كل زول يناجي جكسويتو

بوست مفتوح للبوح..
تعالوا هنا رشوهن رشاهن بلا

بيطري لي حبيبته:
آه يا مقص .. أخخخ يا رفسة حمار
يا قرادة في ضهر جريوة مولعة نار
يا هيم في جناح سواسيو.. و«سمير» في الجداد الكبار

بتاع ركشة لي حبيبته:
آخ يا قاطعة كوبري أم درمان
يا «كليك» يا «هايس» يا «توسان»
ريدك خلاني الخبت البنزين مع الزيت وماشي بي ثلاثة عجلات كمان

مكوجي لحبيبته:
يا كاويه قلبي قبل قميصي رشيت لياقتو وما أنكوى..
ياريتني لو أغسل دوأخلي من الهوى زي عمة بيضا أشرها
صابون هواك غسل النوى..

الجزار لحبيبته:
يا طاعمة زي كبدة أبل بالشطه والليمون شفا..
أنا بي وراك سبت القطيع ضل الدريب وعليك حفا..
ياكاسره بي فرار هواك أضلعي وظروفي المؤسفة..

ميكانيكي لحبيبته:
ياوأقفه بين صبري وتروس الفرمله أنا بحكي ريدك للملأ..
والجاني من بستم مشاعرك بلفو طار بحكيبو لليل والخلا..
وأنا بعذرك وأوزن دركسون الصبر وأضغط كلتش الأمنيات لو ألحقك..
يا الحنتا زي زيت رجوع أسود من الشقى والدموع

نجار لحبيبته:
مسمار ودقيتيني في خشب الليالي المحزنة..
منشار هواك قطع الصلات الممكنة..
يا أبلكاش وفورمايكه فينا ومننا..

.ود جبريل بقيت شاعر الظاهر شوفت ليك شوفه والله اجر سلك لبت بلدي المدام تخلي ايامك شوربه عدس كل يوم ونوم في البرنده لمن البرد ينشفك قال بوح قال سلامات ياجميل يا طيب

انا ما قلت ليك ما تمشى جمب مدرسة الشهيد الطاهر تانى ..

Quote: انا ما قلت ليك ما تمشى جمب مدرسة الشهيد الطاهر تانى ..

طبشيرة هواك
وبرجل يقطع في الورق وراقد خل معاك
أخ يا منقلة.. يا علبة هندسة.. يا قلم رصاص مشعلق في سماك

ليت الشباب يعود يوما .................... الخ


..............


قال جكسويته قال .....


يا ود جبريل الا يكون عندك اكسير يرجعنا من الصفر .... :) (وش اخضر ضاحك ومدور وسط الزهور )



حبيت اسلم بس



محبتي يا.......


والا بلاش وتاني الوش داك

مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت

والصحفي بتاع المغرب قال:
أه يا جريدة يا مقال
يا صفحة رياضة وحمل أثقال
شُفتك زي خبر حمونا ننزلو المسعولين
قالو بقطع عيشنا وبودينا في خبر كان
خليني كدي أجيب أغنية الجريدة
وأعبئ المكان بي هواك يا وحيدة يا شديدة


أو هذا ما كان


هههههههه


والله الخرف كعب يا اخي
كعب كعب شديد

Quote: وماشي بي ثلاثة عجلات كمان

العجلتين وعارفنهن ,, التالته دى ياتا يالمسخوووت

يا قريبي
الناس البقرو كتير قالو فولتير قال " خُلِقَت المرأة كي تُروِض الرجــل "
فبلاهي خليني من مكناتكـ القايم فيها دي
رشوهم وأنت آمن ؟

Quote: يا قريبي الناس البقرو كتير قالو فولتير قال " خُلِقَت المرأة كي تُروِض الرجــل " فبلاهي خليني من مكناتكـ القايم فيها دي رشوهم وأنت آمن ؟

غايتو يا قريبي دي قرابة التاباني البنات

Quote: العجلتين وعارفنهن ,, التالته دى ياتا يالمسخوووت

غايتو بقيتوا صعبين خلاص

Quote: والصحفي بتاع المغرب قال: أه يا جريدة يا مقال يا صفحة رياضة وحمل أثقال شُفتك زي خبر حمونا ننزلو المسعولين قالو بقطع عيشنا وبودينا في خبر كان خليني كدي أجيب أغنية الجريدة وأعبئ المكان بي هواك يا وحيدة يا شديدة أو هذا ما كان هههههههه والله الخرف كعب يا اخي كعب كعب شديد

خرف شنو يا عمك
قطع شك انت لمن ولدوك ابوي كان بيتودد للحاجة عشان يخطبها

Quote: مسطول مشوكش سالوه عن اجمل بيت شعر؟؟ قال:كلما نربي كتكوت........يكبر ويفوت

واحد قاعد مع خطيبته النور قطع قالت ليه أخد فرصتك.. سرق شنتطها وجرى

Quote: ليت الشباب يعود يوما .................... الخ .............. قال جكسويته قال ..... يا ود جبريل الا يكون عندك اكسير يرجعنا من الصفر .... :) (وش اخضر ضاحك ومدور وسط الزهور ) حبيت اسلم بس محبتي يا....... والا بلاش وتاني الوش داك

يا حبيب قطع شك انا اصغر منك بي 20 سنة
دايرين تاخدوا زمنكم وزمن غيركم

غايتو عشان (القرابة دي ) بنشاركـ من مشاركات الآخرين
يعني ( يا حكومتنا الرشيدة ) ناقل الكفر ليس بكافر
عشان ما تجي تتلحيني
أهو طارق جبرين ده سيد العنوان ، ما أنا
لوووووووووووووووووووووول
أبو حسين عندو ( ** بــــدل فــاقــــــد ** ) قال فيهو :

Quote: عندما يجيب الرجل على سؤال بإجابه صحيحه يقال ( مصيب ) وعندما تجيب المرأة على سؤال بإجابه صحيحه يقال ( مصيبه ) ************************************************ وعندما يبقى الرجل على قيد الحياة يقال ( حي ) وعندما تبقى المرأة على قيد الحياة يقال ( حيــه ) *********************************************** يسمى الرجل الذي يحكم بين الناس ( قـــاضي ) وتسمى المرأة التي تحكم بين الناس ( قــــاضيه ) ********************************************** عندما يصبح الرجل عضو في مجلس الشعب يسمي(نائب) عندما تصبح المرأة عضوه في مجلس الشعب تسمي(نائبه) ********************************************** عندما يتبع الرجل مذهب ابي حنيفه يسمى ( حنــفي ) وعندما تتبع المرأة مذهب ابي حنيفه تسمى ( حنـــفيه ) *********************************************** QUOTE]

---

Post: #21 Title: Re: كل زول يناجي جكسويتو Author: عمران حسن صالح Date: 12-08-2011, 04:11 PM Parent: #20 تعرف يا طارق إنت كان تكون أشجع من كده وتجيب عنوانكـ التاني البديت بيهو يعني بدل : كل زول يناجي جكسويتو يكون العنوان : تعالوا هنا رشوهن رشاهن بلا " حكومتكـ الرشيدة " فرنسي بس ولا شنو ؟؟ :)

---

Post: #22 Title: Re: كل زول يناجي جكسويتو Author: طارق جبريل Date: 12-08-2011, 06:06 PM Parent: #21 Quote: تعرف يا طارق إنت كان تكون أشجع من كده وتجيب عنوانكـ التاني البديت بيهو يعني بدل : كل زول يناجي جكسويتو يكون العنوان : تعالوا هنا رشوهن رشاهن بلا " حكومتكـ الرشيدة " فرنسي بس ولا شنو ؟؟ : غايتو تجيبولنا الكلام هسي حكومتي الرشيدة دي حاشرها هني مالك ياخي عندها ثلاثة لغات محسي وعربي وفرنسي

---

Post: #23 Title: Re: كل زول يناجي جكسويتو Author: عمران حسن صالح Date: 12-08-2011, 06:12 PM Parent: #22 Quote: هسي حكومتي الرشيدة دي حاشرها هني مالك بري يا بيه " جابه السياق " إنت مالكـ شكلكـ بديت تخاف من البوست ده ؟

---

Post: #24 Title: Re: كل زول يناجي جكسويتو Author: طارق جبريل Date: 12-08-2011, 06:14 PM Parent: #23 Quote: بري يا بيه " جابه السياق " إنت مالكـ شكلكـ بديت تخاف من البوست ده ؟ نان انت تتكلوج في الكلام كدي داير تجيب ضقلها يكركب

---

Post: #25 Title: Re: كل زول يناجي جكسويتو Author: عمران حسن صالح Date: 12-08-2011, 06:51 PM Parent: #24 ولا إتكلوجت في الكلام ولا حتى حاولت " خايق الضقل البكركب ده " أنا بس ماسكـ العصاية من (النص) * ! .... * يعني بقن عليا أنا ما كل الناس (الهناكـ) ديل ماسكنها من النص " الكلام الأخير ده فيهو شوية كلوجة فعلاً "

---

Post: #26 Title: Re: كل زول يناجي جكسويتو Author: رهف Date: 12-08-2011, 10:31 PM Parent: #25 يا طارق جبريل شنو الهيمنة الذكورية دي نحن يعني ما نناجي ولا شنو ما كفاية الجماعة ديل زمان شابكننا الحور العين وما رقننا بقد القفة لذا لم نحدث نفسنا معهم بالجهاد وما صدقنا خلصنا من القصة دي تجي انت تاني تعيدها انا بتاعت الميكانيكي دي ظابطة معاي وشوف لصاحبتي واحدة

---

Post: #27 Title: Re: كل زول يناجي جكسويتو Author: محمد حيدر المشرف Date: 12-08-2011, 10:43 PM Parent: #26 - انا بفتكر انو انا اتورطت عاطفيا معاك - احتمال .. وإحتمال ده يكون نوع من الهروب للأمام يا دكتور عصام.. " مقطع من مسلسل سودانى " بين طبيب أرمل وباحثه إجتماعيه وموسيقى تصويرية نحو ذروة مافيشه .. وهكذا .. انشاء الله انت طيب آ زول ..

---

Post: #28 Title: Re: كل زول يناجي جكسويتو Author: صهيب حامد Date: 12-08-2011, 11:46 PM Parent: #27 هاكم دي.. عمك بيقول ليها: ابقى ذرة من ذرات غباركم ,, نصف درجة من حرارة نص نهاركم .. وابقى حفرة لما تكنسي تدفنيها وتدفنيني ,, وما مهم لو تدفنيني ,, المهم شوفة عيونك,, ملحوظة: يدفنك البلا

---

Post: #29 Title: Re: كل زول يناجي جكسويتو Author: عبدالمجيد الكونت Date: 12-09-2011, 00:21 AM Parent: #28 والله يا امونة .. الزمن زي ما اذاكي انا زاد شقاي وزي ما علي عينيك بكن ..بكاني لامن قت كفاااي

---

Post: #30 Title: Re: كل زول يناجي جكسويتو Author: ايمان بدر الدين Date: 12-09-2011, 00:34 AM Parent: #29 Quote: رشوهم وأنت آمن ؟ عمران باين لى انك راشاك واحدة كدة رشة شديدة اها احلى شديدولا شديدة تخريمة عارف ما بتقدروا ترشوهن عارفين رشهن حار كيف كان قامن على الرش اثبت بس

---

Post: #31 Title: Re: كل زول يناجي جكسويتو Author: سناء عبد السيد Date: 12-09-2011, 02:14 AM Parent: #30 Quote: احتمال .. وإحتمال ده يكون نوع من الهروب للأمام يا دكتور الهروب للأمام .. تعبير مستحدث للبيع العاطفي ههههه .. ودجبرين و رهطه عايزين تروشوا منو ؟ اصبر إن ما احرش عليك المحسية و قبيلة المحس كلها او تسحب كلامك

---

Post: #32 Title: Re: كل زول يناجي جكسويتو Author: ايمان بدر الدين Date: 12-09-2011, 04:36 AM Parent: #31 احييك يا طارق جبريل وفوق للبوست الرشيق ده

---

Post: #33 Title: Re: كل زول يناجي جكسويتو Author: الفاتح ميرغني Date: 12-09-2011, 08:01 AM Parent: #32 Quote: واحد قاعد مع خطيبته النور قطع قالت ليه أخد فرصتك.. سرق شنتطها وجرى حمدا لله على السلامة يا حبيب. بالمناسبة جاى متين؟. محبتي

---

Post: #44 Title: Re: كل زول يناجي جكسويتو Author: طارق جبريل Date: 12-09-2011, 10:59 AM Parent: #33 Quote: حمدا لله على السلامة يا حبيب. بالمناسبة جاى متين؟. محبتي حبيبنا الذي في المنافي البعيدة ياخي كيفنك ونعلك طيب يا زول بلدكم ديك بالفاكس بعيدة تحياتي للسفير ود حلتنا وعديلنا الذي بطرفكم

---

Post: #43 Title: Re: كل زول يناجي جكسويتو Author: طارق جبريل Date: 12-09-2011, 10:51 AM Parent: #32 Quote: احييك يا طارق جبريل وفوق للبوست الرشيق ده تسلمي يا إيمان ياخي ويديك العافية

---

Post: #42 Title: Re: كل زول يناجي جكسويتو Author: طارق جبريل Date: 12-09-2011, 10:43 AM Parent: #31 Quote: ودجبرين و رهطه عايزين تروشوا منو ؟ اصبر إن ما احرش عليك المحسية و قبيلة المحس كلها او تسحب كلامك يا سناء ياخي ليه العنف «الحُبي» دة

---

Post: #41 Title: Re: كل زول يناجي جكسويتو Author: طارق جبريل Date: 12-09-2011, 10:41 AM Parent: #30 Quote: عارف ما بتقدروا ترشوهن عارفين رشهن حار كيف كان قامن على الرش بنعمل ساتر يا إيمان ياخي انتو بس رشونا

---

Post: #40 Title: Re: كل زول يناجي جكسويتو Author: طارق جبريل Date: 12-09-2011, 10:40 AM Parent: #29 Quote: والله يا امونة .. الزمن زي ما اذاكي انا زاد شقاي وزي ما علي عينيك بكن ..بكاني لامن قت كفاااي عذبووووو يا كونت خليه يوجوج

---

Post: #37 Title: Re: كل زول يناجي جكسويتو Author: طارق جبريل Date: 12-09-2011, 10:38 AM Parent: #28 Quote: هاكم دي.. عمك بيقول ليها: ابقى ذرة من ذرات غباركم ,, نصف درجة من حرارة نص نهاركم .. وابقى حفرة لما تكنسي تدفنيها وتدفنيني ,, وما مهم لو تدفنيني ,, المهم شوفة عيونك,, ملحوظة: يدفنك البلا صهيب كيفنك أدفنيني في حفرة دخان هواك مسحيني بي كركار غناك ودلكيني بي دلكة حنانك ما جفاك وعطريني بي خومرة فتيلك داك الهناك

---

Post: #36 Title: Re: كل زول يناجي جكسويتو Author: طارق جبريل Date: 12-09-2011, 10:33 AM Parent: #27 Quote: - انا بفتكر انو انا اتورطت عاطفيا معاك - احتمال .. وإحتمال ده يكون نوع من الهروب للأمام يا دكتور عصام.. " مقطع من مسلسل سودانى " بين طبيب أرمل وباحثه إجتماعيه وموسيقى تصويرية نحو ذروة مافيشه .. وهكذا .. انشاء الله انت طيب آ زول .. حبيبنا ياخي كيفنك نعلك طيب ياخي اريت البلد دي كلها تتورط عاطفيا يمكن حالها ينصلح

---

Post: #35 Title: Re: كل زول يناجي جكسويتو Author: طارق جبريل Date: 12-09-2011, 10:29 AM Parent: #26 Quote: يا طارق جبريل شنو الهيمنة الذكورية دي نحن يعني ما نناجي ولا شنو ما كفاية الجماعة ديل زمان شابكننا الحور العين وما رقننا بقد القفة لذا لم نحدث نفسنا معهم بالجهاد وما صدقنا خلصنا من القصة دي تجي انت تاني تعيدها انا بتاعت الميكانيكي دي ظابطة معاي وشوف لصاحبتي واحدة انداحي يا رهف ياخي كوبي الجلكسات دي خلينا نحن ذاتنا نآمن

---

Post: #34 Title: Re: كل زول يناجي جكسويتو Author: طارق جبريل Date: 12-09-2011, 10:26 AM Parent: #25 Quote: ولا إتكلوجت في الكلام ولا حتى حاولت " خايق الضقل البكركب ده " أنا بس ماسكـ العصاية من (النص) * ! .... * يعني بقن عليا أنا ما كل الناس (الهناكـ) ديل ماسكنها من النص " الكلام الأخير ده فيهو شوية كلوجة فعلاً " كلوجتِك في عيني رشاقة جمباز وقلوظة كرعيك بتطربني وبتزيدني هدهدة وهوزاز وعضم شيطانك بس تقول ألماظ

---

Post: #38 Title: Re: كل زول يناجي جكسويتو Author: الطيب شيقوق Date: 12-09-2011, 10:38 AM Parent: #34 Quote: ياوأقفه بين صبري وتروس الفرمله أنا بحكي ريدك للملأ.. والجاني من بستم مشاعرك بلفو طار بحكيبو لليل والخلا.. وأنا بعذرك وأوزن دركسون الصبر وأضغط كلتش الأمنيات لو ألحقك.. يا الحنتا زي زيت رجوع أسود من الشقى والدموع مسنوووووووووووووح سفليك جاك راجع ؟

---

Post: #45 Title: Re: كل زول يناجي جكسويتو Author: طارق جبريل Date: 12-09-2011, 11:01 AM Parent: #38 Quote: مسنوووووووووووووح سفليك جاك راجع ؟ انت يا مقطوع الطاري منو الخابر الجكس دة غيرك

---

Post: #39 Title: Re: كل زول يناجي جكسويتو Author: محمد حيدر المشرف Date: 12-09-2011, 10:39 AM Parent: #34 Quote: الهروب للأمام .. تعبير مستحدث للبيع العاطفي لا يا سناء .. أصلو ما تقولى لى !! لا حولااااا !

---

Post: #46 Title: Re: كل زول يناجي جكسويتو Author: ABUHUSSEIN Date: 12-09-2011, 08:13 PM Parent: #39 Quote: غايتو عشان (القرابة دي ) بنشاركـ من مشاركات الآخرين يعني ( يا حكومتنا الرشيدة ) ناقل الكفر ليس بكافر عشان ما تجي تتلحيني أهو طارق جبرين ده سيد العنوان ، ما أنا لوووووووووووووووووووووول أبو حسين عندو ( ** بــــدل فــاقــــــد ** ) قال فيهو الجُبن ليك شنو ...؟؟؟؟ طارق جبريل طلع راااااجل و مالي هدومو و فتح ليه بوست طول عرض إنت ناقل بـس و برضو خائف...؟؟؟؟ اها الزول بنقل الكلام اللي بعبر عن شعورو..... إن شاء الله تكون أخدت ليك ضربة بالطوة في راسك بي مداخلتك دي وهاك دي كمان شيلها أمشي بيها بوست تاني .... تخيل الدنيا بدون نساء 1 الأسواق هادية 2 كساد اقتصادى 3 شوارع فاضية 4 شركات الاتصالات تخسر 5 سوق السيارات ينكسر 6 الشيطان ماعنده شغل 7 دواء الضغط ماله لزوم 8 كل الرجال يدخلون الجنة ..!! السلام للجميع

---

Post: #47 Title: Re: كل زول يناجي جكسويتو Author: صهيب حامد Date: 12-10-2011, 01:49 AM Parent: #46 وهاكم دي برضو ... بقول عمك: خليني جنبك اي حاجة قريبة منك.. ابقى امك ,,ابقى اختك.. ابقى عمك.. وابقى موية .. لما تغسلي تكشحيني وما مهم لو تكشحيني.. المهم شوفة عيونك

---

Post: #48 Title: Re: كل زول يناجي جكسويتو Author: بله محمد الفاضل Date: 12-10-2011, 08:11 AM Parent: #47 ود جبرين يا اخي البينا أكبر من كدا كيف أخبارك نعلك طيب سيدي وقريبي وعديلي في المستقبل القريب الظاهر إنو نسيت طلبي القديم وتاورني الحنين للمشاكسة فيا اخي أمسح الكلام السابق دا كولو في صنقوري الملخبط دا وليك علي تحسين علاقات لمن تقول كفاااااااااااااااااااية أو حتى الجبهة الديموقراطية العريضة بالمرة أها سماح ولا بت عمها

---

Post: #54 Title: Re: كل زول يناجي جكسويتو Author: طارق جبريل Date: 12-15-2011, 10:44 PM Parent: #48 Quote: ود جبرين يا اخي البينا أكبر من كدا كيف أخبارك نعلك طيب سيدي وقريبي وعديلي في المستقبل القريب الظاهر إنو نسيت طلبي القديم وتاورني الحنين للمشاكسة فيا اخي أمسح الكلام السابق دا كولو في صنقوري الملخبط دا وليك علي تحسين علاقات لمن تقول كفاااااااااااااااااااية أو حتى الجبهة الديموقراطية العريضة بالمرة أها سماح ولا بت عمها غايتو الواحد فيكم وكتين يكون رايدلو شي

---

Post: #53 Title: Re: كل زول يناجي جكسويتو Author: طارق جبريل Date: 12-15-2011, 10:41 PM Parent: #47 Quote: خليني جنبك اي حاجة قريبة منك.. ابقى امك ,,ابقى اختك.. ابقى عمك.. وابقى موية .. لما تغسلي تكشحيني وما مهم لو تكشحيني.. المهم شوفة عيونك · درجة واحدة من حرارة نص نهاركم قشة من قشات خضاركم تمعطيها وتمعطيني وما مهم لو تمعطني المهم شوفة عيونك

---

Post: #49 Title: Re: كل زول يناجي جكسويتو Author: طارق جبريل Date: 12-11-2011, 09:24 PM Parent: #46 Quote: الجُبن ليك شنو ...؟؟؟؟ طارق جبريل طلع راااااجل و مالي هدومو و فتح ليه بوست طول عرض إنت ناقل بـس و برضو خائف...؟؟؟؟ اها الزول بنقل الكلام اللي بعبر عن شعورو..... إن شاء الله تكون أخدت ليك ضربة بالطوة في راسك بي مداخلتك دي وهاك دي كمان شيلها أمشي بيها بوست تاني .... تخيل الدنيا بدون نساء 1 الأسواق هادية 2 كساد اقتصادى 3 شوارع فاضية 4 شركات الاتصالات تخسر 5 سوق السيارات ينكسر 6 الشيطان ماعنده شغل 7 دواء الضغط ماله لزوم 8 كل الرجال يدخلون الجنة ..!! السلام للجميع رشو يا ابو الحسين قريبي دة طلع خـــواف خلاص ياخي

---

Post: #50 Title: Re: كل زول يناجي جكسويتو Author: عمران حسن صالح Date: 12-15-2011, 03:14 PM Parent: #49 يا طارق يا قريبي طبعاً باب الكشر ما بغباكـ :) أها أقيف وراهو بعد تقفلو بمفتاحو العجيب داكـ وتشيل المفتاح والزول الواقف برهـ عايز يدقكـ نبذو دون خوف تفتكر حا يقدر يلز الباب الوزنو طن ده عشان يدخل يلبعكـ :) أها إنت وابو الحسين ده خلف الكي بورد ده نظروا ساي وخليكم من الرجالة الوراء باب الكُشر دي

---

Post: #52 Title: Re: كل زول يناجي جكسويتو Author: willeim andrea Date: 12-15-2011, 03:50 PM Parent: #50

---

Post: #56 Title: Re: كل زول يناجي جكسويتو Author: طارق جبريل Date: 12-15-2011, 10:47 PM Parent: #52 Quote: يا وليم اندريا ياخي دغدغنا ما قلنالك عوقنا

---

Post: #55 Title: Re: كل زول يناجي جكسويتو Author: طارق جبريل Date: 12-15-2011, 10:45 PM Parent: #50 Quote: يا طارق يا قريبي طبعاً باب الكشر ما بغباكـ :) أها أقيف وراهو بعد تقفلو بمفتاحو العجيب داكـ وتشيل المفتاح والزول الواقف برهـ عايز يدقكـ نبذو دون خوف تفتكر حا يقدر يلز الباب الوزنو طن ده عشان يدخل يلبعكـ :) أها إنت وابو الحسين ده خلف الكي بورد ده نظروا ساي وخليكم من الرجالة الوراء باب الكُشر دي القصي وكتين جابتلها لٍبيع كُشر سامحناك