Quote: وجعععععععععععععع تقيل يمين الزول الكتب الاغنية دي ماهو نصيح شي يمين كلما اسمعها نفسي يقوم ياخي دي ريدة فاتت حد النخج والجوعير ذاته إني آمنت بالله منعول ابو اللقيمات بالسكر ذاتو
ياله يا مكسر انت زولك عيونه سود ولا عسليات ولا خضر ولا زرق!! يمين الله العيون الزرق ديل زى القاعد فى كورنيش تعاين هناااااك فى الغريق مودياك وين ما بتعرف! الكلمات للشاعر العملاق على شبيكة ثنائى العاصمة كلمات اغانيهم كاتبنها شعراء مختلفين لاكين امهم واحدة راضعين منها الحنية! شخص يستمع لثنائى العاصمة لا يمكن ان يكون مجرما ! جنى
Quote: ياله يا مكسر انت زولك عيونه سود ولا عسليات ولا خضر ولا زرق!! يمين الله العيون الزرق ديل زى القاعد فى كورنيش تعاين هناااااك فى الغريق مودياك وين ما بتعرف! الكلمات للشاعر العملاق على شبيكة ثنائى العاصمة كلمات اغانيهم كاتبنها شعراء مختلفين لاكين امهم واحدة راضعين منها الحنية! شخص يستمع لثنائى العاصمة لا يمكن ان يكون مجرما ! جنى
جني يا حبيبنا ياخي فصلت العيون فصيل يمين قطرتهن عسل ضُمة ضُمة لكن علي شبيكة بالغ في الريدة عديييييييييييييييل
Post: #22 Title: Re: العيون لو رادوا... ليل تقيل Author: محمد المرتضى حامد Date: 01-29-2010, 11:56 PM Parent: #13
هذا حالنا مع كل أغنيات السني وأبوديه، صدقني يا طارق كنا جماعة نشاهد السني يرسل الدموع وهو ينصت إلى عاصم وأخرى وهما يؤديا الأغنية كما أوردت في اللقطة أعلاه ، بكى الجميع . ياخ جيت قبل شويه من مكان كنت فيه مع صديق نشاهد ونستمع لسهرة عن الخالدي ومصطفى سيد أحمد وخرجت من هناك في حال أقل نفورا من الموت ، لما الناس الجميلين يتسربوا خلسة الواحد تلو الآخر إلى مكان ما عليك التفكير بجدية عن جدوى البقاء حيث أنت.
بارحونا وراحو والله وحَّدوا بينا وأضاعوا بوصلاتنا
Post: #23 Title: Re: العيون لو رادوا... ليل تقيل Author: طارق جبريل Date: 01-30-2010, 00:02 AM Parent: #22
Quote: هذا حالنا مع كل أغنيات السني وأبوديه، صدقني يا طارق كنا جماعة نشاهد السني يرسل الدموع وهو ينصت إلى عاصم وأخرى وهما يؤديا الأغنية كما أوردت في اللقطة أعلاه ، بكى الجميع . ياخ جيت قبل شويه من مكان كنت فيه مع صديق نشاهد ونستمع لسهرة عن الخالدي ومصطفى سيد أحمد وخرجت من هناك في حال أقل نفورا من الموت ، لما الناس الجميلين يتسربوا خلسة الواحد تلو الآخر إلى مكان ما عليك التفكير بجدية عن جدوى البقاء حيث أنت.
بارحونا وراحو والله وحَّدوا بينا وأضاعوا بوصلاتنا
حبيبنا ود المرتضي كيفنك ابوي اقوليك حاجة انا في المنبر دة لي سنين لمن مات خالي ابراهيم ابو دية عليه رحمة الله والله لا عرفت ابكي لا عرفت اكتب عنه لي اللحظة دي بقيت خايف امشي بحري ذاتها عشان ما اتذكر انه مات ياخي الموت دة لمن يدخل دائرتك الصغيرة وناسك البتحبهم والناس البيمتعوك بالابداع بيبقى شكله غريب رحمة الله على الجميع
البتوحي الناس العيون يا حلاتن هن أساس الريد والجنون جننني ياخي العيون يا حلاتن هم أساس الريد والجنون
آآآآآآآآآآآآآآآآآآآآآآآآآآآآآآآآآآآآآآه العيون الفيهن نعاس هن أساساً معنى الجناس هن يثيرن في الناس حماس هن يسوقو الزول لي الجنون يا حلاتن هن أساس الريد والجنون
جني يا حبيب باقيلي انت كنت رياد زي صاحبك متوكل الله يرحمه
Post: #24 Title: Re: العيون لو رادوا... ليل تقيل Author: jini Date: 01-30-2010, 00:07 AM Parent: #21
الله يرحم متوكل كان بلبس البرادعى قبل مايظهر المسلسل وكان ما فى واحد يقدر يجاريهو فى الهجيج والرقيص! زمننا حلو كان عثمان حسي بغنى فى مربع 12 حبيبى جفا وابو اللمين فى مربع اربعة بغنى فى انا وحبيبى وابراهيم عوض بغنى فى يا سلوى قلبى من جوة فى مربع 11 يعنى دقشة فنانين فى الامتداد فى خميس واحد! الله يرحم متوك وخيلانك ابو دية والطيب صالح خالك الطيب عنده طرفة فى الحتة ددى والولد خال!!! الطيب صالح بتكلم مع احد اصحابه وهو متزوج من اجنبية مثل الطيب صالح الكلام للطيب وبصوته النعسان العذب الرخيم الدافئ: " لقد تزوجنا زواجا ماسخا زواجا ليس فيه دلكة او ويكة"!! دحين قالوا الولد خال بطل الجرسة والعين الطايرة وزايغة بتقع فى حفرة! جنى
Post: #25 Title: Re: العيون لو رادوا... ليل تقيل Author: طارق جبريل Date: 01-30-2010, 00:18 AM Parent: #24
Quote: الله يرحم متوكل كان بلبس البرادعى قبل مايظهر المسلسل وكان ما فى واحد يقدر يجاريهو فى الهجيج والرقيص! زمننا حلو كان عثمان حسي بغنى فى مربع 12 حبيبى جفا وابو اللمين فى مربع اربعة بغنى فى انا وحبيبى وابراهيم عوض بغنى فى يا سلوى قلبى من جوة فى مربع 11 يعنى دقشة فنانين فى الامتداد فى خميس واحد! الله يرحم متوك وخيلانك ابو دية والطيب صالح خالك الطيب عنده طرفة فى الحتة ددى والولد خال!!! الطيب صالح بتكلم مع احد اصحابه وهو متزوج من اجنبية مثل الطيب صالح الكلام للطيب وبصوته النعسان العذب الرخيم الدافئ: " لقد تزوجنا زواجا ماسخا زواجا ليس فيه دلكة او ويكة"!! دحين قالوا الولد خال بطل الجرسة والعين الطايرة وزايغة بتقع فى حفرة! جنى
والله يا جني السودان كان سمح الايام ديك حليل متوكل وحليل ايامه بعدين ياخي خيلاني ديل كلهم بكايين دايرني انا اطلع منهم تعرف ي جني عندي عشرة شرايط لي كتاب طلحة مع الطيب صالح رحمه الله وهسي مشيت طلعت الحتة بتاعة العرس دي وقالها كالآتي: تعرف يا طلحة نحن المعرسين الخواجيات ديل.. عرسنا دة عرس ممصمص ساااااكت ياخي عرس لا فيهو دلكة لا خومرة دة عريس مسيخ خلاص
Post: #26 Title: Re: العيون لو رادوا... ليل تقيل Author: jini Date: 01-30-2010, 00:25 AM Parent: #24
المرفعين بعرف جعير أخوهو! أسباب تشوقى نظرتك وأسباب نفورك نظرتى أهوى الهلاك فى هواك لو يتخذ العواذل سنتى يا اخى العيون دى انا عندى طرفة مشهورة عند ناس مربع 14 عندهم شافعة مى شافعة نصاح وحات الله تقول قاعد تسوك عيونها من الله خلقنى ما شفت جنس بياضهن وعندها اربعة ضفاير غلاد اتني فوق النهد اليمين واتنين فوق الشمال قلت لى ابراهيم على صاحبى شوف الشافعة دى شايلة ليها عتدود فوق كتفها! رعى الله تلك الايام الجميلة جنى
Post: #27 Title: Re: العيون لو رادوا... ليل تقيل Author: طارق جبريل Date: 01-30-2010, 00:28 AM Parent: #26
Quote: عندهم شافعة مى شافعة نصاح وحات الله تقول قاعد تسوك عيونها من الله خلقنى ما شفت جنس بياضهن وعندها اربعة ضفاير غلاد اتني فوق النهد اليمين واتنين فوق الشمال قلت لى ابراهيم على صاحبى شوف الشافعة دى شايلة ليها عتدود فوق كتفها! رعى الله تلك الايام الجميلة جنى
الله لا كسبك يا شقي الحال الشافعة دي ما قرضتها قرض بالله ابراهيم دة وين الحي بيهو
على فكرة انا دفعتي قريب ناس ابراهيم والراحل فتاح اسمه الفاتح ما متذكر بقية اسمه بس كنا مسمنه الفاتح فوكس
Post: #28 Title: Re: العيون لو رادوا... ليل تقيل Author: jini Date: 01-30-2010, 00:35 AM Parent: #27
ابراهيم فى الدوحة واعتقد ان الفاتح هو الفاتح محمد بابكر جلود! ياااخ دا زمن عجيب ريتمه عجيب وناسو عجيبين! جنى
Post: #29 Title: Re: العيون لو رادوا... ليل تقيل Author: طارق جبريل Date: 01-30-2010, 00:36 AM Parent: #27
Post: #30 Title: Re: العيون لو رادوا... ليل تقيل Author: طارق جبريل Date: 01-30-2010, 00:41 AM Parent: #29
تعرف يا حني انا شرايط الطيب صالح دي محتفظ بيها والله زي وليداتي انا معتبرها كنز ..قبل فترة حولتها لي سي ديهات وكم فورمة كدة عشان ما تخسر
واحد من الشرايط فيه ونسة بين شيخ الطيب صالح والحجة بت ابو دية رحمها الله ووالدي اطال الله في عمره... تعرف كان بيتونسوا في شينو والله يا جني في انواع الحمير في منطقتنا وانواع البلح والسواقي وبتاعين المراكب
زمن ابن لبون ياخ
Post: #31 Title: Re: العيون لو رادوا... ليل تقيل Author: BitAlhana Date: 01-30-2010, 01:36 AM Parent: #30
طارق كيفك أخبار عمي عبد الواحد كمبال شنو؟ ان شاء الله يكون اتعافى تمام
Post: #32 Title: Re: العيون لو رادوا... ليل تقيل Author: سيف الدولة كامل Date: 01-30-2010, 03:20 AM Parent: #31
طارق أخوي كيف حالك ووليداتك أريتهم طيبين, كلما اشم العافية وأدخل المنبر
صاحبي المسنوح ده ما هو عربي قتيت ,,اول كان بيبيع الطلح قبل ما يدخل المدرسة.
Post: #33 Title: Re: العيون لو رادوا... ليل تقيل Author: الطيب شيقوق Date: 01-30-2010, 06:35 AM Parent: #32
Quote: المسنوح ده ما هو عربي قتيت ,,اول كان بيبيع الطلح قبل ما يدخل المدرسة.
ان شاء الله يسحبوا باسويردك وباسويرد المسنوحة بت الهناء
مسانيح ارحل اخلى ليكم المنبر دا؟
سريع يا بكري عليك بالكوشة بس
Post: #34 Title: Re: العيون لو رادوا... ليل تقيل Author: هواري نمر Date: 01-30-2010, 07:00 AM Parent: #33
يا ود جبريل.. اها قمت لي محنك؟؟؟ يعني نلاقيها من وين احنا؟؟ في الحيطة بتاعتك تشخبط لينا في الكلام البهجينا وبي هنا كمان..تنزل في الغناء...البحرق الحشا..
______ الدنيا اول شهر.. وليل...و سهرانين و البرد (نخرة كلب) أأأأأخ غايتو الليلة احنا راقدين هردبيس...
يا العمدة ود شييقوق...ياخ الحق المسنوح ده,بي حطابية حطبايتن من .....حطب الصعيد الريحتو حلوة.. البجيبو البحر دافر دااااااااااك الله يعولقك و يبشتنك يا ودجبرين اكـــــــان الليلة جهجهة باكاتي و خليتني...أم فكو..
Post: #50 Title: Re: العيون لو رادوا... ليل تقيل Author: إدريس محمد إبراهيم Date: 02-01-2010, 09:55 AM Parent: #49
طارق أخوي ..
ازيّك .. وتعلّك طيبه ياخوي ..
لكن يا طارق ما بشتنتنا بشتنة السواد .. ياخي بكينا حتى جفت الحلوق ذاتو ..وريقنا يبس ضمّه .. شكيتك على الخلقك كان جهجهت الخلايق كده .. ياخي إنت ما عارف انو أخوك : (قليبو رهيف .. وما بيقدر على الهبباي في عز الصيف ..)
دم كما أنت دائماً ...
مع خالص حبي وتقديري ؛؛
Post: #51 Title: Re: العيون لو رادوا... ليل تقيل Author: وليد عبد اللطيف Date: 02-01-2010, 01:12 PM Parent: #50
احيييييييييييييييييييييييييييي انا منك ولد غير البكا والنخجي ماعندو شيء في داعي تشعلل النيران في قلوبنا
Quote: لكن يا طارق ما بشتنتنا بشتنة السواد
دي اسمها بشتنة ورقاد واطى
ود جبرين ثنائي العاصمة كانوا فنانين في كل شيء ومكانتهم لاهل بحري حاجة تانية
من الطرائف ياود جبرين مرة معانا ود ابودية مشينا رحلة يقوم يغني لينا (رب .. رب .. نادو ليّ اموت انا وهو بريّ ) فقلت ليهو ياخي انا لو محلك من البيت مابطلع ولما انت تطلع تغني لينا جنس غناك ده
يالله ياود جبرين تسلم ياطيب
بالجنبة كده يعني ياخي زمان نتمنى غنماية تلد في بيت ناس ابودية عشان يغنوا لينا ويطربونا .. يازول دي (بحري سر الهوى ) ياهو سهرنا وطربنا وياهو غنانا
Post: #52 Title: Re: العيون لو رادوا... ليل تقيل Author: اناهيد كمال Date: 02-01-2010, 01:50 PM Parent: #51
ياخي الموت دة لمن يدخل دائرتك الصغيرة وناسك البتحبهم والناس البيمتعوك بالابداع بيبقى شكله غريب رحمة الله على الجميع ----------------------------------
ود جبريل والله بكيتنى جنس بكاء وبالنهار قى نص المكتب اصلا انا قاعدة على الهبشة والواجعنى ما قى زول احس بيك حليل المحنة؟؟؟؟؟؟؟؟ ----------- الا رحم الله كل امواتنا
Quote: ود جبريل والله بكيتنى جنس بكاء وبالنهار قى نص المكتب اصلا انا قاعدة على الهبشة والواجعنى ما قى زول احس بيك حليل المحنة؟؟؟؟؟؟؟؟ ----------- الا رحم الله كل امواتنا
اناهيد كيفنك بت امي تعرفي والله لمن اتذكر امي رحمة اله عليها وخالي دة ربنا يديه الجنة يمين بقعد ابكي واتنخج زييييييين قدام خلق الله ياخي ديل ناس كانوا حنينين خلاص الله يرحم الجميع وربنا يرزقهم الجنة ان شاء الله
Quote: احيييييييييييييييييييييييييييي انا منك ولد غير البكا والنخجي ماعندو شيء في داعي تشعلل النيران في قلوبنا
ولي يا حبيبنا يا اخوي انتو بتدسوا في النخجي مالكم وكتين بتريدوا قدر دة ما تفتوه
Quote: من الطرائف ياود جبرين مرة معانا ود ابودية مشينا رحلة يقوم يغني لينا (رب .. رب .. نادو ليّ اموت انا وهو بريّ ) فقلت ليهو ياخي انا لو محلك من البيت مابطلع ولما انت تطلع تغني لينا جنس غناك ده
دة ياتو في اولاد ود خيلاني المهضرب دة
Quote: بالجنبة كده يعني ياخي زمان نتمنى غنماية تلد في بيت ناس ابودية عشان يغنوا لينا ويطربونا .. يازول دي (بحري سر الهوى ) ياهو سهرنا وطربنا وياهو غنانا
لكن يا طارق ما بشتنتنا بشتنة السواد .. ياخي بكينا حتى جفت الحلوق ذاتو ..وريقنا يبس ضمّه .. شكيتك على الخلقك كان جهجهت الخلايق كده .. ياخي إنت ما عارف انو أخوك : (قليبو رهيف .. وما بيقدر على الهبباي في عز الصيف ..)
ود محمد ابراهيم كيفنك يعني انت قايل انا قليبي حجر طاحونة من التقلة وحاتك زي حلاوة قطن ياخي كلنا راقدين كاويق