وصلت الخرطوم المغنية البديعة نانسي ، شارعة في عدد من الأنشطة من بينها إحياء حفل رأس السنة بالنادي الدبلوماسي والبدء في الإعداد لألبومها الثاني الذي يتضمن مجموعة من الأغنيات من بينها أغنية من كلمات الشاعر والقاص يحيي فضل الله ..
أتمنى لنانسي إقامة طيبة وموفقة ، فهي فنانة تتعامل بإحترام مع عالمها ولها شخصية مميزة في الأداء .
Post: #2 Title: Re: نانسي ! Author: ثابت محمد Date: 12-30-2007, 02:37 AM Parent: #1
أسجل حضوري ... أو ... قل ... سعدي, بك ونناسي وكل إحتمالات الفرح المؤجل, والذي تكفينا منه { العينة } وربماوات الجلاء النفسي والعبور إلى ضفة أخرى من من تواقيتنا الجهيضة.
... ومحبتي
... طلال
Post: #6 Title: Re: نانسي ! Author: محمد سنى دفع الله Date: 12-30-2007, 06:22 AM Parent: #5
انت عارف ياطلال مرات ولا مافي داعي
عارف يا طلال يا جماعة مالي بفيت في حالة تانية كده سيبك من الحالة النحن فيها ودور لينا البروفة وربنا اسامحك في الصور
Post: #7 Title: Re: نانسي ! Author: صلاح شعيب Date: 12-30-2007, 06:28 AM Parent: #6
شكرا يا طلال والرجاء أن تبلغ سلامي للاخت نانسي التي فاجأتني بإحتراف الغناء كما تحياتي لصديقنا بدرالين الذي اتصلت به في هولندا وعرفت بوصوله إلي الخرطوم.
إحنا أكيد إتلاقينا يا بيكو ، لكن بس لو تديني أماره ! (شكلك كده جبهة ديمقراطية ، إتحاد شباب ، مدرسة الكادر .. ولا شنو ؟)
لك التحايا يا عزيزي والشكر..
Post: #9 Title: Re: نانسي ! Author: فيصل نوبي Date: 12-30-2007, 07:48 AM Parent: #1
بت عجاج الانسانة الرائعة دي واحدة من قلائل يجبروني علي الخروج من قوقعتي .. بتخلي دموعكـ تجري .. و تخلي البسمة تطفو .. و الرعشة تسري في الجسد النحيل .. بإختصار بتجبر حواسكـ تعمل حاجات دون إستئذانكـ .. حفظها الله ...
طلال كل صوركـ كوم .. و صوركـ لنانسي دي كوم تاني .. بالله ما تدينا بالقطارة .. و أبهل القصة شوية إن أمكن و نستميحكـ عذراً في السماح لشخصنا الضعيف في نقلها مع حفظ حقوقكـ.
هلا نانسى عجاج مع التمنيات باقامة طيبة فى الوطن بس المشكلة يا طلال حفل راس السنة بالنادى الدبلوماسى مناط به طبقة معينة اتمنى ان تقيم حفل يستطيع الكثيرون حضوره تحياتى
طلال !! والله نانسى دى نفسى اشوفها واسمعها وبالمره نشوفك ياخ (وجه ما بشبه بتاع نانسى ) رغم انو راس السنه دا عندنا عرس ما فيهو طريقة زوغة !! كلمنا بشروط حضور الحفل دا هنا،،،، وبسرعة ! مايكون فيهم ،، على ان لاتكون قد ارتكبت حماقة من قبل *
نوبى يا عمكــ
Quote: بإختصار بتجبر حواسكـ تعمل حاجات دون إستئذانكـ ..
ذى شنو كدا ؟؟؟؟ قول .. قول ( وجه مغطى باليدين الاتنين) هسه ذى دا ما اخير منو القوقعه ؟؟؟؟
دينا العزيزة .. دايماً متلوم معاكي وما برد والبوست بيروح فيها ! غايتو إنتي دمك خفيف شديد ..
المهم ، حفلة نانسي بكره في النادي الدبلوماسي المطل على شارع المطار ؛ ما في شروط دخول غير شراء التذكرة ، وبتلقيها متوفرة في النادي .. لو جيتي هتكون حاجة ظريفة ، ولو ما قدرتي في الأيام الجاية بيكون في أنشطة لنانسي ..
في إنتظارك
Post: #35 Title: Re: نانسي ! Author: فيصل نوبي Date: 12-31-2007, 06:35 AM Parent: #29
قيل (كترة الطلة بتمسخ خلق الله) لكن مع نانسي دي لازم نبقي مساخ ..
طلال لكـ كل الشكر .. بكل تأكيد المصدر محفوظ و إسمكـ يزيل الصور. بس إنت خليكـ كريم معانا.. و إيميلي في البروفايل*.
دينا
Quote: ذى شنو كدا ؟؟؟؟ قول .. قول ( وجه مغطى باليدين الاتنين) هسه ذى دا ما اخير منو القوقعه ؟؟؟؟
ياخ في حاجات ما بتِنقّال بتتحس بس ... ولا مو هيكـ __ *" دينا ما تتعولقي بخصوص الايميل "
يا سلام يا طلال نانسي كانت هنا في إستوكهولم و بالتحديد يوم 15 الفات بالجد الحفل كان أجمل عيدية واكبت جميع المناسبات كريسماس - عيد الأضحية - الإستقلال جعلتنا نتعرف عليها من قرب و كان تجمع الكثير من السودانيين هو اللافت شكرا نانسي ..... شكرا طلال......
Post: #28 Title: Re: نانسي ! Author: فيصل محمد رشوان Date: 12-30-2007, 10:02 PM Parent: #27
نان سي
نان خليتي شنو للباقين
طلال شكرا كثير
Post: #30 Title: Re: نانسي ! Author: نادية عثمان Date: 12-31-2007, 00:13 AM Parent: #28
طلال ياصديقي
دوما بلقاك جاي ومعاك الفرح في اي مكان (ترك) فيهو يانورس انت
عاين
قول لننوسة نادية قالت ليك طالعي الحوار في مجلة حضارة السودان العدد الفات ..
وقول ليها قالت ليك
عليييييييك الله البسي الفستان الأزرق في واحدة من حفلاتك دي ..وكمان قول ليها نادية قالت ليك ياريتها كانت في الخرطوم كنا مشينا السوق سوة زي في القاهرة !!
وقول ليها
نادية قالت ليك انتي فنانة حلووووووة شديد وهي بتحبك جدا سمح؟
شكراً يا غباشي .. وأتمنى أيامكم تكون كلها أفراح ..
لك تحياتي يا صديقي
Post: #31 Title: Re: نانسي ! Author: تاج السر حسن Date: 12-31-2007, 02:13 AM Parent: #1
كتبت ناديه
Quote: عليييييييك الله البسي الفستان الأزرق في واحدة من حفلاتك دي
أبشرى .. ظهر الحق .. فاضل ود عمتك !! غنت (نانسى) فى القاهرة:-
Quote: يا مسافر وناسى هواك
فردد الجميع خلفها:- يا (مسافر ونانسى هواك .. ارواحنا وقلوبنا معاك).
Post: #32 Title: Re: نانسي ! Author: ثابت محمد Date: 12-31-2007, 02:35 AM Parent: #1
طلاااااال مساك زي صوت البت دي .. قول آمين يا طلال أخوك زائر فجر .. عشان البت دي من الملايكة عليك الله أسمع يا طلال .. أسمع وإنت مغمض عندها حاجة حقتها براها ( فواصل كده ) ( أآآآأ ) بتلقاها بعد كل مقطع في كوبلي أسمعها بعد الكلمات ديل ( وجّن .. سجّن .. ) دي أنا متاكد مش بفمها .. ديل بتغنيهم بروحها بعد داك بجيك الموت الأحمر بتاع ( ده دلاااااااااااااااااااليييك ) أفففففف بس يالطيف .. الزول محل يودي روحو تغلبو .. من المتعة
والله العظيم يا طلال .. وماك طالبني حليفة الـ نانسي دي لمن أسمع منها في الضواحي أو فلق الصباح أو ولى المساء بحقّب يديني بوراي وأضرع الغرفة ماشي وجاي بحس بي روحي خفيييييييف .. آآي والله بعدين مع المشية والجية .. حاسر الراس .. مرة أبكي ومرة أضحك ويمين بالله البكاء والضحك يا طلال ماليهم علاقة بشيء شخصي كلو من صوت نانسي وحلاوتو وتغلغلو جوووة عارف لما أشوف فديو .. كنت قاعد أتابع حركة إيديها والله كنت بحس إنو الشغل كلو في صوابعها تباريهن تدخل الجنة تووووش .. بتناولك بيهن غناها كلو
لكن لقيت روحي غلطان تصدق ؟؟ نانسي دي لو تابعتها كويس أي حاجة فيها بتغني معاها .. العيون .. الفم .. إيقاع الجسم .. المرجحة .. حتى الملابس غايتو أنا ما عارف .. لكن لو في ناس خلقوها للغناء .. نانسي دي أول واحدة إتخلقت
ياخ دي .. نااانسي دي .. نانسي عجاج دي الحمد لله بس .. ربنا يحفظها
Post: #34 Title: Re: نانسي ! Author: Osman Musa Date: 12-31-2007, 04:26 AM Parent: #33
سلامات يا طلال انت مصور عالمى محترف بالجد تستحق تكون معروف على نطاق كبير والله ده شفل مو ساهل وداير كلام كتير بلحيل يا طلال . ___ اها ألنجيك لى نانسي دى نانسى ترعرعت فى بيت فن ( بيت عجاج الكبير ) شافت الاكورديون فى راس الدولاب . والنوتات والكتاب . وتعلمت المطلوب والمحبوب بذكا شديد تعلمت كيف تلبس تعلمت كيف تاكل تعلمت كيف تشرب شافت كيف يغنى العالم فعرفت كيف تغنى للعالم __ يازول دى بتعوضكم العيد الراح فى النزفيه والله بختكم.
Post: #36 Title: Re: نانسي ! Author: الخير محمد عوض Date: 12-31-2007, 06:47 AM Parent: #34
زمااااان لما السكر اتعدم ،الناس كانوا بشربوا الشاي بالبلح تشرب بقة شاي، ما تقدر تقرم البلحة..تقرم البلحة الشاي يبقى ليك قاسي اها يا طلال نانسي دي يشوفوها وللا يسمعوها... القصة دايرة زول حريف غايتو انسانية مرضية حد الترف للعين والسمع علي السواء.
Quote: لكن لمن نجى فى حتة الصوت والنفس و المسافات الممكن تقطها بإرتياح أقول ليك انها عادية جدا ومعليش على الصراحة الفادحة دى لكن بكل أمانة امانياتها عادية جدا
والله يا ود العجمي يا خوي انا موضوع المسافات والنفس ديل ما بقدر أنظر فيهم بشكل علمي ، لكن لو إتفقت معاك في كلامك البيقنع الديك وناس ثابت منو ؟؟ نوع الناس بيقول ليك صوت سماوي ، والبيقول ليك علاج للغدة ! الفن ده تذوق على ما اعتقد ، والكلام الباقي كلو محترم ، لكن بيفضل مجرد كلام محترم ..
على العموم صوت نانسي من الأصوات العرفت تثير جدل .. وهو صوت لغاية اللحظة دي قادر يستقطب جمهور من فئات مختلفة .. أكيد هو صوت ما فاخر .. لكن عنده طريقته البيستلطف بيها أفئدة البعض .. وأكيد إنو صوت مختلف ..
كل سنه وإنت طيب يا ود العجمي
Post: #45 Title: Re: نانسي ! Author: ثابت محمد Date: 12-31-2007, 03:36 PM Parent: #1
طلاااااااااااااااال مساء الجمال .. ومساء نانسي عجاج كل سنة وأنت وكل من يعز عليك قد بلغتم ما تشتهون
علييك الله يا طلااال تقول لي نانسي في زول غناك ببقالو روووح .. وسلم عليها شديد سلام من سوداني بعتز بأخت سودانية وقول ليها .. واااااااصلي خليك نسمة كده على طول وقدر ما تسعفك اللغة والإحساس إتمنى ليها التوفيق نيابة عني
طبعاً أكيييييييييييد منتظرين أخبار الحفلة واخبار الجديد الذي تنوي نانسي تسجيله واي اخبار جميلة عن نانسي بتخلينا نحس أننا بخير حفظها الله وسدد خطاها حفظك الله وسدد خطاك حفظنا الله جميعاً وسدد خطانا
تعرف يا طلال عفيفي انا زمان ما كان عضوية في المنبر دا و كنتا متابع جيد من الخارج و من متابعاتى البرانية انا بقت مكسر في بوستاتك البديعة و المزدانة بصور فنان بارع
بس البوست دا حيرنى!! و الله معرفتا اتكسر وين و لا وين
Quote: والله يا ود العجمي يا خوي انا موضوع المسافات والنفس ديل ما بقدر أنظر فيهم بشكل علمي ، لكن لو إتفقت معاك في كلامك البيقنع الديك وناس ثابت منو ؟؟ نوع الناس بيقول ليك صوت سماوي ، والبيقول ليك علاج للغدة ! الفن ده تذوق على ما اعتقد ، والكلام الباقي كلو محترم ، لكن بيفضل مجرد كلام محترم ..
العزيز طلال
أهو أنت لخصت الحكاية . لكن الشىء البيحير إنه فى شبه اجماع على قوة امكانياتها وأظن أنه أمكانياتها دى داخله فيها حكاية الصوت والصورة والطلة وإحساسك بأنها بت أختك ولا بت جيرانكم الكبرت وانت برة البلد . المهم يا سيدى هى مألوفة جدا . وبرضو ارجع وأكرر كلامك بأنه كلامى دا ممكن يكون نابع من حتة لسع ما وصلتها فى صوت نانسى
Quote:
فى حاجة موكرة جوة شديد فى مكان عجيب البقدر يلمسها زى نانسى دى خلاص يكون الكلام كمل
عمر ادريس ياخينا سلامات
الحاجة الموكرة دى لو البنية دى قدرت تلمسها والله ليها البراوة . لكن برضو يا عمر نتفق على انو الموكر دا داير معطيات كثيرة عشان تتفك طلاسمو
سلامات تاني يا ود العجمي ، وكمان تاني كل سنه وإنت طيب .
Quote: نتفق على انو الموكر دا داير معطيات كثيرة عشان تتفك طلاسمو
كلامك ده سليم ، ويا ريت نانسي تطلع عليهو ، وتفهم معانيو . هي محتاجة تغوص أكتر في روحا ، وتكون شجاعة أكتر في إنها تنقل لينا وللناس (ولنفسها) عما يعتمل فيها ؛ أنا مثلاً ، كإنسان ، محتاج لتعبير يشبه روح العصر ، بموسيقاه ، وكلماته .. يعني أنا سعيد كوني بتعرف من خلال نانسي على الأغاني السودانية التليدة ، وسيد خليفة ، والكاشف ، والمعماري الكبير عثمان حسين ، بكل هذا الأداء الروحي البتقوم بيهو نانسي ؛
لكني كمان عشمان في تجربة موسيقية متكاملة ، فيها روح العالم ، وفيها تضافر تجارب من هنا وهناك ..
ما بتمنى إنو نانسي تفضل تراهن على كونها أفضل الموجودين ، بل أرنو لأن تفتح باباً جديداً في المذهب الموسيقي .. وده ممكن .
انا مستمتع بما تقدمه الآن ، وصابر على عشمي ، لأني عارفو ممكن يتحقق ..
سلامات يا رجاء وإنتي بتجوبي في أنحاء الأرض في متعةٍِ أحسدك عليها يا بنت الأكرمين ..
كل سنة وإنتي طيبه ..
Post: #64 Title: Re: نانسي ! Author: Abubakr Osman Date: 01-03-2008, 07:11 AM Parent: #1
تسلم يا طلال الصوت الحنون والدفء و............... هو نانسى
Post: #65 Title: Re: نانسي ! Author: ثابت محمد Date: 01-03-2008, 07:35 AM Parent: #1
عن إذنك يا طلاال
يا أبو بكر ممكن ترفع الصورة دي بدل بروفايلك ؟ عشان البروفايل كبير جداً .. مع كامل محبتي وإحترامي
كامل المودة لك ولطلال عفيفي ونانسي عجاج
Post: #66 Title: Re: نانسي ! Author: Ahmed Mohammed Osman Date: 01-03-2008, 07:51 AM Parent: #1
طلال كل عام وانت بخير، وربنا يحقق امانيك كنت حضورا ليلة راس السنة حقيقة كانت ليلة متميزة في كل شي الحضور الفرق الكوميدية الفرقة الموسيقية ونانسي ثم انت لمحتك تتهادي في الممرات تبحث عن زاوية التقاط ما حبيت اشوش عليك اكيد ح نتلاقي في مقبل الايام بس ياريت لو تورينا الانشطة الجاية لنانسي ح تكون وين ومتين؟ ---- احيك واحساسك في التصوير
نانسي انشالله السنة دي ح تكون سنة سعيدة وراقية بقدر رقي الليلة
تاريخ التسجيل: 20-06-2004 مجموع المشاركات: 3036 نانسي !
Quote: وصلت الخرطوم المغنية البديعة نانسي ، شارعة في عدد من الأنشطة من بينها إحياء حفل رأس السنة بالنادي الدبلوماسي والبدء في الإعداد لألبومها الثاني الذي يتضمن مجموعة من الأغنيات من بينها أغنية من كلمات الشاعر والقاص يحيي فضل الله .. أتمنى لنانسي إقامة طيبة وموفقة ، فهي فنانة تتعامل بإحترام مع عالمها ولها شخصية مميزة في الأداء .
الشفيف طلال عفيفى تحياتى يا مبدع وكل عام وانت بخير فقط سؤال واحد : هل مصدر معلوماتك هى الفنانة نانسى ام مجرد تقرير صغته من عندك ؟ واتمنى ان يكون الحفل قد خرج بكامل بهائه ورونقه منتظر الاجابة مودتى ضياء ميرغنى
Post: #82 Title: Re: نانسي ! Author: Adil Osman Date: 01-04-2008, 09:06 PM Parent: #81
Post: #83 Title: Re: نانسي ! Author: نهلة عمر Date: 01-05-2008, 11:04 AM Parent: #1
حقيقة اول مرة ادخل فى البوست ده و اتفاجئت بكمية الجمال الفيهو
الواحد لمن ما عارف يقول شنو
شكرا طلال و الى الامام نانسى الرائعة المتألقة
Post: #84 Title: Re: نانسي ! Author: أحمد طه Date: 01-06-2008, 10:58 AM Parent: #1