Post: #1
Title: ماذا يعني هذا الكركاتير؟
Author: Deng
Date: 04-14-2006, 09:24 PM
Parent: #0
ماذا يعني هذا الكاركاتير؟
منقول من لقدس العربي.
دينق
|
Post: #2
Title: Re: ماذا يعني هذا الكركاتير؟
Author: Rashid Elhag
Date: 04-14-2006, 09:28 PM
Parent: #1
والله يادينق مافي إستفزاز أكتر من كدي....اللهم صبرنا علي بلاوي الداخل والخارج
|
Post: #3
Title: Re: ماذا يعني هذا الكركاتير؟
Author: Ahmed Alrayah
Date: 04-14-2006, 10:29 PM
Parent: #2
دينق
أفسّـروا ليك ولا بتزعل؟
|
Post: #4
Title: Re: ماذا يعني هذا الكركاتير؟
Author: Deng
Date: 04-14-2006, 10:40 PM
Parent: #1
الظلامي أحمد الريح
البزعلني شنو؟ الكاركاتير ده أصلا موجه لدعاة العروبة مثلك.
دينق.
|
Post: #5
Title: Re: ماذا يعني هذا الكركاتير؟
Author: Ahmed Alrayah
Date: 04-14-2006, 11:16 PM
Parent: #4
| Quote: الكاركاتير ده أصلا موجه لدعاة العروبة مثلك |
باستعراض الرسم الكاريكاتوري -بغض النظر عن وضعه
في غير محله بموقع صحيفة القدس العربي على
الإنترنت- نجد أنه يمثل رجلاً أسود ذا شفاه غليظة
ويرتدي جلباباً أبيض وعمامة، يعني سوداني،
أما كتابة اسم دارفور على العمامة فربما يكون قد
قصد منه أن موضوع دارفور قد زاد من هموم المواطن
السوداني وهذا يمثله عبوس الرجل في الرسم، لكن
"عروبة" الرسام تظهر في وضعه دارفور من السودان
موضع العمة من الرجل، يعني ممكن يقلعها ويرتاح
منها، لو كان رسام إفريقي كان كتبها في القلب...
ولا ماكده يا دينق؟
_____________________________
جاء هذا الرسم بين عنوان مقال ومحتواه، المقال
عنوانه: "أمريكا لا يمكن ان تتغير" ويتحدث عن
ازدواجية المعايير الأمريكية في سياساتها الخارجية
مع التركيز على الشرق الاوسط، وليس فيه -لا من
قريب ولا من بعيد- ذكر للسودان ودارفور!
|
Post: #6
Title: Re: ماذا يعني هذا الكركاتير؟
Author: Deng
Date: 04-14-2006, 11:55 PM
Parent: #1
كضبا كاضب.
دينق.
|
Post: #7
Title: Re: ماذا يعني هذا الكركاتير؟
Author: Ahmed Alrayah
Date: 04-15-2006, 00:24 AM
Parent: #6
دينق
عليك الله إنت فهمت منو شنو؟
____________________________
عندي إحساس إنك فهمتو فهم كاريكاتوري جداً
|
Post: #8
Title: Re: ماذا يعني هذا الكركاتير؟
Author: محمد محي الدين
Date: 04-15-2006, 00:41 AM
Parent: #1
الحبيب دينق...
باسم افريقيا وباسم دمانا الزنجيه الحاره
لنا الاحقيه كما الغير في التوافق والاختلاف!!!
لنا حقوق كما الغير!
لناالشرف كما الغير!
ولا نرضي بالطرف!
للتذكير ليس الا!!!
بلهجتي المفضله (الدينكا)
pandan tongdeed pandan kalakwin
مع حبي
|
Post: #9
Title: Re: ماذا يعني هذا الكركاتير؟
Author: A.Razek Althalib
Date: 04-15-2006, 01:59 AM
Parent: #8
Deng
Jeback
خليك من حكاية الكراكتير دي..
رأيك شنو في تجار العبيد العرب الملثمين بالعمم ديل..
Arab retrievers
دوس هنا..العبودية في السودان
Slave group
أليس أولى..
تحريرهم..
والحركة الشعبية الآن حكومة ونحن الرعية..
يا ليت لو ركزت شوية في حكاية العبيد دي والعمل على تحريرهم..
وكشف الأسواق التي تم بيعهم فيها..
مع القبض على تجارهم..
أو الإعتذار..
ولا إلا..
ماذا يعني ذلك..
يا دينق .. 
|
Post: #10
Title: Re: ماذا يعني هذا الكركاتير؟
Author: Ahmed Abdallah
Date: 04-15-2006, 02:59 AM
Parent: #9
|
Post: #11
Title: Re: ماذا يعني هذا الكركاتير؟
Author: A.Razek Althalib
Date: 04-15-2006, 07:15 AM
غريبة يا الجعلي Ahmed Abdallah
هاآآآع..
| Quote: (عدل بواسطة Ahmed Abdallah on 15-04-2006, 04:16 ص |
شوفت الكراكتير..
والفكرة راقت لي..
بس إنت إستحيت مالك..
قمت سحبتوا..
|
Post: #20
Title: Re: ماذا يعني هذا الكركاتير؟
Author: Ahmed Abdallah
Date: 04-15-2006, 03:47 PM
Parent: #11
| Quote: بس إنت إستحيت مالك |
نحن علشان خاطر عين بنكرم 1000 عين
انا مش قلت ليك عاوز أبدأ معاك صفحة جديدة
وأكون نصير للقوم المفلحين .......!!!!
ده كلوا يا ابورزقة عشان خطر ناس بنعزهم بطرفك
|
Post: #25
Title: Re: ماذا يعني هذا الكركاتير؟
Author: A.Razek Althalib
Date: 04-16-2006, 07:13 AM
Parent: #20
Ahmed Abdallah
سلام،
| Quote: ده كلوا يا ابورزقة عشان خطر ناس بنعزهم بطرفك |
فيك البركة..
|
Post: #12
Title: Re: ماذا يعني هذا الكركاتير؟
Author: Deng
Date: 04-15-2006, 07:18 AM
Parent: #1
الاخ محمد محي الدين.
ألف مرحب بيك يا عزيزي.
تأكد يا عزيز أنا لا أحجر على أي أنسان أنتمائه العرقي أو الثقافي
أو الديني. أنا أطالب بحقوق جميع السودانين بثقافاتهم ودياناتهم وأعرقهم المختلفة في الوطن الواحد, السودان.
دينق.
|
Post: #13
Title: Re: ماذا يعني هذا الكركاتير؟
Author: Deng
Date: 04-15-2006, 07:24 AM
Parent: #1
أبور رزقة القوقلي.
هل هذا نوع من تحوير الموضوع ولا شنوا؟
أوع تكون أنت مقصود
بالصورة دي؟ أصلوا موضوع العمة ده موضوع طويل جدا.
دينق.
|
Post: #14
Title: Re: ماذا يعني هذا الكركاتير؟
Author: Deng
Date: 04-15-2006, 07:34 AM
Parent: #1
طيب يا أحمد الريح "الصحفي"
وأبو رزقة بتاع القوقل.
هذا المعلومة سوف تقرب لكم شرح هذا الكاركاتير.
كثير من العرب الخليجين يعلقون على العمة التي يلبسها عدد كبير من السودانين وينكتون عنها ويقولون أن السوداني يحمل كفنه
فوق رأسه.
شايف يا أبو رزقة المعلومة دي مافي في القوقل. دي بس تلقاها عند دينق فقط.
دينق.
|
Post: #15
Title: Re: ماذا يعني هذا الكركاتير؟
Author: هاشم نوريت
Date: 04-15-2006, 07:37 AM
Parent: #14
دينق
دبايوا
نشكر صاحب الكاركاتير ونحن لم نتننكر يوما لاصلنا ونعتز به ولكن من يقنع الديك
|
Post: #16
Title: Re: ماذا يعني هذا الكركاتير؟
Author: Adil Osman
Date: 04-15-2006, 02:55 PM
Parent: #1
يخيل لى ان المقصود هو ان دارفور جزء من السودان. ويحذر من انفصالها بسبب الحرب الاهلية هناك.
ولكن العمة والجلابية ترمز للسودان "العربى المسلم".. لذا عليهم الا يفرطوا فيها. هذه دعوة ومناشدة رسام الكاريكاتير الذى يبدو انه ينطلق من اعتقاد فى صحة المنطلقات القومية العربية! والله اعلم!!
|
Post: #17
Title: Re: ماذا يعني هذا الكركاتير؟
Author: hatim
Date: 04-15-2006, 03:10 PM
Parent: #16
هذا الكاريكاتير يعني.. دينق لابس عمة..!!
|
Post: #18
Title: Re: ماذا يعني هذا الكركاتير؟
Author: محمد الامين احمد
Date: 04-15-2006, 03:22 PM
Parent: #1
تحية طيبة للجميع
الكركاتير من اعمال الكركاتيرست عماد حجاج و من اعمال سابقة له
الموقع الرسمى
http://www.mahjoob.com
|
Post: #19
Title: Re: ماذا يعني هذا الكركاتير؟
Author: Deng
Date: 04-15-2006, 03:28 PM
Parent: #1
يا حاتم.
الناس البضحكوا عليهم في رمضان ديل برضه دينق؟
خاف ربك يا راجل.
دينق.
|
Post: #21
Title: Re: ماذا يعني هذا الكركاتير؟
Author: A.Razek Althalib
Date: 04-16-2006, 02:16 AM
Parent: #19
الليلة والليلة..
أخونا دينق يكشف عن ساق..
ويقول..
هذا المعلومة سوف تقرب لكم شرح هذا الكاركاتير.
Quote: كثير من العرب الخليجين يعلقون على العمة التي يلبسها عدد كبير من السودانين وينكتون عنها ويقولون أن السوداني يحمل كفنه
فوق رأسه. |
شايف يا دينق عقدتك في الحياة بقت خليجيين..
يا سيدي تعرف إنو المعلومة دي قديمة قدم التاريخ..
وبحسب عقيدتنا الإسلامية..
والبتعتبر إيمانك موش كامل وناقص لو ما آمنت بالموت..
كل نفسٍ ذائقة الموت..
يعني إنت يا دينق المعلومة دي لقيتها متأخرة حبة شويتين...
وخالص خالص كمان..
دينق..
Jeback
|
Post: #22
Title: Re: ماذا يعني هذا الكركاتير؟
Author: تيسير عووضة
Date: 04-16-2006, 03:17 AM
Parent: #1
يتخيل لي يعني إنو قضية دارفور زي العمة ملفوفة ومدورة
وماتعرف بدايتها من نهايتها !!
(من وجهة نظر الرسام)
|
Post: #23
Title: Re: ماذا يعني هذا الكركاتير؟
Author: Deng
Date: 04-16-2006, 06:39 AM
Parent: #1
الاخ هاشم نوريت.
دبايوا
يا هو عندك عبد الرازق الطالب ده أكبر سوداني تنكر لأصله الاسود.
يا عبد الرازق بن القوقلي بن الشامي بن جهينة, أتصل بي مايكل جاكسون وأسئله عن كيفية تغير الللون الاسود للون أبيض.
موضوع الرق في السودان ده كتبوا عنه ودونوه كشهود عيان من قبل دكاترة بجامعة الخرطوم في الثمانينات. د. عشاري ود. بلدوا.
دينق.
|
Post: #24
Title: Re: ماذا يعني هذا الكركاتير؟
Author: A.Razek Althalib
Date: 04-16-2006, 07:05 AM
Parent: #23
دينق..
BAR
Quote: الاخ هاشم نوريت.
دبايوا
يا هو عندك عبد الرازق الطالب ده أكبر سوداني تنكر لأصله الاسود. |
تفتكر يا دينق..
كده حل المعضلة الفوق دي..
بعدين تعال نشوف أخوي هاشم نوريت القال..
Re: فـــــرعـــون بجــــــاوى مصر سرقت حتى حلايب
والقلنا فيهو ليهو..
Quote: وبعدين..
يا نوريت..
هو الزول القعد بيغالط وبيقول إنو هو رب العباد..
الله لا جابو لينا..
خليهم يدونا حلايب..
ويشيلو فرعون.. |
| Quote: يا عبد الرازق بن القوقلي بن الشامي بن جهينة, أتصل بي مايكل جاكسون وأسئله عن كيفية تغير الللون الاسود للون أبيض. |
كده جرب إنت في الأول..
والسعيد قالوا بشوف في أخوانو..
| Quote: موضوع الرق في السودان ده كتبوا عنه ودونوه كشهود عيان من قبل دكاترة بجامعة الخرطوم في الثمانينات. د. عشاري ود. بلدوا. |
يا دينق..
كثيرين هم الكتبو..
وعندك الرابط الفوق ده..
بس إنت رأيك شنو..
وما تفوت..
كده تعال قول وما تستحي..
BAR..BAR
|
|