طارق جبريل يا دكتور انت مالك عنصري كده وداير تجرجنا لدربك الصعب ده ... انا شايقي امي بت عم ابوي لكن متربي في شرق السودان .. كثيرا ما احسب نفسي هدندوي حتى اعز القابي ايام الجامعه ... معتصم ادروب .. وانا سعيد بذلك لكن د/ طارق ازعيك سر ما حصل قلتوا لاقرب الاقربين من اصدقائي انو عثمان اليمني خالي والسر التاني ما بحب غناهو خالص رايك شنو ؟ ممكن بحب النعام اكتر منو وهسه بعد الغربه بحب النصري ... فنان شاب جميل ومحمد كرم الله يديهو طولة العمر ... اكيدحتكون عرفتا انو من القرير مدام اليمني خالي .. وداير الجد انا ما لخبط ذي خالي انا شايقي بيور امي بت عم ابوي وكذلك امي وابوي وكذلك جدي وجدتي ... ولكني في غناء الطمبور عشقي الاول محمد ود البدري ... اوو كسلا انا قلبي سافرا... دم بخير
Post: #10 Title: Re: لونها زي قمحا مصوبر في التقا.. Author: ياسر عبدالكريم محمد Date: 04-08-2009, 11:49 PM Parent: #9
وااااااااااااااااااااااامغستي انا عاد
يا طارق دى طالعة من الاحشاء الداخلية
الا ورينا بتاوق كيف نحن المتاوقةدى
ما بنعرفا
تسلم واغنية فى السلك
Post: #11 Title: Re: لونها زي قمحا مصوبر في التقا.. Author: فرحات عباس Date: 04-09-2009, 07:29 AM Parent: #10
يا جبريلا .. والله مشتاقين .. الليلة ذكرتني أهلي في كرمكول .. والصفقة الصحي صحي .. صفقة الرجال والبنوت أخوات مهيرة الما خمج والريحة المعوقاني .. الله يعوقا ..
دائما لك حبي فرحات
Post: #16 Title: Re: لونها زي قمحا مصوبر في التقا.. Author: طارق جبريل Date: 04-09-2009, 10:30 AM Parent: #11
Quote: يا جبريلا .. والله مشتاقين .. الليلة ذكرتني أهلي في كرمكول .. والصفقة الصحي صحي .. صفقة الرجال والبنوت أخوات مهيرة الما خمج والريحة المعوقاني .. الله يعوقا ..
دائما لك حبي فرحات
فرحات يا اعز الناس
كرمكول يا بلد الجُرم
الله يرحمك يا الطيب صالح وحاتك يا فرحات مشتهيلي نقزي طنبور وفسحتا كبيري واقعد ارقص فيها زين لامن اتفشى
ياخي والله مشتاق لي ونستك
Post: #15 Title: Re: لونها زي قمحا مصوبر في التقا.. Author: طارق جبريل Date: 04-09-2009, 10:26 AM Parent: #10
Post: #14 Title: Re: لونها زي قمحا مصوبر في التقا.. Author: طارق جبريل Date: 04-09-2009, 10:22 AM Parent: #9
معتصم كيفنك نصيح آآآيابا تعرف انا برضي امي بت عمة ابوي طبعا نحن من شبا (البركل) بس نص شوايقة كسلا اهلي وعندي عمي في حي العمال محطة 8 اعتقد واولاد عمي الكبير ساكنين في الختمية
يا حبيب كدي اسأل الناس الكبار وقوليهم اولاد اليمني حقين (شبا) قرابتهم بيكم شنو لانه ديل برضهم اهلي
تعرف خالك دة وانا صغير شديد في الابتدائي جبناهو في حنة اخوي الكبير الكلام دة في نهاية السبعينات... والله يا معتصم من نقرة الطبور الاولى تاني مافي زول قعد في كرسيه... يمين نقزنا نقز من كبيرنا لي صغيرنا
محمد النصري فنان موهوب شديد وعنده قدرة تطريب عالية شديد وصوته حنين خالص واختياراته للقصائد ما عادية
لك مع اعماق الذات كل التكوين
Post: #13 Title: Re: لونها زي قمحا مصوبر في التقا.. Author: طارق جبريل Date: 04-09-2009, 10:13 AM Parent: #8
Quote: دكتورنا الجميل مساء الخير
والله الزول ياخدلو نقزة نقزتين ومعاهن شبال كمان
تسلم يا ابو ريم والله يديك الصحة والعافية
تحياتي
اووووووووووووه نسرين بت الأراك الناس الحنان بالحيل
وحاتك انا اخدتلي نقزي وسط بُطاني وطبعا يضحكوا فيني لأنهم ماهم فارزين شي ياها تربية الشقق دي الله يقلعها هههههههههههه
Post: #12 Title: Re: لونها زي قمحا مصوبر في التقا.. Author: طارق جبريل Date: 04-09-2009, 10:11 AM Parent: #7
Quote: الله يديك ألف عافية و عافية يا ود جبريل
تسلم يا علاء الدين ياخي
عثمان اليمني فنان ما ساهل له قدرة على التطريب ما عادية
Quote: بالمناسبة ياطارق .. اغنية البوست - لونا زى قمحا مصوبر فى التقا - مامسموعة عندى ماعارف المشكلة وين .. ؟ ولذلك لحدما تحل المشكلة بانقز بى حقاتي دي .. ولو المزج اتصلح بالليل بانزل رمال حلتنا بصوت جديد وفريد ..
هههههههههههههههههههههه يا زول انقز زي ما عايز واتفشى زين بس ان بقيت سمعت عثمان اليمني (لونها زي قمحا مصوبر في التقا) وحات الله ما تقيف من النقزي المشكلة يبدو انها عندك لانه انا شغلت الاغنية في اكتر من جهاز وحارقة تش هههههههههه ومنتظرين رمال حلتنا
Post: #19 Title: Re: لونها زي قمحا مصوبر في التقا.. Author: طارق جبريل Date: 04-10-2009, 10:34 AM Parent: #18
يا جماعة الطاهر دة لا يبقى لليلي ينقز هههههههههههه
Post: #20 Title: Re: لونها زي قمحا مصوبر في التقا.. Author: Hawari Nimir Date: 04-10-2009, 10:41 AM Parent: #19
Quote: وااااااااااااااااااااااامغستي انا عاد وحات الله الليسمع الطنبور دة وما ياخدلو نقزي نقزتين يمين ضُمة ضُمة ماهو نصيح شي انا غايتو نقز زيييييييييييييييييييين واتفشيت
هوووي قول الحقيقه.. اتفشيت ساكت.. ولا اديتها بكيه و جوعيره.. عليـــــــــــك امان الله..الطمبور ده.. مافي شيتا بوقف البكاء معاه رنه سلك الطمبور زي...صوت ( النيسان) فوق الباجه..و لا ابوضلوع.. اللبل كلو بكاء تسلم ياخي..
Post: #21 Title: Re: لونها زي قمحا مصوبر في التقا.. Author: علي الكرار هاشم Date: 04-10-2009, 04:12 PM Parent: #20
يا طارق كتر خيرك علي هذا البوست الاغنية ما فتحت....برضو
والغريب الاسبوع الفات مريت علي اشهر محلات الاشرطة بالرياض وبحثت عن عثمان اليمني اي شريط ما لقيت والقصة قديمه خليني لكن أحيى الصديق.... سعيد صالح عبده الحلفاوي الذي تعلمنا معه الاستماع لود اليمني ثم تطور الاستماع لتذوق وحفظ والتحية عبرك لود اليمني أينما كان