مالو منبركم ده بقى زي جلابية انصار السنة!!؟

اظنك يا بكري بقيت انصاري سنة(بضم السين لا بكسرها) ونحن ما عاااارفين مالو منبرك ده مقصر تب زي جلابية اهلنا انصار السنة وعشرة مواضيع تملا المنبر!!

الصادق الواثق يهكـــــر المنبر!!

اخونا انصاري سنة سافر بعد تسعتاشر سنة من السعودية لليمن قال اجرب اغتراب اليمن
وقالوا في قعدة بتاعة غات مع سودانيين مغتربين في اليمن..بدا يتكلم عن اغترابو في السعودية وهسع عمل منو بيت تلاتة طوابق وجاااي اليمن عشان اتم الطابق الرابع وارجع وانتهي من حكاية الغربة دي!
قالوا واحد من الجماعة المدرسين بتاعين اليمن المقشطين ومرخم من الغات سمع الزول لنهاية كلامو وخلاهو كمل كلامو و عاين لي الزول من راسو لكرعينو وقال ليهو: قلت يا اخوووي داير تكمل الطابق الرابع من اغتراب اليمن..علي الطلاق لو تميت جلابيتك المقصرة دي ..تكون اليمن ما قصرت معااااااك!!

حلووييييييييييييييه

اليمن ضياع زمن

وانصار السنه

ضياع وطن

طارق ابو صلعة السمح

دي ما دايره ليها شغل هيلاهوب بن كلب
بتاعة انصار السنة بكسر السين وضمها وفي الحالتين انا ضايع!!

انتو شن حكاية قصير الجلابية عندكم يا واثق الصادق!!؟

يا طارق الأمين مالك معانا؟؟؟

ضياع وطن ديل الكيزان الفاتحين ليك منابرهم الإعلامية تجي تغني و ترقص فيها بدون ما تقول عليهم كلمة الحق في تكرار لأزمة المثقف المدجن من قبل السلطة القاهرة..أنصار السنة أياديهم بيضاء على الشعب السوداني و ما عملوا ليهو إلا الخير.. الخير الما قدمتوا إنت بمنلوجاتك و رقيصكم و اغانيكم المشروخة..
معليش للقسوة لكن عشان تاني ما تجي..

يا هشام هباني :
ما رواه الترمذي في الشمائل، والنسائي في حديث عبيد بن خالد -رضي الله عنه- أنه كان يمشي وعليه بردة ملحاء، يعني تميل إلى البياض غير الناصع أو البياض الذي فيه سواد، قال: فناداني رجل فإذا رسول الله -صلى الله عليه وسلم- فقال: ارفع إزارك إلى أنصاف الساقين- أو نحو ذلك- أو قال: ارفع إزارك، قال: فقلت: يا رسول الله إني كذا أو قال: إني حمش الساقين، فقال: أما لك فيّ أسوة. وكان قال: ارفع ارفع ثوبك - وكلمة الثوب كما قد علم تشمل جميع أنواع الثياب- قال: والتفت فإذا إزاره إلى أنصاف ساقيه
عن حذيفة رضي الله عنه قال: أخذ رسول الله صلى الله عليه وسلم بعضلة ساقي، فقال: « هذا موضع الإزار، فإن أبيت فأسفل، فإن أبيت فلا حق للإزار في الكعبين » [صحيح الترمذي].
عن أنس بن مالك رضي الله عنه قال: قال رسول الله صلى الله عليه وسلم: « الإزار إلى نصف الساق » فلما رأى شدّة ذلك على المسلمين؛ قال: « إلى الكعبين لا خير فيما أسفل من ذلك » [رواه الإمام أحمد 3/ 140].

في أدلة تاني لكن اتخيل لي دا كفايه..

يعني الموضوع ما مقطوع من الراس ساي..

(لقد كان لكم في رسول الله أسوة حسنة)

الموضوع قصير ساي ولا في حاجة تانيه!

وحكاية قدمنا وماقدمنا للشعب السوداني افتكر تاييد الهدية ومشاركتكم بيوزير كفاية ان تثبت موضوعكم من السلطة
وقبل ما نسرح بالكلام ورينا لرايك في اختيار الحاكم بصندوقلا الاقتراع شنو؟
وبعدين رايك في المواطنه شنو والدولة السودانيه ولا الدولة الاسلاميه؟
الي حين..

Quote: وحكاية قدمنا وماقدمنا للشعب السوداني افتكر تاييد الهدية ومشاركتكم بيوزير كفاية ان تثبت موضوعكم من السلطة

يا أخوي تأييد الهدية و مشاركة المركز العام في مهزلة حكومة الوحدة الوطنية مخالف لمقررات الجماعة و إجماعها و قد وقفت جماهير أنصار السنة ضد ذلك بكافة فعالياتها لو انك تتابع تطور الأحداث و لم يبق مع الشيخ الهدية و المشاركين في السلطة إلا قلة معزولة..ثم ثانياً إنت الحكومة المسخرة دي المامشارك فيها منو؟؟؟ إلا حزب الامة و هو أول من صالح الإنقاذ في نداء الوطن بجيبوتي ..إذا بقت جريمة كل الناس مجرمين
لكن الفرق إنو ناس شيخ الهدية رغم خلافنا معاهم حتكون دي جريمتهم الأولى ضد الشعب السوداني و أتحداك تجيب لي حادثة في يوم من الأيام أنصار السنة وقفوا ضد السودان أو السودانيين و التاريخ يشهد..

Quote: وقبل ما نسرح بالكلام ورينا لرايك في اختيار الحاكم بصندوقلا الاقتراع شنو؟ وبعدين رايك في المواطنه شنو والدولة السودانيه ولا الدولة الاسلاميه؟ الي حين..

وليه إلى حين؟؟؟
أفتح هسع دي بوست تاني و سميهو نقاش مع أنصار السنة في النقاط التالية .. أطرح وجهة نظرك و نطرح وجهة نظرنا بالحجة و المنطق و البرهان..

لكن البوست دا فيهو سؤال واحد : لابسين قصير مالكم؟؟؟
الإجابة : هذه سنة النبي عليه الصلاة و السلام..

و شكراً

الاخ الواثق الصادق

صباح الخير

انت زعلت يادكتور؟؟

حقك علينا

معليش للقسوة لكن عشان تاني ما تجي..


لا لا لا كده بجي تصدق؟

طيب خليك من اغانينا المشروخه علي رايك

اها السب فوقا خليهم بالجنبه شويه

ممكن اعرف رايك في الغناء والموسيقي بشكل عام

ممكن اعرف رايكم في فنون الرقص الرسم التمثيل رجال ونساء

ممكن رايك في

عشه الفلاتيه

وابو داؤود

وعادل امام

وام كلثوم

وعقد الجلاد

وخليل فرح

وبوب مارلي

وجيمي كليف

وبيكاسو

ودافنشي

ووردي

وعثمان حسين

وتحيه زروق

وتماضر شيخ الدبن


واعتبر الكلام القلتو انا فوق دا

مجمد الي ما بعد سماع رايك

احتمال اكون غلطان وما متابع

احتمال جماعتكم بقو مركز اشعاع

للتنوير والحداثه والتقدم

حينها ساعتذر واسحب العباره

بعدين ماتزعل ياخ

انت باين عليك صدرك واسع وديمقراطي

يلي مستنينك مع الاحترام








بعدين قصه منابر الكيزان دي دي منابر الشعب السوداني

وانا بتكلم فيها عن الايدز والصحه والتعليم ومشاكل الناص البسطا

ومن نفس المنبر البتكلم منو الكوده تصدق؟

انا ما بنتظر المعارضه تسقط الحكومه بغد داك اجي اقوم بدوري

ولي كان يقيفو المدرسين برضو والواعظين من جماعتكم بالذات

وعموما هي وجهات راي ومحل اختلاف لوجهات نظر حصب تقديرات كل زول

لكن دا الان ما موضوعنا الاساسي

عندنا ملايين من الاجيال الجديده منتظرننا لي حبه متعه وفايده

لو خليناهم براهم في الضلمه دي يقوم يطلعو لينا انصار سنه كمان
















اسمع دي ياصدققوني

فال ليك واحد انصار سنه نجار

فدامو اتنين يصلو

واحد تالت جا يصلي معاهم

ومفروض الجا جديد يلز واحد منهم

عشان يبقي امام

بقي يدفر في الواقف يمين

والراجل الدافرنو حرن محلو ابي يتقدم

النجار انصار السنه متابع

كورك للراجل قال ليهو

خلو خلو

ادفر التاني

عشان دي الضلفه الفيها الترباس



عليك الله كان حلوه اضحك ماتتعلم غتاته الكيزان دي



اوروفواااااااااااااار

حذف لخطأ فيه

كدي قول بسم الله


مالو كلامك بقي قصير كده

دا كلام دا ولي جلابيه؟



بالمناسبه

قعد اكتب ليك في قصيده


تدفع كم انساها؟

[U]قال طارق :ممكن اعرف رايك في الغناء والموسيقي بشكل عام

ممكن اعرف رايكم في فنون الرقص الرسم التمثيل رجال ونساء.

عشان تعرف الاستنارة حأديك رأي الأئمة الأربعة يا محترم..
سئل الإمام مالك عن الغناء فقال :إنما يفعله عندنا الفساق
و هي نفس إجابة الإمام أحمد عندما سئل..
الشافعي قال :خلفت ببغداد فناً أحدثته الزنادقة يسمونه التغبير.. التغبير :شعر يزهد في الدنيا يلقى على تواقيع نطع
الأحناف : الغناء فسق و التلذذ به كفر..
أقول ليك حاجه.. خلينا نرجع ورا شويه..
قول الله جل وعلا : {وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ} (6) سورة لقمان صح عن ابن عباس رضي الله عنهما قال : (نزلت في الغناء وأشباهه) أخرجه البخاري في الأدب المفرد وابن جرير في تفسيره
وصح عن عبدالله بن مسعود رضي الله عنه أنه سئل عن هذه الآية فقال : (هو الغناء والذي لا إله إلا هو) يرددها ثلاثا أخرجه ابن أبي شيبه وابن جرير والبيهقي في شعب الإيمان والحاكم وصححه ووافقه الذهبي وصححه ابن القيم
أخرج البخاري في التاريخ وابن جرير أن عكرمة سئل عن لهو الحديث فقال: (هو الغناء)
قال ابن عباس رضي الله عنهما: (الدف حرام والمعازف حرام والكوبة حرام والمزمار حرام). أخرجه البيهقي 10/222 قال الألباني (إسناد صحيح)
وقال ابن مسعود رضي الله عنه: (الغناء يُنبت النفاق في القلب) أخرجه ابن أبي الدنيا بسند صحيح.
وجاء في مسند أحمد وسنن أبي داود (4924) عن سليمان بن موسى عن نافع قال : سمع ابن عمر مزمار قال : فوضع إصبعيه في أذنيه ونأى عن الطريق ( أي أبعد) وقال لي : يا نافع هل تسمع شيئا؟ قال فقلت : لا فرفع إصبعيه من أذنيه وقال: كنت مع النبي صلى الله عليه وسلم فسمع مثل هذا فصنع مثل هذا ) قال الألباني صحيح. وقال تابع سليمان بن موسى المطعم بن المقدام فرواه عن نافع أيضا.
شفت الاستنارة دي كيف؟؟؟؟

ثم قال طارق :بعدين قصه منابر الكيزان دي دي منابر الشعب السوداني

وانا بتكلم فيها عن الايدز والصحه والتعليم ومشاكل الناص البسطا

ومن نفس المنبر البتكلم منو الكوده تصدق؟

طيب مالك ما بتتكلم عن الفيل ذااااااااتو؟؟؟
عليك الله في حاجه اخطر منهم هم ذاتو؟؟؟
و مشاكل الناس البسطاء دي سببها منو؟؟؟
لولوه شديده...

الكودة دا يا أخوي فرز عيشتو زمان لو إنت متابع..
و إنت لو حقاني قول رايك في الكيزان هنا و وضح موقفك بصورة كاملة بدون تلبيس عشان بكره يكشوك من المنابر دي و تكون مناضل بالجد و تجي تبقى تكاسي في أمريكا زي ود هباني دا مش تمشي تملس ليهم هناك و تجي تعمل فيها جيفارا هنا..

وقال طارق الأمين :عندنا ملايين من الاجيال الجديده منتظرننا لي حبه متعه وفايده

لو خليناهم براهم في الضلمه دي يقوم يطلعو لينا انصار سنه كمان



و إنت يا مارتن لوثر قاعد تنور فيهو بالرقصات و المنولوجات؟؟؟
أنصار السنة على الأقل بقدموا ليهم الفائدة من الكتاب و السنة و الخير و في مركز الإشعاع هناك في جامعة الخرطوم أمشي شوف الاستنارة و انتشار أنصار السنة..
طبعاً إنتو و اشباهكم من الفرق بجيبوكم الكيزان عشان تضحكوا الطلبة في الحملة الانتخابية و تشوشوا على الخطاب السياسي في المنابر التانيه و بكل براءة تشيلوا الفيها النصيب و تمشوا..
و دا ضياع السودان

لعل أكثر ما احب في انصار السنة إلتزامهم الواضح فيما يعتقدون

فهم يفعلون ما يقولون

الاخ / هبانى اولا العنوان مكرر مع جسكا في خط 6 وياريت ما تكرر لينا العناوين تانى
الاخ / الواثق انا ما ضد انصار السنة ولكن اتحدو اولا ثم بعد ذلك اتكلموا في الدين وقدموا لينا القدوة والنموذج وبعدين انت ما متفق معاى انو الدين يحتاج الى تجديد من وقت لاخر يعنى مسألة الموسيقى والغنا والمسرح دى مطلوبة في ظل التطور الحاصل اليوم المهم يكون كلو في سبيل الله وبرضو عاوزين منكم نماذج مقنعة
ثالثا / الاخ طارق والله لو الفنان ما مقتنع بالذي يقدمه فلن يستطيع ان يقنع الاخرين بما يقدم

Quote: الاخ / الواثق انا ما ضد انصار السنة ولكن اتحدو اولا ثم بعد ذلك اتكلموا في الدين

حبيبنا سيف الدين ..
الإلزام دا مع احترامي ليك ما منطقي و لا موضوعي..
يعني تفتكر المسلمين لو بخلوا الكلام في الدين عشان مختلفين حيتكلموا متين بس؟؟؟
الخلاف دا من زمن الصحابة لكن يوم واحد ما شفنا زول وقف الدعوة عشان الناس مختلفه..
الخلاف سنة كونية لذلك فإن من أعظم أبواب الخلق الحسن (أدب الخلاف)..

Quote: وبعدين انت ما متفق معاى انو الدين يحتاج الى تجديد من وقت لاخر يعنى مسألة الموسيقى والغنا والمسرح دى مطلوبة في ظل التطور الحاصل اليوم المهم يكون كلو في سبيل الله وبرضو عاوزين منكم نماذج مقنعة

طبعاً يا سيف الدين كلامك دا ما تجديد دا خلق من جديد..
مفهوم التجديد هو نفض الغبار عن السنن المندثرة.. لعلك تقصد الاجتهاد في الحوادث التي استجدت مع العصر .. لكن طبعاً لا اجتهاد مع النص..

أشكرك

الاخ المحترم

الواثق الصادق


طيب انت مشكلتك ياتو واحده

انو ما بنغني ضد الكيزان؟

ولي مفروض ما نغني اصلا

لانو الغنا محرم؟

لكن تقول الغنا محرم

وتعيب علينا عدم الغنا ضد الكيزان

دا تناقض عجيب شويه

امابخصوص جيفارا ومارتن لوثر والجماعه القلتهم ديل

وقصه امشي اسوق تاكسي في امريكا

عشان اكون مؤهل انك تتكرم وتطلق غلي صفه مناضل

ابدا ياصيدي ما لازمانا القصه دي

وزي ما الاخ هشام من حقو يختار يعمل شنو ويمشي وين

وزي ما انت من حقك تختار تبقي انصار سنه

انا برضو من حقي اختار اكون موجود هنافي الخرطوم واقدم مساهماتي

بالشكل البشوفو انا مناسب مش انت

بعدين ياخي انا ما ادعيت حاجه مابعملا

ولا عملت فيها جيفارا ولا يحزنون

انا ضد الكيزان غصبا عنك

ومن حق اي زول يكون ضدهم او معاهم

بالطريقه البشوفا

اما كلامك عن انتشار انصار السنه

وموضوع الاستناره



ودا زمن مناسب لتكاثر انصار السنه


وليك حق تزعل انو يكون في غنا او فنون او

اي ممارسه من شأنها اعادتكم الي الحجم الطبيعي

تصدق رغم صورتك ام كرفته الجميله المجحم فيها دي

عمرنا كلو ونحن اطفال كان انصار السنه بفهمونا انو التصوير حرام

وجو بعد تلتين سنه فالو وضح جليا انو ما حرام

اسي ح تجو تحللو الغنا سنه كم؟؟

موضوع الطلبه والانتخابات وشنو وشنو

اول حاجه عيب ياخي انت انصار سنه

بعدين ياخي الفرق دي واشباهها زي ماعبرت انت

كتار جدا حتي في واحده اسمها الهيلاهوبا بالالف الطالغه

انت قاصد منو

والهيلاهوب مجموعه فنانين من مختلف المشارب والملل الفنيه والفكريه



واسي رغم اختلافي مغاكم دا لو عزمتونا حماكم الله

بنجي ونربا ليكم واي حاجه

بس انتو متين تقتنعو

عليكم الله سريع ماتعملوهو لينا زي موضوع التصوير

بعدين ياخ دا نظره فيها استعلاء وقتدفه علي الطلاب زاتم

طلاب الجامعه ممكن تجي فرقه تضحكم يقومو يخلو الانتخابات

معقول الموضوع بالبساطه دي

طيب فوق الحله دي انا تاني مابجي

ياخ في الجامعه لمن كنا بندعو لاسقاط الكيزان في الاتحاد

انصار السنه كان عندهم ركن نقاش شوف غيني موضوعو

ما حكم من توضأ وفي جيبه ليمونه












ياخ انا الشبكني معاك شنو الليله زاتو

ذكرتني ايام الجامعه

ياخ ماداير معاك يا مناضل ياعظيم

واسفين انو جبنا سيرتكم زانو

وانتو خير امه اخرجت للناس



بالله اعتبرني منسحب ومهزوم


عاش نضال انصار السنه

اخونا الواثق

طبعاً إنتو و اشباهكم من الفرق بجيبوكم الكيزان عشان تضحكوا الطلبة في الحملة الانتخابية و تشوشوا على الخطاب السياسي في المنابر التانيه و بكل براءة تشيلوا الفيها النصيب و تمشوا

لقد ظلمت هؤلاء الشباب الوطنيين المبدعين والذين يؤدون رسالة ابداعيةوطنية سامية داخل الوطن وهم يتعرضون لظواهر اجتماعية سالبة جراء هذا الوضع الظالم بنقد فني ساخر من خلال ادواتهم الابداعية المحببة للجمهور وهم يسلمونه الرسالة بطريقة سلسة وهي افضل من الاف الخطابات السياسية.

اخونا الواثق ما رايك في ( الكرافتة) اليست ايضا حراما لشبهة الصليب فيها
وبعض المتدينين لا يرتدونها ابدا ومنهم الايرانيون !!؟
و علي شاكلة تحريم الغناء والرقص والرسم في مذهبكم ما رايك في الانترنت اليس حراما ايضا باعتباره وسيطا اعلاميا يحمل الغناء والجنس والنساء السافرات والدعاية للدعارة والخمر والتبشير بالالحاد والديانات الاخرى..والاساءة للاسلام وهذا بالاضافة لكونه مخترعا مسيحيا( كافرا)!!؟

طارق الأمين طالما انسحبت خليناك و خلينا كل رد مختص بيك بس أوعى تتوضأ و في جيبك ليمونه..

Quote: الحمد لله والصلاة والسلام على رسول الله وآله وصحبه أما بعد: فربطة العنق أصل نشأتها بأوربا، ويقال إنها كانت في الأصل رمزاً لطاعة الزوج لزوجته، ثم أخذت في التهذيب إلى ما هي عليه الآن، وقد صارت عادة لدى كثير من المسلمين، وخرجت عن حد الخصوصية بالكفار وعن التشبه بهم إلا إذا لبسها المرء لا يلبسها إلا لأن الغرب يلبسونها فعندئذ يدخل هذا في قول النبي صلى الله عليه وسلم: "ومن تشبه بقوم فهو منهم" رواه أحمد وأبو داود. على أن الأولى للمسلم تركها على كل حال. ويحرم على المرأة لبسها، لما فيه من التشبه بالرجل، وقد لعن رسول الله صلى الله عليه وسلم المرأة المتشبهة بالرجال، فعن ابن عباس رضي الله عنهما قال: "لعن رسول الله صلى الله عليه وسلم المتشبهين من الرجال بالنساء والمتشبهات من النساء بالرجال" رواه البخاري. وقيل لعائشة إن امرأة تلبس النعل، فقالت: لعن رسول الله صلى الله عليه وسلم الرجلة من النساء" رواه أبو داود، والمراد بالنعل في هذا الحديث : النعل التي تشبه نعل الرجال. والله أعلم.

الانترنت يا ود هباني زي (الكبايه) ممكن تشرب بيها مويه و عصير و ممكن تشرب بيها ويسكي.. و زي التلفزيون و زي الراديو لا تحرم لذاتها و إنما يحدد حكمها المحتوى..
و بصورة عامة ليتم فهم هذه المسائل التي اخترعها الكفار كما تقول فإن التشبه بالكفار لا يكون حراماً إلا إذا كان المتشبه بهم فيه أصلاً في دينهم أو تميزوا به عن غيرهم من الملل ..
أرجو أن يفهم هذا مع محبتي..

الزول بتاع الأمثال السرية شكراً لك و كلامك لا يخرج عن نفس جدلية و منطقية البوست المشار إليه...

اي بالله يا مولانا

اختاني ياخ

انا زول بتاع بهحه

وبمرق من بيتناواحده صباحا

وانت بتنوم بعد العشا


انت عامل دقن وانا عامل صلعه

انا بحب المغني والمزك

وانت المديح زاتو عندك فيهو راي

بعدين كوتتنا من البري اخدناها في الجامعه



بالمناسبه

بسال عن زميل دراسه من عنديكم

اسمو مسيب

كان في جامعه الجزيره

مره عملنا حفله يوم خميس في الجامعه

قام تاني يوم عمل ركن نقاش سماهو

القول النفيس فيما قيل في حفل الخميس

نبذنا نبذ

والله جنس محن

اسي بمناسبه التطبيع دا

رايك شنو تشيل الدقن دي يومين تلاته

وتخش ليك يامولانا في بنطلون جينز كده

وتكسح معانا حفله قااااااجه كده

في نادي ابولو

ختام المهرحان بتاعنا دا

اهو تجرب نقول خير؟

Quote: اي بالله يا مولانا اختاني ياخ

أنا من اول قلت ليك تاني ما تجي بس براك الشلاقه كاتلاتك

مسيب يوسف في قطر ...

لبس الجينز ما داير ليهو شيل لحيه يا كابتن..

لكن و الله فيك حلاة دقن على الأقل تعوض الصلعه دي

اذهب فأنت من الطلقاء

بس يامولانا

لازم يكون واقع ليك الفرق

بين الزهد في الحواراللي هو

عدم الرغبه في نقاش موضوعات قديمه

لن نصل فيها لي اتفاق

وبين عدم المقدره علي الحوار

ودي يامولانا ماعندنا

يعني موضوع الموسيقي خلال حرام

موضوع قديم يالنسبه لي

ومافي خطتي اناقشو في المكان والزمان ديل

ثم ليست لدي الرغبه او الوقت للدخول في

المناكفات المطوله لانها تقود للمهاترات




تحباتي لك


ولدفعتي مهيب واشهد انه كان

صادقا وشجاعا ولطيفا

رغم مولنته




هاك دي

الانصرسنبوزيديه ماهي؟

















الاجابه هم انصار السنه اتباع الشيخ ابوزيد

Quote: بس يامولانا لازم يكون واقع ليك الفرق بين الزهد في الحواراللي هو عدم الرغبه في نقاش موضوعات قديمه لن نصل فيها لي اتفاق وبين عدم المقدره علي الحوار ودي يامولانا ماعندنا

يا طارق يا أخوي مافي زول جاب سيرة عجزك عن الحوار لكن جبنا سيرة دخولك في الحوار أول مرة بدون داعي و إطلاق المهاترات على شاكلة (انصار السنة ضياع وطن) و في النهاية عملت فيها مقتنع إنو ما بجيب نتيجة و الرجوع للحق فضيلة..

Quote: يعني موضوع الموسيقي خلال حرام موضوع قديم يالنسبه لي ومافي خطتي اناقشو في المكان والزمان ديل

عليك الله الجاب سيرة الغناء منو في الأول؟؟؟
مش إنت؟؟؟

بالهداوه كده راجع الردود الفوق و حتعرف الورطة سببها منو؟
أصلاً إنت ما فتحت موضوع بستاهل نقاش جاد و دا الخلى شكل الحوار بايخ..

على كل حال فرصة سعيدة و مشكور على التعريفات المنجورة

ود أختي الجميل طارق...

وصديقي الواثق..

يا اخواننا صلو علي النبي وقولو بسم الله وباركوها...

قواسيب مودتي... وإنت يا ود هباني سويتها وقعدت بعيد تعاين!!


أبو الحســـــــين...

الناظر هباني.

أنا غايتوا عاجبني البلولة ودعمه السخي لفريق الهلال.
أصلوا الراجل شبعان جدا.

دينق.

ود هبانى
سلامات يا حبيب
الناس ديل والكيزان اولاد أعم,بس مشكلتهم ما لاقين فرصة,وكمان لو لقوها بخافوا منها...زى مابقول مثلنا(السري جدا).
تحياتى
محمد مكى

أول هام:
سلامات يا هشام هباني وتشبيه بليغ منك....

تاني هام:

Quote: يا هشام هباني : ما رواه الترمذي في الشمائل، والنسائي في حديث عبيد بن خالد -رضي الله عنه- أنه كان يمشي وعليه بردة ملحاء، يعني تميل إلى البياض غير الناصع أو البياض الذي فيه سواد، قال: فناداني رجل فإذا رسول الله -صلى الله عليه وسلم- فقال: ارفع إزارك إلى أنصاف الساقين- أو نحو ذلك- أو قال: ارفع إزارك، قال: فقلت: يا رسول الله إني كذا أو قال: إني حمش الساقين، فقال: أما لك فيّ أسوة. وكان قال: ارفع ارفع ثوبك - وكلمة الثوب كما قد علم تشمل جميع أنواع الثياب- قال: والتفت فإذا إزاره إلى أنصاف ساقيه عن حذيفة رضي الله عنه قال: أخذ رسول الله صلى الله عليه وسلم بعضلة ساقي، فقال: « هذا موضع الإزار، فإن أبيت فأسفل، فإن أبيت فلا حق للإزار في الكعبين » [صحيح الترمذي]. عن أنس بن مالك رضي الله عنه قال: قال رسول الله صلى الله عليه وسلم: « الإزار إلى نصف الساق » فلما رأى شدّة ذلك على المسلمين؛ قال: « إلى الكعبين لا خير فيما أسفل من ذلك » [رواه الإمام أحمد 3/ 140]. في أدلة تاني لكن اتخيل لي دا كفايه.. يعني الموضوع ما مقطوع من الراس ساي.. (لقد كان لكم في رسول الله أسوة حسنة)

بافتراض صحة الاحاديث سابقة الذكر يا استاذ الواثق سلوك طبيعي كان رد الرسول علي الزول ده لسبب انو في الوقت داك اكيد الطرق ما مرصوفة والقصة في ا جايطة جوطة شديدة والراجل زي ما انت قلت كان لابس بردة ملحاء يعني اكيد لمت وساخة الدنيا والعالمين فأكيد الرسول حيقول ليه ارفع وقصر ، بعدين طبعا الحاكاية دي من زمن اختفت بعد ظهور البناطلين ورصف الطرق فببقي مافي منطق للحكاية دي الا يكون القماش نقص ولا لفهم اخر غاب عن خلدي ، وبعدين الكعب ومنتصف الساقين ديل في مسافات بينهم شاسعة

فسؤالي الأن هو:-
هل الاختلاف في مذاهب انصار السنة الاصل فيه مقاس البنطلون ؟؟ بمعني انو في مذهب انصارو-سني ينص علي بنطلون ميدي والاخر ينص علي بنطلون ميني واخر ينص علي الوسطية في طول البنطلون؟؟؟

حذف لخطأ فيه

Quote: الناس ديل والكيزان اولاد أعم

الفرق الوحيد ! انهم ! بلبسوا الساعه باليمين !!!
عبدالماجد

تقول ريهان :بافتراض صحة الاحاديث سابقة الذكر

و الافتراض لماذا؟؟؟
هل وقفت على صحتها فعلاً؟؟؟
يا أختي هذا علم لا يقوم على : اتخيل لي و افترض .. لو الأحاديث ما صحيحة قولي فلان من أهل (العلم) قال إنها ما صحيحة مش بكل سهولة و كأننا بنتناقش في صدارة الدوري الممتاز تجي تقول بإفتراض إنو الأحاديث صحيحة..
المداخلة العلمية دائماً تكون ذات قيمة..

ثم تقول : استاذ الواثق سلوك طبيعي كان رد الرسول علي الزول ده لسبب انو في الوقت داك اكيد الطرق ما مرصوفة والقصة في ا جايطة جوطة شديدة والراجل زي ما انت قلت كان لابس بردة ملحاء يعني اكيد لمت وساخة الدنيا والعالمين فأكيد الرسول حيقول ليه ارفع وقصر ، بعدين طبعا الحاكاية دي من زمن اختفت بعد ظهور البناطلين ورصف الطرق فببقي مافي منطق للحكاية دي الا يكون القماش نقص لا لفهم اخر غاب عن خلدي ، وبعدين الكعب ومنتصف الساقين ديل في مسافات بينهم شاسعة

يا ريهان هل هذا الفهم للنصوص دي سبقك به أحد من أهل العلم أم أنه تبادر لذهنك الآن على الهواء مباشرةً و هكذا؟؟؟

طيب مع إنك امرأة معقولة ما سمعتي بالحديث دا :عن ابن عمر قال: قال رسول الله: ‏(‏من جر ثوبه خيلاء لم ينظر الله إليه يوم القيامة، فقالت أم سلمة: فكيف يصنع النساء بذيولهن‏؟‏ قال‏ :‏ يرخين شبرًا: قالت: إذا ينكشف أقدامهن: قال: فيرخينه ذراعًا لا يزدن عليه‏)‏ ا‏.‏هـ‏.‏

لو تعبتي شويه و ما استعجلتي في كتابة كلماتك كان لقيتي إنو قصة الأسفلت و الرصيف و الحاجات دي كلها ما عندها أي روح تصمد في فقه الحديث و دلالاتهو إلا يكون حديث ابن عمر دا يوضح وجود آلة حدباء ترتقي عليها النساء في زمن النبوة لتفادي جوطة الطرق و الوساخات الناتجة من عدم الرصف و السفلته و لا يسمح بارتقاء هذه الآلة من قبل الرجال

ثم ختمت مقالتها : فسؤالي الأن هو:-
هل الاختلاف في مذاهب انصار السنة الاصل فيه مقاس البنطلون ؟؟ بمعني انو في مذهب انصارو-سني ينص علي بنطلون ميدي والاخر ينص علي بنطلون ميني واخر ينص علي الوسطية في طول البنطلون؟؟؟
من فنيات الكتابة إنو الواحد يختم بأقوى حاجه عندو.. و لعلك اخترت السخرية لتختمي بها لتصوري أن أنصار السنة لا شأن لهم سوى الاختلاف في طول البنطلون أو كيفية مسك المسواك أو جدلية وجود جرجير في الجنة من عدمه..

كان الأفضل لك توفير هذه السخرية لتكسبي زمنك في قراءة الموضوع من كافة جوانبه و التعامل معه على أنه دين يجب الاحتراز فيه من إطلاق القول على عواهنه من تحريم و تحليل فإن القول على الله بغير علم أعظم من الشرك بالله..

و صدق محسن خالد حين قال :
انظري للانترنت مثلاً، مواقع الحوار تحديداً، هناك أشخاص يعرضون غباءهم بكل حاتمية، وعدم خبرتهم، شح معلوماتهم، ويريدون بوهم هذه الديموقراطية أن يتحدثوا في أشياء أكبر من مستوى إدراكهم ومعرفتهم. وبأي حجّة؟ حجة الباسويرد، وهو يعني الحق الديموقراطي دون شك، ولكن هل هو يعني الحق المعرفي؟

مع خالص الود..

ما تزعلي و لك العتبى مقدماً

تكشف لي انه ما بين أنصاري السنة والفنان بون شاسع
شاسع - شاسع - شاسع.
وفعلا لو كانت
أرزاق الجمهور تجري على الحجى لهلكن إذا من جهلهن الفنانون.

لم يعجبني الخلط بين موضوع الحوار وشخص المحاور إذ أدرك الأخ عدم قدرته في مجاراة النقاش فجنح نحو الشخص ..
الانسياق وراء الهجوم الشخصي من ابتدر به مخطئ بالكاد، برغم أنني أرى ان أحد الأخوة حاول مجاوزته بتريث وصبر وهدوء مجنبا الوقوع في مصيدة تخرج الموضوع عن إطاره ..
الحكمة والمنطق مطلوبة ولكنها كانت مفقودة بل الجنوح للهزل كان أوفر من البعض..
وما يجعلني أن أحترم أكثر كلما تجنب الشخص نقاط الضعف الشخصية ..
وأنا واثق من أي منهما إن كان واضحا ومنطقيا في عرض أفكاره او وجهة نظره ولم يتعجل النتائج .. من أجل حقيقةانتصاره بسطحية وهزلية سيكون له الظفر في هذاالحوار ..
مع إحترام وتقدير عظيمين لكل الأخوة المتداخلين،،
وفتكم بخطىً واثقة نحو اللاعودة . مستمتعا بما تكتبون

الاخ عثمان محمدين

ذكرت


وفعلا لو كانت

أرزاق الجمهور تجري على الحجى لهلكن إذا من جهلهن الفنانون.




والبيت الاصلي يقول

ولوكانت الارزاق تجري علي الحجي لهلكن اذن من جهلهن البهائم

فانت تضع كلمه الفنانون هذه في مكان كلمه البهائم

وتضع قبلها فعل الماضي المؤنث هلكن


ثم تاتي وتقول

..
الحكمة والمنطق مطلوبة ولكنها كانت مفقودة بل الجنوح للهزل كان أوفر من البعض


هل تري نفسك الان سعيدا وانت توجه للناس الاهانات من مكان مافي العالم

ثم تدعو الي الحكمه والمنطق وعدم الجنوح للهزل

اعتقد انه يلزمك الاعتذار يارجل ان كنت صادقا فيما تقول

ان لم تفعل فتقبل شكري ايضا لانك فعلتها عن بعد

مالو منبركم دا بقى زى (مينى جوب) راكبات التكاسى مع هشام هبانى
شايف حاجة يا معلم؟؟؟؟
تكتب البوست تلقاو فى عاشر صفحه
اكيد ما شايف حاجه



عاين قدامك الشارع سريع ومزدحم؟؟؟



تحياتى
ودام الود
مخو

خالص الاحترام الاستاذ الواثق
يا سيدي لاني لا اعلم (ومن قال لا اعلم فقد افتي ) لذلك كتبت بافتراض، خاصة وأنني من المؤمنين بحكاية بيحكيها الاستاذ/ احمد ضؤ البيت( رد الله غربته ) انو العربي في شبه الجزيرة العربية يغز كوعه تحت الشجرة ويقول الرسول قال ... ويكون الرسول براءة من ما قاله العربي الغاذي كوعه ... والشئ المتاكدة منو انو احاديث انصار السنة 3/4 منها من احاديث غز الكوع


لانو الدين عندي مرن وتفكيري في النصوص بيكون بعيد عن اي تشدد غير مبرر ولا تعقيد فلو التفسير سابق الذكر جاء علي الهواء مباشرة فدي محسنة كون اني بحاول افسر نصوص وما بستلمها جاهزة وببداء احرم واحلل للناس يعني يا الواثق القصة قابلة عندي للنقاش والاقناع لكن هاك الدليل
( رأى عمر بن الخطاب شاباُ يمس ثوبه الأرض قال له : ارفع ثوبك فإنه أتقى لربك ، وأنقى لثوبك فلقد قال صلى الله عليه وسلم : " البسوا من ثيابكم البياض ، فإنها من خير ثيابكم ، وكفنوا فيها موتاكم " [ الترمذي وبن ماجه والنسائي وهوحديث صحيح الإسناد ] ) .


يا زول الجاب سيرة ثياب النسوان هنا شنو؟؟ وبعدين احنا بنتكلم عن تقصير الثوب عند الرجال لكن بالمناسبة لو مصر علي موضوع النسوان برضو حديثك بيثبت انو برضو ما مفروض يجرجرو هدومهم با معناتو تفسيري العلي الهواء مباشرة ساري المفعول هنا برضو.

لكن بالمناسبة عجبني استشهادك بمقولة محسن خالد كون ان بتقرأ ليه معناتو دي خطوة جادة ومسئولة منك تجاه تجديد خطاب انصار السنة انت كده ماشي كويس شوية شوية بتبقي انصار سنة علماني .

ولك كل التحايا...

Quote: خالص الاحترام الاستاذ الواثق يا سيدي لاني لا اعلم (ومن قال لا اعلم فقد افتي ) لذلك كتبت بافتراض، خاصة وأنني من المؤمنين بحكاية بيحكيها الاستاذ/ احمد ضؤ البيت( رد الله غربته ) انو العربي في شبه الجزيرة العربية يغز كوعه تحت الشجرة ويقول الرسول قال ... ويكون الرسول براءة من ما قاله العربي الغاذي كوعه ... والشئ المتاكدة منو انو احاديث انصار السنة 3/4 منها من احاديث غز الكوع

الغريبة إنك بتقولي لا أعلم و بتجي تفتي...
أما حكاية أحمد ضو البيت أحسن ليك ما تؤمني بيها لأنو في علم كااااااااااااامل اسمو الجرح و التعديل اتخيل أحمد ذاتو ما سمع بيهو و لا بعرفو عشان كده بنسف الأحاديث بالقصص الزي دي..القصص دي بتبين سطحية الزول و عجزه عن تناول قضية من منظور معين لأنو ما بقدر يعاين بيهو أو ما لاقي طريقة يعاين بيهو أو المنظار أكبر منو ذاتو فيقوم ينسف الموضوع من أولو..
يعني زي كلامك بتاع أحاديث أنصار السنة ثلاث أرباعها غز كوع دا ما بصدر من زول معرفي و ما بطلع من زول بعرف يناقش و بحترم العلم لكن ممكن عادي جداً يطلع من زول جاهل بالأحاديث شنو و بدل يعترف بجلهو طوالي طااااخ يضرب الأحاديث بإنها غز كوع ساي عشان يفحم الزول البناقشو بطريقة الجهال الكلاسيكية..
علم الحديث دا متاح لكل الناس و لو عايزه تتعلميهو ممكن عادي بس داير شويه صبر و ذهن نضيف و ممكن برضو ما تتعبي روحك لكن تمحصي الادلةو تعترفي بأهل العلم هنا لأنك ما من أهل العلم..
قال محسن خالد في هذه الجزئية بالذات :
الحق الديموقراطي لا بُدّ أن يسبقه الحق المعرفي. وأنّ الحق الديموقراطي لا يقوم إلا في حيز العدالة. أي أن تُعامل بعدالة مساوية لسقراط في الحقوق والواجبات، ولكن ليس في الحق المعرفي. وإلا لهلكت المعرفة في تولاها التي جعلتنا نتوصل لمفهوم الحقوق القانونية هذه نفسها التي يجب أن تُميَّز كامل التمييز عن الحقوق المعرفية. فالمهندس حقه الديموقراطي أن يتعالج مثله مثل الطبيب في مستشفى الدولة، ولكن ليس من حقه المعرفي أن يؤبه لكلامه بخصوص هذه المعالجة كما يؤبه بكلام الطبيب مثلاً. مثلما أنّ الطبيب يدير المستشفى في شقه الطبي، ولكن لا يؤبه بكلامه بخصوص بناء العنابر وتنميتها ومكافحة الصيف والشتاء فيها كما يؤبه بكلام المهندس المعماري أو المدني مثلاً. وهذا شيء من طبيعة وصميم الوجود نفسه..

فطالما ما عندك معرفة بعلم الحديث فلا إنتي و لا أحمد ضو البيت مؤهل للحكم على أحاديث أنصار السنة..
أحسن ليك تقيفي في حد (من قال لا أعلم فقد أفتى)..لأنو المهاترات عمرها ما غطت على جهل زول صاح الناس ممكن تضحك في وشك لكن تحت تحت بكونوا خلاص رموا طوبتك..

Quote: لانو الدين عندي مرن وتفكيري في النصوص بيكون بعيد عن اي تشدد غير مبرر ولا تعقيد فلو التفسير سابق الذكر جاء علي الهواء مباشرة فدي محسنة كون اني بحاول افسر نصوص وما بستلمها جاهزة وببداء احرم واحلل للناس يعني يا الواثق القصة قابلة عندي للنقاش والاقناع

و الحاجه الغريبة التانيه إنو أي زول و لو كان جاهل زييك ممكن يفكر في دلالات النصوص و يتجرأ عليها بحكم إنو مستنير و بشغل مخو.. ياخي شغلي مخك في الحاجات البتعرفيها لكن الشريعة دي علم لو ما عندك الأدوات ما تجي خاشه شمال و الكلام دا بالناسبة ما عندو علاقة بالاستنارة أو الظلامية دا محل اتفاق البشر (من تحدث في غير فنه أتى بالعجائب)..

Quote: لكن هاك الدليل ( رأى عمر بن الخطاب شاباُ يمس ثوبه الأرض قال له : ارفع ثوبك فإنه أتقى لربك ، وأنقى لثوبك فلقد قال صلى الله عليه وسلم : " البسوا من ثيابكم البياض ، فإنها من خير ثيابكم ، وكفنوا فيها موتاكم " [ الترمذي وبن ماجه والنسائي وهوحديث صحيح الإسناد ] ) .

طيب ليه المرة دي اعترفتي بالترمذي و ابن ماجه و النسائي؟؟؟ و كيف عرفتي إنو الحديث دا ما غز كوع ساي؟؟؟
حديث عمربن الخطاب لا يخالف ما ذهبت إليه أنا من أن علة تحريم الإسبال ليست اتساخ الأرض و الذي منه..
الدليل على ذلك أن النساء في نفس ذلك الوقت كن يلبسن ثياباً أطول في حكم الإسبال و لو كانت العلة اتساخ الأرض لمنعهن النبي صلى الله عليه و سلم خاصة و أنهن ربات الزينة و المهتمات بها و المقدمات في مضمارها..
ثانياً لا يلزم من الإسبال جر الثياب بالأرض لأن حد أزرة المؤمن إلى الكعبين على وجه الجواز فما زاد من الكعبين فلا يلزم ان يجر بالأرض و هذا واضح لكل ذي عينين..
النقاش حول الإسبال قديم و مستمر حتى في عصر العلماء البقى في زمنهم في أرصفة مافي زول جاب سيرة الوساخه دي.. اتكلموا عن الإسبال بخيلاء و بغير خيلاء لكن علتك الجبتيها دي سبق يسجل باسم في دفتر العجائب التي يأتي بها من يتكلم في غير فنه..

Quote: يا زول الجاب سيرة ثياب النسوان هنا شنو؟؟ وبعدين احنا بنتكلم عن تقصير الثوب عند الرجال لكن بالمناسبة لو مصر علي موضوع النسوان برضو حديثك بيثبت انو برضو ما مفروض يجرجرو هدومهم با معناتو تفسيري العلي الهواء مباشرة ساري المفعول هنا برضو

الجاب سيرة حديث النسوان هو وجه الاستدلال الأول الذي يبطل مفهومك المباشر على الهواء..برضو فهمك غريب.. كيف يرخينه ذراعاً و لا يجر بالأرض؟؟؟ عارفه الذراع قدر شنو؟؟


بنستدل ليك بمحسن خالد عشان ما تقولوا ظلامي ما بنفع معاكم ابن باز طبعاً
المحير فعلاً إنو زول يصدر حديثو بقوله أنه لا يعلم ثم يدلي برأيه في كل مسألة مطروحة أو تخطر على باله طيب لو كنتي بتعرفي كان عملتي شنو بالله؟؟

مرة أخيرة بحذرك من تفسير النصوص حسب هواك فالشريعة علم فاحترميه و لا تتجرأي على الفتوى بغير علم لأن القول على الله بغير علم أعظم من الشرك بالله

كالعادة تختمين مداخلتك بالسخرية من أنصار السنة و فرحك بتطورهم و نشكرك على شعورك. و يا رب تتطوري.

....

والله انا بضحكوني الناس البتناقشو مع انصار السنه ديل..
ياخي الناس ديل بيفكروا ليهم اهل القبور..
بيمسكو في الاشياء بدون عقل ويكنكشو فيها واعملو ليك فيها شيوخ...
قلنا ليهو ورينا رايك في الديمقراطيه قال لي افتح بوست
فتحنا بوست وهسه البوست بقي الصفحة التسعتاشر وما رد لينا
قلنا ليهو شيخ الهديه ايد الحكومه قال شيخ الهديه منشق
طيب شيخ الهديه لمن كان ما منشق قال شنو في الخروج علي الحاكم المسلم الفاسق..

Quote: والله انا بضحكوني الناس البتناقشو مع انصار السنه ديل.. ياخي الناس ديل بيفكروا ليهم اهل القبور..

طيب يا أحمد بابكر ..

أول حاجه مفروض تضحك على روحك لأنك جيت ناقشت أنصار السنة..

تاني حاجه لما تجي تكتب كلام زي دا مفروض تخت في بالك القاريء الكريم من أهل المنبر و من خارجه اللي مقدرين النقاش العلمي و المنطقي الدائر حول بعض القضايا المنهجية التي نبشها هذا البوست عشان منظرك ما يكون بايخ و ينطبق عليك كلام محسن خالد ..


طيب لما بفكروا لينا أهل القبور بتسألنا مالك؟؟؟

عايز تسمع نغمات (برزخيه) ؟؟؟

مشكلتكم دائماً إنت و أشباهك إنكم حافظين كلام معين -حفظتوهو بعد تعب ذاتو- لازم تقولوهو فراراً يوم الزحف الفكري ضد أنصار السنة عشان تضعوا ورقة التوت لتغطية عورتكم الفكرية و عجزكم عن الحوار..

شخصياً ما بحترم أي زول بقصد المهاترة لذاتها و بفرح بيها و بضحك ليها عارف ليه ؟؟ عشان دا بعكس لي راسو الفاضي و مقدراته المتواضعة فهو لا يملك سوى مهارة يتيمة و هي التهكم على الناس..

و المهاترات في نص الحوار الجاد زي الضحك في بيت البكا..

أنا ذاتي هسع ممكن أقول ليك إساءات لا أول لها و لا آخر و أضحك فيك الناس لما يقعوا في بعض و أنظم ليك مية نكتة بتتوافق مع

حالتك دي لكن ما بعمل كده.. عارف ليه؟؟

لأنو زي ما قلت قبل كده الإساءات دائماً سهلة و ما حترفعك من محلك شبر لي فوق لأنها ما بتغلب زول و ما بتميزك بشيء و ما بتكون علمت حاجه غير أضفت سطور لقاموس البذاءة..

لو جيت و الله مسكت الأحاديث اللي أوردناها هنا عن الغناء أو الإسبال و طرحت ما ذهنك حول هذه المسائل التي فرضتها طبيعة البوست و ليس كونها أولوية عندنا لو جيت عملت كده كان كل زول ماري بالبوست دا احترمك و قبل كده كان عكست احترامك لنفسك..

و بعد دا كلو ما في مانع نتناقش معاك..

خت رابط موضوعك الوصل صفحة تسعتاشر دا و ما شفناهو دا

Quote: الاخ عثمان محمدين ذكرت

الأخ المحترم/ طارق الأمين
عارف الاعتذار أسهل لغة أمتلكها لتقديمها للآخرون
طيب بنعتذر مافي مشكلة وآسفين جدا كمان لكل فناني الوطن الخالد السودان ولشخصك الكريم
------
ولكن هل يمكنني أن أطرح قليل من التساؤلات ليس دفاعا عن نفسي ولكن لأنك طالبتني بالإعتذار فقدمته لك ولكنني أتساءل
هل أنا أقحمت إسم أحد في مقالتي أعلاه
هل ذكرت إسم طارق
وهل أسئت بصريح العبارة
وهل ما أقصده أنا ينطبق مع تحليلك أعلاه
لا داعي أن أحلل ما كتبت
أو افند ما أعنيه
ولا داعي أن تخاطبني جهراً بإسمي

أملي أن يتجه الحوار لإحترام عقولنا كقراء فقط ولسنا مفكرين أو فنانين - فنحن حقا نرغب في الاستفادة في حوار الفن والسنة وايهم المنتصر فلسنا في حلقة على خفيف نزمع بالضحك على خفيف أو قد لا نضحك إن كان العمل الكوميدي متصنع كحوارك هذا .....

......

البوست موجود اعمل (سيرش) علي ahmed babikir ستجده..
اهل القبور ...
انا ما بتناقش معاكم لاني عارف اجاباتكم مسبقا
بس بنكشف فوكم..(النبق..النبق ..النبق)..
ديل طبعا خير مثال لحكومة طالبان..والعياذ بالله..
لا يوجد دين من الاديان الانسانية النازله من السماء او النابته من الارض يحرم الموسيقي الا هم..
والعجيب في الامر مافي خليفة سمع كلامهم ده ... والمزك(من music ) كان مدور ساي..
طيب رايك شنو في الكورة وانته هلالابي!
فسر لينا (يد الله فوق ايديهم)..
طبعا لمن تلقي ليك زول زي ده الكلام بيكون ضاحك لانو بيكون مفارقات زول من العصر الحجري و زول من العصر الحديث..
والوتر ده اتعملت بيهو كثير من المسرحيات واذكر منها مسرحية لمحمد الماغوط التي تم تعديلها بواسطة فرقة الاصدقاء
وقدمت للمسرح برؤية جديدة ..

Quote: انا ما بتناقش معاكم لاني عارف اجاباتكم مسبقا بس بنكشف فوكم..(النبق..النبق ..النبق)..

يا بتاع النبق النبق أمش شوف ليك كشف أحسن ليك..

Quote: و الحاجه الغريبة التانيه إنو أي زول و لو كان جاهل زييك ممكن يفكر في دلالات النصوص و يتجرأ عليها بحكم إنو مستنير و بشغل مخو.. ياخي شغلي مخك في الحاجات البتعرفيها لكن الشريعة دي علم لو ما عندك الأدوات ما تجي خاشه شمال و الكلام دا بالناسبة ما عندو علاقة بالاستنارة أو الظلامية دا محل اتفاق البشر (من تحدث في غير فنه أتى بالعجائب)..

فعلا جاهلة وجهلولة واجهل من مشي علي قدمين لكن برضو ما وصلت لدرجة اكون انصار سنة ...

وانت فنك الشريعة ولا شنو؟؟؟

يا مؤمن .. يا حلوي...

Quote: فعلا جاهلة وجهلولة واجهل من مشي علي قدمين لكن برضو ما وصلت لدرجة اكون انصار سنة ... وانت فنك الشريعة ولا شنو؟؟؟ يا مؤمن .. يا حلوي...

game over