واخيرا غنى العملاق وردي لاجل اهله شهداء كاجبار!!

يا حليلك يا وردي كان زمان ليك مكانة!!

والماحي سليمان

غني لناس النيل الابيض ودار فور

ود عوج الدرب

Quote: والماحي سليمان غني لناس النيل الابيض ودار فور

والله كلام رجال....الله اديهو الصحة فنانا الماحي كنا ظالمنو!!

احتار كثيرا لبعض القامات التي نجلها ونحترمها وكانت ذات مواقف وطنية عظيمة وفي ذات لحظة من اللحظات البائسة تجدها فجأة تغيرت مواقفها اما مناصرة او محايدة لمن كانت تقف في الخندق النضالي المضاد لهم!
ولناخذ الاستاذ الفنان محمد وردي مثالا لهذا السوداني المعتز بنفسه لحد الكبرياء والغطرسة والصلف الذي يستهجنه كثير من السودانيين وايضا معجبيه...ما الذي الجم فجاة وردي العظيم المناهض للطغمة الثيوقراطية الفاشية لاكثر من ثلاثة عشر عاما وقد كان في المنفي قامة وطنية يعتز بها كل السودانيين لمواقفه الباسلة!
ايعقل ان المرض والحاجة هما اللذان هزما هذا الفنان الطود الراسخ...وان كانت الاجابة بالايجاب فتبدو كارثة كبيرة المت بنفس هذا الرجل العظيم ما كنا نتوقع له الانكسار الي هذا الحد وفي هذا العمر خوفا من الموت والذي يتربص بالانسان في كل مكان وزمان..وهنا يتكشف جوهر هذا الانسان انه كان واهنا ليس كما نراه! ام ان وردي وصل لقناعة ان هؤلاء الفاشيين هم الافضل لحكم السودان وقد تبدلوا وتغيروا وان نظامهم هو الامثل والافضل..فان كان هذا رايه... ليتقدم وردي المناضل بكل شجاعة ليقنع عشاقه بهذا الكشف العظيم!
ولكن اليوم ثورة اهلنا النوبيين في كاجبار ودماء شهدائهم الطاهرة تضع الفنان وردي في محك حقيقي بين اما ان يظل مغنيا للسفاح البشير قلتل اهله في الكاجبار او يترجل عن حصان خنوعه وليتقدم ليغني للثورة الوطنية ويعاود الانحياز لشعبه تائبا طالبا الصفح العظيم ليغني لشهداء كاجبار في مواجهة من غني لهم بالامس بلا حرج في تلكم الدار!!

.....

.....

هباني
الصورة دي مدبلجة..
صورة الرئيس دي مأخوذة من احدى اللقاءات مع قيادات المؤتمر الوطني..

وصورة وردي والماحي سليمان دي كانت في حديقة منزل الاخ/ عوض عبدالحق السماني في نمرة اتنين..

ولو لاحظتا بتلقى في مروحة في طرف الصورة ..
كذلك لاحظلي جلابية وردي

أشوف صحن الرئيس فاااااضي ما شاء الله ...

الاخ هبانى انا جيت داخل بوستك ده بدون اذن من حقى الدخول.
كمداخله زيى زى الناس لكن اهلنا الكبار زمان بدخلو مكاتب الحكام بدون اذن مسبق والكلام ده زمان لما اهلنا كانو حيين والبلد حكاما اجانب. الشى الداير اقولو انا قريت موضوع البوست لكن كنت معجب بالاخ وردى
لانه كان يرفض شمولية الحكم لكن اخر عمرو ده فى عهد الانقاذ حسيت بيه جاب ليه رخو زى ناس كتار الحاصل شنو والله مانى عارفو لكن اتمنى ربنا يحسن خواتيم المبادى فى اعمار هولاء القوم وده شى جميل اكيد والتاريخ يسجل كل شى .

الصورة دي مزورة يادينق..لو لاحظت بتلقي يد البشير عامله ضل
في جلابية وردي..وكمان لو عايز الجد جد الصورة بتاعت البشير مأخوذة
في استاد الهلال اللوحات الخلفية... والماحي ووردي في القاعة بتاعة
معهد الموسيقى .. والعريس ناذر ذاتو حاضر.

العمدة سلامات لكين بقيت مزور خطير..

هباني انت بتتكلم عن ياتو وردي؟؟؟؟

رودي بتاع الكلاكله ولا وردي بتاع المعموره؟؟

وردي البغني للحكام ولا رودي الكان بغني ضدهم؟؟؟

وردي بناديها ولا وردي الناس القيافه ؟؟؟

وردي(( فاق فبنان انتوني)) ولا وردي الماجي عزي شهداء كجبار؟؟؟

محل الوردة زقرودة

محل الطلقة عصفورة

ترفرف حول تافورة

اين انت يا اسـتاذ حــــــــــــن عبد الماجد

اين انت يا ابراهيم بصيلى

عليك رحمة اللة يا استاذ طة ابراهيم جربوع

ادم اخوووووووي

ترحم علي وردي الفنان الوطني الثائر قبل ان يصير مداحا
ينشد في بيوت الحكام اداة ترفيه وتسلية لهم وهم في فترات استكاناتهم
وقد عادوا الي بيوتهم المخملية بعد نهارات اعيتهم من ذبح وقتل ونهب العباد
وهاهم امعانا في اذلالهم للعباد يستكينون علي انغام فنان العباد وهو اداة ترفيه وتسلية!

محل الوردة زقرودة

محل الطلقة عصفورة

ترفرف حول تافورة

اين انت يا اسـتاذ حــــــــــــن عبد الماجد

اين انت يا ابراهيم بصيلى

عليك رحمة اللة يا استاذ طة ابراهيم جربوع

انا بس لو عرفت حاجتين اتنين بس
الاغنية دي كانت ياتو اغنية .. لان شايف الطرب معشش لنخاشيش الريس..
كما الصورة الى اخدها منو... و ياربي من زاوية الخباثة ولا من زاوية الوجاهة ..

اكيد (القعدة) استغفر الله اقصد الجلسة كانت تستاهل ..

وكان نوبيا هواه

.


.
المناضل هشام هباني
لك التحية و الإحترام
و مرحب بيك يا سيف مساعد علي

Quote: والماحي سليمان غني لناس النيل الابيض ودار فور

نريد فقط بوستا من حمزة سليمان مرفوعا عاليا حتي السما يطالب فيها البشير بالإعتذار لأهل كجبار .
.
.
.

حبيبنا محمد سليمان

والله سعالك نعم السعال وما اظن اخونا المبدع الشجاع الفنان حمزة سليمان
الذي يخاف الله جدا سيخاف من البشير!

الهبيب ولياب

انا بس لو عرفت حاجتين اتنين بس
الاغنية دي كانت ياتو اغنية .. لان شايف الطرب معشش لنخاشيش الريس..
كما الصورة الى اخدها منو... و ياربي من زاوية الخباثة ولا من زاوية الوجاهة ..

اكيد (القعدة) استغفر الله اقصد الجلسة كانت تستاهل

الله ورسوله ااااالم اهونا ولياب!

حبينا عاطف عبدون

سلامات

وردي الفنان سيظل باقيا وخالدا عظيما بفنه ولكن وردي الثائر والمناضل
وفنان افريقيا يرحمه الله كان يا ما كان في قديم الزمان رجلا عظيما انسان صاحب مباديء وقيم واخلاق واحترمه لذلك اهل السودان وما دروا انه صار اليوم مداح!!

مودتي واحتراماتي

اخوووي ود المحرب

سلام


الناس في اخر عمرها ولمن تكبر يفترض تكون اكثر قوة ومنعة ويفترض حكاية الخوف دي تروح منها والموت علي الابواب جاي جاي ما في شك!!
فالموت زاتو بقي خشم بيوت...ويوم القيامة الناس بتتلاقي وحتبوبر بموتها...فافضل ميتة الاسد المنازل ولا ميتة الضان السجمانة... وهنالك امثلة كثيرة لمثل هؤلاء الجبناء في حياتنا يؤثرون السلامة علي حساب المباديء والقيم والاخلاق!

مودتي

الهادي اخووي

انت متعجب في الريس القام بالصحن الهين ده ..ده قام بالبلد كلهالقف ولهف!!

دكين

سلامات

خلينا نصدق انو اللقطة في دار الحزب الحاكم...بس دحين الشارط الريس بالغنا ده شنو
ياالله كانت قعدة رسالية!؟

" target="_blank">

الاخ هباني الطود الراسخ لم ولن ينهزم بالمرض وهو لم ولن يكون في حاجة مسالة المرض المؤمن مصاب ولاشماته في ذلك يامسلم ممكن يركب معاك زبون في تكسيك الجميل ده ويفك ليك وباء وفي لحظة تتذكر انك ضعيف جدا لاتشمت يا اخي اما موضوع الحاجة فوردي اهله كل الوطن وفي الاساس هو مش محتاج الا تكون شفتو بتسول في موقف تكسيك العاجبك ده وهو عزيز قوم لم ولن يزل هو تاريخ اليست لديك صورة اخرى وردي مع القذافي او هيلسلاسي وردي طود راسخ كما قلت وانت لا تمتلك اي معلومة عنه في موضوع العودة واسال لماذا لم يخرج من الوطن مناضلين اخرين لهم باع في النضال اداة وردي النضالية تختلف والذين يبثون السم تجاه الطود الراسخ ترتد اليهم سمومهم لانه طود راسخ ونمتلك من المعلومات ما يفضحهم ولم يحن الوقت للافشاء

حبيبنا الفاتح

لا شماتة في المرض وليست هذه اخلاقنا ولن نفعل ذلك في حق المبدع وردي والذي هو فنان مبدع رغم انوفنا...ولكن الشماتة والغضب تاتي في وردي المناضل الذي انهزم وانكسر وما عاد متفاعلا مع قضايا وطنه ولا ينفعل بها ولا اظن النضال يرتبط بحالة الانسان الصحية من عدمها..فعندما اخترت ازمة اهلنا في الكاجبار اردت تذكير وردي ان يصحو من غفوته فبدلا من هذه الصورة البائسة والدامغة لتاريخ وردي المناضل وهو فيها مجرد اداة تسلية للسفاح وعصبته والهائهم..ينبغي ان يعود وردي الي صورة وردي الصخرة المواقف البطولة الكرامة الاباء وهي الصورة التي مرسومة في مخيلاتنا عشرات السنين ليعيدها الينا وهومنحاز لدماء الشهداء وقضيتهم العادلة ويقول مليون لا للظلم في اوجه من يرفه لهم ويسليهم في بيوتهم من هؤلاء الظلمة والقتلة من هم ملطخة اياديهم النجسة بدماء شهداء الوطن والله من وراء المقصد!
مع حبي واحترامي

ليغني وردي لمحمد فقير هذا الشهيد البطل وقد مات واقفا كما الاشجار تموت!

....

...

يغني لي دا يا هباني


=00