وطن السدود .. نفديك بالأرواح .. و ظووووووووط

Post: #1
Title: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 01:18 PM
Parent: #0

قال الرجل صاحب " المصطبة " في سوق الخدار المركزي :
- شيلو بتلاتة .
- ما بشيلو .. الحكومة قالت ألفين بس .
- الحكومة تقول التقولو .. مسعول منها أنا ؟
- خلاص تديني ليهو بسعر الحكومة القالتو في الراديو .
- علي الطلاق كضاب .. إتّ زاتو الرادي لقيتلو كهربا وين ؟
- راديو العربية .. الله قال حرام ؟
- عربيتك عربية الحيكومة.. و راديكم حق الحيكومة , تسمعو فيهو الدايرنو و تصدقيهو .. وكت ماك داير تشتري أِمِش ساكت آآآآزول هوووي .
- ما تقول لي أمِش .. إتكلم زي الناس .
- زي الناس ؟ أتلَفّظ كويس آآ زول .. زي الناس دي شني ؟ أول قالولك هني أدبخانة ؟
- بني آدم غريب إنت .. شنو الألفاظ المعفنة دي . جيب الزفت الطماطم و بألفين بس و لا كتر خيرك .
- يا زول هوووي .. النَضَمي الكتير خَلّو .. بتلاتة دايرو دايرو .. ما دايرو اتخارجلنا بالله .
- ما بتخارج .. و الطماطم بشيلو بسعر الحكومة . و إنت تسد خشمك ده ولّلا بتتعب معاي .
- خشمي ما بسدو .. إتّو قامت عليكم حكاية السد دي ولّلا شنو ؟ دايرين تسدوها فوق تحت ؟
- نسد شنو يا بني آدم إنت .. إحترم نفسك .. نحنا منو زاتو ؟
- إتّو الحيكومة .. عرفتك من عربيتك دي ..
عليّ الطلاق سديتو الكهربا .. و علي الطلاق الهوا سديتوه .. و أيمان رحمان سديتو الموية .. و سديتو نفسنا .. هسه دايرني أسد خشمي ؟؟
بقيتو سدّادين , كمان رحمة الله دايرين تسدوها علينا ؟
( ثم متجاهلاً لي و مكوركاً بأعلى حِسّو ) :
الناجي هوووي .. كورك للطيب و ود الخزين معاك , تعال آآآ المامون بالله قول لي الطاهر و محمود و ود الفحل اليجو .. تعالوا فسراع ..
آآآناس هوووي .. تعالوا جاي , الحيكومة جاية تسد لينا خشومنا كمان , ياهو الفَضَل .
فطين بت بارا البارح غنت شنو ؟ فطين .. يا فطين , النعيم شوف البت دي وين بالله .. تعالوا أنغنيها لعمكم الحيكومة ده ..
( و إتلم عليّ السوق , الخدرجية و ستات الكسرة و الجزارين و بياعين الأكياس و ناس الموية و بتاع الصعوط و ستات الشاي و بتاعين البكاسي و و و و ) , دورانية كبيرة و أنا في نصها في نص سوق الخدار المركزي بحري , و الشمش تلحم و الكهربا قاطعة و غبار و ضُبّان ..
و عملوني برنامج .. رجال و نسوان و شفع يغنوا :
وطن السدود نفديكَ بالأرواح و ظوووووووووووووط وطني .

....
عليت الراديو في العربية و رفعت القزاز ..
و ظووووووووووووط إنزغمتَ مارق من السوق قليل الأدب ده .

..
هنا أم درمان .

Post: #2
Title: Re: وطن السدود .. نفديك بالأرواح .. و ظووووووووط
Author: محمد عبد الماجد الصايم
Date: 04-24-2009, 01:27 PM
Parent: #1

لحدي وين يا عمكـ؟

Post: #5
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 01:44 PM
Parent: #2

الكلام ده قبل زي ساعتين كده يا ود الصايم ..
و لغاية هسه ظووووووووووووووط .

إحساس ما كويس ..
بالذات في الحر ده .

....
أنا السوق البلدي السفيه ده خليتو ..
تاني بمشي سوق الخرطوم إتنين .

Post: #3
Title: Re: وطن السدود .. نفديك بالأرواح .. و ظووووووووط
Author: مصطفي سري
Date: 04-24-2009, 01:31 PM
Parent: #1

(وطن السدود نفديكَ بالأرواح و ظوووووووووووووط وطني .

....
عليت الراديو في العربية و رفعت القزاز ..
و ظووووووووووووط إنزغمتَ مارق من السوق قليل الأدب ده .)

هههههههههههههههههههه

يا بتاع الحيكومة كان تقول ليهم وان

ظووووووووووووووووووووووطك

Post: #4
Title: Re: وطن السدود .. نفديك بالأرواح .. و ظووووووووط
Author: محمد عبد الماجد الصايم
Date: 04-24-2009, 01:36 PM

يا سعادة اللوا
ياخ أسعد الله أيامكـ (جادي والله)

اليوم النبداهو معاكـ بمشي معانا باسطة بس!

قومو إلى ظوووووووووطكم تحتى تأتيكم الكهرباء!

Post: #6
Title: Re: وطن السدود .. نفديك بالأرواح .. و ظووووووووط
Author: محمد البشرى الخضر
Date: 04-24-2009, 01:45 PM

تسجيل حضور و مداعبة

Post: #8
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 01:52 PM
Parent: #6

مداعبة في عينك ..
هسه ده وكت مداعبة ؟
مش كفاية ( مداعبات ) الخدرجية ؟

....
كلامك انا ما " استحسنتو " ..
حقو تتخارج .

Post: #7
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 01:49 PM

أقعد إنت إتضاحك لي كده ..
كان الواحد يجيب ليك ( فطين بت بارا ) تغنيها ليك ..
عشان ظوووووووووووووووطك تآآآآمن .

....
أنا هسه متعقد يا مصطفى ..
جابت ليها ظووووووووووط في الحر ده ؟
بالله شوف الخدرجية الصعاليك ديل !!

Post: #9
Title: Re: وطن السدود .. نفديك بالأرواح .. و ظووووووووط
Author: GamarBoBa
Date: 04-24-2009, 02:02 PM
Parent: #7

أعوذ بالله
انت ما محظوظ كله كله

Post: #10
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 02:09 PM
Parent: #9

Quote: أعوذ بالله
انت ما محظوظ كله كله
في شنو ؟
ما محظوظ في شنو إنت كمان ؟

....
أمنع الكلام يا موسى ..
ما ناقصك انا .

Post: #11
Title: Re: وطن السدود .. نفديك بالأرواح .. و ظووووووووط
Author: doma
Date: 04-24-2009, 02:15 PM
Parent: #10

بصراحه كدا
خميس بركوته
ولا جمعه عمده

Post: #14
Title: Re: وطن السدود .. نفديك بالأرواح .. و ظووووووووط
Author: محمد البشرى الخضر
Date: 04-24-2009, 02:21 PM
Parent: #11

حي أنا
مش قلت ليك بتاباه

Post: #24
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 03:08 PM
Parent: #14

الله يجيبك السوق يا ود البشرى ..
و يلم فيك عمك النذير بتاع البطيخ ..
و .. ظووووووووووووووووووووووووووطك .

بسسس .

Post: #19
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 02:55 PM
Parent: #11

جمعة عجيبة يا دومة ..
كلها ظييييييطك ظوووووووطك ..
حتى ( السفنجة ) بت الكلب إنقلبت علي ..
كلما أمشي خطوة مع الكراع العرقانة و السخانة و الغبار ..
السفنجة التافهة تشبكني ليك : ظييييط .. ظاااااط .. نِجطِطططك .. نوجططططططوك .

هسه أنا حفيان ..
أنشوف تاني البيظيييييط شنو كمان تاني في البلد الأم فكّو دي .

Post: #12
Title: Re: وطن السدود .. نفديك بالأرواح .. و ظووووووووط
Author: Rawia
Date: 04-24-2009, 02:17 PM
Parent: #10

وبعد دا... الغدا بدون سلطة؟

Post: #23
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 03:03 PM
Parent: #12

أنا تاني ياني المتغدي في ( أوزون ) .. يا كمان ( سوليتير ) ..
ناس نضيفة و براااااااحه كده و انقليزي انقليزي ياخ ..
و عندهم بوخ باااااارد ينزل عليهم و هم في أمانة الله بشوكهم و سكاكينهم و اللقمة سغمبتوووووتة ..
مافيش خشوم مفتوحة للطيش و لواكة و أمبجغ أمبجغ أمبجغ ديك .
كل شي بالمهلة و السماحة و الروقان و البرودة و الكهربة يا راوية ياخي .

بلاش أسواق و احياء شعبية بلاش كلام فارغ .

....
( سدوا ) نفسي الله ( يسد ) شنو أقول عليهم .

Post: #15
Title: Re: وطن السدود .. نفديك بالأرواح .. و ظووووووووط
Author: Yassir Tayfour
Date: 04-24-2009, 02:25 PM
Parent: #10

ظووووووووط In
ظووووووووط Out

___
ظووووووووط = Zoom..

Post: #16
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 02:35 PM
Parent: #15

ياسر ..

أنا و الله بالطريقة دي بشتكيك .

Post: #13
Title: Re: وطن السدود .. نفديك بالأرواح .. و ظووووووووط
Author: عمر سعد
Date: 04-24-2009, 02:19 PM
Parent: #9

قبل حوالى الساعة مشيت كارفور ولمن مشيت محل الفواكه اشترى ما رخص منها

لقيت واحدة جنبى بتقول الجو حار جدا الليلة هنا وسالت المحاسب من انو بالطريقة دى الفواكه بتبوظ

فنادى رجل امن واخبرة وذهب ذلك الرجل الى اقصى المكان وعاد وسوس لة

فقل لها الكاشير كلامك صاح درجة الحرارة 24 درجة وحا تتعدل بعد شوية يبدو انو فى زول تلاعب بالدرجات

وهى بتحاسب سالة تانى بانو خلاص الموضوع خلص ورجعت درجة الحرارة الى 22 درجة ...مع اعتذار

وانا كنت تابع الموضوع والغريبة كنت بردان وما كنت حاسى انو درجة الحرارة عالية

فحبيت اشارك فى الموضوع لمن مشيت للكاشير فقلت لة السد السد الرد الرد

فقال وهو مبتسم بتقصد شنو بالفاكهة اللاسمها السد دى وقال لى بتقصد فاكهة سودانية غير المانجو

فقلت لة لا دى فاكهة بزرعة اسامة عبداللة وبتجى فى طيارة الاسبوع الجاى هنا

بس قلت ليهو مشكلة الفاكهة دى ما بتعيش الا فى درجة حرارة 46 درجة فقلت ليهو تعملو ليها قسم خاص

لحدى ما يجيكم الرد الرد ..................

واستاذنت وطلعت ووحاتك الراجل لحد الان بيكون مشدوة فينى ومتاكد حا يقول فى سودانى مسطول

جا هنا وقال كلام بالرطانة السودانية وطلع اللة يساعدهم ..............

عماد عبدالة صباحاتك بيض ومساك خير

Post: #17
Title: Re: وطن السدود .. نفديك بالأرواح .. و ظووووووووط
Author: Siham Elmugammar
Date: 04-24-2009, 02:40 PM
Parent: #13

تستاهل

حتة بصله ناشفة
تقدحها فى حبيبة زيت تدقولو الباقة لامن تمرق اخر نقطة
خرات الدكوه الفى الكيس
حبيبة موية تكبها فى باقى علبة الصلصة
بواقى العيش الناشف

هسه ما كان فطرت بأدب

____________________
قم الى سخينتك يرحمك الله

Post: #36
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 09:23 PM
Parent: #17

Quote: تستاهل
ياهو ده الربنا قدّرك عليهو ؟

أنا تاني الأكل بتاع ثوار بيافرا ده ما دايرو ..
الأسكلوب بانيه مالو ؟ و حساء الماشروم بأكباد الدجاج مالو ؟ و شريحة فخذ الضأن بصلصة خليط الخضار بالدرّاق البري مالها ؟
و التحلية قطعة بلاك فوريست مع شريحة الأناناس المدخّن .
ده مش أكل ؟
أنا داير ده .. نفسي في ده , و إن شا الله إن شالله سوف أسعي لتحقيق أهدافي النبيلة هذه ..
و لا نامت أعين الناس أولاد المصارين البُيُض و ساكني البوارج و البواخر و نايرين و تمام التمام .

إنتو يا سهام أكلو السخينة ..
أقعدوا أكلو سخينة كده لمن الله يسوي ليكم ضنب .
أكلوها ياخ ..

الله ينعل ميتين أبو السخينة الجابت لينا الفهاق و البُرجُم و .. الكلام .

Post: #18
Title: Re: وطن السدود .. نفديك بالأرواح .. و ظووووووووط
Author: عماد الشبلي
Date: 04-24-2009, 02:42 PM
Parent: #13

Quote: مشيت للكاشير فقلت لة السد السد الرد الرد

عمر سعد سلام

سؤال

كلمة ( رد ) الموجودة اسفل كل بوست مع ملفك وعدل ..

ليها علاقة بالموضوع دا ؟؟؟

مع تحياتي لعماد عبد الله ...

وارجو الرد..الرد ..عاجلا ,,

Post: #20
Title: Re: وطن السدود .. نفديك بالأرواح .. و ظووووووووط
Author: BitAlhana
Date: 04-24-2009, 02:56 PM
Parent: #18

والله سوق قليل أدب صحي

لكن يبقى السؤال؟
هل كان صوتهم نشاز؟
هل كان اللحن سليم؟
هل الاداء الجماعي موزون؟

عشان الواحد يطمن و ظووووووووووووووووووووووووووووط

Post: #21
Title: Re: وطن السدود .. نفديك بالأرواح .. و ظووووووووط
Author: مصطفي سري
Date: 04-24-2009, 02:56 PM
Parent: #18

ياسر طيفور

سلامات

(ظووووووووط In
ظووووووووط Out

___
ظووووووووط = Zoom..)

انت جدول الضرب ما حافظو وللا شنو

قالوا
ظووووووووط + ظوووووووووووط = طووووووووووطين ونص

تقول ظووووووووووط in

وظووووووووووووط out

ياعالم ما تجيش الا بالظوووووووووووووط ظاااااااااااااااتو

Post: #22
Title: Re: وطن السدود .. نفديك بالأرواح .. و ظووووووووط
Author: عمر سعد
Date: 04-24-2009, 03:03 PM
Parent: #18

Quote: عمر سعد سلام

سؤال

كلمة ( رد ) الموجودة اسفل كل بوست مع ملفك وعدل ..

ليها علاقة بالموضوع دا ؟؟؟

مع تحياتي لعماد عبد الله ...

وارجو الرد..الرد ..عاجلا ,,

الفنان شبلى

رد حقة بكرى دى نكرة

الرد حقت الكيزان معرفة وعلامة تعريفها السد

والكهرباء القاطعة

Post: #25
Title: Re: وطن السدود .. نفديك بالأرواح .. و ظووووووووط
Author: الشفيع عوض شوشتا
Date: 04-24-2009, 03:28 PM
Parent: #22

looool
اللهم لا شماتة

---------
لولا الظووووط الواحد كان قال مشتاقين

Post: #26
Title: Re: وطن السدود .. نفديك بالأرواح .. و ظووووووووط
Author: محاسن أحمد محمد
Date: 04-24-2009, 07:08 PM
Parent: #25

كل البعرفو يا عمده انك زول كتاب وحكاى بس مشكتك .........
وماعندك حل, امشى اوزون لكن صدفنى حتجى راجع جـرى

وانت براك حتفتش لى عمك النذير بتاع البطيخ ..

Post: #27
Title: Re: وطن السدود .. نفديك بالأرواح .. و ظووووووووط
Author: Salahaldeen Nadir
Date: 04-24-2009, 07:27 PM
Parent: #26

انت أساسا غلطان أنك بتمشي أماكن زي دي

عيب لي العمارات سنتر؟؟

خربو الغنية الله لا بارك فيهم ياخ

!

Post: #41
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 09:23 AM
Parent: #27

غلطان و سافي التراب يا صلاح ..
و تاني بس الحتات الترطيبة ..
سوق فيهو خدرجية أصلو ما حبابو .

شفت خربوا الغنية كيف ؟
الله يخرب شنو ؟

Post: #28
Title: Re: وطن السدود .. نفديك بالأرواح .. و ظووووووووط
Author: Hassan Makkawi
Date: 04-24-2009, 07:28 PM
Parent: #26

كامل تضامنى معك يا عماد
دة بتاع الطماطم.....
يعنى لو مشيت تشترى عجور
كان جاطت...وكدة

Post: #29
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-24-2009, 07:41 PM
Parent: #28

والله انا برضو زي حسن مكاوي كامل تضامني معاك في محنة السلطة دي
جابت ليها شيل حال يا صاحب
والله نهائي ماقادر اتخيل منظرك وكورال السوق المركزي
بردد في غناوي القهر

الله المتستعان وتاني كان داير خدار
طوال أقع سوق اللفة
لفة لفة لفة
أوووه يه

Post: #30
Title: Re: وطن السدود .. نفديك بالأرواح .. و ظووووووووط
Author: ثروت سوار الدهب
Date: 04-24-2009, 07:52 PM
Parent: #29

وصف لي الزول دا عشان ما اشتري منه و لا احوم بجمبو
كمان جابت لبها مظوطة

تحياتي
يا عماد

قل لي، الكمبيوتر دا مولعو بالرتينة؟

Post: #31
Title: Re: وطن السدود .. نفديك بالأرواح .. و ظووووووووط
Author: Balla Musa
Date: 04-24-2009, 08:31 PM
Parent: #30

غايتو ماعارف الناس دى الدخلا شنو

ظوووووووط ناس السلطة فى ناس الحكومة
يعنى زيت فى دقيق.

Post: #33
Title: Re: وطن السدود .. نفديك بالأرواح .. و ظووووووووط
Author: Abomihyar
Date: 04-24-2009, 09:00 PM
Parent: #31

قال ليك بى ثلاثة كان تشيلو وتتطلب الله.

أسه بالله البهدلة دي كلها في ألف؟؟؟

قال سد خشمك قال.. أها في الآخر السدا منو؟؟

يا زول طاب معناك..

Post: #53
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 02:58 PM
Parent: #33

Quote: قال سد خشمك قال.. أها في الآخر السدا منو؟؟
شلاقة مني يا أسامة ياخي ..
هم زاتم ناس متلقين حجج ..
قاعدين بي غبينتهم وراجيني أنا يعني ؟
أنا تاني كلمة سد دي بلغيها ليك من قاموسي نوهااااائي .

أهو هسه قالوا البتاع ده جاب سمك !!!
خلى الكهربا و جاب سمك !!
يا خلقنا ما تعولقنا .

Post: #54
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 03:03 PM
Parent: #31

Quote: يعنى زيت فى دقيق
و في الفؤاد ترعاه العناية .

....
يا دكتور .. إنتو كشفكم بي كم ؟
الدنيا ما معروفة .

Post: #51
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 02:50 PM
Parent: #30

Quote: كمان جابت لبها مظوطة
أريتا مظوَطة عدوك يا ثروت ياخي ..
أنا و الله اللمة و الحفلة التافهة العملوها ما همتني ..
همتني سمعتي ياخ ..
غايتو ربك ربك كريم ما كان في زول بيعرفني الوكت داك ..
بعد فت بعيييييييد منهم و اديتهم عجاج العربية نزلت و عاينت ليهم ..
الله يسامحنا غايتو أديتهم كم شتيمة و إشارات عويرة كده باليد ..
لو كانوا شافوني و لمو فيني .. إنا لله .

يعني غايتو دي بلد .... بتاعت عصابات و بس .

....
ظوووووط دي أتاريها كلمة بت كلب يا ثروت .

Post: #50
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 02:40 PM
Parent: #29

Quote: طوال أقع سوق اللفة
لفة لفة لفة
لفة لفة ؟
هو أي حاجة دغرية في البلد دي مافي ؟

كتر خيرك يا خدر .

Post: #42
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 09:29 AM
Parent: #28

عجور بتاع شنو ؟
إنتو تخلو الفيل و تطعنوا ضلو ؟؟؟

.....
بركة إلاهي و سيدي يا حسن ..
يلموا فيك ناس ظووووووووط ديل .. و تضوق العجور بالشطة .

Post: #37
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 09:32 PM
Parent: #26

Quote: حتفتش لى عمك النذير بتاع البطيخ
النذير بتاع البطيخ يا محاسن ؟؟
بطيخ و ظوووووط ؟؟
دي ياها آخرة الخوّة ؟
حاج مصطفى بتاع الليمون مالو ؟ ..
بلاش مصطفى بتاع الليمون .. خليهو عثمان الفكي بتاع البرتكان ؟

و الأوزون ح أمشيهو .. شفتي ..
و ياخي ح أدلع رقبتي و أستبرد و أتفنكه و أستجم ..
و ظووووط دي تاني يلقوها في الغافل .

....
قال بتاع البطيخ قال ...
أتطلبي الله يا محاسن بلا فقر معاك .

Post: #34
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 09:03 PM
Parent: #25

شوشتا ..

تسلم سلامك و تمشي بسسس ..
شماتة بتاع حنانك ؟

....
حاقد .

Post: #32
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-24-2009, 08:58 PM
Parent: #13

السخانة في كارفور بتبوظ الفواكه يا عمر ؟؟
عندنا هنا السخانة بوظت أخلاق الناس ..
جات عليها الكهربا المافي .. بقت الحكاية : عايرة و ادوها سوط .
Quote: فقال وهو مبتسم بتقصد شنو بالفاكهة اللاسمها السد دى
سؤال زي ده في السودان .. طوالي إجابتو : ظووووووووووووووط

Post: #35
Title: Re: وطن السدود .. نفديك بالأرواح .. و ظووووووووط
Author: محمد عثمان
Date: 04-24-2009, 09:06 PM
Parent: #32

عمده...

هههههه

والله فعلا حالة صعبه...الله يهوّن

Post: #38
Title: Re: وطن السدود .. نفديك بالأرواح .. و ظووووووووط
Author: محمد البشرى الخضر
Date: 04-24-2009, 09:33 PM
Parent: #35

Quote: وانت براك حتفتش لى عمك النذير بتاع البطيخ ..
يا لطيف ... يا لطيف
يا ربي لول هنا بناسبها كم واو كدا؟

Post: #39
Title: Re: وطن السدود .. نفديك بالأرواح .. و ظووووووووط
Author: عمران حسن صالح
Date: 04-24-2009, 10:08 PM
Parent: #38

Quote: كلما أمشي خطوة مع الكراع العرقانة و السخانة و الغبار ..
السفنجة التافهة تشبكني ليك : ظييييط .. ظاااااط .. نِجطِطططك .. نوجططططططوك .

هسه أنا حفيان ..
أنشوف تاني البيظيييييط شنو كمان تاني في البلد الأم فكّو دي .

ضحكتني لامن طرشتني العشا يا عمدتنا ..
ياخي تاني ما بقرب الحوش ده بعد العشا...
وبعدين أنسى تاني ما تلقى ليكـ بيظيييييييييييييط ... التراب زاته بعد شوية حا تظييييييط ليكـ ...

Post: #40
Title: Re: وطن السدود .. نفديك بالأرواح .. و ظووووووووط
Author: أبو ساندرا
Date: 04-24-2009, 10:12 PM
Parent: #39

زوووووط
و ب بطيخة ؟

اوعك تكون كاملة وكبيرة ومدردمة

ما أضيق العبارة

ما أوسع

الترمة .

Post: #43
Title: Re: وطن السدود .. نفديك بالأرواح .. و ظووووووووط
Author: Hawari Nimir
Date: 04-25-2009, 09:38 AM
Parent: #40

عمدة ازيك ياخي..
بس انت الوداك..
(الظـــووووط) شنو؟؟عفوا السوق!!
بس نحمد الله المرقتك
عربيتك...
كان هسي..طلعوك حرامي و نشال..
واتلمو فيك...
وعينك ما تشوف الا (الظوط)...
النور..النور..ياخي!!
ده الكيبورد الزفت ده...

بلد مبهولة....
بشكل...
كبير

لك الود يا عمدة

Post: #45
Title: Re: وطن السدود .. نفديك بالأرواح .. و ظووووووووط
Author: مصطفي سري
Date: 04-25-2009, 09:58 AM
Parent: #43

يا عمدة
صباح ... الظوووووووط

شايفك ، لبدت من كلام بركوتة ، كان ما اخاف الكضب واللفحي كان قلت ليك الجماعة ديل كورس

للعجوز دة ، وانت اللي بديت معاه من خربت ليهو خميسو

واها نسالك انت بتاع الليمون دة ما لقيت الايكون اسمو اسمنا

(حاج مصطفى بتاع الليمون مالو ؟ ..
بلاش مصطفى بتاع الليمون )

ليه بلاش منو بتاع الليمون ... اليس هو من الظووووووطيين

استغفر الله ..

Post: #44
Title: Re: وطن السدود .. نفديك بالأرواح .. و ظووووووووط
Author: jini
Date: 04-25-2009, 09:55 AM
Parent: #40

Quote: زوووووط
و ب بطيخة ؟

اوعك تكون كاملة وكبيرة ومدردمة

ما أضيق العبارة

ما أوسع

الترمة .

الكلام دا بدينك!
الدنيا عجورة يوم فى ايدك ويوم فى ايدك التانية!! ما تحرجوناش بقى!
والله يا عماد عبدالله بالغت خليت شنو للرشيد بدوى!
واحد من مذيعينا الاشاوس صاح مهللا ظوووووووط عقب احراز احد لعيبة المنتخب السودانى هدف صاروخيا!!
جنى

Post: #46
Title: Re: وطن السدود .. نفديك بالأرواح .. و ظووووووووط
Author: خالد عبد الله محمود
Date: 04-25-2009, 10:28 AM
Parent: #44

تستاهل ...
أنت أصلاً البركبكـ عربية الحكومة شنو ؟؟؟

Post: #47
Title: Re: وطن السدود .. نفديك بالأرواح .. و ظووووووووط
Author: عبدالكريم الامين احمد
Date: 04-25-2009, 10:47 AM
Parent: #46

خا خا خاخا
وضحك كما ضحك خان البتاني الشهير....
وانت زااااتك يامان البوديك سوق الخضار وناس عمك النزير بيرو ديل شنو
سوق واقف بتاع الدوحة داااك كدي عيبو لي....

الكويس انك اتخارجت بظووووووط دي بس ودي كرامة مفروض تضبح خروف اسفيري
القصة دي لو اتلملمو معاهم ناس كرجول كنت حتسمع حلو هههه

Post: #48
Title: Re: وطن السدود .. نفديك بالأرواح .. و ظووووووووط
Author: عمر الفاروق
Date: 04-25-2009, 12:31 PM
Parent: #46

يا عمدة انت مشيت يا تو ظوط؟
الظوط الشعبي ولا الظوط المركزي ولا الظوط العربي ولا ظووط سعد قشرة ؟
لانو بي صراااحة كده كلو ظوط ظوووطو براها ..
واحمد ربك ما مشيت ظوط الحرامية ..

Post: #49
Title: Re: وطن السدود .. نفديك بالأرواح .. و ظووووووووط
Author: الطيب بشير
Date: 04-25-2009, 01:24 PM
Parent: #48

Quote: ( و إتلم عليّ السوق , الخدرجية و ستات الكسرة و الجزارين و بياعين الأكياس و ناس الموية و بتاع الصعوط و ستات الشاي و بتاعين البكاسي و و و و )

يا سعادتك..حبابك

و الله لو اتلم السوق دة بالشكل دة

الحيكومة تسقط في دقايق

.

Post: #52
Title: Re: وطن السدود .. نفديك بالأرواح .. و ظووووووووط
Author: حيدر حسن ميرغني
Date: 04-25-2009, 02:57 PM
Parent: #49

أحلى ظووط قريتا في حياتي

وطن القدود ده لذيذ جد

Post: #56
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 03:14 PM
Parent: #38

يا لطيف يا لطيف ؟
كويس .. لا تعليق .

( باكر الفولة بتنملي .. و البقارة بتجي ) .

Post: #55
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 03:09 PM
Parent: #35

محمد عثمان ..
بالله ساعدنا بأغنية :
( ظططوووووكَ و جرحوا سمعتك ) .

....
Quote: والله فعلا حالة صعبه
يعني إنت شايف كده ؟

Post: #57
Title: Re: وطن السدود .. نفديك بالأرواح .. و ظووووووووط
Author: صلاح ليون
Date: 04-25-2009, 03:14 PM
Parent: #55

بوست آيل للظوووط في الخور
ريحت الظواط كترت فيهو..

Post: #58
Title: Re: وطن السدود .. نفديك بالأرواح .. و ظووووووووط
Author: Siham Elmugammar
Date: 04-25-2009, 04:13 PM
Parent: #57

يا عماد
بناكل سخينتنا و نحفظ كرامتنا
و ما بنحلم احلام اكبر من امكانياتنا
وما بنمد كر عينا ابعد من لحافاتنا
وانتو بالمقابل احضرو لينا ريتشل راى
بس ما تجو تفكو عقدكم فينا
ولما يظوووطوووكم تتباكو لينا

اسمع نصيحتى
وقم الى سخينتك سترك الله

Post: #59
Title: Re: وطن السدود .. نفديك بالأرواح .. و ظووووووووط
Author: Rawia
Date: 04-25-2009, 04:41 PM
Parent: #58

Quote: بناكل سخينتنا و نحفظ كرامتنا

والله ياسهام سخينتك دي من أمس عاملة فيني عمايل
بس عمايل الخبيز في عزاز*

______________
*في الفيس بوك عزاز حمتنا القعدة عشان مشتاقة لخبيز مع الشاي
أحي

Post: #60
Title: Re: وطن السدود .. نفديك بالأرواح .. و ظووووووووط
Author: Siham Elmugammar
Date: 04-25-2009, 04:54 PM
Parent: #59

يا راوية يا عباسى سلام
ليكم الله و الشوق للسخينة
الاسبوع ده ضربتها ليك مرتين
مبااااااااااااااااااااااااااالغه
و جنبها صحن شطة برضوووووو بالدكوة
وربطة جرجير
ووووووووب
كدى انقوم نظبطها تانى للعشا

ده زيادة فى شحتفتك
و محاولة لاقناع عماد

____________________________
الظاهر بوست عماد ده فبهو البركة و لحس الصحن
ومن بعده الاصابع

Post: #61
Title: Re: وطن السدود .. نفديك بالأرواح .. و ظووووووووط
Author: Rawia
Date: 04-25-2009, 05:07 PM
Parent: #60

Quote: ليكم الله و الشوق للسخينة
الاسبوع ده ضربتها ليك مرتين
مبااااااااااااااااااااااااااالغه

غايتو أسألي الشوق عن عيوني
فاطمة العقلي ومنذر أبو المعالي
يقولوا ليك راوية العباسي أحسن من يعمل سخينة في الشرق الاوسط والريجونس المجاورة
مرة كنا برة وجينا بيتنا متأخرين والمطرة صابة(طبعا اهم حاجة في السخينة الانفايرونمنت الحولها)
المهم عملت ليهم سخينة لما رجعوا كلموا بيها أي زول لاقاهم في الشارع

__________________
حقو عشان حركاتك دي الواحد هسة يقوم يعمل سخينة
مع إني قاعدة في أوتيل لكن سويت فيهو مطبخ وصالة لوووووول
وعندي بخور عدني الله يرضى على الادتني ليهو دنيا وأخرة هاولعو بعد البصلة ماتفوح
لكن جنة بلا ناس مابتنداس

Post: #62
Title: Re: وطن السدود .. نفديك بالأرواح .. و ظووووووووط
Author: Siham Elmugammar
Date: 04-25-2009, 07:25 PM
Parent: #61

Quote: [لكن جنة بلا ناس مابتنداس

لا يا ختى بتندااااااس
نوع كلامك ده هو البيجيب الخيارات الغلط
ما تخلينا نبشتن لعماد بوستيهو

سودان نهيييييى
قومى كالدجاجة الصغيرة الحمراء و اعدى سخينتك و كليها وحدك
فذلك اطهر لثوب حريتك

Post: #66
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-25-2009, 09:12 PM
Parent: #62

سهام و راوية ..
سخينتكن بالله تحت أباطكن و أركبن الشارع .

سخينة قال ..
نقول ليكم الحكاية فيها ظووووووط تقولو لي سخينة و مديدة و ما بعرف شنو و تقلبوها لي طبق اليوم ؟
و اريتو كان طبقاً نعيم ..
أنا السخينة دي كجنتها بي الله واحد ..
من الله خلقني و إنتي يا سخينة الجن باقي لي في رقبتي .. متحمدانا فطور و عشا ..
هسه سويتوها ( أوريجينال فاشيون ) و الرجوع للتراث و حركات الحناكيش دي ؟
مبروكة عليكم .. قوموا إليها ده و البِهِل .. و معاها كمان أم تكشو و القاورمة .

شوفي يا سهام .. سخينتك ما دايرنها ..
و إنتي يا راوية فاطنة و منذر ذمتهم غريقة الجوز ..
ما دايرين يجرحوا مشاعرك ساكت .. لكن من إنقليزيكي الكتير ده تلقيك ما ناقشة ابو النوم في المطبخ .

Post: #68
Title: Re: وطن السدود .. نفديك بالأرواح .. و ظووووووووط
Author: Rawia
Date: 04-25-2009, 09:50 PM
Parent: #66

Quote:

وبعد دا... الغدا بدون سلطة؟

مــــافي مشكلة نعيد ليكم مداخلتنا تاني

Post: #63
Title: Re: وطن السدود .. نفديك بالأرواح .. و ظووووووووط
Author: مصطفي سري
Date: 04-25-2009, 07:50 PM
Parent: #61

البوست بقى طبق اليوم شكلو

شئ سخينة وشئ سلطة اسود

Post: #64
Title: Re: وطن السدود .. نفديك بالأرواح .. و ظووووووووط
Author: محمد أبوالعزائم أبوالريش
Date: 04-25-2009, 08:13 PM
Parent: #63

Quote: همتني سمعتي ياخ ..

ليه يا عمدة .. إنت (شلتو) بي تلاتة؟

سمعت في بعض ما تناقله المتسكّعين في الدوحة بأن (بركوتة) قد استعان بفكي (كيكي) الإسفيري، وعمل ليك عمل (ما يخرّش المية) جراء مساعيكم لتبويظ خمايسه. والشفرة هي: أطلقوا سراح الخميس نسحب ظووط الجمعة.

العهدة على الراوي ياخ

Post: #65
Title: Re: وطن السدود .. نفديك بالأرواح .. و ظووووووووط
Author: Yassir Tayfour
Date: 04-25-2009, 08:44 PM
Parent: #63

ربك ستر يا سري إنو القرع ما من مكونات السلطة..
__
كان الخدرجيَّة إحتفلوا معاهو بعيد الـhalloween..

Post: #67
Title: Re: وطن السدود .. نفديك بالأرواح .. و ظووووووووط
Author: عادل خياري
Date: 04-25-2009, 09:32 PM
Parent: #65

هم السدوه شويه
ربنا يفتح كل المسدود

Post: #69
Title: Re: وطن السدود .. نفديك بالأرواح .. و ظووووووووط
Author: كمال سالم
Date: 04-25-2009, 10:16 PM
Parent: #67

Quote: خشمي ما بسدو .. إتّو قامت عليكم حكاية السد دي ولّلا شنو ؟ دايرين تسدوها فوق تحت ؟

منعول أبوه السد ألعايز يقفل كل المنافذ!!
وحتسكتوا على ( السديد ) ده ياعماد ؟
يسدوها تحت مامشكله
يسدوها بالجنبه ما مشكله
يسدوها بالإضنين برضو ما مشكله
لكن يسدوها فوق دى المشكله
يعنى ما ( نشيش ) ؟

Post: #70
Title: Re: وطن السدود .. نفديك بالأرواح .. و ظووووووووط
Author: haroon diyab
Date: 04-26-2009, 06:02 AM
Parent: #69

عمده ياقربي
والله خربت طبع البنية.....!!!
طول النهار ماشة وتغني
وطن الجدود نفديك بالارواح وطوووووووووووووط
حتي النقطة شالته....!!!

Post: #71
Title: Re: وطن السدود .. نفديك بالأرواح .. و ظووووووووط
Author: abuguta
Date: 04-26-2009, 06:47 AM
Parent: #70

Quote: وطن الجدود نفديك بالارواح وطوووووووووووووط
حتي النقطة شالته....!!!

[green]
هارون دياب ,,الصغيرات مشكلة
اسى انا بنتى شابكة فى بابا تلفون ومين كدا جاب قون
طبعا عمدة ما بزعل لانه هلالابى جناح النقر,,,

نجى ل ظوووووووووط
ومن بعدو شلوووووووت
طين البيوت
ولحم العتود
متى الناس تجوط
حكام قلوط ( شدد ياعمدة شدد)
عاملين شفوت
نارهم ما بتموت
قصورهم عوالى
ستايرهم خيوط

بالله كيف بحرى, وناس بحرى, انا بموت فى بحرى
والنقل النهرى,,قوارب تجرى,,فى عهدنا البكرى
زمان الفكرى,,ابوداود والوترى,,اصوات القمرى
عقرب والدافورى,,سعد قشرة وكافورى,,
العذبة هواها عذرى,,حلة كوكو مع الفجرى
البنان تقرى,,دار السلام والمجرى,,مايقوما المترى
ود دهاشة والذكرى,,كرتونا يا عصرى,,,
وسوق ستة البدرى,,,اى حاجة بستة,,يارب دلالية الولد فى السعودية
تشيل كل الطبلية وما تفضل شوية ,,وب ستة كل حاجة ب ستة
واسى كل حاجة ب زوووووووط

دحين الكلام دا كله قبل الانقاذ بشوية
لكن مسعول من الخير ياعمدة انت الوداع شنو لبلد الظووووظ
عرس بنوت ولا سقف بيوت,,

تسلم

Post: #76
Title: Re: وطن السدود .. نفديك بالأرواح .. و ظووووووووط
Author: محجوب البيلي
Date: 04-26-2009, 08:06 AM
Parent: #71

Quote: الترمة .

أفتِن؟
أفتِن؟
.........
بركوتة ...
كون تحشم الله يعطيك الوجع
--------------------
عماد عبد الله ... سلامات

Post: #73
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-26-2009, 07:19 AM
Parent: #69

Quote: لكن يسدوها فوق دى المشكله
يعنى ما ( نشيش ) ؟
مخير الله ..
هي الشيشة خلاص بقت فوق يا كمال ؟؟؟

Post: #72
Title: Re: وطن السدود .. نفديك بالأرواح .. و ظووووووووط
Author: عماد محمود علي
Date: 04-26-2009, 07:13 AM
Parent: #63

Quote: شئ سخينة وشئ سلطة اسود

وشئ عمل أســـود ....

عمدة العربية كانت مكيفة ؟

Post: #74
Title: Re: وطن السدود .. نفديك بالأرواح .. و ظووووووووط
Author: Hala Hassan
Date: 04-26-2009, 07:53 AM
Parent: #72

يا عماد عبدالله،

Quote: الأسكلوب بانيه مالو ؟ و حساء الماشروم بأكباد الدجاج مالو ؟ و شريحة فخذ الضأن بصلصة خليط الخضار بالدرّاق البري مالها ؟
و التحلية قطعة بلاك فوريست مع شريحة الأناناس المدخّن .

حسه ما كان دفعت الألف أرحم؟؟؟؟؟

Post: #75
Title: Re: وطن السدود .. نفديك بالأرواح .. و ظووووووووط
Author: ناصر احمد الامين
Date: 04-26-2009, 07:56 AM
Parent: #72

ظوووووووط تفوت ولا حد يموت ... يا عمدة

والجاتك في ظوووووووتك سامحتك

Post: #77
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 08:20 AM
Parent: #75

لاحولاااااااااااااااااا
ده كلو يحصل ليك وانت لسه قاعد هناك ؟؟؟
قوم اتخارج سريع يا اصلي ، القصة بقت جد جد ، وجابت ليها ( ظططان ) ...
الناس ديل كعبين والله ..

___ ___

قلت ليك ، َنَعل (الجماعة) ما عندهم خبر ؟؟ (وش خبيث ، ونظرة جنباوي)

Post: #78
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 08:27 AM
Parent: #77

Quote: وجابت ليها ( ظططان )

يا صلاح ازيك ياخ وتوحشات بالجملة والاشواق صفاً صفاً
بعدين ياخ ظططان كيف يعني ؟

والله انت واخوك حتجيبوا للبورد دة السرطان عديل بي حركاتكم دي
عماد

عليك بالتبش !

Post: #79
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 10:02 AM
Parent: #78

والله مشتاقين يا (أبوخدرة) وسألت منك صاحبك أبو (ظوطة) ده ..

بس بي أمانة كده صاحبك ده حالتو إتأخرت خالص في السودان ..
تصدق (العضات) البيهاتي بيها في السودان ، والجلسات الكيف كيف دي ، الزول ده هنا كان بيطقطقها زي الما حصل شئ
يقوم يمشي وين ما عارف والناس تتلم وتنشد وتهلل و ( تظطظت) ؟؟ ده كلام ده ..

ونحن ننشد ونقول للعمدة ( بلادك حلوة أرجع ليها ،، ودار الظووووووط ما بترحم )

________________________________
Quote: عليك بالتبش !

قلت كدي ؟؟

Post: #80
Title: Re: وطن السدود .. نفديك بالأرواح .. و ظووووووووط
Author: طارق جبريل
Date: 04-26-2009, 10:33 AM
Parent: #79

الـظووووووووط يا عماد بتجيب الكترابة
هههههه

Post: #81
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 10:40 AM
Parent: #79

Quote: ونحن ننشد ونقول للعمدة ( بلادك حلوة أرجع ليها ،، ودار الظووووووط ما بترحم )

أبو الصلح
والله ضحكتني وخليتني أتم باقي الغنيوة بتاعت الخدرجية
أها هاك :

وطن السدود نعم الوطن
أنواروا كم كم يقطعن
هيا يا شباب هيا ياجنود
هيا أنشئوا هذي السدود

وتني وتني وتني

وطن الجدود نعم الوطن
أفلاموا كم يتدفقن
آن الاوان أن نمتحن
في سبيلو لا نطلب ثمن

ــــــــ

وقس علي ذلك مع الاتعذار بالتأكيد لشاعر الاغنية ولكورال خضرجية السوق المركزي
وكامل تضامني مع الصديق عماد

Post: #82
Title: Re: وطن السدود .. نفديك بالأرواح .. و ظووووووووط
Author: Samer Osman
Date: 04-26-2009, 11:25 AM
Parent: #81

من سامر حسن الى عموم بتاعين الطماطم:

تدقسوني ؟؟
تبيعوا لي كيلو الطماطم بي اربعةآلاف وهو بي ألفين؟؟

ألفيني ما عافيها ليكم تصرفوها في الحكما
ألفيني تبقى ليكم بالساحق والماحق والبلا

.
.
.
ظووووط ظوووط سودانا ظوووووووط

Post: #83
Title: Re: وطن السدود .. نفديك بالأرواح .. و ظووووووووط
Author: Zomrawi Alweli
Date: 04-26-2009, 11:30 AM
Parent: #82

هنا كانت منطقة نوبية قبل الاغراق بالسدود

هذه الجملة ستكون ضمن جمل التحسر على ماض تولى
عام 2050

Post: #86
Title: Re: وطن السدود .. نفديك بالأرواح .. و ظووووووووط
Author: محمد الطيب حسن
Date: 04-26-2009, 12:16 PM
Parent: #83

الوريف عماد
يعني نتوقع الجمعه الجايه البوست حايكون بأسم

وطنا الباسمك يااااااااي اتدلعنا واتسحـسحنا

ده بعد ماتشتري من سوق الخرطوم 2

Post: #84
Title: Re: وطن السدود .. نفديك بالأرواح .. و ظووووووووط
Author: Yassir Tayfour
Date: 04-26-2009, 11:46 AM
Parent: #79

والله يا صلاح -ألأخ الأكبر لعمدتنا-
أنا ظوووتي مستغرب لي رجعة عُمدة لبلاد المظاظيت دي..
___
الظوطان ده سمِح إجازة، لكن ظوالي مااا حبابو..

Post: #85
Title: Re: وطن السدود .. نفديك بالأرواح .. و ظووووووووط
Author: Medhat Osman
Date: 04-26-2009, 11:59 AM
Parent: #84

كفاية سدود وظووووووووووووووط
انتو بتعملوا في حركاتكم دي الخوجات عاوزين يستفيدو من سخانتكم ويجرو كهرباعشان يشغولوا الدفايات.
اصحوا يا ناس بلا سدود بلي زفت معاكم.
شكرا لصاحب البوست.
وتحياتي

Post: #87
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 12:25 PM
Parent: #84

ياسر إزيّك ..

تعرف الايام دي شغلي خفييييف ، أداني فرقة أهبش هنا ، والحمد لله لقينا العمدة بي ( ظيطتو وظمبليتو ) وقلنا نستغل الظرف وكده.
Quote: والله يا صلاح -ألأخ الأكبر لعمدتنا-

صاحبك العمدة ده بيكون قاعد وبيتاوق من بره بره
أها كلامك الفوق ده بيكون ريحو راحة السنين ، وبيجيك نابل هسسسسسسي دي..

أكبر منو؟؟؟ والله من نضاراتك الكبار ديل عرفت نظرك جالي..

Post: #88
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 12:30 PM
Parent: #87

Quote: أكبر منو؟؟؟ والله من نضاراتك الكبار ديل عرفت نظرك جالي..

والله ياصلاح الزول دة لو بعد الصلعة ونضاراتك الكبار ديل والمايك القدامك طلع أكبر
منك تكون حواء والدة فعلاً !

ـــــــــــــ

كدي اتشاورا انت واخوك وادونا النجيضة

Post: #89
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 12:35 PM
Parent: #88

بالرغم من انو قصة اللواءات دي بتزيد كومك ياصلاح

ــــــ
هو زاتو بالغ في زول بخش كلية الشرطة من الزمن داك
قال الدفعة خمسة واربعين قال

ديل مسؤل من الخير قيل والعهدة للراوي كانوا بسموهم قوة دفاع السودان

زمن البوليس ابو ردا

Post: #90
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-26-2009, 12:36 PM
Parent: #88

Quote: صاحبك العمدة ده بيكون قاعد وبيتاوق من بره بره
الليلة الدّق ..

.....
بس أفضي ليكم يا فارات .

Post: #91
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 12:42 PM
Parent: #90

Quote: بس أفضي ليكم يا فارات .

قوم لف كدة ولا كدة
انت لو قادر تفضي افضي للخدرجية بتوعين السوق المركزي !
قلت لي كيلو الطماطم عامل كام ؟

Post: #92
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-26-2009, 12:48 PM
Parent: #91

Quote: بتوعين
بتوعين ؟؟؟؟
بتوعين دي شنو كمان يا " خدوري " ؟
شد حيلك يا ود بلاش بتوعين بلاش كلام فارغ معاك ..
قول بتاعين .. بتاعييييييييين ..

.....
تقول بتوعين دي هناك ...
طوالي .. ظوووووووووط

Post: #94
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 12:59 PM
Parent: #92

Quote: بتوعين دي شنو كمان يا " خدوري " ؟
شد حيلك يا ود بلاش بتوعين بلاش كلام فارغ معاك ..
قول بتاعين .. بتاعييييييييين

بتااعين وين ياخ
مع المظوطة الحاصلة دي
آخر عمرك طلعت بتاع بتاعات كمان

ــــــــــــــ

داري علي شمعتك تقيد !

Post: #93
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 12:50 PM
Parent: #91

Quote: والله ياصلاح الزول دة لو بعد الصلعة ونضاراتك الكبار ديل والمايك القدامك طلع أكبر
منك تكون حواء والدة فعلاً !

مش الصورة دي ؟ أها شلناها
والله هو اللصقها هنا ، ما أنا ..
وأنا اقول ليه كان مُصِر عليها .. أتاريه .. أيوااااااا.

Post: #95
Title: Re: وطن السدود .. نفديك بالأرواح .. و ظووووووووط
Author: خضر حسين خليل
Date: 04-26-2009, 01:01 PM
Parent: #93

Quote: مش الصورة دي ؟ أها شلناها

صلاح أناإقتنعت انو عماد دة بكون بالميت كدة أكبر منك
بي كم تاشر كدة !

انت مفروض تشيل النضارة يا صلاح
الصورة خليها
عالجها فتوشوب ولا بأي نصيبة تانية !

Post: #96
Title: Re: وطن السدود .. نفديك بالأرواح .. و ظووووووووط
Author: محمد عبد الماجد الصايم
Date: 04-26-2009, 01:05 PM
Parent: #95

Quote: تقول بتوعين دي هناك ...
طوالي .. ظوووووووووط

وتاني

Post: #97
Title: Re: وطن السدود .. نفديك بالأرواح .. و ظووووووووط
Author: أيمن الطيب
Date: 04-26-2009, 01:24 PM
Parent: #96

..............................................

ولا تنسى سيرة إخوتنا الشماسة اصلهم باقى بحبو الحفلات جدااااااااااااااااااااااا,,

سلامات يا عمدة,,,

لا ظوط تعلو فوق ظوووووط المظوطة,,,

لا تعليق,,

Post: #98
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 04:51 PM
Parent: #97

Quote: قول بتاعين .. بتاعييييييييين

(( كيلو أليل لحمة ))
هاااااااااااااااي

Post: #99
Title: Re: وطن السدود .. نفديك بالأرواح .. و ظووووووووط
Author: Siham Elmugammar
Date: 04-26-2009, 05:19 PM
Parent: #98

يا عماد سلام
Quote: [سهام و راوية ..
سخينتكن بالله تحت أباطكن و أركبن الشارع .

والله والله والله ما طالبنى حليفه الليلة دى فطرت بيها
نحن ناس ماشين تحت الحيط
عشان كده ما فى زول بقدر يظوطنا
اها انا ركبت الشارع ما راوية خليتها هى و ضميرها

_____________________________
يزوطووووطكم تطردونا
بس الما بتقدر على مرة راجل تأدب حماتها
او كما قالن
ظوووووووووووط مرقنا

Post: #100
Title: Re: وطن السدود .. نفديك بالأرواح .. و ظووووووووط
Author: Sabri Elshareef
Date: 04-26-2009, 05:33 PM
Parent: #99

يا عمده

تحياتي

تعرف لي صاحب اسمو ود الناظر زول لذيذ حد الغلط

من 24 الصحافة كان عامل ليهو تربيزه خدار

ويغني خداري الب حالي ماهو داري

في احدي المرات مشينا نزور بت التوم في سوبا

وهو له بطاقة مكتوب فيها السوق المركزي

اظن غفير المستشفي بتاع سوبا بقراها

الامن المركزي وهو لابس جلابية بيضاء جميله وجادع شالو في كتفو

دخلنا كلنا المستشفي ببطاقة الخدار

لكن ما ليهو حق في الغلاط الحيكومة حيكومة الجبهة والدايرهو عملتو غصبا عننا

والخازوووق ركب فينا من الانقلاب

وناس نقد عايزين ان اللاجئين بتاعين اسرائيل يمرقوا منها لانهم ما ليهم حق

لطلب لجؤ في اسرائيل
وعايز عبد الواحد اتراجع عن صحبتو لاسرائيل

اظنو لو صاحب ايران نقد بيكون مبسوط

سيدنا الصادق ضارب شقتو بمدينة نصر جوار شارع عباس العقاد

حيث الراحة والاندياحة وان حبشيه جميله تقدم له خدماته التي يريدها

من اكل وشراب

اما سيدنا محمد عثمان فتعب من الحوامه والان زمن جرد حساب تعبو

الاخرين ممحنين جدا

Post: #101
Title: Re: وطن السدود .. نفديك بالأرواح .. و ظووووووووط
Author: محمد البشرى الخضر
Date: 04-26-2009, 05:50 PM
Parent: #100

ابوصلاح وينك ياخ مختفي
بأمانة كدا انا من جات سيرة عمك النذير و بطيخو نويت اتخارج من هنا
لكن قلنا النسلم عليك و نسألك مالك ابوي عامل مهم ومثقف وكد ولاّ شنو القصة؟

Post: #102
Title: Re: وطن السدود .. نفديك بالأرواح .. و ظووووووووط
Author: Salah Abdulla
Date: 04-26-2009, 06:24 PM
Parent: #101

تسأل منك العافية يا أبو حتوت
وكتر خيرك والله إنت الفيهم

علي الله الفترة الفاتت دي زنقة عدوك
الثقافة والأهمية دي ما بتخيل فينا ، نحن ناس فارات ساي
النشتكي ليك ما دام الله جابك ، ياخ صحبانك إتغابوا فيني العرفة ، تصدق ، عشان معاهم جكس ..
أنا أحنسهم وهم يقول البوست بقي بيت عزاّبة .. بالله الكلام ده صاح منهم ..

كمان جيت بي جاي لقيت صاحبي ده ناس السوق زافينو ، ودخلت في الزفة
باقي ناس عمك النزير ديل ناس صعبين وما بنقدر عليهم
يا خ ديل ما بيهزروا، وأسهل حاجة عندهم ( ظووووووط )
زي ديل الهزار معاهم خطر شوية ..

Post: #103
Title: Re: وطن السدود .. نفديك بالأرواح .. و ظووووووووط
Author: أبو ساندرا
Date: 04-27-2009, 08:54 AM
Parent: #102

Quote: أفتِن؟
أفتِن؟

لا
ياشيخ بيلو

Post: #104
Title: Re: وطن السدود .. نفديك بالأرواح .. و ظووووووووط
Author: أبو ساندرا
Date: 04-27-2009, 09:01 AM
Parent: #103

Quote: وجابت ليها ( ظططان ) ...

أضحكك الله
وفر أسنانك البرق

ظططان ، ظطظططت ،، إجتراحات زايطة يا ابوهن

Post: #105
Title: Re: وطن السدود .. نفديك بالأرواح .. و ظووووووووط
Author: أبو ساندرا
Date: 04-27-2009, 09:07 AM
Parent: #104

Quote: بس أفضي ليكم يا فارات .

قوم لف

انت قادر تتنفس ؟

يا ود الصايم و ود البشرى

واحد منكم ينزل لينا هنا حكاية الأسد
الماقادر يتلفت

من الطيب

سيخة

Post: #107
Title: Re: وطن السدود .. نفديك بالأرواح .. و ظووووووووط
Author: محمد الجزولي
Date: 04-27-2009, 09:22 AM
Parent: #105

Quote: زوووووط
و ب بطيخة ؟

اوعك تكون كاملة وكبيرة ومدردمة

ما أضيق العبارة

ما أوسع

الخال ابو ساندرا

شايف صحبك فات في قولك الفوق ده (ظوووووووووط) ..

ـــــــ

جبناهو للتذكير والصفحات توالت .. يعني مامقصود شئ ..

Post: #106
Title: Re: وطن السدود .. نفديك بالأرواح .. و ظووووووووط
Author: قلقو
Date: 04-27-2009, 09:19 AM
Parent: #100

الأخ عمدة..
انتو بس فلوحيتكم دى بس تعملوها على الخدرجية والجزارين وناسى لى ناس اسامة ومكاوى,يعنى عينك فى الفيل وتطعن فى ضلو؟
وبعدين عليك الله خلقتك دى خلقة حساء مشروم بأكباد الدجاج ؟(مشروم دى نحن بنسميها اسم كدة مالطيف وخليها بينى وبينك).
سمعت بالكجيك والكول ياعمدة؟
انصحك بيهم وقرط على كدة.
مع تحياتى .

Post: #108
Title: Re: وطن السدود .. نفديك بالأرواح .. و ظووووووووط
Author: ادريس خليفة علم الهدي
Date: 04-27-2009, 08:47 PM
Parent: #106

زوووووط يا رشاشات

Post: #109
Title: Re: وطن السدود .. نفديك بالأرواح .. و ظووووووووط
Author: أيمن الطيب
Date: 04-27-2009, 09:15 PM
Parent: #108

يا قلقو سلامات,,
Quote: (مشروم دى نحن بنسميها اسم كدة مالطيف وخليها بينى وبينك).
ياخ قول وليك الأمان,,
خلى الأجيال الجديدة تتعلم فى ناس لا سمعوبو لا شافو أخونا السغير ود الواطة ده,,,

بعدين أول ما تلقى ابوساندرا دا تعرف البوست مرفوع عنو القلم وإتفسح وقول (اللى)ف نفسك يا حبيب,,

هو بعد الزوووووووووط دى تانى فى كلام,,,

تحياتى لك ولهم,,

Post: #110
Title: Re: وطن السدود .. نفديك بالأرواح .. و ظووووووووط
Author: محمد عبد الماجد الصايم
Date: 04-28-2009, 09:11 AM
Parent: #109

Quote: يا ود الصايم و ود البشرى

واحد منكم ينزل لينا هنا حكاية الأسد
الماقادر يتلفت

أبو ساندرا يا عمكـ
أوووع تقول لي الأسد العاملين العاملين ليهو
سميفونية الخدرجية دي؟

ياخ دي حقت ود البشرى!

Post: #111
Title: Re: وطن السدود .. نفديك بالأرواح .. و ظووووووووط
Author: Yassir Bainwi
Date: 04-28-2009, 09:50 AM
Parent: #110

ظااااااااااااااااااااااطت ولما استحمكت حلقاتها

Post: #113
Title: Re: وطن السدود .. نفديك بالأرواح .. و ظووووووووط
Author: محمد عبد الماجد الصايم
Date: 04-28-2009, 10:22 AM
Parent: #111

Quote: ظااااااااااااااااااااااطت ولما استحمكت حلقاتها

ظااطت ظياطة!

Post: #112
Title: Re: وطن السدود .. نفديك بالأرواح .. و ظووووووووط
Author: معتصم مكاوي
Date: 04-28-2009, 10:08 AM
Parent: #1

هي يا عمااااااد ..
بالجد شغل مدهش ينم عن عبقرية
بناء مسرحي أخاذ ..
بالله تمها خليها شغل كامل
وأنا واثق أنك أدها وأدود ..

Post: #114
Title: Re: وطن السدود .. نفديك بالأرواح .. و ظووووووووط
Author: Yassir Bainwi
Date: 04-28-2009, 03:44 PM
Parent: #112

ظوطاااااااااااااني الماها عاجباني سدودو ظوطاااااااااااااااني

غايتو اول مرة اشوف لي سد يحبس الكهرباء ويولد الموية

( وجه مطير عويناتو )

Post: #115
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 04-28-2009, 03:56 PM
Parent: #114

خلاص .. قلبتوها مظوَطَة !!

....
أها .. خليتها ليكم .

Post: #116
Title: Re: وطن السدود .. نفديك بالأرواح .. و ظووووووووط
Author: Emad Abdulla
Date: 06-19-2009, 09:19 PM
Parent: #115

أهو .. من اتنين جنيه بقى بـ 14 جنيه ..
و ملاسي أخد الظووووووووووووووط الصاح .

Post: #117
Title: Re: وطن السدود .. نفديك بالأرواح .. و ظووووووووط
Author: خدر
Date: 06-20-2009, 10:08 AM
Parent: #116

thanx god,
ramadan is next month and this post is gonna in
a few days to bakry archive so we can fast safely

ZOOOOOOOO6