يا أخوانا مافي مذيع رياضي في السودان غير الرشيد بدوي ده؟

المذيع الرياضي المخضرم الرشيد بدوي عبيد مذيع قديم جدا عرفناه منذ كنا أطفالا وأنا لا أدري متى بداء في ممارسة هذا المهنة بالضبط. ولكن بكل أمانة أن هذا الرجل لا علاقة له بتاتا بالمذياع أو بالعمل الاذاعي الرياضي, رغم فترة وجوده الطويلة بهذا المهنة ولكنه لم يستفيد أي شء ولم يتعلم من كترة التكرار. أخطاء ثم أخطائ ثم أخطاء. في اللغة, في المعلومات وفي عشوائية الوصف الحي والتحليل العلمي. هذا أكبر دليل على أحتكار الوظائف في السودان لفئات معينة من أبناء الشعب السوداني. لا يمكن أن أصدق بأن السودان لا يوجد به شباب يمكنهم أن يمارسوا هذا المهنة.



دينق.

مرحب دينق..
واتفق معاك في جزئية ضرورة ضخ جيل جديد في مجال التعليق الرياضي
ولكن اختلف معك وبشدة في امر الرشيد بدوي عبيد فهو يا دينق صار جزء اساسي من وجدان المشجع الرياضي
والجماهير يا دينق تدخل المباريات وهي تحمل الراديو للتمتع بتعليق الرشيد بدوي عبيد واعتقد بانه
بداء هذه الرحلة من عدم ومن مراحل بعيدة ولكن بالنسبة الي اهرب دوما الي الاذاعة للاستماع الي صوت
الرشيد بدوي عبيد وتفاعله مع الكورة فقد تكون هذه الفة ولكن في كل الاحوال يبقي الرشيد مبدع ومجود
ومحبوب يا دينق وسط القاعدو الرياضية في السودان..
وتحياتي

شوف يا دينق والله نحنا عاجبنا .. انت لو ما عاجبك اشترك في الى ارت تي وريح نفسك ..



ود الباوقة

يا دينق سلامات

فى واحد اسمو كمال حامد
بالاضافة لانو ما بيعرف يذيع .. كمان كجر
احسن ليك ياتو واحد فيهم

Quote: يا دينق سلامات فى واحد اسمو كمال حامد بالاضافة لانو ما بيعرف يذيع .. كمان كجر احسن ليك ياتو واحد فيهم

أنت قاصد المتسلق بتاع البدلة كمال حامد؟


دينق

Quote: مرحب دينق.. واتفق معاك في جزئية ضرورة ضخ جيل جديد في مجال التعليق الرياضي ولكن اختلف معك وبشدة في امر الرشيد بدوي عبيد فهو يا دينق صار جزء اساسي من وجدان المشجع الرياضي والجماهير يا دينق تدخل المباريات وهي تحمل الراديو للتمتع بتعليق الرشيد بدوي عبيد واعتقد بانه بداء هذه الرحلة من عدم ومن مراحل بعيدة ولكن بالنسبة الي اهرب دوما الي الاذاعة للاستماع الي صوت الرشيد بدوي عبيد وتفاعله مع الكورة فقد تكون هذه الفة ولكن في كل الاحوال يبقي الرشيد مبدع ومجود ومحبوب يا دينق وسط القاعدو الرياضية في السودان.. وتحياتي

يا عبد الكريم الامين.

يعني حواء دي لم تلد سوى الرشيد بدوي عبيد ده؟

الله يرحمك يا طه حمدتو.


دينق.

Quote: شوف يا دينق والله نحنا عاجبنا .. انت لو ما عاجبك اشترك في الى ارت تي وريح نفسك .. ود الباوقة

ود الباوقة.

متين تم تنصيبك متحدث رسمي للجمهور الرياضي في السودان؟


دينق.

الاخ دينق مليون سلام وتحيه

والله يا اخوي جيتني في الجرح الاليم, كنا من يومين انا والمدام بنتحدث في نفس الموضوع ,امسك عندك

السياسه:
آل المرغني,المهدي,نقد,الترابي,شيخ الهدية

الاذاعه والتلفزيون
اولا عمر الجذلي/الفاتح الصباغ/واحد بي دمامه نسيت اسمو/دكتور مين كدا ماعارف بتاع ماليزيا/يسيريه محمدالحسن/وهلم جرا
ممثلين:
حدث ولا حرج
يا اخ دينق دي الحيشان التلاته يا انا تكون او تكون عشان تدخل واحد منهن

اما الرشيد بدوي عبيد فما كان الا مراسلا لبرنامج عالم الرياضه بالاذاعه وكان ايضا مديرا للكرة بنادي الاحرار الامدرماني(يعني بيجيب الكوره للتمرين ويغسل الفنايل والانكسه الرياضيه)ومن ديك وعيك
لكن ده كلو كوم وكمال حامد خال الريس زي ما بيقولو كووووووووم براهو والله وما طالبني حليفه(هم بيقولوا ماطالبني حليفه ليه؟) خليت عالم الرياضه عشانو
اها يا دينق بجيك راجع امشي اواصل فيلمي

Quote: الاخ دينق مليون سلام وتحيه والله يا اخوي جيتني في الجرح الاليم, كنا من يومين انا والمدام بنتحدث في نفس الموضوع ,امسك عندك السياسه: آل المرغني,المهدي,نقد,الترابي,شيخ الهدية الاذاعه والتلفزيون اولا عمر الجذلي/الفاتح الصباغ/واحد بي دمامه نسيت اسمو/دكتور مين كدا ماعارف بتاع ماليزيا/يسيريه محمدالحسن/وهلم جرا ممثلين: حدث ولا حرج يا اخ دينق دي الحيشان التلاته يا انا تكون او تكون عشان تدخل واحد منهن اما الرشيد بدوي عبيد فما كان الا مراسلا لبرنامج عالم الرياضه بالاذاعه وكان ايضا مديرا للكرة بنادي الاحرار الامدرماني(يعني بيجيب الكوره للتمرين ويغسل الفنايل والانكسه الرياضيه)ومن ديك وعيك لكن ده كلو كوم وكمال حامد خال الريس زي ما بيقولو كووووووووم براهو والله وما طالبني حليفه(هم بيقولوا ماطالبني حليفه ليه؟) خليت عالم الرياضه عشانو اها يا دينق بجيك راجع امشي اواصل فيلمي

الاخ أبو مهند.

أنا ما عارف الشباب في السودان العندهم طموحات لكي يتولوا مثل هذا الوظائف حيمشوا وين بس؟

علشان كده البلد كلها عواطلية, الواحد تلقاهوا ماسك ليهو وظيفة مفروض تكون بتاعت ولد ولدوا ولا ولد بتوا.

علشان كده أحسن نطالب النساء في السودان بعدم الولادة حتى يتم إخلاء وظائف للمواليد الجدد منذ الان.


دينق.

على فكرة.

وين الكوتش حسن المصري والباشمهندس مامون الطاهر؟

دييل كانوا أحسن معلقين للمباريات, خصوصا أن الباشمهندس مامون الطاهر لم تكن له خبرة كبيرة بكرة القدم ولكنه كان شخص مطلع جدا.



دينق.

بعدين هنالك مزيع قبل كده قال ليهو تعليق بايخ بحق لاعب الموردة السابق بريش.

قالوا بريش بعد إنتهاء المبارة كان حايم جنب بيت المذيع ده حالف إلا يعطيهو علقة.


دينق.

Quote: أنت قاصد المتسلق بتاع البدلة كمال حامد؟

انا قاصد الزول الجقم نص قزازة الكولا
الزول العندو واسطة قوية
الزول القدانا و خلانا مضحكة

كمان بقى عندو عمة قدر ده؟

طيب وين مامون الطاهر يا جماعة؟

كمال حامد ده حقو يحكوا لينا عنو ناس السعودية فهو زولهم تب وعارفنو كويس.

ياخي ده قبل كده أتامر على مراسل صحيفة الشرق الاوسط في الخرطوم وأستلم مكانه وبعد داك كووش على هيئة الاذاعة البريطانية.

بعدين هو شعب كلو حكومة ما عندو أي قشة مرة. أي وظيفة في غضب الله.


دينق.