مـتـحـف الـفـن الـحـديـث ـ السودان ـ

كل عام وانتم بألف خير

]نهنئكم بحلول عيد الفطر المبارك ... ونسأل الله أن يتقبل منا ومنكم صالح الأعمال ...

وكل عام والجميع بمليون خير ...




و كل الامنيات الطيبة بعام جديد

كل عام وانتم الرقي في أوقاتنا..

نتمني لكم مزيد من الانتاج والابداع ..

لماذا لايكون في السودان
متحف للفن الحديث
يضم كل تجارب الفنانيين التشكيليين السودانيين
وهم قد اثبتوا بالفعل بما لهم من اعمال لاجيال متعاقبة
وبما تم تقديمه في معرض الخريف بالخرطوم
لابد من بناء متحف للفن الحديث
يحفظ تراث هذه الأمة
اقدم لكم
مـــعـــرض الــخــريــف
لملتقى التشكيليين السودانييين

اخويا حسن طه اقام ملتقى التشكيليين السودانيين اكبر معرض بافريقيا
بصالى المعارص رقم 2 بارض المعارض ببري
وهذا شعار المهرجان في دورته الاولى ....

عيدكمـ مباركـ

امنيات مححقات يارب العباد

مذيدا من الالق والتقدم ..

كل عام وانتم الرقي في أوقاتنا..

نتمني لكم مزيد من الانتاج والابداع ..

الغالية منى خوجلي
العزيزة الفنانة
تجمعوا من كل انحاء السودان
فنانيين نهلوا من منابع هذا الوطن الجميل
فنونهم الخالدة
من اجدادنا القدماء ونحن نبدع فنا مغايرا
تعالي معنا شاركينا هذه الجولة في معرض الفنان السوداني الحقيقي
الذي يوحد هذه الأمة بالجمال

تعالوا نصفق للأفتتاح

عبد الله كع
لك المودة الصافية
كان الأفتتاح رائعا روعة الفنانيين المشاركين
وكلن بجانب المعرض المفتوح صباح مساء
كان هناك فعالايات وأنشطة فنية متعددة مصاحبة للمعرض الفني الأسطورة

السيرة الرسمية لمعرض ومهرجان الخريف 2008

في امسية الاثنين11/8/2008 تم افتتاح معرض معرض الخريف
والذي خطط له ونظمه ملتقى التشكليين السودانين الموجود على شبكة الانترنت.
وهوموقع جامع للتشكيليين السودانين واصدقائهم ويضم قرابة سبعمائة فنانة وفنان ومهتا بالتشكيل .
لقد استطاع الموقع الوليد رغم عمره القصير والذي يتعدى السنة الواحدة بقليل
انجاز مشاريع كبيرة بدأت كأحلام تتردد بين المتحاورين في الموقع من داخل وخارج السودان.
في البدء إتفق أعضاء الملتقى علي إقامة مسابقة للهواة ومحبي الفن السودانيين على امتداد العالم.
وتسهيلا وتشجيعا للمشاركين في المسابقة رأى الأعضاء ان تكون المسابقة في شكل ورش يشرف
عليها اعضاء الملتقى كل في المنطقة التي يقيم فيها.مع توفير كل مايحتاجه المتسابقين من مواد الفن اللازمة
لانجاز مشاركتهم. وبجهد منظم انطلقت ورش فنيه في ضخمة بدءآ من الداخل السوداني فاقيمت ورشة
لأطفال الشوارع مع جمعية أمل ثم ورشة في ام درمان بحدائق البحيرة، أما الثالثة ففي داخل
اصلاحية الجريف بالخرطوم. وسرعان ما تمددت الورش لتشمل كل من مدن جدة والرياض بالسعودية
وورشتان بالدوحة وورشة بالكويت وورشة بمسقط وأخرى في نيروبي وورشة في الشارقة ثم أخرى
في ابوظبي ولا يزال التخطيط جاريا لقيام ورشة القاهرة وورشة في كندا.
لقد حققت الورش نجاحا كبيرا وجمعت مئات المشاركين. وفي النهاية سيتم التحكيم الكترونيا
عبر الموقع لاختيار فائزين وتقديم جوائز لهم

بالمثل، بدأ مشروع المعرض والمهرجان الصيفي كفكرة بسيطة ولكن تجاوب الاعضاء
والأصدقاء الكبير مع الفكرة،حولها إلى واقع وحقيقة. اذا تكونت اللجان داخل وخارج السودان
لتتولى مهام موزعة بعناية لإخراج المهرجان والمعرض في أحسن حلة .
يفرض المعرض نفسه كحدث مفصلي في تاريخ الحركة التشكيلية الحديثة في السودان، منطلقاً من
العدد الضخم من المشاركين (وصل عددهم الى 270 فنانة وفناناً ) عرضو ألف لوحة. وتجمع كهذا
لم تتسع له في بلدنا الا صالات معرض الخرطوم الدولي. التى تشهد اول معرض لها من مثله.

ولقد وجد ملتقى التشكيلين دعما كبيرا من جهات متعددة وعلى امتداد مشاريعة التي انجزت والأخرى
التي تحت الإعداد. بالطبع كان في مقدمتها اتحادنا: الاتحاد العام للفنانين التشكليين السودانيين الذي
وفر الغطاء الرسمي للمهرجان وفتح داره كمركز تجمع للفنانين وأعمالهم وأدرج المناسبة ضمن برامجه المتعددة
وهناك شركات قامت برعايه المعرض وهي: كوفتي وجياد للألمنيوم وشركة الطباعة ونوبلز قروب
ومطابع السروات (جدة/ السعودية) ومطبعة دي بي اي بادارة ماجنتا. ونحن ، إذ نتقدم لهم جميعا بعميق الشكر والامتنان فاننا نثمن جهدهم
هذا في خدمة حركة الفن والثقافة في بلادنا.

في هذا المقام، وتباعا سنعرض كل الصور الرسمية والكلمات والنشاطات الموازية
للمعرض والمهرجان..
فتفضلو معنا ولكم من الشكر أجزله.
لجنة البرامج

عبد المنعم خضر رئيس الاتحاد
واتفاق على الصور الجميلة والتأكد من انو بعرف اصور

محمد حسن هارون وتاج السر حسن

المعرض في يوم افتتاحه كانت العروض الفنية
لفرقة :
اورباب
بقيادة الفنان استيفن اوشلا المسرحي المبدع
فهو كاتب وباحث في التراث وخرج وممثل وعازف وراقص
ملك للفنون الأدائية...

اقيم المعرض في اكبر قاعة ـ 2 ـ
وضم عد كبير جدا من اللوحات
واعمال النحت
والمطبوعات والمنسوجات
غطى المعرض جميع انواع الفنون التشكيلية
وشارك به عدد مقدر من الفنانيين السودانييين من خارج الوطن ومن داخله
وكان تجمع للأجيال مما خلق تحاور من اجل حركة فنية تضئي المستقبل ..

اجيال واجيال

رواد واساتذة

عثمان مدير المعارض بمعرض الخرطوم الدولي : اول مرة نشاهد مهرجان بهذه الروعة
عابدين الشوافعة وبعض الخريجين
شوفو المعرض

عادل رضا وناهد عضوة البورد النشطةوبتها الفنانة التشكيلية الحلوة وود الجاك الكوميديان

هنا في نفس الصالة تقام الفعاليات الفنية ..

الفنان الملحن والمطرب هشام كمال
كان في الحفل الاول مع اورباب

كل سنة والجمال يضخ دماءه فى شراييننا
علها تأتى بطعم الأمان والسلام


وكل سنة وأنت بالف خير

روز يا ايتها الوردة الجميلة
كان هذا الجمال في وطني لفنانين
من نهر النيل ومن الأستوائية
من دارفور ومن البحر الأحمر
من الجزبرة ومن جبال الأنقسنا
من الغابة والصحراء
تمازجت الوانهم في محبة خالدة
لهذا الوطن الذي يسقيهم الحنان من نيل عظيم ابدي
الوانهم تضئي تحت الشوس والأقمار
لتاتينا بطعم
الحب والسلام
ولابد ان تأتينا
بالحب والسلام
شكرا ومودتي
زهرة المحبة
ربنا اديك النجاح والعافية..

تضمن المعرض كتب باللغة الفرنسية لرسامين سودانييناشرف عليه الفنان المين محمدعثمان

حتى من مسقط جاء الفنان التشكيلي خلف الله عبود يحكي لي الفنان زوومبا حكاية الغربة.

الفنان عادل كبيدةـوزينب الشفايعةوحوار فني ولوحةماعارفين وين ترك

عبدالمنعمحمزة ـ اميمةـ انعام ـمحمد الأمين صديق ـ
ماقلت ليكم كل الجيال كانت هناك
لابد من عمل متحف يلم كل فنون السودان

اطفال فرحانة تصفق في الصورة

وناس تصور فرحانه

والفنان الشريف اقالد في الخلق فرحان بالشوفه

الفنان والشاعر عوض صديق والفنان عبدالرحمن نورالدين ورقصة وفرحة واستيفن نجاح اليوم الأول


فلنحلق الى الشموس الذهبية مثل صحاري بلادي
فلنحلق في وحدة وانسجام نرقص رقصة السلام
الحقيقي ..
تحت اقمار بلادي
ــــــــــــ
نداء من أجل
اقامة متحف الفن الحديث
لفناني بلادي

ود السني ..


دي قمة الابداع ...

تلمو هؤلاء الرايعين وكان هذ ا الابداع

تسلم يا حبا

كل عام ابداع جديد انشالله

سنسوني !!!

قمة في الإبداع ..

والروعة ..

لي قدام ..

عبدالله كع
التقى الجمال بالفنون
والرقص التعبيري بالساكن
وتحركت قوافل الجمال

عواطف
الى الأمام
يتقدمنا الجمال
في زمن ادمن فيه الكثيرين
القبح ...
جمال لي قدام ...

هالة نورالدين مدني وفرحة وزوجهاعلاء الدين عبدالرازق

الفنان عمر خليفة والفنان خالد حامد مدينا ضهروا

اسامة بشير ومصطفى عجباني ود.معز العجيمي

طارق نصر وابنه الهمام وانا
هيي ده ما انا !!!
طارق رفيق العمر عملنا بعد الانتفاضة
في جريدة السياسة سويا
عملنا صفحة متخصصة للأطفال كان اسمها
ــ للأطفال فقط ــ
طارق نصر فنان حاز على العديد من الجوائز

ماشاء الله
شعلة من النشاط
الفنان شهاب دياب
نحلة المهرجان
كان هناك ومعه عدد من الجلاليب والعراريقالبلدية
المطرزة في موضة جديدة
وكانت مبهرة
اولاد فنانيين

الجنود المجهولون
احمد عامر جابر وصلاح بادي وجما بشرى مع العلم العالمي تاج السر حسن

السني يا السني

عود لينا يا ليل الفرح

Quote: كل عام وانتم الرقي في أوقاتنا.. نتمني لكم مزيد من الانتاج والابداع ..

الخـريف في وجودكــم وابداعكم
ازهى الفصــول ..

ونحــو مقر للفن يفــوح شذى..
_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح

دز شهاب
تحية واحتراما
المودة الصافية النقية
لك كل تهاني الاعياد
وطالما انت المؤل الثقافي
يلا همتك معانا
عايزين فتوت ومسرح وورش للجمال
سوف ننسق لعرض اقيمه باذن الله
حين جضوري بداية العام
مودتي

شكرا سني

والتحية للتشكيليين السودانيين

الذين انتزعوا حق وجودهم من فك القبح


فكرة المتحف كانت فكرة قديمة

عملنا لها جديا في المجلس القومي ومصلحة الثقافة

قبل أن تدوس الأقدام على اللوحات (حرفيا)


الباقر موسى

حبيبنا

العيد مبارك عليك
مالك يا أخوي حاربت الشاشة الغشاشة
خير انشاء الله
ربنا يديك العافية
شكرن كتيرن!

حبيب نورة
ياخي انت الظاهر العيد ده كنت يتمشي تسلم على الجيران
ياخي انا شعال ربربة في الناس باريها بري
وشغال مع جمال في سالم ديلفيري
وهسي معاك هنا يالفاتح بوست للنسوان
كان ما اكلم لييك نورة

نحاول
يا صديقي في مملكة الاطفال
بنحاول ننشر الفرح للأجيال الجاية
والوعي بالفنون
لك نحبتي

الباقر موسى الفنان
في يلاد الجليد الزاهي الأزرق المبيض
او الأبيض المتوشح بالازرق
لك يا صديقي دعواتي الطيبة
ولسه انا في حالي مشعوذ يحب الجمال
ورسوماتك لي فاطنة تلك الجميلة
الافكار قديمة وعلينا اخياؤها
علها تجد من يعيها وينفذها
لعل وعسى
والبوست ده ايضا لنعرف الفنانيين البرة
بالفنانيين الجوة والحديثين منهم
لك المحبة والمودة الصافية

الفنانة الكبيرة خالتك الجميلة
مصممة الازياء السودانوية
سعدية الصلحي
كانت هناك تواصل اجيال

متحف الفن الحديث والقديم زاتو
لانه القديم ما عنده متحف يالسنى
شفت متحف السودان القومى بقى عامل كيف؟
يا زول اقول ليك
اى واحد بخدم الغرض

صور المعرض سمحة لمن تبكى زاتو
شكرا ليك يا سنى ياخ

ÑæÇÏ æÇÓÇÊÐÉ


البنية اللابسة القميص البلو دي يا الحبيب حكاية تانية وثروة من ثرواتنا القومية بالجد بالجد
نسرين أبشر فنانة تشكيلية عالمية وعلى أعلى مستوى وعندها أفكار بعيدة كل البعد عن التقليدية والتقليد يعني أي عمل تقدمو نسرين أبشر بشبه نسرين أبشر وأسألو مامون التلب عن البيت القديم , عارف يا خال أنا من زمان نفسي أنشر لوحات ومنحوتات البت دي هنا ي,ياخي دي بنية من عالم تاني أعمالا إستعصى وصفها على شهرذادي حتى الليلة الخمسين بعد المئة الرابعة ولا زالت شهرذادي تحاول ولا يسعفها الوصف .

بارك الله في بلاد بها هكذا مبدعين وجملها بقدر ما تحمل من إبداع

تحية عيدية ليهم وليك يا جميل

معرض ضاجى بالحياة..

الناس كلها باين عليها التفائل والرضاء...

اللوحات تتحرك بين الزوار وليس العكس.....

باسلاااام يالسنى لو الفانيين ديل لقو فرقة كان البلد دى تكون عبارة

عن معرض كبير...

تحياتى لملتقى التشكيلين السودانيين

اها اميرة
هاك الشباب الفعال وفنان وكلو حيوية
دلال وعبد الحميد عبد الكريم
وتابعي معانا بقية الفنانين

سلمى الشيخ سلامة
وانت شوفت حاجة ده جزء من الصور
ونحن لسه في فعاليات اليوم الاول
وزي ما قلتي القديم اتعمل ليهو شنو؟؟
زين متحاف الحضارات المتعاقية على البلد
وين تراث الفونج
وين تراث الجبال السبعة
والمصبحات والمشرقات
والقبايل النيلية
والصحراوية
وين وين وين

فــــاصــــــل مـــوســــيـقـي
ونــــــــــــعــــــــــود

عارف ام توب دي منو
دي الفنانة
دار السلام
دي العملت كل الديكورات والازياء لي فرقة الفنون الشعبية
فنانة تحير المسرح ملمة بكل فنون السودان
وليها عقل حصيف وذوق راق وحس جمالي بديع
ليك وليهم التحية
وعيدية فنانة قدرك

خستكة ومريوم

تيسير يوسف

والضحاك والزمن طويل

آية وإيمان

فنان الكاريكتير منعم حمزة

كات ـ خستكه ـ شيطون ــ الشياطين الجدد

حتى الأسر والأمهات حضروا
والدة اميمة عبد اللطيف
ليها كل الخير والحب وهي حضور كل ايام الملتقى بي جمالها الحنين
وبجوارها ساره وهاجر عوض

ديل

بصفقوا لي منو؟؟
ايوه لي ده

انتهت فعالايات اليوم الاول
افتتاح
وعروض من :
فرقة اورباب
وغناء من المطرب
هشام كمال
محبتي ومودتي
العرض القادم مزيد من اللوحات واعمال النحت
واليوم الثاني
مودتي لاتنسوا
ـــــــــــــــــ
نداء من اجل بناء
متحف الفن الحديث

يا سلام على الجمال ..

كل عيد و انت جميـل ..

يا سني دفع الله رئيس الإتحاد هو إسماعيل عبدالحفيظ ...الشاب القاعد
بجوار الزول الللابس القميص الظهري في يمين الصورة...
يعني عشان عبدالمنعم خضر بيعلم فيك طريقة تشغيل الكاميرا عايز تعملو رئيس الإتحاد ?

والشاب اللابس القميص هو النحات على الأمين ..الدفعة الورانا وكان رئيسا
لللإتحاد وهو أحد ضحايا بيوت الأشباح

الزميل عبدالمنعم حمزه ...كان دفعتنا في قسم التصميم الإيضاحي
الآن يشتهر كرسام كاريكاتير في الصحف اليومية...
متعك الله بالصحة يا منعم

حسام الصحافة
ايه رايك في اصغر مشاهدة للمعرض
شوف الحلاوة
وكل عام وانتم بالف خير

يا سلا م ..
كل عام وانت يامحمد والتشكيليين وجموع الفنانين بخير
ما اصعب الدخول والخروج من هنا ..
كل زاويه وجع براهو ..
وكل درجة ضو حكايه ..

ياربى الزول اعاين لى شنو .! ويخلى ياتو .! الناس واللا اللوحات ولاا اصدقاءنا الفنانين
فى خلقهم وعضمهم .. زمبه .. الامين .. راشد .. على الامين .. تاج السر .. حكايه عجيبه
وسعديه الصلحى كمان

شكرا محمد التحايا لكم على هذا الانجاز .. وبعدين قول لاسماعيل عبدالحفيظ , لو عندو صور
من مشروع التخرج بتاعو .. خلى اجدعنا بى واحده منها ..

تسلم يا جميل

الثلاثاء الثاني عشر من أغسطس للعام الثامن بعد الالفين من الميلاد

شهد فعاليات اليوم الثاني لمهرجان ومعرض الخريف الأول

لملتقي التشكيليين السودانيين بأرض المعارض ببري



عروض سينما سودانية وحلقة نقاش

( مقدمة من نادي السينما السوداني )

( إنسان ) فيلم ابراهيم شداد ..

اخوي عمر دفع الله
ليك المحبة والمودة
وعيدك مبارك
بركة الشوفتا اصحابك واولاد دفعتك
يا خوي انت قايلني انا ماناقش ولا شنو ؟؟
عبدالمنعم خضر رئيس لجنة 21
واسماعيل رءيسالاتحاد
والاتنين هسي في لجنة التسيير لحد عمل اتحاد جديد
لقيتني كيف ؟؟؟
لك محبتي وين الكاكتيرات الظريفة
وتقبل تحيات ابراهيم بشير القاص والروائي
مودتي

خطاب جدو الحبيب للنفس والروح
كيف الحال وكيف العيد
سالم وفرحان وعافية
محل ما تقبل في اركان الدنيا
المدورة..
القصد من البوست النداء
بعمل وبناء دار ـ متحف للفن الحديث ـ
نداء قديم جديد
وفي نفس الوقت نتشاوف وتشوف اصحابك
يعني ده اليوم التاني شوف الحضروا يوم السينما السودانية
عرفت فيهم منو ؟؟؟؟؟؟

شوف جمال المتابعة
والرشيد احمد عيسى يتألق

عوض صديق ـمزمل سوراويـ سعيدالبيلاوي

[

عزيزي محمد
كل سنة و إنت طيب

جهد مقدر

الجمال والحب في بلادي
والحضارة إزدهارها وإنتشارها
في المدارس والنوادي
العلوم العالية والفنون الراقية
جمالها بادي
ينبي عن أثار قوة الأفكار
والأيادي
الأنجزت أعمال وخلدت تذكار
في جبين الوادي
سوداننا العاجبنا رسمه
في نفوسنا مقداره يسمو
الطيور غنت بي أسمه
وكم صايح ينادي
أسمك يابلادي
هتقت به الجنود
وغنتبو الشوادي
في بلادنا مناظر الطبيعة
حافيها السحر الحلال
في الشرق المينا العظيمة
بيها الثغر بسم الدلال
والغرب حرست مداخله
الهيبة حصون التلال
وجنوبها ينافس الشمال
حيوية وعظمة وجلال
في بلادنا القرى والمدائن
أثر النعمة عليها باين
وتاني محل العين تعاين
تشوف بهجة وروح وإعتدال
في منظر جذاب ودادي
أحي السودان وأرضه
والأرض الطاهرة النقية
أحي السودان وأهله
أهل العبقرية
أهني السودان بشعبه
طوح النفس الأبية
الوافي راعي المحارم
أكرم من الغيث مكارم
وأصلب من الحده صارم
إن في الحرب وإن مسالم
يمتاز بالروح القوية
مقدام ومن طبعه هادي


الاخ السني
يا لروعة مبادراتك
وحقاً لابد من عمل شئ لاظهار جمال ابداع هذا البلد العظيم
وكل عام وانت والجميع بخير

مزمل امام احد اعمالهـ

ابوجهينة
لك المحبة والمودة
جهد فناني بلادي الاخيار
تمتع بالفن الجميل

Quote: التقى الجمال بالفنون والرقص التعبيري بالساكن وتحركت قوافل الجمال

عرضك لا يقل بهجه وروعه عن المعرض وكل سنه وانت طيب يا مبدع.

عبد العظيم صديقي الفنان
عبدو فقدناك ايام المعرض
نعوضه في الجايات
محبتي ونتقابل في البريد الاصوتي


عارفك بتحب الجلديات شيل ليك شنطة وانا بحاسب الجماعة

ابو الصحب الارباب
طارق ميرغني
شايفك وصديقي حسن طه متجادعين في بوست بحري
كل ما اقول اخش اقول يازول اصبر
اصلو عندي حكايات في بحري ـ قصص !!
تابع معانا الجمال لحدي ما احكي ليك عن الجمال في بحري

حتى القرعيات كان لها مكان

السني الذي احببت

اطلعت على هذا التشكيل والابداع ..
ارجح الظن ان حل الاشكال السوداني هو هذه الفعاليات لا ما يطرحة الساسة
شكرا لهذا التنوع الجميل يا ود السني ..




اخوك
إسهاغا

عبد العزيز دكييين
محبتي ومودتي
هوالجمال الحق
يحتاج الى مكان دائم
لنحفظ تراث الاجداد والاباء
وناس بكرة
مودتي

وللتصوير قسم

عبد الرحمن شنقل
وبكري الفل
وفل يا نحت

مكن اعمال الفنان شنقل

الأربعاء الثالث عشر من أغسطس للعام الثامن بعد الالفين من الميلاد

شهد فعاليات اليوم الثالث لمهرجان ومعرض الخريف الأول

لملتقي التشكيليين السودانيين بأرض المعارض ببري


ليلة [الوفاء والتكريم

قام ملتقي التشكيليين السودانيين بتكريم

المدربين الفننين بكلية الفنون الجميلة والتطبيقية وهم
:


بابكر دينق------------------------ قسم التلوين

فاروق محمد احمد ----------- قسم المنسوجات

محمد حسن خليفة --- قسم التصميم الايضاحي

ابراهيم جبارة --------- قسم التصميم الصناعي

احمد محمد احمد عمر - قسم التصميم الصناعي

الطيب الشيخ ---------- قسم التصميم الصناعي

برناية ديج قون ------------------- قسم الرسم

يعقوب موسى يوسف ------------- قسم الخزف

وليم دينق قوق ----------------- قسم المطبعة

وليم دينق كوال - ---------------قسم المطبعة

صلاح محمد عمر المنشاوي ----- قسم المطبعة

طلحة حمد طلحة -------------- قسم المطبعة

اسرة المرحوم سمير البدري ----- قسم النحت

عبدالله جبارة عبدالرحمن --------- قسم النحت

بعد التكريم
غناء حتى الصباح
مع الفنان عبد القادر سالم

العزيز جدا / محمد السنى

متحف الفن الحديث ، مثلما قال ، الباقر كان حلما مستحيلا فى الماضى ، واستعصى علينا جميعا ، حتى الصلحى وأساتذتنا الجادين ، يئسوا منه ، بسبب عدم إهتمام الأنظمة السياسية ، على اختلافها .... ولكن ما ثبته هنا ، بتوثيق هذا العمل العظيم ، أكبر معرض تشكيلى فى الشرق الأوسط وأفريقيا من ناحية الكم والكيف ، يثبت لنا أن السودان مازال عظيما والنار قد تظل تحت الرماد ، ولكنها لاتنطفى أبدا ... ودائما يأتى من يحييها ...
إعجابى بالشباب المبادرين الذين أحيو فينا تلك الجذوة ، لا حدود له ...
يسألنا دائما أصدقاءنا فى سلطنة عمان ، عن السودان ، فتأخذنا الحسرة على سودان كان فى الماضى ، جميلا نظيفا شريفا ... وتدهور بفعل فاعل ... ,لكن ، وكما قلنا أن الجذوة لا تنطفى وسوف تشتعل نورا ... يضىء للجميع ولأجيالنا القادمة فنا ، لامثيل له ... ومتحف السودان للفن الحديث ، لامحالة قائم ، وقد تجدد فينا ألأمل ، بعد هذا العمل الرائع ...
شكرا ...

خلف الله عبود

يا ســــــلام يا السنى .. شكراً جميلاً
وتهانينا للشيب والشباب من التشكليين
تهانينا على هذا التواصل الوجدانى الأنيق بين كل هذه الأجيال

تحياتى أيضاً للصديق القديم الجديد وزميل الخرطوم الجديدة طارق نصر وإبنه الهمام
ولكل الاصدقاء من التشكيلين، وللصديق الفنى محمد عمر(فنى الديكور سابقاً بالمعهد)
ونبارك التكريم للأعمام الافاضل
ومبروك التكريم من هؤلاء الفنانين الأماجد يا محمد عمر،
وماشاء الله لسة شباب وفرائحى اللون كما عهدناك دوماً.

استاذي خلف الله عبود
لك التحية والمودة
وشكرا على جهدكم المقدر وروعة الحدث
ولابد من قيام متحف للفن الحديث بجهدكم الخلاق
لابد
لابد

صديقي الجميل، الفنان، المسرحي، الانسان،
محمد السني دفع الله.. كل سنة و عيدك الأسعد وأسرتك و الوطن
بخير و أهله ينعمون بالسلام و الأمان و الحرية و العلو..
آمل أن تجد مبادرتك العظيمة هذه صداها الذي تستحق و نرى
متحفا للجمال الحديث، في بلادنا، من الفنون التشكيلية إلى
الآداب و الفنون و السلام و العلوم و الرياضة و كل الفعاليات
...

أبوعسل

عارف يا منعم
عمك احمد عمر
لمن ندهو عليهو للتكريم قدم تابلوه راقص
ووصل في خطوات درامتيكية وعمل نصف انحناءة
بي صورة تمثيلية اللهب حماس الناس وانتزع الضحكات بصورة زكية ولماحة
لي درجة محمد الحسن هارون قال لي
ناس المسرح هدو فيهو عمك
وهونفس الرجل الضاحك المبتكر في الديكور
اريحية ولطافة وخوة وعشرة حلوة وطيبة

ابو عسل سيد الناس
شكرا اخي لدعمك الحقيقي للفكرة
مهم جدا متحف للفن الحديث
نجمع فيه الوان السودان الجميلة
كيف فنان في دار فور قدر الون البروش والطباقة
واختار آلوان من الصعب اختيارها الااذا كان له خبرة
وتناسق داخلي وفهم عام لمزج الألوان وخبرة بالطبيعة
وتفاعلو معاها ..
شوف كيف بتناغم البرتقالي مع البنفسج الداكن
في الطبق ..
كيف بحافظ على الاعمال الجلدية في لونه الطبيعيى
ويضيف ليها الزخارف
معرض يا ابوالعسل والشهد ..
نامت فيهة الألوان الزيتيةجنب المائية
اكريللك يراقص الباستيل
ديجتال مع النحت
والحصان الفوق في الصورة من عمل بكري الفل
وفل وياسمين عليهو وعليك
يابو عسل
عايزين متحف لي فنانين من كسلا
ومن حلفا
من يامبيو وبور
مشغولات من الفاشر ومن مدني
متحف يحفظ تراث الامة
ويحفظ للأجيال القادمة
فنوننا الجميلة ــ

حفل الفنان عبد القادر سالم

ابتهاج يقودنا الى اليوم الرابع

إكتشفت من خلال البوست ده شي جميل خلاص
وهي واحد من إتنين
يا إما الفنانيين ديل بشبهو الفن ولا الفن بيشبه الفنانيين ديل
عموماً كلهم بيتشابهو وكلهم جميلين

تسلم يا سني

طارق المكي
الجمال والفنان
حاجة واحدة


دي صورة الفنان هيثم الطيب
احد الصوروهذا المعرض الخلاب
وخلفه صورة للملونة
نجوى يعقوب

ختام اليوم الثالث
تيسير عبد القادر سالم
ونجوى يعقوب
وعوض صديق
وعبدالقادر سالم
ومقطع من النغم والرقص الجميل

الخميس الرابع عشر من أغسطس للعام الثامن بعد الالفين من الميلاد

شهد فعاليات اليوم الرابع لمهرجان ومعرض الخريف الأول

لملتقي التشكيليين السودانيين بأرض المعارض ببري



الفترة الصباحية :





::: إسكتشات مسرحية للشماشة بمشاركة المسرحي السني دفع الله

::: ورشة رسم وتلوين للشماشة بمشاركة طلاب و طالبات من عدة مدارس بإشراف الفنان : عوض صديق

::: تقديم هدايا من الملتقي للشماشة لتحفيزهم علي ممارسة الفنون والرسم والتلوين

::: فرقة الفنان صلاح براون للموسيقي

::: ورشة للرسم بمشاركة خريجي كلية الفنون الجميلة والتطبيقية




الفترة المسائية :





::: ورشة رسم حر ( قلم رصاص )

::: مسرحية السني دفع الله ( السقّــــــا )
:::حفل الفنان صلاح براون ( جاز )

::: حفل الاستاذ الفنان التشكيلي : عمر خليل وفرقته الموسيقية

لا للعنف عمل صغير ارتجال منظم مع مجموعة السوق الشعبي
منظمة امل

مهم جدا ان يكون هناك امل

توثيق كامل لورشة اعمال وفنون مع الشماسة وكان لمشاركة طلاب المدارس الذين
يزورون المعرض صباحا الدعم المساند لتطوير افكار الشماسة
والمشاركة معهم بحب كبير

عوض صديق يشرف على الورشة الصباحية لطلاب وطالبات المدارس
حاجة جميلة زيارات المدارس للمعرض
لوكان هناك متحف للفن الحديث
كانت الزيارات يومية
لنمتع العيون من فنون الاباء والأجداد
لو كان !!

ختام الفترة الصباحية
محمد حسن هارون وشهاب دياب واستاذ احمد من امل
ونشاط متواصل للنجاح

لقـد كنـت حاضـرا هنـاك ...
ــــــــــــــــــ

الأخ الفنان / محمد سنى دفع الله
لك التحيه، والشكر الجزيل ..
.. كنت ضمن جمهور الإفتتاح فى إجازتى السنويةآنذاك
ولكنى لم أحظى بك فى يوم الإفتتاح الرسمى والذى أفتتحه ، أمين حسن عمر
ودخول ياسر عرمان أثناء كلمة أمين حسن عمر ، حيث دوت القاعة
بالتصفيق له ،
إلتقيت بعدد كبير من الزملاء المحاربين القدامى التشكيليين
وقد فوجئت بصورة عابدين الشوافعة صديقى ... ويبدو يا السنى أن
زخم الإفتتاح ورائحة الألوان الحارة ، وتعدد المعروض وإختلاف مدارسه
وعبق العطور والعروض الفلكولورية التى أبهجت الناس قبل الإفتتاح الرسمى
بساعة من الزمان جعلتنى لا أعى تواجد الزملاء الثر ..
وأهديك بعض اللقطات ، لو ما عندك مانع ..

ولك تحياتى .. محمد مختار جعفر






جانب من الحضور الظريف ..





أها.. يالسنى شوف الإبداع ده !!! تقول لى غربه وشجن !!؟؟

فووووق

وانت بالف خير يا استاذ يا كبير

تخريمه:
حلقة فنان وتلاته بيوت كانت جميله جدا..
علي النيل الازرق.. مع اسكونش
بس الصوت ..

نعيم علي
شكرا جزيلا
على المشاركة الرقيقة والمجاملة اللطيفة للسهرة
التي طعمها موسى الامير تؤام الروح وصديق الفن
شاركنا الجمال ــ
نواصل عند الأصيل جاء الفنان الباذخ
صلاح براون
احد رواد الجاز ابدع بألحانه الرائعة واغانيه الجميلة وصوته الجهير
وحركته الرشيقة ليضيف لليوم الرابع ابداع وجمال اخاذ اخذنا الى عوالم مضيئة

غنى ورقصت مجموعته رقصات من كل انحاء السودان
الوطن المتوحد بمحبتنا...

[

ورقصنا معهم

وطال الفرح براون

بعده جلس الفنان
صلاح براون بكل اريحية
ليرسموا له بورتريه
بدوا

اول الخطوط

فرحة بالصورة
وبالمناسبة معظم هذه الصور
من الفنان
شهاب دياب

برنامج المساء والسهرة
الجمهور ينتظر افتتاح العرض المسرحي ..

كانت مشاركتي بمسرحية السقا
حكاية الطاهر ود احمد ود عتمان
السقا ود السقا...

د. الماحي سليمان
الفنان الموسيقار واضع موسيقى المسرحية في حالة تالق
الموسيقى من نسيج العمل وكانت مبهرة

الفنانة المسرحية الرائعة
امنة امين
تشاركنا التجربة على الأيقاعات فنانة لها شكري العميق
وانتهى العرض المسائي نلتقي مع السهرة الغنائية

الحفل المسائي
للفنان التشكيلي :
عمر خليل

أستاذنا الكبير سلامات وأحوالك ..

سعدت جداً بهذه الفعالية والتوثيق الجميل لعمل ضخم يثري ساحة الثقافة السودانية وأتمني أن يفكر القائمون على أمره بطوافه على مختلف ولايات السودان حتي يتيح من تحقيق وحدة وفعل جاذب لإلتفاف الناس حول بعضها البعض بعد أن مزقت السياسة والحروب نسيج هذا الوطن ..

ومزيد من التقدم في الحيز الثقافي السوداني ..

خالص الود ..

مجاهد عبدالله
سيد الحدائق المزهرة
فينا وعيا جماليا
والفرحة ممتدة للأطفال
امل بكرة
شكرا ليك مجاهد وفعلا
الفنون توحد الوطن
ويا ليتك رايت الشباب وهم يعرضون فنونهم من كل انحاء البلاد
جاءوا بالمحبة والفن الحق
لك مودتي

محمد مختار جعقر
التحية والمودة
وكل عام وانت بالف خير
يا خوي الناس يوم الافتتاح كان
مولد والناس كانت في زحمة اللوحات
والخلق والفرحة بتحقيق حلم الجمال
ما اتلاقينا
انا زيك شوفت ناس في الصور
واستغربت لكن كان حدث جمالي حقيقي
ومساهمتك معانا لتفعيل النداء
من اجل متحف للفن الحديث
في السودان
مودتي

محمد مختار جعقر
التحية والمودة
وكل عام وانت بالف خير
يا خوي الناس يوم الافتتاح كان
مولد والناس كانت في زحمة اللوحات
والخلق والفرحة بتحقيق حلم الجمال
ما اتلاقينا
انا زيك شوفت ناس في الصور
واستغربت لكن كان حدث جمالي حقيقي
ومساهمتك معانا لتفعيل النداء
من اجل متحف للفن الحديث
في السودان
مودتي

محمد مختار جعقر
التحية والمودة
وكل عام وانت بالف خير
يا خوي الناس يوم الافتتاح كان
مولد والناس كانت في زحمة اللوحات
والخلق والفرحة بتحقيق حلم الجمال
ما اتلاقينا
انا زيك شوفت ناس في الصور
واستغربت لكن كان حدث جمالي حقيقي
ومساهمتك معانا لتفعيل النداء
من اجل متحف للفن الحديث
في السودان
مودتي

محمد مختار جعقر
التحية والمودة
وكل عام وانت بالف خير
يا خوي الناس يوم الافتتاح كان
مولد والناس كانت في زحمة اللوحات
والخلق والفرحة بتحقيق حلم الجمال
ما اتلاقينا
انا زيك شوفت ناس في الصور
واستغربت لكن كان حدث جمالي حقيقي
ومساهمتك معانا لتفعيل النداء
من اجل متحف للفن الحديث
في السودان
مودتي

الجمعة الخامس عشر من أغسطس للعام الثامن بعد الالفين من الميلاد

شهد فعاليات اليوم الخامس لمهرجان ومعرض الخريف الأول

لملتقي التشكيليين السودانيين بأرض المعارض ببري



الفترة الصباحية :


::: ورشة أطفال التشكيليين للرسم والتلوين والأعمال اليدوية

بإشراف الأستاذ جمال بشري :: رندة عبد المطلب :: سلمي حسن خضر

الفترة المســــائية
فرقة
عــــــقــــد الـجـــلاد

الفنانة ندى القدال مشرفةعلى اولاد المدارس

وفي المساء رقصنا وغنينا مع عقد الجلاد
والشباب ملا البكان

شباب زي الورد تفاعل
لانجاح كل الفعاليات
وفعلا توفقوا في عمل المستحيل
تلاقت الاجيال من اجل نشر الوعي الجمالي
وحققوا المستحيل
لهم محبتي

وتكريم لكل من ساهم في انجاح هذه المهرجان



في الصورة محمد حسن هارون
عبدالرحمن نورالدين
وسلمى مكي الفنانة النشطة

تكريم المراكز والجماعات والافراد
الفنان راشد دياب

مركزغوته الثقافي

المركز الثقافي الفرنسي

تكريم غاليري تووقيزر
والفنانة :
وصال ضياء الدين


غاليري شمس ـ الفنان المصباح

غاليري الخرطوم

مركز شبرين للفنون
هدى شبيرين

ابوبكر مصطفى الشريف الكدرو
ومحمد عبد الوهاب

اسحق عبد الغفور

عادل كلار
محمد ابو الاشرف ابو سمرة

وعثمان الهادي من معرض الخرطوم الدولي للمعارض

رنده يسن
وتيسير عبد القادر سالم

ساري احمد
ومعتز محمد الفاتح

وكمال جبرة اللهيستلم نيابة عن مطبعة دي بي اي
وصلاح الدين محمد شرف الدين ـ ابو الدوووـ

الاستاذ صلاح عبدالله

والاستاذ عبد المنعم الخضر

والاستاذ صلاح خالد بادي

والاستاذ السعودي سعيد العلاوي

والاستاذ جمال بشرى

والاستاذ عوض صديق

الميدالية الفخرية
متمثلة في الفرشاة الذهبية منحت لـ:

ملتقى التشكيليين السودانيين في شخص منسق الموقع السيد: محمد حسن هارون

بميدالية الفرشاة الذهبية
من قبل الاتحاد العام للفنانين التشكيليين

تأكيداً للتعاون واستحقاقاً لما أنجزه الموقع من مشاريع لخدمة الفن التشكيلي السوداني
]

تكريم يليق بموقع في خلال سنة من عمره
تجاوز ووثب الى النهضة بالفنون
ونشر الوعي الجمالي بين الصغار والكبار
وما زال على استعداد لتقديم المزيد

صور نادرة وذكريات جميلة
سليمان ابشر وبكري الفل

من الإبداع الخرافي دا كلو ياود السني طلعنا بالبروفايل الجميل دا،،

كان فيها حقوق وطبع ونشر والذي منو ضربو لينا السنتميترات دي حقها
كم وأدونا حساب التشكلييين الجماعي،،

شاكرون يارائع،،

عبد اللطيف بكري
كل عام وانت بالف خير
العمل ده للفنان
محمد حسن هارون
منسق ملتقى التشكيليين السودانيين
التحية والمحبة وانت باختيارك هذه اللوحة تنشر الفن الجميل
وده محمد حسن هارون بالميدالية
قصرنا معاك

الى الفنانيين في البلاد البعيدة
تعرفوا على الشباب الجدد
مودتي

خستوك ومريوم
غسان البلوله

سارة عوض وسليمى بابكر

عبدالرازقبنكت وبرجاس
سارة الحسين

ابوبكر الشريف

عمار شيطون الدفعة 58

ساري احمد

هيثم محمد ادريس

معتز الخطاط

ود المكي

نجلاء العوام

والفنان احمد الشريف عبود

والفنان هارون والفنانه نجوى يعقوب المسؤل الثقافيوالاطفال من حولهم ربنا يحفظهم

صور نادرة من المعرض الخريف

الفنان الكبير عصام عبد الحفيظ

الفنان عصام عبد الحفيظ
تاني

شكرا استاذنا الكبير السني
على هذه الاضاءة الرائعة

وشكرا للمتجاوبين من الأعضاء

رابط ملتقى التشكيليين السودانيين:

http://www.sudanartistunion.com/vb/index.php

مرحبا بكم اخوتي جميعا في حديقتنا العامرة

الفنان مامون
المشرف الكبير
جهات البحر الاحمر
شكرا على العيدية الجميلة
عايزين رايك بخصوص متحف الفن الحديث
بحلم يا فنان
وكل المشاريع الكبيرة بدت بي
حــــلـــم
مودتي ومحبتي
ووين الورش الجديدة

لماذا متحف للفن الحديث ؟؟؟؟
لماذا متحف لفنانيي بلادي ؟؟؟
لماذا ؟؟؟؟؟؟

لهذا نقيم متحفا لللفنون في بلادي
ليحفظ اعمال مثل هولاء الفنانيين الذي يرحلون واحدا خلف الاخر
العمل للفنان البروفسير
احمد عبد العال
الذي رحل صباح اليوم
الف رحمة ونور عليه
حبيب الجمال