يا اهل الدين دحين الجنة فيها بنات حور زرق زينا كده؟؟

البارح يا جماعة حلمان وداير لي زول افسر الحلمة دي .....حلمان دخلت الجنة عديل بنعلاتي....لكني زعلت زعل شديد خلاص لمن جريت علي بكان الحور واللحم الابيض حار حاراخوكم انبهط وقرص فرامل حارة خلاص لمن لقيت بنيات الحور زرق عديل زينا وكمان جاتني منهن بت حورا زرقاء زيي عديل وداقين ليها شلوفتهاوالشعر جورسي عديل وكمان عندها سن دهب و(دفرنش) قوي خلاس .......وكمان لاقيت في الجنة بت جيرانا(رقية) الطيبانة وانا عارفة بتا صالحا تقضي فروضها الخمسة تمام التمام محجبة ومؤدبة....والمسكينةلي هسع مااتزوجت...لاقيتها في الجنة مبوذة وزعلانة شديد....وقالت لي ما ادوها ود حور لي هسع
وقلت ليها يا رقية اختي الله يعينك ويعين اولاد الحور عليك ما اخير ليك اولاد اهلك الزرق ديل.....اها يا جماعة دحين اخواتنا النسوان في الجنة ما عندهم اولاد حور زي الرجال ولا الحاصل شنو؟؟.....وكان غلبتكم برسل الحلمة دي لي شيخ حسن الترابي والزول بفهم في الحكي ده....اها فتناكم بعافية

ود هباني الحردان ظااااطو

سندة: اها كان طلبت في الجنة اجيبوا لي الطاكسي حقي دحين بجيني؟؟

غايتو لو الحلمة صدقت والجنة جد جد مليانة من نوعنا اولاد قرف ديل....امانة ما اتمقلبوا ناس ومجاهدين لا يشق لهم غبار في البحث عن اللحم الابيض...لكن الحرفا ناس الريس والعصابة فاهمين اللعبة....دقشوا الحور الجد جد في الخرطوم عموم مثنى وثلاثا واربعا.....وواحد من الاصدقاء قال لي ود جيرانهم من مواليد الستينيات وخريج سادسة ابتدائي اليوم متزوج من اربعة حريم جامعيات والمصيبة بقي متفنن في الرخصة الحاصلة دي كلهن اسمهن واحد...يعني بفياقة بفتش في النسوان وفي الجامعيات بالذات الحاقد الجهلول وكمان لا بد من اسم واحد.....اها دي اقولوا عليها شنو؟؟

لوووووووووووووووووووووووول يا هباني دي كانت قويه يا اخوي يا زول جنه شنو البتدخلها انت قالوا ليك الجنه دي هامله كدي.انا خايفه الطاكسي حقك زاتو ما تلم فيه .

دوما

قال تعالى : وما يلقاها الا ذو حظ عظيم.


وربنا غفور رحيم وبعدين نحن عملنا شنو عشان ما ندخل الجنة؟؟

هباني ظاااطو

الاخ هشام
تحياتى ..
لمن تصل هناك ...توقع مفاجآت ..من المحتمل يكون ضمنها..عدم صحة تفسير النصوص...فى العالم الاول...
وبعدين ...ولهم فيها ما يشتهون...اذا لم يكن حولها جدل تأويل.. بتجيب ليك اللون والشكل الانت عايزه..

يا هباني يا اخي انا بمازحك علي قول البت الكتابه الله يطراها بالخير شيري
ما تزعل انا زاتي معاك نحن ناس الاعراف

Quote: وربنا غفور رحيم وبعدين نحن عملنا شنو عشان ما ندخل الجنة؟؟

يا أبو لسان زالف لسانك دا ما بنجض الا فى مليون فهرنهايت!!
انت الجنة فى الحلم عشش فلاتة يا ساتر!
بنات حور ولا بنات خور ديل يا ظاطو!
ولك ودى
جنى

الفحل,دوما وجني


سلامات
نحن يا جني اخوي عارفين الجنة خشم بيوت ودرجات.... وعارفين قسمتنا لكني متحسس من حكاية الزرقة بتاعتنا دي دحين بنات الحور البيض ديل برضن بينا.....والحور (الازرق) الزينا يا جني حيكون في ياتو جنة من جنان الله....وبعدين ما جاوبتو لي علي اخواتنا المجاهدات ديل ما في سيرة عن حكاية اولاد حور في انتظارهن....شايف شيخ الترابي بقول ما في حور يعني الحور ظاااطهم نسوانا ديل مع التعديل والتكشيب يعاد انتاجن تاني .....يعني كل يوم ملاح خدرة حتى في الجنة؟؟

محبتي

هوي يا هباني والله اسع انادي ليك بشاشا
وما احلي خدرتنا وقالوا الخدار اقعد جالس اما البياض او الصفار لمحه فارس . بعدين االاسئله البتجيب الهواء دي علمها عند ربها.انا غايتو في الجنه ذاتها دايره زولي ذاتو .

Quote: انا غايتو في الجنه ذاتها دايره زولي ذاتو

أصيلةكعهدنا بك دوما
جنى

عارف يا جني اختنا دوما دي مثالية شديد
لكن قطع شك لمن تشوف الولدان المخلدون تحسبنهم لؤلؤا منثورا ديلك
قطع شك بتغير رايها في زولها ده ماممكن طوالي ملاح بامية...

ود هباني


الجنة فيها ماذون ولا لا؟

لانو الناس ديل بعقدو لي الشهيد في الدنيا

Quote: عارف يا جني اختنا دوما دي مثالية شديد لكن قطع شك لمن تشوف الولدان المخلدون تحسبنهم لؤلؤا منثورا ديلك قطع شك بتغير رايها في زولها ده ماممكن طوالي ملاح بامية...

بري يا ود هباني هو ذاتو زولي ود الحور وغيرو ما بدور. بس قول اريت عينو ما تزوغ ويقول داير الحور العين .

العزيز جني سلامات
شقت كسير التلج دا كله عشان زولي بعدين ما يقول داير بنات الحور

عارف يا سيف

انت شيخ الترابي ما كان شغال ماذون بعقد للجماعة علي بنات الحور في عرس الشهيد
غايتو ما عارف كان ربنا غايتو دخلو الجنة بالتاكيد ممكن اواصل في مشروعو ده هناك
لكن كان لموا فيهو الجماعة الماتوا في الجنوب وقال عليهم فطايس ديلك والله اقطعوهو اربا اربا حتى لو يخشوا النار ظااااطها....وده سؤال ظاااطو ما عارف هل ممكن في الجنة تكتل ليك زول مقاشرو من الدنيا؟؟ غايتو انا متاكد انو علي عبدالفتاح كان لم في الترابي في الجنة بجيب خبرو...وحتى كان سمع بيهو في النار بلحقوا هناك وبردمو؟؟؟

وانت يا دوما

كلامك ده كلام جرايدساكت انا خايفك تغيري رايك انت في زولك ( مش زولك الامريكي نايب كونداليزا) زولك الازرق ده.....الحور ديل اصلهم بيض زي الحليب..معقولة زول اقولوا ليهو تشرب حليب ولا زفت اقول (زفت) ابوالزفففففففففففت ( دي كبيرة)؟؟

Quote: كلامك ده كلام جرايدساكت انا خايفك تغيري رايك انت في زولك ( مش زولك الامريكي نايب كونداليزا) زولك الازرق ده.....الحور ديل اصلهم بيض زي الحليب..معقولة زول اقولوا ليهو تشرب حليب ولا زفت اقول (زفت) ابوالزفففففففففففت ( دي كبيرة)؟؟

هوي يا هباني انت بعد دا استحقيت اجيب ليك بشاشا يا اخوي لا لوبنا ولا تفاح ولاد الحور زولي عشره عمر طويل. بعدين يا اخوي جراده في الكف ولا الف طائره ما تمني نفسك بي بنات الحور امسك قوي في زولتك الهنا . انا ضد تعدد الزوجات وطياره عيون الرجال كان هنا ولا هناك .

Quote: عارف يا سيف انت شيخ الترابي ما كان شغال ماذون بعقد للجماعة علي بنات الحور في عرس الشهيد غايتو ما عارف كان ربنا غايتو دخلو الجنة بالتاكيد ممكن اواصل في مشروعو ده هناك لكن كان لموا فيهو الجماعة الماتوا في الجنوب وقال عليهم فطايس ديلك والله اقطعوهو اربا اربا حتى لو يخشوا النار ظااااطها....وده سؤال ظاااطو ما عارف هل ممكن في الجنة تكتل ليك زول مقاشرو من الدنيا؟؟ غايتو انا متاكد انو علي عبدالفتاح كان لم في الترابي في الجنة بجيب خبرو...وحتى كان سمع بيهو في النار بلحقوا هناك وبردمو؟؟؟

والله دى قوية يا هبانى
الله يديك العافية


لكن انا خايف الترابى زاتو يكون طمعان ليهو فى راجل حور