أبداً .. أوباما دنقلاوي من " هَامِنْ نَارتي " .. بس

Post: #1
Title: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 07:05 AM

و إسمو الحقيقي ( أبو آمنه ) ..

.....
هلكتونا ..
و ح تجيبوا للراجل الجلا .

Post: #2
Title: Re: أبداً .. أوباما دنقلاوي من " هَامِنْ نَارتي " .. بس
Author: dardiri satti
Date: 11-06-2008, 07:19 AM
Parent: #1

طيب قبل كدا لمن نتنياهو قال
إنهإتولد،
مجرد ولادة ،
في ديار الشايقية،
الجماعةاحتجواوزعلوا،
بس لحسن حظه،
طلع إسرائيلي ،

وإلا كان الجماعة أهدروا دمه!!!

تحياتي

Post: #3
Title: Re: أبداً .. أوباما دنقلاوي من " هَامِنْ نَارتي " .. بس
Author: dardiri satti
Date: 11-06-2008, 07:19 AM
Parent: #1

طيب قبل كدا لمن نتنياهو قال
إنهإتولد،
مجرد ولادة ،
في ديار الشايقية،
الجماعةاحتجواوزعلوا،
بس لحسن حظه،
طلع إسرائيلي ،

وإلا كان الجماعة أهدروا دمه!!!

تحياتي

Post: #5
Title: Re: أبداً .. أوباما دنقلاوي من " هَامِنْ نَارتي " .. بس
Author: دينا خالد
Date: 11-06-2008, 07:52 AM
Parent: #3

دنااااااقلة يارسول الله ؟؟

وحصد بلحو ولا حايم بالولايات يتفاصح ساى ؟

غايتو الله مرقوا من القصر ( بضم القاف )

واللبس الاشتر ,,,,
عارف يا عمده القالو ديل قدر قولهم لكن انتو

هسه يقولو ليكم حبوبتو دى دنقلاوية تجقلبوا
ونبقى فى نحن جايين من مكة وغشينا يثرب شربنا موية
هناك بس,,, وجدنا دا يسمو ما عرس فى السودان
والعباس وبن العاص ,, وكدا

وهمن نارتى تتوعد امريكا !!!

ــــــــــــــــ
همن نارتى ( ياقول ناس الانقاذ) لها ما بعدها
جاهزبن جاهزين ؟؟

Post: #4
Title: Re: أبداً .. أوباما دنقلاوي من " هَامِنْ نَارتي " .. بس
Author: maia
Date: 11-06-2008, 07:51 AM
Parent: #1

Quote: ح تجيبوا للراجل الجلا .

الاخ عماد

والله صدقت ، ما عارفة الحيغير شنو في الموضوع انه تكون اصول اوباما من وين
المهم ما سيفعله وما يحمله من مباديء يطبقها حقيقة وعلى الواقع
اما مسالة اصوله وحبوبته من وين وجده من وين دي لا بتقدم ولا بتأخر

وبعدين شوية الناس محتاجة تتريث لانه الرجل لا يملك عصا سحرية والطريق مليان بارث ضخم من الفشل فلننتظر ونحكم فيما بعد

Post: #7
Title: Re: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 08:20 AM
Parent: #4

درديري و دينا و مايا ..
صباح الخير .

عندنا في « حفير مشو » ، حتة في الخلا فوق .. ( و فوق تعني الصحراء بعيد عن النيل .. النيل إسمو تِحِت ) ..
الحتة دي إسمها الشرعي بالرطانة : « النبِن نَتَر » يعني ( أثر النبي ) .. أي و الله ..
و فيها أثر حافر الحصان النبوي .. و أثر لخف أو مركوب ..
و البقعة دي من الصحراء يغشاها الناس للتبرك بالأثر النبوي و طلب الإستعانة على مصايب الدنيا ..
النبي عليهو السلام الجابو الحفير شنو .. ما عارف !!!
و برضو في ( جبل الصحابة ) في منطقة الشايقية .. الصحابة منو ؟ الله أعلم .
أها كمان قالوا عنتر سوداني .. و بلال مؤذن الرسول برضو .. و لقمان الحكيم ..
و نتنياهو و السادات و محمد نجيب ..
هسه كمان بقت على الشيخ أوباما ..

كل الناس الكبار كبار .. ( كويسين على كعبين ) مرقناهم سودانيين .. كده بس . .
و التقيل جايي ورا ..

الحمد ليك يا رب .. قالوا الصيت و لا الغنى .

.....
أفرض طلعوا سودانيين ... !!!!
أها و بعد داك ؟ ؟

Post: #6
Title: Re: أبداً .. أوباما دنقلاوي من " هَامِنْ نَارتي " .. بس
Author: خالد عبد الله محمود
Date: 11-06-2008, 08:13 AM
Parent: #1

عمدة صباح الخير ....
زمان قالو كلنتون دنقلاوي و اسمه ( كلن تود) كمان ... يعني عملوها قبل كده ما تستغرب.

دينا خالد : أرعي بقيدكـ يا زولة .... قالت قصار !!! (طبعاً راس السوط لحقنا و كده)

Post: #10
Title: Re: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 08:56 AM
Parent: #6

Quote: زمان قالو كلنتون دنقلاوي و اسمه ( كلن تود)
و مونيكا ؟؟؟؟

Post: #8
Title: Re: أبداً .. أوباما دنقلاوي من " هَامِنْ نَارتي " .. بس
Author: تيسير عووضة
Date: 11-06-2008, 08:41 AM
Parent: #1

أصول أوباما سودانية من دارفور وليست كينية

والد باراك اوباما اصوله من قبيلة الشلك السودانية ..

إزيك يا عمدة

ورد في الأثر:
القرادة قالت أنا والجمل جبنا العيش من القضارف !

Post: #9
Title: Re: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 08:53 AM
Parent: #8

Quote: القرادة قالت أنا والجمل جبنا العيش من القضارف !

Post: #11
Title: Re: أبداً .. أوباما دنقلاوي من " هَامِنْ نَارتي " .. بس
Author: اساسي
Date: 11-06-2008, 09:07 AM
Parent: #9

لا هذا ولا ذاك

اوباما من الدياما

.

الدياما الامريكان ,, ويقال انه من ديم القنا في شيكاغو

Post: #21
Title: Re: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 11:43 AM
Parent: #11

أساسي بتاع ( بولاق الدكرور ) ..
سميراميس بتاع حنانك ؟ .. دكين في تلفون ليلي قال لي ما شفت في مصر غير أمبابة ..
آخرين قالوا لبكت في " بولاق الدكرور " و شغال معط في الكشري .. لما طلعت ليك بقاليل بالجنبة ..
عامل بنطلونك الكبير ده ..
دي واحدة .

التانية :
الديامة مكدبين في بروكلين غرب .. بينهم و الحي اللاتيني جبدة ..
عمك أوباما أصلاً من Damealgana ( ديمالقانا ) و ديل دناقلة عتيدين ..
منهم العمدة " موستافاكاليل " .

.....
ديم القنا !؟

Post: #12
Title: Re: أبداً .. أوباما دنقلاوي من " هَامِنْ نَارتي " .. بس
Author: دينا خالد
Date: 11-06-2008, 09:12 AM
Parent: #9

Quote: أها كمان قالوا عنتر سوداني .. و بلال مؤذن الرسول برضو

ديل ما فيهم شك ,,,,

الباقيين المساله محتاجه لبراهين ,,,

تكون ارفع من قصة الحافر دى شوية ...

قولوا المعقول انتو كمان ,,,

وهو تحت دا ما بغرق فوق ؟

لا غشاكم الجفاف والتصحر ؟

لا دفنوا عندكم النفايات ؟

ولااااااااااا السد العالى ؟

بس الحافر دا قاااااااعد كدا ...

والله دى عند ناس توم وجيرى ما تحصل !!

Post: #13
Title: Re: أبداً .. أوباما دنقلاوي من " هَامِنْ نَارتي " .. بس
Author: salah elamin
Date: 11-06-2008, 09:57 AM
Parent: #12

الفنان عماد عبدالله
والمتداخلات والمنداخلين

انا من ابتدر نشر معلومة ان اصول والد اوباما
من قبيلة الشلك السودانية والتي تنحدر منها قبيلة اللو الكينية الان
وهده المعلومة كما دكرت في البوست عرفتها عن طريق الصدفة
من زميل كيني ينتمي لقبيلة اللو كنا نعمل معا في وقت ما في منظمة امريكية
فكان الشيء بالشيء يدكر
يعني الزميل الكيني لو قال لي ان قبيلة اللو الكينية اصلها من قريش وان الرسول
او العباس جدهم لكنت قد دكرت الموضوع كما هو .
وقد تأكدت من ان قبيلة اللو اصلها من الشلك فيما بعد قبل ان اسمع باوباما
بسؤال كثيرون التقيت بهم فيما بعد
في كينينا والسودان وهناك كينية التقيت بها تفتخر بدلك
وقد دكر المعلومة ايضا المناضل الكيني الراحل اودينقا اودينقا في كتابه
Not yet Uhuru
وتعني لم تتحقق الحرية بعد .
ولم اكن اعرف ان اصل والد اوباما من قبيلة اللو الا بعد فوز باراك اوباما
فربطت الاحداث واحببت ان اشرك الناس في المعلومة .

ففرحي بفوز السناتور الامريكي واكرر الامريكي باراك اوباما ليس من كونه دو اصول افريقيا او كينيا او سودانية بل
من كون فوزه كسر حاجز العنصرية في واحدة من اعتى قلاع العنصرية التاريخية
و ارتفع بقيم انسانية سامية
فتسامت الانسانية على العرق والدين واللون والطبقة والمنشأ..و...و...
فلو كان اوباما من اصول لاتين امريكية او عربية او اسيوية لاحتفلت
ولو كان اوباما امرأة ايضا لاحتفلت
و لو كان ينتمي لاى فئة من الفئات المضطهدة والمهمشة في المجتمع الامريكي لا حتفلت ايضا ..

وهدا ما لزم توضيحه وكفى الله المتداخلين شر القتال .
وهدا هو البوست
والد باراك اوباما اصوله من قبيلة الشلك السودانية ..

Post: #14
Title: Re: أبداً .. أوباما دنقلاوي من " هَامِنْ نَارتي " .. بس
Author: محمد الباقر
Date: 11-06-2008, 10:01 AM
Parent: #1

Quote: أبداً .. أوباما دنقلاوي من " هَامِنْ نَارتي " .. بس

so what

Post: #15
Title: Re: أبداً .. أوباما دنقلاوي من " هَامِنْ نَارتي " .. بس
Author: معتز القريش
Date: 11-06-2008, 10:13 AM
Parent: #14

محمد الباقر

شنو هو الـ

Quote: so what

ما قال ليك (بس)
عاين في آآآآخر العنوان

يا عمدة أبدا
أوباما من جهة أبوهو جعلي كتيابي
ومن جهة أمو جعلي نفيعابي
وكان لي حبوبتو أم أبوهو دي ما من العايلة
أخدا جدنا لمن كان في كينيا
يعني عودا عندنا عود مرة .... بسسسسس

Post: #16
Title: Re: أبداً .. أوباما دنقلاوي من " هَامِنْ نَارتي " .. بس
Author: maia
Date: 11-06-2008, 10:19 AM
Parent: #1

Quote: أها كمان قالوا عنتر سوداني .. و بلال مؤذن الرسول برضو .. و لقمان الحكيم ..
و نتنياهو و السادات و محمد نجيب ..
هسه كمان بقت على الشيخ أوباما ..

دي الحالة

والله يا عماد يا اخوي بعد شوية ما بعيد يجيك زول يقول اوباما قرا معاهو الاولية في كاب الجداد

غايتو اوباما ده انا خايفة عليهو السودانين بنقتهم الكتيرة بيجيبوا خبره

Post: #17
Title: Re: أبداً .. أوباما دنقلاوي من " هَامِنْ نَارتي " .. بس
Author: Emad Abdulla
Date: 11-06-2008, 10:46 AM
Parent: #16

Quote: كسر حاجز العنصرية في واحدة من اعتى قلاع العنصرية التاريخية
و ارتفع بقيم انسانية سامية
فتسامت الانسانية على العرق والدين واللون والطبقة والمنشأ..و...و...
ده الكلام يا صلاح ..
و ما تاخد في خاطرك يا صاحبي ..
بس الشغلة بقت فالتة شوية في احتفاءنا بالحدث ده .

.....
مودتي

Post: #20
Title: Re: أبداً .. أوباما دنقلاوي من " هَامِنْ نَارتي " .. بس
Author: محمد سنى دفع الله
Date: 11-06-2008, 11:21 AM
Parent: #17

المشكلة بالجد كده مشكلة مثقفين
مثقفين مابعرفوا كيف ابحثوا في الاثر
والتراث والتاريخ .ز
اوباما هو اسم متحول من الرطانه القديمة
وتحركت حروفه للتسهيل
((اووبومــا))يعني الانسان صاحب الوجه مثل البومه
وكان هذا جده لي اوباما وطبعا معروف ان البوما كانت مقدسة
في الديانات القديمةويقال ان عيون البومة لاتطرف ولاتغمض رمز للسهر الطويل
زي سهر الاولاد الكبابين الواحد بكون فيهم زي البوما صاحي الليل .ز
اها جد اوبووما كان من سهرانيين الليل في (( هامن نارتي ))
وده خلا سلالتو بتمتعوا بالحكمةوالشوف .ز
واووبوما من (( هامن نارتي )) وديل معروفين من الناس الممنفتحين وبتثاقفوا مع اي حضارة
عشان كده بعرسوا من كل القبايل البتعرفوا عليها خاصة القبايل الجميلة
عشان كده خاتفين لونيين
وشفتوا حكاية خاتف لونيين دي بترمي في الشوك عشان كده
الناس ديل من جدهم الاول كان بكبروا اي شجر للشوك من حولهم
عشان ما اكونوا سبب في البقعوا في الشوك
يعني حكاية بتاعت محنةو حساسية وكده ..
عشان كده اختفى شجر الشوك من ((هامن نارتي )) لي بلاد (( الشـــووك )) الحالية المعروفة
والناس من(( هامن نارتي)) عندهم سبر وسبرهم في التسمية يعني لازم الزول اسمي ولدو ولابتو اسم
ليهو علاقة ببلاد الجدود اها لمن رحل اووبوما من ((هامن نارتي ))في رحلة جلب البخور من بلاد بونت
غشى بلاد الجبال الشاهقةوالبحيرات العذبة الهي منطقة كينياوقعد هناك
وبسألني ربنا في لقاء مع باراك قالت مرتو اووبامابموت في العطور وخاصة المستوردة من باريس
يعني الولد خال وجد طالع علة اهلوا البحبوا وبموتوا في بخور بلاد بونت وطبعا الرمز واضح في الدلالات
واهمية المستورد ـ بلاد بونت ـ باريس ـ وماهو آني وحاضر ـ امريكا ـ باريس ـ مع التماهي فيما هو
مرسل ـ العطر ـ ......المثقفين ..
نجي لي باركا وهي كلمة يقولون مأخوذة من البركة، ومبروك ،،وهنا نأتي للسبر
السبر في تسمية الاجداد باركاااا
اذن هو مبروك ومبارك وعلى كده سوف تكون عنده علاقات مباشرة مع مبارك سيد الاسم
الذي بدوره سوف يقول له شوف بأأأه انت من عندنا اصلو ((هامن نارتي ,وطيبةحته واحدة وامال ايه ))
ويكون السبر مشى فيهو من جدوا لي الزمن الجاي
مبرووك لي باركا المبروك
اول شي نطلبه من ولدنا المبروك اصحح المعلومات في فيلم تيرهاجي (( تراهاقا ) بالعربي
ونواصل اصل كلمة حسين الغريبة في المحيط المصدري لهكذاكلمة في بيئة جماليةمتصالحة مع كل ماهو حداثي
وخرافي في اصل ولدنا من (( هامن نارتي ))
........ المثقفين ..

Post: #18
Title: Re: أبداً .. أوباما دنقلاوي من " هَامِنْ نَارتي " .. بس
Author: Alsa7afa_30
Date: 11-06-2008, 10:55 AM
Parent: #1

إزيك يا عمدة

بالله الراجل طلع أنداندي عديل كده !!

خليك من ده و تعال هنا في ناس جابو سيرتك

... بَعِـزّ التـوب ...

Post: #19
Title: Re: أبداً .. أوباما دنقلاوي من " هَامِنْ نَارتي " .. بس
Author: حمزاوي
Date: 11-06-2008, 10:59 AM
Parent: #1

عماد اخوي
مسكاقمي

Quote: مونيكا ؟؟؟؟

لا دي تجي بالشايقية تمام التمام

Quote: أبداً .. أوباما دنقلاوي من هَامِنْ نَارتي

أيوا صح حتى طلع قريب دكين الوغد
وجدو كان شغال ريس في مشرع كمنية

Post: #22
Title: Re: أبداً .. أوباما دنقلاوي من " هَامِنْ نَارتي " .. بس
Author: Osman Musa
Date: 11-06-2008, 06:10 PM
Parent: #19

هى يا عماد
انت فى شنو ؟
أدهم الشرقاوى الذى حوله التاريخ الشعبى
من قاطع طريق الى مقاتل ضد الاستعمارين التركى والانجليزى .
.. زولك طلع زيدابى من الزيداب .
..
وهاك :
بتعرف روبن هود الانجليزى الذى كان يختفى فى غابة شيرودد
ليقطع الطريق وينهب مال الأثرياء ليتصدق به على الفقراء ..
اها كمان طلع من الدامر .
..
توباك شكور
المغنى صعلوك الشعر المشاكس ( دنقلاوى) سافر ابيه الى امريكا زمن فيضان46
وهو دنقلاوى من الشكوراب لاحظ الكلمات الدنقلاوية فى غناء توباك
...
يازول حتى الشاعر لانغستون هيوز
يا عماد هيوز ديامى عديل وده شعر الخليل مترجم مع شويتين
شمار .. وهيوز ديامى من محطة التعاون جيهات ترب بلاع .
..
أوباما سودانى لو مقالتنى اسعل فضل السيد صاحب الخيال البارع فى الحكى ..
تحياتى .

Post: #23
Title: Re: أبداً .. أوباما دنقلاوي من " هَامِنْ نَارتي " .. بس
Author: ASHRAF TAHA
Date: 11-06-2008, 10:04 PM
Parent: #1

Quote: و التقيل جايي ورا ..

(إبتسامة مُهذبة خالس)

يا مُواتِن