانقاذ

ياناظر
وياخوان
غرب النيل الابيض مات منذ موت مشاريع الاعاشة
وهو يعاني الزحف الصحراوي
والاهمال الحكومي والهجرة

وشرق النيل الابيض
خلاص ما المواطنين بسوا فيهم
ناس الشركات الجديدة شنو

غايتو ماعلرف اقول شنو