محمد السني دفع الله وطفل.... ودمية

شرفنا كالعادة هذا الصباح في قناة الجزيرة الاستاذ محمد السني دفع الله في برنامج حديث الصباح في موضوع طفل ودمية وتحدث كالعادة حديث العالم في مجال مسرح الطفل مشرفنا كما عودنا دائما،،،، كما واضفت لبسته الافريقية بعدا جماليا للحديث تحياتنا الحارة والي الامام....

شكرن جميلا
يا دفعة
ومحبة ليك شديدة
الأطفال ملايكة الكون
ومن أجلهم متجاوز المستحيل
اسمح لي ان استعير هذا العنوان البديع
طفل ودمية
والله يادفعة اجمل من عنوان الجزيرة هذا الصباح
ممكن نستفيد منو في مقالات ولابرنامج اعلامي خطير
طـــفـــل و دمــــيــــة
ام الزي فتضامنا مع بطل الحرية
نيلسون مانديلا
ولو لاحظت وضعت تصميم لي فتحة الرقبة
بوضع القفلة بتاعة العراوي في الجلابية والعراقي
بدل الفتحةيتاعة الشفوت
شوفت كيف ؟؟
لك المودة
ونفتح هذا البوست
لنتكلم عن مسرح الأطفال في السودان
طفل ...و....دمــيـة

التحية لك اخي طارق

وللفنان المبدع محمد السني دفع الله



وخارج الموضوع:-


اهمس للاستاذ محمد السني

يبدو ان الهدية لم تعجبك؟

قرجة
المودة والتحيات النضيرة
وليك صافي الكلام
ـــــــــــــــ
الهدية ياتا
والله اخوك بقى صفاية ونساي كبير
الحقني وانجدني

استاذى/ محمدالسنى تحيه خالصه لك من الرياض السعوديه ومن تجمع الفنانين السودانين بالرياض لانجازاتك المتميزه فى الزمن السمح اتمنى لك ولاسرتك دوام الصحه والعافيه،،،،kamalmas_kamal @yahoo.com

ما تنكر الهديه ياالسني لو عاينت فوق بتلقي ابوقرجه شايل العكاز وجاي عليك ...... الليله

الليلة والليلة
باصات ابو رجيله
عارف الزول ده ماشي وين؟؟
ــــــــــــ
ده واحد من اجدادنا القدماء
بعد ما دق المرة دق العيش
لانها قامت بي جاموس الخلا
الصادو امبارح
وادندلت ونامت
وطفت سراج النور
ماشي اشوف ليهو حجر ظلط
اولع نارو
وبعد داك بشوف ليهو خرتيت
ولا كدروك اشويهو
وبعد اشبع وياخد نوموتوا
واحلم انو بسافر في الزمن
وبلاقي زول زي مبغبغ
بضحك على حلمو
اقوم ازعل وافكر اطلع من الحلم
وإجيني اديني دقة
اقوم انا
اصحى من النوم وامسح الحلم من راسي
واخلي زول قرجة الجاي من التاريخ
في محلو زول وهمان ماشي على
الأسيفير ..ابدا

شايفك يا السني برضو ماجبت سيرة الهديه لا في الحلم لا في الصحيان وابو قرجه لسه ماشي وماشي..... كما قال صديقي رحمة الله عليه
علي الحسن مالك..

يا اخوي
ابوقرجة ماشي وماشي
ما يصلنا شان نرتاح
دقة ولا هدية

يا احباب

طبعا شي شين واحد يقول لاخوه

وسط الناس كده وعلى الملا

هديتي عجبتك؟



لكن الاشنا من كده يا طارق اخوي

انك تنكر الهدية وتقول ابدا ما جاتني ولا شفت منك حاجة


لا بس

يا السني

تنكر الهدية

دي كبيرة منك

ود السني الجميل

نورت الشاشة البلورية هذا الصباح

تحدثنا كثيرا صباح اليوم ( شحصي و ام العيال) عن حاجتنا لمثل هذه البرامج وعن حاجة الطفل السوداني

للدميه. وعن مسرحية الرجل الواحد ( يالك من مبدع)

شاهدت مساء البارحة برنامج يتحدث عن الدمية في حياة الطفل الياباني وكيف يمكن للدمية ان تنمي

مقدرات الطفل العقليه.

ود السني الله يديك العافية ويخليك دائما ابن السودان الذى نعتز به في الاخراج و الإبداع وفي كل

المحافل.

والله ياطارق وقرجة حيرتونا ...متابعين معاكم وماشفنا الهدية
كان الكعة ....ماوصلت للسنى ...وان شيتا سمح ماشفنالنا شىء
عاد سرعوا باقى نحن بقينا على سفر وكدة

السنى الطفل ....
لم ارى اللقاء ليته ينعاد ...لكى اسمع حديثك عن مسرح الطفل ..
وواثقة بالطبع من ابداعك فقط ...كان بودى ان اراه ...


طارق بيتعيدوه ولا لأ ....(ومبروك النجاح الباهر )
خالص الشكر لناس الهدية ...

الاخت الفاضلة ناهد

يعني منتظرو يرد لي هديتي باحسن منها

يقوم يقول لي هديتك زاتا وينا


يمين نجرتها ليهو بيدي دي

وسهرت الليالي أرتب فيها

يجي ينكرا لي ؟

Quote: يمين نجرتها ليهو بيدي دي وسهرت الليالي أرتب فيها يجي ينكرا لي ؟

نان الشىء زاتها وينها .....




نشارة ساى مافى ...
تدل على النجر..المفترك ده

Quote: نشارة ساى مافى ... تدل على النجر..المفترك ده

كولكو عليّا

والا ايه؟

Quote: كولكو عليّا والا ايه؟

ابو قرجة.... ده انت كلك على بعضك...علينا ياخ
بطل الحركات ...وقول شخارم بخارم ...
وطلع النجرتوا بسرعه .....

وان بالعدم مافي....جيب النشارة النشوفها..
قبال طارق والسنى يجوا .....

خايف أجيب سيرة

بعدين

نبقى في ما نفعت معانا ورجعناها ليك مع الرسلتها معاهو

ونجيب الزول الرسلناها معاهو

وتبقى كبسيبة


يا زولة


سيبك ياخي

موش نكرا؟


خلاس انا زاتي ما رسلت ليهو هدية ولا حاجة

Quote: خايف أجيب سيرة بعدين نبقى في ما نفعت معانا ورجعناها ليك مع الرسلتها معاهو ونجيب الزول الرسلناها معاهو وتبقى كبسيبة يا زولة سيبك ياخي موش نكرا؟ خلاس انا زاتي ما رسلت ليهو هدية ولا حاجة

الحمدلله بعدما جبت اخرها معاك وطلعت مافى هدية ولا حاجة
....اكيد حيجى طارق والسنى يشكرونى
ويدونى انا هدية ......قصيدة ...مقطع من مسرحية ...كلمتين يفتحوا النفس
وانت اقعد لى مع النشارة دى اقصد النجارة ....




قرجة
قلت لى ....كنت مرسلها مع منو ؟

أنا آسف جدا يا طارق

مؤكد اني انحرفت بالبوست عن نقاش مثمر عن مسرح الطفل

ومؤكد كانت هناك مداخلات مثمرة منعها موضوع الهدية المزعومة


اختي ناهد وطارق والسني

كنت قد نجرت في سالف الزمان

بدون نشارة او دخان

مجموعة حكاوي عن واحد اسمو ترطيبة المرتاح

ولم يكن الفنان محمد السني وقتها معنا بالبورد


وقريبا ارسلتهاكهدية متواضعة له في المسنجر

ويبدو انه لم يفتحها



هذه هي القصة

والله ما فتحت معاي
بعدين
البريد بتاعي قفل وما قدرتاعاود فتحو
الرجاء يابوقرجة ارسال الهدية على العنوان
m>al.sonn@hotmail,com
مع حالص اعتذاري وامتناني باختيارك لي
مودتي ومحبتي

اخي محمد سني كما وعدت ارجو ان يكون البوست مدخلا لتنويرنا عن مسرح الطفل ومسرح الرجل الواحد كما اقترح الدكتور عبد الله صديق.
واما بخصوص الهديه اخي السني واختنا ناهداحقو تنسوها لانها طالما نجرها ابو قرجه اولا حيكون شكلها زي العكاز الشايلو ده وغالبا ما تكون بنبر، ثانياالمشكله عشمان انو يرسلوها ليك بالايميل ودي الا يتدخل عمنا بل جيتس شخصيا لارسال هذا البنبر خاصة وان سعادته تفرغ للعمل الخيري.
ويا اخت ناهد النشاره سمعنا تحت تحت انها ممكن تتحمل علي الايميل بس خليك جاهزه...

يا جماعة برضو جيت ولقيت
العنوان مكتوب غلط
خلي بالك البوست ده مسكون
عنواني :
[email protected]
ده كده عنواني الصحيح وجديد
وتاني حاجة البوست ده حلاص بقى بتاع فن
مسرح الأطفال
ونواصل مع محبتي

Quote: خلي بالك البوست ده مسكون

مسكون عنه ؟
ولاله ؟ولا عليه ؟
يا سنى يا فراشة المسرح
عينى عليك باردة
رغم انى ماشفت الحلقة محل النقاش
لكن بتكون مليت محلة ما بملاها غيرك
وبالمناسبة يا اخ طارق السنى حيدشن موقع للفنانين
مش قلت ليك بتسد كل الفراغات
السنى دا حالة خاصة
يغتيك يا ود خالتى ستونة ويحفظك

قلت لى يا سنى
ترويض الشرسة كيف ؟
امس قريت حوار فى اخبار سودانيز مع مصطفى احمد الخليفة
عليك النمل تقراهو

لا ادري كيف انت قادر على حمل كل هذا الجمال نشره وتوزيعه
جمالك المنثور لنشر الفرح والحبور حالة فريدة
ولكن
في ذلك اليوم تجلى جمال السني الخارجي
كم كنت مميزا في عياب أحلام باللبسة الافريقية الزاهية ....
( غاب ,,,, ولعب ) وزادها ما فقدته من وزن

اتدري اخي
كنت انظر لمسرح العرايس كشئ لبعث الضحكة على ثغور الأطفال والممازحة كما الكلكلة مع الاطفال ...
فقط ذلك اليوم ادركت كم هو فن عظيم لم يدري العامة كنهه ...وكم محزن ان نرى الالعاب التقنية تغيبه

فن لتنمية خيال الطفل وهذه القدرة الحركية على رسم تعابير لفظيةتنمي الحس الفني لدى الاطفال أو كما قلت

حديثك ومعرفتك تفضحان حبك لما تملكه وأحساسك تجاه الفن والفن من اجل النماء والحياة وليس الفن من اجل الفن .... اندماجك هو ذات الاندماج وكانك تتحدث عن جزء من نفسك .... وكانك تعرضه ولا تتلفظه

وربما لو وجدت الفرصة كاملة لادرك شهرزاد الصباح ولم تسكت عن الكلام المباح

وقد راودني ذات الشعور وانت تتحدث عن المسرح في ندوة مشروع المكاتب العامة
وكيف كانت الرتاين ترسم لوحة تمثيلية أخرى تغري المشاهدين بالبقاء ...

تحدث يا سني
أكثر من الحديث
فنحن فعلا نحتاج هذه المعرفة ....
دمت بعافية

سلمى سلامة
اها قريتو
عندك حاجة تاني
ــــــــــــــ

"حديثك ومعرفتك تفضحان حبك لما تملكه وأحساسك تجاه الفن والفن من اجل النماء والحياة وليس الفن من اجل الفن"
يا سلام يا اخت محاسن قمة الوصف والتعبير لنثر الجمال وتوزيعه كما ذكرتي وارجو ان يكون ذلك مدخلا جادا لتعليمنا شئ عن مسرح الطفل .
اما سلمي الشيخ سلامه فنحن في انتظار تدشين وانطلاقة الموقع الموعود لفراشة المسرح والذي بشرتينا به.
الاعزاء قرجه وناهد اين انتم ؟؟؟؟

الاخ طارق

يا سلام عليك وانت مبدع الساكسفون

والفن يجمعكم سويا والمبدع الفنان الكبير صديقي ود السني

اوعك تحسدني يا طارق

سعدت بشرح الاستاذ عن الدمي والطفولة في زيارتي له بمنزله.

وشاهدت البرنامج بقناة الجزيرة مرتين .

واستذكرت كلامه الجميل في البرنامج مليون مرة.

يلا يا طارق علي الدوحة.

والله نفسي اعزائي حسن طه ومحمد سني اجيكم هناك وشايل معاي الماكنتوش بتاع العلب مش المغشوش داك!!!!!!!!!!!!
اخي محمد سني وقرجه وناهد صحي النوم ،،، يبدو ان اخونا سني بيجهز مادة دسمة بخصوص مسرح الطفي ....المهم منتظرين

طارق أنا متبريء منك...

طلعت دفعة السني كمان؟؟؟؟

يا حسن طه ألحق!!! يا أخي السني ده لما كان في محطة التلفزيون الأهلية...مدير قناة الجزيرة لسه ما أتولد....

وبعدين النسألك بقيت كمان تدك الشغل ولا شنو البخليك تحضر الجزيرة في الصباح شنو؟؟؟

التحية للفنان الرائع السني

يا طارق

ان شاء الله ويك اند

يا كمال

تفتكر طارق ما فرح نمن السني قال ليه يا دفعة.

اما الصديق العزيز الاستاذ السني شايل المسرح في جيب وحب الناس في الجيب التاني

وانا ما عارف : المسرح مسكون فيه ولا هو مسكون في المسرح

وشخصيا طلبت منه تفريغ ما في جعبته عن المسرح عموما ومسرح الطفل خصوصا في
كتاب يضاف للمكتبة السودانية.
ويا ريت علي الطريقة الامريكية يشترك السني والاستاذ هاشم صديق في تاليف كتاب مشترك عن المسرح وكلاهما مبدعان.

ايه رايك يا السني في الاقتراح.

دمتم جميعا .

تحياتنا للفنان السني...

تعرف يا حسن طه ...طارق ده فنان ضل الطريق.. ومسألة علمي وأدبي وطريقة التعليم في السودان.. ومفهوم الأهل عن التعليم.. ياما دمر ودفن فنانين ومبدعين.. وطارق من أولئك.. هذا الطارق ليس لأنه صديقي.. إنما هو فنان بمعنى الكلمة..في الموسيقى والرسم.. ولكنه آثر أن ينضم لمنظومة التكنوقراط.. عشان يصبح مهندس في بلد لا تقدر هذا ولا ذاك...لم أر عن كثب إنسانا دواخله مدوزنة كصديقي طارق.. ياأخي هذا الشخص مسكون بالإيقاعات.. أسال ود موسى... طارق يعزف الكثير من الآلات إن لم يكن كلها.. وصاحب الأذن الموسيقية لن يسمع في عزف طارق اي نشاز... أنامله معبر كل الجمال الذي بداخله.. فهي إما أن تشنف آذانك بلحن شجي أو تسر ناظريك بلوحة جميلة..الرجل مسكون بكل الجمال...

أما الصلعة عشان تكف العين...

والله صدقت يا كمال

ولو طارق واصل الفن كنا شفناها في حفلة الهايدبارك التي اقيمت قبل ايام وحضرها اكثر من مائة الف مستمع ومستمتع.

الاخ الاستاذ ود السني

في 24/1/1983 ( يعني في عز الشباب ) وجدت التريفات ادناه عن انواع الدراما المسرحية ومشتقاتها ( اين لا ادري ) فسجلتها في دفتر ما زلت محتفظا به حتي الآن.

رايك في هذه التعريفات ؟؟

دراما الأفكار:
وهي المسرحية التي لا تستهدف الامتع والتسلية فقط.. بل تعني في المحل الاول بمناقشة الأفكار التي غالبا ما تتصل بالاوضاع الاجتماعية والسياسية المعاصرة ( مثل مسرحيات برنادشو ) والواقع ان الفرق بين دراما المشكلة او دراما الأفكار أو الآراء ليس سهل التمايز بل هناك ارتباط وثيق الصلة .


الدراما الاقليمية :وهي القطع التثيلية التي تنتجها منطقة جغرافية محددة عن ظروف حياتها وفي زمن معين وعادة ما تتسم تلك القطع بطابع محلي خاص يميزها عن الانتاج المسرحي لمنطقة او اقليم آخر.


الدراما الانسانية :وهي الأعمال المسرحية التي تحوي علي مضامين اجتماعية انسانية تكون عادة خالدة وصالحة لكل زمان ومكان.


قال برخت :


اذا مثلت مسرحياتي بعد عشرين سنة من كتابتها فهذا لا يعني انها خالدة ..... بل ان الأوضاع الانسانية لم تتغير بتغير الزمان.

الف شكر اخي العزيز حسن طه وانت المسرحي غير المبرمج بتعريفاتك التي لن يجيب عليها سوي محمد سني.ويشرفني يا صديقي ان اكون دفعة سني النو بيفرح.
اخي كمال السر كل هذا من ذوقك لكن نحن وقت حضرنا هذا البرنامج في الجزيره انت نائم يا عزيزي.
مره اخري اين الاعزاء سني, قرجه والعزيزه ناهد.

اخي حسن طه خلي بالك سني واحده من اثنين اما بيجهز في صيد سمين عن مسرح الطفل او... لقي الجماعه سافروا القاهره وفضي الجو وعمل المنام لي وحدي ....... ويا قسيم الريد فوقك النبي..

غنيها كاملة وانا بعزفه ليك
على الساكس
يا طارق ساكس
مواهب مدفونة اصبر علينا
جاييك بالمهلة
مهلةالعبادية

اخي محمد سني في انتظار البوست المتخصص بتاعك اما حسن طه وكمال السر ديل لو باريتهم ما حننتهي اصلو عارفني كويس وعارفين كل الحكاوي.

صديقي الحبيب محمد السني دفع الله،

تجدني كل يوم و كل لحظة فخور جدا بك و بإنسانيتك و محبتك للناس و العالم.. أما صدق
الانحياز و سلامة الطوية فهي مزايا فقط تضاف إلى أنك فنان عظيم من وطني.. يا صديق حب
الأطفال هذا نعمة لا يلقاها إلا ذو قلب عظيم..

محبتي خالصة

ياصديقنا اخيرا وصلنا الى قواعدنا سالمين وله الحمد والشكر الجميل البديع السني مش عارف اقول فيه ايه كل الاحترام لهذا الانسان الفنان

اخي الفاتح كتر خير سني اللمانا فيك والف حمد الله علي السلامه وصولك الي كندا وتحياتي لافراد الاسرة .