تكاثروا فاني مباه بكم الامم.... والريس المعرس ليها شنو؟؟

اهداء الي الصحافية الرائعة امل هباني

العزيزة (العمة والخالة) الصحافية امل هباني

اهديك يا امل بمناسبة مقالك الجميل حول رفض التطبيع مع موضة الزواج من ( راجل المرة ) الشائع هذه الايام في السودان (الرسالي) هذه النكتة التالية:

حوار بين اب وابنه فقد قال الابن لابيه: يابا انا ماشي بكرة زواج الزهراء
وساله الاب: ها جنا زواج الزهراء ده شنو؟
اجاب الابن: ده يا بوي الزواج الجماعي وهو زواج بسيط ومبروك والريس امبارح كان بقول في الراديو انو الناس تزوج بالبركة قدوة بحديث النبي( ص) ( تكاثروا فاني مباه بكم الامم)
فساله الاب: تكاثروا دي معناها شنو يا جنا؟
اجاب الابن: يعني الناس تعرس عشان تجيب وليدات..... وهو الحمد لله الريس ذاتو عرس مرة تانية..
وساله الاب: والله كلام صاح وسمح بالحيل انو الناس تعرس عشان تجيب عيال لكن يا جنا الريس المعرس لها شنو؟؟

انتهت

هباني ظاااطو

الاخ هبانى
دبايوا
هنالك فرق بين المعارضة لسلوك بشر والاعتراض لامر الله.
هذا البوست قبيح ولا يشبهك ارجو ان تزيله واعلم بان الزمن دوار ومن راى شخصا مصابا باى مرض
عليه ان يحمد الله الذى عافاه والشماته فى مثل هذه الامور فى غير محلها .
مجرد نصيحة

هاشم نوريت


دابايوا

انت تشفق بكل جوارحك ودينك علي هذاالسفاح عمر البشير ونحن ننحاز ونشفق بمبادئنا وجوانياتناعلي شعب بكامله اذاقه نساء واطفالا وشيوخا هذا البشير المجرم كل صنوف القتل والتعذيب والنفي والتشريد والحرمان والهوان .. وبعد كل ذلك تشفق عليه انت ايها المعارض الطيبان التقي..ونحن ما شرعنا هذه الاقلام الصادعة لكي تكون مخصية ومؤدبةبل رفعناها في زمن الانكسار لنذكر ان الكلمة الصادعة اكثر مضاء وايلاما وهي تقض مضاجع الخونة والقتلة والمجرمين ومن والاهم من المنافقين وهي افضل من بندقية لا تستقر الرصاصة فيها في وجدان وافكار ومشاعر الناس بل تستقر ميتة في جسد ميت وما اكثر الاموات الاحياء...وجزاك الله عنا كل خير ايها المعارض اللاجيء الهميم..

هباني ظاااطو

ود هبانى أخوى
مساك الله بالخير
انت حكاية الزواج ( التعددى !!! ) القاموا فيا ناس الإنقاذ دى تانى شنى ؟؟؟؟
كمان الإسبوع الفات ( الطيب سيخه !!! ) كان فى مناسبة كهذه بمنطقة المكنية يتحدث فى التلفزيون و يشيد پأحد الماطنين بالمنطقه المذكوره لأنه تزوج من ( ثمانية !!! ) و له من البنات ( عشرون !!! )
كسره :
عرفنا فى الشريعة الرجل محلل له اربع نساء .... لكن يبدو انو فى شريعة ( الطيب سيخه !!! ) و شيخو المرتد ( حسن !!! ) اترفع النصاب ل ( تمانيه !!! )
عبدالماجد

دكتور عبد الماجد اخوي


قال تعالي( الهاكم التكاثر)

يعني ديل كملوا الفياقة والتكاثر ظاااطو في البلد الجعانة والفقرانة دي بدل التفتوا للتنمية والاعمار بعد الخراب واللقف ده كمان سووا ليها موضوع عرس مرتين وتلاته.....يعني الحراميةوالمجرمين لمن اتزوجوا واتناسلوا واتكاثروا حاجيبوا شنو غير حرامية وقتلة يعني الجماعة القاصدهم الرسول(ص) واعايز اباهي بيهم بين الامم واشجعهم علي التناسل بالتاكيد هم ناس قدوة وتطهريين عشان اجيبوا اجيال من القدوة والتطهريين والراشدين فانت تتوقع من زول حرامي ومجرم حاطلع ايه....انبياء وراشدين وصالحين ؟؟

الأخ / هاشم نوريت
تحيه طيبه
لا أرى أمرا فى موضوع بوست هشام هبانى هذا ما يغضب الله و رسوله ، و لم يأتى بشىء أسوأ مما أفتى به المرتد ( حسن الترابى !!! ) ؟؟؟ تلك الفتاوى الترابية التى لم يتكرم علينا الكثير من أدعياء الدين و التدين فى هذا المنتدى بابداء مجرد الرأى ناهيك عن الإعتراض عليها !!! فهل أصاب البعض الصمم و البكم ؟؟؟
كسره :
نصيحتك دى يا هاشم نوريت كان الأولى بيا ( حسن الترابى !!! ) و تلميذه ( عمر البشير !!! ) الذين ارتكبوا كل الموبقات فى سبيل الوصول و البقاء فى الحكم و التى من نتائجها و ثمراتها ما نجنيه الآن من مجازر فى الغرب و الشرق !!! فمن هو الأولى بغضب الله هؤلاء الزنادقة المتجبرين أم هشام هبانى الذى يكد ليل نهار من أجل قوته و قوت أبنائه ؟؟؟ أما غريبه و الله !!!! و لا حقيره حقيره فى الضلعه القصيره !!!
عبدالماجد

Quote: وساله الاب: والله كلام صاح وسمح بالحيل انو الناس تعرس عشان تجيب عيال لكن يا جنا الريس المعرس لها شنو؟؟

....
كان كدي أخوي هباني يبقي الريس زواجه زواج متعة....ولا مو كدي دحين?

دكتور راشد اخوي


والله كلام عقل بتفهمها طايرة...الريس مو فايق اودي اولاد الناس المساكين واقول ليهم امشوا كاتلوا وجاهدوا في الجنوب عشان تعرسوا الحور العين وهو الحريف لابد بي غادي في الخرطوم محروس في القيادة العامة لا بكاتل ولا بدور اجاهد زيهم للحور العين وبس عارف الجنة وين وعينو طايرة....وعارف وين اللعب.....ال ريس ال... يا حليل الكان بيهدي الناس صبح محتار اكوس هداي......بلد بت مليون كلب اذاكان حكامها بهذه القذارة والدناءة والخساسة والكذب..اضاعوابالتضليل والكذب الاف الشباب من الجامعات والمعاهد والثانويات في محرقة الحرب القذرة..... وبقي اللصوص والتماسيح لا جهاد ولا يحزنون تكرشت بطونهم وانتفخت اوداجهم وترهلت مؤخراتهم من مال السحت والحرام والنهب المصلح ليتنعموا بحق المظاليم....وليكم يوم يا ظالمين...