Post: #4 Title: Re: خواجية على فوهة حفرة دخان سودانية ( فيديو ) ..!! Author: معتصم محمد عبدالرحمن Date: 04-21-2013, 11:33 AM Parent: #3
انت عارف الفيديو ده لو انتشر تانى الخشب ده يفتشوهو فتيش ما يلمو فيهووو ... وحا يبقى اغلى من البترول ... غايتووو مبدئيا كده الواحد يقوم يخزن ليهو كميه محترمة .. الخشبة بى دولار .... بس بينى وبينك الخواجيه دى خايل فيها الدخان ..
شكلو عندك لوارى بتاعه حطب واقفه يا مان ... ههههههههههه
Post: #5 Title: Re: خواجية على فوهة حفرة دخان سودانية ( فيديو ) ..!! Author: عمران حسن صالح Date: 04-21-2013, 11:50 AM Parent: #4
الترجمة مهمة جداً :) .. finishing touch :) .. سارة أبو : يقصِر الملح والله يا حكومة
Post: #9 Title: Re: خواجية على فوهة حفرة دخان سودانية ( فيديو ) ..!! Author: سيف اليزل سعد عمر Date: 04-21-2013, 12:08 PM Parent: #5
شكرًا يا عوض للمشاركة بتاعة الفيديو ده. حاولت اشرح الموضوع لبعض الأشخاص المهتمين بالصحة العامة فى بعض الدول الاوربيه وجمعت مادة كتيرة من النت لكن هذا الفيديو التوثيقي سوف يساعد كتير فى نشر جزء بسيط جدا من خبايا التراث السودانى
Quote: شكرًا يا عوض للمشاركة بتاعة الفيديو ده. حاولت اشرح الموضوع لبعض الأشخاص المهتمين بالصحة العامة فى بعض الدول الاوربيه وجمعت مادة كتيرة من النت لكن هذا الفيديو التوثيقي سوف يساعد كتير فى نشر جزء بسيط جدا من خبايا التراث السودانى
تسلم يا سيف والشكر لك في سعيك للتعريف بالتراث السوداني ..
Quote: غايتو الخواجات ديل تانى الواحد لوشافم شايلين الفرارات وداقشين الخلاء ماكضب. مرة سألت صديقى طبيب النساء والولاده هل للدخان تاثير على الجنين إذا استخدمته المراءه الحامل . قال لى والله دى ما درسونا ليها
Post: #8 Title: Re: خواجية على فوهة حفرة دخان سودانية ( فيديو ) ..!! Author: احمد سيد احمد Date: 04-21-2013, 12:08 PM Parent: #4
بمناسبة الطابق البوخة قاليك:
في جماعة سودانيين فى السعوديه ساكنين مع واحد سعودى فى نفس العمارة فــ بليل السعودى بجيهم بى مرتو بلعب مع السودانيين كشتينه ويشربوا شيشه ومرتو بتخش للنسوان جوه فطبعا نسوان السودانيين ادوها ليك بوخة كاربة ودلكه وجيهوها تب . اها بكره جاهم تانى كالعاده ومن دق الباب وفتحوليهو قال للسودانى بالله قول لهم يحطوا ام محمد ع المجمره - يقصد زوجتو يختوها ليهو ف الدخان - صحبك الظاهر الشغله عجبتو شديد
Quote: بمناسبة الطابق البوخة قاليك: في جماعة سودانيين فى السعوديه ساكنين مع واحد سعودى فى نفس العمارة فــ بليل السعودى بجيهم بى مرتو بلعب مع السودانيين كشتينه ويشربوا شيشه ومرتو بتخش للنسوان جوه فطبعا نسوان السودانيين ادوها ليك بوخة كاربة ودلكه وجيهوها تب . اها بكره جاهم تانى كالعاده ومن دق الباب وفتحوليهو قال للسودانى بالله قول لهم يحطوا ام محمد ع المجمره - يقصد زوجتو يختوها ليهو ف الدخان - صحبك الظاهر الشغله عجبتو شديد
بالطريقة دي جماعتك السودانيين ديل الا يشوفوا ليهم حته يرحلوا عليها ..
Quote: انت عارف الفيديو ده لو انتشر تانى الخشب ده يفتشوهو فتيش ما يلمو فيهووو ... وحا يبقى اغلى من البترول ... غايتووو مبدئيا كده الواحد يقوم يخزن ليهو كميه محترمة .. الخشبة بى دولار .... بس بينى وبينك الخواجيه دى خايل فيها الدخان .. شكلو عندك لوارى بتاعه حطب واقفه يا مان ... ههههههههههه
لو الخشب غلا البدايل موجودة ومعروفة .. ياخ سودانيين اوروبا وامريكا اكتشفوا اخطر بديل .. كدي قبل ما نوريك ليهو النسألك : متزوج ولا عازب .. ؟ لانو بصراحة كلام كبار كبار على العزاب ..
Quote: قبل كم سنه فكرت آعمل شركه في اميركا بتاعة دخان لكن خفت اجراس الحريقه تكورك هههه
مره انا وصاحبى ماشين فى ابوجنزير لفت نظرنا الزحمة فى حمامات ابوجنزير الله يكرمكم . والزول القاعد جنب الباب علبته مليااانه قروش. صاحبى قال لى والله ده استثمار ناجح جدا ليه الواحد ما يعمل ليهو حمامات ذى دى. مارديت عليهو . رجع بعد شوية قال لى لكن الناس يقولوا شنو يقولوا لم قرشو من (خراء+بول) الناس.
هسع يا موصلى إنت خفته من جرس الحريقه ولا من شيتاً تانى .
Quote: عوض شكيتك على الله دا جبتوا من وين وبالغت السودانية فى الكلام عن فوائد الدخان وانوا بضيق الفلم وهى ما ممتزوجة جابت الفهم دا من وين غايتوا مبالغة
مجرد تنقيب وبعبشة في دهاليز النت وحياتك .. معلومة التضييق دي الامة كلها عارفاها بتخيل لي .. ----------------------------- قال ليك الشافع جا جاري لي امو وهو ببكي .. صحي يا امي ابوي حيخلي البيت ويمشي .. ؟ الام : ايوه .. وصحي حيتزوج مره جديدة ويسيبنا برانا .. ؟ الام : ايوه.. ليه بس يا امي ابوي يسوي كده ..؟ الام : كايس للضيق تضيقبوا الواسعي ..
Post: #110 Title: Re: خواجية على فوهة حفرة دخان سودانية ( فيديو ) ..!! Author: مجاهد محمد الهادي Date: 04-24-2013, 09:44 AM Parent: #11
شكرا أخوي عوض على هذا الجمال وهذا الإرث الأصيل المتلازم لحريمنا ربات الصون
Quote: مره انا وصاحبى ماشين فى ابوجنزير لفت نظرنا الزحمة فى حمامات ابوجنزير الله يكرمكم . والزول القاعد جنب الباب علبته مليااانه قروش. صاحبى قال لى والله ده استثمار ناجح جدا ليه الواحد ما يعمل ليهو حمامات ذى دى. مارديت عليهو . رجع بعد شوية قال لى لكن الناس يقولوا شنو يقولوا لم قرشو من (خراء+بول) الناس.
هسع يا موصلى إنت خفته من جرس الحريقه ولا من شيتاً تانى .
بمناسبة الحمامات دي عندي صاحبي مصري .. يوم جاين شاقين السوق شاف حمامات ابو جنزير .. سألني عن لمة الناس شرحت ليهو الحاصل .. كان تعليقو : صراحة انتو اغرب شعب الواحد ياكل بفلوسو .. ولما يحب يطلع الاكلو برضو يطلعوا بفلوسو.. ؟؟
يا عوض ريحة الدخان مرقت من البوست وطقت في المنبر ولا عزاء للعزابة
دي الممثلة والكاتبة البريطانية الشهيرة جوانا لوملي Juanna Lumley والفيديو جزء من برنامج تلفزيوني طويل أنتجته لصالح تلفزيون البي بي سي وهو تتبع النيل من المصب في مصر وصعودا إلي منابعه في يوغندا وأثيوبيا مرورا بالسودان
وقامت قنوات أوربية كثيرة بإعادته وحقيقة لفت نظري للبرنامج عضو المنبر الصديق دكتور أيمن بشري وتابعت كل الحلقات
كان توثيق جميل وتعريف بجزء من ثقافة وعادات الناس علي طول مجري النيل بطريقة شيقة ونال السودان جزء كبير من البرنامج
ياريت يا عوض وقت عرفت درب الموضوع تجيب باقي البرنامج
Quote: والله الواحد كان انداح ليكم في البوست ده إلا تاجزوا غايتو الدخال من نعم الله الكبيرة جدا .. نحمده ونشكره عليها حمدا كثيرا ولا ننسى بنات عمه الدلة والخمرة .. وبقيت الطيبات ومن المستورد شكر خاص للصندلية ويا وضاحة .. الدخان بضيق الفلم بقرب يقفلو زاتو ..
الاندياح ما في ليهو داعي .. البوست اصلو مهدد بالتخوير .. فعلا دي نعمة من اختراع العقلية النسائية السودانية المبدعة .. موضوع التضييق والتقفيل ده قفل عليهو الله يرضى عليك ..
Quote: يا عوض ريحة الدخان مرقت من البوست وطقت في المنبر ولا عزاء للعزابة
دي الممثلة والكاتبة البريطانية الشهيرة جوانا لوملي Juanna Lumley والفيديو جزء من برنامج تلفزيوني طويل أنتجته لصالح تلفزيون البي بي سي وهو تتبع النيل من المصب في مصر وصعودا إلي منابعه في يوغندا وأثيوبيا مرورا بالسودان
وقامت قنوات أوربية كثيرة بإعادته وحقيقة لفت نظري للبرنامج عضو المنبر الصديق دكتور أيمن بشري وتابعت كل الحلقات
كان توثيق جميل وتعريف بجزء من ثقافة وعادات الناس علي طول مجري النيل بطريقة شيقة ونال السودان جزء كبير من البرنامج
ياريت يا عوض وقت عرفت درب الموضوع تجيب باقي البرنامج
ما عندي فكرة عن البرنامج يا اسامة .. الفيديو لاقيتو بالصدقة .. فعلا هي الممثلة Joanna Lumley والتحت دي صورتا .. ياخ كدي اتخيل معاي الشخصية دي ماخده ليها بوخة دخان ..
Post: #14 Title: Re: خواجية على فوهة حفرة دخان سودانية ( فيديو ) ..!! Author: سيف اليزل سعد عمر Date: 04-21-2013, 01:20 PM Parent: #7
يا أستاذنا الموصلى انت أصلك عايز تعمل الشركة فى البيت هههه
انحنا خلينا الإنذار موبايل ندسو وقت الدخان ونعلقوا بعد الدخان هههه
يا زوول افتح شركة طوووالى الناس كايسة الجديد وشدر الطلح الفى سودان ده بالخواص دي ما لاقانى فى دولة تانية
Post: #15 Title: Re: خواجية على فوهة حفرة دخان سودانية ( فيديو ) ..!! Author: احمد سيد احمد Date: 04-21-2013, 01:24 PM Parent: #14
مادام جات سيرة الضيق هاكم دي:
قاليك واحد بتاع زريبة حطب جاتو مرا تشتري طلح وقالتليهو الطلح بتاعك دا سمح؟ قاليها اسالي بتاع الدكان داك......امس شال مني طلح نجض بيهو الفول لمن الكمشه ابت تطلع من القدرة
قال: طابق البوخة وقام ندا يهتّف ... نام من الدوخة. إيدو عاقباهو ... جدلة مملوخة. من معالق الجوف .... موس ومجلوخة.
ملاحظين، لما السودانية قالت ليها: ده جزء من إعداد العروس وتجهيزها ...... الخواجية بي فهم الندّية سألت: وهو بيكون بيعمل في شنو؟ ..... غايتو ده سؤال مافي زول فكّر فيهو.
Quote: ملاحظين، لما السودانية قالت ليها: ده جزء من إعداد العروس وتجهيزها ...... الخواجية بي فهم الندّية سألت: وهو بيكون بيعمل في شنو؟ ..... غايتو ده سؤال مافي زول فكّر فيهو.
Quote: قبل كم سنه فكرت آعمل شركه في اميركا بتاعة دخان لكن خفت اجراس الحريقه تكورك هههه
في الحالة دي طوالي كنت تخليها شركة كواشف دخان ..
Post: #29 Title: Re: خواجية على فوهة حفرة دخان سودانية ( فيديو ) ..!! Author: ناصر حسين محمد Date: 04-21-2013, 02:42 PM Parent: #28
ده فيديو عجيب والله ،،، مفروض ينتشر في الاسافير وبالذات اسافير عرب الخليج ،، كتير بصادف في اسواق الاسافير العربية طلبات " دلكة ، عود ، طلح " سوداني ،،،،، الخ " مفروض ينتشر الفيديو ده ،،
مع إنه الخواجية دي مش لو إدخنت بعد دا لو عملوا ليها سلوك تربيط ما أظن
الله يجازي محنكم طلعتونا من طورنا
Quote: إلى هذه الدرجة ماتت فينا دواعى الورع والعفاف
غايتو نفاق و عقد كدة، هسي كلام أخونا عاصم فقيري دا مشيت فيهو سااااكت كدا وعملت ما شايفو بس جيت للمسكينة وضاحة دي داير تعمل لينا فيها الشريف الرضي و الوصي على الأخلاق والعادات؟!!!
وكمان يقول ليك لأ ما عنصرية (الصحيح تفرقة جنسية)
Post: #39 Title: Re: خواجية على فوهة حفرة دخان سودانية ( فيديو ) ..!! Author: محمد مختار جعفر Date: 04-21-2013, 03:53 PM Parent: #37
Quote: وصول الجرأة الي هذا الحد تعني الخروج عن المألوف ...
سلام وتحية .. تناول طيب ، وفيه من الأهمية بمكان ، وخاصة في الجانب الصحي للمرأة عموماً وكما هو معلوم أن كثرة الإلتهابات الموضعية التي تعاني منها المرأة عموماً ، تكون المرأة السودانية قليلة الشكوى وبمنأى منها ، مقابل النساء من الجنسيات الأخرى ، هذا من ناحية ومن ناحية أخرى هو عطر دائم يطفي على المرأة المتزوجة وخاصة المرضعات منهن فوائد جمة يعود نفعها على طفلها أما طفلها الكبير وهو زوجها يأنس ويرتاح لذلك كثيراً وله مفعوله عند قبيلة الرجال وهذا له حديث آخر ، عموماً الدخان ، أو حفرة الدخان تكاد لا تخلو من بيت سوداني ، اللهم إلا من أتو وتربوا وتزوجوا من الخواجيات وقد حرموا من فوائده طبياً ومعنوياً .. والحديث يطول فى هكذا تناول ومجال .. ولنا عودة .. لك التحية ... ولك الشكر .. محمد مختار جعفر
Post: #40 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 03:59 PM Parent: #39
وصول الجرأة الي هذا الحد تعني الخروج عن المألوف وده كلام صحيح
Quote: ????? رصاصة رحمة من تعليق الطبيبة على البوست
صحيح وكان ممكن للطبيبة توضيح وجهة نظرها وماترمي اليه بلغة افضل من هذه ...
Post: #43 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 04:16 PM Parent: #42
صحيح وكان ممكن للطبيبة توضيح وجهة نظرها وماترمي اليه بلغة افضل من هذه .............. صحيح اسامه غير اننا صرنا مقتولين من الخائن الرسمى والخائن السرى والخطر المجابه والخوؤن
تحية لا اعنقد ... التعليق فى السياق مع انه تعليقات البعض ونكاتهم اكتر جرأة ولا عشان التعليق من عضوه
Post: #44 Title: Re: خواجية على فوهة حفرة دخان سودانية ( فيديو ) ..!! Author: Abd Alla Elhabib Date: 04-21-2013, 04:22 PM Parent: #34
أرفعوا أقلامكم عن وضاحة .. الزولة دي قلبا علي لسانها ... ونسة الحريم الخاصة بتجي تفكها هنا عادي ليتنا لا نحمل كلمتها أكتر مما تحتمل ! -------- تحياتي يا عُكـش بوست في السِلِك ----------- ما دام النارو ده حلووو كـدة لو واحد قالو ليهو نارو مايندد ما يزعل
Post: #46 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 04:30 PM Parent: #44
ليتنا لا نحمل كلمتها أكتر مما تحتمل ........ اكثر مما تحتمل هو فى اكثر كده ياربى لا حولا انت بى جدك
Quote: الغربية الناس الشافو الفيديو بلعو الكلام ده لما اتقال بالانجليزى وكان عادى مجرد تعريف بالثقافه السودانية.
ولما جات واحده كتبت ترجمه حرفية للكلام الاتقال فى الفيديو بقت بجاحه.
ياربى العيب يكون فى اللغة العربية.
يابدر الدين الموضوع الاساسي في اللغة دي زاتها ... يعني انا ممكن اقول الجماع واكتبو عادي لكن بكون ما عادي لو كتبت الكلمة البنقولة في المجالس المغلقة ؟؟؟؟ يعني وضاحة كانت ممكن توصل وجهة نظرنه هذه بلغه احسن من كده ....
وضاحة لا جبات يوتيوب ولا شاركت فى اليوتيوب السؤال الطرحتوا ترجمة لما قالتوا المراة فى اليويتوب بالعربي حقيقة لانى ما كنت بعرف المعلومة القالتها دى علشان كده تسالت انا طبيبة بتاعت نساء ولادة وبعمل عمليات بتاعات
Cosmetic plasticSurgery for vagina
بنعملها كتير لغير السودانيات علشان كده
اتسالت
سبتوا كل الكلام ومسكتوا فى كلامى ما علشان الحاجات بتاعت السودانين والعقد دى نحن ما بنكتب اى شى علمى هنا بخص النساء والتوليد هسي لو نزلت ليك يوتيوب علمى للعملية دى حا تعلوا شنو
اكيد حا تنعلوا اهلى زاتوا
يا ريت نرتقى بفهمنا شوى ودائما ننظر للحاجات بجابية مش بعدم اخلاق او قلة ادب
وضاحة لا جبات يوتيوب ولا شاركت فى اليوتيوب السؤال الطرحتوا ترجمة لما قالتوا المراة فى اليويتوب بالعربي حقيقة لانى ما كنت بعرف المعلومة القالتها دى علشان كده تسالت انا طبيبة بتاعت نساء ولادة وبعمل عمليات بتاعات
Cosmetic plasticSurgery for vagina
بنعملها كتير لغير السودانيات علشان كده
اتسالت
سبتوا كل الكلام ومسكتوا فى كلامى ما علشان الحاجات بتاعت السودانين والعقد دى نحن ما بنكتب اى شى علمى هنا بخص النساء والتوليد هسي لو نزلت ليك يوتيوب علمى للعملية دى حا تعلوا شنو
اكيد حا تنعلوا اهلى زاتوا
يا ريت نرتقى بفهمنا شوى ودائما ننظر للحاجات بجابية مش بعدم اخلاق او قلة ادب
Post: #56 Title: Re: خواجية على فوهة حفرة دخان سودانية ( فيديو ) ..!! Author: Abd Alla Elhabib Date: 04-21-2013, 04:50 PM Parent: #46
Quote: اكثر مما تحتمل هو فى اكثر كده ياربى لا حولا انت بى جدك
نعم أخ مبارك ... أنا جادي جـداً دعنا نحسن الظن ونسميها زلة لسان أو زلقة قلم النسوان عادي بقولن الكلام ده في ونساتهـن .. وضاحة شترا شوية .. سمعتو هناك جات فكتو هنا بدون تدبر لعقابيل الكلمة .. دي وجهة نظري حسب متابعتي للمنبر ... نعم للتوجيه ولا للإفراط في التعنيف.
شوفي ياوضاحة الموضوع في اللغة السوقية الترجمتي بيها النقطة دي بالذات ... يعني وبما انك دكتورة اتخيلي في لغه علمية ارفع من كده .. وعندما تكتبي بيها لا غضاضة ولاشئ ...
Post: #62 Title: Re: خواجية على فوهة حفرة دخان سودانية ( فيديو ) ..!! Author: خالد عبد الله محمود Date: 04-21-2013, 05:20 PM Parent: #60
وضاحة زولة صاحبة صفات جميلة و أجمل ما في صفاتها إنو الفي قلبها على لسانها
Quote: وضاحة زولة صاحبة صفات جميلة و أجمل ما في صفاتها إنو الفي قلبها على لسانها
ما تخلي زول ينزع منكـ البراءة دي يا وضاحة بالله
والله يا خالد الناس دى عقدتنى عديل كدى بالله ترجم لى الكلام القالتوا المراة فى اليوتيوب دا باللغة الدارجية السودانية
Post: #63 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 05:34 PM Parent: #60
Cosmetic plastic Surgery for vagina حتى لو بقتصدى دى بترجمتها الصحيحه، ما فيها حاجة يابنتى للغة التى استخدمتيها ( بضيق الفلم) راجعى نفسك وتاكدى انى هنا لك من الناصحين ليس الا ،،، دون وصاية او فرض قيود انا ليس مصلح دينى ، او أجتماعى ، أنا قارى مثلى مثلك ، حتى ولو انا نظرت له مرة من وجهة نظر المترجم العادى ،،، ومرة اخرى من نظرة المترجم القانونى ،،، وجيرته مرة أخرى للمصطلات الطبيبة ولم اعثر لهذه الترجمة الركيكية
Post: #61 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 05:09 PM Parent: #56
نعم أخ مبارك ... أنا جادي جـداً دعنا نحسن الظن ونسميها زلة لسان أو زلقة قلم النسوان عادي بقولن الكلام ده في ونساتهـن .. وضاحة شترا شوية .. سمعتو هناك جات فكتو هنا بدون تدبر لعقابيل الكلمة .. دي وجهة نظري حسب متابعتي للمنبر ... نعم للتوجيه ولا للإفراط في التعنيف .. حاضرين الحبيب عبد الله انا عن نفسى احسن الظن بالاخرين .. المهم وجهة نظرك دى تكون نفس وجهة نظر الطبيبة ، اذا احسنا الظن وسميناها زلة لسان أو زلقة قلم ، نرجو ان تسميها هى كذلك ( والشتاره ساهله ) انا محتاج أن افسر لبنتى التى تقرأ معى ما يدور بالمنبر تداعيات الكلمة
Post: #65 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 05:41 PM Parent: #61
وضاحة زولة صاحبة صفات جميلة و أجمل ما في صفاتها إنو الفي قلبها على لسانها
ما تخلي زول ينزع منكـ البراءة دي يا وضاحة بالله sorry u r out of the point
Post: #69 Title: Re: خواجية على فوهة حفرة دخان سودانية ( فيديو ) ..!! Author: خالد عبد الله محمود Date: 04-21-2013, 05:58 PM Parent: #65
Quote: sorry u r out of the point
Actually that message was not for you .... sorry
Post: #67 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 05:49 PM Parent: #56
سبتوا كل الكلام ومسكتوا فى كلامى ما علشان الحاجات بتاعت السودانين والعقد دى نحن ما بنكتب اى شى علمى هنا بخص النساء والتوليد هسي لو نزلت ليك يوتيوب علمى للعملية دى حا تعلوا شنو ........ كونى امينة فيما يتعلق بأشايئك العلمية ، وخلينا من قصة السودانين والعقد دى ، انجحى لنفسك ودعمى نجاحك بتجاربك الحية والعلمية الموثقة ، وبلاش قلنا وقالوا، انهضى
Quote: والله يا خالد الناس دى عقدتنى عديل كدى بالله ترجم لى الكلام القالتوا المراة فى اليوتيوب دا باللغة الدارجية السودانية
شوفي ياوضاحة نحن ناس تقليديين نعم مؤمنين بالعادات والتقاليد نعم ... وكل الناس البقولوا ليك غير راينا ده انا متاكد بينهم وبين نفسهم رؤيتهم لكي سلبية جدا جدا ... وبما انني ادري تماما بانك من اسرة محترمة وموقن تماما بانك محترمة لذلك اعطيتك وجهة نظري لانني اعرف تماما ما يحدث للبنات من تنميط من خلال المنتديات ... واريد ان اسألك ايضا شوفي البوست ده وصل للصفحة الثالثة هل تداخلت فيه بنت ؟؟؟ المنبر ده ملئ بالبنات المستنيرات لكن اعرف بانهن يربأن بانفسهن من عينة هذه البوستات ... ده رايي وقلتو لو وافق معك لكي جزيل الشكر ولو وجدتيه شغلانه بتاعت عقد سودانيين كما ذكرتي فاتركيه ولنا اجر كلمة الحق ... نقطة فل استوب ...
Post: #75 Title: Re: خواجية على فوهة حفرة دخان سودانية ( فيديو ) ..!! Author: مبارك محمد عثمان Date: 04-21-2013, 06:33 PM Parent: #74
هههههههههههههههههههههههههههههههههههههههه معليش يا خوانا ضحكة متأخرة يادوب شفت (الفلم) لكن السودانية بالغت في داعي تجيب السيرة دي الخواجية لامن تحس بيها خجلت في البداية
بس ان شاالله الشايلة الكاميرا كانت مرة, قصة راجل بصوّر في مرة بتدّخن دي ما قدرت ابلعها
وبرضو بنقول ليه السودان متخلف؟ الفيديو موجهة للنساء وموضوع نسائي اكتر من رجالى وتداخلت فى الحوار امرأة واحدة فقط ؟ و وضاحة طبيبة نساء وولادة وتجتهد لتوضح ترجمة كلمة. تواجه بكم من المحاضرات الرخيصة وفى الآخر هى الغلطانة لانها تداخلت فى موضوع يخدش الحياء وكان ما مفروض تتداخل فيهو. امممممم بلد غريبة كل شئ ماشى بالمقلوب. حاولت إلا اتتداخل ولكن..... وجدتكم افتريتوا.
Bullying Definition
Bullying is unwanted, aggressive behavior among school aged children that involves a real or perceived power imbalance. The behavior is repeated, or has the potential to be repeated, over time. Bullying includes actions such as making threats, spreading rumors, attacking someone physically or verbally, and excluding someone from a group on purpose.
والله فعلا السودان دا ما اتخلف من شوية وعل كل هي مسألة وقت و ح يتغير كل شئ ان رضينا ان ابينا that is what is called generation gap دكتورة ممنوعه من الحديث الا بطريقة معينة لانه يرى ذلك من حظ صاحب البوست انه ضكر مسيطر
كتر خيرا حنان وهي بتتصدا لشرح حاجات ممكن تكون في نظر ثقافات تانية مدهشة جدا ..
حنان ما جابت شيء من عندها متزوجة كانت أو عزباء دي فكرة سايدة ومعروفة ..وأنا شايفها كانت أمينة في نقل الفكرة كاملة ..
ترجمة وضاحة كانت مخففة لكن المستغربة ليهو انها عابت على حنان أنها ما متزوجة وعارفة القصة دي من وين ..من احاديث
البنات السرية يا وضاحة ..!
يا أخوانا الفيديو ده ما ما معمول للناس البتدفن راسا في الرملة ..الفديو مشى للناس حيكونا طول ما بتفرجوا ..ما بتفرقم كلمة "وااااو" فبالله ما تخنقونا بضيق الأفق والعبارة ..
لا شك ان تعليم مبادي علم الدخان اليوم قد قطع شوطا كبيرا في شتى انحاء المعمورة، كما ولاشك ان الدخان بما يتركه من اثر طيب في رائحته، ناعم في ملمسه، لطيف في دفئه، له اثرٌ بليغ عند مخاييل ذكور الادميين بما قد تثيره الاوصاف سالفة الذكر، ولمن لايعلم فان اول عهد الناس بالتدخين كان من جذوع النخل، ولاتزال كثير من النوبيات يتدخن بـ ( الابي) وهو المتبقي من اغصان جريد النخل على جذوع النخل ماعارف عرب السودان بسموهوا شنو بالضبط.. وهو للعلم يترك اثرا طيبا بس ريحتو ليست كريحة الطلح ويتغلب النوبيون على الريحة بمحسنات الكربتة التانية... والدخان ترجمة ركيكة جدا لعربان السودان لفكرة (الــكُولت) ومفردة دخان هذه تجرد الفكرة من معاني كثيرة جدا لتحصرها في حفرة ودخان.. بيد ان ذلك لاينفى عن عرب السودان تجويدهم للامر واذكر فيما اذكر جارة ليناامد الله في ايامها..وهي مرة وناسة من نساء البطاحين عليها اثار شلوخ مطارق عتيدة، وفي ونسات متفرقة كان عندها راي في دخان بنات الزمن ده كعادة نساء الزمن داك وكون ان لهم راي في كل مايقمن به نساء الزمن ده.. وقالت زمان كانو بقعدونا بي الصوط بصورة احبارية لحدي ماننضج، بس هسي البنات (يصفرن ويقومن يطفرن)
على اي حال الحديث عن الدخان ذو خياشيم، ولو قيض الله لي وقتا في قابلات الايام عندي بحث اسمو The human conduct and the Collat effect وهو بحث نشر في اول 93 في جريدة حائطية مهملة في جدران شعبة الكديت في المقرن الثانوية..وايامها كنا حين الاياب نقطع شارع الحرية متجهين من استاد الخرطوم نتتبع مساقط المواصلات في وسط الخرطوم وكنا نمر بفندق قصر الخليج، وتماما عند المرور عند بوابته الفاتحة في شارع الحرية تهب عليك خمومة من عبير الكربتة والدخان ومكيفات الموية ..وانت في غيظ نهار الخرطوم لاتجد أي وصف لذلك الشعور سوى ان نتحسس مسدساتنا ونغمض الاعين، فهنيئا لكا من تزوج وتزوجت في تلك الفترة بذلك الفندق الفخيم.. والله لقد الهبتم ممشاعرنا والهمتم مخاييلنا.. الكلام في الدخان لايبذل لمن لايستحقه..وبعضهم في هذا البوست لايستحق ان يشمو ذاتو.. واعلموا ان اول ماصعد الى السماء من قربان كان دخاناً.. ومع الفارق بس برضو يظل دخان..
ثم وعملوا
اولادكم السباحة ..وعلموا بناتكم الدخان على مهل..
------------------ وليد طه: ياخ انا وحاة ولدك البكرج ده انا مافاضي..فياخ ارحمني وشوف حمد او هيثم درار ..ديل ياخ علماء في قصص الدخان وهيثم درار كان عندو مشروع دخان كبير ذي بتاع الموصلي ده عايز يخلي حمد في الكاونتر يلم القروش.. تاني ماتحلف..
Quote: على اي حال الحديث عن الدخان ذو خياشيم، ولو قيض الله لي وقتا في قابلات الايام عندي بحث اسمو The human conduct and the Collat effect وهو بحث نشر في اول 93 في جريدة حائطية مهملة في جدران شعبة الكديت في المقرن الثانوية..وايامها كنا حين الاياب نقطع شارع الحرية متجهين من استاد الخرطوم نتتبع مساقط المواصلات في وسط الخرطوم وكنا نمر بفندق قصر الخليج، وتماما عند المرور عند بوابته الفاتحة في شارع الحرية تهب عليك خمومة من عبير الكربتة والدخان ومكيفات الموية ..وانت في غيظ نهار الخرطوم لاتجد أي وصف لذلك الشعور سوى ان نتحسس مسدساتنا ونغمض الاعين، فهنيئا لكا من تزوج وتزوجت في تلك الفترة بذلك الفندق الفخيم.. والله لقد الهبتم ممشاعرنا والهمتم مخاييلنا.. الكلام في الدخان لايبذل لمن لايستحقه..وبعضهم في هذا البوست لايستحق ان يشمو ذاتو.. واعلموا ان اول ماصعد الى السماء من قربان كان دخاناً.. ومع الفارق بس برضو يظل دخان..
دكين يا سلام عليك ياخ. يادووووب اصبح للبوست طعم ورائحة ذكية. يازول منتظرنك ومنتظرين ابحاثك للفائده ولمزيد من المعرفه.
Post: #101 Title: Re: خواجية على فوهة حفرة دخان سودانية ( فيديو ) ..!! Author: د. ياسر عبد القادر Date: 04-23-2013, 09:13 AM Parent: #100
هل الكمية الهائله من الدخان التى تستنشقها المراة وهى جاثمه على شفاء هذه الحفره من النار ليست لها اضرار بالصحه واتمنى ان تكون تلك المعلومه التى ذكرتها الاخت وقالت بعمل narrow واعقبتها بضحكة من الاعماق ان لا تكون العوبه لتبرير هذه الطقوس التى اعتبرها نوح من الفضيحه
نسيت اشرح ليكم معنى العبارة بين القوسين في بداية مداخلتي الفاتت وهي مثل بالاندادي (الدنقلاوي) ومعناه:
كولت: الدخان .. وبعض عرب السودان يسمونه (الكليت) انرمنل: الذين لايعرفون تِن: ضمير الموصوف ..اناماعارف ضمير الموضوف دي لغويا لافقة مع لغة العرب ولا لا ..ام عندهم لها اسم اخر .. نُستي: مؤخرة، وان شئتم الدقة وكون المؤخرة في العربية لها مرادفات عديدة متداولة عرفيا فاقرب وصف لي الـ (اُست) هو الصُــلب). كودكر: حرق..
وبما انو لغة النوبيين لاتعرف مذكر او مؤنث فحرف التاء في ترجمتي اعلاه غير واردة ويكون المثل بذلك: (المابعرف الدخان بيحرق صلبو) المعرفة هنا اطلقت في معناها وقُصد منها معرفة النوبيات لعملية الدخان..والصلب هنا اطلق على عموم اصلاب الرجال والنساء بيد ان المقصود منه اصلاب النساء دون الرجال..كون الفكرة هي مايحدد مقاصد لغة الاندادي في التذكير والتانيث وليست حروف بعينها..هذا مبلغ علمي في لغتي وقد اكون مخطئا فانا لستُ عليما بخفايا وانما اجتهدُ قدر وسعي ..
________________________________ وقد تم هذا الشرح في بوستات سابقة على ما اذكر
Post: #104 Title: Re: خواجية على فوهة حفرة دخان سودانية ( فيديو ) ..!! Author: عماد موسى محمد Date: 04-23-2013, 11:25 AM Parent: #103
التراث؟!! كلمة جميلة ... ولكن : ليس هكذا يا سعد تورد الإبل! كم من حروف تجر للحتوف هل هذه حفرة؟
Quote: ياخ انا وحاة ولدك البكرج ده انا مافاضي..فياخ ارحمني وشوف حمد او هيثم درار ..ديل ياخ علماء في قصص الدخان وهيثم درار كان عندو مشروع دخان كبير ذي بتاع الموصلي ده عايز يخلي حمد في الكاونتر يلم القروش.. تاني ماتحلف..
ابدول امبس
إن منلى إن جانن دهل ؟؟؟
المشروع لا زال تحت الدراسة وسوف يرى النور قريب ، وبعد الشو بتاع عوض عكاشة الشغلة حتوسع
Quote: الكلام في الدخان لايبذل لمن لايستحقه..وبعضهم في هذا البوست لايستحق ان يشمو ذاتو..
يديك العافية اخي دكين.
Post: #111 Title: Re: خواجية على فوهة حفرة دخان سودانية ( فيديو ) ..!! Author: مجاهد محمد الهادي Date: 04-24-2013, 09:57 AM Parent: #1
عجبني كلام حنان - سعيد انو في فهم لبناتنا زي دا - لغتا حلوة - سلام عوض اخوي - بوست جميل...
صحيح من الشقاوة منك انك تجيبي النقطة الذكرتيها هههههه كما أسلفت وبرضو إسلافك وإيرادك إنك شقية لإيراد هكذا نقطة يدلّ على فهم أكبرتو أنا في حنان وفي بنوتاتنا الفاهمات المتعلِّمات زيها
That's very naughty of me to say ....
أحلى شي إيرادك للنقطة دي من باب الأمانة فقد أعطيت الفيديو والتوثيق بعداً رائعاً أختي حنان ......
ثانكس ألوت
"جميل" لا تكفي لوصف هذا البوست
شكراً
Post: #112 Title: Re: خواجية على فوهة حفرة دخان سودانية ( فيديو ) ..!! Author: مجاهد محمد الهادي Date: 04-24-2013, 10:08 AM Parent: #111
سلام للأستاذة سارة أبو
وللجمال كلو
ياخي كمل كلامنا
بالمناسبة : وضاحة ما قالت غلت ياخي
وبعدين مش دكتورة هي
بس ما كان تهاجمي حنان فقد تكون لديها تجربة زواج سابقاً
أو فلنقل غير كدة : الكل يعرف هذه المعلومة .. منو الما عارف انو الدخان بسوي كدة
بأمانة الشي البحصل دا خلا ناس طفشوا وبطفشو وما عايزين يجو سودانيز
----------------------------
ختاماً : أقبلو بعضكن ياخي
بكرة كلكم رايحين منها
فحبو بعضكم واتفقوا على الأساسيات أقلاها عشان تصلحو سودانا الما عاوز يصلح دا بسبب حاجات زي البتعملو فيها هنا دي
شي سغيروني تقعدو تختلفو عليهو
* خالص المحبة عوض والمتداخلين دون فرز
وبرضو
الفيديو عسل و ب .. نقط كمان
Post: #113 Title: Re: خواجية على فوهة حفرة دخان سودانية ( فيديو ) ..!! Author: مجاهد محمد الهادي Date: 04-24-2013, 10:16 AM Parent: #112
هذا التعليق على اليوتيوب جميل زي صاحبو
Hanan's comment on :(Dukhanmaking it narrower) is really a secret which is uncovered byand#65279; this beautiful lady Hanan. I like you being open and frank.
قبل يومين من :
kha mohd
ما ذكرت حنان عن أن الدخان يضيق .... يُعدّ سراً مغلقاً والذي تم إذاعته عن طريق هذه السيدة الجميلة حنان .. محبتي لك لصراحتك ووضوحك..
شكرا
Post: #114 Title: Re: خواجية على فوهة حفرة دخان سودانية ( فيديو ) ..!! Author: محمد التجاني عمر قش Date: 04-24-2013, 12:49 PM Parent: #113
دخان العشا الطلقنه ناس التاية
الحمّر في الجسم وزرقن الوطاية
لاقتني أم سماح قالت لي تومتك جاية
نضحك ننبسط نفدع تمانية وقاية
وقد أورد الدكتور إبراهيم القرشي في كتبه عادات سودانية أوصولهاعربية شواهد كثيرة على أن الدخان بالكيفة المعروفة والتي جاءت هنا قد كان معروفاً عند نساء العرب وقالوا فيه شعرا كثيرا ومناذلك:
الدخان في التراث العربي نوعان : البخور المعروف وتُطَّيبُ به الأجسام والثياب والبيوت ، والدخان الذي تصطلي به المرأة العربية بغرض الاستدفاء أو الزِّينة . وكلا النوعين عندنا ، ولنساء السودان بهما عناية فاقتع ناية نساء العرب الأوليات بذلك . وما يزال البخور محافظاً على مكانته أما عادة الدخان فقد كادت تختفي من البيئة العربية إلا عند المرأة السودانية التي صار الدخان لها من أهمَّ أدوات الزينة . فهل كانت المرأة العربية تتدخّن بالصفة المعلومة عند نسائنا ؟ .
التراث العربي شعراً ونثراً لا يعطينا إجابة قاطعة لكيفية دخان ( الحُفْرة ) ولكنهم وصفوا أثر الدخان على الجسم قال بعضهم :
وما عُميْرةُ من ثدياءَ حالبةٍ *** كالعاجِ صفّرها الاكْتَانُ والطِّيبُ
فهو يصف إمرأة بيضاء كالعاج تعلو بياض لونها صُفْرةٌ من أثر الدخان والطيب لأن الكَتَنَ في كلام العرب هو لطخ الدخان بالجسم أو الحائط والكتن سواد الشفاه أيضاً ، تقول العرب كتنت جحافل الدابة إذا أكلت العشب ولصق بها أثر الخُضرة ـ والجَحْفَلة في الحيوان كالشفة في الإنسان وقول الشاعر ( الاكتان ) بصيغة الجمع دليل على كثرة استعمالها الدخان للزينة وذلك لاقترانه بالطيب . والنساء حريصات على هذه الصفرة المكتسبة وهي صُفرة محبوبة مشهورة ومذكورة في التراث حتى أنهم يقولون للّون المشرب بحمرة ( دخان عزبة ) بل يسمون أنواعاً من الطيور بذلك ففي عصافير الخريف زوجان كنا نصنع لها الحبائل ( الشّرَكْ) لصيدها ،يسمى الذكر ( آبقير ) والأنثى ( قُحِّيّة ) ولون القحية جذاب جميل فيه صفرة فاقعة مشربة في بعض أجزائها بحمرة نسميها ( دخان عزبة ) . وذكر دكتور عون الشريف أن ( جلوك ) اسم طائر عند أهلنا في الغرب يعرف بدخان العزبات . وحديث العرب عن اصطلاء المرأة بالدخان وتسخين جسمها به لا يكاد يحصى، ولا يعدو أن يكون مقصوداً به التَّزيُّن والتطيّب والاستدفاء معاً . والحطب المستخدم عندهم ضروب وأنواع كثيرة منها المَنْدَل في قول شاعرهم :
أمن زينبَ تي النارُ *** قبيلَ الصبح ما تخبو إذاما خمدت يُلْقَى *** عليها المندل الرطْبُ
وقال آخر وذكر اليلنجوج وهو خشب طيب الرائحة :
تجعل المسك والنَدَّ واليلنجوج *** صلاء لها على الكانون
وهذه الأبيات الثلاثة من شواهد ( علماء العروض ) ورحم الله أيامنا في جامعة الخرطوم مع أستاذنا ( مايسترو ) علم العروض شاعر ( أم درمان تحتضر ) محمد الواثق ، فما مرت بنا هذه الأبيات إلا ذكرناه وذكرنا افتنانه في العروض ونقد الشعر وذكرنا عهوداً لو يباع رجوعها بذلنا أرواحنا قبل ما نملك .
نعود إلى اليلنجوج الذي يقول فيه الأخطل وهو أمويّ :
لا يَصْطَلينَ دُخانَ النّار شاتيةً *** إلا بعود يلنجوجٍ على فَحْم
وانظر قوله ( تُثقِّب ) فقد جعلها ( تُقّابة ) كما في لهجتنا العامية من كثرة ما يلقى فيها من الحطب . والتقابة معروفة عندنا وهي نار القرآن وتقابة ( ود الهندي ) مشهورة في ( نوّارة ) على نهر الرهد شرق الجزيرة ، وقد حفظ القرآن في ضوئها نحو أربعة وعشرين ألف نفس ، وقد كانت ضخمة عالية حتى أن نساء القرى المجاورة كُنَّ يَغْزلْنَ القطن في ضوئها .
الثقة و الجرأة في الطرح التي تتمتع بها حنان ،وكاريزما سارة أبو أضفت بعداً جمالياً على الفلم ... صراحة أوسكار لمن رشحهما للخواجية ..... لماذا لا نجد مثل حنان في قنواتنا التلفزيونية ونبتلى بأنصاف المواهب ؟؟ صراحة وجه مشرق و مشرف للمرأة السودانية لها التحية