الشاعر الفاضـلابي؛ خيزران الفـرنجـة.. ابــداآآع بلا حــدووود.

دق دق دقدقدق دقدقدقدق.. للسنة الجاية!

يقـارة ورشـايدة و.. و..

..

ملحوظة: ذلك فاضلابي آخر غير فاضلابي عضو سودانيزأونلاين..
مـا أجــملهم.. الإثنين.

عدلان.

طق طق طق طق طق طق طق.............. صفقة حاااااااارة

عدلان
لالا لا ................. كيكيف

الزول دة

كتاب سماحه صوت
وصاف رسوم حيه
ومهبوشة

الأعـزاء سـلوى والخـواض (الآخر)..

البياض ال رميتوه لينا مقدر، ومروركم جميل..
شُـفتو الزول ده مبدع ومبـدِّع.. كـكــيف؟

شحدتكم الله يالقراء والمستمعين.. زول يفيدنا عن الشاعر الفاضــلابي أكتر.

.

UP

بركبك بالحب ...بحر
...............

لي جنآ بركب الجن .البيركب . جنك

الزول ما اظنه يكون زول واحد

دا جن أحمر , صـهر كل الثقافات في نص مجنون

وقال كل الكلام من غير محادثات سلام او مؤتمرات



شكرا استاذنا ADLAN

عدلان أحمد عبدالعزيز


تحياتي


ارحموا من في الأرض

عايزين القصيدة دي مكتوبة لو سمحت عشان تسهل المتابعة

نهوية
قولي الكلام غلبك ساي

خيزران الفـرنجـة
الشاعر الفاضـلابي
اب تكوسها في مضهريها وفي ايونتاد
وتشقي منهان ..........
تحفر للنجمه جداول البردي شوارع
وهمكه الربالة
... عزموك دي الكلبة يردو التمارات في عروقنا
ينطوك العمر الشيبة ينطوك الطينه من البلدان
خدرها خدرها كيف الجابرة تلم...
والهم رهضولها عيلها ....
دقولك زرابا علي الوديان
وتكوسها كيف تكوس الصلحه
ودول عربان الزنين
فزعوك في ارض البقارة
ارضك تيمان
ارجل ارجل
ارجل اولد الما بخلطتن الحكامات
بالدم مردوم
سيفكو البوريب
مطيراتكو ترش
حيضك البتخرب النية
سيدك اب نيتة تامه
كاسيلك علينا تمانية قبل
*************************
دي البدايات والتمامه عليك ونضفي اضنيك

Elkhawad


سلام يا أخوي و الوعد بيناتنا

هي مكتوبة يا الله يا الله

عدلان عبد العزيز ...

يا صاحب سلام وشوق ...


ده محمد عبيد الفاضلابي ... معانا هنا ده في المنبر ده من سنة 2004
وهو عضو مجموعة الشعراء الجوالة ناس (عاصم الحزين وسامي عبد الرحمن والقدال
وقرنق توماس ).

... لا حووله ولا قوة ,, الاحلام
******
شي نعاينلو وشي إتوارالنا
شي نعاينلو وشي إتوارالنا
.........
......
....
..
.
!
دا كلام سمح شديد والله
سالي

نواصل يا الخواض :

وما عرفنا نشيف

بلدك كككيف.....

نار الواقود ...الداف والقيف

سحر الدباى المتطارف

مجموع الطين والموية

ومكان الزاد فى الصوت المتخالف

لامن يصلك سعدى

ولامن يملاك لود عينك وحدة يصلك ناقص

يصلك مو ضيف

بلدك كككيف

جهوية ام سام

ياعمة ريف ياالرومة عصر والدنيا ضلام

ياصومة ريق فى ريق

ياسرحة حس يتام فى ضيق

مالنا ومال العيبة

مالنا ومال اللبق المقشور

الحرز ان بات للسد.... مو سد لديمة

السد تكليف

بلدك كككيف؟

شبرية وزمة صقرية ونمة صنانها يهد الجابرة

وتحرق ... ماك مهموم

ياولد النحيب الحى لى وين

ويابت الغيوم الماطرة فوق الرى ....كككيف

ويادنيا بتقيفى معاى ...ولا أقيف معاك على...


...........................

نواصل...

ملحوظة يا الخواض :

اب تكوسها في مضهريها وفي ايونتاد

هى

ابتكوسها فى مضاريها وفى اويناتها(اى عويناتا)

خالص التحايا
الاستاذ
عدلان أحمد عبدالعزيز
وشكر ليك لفتح هذه الطاقه المفعمه بالضؤ..


وللفاضلابي..
ومنديـل

سلوي صيام
يديك الف عافية
عارفه السطر دي صلحته وكت الكتابه وعملتا تعديل عشانه
وبعد ده اباني عديل
تسلمي

عدلان

شكرا ً لهذا الشعر..
سمعته طازجا من صوت صاحبه في ود سلفاب في زيارتي الاخيرة للسودان, حين ذهبنا هناك للمشاركة في ليلة تذكيرا لمصطفي سيد أحمد وأذهلتني بمفردته الجميلة المختلفة تماما والاداء المسرحي الجميل الذي به يؤدي القصيدة..إنه ربما هو الشكل الجديد من " مسرحة القصيدة"..وبعد إنتهاء الليلة تعانقنا فوجدته شابا حييا ً متسودنا ً..
ما يفرح إنه إضافة لتجارب القدال وحميد.......وله خصوصيته التي ستجعل منه مبدعا ً ذا أسم كبير في القريب العاجل.

الأعـزاء محمد عبد الله شريف، noha_g، Elkhawad، Salwa Seyam ، معتز تروتسكى..

خالص التحايا.. يتجمل البوست بمروركم والحـب.

الأعـزاء سفيان بشير نابرى، وصلاح شعيب..
سلام ومحبة.. ياليت محمد عبيد الفاضلابي يلقى ليهو فَرقّـة يزورنا بي هنا لأنو "عبا فينا الحـب.. عِبيِّـاً مو ساهل" ونريد أن نركبه بالشكر.. شوفة!

العزيزة سالي (فو حمر)، تحية وتقدير..

تدهشينني يا بت أخوي.. وأكثر من ذلك تبثين في الطمأنينة.. حضرتِ يافعة لبلاد الفرنجة ومع ذلك تمتلكين ناصية اللغة وشيطان التعبير وكل يوم تثبتين أن أجمل الأطفال قادمين ساعة فساعة.. تزيدين من سيوف خطّـاب ومريم، الطوال.. طـولا..
بورك فيك.

لكم الرياحين..

عدلان.

استاذ عدلان
مسؤل من الخير
التسجيل العندك ده

بكري بس
ما في تني

ووين سيد الجبنة

الأخ الخـواض، تحيات زاكيات..

سِـيد الجَبَنة ده خبرو لقيناه عِـن سفيان بشير نابرى.. وبعدين صلاح شعيب..
أها الليلة فتشتَّ جاي وجاي، وبي هنا، وبي هُــنوك.. لقيت ليك خبرو مع عبير خيري في Re: بورداب الخرطوم هااااااااااااام وعااااااااااااجل .. وبيان رقم واااااااحد وكمان عندها رقم تلفونه.. ياريت واحد فيهم يتصل بيهو ويقولو ليهو ناسك منتظرين "التِـني"..

..

عدلان عبد العزيز ..

الصديق الذي اقراء له جل مشاركاته ..
تحية ليك ولضيوف بوستك ده ...

زول ده كلمتو ليك يجي من كم (طاشر يوم) الا لقيتو ليك كان ضارب
العالي (اديس الجميلة) واتحاوم فيها تمام التمام وحدثو عن انتظارك
ليهو عن (قفيك لا اترو) وكلمني انو نسي (الباص ويرد) حقو وغلبو يتزكرو
ليهو فترة طويلة .
المهم يا ود عبد العزيز هو بقريك السلام ولكل السالو عنو وقراء كلامك ده
وبسلم عليكم نفر نفر وقال الخطوة كان انعدلت تب جايكم ولا ندمان .

الدم لي الدم و القومة عصر



و الدنيا ضلام



+++++++++++++++++++++++++++++++

فوق ليك الناب تحت اللباد
تحت اللباد البوت

تحت اللباد و البوت الكاب


++++++++++++++++++++++++++++++


شي نعايلو و شي يتوارالنا




ما اجملك ما اجملك ما اجملك

لي السنة الجاية

با عدلان ..ويالخواض .. ويات من يفهم كثير في هادي الخرابة
ممكن تجيبوه لينا في صيغة نحفظوا بيها
مع الشكر المقدم
فيصل

http://www.sudaneseonline.com/uploadvideo/protected/Fadlabi.mp3

Save @ PC

الطندية
محكومه بالاعدام شنق
قاضيها من نسج الخيال
شنّاقه ................ من ناقه وحصان
الطندبه الموزونه من قوس الفنون
الشاتيه صيف
الناصحه فى دعو النبات
رمق التوافيد البحد رص الدفين المنطلق
هيكل زمام السر تحدثبو المعابد والعيون
شرفة تلاوين الرسوم
للموضه والغصن المحّسن والبكاء
ما فيشه فى سقف البيوت
تلقاها فى
سقف القصايد....طندبه
اشكالها فى يوم القصاص:
لون الرصاص ما....
ذى تلاوين السنابل
والحبل... مبروم من اليافها الغزيره
وجمله من ناسها بتنق
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
ود ال............
حنود
ما أظن مظالمنا بتفوت
عن كل عقلاً جّل فى التفكير يسوط
وما أظن بكاء البنّوت
بيجرح فينا احساساً يموت
اتندل الهم فى الهموم
واتبشكر الليل السموم
واتلفّح الشارع الوجوم
نّبه النباه وضوء
ضوءت الشمس الهجوم
اتفتّحن بيبان محاكم الطندبه
وخّشت الناس النقاش
حّضروا الورق البدين القصه والنهج الغريب
حضّرنا نحنا عصينا ياخ
قنالا : عيب
جهّزوا القاضى البرتب للقصاص
جهّزنا حالنا
وشلنا فى جوانا ساس
قنالا: يا ام المحاكم كضبى
وسيبى الاصول فى حالها
ما تهبشيلنا زول
الطندبه المتهمه بى عدم التكاثر والشتول
قطعت لسانها الاغنيات
والمحكمه
اتهزّت تحوم جوانا ما لقت الثبات
الطندبه الزهد المخّمر من رحاب النافله
لى ارث التعادى على المعادى المحزنه
ماسوس خفوت الجدعه
يتلقّف تفاهات الشهاوى الواهنه فى عصمت خراب
نفس المحاصيل التنيص
لى كشة الندى واليباس
شن دلّ ديل ؟ قصبونا لى دّق النحاس
بندق على عكس الكلام
واللحن ساعة يبقى خاص
الطندبه الموعوده بى دعوة خلاص
ميدان بنات الحله فركه
وقطعه قبلانه الدواس
بندوس تحت ما يدوسوا فوق
المحكمه المصنوعه طوق للعامه فرّتاكا الدباس
جّل الكضب نهج الكضب
شيخ منصر الراكوبه
طّق من الزعل
فى المحكمه
اتطاير ورق
كل المعانى السمحه والوسخانه..طق طق طق طق طق طقطق سريرك يابلد
خّلى السبق
خير الدراويش اليفيض
مكتوب زياده على الصفق
والباقى من سعر الذوات
قّلايه فى فصل المحاور والجنين
انسانى ما دّمع براو
وحيات غناك فنان مجّرتق بى غناو
قدّامى ذى خلّاك وراو
ما سكتين,,
1- سكة مراسل وانتفاض
2- وسكة محاسنا العراض
غشّاشه يا نسل الجراد
كل الوفود
الشارده من سخن النزيف
تلقانا كيف؟
ما نحل رباط المشنقه
وقلبت بقت غنّايه
غنّت لينا غنيات الفكاك المطلقه
الطير عقد عزمو ورفس
معنى المناصب
طلّقه.....
قلع الهدوم الخدره جدّعها فى المسيد
يا سيدنا هوى؟
يا حى وحى
يا حى وسيد
قنالوا جّدعها فى الجريد
قال لينا خلوها بتبيض
الطندبه الزرع الخصيب
بت موعد الشهر البصارع للوساع
غنية انابيب الشعاع
ارتاحى
حرّقنا المكان
كسّرنا فيو المطرقه
دلّينا من سدرك..... سوأل الازمه شقّنا المروق
وحلينا حبل المشنقه
دّلينا من سدرك سوأل الازمه
شققنا المروق
وحلّينا
حبل المشنقه
مع شديد احترامى لكم
محمد
عبيد
الفاضلابى
6-7- 2004م
مشاركه للمهندس .. عثمان في الارشيف

اهو يا عدلان قبضنا علي الراجل
وهسي بكتب ليك بالخبرية دي من حسابو عديل كده
يلا اخليكم معاهو تاخدو وتدو المهم هو كسلان ومهمل
وما قاعد يهتم بالحاجات دي كتير ...
عليك السلام وعلي كل الجمع الجميل ,,
-سفيان نابرى-


الاخ الفاضل الجميل /
عدلان عبد العزيز
تحياتي وسلامي

كل الاخوات/ة المتداخلون لكم جميل التقدير والاحترام

اسعتموني جداً بما تكرمتم به علي من اشادة وتقدير انا ممتن لكم احبائي
واهو خبريتكم دي رجعتنا نكتب في سودانيز ودي ماساهلة منكم
سفيان بشير كان ليو الفضل الكبير فى هذا التواصل جانى وكلمنى سفيان من اقرب الناس لى.... واقرب الى القلب... له جزيل الشكر... وهو رجل من الرجال البدعمونا فى البلد...
بس يا ود عدلان جبت الكلام ده من وين بالصوت ومسجل انا ذاتى ده ما عندى!!!
والعجيبة كمان يا ود عدلان الناس البتصلح وتغالط انو كدي ما كدي ديل !!!
شكيت محنكم تتغالطو وكلكم صااااح !!!
انا هسي حاسي اني عايز اتوهط في نصكم واي زول يحكي لي حكوتو واسمعه بدم روحي
ولو اي زول اتكرم علي ببوسه بدوب فيكم ...

احبكم
بسال من كل الاخوه/ات القديمين معان من بدايات البورد وسفيان هو الذكرنى الباص ويرد
عايز اعرف كل الاخبار عنهن/هم ابتداء من بكري ابو بكر لحدود بتوا منار الجديده
وانت يا بكرى انا مشتاق ليك جدا انا كنت بره البلد... اعفو لى الانقطاع
اخى الكبير الفنان حبيب الشعب \ صلاح شعيب اذيك وكيف مشيت بدون القاك... وسلوي والخواض ونهوية وعبير خيري ياسلام عليكم وعلي طيبكم وجمالكم ياسلام عليكم ياناس
وياعبير اضربي ياخ نسمع صوتك ...

ود عدلان التني راجيهو منك ومنهم ومنهن وانا زول سمع وبحب اعرف عن القصص والتاريخ والحكايات والمجتمع وبعد داك كان في نضم بينتم .

اقوليكم حاجة انا ولا قادر اقيف من الكتابة ليكم لكن اهو بديت الليلة معاكم وتاني ما اظن ترتاحوا ...
في كل منافي الله الواسعه كونوا بخير ...

ياااااااه ياسلام ..

سفان نابري ياخي انتا تستاهل .. كباية فهوة في كلية الزراعه شمبات

....

الفاضلابي ..

جايك راجع