ثانيا بالتبادي كرشت الازيار و مليتهم و رصيت الكيزان (اللولين الشراب) اوع من الفهم الختا
ثالثا فرشت الاكاليم بي طول الخيمه و ختيت المساند
اهاااااااااااا بعد ده انا بقعد احرس الضيوف .... علن بدور قبال اناقمكم .... و زي ما قلت في عامن اول الغرض من الخيمه دي انه الناس تبتهج تفرفش و ترجع الزمن اللي كان (أول لي الزمان ارجع يا زمان)
الدعوه لي الناس الحلوه .... المواضيع يا جماعه الخير اجتماعيه .... ما بدور لي ولا كلمه في السياسه ... لا دايره اسمع أوكامبوا الكلب الخلى البشير شده مابقى رقاص الراجل التقول ما فيه عضم ... لا غيره
و اوع ثم أوع يجيني واحد من بورداب ال....... يتلولح لي.... و يقوم يفرتق الخيمه بي عكازه ...... الخيمه دي محترمه جدا .... و ما تقول لي حريات شخصيه و لا كلام فارغ ..... هاهاهاهها (عشان ود الباوقه ما يبقبق اضنين زول)
بي النسبه للاختلاط ممنوع منعاً باتًاً........... الرجال بي جهه و النسوان بي جهه ... عليكم الله ما دايره مشاكل مع ناس الامن ... يقوموا يرفعوا الناس في البكاسي .... و نبقى في البكا و الثكلي
ونسات جانبيه ما معانا ....... و ان كان الامر ما يخلاش ...
اي زول ولا زوله عنده مشكله مع اي زول يخليها بره الخيمه .... يجي كدي فريييييييييييييي ....
الزي المطلوب الزي السوداني المعروف الرجال جلاليب بيضاء مكويه .... و البنات تياب
ممكن تطرحوا مشاكلكن النفسيه و العاطفيه و الماديه و انشاء الله تجدوا الحل .... بي الذات الناس العندها بقاقات في قلبها ديل حبابببببببببن بالحيل
الاغاني مصرح بيها .... اوووووع من الاغاني الهابطه .... دي خيمه فيها انضباط ... وانا قلبي حاسي انه في بورداب طولوا من السودان و حفلات السودان و جبجات السودان ... يقوم الواحد يهز و ينفعل لمن ضهره يصل الواطه ... ونبقي في البصير و غيره و غياره.
الاولويه للضيوف في القعاد و طرح المواضيع حسب العمر .... يعني ما يقوم بوردابي موديل 2009 ... يتلامض على بوردابي موديل 2002
ح نقدم للضيوف شاي و قهوه و لقيمات و عصير باسعار رمزيه تمكنا من تشغيل الخيمه (الكهرباء الخبيثه + الحبشيتين بتاعين القهوه + الولد غسال العربات و ده مهم في حراسه العربات)
في خته ح تتعمل عشان تساعد في حل الازمه الاقتصاديه .... ح يتحدد المبلغ و الامين لاحقا .. يا خواني كان في زول داير يعرس ... ولا يسمي لي مولوده ولا يخش ليه في ركشه ولا امجاد
.. . ما دام قلت الاولوية خلى كبار السن يجى اول .. اهم شئ الجبنة .. الحبشية ومعاها الجنزبيل
موضوعى العايز اناقشو ولا موضوعاتى كالاتى الاول .. القراية غلبتنى عديل وناس السودان ديل بقو يهتموا بالماجستير اكتر من ناس مرحلة الاساس المواد صعبة والاساتذة فطاحلة ما بياخدوا مقدم .. اها موضوع الماجستير الابا يخلص دا ما عارف اعمل فيهو شنو ؟؟ الغريبة ملاسي دا اكبر منى بكتير وخلص .. كيف الله اعلم
تانى شئ .. صراحة الظاهر على مضطر انقص الاستاندر بتاعى فى خيار الزواج والله يا بتنا .. الاجيال المتعاقبة دى بقت .. عجيبة اى جيل اخطر من التانى شكلا للامام ومضمونا للخلف ودا المحيرنا زاتووو .. ما عارف الحل شنو ؟؟ يعنى الموضوع دا ماما دومه قدت اضانى فيهو والعجب ماما فاطمة انا ما عارف الامهات ديل موضوعهم شنو معاى
الموضوع التالت .. الا بالماسنجر ..
___________
بطلى حركات ودى عشرة سنوات شنو الللقى احبابو نسي اصحابو دى علينا نحن انحنا بينا شمارات وكلام كتير قلناهو اخر الليل سوا
زكرني بس لما امشي مع الحجه السوق المركزي و تروح مني وعينك ما تشوف الا النور والله اظنه كان داير يمشي الخور ..... قالوا في خور جديد وده على عهدنا كان مافي
ما علينا اذ يحضرني قول الشاعر حبايبي الحلوين اهلا جوني و انا ما قايل حلوين زي ديل بيزوروني
وليام انت طبعا اكتر زول فينا صاحب و اجب و اكتر زول مواظب ... يديك العافيه على الطله
تبلدينا اللذيذ... كان عصير و لا بي الشطه (لووووووووول) ... والله مشتاقين يعني اسي لا ماجستير لا عرس؟؟ اقع بيك و ين انا اسي؟؟ كان دايره اخطب ليك اقول شنو؟؟ ولا بس كفايه طيبه اخلاقك؟هاههاهاها
يا مان و لا يهمك ,,, بس كتر الضحاكات و تعال شوف براك
يا حليل كلام الليل واخره ؟؟؟ ما عارفين نحنا الكبرنا ولا الكلام كمل؟ و الموضوع الخاص شنو؟ اوع يكون المسيار
رضا العزيز اييييييييييييييييك و الله زمان.... رضا طبعا كان حلال كل مشاكلنا الاسفيريه وحاتك من اتشتتنا في الاسفير ده لا عارفه انزل غنيه و لا صوره و لا يحزنون ... تعال يا ود امي وريني الدنيا سوت فيك شنو ... ما تنسى ولا حته
لكن برافو علي .... ده بوست شرك للناس الحلوه و الطله الحلوه
Post: #6 Title: Re: خيمه بت الهنا Author: willeim andrea Date: 04-09-2009, 07:29 AM Parent: #5
صباحك قشطه يا بت الهناء انتي وكل ناس الخيمه الحلوين
عليك الله اسي مع سقط البلد دي ما مشتهي ليك حوش كبير و عنقريب هبابي و كوز كبييييييييييييير كده و تجيك و ريحه الجبنه و اللبن المفنن و الونسه مع الحبان بي مززززززززززززززاج
ده كله متوفر في الخيمه و انت طبعا دفعك بي Credit Card ما دايرين حركات
ووووووووووووووب ..........نحن المقعدنا في البلد دي شنو يا ناس (وش باكي و حزين و زهجان و رمدان)
شرنوبي العزيز .... و بدون شك انت استاذنا في العمل العام و في الوطنيه و الانتماء للوطن وفوق هذا وذاك انت استاذ في فن العشق و الهوى (بقيت طيبه مش؟؟؟)
يلا اسمعني و اشجني و بي ذكره الاحباب بالله ناجيني ..... رحماك نجيني بتزيل هموم البي من قاع و سجيني ...... خلي الهنا يجيني و خلي السرور في طيه زاجيني ....... غرد يا الحمام
عزبزي شرنوبي واذا ادرك المرء عدوه ما تهيبه .......
لكن تقسو الحياه على الانسان حينما تقرر فجأه ان تلفظه من جوفها و يتألم الانسان حين يحس ان سنين العمر تتسرب من بين أصابعه و أمر من المرار الالم الذي يتسبب فيه شخص ما للمحبين من حوله
معليش يا شرنوبي هي أحاسيس تتسرب الى الدواخل كوباء خبيث لا شفاء منه.... تترك الشخص ينازع الموت كل لحظه دون أمل في النجاه
و لكن لاييأس من رحمة الله الا القوم الكافرون
شفتو شرنوبي ده نكد البوست ده كيف؟؟؟ لكن برضووووووووووووو ما ح ننهزم ليك .....
سمع هسسسسسسسسسسسسسسسسسسسسسسسسسسسسسس اسي الطرب و الجبجبه جايييين
سيف الدوله نحن بنعرف الواجب ضيافتك علينا 3 ايام و بعد داك القش و الرش راجيك ما تشفق
والله يا سيف زمان البورد ده كان حلو جنس حلاه والجكس كان نضييييييييييف كلهم لقطوهم
و الشباب كانوا بكايين جنس بكا
كانت العلاقات الاجتماعيه اكتر من رائعه
لكن انتو كمان حلوين يديكم العافيه
اها فكره!!!!! كل زول يورينا علاقته بدت كيف مع سودانيز اون لاين واحساسه بيها كيف ... وجكس هنا ولا ما جكس طبعا نحن الجكس بلا فخر و اضحييييييييييييين في الحته دي و راويه اكبر مثل حي
عجبني بوست العمده .... مشيت هناك مره ... سودانين كميه كده لكن في اخر شارع جامعه الدول العربيه مع شارع السودان ... في محل اسمه مناقيش القعده فيه ترد الروح
السلام عليكم دخلنا الخيمة بي رجلنا اليمين ونقول بسم الله
انا طبعا قعاد الخيم ده مابعرف ليهو وعهدي مع الخيم من عام 88 ايام السيول والامطار اها كنا قاعدين لينا فوق خيمة من الخيم الماخمج اها واي واحد بيتو بيقع بنديهو خيمة من الخيم الموجوده عمل خيري طبعا
اها من الزمن داك ماقعدت في خيمة الا في الخليج وبتاعة الخليج دي انا مابعتبرها خيمة لانها احسن من العمارات بتاعتنا لووول بعدين قبل ماتتوهطي في الخيمة يلحقك واحد بي فناج قهوة عربية تغمطي وتشربي مرة خلاص لكن قالوا كويسة للبطن وخير قهوة مادخلت بطنك اها نبدا الحكي ولا نشرب قهوة الحبشيتين دي في الاول بعدين بالمناسبة الحبشيتين دي الماركة ولا شغالين عليها بتين اها لو ماركة ابقي عليها قوي مايجيبو روسيتين ويعملوا ليكم زحمة في السوق .
انا مشكلتي ياستي مابعرف بوفر قروش بس ماتقولي لي كويس انت مابتقدر توفر في ناس مابتشوف القروش زاته شكلها كيف وفيها صورة منو . اها بقبض بي هنا وفرتق فرتق فرتق مشت وين دخلت بي وين ماعارفها كدي بالله ادينا رايك اصولو انت سيدة مشورة وزولة عزيزة علينا الموضوع ده انا مع مرتي مافتحتو خايف تقوم تقترح علي انو اسلمها القروش ههههههه يكه وتقول لي انا بوفر ليك لانو يوم داك شايفها فاتحه الموضوع بتاع الراجل العرس في مرتو وكاتب الدور الارضي بي اسمها خايفها تقوم تعمل نظام احتياطي قانوني وكده والدنيا مامعروفة وبنات الزمن ديل طالعات سمحات والراجل عينو طايرة . بالله شوفي لي حل للمشكلة دي بس موضوع اديها المدام ده مايكون من ضمن الاقتراحات .
معقول الجات قدمت القهوة دي شغاله معاك وانا اقول مشيت الامارات قعدت في قهوة بتاعة حبش كلها سودانيين والذ حاجة كمان بتاعة القهوة بتشرب شيشة على حسابهم من محلها هههههههههههههههههههههههههههههههه يكه شفتي البشتنة دي كيف .
بي مناثبه حرف الثاء اتفضلوا : نكتتتتتتتتتتتتتتتتتتتتتتتتتتتتتته
كان في واحد عنده كميه هائله من الأرانب .... كل يوم بيأكلها 20 كيلوا جزر زهج و فلس قام كسر ليهم سنونهم و قال ليهم كده الكميه دي ح تكفيكم اسبوع تاني يوم جاء وما لقى ولا جزره قام يشد في شعره و يكورك وديتوا الجزر وين؟ واحد من الارانب نط و قال ليه ثويناه عثير
ده كله منك الايام الفاتت دي كلها بفتض في حل لي مشكلتك و كيف تلم القروش؟؟
اتذكرت انه Dr. Phill مره في برنامجه عمل بلان ظريفه و كتير من الناس عملوا بيها و نجحت انا ح أجيبها ليك بي حذافيرها و انت تعمل بيها و ما تنسانا من صالح الدعوات
لكن الحبشيه بالغت .... على حسابهم؟؟
Post: #31 Title: Re: خيمه بت الهنا Author: د.نجاة محمود Date: 04-28-2009, 06:10 AM
لي يومين حايمة في الارشيف حقي لقيت القصة دي بعد الترحم على الطيب صالح
الرجل القبرصـي
دنيا لا يملكها من يملكها أغنى أهليها سادتها الفقراء العاقل من يأخذ منها ما تعطيه على استحياء والغافل من ظن الأشياء هي الأشياء الفيتورى
نيقوسيا في شهر يوليو كأن الخرطوم قامت مقام دمشق . الشوارع واسعة كما خططها الإنجليز ، والصحراء صحراء الخرطوم ، ولكن ذلك الصراع بين ريح الصبا وريح الدبور كما أذكره في دمشق .
وهي إنجليزية من رأسها حتى أخمص قدميها رغم كل تلك الدماء . عجبت لأنني توقعت بلدا هيليني الطابع ، إلا أن الرجل لم يمهلني حتى أوصل الفكرة إلى نهايتها . جاء وجلس بجانبي على حافة حوض السباحة . وأومأ برأسه إيماءة خفيفة فأحضروا له فنجان قهوة . قال :- - سائح؟ - نعم .. أحدث صوتا لم أتبين مغزاه ، كأنه يقول إن مثلي لا يستحق أن يكون سائحا في نيقوسيا ، أو أن نيقوسيا لا تستحق أن يكون مثلي سائحا فيها .
انصرفت عنه بالتمعن في امرأة وجهها مثل ملائكة روفائيل ، وجسدها كنساء لوحات قوقان . هل هي الزوجة أم المرأة الأخرى ؟ أيضا قطع على حبل تفكيري :- - من أين ؟ - من السودان .. - ماذا تعمل ؟ - في الحكومة ..
ضحكت لأنني في الحقيقة لا أعمل في الحكومة ، والحكومـات صـدرها واسع على أي حال : - أنا لا أعمل .. أملك مصنعا .. - صحيح ؟ - لصنع أزياء النساء . - شئ جميل . - كونت ثروة كبيرة . اشتغلت مثل العبد . عملت ثروة . الآن لا أعمل . اقضي وقتي كله في الفراش . - تنام ؟ - أنا أنت تمزح . ماذا يفعل الرجل في الفراش ؟ - ألا تتعب ؟ - أنت تمزح . أنظر إلى ، كم سني ؟ - أحيانا خمسون ، وسبعون أحيانا ، لكنني لم أشأ أن أساعده ، قلت له : - سبعون . لم يؤلمه ذلك كما قدرت ، ولكن ضحك ضحكة مجلجلة وقال :- - خمسة وسبعون في الواقع ، ولكن ما من أحد يعطيني أكثر من خمسين ، قل الحق . - خمسون إذا شئت . - لماذا ؟ - تتريض . - نعم ، في الفراش ، أطلع وأنزل . بيض وسود وحمر وصفر . كل الألوان . أوربيات وزنجيات وهنود وعرب ويهود ومسلمون ونصارى وبوذيون . جميع الأديان . - أنت رجل متحرر . - نعم في الفراش .. - وفي الخارج ؟ - أكره اليهود . - لماذا تكره اليهود ؟ - هكذا ، لوجه الله . ثم أنهم يلعبون بحذق . - ماذا ؟ - لعبة الموت . مارسوها منذ قرون . - لماذا يغضبك هذا ؟ - لأنني .. لأنني .. لا يهم . - ألا يغلبون ؟ - كلهم يستسلمون في نهاية الأمر . - ونساؤهم ؟ - ليس أحسن منهم في الفراش . كلما ازدادت كراهيتك لهم ازدادت متعتك مع نسائهم . أنهم شعبي المختار . - وزنوج أمريكا ؟ - لم تصل علاقتي بهم إلى درجة الكراهية . يجب أن انتبه لهم أكثر . - والعرب ؟ - يثيرون الضحك أو الرثاء ، ويستسلمون بسهولة ، في هذه الأيام على الأقل . اللعب معهم ليس ممتعا ، لأنه من طرف واحد .. فكرت ، لو أنهم قبلوا بقبرص ، لو أن بلفور وعدهم إياها . ضحك الرجل القبرصي ضحكته المجلجلة وقال : - المرأة تطيل العمر . يجب أن يبدو الرجل أصغر من سنة بعشرين سنة على الأقل ، هذه هي الشطارة . - هل تخدع الموت ؟ - ما هو الموت ؟ شخص يلقاك صدفة ، يجلس معك . كما نجلس الآن ، ويتبسط معك في الحديث ، ربما عن الطقس أو النساء أو الأسهم في سوق المال . ثم يوصلك بأدب إلى الباب . يفتح الباب ويشير إليك أن تخرج . بعد ذلك لا تعلم .
كأن غيمة رمادية ظللت برهة فوق هذا المـكان ، لكننـي فـي تـلك اللحظة لم أكن أعلم أن القداح تضرب وأن الرجل القبرصي يلعب معي لعبة خطرة . اتسعت موجة الضحك فشملتني . كانت عائلة عذبة أنست لها منذ جلست ، الأب طيب الوجه ، والأم صوتها الإنجليزي مثل لحن اليزابيثى من أوتار قيثارة عريقة . أربع بنات كبراهن لا تزيد عن الثانية عشرة . كن يدخلن حوض السباحة ويخرجن ، ويضحكن ، ويعابثن أبويهن ، ويضحكن . وكانوا يبتسمون لي ، ويوسعون دائرة سعادتهم حتى شملتني . وجاءت لحظة رأيت على وجه الأب أنه يوشك أن يدعوني أن أنضم إلى مجلسهم ، في تلك اللحظة دهمني الرجل القبرصـي . قامت البنت الكبرى وخطت برشاقة نحو حوض السباحة . قال الرجل القبرصي ، والبنت توقفت فجأة كأن قوة غامضة أوقفتها ، قال : - هذه أدفع فيها مائة جنيه إسترليني . قلت له مذعورا : - لماذا ؟ أشار الرجل القبرصي بذراعه إشارة بشعة .
في تلك اللحظة انكبت البنت على وجهها ، سقطت على الحجر ، وسال الدم من جبهتها . هبت العائلة الطيبة مثل طيور مذعورة واحاطوا بالبنت . فورا قمت من جنب الرجل ، وأنا اشعر نحوه بكراهية طاغية ، وجلست على مائدة بعيدا عنه . تذكرت بناتي وأمهن في بيروت وغضبت ، ورأيت أفراد العائلة الجميلة ينصرفون مبتئسين ، البنت يتشبثن بالأم ، والأم تتحامل على الأب ، فغضبت أكثر . ثم سكنت وسكنت الأشياء حولي . وانحسرت الضوضاء ، وجاء صديقي الطاهر " ود الرواسي " وجلس إلى جانبي ، على الكنبة ، أمام متجر سعيد . كان متهلل الوجه نشطا ممتلئا عافية ، قلت له : - صحيح ليش ما كبرت أو عجزت مع أنك أكبر منهم كلهم ؟ قال : - من وعيت على الدنيا وأنا متحرك . ما أذكر أني وقفت من الحركة . اشتغل مثل الحصان وإذا كان مافي شغل ، اخلق أي حاجة اشغل نفسي بها . أنوم وقت ما أنوم ، بدري أو وخري ، شرط اصحي على المؤذن أول ما يقول " الله أكبر الله أكبر " لصلاة الفجر . - لكنك لا تصلى ؟ - أتشهد واستغفر بعد ما المؤذن يخلص الآذان ، وقلبي يتطمن أن الدنيا ماشية زي ما كانت . آخذ غفوة مثل نص ساعة . العجيب غفوة ما بعد الآذان تسوى عندي نوم الليل كله . بعدما اصحي كأنه صحاني منبه . أعمل الشاي واصحي فاطمة . هي تصلى صلاة الصبح .. نشرب الشاي . أنا أنزل أقابل الشمس فوق صفحة النيل وأقول لصباح آه حبابك ومرحبابك . أغيب زي ما أغيب أرجع ألقى الفطور حاضر . نقعد أنا وفاطمة وأي إنسان من عباد الله تجئ به إلينا القسمة . أكثر من خمسين سنة على هذى الحالة .
يوما ما سأسأل الطاهر ود الرواسي ، عـن قصـة زواجـه بفاطمـة بنت جبر الدار ، إحدى أخوات محجوب الأربعة . لم يكن ولادة لنفسه ، بل كان لمحجوب ، وكان يضحك على نفسه وعلى الدنيا . هل يصبح بطلا ؟ واضح أنه إذا وجد الجد فسوف يفدى محجوب بنفسه . هل أسأله الآن ؟ لكنه قال ، وحده ، جملة صغيرة مصنوعة من نسيج حياته كلها :
" فاطمة بنت جبر الدار . هالله . الله " . - ومحجوب ؟ ضحك الطاهر ود الرواسي ضحكة لها طعم تلك الأيام ، وذلك مدى حبه لمحجوب ، حتى ذكر اسمه يملؤه سعادة ، كأن وجود محجوب على وجه الأرض ، يجعلها أقل عدوانا ، وأكثر خيرا في نظر الطاهر ود الرواسي ضحك وقال وهو يضحك :
- محجوب حاجة تانية . محجوب معمول من طينة غير . ثم سكت وكان واضحا لي أنه لا يريد وقتها أن يقول أكثر فـي ذلك الموضوع بالـذات . بعد مدة سألته : - عبد الحفيظ قال أنك ما دخلت الجامع في حياتك أبدا صحيح ؟ - مرة واحدة بس دخلت الجامع . - ليش ؟ وعلشان ايش ؟ - مرة واحدة فقط . كان شتاء من الشتوات . طوبة أو أمشير ، الله أعلـم . قلت له : - كان في أمشير ، بعد ما دفنتم مريم بالليل . - صحيح .. عرفت كيف ؟ - كنت معاكم موجود . - وين ؟ ما شفتك داك الصباح ، مع أن البلد اجتمعت كلها يومداك في الجامع ؟ - كنت عند الشباك اختفى وأبين لحد ما قلتم ولا الضالين آمين . - سبحان الله . محيميد المسكين كان يصرخ ويقول " الراجل الكان هنا راح وين ؟ " - وبعدين ؟
فجأة طائر الأحلام طار . اختفى ود الرواسي ، واختفـت " ود حامـد " بكل تلك الاحتمالات . وحيث كان يجلس رأيت الرجل القبرصي ، سمعت صوته فأنقبض قلبي . سمعت الصراخ والضوضاء وارتطام الماء بجوانب المسبح ، وتشكلت الأشباح على هيئة نساء عاريات ورجال عراة وأطفال يتقافزون ويتصايحون . وكان الصوت يقول :
" أدفع في هذه خمسين جنيها إسترلينيا فقط "
ضغطت عيني لأصحو أكثر ، ونظرت إلى السلعة المعروضة في السوق . كانت تلك المرأة . كانت تشرب عصير برتقال ، في اللحظة التي قال فيها الرجل القبرصي ما قال ، شرقت ، واختنقت ، وهب إليها الرجل هبت المرأة ، وجاء الخدم والسعاة ، واجتمع الناس ، وحملوها مغشيا عليها . كأنما ساحر أشار بعصاه السحرية ، فإذا بالناس ، كما خيل لي ، قد اختفوا فجأة ، والظلام أيضا كأنه كان على مقربة ينتظر إشارة من أحد ، نزل دفعة واحدة . أنا والرجل القبرصي ، وحدنا ، والضوء يلعب ألاعيبه على صفحة الماء . قال لي ، بين النور والظلام :
- بنتان أمريكيتان وصلتا هذا الصباح من نيويورك . جميلتان جدا وثريتان جدا . واحدة في الثامنة عشرة وهي لي ، والثانية في الخامسة والعشرين وهي لك . أختان ، تملكان فيلا في كايرينيا . عندي سيارة . لن تكلفك المغامرة شيئا . أسمع كلامي . لونك سيعجبهن جدا . كانت الظلمة والضوء يتصارعان حول المسبح وعلى سطح الماء ، وكان صوت الرجل القبرصي كأنما يزود جيوش الظلام بالسلاح ، لذلك أن أقول له فليكن ، ولكن صوتا آخر خرج من حلقي ، دون إرادتي ، قلت له ، وأنا أتابع الحرب الدائرة على صفحة الماء : - لا ، أشكرك . لم أحضر إلى نيقوسيا بحثا عن هذا . جئت لأتحدث إلى صديقي الطاهر ود الرواسي في هدوء ، لأنه رفض أن يزورني في لندن ، وأعياني لقاؤه في بيروت .
ثم ألتفت إليه ويا هول ما رأيت . هل أنا واهم أو حالم أم مجنون ؟ جريـت ، جريت لائذا بالجمع في مشرب الفندق . طلبت شرابا ما ، وشربته ، لا أذكر مذاقه ، وشربته لا أعلم ماذا كان . هدأ روعي قليلا . ولكن الرجل القبرصي جاء وجلس معي . كان يقفز على عكازين . طلب كأسا من الويسكي ، دبل . قال أنه فقد ساقه اليمنى في الحرب . أية حرب ؟ حرب من الحروب ، ماذا يهم أية حرب ؟ تهشمت ساقه الخشبية هذا الصباح . صعد جبلا .. ينتظر ساقا جديدة من لندن . صوته إنجليزي أحيانا ، وتشوبه لكنة ألمانية أحيانا ، ويبدو لي فرنسيا أحيانا ، ويستعمل كلمات أمريكية :
- هل أنت .. ؟ - لا لست أنا .. بعض الناس يحسبونني إيطاليا وبعضهم يحسبونني روسيا ، وبعضهم ألمانيا .. أسبانيا .. ومرة سألني سائح أمريكي هل أنا من بسوتولاند . تصور . ماذا يهم من أين أنا ؟ وأنت يا صاحب السعادة ؟ - لماذا تقول لي يا صاحب السعادة ؟ - لأنك إنسان مهم جدا . - ما هي أهميتي ؟ - أنك موجود اليوم ولن تكون موجودا غدا .. ولن تتكرر . - هذا يحدث لكل إنسان ما أهمية ذلك ؟ - ليس كل إنسان مدركا . أنت يا صاحب السعادة تدرك موضعك في الزمان والمكان . - لا أعتقد ذلك .
شرب الكأس دفعة واحدة ووقف على ساقين سليمتين ، إلا إذا كنت واهمـا أو حالما أو مجنونا ، وكان كأنه الرجل القبرصي . انحنى بأدب متصنع جدا، وكان وجهه كما رأيته على حافة البركة يجعلك تحس أن الحياة لا قيمة لها ، وقـال :
- لا أقول وداعا ، ولكن إلى اللقاء يا صاحب السعادة .
كانت الساعة العاشرة حين دخلت فراشي . تحايلت علـى النـوم بوسـائل شتى ، وكنت متعبا سبحت طوال اليوم . حاولت التحدث إلى الطاهر ود الرواسي .. سألته عن قصة زواجه من فاطمة بنت جبر الدار . سألته عن حضوره صلاة الفجر في ذلك اليوم المشهود . سألته عن ذلك الغناء الذي كان يعقد ما بين الضفتين بخيوط من حرير ، بينما كان محيميد المسكين يضرب في اليم ملاحقا طيف مريم ، لكنه لم يجب . لم تسعفني الموسيقى ، ولم تسعفني القراءة . وكان يمكن أن أخرج ، أذهب إلى ملهى ، أو أتمشي ، أو أجلس في مشرب الفندق . لا حيلة لي . ثم بدأ الألم . خدر خفيف في أطراف أصابع القدمين ، أخذ يزحف تدريجيا إلى أعلى حتى كأن مخالب رهيبة تنهش البطن والصدر والظهر والـرأس ، وكأن نيران الجحيم اشتعلت مرة واحدة .
كنت أغيب عن الوعي ثم أدخل في دوامة رهيبة من الآلام والنيران ، والوجه المرعب يتراءى لي بين الغيبوبة وشبه الوعي ، ينط من مقعد إلى مقعد ، يختفي ويبين في أنحاء الغرفة . أصوات لا أفهمها تجئ من المجهول ، ووجوه لا أعرفها مكشرة ، قاتمة . ولم تكن لي حيلة . كنت واعيا بطريقة ما ، ولكن لم تكن لي حيلة أن أرفع سماعة التلفون أطلب طبيبا ، أو أنزل إلى الاستقبال في الفندق أو اصرخ مستغيثا . كانت حربا شرسة صامتة بيني وبين أقدار مجهولة . ولابد أنني انتصرت نوعا من الانتصار ، لأنني صحوت على دقات الساعة الرابعة صباحا ، والفندق والمدينة صامتين . اختفت الآلام إلا من إحساس بالإعياء واحساس بيأس شامل ، كأن الدنيا بخيرها وشرها لا تساوى جناح بعوضة . بعد ذلك نمت . في التاسعة صباحا ، حلقت الطائرة الذاهبة بي إلى بيروت فوق نيقوسيا فبدت لي مثل مقبرة قديمة .
في مساء اليوم التالي في بيروت دق جرس الباب ، وإذا امرأة متشحة بالسواد تحمل طفلا . كانت تبكي وأول جملة قالتها :
- أنا فلسطينية . ابنتي ماتت . وقفت برهة أنظر إليها لا أدرى ماذا أقول ، ولكنـها دخلـت وجلسـت وقالت :
" هل تتركني أرتاح وأرضع الطفل ؟ " .
بينما هي تحكى لي قصتها دق جرس الباب . أخذت البرقية وفتحتها ، وكانت المرأة الفلسطينية تحكى لي الفاجعة الكبرى ، وأنا مشغول عنها بفجيعتي . قطعت البحار والقفار ، وكنت أريد أن أعلم قبل أي شئ ، متى مات وكيف مات . أخبروني أنه عمل في الحديقة في حقله كعادته في الصباح ، وعمل الأشياء التي يعملها عادة في يومه . ولم يكن يشكو من شئ . دخل دور أقربائه ، وجلس مع أصدقائه هنا وهنا . أحضر بعض التمر في نصف نضجة وشرب به القهوة . ورد اسمي في حديثه عدة مرات ، وكان ينتظر قدومي بفارغ الصبر لأنني كتبت له أنني قادم . تعشى خفيفا كعادته ، وصلى صلاة العشاء ، ثم جاءته نذر الموت نحو الساعة العاشرة ، قبيل صلاة الفجر فاضت روحه ، وحين كانت الطائرة تحملني من نيقوسيا إلى بيروت ، كانوا قد فرقوا لتوهم من دفنه .
وقفت على قبره وقت الضحى ، وكان الرجل القبرصي جالسا على طرف القبر ، في زيه الرسمي ، يستمع إلى وأنا أدعو وابتهل . قال لي بصوت كأنه ينبع من الأرض والسماء ، ويحيط بي من النواحي كافة :
- لن تراني بعد على هذه الهيئة إلا في آخر لحظة ، حين أفتح لك الباب ، وأنحني لك بأدب ، وأقول لك " تفضل يا صاحب السعادة " . سوف تراني في أزياء أخرى مختلفة . قد تلقاني على هيئة فتاة جميلة ، تجيئـك ، وتقول لك أنها معجبة بأفكارك وآرائك ، وتحب أن تعمل معك مقابلة لصحيفة أو مجلة . أو على هيئة رئيس أو حاكم يعرض عليك وظيفة يخفق لها قلبك . أو على هيئة لعبة من ألاعيب الحياة تعطيك مالا كثيرا لم تبذل فيه جهدا . وربما على هيئة جمهور ضخم يصفق لك لسبب لا تعرفه . وربما تراني على هيئة بنت تصغرك بعشرين عاما ، تتشهاها ، تقول لك نذهب إلى كوخ منعزل في الجبل . أحترس . لن يكون أبوك موجودا في المرة القادمة ليفديك بروحه . أحترس . الأجل مسمى ، ولكننا نأخذ بعين الاعتبار المهارة في اللعب . أحترس فإنك الآن تصعد نحو قمة الجبل .
صباحية بنكهة قهوة خاساوية الكهرباء عندكم فى الخيمة قاطعة و موية الازيار حاااااارة و الحيمة مليانة ضبان ومان مافى زول قاعد
اها حبينا نسجل حضور صباحى و شايف دفعتى بعد بت الهنا رضا و الزول ذاتو و شرنوبى و الحليلة و تبلدينا و كمان من الدفعات المدرسية حبيبنا استاذ سيف الدولة كامل تحياتى ليهم جميعاً و كذلك تحية مثلها او احسن منها للاخوة المتداخلون غير الدفعة.
و طبعا اذدادت الق بيك و بي روائيه الطيب صالح رحمه الله
اصلك جلابه الخير .. القصه ممتعه جدا
بس يا دكتوره حاولت افهم الفلسفه بتاعت القصه .. لانو داخلني خوف و الروايه صعبتها اكتر!!! افتكر دي فلسفه لي الموت ح أقراها لي المره الرابعه علني اصل لي المغزى
Quote: لو جبنا الكراسي دي بجاي و ختينا الازيار بي جاي
زولنا المصنقر داك منتظر الغدا بشان كدة الكراس خاتنها كدة اها بعد الغدا ببشيلوها وينطفو البكان ..الزير خاتنو ناحية الهواء الهبابي لزوم التبريد ..الشغلة دايرة تظبيتات في المكان اكييد .. اها نشوف لينا واحد متخصص في ال ID
يابتي انا فيججي (نباتي تب ) وجني وجن الكانيبلز واكل اللحوم ...قراصة بدمعة سااااي (اورديحي بس طماطم وبصل ويمكن توم ) وكل واحد يجيب كوريتو ياخد فيها حته قراصة ( سيلف سيرفز ) وما في جغميس وناس لحيس الكيعان ما معانا ..... العشا سلطة وبلح وبعداك حولية عدييل يعني ناس الحنان يشوفو ليهم راكوبة والا مركب وقمر بوبا قريبي دة مسعول عن النظام وودالعباسية يجي بدري مش اخر الليل زي زمن اغاني واغاني ....المهم النظام لازم يكون مستتب والبنومو في الخيمة شرط اساسي ما يكون من البيشخرو ... عموما التعليمات ستنزل تباعا ...
بت الهنا كتبت ليك مداخلة طويلة في بوست كدة بتاع برلوم قال المنبر كيمان كيمان المهم كيف الامور شايفك لامة العجايز الكانو زايغين كلهم بجاي شرنوبي ده قبل كم يوم كان مهكر والله طلعنا ليه غزوة لامن هكرونا نحن وناس رضا والخواض تبلدينا غايتو مواصل وكوستا الهلالية زاتووو برضو متواصل لكن يا عجايز الزول بقي لما يشوفكم بجاي في زقاق يفرح في القرية البقت فجأة مدينة اسمنت زقاقاتها من شوراعها ما مفروزة وعيالها بتكلموا لغة مختلفة خالص
Quote: خلاص الهمله كملت؟؟؟ و فضيت لينا ؟ الشغله بقت سايبه ... مش قطر دي بمشيها ... انشاء الله ترانزيت
بت الهنا
انا شدة ما فاضى تلاقينى خاتى الكرسى جنب باب الخيمةمن دغشن بدرى قطر بلد الخطر..... اذا مستعدة فالفرسان جاهزين
و منتظرين شماراتك الوعدتينا بيها و بالمرة نعرف اخبار المنافى
الخواض
يا بن العم العزيز سقط اسمك سهواً من قائمة المحاربين القدامى و لك العذر ادينا اخبارك مع تحياتى الاكيدة لشخصكم
قمربوبا
مرحباً باحد رواد السايبر السودانى و اوائل المقاتلين الاشاوس عوداً حميداً للزمن الذى لا يعود و بعدين يا قمر شنو حكاية عجايز دى ؟؟ ما تنفر مننا الجكس نحنا لسع شباب و عندنا عشم نطلع لينا بعروس ان شاء الله عشرينية او ثلاثينية الهوى
كوستا عجايز دي ما المقصود منها السن وحاتك من زمنا داك قاعدين الله ورقبتنا تجي تقول لي عايز تصطاد هنا... ياخي ابقي طيب ونتواصل كتر بت الهنا البتلم القدام ديل
بت الهنا خيمة السرور والله ، كل شوية نمر نتجدع فيها .. كتروا الغنا ، والجكس الأربعيني فما فوق ، باقي جكس الزمن ما بنقدر ، ولو مصرّين يشوفوا ليهم ركن يقعدوا فيهو ..
Post: #49 Title: Re: خيمه بت الهنا Author: سيف الدولة كامل Date: 04-28-2009, 02:46 PM Parent: #48
سلالالالالالالالالالالالالالالالالالالالالالالام,,,, اهل الخيمة
مشتاقييييييييييييييييييييين والله العظيم امبارح شفتك لايص في المدينه الأسمنتيه دي قلت مالوا قمر بوبا عامل فيها ملاح تقليه (دي سمعتها جديد و عجبتني) وما بيجي خيمتي ... اها قلت اناغمك بي المسنجر ,,, تاني قلت يا بت الخفه مافي ليها داعي
اها بركه الجيت برااااااك
واسي دبرستني بي الناس المهكرين ديل .... لموني في تلفون بكري ... الا اصدع بيه عشان يرجعهم
بي الذات شرنوبي ده ... دايره منه 2 جبنه .. 2 شيشه ...و 1 تبلدي ,,, يجي هنا يحب و يتكلم عن العشق و الهوى ,,, و يشتت؟؟
اسي في داعي لي عجايز دي ... اها كان تتدبلوا ابقوا قابلوني!!
Quote: فيجي دي علي انا؟؟ والله خوفي أديك ضهري كده ... تقبل على المراره و أم فتفت ....
انا ما قصدت غيجي الجزيرة !!! انا لا اكلت ام فتت لا مرارة لانو اصلا بربري بربري وما اندناش حاجات ما مطبوخة وكوننا شيفات بن شيفات فالاكل باصولو !!!!
Quote: جابت ليها نوم في الخيمه؟
اها الشواب بعد الغدا يمشو ووين ؟؟ يعني كمان مافي نومة ضهرية ؟؟
Quote: نحنا عندنا Late زي بتاع الداخليات ... و بعدين اعمامك الهنا ديل كان سمعوا مبيت
يعني لييت بالنهار .. عجيبة والمحاضرات كانت متيين واللا اهو المسكين داك "ممكن تقول لي المحاضر قال شنو ؟؟ ما تنقل لي المحاضرة اصلي ما عايزة امشي الداخلية لييت ؟ " وكدة يعني
Quote: ح نقدم للضيوف شاي و قهوه و لقيمات و عصير باسعار رمزيه تمكنا من تشغيل الخيمه (الكهرباء الخبيثه + الحبشيتين بتاعين القهوه + الولد غسال العربات و ده مهم في حراسه العربات)
و قل لي من صديقك أقل لك من انت (ده الجابوا شنو ده اسي)
كوستا ده فردتي ياخي
بعدين كوستا قال ما معرس؟؟ قصه و أخرها لسه .... ده تفاصيله كالاتي في زمته علني واحده عرفي واحده المسيار واحده والظهر في السودان جديد ما عارفه اسمه شنو واحده
Post: #86 Title: Re: خيمه بت الهنا Author: نوفل عبد الرحيم حسن Date: 04-30-2009, 00:53 AM Parent: #82
بت الهنا... والسرور جيتك فترااااان ومتفن بغبار المشي خليني اتكي شويه وألحقيني بكوز مويه من الزير الباااارد دا .. وختي القهوه في النار اول تبادي .. انا عندي موضوع عرس .. وقالوا الزول كان بقي قايم منك .. جيب ليهو سيرة العرس .. تاني بجيك راجع يقعد
ناس الخيمه ديل جايطين واي زول ينضم في موضوع براهو .. زي الاذاعات المشتركه في الموجه انا كدي بنشتر وكان ما صنوا وسكتوا ما بفتح موضوع العرس دا
طبعا انتن الجوطه ما بتفرق معاكن .. شوف عيني دي بقعدن عشره نسوان في مكان واحد وكل واحده تنضم في موضوع مختلف .. والعشره فاهمات ومشاركات في وقت واحد دي كيف ؟ دا المحيرني
تجعجعوا ساكت من ما فتحوا البورد ده بي العرس يوم واحد فيكم دقه صدره و دبل مافي ...
أها الخيمه دي بعد العرس بتصفي علينا أنا و ماما دومه و الاثنين ما بننفع ..... لووووووووووووووول
Post: #95 Title: Re: خيمه بت الهنا Author: نوفل عبد الرحيم حسن Date: 04-30-2009, 01:40 AM Parent: #92
Quote: صحبتي محسيه مشيت ليها زياره ... أخوي جاء يسوقني ... لسوء الحظ لقى اهلها كلهم بيرطنوا قال لي الناس ديل مالهم التقول بياكلوا في قرقوش؟؟؟
هههههههه اخوك دا كان رباطابي زمان ؟
علي ذكر دي .. زميلنا في الشغل دنقلاوي كان عندو عرس اختو الفنان بعد نص الحفله قلب غنا بالرطانه .. زملينا التاني مركب مكنة رباطابي قال لاخو العروس يا زول نحن كده طشينا شبكه .. وين شريط الترجمه ؟
تحت تحت كده عشان ما نخرب علاقتنا مع الرطانه اصحابي كلهم محس ودناقله .. الغريبه ناس الشغل كلهم دناقله والباقي هنود عليك الله مش حالتي تحنن ؟
بت الهنا والمني عاملة شنو يا بت أمي مناقيش ما خشيتوا لكن هسة انا جايي من شانتي جمب فرغلي أكيد بتعرفيه انتي لو في كايرو انا أي شي بضايرو دة العفش علي مسؤوليتي 0020142190467
Quote: كوستا بالله لسة ما عرست... تعال نعمل لينا فيس بوك حقنا ونصطاد سوا... كوستا نصيحة اخوية عرس وانت كبير خالص عشان تجيب ليك ولد كبير وخلاص..مافي داعي لعرس بدري ومساسكة الشفع.[/QUOTللعروسE]
قمربوبا يا صاحبى
اخوك عرس من زمان.... لكن قلنا نساهم فى محاربة البايركس !!!! هسع شوف صاحبى سيف داقى صدرو معاى و مجاملنى و مقدم طلب . و كمان ود قاسم مشى خطوة بعيدة و حدد العمر " الافتراضى" للعروس و تقول لى قالى ؟؟؟ انا اقترح تكوين رابطة "المدبلين" بخيمة بت الهنا للصحة النفسية و سأعلن لكم تفاصيلها لاحقاً لكن يا قمر انتو ناس للمرة الاولى " غير المدبلين" اقترح عليكم تكوين اتحاد خاص بكم عشان ما تتداخل " الاختساسات "
Quote: بالله كوستا دفعتك أصلوا الناس الراقيه بتتعارف
و قل لي من صديقك أقل لك من انت (ده الجابوا شنو ده اسي)
كوستا ده فردتي ياخي
بعدين كوستا قال ما معرس؟؟ قصه و أخرها لسه .... ده تفاصيله كالاتي في زمته علني واحده عرفي واحده المسيار واحده والظهر في السودان جديد ما عارفه اسمه شنو واحده
دي غير الجكس المهردم فيه ساكت
فردتى بت الهنا
سلامى ليك كيمان ...كيمان اولاً استاذ سيف دفعة و فردة من زمن المقرن الثانوية والرقى يعنى فضلةخيرك. و ثانياً الرجل انضم معاى لرابطة "المدبلين" و احتمال كبير يكون مقرر الرابطة و طبعاً الريس معروف " انا ما بفسر و انت ماتقصر" اها دحين لو سمحتى اطلعى منها انتى بره و خلى استاذ سيف يشوف مصالحه وين
ثالثاً يا اختى مالك علىّ هسع عليك الله شتتى علينا تركيز الجكس يعنى بدل الواحد معرس واحدة سويتيهن اربعة عشان الجكس يشتت غايتو عالم لا ترحم لا تخلى رحمة ربنا تنزل و عشان كده قررنا نحن رابطة "المدبلين" احتلال الخيمة و انزال علم لاحتلال "بت الهناوى" و الحكم بقوانين "الجندر" هسع عليك الله مثنى و ثلاث و رباع دى ما احلاها ؟؟؟
Quote: كوستا دفعتي وود فصلي و طارق جبريل تلميذي وبت الهنا ست خيمتي
بالله في احلي من كده,,وكوستا صاحبي قلت ليهو كان داير مكابرة
بنعرس معاه مجاملة خصوصا بعد كلامك انه لسه فينا رقشة,و الله صدقتك
استاذنا سيف الدولة
كيفك يا دفعة؟؟ بلحيل اخوك كوستا داير مكابرة و نص خمسة بعدين ما تسمع لى كلام بت الهنا هى بتحاول تحبط الهمم يا دفعة شد حيلك معانا و ان شاء الله البيان الاول لرابطة " المدبلين " سيصدر فى هذه الخيمة قريباً فترقبوه عايزين كمان نجيب معانا اخونا القرضابى .. يعنى الناس دى ما عارفه نتائج التعداد السكانى الاخير ؟؟ كل رجل فى السودان قصادو 3 بنات ... يعنى نستورد عرسان من الخارج ؟؟؟ سيف ..انت المقرر اوعى تخذلنى ... سمح؟؟؟
Post: #116 Title: Re: خيمه بت الهنا Author: سيف الدولة كامل Date: 04-30-2009, 02:16 PM Parent: #115
Quote: تدفع كم عشان اترجم ليك الرطانة دى واللة قلبى معاك انتة حتلقاها من بت الهنا ولا من جماعتى ديل شغالين معاك 4 3 3
قول للرطانة المسانيح بيوتكم صارت مرقعة باللغات الام والابو عجم والوليد الصغير برطن وما بقلب الكلام بالعربي والشباب يتكلموا عربي ولما يرجعوا البيوت الواحد يتلفت زى المروحة عشان يفرز لغات البيت الزى حلاوة مولد دي .
Quote: بعدين يا الاخت سليتي روحنا بالحيل . نحن تاني ما مستعدين نتعامل مع اشباح
يا عجوز السجم قال "اخت"قال دي اصغر من بت بتك الزغيرونة ....دحين منو الشبح انت البقيت زي موميا رمسيس واللا البنية الزغيرونة دي ... قم فز اطلع من الخيمة عامل كدة زي ام كربو ...
البنية دى من يوم عرفتها الله ما جعل لي استقامة في صقيعة بكري دى . و شوف كمان كاوشت رطانيتي كلهم وبقت تحوحي فيهم شمال ويمين زي جداد الوادي - الله يكفينا شر الكتابات والحجبات .
الحمد لل و الشكر لله الخيمه اتعربت و الكراسي اتبدلت لي كراسي بلاستيك .. تفاديا للجروح الخطيره خوفا من المشاكل التي يسببها بعض الاعداء ... الحارقاهم الخيمه و كاتلااااااااااااهم
طبعا لازم اتضامن مع بنات جنسي الدايرين يدبلوا عليهم ناس كوستا و سيف و اخرين... عشان كده جبت الوصيه دي هنا... خلي بنات حواء يفتحوا عيونهم
اما المفتحات اصلا و معرسين زي ناس فلان ... بدون زكر اسماء ... فلهم التحيه لانهم مورين رجالهم العين الحمراء .. ففلان من المكتب لي سودانيز اون لاين .. كان في عزومه يجي جاري يفتح البورد ( وهذا أضعف الايمان)
الوصيه هنا لي البنات الداقسات أرجو العمل بها:-
وصــيـة ام نـجـيــضة...لي بنـتــهـا ---------------------------------
بت هوي فتحي عينك و ابقي نجيضة وفالحة..... قدر ما اجي داخله عليكم القاكي ... هي هي .... و قر قر قر ..... تضحكي مع عبد الله دا.... الراجل ما تضحكي ليه كتير..... يسعالني الله يحقر بك....الراجل اديهو العين الحمرا.... وان قدرتي لعند ايدك تلحقيها ليهو لحقيها...ابقي نجيضة.....أ ي..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زين واجي مارقة صارة وشي.....و بعدين اوعك ثم اوعك ثم ايضا اوعك... تقولي ليه الجلابية دي سمحة ولا العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي ليه قرش يبيت في جيبو... واوعك تخليهو يشوف المسلسلات.... بيخربن الرجال.... وقت المسلسل داك.... شفتي جيبي فندكك...واقعدي دقي أي حاجة جنبو ويا ريت لوكانت شطة... ولا كان عندك شافع بيرضع وجيعان وبيبكي خليهو في بكاهو داك لمن المسلسل ينتهي.... وبعدين ما يجي داخل يلقاكي تغني حتى ان بقيتي دايرة تغني.... اوعك من غنا ناس حبيبي حبيبي.... امسكي في الغنا الحار...... زي البيجري نسيبتو و مرتو طلقانة......ولا اندب حظي ام امالي...... ولا دفاعنا الشعبي ياهو ديل.....ولا النار ولعت بقلبي بطفيها..... اااااااااااي.... عشان تربي ليه الزلعة .....والخلعة............ واوعك تشكري ليه حاجة جابها.... ان جاب ليك لحم.... ختي ايدك فوق راسك...وقولي ليه ووب علي ووب علي ووب علي....غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابصقي..... وقولي ليه... دا شنو يا عبدالله ؟...... الريحة المتل ريحة الفسيخ دي جايبها من وين؟......غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرما يقولو نكته ولا يخفف دمو قدامن صري ليهو وشيك.... وقولي ليه انت يا عبد الله ما عندك غير النكتة دي؟ يا خي عملت لينا بيها وجع وش...... اصلهم الرجال عارفاهم... الواحد فيهم من يشوف ليه لمت بنات يقعد يخفف في دمو يعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي ليك شربات...... وحات الله بنات الزمن دا ان غفلت من راجلك دقيقة بس تلقيها عرستو
و نواصل
Post: #164 Title: Re: خيمه بت الهنا Author: فيصل محمد خليل Date: 05-01-2009, 08:21 PM Parent: #163
Quote: البنية دى من يوم عرفتها الله ما جعل لي استقامة في صقيعة بكري دى . و شوف كمان كاوشت رطانيتي كلهم وبقت تحوحي فيهم شمال ويمين زي جداد الوادي - الله يكفينا شر الكتابات والحجبات .
اها العرريب "المسنوح" بقيت غلبان وبتشتكي ؟؟ يا خلبوص البنية ما سوت ليك شي انت جيت براك وصنقرت قاعد من الصبح ومافي زولا قال ليك تعال اصلو دي خيمة خسوسي .....قوم فز
Post: #168 Title: Re: خيمه بت الهنا Author: فيصل محمد خليل Date: 05-01-2009, 08:58 PM Parent: #166
ياشيقا الحق عمك كيمــو رسل لى الكاركتير دة بى الايميل وقال دى مرتو بعد ما قرت وصايا بت الهنا اعمل حسابك.....الوصية بالمهلة
اها العرريب "المسنوح" بقيت غلبان وبتشتكي ؟؟ يا خلبوص البنية ما سوت ليك شي انت جيت براك وصنقرت قاعد من الصبح ومافي زولا قال ليك تعال اصلو دي خيمة خسوسي .....قوم فز
عمو الرطاني كان جيناكم دحين بتناسبونا؟
انا بهظر ساى قايلني بعرس لي واحدة تلد رطانة زى الدبايب
انا بعرس البتحاحي الطير من الزراعة وبتشمر وبتحلب بقرتها براها وبتنش الغنيميات من الصباح والبتولع تقابتها لاولادها من السقط والبتفزع برااااااااها لحطب الطلح في الغابة .
هسع دحين اكان عرست لي رطانية وقابلت لي النت ده تاني بقراتي ما كلو يوم برضعن علا اتعشى بموية وبصلة
Quote: انا بعرس البتحاحي الطير من الزراعة وبتشمر وبتحلب بقرتها براها وبتنش الغنيميات من الصباح والبتولع تقابتها لاولادها من السقط والبتفزع برااااااااها لحطب الطلح في الغابة
ات اصلا حتعرس وزارة الزراعة وضرتا وزارة الثروة الحيوانية ؟؟
Quote: اريتني كان في القاهره... والله انا شدة ما بريدها ... داير انزل معاش فيها
ومثلك يا جميلة اتمنى ان اكون هناك احكى لك عن بعض حبى لتلك المدينة القاهرة معنى للحضارة اتمنى ان نلحق بها ، ليس لانى فقط اكتسبت فيها حضارة جديدة ومعنى جديد للمقاومة ، بل لانها مدينة تحفزك ان تصير ندا لنفسك بل احيانا تتصارع مع ذاتك كيما تبلغ قمة ما ، قمة بلغها اهلها ، فى الفنون على وجه الدقة ، والمعرفة فى تعبير ادق كنت اطالع فى الاسبوع ما لايقل عن العشرة كتب دفعة واحدة ، رغم كل ما ذكرت من تعب لكننى اطالع ، فهناك حافز ، اول الحوافز كان عم مدبولى ، رجل بلغ القمة صاعدا ، بل انه احد اهم الناشرين العرب فى السنوات الاخيرة كنت اقف الى مكتبة مدبولى فى ميدان التحرير تلهبنى الكتب بعناوين لا اعرف كيف اتعاطاها ؟ لكنه حين بت وجها مالوفا بات ينادينى الدكتورة وحين اشترى منه كتابا يمنحنى كتابين مجانا مهما كان سعر الكتاب ، بل ان الشباب الذين كانوا يبيعون فى المكتبة باتوا من اصدقائى ما ازال الى يومنا هذا اتواصل معهم ( اشرف وحمدى ) كانا حين ترد كتب جديدة يهاتفانى ( اسمعى انزلى دلوقت حالا فى كتب جديدة ) وانزل ، حاملة حقيبة فارغة ، حقيبة يمكنها ان تسع عشرات الكتب ويتحايلا على الواقع بغية انهما ساعدانى فى ايجاد بعض الكتب من المخزن ، كنت اتوله شغفا ، احمل ما اردت من الكتب ، ولنموّه على عم مدبولى اذا كان موجودا ، كنت اشترى كتابا او كتابين ، لكنى فى بعض الاحيان كنت مدعوة من هؤلاء الشباب لبعض الاغراض الاخرى كان اعيرهم بعض كتب ماركيز حتى يعيدوا طباعة احدها ، باتوا مراجعى وبت مرجعهم ، بتنا اسرة تحب افرادها دون ان يكون ثمة رابط سوى الحب الذى ثبت دعائمه عم مدبولى ، فكم من صاحب دار يفعل هذا فى بلادنا ؟ وفى البال ان الكتب غدت اغلى من ثمن الخبز حتى الحاف ، الكتاب بات فى السودان مشكلة من طباعته الى تجارته ، والويل لك ان شئت طباعة او نشرا ، لكننى فى مصر قمت بطباعة كتابين والثالث طبعه على نفقته صديقى العزيز هاشم ودراوى ،لم اره حتى تاريخ هذه اللحظة ، لكنه موجود فى مكان ما ساعثر عليه ذات يوم من الايام ، ومن عثر عليه فليكلمنى اسم الكتاب ( حديث القلب ) هى القاهرة التى لا تعرف الكلل من كل شئ ، ندوة مفتوحة على مدى العام ، منذ الفجر حتى المغيب ، شهدت عشرات المدن فى العالم لكنى لم اعثر على مدينة تضاهى حيوية القاهرة
اتفق معك تماما في أن القاهره من أجمل المدن العربيه ... و سر جمالها لا يكمن في العمران أو الشوارع المتسعه و ألارصفه .. بل على العكس تماما اذا تحدثنا عن القاهره من هذه الناحيه سوف تسقط سقوط زريع.
لكن جمال القاهره يتضح لك حينما تشتم الرائحه المميزه للقاهره حينما يفتح باب الطائره... جمال القاهره في الحسين و الجلوس في قهوة الفيشاوي حتى الساعات الأولى من الصباح الباعه المتجولين ... الجرسونات ... و حتى المتسولين في القاهره لهم نكهه خاصه
جمال القاهره في همه المواطن المصري منذ الصباح الباكر و حتى أواخر الليل لا كلل و لا ملل .... وفي اخر المطاف و ان كان قد حصل على ملاليم فهو يقبلها و يشكر المولى
جمال القاهره في الاستفاده القصوى من النيل ... في تلك البواخر النائمه على النيل ... وحتى هذه توفرت لكافه الطبقات ... بمعنى أن أي مواطن بصرف النظر عن امكانياته الماديه فهو بستمتع بالنيل ابتداء من الباخره الفرعونيه و حتى المراكب الصغيره تحت كبري قصر النيل
القاهره جميله رغم اذدحامها في الأزهر و سوق الغوريه و خان الخليل
Quote: طبعا لازم اتضامن مع بنات جنسي الدايرين يدبلوا عليهم ناس كوستا و سيف و اخرين... عشان كده جبت الوصيه دي هنا... خلي بنات حواء يفتحوا عيونهم
بت الهنا ..... والسرور
يااختى كان تسأليهن رايهن فى الاول ... مش ممكن يكون عندهن رأى مخالف انا خايفك بالوصايا "العشر" بتاعتك دى تأخدى ذنب بنات حواء المساكين ديل هسع انا و صاحبى سيف الجاب سيرتنا شنو؟؟؟ ناس عاملين لينا "اشانة سمعة" و فعلاً المثل بيقول " خيراً تعمل شراً تلقى " نصيحة للجندريات غير المعرسات : الفرصة تأتى مرة فى العمر فاستثمروها الا هل اللهم قد بلغت فاشهد
Quote: والله يا كوستا عمري ما خزلت لي زول خت ثقته فيني
ابشر بالخير ,,, وانا المقرر وبشتت ليك القمح
وبجهز موية السكر والحمام بجي
سيف يا دفعة
تسلم ...... و ابداً ما خزلتنا يا سيفنا يوماً موية السكر خليها تكون سكروز 10% و فركتوز 90% و القمح يكون وارد شركة تبوك للتنمية الزراعية (تادكو) لان مضمون المفعول اها بعد داك ساعد الحكاية بأرق المهبة ( عرق المحبة) و اخيراً ابعد من الجكس صاحبة الخيمة المدعوة بت الهنا بعد كل الخطوات دى ... يمكن حمام ( التك) او ( الوادى) ينزل و يا حبيبى طبع ( الصيد) ينزل على اشكاله
Quote: اتفق معك تماما في أن القاهره من أجمل المدن العربيه
دة كان انطباعي في الستينات واول ما زرتها ولكن بعد الزحمة في السبعينات حلفت ما امشي ليها تاني لانو البلد معتتة وجابت لي حساسية في الجلد خلتني راقد 3 شهور واهم حاجة انو انا بحب الصحيان بدري خالص وفي القاهرة الناس بتصحي الضهر وتشتغل الضهر ... صديق يعمل هنا في شركة كبيرة لها فرع في القاهرة ويترك اسرته الصغيرة هنا ويذهب معارا للعمل هناك ويعود مرة في الشهر وقبل فترة شرع في شراء شقه هنا .امس سالته لماذا لا تشتري في القاهرة وهي ارخص ..فصاح "لالالالالالالالالالا لم تعجبني مطلقا فضجيجها والعمل المتاخر يعذبني .... كانت القاهرة في الستينات جميلة والشوارع نظيفة اما اخر مرة زرتها (1975) رايتها في صورة جعلتني اهرب بحساسية اعاني منها حتي اليوم ....
Post: #189 Title: Re: خيمه بت الهنا Author: فيصل محمد خليل Date: 05-03-2009, 09:29 AM Parent: #188
رسالة العم كمــال ــــــــ عزيزى الباشمهندس ...سلامات بالفعل القاهرة فى ذلك الزمان كانت شىء آخر ليس فى نظافتها وهدوئها فحسب بل كانت تعنى لجيلنا الكثير ففيها شهدنا القمم الادبية والفنية طة حسين احسان عبد القدوس نجيب محفوظ يحى حقى محمود امين العالم ام كلثوم محمد عبد الوهاب عبد الحليم حافظ فاتن حمامة لبنى عبد العزيز ماجدة وغيرهم وغيرهم واسمح لى بأن اهديكم هذا الفيلم عن القاهرة زمان
ياكيمو تشكراتنا .. تعرف بالرغم من مرارت التهجيير والقمع الذي كنا نعاني منه في وادي حلفا بسبب السد العالي الا ان ذلك لم يؤثر علي علاقتنا بمصر الناس والبلد فكنا نذهب اليها وياتي كثيرون من اسوان والصعيد الينا وفيهم من هاجر معنا الي خشم القربة ...كانت هنالك حميمة في العلاقات الانسانية لم تؤثر فيها مرارات حكم محمدعلي ولا الاستعمار الانكليزي المصري .. كان الوعي بان الامر سلطوي وليس للشعوب هو الذي ابقي العلاقة حتي الان متوازنة بين الشعبيين ...
كوندا يا سجم ساعة واحدة معاها تساوي دهر مع الكشا مشا .
Post: #192 Title: Re: خيمه بت الهنا Author: سلمى الشيخ سلامة Date: 05-03-2009, 11:35 AM Parent: #180
Quote: دكتوره سلمى
بت الهنا يا بتنا عارفة دكتورة الوردت فى النص دى للتحبيب ماهى شهادة واقول ليك حاجة ما بقدر عليها الشهادات دى دايرة صبر ونحنا حى الله بنصبر على يومنا بالمناسبة ماعارفة احكى ليك قصة عمنا اسماعيل عبد المعين والكابلى كيف؟ سالوه يوم عن الكابلى فقال والله هو فنان كويس لكن ماعنده".... لب" بمعنى انه بكلفت الالحان ونحنا بنكلفت فى الدنيا دى لمن نمشى منها محبتى يا صاحبة فى الزمن الصعب
Post: #194 Title: Re: خيمه بت الهنا Author: أحمد الشايقي Date: 05-03-2009, 11:49 AM Parent: #192
Quote: بعدين انت عارفني بحب الشمار .... وعواطف الله يحججا ... بس وريني داير توكلني بي شنو أمووووووت ليك
اصدرت بت الهنا في اليوم الثالث من شهر مايو للعام 2009 بيانها التالي:-
الساده رواد خيمه بت الهنا الشرفاء: بفضل الله و رعايته تم احباط المحاوله الانقلابيه الفاشله التي حاول القيام بها كل من المسانيح الاتيه أسماؤهم:- 1) المسنوح ود شيقوق 2) المسنوح ود الكامل
المسنوح الأول وهو معروف بلهوه و عبثه ... و لا يكترث للعادات السودانيه الاصيله, اذ انه ظل طوال الفتره الماضيه يجاهر بولهه الشديد للمسنوحه كونداليزا، و لم يردعه عن ذلك اختلاف العقيده ولا اللون ولا اللغه... و ظلت بت الهنا تسعى سعيا دوؤبا لتردعه عن ذلك ... و بذلت في سبيل بنات جلدتها الغالي و النفيس ...حتى لا يصبح ما يفعله المسنوح سنه,,, فمره بالوعيد و مره بالدوبيت و لكن لا حياة لمن تنادي.
المسنوح الثاني معروف بأنه ساري الليل، اذ انه يظل طوال الليل يصول و يجول في البورد، و يحتل بي مزااااااج في البوستات الأغاني التي تساهر بي الناس، بل و يجاهر بذلك، و يقضي الليل كله ساهرا يزعج البورداب في كل البوستات حين يرفع صوته بالغناء، و أصبح الأمر لا يحتمل حين شوهد في أحد البوستات يجبجب و يسكسك وهو يحمل في يمينه زجاجه كريستال بالبلح). وكعادتها دوما حاولت بت الهنا أن تنصح المسنوح ود الكامل، الذي اتى الى البورد نقيا جميلا"... حتى ان بت الهنا قررت ترشيحه لمنصب سفير النوايا الحسنه.
و لكن (أنت تريد و الله يفعل ما يريد)... وهو بطيشه هذا مكن الهكر من انتحال شخصيته... و عاث في الارض.
و على ذلك تعرف المسنوح الثاني على المسنوح الاول ... و شددت من أواصر صحبتهما محاولتهما الانقلابيه الفاشله في القضاء على بت الهنا,,, وقبضها بالشرك ... و شويها حيه .. و من ثم قفل خيمتها و تشريد روادها.
ولكن ما رميت اذ رميت ولكن الله رمى... بفضل الله و رعايته .... و بفضل الجنود الأشاوس الذين ما نامت أعينهم,,. بل ظلت ساهره .. تحافظ على سلامه و أمن رواد خيمه بت الهنا... تمكنا من دحر المحاوله و القي القبض على الخونه اللئام. الله اكبر ولا نامت أعين الجبناء...
عليه ابتهاجا بهذا النصر قررنا نحن بترفيع كل من: المهندس لواء أركان حرب أبوبكر من رتبه لواء الى رتبه فريق العميد تبلدينا الى رتبه لواء العقيد امبده الى رتبه عميد أما السيد قمر بوبا فقد منح وسام الانجاز وذلك لزوده عن بت الهنا و عن حمايه اسمها,,, في البوستات المجاوره.
ومنح المذكورين أعلاه اقامه دائمه في الخيمه مع المجانيه.
و لا زال النظر جاريا في وطنيه و مصداقيه كل من فيصل ,,, الشايقي ,,, و العميل المزدوج كوستا.
و سوف نوافيكم قريبا بتفاصيل الخطه الجهنميه التي ادت للايقاع بالعماله الصهيونيه
اصدرت بت الهنا في اليوم الثالث من شهر مايو للعام 2009 بيانها التالي:-
الساده رواد خيمه بت الهنا الشرفاء: بفضل الله و رعايته تم احباط المحاوله الانقلابيه الفاشله التي حاول القيام بها كل من المسانيح الاتيه أسماؤهم:- 1) المسنوح ود شيقوق 2) المسنوح ود الكامل
المسنوح الأول وهو معروف بلهوه و عبثه ... و لا يكترث للعادات السودانيه الاصيله, اذ انه ظل طوال الفتره الماضيه يجاهر بولهه الشديد للمسنوحه كونداليزا، و لم يردعه عن ذلك اختلاف العقيده ولا اللون ولا اللغه... و ظلت بت الهنا تسعى سعيا دوؤبا لتردعه عن ذلك ... و بذلت في سبيل بنات جلدتها الغالي و النفيس ...حتى لا يصبح ما يفعله المسنوح سنه,,, فمره بالوعيد و مره بالدوبيت و لكن لا حياة لمن تنادي.
المسنوح الثاني معروف بأنه ساري الليل، اذ انه يظل طوال الليل يصول و يجول في البورد، و يحتل بي مزااااااج في البوستات الأغاني التي تساهر بي الناس، بل و يجاهر بذلك، و يقضي الليل كله ساهرا يزعج البورداب في كل البوستات حين يرفع صوته بالغناء، و أصبح الأمر لا يحتمل حين شوهد في أحد البوستات يجبجب و يسكسك وهو يحمل في يمينه زجاجه كريستال بالبلح). وكعادتها دوما حاولت بت الهنا أن تنصح المسنوح ود الكامل، الذي اتى الى البورد نقيا جميلا"... حتى ان بت الهنا قررت ترشيحه لمنصب سفير النوايا الحسنه.
و لكن (أنت تريد و الله يفعل ما يريد)... وهو بطيشه هذا مكن الهكر من انتحال شخصيته... و عاث في الارض.
و على ذلك تعرف المسنوح الثاني على المسنوح الاول ... و شددت من أواصر صحبتهما محاولتهما الانقلابيه الفاشله في القضاء على بت الهنا,,, وقبضها بالشرك ... و شويها حيه .. و من ثم قفل خيمتها و تشريد روادها.
ولكن ما رميت اذ رميت ولكن الله رمى... بفضل الله و رعايته .... و بفضل الجنود الأشاوس الذين ما نامت أعينهم,,. بل ظلت ساهره .. تحافظ على سلامه و أمن رواد خيمه بت الهنا... تمكنا من دحر المحاوله و القي القبض على الخونه اللئام. الله اكبر ولا نامت أعين الجبناء...
عليه ابتهاجا بهذا النصر قررنا نحن بترفيع كل من: المهندس لواء أركان حرب أبوبكر من رتبه لواء الى رتبه فريق العميد تبلدينا الى رتبه لواء العقيد امبده الى رتبه عميد أما السيد قمر بوبا فقد منح وسام الانجاز وذلك لزوده عن بت الهنا و عن حمايه اسمها,,, في البوستات المجاوره.
ومنح المذكورين أعلاه اقامه دائمه في الخيمه مع المجانيه.
و لا زال النظر جاريا في وطنيه و مصداقيه كل من فيصل ,,, الشايقي ,,, و العميل المزدوج كوستا.
و سوف نوافيكم قريبا بتفاصيل الخطه الجهنميه التي ادت للايقاع بالعماله الصهيونيه
صدر تحت ختمي و توقيعي
المشير بت الهنا خيمه بت الهنا الديمقراطيه
الله يجازيييييييييييييييييييييييييييك المسنوحة - اتاري الكامل السجم نام وما عليهو تكل - اها خم وصر
قالت ليك فلتنهار الخيمة الاولى والثانية والثالثة ولتبقى الحقيقة - الحقيقة رماد خشمك - دى مسنوحة وشبح عديل كلما اتحاوشناها سحسحت وسحسحت وإتقاعصت واتجاعصت وعيييييييييييييك الرماد كال خشومنا .
نعلن تضامننا الكامل معكما قف .. لا تلتفوا للبيانات العنترية المقصد هو وأد كل اصوات الشرفاء والمناضلين من اجل حقوق الجندر قى "التدبيل" يجب على كل مرتادى الخيمة الافاضل شجب و ادانة بيان قريبة "ودالفاضل" على قواعدنا المؤمنة بحق التعبير و حق "التدبيل" عدم الركون لمثل هيك خزعبلات
Quote: نعلن تضامننا الكامل معكما قف .. لا تلتفوا للبيانات العنترية المقصد هو وأد كل اصوات الشرفاء والمناضلين من اجل حقوق الجندر قى "التدبيل" يجب على كل مرتادى الخيمة الافاضل شجب و ادانة بيان قريبة "ودالفاضل" على قواعدنا المؤمنة بحق التعبير و حق "التدبيل" عدم الركون لمثل هيك خزعبلات
الويل لبت الهنا من عذاب قد دنا
ايوا الحقيقة (هون) نحن بدنا جنود شرفاء ومخلصين وانتباتني ريبة بثمة تواصل سري للغاية مع المسنوحة فهو ايدامها وزين عبدينها
صحيح المقصد هو وأد كل اصوات الشرفاء والمناضلين من اجل حقوق الجندر قى "التدبيل"
عاشت كوندا ببادرتا وقدلتا وتكيتا وهمستا ولا نامت اعين الجبناء
ضيعوك ..ودروك إنت ما بتعرف صليحك من عدوك استغلوا الطّيبه في قلبك وبى اسم العواطف خدعوك (بي اسم التدبيل) وحتى من كلمة حنانهم وودادهم حرموك الله ياخد ليك حقوقك ويجازي الظلموك
المسانيح ديل خلاس انتهو يا كوستا اتدمروا وتاني الانقلاب الا بعد اقلاها 16 سنه كده ما شفت نميري قريبي قعد كم سنه؟؟ هلا هلا يا أبوعاج أخوي
خليك طبيعى!!!!! كوندا ببادرتا دى الخلتنا نقول هى يمكن تكون من ام بادر و الليلة. ... والليلة نار ام بادر يا حليلها
خليك طبيعى!!!! و خلى التحالف بتاعنا قوى ... و ماتسمح للحساد و المسنوحين و المسنوحات بالدخول الى معتركنا النضالى قف... عاش نضال طبقة : المدبلين" الغالبة
ضيعوك ..ودروك إنت ما بتعرف صليحك من عدوك استغلوا الطّيبه في قلبك وبى اسم العواطف خدعوك (بي اسم التدبيل) وحتى من كلمة حنانهم وودادهم حرموك الله ياخد ليك حقوقك ويجازي الظلموك
المسانيح ديل خلاس انتهو يا كوستا اتدمروا وتاني الانقلاب الا بعد اقلاها 16 سنه كده ما شفت نميري قريبي قعد كم سنه؟؟ هلا هلا يا أبوعاج أخوي
بتنا بت الهنا
خليك طبيعية يا ستى يعنى عايزة تقنعينى انو قلبك علىّ ؟؟؟ قديييييييييييييييييييييمة و العبى غيرها
تانى خليك طبيعية تحالف المدبلين منار و لن ينهار
برضو خليك طبيغية اول مرة اشوف لى جعلية سدنة و مايوية ده ما السبب ذاتو البيخلى الجنادر يدبلوا
Quote: يا ستى يعنى عايزة تقنعينى انو قلبك علىّ ؟؟؟ قديييييييييييييييييييييمة و العبى غيرها
عافي منك دنيا واخرة .
ماك زى ود الكامل المسنوح سلمناهو الوردية اظنو جقم ليهو حاجة نومتو وجات المسنوحة كبت ليهو الموية بااااردة في راسو ولما فتح لقى الدار مشلعة زى المضروبة بشيرنوبل .
ماك زى ود الكامل المسنوح سلمناهو الوردية اظنو جقم ليهو حاجة نومتو وجات المسنوحة كبت ليهو الموية بااااردة في راسو ولما فتح لقى الدار مشلعة زى المضروبة بشيرنوبل .
شيقا يا صحبى
خليك طبيعى صاحبتك المسنوحة عايزة تستخدم المؤثرات العاطفية معاى قايلنى قلبى رهيف زى عيش الريف و قيادة العجلة بالرديف لقت اخوك صاحى و ما بتمشى عليهو الماكنات خاصة الهينو اها قول بالانجليزى كدى قول ليها اوبس
تانى خليك طبيعى صاحبى و فردتى سيف ود الكامل خليهو ساي الرجل مكافح فى بلاد الله البعيدة ديك و المسنوحة مى ساهلة....علا سيف اخوى مو ساهل برضو و لزوم نشجع تجمع المدبلين و عاش كفاح الطبقة المدبلة..... و اطلغى منها يا بت الهنا قوش
Post: #252 Title: Re: خيمه بت الهنا Author: سيف الدولة كامل Date: 05-04-2009, 10:58 AM Parent: #251
والله يا شق اخوي ,,,, نمت الساعة 11مساء وصحيت 1:30 صباح عندي شغلانه 3 ساعات
جيت الساعة 5 لقيت الخمج شديييييييييييييد لكن البركة فيك ما قصرت. المسنوحه دي متل ابدفان
ما بتتشاف لكن انت يا اخوي ياكا دواها اها انا صحيت معاك تاني 15 ساعة وردية لكن هي يا اخوي
تنوم النهار كله وتتسلل باليل,,,, الله يكفينا شرها,,
كوستا يا دفعه,,,, لا زلنا صامدين
Post: #253 Title: Re: خيمه بت الهنا Author: سيف الدولة كامل Date: 05-04-2009, 11:29 AM Parent: #252
يا ود شيقوق ,,,,, المسنوحه طلعت صهيونيه بتشجع المريخ
حومي في المنبر ,,, انا مفتح عيني ,,, بالمرصاد يا مسينيحه
فأنا اجاهد لأمسك ما تيقى من هذه الفانيه تغدرني و تتسرب من أصابعي ...
لكن تلفاها عند الغافل .... لووووووووووووووول
أسي المسانيح ديل بيجوني ... قصروا عمري بالمناهده
.............................. ود الكامل اتنخج سمح ..... ثمح؟
Post: #275 Title: Re: خيمه بت الهنا Author: نوفل عبد الرحيم حسن Date: 05-05-2009, 04:57 AM Parent: #272
Quote: والله نحنا عساكر وانقلابين,, وكان ما عاجبك ,
سكران و كمان شيوعي
ههههه وكمان هلالابي تميت الناقصه يعني يا ابو السيوف ؟
بالله ياريس - بت الهناء- بعد البيان الاول دا مسكينا وزارة الشئؤون الاجتماعيه عشان نكتر في الاعراس الجماعيه .... خاصه للعايزين يدبلوا تحت شعار ( زوجه واحده لا تكفي )
كنت مرهولة بين الصفا والمروة ولا ناشة غنيمياتك للراعي المسنوح ؟
Post: #278 Title: Re: خيمه بت الهنا Author: نوفل عبد الرحيم حسن Date: 05-05-2009, 05:20 AM Parent: #276
بت الهنا المنبر دا شغال زي عداد ال BMW في شارع التحدي ( ما شاء الله يعني ) بكري ما يوقفنا :D جاري بسرعه مرات العداد ذاتو ما بقراها اها لما نخلص من بوستات العزاء ومبروك النجاح وكورة الهلال والمريخ بكون النظر طشش والنوم كبس زيدي علي كده جري السودان الما بخلص دا الناس مسكوا وزارات الحكومه وانا مسكت وزير عرسان ما خليت عريس ما بقيت ليهو وزير عشان كنت بعيد منكم .. لكن البعيد عن العين ما بعيد عن الخاطر
نوفل اوع تكون عينك حاره؟ والبوست يتلحس .... لوووووووووووول
اها العافيه درجات من وزير عريس لي عريس انشاء الله
و انا بت شيوخ و الله كان دعيت ليك .... تشوف براك
و انشاء الله يا نوفل السنه دي قبال ما تتم ... نجي انا و البنيات نسوي السيره و العديله في الخيمه... و انعام تحننك و ماما دومه تجرتقك ... و سلمى تسوي العديل و الزين .. والشباب يعرضوا ....
قصرت؟
Post: #281 Title: Re: خيمه بت الهنا Author: نوفل عبد الرحيم حسن Date: 05-05-2009, 05:46 AM Parent: #280
Quote: نوفل اوع تكون عينك حاره؟ والبوست يتلحس .... لوووووووووووول
احطياطي كده قلنا فوق ما شاء الله .. ما تشيلي حالي ساي
Quote: و انا بت شيوخ و الله كان دعيت ليك .... تشوف براك
انا ذاتي ود شيوخ ليهم قباب وحيران .. وبعد دا ما قدروا علي :D
Quote: و انشاء الله يا نوفل السنه دي قبال ما تتم ... نجي انا و البنيات نسوي السيره و العديله في الخيمه... و انعام تحننك و ماما دومه تجرتقك ... و سلمى تسوي العديل و الزين .. والشباب يعرضوا ....
الله عليك ياخ ... احلي دعوه من بقك لباب السماء علي قول المصريين
اتخيلتي نفسي طبعا .. وحولي انت و ناس ماما دومه ونعوم وسلمي وباقي الشباب شعور جميل ياخ ههههه
Quote: قصرت؟
ما قصرتي تب والله علا انت رفدوك من الشغل ولا شنو ؟ كفاك قومي امشي شغلك
Quote: البند الاول : ان يكون المنتسب مؤمن بمبدأ من كان له فضل زواج فليعد به على من لا زوج لها (آنسة، مطلقة، ارملة) و ستأتيكم بقية البنود و الشروط تباعاً
لحظة بس ممكن نعدل لتوسيع قاعدة المشاركة لاضافة الاتي :-
من كان له فضل زواج متعة او مسيارا .... الخ
قلت اضيف (صداقة) بس خفت البوست يتلحس
Quote: كل من يأنس فى نفسه الكفاءة عليه تسجيل اسمه عند مقرر الرابطة الاستاذ سيف الدولة كامل
لحظة عدل هنا (كل من يأنس فى نفسه الكفاءة ولديه الخبرة في الورديات الليلية .......)
Quote: المهندس لواء أركان حرب أبوبكر من رتبه لواء الى رتبه فريق
جنس ترفيعات انا اخر واول رتبة عسكرية اخدتها كانت طالب كديت في المدرسة الثانوية بتاعة زماااان وشريطا واحد ما ختوهو في كتفي لانو حكاية صفا وانتباه يمين در شمال در وعينك في الضبانة دي ما كانت بتنفع معاي فلذا كان الصول بيعلمني العوامة ارضا علي الحسكنيت ودي حاجة بيعرفا العرريب كويس !!!!!اها من من غير شريط الي فريق طيب مدام بقيتو فيري جنرص كدة ما في فريق ممتاز زي دوري الكورة ؟؟
اها بت الهنا مشير اول عشان انا ابقي مشير ... ياجماعة الخير بالله انا ما قاصد اية حاجة بس غيرة كدة ساااااي .. عايز ابقي مشير وبت الهنا قالت حتشيير علي بالاشارة بشان ود شيقوق الخائن المتمرد ما يخترق تنظيماتنا وكدة ... بالله ما داير مظاهرات وكوارييك بس اقبضو العرريب دة وعلقو في شجرة طلح اصلو قال اموت في الطلح اها خلو اليموت في الطلح ... انتهي البيان والماعاجبو يمشي يشوف ليهو خيمة تانية وفي خيمة القائد الاممي تشييل كل افريقيا امشو هناك وخلو لينا خيمتنا ....
Quote: ضرووووووووووووووووووري راح يوصلكم ايميل فيه ملف باور بوينت اسمه الحياة جميله .. اذا وصلكم '''' لاتفتحونه ''''' بل قوموا بمسحه بسرعه لأن فيه فايروس جديد
أول ما تفتح الملف راح تطلعلك رساله تقولك : تأخرت .. حياتك الآن ليست جميله< /SPAN> وراح تفقد كل شي في جهازك وسيقوم المرسل باستقبال رقم الباسوورد الخاص بإيميلك هذا التحذير من شركة مايكروسوفت ونورتن أنتي فايروس علماُ بأن الفايروس انتشر منذ يوم السبت الماضي وشركات الانتي فايروس الى الآن لم تستطع أن تدمر هذا الفايروس
اسم الملف < BR>Life is beautiful امتداد الملف Power Point اسم الهاكر صاحب الفايروس life owner
ارجو من الجميع إرسال هذه الرسالة إلى معارفكم لتفادي الوقوع في هذا الفايروس
سلمى حبيبتي انشاء الله تكوني بتقدلي هنا مره مره رغم الانقلابات انا من امبارح دايره أقول ليك والله انا زاتي قلت يا دكتوره تحبب
والدكتره فهم و انت ست الفاهمين يا ستهم... كفايه كلامك الرصين و موزون
اها الكلام طبعا كان عن مصر ... قوم كدي يا المسنوح شقا سوي انقلاب و دور في البوست خمش طبعا هو العريريب من بلدهم لي مسقط رأسان ... الخرطوم زاتها كونكشن قال ليك الشنطه حديد ... و ناس الحله كلهم جوا خامشين الزواده ... قايلين الشغله قطر كريمه والعهده على الراوي انه الشنطه فيها زيت سمسم .... خميره لبن ... شطه ... ويكه ... ريحه بت السودان و جندبه ميته
الله يجازى محنك لقد اضحكتينى بهذه الجندبة الميتة و هو على فكرة تصوير بديع و رائع لمحتويات تلك الشنط و الشاهد ان وجود جندب ميت او اى نوع آخر من الحشرات انما يدل على بيئة تلك المناطق الزراعية الجاذبة لتلك الحشرات و التى تختبئ فى المناطق الرطبة و المظلمة مثل الشنط ......
اها لقيتينى كيف ؟؟؟ لكن برضو التدبيل حاصل
الريس شيقا
شيقا للتتدبيل شيقاللسيرة و العديل شيقا رئيس القناديل بس وحياتك خايف عليك من كوم المناديل ( تمبللللووووولللللوووو )
اعجبتني ملاحظتك للعبارة الواردة من المسنوحة التي قالت فيها (جندبة ميتة) ما كنت اخالها متعمقة لهذه الدرجة في ثقافة ضهارينا لكن اشك عندها data base او مصادر معلوماتية تورد اليها معاني تلك المفردات .
البند الثانى : ان يكون عضو الرابطة يملك مواهب احترافية تجذب الطرف الآخر و تؤدى الى اقناعه بمبدأ التدبيل خاصة اذا كان الطرف الثانى من غير المتزوجات من قبل ( آنسة ). كل من يفتقد هذا الشرط سيفقد جزء هام من الاهلية المطلوبة للانضمام للرابطة
شيقا
الشرط ده ضرورى و لا يقبل التعديل الا اذا كان التعديل يزيد من قوة الشرط و ما تقول لى مسيار و معيار
مع اعتذاري يا بكوري على المحاكاه لاهلي الرطانه ... لكن ما كل رطانه رطانه انت رطانتك شقشقه عصافير ما زي المسنوح دراب مالكم؟ مش انا ست الخيمه ؟ أقول الأقوله
انت يا المسنوح بتدور تواعدني؟؟ والله ياهو ... قال لي بكره قال.. بكر عدوك قرد قول يامين ... لوووووووووووول
أبل ليك ابري ... بتعرفوا ؟ ما ظنيتك
المهم يا المسنوح يا صاحب المسنوح ... انت مفروض تتوب من المواعيد .. عشان اخر مواعيد هججتك من السودان و جابتك هنا.
و اسي جاني في الايميل ... وبكشف حالك بيه .... ققرققرقرقرقققر
أقروا يا ناس على لسان فيصل خليل:
ياعمك مرة زمان في الزمان الغابر ، وانا راقد في نص الحوش زي التمساح العشاري معاي الحجة نتجاذب اطراف الحديث ، والكهرباء ( كاطعة ) كعادتها و السخانة زي الشطة . التلفون يقوم يرن ،،، ارفع السماعة يجيني ليك صوت زي الكمنجة : العارض : منو معاي !! هي : حسن موجود ؟؟ العارض : مافيش .... نقول لي منو ؟؟ هي : قول لي ندي ،،، طيب باي !! انا ما لايووق مُخاطة بس : باي نق تربيع !! دقيقة و الحكاية شنو انا غفير ولا بتاع كبانية !!؟ هي : ليه في شنو؟؟ العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟! ما كرهتونا البلي زاتو !!! هي : انا آسفة ما قصدت شئ بس لانو ما بعرفك ، انت منو طيب ؟!؟! انا : انا العارض اخو حسن ( علماً باني لا اعرف حسن ولا زول بهذا الإسم الا حسن الترابي وده بذات بينو وبينو مافي اي عمار ) يعني معقول اقول ليها النمرة غلط ومافي زول إسمو حسن ( انا جنيت ) !! ونظريتي في الحياة : ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !! هي : خلاص ياعارض اتونس معاي وليه لا ، ده حتي باين عليك زول ( لتييف ) !! المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات وشئ شعر شئ غرويد عيون ، حكم وامثال و البت انكيفت لي شديد !! هي : طيب باي ، هاك تلفوني وهات تلفونك وسلم علي ( حسن ) . انا : ( في سري طبعاً ) حسن بتاع جنك ، حسن والصفارة !! دقييقة ياخي ، ومال كنت ح احنكا كييف !! لما خلصت المكالمة وجيت راجع للحجة : سالتني : ام العارض : انت يا ( عروضي ) ده منو البتنضم معاو ساعة ده !! .... قلتا ادقس الحجة قلت ليها النمرة غلط . الحجة : ساعة وتقول لي غلط الضارب ده هندي !! انا : انت ياحجة في الامن ولا نكير خالك : مالك بتحكيها كدة . الحجة : يحكك الجرب يامخوزق تلقاها واحدة من الغنم البضربو ليك ديك ...!! العارض : انت ام رقيقة ولا ام فتفت ،،،،!! ... المهم سادتي دورت التلفونات بيني والحبيبة الوطن ،، وكل يوم تلفونين تلاتة وانا خلاص الصوت الناعم يزداد رسوخاً في ذهني .. اتعذبتا عذاب شديد . البت اقرأ ليها شعر ( يحي فضل الله ) اقول ليها انا كتبتو ... مرة قريت ليها : ( ياضلنا ) قلتا ليها دي بذاات كاتبا فيك لانك عندي زي ضُل الضحي المترامي بين مسارب روحي !! بعد مدة سمعتا ليك في شريط لي ( مصطفي سيد احمد ) شاكلتني وقالت لي انت ماعندك مصداقية كييف تدقسني وتقول لي كاتبا فيك !! انا : ( مالئيم وما بتغالط ) . العارض : انت ما سمعتي بي توارد الخواطر ،،، اها ده توارد بيني والشاعر الإسمو / يحي فضل الله ده . وبعدين هو زاتو متأثر بي و شعرو كلو ضُل و شجر تقول ( مزارع ) . اهن الدامة كلما اقول ليها نتلاقي تقول لي خلينا شوية نأخد علي بعض !! انا ( متفائل ) قلت النص ده ح يكون مبالغة زي صوتا ده اصبر عليها و طول بالك ياحبة بكرة تُفرج وتكتحل عيونك برؤية البدر ليلة تمامه . يا بت الناس ما نتلاقي خلاص ،، تقول لي اصبر بطل شفقة انت مالك لايوووق كدة !! انا اللايووق انا الويكة انا السرسيون . واشيل واطمن في نفسي واقول البت دي بي صوتا ده بالميت بتكون قريبة ناس المغربي ، وعيونا بكونوا كبار وغلاد و حلوات زي عيون الحمار . ... اها مرة قُرحتي قايمة علي و عندي حرقان وزهجان الف قامت ضربت لي تلفون في المكتب . العارض : هووي انا حركات المراهقين دي ما بتنفع معاي ،،، نحن لازم نتلاقي يا كل قرد يطلع شجرتو شنو شغالين خيال علمي !! هي : ما تخلينا شوية مالك الليلة !! خلينا نخلق مساحات للشوق !! العارض : مساحات شنو دي الاراضي يا نتلاقي يا شتات تاكلي نارك . كرهتينا التلفونات بقيت عامل زي رأفت الهجان كدة !! هي : خلاص بكرة نتلاقي في نادي الاسرة ،، بس انت خليك ( ريلاكس .. وقد كان اليوم الموعود . الحلة كلها عارفة انو العارض جادع زمن وح يلاقي الحبيبة ( ستات الشاي نسوان الكسرة بتاع الدكان عوض الترزي حتي عايدة شمار ) . ياعمك خشيت ليك في المحشي من العصر ونجيب الريحاني ( اباطي اتهرد من الريحة ) قربت اعمل الفاتح الصباغ لي شعري بس خفت من شيلة الحس ، اها وشتات لي نادي الاسرة !! مشيت قبل ساعة من المواعيد ( الخفة الكتلت اب تفة والرشاقة الكتلت إشراقة ) . وقلتا اعمل كاسحة ألغام وده ما مهرجان فرح كرنفال عشق !! اها الدنيا مغربت كدة ، جات ليك بت زي الليل زي السم انا بي خفتي المعهودة جريت عليها : العارض : انت ندي !! هي : لا ابداً وقبلت علي الجهة الثانية ( بس ،، الله يكسر حنكك عامل وشك العريض ده ) . العارض : هووي يا العولاق اصبري علي بس تجي القطعة النضيفة دي وجاهتك دي الا اطيرا ليك من راسك . .. بس بعد شوية تجي ليك بت زي ( السحلية ) لا زي الدبيب لا دبيب شنو زي الصارقيلة الصايمة !! وانا خلاص من الضحك داير اقع علي وشي ،،، وهي طواااالي جات ليك علي !! الصارقيلة الصايمة : انت العارض ؟! انا : آي انا العارض عارض السجم والرماد . وفي سري قلتا دي بتكون مرسال الشوق الحبيبة رسلتا ( للإعتذار وكدة ) انت منو يختي !! الصارقية الصايمة : انا ما ندي ندوية قلبك يا قلب ، يخسي عليك ياعروضي ما عرفتني !! ... انا خلاص بقيت مخدر وكداري ما شايلاتني وقلت ياعمك دي الكاميرا الخفية ولا شنو ؟! اواصل الفيلم للنهاية و الشباب في الحلة راجينك ح تقول ليهم شنو؟! ده ماآكشن الآكشن ، المهم لملمت اطرافي وقلتا ( خربانة ام بناية قش ) !! وهاك ياضحك وغرويد عيون وشعر ،، اي نعم كنت داير اطرش وانا بقرا الشعر لكن اهو نمشي الحال . ... وقلتا لازم امتص الصدمة و اعمل فيها روحي رياضية . وهي دايرة تطير من الفرح ،، وتعطش ليك في ( الجيم ) انا قايل الجيم صايمة اليوم داك !! وهاك ياغرويد عيون و تتلولح وتتمايص زي الياي !! وماسكاني من يديني انا قايل نفسي ( هاني شاكر ) و لو جاء زول فيكم بهناك ما حا يعرف الجكساية منو فينا .. ... لكن النصيحة البت ما مبالغة حنضل بس !! ياخ دي وشها زي اللين ( مثلث ) وخاتة ليها قطعة كرتونة في صدرها زي المريلة ،، ح تقولوا لي ليه : ما عشان صدرا ما يتقدّ لو نزلت حنكا ودنقرت لي تحت ،،، مش قلنا حنكا سنين ولا شنو !! وبعدبن مجلطا ليك شعرا تقول بي ( مخاطة ) ،،، وكمان لابسة ليها 15 قطعة قماش ده مسلسل الجوارح ولا شنو !! طبعاً دايرة تسمن وكدة : في سري ( لن يصلح العطار ما افسده الدهر يا حبة ) !! المهم سادتي اليوم داك مرّ بي خيره وبي شره !! بعدما طمنتها انو البينا سوف يستمر ونحن كيان واحد .. ولازم نواصل المشوار ولا نامت اعين الجبناء ، وانت إمرأة حلوة ومستنيرة وروحك حلوة !! ... ولما رجعتا الحلة فكيتا ليك في الشباب قلتا ليهم : البت طلعت زي الليل زي اللبلب ، هم صدقوني لكن بإرتياب عارفين حظي !! اهن هي بقت تضرب في المكتب وانا عامل ( حظر عاطفي ) إستنفار شديد اي بت تضرب لي ان شاء الله بت لعاب : انا مافيش انا في الجنوب مشيت العمليات جاني قبول من سرايفوو اي حاجة بس جلوني منها !! انا ما شليق يوم جيت المكتب بدري التلفون يرن ، رفعتا السماعة القاها ليك دي ( حبيبة قساي ) ومين قسا قلبي !! هي : وييين اتا وشنو الحكاية من ديك وعيك !! انا قايل ده يوم القيامة ،، لساني الطويل داك بقي زي حق الطيرة وخشمي بقي ناااشف و حلقي مُر ،، جاني طُمام بتاع الملاريا داك و كلما ابلع ريقي احس كأنو في حلقي في علبة ( صلصة مصدية ) ولا لستق عربية محروق ماعارف بالضبط شنو !؟!؟ وهي مواصلة في الاسئلة زي نكير : الصارقيلة الصايمة : مالك ما باين ويا حليلك وياحليل ايامك وشنو ما بضرب ليك طوالي ما بكلموك سكرتيرتكم العاملة زي الورل دي ما بتكلمك !! ورل انت كمان بتتكلمي في الشكل ( في سري طبعاً ) . لما خلاص زهجت مني وانا زي الابكم !! الصارقيلة الصايمة : ماعشان كدة قلنا ما نتلاقي ،،، رجال ماعندهم نظر ، و المراة عندكم بس جسد .... وكركرب قفلت السماعة !!!
نصيحة : ... تاني مافي واحد فيكم يرد علي التلفون لو في ناس تانين في البيت !!
همسة : انا لو بقدر علي الحمام الميت ده ووجع القلب ده كان مشيت الشرطة الشعبية !!
حاشية : لا تثق في الصوت عبر الهاتف ان بعض الجكس يؤذي !!
حاشية الحاشية :
... لو في زول فيكم وهو حايم في الخرطوم و شاف لي بت زي الحربوية خاتة كرتونة في صدرا (قطع شك ) دي الحبيبة الوطن ... ولازم يقطع فيها كف علي مسؤليتي انا ،،،،،،!!!! ... وبرضو تقولوا لي سموك : ( العارض ) ليه !!
انا غايتو بعرف زولا حصل ليهو نفس الدور وهو معانا هنا وكمل الليل كولو مسجات ورنات ومسانجرات شهور وشهور وبعدين هو ذاتو صارقيلة مكسحة وكمل كل قروانات الطحنية وحلاوة بللبي الفي دكان عمو وبعدين طلعت عقرب عدييل ..اها من يومها وهو يكاكي وينطط زي القعونجة من بوست لبوست ...
انت يا سجمان زعلان علي "الدود" اها خلينا ليك الديدان كلتها يابيه.. بعدين البنية ما قالت ليك عايزة مسرح روماني هي بس عبرت عن مسرح الواقع وانت بقيت في دود الخلا والخمج ..دود الخلا اليخليك فوق الشجرة مع القروود اصحابك سنتيين ويقعد ليك بتحت كدة حسااادة سااي كان تهوب تنزل الواطة
أقول ليك حاجه ... انا اتنازلت ليك عن الرئاسه و عن الخيمه... انت ماك هويييين
انت البتجيب لي خير المسانيح ديل ... انت البتجيب التار ... و الواعي ما بوصو
يا دود الخلا يا مقنع الكاشفات با أخو البنيات
ايوييييييييييييييييي
يابتي انا من المطالبيين بعودة الكنداكات الي رئاسة الحكم في بلاد السودان وبالتالي لا تتنازلي عن الرياسة بس اديني الصلاحيات القانونية لوضع شرك مرفعيين من النوع الغير humane بتاع زمانك دحين ناس WWF مصريين علي صندوقاسمح زي Musa cot ما بينفع مع انواع المرافعيين الفلتانة دي .... اخو بنات وابو بنات وتحيا البنات
أها يا وليام يا خوي : المكيف الركبته و الله نفعني .. بعد ما بكري حفظ النظام .. والمسانيح اتكوجنوا... قعدت في غرفه العمليات .. علا السلاح ما نزلته ... وقمت كدي فتحت النت ... بدور أنطرب ... و قلت كدي ... و خمشت لي غنيه لي المرحوم بادي اسمها : يالهواكم بقى لي جريمه ... ما بعرف الوداني افتحها شنو غير شلاقتي؟؟
اها في مقطع كدي بيقول :
كنت رايق ناصب لي خيمة منشرح مبسوط يا بدر ماني حاسس ماني حاسس ماني عارف العقبه الوخيمه بهمومها تزاحم (ماعرفت الكلمه)
قول اربعه مرات اللهم بك اصبحنا وبك امسينا.... قول أربعه مرات اللهم اني اصبحت أشهدك و أشهد حمله عرشك و ملائكتك و جميع خلقك بأنك انت الله لا اله الا انت سبحانك اني كنت من الظالمين...
ونحن ح نقول اللهم انا نعوذ بك من شر هذا اليوم و شر مافيه....
يابتي الخيمة دي مش في الخرتوم ؟؟ واليوم بقي السادس ...انا بتي الكبيرة كان عيد ميلادها امس الخامس من مايو (صباحا بتووقيت الخرتوم ومساء شديدا بتوقيت البكان البتعيش فيهو شرقا ) ....انتو الخامس من مايو بتاعكم دة مركبنو اب قدح ؟
___________
حاشية للجميع :
كما ذكرت سابقا كثيرا فانني واجيال الناطقيين بغيرها درسونا عربيAbridged بس زي جدادي يلقط الحبة وديكي يجري وظلوط والنمر النمر يعني "مسنوح" دي ما في الديكشنري بتاعنا ووالعرريب السجمان دة يا اما اخترعها يا كعادة العرريب داسيين عنا حاجات كتيرة فبالله من يانس في نفسه الكفاءة يشرح بعربي بمستوي للناطقين بغيرها المصيبة دي شنو وشايفكم عملتو منها تصريفات مسانح وسنحات وووووو... ( العرريب ليس مؤهلا بتاتا لان يدلو بدلوه او خرجه اوقروانته في هذا الموضوع ) .. القائد الاعلي
Quote: اللهم بك اصبحنا وبك امسينا.... قول أربعه مرات اللهم اني اصبحت أشهدك و أشهد حمله عرشك و ملائكتك و جميع خلقك بأنك انت الله لا اله الا انت سبحانك اني كنت من الظالمين...
اللهم إنا لا نسألك رد القضاء وإنما نسألك اللطف فيه
Quote: ونحن ح نقول اللهم انا نعوذ بك من شر هذا اليوم و شر مافيه....
Quote: كما ذكرت سابقا كثيرا فانني واجيال الناطقيين بغيرها درسونا عربيAbridged بس زي جدادي يلقط الحبة وديكي يجري وظلوط والنمر النمر يعني "مسنوح" دي ما في الديكشنري بتاعنا ووالعرريب السجمان دة يا اما اخترعها يا كعادة العرريب داسيين عنا حاجات كتيرة فبالله من يانس في نفسه الكفاءة يشرح بعربي بمستوي للناطقين بغيرها المصيبة دي شنو وشايفكم عملتو منها تصريفات مسانح وسنحات وووووو... ( العرريب ليس مؤهلا بتاتا لان يدلو بدلوه او خرجه اوقروانته في هذا الموضوع ) .. القائد الاعلي
سيبك من ده كلو . دحين انت بتعرف ترقص العاجكو ؟
جربت الحت بالكتف زمان ؟
جربت لميت ليك سجارة برنجي في جيبك منتظر بيها حفلة فيها جكسويتك وتقوم تمشي ليها وتشنق طاقيتك وكش تكرش الكبريتة لما عطاربتها تعكل في السماء لزوم جكسويتك تشوفك تبخبخ ؟
جربت تحديد مواعيد مع جكسويتك في ال out-patient وتكونوا الاتنين في ال que وتكون متمنى الكيو يكون سلبة ؟
Quote: سيبك من ده كلو . دحين انت بتعرف ترقص العاجكو ؟
زمااانك لما ات كت مشغوول بالقرود وقروانات الطحنية وحلاوة بللي لي قصة تاريخية مع العجكو حينها حيث كنت احد افراد الفرقة النوبية الطلابية المشتركة في مهرجان الفلكور الشعبي في جامعة الخرطوم في مطلع 1968 ورقصة العجكو كنت ضمن ما تدربنا عليها مع اخوتنا من منطقة العجكو ذااااتا وتلت الرقصة النوبيةى رقصة العجكو فخرجت زميلة من دار حمر ترقص العجكو ونحن نصفق وعينك ما تشوف الا النور وهاك ياجديع كراسي وحديد ونور قطعو والحفلة كانت ماهولة بالسفراء الاجانب واساتذه الجامعة وضيوف وووو ولكن ارادت جماعات ان تقلبها الي ماتم ولقد تم لهم ما ارادو وليلتها قتل برلوم معاي في نفس السنة رحمة الله عليه وتقوللي تعرف العجكو ياعرريب ياسجمان ....
المسانيح كلمه عجزت كل المعاجم عن فكها و لكن اتى بها المسنوح من الضهاري و حشرها في زمره الكلمات العربيه و أصبحت تستخدم في البورد بي شده وسوف نصبح قريبا مسانيح أون لاين
Quote: و حشرها في زمره الكلمات العربيه و أصبحت تستخدم في البورد بي شده وسوف نصبح قريبا مسانيح أون لاين
منو القال ليك حشرتها في زمرة الكلمات العربية يا مسنوحة انت ما سمعت الشاعر قال:-
علي " قالي منزه طبعو مو مسنوح كمان راقي وحلو ومن كل فارغة صفوح شعر بي حالة القلب البوِحْ مجروح إن جاملنا يشكر وان طلع مسموح
Post: #342 Title: Re: خيمه بت الهنا Author: فيصل محمد خليل Date: 05-06-2009, 06:57 AM Parent: #337
كيمو: ـــ بعد التقصي و الاختبار و صلت لي معلومه انك بوردابي كواليسي ــــــــــــــــــــــــــــــــ نشكرك بي شده على الكاريكاتورز التي تحكي واقع شقا المعاش ــــــــــــــــــــــــــــــــ
يا شيقاااااا .... الحق زولتك طلعت امنجيــة ..وانا اصلو قلبى ماكلنى بقول البنية دى بتنوم بالنهار وبتشتغل بالليل مالا ..ياهو ذاتو شغل الجماعة....... وعلى اى حال عليك اللة وصلها الاغنية دى رشـــوة
مره دايره لي حاجه من ود بت عمتي ... مشيت بيتهم ما لقيته قالوا لي طلع... اتصلت على موبايلوا ... لقيته في البيت ناسيه شلت الموبايل بتاعه .... و من موبايلي اتصلت على اخر رقم فيه رد صاحبه .. الو... قلت ليه ممكن أكلم ياسر؟ اتفاجأ و اداني ليه ... قلت ليه تعال البيت اسي دي قال لي اموت و اعرف عرفتيني كيف؟ وريته الحاصل ... أصحابه حلفوا اني شغاله في الأمن
قرقرقررقرقرقررق
يا كيمو ... انا أبوي ضابط بوليس قديم ... يعني اتربينا على يد الضباط سكنا في بيوت الضباط ... و حرسي كان ديدبان جندي ....
هيييييييييييييييييع بدون كع لغايه ما تثبت حسن نواياك
Post: #354 Title: Re: خيمه بت الهنا Author: فيصل محمد خليل Date: 05-06-2009, 08:08 AM Parent: #349
طلعت . وقت زراعة المريق " وظل سعيد مشغولا بتفريغ علب من صناديق ووضعها على الرف بعد ذلك تحرك محجوب وجلس قبالة الدكان ، ليس على الكنبة ولكن على الرمل مكانهم المفضل ، حيث ضوء المصباح يمسهم بطرف لسانه . فإذا ماجوا في ضحكهم أحيانا تراقص الضوء والظل على رؤوسهم ، فكأنهم غرقى في بحر يغطسون ويطفون ، بعد ذلك جاء أحمد إسماعيل يجرجر رجلية كعادته ، واستلقى بظهره على الرمل قريبا من محجوب دون أن يقول شيئا ، ثم جاء عبد الحفيظ وحمد ود الريس ، وكانا يضحكان لم يسلما على صديقهما ، وهذان لم يسألاهما عن سر ضحكهما ذلك شيء آخر في تلك الفئة . كانوا يعلمون ، بطريقة ما ، ما يدور في ذهن كل منهم دون سؤال ، وقال محجوب بعد أن بصق على الأرض : " أنتو لسع في حكايات سعيد البوم " ؟ كان أحمد إسماعيل قد انقلب على بطنه فقال وكأنه يحدث الرمل " " لازم المره عاوزه تطلقه " . وقال عبد الحفيظ في مرح ، أن زوجة سعيد البوم جاءته في الحقل وقالت له وهي تبكي أنها تريد أن تطلق من سعيد . ولما سألها عن السبب قالت له أن سعيد كلمها كلاما قاسيا في الليلة الماضية وقال لها امرأة " جيفة " - هكذا لأنها لا تتعطر ولا تنزين كبقية النساء . ولما قارعته الكلام ، صفعها على وجهها وقال لها : " امشي اخدي دروس من بنات الناظر " . وكان الطاهر الرواسي قد وصل أثناء ذلك وجلس في هدوء في المكان والذي لا يصله النور من بقعة الرمل . ضحك وقال : " المسنوح يمكن قايل للناظر بيعرس له واحده من بناته " . وقال عبد الحفيظ أنه طيب خاطر المرأة ودورها إلى بيتها وقال لها أنه سيجيئهم ليكلم سعيد وفعلا غدا إليهما وقت الظهيرة . لكنه تريث عند باب الدار ، فقد وجده مغلقا ، وسمع داخله ضحكات سعيد وزوجته ، ضحكات هنيئة منشرحة ، وسمع سعيد يقول لزوجته ، وكأنه يعض أذنها : " ابكي يا خيتي ابكي " . وضحكوا كلهم : كل واحد منهم على طريقته : أحمد إسماعيل يكركر بضحك يزمجر بين بطنه وصدره . ومحجوب يضحك في فمه ويحدث طقطقة بلسانه ، وعبد الحفيظ يضحك كالطفل . وحمد ود الريس يضحك بجسمه كله ، وخاصة رجلية والطاهر الرواسي يمسك رأسه بجماع يديه حين يضحك ، وكان سعيد في دكانه ، فضحك ضحكته الخشنة التي تشبه صوت المنشار في الخشب ، وقال محجوب : "
Quote: المسنوح
كيفن قدر في الحردا ؟ " . وقال محجوب : " المسنوح كيفن قدر في الحردا ؟ " .
مقططف من روايةعرس الزين وردت فيها كلمة مسنوح
Post: #355 Title: Re: خيمه بت الهنا Author: أحمد الشايقي Date: 05-06-2009, 08:15 AM Parent: #354
Quote: الشايقي يعد ايه جيت تصالحني؟ ما استنجدت يي شيخك الوهم شقا. خليه ينفعك
انا زاتي بقيت ما شايقيه حردتها ليك؟
يا بت الهنا,
معليش ياخي والله ما قاصـد
بس شيقوق دا صديق قديـم, من البورداب المخضرمين, نمينا سوا ورقدنا سوا وقمنا سوا
ام عبد الله مش بتقرأ وبس انت يا مسنوح . ام عبد الله طورت التعامل التقني والمسنجري حتى . وصار الحكي معاها بالوب كامات . فهمت ولا ادخل بيك لا جوة اغرقك لاضنيك .
مطموس انا يا سجم الرماد - نوعك ده بيكون ما خلى ليهو راية معلقة في قطية . هلا هلا مما جيت مشنق الطاقية في الهامة وجاري عكازك المضبب ووصلت محلات رمى الجمرات كش اتناولت القناية وكرررررر جريت العلم وهطتوا في التراب والعالم من حينها اتلهمت البقنية ملح ساااااااااااااااااااااااى
Quote: مطموس انا يا سجم الرماد - نوعك ده بيكون ما خلى ليهو راية معلقة في قطية . هلا هلا مما جيت مشنق الطاقية في الهامة وجاري عكازك المضبب ووصلت محلات رمى الجمرات كش اتناولت القناية وكرررررر جريت العلم وهطتوا في التراب والعالم من حينها اتلهمت البقنية ملح ساااااااااااااااااااااااى
هههههههههههههههههههههههههه يا شيقا اقولك شي وحات الله انا الشاي ما قاعد اشربه حتى اسأل استاذي سيف الدولة دة هههههه
سحرني كيمو ........ عينه حاااااااااااااااره تاني كيمو ده دلعوه كم كم ........ كيمو ده عندي معاه عقده ... بي سببها
اها ارد من وين و اخلي وين؟ كلكم كدي تعالوا بي ربطة المعلم ....المشاريب الليله فري ااااااااااي الملح ده ما بتدوروا عاد... لكن بسوي الضغط تعالوا و نرد واحد واحد
ود الكامل .... انا مااااااااابرد عليك ........ ابيت وعجبني ليك ... قربت تمشي بي عجل الحديد ...... قرقرقررقررر اللهم لا شماته ... و اجعل كيدهم في نحرهم
كوستا قاصداك بالعنيه ... راجيه اشوف نهايتك شنو؟؟
الشايقي من الاول اختلفنا .... هسي في السودان في كم بت بايركس .. نقوم كمان نفك شقا للامريكان؟ نو ويي ... اسي هي كوندا قالوا جعرت و جعرت و اتنخجت و قالت انا خطفت شقا منها ... و بقى كل و كته للخيمه و اهملها في الجات ... وفي الفيس بوك .. و اصبحت كل السكك البتودي مقفوله...
اها انا بقول ليها... موتي و موتي ومووووووتي وشقا ده انا ما بخليه ليك سوداني ود بلدي ... دمه زي دمي لونه عاجبني ... نمه زي نمي
و موتييييييييييي
سيف ود برعي ... اوعك تمرق من بوستك .. خليك استاند باي 24- 7 اسمع كلام ملدوغ
فيسل هليل .... نوم سااااااااااكت ... اسي ما شايف ود الكامل نايم و الدنيا حلوه كيف؟؟
طارق جيب الهجيج ... و خلي بقنيتك بره
الله يديني خيركم ... تورتوا علي النفس
Post: #389 Title: Re: خيمه بت الهنا Author: فيصل محمد خليل Date: 05-07-2009, 07:01 AM Parent: #388
غايتو الفيك اتعرفت قلبى على بت الهنا وقلبها علىّ بالعنيه و يمكن يتطور الى البنيّة ( بضم الباء)
و نحنا ناس بنعيش حياتنا الغالية بالنيه السليمة و عشان كده ربنا حافظنا من كل ما يحاك ضدنا
الريس شيقا المقرر سيف
ارجو اثبات سوء النية بالدليل القاطع اعلاه و رفع دعوة ضد صاحبة الخيمة لاستغلالها لصلاحياتها ضد احد الاعضاء الابرياء لا لشئ الا لجهره بالحق و مطالبته بحقوق اعضاء الرابطة الشرعية فى التدبيل.
يسقط نظام الخيمة العميل عاش كفاح رابطة المدبلين واعضائها و انها لثورة حتى التدبيل
صورة: للسيد مقرر حقوق "التدبيل" بالخيمة صورة: للسيد ممثل هيومان رايتس ووتش بالخيمة صورة: للسيد ممثل بانكى مون بالخيمة صورة: للسيدممثل المحكمة الشرعية"المأذون" بالخيمة
Post: #391 Title: Re: خيمه بت الهنا Author: فيصل محمد خليل Date: 05-07-2009, 09:04 AM Parent: #390
سحرني كيمو ........ عينه حاااااااااااااااره ـــــــــــــــــ تاني كيمو ده دلعوه كم كم ........ كيمو ده عندي معاه عقده ... بي سببها ــــــــــــــــــ
يابتـى يابت الهنـا..سلامتك والبورد كلـــو فداك بس عليك كيف اكون سحرتك وانا مقدم السبت واشيل واهديك فى الاغانى رغم انو الجماعة جارين لى الفرملة..وبعدين عاينى فى عيون ناس سيف الدولة وشيقااا وفيسولى عشان تعرفى السحرك منــو اما عيونى انا حاوريك ليهم لما اجى السودان بعد شهرين عشان تشوفى بـرآءة الاطفال فى عينيـــة
ارجو اثبات سوء النية بالدليل القاطع اعلاه و رفع دعوة ضد صاحبة الخيمة لاستغلالها لصلاحياتها ضد احد الاعضاء الابرياء لا لشئ الا لجهره بالحق و مطالبته بحقوق اعضاء الرابطة الشرعية فى التدبيل.
يسقط نظام الخيمة العميل عاش كفاح رابطة المدبلين واعضائها و انها لثورة حتى التدبيل
صورة: للسيد مقرر حقوق "التدبيل" بالخيمة صورة: للسيد ممثل هيومان رايتس ووتش بالخيمة صورة: للسيد ممثل بانكى مون بالخيمة صورة: للسيدممثل المحكمة الشرعية"المأذون" بالخيمة
ارى ان ماء السكر قد اتى بمفعوله و المسنوحة استدرجتك بمعسول الكلام و انت باين قلبك قرقريبة بس و شايفك درشت ليها و دلقت ليها الحنان هبطرش قال بت بلدى و مش عارف سمره و لون قمحه .... يا ريس ارعوى !!!!
ود الكامل
رئيسنا اصبح من الصابئين فقد سحرته بت الهنا بناعم الكلام
قف .... لزوم نعمل اجتماع عاجل لمناقشة الامر و شايف زولك عامل فيها حريف بالكلام الكاتبو تحت ده ... يعنى الود قلبو على الرابطة لكن وحياتك عايز يعمل ( أرق مهبة) و باين انو المسنوحة ختت حنانها فى قليب صاحبك الرجافة
Quote: ارى ان ماء السكر قد اتى بمفعوله و المسنوحة استدرجتك بمعسول الكلام و انت باين قلبك قرقريبة بس و شايفك درشت ليها و دلقت ليها الحنان هبطرش قال بت بلدى و مش عارف سمره و لون قمحه .... يا ريس ارعوى !!!!
ود الكامل
رئيسنا اصبح من الصابئين فقد سحرته بت الهنا بناعم الكلام
قف .... لزوم نعمل اجتماع عاجل لمناقشة الامر و شايف زولك عامل فيها حريف بالكلام الكاتبو تحت ده ... يعنى الود قلبو على الرابطة لكن وحياتك عايز يعمل ( أرق مهبة) و باين انو المسنوحة ختت حنانها فى قليب صاحبك الرجافة
وليدات ما بتعرفوا السياسة انتوا قايلين الانتصارات الا بتسسيل الدماء ؟
كنت بفتش عن road map عاطفية ولقيت نفسي في ال right track مع المسنوحة علا سذاجتكم ضيعتني وبالتالي اامر بالاتي :-
اولا استكتاب العميد كوستا انذر اولي
ثانيا يحلقوا ليهو صلعة تعمل بلنك آند ونك مع القمر ساااااااى
قرر اجتماع الرابطة العاجل الذى عقد قبل قليل ما ياتى
تنحيةالريس شيقا من منصبه و كل صلاحياته الدستورية بعد ان خان الامانة التى اؤتمن عليها تعيين ود الكامل رئيساً لمجلس قيادة الثورة بعد ترقيته الى رتبة فريق اول
حاشية:
بت الهنا
الرابطة واعية لمخططات تفتيتها عن طريق تحييد رئيسها المخلوع لن تنالى مرادك و لو حرصتى للرابطة رجال يحمونها
ملحوظة على مليشيات الرابطة ان تكون على استعداد كامل للدفاع عن مكتسباتها
Quote: تنحيةالريس شيقا من منصبه و كل صلاحياته الدستورية بعد ان خان الامانة التى اؤتمن عليها تعيين ود الكامل رئيساً لمجلس قيادة الثورة بعد ترقيته الى رتبة فريق اول
حاشية:
بت الهنا
الرابطة واعية لمخططات تفتيتها عن طريق تحييد رئيسها المخلوع لن تنالى مرادك و لو حرصتى للرابطة رجال يحمونها
اعلان القيادة العامة للقوات المسلحة
اولا : يقبض فورا على الماردين كوستا والكامل ثانيا: الاعلان فورا عن ان نتخابات حرة ونزيهة
ثالثا: تكليف الدكتور احمد الشايقي لتسيير اعمل مجلس الوزراء
تكوين لجنة عليا للتفاوض مع المسنوحة وذلك لاغرائها بحقيبتين وزاريتين على ان تناط اليها كل المهام الاستخباراتية
Quote: ام عبد الله مش بتقرأ وبس انت يا مسنوح . ام عبد الله طورت التعامل التقني والمسنجري حتى . وصار الحكي معاها بالوب كامات . فهمت ولا ادخل بيك لا جوة اغرقك لاضنيك
وييييينكم مخلنى قاعد فى الخيمة براى زى المجنون بس تعرفوا عجبنى سرير اخونا فيصل خليل الكلو " شعب" ده و كنت تعبان و ديك يا نومة اها لما صحيت لقيت الكهرباء قاط\عة و موية الازيار حارة بعد كده احسن الواحد يشتت
و حاة الخوه البينا يا سعادتك ... بس دخلت كدي ... الخيمه دي اتجيهت جيهة ,,,, شقا ده كان قادل كدي و شانق طاقيته لاااااااا فوق، و شررخ لي الكبريته، و و لعت البرنجيه,, و اتكى و صنقع ... و العين للجكس بي طرف العين... بس انت جيت سألته من أم الوليدات ... بقى يجي الخيمه زي العنده اب شهيق .... لووووووووووووووووول
اديناكم اجازه... شغلكم بقى ما تمام .... بس اسافر كده في جوله تفقديه ... تخلوا النظام يتلخبط كده؟؟
معقوله بس؟؟ أصحى يا بريش!!!
فيسل... السراير شنو فينا؟ الخيمة في مرحله نمو و عمران ... و بنشهد نقلات حضاريه ... تقوم تدعو الناس للركلسه؟ متى يبلغ البنيان يوم كماله؟؟؟ ولا عشان السد انتهى؟؟
بالنظر في الاسترحام الذي تقدمت به ... و بالنظر الى حالتك الراهنه .. و بما اننا نعلم تمام العلم أن دوام الحال من المحال و أن الدنيا لو دامت لغيرك ما الت لك .... و اعتمادا على هذه القناعات ... و بعد دراسه حالتكم المستعصيه ... خلصنا الى الاتي:
كان المسنوح ود الكامل بني ادم ... (و كما قال المسطول ... البني ادم زي الانسان) فهو كان انسان ظريف انيق حلو المعشر ... و تعرف الى المسنوح شقا ... الذي زين له اللهو و العبث... , واغره بأن كونداليزا اتكسرت و اتحتحت و ادشدشت فيه .. , و أن الدنيا ستدين له بأسرها ... و هكذا انقلب ود الكامل ... و تعرفون تداعيات الاحداث ... الى أن ال المال بود الكامل ... و اصبح يجتهد في هذه الدنيا و يبيع الكوارع في البوستات المجاوره... ليقم أوده.
عليه و رأفه بحاله ارتأينا ان يطلق سراحه ... على أن توكل اليه مهمة ... عمل الكوارع و الكمونيه بصوره يوميه ,,, في خيمة بت الهنا
انتهى
على جنب : والله يا سيف مشتاقين .... كنت دايره اخمش رقمك و أخمش ليك مكالمه .. خفت من الخمش ........لوووول
Post: #445 Title: Re: خيمه بت الهنا Author: أبو ساندرا Date: 05-11-2009, 07:13 AM Parent: #443
كتب فيصل هليل:
Quote: هذا السرير من دخله امن
تلقاها عند الغافل
مشرك يا معلم ؟
يارب تدخل ليك فيه عقرب عشان ماتعرف تنوم
امس شايفك رافع القزاز
يا بت الهنا خيمتك لذيذة وضيوفك حلوين و وناسين ومن الصفحة الأولى كنت عاوز وملاوز القى متكلين فيها الشرازم وذوات الكبك والضفائر والعقارب زي العايزنها تدخل سرير الغريبة سرير فيصل هليل
Quote: عليه و رأفه بحاله ارتأينا ان يطلق سراحه ... على أن توكل اليه مهمة ... عمل الكوارع و الكمونيه بصوره يوميه ,,, في خيمة بت الهنا
وفقا للشروط الاتية:-
اعداد عدد كافي من البنابر للعملاء قش الصقيعة المجاورة ليتسنى للعملاء التحكر في الواطة في حال عدم وجود بنابر شاغرة تخصيص مجموعة هبابيب من القد لل females وعمل جدار فاصل chinese wall بين الجنسين على ان تتولي خدمة الفيميلز فيميلاية خفيفة الظل تنظيف صواني العرض بدلقان نضيف وعدم استعمال طرف عراقيهو لمسح الصواني .
معليش جاني اتصال قطع كلامي برجع ليكم تاني
Post: #448 Title: Re: خيمه بت الهنا Author: فيصل محمد خليل Date: 05-11-2009, 07:40 AM Parent: #446
الليييييييييلا يا بت الهنا
جاكي بلا
ديامي مقرم اسمو ابوساندرا
دا ما زينا كلام بس .امسك لي و اقطع ليك طوالي
ديسي السرير لانو بيمرق الدابي
اطلبي لجو لجزر البروش
جوز ما يخسر
والا اقول ليكي اكتبي في الخيمة من بره بالظهر
يا داخل هذا الدار ما تجيب معاك ابوساندرا و الكسار
ياخونا صفقة شديدة للزميل ابوساندرا
و جيبو ليهو عنقريب مكرب لانو انسان مكرب
وطبعآ اول ما يجي داخل قبل السلام حيسالكم
الخيمة دي فيها ادارة لو قلتو ايوه حيقول ليكم انا ضدها
يا ابوساندرا ما معانا قزاز و لا حتى ما تجيبو معاك في كيس نيلون
Post: #449 Title: Re: خيمه بت الهنا Author: أبو ساندرا Date: 05-11-2009, 08:17 AM Parent: #448
Quote: والله فيسل ده يفكوه من ده يمسك في ده
كر
بقى يقابض ؟
من ما شفت فيصل هليل هنا عرفت ان القصة ما ح تخلص ففيصل زول حكاااي ومتلاعب ذكي ودمه مكون من لطافات وزرافات ومرايس يا فيصل في الخيمة دي شن كايس ؟
شكرآ على الترحيب الحار يا بتنا
لكن اراك بخيلة حيث لم يدعم الترحيب الحار بالجبنة { البن } الأحر منو
Quote: اعداد عدد كافي من البنابر للعملاء قش الصقيعة المجاورة ليتسنى للعملاء التحكر في الواطة في حال عدم وجود بنابر شاغرة تخصيص مجموعة هبابيب من القد لل females وعمل جدار فاصل chinese wall بين الجنسين على ان تتولي خدمة الفيميلز فيميلاية خفيفة الظل تنظيف صواني العرض بدلقان نضيف وعدم استعمال طرف عراقيهو لمسح الصواني .
يا عرريب شن عرفك بالخدمات (الكيترنق) والضيافة (الهوسبتاليتي ) دي تخصصات ناس راقييين متحضريين نوبيين وما بيلبسو عررايق لا في الشغل ولا بر الشغل بيلبسو يونيفورم انت ما شفت الشيف عابدين .. ياعرريب من اليوم ات بس تقعد برة الخيمة بالناحية التانية يعني ما ناحية الباب وتهتم بالجريوات والكدايس ...قووووم فز ...
اخبارك و أحواليك ... اذا دار محور السؤال عنا ... فنحن بخير و لا ينقصنا الا رؤياكم الغاليه....
انا تمام التمام .... تشرب شنو؟
اشرب شاى من الكفتيرة مباشرة لو سمحت..اكون شاكر ومقدر اصلو انا بحب الكفتيرة دى حب كده مبالغة ولو ادونى الشاى من اى حاجة غير الكفتيرة ما بينفع والصداع ما بروح..
الحاضر يكلم الغايب .... بت الهنا أصدرت العفو العام عن ود الكامل .... و اصدرت قرار بترقيته و مسح تهمة الكوارع التي نسبت اليه و أنيطت المهام الخاصه بي قشرته الى الرطاني أبوبكر ,,, الذي أدخل مصطلحات عالم الموضه الجديده مما أدى الى زغلله عيون ود شيقوق ... الذي كان لا يعرف من متاع الدنيا الا العراقي ... و الجبه
و هنا سرد تفصيلي لوقائع السماح عن ود الكامل:
طبعا الزعامة عندها ناسا... أي انه ليس من الممكن ان تكون زعيما هكذا بين عشية و ضحاها... وبت الهنا من اولئك النفر الذين توافرت لديهم هذه الصفات ... بفضل الله
فبت الهنا أو الكنداكه ... أقامت خيمتها على أسس محدده ...
وكلكم تعرفون تداعيات الاحداث مع ود الكامل... و لكن بت الهنا كانت لديها نظره مبعديه تجاهه... ولم تطالب باقالته أو نفيه ... بل على العكس امرت بابقائه قريبا منها .... كل هذا لأن الكنداكه لديها الحاسه التي تمكنها من سبر بواطن الامور ....
قضت بت الهنا لياليها ساهده مؤرقه ... مال هذا السيف يقلق منامي؟؟ أتراني ظلمته.. هل ماقام بعمله هو كيد ساحر؟؟ وهل و هل وهل؟؟؟ ثم بثت شكواها لأحد العارفين ببواطن الامور و المقربين منها... و اخبرته انها ستهاتف ود الكامل ... ليكشف عن حقيقته... و لكنه رأى أن في هذا تقليل لهبيتها .. وان الخيمه تمر بمنحنيات خطيره تفرض الحزم و اللزم.
وفي يوم خمشت بت الهنا التلفون و كان الحوار التالي: Bit Alhana: Hi Saif: Hi Bit Alhana: May I speak to Saif Saif: speaking Bit Alhana: How r u doing Saif: Fine Bit Alhana: where r u right now Saif: At work
بت الهنا و بصرخه مدويه أنا بت الهنا .... و دقستك
سيف والله دقستيني يا بت الهنا ... كيفك وحق الله بق الله ... و كأن الناس بتعرف بعض ليها سنين ...
و في اثناء الونسه الأخويه الجميله جاء ذكر الخرطوم غرب ... بت الهنا : يا سيف نحن سكنا هناك سبف: وين بالضبط بت الهنا: أول بيت منه و السينما طوالي سيف: البيت ده فيه بت حصل ليها حادث حركه و أتوفت؟ بت الهنا: أي دي أختي سيف: معقوله؟انتي بت عمي عبد الرحمن" بت الهنا: أأأأأأأأأأأأأأأأي سيف: انتي اخت فلان و فلانه؟ بت الهنا:أأأأأأأأأأي
وطلعنا جيرررررررررررراااااااان
و يا سلام عليك يا سيف يا راقي ... طلعنا أهل و أصحاب
و ربنا يديم الموده و الأخوه ... و يخلي بكري ابوبكر ... اللي قرب البعيد ... و خلى التواصل ممكن
أبو ساندرا .. دايرين يخوفوني منك... بالذات فيصل ..... يلا وريه الشغل التمام
علي السر... أحلى شاي شاي الكفتيره ... لبن مقنن و شاي تقيييييييل .... وحاة الله دخلته لي في نفسي ... يا ربي في كالفورنيا بلقاه؟؟ انا ماشه هناك ... لو ياهو زاتو ... برسل ليك دي اتش ال .... لوووووووووول
كوستا ..... السواي مو حداااااااااااث .... بث
أبوبكر ... الكلام القلته ده شنو... يقوم ود شيقوق يتهور و يطلبه و يقوم يجيه تتنس ساااااااكت ..
محمد عثمان و الشايقي جيبوا الغنا و النم النضيف .... الكوارع جااااااااااايه
حينما خمشت التعزيه و دسستها في بوست التهنئه ... و من ثم كتبت بوست عن الخمش وجدت أنا اليوم _ و بعد أن خمشت مكالمه مع ود الكامل_ أن هذه من الممكن أن تكون دعوه
فهيا أصدقائي و أحبابي نتخامش اخمش رقم تلفون و من ثم اخمش مكالمه الخمش ظاهره صحيه المتخامشون أصحاء حتى ولاة الامر في السودان يخمشون .... و ان كان ليس لنا من الخمش نصيب ... فليس هنالك ضرر
تخامشوا اخوتي .. فلعل الخمش يزكي و يشعل اواصر المحبه كل شي بالخمش جايز .... انا عن نفسي أصبحت خاموشه كبيره استيقظ من النوم ... اخمش الاحلام يا جميل و أصحى اخمش لوازمي الصحيه ... انزل تحت أخمش خمشه من الحبوب أبدأ بها اليوم اخمش اللاب توب ... اشوف سودانيز اون لاين ... و ارسل خمشات عديده
صديقي المخموش ود شيقوق ... صاحب دعوه الخمش
خمشت أسمك ووضعته في قوقل ... فكانت نتيجه الخمش باهره اذ أن ود شيقوق ما هو بخامش هنا فقط بل على العكس هو يخمش حيثما كان و حيثما شاء
دعوه شيقوق للخمش جاءت أكلها ... واليوم هي دعوه جاده اخمش ما استطعت .... تلفونات ... مسجات ... ماسنجرات تخامشوا ... تحابوا
ود شيقوق حينما يشتد الخمش ... و يبلغ مداه و حينما تسكننا سكينه المحبين الودعاء و حينما نخمش ما استطعنا اليه سبيلا
حينها نخمشك بكل خير
شقا نخمشك بمؤونه عام من الخمش اللذيذ والله يجعل الخمش في طريقك شقيق ما تقبل
Quote: حينما خمشت التعزيه و دسستها في بوست التهنئه ... و من ثم كتبت بوست عن الخمش وجدت أنا اليوم _ و بعد أن خمشت مكالمه مع ود الكامل_ أن هذه من الممكن أن تكون دعوه
فهيا أصدقائي و أحبابي نتخامش اخمش رقم تلفون و من ثم اخمش مكالمه الخمش ظاهره صحيه المتخامشون أصحاء حتى ولاة الامر في السودان يخمشون .... و ان كان ليس لنا من الخمش نصيب ... فليس هنالك ضرر
تخامشوا اخوتي .. فلعل الخمش يزكي و يشعل اواصر المحبه كل شي بالخمش جايز .... انا عن نفسي أصبحت خاموشه كبيره استيقظ من النوم ... اخمش الاحلام يا جميل و أصحى اخمش لوازمي الصحيه ... انزل تحت أخمش خمشه من الحبوب أبدأ بها اليوم اخمش اللاب توب ... اشوف سودانيز اون لاين ... و ارسل خمشات عديده
صديقي المخموش ود شيقوق ... صاحب دعوه الخمش
خمشت أسمك ووضعته في قوقل ... فكانت نتيجه الخمش باهره اذ أن ود شيقوق ما هو بخامش هنا فقط بل على العكس هو يخمش حيثما كان و حيثما شاء
دعوه شيقوق للخمش جاءت أكلها ... واليوم هي دعوه جاده اخمش ما استطعت .... تلفونات ... مسجات ... ماسنجرات تخامشوا ... تحابوا
ود شيقوق حينما يشتد الخمش ... و يبلغ مداه و حينما تسكننا سكينه المحبين الودعاء و حينما نخمش ما استطعنا اليه سبيلا
حينها نخمشك بكل خير
شقا نخمشك بمؤونه عام من الخمش اللذيذ والله يجعل الخمش في طريقك شقيق ما تقبل
ودمتم في خمش الله و رعايته
جاييك المسنوحة بس مشغول
ساعى بقدر المستطاع اخمش من كلامك خمشة خمشة وارد عليها بس اصبري لى جاييك لتطبيق ال khamishisim theory
Quote: و في اثناء الونسه الأخويه الجميله جاء ذكر الخرطوم غرب ... بت الهنا : يا سيف نحن سكنا هناك سبف: وين بالضبط بت الهنا: أول بيت منه و السينما طوالي
بت الهنا ود الكامل
ما احلى سيرة الخرطوم غرب ارتباطى بها لثلاثة اشياء محببة للنفس و ترتع فى ملاعب ذكراها:
مدرسة المقرن الثانوية سينما الخرطوم غرب استاد الخرطوم
اما مدرسة المقرن الثانوية فقد درسنا بها ايام ما كان الزمن جميل و لنا بها من الذكريات ما ينوء باثقاله هذا البورد و قد انزلت بوست سابق عن هذه المدرسة الجامعة و ةاتمنى ان اتمكن من انزال الرابط
و اما سينما غرب فيا ما حضرنا فيه من افلام جميلة بعيداً عن اسفاف السينمات الاخرى من سينما النيلين والخرطوم جنوب
و اما استاذ الخرطوم اظن انى قد حضرت فيه دشليون مباراة خاصة مباريات الزعيم مريخنا العظيم
اهااما بيت عمنا عبدالرحمن فهو الذى يقابله بوفيه الفول يا سيف الذى يقع فى الناحية الجنوبية و بينهم الشارع
و يا سيف عم عبدالرحمن من عندنا جعلى حمش و خالتنا ام بت الهنا بت عمنا من اهلنا الشايقية اها زى ما تقول بالانجليزى كده بت الهنا عباسية مية المية و جدهاالعباس عدييييل كده لكن برضو زى ما قال شيقا خليك حريص و قلبك قوى
Quote: ما احلى سيرة الخرطوم غرب ارتباطى بها لثلاثة اشياء محببة للنفس و ترتع فى ملاعب ذكراها:
مدرسة المقرن الثانوية سينما الخرطوم غرب استاد الخرطوم
اما مدرسة المقرن الثانوية فقد درسنا بها ايام ما كان الزمن جميل و لنا بها من الذكريات ما ينوء باثقاله هذا البورد و قد انزلت بوست سابق عن هذه المدرسة الجامعة و ةاتمنى ان اتمكن من انزال الرابط
و اما سينما غرب فيا ما حضرنا فيه من افلام جميلة بعيداً عن اسفاف السينمات الاخرى من سينما النيلين والخرطوم جنوب
و اما استاذ الخرطوم اظن انى قد حضرت فيه دشليون مباراة خاصة مباريات الزعيم مريخنا العظيم
اهااما بيت عمنا عبدالرحمن فهو الذى يقابله بوفيه الفول يا سيف الذى يقع فى الناحية الجنوبية و بينهم الشارع
و يا سيف عم عبدالرحمن من عندنا جعلى حمش و خالتنا ام بت الهنا بت عمنا من اهلنا الشايقية اها زى ما تقول بالانجليزى كده بت الهنا عباسية مية المية و جدهاالعباس عدييييل كده لكن برضو زى ما قال شيقا خليك حريص و قلبك قوى
كوستا :-
ارجو سحب الرسالة اعلاه عاجلا للاسباب الاتية :-
اولا: شخصية بينك والمسنوح ود الكامل واقحمت اسم المسنوحة وشيقا من اجل احتلال مساحة في الخيمة
ثانيا: هذه الرسالة تحمل فايروس قاتل للايقاع السريع في المدخلات ثالثا: نحن ناس تيك اوى (take away) بس حتى وان كانت التيكة خمشة للمس..... نفسها رابعا : اجفلت الرسالة نقابة صناع العناقريب لا سيما ابو سندرا الذى يعد من المؤلفة قلوبهم للبقاء في الخيمة خامسا : تحمل الرسالة اشارات واضحة لتلميع ود الكامل المسنوح ليحتل مكانا لم يكن حل من قبل . سادسا : مشرورة زى عرق التبر المندي في البادوبة وملبدة جواهو عقارب مجهزة شوكاتها للخمشة
Quote: اها زى ما تقول بالانجليزى كده بت الهنا عباسية مية المية و جدهاالعباس عدييييل كده
عظيم احتراماتي عشان ما تقولو الرطاني تطاول علي العباسيين ... المهم انو قبل 4 ايام تابعت لقاء تلفزيوني مع شخصية وافرة الاهمية والمكانة في السودان وكررررر شجرة العائلة لحد عبد مناف... وبروفيسوريوسف فضل كتب في احد كتبه المعروفة بان الجعليين هم نوبيين مستعربة ...يعني بردو جدنا العباس مش احنا نوبة وهم نوبة .. ياجماعة ابولهب وابوجهل ماكنش عندهم ذرية ؟؟؟ لاني انا بشك في واحد هنا يكون جدو ابولهب او ابو جهل او الاتنيين ....
بس أغيب شويتين القى الحرابه قايمه؟ و كمان ابو جهل و أبو لهب دخلوا الخيمه؟ اذن بعد شويه نجهز للغزوات و كده؟؟؟
لوووووووووووووول
يا جماعة الخير استغفروا ..... ... ...و انبذوا القبليه ........ قرقررققرقرقرقرقر
انا شخصيا ملخبطه عرقيا لخبطه شديده .... عشان كده ... بقول انا سودانيه و بث ... والدي جعلي الاب ... دنقلاوي الأم ... و والدتي شايقيه أما و أبا .... يعني ما بقدر انحاز لقبيله قصاد قبيله أضف الى ذلك الانساب الجديدة التى اوردتها الاجيال الجديده .... من حلفاويين و محس ... و من الجزيره وخلافها و كل قبيله تؤثر ايجابا و سلبا...
جدتي لي امي ... رحمها الله ... حكت لي قصه فيها معاني عنصريه كتيره ... انه والدتي كانت مخطوبه لي ولد عمها ... شايقي عدييييييييل كده ... المهم بمساعده زوج اختها الشايقي برضو ....قدرت تفسخ الخطوبه ... زعل ابوها منها و قال ليها تاني ما بعرس ليك شايقي أصلوا (زي الحرمها من الميراث) قررقرقررر المهم مرت الايام و اتخطبت و الدتي لي والدي الجعلي .... و اتلموا اهل جدي الشايقي ... في جدي الله يرحمه ... لزوم الشمشره و كده...(قادرين تتخيلوا كميه الشاي الأحمر الاتصرفت في القعده دي؟؟) و قالوا ليه : صحي يا حاج خطبت بتك لي دنقلاوي؟؟ استهبال ... عارفنه جعلي!!!! و اسقط في يد جدي ... ما قايلهم جايين لي حركات زي دي ..... سكت كددددده.... صنقع و دنقر .... و قال ليهم ::: اااااي دنقلاوي لكن ملك ... الشوايقه ما طاعمين عاد و الكلام ما بيتلفتوا ليه!!! و الحمد لله انه الدنقلاوي الملك ما خيب ظنهم... و عاملهم كملوك ... الى أن توفيا ...
لكن بالكلام عن القبيله و حب القبيله ... فتجدر الاشاره الى راجل خالتي اللي عمل معاها المؤامره ,,,, رغم انه شايقي لمن غلط لكنه مركب مكنه جعلي ... نسيج من الناس فريد و متميز اتولد و اتربى في الشايقيه ... جاء الخرطوم لتلقي العلم ... عمل يا الرطاني في حلفا ... تنقل في ربوع السودان المختلفه لكن البلد لم تخرج من زاكرته يوما ما ... ما زال محتفظ باللهجه الشايقيه في حديثه .. بعاداته الشايقيه ... أهمها أكل التمر!!! مع أهله الشوايقه فهو سيد رأي و سيد شوره ... اجتماع رابطه الشوايقه بيمشي ليه كأنه ماشي عرس زول عزيز عليه.. احساسه بالمسؤليه يكمن في احساسه بالترابط الاسري ... و انتماؤه الوطني لا يعلى عليه... لما يشوف ود اليمني و لا النعام في التلفزيون بيفقد الاحساس بالزمان و المكان ... و يعيش الكلمه ... (والله غناين بالحيل)!! في مره كان مسافر أمريكا ... و لما مشينا نودعه ... قال لينا و بالشايقي شوف بالله انا مارقها في أمريكي ... زمان الواحد غاية أمنياته يشوف أدبره!!!!عاد يا الشوايقه في الوطنيه ما بتتباروا !!!
صديقي اللدود كوستا تتذكر النكته دي؟ عرسان شوايقه ماشين الخرطوم بي القطر ,,, طول السكه العروس بتسأل دي عطبرييييي ؟؟؟ و العريس يكورك .. اوعك تجرجري الكلام تاني العروس تسأل شندييي؟؟ قام العريس زهج و قال ليها و الله العظيم تاني لو جرجرتي الكلام انا ح أطلقك ... اول ما وصلوا كوستي قالت ليه دي كوستا؟؟ عليكم الله أضحكوا ...
و انت يا شيقوق يا مسنوح و الله بس أجي الخليج ؟؟؟ انا و أبوبكر ده نطبق فيك نظريه .... عمرها ما حصلت و نخليك من عمان ما تمشي بلدكم .... لا لالا ابدا .... تمشي تجاور بس...
Quote: بس كان البيتان سنتيين تلاتة في الصف بيسوا اقدمية ياهو اقدمية زي الملاح البايت مع الفاست فوود والبيتزا نابلوتاني
والله يا الرطاني اكبر خطا في الجامعة انك تكسح سايرين بدون بيتان في الجامعة - يا زول البضوق ايد اهلكم الطاعمة في الجامعة يتمنى يسكن قبلو او يشوف ليهو عزبة يناسبكم بس - يقوم يجيب ليها الروب والويكاب والقنقليس والموليتة وعييييييييييييييييييك
Quote: والله يا الرطاني اكبر خطا في الجامعة انك تكسح سايرين بدون بيتان في الجامعة - يا زول البضوق ايد اهلكم الطاعمة في الجامعة يتمنى يسكن قبلو او يشوف ليهو عزبة يناسبكم بس - يقوم يجيب ليها الروب والويكاب والقنقليس والموليتة وعييييييييييييييييييك
هسع اها قبل اكل اهلي في الجامعات انت كنت سمعت ب"المعكرونة بالبشملي " مثلا ؟؟ ياااخ كنا بنحاول نجرج (من تجريج البطاريات) مخيخك الكان قرب يبقي زيرووو....
مافي زولا طفشنا زماان من السودان غير امرؤ القيس بتاع العرريب دة ودحين العرريب ودشيقوق تلب لينا في الغربة يعني الواحد يمشي البلطيق (دة بكان جنس العرريب ما بيستحملو ما فيه كتاحة ولا رمل وطلح ولا دخان )
اولا تحيه خاصه لسيف اليزل برعي .... تخامشنا هاتفيا قبل يومين شاب ظريف .... حاضر البديهه ... صاحب كلمات رصينه ... سيف متحدث لبق و مستمع جيد ... سيف مهموم بي السودان و بقضاياه سيف شاب طموح ... ومن الشباب القلائل الذين يضعون خطط و أهداف محدده لحياتهم سيف سعدت كتير بمحادثتك و اكتر بي محادثة المدام و طربت لسماع صوت الاموره الصغيره ربنا يحفظها ليكم
يا سيف ...امبارح شفت في تلفزيون السودان حشود المواطنين و هم طالعين لنصره البشير اتذكرت نقاشنا حول السودان و ما ال اليه في الفتره الاخيره و اتفقنا تماما انه في ظواهر سلبيه دخلت المجتع السوداني وانه في عوامل كثيره تداخلت و أثرت في شخصية المواطن السوداني لما شفت المشهد ده في التلفزبون عرفت انه الانقاذ غيرت فينا كتير لكن عمرها ما قدرت و لا ح تقدر تغير في محنتنا كسودانين السوداني زول حاره ... السوداني أخو أخوان ... و ايييييييييييييييييييييك كلام كتير
Quote: اولا تحيه خاصه لسيف اليزل برعي .... تخامشنا هاتفيا قبل يومين شاب ظريف .... حاضر البديهه ... صاحب كلمات رصينه ... سيف متحدث لبق و مستمع جيد ... سيف مهموم بي السودان و بقضاياه سيف شاب طموح ... ومن الشباب القلائل الذين يضعون خطط و أهداف محدده لحياتهم سيف سعدت كتير بمحادثتك و اكتر بي محادثة المدام و طربت لسماع صوت الاموره الصغيره ربنا يحفظها ليكم
عيييييك التراب كال حماد
يا اخونا الغيرة دى يعملوا ليها شنو كتلتني عديل كدا
معليش مشي ليه .... اسي هو عمل ليه بوست عن جبال شنقول ... مشيت قريته (والله ممتع) المهم يبدو انه صاحبنا مزنوق اليومين ديل ... و بقى يفتش عن طرق الكسب السريع عشان كده نمشي ليه.... نعمل شنو ؟ صاحبنابرضو...
الكيك التلب (بكسر التاء واللام - يكسر مقلتك ) وبلادو يعني زراعتو والفريك هو طور من اطوار النمو بالنسبة للذره وغيره من المحاصيل من ذات الفصيلة ومرحلة الفريك هي مرحلة اللبنة يعني ظهور حب القندول قبل النشاف . وبقولوا فريك لاننا تعودنا قطع بعض قناديل الذرة في هذه المرحلة وشيها بالنار ( يعني نديها مشهاب او تحمسة ساى ) وبعد داك تروح تفرك القندول بيديك الاتنين وتروح متجغم لحدى تسمع الصوت مع اسنانك جغم جغم جغم عكس صوتو بعد ينشف لانو هنا لو اكلتو بقول قرش قرش قرش قرقشة يعني زى قرقشة اولاد البندر للمال العام الله يجازيهم الكسروا ضرعاتنا .
والكمل بلادو فريك كناية عن الجود والكرم اللا محدود . يعني وزع محصولو للجعانين وهو قناديل قبل الحصاد .
Quote: الكيك التلب (بكسر التاء واللام - يكسر مقلتك ) وبلادو يعني زراعتو والفريك هو طور من اطوار النمو بالنسبة للذره وغيره من المحاصيل من ذات الفصيلة ومرحلة الفريك هي مرحلة اللبنة يعني ظهور حب القندول قبل النشاف . وبقولوا فريك لاننا تعودنا قطع بعض قناديل الذرة في هذه المرحلة وشيها بالنار ( يعني نديها مشهاب او تحمسة ساى ) وبعد داك تروح تفرك القندول بيديك الاتنين وتروح متجغم لحدى تسمع الصوت مع اسنانك جغم جغم جغم عكس صوتو بعد ينشف لانو هنا لو اكلتو بقول قرش قرش قرش قرقشة يعني زى قرقشة اولاد البندر للمال العام الله يجازيهم الكسروا ضرعاتنا .
يا عرريب قوميس واحد في نضمك كرهنا النضم ذاتوو بالله ما تخلرب لينا لغاتنا الحية بلغاتكم الثعابيين ...