Post: #1 Title: الخرطوم زمان Author: حسن عبدالله Date: 08-03-2008, 08:02 AM Parent: #0
الخرطوم زمان الناس القدام و البحبو القديم!!!!!!! مين فاكر الخرطوم ايام زمان. اقصد زمان..... زمان...... قبل الشكل الجديد يعني في السبعينات كده... ياريت لو يكون في واحد موثق يعني عنده صور او اي وثائق عن المرحلة ديك..... كانت المحطة الوسطى هي المركز واظنها لازالت بس كانت هي فعلا المركز كل الناس تصل هنا وبعدين يشوفوا وجهتهم الحقيقة. البصات نهايتها هناك والتكس كمان هناك موقفه. كانت هناك في قهوة فخمة كل الناس تتلما فيها شاي وقهوة وكما ناس بتلعب كتشينة ومن حولك بتاعين الورنيش بصناديقهم وعليها الفريد (اغطية زجاج الببسي) يكشكسوا عليها للفت الانظار... قريب من الموقع بنك باركليز وبعدين الموقع اصبح مكاتب التذاكر للخطوط الجوية السودانية ... الناس كانوا مجموعات كل مجموعة عندها موقع محدد في القهوة . الجرسونات يعرفوا طلبات الناس حتى من غير طلب مجرد وصولهم هو يحضر الطلبات شوية لقدام سودان بك شوب . ومن الخلف بقالة الخرطوم دي كانت حاجة فريدة ما ليها شبيه في الخرطوم صاحبها رايق وزوقه تمام ... مشوار كداري لغاية سينما كلوزيوم وافلام الكاوبوي والناس الرايقة كانت تفضل سينما غرب (دي كانت جنب استاد الخرطوم) شوية راقية افلام هادية وبعيدة عن الرصاص الضرب المجرمين.
Post: #2 Title: Re: الخرطوم زمان Author: حسن عبدالله Date: 08-03-2008, 10:44 AM Parent: #1
شارع النيل بكل عظمته كان فاضي الا من شوية ناس بتاعين حب في عدد محصور من الكنبات على ضفاف النيل العظيم ... حديقة الحيوانات.... دا طبعا قبل متحف السودان وقبل الحدائق وحتى قبل فندق الهلتون. بابا كوستا وسانت جيمس واكروبولس.. فول ابو العباس والعشرة الكرام... فندق الواحة وحوض السباحة الجلسة الجميلة حولة
Post: #3 Title: Re: الخرطوم زمان Author: حسن عبدالله Date: 08-03-2008, 11:33 AM Parent: #2
كانت الخرطوم من بدري يعمها الظلام وكل المحلات تقفل... السوق تقريبا من حوالي الساعة 8 كده يكون خلاص بدأ يظلم وشوية وكل شئ يعمه الظلام وما تلقى فيه الا الحرس وشوية بوليس .... وتبقى السنمات كلزيوم وغرب الىالدور الثاني تقريبا الي الساعة 11 يكون خلاص شطبوا .. بعد كدة لو عايزة تكس. الله اعلم ممكن تلقى واحد و غالبا تضرب الكداري.
Post: #4 Title: Re: الخرطوم زمان Author: حسن عبدالله Date: 08-03-2008, 12:03 PM Parent: #3
ليه مش عارف عالق بذهني ان الخرطوم كانت من بعد الظهر الي المساء حوالي الساعة 6 بتكون مقفلة تماما لا سوق ولا محلات كله قافل تبدأ تصحى بعد المغرب الي حوالي الساعة عشرة كده كل يقفل تاني تبقى سينما كلزيوم الي نهاية الدور الثاني حوالي 11 كدة ويعم السكون كل الخرطوم.... نكته: يوم بعد الدور الثاني في سينما غرب راجعين بحري طبعا كداري للمحطة الوسطى ووين ووين لما لقينا تكسي. طبعا المنطقة كلها خلاء.. المهم التكس تحرك من المحطة الوسطي ناقص يعني ما مكمل 5 ركاب. (اكيد صاحب التكس من ناس بحري) لما وصلنا قريب كبري بحري العتيق لقى اتنين واقفين على الطريق طبعا فرح راح قريب منهم ضرب بوري اشروا ليه ما طالعين بحري طبعا غضب الراجل وراح سابي ليهم وقال دير منتظر القطر ولا شنو؟؟؟
Post: #5 Title: Re: الخرطوم زمان Author: حسن عبدالله Date: 08-03-2008, 12:04 PM Parent: #3
ليه مش عارف عالق بذهني ان الخرطوم كانت من بعد الظهر الي المساء حوالي الساعة 6 بتكون مقفلة تماما لا سوق ولا محلات كله قافل تبدأ تصحى بعد المغرب الي حوالي الساعة عشرة كده كل يقفل تاني تبقى سينما كلزيوم الي نهاية الدور الثاني حوالي 11 كدة ويعم السكون كل الخرطوم.... نكته: يوم بعد الدور الثاني في سينما غرب راجعين بحري طبعا كداري للمحطة الوسطى ووين ووين لما لقينا تكسي. طبعا المنطقة كلها خلاء.. المهم التكس تحرك من المحطة الوسطي ناقص يعني ما مكمل 5 ركاب. (اكيد صاحب التكس من ناس بحري) لما وصلنا قريب كبري بحري العتيق لقى اتنين واقفين على الطريق طبعا فرح راح قريب منهم ضرب بوري اشروا ليه ما طالعين بحري طبعا غضب الراجل وراح سابي ليهم وقال دير منتظر القطر ولا شنو؟؟؟
Post: #6 Title: Re: الخرطوم زمان Author: حسن عبدالله Date: 08-03-2008, 01:01 PM Parent: #5
سوق الخضار كان في الجهة الجنوبية الغربية وجنوبه على طول موقف الباصات. والغريبة ان فيه موقع معروف باسم سوق الحرامية والاسم ينطبق حقيقةعليه اي انه فعلا سوق حرامية. وكان عينك عينك تقدر تمشي هناك تشتري الحاجات المسروقة. وكان بكل بساطة تسأل من اي حاجة اي واحد يقول ليك تلقاها في سوق الحرامية. وكان في قلب السوق مكان خاص للقفف المصنوعة من السعف يعني تقدر تدخل السوق من غير اي حاجة وتطلع شايل قفة مليانه وطلبعا كان في ناس بيعيشوا من حمل القفة ويمشوا وراك لما تشتري كل حاجاتك وكمال لم تخرج من السوق وهم وراك
Quote: ليه مش عارف عالق بذهني ان الخرطوم كانت من بعد الظهر الي المساء حوالي الساعة 6 بتكون مقفلة تماما لا سوق ولا محلات كله قافل تبدأ تصحى بعد المغرب الي حوالي الساعة عشرة كده كل يقفل تاني تبقى سينما كلزيوم الي نهاية الدور الثاني حوالي 11 كدة ويعم السكون كل الخرطوم.... نكته: يوم بعد الدور الثاني في سينما غرب راجعين بحري طبعا كداري للمحطة الوسطى ووين ووين لما لقينا تكسي. طبعا المنطقة كلها خلاء.. المهم التكس تحرك من المحطة الوسطي ناقص يعني ما مكمل 5 ركاب. (اكيد صاحب التكس من ناس بحري) لما وصلنا قريب كبري بحري العتيق لقى اتنين واقفين على الطريق طبعا فرح راح قريب منهم ضرب بوري اشروا ليه ما طالعين بحري طبعا غضب الراجل وراح سابي ليهم وقال دير منتظر القطر ولا شنو؟؟؟
التكاسي بالعدد كان اسمها طراحه..موش؟؟
بوست جميل وسأرجع ببعص الحديت عن السينمات واشياء أخري..
الخرطوم الجميله من يستطيع أن يقاوم رغبة الحديث عنها؟؟
رمضان كريم..
Post: #7 Title: Re: الخرطوم زمان Author: فيصل محمد خليل Date: 08-03-2008, 01:01 PM Parent: #3
مكتبة بانوراما كانت فاتحة
على القصر الجمهوري
المعروضات المصريية
البنك العثماني
ميرزا في المحطة الوسطى
مقابل ليهو مطعم الاستقلال
سلوى بوتيك
مجلس الشعب وراء سوق الخضار
مكتبة كابرال في ركن ميدان الامم المتحدة
وفاتح على باتا.
مطعم الفوال في الركن الجنوبي لسوق الخضار
مدرسة الكمبوني خرطوم
سينما كلزيوم
مشعال
االزقاق .......ابوصليب
وراء السوق العربي
نادي العمال
دكان ابو العباس و العشرة الكرام
مطعم سلوى
سانت جيمس..........مرقص
وانت ماشي على جهة جامعة القاهرة
مدرسة ابتدائية كدا جنب الجامع الكبير
شركة النضارات الاهلية
تامينات النيل الازرق في شارع الجمهورية
نادي الخريجين جنب سينما كلزيوم
متحف كدا هناك جنب مستشفى العيون على شارع النيل قبل
اتمنى ان يكون بوستك تكملة لما بدأ به الزميل ALazhary2
Post: #9 Title: Re: الخرطوم زمان Author: حسن عبدالله Date: 08-04-2008, 06:49 AM Parent: #8
الله يسعدك اخي فيصل زكرتني المكتبات المكتبة البريطانية شارع الجامعة كانت عامرة ومطلوب منك فقط صورة يعملوا ليك بطاقة وتقدر يستلف الى 5 كتب لمدة اسبوعين. كانت الجلسة فيها حاجة متعة حديقة بالخارج وبوفيه.. كان فيها امين مكتبه اسمة صديق. المكتبه الروسية في شارع الجمهورية. ناس كانت رايقة وكل شي متوفر.
Post: #10 Title: Re: الخرطوم زمان Author: ابراهيم عدلان Date: 08-04-2008, 07:14 AM Parent: #1
Quote: مطعم سلوى
احسن فول بالسمنة من يد عمك خالد
بابو الصغير في الممر الضيق
والله ايام يا فيصل و حسن
Post: #11 Title: Re: الخرطوم زمان Author: حسن عبدالله Date: 08-04-2008, 12:33 PM Parent: #10
خلف سوق الخضار كان سوق العناقريب. وطبعاما ننسى النسوان بتاعين الدكوه والكسرة. بس السوق العربي ما قادر اتخيله. بس فاكر كان في واحد بتاع ليمون كارب واعتقد جنبه كان واحد بتاع عماري (صعود) رقم واحد الغريبة الواحد رغم انه مابتاع صعود لكن متذكر المحل دا.... وطبعا مدارس كمبوني ولا زالت موجودة بل اصبحت المدارس الوحيدة في كل المنطقة دي من كبري بحري الى كبري امدرمان وجنوبا الي السكة حديد التي كانت....خلف
Post: #12 Title: Re: الخرطوم زمان Author: حسن عبدالله Date: 08-04-2008, 01:38 PM Parent: #11
عزيزي عمرو عبدون لكم التحية والاجلال انا لما بديت البوست دا كنت عارف انو في ناس زيك كدة ممكن القي عندهم وثائق. اكيد في شباب كثير ما شافوا التاريخ دا. خصوصا السفارة الامريكية في نص البلد اعتقد اصبحت البنك الاسلامي. والبارات ذكرتني الانادي خلف السوق العربي وبالقرب من كلية الطب والصيدلة وطلب الداخلية كان يروح للجامعة ويرجعوا عبر بيت الدعارة. وطبعا زقاق ابو صليب مجاور لمستشفي الخرطوم والاغرب من كدة ان القصر الجمهوري على بعد 2 كيلو تقريبا..... لك التحية على هذه الصور..... أخوك حسن
Post: #13 Title: Re: الخرطوم زمان Author: حسن عبدالله Date: 08-04-2008, 06:20 PM Parent: #12
عزيزي عبدو لك التحية مجددا فقد اثرت فينا شواجن الايام الجميلة. بس بحق ابلغ الشواجن هنا هي الزعيم الازهري. ليه؟؟؟؟؟؟ أولا الاستقلال كيف فجاء كده يعلن الازهري الاستقلال الكامل وليس الوحدة مع مصر. رغم ان حزبه كان قائم على الاتحاد ؟؟؟؟؟ والعظمة (بفتح العين) مؤتمر اللالات الثلاث وكيف استطاع جمع الزعيم جمال عبدالناصر و الملك فيصل يرحمهم الله جميعا. علما ان نجاح القمة كان مربوط بمشاركتهما معا وقد حصل ولم يكن ذلك ليتم لغير الازهري... قطار الغرب (دا موضوع مختلف) بس واحد جاب السيرة في الرابط. وعندما اتذكرة رائعة ود المكي اتذكر البيت البقول : هذي ليست احدى مدن السودان من اين لها هذا الطول التياه. علماان الطول عند وصول قطار الغرب للخرطوم كان يتمثل في مبنى كلية الطب ومستشفي الخرطوم (طابقين فقط في ذلك الوقت)... فعلا كان طولا يتاها بالمقارنة بالغرب ومحطات القطار خلال الرحلة التحية للجميع فردا فردا....
عاوز اقول لك ياحـسـن،... لو انت الخـرطوم بتاعت سـنوات السبعينيات بتقول علـيها (خـرطوم زمان)... امال خـرطومنا بتاعـت سـنوات الاربعينيات تقول عـليها شـنو!!? ... خـرطوم سـيـدنا أدم!!!
جاييـك رواقـة، واوريك خـرطوم (الـحاكم العام ) مـش خـرطوم الـمشـيـر نـميـري ولا خـلفه الـمشـيـر 2!!!
لك مودتي.
Post: #18 Title: Re: الخرطوم زمان Author: حسن عبدالله Date: 08-05-2008, 05:49 AM Parent: #14
أخي بكري هو اصلا الهدف اننا نطلع المخفي. كثيرين مثلك نايمين على كنوز تهم كل السودان ونحنا هدفنا نطلعها للتاريخ وعشان شباب اليوم يروا كيف كان الامس. رجاء شوقتنا نشوف ونسمع منك الدرر.... ولك الود
Post: #20 Title: Re: الخرطوم زمان Author: حسن عبدالله Date: 08-05-2008, 06:32 AM Parent: #17
ايه الحكاية يا أخ قرشي ما خليت جحر بتاع شربه الا وزرته.... بس الاروع هو فندق الواحد... واكربول اذا كان معاك حنان . والجي بي بعد نص الليل. ولو مع اصحابك يبقى احسن مكان هو المقرن او خليها على بلاطة وريح نفسك على كنبة خشب على شارع النيل..
Post: #21 Title: Re: الخرطوم زمان Author: حسن عبدالله Date: 08-05-2008, 07:47 AM Parent: #20
اخواني في واحد ذكرني قهوة الزيبق دي كان كانت في السوق العربي وليست بعيدة من مسجد الخرطوم. كانت دائما مليانة ناس وفيها طبعا غير الشاي والقهوة كان فيها شيشة والغريبة كان الناس تلعب فيها قمار .... اعتقد محطة السكة حديد برضة كان فيها بار بس البار الاشهر كان في مطار الخرطوم الدولي ودا لو كل المحلات قفلت هو فاتح للصباح.
Post: #22 Title: Re: الخرطوم زمان Author: حسن عبدالله Date: 08-05-2008, 08:27 AM Parent: #21
خوفي اخونا الضاغ يطلع اشاعة .... نحنا انتظرنا وروحنا طلعت وهو لسة لا ورانا الخرطوم في الاربعينات ولا الخمسينات.. بس نعمل ايه لازم ننتظرا وال..... انتظره للاخر. بس طبعا ممكن نلقي واحد تاني يكلمنا عن الانجليز مثلا او على الاقل عن تمثالي غردون وكتشنر في قلب الخرطوم. انا بس فاكر يوم سفرهم انتظرناهم في محطة السكة حديد بحري.. عشان ما حد يقول ان من قوم نوح.
Post: #23 Title: Re: الخرطوم زمان Author: حسن عبدالله Date: 08-05-2008, 08:32 AM Parent: #22
كان في صالة بتاعت رقص في الخرطوم بعد مسجد فاروق.. اكيد الان صارت سوق او محل خردة . اكيد اخون القرشي ممكن يجيب خبرها... مكتبة الشيوعين ما فاكر اسمها شنو كانت مقابلة القصر الجمهوري وكانت صغير جدا بس مليانة وكانت اسعارة مغرية جدا... وليس بعيد منها المعرض المصري دا كان تحفة كل شي متوفر فيه وبارخص الاسعار
Post: #24 Title: Re: الخرطوم زمان Author: محمد أبوالعزائم أبوالريش Date: 08-05-2008, 08:43 AM Parent: #23
Quote: المكتبه الروسية في شارع الجمهورية
الأخ حسن ..
أكيد قصدك المركز الثقافي السوفيتي .....
Quote: كان في صالة بتاعت رقص في الخرطوم بعد مسجد فاروق
دي يا حبيب صالة غردون، ومعروفة إختصاراً ال G.M.H
Post: #32 Title: Re: الخرطوم زمان Author: حسن عبدالله Date: 08-05-2008, 12:16 PM Parent: #24
عزيزي ابو العزائم شكرا للمداخلة المكتب الروسية او المكتب الثقافي الروسي كان في بداية شارع الجمهورية او البلديةوانت جاي من بحري يكون في شمالك . وكان حاجة ضحمة كبيرة ومليان كتب ليه حديثة كبير جدا بالمساء يكون الزوار عالمين جو فيها. بس المكتب المقابلة القصر الجمهوري كانت مكتبة خاصة(بتاعت واحد) بس أغلب كتبها عن الاشتراكية. وللمعلومية كانت رخيصة جدا. ومليان لدرجة بعض الكتب تكون على الارض ..... ايو اقصد صالة غردون واعتقد كانت موجودة لوقت قريب بس اصبحت شنو ما عارف؟؟؟؟؟؟
بعيد من الموضوع دا... كان في واحد مخبول كان الناس بسموه الجنرال.. راجل كبير في السن لابس ملابس عسكرية برتبة عالية وكان غالبا متواجد في الصينة المقابلة سانت جميس (الان تقاطع من غير صينية) وكان دائما يصيح باسم الرئيس عبود بطريقة فيها استفزاز فاكر من هتافاته حاجة زي صلحت الدنيا ياعبود، جبت المنقه ياعبود
Post: #532 Title: Re: الخرطوم زمان Author: عمرو كمال ابراهيم Date: 12-08-2008, 06:35 AM Parent: #23
Quote: كان في صالة بتاعت رقص في الخرطوم بعد مسجد فاروق.. اكيد الان صارت سوق او محل خردة . اكيد اخون القرشي ممكن يجيب خبرها...
طيب يا حسن... واحد مواليد السبعينات ممكن يجيب خبرها برضو (:"
دى صالة الجى أم أتش G M H
صالة غوردون للموسيقى
وهى مرقص وبار ترتادها الجماعات والأفراد
ويمكن قضاء ليلة ساهرة على أنغام الموسيقى الغربية والشرقية
يقولون عنها... تزورها الفرق العالمية فى برنامج تبادل متواصل طيلة العام
ونذكرها حتى أواخر الثمانينيات
تقع فى تقاطع الحرية مع الجمهورية وشارع سنكات( المؤدى من صينية جامع فاروق إلأى ميدان الأمم المتحدة وأظنه عباس سابقاً)
أزيلت وحل محلها عمارة من أربعة طوابق تسمى برج الحرية
بها العديد من الشركات الكبرى مثل توكيل سونى اليابانية وتعرف كذلك بين الناس بعمارة شركة سونى
بها مكاتب هندسية ومحاماة ومحلات أدوات كهربائية والتى يشتهر بها شارع الحرية هذا الزمان، حين هجرته الأسر المستوطنة كالشوام والأغريق والأرمن ونحوهم ممن أسسوا الخرطوم الحديثة وبرعوا فى تطويرها ثقافيا وإقتصاديا وشكلوا جزء كبيراً من تاريخها الحديث
أها.. أولاد السبعينات بعرفوا ولا لأ..؟؟
تحية لكل من يعيد بعضا مما فقدته الذاكرة
وعيد سعيد والجاى أحلى وسدوانا فوووووق
____ الغريب ده كان برنامجى فى العيد... مخطط أكتب عن الخرطوم،، يمكن عشان كده عينى وقعت على البوست لأول مرة
عذرا للتأخير
*** على هامش الحديث، عمنا بكرى كيفنك..؟
Post: #25 Title: Re: الخرطوم زمان Author: maia Date: 08-05-2008, 08:54 AM Parent: #1
تسجيل حضور ومتابعة لهذا البوست الجميل والحديث عن روعة الخرطوم زمان
واصلوا هذا الابداع
Post: #34 Title: Re: الخرطوم زمان Author: حسن عبدالله Date: 08-05-2008, 12:39 PM Parent: #25
أهلا بكل الناس الحلوين .... بس عايزين نسمع منكم اهو الصائغ بر بوعده واكيد ارسل حاجة سمينة وحتفرحنا وتعيد الماضي الجميل.. لوما عندكم صور كلام بيسد بس اكتبوا حاجة اي خاجة حتى لو استفسرات امكن نلقى واحد يرد.... لكم التحية
Post: #26 Title: Re: الخرطوم زمان Author: بكري الصايغ Date: 08-05-2008, 09:03 AM Parent: #1
Post: #533 Title: Re: الخرطوم زمان Author: عمرو كمال ابراهيم Date: 12-08-2008, 06:56 AM Parent: #27
عمنا بكرى
صورة الإشلاك او القشلاق كما يسمونه
تجسيد لما ذكرت عن محو معالم الخرطوم القديمة
بل نقول أـيضا لعلها جزء من حملة إبعاد الثكنات والالنزل ومساكن القوات النظامية عن وسط الخرطوم
وتكملها فكرة الإستثمار الرخيص الذى يقتلع من أفواهننا لإطعام المشبوهين وغاسلى الأموال
انا إتربيت فى إشلاق البوليس دبيتنا فى شارع البلدية تقاطع على عبد اللطيف
اتنبى الاشلاق عشان يكون مسكن لصف الضباط فى كل وحدات البوليس
وشماله بيت الكومندان ونائبه( وهو يعادل مرتبة مدير شرطة ولاية الخرطوم ونائبه فى زماننا هذا)
وهو المنزل الذى يسمى حاتليا بيت الضيافة( الشرطة) ويقع فى شارع على عبد اللطيف شمال مبنى جريدة الصحافة سابقا وشمال غرب دار التوزيع والتى تشغلها شركة خاصة حاليا تسمى شركة الشراع ، كما أنه يقابل ( بيت العمدة كرم الله تقريبا) وجنوبا من مبانى الحركة(قسم الكمبيوتر )
الأشلاق..بيوت متراصة من الطوب الاحمر بها غرفتين ومنافعهم وحوش وبرندة وضيفة الزوار تربن فيه مئات الأسر من رجال البوليس
تواترت الاسر على إبقاء هذا المنزل لهم، فكانوا يدخلون أحد ابناهم للشرطة ليبقى المنزل إمتدادا كما تمتد الأسرة
منه خرجت نوابغ فى العلوم .. والتخصصات.. والمهن
بيوت الاشلاق رفدت للسودان ابناء بررة
لم يتنكروا يوما .... لبيت الاشلاق
ولكن تنكر لهم الزمن
Post: #28 Title: Re: الخرطوم زمان Author: بكري الصايغ Date: 08-05-2008, 09:55 AM Parent: #1
صورة لجامعة الخرطوم (المكتبة). ----------------------------
الـمصـدر: سودانيزاونلاين.كوم Sudaneseonline.com بتاريـخ: Feb 18, 2008, 09:33
هـذه الـمكتبة تـضـم مـجـموعة كبيـرة من الكتبالنادرة التـي جـلبـها الـحاكم العام السـيـر سـتيوارت سـيـمس الذي حـكم السـودان في الفتـرة من عام 1934 الـي عام 1940.
مكتبة جامعة الخرطوم: --------------------------
إسم المؤسسة جامعة الخرطوم إسم المكتبة مكتبة جامعة الخرطوم نوع المكتبة مكتبات اكاديمية العنوان الخرطوم; جامعة الخرطوم; ص.ب 321; رمز بريدى 1115; هاتف 770022 تاريخ الإنشاء 1945 أمين المكتبة مني محجوب محمد احمد عدد العاملين 30 اختصاصي؛; 70 غير اختصاصين مجموعات المكتبة 500000 كتاب; 3340دوريات; أخرى التخصص الموضوعى كل التخصصات ساعات العمل 8:30 - 8:30 عدد المقاعد 2000
تـعرضـت هـذه الـمكتبة سـتة مرات لـحـرائق مـتعـمدة من طـلاب مـتظاهرين ينتـمون لـجـامعة الـخرطوم!!!
Post: #29 Title: Re: الخرطوم زمان Author: محمد أبوالعزائم أبوالريش Date: 08-05-2008, 10:04 AM Parent: #1
ياخوانا معقول تتكلموا عن كل تلك المعالم وما تذكروا (أتينيه) ونادي الخريجين وفندق الليدو .... المكتب الثقافي البريطاني و.. و.. و
__ عندي ملاحظة حارقاني من زمن: وهي نحن زمان لما نجي ماشين منطقة وسط الخرطوم بما فيها منطقة الأسواق (وأنا من أبناء بري)، بنقول ماشين الخرطوم، طبعا الأسواق هي السوق العربي والسوق الأفرنجي. ما لاحظته إنو هسة الناس بيركبوا المواصلات ويقولوا (عربي)، سواء كان الكلام عن المحطة الوسطى أو أبو جنزير أو ميدان الأمم المتحدة أو السوق الأفرنجي أو السوق العربي .... كلها أصبح إسمها (عربي)
Post: #35 Title: Re: الخرطوم زمان Author: حسن عبدالله Date: 08-05-2008, 12:53 PM Parent: #29
ابو العزائم لك التحية عزيزي وشكرا للمداخلة التي آمل ان تكون عامرة بالمعلومات القديمة وحتى الجديدة مطلوبة خصوصا الواحد بقي في السودان زي الاجنبي محل يروح ما يلقى حاجة يعرفها والاسواء من كدة يدور الخرطوم كلها ما يلقى واحد يعرفه كانه في بلد اجنبي... تصور اتيني ما قادة اجمع واعرفها وين كانت . بس نادي الخريجين اعتقد انه كان في شارع القصر وامكن جنب المكتبة القبطية ارجو التصحيح
Post: #30 Title: Re: الخرطوم زمان Author: بكري الصايغ Date: 08-05-2008, 10:11 AM Parent: #1
تغيير أسماء شوارع الخرطوم بعد استقلال السودان. ---------------------------------------------
- كوِّنت لجنة برئاسة بروفيسور يوسف فضل وآخرين من الشخصيات الضالعة في تاريخ السودان والتوثيق لأن يقوموا بإعادة النظر في أسماء الشوارع ومسمياتها والإحتفاظ بالأسماء ذات الصلة التاريخية والوطنية والثقافية والأدبية أسماء تكون بديلة وأخرى جديدة تعرف بها الشوارع والحدائق والميادين العامة تطلق اسماؤهم عليها.
وانعقدت اللجنة وتوصّلت إلى كثير من الأسماء تطلق على الميادين والشوارع ما تعرف به ولم تغفل الشوارع الفرعية والجانبية، وكان اختيارها في الأسماء يستند على معلومات دقيقة وخلفية تاريخية لكل إسم يختار لتصبح له دلالته وفق معايير التقديم والتذكير والتخليد يكون أسماء في حياتنا.
كانت الخرطوم تحد بعدد تسعة شوارع طولية تبدأ من الشرق إلى الغرب أي من تحت كوبري النيل الأزرق حتى شارع علي عبداللطيف أو ما بعده وبعضها تسده بعض الحواجز كجامع الخرطوم الكبير وميدان الأمم المتحدة الذي كان يُسمى بميدان عباس ثم ميدان عبدالمنعم محمد وسُميّ الآن بالقبة الخضراء.
1/ الشوارع الطولية هي: ----------------------- 1- شارع كتشنر ويبدأ من تحت كوبري النيل الأزرق ماراً إلى كوبري النيل الأبيض حيث كان نصب كتشنر وهو على صهوة جواد شمال وزارة المالية وسمّته اللجنة شارع النيل.
2- شارع غردون ويبدأ من نفق بري القديم متجهاً غرباً حتى شارع الغابة في حي المقرن عند جامع الشهيد حالياً وكان نصب غردون باشا متوسطاً ميدان الشهداء حالياً وأمام بوابة القصر الجنوبية وهو على ظهر جمل سمّته اللجنة شارع الجامعة. 3 - شارع ونجت ما بين شارع الجامعة حالياً وشارع الجمهورية من الشرق إلى الغرب حتى مبنى البرلمان القديم «مجلس تشريعي الخرطوم حالياً» سمّته اللجنة شارع البرلمان.
4- شارع السردار ويبدأ من نفق بري الجديد شرقاً ومتجه غرباً حتى شارع علي عبداللطيف سمّته اللجنة شارع الجمهورية. 5 - شارع الزبير باشا من شارع الطابية شرقاً متجهاً غرباً حتى شارع الطيار مراد حيث سوق الخضار القديم مسمّى شارع الزبير باشا من زمن الإستعمار أبقته اللجنة على إسمه القديم.
6- شارع الطابية كان يبدأ من نفق بري القديم محازياً خط السكة الحديد والقيادة العامة متجهاً غرباً حتى شارع نيوبولد حيث يعكسه من الغرب شارع الغابة، اطلقت اللجنة إسم شارع الجيش على شارع الطابية الذي سُمي الآن بشارع الإمام المهدي شرق.. أما شارع الغابة الذي يعكس شارع الجيش فيبدأ من حيث الآن جامع الشهيد بالمقرن وشرقه إدارة البساتين أي المشتل وشرقه أيضاً بنك السودان الجديد والمباني التي شُيّدت هناك، ويمر أيضاً بحي المقرن والمعهد الفني سابقاً واستاد الخرطوم حتى صينية كوبري الحرية. 7 - شارع البلدية سمّته اللجنة وهو يتجه من شمال بوابة القيادة العامة الشمالية القديمة متجهاً غرباً حتى ميدان أبوجنزير ويعكسه جامع الخرطوم الكبير بالناحية الغربية.
8- شارع السيّد عبدالرحمن المهدي ويبدأ من أمام بوابة القيادة العامة الغربية الحالية وجنوب بنك أم درمان الوطني فرع القوات المسلحة متجهاً غرباً ماراً بفندق المريديان وإلى حي المقرن.
9- شارع الاسبتالية وكان يبدأ من المصرف العربي حيث شيّدت العمارات التي كانت خصصت كميز للأطباء وتم تحويلها إلى رئاسة مجلس الوزراء ووزارة التعليم العالي، كان شارع الاسبتالية يمر من هناك حتى شارع الطيار زلفو من الناحية الغربية على ما أظن وأبقته اللجنة على إسمه القديم.
2/ الشوارع العرضية تبدأ من الشمال إلى الجنوب وهي: -------------------------------------------------- 1- شارع عبيد حاج الأمين يبدأ من شارع الجامعة شمالاً متجهاً جنوباً حتى شارع الجيش.
2- الشارع من النيل شمالاً ماراً شرق وزارة الصحة متجهاً جنوباً حتى شارع الجيش ماراً بالسفارة السوفيتية ومنزل السفير البريطاني والمحكمة الدستورية وشركة أرياب ما كان مسمى هذا الشارع وسمي الآن بشارع عثمان دقنة يصحح الاسم إلى عبد الفضيل ألماظ إذا رأت اللجنة الجديدة ذلك.
3- شارع من شارع النيل ما بين وزارة الطاقة ونادي الضباط القديم ماراً جنوباً حتى شارع الجيش سُمي بشارع عبد الله النور الآن.
4- شارع من شارع البلدية إلى شارع الجيش سُمي بشارع المؤتمر. 5 - شارع من شارع الجامعة ماراً جنوباً إلى شارع الجيش ماراً غرب دار الوثائق ووزارة العمل سُمي بشارع علي دينار حالياً. 6 - شارع من شارع النيل ماراً جنوباً إلى ما بعد خط السكة الحديد كان يسمى بشارع فندق البرت زمن الاستعمار وترماي الدوران سمّته اللجنة بشارع المك نمر.
7- شارع عطبرة ويبدأ من تقاطع المك نمر مع شارع الجامعة ماراً جنوباً إلى شارع البلدية عند البنك العقاري السوداني.
8- شارع فيكتوريا ويبدأ من أمام بوابة القصر الجنوبية متجهاً جنوباً حتى شارع الجيش سمّته اللجنة بشارع القصر.
9- شارع كرومر ويبدأ من شارع النيل ماراً غرب المالية والبوستة إلى الجامع الكبير سمّته اللجنة شارع الطيّار مراد. 10 - شارع من شارع النيل ماراً غرب الداخلية متجهاً جنوباً حتى ميدان الأمم المتحدة سمّته اللجنة شارع الطيّار جميل. 11- شارع من شارع النيل شمالاً وحتى شارع الجيش جنوباً ماراً بوزارة العدل وغرب البرلمان القديم والبنك التجاري فرع الجمهورية وغرب ميدان الأمم المتحدة سمّته اللجنة شارع الطيّار زلفو.
12- شارع من شارع النيل كان يُسمّى بشارع نيوبولد سُميّ بشارع الحرية.
13- شارع من شارع النيل ماراً جنوباً حتى شارع الغابة ماراً برئاسة المرور وجامعة النيلين والسفارة الأمريكية وعمارة الفيحاء إلى شارع الطابية سُميّ الشارع بإسم علي عبداللطيف.
14- هناك شارع من الجنوب إلى الشمال حتى شارع البلدية ماراً بمستشفى فيلاجلدا أو الراهبات كان يُسمّى بشارع مطبعة ماركو كوديل وهي المطبعة التي كانت تقوم بطباعة مستندات الحكومة والمستندات الرسمية زمن الاستعمار وسميت بمطبعة التمدن بعد خروج الإستعمار وحوِّل الشارع إلى إسم شارع مطبعة التمدن.
هذه هي كل الشوارع التي كانت مسماة من قبل الاستقلال وأُعيدت تسميتها في عهد حكومة الفريق عبود..أما إعادة التسمية الحالية فحدّث ولا حرج فتوزيع الشوارع وتسميتها أشبه بسكن عشوائي في أطراف العاصمة ولابدّ من إعادة النظر في كل التسميات الحالية.ما نرجوه أن تكون اللجنة الجديدة والمكلّفة تجمع رموزاً يكونون ملمين بالخرطوم العاصمة سابقاً وليست الخرطوم الولاية حالياً ليختاروا الرموز الوطنية الأصلية التي قامت الخرطوم أو السودان على اسمائهم في الحرب أو السلم أو الحياة العامة وكانوا أسماء في حياتنا وهم معروفون تاريخياً وارتبطت اسماؤهم ببطولات أو أعمال بارزة تطلق أسماؤهم على شوارع الخرطوم وميادينها وحدائقها ولا مجال لمن استشهدوا في الجنوب أو خلافه، وليس ذلك عدم تقدير لدورهم لأن عددهم كبير «ولا حد أحسن من حد» وإذا وزعناهم على الأحياء لا تكفيهم ونكتفي أن نطلق اسماؤهم على أماكن عامة كجامع الشهيد وميدان الشهداء وحديقة الشهداء أو أي شيء يضم إسم كل الشهداء.
Post: #33 Title: Re: الخرطوم زمان Author: حسن عبدالله Date: 08-05-2008, 12:27 PM Parent: #30
عزيزي الصائغ شكرا للمعلومات القيمة دي وشكلك ما لقيتها في جريدة ولا حاجة انت اكيد كنت من ضمن اللجنة العملت الاسماء دي وهي على كل حالة تحفة ومهمة للتوثيق. بس دا ما بحلك من خرطوم الاربعينات .. كل الناس وانا أولهم في انتظار تحقيق وعدك او لنقل تلميحك بنشر وثائق عن خرطوم الاربعينات ونحنا ما عندنا مانع حتى لو صور عن خرطوم الستينات او حتي السبعينان بس انت ارسل حاجة تعيدالذكريات الحلوة... لك الود
Post: #39 Title: Re: الخرطوم زمان Author: حسن عبدالله Date: 08-05-2008, 01:23 PM Parent: #33
عزيزي الصائغ لك التحية والشكر والتقدير على الصور بس لسه عندك احسن كده. في انتظار المزيد وكل الناس متوقعة مداخلاتك. ولك التحية
Post: #31 Title: Re: الخرطوم زمان Author: الفاتح ميرغني Date: 08-05-2008, 10:17 AM Parent: #1
الاخ حسن عبدالله شكرا لهذا البوست النوستالجيك
التعديل لإنزال صورة بالخطأ
Post: #38 Title: Re: الخرطوم زمان Author: فيصل محمد خليل Date: 08-05-2008, 01:20 PM Parent: #31
مكتبة الشيوعين ما فاكر اسمها شنو كانت مقابلة القصر الجمهوري وكانت صغير جدا بس مليانة وكانت اسعارة مغرية جدا... وليس بعيد منها المعرض المصري دا كان تحفة كل شي متوفر فيه وبارخص الاسعار
مكتبة بانوراما
بتاعت ناس عمر عبدالعزيز
مطعم مرحبا في سوق العمارات
وكان في بار بتاع واحد اغريقي وراء مستشفى الخرطوم
وبارتاني وراء هناك في السوق العربي ما عارف وين كدا
جنب فندق مروي
عيادة كمال يني مقار فيالغالي
بابا كوستا
عبدو تادرس
المولد في ميدان عبدالمنعم حاليآ نادي الاسرة لو ما اتغير
محطة كترينا
ابوحمامة
محطة علي جمعة
محمد سكينة
اسماعيل دوانة
السينما المتجولة
الدباغة
سوق السجانة و دكاكين اليمنين
حريان و سكج بكج
الرمة و الحراس
عمل اثاثات من البلي فريت
ابو كجمجم
سبع حجار
درداق الحفر
الفات الفات
الشليل وينو
شبير شد
بلي قزاز
بلي فريت
الطبالي . طبلية
شخطك بختك
بخت الطوخي
منك و من البلية
تكس ماراجع
جوز ما يخسر
راقد
الضراب
غوريلا
جله
نظر
و منقو زمبيري
Post: #41 Title: Re: الخرطوم زمان Author: حسن عبدالله Date: 08-05-2008, 01:34 PM Parent: #38
أخي فيصل انت تحفة بس الواحد يجلس معاك ساعة المغرب قعدت جبنه في منقدوجبنه جديدة قاعدة عليها واحده من النسوان الفاهمات وتنزل الحكاوي بتاعت زمان... دي قصة ما تخلص واكيد متعه للطيش. ذكرتني في القولد التقيت بالصديق عشان نصل لناس منقو زمبيري. هل ذكرت البلي ان فاكره كويس وفاكر انو ناس كانوا بيكسبوا منه اكل عيشهم وبعضهم الان عاملين مطوعين الله يسبتهم . لك الود والذكريات الجميلة ما تخلص والسودان جميل جميل جميل ونحن نحبه نعم اسمها بانوراما بس كانت شيوعية ولا انا مفوت؟؟؟؟؟...
Post: #36 Title: Re: الخرطوم زمان Author: Moawia Mohammed Date: 08-05-2008, 12:55 PM Parent: #1
فندق الأكروبول
Post: #37 Title: Re: الخرطوم زمان Author: Moawia Mohammed Date: 08-05-2008, 12:59 PM Parent: #1
الفندق الكبير ( سابقا ) القراند هوليدي فيلا ( حاليا )
Post: #40 Title: Re: الخرطوم زمان Author: Moawia Mohammed Date: 08-05-2008, 01:31 PM Parent: #1
Post: #42 Title: Re: الخرطوم زمان Author: Moawia Mohammed Date: 08-05-2008, 01:36 PM Parent: #1
Post: #43 Title: Re: الخرطوم زمان Author: حسن عبدالله Date: 08-05-2008, 06:36 PM Parent: #42
معاوية لك التحية سعيد بالمداخلات والصور. بس قول لي بتارع الكمرة دا منعوه يدخل حديقة الحيوانات ولا تكون دي حركات اصاحب القطع الاثرية... عايزة تصبح ثروة وبعدين تعرضها للبيع؟؟؟؟؟ نحن مشترين ارسل الصور الباقية ولك التحية. أغرب حاجة لسة ما في واحد جاب سيرة كرة القدم؟؟؟؟ مش حاج عجيبة؟؟؟؟ بس طبعا السبب ان الخرطوم كانت ولازالت فقيرة في الكورة. كان في الخرطوم نادي النيل وكان نادية في شمال السوق العربي مش بعيد من نادي العمال. اشهر لعيبته يوسف مرحوم (المايسترو) وابراهيم كبير ودا لعب في مصر وكان خير ممثل للكرة السودانية. وفاكر انه كان في احدى المباراة احسن لاعب رغم انه دخل هدف في مرماه. الاهلي اعتقد نادية كان في الخرطوم 2 وابرز لاعبية نجم الدين دقل وحبو من اولا بحري أكيد في غلط في الاسماء دي واحد ينقذنا يا شباب. بس كانت كرة السلة حكر على الخرطوم النوادي الكبرى كانت المكتبة القبطية نادي الارمن والنادي الكاثوليكو وديل كان فيهم بعض الاخوة من الاقليم الجنوني اولاد فوثديو ومنيان. والنادي السوداني الوحيد كان نادي العمال وكان في قلب الخرطوم والاشهر كان المرحوم عباس خوجلي ومصطفى المصري و.... واحد يلحقني العقل خلاص وقف..
(الاهلي اعتقد نادية كان في الخرطوم 2 وابرز لاعبية نجم الدين دقل وحبو من اولا بحري أكيد في غلط في الاسماء دي واحد ينقذنا يا شباب). -----------------------------------------
النادي الأهـلي بالـخرطوم طوال سـنوات الخمسينيات والستينيات كان عـبارة بيـت عادي به 3 غـرف كبيـرة وحـوش واسـع وحـمام مـتواضـع للاعبييـن وتواليت سـيفون ( حـفرة ) والنادي ده كان مـوجـود فـي شاع الأسـتباليـة.
النادي كان مـوجـود وسـط حـي الـبغاء، كـل البيوت جـيـران النادي كانت بيوت عاهـرات من اليـميـن والشـمال وقـدام النادي. والنادي ظـل بوضـعه الـماساوي ده زمـن طويل انتقل بـعـده الـي الخـرطوم جـنوب. اشـهر الاسـماء فـي النادي ده: 1 - سـميـر مـحـمد علي - حارس الـمرمي، ترك النادي الأهـلي واشـتـرك مع النادي الـمصـري الزمالك ، 2 - اللاعـب ابراهـيـم كبيـر، 3 - اللاعـب دقلولة، 4 - اللاعـب صـفيـحـة.
ظل النادي وطـوال مـدة طويلة الصـديق الصـدوق لنادي الـهلال الامـدرماني،... ونادي النيل الخـرطومي التؤام لفريق الـمريـخ الامـدرماني.
حـصـل مرة فـي عام 1962 وقام فريق الـهلال الامـدرماني و (فتـح) للاهـلي عشان الاهـلي ماينـزل للدرجـة التانية.... وبالفعل نزل فريق التـحـرير للتانية وبقي الاهـلي في الاولـي.
عاوز اشـرح لك مـعنـي كلمة (فتـح) في لغة كرة القـدم وتعـنـي ان ينـهزم الهلال امام الاهـلي ويفتـح له شـباكه ويـخرج الاهـلي وحاصـل علي نقطتيـن تؤهـله البقاء بالاولـي!!!
لك مودتي.
Post: #45 Title: Re: الخرطوم زمان Author: حسن عبدالله Date: 08-05-2008, 07:45 PM Parent: #44
شكرا عزيزي الصايغ على المعلومات الاكيدة. انا عارف نفسي كيشه في حكاية اخبار الرياضة رغم ان كنت رياضي غير معروف. شكرا للمعلومات وطبعاباخدها صحيحة الي ان يصلني خلاف ذلك بس واضح انها من مصدر اكيد. وفى الرياضة وكرة السلة نسيت اقول في بحري كان نادي الكوكب هو الرائد واسم الكابتن الرشيد معروف في بحري وطلبعا المكتبة القبطية كان قمة في كرة السلة بحري وفاروق رحمي كان تقريبا هو المسلم الوحيد بينهم ومثل السودان ولعلب للمريخ لما دخولت اندية كرة القدم في هذا المجال... وهنا لابد من ذكر رائدة كرة السلة النسائية.. مريم النجومي وابوها جعلي محمد النجومي واعتقدانه كان عضو في البرلمان. لاذكر لها في الحياة العامة للاسف.
Post: #46 Title: Re: الخرطوم زمان Author: حسن عبدالله Date: 08-05-2008, 08:09 PM Parent: #45
الخرطوم زمان غابة الصنت اشتهرت في الايام الاخيرة كموقع سياحي. مش عارف الحصل فيها شنو مرة يقولوا اشتراها امير ومرة استثمراها عبدالمتعافي او باعها وبلعها. هي تقع في مكان فعلا ممكن يصبح سياحي. بس كانت ملتقى للعشقين بالنهار وبالليل ماوي للمجرمين والحرامية. تجي يوم الجمعة او ايام الاعياد بالصباح تلقاها مليانه عوائل ومحبين اشكال واللوان. وهي عبارة عن غابة اكثر اشجارة النيم. لو حد عارف عنها اخبار ينورنا خصوصا انو عندنانية نعيد الايام الجميلة طبعا قصد الغراميات النهارية وليست الاجرامية الليلية. من الذكريات الجميلة كان طلبة المعهد الفني (جامعة السودان حاليا) الذين يسكنون الداخليات يعانوا من الحرامية الذي يهاجموهم ليلا ويقال ان الطلبه كانوا لما يعرفوا حامية دخلوا عليهم يهاجموهم ويطردهم ويتابعوهم الي الغابة فاذا بالحرامية يكروا عليهم ويعيدهم للداخليات مرة اخرى.
Post: #47 Title: Re: الخرطوم زمان Author: willeim andrea Date: 08-05-2008, 08:37 PM Parent: #1
Post: #48 Title: Re: الخرطوم زمان Author: فيصل محمد خليل Date: 08-05-2008, 08:44 PM Parent: #47
دا مافي زمنا
الصورة دي بتكون في زمن قريبي بكري الصايغ
Post: #51 Title: Re: الخرطوم زمان Author: حسن عبدالله Date: 08-06-2008, 06:13 AM Parent: #47
أهلا اخونا وليم أكيد انت بتاع كرة السلة.. مش ممكن يكون منك في اتنين... نحنا تجرأنا ودخلنا في تخصصك (كرة السلة في ذلك الزمن الجميل) . رجاء اتحفنا بإنارة عن السلة ايام زمان. وطبعا كان السودان قمة فيها وامكن العربي الثانين كانوا لسة ما عرفوا حاجة اسمهاكرة سلة.. عايزين مسح عام عنها وخصوصا الروائع. الفرق، المنافسات الابطال والمشاركات العربية والعالمية ووين هم الان الكبار في هذا المجال .
Post: #54 Title: Re: الخرطوم زمان Author: حسن عبدالله Date: 08-06-2008, 09:18 AM Parent: #47
عزيزي وليم اسف جدا انا اعتقد انك وليم اندرية بتاع الباسكت وكان عنده فرقة بتاعت جاز .. وبس واحد اخونا ذكرني ان وليم دا مات.. اهلا بيك في البوست ونتوقع نسمع منك عن الخرطوم الجميلة على نسق حنتوب الجميلة.
Post: #84 Title: Re: الخرطوم زمان Author: حسن عبدالله Date: 08-10-2008, 10:13 AM Parent: #49
عزيزي الصائغ ياصائغ انت عايز تجننا ولا شنو الصور مش عايز تنزلها والاسماء تخلخبطنا فيها وتحيرنا معاك شنو الجاب طاحونة مقار للخرطوم دي في بحري و سرايا المهدي دي في امدرمان يعنى عشان انت صائغ وقروشك كتيرة تكتب اي كلام وما حد يكلمك؟؟؟؟؟ انا عايز صورة تمثال غردون على البعير وكتشنر على الحصان. واكيد واحد صور عملية ترحيلهم من السودان. لو ممكن صور مطار الخرطوم ومطعمة الفنان الكان فتح طول الليل والنهار وحديقة لمقرن ايام عصام ساكس....
كل هـذه العـملات الـمعدنية والورقية هـي عـملات مـصـرية عليـها صـورة الـملك فاروق (ملك مـصـر والسـودان). كانت هناك ايضـآ الـي جانب العملة الـمصـرية الجـنيـه الاسـتـرلينـي.
Post: #52 Title: Re: الخرطوم زمان Author: محمد أبوالعزائم أبوالريش Date: 08-06-2008, 06:55 AM Parent: #1
الأخ حسن عبدالله
Quote: تصور اتيني ما قادة اجمع واعرفها وين كانت . بس نادي الخريجين اعتقد انه كان في شارع القصر وامكن جنب المكتبة القبطية ارجو التصحيح
أتيني يا سيدي إذا أخدت تقاطع شارعي القصر والجمهورية، وفي الجانب الشمالي الشرقي سواء من شارع القصر أو شارع الجمهورية، ودخلت بأي من المداخل، تلاقي ساحة كبيرة وفي ركنها كافتريا أتينيه، والساحة دي زمان كان عليها طاولات وكراسي لرواد المقهي في منظر بديع. وإذا نظرت في الجهة الشرقية للساحة حتلاقي مدخل يودي تحت الأرض (underground)، عبارة عن موقف للسيارات. لحدي وقت قريب الكافتريا كانت موجودة (مع الفارق)، وموقف السيارات تحت الأرض على ما أظن لا زال موجود، وأذكر إنو في خريف 1988 غرق عدد من العربيات داخل الموقف.
أما نادي الخريجين، فهو فعلاً على شارع القصر في الجهة الشمالية لسينما كلوزيوم، وحالياً قام مكانه بنك ما أذكر اسمه. بس يا حبيب الموقع ده ما ليهو أي علاقة بالمكتبة القبطية، ودي أقرب لصالة غردون.
تحياتي
Post: #53 Title: Re: الخرطوم زمان Author: حسن عبدالله Date: 08-06-2008, 09:14 AM Parent: #52
شكرا ابو العزائم الواحد كبر والعقل بقى ما بجمع. كيف بس الواحد ينسى موقع اتيني دا اول مكان الواحد يشرب قهوة بالحليب كان فيها. دي طبعا هسة بسموها كبتشيينو. اذا ما كنت كمان في دي مفوت. اظن في الجهة الشرقية جلسة بتاعت ناس الشري ابو بت وابو كديس وخلافة.... في الكونر على شارع الجمهورية كانت اجزخانة ابو نخلة ولا انا غلطان؟؟؟؟؟
Post: #55 Title: Re: الخرطوم زمان Author: حسن عبدالله Date: 08-06-2008, 09:25 AM Parent: #53
الايام الجميلة في الخرطوم الجميلة ترليلي اللي ياعبود جبت المنقة ياعبود ياعبود ياعبود مين يفكرنا بالجنرال دا
Post: #56 Title: Re: الخرطوم زمان Author: فيصل محمد خليل Date: 08-06-2008, 09:36 AM Parent: #55
كتب الاخ حسن عبدالله
الايام الجميلة في الخرطوم الجميلة ترليلي اللي ياعبود جبت المنقة ياعبود ياعبود ياعبود مين يفكرنا بالجنرال دا
الزول بتذكرو رهاب رهاب
كان مخيط هدومو من علم السودان
و بيلف في الاحياء مرددآ
ترليلي اللي ياعبود
نحن وراءك يا عبود
و الذي منه
Post: #57 Title: Re: الخرطوم زمان Author: محمد أبوالعزائم أبوالريش Date: 08-06-2008, 10:12 AM Parent: #1
في زمن الوفرة، ولما كانت كل الشركات العالمية ممثلة في الخرطوم، كان في مقولة شهيرة، يقولوا الحاجة دي (المعدوم في سوق الخرطوم) كناية عن الشئ النادر الوجود، ولأن سوق الخرطوم كان به كل ما تحتاجه
Post: #58 Title: Re: الخرطوم زمان Author: محمد أبوالعزائم أبوالريش Date: 08-06-2008, 10:16 AM Parent: #1
أستاذنا بكري الصايغ ..
Quote: اللاسـكا
قد تكون هذه هفوة كيبورد، وأظن المقصود (الأسكلا)، وهي مكان مرسى السفن، ومنها جاءت أغنية (من الأسكلا وحلاّ .. قام من البلد ولاّ .. دمعي لي التياب بلَّ)
Post: #59 Title: Re: الخرطوم زمان Author: محمد خليل إسماعيل Date: 08-06-2008, 10:38 AM Parent: #58
Post: #60 Title: Re: الخرطوم زمان Author: بكري الصايغ Date: 08-06-2008, 11:26 AM Parent: #1
قبل الكلام عـن الخـرطوم زمان، اسـمحوا لي اولآ ان أسأل هـل كلمة خرطوم والتـي اختـرناها اسـمآ لعاصـمتنا تعـنـي وماتعـودنا علي سـماعه ان من يراها من العلو يـجـدها منطقة تشـبه ( خـرطوم الفيل ) وعلي هـذا الاساس اصـبـحت عاصـمتنا وبناء علي هـذه الـمقولة تسـمي بالخـرطوم!!?
هـناك نـظرية تقول ان كلمة خـرطوم مشـتقة من مقـطعيـن ( خـور )و(تـوم).
واصـل الـحكاية كـما تقول الرواية: ان سـكان جـزيرة (تـوتي) كانوا يعبـرون النيل بـمراكبـهم للجـهة الاخـري من الـجـزيرة ( الخـرطوم حاليآ ) ويقومون بزراعـة التوم بـمزارعـهم الواسـعة التـي كانت مـمتدة من (الـمقرن) شـمالآ وحـتـي منـطقة (الشـجـرة) فـي ذلك الزمان. كان هـناك (خـور) مائي كبيـر يشـق مزارع التـوم، ولـما كانت الخـرطوم فـي ذاك الوقت بلا اسـم مـحـدد فقـد اطلق سـكان توتي عليهـا اسـم ( خـور التوم ) وتـحـولت فيـما بعـد بالتدريـج الي (خورتوم) واخـيـرآ (خـرطوم)!!!
هـذا الكلام اعـلاه ليـس من عـنـدي ولامن بنات افكاري. ولكن مـثبت ومكتوب بالـكتاب الثـميـن والقيـم الذي ألفـه البـروفسـيـر الراحـل ابوسـليـم والذي شـغل لفتـرة طويلة منصـب مـدير دار الوثائقلاالـمركزية بالخـرطوم وجاء كتابه القيـم والفريـد تـحـت أسـم ( تاريـخ الخـرطوم ) .
وكنت عـلي عـلاقة بالراحـل بـحكم عـملي بوزارة الاعـلام في سـنوات السبعبنيات وكانت دار الوثائق الـمركزية تابعـة لوزارة الاعـلام وقـد قال لـي وقتـها ان رسالة الدكتوراة الـخاصـة به كانت بعنوان (تاريخ الخـلاطوم).
ونـواصـل باقي النـظريات....
Post: #61 Title: Re: الخرطوم زمان Author: صلاح الفكي Date: 08-06-2008, 12:54 PM Parent: #1
الأخ حسن .. لك التحايا القلبية الحارة.. الخرطوم هي من أمل المدن الراقية آنذاك. تعرف كانت الخرطوم رغم صغر حجمها آنذاك..الا أنها تعتبر مدينة كبيرة .. كنا نري البلدية تقوم بغسل الشاررع كل ليلة.. وكنا نري الشوارع نظيفة... وكنا نري الخدمات من توصيل الحليب للمنازل وكرة التنس الأرضي في وقت كانت الدول العربية أو التى حولنا .. لا تعرف معنى الحياة الراقية الا من خلال الأفلام.. كانت لدينا مفاهيم جميلة للحياة.. ذكرتم لعبة كرة السلة..ونسيتم أعظم لاعبيها.. خميس جلدقون..أحد خميس..وليم أندريا أعظ لاعب ومغنى في نفس الوقت ..والذي قتل في حوادث المرتزقة عام 1976م.. برصاص جندي أحمق كان بامكانه التفتيش بطريقة كريمة.. ولكنه تصدي للغزال الأسمر .. وضربه بمجموعة من الرشاش الذي في يده.. كانت الساحة الشعبية .. وميدان الليق.. وكانت هناك أسرة هاشم حسن أحمد.. لاعب النيل وأخوته الكرام .. الذي اتحفوا الخرطوم والكرة السودانية.. وكان شرف أحمد موسي.. وحودة الخطير.. ولي عودة
Post: #62 Title: Re: الخرطوم زمان Author: حسن عبدالله Date: 08-06-2008, 01:25 PM Parent: #61
عزيزي صلاح مرحب بيك حللت اهلا ونزلت سهلا. صحيح تكلمنا عن كرة السلة ولم نذكر اندريا وكثيرين غيره. بس كانت المفاجئة واحد اسمة وليم اندريا عمل مداخلة ولم يتحدث عن السلة.. راجعت عقلي شوية وتذكرة ان وليم مات مقتولا. اسفي علية كان كفر ووتر رغم ان الكفر والوتر في القول المشهور مقصود بيه كرة القدم والعود... يبدو انك من عشاق السلة أخبرنا عن الايام الحلوة وقمة كرة السلة ونادي لارمن والاغريق والاقباط و اخيرا العمال والبحرية والكوكب. ثم موخر الهلال والمريخ لما بقت لعبة بتجيب فلوس... اهلا بيك وبكل الاحباب من الخرطوم وغيرها سوى كان الاسم من خرطوم الفيل او توم نوس توتي حسب قول اخر. وأهل توتي الطف واظرف ناس واحسن من كتب شعر وعزف وتر وغني للحب ... ولكم الحب كلة
Post: #63 Title: Re: الخرطوم زمان Author: sami Alzubair Date: 08-06-2008, 01:28 PM Parent: #1
.. عمنا حسن مستمتعين بالسرد الجميل ده وخاصة اننا ما حضرنا اي حاجة من الكلام البتقول فيهو
Post: #64 Title: Re: الخرطوم زمان Author: willeim andrea Date: 08-06-2008, 06:57 PM Parent: #1
Post: #65 Title: Re: الخرطوم زمان Author: صلاح الفكي Date: 08-06-2008, 10:49 PM Parent: #64
يا سلام عليك..يا وليم اندريا.. وكمان من الحلة الجديدة.. يا خي الحلة الجديدة شهدت طفولتى وصباي وشبابي الجميل جدا الذي استمتعت به أيما استمتاع.. حتى قمت بدفنه في الرياض.. فمنذ أن هاجرت عام 1983م وأنا قد فقدت الجمال في كل شيء.. كرة السلة كانت أروع عندما كان يلعب بها هؤلاء العمالقة.. واذكر أول دورة عربية في االكويت فاز بها السودان .. وكان النجم الذي سطع في سماء الكويت ..هو..وليم أندريا .. ذلك الفنان الذي شهدته يلعب ويغنى..وقد برز في كلا الجانبين.. وكان أشهر لاعب كرة سلة في السودان.. نسأل الله له الرحمة والمغفرة..بقدر ما قدم من عمل.. أحمد خميس أعرفه شخصيا وهو رجل مهذب جدا.. ويحمل في طياته قلب رجل كبير.. وجدته في السعودية قبل أكثر من عشر سنين ولا أعرف مكانه الآن.. من أماكن الخرطوم الجميلة .. نادي التنس الأرضي وبه ..ابناء طلعت فريد.. والمدرب القدير الأخ العزيز محمد عوض فرج.. في الخرطوم مدرسة هاشم عابدون أقدم وأشهر مدرسة ابتدائية.. وفي الخرطوم القوز ونادي القوز العريق.ز والقوز وناديها .. شهدت هوان أهلها بالنادي فسقط ووقع من الدرجة الأولي الي مصاف الفرق المنسية.. وأصبح لا يقوى علي المنافسة.. وفي الخرطوم منزل الفنان حسن سليمان الهاوي.. وعذبة أنت كالطفولة ..ولا ننسي محمد عبدالصادق سانتو الخرطوم.. ولا أنسي كذلك الأخوة الأعزاء.. ابوطالب.. سليمان.. عبدالمنعم.. محمد حامد.. وتلك القلعة .. نادي الدفاع..وكيف ننسي من الخرطوم أشهر لاعب وسط في المريخ ..الأخ جعفر رمضان.. من لاعبي الادي الأهلي أيام الستينيات..الأخ العزيز والكبير.. عبدالله سنكيت.. وهناك أكبر لاعب مشهور في الحلة الجديدة.. عمنا ابواسكندر..ولم لا نذهب شمالا لنجد منزل أخونا هاشم اسحاق وأخوه الكبير..مهداوي.. من ذكريات تلك الفترة الجميلة .. الديم وبيوت (الهناي داك).. الديم من أشهر أحياء الخرطوم.. وفيه ظهرت قمم كروية وفنية . ومجالات أخري.. سانت جيمس ذلك الديسكو الذي كان يعمل حتى الفجر.. وسينما النيلين..وهي التى تلم كل من أراد تقضية وقت ن(هوادة).. فبعض داخليه لهم مآب أخري غير المشاهدة.. سينما الخرطوم غرب كانت نوعا ما هادئة ولكن أكثر منها هدوءا.. النيل الأزرق.. فقد عرفت بينما أعل الفن والمزاج الراقي.. الذكريات صادقة وجميلة.. تحياتي..
Post: #66 Title: Re: الخرطوم زمان Author: حسن عبدالله Date: 08-08-2008, 06:44 AM Parent: #65
جميع الاعزاء نأسف للغياب بسبب مشاغل ما كان ممكن الواحد يتحاشاها.... ما عارف اكتب عن ايه ولا ايه. بس خطر ببالي زيارة الزعيم عبدالناصر بعد النكسة للخرطوم واللقاء العظيم مع الملك فيصل الله يرحم الجميع. قال جمال عن اللقاء الحاشد (لم ارى قائد مهزم يستقبل بمثل هذه الحفاوة).
بعد كده ولمحبي الشعر والحبيبين زيارة نزار قباني للخرطوم وفي لقاء في نادي طلاب جامعة الخرطوم قال القول المشهور : لم أكن اعتقد انو في ناس في الدنيا تحب الشعر بالشكل دا. نعم كان لقاء عجيب الناس كانت طالعة في الشجر علي سطح مبنى النادي..
Post: #67 Title: Re: الخرطوم زمان Author: حسن عبدالله Date: 08-08-2008, 06:56 AM Parent: #66
محمد خليل اسماعيل كنت عايز اقول اهلا بيك بس خجلت من نفسي دا انت السودان (فاكر الغنية المشهور انا السودان) من وين جبت الصور دي؟؟؟؟؟ لازم الواحد يدخل الموقع دا اكيد فيه درر ودرر ... نرجو المزيد... لكم جميع كل الحب.... سامي الازهري: لك التحية والمودة بس كما فكرتني بالازهري 2 (دا اذا ماكانت الشخصية واحدة) وين الانسان دا ازهري2اكيد عنده الكثير. وانا جبت حكاية مؤتمر الخرطوم عشان استفز مشاعر الناس واطلع المتخبي .... التحية للجميع.....
Post: #68 Title: Re: الخرطوم زمان Author: حسن عبدالله Date: 08-08-2008, 07:04 AM Parent: #67
وليم اندرية لك التحية دا انا قلت وليم دا طلع لينا من وين (اقصد صاحب الاسم) الله يرحمه. ياخ والله ذركرتنا اسماء عظيمة... اكيد موجود منهم كثير... تعال نفتش عليهم عشان يذكرونا الايام الجميلة... بس عقدنا بحكاية باك يمين ويسار ولاعب وسط ... كأنك لخبطه السلة بالقدم وشب بيجيب اليد للرجل... فاروق رحمي زميل دراسة ولعبنا سوا في الاملاك كرة قدم وفي المكتبة بحري سلة بس من زمن ما عارف هو وين... اخر مرة كان في السعودية. بس وين هو الان ؟؟؟؟؟
Post: #69 Title: Re: الخرطوم زمان Author: حسن عبدالله Date: 08-08-2008, 07:58 AM Parent: #68
كرة القدم: كاس افريقيا في السودان مين يكلمنا عن الحدث المهم دا. كاس افريقيا بين الخرطوم ومدني - المواقع الصعبه. والكاس....... واسماء ابطال السودان . واسماء الافارقة المميزين في القمة الافريقية الكروية.....
Post: #70 Title: Re: الخرطوم زمان Author: حسن عبدالله Date: 08-08-2008, 07:27 PM Parent: #69
أهل الخرطوم أهل السودان الحبيب لكم جميعا التحية الخرطوم الثانوية. جامعة الخرطوم . المعهد الفني (جامعة السودان حاليا) الكلية التقنية. دا كان التعليم في قلب الخرطوم كيف صار الان. ومين المبرزين في المرافق أعلاه. ماذا قال العالم عن التعليم العالي في السودان وماذا فعل علماء السودان من اجل رفع اسم السودان... لكم التحية
Post: #71 Title: Re: الخرطوم زمان Author: willeim andrea Date: 08-08-2008, 10:05 PM Parent: #1
Post: #72 Title: Re: الخرطوم زمان Author: حسن عبدالله Date: 08-09-2008, 06:13 AM Parent: #71
صباحكم خير لسه ما سمعنا واحد يكلمنا عن الغابة اقصد غابة الصنت ليه سموها الصنت وهي كلها نيم. مين فاكر جلسات الشباب في الغابة. ناس عاملين رحلة فيها غناء ورقيص. وناس عاملين حنان. جلسات اتنين اتنين. واحد خشن والثاني ناعم وما تسمع ليهم صوت وبس همس وبعيدين من الناس ما عايزين حد يسمع صوتهم ولا حد يشوفهم خوفا من الحسد...
Post: #73 Title: Re: الخرطوم زمان Author: فيصل محمد خليل Date: 08-09-2008, 10:11 AM Parent: #72
مقهى في الخرطوم 1951
Post: #74 Title: Re: الخرطوم زمان Author: حسن عبدالله Date: 08-09-2008, 11:43 AM Parent: #73
فيصل الفنان انا عارف انك عندك كنوز داسيها مننا... ياخ افتح السحارة دي وارسلينا (حلوة السحارةدي مش كده) للمعلومية اغلب القهاوي كانت كدة. هي مكان الناس بتقضي فيه الوقت. منها ونسة وشاي وقهوة وحلبه. كتشينة و.... والصغار يلعبوا طاب ،ام القحف والبلي وبالليل حرينا. شليل وينو. وطبعا في ناس جلسة القهاوي دي بعملوها شغل يدخلوا من وراه قروشايو اقاصد قمار. او يكفي انهم لو سبب للخروج من البيت. . وكنا ذكرنا قهوة الزيبق وقهوة سمارة في بحري... تاني شنو يا فيصل؟؟؟؟؟
Post: #75 Title: Re: الخرطوم زمان Author: حسن عبدالله Date: 08-09-2008, 12:45 PM Parent: #74
أخي وليم صادفتني صورة لوليم اندرية في مكان في المنبر دا أعتقد انت واضعها.... اذا دا صاح ياخ ما تشوف لينا صورة العمالقة الاخرين اولاد بوث ديو وكامل المجموعة سودانين وخواجات... ولا تنسى المكتبة القبطية بحري. ونادي العمال الخرطوم والكوكب بحري البحرية بحري. اكيد عندك حاجات تفرح او ممكن تتحصل عليها. بمناسبة الفن انا فاكر اني حضرت حفلة في فندق مريديان بالنجم العالمي جيمي كليف الكلام دا صحيح ولا انا تحلم؟؟؟؟؟؟
Post: #76 Title: Re: الخرطوم زمان Author: حسن عبدالله Date: 08-09-2008, 01:35 PM Parent: #75
لسه ما سمعنا صوت ناس الخرطوم الثانوية القديمة والا الخرطوم الثانوية بنات. وين ناس جامعة الخرطوم وين ناس كرة القدم الخضروا كاس افريقيا وبطولة الخرطوم. وقمة الخرطوم الشهير والات الثلاثة ابطال السلة وصور الخرطوم الجميلة صورة للمقرن او حديقة الحيوانات مطار الخرطوم حديقة القرشي نادي الاسرة
Post: #77 Title: Re: الخرطوم زمان Author: حسن عبدالله Date: 08-09-2008, 09:12 PM Parent: #76
حديقة الحيوانات: كان اهم برنامج في العيد (اي عيد) هو زيارة حديقة الحيوانات بالخرطوم. وطبعا كان ما تخلو في الاعياد من الحفلات اشكال واللوان. وطبعا كل واحد لابس الجديد جزمة باتا وجلابية بيضاء وممكن عمة او حاف حالق زي ما قالوا شعراء الحقيبة. كانت متعة ما بعدها متعة وطبعا بعد كدة تخلص باقي اليوم في حديقة المقرن وهاك يا غزل وشقاوة ممكن تصل الواحد يتجلى ويعمل فيها كيجاب وينزل البحر (اقصد النيل) ومن ضمن البرنامج ممكن تركب البنطول وتصل توتي وترجع.. مرة تانية توتي يجى اسمها وما نسمع صوت ناس توتي اكيد لانهم عايزين يكونوا لوحدهم ما ليهم دخل بالخرطوم.
نرجع بيكم لحتة سوق الخضار وموقف البصات فى شارع اتجاه واحد وانت جاى من الجامع تلقى موقف بصات بحرى وبعدها موقف برى ثم فى نهاية الشارع موقف امدرمان ومابين موقف برى وامدرمان مكاتب ناظر الموقف وتجمع السوافين والكماسره وكشك تجديد الابونيه واخر يوم للتجديد الخامس من كل شهر , تقطع ميدان الامم المتحده بالممر الضيق وتجد الباعه والفراشه على طول الممر لتلاقى يمينك دكان جسن صالح حاج خضر بتاع العجلات الرالى ثم ودملاح والشارع المؤدى الى موقف الشجره والقوز شمال الشارع مكتبة النهضه ومحلات حمدتو الحلوانى وده كله قصاد الجامع, نرجع للشارع الماشى فى التقاطع اليمينه تجد مطعم خيرات سلوى ولو مشيت طوالى يوديك لمواقف الشجره وبه محلات الاقمشه والعطور وعلى شمالك مكتبة سماره وقصادها ليمون عمك الواثق ليمون وشعير كارب كباية قزاز شوب شدة مابارده لمن يجيك صداع وبالمناسبه عمنا الواثق هو والد الفنان الجيلانى الواثق وبعده الشارع يمينك يوديك لقهوة الكوبانى وشمالك محلات الدهب وقصادها مدرسة الخرطوم الاهليه (الشيخ مصطفى الامين) الحسع بقت مافى وده عندى فيها كلام كتير بالصور, نهاية الشارع موقف بصات مدنى وبص الخواجه(المؤسسه) لمن الحجز كان بالتلفون قبل اسبوع من سفرك ثم تعبر لكمبونى تعال تانى من سوق الخضار فى اتجاه الغرب وقبل تقاطع البرلمان مع الجمهوريه تلقى صينية غودرون ميوزيك هول وعلى يمينها من الجانب الاخر مخبز مونديال لصاحبه طلحة الياس وامامه مكتب تنظيم الخرطوم والكان منه تصدق الخرط والمبانى وكل شى ماشى بنظام ,ارجع لميدان ابو جنزيرشرقه شارع القصر تقاطع البلديه وقبب الاتراك و شماله المدرسة الابتدائيه الخرطوم شرق وقصادها لجهة الغرب مكاتب جريدة الايام وتدخل شويه وقبل ما تصل سوق الحراميه يلاقيك اشهر مغلق وهو مخازن بورسودان وجوار بار من الساعه خمسه تلاقيهم برشوا الواطه ويرصوا الكراسى امشى مع الشارع لجهة الشمال وعدى شارع الجمهوريه يلاقوك بنات البريد الساعة السادسه مارقين من الورديه محلات اسندكو واشهر ماركات القمصان سودان بوك شوب تطلع منها شرق تلقى يمينك مخازن الخرطوم العموميه ال KGS وقصادها وكالة جامبو للسفر والسياحه ثم مرطبات زكى وبعدها فى الناصية سلوى بوتيك وقصادها فى البرنده الخطوط البريطانية, والفرنسيه , وقصادهم من الشرق مبنى الخطوط السودانية الذى اصبح فيما بعد بنك فيصل هنا بقينا فى بداية شارع الجمهورية بعد المحطة الوسطى واجزخانة كمبال ثم الزقاق الفيه استديو محمدين وفى الجانب الاخر شركة سنجر.
وطبعا ناس بحرى وبرى بالذات لمن يطلعوا من الدور الثانى فى كلوزيوم ومواصلات مافى بدقوا الكدر بعد اشارات الاتحاد الاشتراكى بشارع الجمهورية وطبعا لا كان اشارات ولا حاجه تلقى شنالك دكان ناصيه لو ماعندو فول امشى قدان يلاثيك بالشمال فندق الشرق وبعده دكان ببتعشى عنده .
Post: #80 Title: Re: الخرطوم زمان Author: حسن عبدالله Date: 08-10-2008, 06:34 AM Parent: #79
عزيزي حيدر القومة ليك يا قمة التوثيق. ياخي انت كنت وين لو كنا عارفنك كنا ضربنا لك اكباد الابل... بأمانه خجلتنا لاننا كنا فاكرينا نفسنا متذكرين الخرطوم شبر شير وطلعنا اي كلام. بس طبعا المشكلة هي الذاكرة ولما الواحد يلقى واحد زيك يقدر نفض الغبار وترجع الذاكرة. بس انت عرفت صورتها ما شاء الله تصوير فتغرافي. بس دا ما بحلك من الصور الاتكلمت عنها. وانا مما بديت البوست دا وابحث عن الصور وبس نعمل شنو ما ناس ما بتعرف توثق اي شئ.
عارف يا حيدر انت ذكرتنا الخرطوم كاننا نراها... واكيد الما كان عارفها يقدر يعرفها من وصفك دا. نضرب ليك تعظيم سلام ونتوقع نشوف الصور....
Post: #78 Title: Re: الخرطوم زمان Author: محمد أبوالعزائم أبوالريش Date: 08-09-2008, 09:44 PM Parent: #1
Quote: بعد كده ولمحبي الشعر والحبيبين زيارة نزار قباني للخرطوم وفي لقاء في نادي طلاب جامعة الخرطوم قال القول المشهور : لم أكن اعتقد انو في ناس في الدنيا تحب الشعر بالشكل دا.
صراحة ما بتذكر زيارة نزار قباني كانت سنة كم بالضبط، لكن في الفترة ديك، وتحديداً سنة 67 و68 (ورغم صغر سني وقتها)، أذكر جيدا إنو كانت هناك زيارات تاريخية، منها زيارة الفنانة العظيمة ميريام ماكيبا، وأم كلثوم، وصباح، والفنانة فيكي بلين، بعدها "ويمكن في بداية السبعينات" كان في مجموعة منهم الفنان فهد بلاّن ...... كان في حركة فنية حقيقية.
Post: #81 Title: Re: الخرطوم زمان Author: حسن عبدالله Date: 08-10-2008, 06:45 AM Parent: #78
ابوالعزائم.... لك التحية ... يا حبيبي الذاكرة ليها احكام والعقل بتذكر الحاجات البحبها... لو راجعت رسالتك تجد انك متذكر الفنانات وبس ذكرتك ضد كل ما هو ذكوري... انا ما فاكر السنةبتاعت زيارة نزار (امكن 74-75) بس فاكر تمام الاحتفاء به كان ولا اروع. وحكاية الليلة الشعرية في نادي جامعة الخرطوم دي كاني شايفها الان (وانا برضة صغير زيك كدةبس كنت مشغول بقصائد الحب مش الحب نفسة. للعلم نزار نفسة كان يفتخر بزيارة للسوادن ويذكر المنظر بتاع الناس (الشباب) طالعين على الشجر وعلى سقف نادي جامعة الخرطوم..... كدي دور عن اصحابك ولو لقيت خبر او صور نحنا في الانتظار... لكم الود
Post: #82 Title: Re: الخرطوم زمان Author: فيصل محمد خليل Date: 08-10-2008, 07:09 AM Parent: #81
شنو يعني يا حيدر امين طلعتنا كياشا
اقول ليك حاجة تعال انت راكب البص
من حلتك حتى الخرطوم جوا و وصف لينا
البتشوفو او بالاحرى الشوفتو بطرفي الطريق
حتى تصل الخرطوم و انا بعمل نفس الفيلم وانا
جاي من حلتي و نتلاقى في الخرطوم ونمشي مع بعض
شارع شارع
Post: #83 Title: Re: الخرطوم زمان Author: حسن عبدالله Date: 08-10-2008, 08:15 AM Parent: #82
عزيزي فيصل أكيد انت ممكن تعملها وممكن كمان توصف الناس الفي الطريق واحد واحد. وشكل الشارع طبعا الشوارع في ذلك الزمن كانت نظيفة. اصحاب المحلات معروفين بالاسم واسماء الشغالين معاهم . حتى العربات المارة الواحد ممكن يعرف صاحبها ولو سائق واحد تاني ممكن تقبضة لانه بالتاكيد سارقها دا طبعا لو طلع واحد من اهل او اقارب صحبها... والخرطوم جميلة بناسها وحتى من غيرهم....
Post: #85 Title: Re: الخرطوم زمان Author: حيدر امين Date: 08-10-2008, 10:46 AM Parent: #83
Quote: شنو يعني يا حيدر امين طلعتنا كياشا
الاخوان فيصل وحسن والله ما كيشه ولا حاجه بس انا زول التاريخ وقف عندى مما يوم بديت الغربه وحسع الخرطوم ما بعرف فيها حاجه وامكن اروح فيها والشى البحير بناتى المولدات فى الغربه الان استقروا فى الخرطوم بدلونى على الشوارع والاماكن , والبوست ده بصراحه كنت مفكر اعمل حاجه مماثله وامس والحقيقه صباح اليوم الساعه 2 تقريبا بتوقيت مسقط عملت المداخله وعلى عجل ومن غير ترتيب بس يا فيصل والله فكره اوعدك اليوم اخدك فى رحله من البرارى الى ان تصل السوق بس اعمل حسابك ببص الشركه المخطط بالازرق( وبعطس كل شويه),,,, مش بص ابورجيله الاصفر
Post: #86 Title: Re: الخرطوم زمان Author: حيدر امين Date: 08-10-2008, 11:03 AM Parent: #85
Quote: أغرب حاجة لسة ما في واحد جاب سيرة كرة القدم؟؟؟؟ مش حاج عجيبة؟؟؟؟ بس طبعا السبب ان الخرطوم كانت ولازالت فقيرة في الكورة. كان في الخرطوم نادي النيل وكان نادية في شمال السوق العربي مش بعيد من نادي العمال. اشهر لعيبته يوسف مرحوم (المايسترو) وابراهيم كبير ودا لعب في مصر وكان خير ممثل للكرة السودانية. وفاكر انه كان في احدى المباراة احسن لاعب رغم انه دخل هدف في مرماه.
ابراهيم كبير لعب لفريق الاهلى الخرطوم بعد فريق برى ومنها مشى لمصر ولعب لفريق الاهلى المصرى المباراه هى مبارة الاهلى المصرى واحد فرق غانا والاهلى مغلوب 1 صفر احرزه كبير فى مرماه مع انه كان احسن لاعب فى المباراه .
الاخ الصايغ اذا كنت بتقصد عبدالوهاب صفيحه فهو حارس مرمى المورده ,, ولا شنو
Post: #87 Title: Re: الخرطوم زمان Author: حسن عبدالله Date: 08-10-2008, 11:46 AM Parent: #86
عزيزي حيدر سعيدين نسمع منك مرة ثانية انت باين عليك موثق لكل شي وخصوصا الخرطوم. اخونا فيصل عمل تحدي عايزك تقابلة وانت قبلت التحدي ونحن حانكون متفرجين ونصفق للفائز.
هدف ابراهيم كبير دا حقيقة فعلا كان احسن لاعب في المباراة وسجل هدف بالغلط في مرمى فريقة.طبعا مش مرماه زي ذكر سابقا.. وهنا اود ان اذكر قول لسيمان فارس قال(دا المصريين سموني السد العالي قبل ما يكون عندهم سد عالي) ياهو دا السودان.
Post: #88 Title: Re: الخرطوم زمان Author: فيصل محمد خليل Date: 08-10-2008, 11:46 AM Parent: #85
اها اخوكم جاء من حلفا جديد لنج
وسكنا جنب محطة كوريا جنب بيوت الحجر
(المنازل الشعبية) انا كنت صغير الوكت داك
بتذكر الناس كان بتترحل بالبرمالات حاجة ذي الحافلة
كدا لكن ما بذكر منها كتير فجاة كدا جيت لقيت نفسي
في مرحلة البصات و الفترة القبليها اتمحت
المهم بتركب البرمل دا من ساحة كدا وسط بيوت جنب محطة الغالي
يطلع بيك على الزلط و يروح لافي يمين لعند محطة الغالي
اها في محطة الغالي في دكان عمنا الغالي و في الفسحة الجنبو
مدرسة اولية و في الجانب التاني من الزلط على بعد 200 متر فندق
كيشو و امام الفندق نهاية ترب فاروق و بالمناسبة فندق كيشو دا
كانو بيعسكروا فيهو ناس الفريق القومي و كدا
نرجع تاني لبرملنا و نتحرك طبعآ الحركة شمال يعني الدركسون
في يمين السيارة . في محطة الغالي و انت ماشي على الخرطوم في يمينك
في حلاوني و تمشي شوية تلقى على يمينك جوا المدرسة الاميرية و شمالك
الدكتور كمال يني مقار و تمشي طويل حتى حديقة عبود او الدومات
هنا في الناصية كان في جزار و في التحتات كان ساكن ابراهومة لاعب المريخ
اها البص بلف يمين عند الدومات و تاني شمال يعني شمالك فى حديقة عبود
و حديقة عبود كان فيها تلفزيون عام. بعد داك البرمل بيمشي عديل في شمالك
بيوت الناس الطيبين محل ما بتفك الحيرة و دكان عمك الفكيو تمشي قدام
تلقى محطة كترينا وبيوت نمر 2 و بالجانب التاني البيىوت البتوديك ميدان
عبد المنعم. وانت ماشي بتلقى يمينك المطافي و مصلحة الغابات و لا حاجة
ما متذكرة و شمالك بيوت السكة حديد و تقوم تطلع كبري المسلمية وش كدا
لمن تنزل من الكبري يلاقيك مستشفى الخرطوم تروح لاف شمال شمالك ممطة السكة
حديد و يمينك المستشفى و قدامك الجندي المجهول اها بجنب الجندي المجهول
تلف يمين عشان تدخل شارع القصر جنوب. دخلت شارع القصر جنوب يميك المستشفى وشمالك معمل استاك وانت ماشى بتشو ف على يمينك معبد اليهود
و كلزيوم و نادي الخريجين و شمالك شويا لجوا نادي العمال وكمبوني
تاني م متذكر المحطة النهاية للبرملات
ونواصل
Post: #89 Title: Re: الخرطوم زمان Author: حسن عبدالله Date: 08-10-2008, 11:51 AM
وانا صاحب البطل
Post: #90 Title: Re: الخرطوم زمان Author: willeim andrea Date: 08-10-2008, 11:59 AM Parent: #1
Post: #91 Title: Re: الخرطوم زمان Author: حسن عبدالله Date: 08-10-2008, 12:26 PM Parent: #90
عزيزي وليم دا انت ركبت الترماج؟؟؟؟؟ وشفت ناس جلقون وفريق الارمن الكاثوليك؟؟؟ عايز اسأل دا قبل الاستقلال ولا بعده؟؟؟؟ انا غايتو اتذكر الترماج كنا تختلية غطاء الببسي عشان يسطحة ونقده ونعمل لية خيط ويصبح لعبة ... سيبنا من الكلام دا وارسل صور الباسكت... وخلي فيصل يونسنى ذي الحبوبات دا طبعا لو قدر يواصل وصف الرحلة لما يقابل حيدر. الله يسعدكم والله اسعدتونا...
Post: #92 Title: Re: الخرطوم زمان Author: فيصل محمد خليل Date: 08-10-2008, 12:41 PM Parent: #91
كتب صديقي وليم
Quote: فلكسواجن) يعني زي الهاي اس بس 12 راكب ويمكن اقله شويات في المواصفات والمقاعد ... ياخي ده ما بعرفه
بسم الله وانت بادى اول حاجه اول ما نطلع من المدرسة ( الخرطوم الاهليه الوسطى ) او كما تعرف بمدرسة الشيخ مصطفى الامين وناظرها محمد حمزه عليهم رحمة الله , فى الغالب تكون مهمتنا الوحيده ان نجيب العيش ونحن راجعين والعبش عدة خيارات اما تلاقيه فى محطة البصات العيش الابيض المدور 5 بشلن وواحد زياده او عيش سيحه بالسمسم وتلاقى ود الجبل رابط المنديل فى راسو والطاولة فى العجله او تمشى مخبز مونديال للعيش التوست زى ما بقولوا ,وده كله فى اكياس انيقه من الورق المقوى كاكى اللون معمول خصيصا للعيش , وبعد كده البص اول ما اتحرك من الموقف بسوق الخضار متجه غربا الى تقاطع شارع السوق مع شارع البرلمان يلف شمال ليكون فى اتجاه الجنوب ال ان يصل الى تقاطع مبنى البنك الصناعى وشماله برندة ابوالعلا يلف مع البنك شمال وفى اتجاه الشرق ليكون ميدان الامم المتحده يساره وناس الودع وحلاقين تحت الشجر والفراشه وبتاعين المويه والكركدى اما فى اليمين بكون محلات المراكيب والاحذية برندة محلات اولاد المغربى ولى جوه شويه محلات عبد ه تادرس , البص ماشى وصلنا يمينك مرطبات الملتقى وبعدها دكان حسن صالح حاج خضر واخوه لبيع العجلات ثم دكان ود ملاح وبعد شارع ثم مكتبة النهضه لصاحبها المرحوم محمد ابوالريش , ثم بعده حلويات حمدتو صاحب احسن باسطه فى الزمن داك , وفى الصف بعد شوسة مقاهى ولجوه شويه كانت قهوة الزيبق الشهيره , وصل البص نهاية مربوع الجامع وميدان ابو جنزير قدامك يلف شمال مع الجامع متجه الى ان يصل قصاد باب الجامع الشرقى ويتجه شرقا الى تقاطع القصر مع البلديه وكانت الاشاره شغاله , يطلع بشارع البلديه وقبب الاتراك شمالك وبيوت الاغاريق والاقباط على اليمين والشمال وعلى بعد مسافة كيلو او كيلو ونصف يلف شمال حتى يصل تقاطع الجمهوريه وعندها يكون المركز الثقافى السوفيتى يمينك (وياما قضينا فيه اوقات مذاكره لا تنسى ايام الامتحانات ) , يستمر الى ان يصل تقاطع الجامعة وقبله مباشرة على يمينك داخلية البنات وشمالك كانت منازل اساتذة الجامعة وهناك محطة جوار منزل د. علام حسن علام , ياخذ البص اتجاه الشرق مع شارع الجامعه والذى كان مظلل بشجر اللبخ من اليمين والشمال وفروعه تتلاقى فى نص الشارع لدرجة ان الانوار كانت معموله بطريقه فريده ومعلقه فى نص الشارع , وصل البص نفق برى هنالك ايضا محطة بعد النفق مباشرة لناس الخرطوم القديمه , البركس , التربيه والتعليم , مستشفى العيون والماشين سينما النيل الازرق , بعد كده يتجه البص الى الجنوب الى ان يصل لفة سلاح الاسلحه ويلف شمال باتجاه الشرق ويكون يمينك منازل الضباط وسلاح الصيانه وشمالك رئاسة سلاح الاسلحه الزمن داك ماكان فكروا فى نفق شارع الجمهورية , زيستمر البص فى مسيره الى ان يصل المكان الحسع فيه صينية كبرى كوبر ولم تكن او يكون الكبرى نفسه بل كان هناك خط سكة حديد يعبر الشارع الى بابور مويه ( محطة برى الحرارية الان) لتوزيدها بالديزل وياما راحة ارواح بفعل هذا القطار الذى كان اسود اللون من غير انوار او تنبيه ولا يوجد مزلقان وما يحب يجى الا بالليل , بعدها يمينك خلاء نهايته سور المطار وشمالك مقابر برى وبيوت مهندسى الادارة المركزيه ثم مكاتب التربيه والتعليم وشارع النيل , اول محطه كانت محطة دكان عبد الملك بعد تقاطع شارع النص وكان لسه جديد , وشمالك الشارع المؤدى الى كلية الشرطة وجوارها مبانى الكلاب البوليسية , ثم ارض فضاء بها ملاعب الكرة ( فريق برى والروابط) والان بقت جاردن سيتى , المحطه الثانية محطة شيخ الهادى وعندها بنكون فى انتظار البص الجاى من الخرطوم فى الصباح الباكر لانو لو انتظرنا الماشى الخرطوم ما بقيف وطبعا الابونيه موفر علينا كثير , وصلنا اخر محطة فى برى المحس واول محطة فى الدرايسه بعد محطة البزين وهى محطة الشفخانه وهى قصاد الشارع الرئيسى المؤدى الى جاردن سيتى الان شمالا و شارع النص المتجه الى امتداد ناصر جنوبا مرورا بالجزر والذى كان عباره عن شارع ترابى لونه احمر ( الجزر ده سوق الخضار واللحمه لسكان البرارى وزى ما قال اخى محمد ابو العزائم لو عايز تعرف الزول اصلا من برى ولا دخيل شوفو بقول الجزر ولا سوق اربعة (اشارة لمحطة اربعه) ) . يستمر البص فى المسيره ومحطة اخرى قصاد معرض الخرطوم الدولى وبعدها محطة فى برى ابوحشيش جوار نادى برى الرياضى قبل تحويله الى الموقع الحالى , وهى ايضا قصاد غابة ود النور والتى كانت قبلة الكثيرين من الخرطوم والضواحى ورحلات ايام الاجازات والاعياد وحسع راحت فى الفلل الرئاسية , بالمناسبة البص من هنا يمكن يرجع لو كان مليان او يواصل لبرى اللاماب وبها محطتين قبل الاخيرة الاولى امام منزل مبارك امان والد اللواء مامون مبارك امان رئيس اتحاد الكره والثانيه بتكون قصاد قبة الشريف , البص وصل المحطة الاخيرة و 99% بلف لفه سريعه لدرجة مافى واحد يقدر يركب والمحظوظ بتشعلق ويمسكوه , يرجع البص بنفس خط السير بدزن توقف ( وعشان كده نحن بناخد الاتجاه المعاكس ويمكن منها تتنازل من مقعدك لبنيه حليوه ايام كان الجمال جميل ) , لمن البص يصل نفق شارع الجامعه ياخذ طريق غير الطريق الاول فيتجه عند اشارة النفق فى التقاطع الجاى من بحرى جنوبا الى شارع القياده حتى يصل تقاطع شارع البلديه ويدخل به غربا الى ان يصل تقاطع القصر وقد كان شارع البلديه من اجمل الشوارع فى النظافة والتشجير ,, وبعد تقاطع القصر ياخذ طريقه باتجاه الجامع ثم يلف يمين وبعدها يسار ليكون باتجاه الغرب وعلى يمينه محلات منصفون ومحمد خير والطيب سرور و جروبى ويساره الجامع والكتب القديمه للبيع الى ان يصل اخر الموقف .
اها شنو ليك يا ود عبدالله جننت ليك فيصل ولالا
Post: #96 Title: Re: الخرطوم زمان Author: حسن عبدالله Date: 08-10-2008, 06:43 PM Parent: #94
Post: #97 Title: Re: الخرطوم زمان Author: حسن عبدالله Date: 08-10-2008, 07:57 PM Parent: #94
رهيب والله ياحيدر الواحد يشعر انك مسجل الكلام دا يعني ما من الذاكرة رغم ان الواحد بتذكر بعض الحاجات خصوصا داخل الخرطوم لاني ليس من أهل بري. رغم اني سكنت فيها مؤخرا لفترة بسيطة وبالمناسبة هي حاجة حلوة ولو الواحد بعد اذنكم يلقي يسكن فيها علي طول يكون محظوظ. السرد رائع وشكلة بتاع واحد خبير بالتوثيق. دا انت ماتركت حاجة كانك بتقرأ من كتاب. عجبني توقفك مع تفاصيل شارع البلدية والجمهورية وخصوصا المكتب الثقافي الروسي لاني كنت من روادة. ياترى نقدر نلقى صور للمرحلة دي اكيد حتكون حاجة جميلة بس منو الكان عنده كمرة في ذلك الوقت؟؟؟؟؟ اخونا فيصل شيل شيلتك وانا حأكون الحكم وسوف نسعى لتقديم هدية معتبرة للفائز واظن اخونا بكري بشجع الاتجاه دا. وممكن نفكر في عمل توثيق على الاصول. لكم التحية
Post: #95 Title: Re: الخرطوم زمان Author: willeim andrea Date: 08-10-2008, 06:35 PM Parent: #1
با حسن ياخوى الكلام ده اكتر مما استهاله وشكرا لثقتك لكنى شايف فيصل بجهز للضربه القاضيه وانا منتظره نتجول فى شوارع الخرطوم والسوق الافرنجى , وبعدين ياخى الاخوان بكرى الصايغ وصلاح الفكى ديل عندهم ذخيره تقيله احسن امسك فيهم لمن يفكوها, ومنتظرين منك جوله فى بحرى وميدان عقرب
Post: #564 Title: Re: الخرطوم زمان Author: Manal Mohamed Ali Date: 12-22-2008, 07:02 PM Parent: #95
Building - Khartoum 1882
Post: #99 Title: Re: الخرطوم زمان Author: محمد أبوالعزائم أبوالريش Date: 08-10-2008, 10:40 PM Parent: #1
Quote: مكتبة ابو الريش مقابل المسجد الكبير
ياااه يا جعفر اسماعيل ... إنت أثرت المواجع ... ووصلتنا عديل
طبعاً المكتبة إسمها (مكتبة النهضة)، وزي ما مكتوب في يافطتها الخضراء زي لون قلمي ده "لصاحبها محمد عباس أبوالريش". وصاحبها ده هو شقيق الوالد الذي أسس المكتبة وأسس برضو "مجلة النهضة". ودي رغم إنها كانت مجلة أدبية إلا أنو خطها كان مناهض للإستعمار.
أذكر إنو بعد ما جات رياح التغيير، كنت ماري جنب المكتبة بعد ما اتقفلت، ولقيت في صيانة في المحل (شكلهم كانوا بيجهزوا لمحل مرطبات)، وفي لحظة كانت كأنها لقطة سينمائية، كانت اللافتة القديمة نازلة واللافتة بتاعة المحل الجديد طالعة. إتسمرت في مكاني وانا بعاين، جاء طالع واحد من المحل يبدو عليه صاحب المحل، وقال لي (الإفتتاح قريباً). إبتسمت وقلت ليهو لأ .... أنا بعاين (للنازلة) إبتسم كمان وقال لي (الدوام لله).
المكتبة زي ما ذكرت كانت مقابلة الجامع الكبير من جهة الجنوب، وغربها دكان أولاد ملاح. وعلى ما أظن كل المنطقة دي بقت سوق الدهب الجديد
Post: #100 Title: Re: الخرطوم زمان Author: ماضي ابو العزائم Date: 08-11-2008, 00:31 AM Parent: #99
أولا السلام عليكم حقيقى يادوب اشوف البوست ده و انا باقرا فيه صدمتنى العبرة التالية و خفف عنى آخرها لصاحب البوست
Quote: بس نادي الخريجين اعتقد انه كان في شارع القصر وامكن جنب المكتبة القبطية ارجو التصحيح
ياخى نادى الخريجين ده من المعالم البكينا عليهو بالدموع لما ازالوهو و موقعة بنك كبير على شارع القصر اعتقد الفرنسى السودانى و معلم آخر تمت إزالته وهو مدرسة الخرطوم شرق الابتدائية و دى أول مدرسة اولاد فى السودان يكفى ان اقول لك ان رفاعة رافع الطهطاوى درس فى هذه المدرسة و موقعها فى الجانب الشمالى مباشرة لميدان ابو جنزير.و ده بقودنا لشكل الخرطوم بعد الفتح الثنائى مباشرة بس بكون بعيد عن موضوع البوست
Post: #101 Title: Re: الخرطوم زمان Author: ماضي ابو العزائم Date: 08-11-2008, 00:45 AM Parent: #100
اخونا بكرى الصايغ كتب
Quote: قبل الكلام عـن الخـرطوم زمان، اسـمحوا لي اولآ ان أسأل هـل كلمة خرطوم والتـي اختـرناها اسـمآ لعاصـمتنا تعـنـي وماتعـودنا علي سـماعه ان من يراها من العلو يـجـدها منطقة تشـبه ( خـرطوم الفيل ) وعلي هـذا الاساس اصـبـحت عاصـمتنا وبناء علي هـذه الـمقولة تسـمي بالخـرطوم!!?
Post: #104 Title: Re: الخرطوم زمان Author: حسن عبدالله Date: 08-11-2008, 05:50 AM Parent: #100
أخي ماضي لك التحية وأهلا بيك... رغم انك اسم ماضي وماضي غير انها تعني قاطع هي برضها معناها زمان. ونحن بنتكلم عن زمان فيجب ان يكون الكلام الفصل عندك يس عايز اقول لما قلنا نادي الخريجين كان جنب المكتبة القبطية ما اظننا مشينا بعيد انت ليه زعلت علينا كدة. على كال حال اهلا بيك ونرجو ان نسمع منك وممكن برضة تراجع البوست من اوله وتعلق على الفاتك وتسمعنا الجديد.. نستقبلك بالورد والذكريات الجميلة...
Post: #102 Title: Re: الخرطوم زمان Author: Gaafar Ismail Date: 08-11-2008, 01:33 AM Parent: #99
الأخ العزيز محمد أبو العزائم أبوالريش
نعم إسمها مكتبة النهضة ولكن أسم العم ابو الريش ظل عالقا بذهني ولن أنساه فقد كان بشوشا هميما صبورا يساعد زبائنه في الحصول على طلباتهم دون ملل أو ضجر . كنت أمر عليه أول كل شهر أسأله من وصول أي إصدارات جديدة . كنت أبحث عن ديوان د. إبراهيم ناجي (ليالي القاهرة) ولم أجده في كل مكتبات الخرطوم. وفي أحد الأيام وأنا عائد من مكان عملي توقفت عند مكتبة النهضة وسألت العم أبو الريش إن كان لديه ديوان إبراهيم ناجي .. وكم كان سروري عظيما عندما قال " نعم عندي". كانت أيام زي الأحلام.
تحياتي ومودتي
Post: #103 Title: Re: الخرطوم زمان Author: حسن عبدالله Date: 08-11-2008, 05:41 AM Parent: #102
جعفر اسماعيل رغم انو الواحد عامل فيه متذكر الخرطوم كويس ورغم اني مهوس بالكتب ودخلت مكتبة النهضة دي عدة مرات لكن للأسف ما فاكر مكانها. العمر ليه احكام وله ايه؟؟؟؟؟؟ الغربية اني فاكر انها كانت كبيرة جدا والاسم كانه مكتوب باللون الازرق بس هي وين؟؟؟؟؟ ما قادر والله اتذكر... فكروني فكروني فكروني. انا متأكد انها ما اقدم من سودان بك شوب ودي فاكر انها كانت مقابلة محمد حسين بتاع احذية كرة القدم (الكدارات) بس النهضة وين ياناس؟؟؟؟؟؟
Post: #105 Title: Re: الخرطوم زمان Author: فيصل محمد خليل Date: 08-11-2008, 06:58 AM Parent: #103
كتب الباذخ حيدر امين
شايف فيصل بجهز للضربه القاضيه
الضربة القاضية وين يا حيدر و ان واقع
في الواطه والله لو عديتو ل 100 ماني القايم.
لكن بعد سويدي كدا و معسكر تقوية بجي راجع
قواسيب مودتي ذي ما بقول ابوالحسين
Post: #106 Title: Re: الخرطوم زمان Author: حسن عبدالله Date: 08-11-2008, 08:00 AM Parent: #105
عزيزي فيصل ضربة قاضية بتاع مين دا انا رغم اني الحكم لك برضو انا معاك بش شد حيلك شوية واعمل حتى ولو تهويشة كدة الزول دا من خارج الخرطوم وما بكون حريف زيك بس شايلاه الهاشمية. ونحن وراك يا فيصل ترليلي اللي يافيصل...
Post: #176 Title: Re: الخرطوم زمان Author: حسن عبدالله Date: 08-15-2008, 09:06 PM Parent: #102
أخي جعفر لك التحية للاسف فاتني ان ارحب بيك عند مداخلتك عن مكتبة النهضة. كنت علقت على مداخله قبلها وفيها تذكرت واحد كان شغال في مكتبت النهضة اسمة محمد شزراوان. راجل طيب جدا وعنده مشكلة في النطق افتكر بعض الحروف لا نطقة او امكن كلامة كان اقرب للطرش. فاكر الراجل دا... وهلا بيك
Post: #112 Title: Re: الخرطوم زمان Author: حسن عبدالله Date: 08-11-2008, 06:33 PM Parent: #108
عزيزي بكري قبل ما ارد على شريط أحمد المصطفى وصباح. مريت على بوست بتاعك عن جامعة مأمون حميدة وبما اني مغترب عايز اسأل. التعليم معروف تدهور بل ضرب الواطة من زمان. ودي طبعا ما غريبة مع الانبطاح العام في الجمهورية الحبيبة. واذا كان المدرسين والدكاترة فروا زي باقي الناس كيف التعليم حيتصلح؟؟؟؟ والقروش الكتيرة دي مقابل شنو؟؟؟؟؟ هل التعليم فوق البكالوريوس برضة بنفس المستوى اقصد التعليم الادارة ناس ماجستير MBA? ودي احكي ليك عن مأساة مدرس سوداني في السعودية. الراجل مدرس قديم ومش اي كلام دا استاذ فيزياء قديم مرة ثانية. والله يابكري لقيته بشحت نعم والله لو كان حد ثاني قال لي ما كنت صدقت. افتكرت الراجل امكن مخة ضرب. لاقيتة في مكان تاني ووقفتة وبالحديث معه طلع الراجل كويس وبس طبعا عمل نفسة ما متذكرني.... وتمر الايام يجيني في الشغل لابس تمام وشايل شنطة سمسونيت وكروت بتاعت شركة قال انو اشتغل بتاع مبيعات. وطبعا افتكر اللعبة مشت على وصادفته تاني بيشحت.. اسفي على السودان الحبيب...
شريط احمد المصطفى مع صباح رائع رائع جدا. حتى شكله مختلف وصوته وروحه كمان دا بيذكرني تعليق واحد صاحبنا عن شعراء الحقيبة قال : ديل كانوا ما بشوف البنات ورغم كدة كتبوا كل الشعر دا. وبناتهم ما سمحات ولا حاجة. أكيد لو شافوا بنات الزمن دا كانو ما ماتوا وكانوا يغنوا لليوم....
Post: #109 Title: Re: الخرطوم زمان Author: محمد أبوالعزائم أبوالريش Date: 08-11-2008, 02:33 PM Parent: #1
العزيز جعفر اسماعيل ..
Quote: كنت أمر عليه أول كل شهر أسأله من وصول أي إصدارات جديدة .
لعلك تقصد العم (خليفة عطية)، والذي ظل يدير المكتبة من بداية الستينات وحتى جار عليها الزمان، ففتح مكتبة خاصة به في السجانة أظن سماها باسمه. أما محمد عباس أبوالريش، فقد توفي في ثلاثينات القرن الماضي، وأدار المكتبة بعده العم مزمل عباس أبوالريش حتى سلمها للعم خليفة بوفاته.
حسن عبدالله
Quote: بس النهضة وين ياناس؟؟؟؟؟؟
يا زول كان الوصف الوصفتو ده ما وصلك .. ما أظنك تصل:-
Quote: المكتبة زي ما ذكرت كانت مقابلة الجامع الكبير من جهة الجنوب، وغربها دكان أولاد ملاح. وعلى ما أظن كل المنطقة دي بقت سوق الدهب الجديد
Quote: عزيزي فيصل ضربة قاضية بتاع مين دا انا رغم اني الحكم لك برضو انا معاك بش شد حيلك شوية واعمل حتى ولو تهويشة كدة الزول دا من خارج الخرطوم وما بكون حريف زيك بس شايلاه الهاشمية.
بالله شوف ده قال برى خارج الخرطوم قال , التحكيم فاشل ,,, التحكيم فاشل انتظرونى شويه وانا جايكم بكل التكنولوجيا ومعاها دعم لوجستى كمان , وبالمناسبه يا حسن , محمد و ماضى ابوالعزائم برضو اولاد برى المحس , وانت اخد ليك طله على البوست بتاع برى وادينى رايك,,, اما فيصل فانا فى انتظاره جوار وكالة اطلس للسفر والسياحه,, ما عارفها وين؟؟ طيب دى فى الساحة بتاعة اتينى جهة وزارة الخارجيه الان والكانت جلاتلى هانكى زمان ووراها وزارة التجارة على شارع الجامعه ولا اقول ليك تعال عند مطعم الغار تحت الارض قبل ان تصل الالكسيسسيور وصحارى
Post: #115 Title: Re: الخرطوم زمان Author: حسن عبدالله Date: 08-11-2008, 07:54 PM Parent: #110
الموثق حيدر ما عندي مانع اسمع كل التقوله لتثبت اني جاهل بالخرطوم بس عايز وثائق والصور اكثر اقناعا من الكلام. واعتقد انك في مداخلتي سمعتني اثني على بري وافكر ان استقر بها بعد اذنك طبعا... ولك ولكل مواقع الخرطوم كل الحب. كله الا الزعل وطبعا ممكن الواحد يقصد يزعلك عشان يطلع الوثائق زي ما عملنا مع اخونا الضايغ ولكم جميعا الود..
Post: #114 Title: Re: الخرطوم زمان Author: حسن عبدالله Date: 08-11-2008, 06:47 PM Parent: #109
ابو العزائم لك التحية شكرا والله افتكرتها وكان في واحد اسمة(محمد شز اوان) كان عنده لسعة في الصوت كانه لا ينطق بعض الحروف او الصوت كانه فيه بحه او حاجة زي كدة. ما قلت ليكم العقل يجيب ويضيع
Post: #111 Title: Re: الخرطوم زمان Author: willeim andrea Date: 08-11-2008, 04:30 PM Parent: #1
Post: #113 Title: Re: الخرطوم زمان Author: محمد أبوالعزائم أبوالريش Date: 08-11-2008, 06:35 PM Parent: #1
يا جماعة منو البتذكر الراجل بتاع السندوتشات في ميدان الأمم المتحدة، وعندو جملة واحدة ما بيغيرها وهو بينادي على السندوتشات، يقول: "البادراب سندة .... أبو حمامة وصل"، والغريبة سندوتشاتو كل يوم فاصوليا ومافي غيرها، لكن تمر بي هناك تجوع غصباً عنك من المنظر والريحة
Post: #116 Title: Re: الخرطوم زمان Author: willeim andrea Date: 08-11-2008, 09:10 PM Parent: #1
Quote: اخواني في واحد ذكرني قهوة الزيبق دي كان كانت في السوق العربي وليست بعيدة من مسجد الخرطوم. كانت دائما مليانة ناس وفيها طبعا غير الشاي والقهوة كان فيها شيشة والغريبة كان الناس تلعب فيها قمار ....
قهوة الزيبق و نادى الخريجين و نادى العمال كانوا من منابر و نقاط تجمع الوطنين و المثقفاتية قبل الاستقلال و بالمناسبة مكتبة النهضة و منذ تأسيسها و إلى منتصف الستينات كانت مجاوره قهوة الزيبق و حلوانى حمتو الشهير الى ان انتقلت لموقعها الاخير فى ركن بناية الاوقاف مقابل اولاد ملاح من الغرب و الجامع من الشمال
Post: #119 Title: Re: الخرطوم زمان Author: حسن عبدالله Date: 08-12-2008, 05:48 AM Parent: #118
أخي ماضي لك الشكر تذكرنا مكتبة النهضة وحتى اسم الاخ محمد شزراوان الكان شغال فيها. ولو طلعت بالشارع شوية قدام تلقى صاحب احسن ليمون في الخرطوم وكذلك احسن عماري (تمباك) رغم اني لم استخدمة اطلاقا بس عارفوا. مين يدور بينا حول المنطقة دي شوية بس ما يصل المنطقة المحرمة اقصد بيت المواخير التي اصبحت الان عمارات اشكال واللوان. خرطوم خرطوم السرور... ولجميع التحية
Post: #120 Title: Re: الخرطوم زمان Author: حسن عبدالله Date: 08-12-2008, 07:45 AM Parent: #119
مواصلين. مين يقول عن الخرطوم كمان... القومة ليك ياوطني
Post: #121 Title: Re: الخرطوم زمان Author: حسن عبدالله Date: 08-12-2008, 09:18 AM Parent: #120
ترقبوا المرحوم عبدالرحمن مختار الصحفي المشهور له كتاب اسمة خريف الفرح (دا غير خريف الغضب) كاتب حاجات جميلة عن أحدان سودانية كثيرة سوف انقل منه ما كتبه عن مؤتمر الخرطوم... قريبا قريبا
Post: #122 Title: Re: الخرطوم زمان Author: حسن عبدالله Date: 08-12-2008, 12:18 PM Parent: #121
الاعزاء لسه ما في واحد قال حصر حفلة الفنان جيمي كليف في مريديان. امكن اكون كنت بحلم؟؟؟؟؟
ياحليييل زمن ( الـحناطـيـر ) الـمركبة الشعبية ووسيلة الـمواصـلات العامة. كل يوم خـميس كانت كل (حناطـيـر) الـخرطوم مـحجـوزة للاعـراس. جـرت العادة في الوقت داك ( زمنا الحلو الجمـيل ) انو اي عريس لازم يطلع بسـيـرتو لشارع النيل باهله واصـحابو ومعاه العروسة واهـلها، لذلك بقوم العريس بـحجـز مـجـموعة من (الـحناطيـر) لنقل الاقارب والضيوف، وفي فتـرة الـظهيـرة تبـدأ الـمسـيـرة (والـحناطـيـر) مزينة بالزهور والورود وقماشات الزينة،وتطلع السـيـرة تـختـرق شـوارع الخـرطوم والبنات يغـنن ( عـريسـنا مرق البـحـر ياعـديلة قطع جـرائـد النـخل الليلة زينة ) وعنـد الوصول لشارع النيل ينـزل العريس وعـروسو للضـفة بسـلالـم اصـلآ موجـودة هناك، وهناك عـنـد النيل يقوم العريس ويـبـخ عـروسو بالمـوية وهـي كـمان تبخـووهـي عادة قـديييـمة تعـنـي ( ان شاءالله حياتنا معا تـدوم كـدوام وعـمر هـذا النيل ).
عـنـد انتهاء هـذه المراسـم تبـدأ رحـلة العودة لبيـت العرس ، وتبـدأ السـيـرة في شـق شـوارع الخـرطوم. جـرت العادة انه واثناء سـيـر الحناطـيـر بالشوارع وسماع الناس لاصـوات غناء البنات ان تـخـرج الاسـر من منازلها لتهنـئه العريسييـن واحيانا يقومن نساء الـمنطقة بتقـديم الشربات (عصـير ليمون) لناس السـيـرة.
بعـض الشبان كانوا يـهتمـون واثناء السـيـرة بال( الـجـكس )الـموجود داخل (الحناطـير)، ولو في شاب عـجـبتو بنيـة طوالـي يطلع مع السـيـرة لـحـد محل العرس. وهناك نلقي الشاب ده يـخـدم في الكل وكان العريس اخـوه، لـحـد مايلقي ليه طـريقه يشـوف فيـها مـحـبوتو من طرف واحـد ولسان حالو يقول ( نـظرة ياسـمـحـة ام عـجـن لو كان قليل يبـري الشـجـن ). الـمهم لو هـو مـحـظوظ وحـصـل ( نـظرة، فسـلام، فكلام، فـموعـد، فلقاء ) نسـمع ليك بعـد شـهر انو في سـيـرة ( مـرقت البـحـر ياعـديلة ...
...اغـنية الفنان الراحـل ابراهـيـم الكاشـف الـمعروفه ( يوم الزيارة) غناها لاول مرة فـي الاربعييـنيات ( الزمن الـجـميل داك ). والأغنيـة اصـلآ عنـدها قـصـة مـعروفة يعـرفـها القليليـن جـدآ.
مسـتشـفي الـخرطوم كان كل يوم خـميـس بكون مـليان ملئ شـديـد بالزوار لـمواصـلة مرضـاهم من الأهـل والاقارب. وطـبعآ يوم الـخمـيس ده كان احـسن يوم للزيارات والانتـهاء من واجـب مواصـلة الـمرضـي علي اعتبار انو اليوم التانـي اجازة الـجـمعة يتفرغ فيـها الواحـد لبعض اموره الخاصـة.
الـمستشفي في اليوم ده بكون مليان بالاسـر والعوائل والرجال والنساء والشابات جـاءوا كلهم للزيارة.
Quote: أخي ماضي لك الشكر تذكرنا مكتبة النهضة وحتى اسم الاخ محمد شزراوان الكان شغال فيها. ولو طلعت بالشارع شوية قدام تلقى صاحب احسن ليمون في الخرطوم وكذلك احسن عماري (تمباك) رغم اني لم استخدمة اطلاقا بس عارفوا. مين يدور بينا حول المنطقة دي شوية بس ما يصل المنطقة المحرمة اقصد بيت المواخير التي اصبحت الان عمارات اشكال واللوان. خرطوم خرطوم السرور... ولجميع التحية
اخى حسن عبد الله
لو رجعت لمداخلتى الاولى بتلقى صاحب احسن ليمون وشعير عمك الواثق الجيلانى وهو اول من ابتدع قصة الماركه عند الدفع
Quote: تقطع ميدان الامم المتحده بالممر الضيق وتجد الباعه والفراشه على طول الممر لتلاقى يمينك دكان جسن صالح حاج خضر بتاع العجلات الرالى ثم ودملاح والشارع المؤدى الى موقف الشجره والقوز شمال الشارع مكتبة النهضه ومحلات حمدتو الحلوانى وده كله قصاد الجامع, نرجع للشارع الماشى فى التقاطع اليمينه تجد مطعم خيرات سلوى ولو مشيت طوالى يوديك لمواقف الشجره وبه محلات الاقمشه والعطور وعلى شمالك مكتبة سماره وقصادها ليمون عمك الواثق ليمون وشعير كارب كباية قزاز شوب شدة مابارده لمن يجيك صداع وبالمناسبه عمنا الواثق هو والد الفنان الجيلانى الواثق وبعده الشارع يمينك يوديك لقهوة الكوبانى وشمالك محلات الدهب وقصادها مدرسة الخرطوم الاهليه (الشيخ مصطفى الامين) الحسع بقت مافى وده عندى فيها كلام كتير بالصور, نهاية الشارع موقف بصات مدنى وبص الخواجه(المؤسسه) لمن الحجز كان بالتلفون قبل اسبوع من سفرك ثم تعبر لكمبونى
Quote: حيدر امين ..... وكالة اطلس... ياخي زمان دي كانت في الركن المعاكس لصيدلية منو المشهوره ديك وشويه شويه تصل معرض العربات الفولجا والموسكفتش ...... اها ياربي مقابل الوكاله القهوه ديك والناس الصناعيه بتاعين الكهرباء والسباكه... وكان فيها زول جميل سليمان غندرو ياربي انا صاح والا ......... يالله والله زمن قديم بالحيل
اندريه والله كان ما اخاف الكضب اقول انت قاصد وكالة السر لصاحبها السر عباس والكان بغنوا ليه البنات , وهى فى الكورنر بتاع محلات اسندكو ومحل الدراى كليين وبتكون مواجهه لشارع الجمهوريه وامامه صف بتاع مغالق وفى الجهة الاخرى صيدلية كمبال وبعدها زى ما قلت محلات ميكانيكيه ومعرض الفولجا والمسكوفتش وفى الصف مطعموهم فى موجهة المحطه الوسطى ومحلات ميرزا وشركة النظارات الاهليه Bold Text
Post: #127 Title: Re: الخرطوم زمان Author: willeim andrea Date: 08-12-2008, 06:28 PM Parent: #1
انته صاح يا حيدر والله يحفظ لينا ذاكرتك النضره.......مودتي
يا جماعه وين فيصل ماليه حس انشاالله المانع خير منتظرين منك حاجه عن بحرى حسن عبدالله
Post: #129 Title: Re: الخرطوم زمان Author: حسن عبدالله Date: 08-12-2008, 08:32 PM Parent: #128
عزيزي حيدر تعظيم سلام ليك ولكل الحبايب. كنت عايز اتلقف واقول ليك انا حاضر لكل شئ عن بحري بس الواحد خايف يبقى متفرج ويصفق ليك ولذاكرتك المفعمة بالعجيب والغريب عن الخرطوم واكيد تكون كدة كمان بحري. ماعايز اقول ليك فيصل زاغ لانه هو كمان ما ساهل وعنده الكثير لسه ما قالوا. بس اصبر ليه شوية شايف حايم في المنبر ما خلي بوست الا وقال فيه قول. للمعلوية اخونا كمال كرار عنده بوست عن بحري تقدر تقتحمة وتنشر وثائق بحري كما اتحفتنا عن الخرطوم. لك الاحترام والاعتراف بانك موثق نمرة واحد وامكن كمان قبل واحد. ولازال هناك الكثير عن الخرطوم نتوقع الساكنين والوافدين الجدد ياتي بما لم يذكر بعد عن خرطوم السوان الحبيب. التحية للجميع
ياخى وين نحن مع ناس الصايغ ديل والله خلونا بيش ساكت ده التاريخ ولا بلاش ,,, هل من مزيد
Post: #131 Title: Re: الخرطوم زمان Author: حسن عبدالله Date: 08-12-2008, 08:56 PM Parent: #130
عزيزي حيدر والله اتحفتناوخليتنا نتفرج ونصفق للذكرة الجميلة ونعجب بذاكرتك القوية. وانا اعتقد انك من النوع البسجل المواقف ويصور المواقع في الذاكرة او بالكميرة وطبعا اصلا في ذاكرة تصويرية زي ما بقول ناس علم الادارة. دي مامكن تكون ذاكرة بس. اكيد داعمها بتوثيق. يعني الواحد بتذكر بس مش بكل التفاصيل العندك. اضافة لدي اسلوبك في الوصف راق جدا. الله يحفظك ويزيدك كمان وكمان..... لكم جميعا التحية
Post: #132 Title: Re: الخرطوم زمان Author: ماضي ابو العزائم Date: 08-13-2008, 00:31 AM Parent: #131
أخونا بكري سلام
Quote: لـما كان عـدد (الـتكاسـي ) فيه اتنيـن بـس: واحـد صـاحـبو الـمرحوم ابراهيـم سعيـد وماكان بقيف بعربتو الاقدام الفندق الكبيـر GRAND HOTEL ويركب الخـواجات بس، والتانـي صـاحـبو الـمرحوم شـريف التـهامي.
بل كانوا ثلاثة نسيت خير السيد(بنقو)الكان بقيف فى السكة حديد؟؟؟
Post: #133 Title: Re: الخرطوم زمان Author: بكري الصايغ Date: 08-13-2008, 00:52 AM Parent: #1
الاخ الـحـبيب الـحـبوب، ماضي ابو العزائم،
تـحياتي ومودتـي،
"بل كانوا ثلاثة نسيت خير السيد(بنقو)الكان بقيف فى السكة حديد؟؟؟".
Post: #134 Title: Re: الخرطوم زمان Author: ماضي ابو العزائم Date: 08-13-2008, 01:01 AM Parent: #133
إزيك يا بكرى باين علينا حا نودى البوست ده لزمن اكثر قدما, تذكر مقابر المسيحين الازيلت و اتبنت مكانا كلية طب الاسنان.اولاد عمى عندهم بيت هناك و لسة مسمينو(بيت الكنيسة) فى منطقة سوق الخيش الحالية. أها قولك شنو ما صفحة قديمة؟؟؟
Post: #136 Title: Re: الخرطوم زمان Author: حسن عبدالله Date: 08-13-2008, 06:44 AM Parent: #133
عزيزي بكري العربات دي بالحق تحفة تذكارية... وفكرتني قصة حلوة عن العربات القديمة دي... كان عندنا في الحلة واحد كبير عنده عربية من النوع دا اظن اسمها بي بي. المهم كان كل يوم وهو طالع ينادينا (طبعا بالاسماء) تعالوا ادوني لزة. طبعا ما ممكن نتاخر.. والشغلة مستمرة يوميااو في كل مرة هو خارج بالعربية دي ياولد تعال ادينا لزة. واحد اخونا اسمة فيصل (الله يرحمة) يظهر زهج من كل يوم لزة. يوم قال لولده يامحمد ياخ كلم ابوك دا يبيع العربية بتاعتة دي ويتم عليها يشتري عجلة ويريحنا....
Post: #137 Title: Re: الخرطوم زمان Author: حسن عبدالله Date: 08-13-2008, 06:44 AM Parent: #133
عزيزي بكري العربات دي بالحق تحفة تذكارية... وفكرتني قصة حلوة عن العربات القديمة دي... كان عندنا في الحلة واحد كبير عنده عربية من النوع دا اظن اسمها بي بي. المهم كان كل يوم وهو طالع ينادينا (طبعا بالاسماء) تعالوا ادوني لزة. طبعا ما ممكن نتاخر.. والشغلة مستمرة يوميااو في كل مرة هو خارج بالعربية دي ياولد تعال ادينا لزة. واحد اخونا اسمة فيصل (الله يرحمة) يظهر زهج من كل يوم لزة. يوم قال لولده يامحمد ياخ كلم ابوك دا يبيع العربية بتاعتة دي ويتم عليها يشتري عجلة ويريحنا....
Post: #135 Title: Re: الخرطوم زمان Author: بكري الصايغ Date: 08-13-2008, 01:33 AM Parent: #1
(... تذكر مقابر المسيحين الازيلت و اتبنت مكانا كلية طب الاسنان.اولاد عمى عندهم بيت هناك و لسة مسمينو(بيت الكنيسة) فى منطقة سوق الخيش الحالية ). ( ماضي ابو العزائم ).
الاخ الـحـبيب الـحـبوب، ماضي ابو العزائم،
تـحياتي ومـودتي،
مـقابر الـمسيـحييـن: لـحـد سـنة 1985 كانت موجـودة قبال مستشفي الـخرطوم وخلف منـزل الـمرحوم الشيخ مـصـطفي الآميـن.
مـقابر فاروق: كانت مـقابر فاروق عام 1941 تعتبـر نـهاية الخـرطوم من جـهة الغـرب، وماكانت هناك مدينة العمارات ولاالصـحافـة ولااركويت والرياض. الـمنطقة كان اسـمها كيلو خـمسـة.
جـامع النيليـن بامـدرمان: فكـرة انشـاء الـجـامع الـموجـود بامـدرمان وسـمي بـجامع النيليـن انـها تكون مـقبـرة لنـميـري بـعـد وفاته. بالطبع انا عاصـرت قصـة وفكرة بناء الجامع في اوائل الثمانينيات وايام هـوس نـميـري بتطبيق شـرائعه وبلغ به الهـوس الدينـي وان تكون عنـده ( قبـة ) احـسن من قبة حـمـد النيل ومكيـفة وفيـها سـجـاد مخـملي. الفكرة جات اصـلآ من مقبـرة انور السادات علي شـكل الهـرم ... يعـنـي هـرم فرعـوني، ونـميـري قال انا كـمان اعمـل زيو!!!
لك مودتـي.
Post: #138 Title: Re: الخرطوم زمان Author: حسن عبدالله Date: 08-13-2008, 06:52 AM Parent: #135
عزيزي الصايغ التحية ليكم جميعا. شنو حكات المقابر دي انت بتخوفوا فينا وله شنو؟؟؟؟ مقابر فاروق والانجليز معروفة لكن حكاية مقبرة او اهرام نميري دي جديدة علينا. دا طبعا رغم ان كل شئ من نميري ممكن اصله ايامة الاخيرة راسة ضرب. اصلة الريس تلقى ضربات كثيرة والضرب في الراس اكيد يؤثر في يوم من الايام. لكم طول العمر في طاعت المولي
Post: #139 Title: Re: الخرطوم زمان Author: فيصل محمد خليل Date: 08-13-2008, 09:13 AM Parent: #138
1976
Post: #140 Title: Re: الخرطوم زمان Author: حسن عبدالله Date: 08-13-2008, 09:51 AM Parent: #139
يا فيصل وين انت ياخ حرمتنا زمن من مداخلات القبل التاريخ انشاء الله السبب خير. كويس انك جبت الصورة بتاعت حديقة الحيوانات المزعلني دي. سبب الزعل ان صاحب الكميرا دا شنو المنعو يدخل الحديقة ويرسل لينا صور من جوة. اوعى تقول السبب ان الحديقة كانت قافلة... يافيصل بعد سور حديقة الحيوانات كان في شنو؟؟؟؟ ايو اقصد مكان قاعة الصداقة كان في شنو؟؟؟؟ وكمان المتحف القومي كان شنو؟؟؟ دا اظن ان كان شوية شجر وحاجة اقرب للغابة المهم لو جاوبت صاح ح تاخد نقطة وتتقدم درجة ولو غلط ح نقول ليك (ياراجل ) زي ما قال أحمد سليمان للراجل لما سالو عن مفكر وشاعر وقائدافريقي والراجل جاوب وقال جعفر نميري. ما تحرمنا منك يا فيصل ياتحفة...
Post: #141 Title: Re: الخرطوم زمان Author: بكري الصايغ Date: 08-13-2008, 10:14 AM Parent: #1
الأخ الحـبيب الحـبوب، حـسـن عـبداللـه،
تـحياتي ومودتـي، واكرر اعتـذاري في اني دخلت كذا مرة في البوست وماأديتك السـلام، القي نفسي اندمجت في الكتابة ونسيت سـنه الأسلام السلام.
وبمناسبة حكاية مسجـد النيلين ياأخي دي قصـة بيعرفـها كل زول خصـوصآ الاعضـاء القدامي بتاعيـن الاتـحاد الأشتـراكي ووزارة الاعلام والـحكاية دي ليـها اكتـر من 25 سـنة. واصـل القصـة تقول: في احـدي المرات نميـري سأل عن بعض زملاته واين هم ولماذا لايحضرون اجتماعات امانات الاتحاد الاشتـراكي فرد عليه واحـد وقال: " سـعادتك الـجماعة ديل في حـمدالنيل". نـميري زعل وقال يعنـي ( كبة ) حـمد النيل اهـم من الاتـحاد الاشتـراكي، انا كمان حاعـمل لي (كـبة) احـسن من (كبة) الزول ده وبالمـراوح ومكنـدشة كـمان. طـوالي في ناس اتبنوا الـموضـوع بـجـدية والمهنـدسيـن المعمارييـن رسـموا 27 خريطة للجامع ( الـضـريـح ) وفي كل مرة نمـيري يـرجع الخـريطة ويقول وين الـمقبـرة!! لـحـد مارسـي علي الشكل الموجـود حاليآ.
بـمناسبة الخـرطوم زمااااان، ماتنـسي مقابر السلاطيـن الاتراك ( القـبب ) في شارع القصـر شـمال نادي الخـرجـييـن، وهـي حاليآ من الأثار القديـمة التابعة لوزارة الاعـلام ( مـصـلحـة الأثار ).
لك، وللـجـميع مودتي.
Post: #142 Title: Re: الخرطوم زمان Author: بكري الصايغ Date: 08-13-2008, 10:37 AM Parent: #1
Post: #143 Title: Re: الخرطوم زمان Author: فيصل محمد خليل Date: 08-13-2008, 10:50 AM Parent: #142
بالمناسبة لما جابو السلم التعليمي الجديد
بتاع محي الدين صابر انا كنت في سنة اولى وسطى
رجعونا بقونا سنة سادسة
واللة زعلت زعل
الواحد كان قاشر انو في الوسطى و خاتي كتاب man and pan
قدام عشان الجكس
يقوموا يرجعوك سنة سادسة
Post: #144 Title: Re: الخرطوم زمان Author: abubakr Date: 08-13-2008, 11:34 AM Parent: #1
هذه صورة تعود الي ثلاث عقود مضت لتلاميذ امام باب مدرستهمفي الخرطوم علق عليها مصورها "امل الامة " The nation's hope وهل وجدت امتنا املا في جيل هؤلاء :
Post: #147 Title: Re: الخرطوم زمان Author: حسن عبدالله Date: 08-13-2008, 12:28 PM Parent: #144
أهلا أخي أبوبكر يا حبيبي ابوبكر نحن بندور للحاجات الزي دي من ثلاثة او حتى خمسة قرون. أكيد أمتنا وجدت أملا وكمان أكثر مما تتصور خصوصا الولد الفي الوسط لانه اذا ماهو انت يكون تومك... بالله لو عند تاني حاجة حلوة كدة اقطع لينا منها حته..
والله كان ظنيتو ده شارع الجمهوريه وانت ماشى الى المحطه الوسطى , اللافته الحمراء الثانيه هناك ده بتاعة فندق صحارى و العماره القبليها بتاعة بيطار الهندسيه المكاتب فوق وتحت صالة عرض المواتير الفيسبا ماركة بياجو الايطاليه وطلمبات المياه , والطواحين وفى نهاية العماره باتجاه الجنوب وانت ماشى الى طلمبة احمد المصطفى كان فى الكورنر الاكروبول.وفى نهاية الشارع الى الشرق مطعم البربرى واطعم سمك.
ولا انا غلطان
Post: #150 Title: Re: الخرطوم زمان Author: فيصل محمد خليل Date: 08-13-2008, 01:06 PM Parent: #149
1975 النادي الامريكي
Post: #174 Title: Re: الخرطوم زمان Author: حسن عبدالله Date: 08-15-2008, 08:33 PM Parent: #150
عزيزي فيصل التحفة ايو كدة ياخ اهي بدت تطلع الدرر.. هو انت داسيها لمتدين. بس الصور بتاعت حوض السباحة دي اكيد فيها خطأ.... يا الراجل العامل ديف دا غلطان او الحوض غلط؟؟؟ أو الإلتقط الصور غلط يكون كان ماسك الكميرا غلط... كيف الواحد يكون قافز في الحوض وعيونه لفوق... وكمان اقدامة لفوق؟؟؟؟؟ انت معاي؟؟؟ ولا امكن دا هو الصاح ونحن الخطأ؟؟؟؟ أمكن الفن كان في ذلك الزمن بالطريقة دي!!! بس تصور لو هو طائر كده واحد حرك الحوض من مكانه شنو حاتكون حالة اخونا دا؟؟؟؟؟ افيدونا يا أهل السباحة ما فيكم كيجاب او حتى سارة جاد الله؟؟؟؟؟؟ أخي فيصل: لسة انا منتظر تذكرني شنو كان في موقع قاعة الصداقة والمتحف القومي؟؟؟؟؟؟؟؟ دي حاجة جديدة بس الواحد بخر كيف كان شكل الحتة دي لكم كل الحب
Quote: بـمناسبة الخـرطوم زمااااان، ماتنـسي مقابر السلاطيـن الاتراك ( القـبب ) في شارع القصـر شـمال نادي الخـرجـييـن، وهـي حاليآ من الأثار القديـمة التابعة لوزارة الاعـلام ( مـصـلحـة الأثار ).
أعتقد انها مقابر جدود القبانية(عائلة قبانى) ولا انا غلطان؟؟ عند تخطيط مدينة الخرطوم كانت هذه المنطقة مقابر الاهل توتى و الجتانب الشمالى الشرقى لكبار الحكام من الاتراك فازالها الانجليز الا هذه القباب و قبور الصالحين خوفا من نقمة الاهالى و كانت المشكلة فى قبر الشيخ محمد بن امام لان قبرة كان وسط شارع القصر فحول الى طرف الشارع ووضع حول القبر (جنازير)كحماية له و كإبداء للاحترام فاطلق عليه (ابو جنزير)و لهذا السبب توجد مقبرة فى مستشفى الشعب و مقبرة فى مكتب البريد الواقع جنوب موقف البصات و غرب مدرسة الخرطوم الاهلية و آخر داخل سور احد المصالح الحكومية فى شارع الجامعة وهو ماكتب فيه المقالة الشهيرة(هذا الوالى مسموح بزيارتة) بس ما تسألونى منو الكتبها شايف المسالة بقت قبور و مقابر
Post: #155 Title: Re: الخرطوم زمان Author: abubakr Date: 08-14-2008, 00:18 AM Parent: #1
Quote: الواحد كان قاشر انو في الوسطى و خاتي كتاب man and pan
انا غايتو بتذكر انو انا وسيداحمد الخطيب (هسع دكتور وعجز زي كدة) يوم الخميس شلنا معانا الديكشنري ونحن راكبين البص الي ح دغيم ..بعدين الانجليز لانو كانو بحبونا نحن الرطانة سمو الكتاب "الرجل وحلته"(الحلة البيطبخو فيها ياجماعة) يعني مخصوص عشانا واهو باقي خلق الله الما رطانة استفادو علي حسابنا ساااي
Post: #156 Title: Re: الخرطوم زمان Author: abubakr Date: 08-14-2008, 00:24 AM Parent: #1
بنطون توتي والحمار ماخد موقعه التاريخي امام اللوري
Post: #157 Title: Re: الخرطوم زمان Author: abubakr Date: 08-14-2008, 01:57 AM Parent: #1
الكتاحة في الخرطوم
زماااانك ما كانت في كتاحة في الخرطوم .. اول مرة نتشرف بالكتاحة كان بعد ما هجرونا الي خشم القربة.. اصلو بعد الهجرة دة نحن عرفنا انو يوم القيامة ياتي من ناحية الشرق .. شي سما مقدودة والموية الكانت افقية عندنا في النيل بقيت راسيا وشفنا عجب ...
Post: #158 Title: Re: الخرطوم زمان Author: abubakr Date: 08-14-2008, 03:36 AM Parent: #1
ست الشاي ..كما ظلمت ست الشاي فاسماء الشوارع واللغات مظلومة كذلك في زمن السودان الردئ ... كونتاميخالوص اسم لسوداني من اصل اغريقي انشاء تجاره التخليص والشحن البحري فصار اسم علم وسمي شارع باسمه الا انا سلطات محافظة او ولاية الخرطوم الفاشلة دوما اتت بما لم يكن علي خاطر السيد كونتاميخالوص فصار اسمه بالانجليزية "كنت" ولهذا معني اخر وبالعربية صار "مخلصا" ربما لانه انشاء تجارة التخليص ....!!
Post: #159 Title: Re: الخرطوم زمان Author: ماضي ابو العزائم Date: 08-15-2008, 00:43 AM Parent: #158
سينما النيل الازرق كانت للمثقفاتية و العوائل بقط و ما فيهاشعب (أقل فئة دخول للسينما )عشان كده تلقى العوائل و المجكساتية قاعدين قدام و متاكدين مافى شماسة اصلو ما بتعرض افلام عربية و لا كاوبوى
Post: #191 Title: Re: الخرطوم زمان Author: حسن عبدالله Date: 08-16-2008, 08:30 AM Parent: #159
أخي ماضي الله يفرحك والله سينما النيل الازرق كانت فعلا راقية. ورمنسية واجمل ما فيها انا ما كانت تجيب افلام عربية خواجات ساكت وكمان مش كابويات والله ذكرتنا الايام الجميلة فعلا لك التحية
Post: #160 Title: Re: الخرطوم زمان Author: abubakr Date: 08-15-2008, 01:37 AM Parent: #1
الجامع الكبير 1936
Post: #161 Title: Re: الخرطوم زمان Author: abubakr Date: 08-15-2008, 01:45 AM Parent: #1
Blue Nile Sailing Club
Post: #162 Title: Re: الخرطوم زمان Author: بكري الصايغ Date: 08-15-2008, 02:01 AM Parent: #1
(..سينما النيل الازرق كانت للمثقفاتية و العوائل بقط و ما فيهاشعب (أقل فئة دخول للسينما )عشان كده تلقى العوائل و المجكساتية قاعدين قدام و متاكدين مافى شماسة اصلو ما بتعرض افلام عربية و لا كاوبوى).
انشـئت هـذه السـينما خـصيـصآ للضباط الانـجـليـز وعوائلـهم. تأسـست عام 1941 ابان فتـرة الـحـرب العالـمية الثانية.
وكانت تعـرض افلامـها ثلاثة مرات فـي الاسبوع بسـبب الـحـرب. بعـد عام 1945 اصـبحـت دار عـرض يومية ولكن للضباط والـجنود الانجليـز فقط. كانت الافلام انـجـليزية واميـريكية تـصل من القاهـرة. كانت سـينما ( BLUE NILE ) تقع ضـمن الـمناطق الـممنوع للمـدنييـن دخـولـها ويـحـظر من الاقتـراب مـنها.
كان بـجـوار دار العرض صـالـحة للرقص وتناول الكـحوليات وخـصيـصآ للعسكر الانـجـليـز. ابطال افـلامـها في ذلك الوقت من الاربعينيات ( فرانك سيناترا، ايرول فلين،زازاجابور، جاري كوبر، هـمفري بوجارت،ريتا هـيوارث، كلارك جـيبل،شارلي شابلن، جاك بلانس).
كانت هـذه السينـما تقـدم اجـمل الافلام العالـمية حـتي عام 1970 عنـدما قام الرئيـس نـميـري بتامـيمها والت الـي وزارة الثقافة الاعـلام وتـحـت اشـراف ( مؤسـسة الدولة للسـينما ).
ولـم يكن في يكن في استطاعة الـحكومة ان تسـتورد افلام جـيـدة بعـد التاميـم فـجـلبت بعض الافلام القـديمة من شـركة ( مـتـروجـولدين ماير ) بالقاهـرة. وعنـدما طـبق نـميـري شـريعته عام 1983 جاءت القوانيـن بان كل الافلام التـي تعـرض بالسـينمات يـجـب ان تكون افلام خالية من مناظـر القبلات والاحـضان والنساء بالمايوهات ومناظر الرجال والنساء وهم يرقصـون او بالفراش.
في عام 1979 وقعت مشادة حادة بيـن الاخوان المسلمين بجامعة الخرطوم والشرطة بسـبب اصـرار التنظـيم علي تـخريب السـينما لانـها مفسـدة ووجـودها حـرام داخـل منطـقة الحـرم الـجامعي!!!
لك مودتي.
Post: #163 Title: Re: الخرطوم زمان Author: بكري الصايغ Date: 08-15-2008, 03:14 AM Parent: #162
لياليها .... ---------------
المنتدى العام ل(سودانيز أون لاين ) دوت كوم. مكتبة طلال عفيفي (طلال عفيفي):
لياليها ....
29-08-2004. طلال عفيفي.
الوطن كان جميلاً ... مدروزاً بالناس ... وكانت المدينة العاصمية مشغولة بالشوام والأرمن والأغاريق واليهود يفتحون أفواه الدكاكين على شهية الرزق اليومي .. أتذكرون ؟ " كونت موخلص " و أبناء " فانيان " و " عبد الله أزرق " و " سركسيان "و " شاوول " ..؟ أيام كان للمدينة شنه و رنه .. لياليها كان التعدد حقيقياً و صاحياً في شوارع الجمهورية و السوق الأفرنجي . لياليها , كان يتجول أولاد البلد في الخرطوم على مهلٍ مهيل .. الحلب في بحري يرسمون خارطة شرق النيل بموده .. يساكنون الأقباط في حي المسالمه ويستيقظون على جرس الكنيسة أيام الأحد في الأملاك .. لياليها .. كان للمخمورين مراتعهم , عند " البستان " و " أتني " و " كوبا كابانا" , وللمتدينين مواقعهم في المورده عند المسجد الإدريسي و فضاء جامع بحري الكبير . كان موسى بدينه وعيسى بدينه , وكل نفس بما إكتسبت رهينه . كان حسن عطيه في جهة و الشيخ صديق أحمد حمدون في جهة .. والقلوب , كلها ,أنضر ما يكون .. ( وكان للشيخ صديق أحمد حمدون مسارات صوتيه تصعد بالجمال القرآني إلي حده الأقصى ) .. ........................................... كان هناك السوق العربي والسوق الأفرنجي . الأول تتجول فيه البهارات والخضروات ويعتليه الزنك ( فسُميَ بسوق الزنك مجازاً ) . الثاني , الأفرنجي , كان مرتعاً للسلع وارد بلاد الآخرين : مراوح توشيبا , أقمشه من مفتخر القطن الإنجليزي , و راديوهات ناشيونال التي ساهمت بضراوه في تضخيم الوعي السياسي ببثها لأخبار إذاعة لندن ... ........................................... لياليها كانت الأحزان هي الأحزان ( سوى كونها كانت شفيفة ) تلبس ثوباً أبيضاً وكان الناس يقرأون الفاتحة على مهل . .......................................... كان أثرياء المينة معدودين .. نعرفهم واحد .. واحد : السرعباس . عبد المنعم محمد . مأمون البرير . قارو فانيان . الشيخ مصطفى . كونت مخلص .سعد أبو العلا . والشنقيطي , و طه الروبي .
كان ذلك قبل أن يأتينا رجل من آخر المدينة يسعى ويشتري البلاد بما عليها من إنس وجان ,و تؤول إليه ملكية مؤسسات قامت على أكتاف شعب كامل . ........................................... ........................................... لياليها .... كان لنا أب و أم و عمة وخال . ولنا أصدقاء , نعرفهم من أيام الدراسه في خور طقت والقديمه والأهلية والمؤتمر ومريدي وحنتوب وكمبوني ومدرسة فاروق .. (وذلك قبل أن تداهمنا الدنيا بالقبس والفاروق والخنساء والعربيةالدبلوماسية الإبتدائية .. ) , هذه الأسماء العجيبه وكأننا في مكه , عدم المؤآخذه . .............................................. .............................................. حتى الخمر كانت طيبه . ليست كخمر هذه الأيام الرديئه الحاقده . خمر الأيام القديمه كانت وريفه , حنينه ذات سعرات كحوليه كافيه لجبر الخاطر دون التسبب في ما يعرف جنائياً بالأذى المباشر الذي يسببه العرقي . كان القوم يشربون الويسكي في علياء أرستقراطيتهم البائده , على درجه أقل كان الشيري أكثر إنتشاراً و إلتصاقاً بالجيوب الرقيقة الحال , سوى ان بيره أبو جمل كانت قاسماً مشتركاً للأمزجه العاصميه يأدون بها سطوة الحر ويعالجون بها إلتهابات الكلى بإعتبار البيره من مدررات البول المعروفه . ( فيما بعد , وعلى إثر تطبيق قوانين الشريعة السمحاء , تحول مصنع البيره العظيم الى مصنع تافه لمياه غازيه أكثر تفاهه لا تعالج المزاج ولا تدر البول ) ... ومن شمالات البحر الأبيض , جاءت تلك الخمر القبرصيه محمولة على تجارة الساحل لتدلي بدلوهافي شأن المزاج العاصمي .. كانت خمراً رخيصه يتكيء عليها وعي الطلاب فيغيب . ويشتكي لها تعب العمال فيتلاشى . إسمها كان " دموع المسيح " .. إختفت أيضاً في ذات الملابسات التي إختفى فيها كل شيء . ................................................ ................................................
وكان هناك : كازينو النيل الأزرق . على تخوم النيل . عند بحري . فيه يلتقي العشاق . طيبين كما الندى . يُقدم لهم مشروب الجنجر و ال " دبُل كولا " , على يد جرسونات لا يعملون في النظام العام . وكانت يد الحبيبه متاحه ( دون إخلال بالأمن الوطني ) . ............................... الخرطوم : أين أنت .. يا تلك المدينه الزاحفة للسراب . سبحانك . كنا نحبِك .. فلم هذا العذاب ؟ ............................... ...............................
لمن تكون ماشي في الخرطوم وترهف السمع للصدى الليلي سيساورك شك حزين بأن ليلا ما هنا كان في حياة ما .. ستحدثك بذلك اليافطات القديمه والمباني ذات النوافذ العاليه .. فندق أكروبول الذي لسه ما زال يحتضن زبائنه برفق , وممرات عمارة صحاري .صورة الخواجه " كرياكو" بزيه البحري معلقه على جدران كافتريا كوكي بيرجر التي تديرها ابنته "ماريا" بصوتها العالي الفيهو جرس يوناني جميل . سيحدثك المعمار الشاهد .. الحجر السميك .. العناوين المنحوته .. وعيون الناس الذين تسرب من أيديهم ذلك العصر مثلما تسربت منهم بلاد بأكملها ... .................................. ..................................
ثم تأتيني اليوم بذلك الLink العجيب والذي فيه صور كمبوني زمان في خرطوم زمان , وكمبوني مدرستي , فيها تعلمت الانحراف والتدخين وكراهة السلطه وانتظار الحافلة التي تقل البنات من ٍsister school لأسلم حبيبتي خطاباُعاطفيا يدا بيد .. كان البنات أيامها يا عادل يرتدين تلك المرايل السماوية اللون المسبعه عند الصدر . لياليها يا عادل كانت العواطف على الهبشه . لياليها كان قلبي يخفق بقوه حين أراها, ويداي تبردان وأحس بحاجه دافيه تحت الحجاب الحاجز , كان العشق عضوياياناس .. ......................... .........................
للمدن وجه واحد في روحي , سوى أنها التجليات , كل مكان له ذبذباته الخاصه ,موجات ارساله الخاصه , وهناك مدن مشفره , لا تهب سحرها الا لمن تحب من البنات والرجال . هناك مدينه زي الاسكندريه تشبه الحلم أكتر من أي حاجه تانيه . هناك مدن يحبها ناسها وتحبهم زي بيروت . هناك مدن مجروحه مثل جوبا وكابول . ومدن كالأرامل : بغداد .. ومدن ومدن ومدن وبلاد وناس ودنيا ... ورب حليم ستار . ................................... ....................................
الخرطوم مدينة فقدت هويتها مدينة اجليت عنها حيواناتها و منزلهم اعامر قرب النيل ليحل مكانه ذلك البرج الأسمنتي. غابت الألفة في هذه المدينة فالكل غريب و لاأنيس الخرطوم مدينة ضرب علها الحصار لفترات طويلة فانتقل الحصار الي داخل الأشخاص فصرنا حبيسي انفسنا مازال متنفسي الوحيد في هذه المدينة كوكي بيرجر ، ادخل خفيفا متأبطا جرائدي فيناديني يحي و هاشم مرحبين . الخرطوم مدينة الغرباء ، مدينة تنتابك فيها الحيرة حين تتسائل اين اذهب هذا المساء لعجبي ان المساء قد اختفي من الخرطوم ،
يدهشني ان الخرطوم لا رائحة لها رغم ان كل المدن الي زرتها لها رائحتها المميزة. الخرطوم مدينة مأزومة ، مكتومة ..... تقاتل كي تتنفس ياليت لو يتركوا الخرطوم عاصمة الثقافة العربية و يعيدوا لنا مدينتا التي سمعنا عنها
لكل مدينة وجهان وجه تتعامل به مع التجار و الباعة الصغار و مسابح الكهان ووجه ينتظر ان يعيد نفسه في الأنسان
يا مدينتنا ذات الوجه الواحد ان كان ثمة ما يعيد الينا وجهنا فذلك هو ان نعرفك في وجهك الواحد هذا الحد الأخير المتبقي لنا اتمني ان التقيك مرة اخري في الخرطوم ...................................... .....................................
فهل ياتري قد تلاشت الكيرتوم ؟ أم فضلت الإختباء إلي حين ؟ كعروسة (محبوسة) تتجمل بإدمان وتنتظر يوم الدهشة ؟ أم غرقب في النهر قرباناً كرجاء .. إنهم سيأتون... ؟ إستقصيت أمرها وأنا منهار الخيال.. فقال لي خرطومي عتيد: أنسى بس. من أين أتي هؤلاء؟ حتي رائحة المدينة وسياراتها وأغنيائها تبدو غير حقيقية إجتمع أهل السودان فيها وحولها يخافون الطوفان. هل أصبحت سفينة نوح. متى يرحل هؤلاء هؤلاء... ؟ ومتي ستشرق الخرطوم من غروبها وتأتينا من نقطة ما في الماضي فنعيد مامضى ؟
Post: #164 Title: Re: الخرطوم زمان Author: د.خالد احمد عمر عبدون Date: 08-15-2008, 06:12 AM Parent: #1
من هم اول من سكن الخرطوم وماذا تعرف عن تاريخ الخرطوم انتظرونى
Post: #165 Title: Re: الخرطوم زمان Author: ماضي ابو العزائم Date: 08-15-2008, 08:20 AM Parent: #164
تعرف يا بكرى .... عرفت اللعبة .... ادوس ليك الزر و إنت تبهل المعلومات , لكن ماشاء الله مرجع ,اشهد ليك وأنا الخرتومى قبل ما اكتروا الناس. رايك شنو فى المدخل (الزر)ده؟؟ الكبارى فى مدينة الخرطوم هى كبرى برى و كبرى المسلمية و كبرى الحرية و اقيمت على بوابات سور المدينة فى الفترة التركية فكبرى برى تجاه حلة برى و كبرى المسلمية تجاه مدينة المسلمية اما كبرى الحرية فالاسم ده استحدثة عبود لما شقوا شارع الحرية و الكبرى اقيم فى مكان بوابة الكلاكلة و و بعد نهاية المدينة وضع خط السكك الحديدية ثم قامت بعد ذلك الخرطوم2 و الخرطوم3 و الديوم. أها كمل يا بكرى و أتحفنا
Post: #166 Title: Re: الخرطوم زمان Author: فيصل محمد خليل Date: 08-15-2008, 08:46 AM Parent: #165
1975 khartoum sunset on the nile
Post: #167 Title: Re: الخرطوم زمان Author: willeim andrea Date: 08-15-2008, 09:25 AM Parent: #1
Post: #168 Title: Re: الخرطوم زمان Author: فيصل محمد خليل Date: 08-15-2008, 10:15 AM Parent: #167
Post: #175 Title: Re: الخرطوم زمان Author: حسن عبدالله Date: 08-15-2008, 08:39 PM Parent: #169
أبوبكر يا مخزن الذكرى اتحفتنا بالصور الجميلة دي ونأمل بالمزيد... نأمل في صور من اماكن مختلفة خصوصا التي تبدلت تماما حتى نرى الفرق؟؟ فين صور المطار،السكة حديد ،المقرن والقصر الجمهوري وموقع المتعة الحدائق النوادي والفنادق... لكم التحية...
Post: #170 Title: Re: الخرطوم زمان Author: محمد أبوالعزائم أبوالريش Date: 08-15-2008, 05:07 PM Parent: #1
Quote: بالمناسبة لما جابو السلم التعليمي الجديد
بتاع محي الدين صابر انا كنت في سنة اولى وسطى
رجعونا بقونا سنة سادسة
واللة زعلت زعل
الواحد كان قاشر انو في الوسطى و خاتي كتاب man and pan
قدام عشان الجكس
يقوموا يرجعوك سنة سادسة
يا فيصل إنتو أحسن مننا (الدفعة الوراكم) ...
لأنو كنا في سنة رابعة أولية، ولحدي نص السنة ماعارفين حنمتحن شهادة (إمتحانات اللجنة) والا لأ. لحدي ما ثبت القرار، واتأخرت قشرتنا بالوسطى، وقرينا خامسة وسادسة (أول دفعة تقرا بالنظام ده) وبعدها بدل الوسطى مشينا الثانوي العام.
Quote: في عام 1979 وقعت مشادة حادة بيـن الاخوان المسلمين بجامعة الخرطوم والشرطة بسـبب اصـرار التنظـيم علي تـخريب السـينما لانـها مفسـدة ووجـودها حـرام داخـل منطـقة الحـرم الـجامعي!!!
وحسع بقت حاجة كده تبع الدفاع الشعبى زى ما مدرسة الخرطوم الاهليه بقت مفوضيه ايه ماعارف
ولا تذكر ال BN والا يذكر لسان طلعت تلك القطعة الممتده الى داخل الجروف وتعاين النيل بشموخ , قبل مدخل وزارة التربة والتعليم زمان وزى ما عرفت ملكوها لصاحب كازينو , يعنى شوف من الزمن داك طلعت فريد عليه رحمة الله اطلق تعليقه الشهير اثناء خروجه من الوزارة بعد حضوره حفلا دعى له ووقع نظره على الارض المسطحه وممتده الى ناحية النيل قائلا الحته ده تنفع للقعدات والسمر واشار اليها بلسانه فصارت تعرف بلسان طلعت
شايف يا حسن عبدالله ,,,البوست ماشى تمام والجماعة بهلوا الذكريات بالقفف واظن فى واحدين دموعهم جرت من الكان زمان ,,, اولاد الزمن ده لمن يشوفوا صور الخرطوم زمان وكيف كانت نظيفه ومعروفه بانها انظف عاصمه فى الوطن العربى تفتكر بقولوا شنو ولا ممكن يصدقوا انو العاصمه يوميا الساعة 4 مساء عربات الرش يتغسل الشوارع ؟؟؟ ياخى شكرا ليك وللبوست ونتمنى المزيدمن المداخلات والذكريات ,,
Post: #173 Title: Re: الخرطوم زمان Author: حسن عبدالله Date: 08-15-2008, 08:22 PM Parent: #172
عزيزي حيدر والله اشتقت لمداخلاتك... من غير تحدي طبعا انا اعترفت انك موثق لا تضاهى. كنت متوقعك تعلق على بيت البكى الانفتح علينا دا؟؟؟؟؟؟ ناس وليم اندريا وبكري الصايغ عملوها لينا مناحة بكاء على الاطلال. وكل الحنين كما يبدي هو للوسكي والبيرة ابو جمل.... وانا كنت دائما بعتقد ان لو كان في حسن واحدة عملها نميري هي انه انتهي من حكاية الخمرة دي!!!!! ناس كتير حيزعلوا مني لما يقروا الكلام دا..... بس بالله تصور لو كان لليوم الناس من المغرب في الخمارات او الناس الرايقة في النوادي الليلية؟؟؟؟ دائما يخطر ببالي رائعة محمد المكي ابراهيم قطار الغرب وخصوص لما وصل القاطر مدينة الخرطوم وهي في المدينة التي يبكي عليها الاخوان بس من زاوية مختلقة/ قال ود المكي ونزلنا هناك بلا استقبال فتزكرت الحشد المتدافع في أحدى السندات قد عاد افندينا ابن القرية
فهل نظر الاخوان بهذه العين وهل اعادوا النظرا للخرطوم ليروا الجمال الذي كان والذي لازال؟؟؟ الا يكفي انها عاصمتنا؟؟؟ الا يكفى انها فعلا تتقدم فقط لو تنظر الانسان تحت اقدامة سيرى الجمال في الناس فهو لم يذهب مع البيرة ابوجمل لا زال يسكن هنا في كل زاوية وفي عيون الناس الحلوين.....
فـما وجـدت مـنك مـع الأسـف الشـديد الا عـدم الاحـتـرام... عليـه وتـمامآ كـما دخـلت باحـتـرام.... اغـادره متـمنيآ لك التوفيق فيـه.
لك ولك الـمشاركيـن الـمودة والتقـدير.
Post: #178 Title: Re: الخرطوم زمان Author: willeim andrea Date: 08-15-2008, 11:26 PM Parent: #177
حسن.... ياخي بالغته عديل...منوالعمله مناحه...الله يسامحك... ياخي فكرك راح لبعيد خلاص ...انا شخصيا لم اكن وفي يوم من انصار هذا الشي قبل ان اغترب وبعدان اغتربت... وحرم تظلم مساحات من الاحترام والتقدير
لا لا لا يا بكرى ,,, حسن ما يقصد كده بس الراجل قصدو تنوع المواضيع واهو نحن ماشيين كويس من الشوارع للمحلات والمحطات للعربات والاحياء السوق عربى وافرنجى ولسه راجيانا الميادين والكوره وشوية صور لاهداف جكسا ولقطات سبت دودو ( مجلة عالم الرياضه) والفنانين والغناء ( مجلة الاذاعة والمسرح وبعدين بقت الاذاعه والتلفزيون والمسرح ) الكلام ده كله جاى فى الطريق....بعدين باخى خلى الاجيال تستفيد والماعندو قديم ما عتدو جديد,, ولا شنو يا خى ده ماضى ابوالعزائم كان بكتب من فرنسامع يعثة الفريق ويادوبك واصل الدوحه,, قول خير والعن ابليس وواصل معانا المشوار,,, ما تتدخلوا يا ناس,, فيصل وبكرى , ماضى و وليم اندريا,,,,,
Post: #180 Title: Re: الخرطوم زمان Author: محمد أبوالعزائم أبوالريش Date: 08-15-2008, 11:37 PM Parent: #1
ما أحسب أن الأخ حسن قد أراد التقليل من شأنكما .... وأحسب .. وأتمنى أن يكون قد خانه التعبير .. وميزان الكلام.
أقول هذا .. ولا ألومكما ... وأذهب لأبعد من هذا وأقول، إذا كان الأخ حسن يصر فعلاً على المعنى غير الجميل الذي وصلكما، فإني منضم إليكما ومغادر البوست.
أتمنى أن أسمع منكم جميعاً ما يهدئ النفوس ويصفيها....
Post: #187 Title: Re: الخرطوم زمان Author: حسن عبدالله Date: 08-16-2008, 06:57 AM Parent: #180
شكرا لك عزيزي ابوالريش صدقت والله لم اقصد ان ازعل احد اوحتى اقلل من مداخلة اي واحد... ومتأسف للجميع اذا كنت جعلت احد يشعر بذلك ... وفوق دا وداك البوست للجميع وليس انا الا وحد مثل الاخرين... ونأسف للجميع وبقول كما كنا نقول في الايام الجميلة ندمان وسافي التراب للاخواين وليم والصايغ بصور خاصة لكل رواد البوست...
Post: #181 Title: Re: الخرطوم زمان Author: willeim andrea Date: 08-16-2008, 00:33 AM Parent: #1
الاحباب......انسحاب... ونشوفكم في بوستات تانيه فيها احترام وتقدير للغير في هذا الفضاء الاسفيري
Post: #182 Title: Re: الخرطوم زمان Author: abubakr Date: 08-16-2008, 03:18 AM Parent: #1
جامعة الخرطوم لما كانت كلية غردون في الثلاثينات
Post: #183 Title: Re: الخرطوم زمان Author: abubakr Date: 08-16-2008, 03:22 AM Parent: #1
اها سوق الخرتوم زماان
Post: #184 Title: Re: الخرطوم زمان Author: abubakr Date: 08-16-2008, 04:04 AM Parent: #1
Quote: ناس وليم اندريا وبكري الصايغ عملوها لينا مناحة بكاء على الاطلال. وكل الحنين كما يبدي هو للوسكي والبيرة ابو جمل.... وانا كنت دائما بعتقد ان لو كان في حسن واحدة عملها نميري هي انه انتهي من حكاية الخمرة دي!!!!! ناس كتير حيزعلوا مني لما يقروا الكلام دا..... بس بالله تصور لو كان لليوم الناس من المغرب في الخمارات او الناس الرايقة في النوادي الليلية؟؟؟؟ دائما يخطر ببالي رائعة محمد المكي ابراهيم قطار الغرب وخصوص لما وصل القاطر مدينة الخرطوم وهي في المدينة التي يبكي عليها الاخوان بس من زاوية مختلقة/ قال ود المكي
يابوعلي .. ربما انا اكبركم عمرا هنا وزول دخل المدرسة مع الاستقلال وعشت في الخرطوم طفلا قبل الاستقلال وصبيا وشابا وخرجت ..يعني شاهدت الخرطوم في زمانها الذي يراه الكثيرون هو الاحسن وبسببه فتح هذا البوست ... كل ذاك الزمان استمر حتي السبعينات وجزئيا الثمانينات فلقد كانت نهاية السيعينات بداية مشاكل السودان الاقتصادية .. ما اقصده الخرطوم زمان والذي نراه جميلا كان بكل الذي ذكره بكري ووليم وطلال ..الخ كان جميلا بكل المفردات ولم تكن الخمارات ولا البارات هي العامل الرئيسي في ان تكون جميلة ولكن كانت من ملامح تلك الصورة .. فنحن هنا ناخد الصورة بمجملها بمساجدها وكنائيسها وخماراتها وباراتها واسواقها ومدارسها ...ليس كل اهل السودان يرتادون الخمارات والبارات ولم تكن تلك قضية وانما اخذها نميري كذلك ليصرف النظر عن سوء ما يفعل و ليحسن صورة له قبيحة مليئة بدماء وفساد وسوء ادارة ولكن رغم ذلك لم يقدر علي ان يحتال علي الشعب وفي اقل من عاميين من اغلاقه للخمارات والبارات انتفض الشعب عليه وطرده ليس لابقاء الخمارات والبارات ولكن لتعود للخرتوم بهجتها وبهاءها من خلال ادارة شعبية . ..كانت الخرتوم لكل اهل السودان بما فيهم مرتادو تلك الخمارات ..واليوم صارت الخرتوم وهي بدون خمارات وبارات هي التي نهرب منها كلناوفينا من لم يدخلها ولم يذقها مطلقاعندما كانت متاحة للجميع ..ها نحن الان نهرب منها من خلال استذكار صور زماان اذن فلا الخمارات ولا البارات هي التي جعلتها جميلة في الماضي ولا خلوها منها جعلتها جميلةالان ... ___________ حاشية : الاستاذ ابوبكر سيد احمد الصائغ (بكري الصائغ) موثق في بلاد ما زال تاريخها شفاهيا يحاول ان يجمع الاف بل ملايين القطع من احداث ووثائق وكتابات متفرقة اسفيريا ومطبوعة وهذه محمدة فيها كثير من ايمان وحب للوطن ...ولااظن ان وليم يبكي علي خمارات الخرتوم فهو في عالم اوسع ليس للخمارات والبارات فيه حيز معين بل في كل ناصية والا لكان ان اكتفي بها ولكنه ان بكي وناح فعلي عاصمة لبلاده كانت جميلة في نظره واجمل من تلك التي هو فيها الان بخماراتها وباراتها في كل ناصية وحدب ...
ولنواصل ان اردت في ذكري تلك العاصمة في صورتها دون ان نستقطع منها جزء فالصورة الكاملة هي الجميلة
مودتي
ابوبكر سيداحمد محمد
Post: #185 Title: Re: الخرطوم زمان Author: حسن عبدالله Date: 08-16-2008, 06:45 AM Parent: #184
لكم العتبى حتى ترضوا.... لم اقصد اطلاقا التقليل من قيمةالمداخلات بل انا سعيد بهاكما الجميع وفق مسار البوست. بس كما ما ممكن يكون جمال الخرطوم محصور في حاجة واحد او اتنين؟؟؟؟؟ انا مثل كل واحد منكم فخور بانني عشت ذلك الزمن الجميل، بكل ما فيه؟؟؟ بس دايما بشعر ان الخرطوم كانت وستعود درة كما كانت... صحيح ان كل ذلك كان من جمال الخرطوم... بس عايز نسمع كل شئ ونرى كل شئ ولا نحصر نفسنا في حاجة واحدة... اسف اذا كنت تعديت على حرية اي منكم وكل المداخلات مسموح بها وكذلك التعليق عليها... وادعو الجميع للعودة فلازال هناك الكثير يمكن ان يظهر من كنوز الذاكرة او من المخازن العهد الجميل... ونأسف مرة ثانية وثالثة وللمرة الألف... حسن
Post: #186 Title: Re: الخرطوم زمان Author: حسن عبدالله Date: 08-16-2008, 06:49 AM Parent: #184
عزيزي بكري تعظيم سلام لك وللباقات الجميلة وصور الخرطوم الجميلة. دا اكيد انك عندك المزيد وشكلك كمان منوع ما تركت حاجة ما عملت ليها توثيق... والله يكل رسالة منك تعيد عهد من الذكريات. نرجو المزيد.....
Post: #188 Title: Re: الخرطوم زمان Author: abubakr Date: 08-16-2008, 07:22 AM Parent: #1
ونواصل
المريديان ...زمان شوية
Post: #189 Title: Re: الخرطوم زمان Author: حسن عبدالله Date: 08-16-2008, 08:14 AM Parent: #188
عزيزي ابوبكر لك الود والشكر الجزيل على الصور الوثائقية دي والله حاجة تفرح.. سألت كم مرة شنو كان موجود في موقع قاعة الصداقة وفي موقع المتحف القومي قبل بناءهما؟؟؟؟ اكيد فاكر يا اخ ابوبكر وطبع الواحد ما يتوقع يشوف صور بس عايز اتذكر الموقعين فيهم شنو؟؟؟؟
Post: #190 Title: Re: الخرطوم زمان Author: حيدر امين Date: 08-16-2008, 08:28 AM Parent: #1
يا جماعة خلاص باركوها ويلا نكمل المشوار
Post: #192 Title: Re: الخرطوم زمان Author: حسن عبدالله Date: 08-16-2008, 08:35 AM Parent: #190
عزيزي الموثق حيدر لك التحية نحنا مباركنها وبيني وبينك الناس ديل بحبوا الخرطوم واكيد بيجيبهم الحنين... بس قول انت عندك شنو؟؟؟؟ عايزين حاجة كدة من بيت الكلااوي زي ما كانوا بقولوا زمان.. فاكر مطار الخرطوم زمان قول واكيد اخونا ابوبكر عنده الصور بس انت احكي قول حاجة اي حاجة...
Post: #193 Title: Re: الخرطوم زمان Author: حسن عبدالله Date: 08-16-2008, 09:09 AM Parent: #192
حيدر الصايغ ابوبكر ماضي ابو العزائم اليكم ذكري مهمة في تاريخ الخرطوم
الله لي الطيارة جاتنا هجوم
الله لي كشفت على الخرطوم
الله لي كتلت حمار كلتوم ست اللبن
الله لي الطيارة جات بدري
الله لي كشفت على الكبري
الله لي المدفع الجبلي
الله لي خلى البحر يغلي
Post: #194 Title: Re: الخرطوم زمان Author: حسن عبدالله Date: 08-16-2008, 01:16 PM Parent: #193
السادة رواد الخرطوم زمان واحد يقول لينا ماذا كان في موقع قاعة الصداقة وماذا كان في موقع المتحف القومي حاجة ما قديم بس ناسي ايه كانت؟؟؟؟ فكرونا الله يديكم الخير..
Quote: واحد يقول لينا ماذا كان في موقع قاعة الصداقة وماذا كان في موقع المتحف القومي حاجة ما قديم بس ناسي ايه كانت؟؟؟؟
المتحف القومي في المقرن بني قبل اربع عقود تقريبا قبل ذلك لم اري مبني هناك وقد كانت محتويات المتحف موجودة باحد مباني جامعة الخرطوم التي تجاور قسم المعمار من كلية الهندسة والمعمار وهذا اذكره جيدا حيث درست هناك في نهايات الستينات وبدايات السبعينات..بعد فتح المتحف القومي الجديد حينئذاك كانت ادارة من ادارة وزارة المعارف قد انتقلت لذاك المبني ثم صار مكتبا لمدير الجامعة ..
Post: #196 Title: Re: الخرطوم زمان Author: حسن عبدالله Date: 08-16-2008, 07:22 PM Parent: #195
شكرا ابوبكر بس قاعة الصداقة احدث كثير ويجب ان يكون الواحد متذكرها. بس العقل بقى يودر. لقيت صورة للزعيم ازهري وهو يرفع علم السودان للاستقلال لكن للاسف لم استطع ان احملها... لو ممكن اعانه...
حيدر وين توثيق عن الاستقلال انت اكتب وبوبكر عندة الصور....
Post: #197 Title: Re: الخرطوم زمان Author: حسن عبدالله Date: 08-16-2008, 07:34 PM Parent: #196
ذكري الاستقلال والتحية للنخبة التي اتت به.
Post: #198 Title: Re: الخرطوم زمان Author: حسن عبدالله Date: 08-16-2008, 07:37 PM Parent: #197
Post: #199 Title: Re: الخرطوم زمان Author: حسن عبدالله Date: 08-16-2008, 08:20 PM Parent: #198
محمد أحمد محجوب
محمد أحمد محجوب ولد عام 1908م بمدينة الدويم بولاية النيل الأبيض وتخرج في كلية الهندسة بكلية غردون التذكارية عام 1929م ،كما نال الاجازة في الحقوق عام 1938م، عمل في مجال القضاء حتى استقال عام 1946م ، ليعمل بالمحاماة عام 1947م ثم انتخب عضواً بالجمعية التشريعية واستقال منها عام 1948م .تولى منصب وزارة الخارجية عام 1957م وفي حكومة أكتوبر تولى منصب وزارة الخارجية في عام 1964 م،وفي فترة الديمقراطية الثانية تولى منصب رئيس الوزراء عام 1967م ،وتولى المنصب مرة أخرى عام 1968م إلى جانب مهام وزير الخارجية . من مؤلفاته مقالات في صحيفة النهضة وفي مجلة الفجر وكتاب (الحكومة المحلية) كما اشترك مع عبد الحليم محمد في كتاب (موت دنيا) ، له كتاب (الديمقراطية في الميزان) باللغة الإنجليزية Democracy on Trial وله أشعار كثيرة وديوان (الفردوس المفقود) . توفي عام 1976م .
Post: #200 Title: Re: الخرطوم زمان Author: حسن عبدالله Date: 08-16-2008, 08:43 PM Parent: #199
Post: #201 Title: Re: الخرطوم زمان Author: حسن عبدالله Date: 08-16-2008, 08:49 PM Parent: #200
Post: #202 Title: Re: الخرطوم زمان Author: حسن عبدالله Date: 08-16-2008, 10:04 PM Parent: #201
أكتوبر 1964 في نحو الساعة التاسعة من ليل الأربعاء 24/ أكتوبر 1964 كان اتحاد طلبة جامعة الخرطوم يعقد اجتماعا في داخلية عطبرة لبحث مسألة الجنوب عندما أمرهم البوليس بفض الاجتماع فلم يفضوه ... اقتحم البوليس الندوة وطوف المكان بالسلك الشائك وألقى بعد ذلك القنابل المسيلة للدموع فهرع الطلبة إلي حجراتهم ثم عادوا ووقع بينهم وبين البوليس صدام استخدم فيه الطلبة الحجارة والزجاج الفارغ واستخدم البوليس القنابل المسيلة للدموع مرات ومرات. استمر هذا الصدام نحوا من ساعة ثم انذر الضابط المرافق للبوليس الطلبة بانه سيستخدم الرصاص ان لم ينفذوا التعليمات بعدها أمر بإطلاق النار واستمر الضرب بعض الوقت ...قتل الطالب احمد قرشي وجرح أخرون جراحا متفاوتة وأعلن رسميا أن عدد المصابين من رجال البوليس كان ثمانية وثلاثون ولكن لم يحجزوا احد منهم بالمستشفى. تأخر نقل الطلبة المصابين إلي المستشفى لان البوليس كان قد اقفل الأبواب ومنع دخول الإسعاف إلا بعد مضي بعض الوقت واعتقل أربعة أطباء كانوا في طريقهم لإنقاذ الطلبة.... أجرت سلطات المستشفى ليلة الحادث عمليات سريعة للمصابين وصفت حالة بعضهم ليلة الحادث بالخطورة. نقل لأحد المصابين كميات كبيرة من الدم اشترك في عمليا العلاج كل الأطباء بالمستشفيات الحكومية والأطباء الخصوصيين. كانت سلطات الجامعة قد أغلقت نادي الطلبة تفاديا لعقد الندوات وعندما علم الناس ليلا بوقوع الإصطدمات خفت جموعهم إلى المستشفى ... الطلبة الذين أصيبوا في الحادث هم: بابكر حسن _ خالد نجم الدين – حسن الوديع السنوسي – عثمان البلك - خالد الحاج – علي ابراهيم - أحمد محمود - حمزه عبدالله كنه – أحمد البشرى – محمد الحسن محمد سعيد – جلال الدين عباس – النور عبدالخالق – حمد أحمد المهدي – عبدالعزيز محمد فرج – حسن أحمد عجبنا – سليمان عبدالواحد – والانسة سهام مصطفى الاصاوي.... نقلا من كتاب خريف الفرح للصحفي عبدالرحمن مختار
Post: #209 Title: Re: الخرطوم زمان Author: حسن عبدالله Date: 08-17-2008, 10:05 PM Parent: #202
يواصل الصحفي عبدالرحمن مختار مذكراته عن اكتوبر.... أصدر وزير الداخلية في 24/10/1964 حظرا للتجوال في المدن الثلاث من الساعة السادسة مساء وحتى الخامسة من صباح اليوم التالي وكان الوزير فد اصدر امرا منذ صباح الامس بمنع التجمهر لاكثر من عشرة اشخص الا فيما يتعلق بالعبادات والافراح وما إليها. في الخرطوم تظاهر القضاة والمحامون واساتذة الجامعة والمعهد الفني وبعض موظفي مكتب النائب العام وسيروا موكبا ليحمل عريضة منهم الي القصر الجمهوري حول الموقف وقد تجمهروا امام الهيئة القضائية لامر الذي دعى رجال البوليس لتطويق المكان فامره القاضي عبدالمجيد امام بالانصراف ثم جاءت قوات الجيش ومنعت الموكب من التحرك واطلقت بعض الطلقات النارية في الهواء. جرت على اثر ذلك مشاورات شترك فيها رئيس القضاء وانتهت إلي ارسال مندوبين من السادة عبدالمجيد امام من الهيئة القضائية وعابدين اسماعيل من نقابة المحامين والدكتور طه محمد خير من اساتذة الجامعة والدكتور طه بعشر من الاطباء وممثلين لاساتذة المعهد الفني ومكتب النائب العام لتقديم العريضة. اعلن هذا الحل عن مبدا الاضراب السياسي العام السيد عابدين اسماعيل. وعلمت الصحافة ان مجلس الوزراء عقد اجتماعا ظهر الامس لاستعراض الموقف وانه سيجتمع اليو ايضا.. قامت مظاهرة على اثر انفضاض موكب الامس فرقها البوليس باستخدام الغازات.
Post: #203 Title: Re: الخرطوم زمان Author: abubakr Date: 08-17-2008, 04:47 AM Parent: #1
هاتين الصورتين لتمثاليين احدهما لغوردون (راكبا الحصان) والثانية لكتشنر (راكبا الجمل) اصرت سلطات ما بعد الاستقلال لاعادتهما الي بريطانير ا!!!! وربما السودان من ضمن دول العالم التي استعمرت والكثيرة هي الدولة الوحيدة التي فعلت ذلك بحجة ان التمثاليين يستفزان مشاعر المواطنيين !!!ونسو ان بقائهما كان اجدي لتذكيير اجيال من اتت بعد الاستقلال ببعض من تاريخ بلادهم .
وشئ اخر اطاحت به سلطات ما بعد الاستقلال هو الترام الذي كان يربط الخرطوم بامدرمان!!!ولا اعرف ما هو السبب .. بؤس القرارات التي تلت الاستقلال بواسطة سلطات سودانية هي التي جعلت بتكاثرها وتراكمها السودان في حالته البائسة اليوم ..الهرولة نحو كراسي الحكم وسوء ادارة البلاد هما التمثاليين الوحيدين اللذين اشادتهما سلطات ما بعد الاستقلال ...
Post: #204 Title: Re: الخرطوم زمان Author: حسن عبدالله Date: 08-17-2008, 05:45 AM Parent: #203
عزيزي ابوبكر لك كل الود كم سعدت بالصورتين رغم انهما تعيدان ذكرى الاستعمار. وانا سألت عنهم كثير.... بس ما معاك في حكاية بقائهما بالسودان فرغم انهما مجرد تمثالين لكنهما كان يمثلان الاستعمار بكل ذكرياتة المؤسفة... لا زلت اذكر يوم رحيلهما ونحن اطفال نودعمها بمحطة السكة حديد بحري صححني لو غلطان فالذاكرة اصبحت خربة.
لا زلنا ننتظر المزيد من مخزن الذكريات... لك الف تحية
Post: #205 Title: Re: الخرطوم زمان Author: حسن عبدالله Date: 08-17-2008, 07:04 AM Parent: #204
مداخلة عن أكتوبر يا محسنين!!!!
Post: #206 Title: Re: الخرطوم زمان Author: حسن عبدالله Date: 08-17-2008, 08:44 AM Parent: #205
في الحادي والعشرين من اكتوبر 1964 عقد طلاب جامعة الخرطوم ندوة سياسية داخل القرية الجامعية وبحكم توقيت ومكان انعقادها (الثامنة والنصف مساء في السكن الجامعي الشرقي البعيد عن الشارع العام) فقد اقتصر جمهورها على طلاب الجامعة وحدهم دون مشاركة من بقية قطاعات الجمهور. ورغم ذلك هوجمت الندوة من قبل قوات الشرطة التي واجهت مقاومة طلابية اضطرتها إلى إطلاق النار على الطلاب مما أسفر عنه سقوط عدد من القتلى على رأسهم الشهيد القرشي. وكان ذلك نقرا على وتر شديد الحساسية في العقل السياسي العام افرز خمسة ايام من العنف والتظاهر في كل المدن السودانية انتهت بسقوط حكومة الفريق ابراهيم عبود العسكرية وعودة الديموقراطية للبلاد.
منذ ذلك التاريخ مرت مياه كثيرة تحت الجسور وتعاقبت على حكم البلاد أنظمة عديدة وتقلبت حظوظ البلاد من الحرية الى الكبت ومن الغنى الى الفقر وتعرض ذلك الحدث التاريخي الى النظر وإعادة النظر ولا تكاد ذكرى اكتوبر تهل دون ان تتعرض تلك الاحداث البعيدة لتقييم جديد يرفع أو يحط من القيمة التاريخية للثورة التي اعتبرها الكثيرون ابلغ تعبير عن روح الشعب السوداني وتوقه للحرية واستعداده لتسديد ثمنها بالأرواح والدماء.
ماذا حدث إذن في السودان في 21 أكتوبر 1964 ؟ هل كان ذلك واحدة من معجزات العصور القديمة التي فقدت قابليتها للتكرار؟ هل هي خطأ تاريخي كبير هب فيه السودانيون مدفوعين بحرد صبياني ليطيحوا بالمستبد العادل الوحيد في تاريخ السودان قديمه وحديثه؟ أم هي هذيانات معاصرين للحدث دخلوا مراحل الكهولة والشيخوخة وراحوا يتعصبون للزمان الذي عاشوه وحسبوه أفضل الأزمنة واعتبروا ثورته أفضل الثورات؟ أم هو من الأساس أكذوبة افتراها تقدميون مزعومون ليسلطوا بها سيف الفوضى على كل حكم رشيد جاء في اعقاب ذلك الحدث التاريخي الفريد؟
قبل أن نتقدم في هذا الطريق دعنا نلاحظ ما ظلت تحظى به ثورة اكتوبر من الهجوم والتبخيس خلال السنوات الأربعين الماضية فقد تظاهر على الحط من شأنها يمينيون ودكتاتوريون وآخرون كانوا لردح من الزمن محسوبين على ما سمي في حينه باليسار الجديد. وتمسك شكلانيون بحرفية مصطلحات العلم السياسي لحرمان اكتوبر من وضعها كثورة والهبوط بها الى مستوى الهبات العابرة والانتفاضات ولكن اكتوبر برهنت على بقائية مذهلة فما زالت أفكارها تلهم الشعب وتملأ شرايينه بالطموح ولا زالت موجودة في ميزانيات أجهزة الأمن والقمع الجماهيري بوصفها الخطر الأكبرالذي ينبغي ان يتحسب له كل من يريد البقاء على كرسي الحكم . ومن عام لعام يقوم أعداؤها بدلق الحبر الأسود على الورق الابيض لهدم أسطورتها واقناع الجمهور بأنها وهم او خطأ او سراب.والآن مع تباشير ذكراها المتجددة دعونا نستعرض خلفية ما جرى وما قيل عنه وما يقال.
لنبدأ بالنظام الذي تصدت له الثورة وهو نظام جاء الى السلطة بانقلاب عسكري في 17 نوفمبر 1958 واضعا نهاية مفاجئة للديموقراطية التي أفرزها استقلال البلاد في مطلع عام 1956 ومهما قيل الآن عن ذلك النظام فانه لم يكن في زمانه افضل الأنظمة وأزهاها ولكنه بتغذية استرجاعية فاسدة أصبح فعلا أفضل ما مر على السودان.وليس ذلك من مسئولية الثورة مثلما أنه ليس من مسئولية الثورة الفرنسية ان الملكية عادت بعدها الى فرنسا وان افكار العدل والاخاء والمساواة التي جاءت بها لم تعمر طويلا وانتهت بقصف دمشق وقمع الجزائر.وبالمثل ليس من مسئولية الثورة الاكتوبرية ان الديموقراطيات التي تلتها كانت ضعيفة متهالكة وان الدكتاتوريات كانت شرسة وفاشلة.
كان نظام الفريق عبود امتدادا للدولة الكولونيالية المو######## حديثا عن الاستعمار البريطاني بكل قدراتها ونواحي ضعفها فقد تميزت الدولة التي ورثها الفريق برصانة ادارية ونواة اقتصاد حديث غير مترهل ويكاد يخلو من الفساد مع احتياطيات نقدية كانت تعتبر الغطاء الحقيقي للعملة الوطنية.ومع تلك المزايا ورث النظام طاقات أمنية وقمعية محدودة فلم يكن له جهاز أمن ومخابرات متقدم وكان جيشه صغيرالحجم وموجها بالأساس للأخطار الخارجية وحين حاول عبود استخدامه للقمع الداخلي تمرد شباب الضباط وانضموا عمليا الى الثوار.
لا جدال ان الرئيس عبود تميز بروح أبوي عصم نظامه من التجاوزات القاسية التي مارستها الدكتاتوريات اللاحقة ويروي ابطال حادثة تعذيب جرت في عهده ( ربما كانت الوحيدة) عمق الغضب الذي عبر عنه الرئيس والاجراءات المتشددة التي اتخذها ضد المخالفين. كما أقدم نظامه على عدة خطوات في مجال التصنيع كانت النواة الأولى لصناعة السكروالجلود في البلاد. وعلى عهده أقيم واحد من أهم السدود على النيل الأزرق للتوليد الكهرومائي. وكما كان للنظام حسناته فقد كانت له خطاياه وعلى رأسها استسلامه المتهافت امام السمعة الداوية للرئيس عبد الناصر وقبوله ثمنا قليلا للأراضي السودانية التي أغرقها السد العالي وأقيمت عليها بحيرة ناصر. ومنها اهتمامه الكبير بحركة التشييد التي استفرغت جهد ومدخرات السودانيين وجمدتها في هياكل اسمنتية بدلا من استغلالها في الزراعة والتصنيع. ويذكر للرئيس انه انتقى لنفسه قطعة ارض متواضعة اضطر للاقتراض من المصارف ليشيد عليها منزله الخاص.
كان ثوار اكتوبر يحلمون بديموقراطية عميقة الجذور تهيئ البلاد لتنمية أسرع وأقوى من تلك التي اقدم عليها النظام وكانوا يملكون حلا لحرب الجنوب أثبت فعاليته بعد سقوط عبود بسنوات ومنح البلاد أحد عشر عاما من السلام. وعلى أيامها كانت خطايا النظام مرئية بوضوح تام اذ لم يكن قد اكتسب بعد الأبعاد البيرونية (نسبة الى دكتاتور الارجنتين واسع الشعبية خوان بيرون) التي أسبغتها عليه المقارنة باخفاقات العسكريين الذين جاؤوا من بعده.
والواقع ان الرئيس شخصيا كان سوارا من ذهب الا أن اركان حكمه لم يكونوا جميعا على شاكلته.وبالغة ما بلغت فضائله الشخصية فانها لاتكفي لتبرير العقل المتحجر الذي حكم مسيرة التنمية والاقتصاد خلال سنوات حكمه الست فقد كان من الممكن ان ينجز أكثر وأسرع في ظروف دولية مؤاتية ساهم شخصيا في صنعها بالسياسة الخارجية البراغماتية التي انتهجها بمواجهة الاندفاعات الناصرية والصراعات والملاسنات التي عمت العالم العربي والبطوليات الشخصية وعبادة الفرد التي سار عليها قادة افريقيا الجدد من حوله.
كان رجلا عظيما ولكن الرجال العظماء لايملكون حصانة ضد السقوط.
Post: #207 Title: Re: الخرطوم زمان Author: حسن عبدالله Date: 08-17-2008, 12:19 PM Parent: #206
ماذا حدث ايضا في تلك الايام العظيمة؟؟؟؟؟؟ تفاصيل الايام ومواقف القادة ؟؟؟؟
المظاهرات في كل السودان....
واستقرار الوضع والقيادة الجديدة
Post: #208 Title: Re: الخرطوم زمان Author: حسن عبدالله Date: 08-17-2008, 12:49 PM Parent: #207
Post: #210 Title: Re: الخرطوم زمان Author: Moawia Mohammed Date: 08-17-2008, 10:45 PM Parent: #1
قدله يا مولاي حافي حالق بالطريق الشاقي الترام
Post: #211 Title: Re: الخرطوم زمان Author: حسن عبدالله Date: 08-18-2008, 05:42 AM Parent: #210
عزيزي معاوية لك تحية السودان الحبيب الان وفي الزمن الجميل... أكيد ركب التراماج كما كنا نقول... واكيد كنت بتلبت من الكمساري ... واكيد كنت سعيد بالسفر من والخرطوم بحري للخرطوم وبالعكس.. هل كان يجب ان يستمر كما هو مستمر في اغلب بلاد العالم أم صاح انه اصبح موضة قديم... الذكريات صادقة ونبيلة...
Post: #212 Title: Re: الخرطوم زمان Author: حسن عبدالله Date: 08-18-2008, 06:14 AM Parent: #211
كتشنر
كتشنرهوراشيو هربرت كتشنر أو اللورد كتشنر (24 يونيو 1850 بأيرلندة - 5 يونيو 1916) كان القائد الأعظم (Field Marshal) للجيش البريطاني ورجل دولة. بدأ كضابط بسلاح المهندسين الملكي ثم عين حاكماً على المستعمرات البريطانية بمنطقة البحر الأحمر في عام 1886 م ومن ثم أصبح القائد الأعلى للقوات المسلحة بالجيش المصري في عام 1892 م.
فهرس [إخفاء] 1 في السودان 2 في الهند 3 وفاته 4 المصادر:
في السودان قاد كتشنر حملة الغزو الثنائي (البريطاني – المصري) على السودان عام 1898م والتي تصدت لها قوات المهدية في موقعة كرري الشهيرة والتي أسفرت عن نهاية الدولة المهدية ومقتل 22.000 شهيداً من السودانيين و22.000 جريحاً و5.000 أسيراً. وقام بقصف قبة المهدي بأم درمان.
Post: #213 Title: Re: الخرطوم زمان Author: حسن عبدالله Date: 08-18-2008, 08:10 AM Parent: #212
العزيز فيصل فين انت يا زول؟؟؟؟؟ سمعت ولا جابوا ليك؟؟؟ حرمتنا زمن من مداخلاتك المؤنسة انشاء الله المانع خير.. ظهرت كثير من الصور التي كنا نتطلع لروءيتها منتظرين منك كمان الصور والكلام القديم الجميل... لك التحية والاجلال
Post: #214 Title: Re: الخرطوم زمان Author: حسن عبدالله Date: 08-18-2008, 01:21 PM Parent: #213
العزيز فيصل فين انت يا زول؟؟؟؟؟ سمعت ولا جابوا ليك؟؟؟ حرمتنا زمن من مداخلاتك المؤنسة انشاء الله المانع خير.. ظهرت كثير من الصور التي كنا نتطلع لروءيتها منتظرين منك كمان الصور والكلام القديم الجميل... لك التحية والاجلال
Post: #263 Title: Re: الخرطوم زمان Author: حسن عبدالله Date: 08-24-2008, 08:29 AM Parent: #211
الاعزاء احباب الخرطوم زمان حيدر وعدنا بالحديث عن الكورة زمان .... مين بوعدنا بالحديث عن الفن زمان؟؟؟؟؟ لكم وللخرطوم كل الحب
Post: #216 Title: Re: الخرطوم زمان Author: حسن عبدالله Date: 08-18-2008, 04:40 PM Parent: #215
الموثق حيدر شوقتنا والله لمداخلاتك.... وادهشتنا بالصورة اذ لم يسبق لك الحديث عن الفن في هذا البوست. طبعا ليس جهلا به ولكن الاوليات قد تكون قد فرضت ذلك. اظنك لاحظت ان الشخصيات في الصورة اربعة والاسماء تحتها ثلاثة، فقد اغفل صاحبها ادراج اسم المبدع أحمد المصطفي. شباب وابداع لم ولن يتكرر . عسى الا يثور علينا المبدعون الجدد في الساحة!!! لا يهم فانا شخصيا لا اعرفهم وبالتأكيد لا يعرفوني!!!!!! اسعدتنا حيدر
Post: #219 Title: Re: الخرطوم زمان Author: حسن عبدالله Date: 08-18-2008, 04:54 PM Parent: #218
المبدع حيدر والله ايقظت في داخل عوالم من الطرب ودنيا من الذكريات. ابو الامين، ابو عركي والبلابل كانه لحن لم يكتم. محمدية والكابلي شباب الفن والابداع... لك التحية
Quote: لو رجعت لمداخلتى الاولى بتلقى صاحب احسن ليمون وشعير عمك الواثق الجيلانى وهو اول من ابتدع قصة الماركه عند الدفع
الاخ حيدر
تماما هو ليمون عمك الواثق و العمارة اسمها عمارة الحلاب و يقابلها من الناحية الشرقية دكان العم سمير احمد قاسم للاقمشة و يوجد مطعم داخل العمارة و اول دكان لبابكر ود الجبل
نفس الشارع يقودك للميدان الغربي حيث مواقف الشجرة الامتداد و الحلة الجديدة
مطاعم ذلك الميدان مطعم الشمالية من ناحيته الشمالية يقابله مطعم الانطلاقة من الجنوب و مطعم الامير في الغرب حيث فرن سيحة الشهير و دكان الانصاري و العم الدابي
شارع هاشم بك ينصف الميدان الغربي يبدا بدكان العم عبدو تادرس و ينتهي ببنك باركليز دي سي او بنك الخرطوم لاحقا و يقودك الي السوق العربي للجملة حيث دكان العمين محمد صالح و بشير النفيدي و اولاد احمد سعد و محمد حسن اللبيب و فندق وادي حلفا لصاحبه عثمان صالح
طبالي و اكشاك الميدان الغربي تم نقلها في اثناء تولي ابوالقاسم محمد ابراهيم الي السوق المسمي حاليا بالسوق الشعبي
Quote: استديوهات الخرطوم القديمة للتصوير اشهرها فارتي احسن تصوير وورق مصقول
استديو غردون ( النيل حاليا) جوار محلات جنبرت وهو اول استديو للتصوير الملون بالسودان
استديو بابا و استديو مواهب بعمارة اراك تخصصا في صور الباسبورت و اظن بابا اول من استورد ماكينة التصوير الفوري ( خمس دقايق)
استديو هافانا بالسوق العربي اسود و ابيض
الاخ ابراهيم عدلان ,,, اهو ده الكلام وماتنسى كمان من اهم استوديوهات التصوير استديو محمدين شارع الجمهورية
دكاكين الاقمشه فى صف دكان العم سمير احمد قاسم دكان عمنا محجوب احمد الشيخ واولاده , والد زميلنا بالخرطوم الاهليه السر محجوب ,,,, موقف الشجره , القوز المطاعم البلديه وفول القدره المغطيه بكفتيرة السمنه حتى تكون سخنه بالبخار شوف التكنولوجيا كيف زمن جميل شمس الصباح ديك وفول بالسمنه وانت جالس على كنبة خشب وماسك الطاره( العيش المدور ) فى ايدك وتشرب بكوز الصفيح مويه حاره وتغسل من البرميل المختوت فى شكل تربيزه وكمان عاملين ليه حنفيه,, شوفوا الزمن داك كان جميل كيف,,,وعمك جنبرت شارع الجمهوريه اشهر محل لبيع الاوانى المنزليه الحسع الناس بقت تجيبها من الخليج الزمن داك كانت موجوده عند جنبرت ,,, بالله واصل
Post: #223 Title: Re: الخرطوم زمان Author: محمد أبوالعزائم أبوالريش Date: 08-18-2008, 10:02 PM Parent: #1
الأخوة الأعزاء
يظل في هذه الأيام الوصول إلى موقع سودانيز أونلاين صعباً في الدوحة، ولم أستطع الدخول إليه طوال الأيام الماضية.
الباشمهندس أبوبكر ...... لا فض فوك .... فقد عبّرت عنّا كلنا.
الأخوة أبوبكر الصايغ وويليم أندريه ... أتمنى تجاوز هذه الغصّة. وكلنا يعلم أن الأستاذ أبو بكر الصايغ رقم لا يمكن تجاوزه من حيث التوثيق والدقة في ذكر التفاصيل، وقد أثرى الكثير من البوستات بمعلوماته الغزيرة. كما أفرد كم هائل من البوستات التوثيقية في كل المجالات (سياسة - فن - تراث - ثقافة ..إلخ).
تحياتي للجميع.
Post: #224 Title: Re: الخرطوم زمان Author: حسن عبدالله Date: 08-19-2008, 08:51 PM Parent: #223
عزيزي محمد ابوالريش لك التحية والتجلة والاكرام. لا احد ينكر براعة الاخر الصايغ، وقد اعتذرنا له في البوست وسجلت زيارة له في احد بوستاته واعدت الاعتذار. نعلم مدى حرصه على نشر الوثائق وتمليك الحقائق للمتابعين. ونامل عودته ونحن في انتظاره ومدخلات الاخوة الاخرين.... ولكم التحية ناسف للانقطاع الخارج عن ارادتنا....
Post: #225 Title: Re: الخرطوم زمان Author: حسن عبدالله Date: 08-19-2008, 08:55 PM Parent: #224
بقالة الخرطوم خلف قهوة المحطة الوسطي كان في بقالة صغيرة اسماها حسب ما اعتقد بقالة الخرطوم... كانت بقالة صغيرة بس مليان لاغاويس (أغلبها هدايا)من الحاجات الكنا نحبها في ذلك الوقت بس كانت رايعة مين فاكرها... شنو كان اسمها....
Post: #226 Title: Re: الخرطوم زمان Author: حسن عبدالله Date: 08-19-2008, 09:01 PM Parent: #225
غرب البنك الزراعي شارع ماشي من النيل جنوبا الى السكة حديد.. على يمينك مطعم وبار اطلس وشوية جنوبا قهوة الخليج لو انا فاكر كويس كانت ملتقى الاخوة الحلفاوين خصوصا بعد المغرب... ناس تشرب شاي باللبن او حلبة بالحليب... مقابلة لقدام شوية مطعم البحر الاحمر... صاح يا حيدر؟؟؟؟؟
Quote: بقالة الخرطوم خلف قهوة المحطة الوسطي كان في بقالة صغيرة اسماها حسب ما اعتقد بقالة الخرطوم... كانت بقالة صغيرة بس مليان لاغاويس (أغلبها هدايا)من الحاجات الكنا نحبها في ذلك الوقت بس كانت رايعة مين فاكرها... شنو كان اسمها....
مخازن الخرطوم العمومية
تخصصت في الخردوات مثلها مثل ميرزا
Post: #229 Title: Re: الخرطوم زمان Author: فيصل محمد خليل Date: 08-20-2008, 06:02 PM Parent: #228
الاخ حسن عبدالله
تحية طيبة
انا في مدينة تانية غير مدينتي
لما ارجع نواصل
Post: #230 Title: Re: الخرطوم زمان Author: فيصل محمد خليل Date: 08-20-2008, 06:07 PM Parent: #229
بناء كبري النيل الازرق 1910
Post: #231 Title: Re: الخرطوم زمان Author: حسن عبدالله Date: 08-20-2008, 08:46 PM Parent: #230
عزيزي فيصل القومة ليك يابطل... نحن كنا نطمع في زيارة وانت بكرم اهلنا الاحباء لا تاتي الا ومعك طيبات سودننا الحبيب. اخجلتناولله.... واسعدتنا ... لك التحية والاجلال.... ولجميع أهل ومحبي هذه المدينة الناعمة...
Post: #232 Title: Re: الخرطوم زمان Author: حسن عبدالله Date: 08-20-2008, 09:08 PM Parent: #231
Quote: وعدى شارع الجمهوريه يلاقوك بنات البريد الساعة السادسه مارقين من الورديه محلات اسندكو واشهر ماركات القمصان سودان بوك شوب تطلع منها شرق تلقى يمينك مخازن الخرطوم العموميه ال KGS وقصادها وكالة جامبو للسفر والسياحه ثم مرطبات زكى وبعدها فى الناصية سلوى بوتيك وقصادها فى البرنده الخطوط البريطانية, والفرنسيه , وقصادهم من الشرق مبنى الخطوط السودانية الذى اصبح فيما بعد بنك فيصل هنا بقينا فى بداية شارع الجمهورية بعد المحطة الوسطى واجزخانة كمبال ثم الزقاق الفيه استديو محمدين وفى الجانب الاخر شركة سنجر
Quote: يمينك دكان جسن صالح حاج خضر بتاع العجلات الرالى ثم ودملاح
طبعايا حيدر الصف دا بيبدأ بي دكان جميل كبابة و يليه نصف دكان للاحذية البلدية ( دكان عبدالرحيم) ثم الحاج علي المغربي ثم دكان عبدالله سيداحمد ثم حليم شفيق فمخازن العامل , زقاق يليه دكان سليمان و حسن صالح خضر ثم دكان باتا ففضل المولي محمد ملاح
اخى ابراهيم تعرف انه ذاكرتك قويه جدا ماشاء الله ياخوى انت قريت فى الخرطوم الاهليه (محمد حمزه) ولا شنو لانه كلامك ده كلام زول عاش فترة طويله فى الحته دى
ابدا و الله يا حيدر بس الوالد رحمة الله عليه كان مشاركا في دكان العم عبدالله سيداحمد و كنت شديد الالتصاق به يافعا و لم تمر اجازة مدرسية الا و انا هنالك
و طبعا بي شقاوة الطفولة جبت تلك الديار يمنة و يسرة
Quote: طبعايا حيدر الصف دا بيبدأ بي دكان جميل كبابة و يليه نصف دكان للاحذية البلدية ( دكان عبدالرحيم) ثم الحاج علي المغربي ثم دكان عبدالله سيداحمد ثم حليم شفيق فمخازن العامل ,زقاق يليه دكان سليمان و حسن صالح خضر ثم دكان باتا ففضل المولي محمد ملاح
انا ما متأكد بس فى راسى انه دكان حسن صالح خضر وملاصق ليه خضر صالح خضر والمحلين لبيع العجلات وخصوصا الرالى فى ذاك الزمان ولا شنو , طيب بالله اعمل لينا جوله فى الحته المعقده ديك وانت طالع من محلات عبده تادرس متجه جنوبا الى ان تصل موقف البصات ثم تتجه غربا وكانك ماشى الوطنيه غرب او دار الرياضه ,,,, محلات ناس الكوبانى وسيحه والقهوة التى كان يستريح فيها جمهور الكوره ليشربو شاى المغرب وهم فى طريقهم من محطة الباصات فى ميدان الامم المتحده الى دار الرياضه او السينما
الشارع بتاع ناس عبدو تادرس دا اسمو شارع هاشم بك بيدأ من دكان عبدو تادرس يمينا و جميل كبابة شمالا و ينتهي في تقاطع شارع المريديان
الجهة اليمني بعد عبدو تادرس في ثلاثة دكاكين مع بعض مغلقة منذ ايام التأميم و اظنها تتبع لمجموعة مرهج يليها بعد التقاطع مكاتب شركة البلوبيرد البريطانية احد افرع سودان ميركنتايل تخصصت في عربات المورس بعد المكاتب يوجد دكان منجد عربات لا اذكر اسمه ثم محلات النعيم للساعات فدكانين لباتا ثم باركليز
الجهة اليسري دكاكين كبابة و و دكان عزت بسادة الناظر
في التقاطع متجها شرق توجد مخازن الصافي و مجموعات دكاكين اخري للاقمشة اشهرها ابراهيم عتيبة و احمد كمال
بتتذكر حاجة اسمها البيون هوتيل يا حيدر ؟
Post: #240 Title: Re: الخرطوم زمان Author: abubakr Date: 08-21-2008, 04:18 AM Parent: #1
صورة للخرطوم قديمة جدا
Post: #241 Title: Re: الخرطوم زمان Author: abubakr Date: 08-21-2008, 04:23 AM Parent: #240
وصورة اخري-بوست كارد- ربما شارع فيكتوريا وعربية واحدة ..شارع نظيف واشجار ظليلة
Post: #242 Title: Re: الخرطوم زمان Author: abubakr Date: 08-21-2008, 04:28 AM Parent: #1
كلية غردون التذكارية(جامعة الخرطوم) من ناحية الشمالي الشرقي (من جهة كلية العلوم)
Post: #243 Title: Re: الخرطوم زمان Author: حسن عبدالله Date: 08-21-2008, 08:57 AM Parent: #242
عزيزي ابوبكر شوقتنا ليك ولطلتك المفرحة... وطبعا للصور المثيرة للاشجان... وبعد كل الشوف دا صورك الاخيرة لم تفتح عندي امكن لغلاوتها او حلاوتهاوامكن وامكن وامكن نجد لها العذر لشوقنا للخرطوم زمان... لو ممكن شوف الحل واخبرنا ... لك وللجميع المعزة
Post: #244 Title: Re: الخرطوم زمان Author: حسن عبدالله Date: 08-21-2008, 01:34 PM Parent: #243
تسجيل حضور
Post: #245 Title: Re: الخرطوم زمان Author: حسن عبدالله Date: 08-21-2008, 01:41 PM Parent: #244
Post: #246 Title: Re: الخرطوم زمان Author: حسن عبدالله Date: 08-22-2008, 08:38 AM Parent: #245
تسجيل حضور مين هناك؟؟؟؟؟ مستشفى الخرطوم زمان ؟؟؟؟؟؟؟؟
Post: #272 Title: Re: الخرطوم زمان Author: حسن عبدالله Date: 08-25-2008, 02:20 PM Parent: #243
Post: #254 Title: Re: الخرطوم زمان Author: حسن عبدالله Date: 08-22-2008, 09:47 PM Parent: #242
فينك بابوبكر اشتقنا للصور الفريدة عن الخرطوم زمان..
Post: #247 Title: Re: الخرطوم زمان Author: willeim andrea Date: 08-22-2008, 09:37 AM Parent: #1
للاحباب.... جايب ليك معاي ايس كريم لزوم حر اليومين ديل من محلات زكي ( زمان ) .... يمكن يكون اول محل ايس كريم في الخرطوم عموم..... والسودان ككل..... محبتي واحترامي .... وتسجيل حضور ومتابعه في بوستات الجمال
Post: #248 Title: Re: الخرطوم زمان Author: حيدر امين Date: 08-22-2008, 09:48 AM Parent: #247
اهل بيك اندريا
غيب وتعال تلقانا نحن يا نحن
نعم مرطبات زكى الاول ,, وبعدين ظهروا ناس ويمبى ولا وبمبى وما عارف شنو فى عمارة الشيخ مصطفى
وين ود الصايغ؟؟
Post: #252 Title: Re: الخرطوم زمان Author: حسن عبدالله Date: 08-22-2008, 08:06 PM Parent: #248
أهلا بوليم واهل بالموثق الاول حيدر... زكي كان الاول ولم يكن له مثيل وكما قلت اخي حيدر والله ما عارف مين في السوق الان وما اظن الواحد يكون عايز يعرف. بس بيني وبينكم ايس كريم وعصيرات الوقت الحالي اكيد أجمل حسب التقدم الحاصل في طرق تحضيرها.... بس نحنا ناس زمان وبنحب الخرطوم زمان وطبيعة زمان بكل ماكان فيها..... ولن نقبل بالمنافسة المقارنة ابدا ابدا ابدا.... لكم وللخرطوم زمان كل الشوق....
Post: #249 Title: Re: الخرطوم زمان Author: ابراهيم عدلان Date: 08-22-2008, 09:55 AM Parent: #1
نمرة قديمة
Post: #250 Title: Re: الخرطوم زمان Author: ابراهيم عدلان Date: 08-22-2008, 09:57 AM Parent: #1
نمرة جديدة
Post: #251 Title: Re: الخرطوم زمان Author: ابراهيم عدلان Date: 08-22-2008, 09:59 AM Parent: #1
نمرة كاملة عد
بوليس الخرطوم زمان
Post: #253 Title: Re: الخرطوم زمان Author: حسن عبدالله Date: 08-22-2008, 09:29 PM Parent: #251
أهلا بيك ابراهيم تعظيم سلام ليك والعساكر بتاعين الخرطوم زمان..... تقدر يا ابراهيم تعدد الفروقات بين بوليس زمان وبوليس حسه؟؟؟؟؟ أكيد الفروقات كثيرة جدا جدا .... لك التحية ،لبوليس الخرطوم زمان وكمان الان(لا يزعلوا علينا ونبقى في ورطة)
Post: #255 Title: Re: الخرطوم زمان Author: حسن عبدالله Date: 08-23-2008, 03:01 PM Parent: #253
البطولة السابعة في السودان 1970:
]فاز السودان باللقب بقيادة المدرب التشيكي ييري شتاروشت. احتلت غانا المركز الثاني ومصر الثالث. الهداف: العاجي لوران بوكو (8 أهداف)
Post: #256 Title: Re: الخرطوم زمان Author: حسن عبدالله Date: 08-23-2008, 03:18 PM Parent: #255
البطولة الأولى في السودان عام 1957: فازت مصر باللقب بقيادة المدرب مراد فهمي. احتل السودان المركز الثاني وإثيوبيا الثالث. الهداف: المصري محمد دياب العطار "الديبة" (5 أهداف).
البطولة الثانية في مصر 1959: فازت مصر باللقب بقيادة المدرب المجري تيتكوش. احتل السودان المركز الثاني وإثيوبيا الثالث. الهداف: المصري محمود الجوهري (3 أهداف).
البطولة الثالثة في إثيوبيا 1962: فازت إثيوبيا باللقب بقيادة المدرب اليوغسلافي ميلوسيفيتش. احتلت مصر المركز الثاني وتونس الثالث. الهداف: المصري بدوي عبد الفتاح والإثيوبي ووركو منغيستو (3 أهداف).
البطولة الرابعة في غانا 1963: فازت غانا باللقب بقيادة المدرب تشارلز غيامفي. احتل السودان المركز الثاني ومصر الثالث. الهداف: المصري حسن الشاذلي (6 أهداف).
البطولة الخامسة في تونس 1965: فازت غانا باللقب بقيادة المدرب تشارلز غيامفي. احتلت تونس المركز الثاني وساحل العاج الثالث. الهداف: الغانيان بن أشيامبونغ وأوسي كوفي والعاجي أوستاش مينغل (3 أهداف).
البطولة السادسة في إثيوبيا 1968: فازت الكونغو كينشاسا باللقب بقيادة المدرب المجري فيرنك شاناند. احتلت غانا المركز الثاني وساحل العاج الثالث. الهداف: العاجي لوران بوكو (6 أهداف).
البطولة السابعة في السودان 1970: فاز السودان باللقب بقيادة المدرب التشيكي ييري شتاروشت. احتلت غانا المركز الثاني ومصر الثالث. الهداف: العاجي لوران بوكو (8 أهداف).
Post: #257 Title: Re: الخرطوم زمان Author: حسن عبدالله Date: 08-23-2008, 03:37 PM Parent: #256
البطولة العربية أقيمت في الكويت أو العراق على ما أعتقد في عام 1970م. ولقد كان من ضمن الفريق اللاعبين الاتية أسمائهم: 1- ويندر بوث دي 2- مايكل بنجامين 3- وليام أندرية(الغزال الاسمر) 4- نيال دينق 5- حبيب إسطمبولية 6- دود ملوال 7- محمد على الاعيسر
Post: #260 Title: Re: الخرطوم زمان Author: فيصل محمد خليل Date: 08-23-2008, 05:06 PM Parent: #259
الترماي و الحصان في كبري النيل الابيض -ثلاثينات القرن العشرين-
Post: #262 Title: Re: الخرطوم زمان Author: حسن عبدالله Date: 08-23-2008, 06:28 PM Parent: #260
يا فيصل وبارائع انت داسي التحف دي وين ومين علمك تدفع بالقطارة.. والله شحتفت روحنا... نرجو ان تواصل واوعك من الزوقة لك المودة والاعجاب
Post: #261 Title: Re: الخرطوم زمان Author: حسن عبدالله Date: 08-23-2008, 06:25 PM Parent: #259
الموثق حيدر نحن قلنا العندنا وواثقين ما حيظهر واحد ينتقدنا... كرة القدم معشوقة السوانين والاولي والثانية ولن يتوغل في هذه العتمة غير من يجد في نفسة الثقة الكاملة ويكون لديه من الوثائق ما يدعم كل كلمة والا حرب هلال مريخ سوف تصبغ النيلين باللون الاحمر.. شنو رايك؟؟؟؟ انت لها وكلنا من خلفك اشد من ذاكرتك...
Post: #264 Title: Re: الخرطوم زمان Author: فيصل محمد خليل Date: 08-24-2008, 10:40 AM Parent: #261
يا حسن شايف حيدر امين نخى
مابقدر معاي
اخوك حديد
Post: #265 Title: Re: الخرطوم زمان Author: حسن عبدالله Date: 08-24-2008, 10:47 AM Parent: #264
عزيزي فيصل لك التحية وسعيدين بطلتك التي لا تخلو من الاثارة... بس حيدر ما نخى وهو متحفز وفي انتظارك من زمن .... ما عايز اعاتب بس انت اختفيت مننا زمن كأن الخرطوم لم توحشك!!! الكل في انتظار الجديدمن القديم المثير... لك التحية
زى ما قال ليك حسن مانخيت ولا حاجه بس اليومين ديل مشغول بحفل النادى فى مسقط الخميس الجاى ,, ما تجونا ولا اقول ليكم تعالوا فى العيد معانا نانسى عجاج باذن الله,,, وبعدين يا فيصل محضر ليك قنبلتين واحده هنا فى الخرطوم زمان والتانيه فى عقر دارك ارفعوا ايديكم عن خليل فرح وانتظر
Post: #269 Title: Re: الخرطوم زمان Author: حسن عبدالله Date: 08-25-2008, 08:44 AM Parent: #268
الاعزاء جميعا وناس الخرطوم زمان خصوصا... التحية للجميع.... الناس فتحت على الفلوس اقصد الفلوس القديمة... تصور ياحيدر بس الواحد كان يكون معاه الورقة الاولي بس وهي 25قرش ويقول للناس مين قدري؟؟؟؟؟؟\ طرادة (هي ليه كانوا مسمنها طرادة؟؟) والواحد يكون اهم واحد كانت قروش والله. هل من عودة لذلك الزمن الجميل؟؟؟؟؟
فيصل التحفة بعيدا عن عقدة الفلوس يعيد لنا ذكريات الانشاء والتعمير كباري غيرت وجه الخرطوم لك التحية... وتستمر الذكرى العطرة
Post: #270 Title: Re: الخرطوم زمان Author: حسن عبدالله Date: 08-25-2008, 01:38 PM Parent: #269
الاعزاء لا زلنا نبحث عن وثائق كاس افريقيا الذي نظمة السودان وفاز بكاسه... مين فاكر الاحداث ومين عندة الوثائق؟؟؟؟؟ كرة القدم معشوقة السودانين.
Post: #271 Title: Re: الخرطوم زمان Author: حسن عبدالله Date: 08-25-2008, 02:17 PM Parent: #270
Post: #274 Title: Re: الخرطوم زمان Author: حسن عبدالله Date: 08-25-2008, 03:39 PM Parent: #271
كاس افريقيا 1970 عزيزي جيدر افتكر كدة نكون سهلنا ليك مهمة اعدة ذكرى كاس افريقيا 1970 البداية تحيد اسماء لاعبي الفريق البطل؟؟؟؟ هي
Quote: كاس افريقيا 1970 عزيزي جيدر افتكر كدة نكون سهلنا ليك مهمة اعدة ذكرى كاس افريقيا 1970 البداية تحيد اسماء لاعبي الفريق البطل؟؟؟؟ هي
معظم اللاعبون في الصورة اعلاه شاركوا في نهائيات كأس افريقيا التي فاز السودان بكأسها في 1970
Post: #276 Title: Re: الخرطوم زمان Author: حسن عبدالله Date: 08-25-2008, 04:15 PM Parent: #275
عزيزي عدلان لك الشكر عزيزي دا انت كدة قطعت قول كل خطيب.... كل اللعيبة اكيد هلال مريخ الا القليل... لك التحية
Post: #277 Title: Re: الخرطوم زمان Author: حسن عبدالله Date: 08-25-2008, 06:17 PM Parent: #275
بالله شوفوا العظمة دي سبت دودو سمير أمين زكي عوض كوكا نجم الدين
ديم صغير كوارتي
جادالله جكسا بابكر سانتو عمر النور
كيف لا ينالوا كاس افريقيا؟؟؟؟؟؟؟؟؟؟
Post: #278 Title: Re: الخرطوم زمان Author: حسن عبدالله Date: 08-25-2008, 09:01 PM Parent: #277
أخي حيدر سلام اليك اينما كنت منتظرين توثيقك لكاس الامم الافريقية 1970 و
فيصل
وعدنا بالصور!!!!!!!!
مين يكون أول؟؟؟
Post: #279 Title: Re: الخرطوم زمان Author: فيصل محمد خليل Date: 08-26-2008, 04:46 AM Parent: #278
الجامع الكبير
يا حسن تعال مع بعض نهدي هذه الصورة للاخ حيدر
Post: #280 Title: Re: الخرطوم زمان Author: حسن عبدالله Date: 08-26-2008, 12:11 PM Parent: #279
فيصل التحفة لك التحية... حيدر الايام دي عامل مشغول مع اكل العيش الله يعينة. بس كدي قول لي العربية القديم الجامع دي تكون موديل كم؟؟؟؟ ممكن تكون قبل شنو كدة بالتقريب!!!!!! نحن معاك من تحفة لتحفة والي الملتقى
Post: #281 Title: Re: الخرطوم زمان Author: حسن عبدالله Date: 08-27-2008, 12:11 PM Parent: #280
تسجيل حضور
Post: #282 Title: Re: الخرطوم زمان Author: حسن عبدالله Date: 08-27-2008, 01:19 PM Parent: #281
إسماعيل الأزهري
إسماعيل الأزهري (1900-1969م) رئيس وزراء السودان في الفترة 1954 - 1956 م ورئيس مجلس السيادة في الفترة 1965 - 1969 م رافع علم استقلال السودان.
ولد في بيت علم ودين، تعهده جده لأبيه السيد إسماعيل الأزهري. تلقى تعليمه الأوسط بواد مدني، كان نابهاً متفوقاً، التحق بكلية غردون عام 1917م ولم يكمل تعليمه بها. عمل بالتدريس في مدرسة عطبرة الوسطي وأم درمان، ثم ابتعث للدراسة بالجامعة الأمريكية ببيروت وعاد منها عام 1930م. عين بكلية غردون وأسس بها جمعية الآداب والمناظرة. كان ضمن الوفد الذي ذهب إلى بريطانيا عام 1919 م ليهنئها على انتصارها في الحرب العالمية الأولى.
و عندما تكون مؤتمر الخريجين انتخب أميناً عاماً له في 1937 م. تزعم حزب الأشقاء الذي كان يدعو للاتحاد مع مصر في مواجهة الدعوة لاستقلال السودان التي ينادي بها حزب الأمة. عارض تكوين المجلس الاستشاري لشمال السودان والجمعية التشريعية. تولى رئاسة الحزب الوطني الاتحادي عندما توحدت الأحزاب الاتحادية تحته. في عام 1954م. انتخب رئيساً للوزراء من داخل البرلمان وتحت تأثير الشعور المتنامي بضرورة استقلال السودان أولا وقبل مناقشة الاتحاد مع مصر، و بمساندة الحركة الاستقلالية تقدم باقتراح إعلان الاستقلال من داخل البرلمان فكان ذلك بالإجماع.
تولى منصب رئاسة مجلس السيادة بعد قيام ثورة أكتوبر 1964 م إبان الديمقراطية الثانية.
اعتقل عند قيام انقلاب مايو 1969 م بسجن كوبر وعند اشتداد مرضه نقل إلى المستشفى إلى أن توفي بها.
Post: #283 Title: Re: الخرطوم زمان Author: حسن عبدالله Date: 08-27-2008, 02:15 PM Parent: #282
Post: #285 Title: Re: الخرطوم زمان Author: حسن عبدالله Date: 08-27-2008, 04:50 PM Parent: #284
عدلان المبهر دا فعلا زول ما عادي قراءت عنه في مناسبة مؤتمر الخرطوم الذي خصص لدعم مصر بعد الهزيمة. كانت المشكلة كيف يمكن دعوت الملك فيصل (كان في خلاف مع عبدالناصر) وقال الرجل الغير عادي : اتركوا هذا الامر لي وكانت المفاجاءة انه كان من القليلين الذي يدخلون للملك فيصل بدون استأذان وكانت المفاجاءة الثانية ان الملك فيصل قال له ادري لماذا انت هنا وانا موافق على اي شئ تامر به!!! وطبعا شارك الملك فيصل وتمت المصالحة مع عبدالناصر بل كان الملك فيصل هو اول المتبرعين
انا جايكم بس اخلص من حفلة النادى السودانى بكره وبالمناسبه الدعوه مفتوحه لو تشرفونا وبعدها بيومين اخلص كمان من المراجعين جماعة KPMG وبعد كده جايكم مع زمن عبود,,,,
اخوى عدلان منتخب سنة 67 الجلوس قبل الاخير ما جيمس ده على الزبير مدافع الفريق الاهلى السودانى وفريق برى
شفته يا فيصل برى كان فيها الزمن داك 4 فى الفريق حسبو الكبير والصغير حارس المرمى النور عبد القادر وعلى الزبير عبد الكافى وقتها ما انضم للفريق ... انتو كان عندكم منو يا ربى
البطولة العربية أقيمت في الكويت أو العراق على ما أعتقد في عام 1970م. ولقد كان من ضمن الفريق اللاعبين الاتية أسمائهم: 1- ويندر بوث دي 2- مايكل بنجامين 3- وليام أندرية(الغزال الاسمر) 4- نيال دينق 5- حبيب إسطمبولية 6- دود ملوال 7- محمد على الاعيسر
تصحيح لعزيزنا الفاضل حسن عبدالله
البطولة العربية للسلة والتي أقيمت في الكويت عام 1975 .. وفاز السودان على العراق في النهائي ب 81/76 .. حقيقة لم يكن اللاعب الفز وندر بوث ديو من أعضاء ذلك المنتخب وإيضا وندر لعب في فترة الستينات ولم يعاصر معظم لاعبي المنتخب المذكور أعلاه.. وندر إنتقل منذ عام 1967 لنادي الزمالك المصري وأستقر بعدها بمصر..
التصحيح الثاني هو أن مدرب فريقنا القومي لكرة القدم والذي فاز ببطولة أفريقيا عام 1970 كان المرحوم عبدالفتاح حمد و يعاونه المرحوم عثمان الصبي ..
تلفون الزعيم الأزهري كان 52001 والنميري كان 52004 القصر الجمهوري كان 71001 شرطة النجدة 888 مطافي أمدرمان 52111 استعلامات المطار 71100 الرأي العام 71073 الصحافة .. 71038 الإسعاف أمدرمان 555 الإسعاف الخرطوم 777 الجماعة كانوا يطلقون عليه الكوتشينة!
Post: #289 Title: Re: الخرطوم زمان Author: حسن عبدالله Date: 08-28-2008, 08:22 AM Parent: #288
malamih خفت اغلط واكتب اسم مختلف فاحسن يكون تماما كما هو!!!!! مبرك أهل الخرطوم زمان ظهر موثق أخر... دا اكيد ما ممكن تكون عند احد ارقام هواتف الشخصيات والمواقع المهمة دا اكيد حلم..... malamih الله يحفظك.... هل الاسم هو ملامح؟؟؟؟؟؟ وهلا بيك وبكل محبي الخرطوم زمان....
Post: #290 Title: Re: الخرطوم زمان Author: حسن عبدالله Date: 08-28-2008, 08:29 AM Parent: #286
الموثق حيدر لك التحية ومشتاقين والله... وبعدين مع احتفالات النادي المش عايز تخلص دي؟؟؟؟؟ لك الحق تفتخر بنادي بري لكرة القدم والواحد لا زال يذكر القلق الكبير الذي كان يسببه فريق بري للعمالقة الهلال والمريخ.. نحنا في انتظارك بالجديد من القديم المدكنه بس اسرع قبل ما يدخل فيصل ويخرب عليك.... لك التحية وللسوان الحبيب في كل مواقع تجمع هذا الشعب الفريدالسمح ...
Post: #291 Title: Re: الخرطوم زمان Author: حسن عبدالله Date: 08-28-2008, 01:39 PM Parent: #290
malamhi ملامح الفنانة.... نشكرك على الملاحظة ونرجو ان تكون صحيحة... البوست فيه وليم اندرية وهو متخصص سلة رغم انه ليه مدة بعيد عنا لكن نأمل ان يطل علينا هو او غيره لتأكيد المعلومة رغم انك واضح دقة المتابعة.... لجميع التحية تحية زمان وتحية هسة وتحية زروق.
مؤتمر القمة العربي في الخرطوم1967 استقبال الوفد الاردني
Post: #299 Title: Re: الخرطوم زمان Author: حسن عبدالله Date: 08-29-2008, 09:11 AM Parent: #295
مؤتمر القمة العربي1967 قبل حرب اسرائيل في عام 1967وغزو اجزاء من مصر وسوريا والاردن وضياع القدس، كان الموقف العري غائصا الى اخمص قدمية في الوحل السياس وكانت الخلافات العربية قد وصلت مرحلة شبيهة بالتي آلت اليها عندما وقعت مصر اتفاقية كامب ديفيد.. الموقف العري زمان لا يختلف كثيرا مما كان عليه قبل 1967. بإعلان النكسة او الانتكاسة رفعت ألام الحداد وتوقفت الأناشيد وتطايرت الإشاعات وتبودلت الاتهامات واختفت وجوه، وستقال عبدالناصر ثم عاد وبدا العالم العربي يصحو من سكرات الموت ويفيق إلي نفسه فيحس بحاجته الماسة إلى التضامن والوئام من أجل الصمود فتبدأ الاتصالات وتهيأ الرحلات وتنتهي كلها بأن يقف الملوك والرؤساء على جيل التوبات بكرري (الخرطوم) فيعلنون الصفاء وتطير من فوقهم حمامات السلام والحب ويقبل بعضهم على بعض يتلاومون ثم بالاحضان يتقابلون ويتعانقون ويفلح في نهاية المطاف والطواف السعي الطويل العريض المغفور له محمد أحمد محجوب رئيس وزراء السودان آنذاك بأن يهيئ للقاء اول مؤتمر قمة عربي بعد حرب 67 في الخرطوم.... ذلك المؤتمر الذي انتهى الي قراراته الشهيرة اللالات الثلاثة....
Post: #298 Title: Re: الخرطوم زمان Author: حسن عبدالله Date: 08-28-2008, 05:56 PM Parent: #297
الانسان الراقي ابوبكر: سلام سوداني خالص للسوانين الحلوين. بالله مش معي الف حق اسافر ليك عمان عن طريق حلفا؟؟؟؟؟ اسعدتنا والله بطلتك من جديد بس كيف نقدر نمسكك معانا حتى لو لساعات؟؟؟ حيدر قال خلاص مهمتة(اختفالات النادي السوداني) قربت تخلص وحيفضى لينا!!! انت عايزين نصل معاك لاتفاق بسيط واكيد حتقدر عليه: هو ان تعرض كافة الصور العندك وتحكى عن ذكرياتك عن الخرطوم زمان!!!! التحية للجميع ودعوة لنتأمل الصور اعلاه....
نعم نطقك صحيح لإسمي البوردابي ملامح .. وأسمي الحقيقي عادل نجيلة.. ولدت بأمدرمان حي الهاشماب على يد المرحوم د مبارك الفاضل شداد .. يوم قفلة المولد النبوي الشرف .. ترعرعت ما بين الهاشماب و ألركابية و المسالمة حيث منزل الجد و الخيلان .. قائمة بأطباء زمان أمدرمان شارع الدكاترة وأشهرهم:
النور عبدالمجيد أخصائي أمراض القلب زكي منصور الباطنية أحمد صابر الأطفال مكي الشيخ العيون سيد أحمد قريش العيون أبراهيم الحضري باطنية فؤاد عبده أطفال - باطنية موريس سدرة باطنية
وتوجد صيدلية النجاح و الصيدلية الوطنية .. مرطبات وقهاوي .. يوسف الفكي ميامي .. إكسبريس .. وأحسن فوال كان عرمان شارع العدني المتفرع من شارع كرري .. دار فلاح للفن الشعبي .. مكتبة أمدرمان المركزية.. نأتي لدار الرياضة بأمدرمان و شخصياتها.. ولك الشكر للتوثيق
Post: #300 Title: Re: الخرطوم زمان Author: abubakr Date: 08-29-2008, 10:06 AM Parent: #1
Quote: هو ان تعرض كافة الصور العندك وتحكى عن ذكرياتك عن الخرطوم زمان!!!!
ياابوعلي ..اكييد اية صورة اتحصل عليها ساعرضها هنا ... انا غائب عن الخرطوم لاكثر من عقود ثلاث وما زرتها الا لاسابيع متقطعة في فترات متباعدة وكنت قد خرجت منها متكاسلا رافضا الغياب علي ان اعود حالا ولكن هي الدنيا ..كان الكثير من جيلي والذي سبقه يري السفر بعيدا عن السودان امرا شاقا وغير مبرر ولذا لم تكن ذاكرتنا تخزن كثيراعنها بحكم اننا فيها ولن نغيب عنها ..ولاهلي النوبيين تجارب مغايرة في الاغتراب كثيرة كانت تطول فاستعانو بالذاكرة كمخزن لكل المشاهد النوبية وحين اتت الهجرة القسرية اذكر وكنامجموعة في بدايات الصبا خرجنا نزور كل قرية وجزيرة مشيا علي الاقدام في معظم الحالات وقليل ان وجدنا لوريا يحملنا فلقد كانت السيارات معدودة ولذا استعنا بذاكرتنا نخزن فيهاما استطعنا ولم تكن الكاميرات متوفرة الا عندا لقليل .. كنا متيقيين اننا لن نري تلك القري والجزر مرة اخري... حالة الخرطوم تختلف حيث لم نكن مستعديين نفسيا لنتركها ومتيقنيين - بعناد انها هي الاجمل كما هي- باقية كما هي ....تلك الخرطوم كانت تعافر لان تحتفظ بمعالم حضرية من طرق نظيفة ومرافق بدت لنا كافية وماهي الا ما تركه لنا المستعمر وقد كان قد اسس ما يكفي لرفاهية موظفيه ومن يعمل من اهل السودان تحت مظلته وليتمكن من حكم بلاد اتسعت رقعتها وكثرت مدنها وقراها متباعدة ...لم تضييف اجيال ما بعد الاستقلال الاولي كثيرا الي تلك المرافق والبنية التحتية وانما حملوها اكثر من طاقتها وتجاهلو صيانتها وانشغلو بصراعات كراسي السلطة وحتي حين كانت تضاف مبان او مرافق فلقد كانت دون تنسيق قومي مسبق وللان فان لوائح وقوانين المباني والتطويير العمراني واستعمالات الاراضيوادارة المشاريع (وهذا مجال تخصصي) عشوائية وذات مزاج سلطاني وتجاري... خرطوم اليوم ليس لها صلة كبيرة بتلك التي كانت فالاضافات العشوائية المزاجية وبؤس المرافق والبنية التحتية جعلت منها فاقدة لشخصية عمرانية مستدامة...واضافات بعض جسور ومباني عالية هنا وهناك لا تعني تطورا عمرانيا مستداما فالمدينةالممتدة تفقد النظافةوالخدمات الاساسية وعلاج ذلك مكلف وصعب وربما مستحييل دون ازالات لكثير من المباني لتوسييع الطرق وخدمات تحتية وهذه الاضافات تعقد الامر اكثر...لكل مدينة سعة قصوي تحدد عند انشاؤها ولفترة زمنية قادمة او حين يراد الاضافة يكون وفق دراسات وتنسييق علي مستوي عال علمي وتنفيذي اما الذي حدث للخرطوم سواء لمخطط ما قبل الاستقلال او الذي اتي به الاغريقي دوكسيادس في مطلع عقد ما بعد الاستقلال فلقد تجاوزته شلل السلطة بمزاج شخصي بائس سيكلف اجيال قادمة الكثير ..ومن الحكمة البحث من الان عن عاصمة جديدة وفق معطيات الزمن ومستقبل السودان موحدا او مجزءا تفاديا لهدر مخيف لاموال تصرف عشوائيا في مبان وطرق وجسور دون تنسيق عمراني شامل مستقبلي ومستدام وخدمات تحتية ...
Post: #305 Title: Re: الخرطوم زمان Author: حسن عبدالله Date: 08-30-2008, 08:17 AM Parent: #300
عزيزي ابوبكر الله يكرمك ويزيدك من عزه كمان وكمان. الذاكرة دي كل الناس تتمناها.... طرحك عن الحاصل في الخرطوم فيه ابداعات فنان.. بس كان ضروري نذكر ان الانجليز كان يعملوا من اجل هدف واحد فقط هو يلموا كل ما يقدروا عليه باقل تكلفة. ومنهم اتعلم الصوفية الهبروا ملو.. لذلك تركوا الخرطوم بل وكل السودان وكل الدول التي استعمروها. خالية من اي بنى تحتية. حتى كلية غردون (جامعة الخرطوم) كان الهدف منها تخريج عدد محدود من السودانين يتكلموا الانجليزية لمساعدتهم في مهمتهم ... واكيد الان لو خرجوا من قبورهم (لو عندهم قبور) حيكونوا ندمانين ان مشروع الجزير كان ممكن يكون اكبر ومنتجاته مختلفة.. وطلبعا لو لقو البترول كانوا بدعوا فيه.. لك التحية ولكل المشاركين في البوست
Quote: الاعزاء لسه ما في واحد قال حصر حفلة الفنان جيمي كليف في مريديان. امكن اكون كنت بحلم؟؟؟؟؟
جيمي كليف يشاهد كثيرا في السودان منذ السبعينات (اسمه في جواز السفر James Chambers) لزيارة موالد ومواسم الطرق الصوفية و بعض الموسيقيين بالخرطوم وكثيرا ما يشاهد حتى اليوم في حلقات المديح والذكر (اعتنق الاسلام في 1972) كان يعتبر فندق المريديان مركزه في السودان ومن اصدقاءه كمال كيلة وقد التقيت به انا شخصيا في يناير 1985 وقال لي فيما قال انه كانت هناك محاولات لاقامة حفل في استاد الخرطوم في 31 ديسيمبر 1980 لكن تعثرت المحاولة لعدم وجود امبلفايرات وسماعات مناسبة وكانت تكلفة استاجار وشحنهامن مصر (وهي اقل التكاليف) تكفي وحدها للعصف بميزانية اي متعهد او منظم او حتى الراعي المتوقع للحفل (تلفزيونات نورماندي)
اماحق شركات الانتاج المالكة لحقوق اعمال جيمي كليف فكان مبلغ عال يستعصي معه بيع مايكفي من التذاكر باسعار متاحة للجميع لتعويضه
ولم اسمع منه انه اقام حفلة او قعدة في السودان ولكن سمعت من احد مرافقيه (اظنه مدير اعماله واخيه فيكتور) انه كان يزور مجموعة "جاز" وتعاون معهم في بروفاتهم ومن المحادثة استنتجت انه كان يتعاون مع الجيلاني واثق وفرقته اثناء تواجدهم بصالة اتحاد التنس.
Post: #303 Title: Re: الخرطوم زمان Author: حسن عبدالله Date: 08-30-2008, 08:01 AM Parent: #301
لك التحية والد صفوت وين انت من زمان رغم انك لم تؤكد حفلة مريديان يكلفي انه يزور السودان باستمرار... بس حفلة مريديان دي انا حضرتها بنفسي... ولي قريب في مريديان هو الدعاني. باذن الله القى عنده صور عن الحفل للتاكيد هذه الحادثة...
شكرا لمداخلتك. وخليك معانا ... نحن نوثق للخرطوم زمان وفي حاجة لامثالك...
Post: #304 Title: Re: الخرطوم زمان Author: فيصل محمد خليل Date: 08-30-2008, 08:14 AM Parent: #303
jimmi kliff
Post: #306 Title: Re: الخرطوم زمان Author: حسن عبدالله Date: 08-30-2008, 08:24 AM Parent: #304
فيصل التحفة لك التحية ... ولجيمي كليف اينما كان... احد الاخوان قال ان الراجل تصوف وهو يجول في السودان الحبيب مع المحبين.... انا سبق وتحدثت عن حفلة له في مريديان.... هل سمعت عنها؟؟؟؟؟ انا حضرتها بنفسي دعاني واحد قريب يعمل بمريديان ولا زال. انشاء الله سوف ابحث عن صور اكيد في الفندق عملوا صور احتفظوا ببها ...
تلفون الزعيم الأزهري كان 52001 والنميري كان 52004 القصر الجمهوري كان 71001 شرطة النجدة 888 مطافي أمدرمان 52111 استعلامات المطار 71100 الرأي العام 71073 الصحافة .. 71038 الإسعاف أمدرمان 555 الإسعاف الخرطوم 777 الجماعة كانوا يطلقون عليه الكوتشينة!
ياخي نسيت اهم نمرة شكاوي الادارة المركزية 77256 كمان الترنك الترنك للمكالمات الداخلية 90 الترنك للمكالمات الدولية 91
Post: #307 Title: Re: الخرطوم زمان Author: فيصل محمد خليل Date: 08-30-2008, 09:15 AM Parent: #302
الجامع الكبير
Post: #308 Title: Re: الخرطوم زمان Author: حسن عبدالله Date: 08-30-2008, 10:43 AM Parent: #307
عزيزي فيصل لك التحية لازالت التحف تتناثر من مخزونك الوافر... فين صور مؤتمر الخرطوم ؟؟؟؟ لا حدثتنا ولا فرجتنا عن مؤتمر الخرطوم؟؟؟ لك وللجميع التحية
Post: #309 Title: Re: الخرطوم زمان Author: حسن عبدالله Date: 08-30-2008, 07:47 PM Parent: #308
مؤتمر قمة الخرطوم قيل انعقاد المؤتمر في الخرطوم بدأ السيد محمد أحمد محجوب بوصفة المضيف بالزيارات التقليدية للملوك والرؤساء العرب في محادثات استطلاعية استكشافية تهدف الى تقريب وجهات النظر وحصر الحلافات الطاحنة المزمنة إلى أضيق حيز ممكن وقد كانت الخلافات العربة قبل المؤتمر حادة وعنيفة ومعقدة ومتشابكة. خاصة فيما يتعلق بجهور الخلاف أو قمة الخلاف العربي آنذاك بين المغفور له الملك فيصل والرئيس الراحل جمال عبدالناصر وذلك بسبب الصراع والخلاف حول حرب اليمن ثم النكسة... قال محمد أحمد محجوب (لم اخف في حياتي من مواجهة شئ قدر خوفي من الغد)
Post: #310 Title: Re: الخرطوم زمان Author: حسن عبدالله Date: 08-30-2008, 08:13 PM Parent: #309
Post: #311 Title: Re: الخرطوم زمان Author: حسن عبدالله Date: 08-30-2008, 08:49 PM Parent: #310
الزعيم الازهري وصورة اخرى للرفع علم السودان
Post: #312 Title: Re: الخرطوم زمان Author: حسن عبدالله Date: 08-31-2008, 08:11 AM Parent: #311
وتتواصل مسيرة قمة الخرطوم
Post: #313 Title: Re: الخرطوم زمان Author: حسن عبدالله Date: 08-31-2008, 12:49 PM Parent: #312
Post: #315 Title: Re: الخرطوم زمان Author: حسن عبدالله Date: 08-31-2008, 03:27 PM Parent: #314
عزيزي عدلان لك التحية والتبريكات بمناسبة الشهر الكريم بس كدي قول لي النجدة الخضراء دي كانت سنة كم؟؟؟؟ والعربية نوعها شنو اكيد ما تويوتا؟؟؟ يظهر ان مخزونكم من صور الخرطوم زمان لا ينضب.. لك التحية
الفريق ابراهيم عبود الرئيس الاعلى للقوات المسلحه ورئيس مجلس الوزراء ووزير الدفاع اللواء احمد عبد الوهاب عضو المجلس للاعلى ووزير الداخليه والحكومات المحليه اللواء محمد طلعت فريد عضو المجلس ووزير الاستعلامات والعمل ثم وزير التربية والتعليم الاميرالاى احمد عبدالله حامد عضو المجلس ووزير الزراعة والرى والقوى المائيه طرد بعد ان قاد انقلاب ضد عبود اللواء احمد رضا فريد عضو المجلس ووزير الاشغال اللواء حسن بشير نصر نائب القائد العام ووزير شؤون الرئاسه لمجلس الوزراء اللواء المقبول الامين الحاج عضو المجلس الاعلى اللواء احمد مجذوب البحارى عضو المجلس وزير المواصلات ثم الداخليه ثم المواصلات اللواء محمد نصر عثمان عضو المجلس وزير الاستعلامات والعمل اللواء الخواض محمد احمد عضو المجلس الاعلى - قائد عام الجيش بعد اكتوبر 1964 اللواء محمد احمد عروه عضو المجلس وزير التجارة ثم الداخليه اللواء محمد احمد التجانى عضو المجلس اللواء عوض عبدالحمن صغيرون عضو المجلس اللواء .ا . ح . حسين على كرار عضو المجلس والحاكم العسكرى لمديرية النيل الازرق الاميرالاى محى الدين احمد عبدالله عضو المجلس ووزير المواصلات طرد بعد ان قاد انقلاب ضد عبود السيد مكى المنا وزير الزراعة والرى السيد سليمان حسين وزير المواصلات الدكتور محمد اجمد على وزير الصحة الدكتور احمد على زكى وزير الصحة ( خلف د. محمد احمد على ) السيد زياده عثمان ارباب وزير المعارف ثم الاشغال السيد عبدالماجد احمد وزير الماليه السيد احمد محمد خير وزير الخارجيه والمستشار القانونى للمجلس السيد سانتينو دينق تنق وزير الثروة الحيوانية السيد مامون بحيرى محافظ بنك السودان السيد احمد حسن الضو رئيس الديوان بالقصر الجمهورى السيد محمد احمد ابورنات رئيس القضاء الفريق الفاتح بشاره مدير مكتب الرئيس عبود
Post: #319 Title: Re: الخرطوم زمان Author: حسن عبدالله Date: 09-01-2008, 10:24 PM Parent: #316
عزيزي حيدر اهلا بالعودة للخرطوم زمان. الحمد لله ان احتفالات النادي بمسقط انتهت على خير. وواضح انكم ابدعتم فيها.. شكرا على المداخلة عن قادة انقلاب عبود... ونامل ان نسمع عنهم القديم المثير.... نحن بصدد الحديث عن مؤتمر الخرطوم ذى اللالات الثلاث... شرفتنا وبانتظار القديم المثير.. لك التحية
Post: #320 Title: Re: الخرطوم زمان Author: حسن عبدالله Date: 09-01-2008, 10:28 PM Parent: #318
عزيزي عدلان شكرا على التحف... من اول يوم وانا عرفت ان لك مستودع صور عن الخرطوم زمان... الي متى تحتفظ بها. مين يقدر يسمى قادة انقلاب عبود في الصورة. لكم التحية
Post: #322 Title: Re: الخرطوم زمان Author: حسن عبدالله Date: 09-01-2008, 10:58 PM Parent: #321
شكرا حيدر كيف انتهت الاحفالات أكيدكانت مشرف كما نتوقع. انا كنت متوقع تعرف اسماء العساكر بملابسهم بتاعت الاسكتلندين... اكيد فيصل حيطل علينا ويعدد الباقين من مجلس قيادة الثورة
Post: #323 Title: Re: الخرطوم زمان Author: حسن عبدالله Date: 09-01-2008, 11:11 PM Parent: #322
Post: #324 Title: Re: الخرطوم زمان Author: حسن عبدالله Date: 09-02-2008, 09:03 AM Parent: #323
اختبار افريقي مين يسمي القادة الافارقة في الصورة؟؟؟؟
Post: #325 Title: Re: الخرطوم زمان Author: حسن عبدالله Date: 09-02-2008, 12:43 PM Parent: #324
كاوندا/ الكباكا/ نايريري/موبوتو/المحجوب/تمبلباي/كنياتا/عبدالرشيد علي شارمارك/هيلاسلاسي/ ملتون ابوتي
والله اعلم
رمضان كريم للجميع
الصورة من زاوية اخري ( ديمقراطية السودان محاطة بشمولية بقية افريقيا)
كنا متقدمين ديمقراطيا علي كل افريقيا
Post: #327 Title: Re: الخرطوم زمان Author: حسن عبدالله Date: 09-02-2008, 06:31 PM Parent: #326
عدلان صاحب الكنز المخفي لك التحية وشكرا لك على المداخلة واعتقد انك اصبت في الكثير منهم بس اسمح لي اسألك سرا مين شارمارك دا؟؟؟؟؟ بعد اذنك ننتظر مداخلات الصديقين اللدودين حيدر وفيصل لنصل لاتفاق كامل رغم ان الاتفاق بين السودانين اصبح معضلة.... للجميع التحية وبانتظار المداخلات وتحديد اسماء القادة الافارة في الصورة...
Post: #328 Title: Re: الخرطوم زمان Author: فيصل محمد خليل Date: 09-02-2008, 07:03 PM Parent: #327
شنو يا حسن اخوى شايفك واقع فى موقع انا سودانى وتجيب فى الصور اعمل حسابك نحنا هناك برضو واعضاء فيه وبالمناسبه صاحب الموقع كمان من برى المحس
Post: #339 Title: Re: الخرطوم زمان Author: حسن عبدالله Date: 09-04-2008, 09:59 AM Parent: #338
حيدر الموثق لك التحية ومرحب بالعودة للخرطوم زمان... دا طبعا بعد انتهاء احفالات النادي .وعايز تقرير عنه وصور كمان. مشتاقين لمداخلاتك وتوثيقك.. في تعليقات كثيرة منتظرنها على مافاتك من الخرطوم زمان... اما صاحب anasudani فهو راجل فنان وبحب السودان زينا واكثر وموقعه فنان ... لما كلمته انك عنك سمح لي باستخدام صور من الموقع... اهو حتى وانتو مافيشين بنستفيد منكم..... مرحب بيك
Post: #340 Title: Re: الخرطوم زمان Author: حسن عبدالله Date: 09-04-2008, 12:25 PM Parent: #339
Post: #341 Title: Re: الخرطوم زمان Author: حسن عبدالله Date: 09-05-2008, 11:14 PM Parent: #340
Post: #342 Title: Re: الخرطوم زمان Author: محمد أبوالعزائم أبوالريش Date: 09-05-2008, 11:23 PM Parent: #1
Post: #343 Title: Re: الخرطوم زمان Author: محمد أبوالعزائم أبوالريش Date: 09-05-2008, 11:26 PM Parent: #1
التعديل لحذف الصورة .... يبدو أن الأفعال الهكرية بدلتها بواحدة لا علاقة لنا بها
Post: #344 Title: Re: الخرطوم زمان Author: محمد أبوالعزائم أبوالريش Date: 09-06-2008, 00:08 AM Parent: #1
هبّت الخرطوم في جنح الدجى ضمّدت بالعزم هاتيك الجراح
Post: #345 Title: Re: الخرطوم زمان Author: حسن عبدالله Date: 09-06-2008, 09:20 AM Parent: #344
عزيزي ابوالريش لك التحية ولكل الاحباب.. طولت الغيبة وانقطعت عننا من مدة ثم عدت لنا بالخرطوم بالغبار والكتاحة وثورة اكتوبر الفريدة؟؟؟؟؟ نحن بصدد التوثيق للثورة المجيدة الفريدة... ماذا لديك وماذا لديكم عن اكتوبر؟؟؟؟؟ لك الشكر ونتوقع المزيد...
Post: #346 Title: Re: الخرطوم زمان Author: حسن عبدالله Date: 09-06-2008, 01:50 PM Parent: #345
Post: #347 Title: Re: الخرطوم زمان Author: فيصل محمد خليل Date: 09-06-2008, 03:25 PM Parent: #346
اول طائرة ركاب في العالم في مطار الخرطوم
اهدى لاستاذنا حيدر امين لانو في بوست بهناك غلطنا
في اسمو
Post: #349 Title: Re: الخرطوم زمان Author: حسن عبدالله Date: 09-06-2008, 05:59 PM Parent: #347
الانسان التحفة دا شنو دا يا فيصل؟؟؟؟ انت من زمن كان بوصلوا الركاب للطائرة بالجمال؟؟؟؟
دا اكيد تحدي قوي يا حيدر..... الحق نفسك والا سوف ارفع ايد فيصل فوق معلنا فوزة بالجولة الاولى... يا يا يا الخرطوم دي زمان والان هي تحفة وما في ليها مثيل.... لك الشكر فيصل ونتمنى مواصلة نثر التحف عن الخرطوم زمان
في مداخلة قبل ايام سال الاخ حسن عن موقع قصر الصداقة زمان .. اتصل بي الصديق الكاتب عثمان حامد سليمان وذكرني بان تلك المنطقة كانت تعرف ب"مزارع معلوف " .. وزمان كان لمعلوف اكثر من جنينة في العاصمة اطراف العاصمة المثلثة ومشروبات معلوف من الليمون كانت من اطيب المشروبات زماان ....
Post: #351 Title: Re: الخرطوم زمان Author: حسن عبدالله Date: 09-06-2008, 09:44 PM Parent: #350
عزيزي ابوبكر لك التحية واهلا بالطلة بعد غيبة طويلة حرمتنا فيها من تعليقات القيمة والصور الفريدة... شكرا للمداخلة عن موقع قاعة الصداقة... احد الاخوة قال انها كانت منطقة تابعة للسياحة ... بس اظن ان موقع المتحف القومي كان (غابة) اقصد اشجار كثيفة... نحن في انتظار الحديث عن اكتوبر العظيمة... شنو عندكم عنها. التحية للجميع..
Post: #352 Title: Re: الخرطوم زمان Author: حسن عبدالله Date: 09-07-2008, 12:38 PM Parent: #351
حيدر، فيصل، ابوبكر، عدلان: اين انتم؟؟؟ صايميين ولا شنو؟؟؟ منتظرين مداخلات اكتوبر وكل رمضان والكل بخير لكم التحية
Post: #353 Title: Re: الخرطوم زمان Author: حسن عبدالله Date: 09-07-2008, 09:37 PM Parent: #352
مطربي السبعينات... نبدأ بالبلابل حتى لا يزعل علينا حيدر، فيصل، وابوبكر. قالوا عنهم انهم كانوا طفرة في الغناء النسائي.... اختفوا فجاة
في أكتوبر من العام الماضي أفردت بوست قصدت به التوثيق .. وكان يركّز على أناشيد أكتوبر، أو كما يحلو للكثيرين (الأكتوبريات)، وقد جمّعت مع بعض الأخوة عدداً لا بأس به من تلك الأناشيد، تجده في هذا الرابط: شهر عشرة حبابو عشرة - بوست توثيقي لأناشيد أكتوبر
Post: #370 Title: Re: الخرطوم زمان Author: malamih Date: 09-10-2008, 01:36 AM Parent: #369
العزيز أبراهيم عدلان ..
أعجبني توثيقك للقادة الأفارقة .. ولكن أعتقد أن الثاني من اليمين هو رئيس يوغندا آنذاك الكباكا.. رجائي التصحيح..
تعرف يا عزيزي حسن عبدالله لون عربة بوليس النجدة كان الأزرق .. وليس الأخضر .. كما كانت ماركة فورد تاونس الأمريكية الشهيرة ..
العزيز صفوت شكرآ على تلفون شكاوي الإدارة المركزية .. 77256 .. ودائما كان مشغول ... و توضيح لزيارة جيمي كليف فلقد عزف له في إحدي زياراته فرقة البلوأستارز الشهيرة آنذاك .. وأيضا من أكبر و أجمل الزيارات الفنية هي زيارة فرقة مسرح البلشوي والتي حضرت مع زيارة الرئيس السوفياتي آنذاك ليونيد برجنيف عام 1968 وقدمت بالية بحيرة البجع الشهير لتشاتشفسكي على المسرح القومي .. وساعتها تمت تعديلات للمسرح وأضيفت مساحات خارجية أخرى و غطي المسرح بالثلج الصناعي.. وما زالت تلك المشاهد الرائعة في ذهن الطفولة ماثلة ألى الآن ..
Post: #371 Title: Re: الخرطوم زمان Author: فيصل محمد خليل Date: 09-10-2008, 07:22 AM Parent: #370
السيد عبدرحمن المهدي و تشرشل
Post: #374 Title: Re: الخرطوم زمان Author: حسن عبدالله Date: 09-10-2008, 01:13 PM Parent: #371
فيصل التحفة لك التحية والشكر لمعينك الذي لا ينضب.... رجال بنو السودان وابناء فرطوا فيه.... هل تعود ايام العز ام يستمر الانهيار؟؟؟؟؟
Post: #373 Title: Re: الخرطوم زمان Author: حسن عبدالله Date: 09-10-2008, 01:06 PM Parent: #370
malamih شكر لك على المداخلة والشكر موصول للاخ عدلان وصفوت. انا كنت ابحث عن واحد حضر حفلة لجيمي كليق في فندق مريديان؟؟؟؟؟ الفورد تاونس كانت تجري فعلا في شوارع الخرطوم.... شكرا وللمزيد من التوثيق للخرطوم زمان... ولكم التحية والمجد للسودان
الإخوة الأفاضل: - الأح حسن عبد الله الأخ ملامح الأخ إبراهيم عدلان
الثاني من اليمين هو ملتون أبوتي رئيس يوغندا آنذاك وليس الكباكا..أرجو التصحيح لأنني متأكد من المعلومة لمتابعتي الصحف اليوغندية منذ زمن بعيد.وبالمناسبة كباكا كان ملك بوغندا(Buganda) وليس رئيس يوغندا. وتفضلوا بقبول تحياتي وفائق احترامي وكل عام وأنتم بخير
Post: #432 Title: Re: الخرطوم زمان Author: ماضي ابو العزائم Date: 10-04-2008, 11:49 AM Parent: #429
فعلا الصورة لملتون ابوتى الرئيس الاوغندى فى ذلك الوقت
تحياتى
Post: #372 Title: Re: الخرطوم زمان Author: حسن عبدالله Date: 09-10-2008, 12:56 PM Parent: #369
عزيزي ابوالريش لك التحية دي حاجة تشهي الواحد يرجع يعيد الايام ديك.... كنا صغار وكان يوميا نخرج من البيت علي المدرسة وتكون الباصات في الانتظار في مواقف محددة... والى الخرطوم ونعيش في الحرب الى المغرب والعودة للبيت كاننا فعلا كنا في حرب.. كانت لنا ايام... لك الشكر والتقدير على الذكرة العطرة لاكتوبر...
Post: #377 Title: Re: الخرطوم زمان Author: ابراهيم عدلان Date: 09-11-2008, 04:23 AM Parent: #1
وكان القرشي شهيدنا الاول
Post: #378 Title: Re: الخرطوم زمان Author: ابراهيم عدلان Date: 09-11-2008, 04:27 AM Parent: #1
وتنحي عبود و عاد العسكر الي الثكنات
Post: #379 Title: Re: الخرطوم زمان Author: ابراهيم عدلان Date: 09-11-2008, 04:30 AM Parent: #1
محمد سرالختم الخليفة يتولي شئون البلاد ممثلا عن جبهة الهيئات
Post: #380 Title: Re: الخرطوم زمان Author: حسن عبدالله Date: 09-11-2008, 10:40 AM Parent: #379
صاحب الكنز عزيزي عدلان شكرا لهذا الافتتاح الرائع الذي لخص لكامل الملحمة في 3 صور.. نأمل مشاركة جميع الاخوان لك التحية
Post: #381 Title: Re: الخرطوم زمان Author: حسن عبدالله Date: 09-11-2008, 01:47 PM Parent: #380
Post: #383 Title: Re: الخرطوم زمان Author: حسن عبدالله Date: 09-12-2008, 00:56 AM Parent: #382
الموثق حيدر شكرا على الطلة ياترى تناي في شنو حفل النادي وانتهى بالسلامة.... منتظرنك للحديث عن اكتوبر.... كل الشباب موجودين وفيصل في انتظارك..
Post: #384 Title: Re: الخرطوم زمان Author: حسن عبدالله Date: 09-12-2008, 06:36 PM Parent: #383
أغاني الشيوعيين قبل الثورة: يا يمه يامريم
يا والدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم
طول النهار والليل فى عيني شايلك شيل لكني شادّي الحيل لا خوف عليَّ لا هم هاك قلبي ليك منديل الدمعة لما تسيل قشيها يا مريم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم
مساجينك
مساجينك مساجينك نغرد فى زنازينك عصافيرا مجرحه بى سكاكينك نغني ونحن في أسرك وترجف وأنت في قصرك سماواتك دخاخينك
برغمك نحن ما زلنا بنعشق فى سلاسلنا بنسخر من زنازنا وبنسخر من زنازينك
للسودان مواقفنا وللسودان عواطفنا ولما تهب عواصفنا فما حيلة قوانينك
حبابك عشره بت مقرن النيلين حبابك يا ام عجن بعد العديل والزين حبابك يا المحكره فى المشاعر والفؤاد والعين حبابك يا المغسله بى طهور مويتين
حباب اهلك بيلاعبو الموج مع البردين حبابهم كتفوا ابوطليح على اللقنين حباب قصرك ضبح غردون من الاضنين حباب الخندق العجن الجلود بالطين
سلام يا القلعه بى بدورا وجواهر تاجا سلام يا اب عنجه خورك لاقا نيلو وناجا سلام يا اب روف وودنوباوى ضوا سراجا سلام ديم اب سعد نار الخيم وجاجا سلام الله اكبر فى الفتح دجاجا بى سيوفا ورماحا ولى الحمد سجاجا بحر ابيض فتح ابوابو وقت الحاجه زى ما موسى عدى لا تعب لا حاجه
كلك ادباء من عشـاق وفنانين شالوك فى عيونهم وصوروك تلوين وشاشوبك شعر مطبوع جزيل ورصين فيهو امدر وفيهو الاسـكله وسـتين وعازه الفى هواك نحن الجبال ثابتين ويا فلق الصباح قول لى نهـارك وين ونرعاك فى الفواد بى عناية الحارسين وياكـروان كرومه خليل فرح ما بلين
ويا ود الرضى القلبو انقطع نصـين ترى العبادى ماسك الدابى بى الايدين وود الريح الشارك عتيق حبلين داك الامى والمساح عريس ام زين مع ابو صلاح ونور الكهربائى الزين وفيك الحاج سرور غنى الفراق لمتين وما عارف المفارق قدمو ماش لى وين ويا عازه الفراق طال بى وكلو حنين
Post: #387 Title: Re: الخرطوم زمان Author: حسن عبدالله Date: 09-12-2008, 10:52 PM Parent: #386
ياحيدر الموثق لك الود والشواق الما ليه حد تصور يوم اذيع اوبريت زين العابدين كنت في السودان.... وطبعا المشاعر دي بتثير فينا حنين وشوق للوطن الذي كاد ان يضيع بين طموحات السياسين. ولما الواحد يسمع كلام زي دا من هرم بمقامة زين العابدين يطمئن ان من بين الرؤوس التي تتناطح ناس تحمل هم السودان في القلب. حاجة تفرح. تري هل يوجد بين المتناطحين اليوم من يحمل هم السودان كما حملة زين العابدين؟؟؟؟؟
Post: #388 Title: Re: الخرطوم زمان Author: حسن عبدالله Date: 09-14-2008, 01:04 PM Parent: #387
Post: #389 Title: Re: الخرطوم زمان Author: حسن عبدالله Date: 09-15-2008, 09:38 AM Parent: #388
Post: #390 Title: Re: الخرطوم زمان Author: فيصل محمد خليل Date: 09-15-2008, 10:46 AM Parent: #389
Post: #391 Title: Re: الخرطوم زمان Author: حسن عبدالله Date: 09-15-2008, 09:41 PM Parent: #390
الانسان التحقة يا لروعة طلتك.... كل رمضان وانت والسودان وكل الاحباب بخير.... تصور الناس ديل انا عارفهم واحد واحد... يس انت قول الاسماء وانا اثني...
لك التحية
Post: #392 Title: Re: الخرطوم زمان Author: حسن عبدالله Date: 09-16-2008, 09:23 AM Parent: #391
Post: #393 Title: Re: الخرطوم زمان Author: حسن عبدالله Date: 09-16-2008, 08:16 PM Parent: #392
وحياة أمنا الخرطوم
أشيل شيلي وأشد حيلي
و أموت واقف على حيلي
وأقولك يا أعز الناس
على الوعد القديم جايين
وبين الثورة والسكين
شيوعيين
مين فاكر قطر النضال ؟؟؟؟؟
Post: #394 Title: Re: الخرطوم زمان Author: حسن عبدالله Date: 09-17-2008, 10:39 AM Parent: #393
جامعة الحرطوم 1926
Post: #395 Title: Re: الخرطوم زمان Author: فيصل محمد خليل Date: 09-17-2008, 04:50 PM Parent: #394
الحب والثورة محجوبشريف
مشتاقلك كثير والله للجيران وللحلة كمان قطرالنضال ولى وغالي علي اتدلى محطة محطة بتذكر عيونك ونحن فيالمنفى وبتذكر مناديلك خيوطها الحمرا ما صدفة وبتذكر سؤالكلي متين جرح البلد يشفى متين تضحك سما الخرطوم حبيبتنا ومتينتصفا ****** سؤالك كان بقربنا ويعذبنا ويزيد ما بينا منألفة ويزيدني حماس وكم في قلبي دق نحاس وطار من عيني باقي نعاس أنحنأثنين بنتقاسم هموم الناس وأعاهدك يا أعز الناس أسامحك لو نسيتيني وأهنتيني وبكيتي علي لو في يوم رميت سيفي ورفعت إيدي وخنتالثورة جيت والذلة في عيني حرام عينيك يناغموني ويرحبوا بي حرام إيديكينومن تاني في إيدي ******* بس لكني يا ويلي ويا ويلي أقول يامنو وأقبل وين؟ لامن أخون صباح العين وأخون جيلي أعاهدك يا قمرليلي وحياة أمنا الخرطوم أشيل شيلي وأشد حيلي وأموت واقف علىحيلي وأقولك يا أعز الناس على الوعد القديم جايين وبين الثورةوالسكين شيوعيين وحتى الموت شيوعيين وأقولك يا صباح العين بنادقوين بتمنعنا العديل والزين بنادق وين بنادق وين
Post: #396 Title: Re: الخرطوم زمان Author: حسن عبدالله Date: 09-17-2008, 09:57 PM Parent: #395
فيصل التحقة يا انسان يا رائع... انا كنت عارف حتصلني منك... للمعلومية هي برضة من كلمات محجوب شريف؟؟؟؟ بس كانت ايام... وكان نضال.... وكاس وفرح.. وكان النصر... لكم المودة
Post: #397 Title: Re: الخرطوم زمان Author: حسن عبدالله Date: 09-17-2008, 10:21 PM Parent: #396
Post: #398 Title: Re: الخرطوم زمان Author: محمد أبوالعزائم أبوالريش Date: 09-18-2008, 00:05 AM Parent: #397
الصورة الفوق دي جميلة شديد .. بس أنا داخلني الشك في تاريخها (1964) ... لأنو شايف بصات أبو رجيلة، وأبو رجيلة كانت في السبعينات. طبعاً لو كانت في الستينات كنا شفنا الفيات
Post: #399 Title: Re: الخرطوم زمان Author: حسن عبدالله Date: 09-18-2008, 10:42 AM Parent: #398
الغالي ابوالريش شكرا على الطلة رغم طول الغيبة.... لسه الخرطوم فيها الكثير مما يمكن روايته ......
وشكرا على الملاحظة: باصات (ابورجيلة) واعتقد كلامك تمام وانا لاحظت الحكاية دي بس الصورة لقيتها كده بالتاريخ.. على اية حالة صورة فريدة ونادرة. مين يقدر يسمي المحلات الظاهرة فيها؟؟؟؟ شارع القصر دا؟؟؟؟ ما اظن!!! العمارة الوراء ديك تكون مستشفى الخرطوم؟؟؟ مين يقول؟؟؟ فيصل ؟؟؟ حيدر ؟؟؟ عدلان؟؟؟
Post: #400 Title: Re: الخرطوم زمان Author: حسن عبدالله Date: 09-18-2008, 10:45 AM Parent: #397
ايه دا بعد نظرة ثانية للصورة... وين نحنا وين شارع القصر دا شارع الجمهورية ودي المحطة الوسطى... وعامل بتعرف الخرطوم ......زمان؟؟؟؟
Post: #401 Title: Re: الخرطوم زمان Author: حسن عبدالله Date: 09-18-2008, 12:45 PM Parent: #400
هدية خاصة للتحفة فيصل والموثق حيدر بس نأمل ما تكون مسروقة من البوست بتاع فيصل عن حلفا. مسجد يغرق في حلفا بعد السد....
تعرف يا عزيزي حسن عبدالله هنالك أخطاء فظيعة تحدث في التوثيق.. كما في مثل الصورة أعلاها و التي كتب عليها ( KHARTOUM 1964). هذه اللقطة مأخوذة من ميدان جمال عبدالناصر أو المحطة الوسطى السابقة وهي ما بين تقاطع الطيار مراد و الطيار زلفو مع شارع الجمهورية .. فالصورة تظهر بصين من باصات أبورجيلة الصفراء اللون وهذه البصات أستجلبتها حكومة مايو عام 1972 في العيد الثالث لها وكان الإفتتاح أخذ الناس مجانآ في اليومين الأول 25 مايو و الثاني 26 مايو .. الملاحظة الثانية الإتساخ الظاهر في الصورة لمنطقة ميدان عبدالناصر .. والثالثة أشكال المارة الغير منتظمة و بأزياء مختلفة.. كل هذا يدل على أن الصورة أخذت في فترة السبعينات و من المرجح بين 1976 ألى 1978 فلا يعقل أن تكون هذه لقطة للخرطوم عام 1964 ولقد بنت حكومة عبود وسط الخرطوم وأستجلبت البلاط من إيطاليا و معها النوافير و الشارات المرورية .. وكانت الخرطوم في الستينات تلمع كالبللور وخاصة في الليل .. أن الشخص الموثق للصورة لم يكن دقيقآ وهو يكتب عليها تاريخ 1964 .. وبالتأكيد يا عزيزي حسن ليس أنت.
تعرف يا عزيزي حسن عبدالله هنالك أخطاء فظيعة تحدث في التوثيق.. كما في مثل الصورة أعلاها و التي كتب عليها ( KHARTOUM 1964). هذه اللقطة مأخوذة من ميدان جمال عبدالناصر أو المحطة الوسطى السابقة وهي ما بين تقاطع الطيار مراد و الطيار زلفو مع شارع الجمهورية .. فالصورة تظهر بصين من باصات أبورجيلة الصفراء اللون وهذه البصات أستجلبتها حكومة مايو عام 1972 في العيد الثالث لها وكان الإفتتاح أخذ الناس مجانآ في اليومين الأول 25 مايو و الثاني 26 مايو .. الملاحظة الثانية الإتساخ الظاهر في الصورة لمنطقة ميدان عبدالناصر .. والثالثة أشكال المارة الغير منتظمة و بأزياء مختلفة.. كل هذا يدل على أن الصورة أخذت في فترة السبعينات و من المرجح بين 1976 ألى 1978 فلا يعقل أن تكون هذه لقطة للخرطوم عام 1964 ولقد بنت حكومة عبود وسط الخرطوم وأستجلبت البلاط من إيطاليا و معها النوافير و الشارات المرورية .. وكانت الخرطوم في الستينات تلمع كالبللور وخاصة في الليل .. أن الشخص الموثق للصورة لم يكن دقيقآ وهو يكتب عليها تاريخ 1964 .. وبالتأكيد يا عزيزي حسن ليس أنت.
Post: #406 Title: Re: الخرطوم زمان Author: حسن عبدالله Date: 09-19-2008, 06:30 PM Parent: #405
malamih لك التحية وشكرا للمداخلة والعتب على الغياب الذي طال ملاحظات في مكانة وقد تم التعليق عليها من قبل وربما على اكثر من صورة.... للاسف الصورة وصلتنا وعليها التاريخ وواضح ان التاريخ ليس صحيحا...
Post: #430 Title: Re: الخرطوم زمان Author: حسن عبدالله Date: 10-02-2008, 08:21 PM Parent: #402
العزيزي ابراهيم عدلان لك التحية والشكر على المداخلة والصورة التذكارية دي... الزخيرة دي اصبحت القيادة العامةولا انا غلطان؟؟؟؟ شنو عندك تاني يا عدلان؟؟؟ الخرطوم لسه لا زالت تخفي الكثير....
Post: #407 Title: Re: الخرطوم زمان Author: حسن عبدالله Date: 09-20-2008, 11:07 AM Parent: #404
رأس غردون باشا
Post: #408 Title: Re: الخرطوم زمان Author: فيصل محمد خليل Date: 09-20-2008, 11:18 AM Parent: #407
السيد جوزيف لاقو يصافح السيد ابيلا لاير
في حضور الامبراطور هيلاسلاسي
Post: #409 Title: Re: الخرطوم زمان Author: حسن عبدالله Date: 09-20-2008, 01:37 PM Parent: #408
عزيزي فيصل التحفة وين انت يا راجل والله ليك وحشة.... الصورة بتاعت الفنان مع الزعيم الازهري في كتيرين ما عرفتهم ممكن تعددهم؟؟؟ عندنا برضة الاخ عدلات متخصص شخصيات ام الموثق حيدر يظهر انو عندي مشاغل كتيرة مانعاه مننا... لك التحية
حقيقة الصورة الخاصة برأس غردون باشا دي لقطة البوست .. وهي فعلآ صورة نادرة بجد ... لا تقدر بثمن .. لأول مرة أشاهدها ... wo0o0ow
Post: #411 Title: Re: الخرطوم زمان Author: حسن عبدالله Date: 09-20-2008, 10:01 PM Parent: #410
malamih لك التحية فعلا انا اندهش لما شفتها وطبعا مافي شى يؤكد انها فعلا لرأس غردون. بس وجدتها في موقع سوداني اخر، ومتكوب انها لراس غردون. معرف ان الدراش بعد أن قتلوه قطعوا راسة وذهوبوا به للمهدي. والاغرب ان المهدي كان عايزه حي ليفدي به النحاس باشا... كما تقول احدى الرويات.....
Post: #412 Title: Re: الخرطوم زمان Author: حسن عبدالله Date: 09-21-2008, 10:57 AM Parent: #411
Post: #413 Title: Re: الخرطوم زمان Author: حسن عبدالله Date: 09-22-2008, 01:52 AM Parent: #412
كانت لنا ايام في قلبي ذكراها..ما زلت اطراها يا ليتنا عدنا او عادت الايام
ان انسي ما انسي ذكراك يا سلمي وبكينا ..... والصمت قد عما تحلو لنا الشدوي والحب والنجوي لن انسي نجواك والهمس والبسمة وحرارة الانفاس في قبلتي لما ضمتك يمناي يا سعد دنياي وغفوت في صدري نشوانه بالأحلام
كانت لنا ايام ... كيف انسي ايامي يافكرتي الكبري يا وحي الهامي ملهمتي في الذكري ذكري لياليك في خدر واديك
الليل اهواه في شعرك الناعم والنور والنوار في طرفك الساهر لكن تباعدنا دهرا وما عدنا للوكر ياسلمي او عادت الايام
Post: #414 Title: Re: الخرطوم زمان Author: فيصل محمد خليل Date: 09-22-2008, 09:23 PM Parent: #413
Post: #415 Title: Re: الخرطوم زمان Author: فيصل محمد خليل Date: 09-22-2008, 09:28 PM Parent: #414
Post: #416 Title: Re: الخرطوم زمان Author: حسن عبدالله Date: 09-23-2008, 05:27 PM Parent: #415
فيصل التحفة يا راجل يا بطل هكذا كانت تكلم الايام... تري هل يمكن ان تعود؟؟؟؟ (هذا الشعب البطل يستحق احسن مما هو كائن) هذه العبارة سمعتها من انجليزي عمل في السودان لمدة اربعة اعوام... يقول بالفم الملايان عن السودان وعن هذا الشعب. دي اجمل بلد وناسو اجمل ناس ثم يختم بالعبارة اعلاه (هذا الشعب يستحق احسن مما هو كائن)
فيصل .... تعرف شيقوق غايب مالو؟؟؟ مافى زول عارف سببو غيرى بس انت اسالو حفل العيد كيف والفنان منو.. ولو نكر عندى كلام تانى
Post: #418 Title: Re: الخرطوم زمان Author: حسن عبدالله Date: 09-23-2008, 09:50 PM Parent: #417
حيدر الرائع فين انت يا انسان نحنا قلنا اكيد ضعت وما عرفت الطريق.... والله ليك وحشة... كدي سيبنا من العتاب شنو عندك للخرطوم زمان... من زمان ماسمعنا منك... لك التحية
Post: #419 Title: Re: الخرطوم زمان Author: حسن عبدالله Date: 09-24-2008, 01:15 PM Parent: #418
مقرن النيلين قديم لا تاريخ للصورة للاسف...
Post: #420 Title: Re: الخرطوم زمان Author: حسن عبدالله Date: 09-25-2008, 09:57 AM Parent: #419
الصورة دي منقولة لا اجزم بانها صحيح صورة السطان علي دينار
Post: #421 Title: Re: الخرطوم زمان Author: حسن عبدالله Date: 09-26-2008, 09:02 PM Parent: #420
Post: #422 Title: Re: الخرطوم زمان Author: حسن عبدالله Date: 09-27-2008, 09:41 AM Parent: #421
أكتوبر على الابواب!!!! هل نستطيع الاحتفال والتوثيق لهذا الحدث الاهم في مسيرة هذا الشعب المناضل؟؟؟؟؟
Post: #423 Title: Re: الخرطوم زمان Author: فيصل محمد خليل Date: 09-27-2008, 08:11 PM Parent: #422
Post: #424 Title: Re: الخرطوم زمان Author: حسن عبدالله Date: 09-29-2008, 02:26 AM Parent: #423
العزيزي فيصل التحفة جميلة دائما طلتك وانت اليوم متوشح بكجبار وتقدم لنا الثورة بمحمد الامين.. ترى هل يمكن ان تعود تلك الايام؟؟؟؟ الايام التي خلدها الشعب المناضل البطل... لك التحية ولكل الاحباب
Post: #426 Title: Re: الخرطوم زمان Author: حسن عبدالله Date: 09-30-2008, 10:34 PM Parent: #425
الحبيب حيدر كل عام وانت وجميع الاحباء بخير.... اهو اخيرا ظهر الموثق حيدر بس ياترى حيستمرة معانا ولا مشغول مع النادي.... اهو الموضوع مستمر يا عزيزي جيدر بس كيف نحن نستمر؟؟؟؟ عندك شنو لينا المرة دي لن نسمح لك الهروب.... التحية للجميع للخرطوم الجميلة
Post: #427 Title: Re: الخرطوم زمان Author: حسن عبدالله Date: 10-01-2008, 07:01 PM Parent: #426
احباء الخرطوم الان وزمان لكم التحية.... عادت الخرطوم زمان من جديد... هذه دعوة لكل اهل الخرطوم ان يعيدوا تاريخها القديم والحديث، على اسماع ابناء الجيل الجديد. الوثائق والصور، ما نشرته الصحف والمواقع القديم لتاريخ الخرطوم في الفن والرياضة والبطولات الخارجية والداخلية. أهلا بكل المشاركات في كل الاتجاهات...
Post: #428 Title: Re: الخرطوم زمان Author: حسن عبدالله Date: 10-02-2008, 09:51 AM Parent: #427
Post: #431 Title: Re: الخرطوم زمان Author: حسن عبدالله Date: 10-04-2008, 07:25 AM Parent: #428
الفنانين: ود لحاوي محمدية عثمان حسين وردي المذيعين :
السياسين:
Post: #433 Title: Re: الخرطوم زمان Author: فيصل محمد خليل Date: 10-04-2008, 11:58 AM Parent: #431
Post: #434 Title: Re: الخرطوم زمان Author: فيصل محمد خليل Date: 10-04-2008, 12:14 PM Parent: #433
Post: #435 Title: Re: الخرطوم زمان Author: حسن عبدالله Date: 10-04-2008, 07:49 PM Parent: #434
الانسان التحفة لك التحية وكل عام وانتم بخير بمناسبة العيد السعيد وبمناسبة استمرار الخرطوم زمان.. الله يسعدك... كالعادة تغيب وتطل علينا بالجميل المدهش .... القوات الجوية الملكية دي كانت في نفس مكان مطار الخرطوم حاليا ولا في القيادة العامة؟؟؟ افيدنا يا راجل يا موثق.... شايف الموثق الاخر حيدر اصبح يظهر زي هلال رمضان ويختفي قبل ظهورة كمان... مرة مشغول بالنادي ومرات مشغول ببوست بري... وفاتح لينا... تحياتي للجميع
Post: #436 Title: Re: الخرطوم زمان Author: حسن عبدالله Date: 10-05-2008, 09:46 PM Parent: #435
يا ناس الخرطوم كلمونا عن الخرطوم زمان او حتى الخرطوم هسة اصلا الواحد بقي ما عارف شكلها بقي كيف او في الحقيقة هي كل يوم بقى ليها شكل والشافها امبارح لو راح شافها بكرة اكيد حيقول لا انا غلطان دي ما الخرطوم الشفتها اول امبارح؟؟؟؟؟ الكلام دي صاح ولا انا واحد دايش؟؟؟؟ اية الجديد في شارع القصر وشارع الجمهورية وشارع البلدية وكورنيش النيل العظيم... ولو طلعنا لبرة شوية الكلاكلات والصحافة والاحياء الجديدة جنوبا وشرقا...
Post: #437 Title: Re: الخرطوم زمان Author: حسن عبدالله Date: 10-06-2008, 08:38 AM Parent: #436
تسجيل حضور
Post: #438 Title: Re: الخرطوم زمان Author: حسن عبدالله Date: 10-07-2008, 08:50 AM Parent: #437
سلاطين باشا وتاريخ التأمر الصهيوني على السودان
Post: #439 Title: Re: الخرطوم زمان Author: حسن عبدالله Date: 10-07-2008, 03:20 PM Parent: #438
Post: #440 Title: Re: الخرطوم زمان Author: حسن عبدالله Date: 10-07-2008, 03:21 PM Parent: #438
Post: #441 Title: Re: الخرطوم زمان Author: حسن عبدالله Date: 10-07-2008, 07:48 PM Parent: #440
الملك فيصل، عبدالناصر وعرفات في قمة الخرطوم...
Post: #442 Title: Re: الخرطوم زمان Author: حسن عبدالله Date: 10-07-2008, 09:38 PM Parent: #441
بكري التحفة حيدر الموثق ابوبكر الرائع عدلان صاحب الكنز ابوالريش الرصين وين انتو؟؟؟ ما تحلى الا بيكم....
Post: #443 Title: Re: الخرطوم زمان Author: حسن عبدالله Date: 10-07-2008, 10:00 PM Parent: #442
العزيز فيصل التحفة وين انت.. اسف سقط اسمك سهوا في المداخلة السابقة... عايزين نسمع عن الخرطوم يا جماعة
Post: #444 Title: Re: الخرطوم زمان Author: حسن عبدالله Date: 10-08-2008, 09:08 PM Parent: #443
Post: #445 Title: Re: الخرطوم زمان Author: حسن عبدالله Date: 10-09-2008, 07:42 AM Parent: #444
Post: #446 Title: Re: الخرطوم زمان وهيجتنى الزكرى Author: عادل محمود Date: 10-09-2008, 09:09 AM Parent: #1
احيكم اخوانى اباء الخرطوم حسن عبدالله / حيدرالامين /جعفر اسماعيل/فيصل محمد خليل . زكرتم وابدعتم وياسلام على الخرطوم زمان وناس الخرطوم البقينا نفتش لبيوتن ولمن نلاقى ونتلاقا بناس الخرطوم القدام نبكى وتنحسر على الايام الجميلة التى عشناها وشتان بين الامس واليوم . طبعا انا ود محمود محمد احمد وهو والدى المولود فى السسكة الحديد تحديداالبيت الزاوية على ناصية السكة الحديد وانت نازل من كبرى الحرية متجه جنوب.بيفتح البيت على حى باريس وهناك ولى قدام كانت عيادة الدكتور الويس عبدة تادرس عيادة المساكين ولى قدام مقابر اليهود . اما انا اخوكم الضعيف مولود بالحلة الجديدة سنة 1965 .عمل والدى مع الخواجات والاقاريق وتحديدا فى شركة مستر كوتش وشركة الجزيرة للسيارات ومن ثم انتقل والدى الى شركة ارامكو السعودية بالظهران وراس تنورة ومن محاسن الصدف اننى اعمل الان فى نفس المنطقة التى كان بها والدى عاد والدى بعد فترة اغتراب كانت 3 سنوات من عام 1948 الى عام 1951 واسس ورشته ورشة القابعة الان بالمنطقة الصناعية الخرطوم ورشة الامانة للكهرباء والخراطة فى عمارة اولاد بيومى . كانت الورشة ملتقى لكل الون واطياف المجتمع السودانى اذكر منهم واترحم عليهم سعادة الوزير عبد الماجد ابو حسبو وكان صديق حميم للوالد وطبعا كان متزوج من مصرية ايضا من اصدقاء الوالد المراحيم الاستاذ عازف الكمان رحمه الله على مرغنى وطبعا هو من سكان الخرطوم 3 والخرطوم 3 كان بتزكرنى ب فرن فلفلة وملحمة عمنا القوصى وناس كبروس وعمنا ابوالجاز وم هنا احى اخوانى امير واحمد. انا بقيف هنا وحا احكى ليكم الكتير عن الشفتوا والعشتوا وتعيشوا انتوا يا اخوان اخوكم عادل محمود الدمام
Post: #447 Title: Re: الخرطوم زمان وهيجتنى الزكرى Author: حسن عبدالله Date: 10-09-2008, 09:11 PM Parent: #446
العزيز وافد الجديد للخرطوم زمان... أهلا بيك والبيت بيتك... سعدت جدا بمداخلتك واشكرك على المقدمة الجميلة.. والوصف الوافي عن الخرطوم زمان في منطقتك... من الصدف العجيبة انني ايضا من مواليد الوابورات بس الوابورات الاصل اقصد الخرطوم بحري... وثانيا من السودانية الذين عملوا بشركة ارامكو براس تنورة بس ابوك خرج منها ونحن لسة لم نولدانا عملت بها خلال الفترة من 1979-1986 ... أخي نترغب بشوق شديد لمداخلاتك عن شركة مستر كوتش ومقابر اليهود والحلة الجديدة بشكل عام... ولا تنسي عيادة د/ تادرس...
يعنى يا حسن اولاد دفعه فى السعوديه بس انا كنت فى الخطوط السعوديه ووكالات السفر فى الرياض من 1979 الى 1991
اظنك تعرف المهندس عصام يحى سليمان الضو كان فى ارامكو نفس الفترة
وشويه كده وجاييكم بالجديد الغريب من الخرطوم زمان بس الجماعة هنا حيشغلونا بحفلات نانسى عجاج فى مسقط
Post: #453 Title: Re: الخرطوم زمان وهيجتنى الزكرى Author: حسن عبدالله Date: 10-09-2008, 10:04 PM Parent: #448
الموثق حيدر معقولة بس بعد الغياب دا تجي وتختفي كدة... عصام يحي زميل دراسة قبل ارامكو... انا ما نسيت انك عمدة بري كان مفروض اقول ليك الكلام دا من زمان... بس كدة احسن خليك مشغول مع نانسي عجرم وحفلاتك الما ليها اخر... والله مشتاقين جدا جدا جدا
في زمن الكساد الاقتصادي هذه الايام هاكم صورة من خمسة جنيهات سودانية صدرت 1971 عندما كان مرتب خريج جديد بضع خمس جنيهات لا تتجاوز 6 او 7 وكان الجنيه يعادل ثلاث دولارات وتالت :
Post: #450 Title: Re: الخرطوم زمان Author: فيصل محمد خليل Date: 10-09-2008, 09:41 PM Parent: #449
Post: #455 Title: Re: الخرطوم زمان Author: حسن عبدالله Date: 10-09-2008, 10:20 PM Parent: #450
الانسان التحفة لك التحية والاشواق والله مشتاقين وطولنا جدا من مداخلاتك الرائعة... طلتك تفرح دائما... شكرا لك عارفين انك مشغول جدا بس ضروري نشوفك ولو مرور بس...
Post: #454 Title: Re: الخرطوم زمان Author: حسن عبدالله Date: 10-09-2008, 10:15 PM Parent: #449
الانسان الرائع ابوبكر اهلا والف مرحب بعد طول الغياب والله ليكم وحشة وانت كما انت تغيب وتعود بالروئع ولك الودونرجو المواصلة
برضو في زمن الكساد الحالي نذكر بعض من اجيال كبيرة او قديمة زي حال العبدلله باشهر عملة سودانية لعبت دورا محورا في اقتصاديات جيلي - الطرادة (ربع جنيه سوداني اي حوالي 80 سنت امريكي زمان ):
Post: #457 Title: Re: الخرطوم زمان Author: حسن عبدالله Date: 10-09-2008, 10:25 PM Parent: #452
ابوبكر الرائع لك التحية والشكر على الكرم دا ما قصرت والله... للمعلومية هي كانوا مسمنها طرادة ليه؟؟؟؟
هي دا البحكوا عليها نكتة اخونا شلنكح بتاع بحري: قالوا قدمها لبتاع الدكان وبتاع الدكان عارف ان شلنكح بتاع نكته وحاضر بديه: قال ليه الطرادة دي مالها خفيفة كدة رد عليه شلنكح : امكن وقع منها عسكر. كدي احسبهم
Post: #460 Title: Re: الخرطوم زمان Author: حسن عبدالله Date: 10-09-2008, 10:44 PM Parent: #456
الانسان الرائع ابوبكر لك التحية والود... وشكرا علي الرائعة التي تمثل صورة من صورة السودان الحبيب الثابتة... البلد والوحيد في العالم الذي تباع فيه الجرائد في السوق الاسود......
Post: #465 Title: Re: الخرطوم زمان Author: حسن عبدالله Date: 10-09-2008, 11:50 PM Parent: #464
ابوبكر الرئع لك التحية والشكر على هذا الابداع... شارع النيل العظيم مطاعم السوق العربي كبري بحري كبري كوبر
لك التحية والاعزاز
Post: #466 Title: Re: الخرطوم زمان Author: حسن عبدالله Date: 10-11-2008, 07:10 AM Parent: #465
حضور
Post: #467 Title: Re: الخرطوم زمان Author: عادل محمود Date: 10-11-2008, 09:05 AM Parent: #466
اخى حسن تحياتى واحترمى اليكم؟ طبعا ذكرتنى بالوابورات وبرضو عمى رحمه الله على محمد احمد (الفكى على ) عمل بالوابرات فترة طويلة . من زكرياتى وزكرايتنا مع الخرطوم. طبعا امتداد الدرجة الاولى (ماتسمى بالعمارات من شارع 1 فندق الازز من اشهر معالم الخرطوم زمان الى شارع 61. من هنا قام الفريق ابراهيم عبود بتوزيع قطع اراضى امتداد الدرجة الثالثة وهى تبتدى من مربع 1 الى مربع 14 . والدى كان من ضمن الذين نالوا قطعة ارض بمربع 1 وكان الكلام دهفى نهاية الستينات.(الامتداد ذلك الحى المتفردبحق وحقيقى ) وهو الحى الذى يعتبر نموذج حقيقى للتجانس السودانى الاصيل لان معظم قاطنيه هم سكان الخرطوم الاصليين وهو كان بمثابة التوسعة لسكان الحلة الجديدة والخرطوم 3 والخرطوم 2 (ارجو المرور فى المنبر العام على مكتبة طارق جبريل الامتداد ذلك الحى المتفرد ) سكنا هذا الحى المتفرد وكنا نعبر (معهد اكليات التكنلوجية (كنا نناديها بالكلية المهنية ) والان جامعة السودن الجناح الجنوبى عبورامن الباب الجنوبى الى الباب الشمالى متجهين الى مدرسة السجانة الجديدة الابتدائية وهى علم ومنارة من مناراة العلم فى ذلك الزمن الطيب وانا افتخر بها لاننى تخرجت منها وخرجة كوبة من الزملاء اذكر منه عمر حسن نجيلة بن المرحوم الكاتب والصحفى حسن نجيلة والدكتور طارق بابكر على التوم بن بابكر على التوم معتمد العاصمة ايام حكم النميرى وابناء المرحوم دياب ادريس وعاصم عطا المنان والباشمهند بسام سيداحمد بشركة سكر كنانه يطراهم الله بالخير . بقيف شويه يا اخ حسن وبواصل مره اخرى عشان احكى ليك عن عيادة دكتور لويس عبد تادرس وذكريات طيبه عن الكليه المهنية وماكان يدور بداخلها وما هو شكل طالب هذه الكليات وكيف كانوا يتعاملون معنا ونحن اطفال وما هو الاثر الجميل الذى جعل الذى نلناه من الكليه المهنية وشحذ هممنا فى نيل العلم والتحصيل لى لقاء ولقاء بكم اخوتى
Post: #468 Title: Re: الخرطوم زمان Author: حسن عبدالله Date: 10-11-2008, 08:32 PM Parent: #467
عزيزي عادل شكرا لك هذا السرد الرائع... لو تركز ليناعلى التطور الحصل.. التغير في المنطقة عموماكيف كانت وكيف اصبحت تماما كما بدأت...
Post: #469 Title: Re: الخرطوم زمان Author: حسن عبدالله Date: 10-11-2008, 08:36 PM Parent: #468
أكتوبر 1964 حديث ممتابع عن الثورة
في نحو الساعة التاسعة من ليل الأربعاء 21/ أكتوبر 1964 كان اتحاد طلبة جامعة الخرطوم يعقد اجتماعا في داخلية عطبرة لبحث مسألة الجنوب عندما أمرهم البوليس بفض الاجتماع فلم يفضوه ... اقتحم البوليس الندوة وطوف المكان بالسلك الشائك وألقى بعد ذلك القنابل المسيلة للدموع فهرع الطلبة إلي حجراتهم ثم عادوا ووقع بينهم وبين البوليس صدام استخدم فيه الطلبة الحجارة والزجاج الفارغ واستخدم البوليس القنابل المسيلة للدموع مرات ومرات. استمر هذا الصدام نحوا من ساعة ثم انذر الضابط المرافق للبوليس الطلبة بأنه سيستخدم الرصاص إن لم ينفذوا التعليمات بعدها أمر بإطلاق النار واستمر الضرب بعض الوقت ...قتل الطالب احمد قرشي وجرح أحرون جراحا متفاوتة وأعلن رسميا أن عدد المصابين من رجال البوليس كان ثمانية وثلاثون ولكن لم يحجزوا احد منهم بالمستشفى. تأخر نقل الطلبة المصابين إلي المستشفى لان البوليس كان قد اقفل الأبواب ومنع دخول الإسعاف إلا بعد مضي بعض الوقت واعتقل أربعة أطباء كانوا في طريقهم لإنقاذ الطلبة.... أجرت سلطات المستشفى ليلة الحادث عمليات سريعة للمصابين وصفت حالة بعضهم ليلة الحادث بالخطورة. نقل لأحد المصابين كميات كبيرة من الدم اشترك في عمليا العلاج كل الأطباء بالمستشفيات الحكومية والأطباء الخصوصيين. كانت سلطات الجامعة قد أغلقت نادي الطلبة تفاديا لعقد الندوات وعندما علم الناس ليلا بوقوع الإصطدمات خفت جموعهم إلى المستشفى ... الطلبة الذين أصيبوا في الحادث هم: بابكر حسن _ خالد نجم الدين – حسن الوديع السنوسي – عثمان البلك - خالد الحاج – علي ابراهيم - أحمد محمود - حمزه عبدالله كنه – أحمد البشرى – محمد الحسن محمد سعيد – جلال الدين عباس – النور عبدالخالق – حمد أحمد المهدي – عبدالعزيز محمد فرج – حسن أحمد عجبنا – سليمان عبدالواحد – والانسة سهام مصطفى الصاوي....
Post: #473 Title: Re: الخرطوم زمان Author: حسن عبدالله Date: 10-12-2008, 08:00 AM Parent: #472
ابوبكر الانسان الرائع شكرا لك على التحف دي ... الصورة الاولي دي اذا كانت الخرطوم... في قطع اراض كتيرة فاضية... يا تري اصبحت شنو؟؟؟؟ واذا لسه فاضية ما تجي نحتلها اقله يبقي لينا قطعة ارض في الخرطوم... مش حرام الواحد عايش عمره كله فيها ولسة ما عندة ما يثبت انه من الخرطوم؟؟؟؟ لك التحية يا رائع ليه ما تعلق لينا على الصورة حتى لو بس نعرف هي وين يعني تكس الخرطوم الاصفر والمخبازة دي وين في الخرطوم؟؟؟؟
Post: #474 Title: Re: الخرطوم زمان Author: حسن عبدالله Date: 10-12-2008, 07:42 PM Parent: #473
الحلقة الثانية من أكتوبر 1964
اصدر وزير الداخلية في 24/10/1964م حظرا يمنع التجول في المدن الثلاث من الساعة السادسة مساء وحتى الخامسة من صباح اليوم التالي وكان الوزير قد اصدر أمرا منذ صباح أمس يمنع التجمهر لأكثر من عشرة أشخاص إلا فيما يتعلق بالعبادات والأفراح وما إليها. في الخرطوم تظاهر القضاة والمحامون وأساتذة الجامعة والمعهد الفني وبعض موظفي مكتب النائب العام، وسيروا موكبا ليحمل عرضة منهم الى القصر الجمهوري حول الموقف. وقد تجمهروا أمام الهيئة القضائية، مما دعا رجال البوليس لتطويق المكان فأمره القاضي عبد المجيد أمام بالانصراف ثم جاءت فوات الجيش ومنعت الموكب من التحرك وأطقت بعض الطلقات النارية في الهواء.
Quote: ابوبكر الانسان الرائع شكرا لك على التحف دي ... الصورة الاولي دي اذا كانت الخرطوم... في قطع اراض كتيرة فاضية... يا تري اصبحت شنو؟؟؟؟ واذا لسه فاضية ما تجي نحتلها اقله يبقي لينا قطعة ارض في الخرطوم... مش حرام الواحد عايش عمره كله فيها ولسة ما عندة ما يثبت انه من الخرطوم؟؟؟؟
غايتو الظاهر ده مدرج المطار واكان عايز فى البرارى ممكن نسجل ليك وكان العمارات برضو ممكن
Post: #476 Title: Re: الخرطوم زمان Author: حسن عبدالله Date: 10-15-2008, 07:53 AM Parent: #475
الموثق حيدر لك التحية والتقدير ....\ انت سبت شغل المكاتب المحترم وبقيت بتاع عقار؟؟؟ انا ما عندي مانع وجاهز بس قطعة استثمارية... صيحيح يا حيدر انا جاد لو عندك امكانية شوف لي قطعة عندكم وتكون قريبة منكم...
Post: #477 Title: Re: الخرطوم زمان Author: ابراهيم عدلان Date: 10-15-2008, 08:02 AM Parent: #1
Quote: وكنا نعبر (معهد اكليات التكنلوجية (كنا نناديها بالكلية المهنية ) والان جامعة السودن الجناح الجنوبى عبورامن الباب الجنوبى الى الباب الشمالى متجهين الى مدرسة السجانة الجديدة الابتدائية وهى علم ومنارة من مناراة العلم فى ذلك الزمن الطيب وانا افتخر بها لاننى تخرجت منها وخرجة كوبة من الزملاء اذكر منه عمر حسن نجيلة بن المرحوم الكاتب والصحفى حسن نجيلة والدكتور طارق بابكر على التوم بن بابكر على التوم معتمد العاصمة ايام حكم النميرى وابناء المرحوم دياب ادريس وعاصم عطا المنان والباشمهند بسام سيداحمد بشركة سكر كنانه يطراهم الله بالخير
الاخ عادل محمود
تحايا محبة لك و للسجانة الجديدة الابتدائية و الكلية المهنية العليا
السجانة الجديدة كانت المدرسة الاقرب لامتداد العمارات و امتداد الدرجة الثالثة و انتداد الصحافة و كانت شعلة تضئ دروب ابناء تلك الاماكن وتلاقت فيها اجيال من فضاحلة الخرطوم القديمة
انت كنت دفعة كم ؟
الناظر كان منو؟
دندر و اللا رهد ؟
Post: #478 Title: Re: الخرطوم زمان Author: حسن عبدالله Date: 10-15-2008, 01:58 PM Parent: #477
اهلا ابراهيم عدلان ولك الشكر على المرور ونورت الساحة ... لو كنا عارفين السجانة سوف تعيدك الينا كنا كتبنا عنها من زمان... سعيدين جدا بالمداخلة ونتوقع الاخ عادل يرد قريبا ان شاء الله
لم اغب عن البوست لحظة و متابع معك و باشمهندس ابوبكر و حيدر
هزتني كلمات القادم بقوة عادل محمود و اعادت مداخلته شريط فترة جميلة من حياتي
مودتي
Post: #480 Title: Re: الخرطوم زمان Author: حيدر امين Date: 10-17-2008, 10:58 AM Parent: #479
Quote: الموثق حيدر لك التحية والتقدير ....\ انت سبت شغل المكاتب المحترم وبقيت بتاع عقار؟؟؟ انا ما عندي مانع وجاهز بس قطعة استثمارية... صيحيح يا حيدر انا جاد لو عندك امكانية شوف لي قطعة عندكم وتكون قريبة منكم...
الحمد لله على العوده
يا زول ولا يهمك حسع بمشى العيد وبنعمل ليك توصيهبس انت خليك جاهز وبخلى ليك تلفونتى هناك فى الماسنجر طبعا صاحبك عصام يحى هناك رجل اعمال كبير ( فى مجاله ) , بالمناسبه هو ود عمتى وخالى
Post: #481 Title: Re: الخرطوم زمان Author: حسن عبدالله Date: 10-20-2008, 02:31 PM Parent: #480
الموثق حيدر لك التحية والاشواق... المنتدي اضرب ونحن بقينا صايعين ما لا قين شغلة... والحمد الله بعد روحنا طلعت لقينا الخرطوم زمان موجودة ...
وانا جاد جدا في حكاية الارض دي وبيني وبينك الواحد مفكر حتي في الرجعة مرة واحدة بس كيف؟؟ اكيد عايزة ترتيب كويس ومشروع للاستقرار...
Post: #482 Title: Re: الخرطوم زمان Author: حسن عبدالله Date: 10-20-2008, 02:37 PM Parent: #479
عزيزي عدلان لك التحية والتقدير نأمل ان يستمر التعاون ومن اجل استعادة ذكرى الخرطوم زمان... للاسف الصور المرفق لم استطع فتحها أكيد الهكر الضرب المنتدى قصدنا ومنعنا من روائعك..
Post: #483 Title: Re: الخرطوم زمان Author: حسن عبدالله Date: 10-21-2008, 10:15 AM Parent: #482
الرائع بكري ابوبكر لك التحية والشكر والتقدير لما قمت به من جهود مقدرة لإستعادة الموقع ... بس للاسف كل الثروة التذكراية, الصوريةالقيمة التي استطعنا ان نجمعها عن الخرطوم زمان اختفت. هل هناك امل لاستعادتهانأمل ذلك...
Post: #484 Title: Re: الخرطوم زمان Author: حسن عبدالله Date: 10-22-2008, 07:41 PM Parent: #483
أكتوبر 1964 الحلقة الثالثة: وجرت على اثر ذلك مشاورات اشترك فيها رئيس القضاء وانتهت إلى إرسال مندوبين من السادة عبد المجيد إمام من الهيئة القضائية وعابدين اسماعيل من نقابة المحامين والدكتور طه محمد خير من أساتذة الجامعة والدكتور طه معشر من الأطباء وممثلين لأساتذة المعهد الفني ومن النائب العام لتقديم المعرضة. أعلن هذا الحل عن مبدأ الإضراب السياسي العام. وعلم أن مجلس الوزراء عقد اجتماعا ظهر الأمس لاستعراض الموقف وانه سيجتمع اليوم أيضا... قامت مظاهرة على اثر انفضاض موكب الأمس فرقتها الشرطة باستخدام الغازات.
فيصل التحفة الرائع ابوبكر المبدع ابوالريش عدلان صاحب الكنز ليم اندرية طولتوا الغيبة
Post: #485 Title: Re: الخرطوم زمان Author: حسن عبدالله Date: 10-24-2008, 08:27 PM Parent: #484
أكتوبر 1964 الحلقة الرابعة
بيان الميرغني
بسم الله الرحمن الرحيم لقد علمنا بتفاصيل ما حدث في العاصمة منذ يوم الأربعاء الماضي وتتبعا باهتمام ما يجري ويحدث وانه ليبعث في نفوسنا الأسى والأسف الشديدين ما حدث ولا شك إن هذا أمر غير مرضي وغير باعث على الاطمئنان ولابد من وضع حل لكل ما يثير الشعب ولهذا كله نناشد الحكومة أن تعمل على وحدة البلاد وان تحافظ على شعور الشعب وتحقق أهدافه وعلى الشعب أن يهدأ وان يستجيب لنداء العقلاء منه حتى تصون البلاد وسمعتها لإيجاد نظام ديمقراطي سليم يتفق مع ديننا تقاليدنا وتراث بلادنا لحفظ وحدة البلاد واستقرارها وتقدمها والله ولي التوفيق.
Post: #487 Title: Re: الخرطوم زمان Author: حسن عبدالله Date: 11-22-2008, 11:24 AM Parent: #486
الاعزاء ابناء الخرطوم زمان وكل زمان لك التحية والاجلال وبصورة خاصة للذين واصلوا الكتابة بالخرطوم زمان وخصوصا الموثق حيدر والرائع ابراهيم عدلان اخيرا عدنا وعادة الايام منذ الضربة الموجعة وانا تائه واخير وبفضل الاخ الكريم بكري رجعت وباذن الله تستمر المسيرة لكم المودة
Post: #488 Title: Re: الخرطوم زمان Author: حسن عبدالله Date: 11-22-2008, 12:39 PM Parent: #487
عزيزي عادل محمود لك التحية نأمل مواصلة المشوار عن الخرطوم السجانة والحلة الجديدة بعد العودة المجيدة
الاخ الكريم حسن عبدالله يعجبنى البوست اتجول فيه كثيرا جميل منك التوثيق للخرطوم زمان تمنيت لو كنت من ذاك الجيل فقد كان التميز يزين كل شئ فى شتى المجالات عثرت على هذا المبنى عند ذهابى للمجلس الهندسى السودانى فى عمل فاستوقفنى هذا المبنى المهجور بجواره على لافتته كتب فندق الواحه
تقديرى
Post: #490 Title: Re: الخرطوم زمان Author: حسن عبدالله Date: 11-23-2008, 08:00 AM Parent: #489
العزيزة نجمة اهل بيك في بيتك وحسب ما اذكر لك اكثر من مشاركة في بداية هذا البوست.. اعتقد المبني هو فندق الواحد والمعروف. كان من اجمل الفنادق وارقاها وكانت له جلسة جميلة حول حوض سباحة... اذا كان هو فالفندق المذكور كان جنوب شارع البلدية تقريبا بمحازات سانت جيمس ... واذا كنت غلطان اكيد موثقي البوست سوف يجيبوا الكلام الصاح.. ولك التحية والشكرا ونرجو المزيد من مثل هذه المداخلات
Post: #491 Title: Re: الخرطوم زمان Author: حسن عبدالله Date: 11-23-2008, 09:07 AM Parent: #490
Post: #492 Title: Re: الخرطوم زمان Author: حسن عبدالله Date: 11-23-2008, 12:18 PM Parent: #491
فيصل التحفة ابوبكر الرائع ابو العزائم المبدع وليم اندرية بكري الضائغ ابو الريش صاحب الكنز اين انتم
Post: #493 Title: Re: الخرطوم زمان Author: حسن عبدالله Date: 11-23-2008, 01:18 PM Parent: #492
الاعزاء منى خوجلي مجدي القرشي معاوية محمد Amro abdoun دعوة لتجديدالمشاركة للاستعادة صورة الخرطوم زمان بالكلمات والصور
Post: #494 Title: Re: الخرطوم زمان Author: حسن عبدالله Date: 11-23-2008, 01:18 PM Parent: #492
الاعزاء منى خوجلي مجدي القرشي معاوية محمد Amro abdoun دعوة لتجديدالمشاركة للاستعادة صورة الخرطوم زمان بالكلمات والصور
Post: #495 Title: Re: الخرطوم زمان Author: حسن عبدالله Date: 11-23-2008, 01:18 PM Parent: #492
الاعزاء منى خوجلي مجدي القرشي معاوية محمد Amro abdoun دعوة لتجديدالمشاركة للاستعادة صورة الخرطوم زمان بالكلمات والصور
Post: #496 Title: Re: الخرطوم زمان Author: حسن عبدالله Date: 11-23-2008, 01:18 PM Parent: #492
الاعزاء منى خوجلي مجدي القرشي معاوية محمد Amro abdoun دعوة لتجديدالمشاركة للاستعادة صورة الخرطوم زمان بالكلمات والصور
Post: #497 Title: Re: الخرطوم زمان Author: حسن عبدالله Date: 11-23-2008, 01:59 PM Parent: #496
ابو الريش ملامح malamih جعفر اسماعيل ابو العزائم walid safwat عادل محمود Najma عدنا ونتوقع مشاركتكم
Post: #498 Title: Re: الخرطوم زمان Author: حسن عبدالله Date: 11-24-2008, 07:48 AM Parent: #497
مبنى البريد العمومي كان ولا زال بجوار القصر الجمهوري ووزراة المالية كان يقدم ارقى خدمات البريد الخطابات تصل ليس للمكتب فقط لكن حتى للمنزل وعلى بعد كيلو واحد يوجد فرع اخر في الجهة الجنوبية الغربية لميدان الامم المتحدة
Post: #500 Title: Re: الخرطوم زمان Author: حسن عبدالله Date: 11-24-2008, 02:37 PM Parent: #498
Post: #501 Title: Re: الخرطوم زمان Author: حسن عبدالله Date: 11-25-2008, 08:33 AM Parent: #500
خمسين ابعاج
Post: #502 Title: Re: الخرطوم زمان Author: حسن عبدالله Date: 11-25-2008, 01:05 PM Parent: #501
Post: #503 Title: Re: الخرطوم زمان Author: فيصل محمد خليل Date: 11-25-2008, 06:40 PM Parent: #502
1966
استاذنا حسن عبدالله
شكرآ
Post: #504 Title: Re: الخرطوم زمان Author: حسن عبدالله Date: 11-25-2008, 08:10 PM Parent: #503
الانسان الرائع التحفة ولله شرفتنا بعد الغياب... الطويل... انا كنت ما قادر ادخل لما اعتقدت ان الاخ بكري وضعني في القائمة السوداء (قائمة الهكرز) واخيرا وصلت ورجعت للخرطوم زمان من جديد بس يظهر ان كثيرين غيري من اهل الخرطوم زمان لسه ممنوعين المهم الف حمدالله على سلامة الموقع رغم بعض اللخبطة... ما قلت لي الانجليز ديل قصتهم شنو؟؟؟ المقطع صغير ما عرفت القصة شنو؟؟ الف شكر لك على المرور واسعدنا والله..
Post: #505 Title: Re: الخرطوم زمان Author: حسن عبدالله Date: 11-25-2008, 09:40 PM Parent: #504
الخلوة كل الناس القدام درسوا في الخلوة وكان لابد من دخول الخلوة اولا وحفظ ما تيسر من القرآن قبل دخول الابتدائية اللوح من الخشب يصنعة النجار والحبر من اسفل صاج العواسة والقلم من البوص او القصب الجاف.
Post: #506 Title: Re: الخرطوم زمان Author: حسن عبدالله Date: 11-26-2008, 08:44 AM Parent: #505
معمل استاك اول معمل للتحاليل الطبية بالسودان
Post: #507 Title: Re: الخرطوم زمان Author: حسن عبدالله Date: 11-26-2008, 01:16 PM Parent: #506
أكيد موقف جديد لو واحديقول ليناوين ومين اتعمل ويسرد لينا تفاصل الموقف وما حوله
Post: #508 Title: Re: الخرطوم زمان Author: حسن عبدالله Date: 11-26-2008, 06:53 PM Parent: #507
المشاط زمان المشاطة وجلسة المشاط هل فعلا اصبح المشاط موضة من جديد وبنات الزمن دا يعرفوه وهل يليق عليهم
Post: #509 Title: Re: الخرطوم زمان Author: فيصل محمد خليل Date: 11-26-2008, 08:02 PM Parent: #508
khartoum 1930
Post: #510 Title: Re: الخرطوم زمان Author: حسن عبدالله Date: 11-27-2008, 08:23 AM Parent: #509
الانسان التحفة لك التحيةالف مرة سعيد بالمرور رغم ان الخرطوم 1930 لم تظهر ... اكيد كانت بكمرة من النوع القديم (المصور يدخل راسو جو كيس اسود والشمس لازم تكون نص النهار) وتقدم شوية واتأخر شوية ولما تطلع روحك يقولوا ليك الصورة ما طلعت كويسة تعال مرة ثانية..... لك التحية
Post: #511 Title: Re: الخرطوم زمان Author: حسن عبدالله Date: 11-27-2008, 09:23 PM Parent: #510
جامعة الخرطوم قام الجنرال كتشنر بتأسيس كلية غردون التذكارية في 8 نوفمبر 1902 كذكرى للجنرال غردون بعد اغتياله في الخرطوم.. وقد اختار اسم غردون تخليدا له ولانه جاذب للتبرعات من الانجليز لما حاز عليه الرجل من شهرة وتقدير. في 1924 اسس مدرسة كتنشنر الطبية وفي 1926 مدرسة كتنشنر الزراعية ثم اضيفة كلية العلوم والهندسة في العام 1945 تم تجميع كل الكليات تحت اسم كلية الخرطوم الجامعة ما عدا مدرسة كتشنر الطبية التي اضيفة في العام 1951 في العام 1956 تم اجميع كل الكليات تحت اسم جامعة الخرطوم
مندوب بريطانيا يسلم الزعيم الازهري وثيقة اعتراف بريطانيا باستقلال السودان 1956
Post: #512 Title: Re: الخرطوم زمان Author: حسن عبدالله Date: 11-29-2008, 12:17 PM Parent: #511
صورة قديمة لجامعة الخرطوم من جهة النيل الازرق
Post: #513 Title: Re: الخرطوم زمان Author: حسن عبدالله Date: 11-29-2008, 08:22 PM Parent: #512
معهد الخرطوم الفني البداية مدرسة الفنية ومدرسة التجارة 1932 ثم انشأت كلية الفنون في 1946 في 1950 اصبح يعرف باسم المعهد الفني ... في 1954 اتشا معهد شمبات الزراعي ببحري. وفي الموسيقى والدراما في 1969 في عام 1975 تم تجميع كل الكليات المذكور لتصبح جامعة السودان للعلوم والتكنولجيا كأكبر جامعة في السودان .....
Post: #514 Title: Re: الخرطوم زمان Author: حسن عبدالله Date: 11-30-2008, 07:52 AM Parent: #513
جامعة الخرطوم 1926
Post: #515 Title: Re: الخرطوم زمان Author: حسن عبدالله Date: 12-01-2008, 07:38 AM Parent: #514
Post: #516 Title: Re: الخرطوم زمان Author: حسن عبدالله Date: 12-01-2008, 12:37 PM Parent: #515
قبل الحديث عن جامعة القاهرة فرع الخرطوم او (الفرع ) كما يحلو للسودانين ان يسموها... اقول قبل الحديث عنها يجب ان نتحدث عن مدارس البعثات التعليمية المصرية . فقد ساهمت مدراس البعثات المصرية بقدر كبير في مجال التعليم بالسودان. رغم انها انشئت اصلا لتعليم ابناء الجالية المصرية بالسودان لكنها اخذت فيما بعد باستيعاب الطلبة السودانيين. من اكبر المدhرس المصرية سابقا كانت مدرسة جمال عبدالناصر الثانوية بالخرطوم ثم الكلية القبطية التي كانت تشمل التعليم الابتدائي ، الاعدادي والثانوي. ومن مدارس الجاليات انشئت مدارس الارساليات كمدرسة الامريكان والارسالية بالخرطوم بحري ومدارس كمبوني بالخرطوم والخرطوم بحري وأمدرمان ... وامتد نشاط المدارس الارسالية والتبشيرية ليشمل عدد من والولايات الجنوبية والتي كان لها الاثر الواضح في نشر التعليم المسيحيية بجنوب السودان.
Post: #517 Title: Re: الخرطوم زمان Author: ماضي ابو العزائم Date: 12-02-2008, 09:39 AM Parent: #516
عودة بعد انقطاع طويل بس ياجماعة فى نقطة هامة:- بعد الهكر ضاعت كمية من الصور ودى دعوة لكل من انزل صورة ان يعيد انزالها مرة اخرى لانو البوست لو مشى الارشفة مافى طريقة تانية انا من جانبى حا انزل صورة و اجزم انها لم تنشر من قبل إلا فى بوستى بعنوان أعلام و أماكن صور نادرة
Post: #518 Title: Re: الخرطوم زمان Author: ماضي ابو العزائم Date: 12-02-2008, 09:43 AM Parent: #517
محمد عباس ابوالريش مؤسس مكتبة وجريدة النهضة السودانية صدر من الجريدة 30 عدد ثم توقفت بوفاتة اما المكتبة كانت بجوار قهوة الزيبق و حلوانى حمتو ثم انتقلت فى الزاوية المقابلة لمحلات اولاد ملاح و ازيلت عند هدم المحلات و قيام سوق الذهب.كانت و المكتبة الاهلية من اوائل المكتبات الوطنية بالخرطوم تقاسمت مع قهوة الزيبق تهافت المثقفين و الوطنين اليهما.
Post: #519 Title: Re: الخرطوم زمان Author: ماضي ابو العزائم Date: 12-02-2008, 09:44 AM Parent: #517
الغى للتكرار
Post: #520 Title: Re: الخرطوم زمان Author: حسن عبدالله Date: 12-02-2008, 12:06 PM Parent: #519
ابوالعزائم لك التحية والف اهلا بعد الغياب الطويل... الغياب بالمناسبة كان عام كلنا انقطعنا بعد الضربة القاسمة.. والف شكر علي المداخلة القيمة... ياترى فاكر الاخ محمد شدراوان الكان شغال في مكتبة النهضة... رجل خلوق وقمة في الادب الزوق وكان عنده مشكل في النطق. ولك التحية ومنتظرين العديد من مشاركاتك....
كان عندة شفة ارنبية(شق فى الشفة العليا) و مشهور بود العباس(لانو جعلى) ولا انا غلطان؟؟
Post: #522 Title: Re: الخرطوم زمان Author: حسن عبدالله Date: 12-02-2008, 07:49 PM Parent: #521
العزيز ابوالعزائم لك التحية والتقدير وصدقت ايها الانسان الفنان وهو فعلا جعلي المكتبة كانت عامرة ومستودع للثقافة ترى هل الناس في السودان لسه تحب الثقافة القراية؟؟؟؟ ولا نسوها مع المشغليات الهواجس المعيشية... فاكر كان في كم مكتبة ثقافية عامة مجانية في الخرطوم؟؟؟؟؟ المركز الثقافي البريطاني المركز الثقاقي الامريكي المركز الثقافي الروسي المركز الثفافي الالماني مكتبة ود البشير في امدرمان مكتبة البلدية في بحري كل المكاتب دي كانت تعطي 3 كتب لمدة اسبوعين بدون مقابل ولخظة وصول الشخص وطلب بطاقة تعطى له في الحال دون اي قيود اوضمانات..
Post: #523 Title: Re: الخرطوم زمان Author: حسن عبدالله Date: 12-04-2008, 08:15 AM Parent: #522
Post: #524 Title: Re: الخرطوم زمان Author: فيصل محمد خليل Date: 12-04-2008, 08:37 AM Parent: #523
1940
Post: #525 Title: Re: الخرطوم زمان Author: فيصل محمد خليل Date: 12-04-2008, 09:16 AM Parent: #524
جندي زمن الاستعمار الانجليزي المصري
Post: #526 Title: Re: الخرطوم زمان Author: حسن عبدالله Date: 12-04-2008, 10:37 AM Parent: #525
فيصل التحقة لك التحية لينا زمان من مدخلاتك الفريدة عن الخرطوم زمان واهو جيتنا بالجديد لك التحية واليك الحاجة الاسلامية الوحيدة التركها المصريون في السودان مسجد فاروق
Post: #527 Title: Re: الخرطوم زمان Author: حسن عبدالله Date: 12-04-2008, 07:27 PM Parent: #526
Post: #528 Title: Re: الخرطوم زمان Author: حسن عبدالله Date: 12-05-2008, 08:18 PM Parent: #527
جامعة القاهرة فرع الخرطوم بدأت في العام 1954 بكلية الاداب ثم اضيفة كلية الحقوق والقانون تخرج منها الالاف من السودانيين وعملوا في الموسسات الحكومية والاهلية
Post: #529 Title: Re: الخرطوم زمان Author: حسن عبدالله Date: 12-06-2008, 12:13 PM Parent: #528
من الاخبار تم وضع حجز الاساس لجامعة القاهرة فرع الخرطوم في منطقة المقرن حسب الخبر (وين بالضبط؟؟؟؟ لا ادري ويقال انه قد تم الاتفاق مع جامعة القاهرة الام ان تدخل بعض الكليات العلمية ووافقت.. نأمل ان تكون هذه بداية جديدة وجيدة للعلاقات اكثر قوة
Post: #530 Title: Re: الخرطوم زمان Author: حسن عبدالله Date: 12-07-2008, 07:36 PM Parent: #529
العادات والتقاليد السوداني بعض التحسينات والاصل كما هو الى حد بعيد
Quote: المشاط زمان المشاطة وجلسة المشاط هل فعلا اصبح المشاط موضة من جديد وبنات الزمن دا يعرفوه وهل يليق عليهم
طبعا أنا آخر مره اتمشطت فيها كان سنة 1937
زمن ..موش؟؟
كل سنه وانت والخرطوم قلب الوطن بألف خير..
أقابلك في الخرطوم باذن الله لو بقيت فيها
Post: #534 Title: Re: الخرطوم زمان Author: فيصل محمد خليل Date: 12-08-2008, 09:04 AM Parent: #531
Post: #535 Title: Re: الخرطوم زمان Author: حيدر امين Date: 12-08-2008, 09:26 AM Parent: #534
يا جماعه كل عام وانتم بخير
تصوروا نحن فى مسقط اليوم الوقفه وباكر الثلاثاء اول ايام العيد
احد الاخوة السودانين اتصل بالشيخ محمد الحسن ( الشايقى ) فى قناة الشروق
وحكى له عن الوضع الحاصل عندنا
فقال له ياخى صوم عرفه وعيد باكر ( الناس طلعت الجبل اتنوا راجيين شنو )
وربنا يحقق الامانى
Post: #538 Title: Re: الخرطوم زمان Author: حسن عبدالله Date: 12-08-2008, 08:21 PM Parent: #535
الموثق حيدر ان شاء الله كمان يكون بعد بكرة عشان انت عامل تقيل علينا ومش عايز تسأل مننا ونحن محتاجين لمداخلاتك .... وكل عام وأهل مسقط كلهم بالف خير... وكل عام وكل اهل بري بخير... وكل عام وأهل حلفا بخير... و السودان الحبيب بالف خير
التحية وانا لسة منتظر قطعة الارض ما تطلع اي كلام يا رائع!!!!
Post: #537 Title: Re: الخرطوم زمان Author: حسن عبدالله Date: 12-08-2008, 08:16 PM Parent: #534
الانسان الرائع صاحب التحف لك التحية وانت معانا دائما.... وكل عام وانت بخير والسودان الحبيب بالف خير ... وندعو الله ان يحفظ الجميع ويجنب السودان الحبيب المحن واولاد الحرام...
Post: #536 Title: Re: الخرطوم زمان Author: حسن عبدالله Date: 12-08-2008, 08:13 PM Parent: #531
العزيزة مني لك التحية والف شكرا على الزيارة .... طبعادا زمن طويل بس لو تقولي لينا كيف الناس تظل شباب؟؟؟؟؟ نكون شاكرين ليك... برضو السؤال قائم هل المشاط اصبح موضة من جديد؟؟؟؟ لك التحية لكن اهل خوجلي والختمية
والله مشتاق للمداخلات وحركات فيصل ومعلومات ود عدلان
لكن ماقطعنى منكم الا وعكه بسيطة فى الشهر الفات
وتم على اثرها عملية جراحية والحمدلله بس عايز شوية محافظه
وانشاالله جاييكم
Post: #540 Title: Re: الخرطوم زمان Author: فيصل محمد خليل Date: 12-08-2008, 10:37 PM Parent: #539
كتب صديقي اللدود حيدر امين
Quote: لكن ماقطعنى منكم الا وعكه بسيطة فى الشهر الفات
نتمنى لك الشفاء العاجل
Post: #542 Title: Re: الخرطوم زمان Author: حسن عبدالله Date: 12-09-2008, 08:51 PM Parent: #540
الانسان التحفة لك التحية والف شكر على المداخلة يخصوص الاخ اللدود حيدر دا فعل الزمن ياباوخليل... دعواتنا له بالشفاء
Post: #541 Title: Re: الخرطوم زمان Author: حسن عبدالله Date: 12-09-2008, 08:43 PM Parent: #539
العزيز حيدر الموثق لك التحية والف حمدا لله على السلامة.... بس اوع يكون مرض حامد؟؟؟؟؟ اهلا بيك في اي وقت... لما تصل اتصل علي في 0508690942 ولك التحية
Post: #543 Title: Re: الخرطوم زمان Author: حسن عبدالله Date: 12-10-2008, 05:03 PM Parent: #541
الكتاحة
Post: #544 Title: Re: الخرطوم زمان Author: حسن عبدالله Date: 12-10-2008, 05:22 PM Parent: #543
العزيز عادل محمود وين انت الناس فاتوك في القطار الطار بانتظار عودتك لاستكمال من بدأت عن السجانة والحلة الجديدة
Post: #545 Title: Re: الخرطوم زمان Author: عمرو كمال ابراهيم Date: 12-11-2008, 02:09 AM Parent: #544
Quote: كان في صالة بتاعت رقص في الخرطوم بعد مسجد فاروق.. اكيد الان صارت سوق او محل خردة . اكيد اخون القرشي ممكن يجيب خبرها...
طيب يا حسن... واحد مواليد السبعينات ممكن يجيب خبرها برضو (:"
دى صالة الجى أم أتش G M H
صالة غوردون للموسيقى
وهى مرقص وبار ترتادها الجماعات والأفراد
ويمكن قضاء ليلة ساهرة على أنغام الموسيقى الغربية والشرقية
يقولون عنها... تزورها الفرق العالمية فى برنامج تبادل متواصل طيلة العام
ونذكرها حتى أواخر الثمانينيات
تقع فى تقاطع الحرية مع الجمهورية وشارع سنكات( المؤدى من صينية جامع فاروق إلأى ميدان الأمم المتحدة وأظنه عباس سابقاً)
أزيلت وحل محلها عمارة من أربعة طوابق تسمى برج الحرية
بها العديد من الشركات الكبرى مثل توكيل سونى اليابانية وتعرف كذلك بين الناس بعمارة شركة سونى
بها مكاتب هندسية ومحاماة ومحلات أدوات كهربائية والتى يشتهر بها شارع الحرية هذا الزمان، حين هجرته الأسر المستوطنة كالشوام والأغريق والأرمن ونحوهم ممن أسسوا الخرطوم الحديثة وبرعوا فى تطويرها ثقافيا وإقتصاديا وشكلوا جزء كبيراً من تاريخها الحديث
أها.. أولاد السبعينات بعرفوا ولا لأ..؟؟
تحية لكل من يعيد بعضا مما فقدته الذاكرة
وعيد سعيد والجاى أحلى وسدوانا فوووووق
____ الغريب ده كان برنامجى فى العيد... مخطط أكتب عن الخرطوم،، يمكن عشان كده عينى وقعت على البوست لأول مرة
عذرا للتأخير
*** على هامش الحديث، عمنا بكرى كيفنك..؟
Post: #546 Title: Re: الخرطوم زمان Author: حسن عبدالله Date: 12-11-2008, 06:59 PM Parent: #545
العزيز عمرو لك التحية والف شكرا على المداخلة الراقية دي.. وكل عام وانت بالف خير والسودان ينعم بالامن والامان.. عزيزي عمرو الدار دارك والف مرحب بيك... والكلام عن الخرطوم زمان مابخلص ونحن في حاجة لناس الخرطوم عشان نعيد صورتها لناس السبعينات ولا شنو؟؟؟
يالله ايدك معانا... تحدثنا عن قاعة غردون للموسيقى GMH واعتقد لسه الكلام محتاج تفاصيل وصور لو ممكن... بالمناسبة قبل تصبح عمارة سوني (ودي جديدة علي) كانت صالة افراح وانا حضرت حفل عرس فيها طبعا ماكنت العريس ولا المغني .... لك التحية وفي انتظار المزيد عن الخرطوم زمان
Post: #547 Title: Re: الخرطوم زمان Author: فيصل محمد خليل Date: 12-11-2008, 07:57 PM Parent: #546
Post: #548 Title: Re: الخرطوم زمان Author: حسن عبدالله Date: 12-11-2008, 08:02 PM Parent: #547
الانسان التحفة لك التحية والتقدير وكل عام وانت وجميع الاهل والاحبة بخير واعاده الله علينا باليمن والبركات سعيد بالمداخلة المن غير كلام ولا تعريف قول حاجة من الروائع بتاعتك يا ابوخليل ولك التحية
Post: #549 Title: Re: الخرطوم زمان Author: عمرو كمال ابراهيم Date: 12-12-2008, 10:36 AM Parent: #507
ده موقف مواصلات امدرمان
قبل تعديل منطقة وسط الخرطوم ونقل الموقف إلى إستاد الخرطوم وحى جاكسون
وهذا الموقع يقع غرب جامع الخرطوم العتيق ( الجامع الكبير) وشرق ميدان الأمم المتحدة والذى صار فيما بعد القبة الخضراء التى أنشئها يوسف عبد الفتاح(رامبو..نائب والى الخرطوم بداية عهد الإنقاذ). جنوبا منه يقع مجمع الذهب والذى كان موقعه فى السابق قهوة اليبق حد علمى المتواضع(وهذه قابلة للتصحيح من قدماء الخرتوميين) شمالا منه المحطة الوسطى وشايؤدى لشارع الطيار مراد حيث صيدلية كمبال وطلمبة شل ومحل ساتى وزنك الخضار
***
هذا الموقف القديم تم تأهيله قبل عامين او ثلاث
وسريعا ما نقل للموقع الجديد المذكور عاليه
وهى فرصة أخرى لإهدار الموارد وتخصيص بند جديد للمحسوبية والأرزقية
Post: #550 Title: Re: الخرطوم زمان Author: حسن عبدالله Date: 12-13-2008, 07:29 AM Parent: #549
العزيز عمرو لك التحية وكل عام وانت والجميع بخير ايو كدة ياعمرو كل مداخلة تظهر اشراقاتك وتتكشف لنا الخرطوم باجمل صورها القديمة لك التحية ونأمل مواصلة رسم الصور القديمة.. كدة تحرك شوية كدة على السوق العربي ومحلات ناس عبود وبنك مصر ... والف شكر لك على المداخلات الرائعة..
Post: #551 Title: Re: الخرطوم زمان Author: حيدر امين Date: 12-13-2008, 09:35 AM Parent: #550
Quote: العزيز حيدر الموثق لك التحية والف حمدا لله على السلامة.... بس اوع يكون مرض حامد؟؟؟؟؟ اهلا بيك في اي وقت...
تصور ياهو ذاتو نقشته ساتصل بك اليوم باذن الواحد احد
كل عام وانتم بخير
وشكر لك والاخ فيصل وانشاء الله ما تشوف شر
بالله مروا على بوست السودانين والعيد فى مسقط وادونا حبة تعليق
Post: #552 Title: Re: الخرطوم زمان Author: حسن عبدالله Date: 12-13-2008, 01:23 PM Parent: #551
العزيز حيدر لك التحية ادعوالله ان تكون بخير واضح ان الدكتور بتاعك عرف المرض ووصف ليك العلاج الصاح... 3مدخلات في بوست بري وواحدة في الخرطوم زمان وواحد قبل النوم في حلفا القديمة وبعد ثلاث ايام تكون تمام التمام
Post: #554 Title: Re: الخرطوم زمان Author: حسن عبدالله Date: 12-14-2008, 03:28 PM Parent: #553
الموثق حيدر وصفة تنفع ولا حاجة ترجع الوضع القديم
صدقني تنفعك بس انت جرب تعال ما تبتعد
Post: #555 Title: Re: الخرطوم زمان Author: حسن عبدالله Date: 12-16-2008, 08:06 AM Parent: #554
Post: #556 Title: Re: الخرطوم زمان Author: فيصل محمد خليل Date: 12-16-2008, 08:58 AM Parent: #555
Post: #557 Title: Re: الخرطوم زمان Author: حسن عبدالله Date: 12-17-2008, 08:20 AM Parent: #556
الانسان التحفة كل عام وانت بخير وكل الوطن الجميل بالف خير من شرقة الي غربة ومن شماله الي جنوبة... هل كل هذا يمكن ان يحدث مرة واحد كدة.. قول اآآآآآآمين برضو ما قلت لينا الصورة دي وين ومين؟؟؟
Post: #558 Title: Re: الخرطوم زمان Author: فيصل محمد خليل Date: 12-17-2008, 08:34 AM Parent: #557
كتب استاذنا حسن عبدالله ما الترابي
Quote: برضو ما قلت لينا الصورة دي وين ومين؟؟؟
اذاكر و انجح ? الاتنين مع بعض ?
Post: #559 Title: Re: الخرطوم زمان Author: حسن عبدالله Date: 12-17-2008, 11:00 AM Parent: #558
العزيز التحفة رغم انك وضعت حرف ما بيني وبين اسمة لا اني سوف ارفع عليك دعوة جنائية واخلاقية ودينية متناسينا الصداقة التي قامت عبر المنتدى...
وبرضة حاادخل معاك الامتحان بتاع الصورة دي
ولك التحية والتقدير
Post: #560 Title: Re: الخرطوم زمان Author: حسن عبدالله Date: 12-18-2008, 08:22 AM Parent: #559
سلاطين باشا ممثل بداية المكايدة الصهيونية في السودان بدورة في حكومة المهدية واستشاراته في عهد الخليفة عبدالله التعايشي ثم سجنة وهروبة من السودان.. صاحب كتاب السيف والنار في السودان
Post: #561 Title: Re: الخرطوم زمان Author: حسن عبدالله Date: 12-20-2008, 03:22 PM Parent: #560
Post: #562 Title: Re: الخرطوم زمان Author: حسن عبدالله Date: 12-22-2008, 01:24 PM Parent: #561
عمرو وين يا زول؟؟؟ نحن في انتظار الصورة التي وعدتنا بهالاستعادة الخرطوم زمان
يا حسن لو تعرف المرسيدس دى جاى من وين وماشه لوين تاخد شلن
ارفع البوست للربع الاول من 2009
اعلان للجميع:ارشفة المنبر العام الحالى للربع الرابع لعام 2008 يوم 27 -12- 2
Post: #565 Title: Re: الخرطوم زمان Author: حسن عبدالله Date: 12-24-2008, 10:34 AM Parent: #563
العزيز الموثق حيدر الف حمدلله على السلامة أكيد نسبت انك كنت مريض اخر مرة طلعت فيها علينا.... العربية المرسيدس بتاعت القصر وشكلها داخلة للقصر من الطريق الشرق مباني امن القصر... وامكن الراكبين فيها ناوين يعملوا انقلاب... هي ادفع الشلن الما عندك غيره دا... والف شكر للمداخلة المبدعة دي ...
بس انا كمان بدفع ليك فريني لو عرفت صورة الزعيم فيصل اعلاة ... للمعلومية ما اظننا ذكرنا الكرتلة؟؟؟ فاكرة ارجو الحديث عنها.
Post: #566 Title: Re: الخرطوم زمان Author: يوسف محمد يوسف Date: 12-24-2008, 03:38 PM Parent: #565
اخى حسن عبدالله
لك تحياتى
انا اسمتع هذه الايام بالتجوال فى الخرطوم الصامدة حتى الان من الهجمة - الغير حضارية - التى تتعرض لها. منذ وصولى وانا اجالس اصدقائى نحدث عن الخرطوم زمان .. طبعا بحسرة شديدة !! المهم عايزك تشوف لى اخونا فيصل خليل لو عندو فى " سحارتو " صورة لـ " الانادى " الكانت جنوب الخرطوم موقع السوق الشعبى الان .. تعرف يابوعلى .. و انا مارى بالحته ديك شفته لى اشكال بتاعة ناس .. الناس الكانوا بيطلعوا من الانادى ديك وقت المغيرب كاووووووووووووين وريحة الماربس ضاربة.. شكلهم و ريحتهم احسن بكتير من الحايمين الان فى نفس المنطقة .. اما حى نمرة (2) حيث كان السلمانى و البستان و بار قوتس و الجى بى ... فقد سالت نفسى و انا امر وسط السوق : يا ربى انا فى حى نمرة (2) .. و الا .. حى " اطلع بره " فى جوبا ؟؟؟
با حليلك يا خرطوم
من الخرطومالتى ما زالت فى الخاطر .. سلام
يوسف
Post: #567 Title: Re: الخرطوم زمان Author: فيصل محمد خليل Date: 12-24-2008, 04:18 PM Parent: #566
الاخ يوسف محمد يوسف
خليك مع الهجانة بتاعين سنة1912
لحد ما نجيب الانادي
كانت لنا ايام
مع تحبات هلفا دغيم
Post: #569 Title: Re: الخرطوم زمان Author: يوسف محمد يوسف Date: 12-25-2008, 08:21 AM Parent: #567
الاخ فيصل خليل .. عاطر تحياتى
شكرا على هذه الصورة التاريخية لجند "الهجانة" السودانيون الذين تميزوا بالشجاعة والاقدام وكانت لهم صولات وجولات فى تاريخ العسكرية السودانية المشرف . كان سلاح الهجانه هو القوة الاساسية التى تكونت منها قوة دفاع السودان عام 1925 , و التى هى اساس الجيش السودان. احتفظ الجيش السودانى باسم الهجانة للقوة التى كانت قيادتها بمدينة الابيض - كردفان حنى منتصف سبعنات القرن الماضى حيث تم تغير اسمها الى المنطقة العسكرية الوسطى . و بالرغم من ذلك طل اسم الهجانة هو الاسم المفضل لكل العسكريين . ارث الهجانة الاصل من تميز و انضباط و عادات و تقاليد عسكرية ظل متوارث فى هذه الوحدة حتى زمن قريب . كماعرف افرادها يالتميز قى " البيادة " - الطوابير العسكرية - و التالق فى ميادين " ضربنار " . كان لى شرف العمل فى هذه الوحدة فى الفترة 85-1986 .. و كانت ايام لا تنسى .. و تحياتى لحلفا دغيم , و بالمناسبة فيصل هل تذكر هذا الهتاف القوى : " حلفا دغيم ولا لبنان " فى ذلك الموكب المهيب و الذى سيره اخوتى الحلفاويون من منزل عمنا محجوب محمد احمد الى نادى بوهين بالخرطوم ثلاثة بعد قرار التهجير الظالم .. و كيف تفاعلت كل قطاعات الشعب معهم !! ارجو انزال اى شىء لديكم عن تلك الفترة الهامة من تاريخ هذا الشعب البطل..
كل الود
يوسف
Post: #572 Title: Re: الخرطوم زمان Author: حسن عبدالله Date: 12-25-2008, 10:10 AM Parent: #567
الانسان التحفة فيصل لك التحية والاشواق لمداخلاتك الرائعة وصورة المذهلة.... في انتظار الرد على الموثق الجديد الرائع يوسف... وذكريات الخرطوم زمان وكما حلفا دغيم
Post: #570 Title: Re: الخرطوم زمان Author: حسن عبدالله Date: 12-25-2008, 09:57 AM Parent: #566
الانسان الاول يوسف لك التحية... الاول دي يعني من ناس زمان بس ما زمان خالص... زمان الخرطوم الجميلة التي نحن لها جميعا... بس اهي سنة الحياة لا بد من نهاية وبداية جديد لغد اجمل او حتى بس مختلف... كلنا نحن للخرطوم زمان ونكاد نشم رائحتها في حين وزمان.... بس عزيزي يوسف وذكرى الانادي وايه اصبح مكانها؟؟؟؟؟ الاسباب بالتأكيد كثيرة 1- 2- 3- والمباراة مستمرة ولك التحية والف مرحب بيك واهو فيصل وحيدر حيسمعونا السيرة الزمان
Quote: العزيز الموثق حيدر الف حمدلله على السلامة أكيد نسبت انك كنت مريض اخر مرة طلعت فيها علينا.... العربية المرسيدس بتاعت القصر وشكلها داخلة للقصر من الطريق الشرق مباني امن القصر... وامكن الراكبين فيها ناوين يعملوا انقلاب... هي ادفع الشلن الما عندك غيره دا... والف شكر للمداخلة المبدعة دي ...
بس انا كمان بدفع ليك فريني لو عرفت صورة الزعيم فيصل اعلاة ... للمعلومية ما اظننا ذكرنا الكرتلة؟؟؟ فاكرة ارجو الحديث عنها.
تصور اجابتك المره دى غلط نشوف فيصل بقول شنو
والله اخوك موعود بعملية تانى نهاية الشهر .... مع رأس السنه
Post: #571 Title: Re: الخرطوم زمان Author: حسن عبدالله Date: 12-25-2008, 10:03 AM Parent: #568
الموثق حيدر لك التحية
دعواتنا لك بالصحة والعافية,,, فيصل موجود وظهر موثق اخر (الاخ يوسف) واكيد سوف يدلى بدلوه.. في الصورة وكل ما تم تسجيلة عن الخرطوم زمان... ما قلت بتتصل؟؟؟؟ وتسمعنا صوتك ويستمر التواصل ونطمئن عليك.... نحن لسه في الانتظار والعافية تبراك زي ما العديلة تابعاك...
Post: #573 Title: Re: الخرطوم زمان Author: فيصل محمد خليل Date: 12-26-2008, 10:06 AM Parent: #571
جيت شايل الصورة دي لقيت المداخلات
بتاعتكم
نخط الصورة و برجع ليكم
اللهم اشفي اخونا حيدر
Post: #574 Title: Re: الخرطوم زمان Author: يوسف محمد يوسف Date: 12-26-2008, 11:36 AM Parent: #573
الجميل حسن عبدالله
شكرا على الاستضافة الجميلة .. خاصة وانا الان موجود فى الخرطوم فى اجازتى السنوية رغم الزحمة الشديدة .. زيارات .. فاتحات .. اعراس بالجملة.. سنواصل .. خاصة و ان من اول الاهداف فى هذه الاجازة جمع اكبر قدر من الوثائق و المعلومات التاريخية لمدينة الخرطوم..
جايك فى موضوع الانادى
سلام من خرطوم الصمود ....
يوسف
Post: #578 Title: Re: الخرطوم زمان Author: حسن عبدالله Date: 12-26-2008, 07:21 PM Parent: #574
الانسان الاول يوسف.... لك التحية وانت تقف امامنا لاستعادة صورة الخرطوم زمان.... وناوين نفتشك قبل تهرب من الخرطوم... ورغم الزحمة التي ذكرتها عايزين بس شوية داقائق من وقتك,,, طبعا الحلم الكبير ان نحظى ببعض الوثائق قبل خروجها من الخرطوم وقبل ان تنشر في اي مكان اخر... ونحن ما طماعين قلنا بعض فهل نجد الاجابة؟؟؟؟ ولك المودة ونرجو ان نسمع عنك وعن الخرطوم الان وقبل يومين وقبل سنتين وقبل كدة بكتير... وبلغ حبي كل قطعة ارض تقف فيها وكل شخص تلقاه... ولك التحية
Post: #576 Title: Re: الخرطوم زمان Author: حسن عبدالله Date: 12-26-2008, 07:12 PM Parent: #573
الانسان التحفة فيصل لك التحية والتقدير وانت تنثر الدرر للخرطوم زمان ... بس عايز اعرف كيف جمعت الصور دي؟؟؟ كل واحد من بلد وكل واحد من زمن مختلف وشهرة مختلفة!!!! وحتى لا نمنع الناس من المشاركة انا ابدأ باول واحد من القائمة الشيخ بابكر البدري ابو التعليم ونشوف مين يلقط الثاني في القائمة.... والحمد لله معانا يوسف وحيدر وعمرو والباب مفتوح لكل عشاق الخروم والسودان زمان.
Post: #577 Title: Re: الخرطوم زمان Author: حسن عبدالله Date: 12-26-2008, 07:12 PM Parent: #573
الانسان التحفة فيصل لك التحية والتقدير وانت تنثر الدرر للخرطوم زمان ... بس عايز اعرف كيف جمعت الصور دي؟؟؟ كل واحد من بلد وكل واحد من زمن مختلف وشهرة مختلفة!!!! وحتى لا نمنع الناس من المشاركة انا ابدأ باول واحد من القائمة الشيخ بابكر البدري ابو التعليم ونشوف مين يلقط الثاني في القائمة.... والحمد لله معانا يوسف وحيدر وعمرو والباب مفتوح لكل عشاق الخروم والسودان زمان.
فى الاول ارحب بأخونا يوسف محمد معانا رغم انها متأخره شويه
والله يعافيكم ويسلمكم من كل الشرور
قالوا البلابل فى حفل الكريسماس رجعوا الناس للزمن الجميل
وا اسفاى الما كنت هناك
الناس بكت بالدموع والشباب القايم جديد عرف معنى الطرب الحقيقى الكان وفات
Post: #579 Title: Re: الخرطوم زمان Author: حسن عبدالله Date: 12-27-2008, 12:09 PM Parent: #575
الموثق حيدر لك التحية وارجو ان تكون بخير وملكت الصحة والعافية.... بس راحت عليك فرصة البلابل دي.... اكيد كان يكون فيها لشفاء... تصور قبل مدة ليست بالطويلة جات سيرتهم وانا تسألت اين اختفوا؟؟ والله كانوا طفرة في عالم الغناء في السودان... واعتقدت انك بتمزح لما قلت انهم غنوا في راس السنة!!!! بس في المنتدى دا في واحد اسمه الملك عام بوست ومنزل فيه فيديو راس السنة اكيد شفتو ولو لا تقدر تشوفو الان..
Post: #580 Title: Re: الخرطوم زمان Author: فيصل محمد خليل Date: 12-27-2008, 12:14 PM Parent: #579
Post: #581 Title: Re: الخرطوم زمان Author: حسن عبدالله Date: 12-27-2008, 02:34 PM Parent: #580
الانسان التحفة لك التحية وكل عام وانت بخير والسودان بالف خير وحلفا كذلك... وبمناسبة عودة البلابل لك هذه التحية الفرحة بعوتهم...