Post: #1 Title: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العجايب Author: essam&amal Date: 08-15-2007, 02:11 PM Parent: #0
بلدنا دى كان فيها لجنة نصوص من كبار الشعراء بدون ما يكون فيها اغانى هابطة بالمستوى ده والان الاغانى ماشة فى هبوط اسرع من اى طيارة صنعت باعلى التقنيات الضجة اثيرت حول ندى القلعة والعربية الهداها ليها رئيس نيجريا
ودى اخر اغانيها تتغنى بها فى عين الجعيص وعلى اعلى مستويات فى الحدائق والمركبات العامة الاعراس الحفلات الخاصة بكتب ليكم البقدر عليهو واى عبارات غير كدة نخليكم تسمعوها بمرور الزمن اها رايكم شنو ؟؟؟؟ فى المستوى الفنى الوصل ليهو السودان . وين ناس امن المجتمع ؟؟؟؟؟؟
الشريف مبسوط منى عشان انا بريد فنى
مشيت لو باحساسى بى طبعى الاساسى محتشمة ملتزمة خاته توبى فوق راسى والله بريد فنى
الليله والليله اعصابكم يا حليله الليله والليله نيجريا يا حليله المرسيدس جايه الفين سبعة موديله والله بريد فنى
وراجعة ام وضاح
Post: #2 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:17 PM Parent: #1
سوداننا حافظاهو ما رميت مستواهو غنيت فى نيجريا للناس البتهواهو والله بريد فنى
حسدونى المعايا فى روعة غنايا موهوبة من قمت ما بى حظ عمايا والله بريد فنى
اللكزس هدية ما علاقة شخصية انا شرفى حافظاهو ما بدور لى وصية والله بريد فنى
ام وضاح
Post: #3 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-15-2007, 02:19 PM Parent: #2
سلام ام وضاح
يا ريت لو في زول عنده الاغنية دي صوت او صوت و صورة
Post: #7 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:28 PM Parent: #3
يا فيصل الغالى الاغنية عندى لكن ما عارفه انزلها كيف عشان تسمعوا وتقرروا الدفاع ولا الهجوم تحياتى يا غالى ام وضاح
Post: #4 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-15-2007, 02:24 PM Parent: #2
لا يا أم وضاح ...
أنا بفتكر انها بترد على الاشاعات الاتقالت عنها ...مستخدمة فنها ...
والله بفتكر انها طريقة جميلة منها للدفاع عن نفسها ...
يعنى وردى يغنى فى أثيوبيا وسيد خليفة يمشى الصومال وعبد القادر سالم يغنى فى لندن ..ومين يمشى وين يغنوا ويدوهم قروش ويرجعوا محملين بالهدايا والذكريات الطيبة ..لمن ندى القاعة "الحلوة دى" تمشى نيجيريا وتغنى ...تطلع فيها أشاعة ليه؟؟
يابت غنى وفرحى خلق الله وأفرحى ودافعى عن نفسك وفضفضى ...والمجتمع السودانى ده بس الزول يمشى قدامو رافع راسو
بعد كم سنة كل الناس بيلحقوه ...
ما تشنفى البنية ...يا أم وضاح ...البنية فنانة والسودان صعب
Post: #8 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:34 PM Parent: #4
Quote: يعنى وردى يغنى فى أثيوبيا وسيد خليفة يمشى الصومال وعبد القادر سالم يغنى فى لندن ..ومين يمشى وين يغنوا ويدوهم قروش ويرجعوا محملين بالهدايا والذكريات الطيبة ..لمن ندى القاعة "الحلوة دى" تمشى نيجيريا وتغنى ...تطلع فيها أشاعة ليه؟؟
يا اخت العريس يا الخنساء انا ما شنفتها ابدا لكن انت ما تبالغى وتقارنيها بالفنانين ديل يا تماضر
ومنو الرجع من رحلة فنية بلكزس ومرسيدس وهمر . كلهم ديل عرباتهم يا لطيف ده ما دفاع ده نظام بتغيظ فى الناس الكانوا معاها فى الرحلة باسلوب ركيك يا ريت اتوفق واسمعكم الاغنية . كان جانا تمبس تحياتىليك وان شاء الله جايه الخرطوم للعرس لنلتقى باذن الله ومبرووووووك وعقبال اولادك يا ظريفة ام وضاح
Post: #9 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:37 PM Parent: #8
قالت تماضر
...والمجتمع السودانى ده بس الزول يمشى قدامو رافع راسو
دى حقيقة يا تماضر ام وضاح
Post: #5 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: celecon Date: 08-15-2007, 02:24 PM Parent: #1
أم وضاح شكرا ... والله جنس جيهة ..
الشمار يوم بكتلك ...يانوبى
Post: #10 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:39 PM Parent: #5
الشمار كان ما قتل النوبى يقتل منو ؟؟
تحياتى سيليكون ام وضاح
Post: #14 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-15-2007, 02:49 PM Parent: #5
Celecon
Quote: الشمار يوم بكتلك ...يانوبى
كان ما كتلك ده تاني اللي بيكتكلك شنو
أم وضاح
Quote: الاغنية عندى لكن ما عارفه انزلها كيف عشان تسمعوا وتقرروا الدفاع ولا الهجوم
شريط ولا ملف اذا ملف سهلة ممكن اساعد .. اذا شريط بيكون في شوية تعب. الف شكر يا غالية.
Post: #15 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:52 PM Parent: #14
شريط يا فيصل حاتصل باحد الخبراء وان شاء الله يقدر يساعد
ام وضاح
Post: #6 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:25 PM Parent: #1
الامين العام للمجلس الاتحادى للمصنفات الادبية والفنية هو
الدكتور الصادق سيد احمد وللذين لا يعرفون الدكتور الصادق سيد احمد هو اول من تعين فى الخدمة الالزامية مع بدايتها يعنى ما عنده علاقة اطلاقا بالفن والادب هو اساسا مستشار قانونى وده بديل للاستاذ الشاعر التجانى حاج موسى يعنى دكتور الصادق تخصص خدمة اللزامية ايام الضرب المبرح والموت الجد فى المعسكرات يعنى ده يقولوا عليهو شنو ؟؟؟؟؟
ونتابع
يا هناى ويا هنايا امسكوا القنايا المرسيدس ولكزس وبكرة الهمر جايه والله بريد فنى
Post: #12 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نوسة Date: 08-15-2007, 02:41 PM Parent: #6
سلامات
ام وضاح العسل
"حليييييييلو هو" ،، حالة صعبة
و يا تماضر ياختي ما شنافاً للبنية،، بس الأيامات دي عندها "حفلة طهور ولدها" مصورة في سيدي و مالية سوق الخرطوم،، و هي أيوة حاجة خاصة بس كانت تعمل حسابها و ما تتنشر ليها لأنها حسب ما سمعت عاملة فيها العمايل....
قال شرف قال،،
و عذراً ،، بس الجمرة بتحرق الواطيها
Post: #19 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 02:57 PM Parent: #12
فعلا يا نوسة حكاية ما عادية ابدا بس الواحد بيخجل ينزل حاجات زى دى . مافى رقابة ابدا والحاجات دى حايمة فى كل الدول ليه ؟؟؟؟؟؟؟؟؟؟؟؟؟؟؟ شكرا يا نوسة ده ما شناف دى غيرة على فنانات بلادى التى تنمتى لهم ندى بطريقة غير مباشرة لانى انا شخصيا لا احسبها منهن .
Post: #13 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tragie Mustafa Date: 08-15-2007, 02:46 PM Parent: #6
يعيش الدولار الخلا بت العرب تغني للعبيد!!
Quote: نيجريا تضوق حلاتو والله بريد فنى
مش برضو ندى القلعه دي بت عرب وجدها العباس و الا انا ناطه غلط, يا ناس علاء الدين (العنصري) مش علاء الدين حيموره؟؟ ومش النيجرين ديل ياهم المحمولين على ظهور امهاتهم ام المحمولين جوا عافيه منك يا ندى القلعه وبركه المشيتي يختي نيجريا ولقيتي لقزس او مرسيدس..لو مشيتي بلاد العربان كان كل الطلعتي بيه كراكتيرين ثلاثه ويوتيوب يضحك على اغنينا . يعيش السودان الجديد المتجه لافريقيا طبعا افضل دعايه هي هدايا النيجرين لندى القلعه وبعدها بنلقى كله فنانه شايله دلوكتها وتبدأ جوله افريقيه. ويلا ماحدش احسن من حد. زمان حنان بلوبلو مشت تشاد وانبسطت من تقدير الناس لفنها خلوى الفن يشوف شغله مادام السياسه ما عارفه تعمل شيئ من اجل الوحده الافريقيه. وعجبني لكم يا السودانين عشان ثاني تنزلوا اغاني الاحباش وتقعدوا تتغزلوا في بنات الناس اها بناتكم مرقوا لسوق اليوتيوب,وثاني النشوف طولة اللسان في شنو؟؟
Post: #20 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-15-2007, 02:57 PM Parent: #13
Quote: يعيش الدولار الخلا بت العرب تغني للعبيد!!
Quote: نيجريا تضوق حلاتو والله بريد فنى
مش برضو ندى القلعه دي بت عرب وجدها العباس و الا انا ناطه غلط, يا ناس علاء الدين (العنصري) مش علاء الدين حيموره؟؟ ومش النيجرين ديل ياهم المحمولين على ظهور امهاتهم ام المحمولين جوا عافيه منك يا ندى القلعه وبركه المشيتي يختي نيجريا ولقيتي لقزس او مرسيدس..لو مشيتي بلاد العربان كان كل الطعغتي بيه كراكتيرين ثلاثه ويوتيوب يضحك على اغنينا . يعيش السودان الجديد المتجه لافريقيا طبعا افضل دعايه هي هدايا النيجريني لندى القلعه وبعدها بنلقى كله فنانه شايله دلوكتها وتبدأ جوله افريقيه. ويلا ماحدش احسن من حد. زكان حنان بلوبلو مشت تشاد وانبسكت من تقدير الناس لفنها خلوى الفن يشوف شغله مادام السياسه ما عارفه تعمل شيئ من اجل الوحده الافريقيه. وعجبني لكم يا السودانين عشان ثاني تنزلوا اغاني الاحباش وتقعدوا تتغزلوا في بنات الناس اها بناتكم مرقوا لسوق اليوتيوب,وثاني النشوف طولة اللسان في شنو؟؟
ليه كده !!
Post: #23 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 03:39 PM Parent: #20
Quote: ليه كده !!
سؤال وجيه يا فيصل اتمنى ان ترد عليه نراجى
تحياتى ام وضاح
Post: #22 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 03:37 PM Parent: #13
Quote: وعجبني لكم يا السودانين عشان ثاني تنزلوا اغاني الاحباش وتقعدوا تتغزلوا في بنات الناس اها بناتكم مرقوا لسوق اليوتيوب,وثاني النشوف طولة اللسان في شنو؟؟
تراجى سلام مالك زعلانه كده انت سودانية زينا واحد البزعلنا مفروض يزعلك وما تقبلى اى حاجة تمس اسم السودان ولا شنو رايك ؟؟؟ وحقوا يا تراجى قصة ود عرب دى ما تقوليها تانى نحن سودانيين واخوان فى الحوبة تحياتى ليك
ام وضاح
Post: #59 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tragie Mustafa Date: 08-15-2007, 11:38 PM Parent: #22
العزيزه ام وضاح بكاوي في ناس وحيدين بس وحياتك ما اكثر
Quote: تراجى سلام مالك زعلانه كده انت سودانية زينا واحد البزعلنا مفروض يزعلك وما تقبلى اى حاجة تمس اسم السودان ولا شنو رايك ؟؟؟ وحقوا يا تراجى قصة ود عرب دى ما تقوليها تانى نحن سودانيين واخوان فى الحوبة تحياتى ليك ام وضاح
ام قصة ود عرب دي ما بخليها يا ام وضاح لحد ما يبطل البعض عنصريتهم الواضحه قال عرب قال!! يازوله الناس دي كلها في عيون العرب عبيد.
اما اغاني ندى ياها بتعكس واقع الشارع السوداني وانت عارفه بنفسك الشارع اتغير قدر شنو فما تفقعي مرارتك ساكت خلينا في موضوع الحموات اياهم العايزين يقتلونا وياخذوا اولادنا التعبنا فيهم وربيناهم.
Post: #11 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: ملكة سبأ Date: 08-15-2007, 02:39 PM Parent: #1
Post: #24 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 03:47 PM Parent: #11
سالت ملكة سبأ
Quote: النبي في زول عارف عوض دا منو
معى صديقتى اسماء الطيب اجابت على سؤالك بالاتى هو عوض مفتاح شخصية محبوبة وسخره الله لعمل الخير ومساعدة المحتاجين الشاعرة هى سحر ميسرة وهى شاعرة عزاز علينا وكان ان قدم لها عوض خدمة فى قضية تخص لجنة النصوص بعد ان حفيت قدماها ولم تجد من ينصفها واستحق هذه القصيدة
اها يا ملكة سبا اوفينا ليك تحياتى ليك ام وضاح
Post: #141 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Elawad Eltayeb Date: 08-18-2007, 08:38 AM Parent: #11
Post: #27 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 04:13 PM Parent: #17
قرشو شكرا للمرور والصورة العجيبة دى ودى قروش يا قرشو حقيقية ولا مزورة يا اخوى ونتابع ام وضاح
Post: #18 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: قرشـــو Date: 08-15-2007, 02:56 PM Parent: #1
" />">
Post: #28 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شول اشوانق دينق Date: 08-15-2007, 04:22 PM Parent: #1
Quote: وعجبني لكم يا السودانين عشان ثاني تنزلوا اغاني الاحباش وتقعدوا تتغزلوا في بنات الناس اها بناتكم مرقوا لسوق اليوتيوب,وثاني النشوف طولة اللسان في شنو؟؟
Quote: هوووووى يا كتوت انت
عوض جاز ؟؟؟؟؟؟؟؟؟؟؟؟؟؟؟؟؟
دى قالوا ليك للناس البعملوا عمل الخير
قال عوض الجاز قال
ههههههههههههههههههههها
شول اشوانق
Post: #30 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 04:28 PM Parent: #28
الاخ العزيز شول اشوانق دينق
ضحتك حلوة ومعبرة وعاوزين رايك فى الاغانى دى تحياتى ليك ام وضاح
Post: #29 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 04:24 PM Parent: #1
غنيت للحكومة الفى قلوبنا مرسومة الناس حسودة وانا والله مظلومة والله بريد فنى
لقونى مافيشة قطعوا قايلنى كيشة مشيت بدعوة خاصة وما اتخففت ريشة والله بريد فنى
غنايا من جوه اغانى ملانة قوة سيد الغرام كوبانى امجد حمزة خوة والله بريد فنى
ونتابع ام وضاح
Post: #31 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 04:30 PM Parent: #1
Post: #32 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شول اشوانق دينق Date: 08-15-2007, 04:43 PM Parent: #1
Quote: غنيت للحكومة الفى قلوبنا مرسومة
هباني... الحق الزولة دي جنت ولا شنو ... ندي الحصل ليها شنو... ياتو حكومة القاصدها.
شول اشوانق
Post: #34 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: برهان تاج الدين Date: 08-15-2007, 05:31 PM Parent: #32
حكومة نيجريا يا فردة
لكن يا تراجى خالك الشريف بالغ لكزس عديييييييييييييييييييييييييل كدة .. الكترابة . . هاجر كباشى هسة جات من (رحلة فنية لنيجيريا ) الاسبوع الفات . بس نعلو الشريف اتلوم معاها )
.
على العموم ملعوبة من ندوية .. ردا على العواطلية بتاعين جريدة الدار ديل بى ود البلال بتاعهم .. سبعتاشر راجل قاعدين مقابلين ليهم غناية .. الما بخجلو.
Post: #37 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 07:19 PM Parent: #34
لكن يا برهان دى ماداب لكزس فى مرسيدس وهمر جايين فى الطريق ده لوما وصلت المرسيدس عشان كده نحن عاوزين نناقش لجنة النصوص تقبل كيف بغنى زى ده يتداول فى المناسبات العامة والخاصة لازم الحد من الظاهرة دى ,,,,,, ولا رايك شنو ؟؟؟؟؟
ليك التحايا ام وضاح
Post: #33 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شول اشوانق دينق Date: 08-15-2007, 05:12 PM Parent: #1
ام وضاح الغيورة
صراحة الاغنية جميلة لانها (ندي القلعة) ما إتكلفت. غني واقعي وفن واقعي بدون اي تكلف.
اكتر من كده عايزين شنو؟؟؟!!!
________________
الطرحة وين هاهاها؟؟؟
شول اشوانق
Post: #35 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Rawia Date: 08-15-2007, 06:05 PM Parent: #33
Quote: يا ريت لو في زول عنده الاغنية دي صوت او صوت و صورة
اللفافة دي يوم وردولوب بتوقعك على قفاك
بعد اذك يا ام وضاح وعندي تعليق بتعجبني طريقة تناولك للمواضيع وطرحها
Post: #39 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 07:27 PM Parent: #35
Quote: بعد اذك يا ام وضاح وعندي تعليق بتعجبني طريقة تناولك للمواضيع وطرحها
تسلمى يا بت العباسى يا بت الغاليين وانا كمان عندى تعليق
Quote: وردولوب
الكلمة دى كتبتيها كيف ؟؟ لك الود ام وضاح
Post: #44 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-15-2007, 09:38 PM Parent: #35
Quote: اللفافة دي يوم وردولوب بتوقعك على قفاك
كان بتوقعني في ندي و شاكلتها ما مشكلة
سلامات يا رايقة
__ أم وضاح حاولي تلحقينا بالشريط ياخ
Post: #48 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 10:40 PM Parent: #44
قال فيصل نوبى
Quote: كان بتوقعني في ندي و شاكلتها ما مشكلة
اريتها وقعت اليابا والتابا يا فيصل وقعت وما سميت
ام وضاح
Post: #38 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 07:22 PM Parent: #33
Quote: الطرحة وين هاهاها؟؟؟
طرحت شنو يا شول دى ما قالت عديل كده
محتشمة ملتزمة وخاته توبى فوق راسى
عجبى ام وضاح
Post: #36 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: omar altom Date: 08-15-2007, 06:46 PM Parent: #1
ام وضاح
انا بس عندي نصيحة للبت دي
اوعي تجي تقولي الكلام ده هنا في امريكا
ما بى حظ عمايا
والله يدخلوها السجن يوم القيامة ذآآآآآآتو ما يحلها...........!!!!
رد الله غربة الفن السوداني
Post: #40 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 07:30 PM Parent: #36
Quote: والله يدخلوها السجن يوم القيامة ذآآآآآآتو ما يحلها...........!!!!
رد الله غربة الفن السوداني
اللهم آمييين
يا عمر التوم امريكا شنو البتقول عليها انت بى صحك يا اخوى بعد التحايا ام وضاح
Post: #41 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: ombadda Date: 08-15-2007, 07:44 PM Parent: #1
يا حليل عشة الفلاتية ومنى الخير زمن الفن الأصيل
Post: #45 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: برهان تاج الدين Date: 08-15-2007, 09:41 PM Parent: #41
الاخت العزيزة ام وضاح يا ريت اول تناقشو معايير هابط و صاعد و معانى الكلمات و ارتباطها بالمجتمع ، غنية زى ( اب شرا ) ناقشت قضية غاية فى الاهمية بينما قممنا (ابواللمين ووردى وكابلى ) يمتعونا بكلام وقف عند حدو لانفصاله عن الواقع. بمعنى انهم مبدعين و نص ولكن خانتهم المواكبة . ندى القلعة بت حلوة و فنانة و موهوبة غض النظر عن حياتها الشخصية و بتغنى غنى البنات اللى هم اماتنا و اخواتنا و حاجاتنا الباقية و لم تطرح نفسها مربية اجيال ، فلماذا نتصدى لها و هى تعبر ببساطة عن احلامها و افكارا و حاجاتا ؟ مادخل المصنفات بصبحية فى اركويت و لمة نسوان فى العاشرة مثلا ؟ و هل من اساسو ندى تدعو ا لاى ممارسة خاطئة ؟. و مشت نيجيريا و الرئيس النيجيرى اداها لكزس و جات هنا قامو فيها كلاب لهب بتاعين الدار الماعندهم شغلة ديل .اقوليك معلومة كمان .. الرئيس ما اداها العربية .. ادتها ليها مرتو ، تشادية زى الصاقعة تقول لى ندى بتعرفى شنو ... فى داعى رجال طوال عراض فاتحين ليهم ميتين جريدة يقعدوا يباروا فى الكلام الفارغ دة؟ ممكن تكون ندى فى نظر البعض دايرا ليها بسطونتــــين لكن قبلها فى ناس دايرا ليها خمسمية بسطونة ,
مع احترامى يا اخت ام وضاح .
Post: #50 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 11:03 PM Parent: #45
كتب الاخ برهان
Quote: غنية زى ( اب شرا ) ناقشت قضية غاية فى الاهمية بينما قممنا (ابواللمين ووردى وكابلى ) يمتعونا بكلام وقف عند حدو لانفصاله عن الواقع.
الواقع هو زى اغنية اب شرا دى اقرا معاى
بختى ان شاء الله راجل اختى يا اب شرا لا حول ولا قوة الا بالله ده الواقع بتاعنا يا اخ برهان
Quote: مادخل المصنفات بصبحية فى اركويت و لمة نسوان فى العاشرة مثلا ؟ و هل من اساسو ندى تدعو ا لاى ممارسة خاطئة ؟. و مشت نيجيريا و الرئيس النيجيرى اداها لكزس و جات هنا .اقوليك معلومة كمان .. الرئيس ما اداها العربية .. ادتها ليها مرتو ، تشادية زى الصاقعة تقول لى ندى بتعرفى شنو ... .
دخل المصنفات يا برهان تحدد مستوى الاغانى المفروض تتغنى فى الصبحية لانها فيها اطفال وشابات صغار بكرة برددوا الاغانى دى بنفس المستوى انا ترفعت ان اذكر الكلمات البتقولها ندى فى اغانيها فى الصبحيات . اذا كان انا سمعت طفلة لا تتعدى الخمسة سنوات بتردد فى كلمات عجيبة تستحى انك تسمعها من امراة عمرها فات الاربعينات ناهيك عن طفلة مستوى الاغانى الهابطة والبذيئة من وين اتعلموهو البنات من صبحيات ندى القلعة وامثالها .
اما العربية سلمها ليها الرئيس الاهبل ده بنفسه .
مع احترامى ليك ولرايك اخى برهان
ام وضاح
Post: #49 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 10:43 PM Parent: #41
Quote: يا حليل عشة الفلاتية ومنى الخير زمن الفن الأصيل
ما قلت الا الحق يا ريت لو الزمن رحع للوراء عشان يسمعن الفن تحياتى ام بدة ام وضاح
Post: #42 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Alsa7afa_30 Date: 08-15-2007, 08:13 PM Parent: #1
أم وضاح سلامات
لمزيـد من التركـيز إلى أن يتم العثور على الأغنية ...
الشريف مبسوط منى عشان انا بريد فنى
مشيت لو باحساسى بى طبعى الاساسى محتشمة ملتزمة خاته توبى فوق راسى والله بريد فنى
الليله والليله اعصابكم يا حليله الليله والليله نيجريا يا حليله المرسيدس جايه الفين سبعة موديله والله بريد فنى
سوداننا حافظاهو ما رميت مستواهو غنيت فى نيجريا للناس البتهواهو والله بريد فنى
حسدونى المعايا فى روعة غنايا موهوبة من قمت ما بى حظ عمايا والله بريد فنى
اللكزس هدية ما علاقة شخصية انا شرفى حافظاهو ما بدور لى وصية والله بريد فنى
يا هناى ويا هنايا امسكوا القنايا المرسيدس ولكزس وبكرة الهمر جايه والله بريد فنى
Post: #51 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 11:06 PM Parent: #42
يا الصحافة 30 دى ملحمة وملحمة محمد الامين برضو ملحمة شتان يا اخوى
الاغنية موجودة بس ما قادرة انزلها تحياتى ام وضاح
Post: #58 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Alsa7afa_30 Date: 08-15-2007, 11:30 PM Parent: #51
أم وضاح سلام تاني
Quote: الاغنية موجودة بس ما قادرة انزلها
حاولي الإستعانة بأحد الخبراء في هذا االموضوع بطرفكم ..
صراحة ما حصل سمعت الأغنية دي قبل كده ... جديده ؟؟
يبدو لي من القصيدة ان هنالك من أثار الشائعات حول كيفية حصولها على المبالغ الكبيرة و السيارات بعد عودتها من نيجيريا , فقامت الفنانة بداعي الدفاع عن النفس و دحض الشائعات بالتفني بهذه الأغنية .. ربما لم تجد وسيلة غير ذلك ... و في اعتقادي هي وسيلة ذكية جداً ..
تحية و تقدير ..
Post: #43 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Elbagir Osman Date: 08-15-2007, 09:31 PM Parent: #1
لا لاستدعاء ما يسمى بأمن المجتمع لتقييم عمل فني 2- الإعمال الفنية تقيم وفق اسس النقد الفني فقط 3- غناء البنات من أصدق أنواع فنون الثقافة الأخرى
الباقر موسى
Post: #47 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Siham Elmugammar Date: 08-15-2007, 10:01 PM Parent: #43
الاخت امال صدقى اهم حاجه فى البوست بتاعك ده هو استجارتك بسىء الذكر امن المجتمع.. والله هسه انا البوست ده ساق تفكيرى طوالى للتأمل فى ما فعلته سنين الانقاذ بعقولنا.... كدى خليك من موضوع "هبوط" اغانى ندى القلعه وتشكيكك و بعض المتداخلين فى الكيفية التى جعلت النيجرى يهدى لها العربيه.... "اين امن المجتمع"!!!!!!!!!!!!!!!!!!!!!!!!!!ياخ فرمتى قلبناو كبدنا... لك العافية
Post: #55 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 11:24 PM Parent: #47
Quote: اغانى ندى القلعه وتشكيكك و بعض المتداخلين فى الكيفية التى جعلت النيجرى يهدى لها العربيه
اعملى لى كوت يا استاذة سهام المجمر على اى عبارة شككت فيها فى الكيفية التى جعلت هذا النيجرى يهدى العربية اللكزس لو سمحت . انا لا اعلم الغيب ولا اعرف نوايا الناس شنو ؟؟؟ انا كتبت كلمات اغنية ركيكة تغنى فى المناسبات ورفضت هذا النوع من الاغانى وانا حرة فى ارائى . اذا ما فهمت ما ارمى له ما تتهمينى بشىء ليس من طبعى وانا لا اتهم ولا اتشكك فى شىء مثل هذا . انا فى انتظارك عشان اعرف اين شككت ؟؟
Quote: "!!!!!!!!!!!!!!!!!!!!!!!!!!ياخ فرمتى قلبناو كبدنا... لك العافية
دى بدون تعليق طبعا لانى ما فهمت القصد من وراء هذه العبارة العجيبة ,
ام وضاح
Post: #52 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-15-2007, 11:13 PM Parent: #43
Quote: 3- غناء البنات من أصدق أنواع فنون الثقافة الأخرى
اين هى اغانى البنات يا اخوى الباقر سلامة البنات ,,,,,
مدام مافى ضمير ولا واعز يخلى غنايات زى ديل يلتزموا بحدود الادب فى تناول الاغانى قدام الاطفال البرددوا كل ما تغنن به هؤلاء المصنفين نفسهم من الفنانات . احسن يجيبوا ليهم امن مجتمع امكن عسى ولعل يحصل تهذيب شوية من الانحدار الماشى للدرك الاسفل ده , تحياتى ليك ام وضاح
Post: #46 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: برهان تاج الدين Date: 08-15-2007, 09:48 PM Parent: #1
فيصل نوبى ازيك بعدين اجدع معاك اخوك انشاالله بى ام بى ثرى
راوية عباسى شخصيا ... و الله حمدالله على السلامة . نحن طولنا ولا شنو ياخوانا . .. كدى النطلع لى برة نشوف الرجعوا منو تانى
Post: #53 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-15-2007, 11:15 PM Parent: #46
أها جيتك يا أم وضاح وقبال ما أدخل لاجوه واتوهط في حوشك المفروش بالرملة الحمراء والمرشوش بالموية وفيه العناقريب هبابي وراكوبة الحصير الحاضنة عدة الجبنة وزير الفخار التحتو كورة للنقاع ,,, حوش الكرم والاصالة .. قبال ما اتوهط فيه بقول ليك حبابك وحباب الناس الجو قدامي ...
لقيت مناداتك لي ولامن دخلت لقيت الزحمة بكل الوان الطيف السوداني الاصيل وحتى اخوانا ناس الجنوب بدورو يعلقو على كلام ( الموندوكورو ) وحتى تراجي بدور تنفس في قضايا الوطن من خلال زاوية تناولك للموضوع ..
حبابك وانتي بتلمي الناس وهم متصافين زينين وسمحين ...
أم وضاح : الحاجة علوية بت حيموره عميدة الجنس الناعم لآل حيموره الله يديها العافية ويمد في اياما لما ما يعجبها كلام او تصرف طوالي تتمحن وتقول استغغغغغغفر الله يا بات امي ....
يلا عشان نقول قلت اقرأ بروية وبجيك لموضوعنا الاساسي يا قول حاجة حنانة حيموره ..
مودتي
Post: #65 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 05:55 AM Parent: #53
Quote: أها جيتك يا أم وضاح وقبال ما أدخل لاجوه واتوهط في حوشك المفروش بالرملة الحمراء والمرشوش بالموية وفيه العناقريب هبابي وراكوبة الحصير الحاضنة عدة الجبنة وزير الفخار التحتو كورة للنقاع ,,, حوش الكرم والاصالة .. قبال ما اتوهط فيه بقول ليك حبابك وحباب الناس الجو قدامي ...
ودحيمورة حبابك الف وبى كل الحبايب الهنا ,, لكن وصفك للحوش والاشياء ما شاء الله خلانى قربت الساعة تلاتة اعمل لى قهوة عشان اعيش الدور , ولازم تكون كاتب قصة يا زول ما تضيع الفرصة , من امبارح ما قادرة ادخل معاكم لحدى الساعة تلاتة صباحا لكن الحمد لله قدرت الان اعمل اضافة رد . انا يا اخوى ما بشاكل لى زول فى بيتى ده ابدا كل زول يقول رايو والباب مفتوح نحن بصدد الحد من حادات كتيرة فى مجتمعنا ده دايره وصول لحل جذرى فيها ان شاء الله , حبابك عشرة بلا كشرة
ام وضاح
Post: #54 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-15-2007, 11:19 PM Parent: #46
Quote: لا لاستدعاء ما يسمى بأمن المجتمع لتقييم عمل فني 2- الإعمال الفنية تقيم وفق اسس النقد الفني فقط 3- غناء البنات من أصدق أنواع فنون الثقافة الأخرى
الباقر موسى
اها يا جماعة:
أنا رجعت تانى .... أردد فى الاغانى .. ندى القلعة عاجبانى بت وغناها حانى
الليل ما جانا
هههههههههه
طبعا فى ناس بقولو ياحليل ناس عشة الفلاتية ومنى الخير زمن الفن الاصيل ...
الضمان شنو أنه منى الخير وعشة الفلاتية ما نبشوهم وشالوا حالهم لما كانن شابات وصغيرات ...
أنا بتذكر زمن البلابل والناس كانوا بطلعوا فيهم اشاعات زى الطلق كل يوم اشاعة ..وهم احتملوا من المجتمع السودانى ده مراير كتيرة
لحدى ما اتزوجوا وغابوا من المشهد شوية كده بدوا الناس يشكروهم ويرددوا أغانيهم ...
حتقولو لى لا ...غنا عشة الفلاتية ومنى الخير رصين ..وفن أصيل ... وأنا بقول ..انه بحترموا الناس لانه "كلمات فلان الفلانى وألحان فلان الفلانى" يعنى "كلام رجال وألحان رجال" نادرا ما تلقى الاغنية كاتباها
بنت أو سيدة أو امرأة ...
حسة النقاد والموسيقيين بعد (المجتمع) نبذ غنا البنات سمممممح ...وسموه هابط وسموه شنو ما بعرف ...قاموا يشكروا فيه ويعملوا فيه دراسات ...
طيب أهو ده غنا بنات ...قطع أخدر ...
المحيرنى أنه (المجتمع) بجض كده مالو كل ما تقوم "سنبلة"؟ ياعملات محمد درويش ...؟؟
المجتمع يايمة شكيناه عند الله ... غايتو يا ندى القلعة ما بعرف عنك الا الشفتو فى يوتيوب ، وما بهمنى كتير الجارى فى حياتك الشخصية ، والمجتمع ما خليتى ليه شى احترمتى ليه ثيمو (حسب ما تقول الاغنية) ...بعد ده شنو الموت؟؟؟ أها عافية منك لله والرسول ..دمك حار وصوتك نار .. غنى غناك وخلى الهم يختاك..
ولو عدتم ...انا ياهو دى ...
وشكرا باقر موسى ..على الاتفاق الضمنى
Post: #67 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 06:15 AM Parent: #54
بت شيخ الدين الخنساء حبابك عشرة وحباب رجعتك وكتر منها كتبت
Quote: أنا بتذكر زمن البلابل والناس كانوا بطلعوا فيهم اشاعات زى الطلق كل يوم اشاعة ..وهم احتملوا من المجتمع السودانى ده مراير كتيرة لحدى ما اتزوجوا وغابوا من المشهد شوية كده بدوا الناس يشكروهم ويرددوا أغانيهم ...
مع احترامى لى رايك انا شخصيا ما سمعت ولا قريت اى اساءة للبلابل ابدا لكن امكن لو حصلت يكون عشان الزمن داك الغنا للبنات صعب شوية . لكنة لم اسمع اطلاقا اى اغنية للبلابل كلماتها هابطة او غير معبرة ولو رجعنا لبوست الاخ عبد الدائم البلابل وسيمفونية الزمن الجميل نشوف العجب ونشوف الطرب ونشوف الفن الاصيل وبرضوا غنا البنت فيه تتمنى وتشحد الله ود الحلال وووولكن ؟؟؟؟؟؟ شتان بين الكلمات التى تتغنى بها البلابل وندى القلعة . وبرضوا انا كلامى ده عن مستوى الاغانى فقط لا لا يهمنى اشياءهن الخاصة كما ذكرتى . اى انسان حر فى تصرفاته الخاصة ناهيك عن انه هو فنان ولا غيرو حياة الانسان الخاصة ملك حر له وعمرى لا اتكلم ولا اتشكك فى حياة الفنان الخاصة كما ذكرت احداهن سابقا ظلما ولكننا نطلب الفن الجميل لك الود يا الخنساء ام وضاح
Post: #64 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 05:47 AM Parent: #46
كدى يا برهان شاركونا انت والنوبى فى كيفية الحد من هذه الظواهر بعدين اتقسموا الحاجات ولا رايكم شنو ؟؟؟ تحياتى ليكم ام وضاح
Post: #71 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-16-2007, 06:43 AM Parent: #46
حبيبنا برهان شايفكـ متجدع مع خالتكـ في بوست تاني ما حبيت اشاغلكـ هناكـ الاخبار و الامور !!! موفق إن شاء الله .. تعرف وحشونا حبايبنا طرفكم
للناس اللي بيقولو ده الرئيس النيجيري ده ليس الرئيس النيجيري بل حاكم إقليم نيجيري
سيارة لـكزس لي نــدى القلعة و 100 ألف دولار هديــة حـاكــم إقــليم نيجيــــري
دبي: كمال طه
* باتت الفنانة ندى القلعة مطربة السودان الاولى بلا منازع بانتشارها السريع افريقياً حيث سبقت البوماتها الغنائية زيارتها الاخيرة الى نيجيريا رغم ان شعب ذلك البلد الصديق البعيد لا يتحدث العربية ولكنه يتذوق الغناء السوداني ويعجب باصوات فنانيه وفناناته، فكان ذلك السبق سبباً في دعوتها وفرقتها ووفد من مجموعة فنانين وموسيقيين لاحياء حفلات هناك بمناسبة اعياد الديمقراطية·
وبانتشارها عربياً ايضاً بحلولها ضيفة على مهرجان مفاجآت صيف دبي لهذا العام 2006 بعد انتهاء حفلاتها الاربع التي احيتها في اقليم مايدوقلي بنيجيريا تحت رعاية حاكمه علي الشريف وحرمه السيدة فاطمة التي قامت بتوجيه الدعوة لمطربتنا نيابة عنه اثر سماعها بحادث الحركة التي تعرضت له وتم شفاؤها من آثاره وخروجها سالمة·
وهنا في دبي بدأت اطلالتها الاولى في حفل النادي الثقافي الاجتماعي بدبي على شرف حملة >صحة من اجل الجميع< والذي احيته متبرعة مساهمة منها من اجل انجاح ختام هذا المشروع ومن اجل الوطن في المقام الاول·
وهي تستعد لتنفيذ باقي حفلاتها في باقي الامارات بعد حفل ناجح اقامته بدبي الاسبوع الماضي فوجئت صباح امس بمحادثة هاتفية من مدير مكتب حاكم اقليم مايدوقلي علي الشريف يخطرها بحضوره الى دبي موفداً منه خصيصاً لتكريمها بهدية قيمة رداً على تشريفها له وتلبية دعوة زوجته ولمبادرتها بتقديمها لهما هدايا سودانية خلال الحفل الختامي وامام ضيوفه من الوزراء ورجال السلك الدبلوماسي مما كان لها وقع طيب في نفسيهما رغم انها ضيفة عليهم، وطلب منها مدير المكتب الحضور الى شركة العظيم بدبي لتسليمها الهدية·
المفاجأة سيارة لكزس
* وكشفت ندى القلعة النقاب لـ قوون عن الهدية المفاجأة قائلة: كأنني في حلم لم افق منه الا بعد قيام مندوب الشركة الذي رحب بي بمكتبه بتسليمي كل الاوراق الخاصة بملكية سيارة لكزس صالون على الزيرو موديل 2006م وهنا لاحظت مدير مكتب الحاكم علي الشريف يجري اتصالاً هاتفياً معه يخطره بقيامه بالمهمة·· وما هي الا لحظة حتى ناولني >الموبايل< ليحدثني شاكراً ومقدراً وكذلك زوجته، فشكرتهما ايضاً على هديتهما القيمة التي اعتقد انها هدية لوطني الذي مثلته خير تمثيل·· مع زملائي الفنانين الآخرين·· واستطردت قائلة مازلت في دهشة من هذه المفاجأة التي لم اتوقعها على الاطلاق·
100 الف دولار عائد الحفلات
*وبسؤالها عن عائدها من الحفلات التي اقامتها في ذلك الاقليم النيجيري·· اجابت ندى القلعة بانها لم تفكر قط في المال خلال احيائها الحفلة وراء الحفلة والتي كانت جميعها على مستوى راق حيث احييتها بمفردي وغنيت فيها كما لم اغن من قبل خاصة ان الحضور كانوا من رجال الدولة والدبلوماسيين وزوجاتهم·· ولكني فوجئت في اليوم الاخير قبل اقلاع الطائرة بنا حيث كانت برفقتي هناك والدتي وكل افراد العائلة بتسليمي مبلغ مائة الف دولار بالتمام والكمال مقابل ما قدمته من اغان رائعة·
شعوري لا يوصف
*معنى هذا انك خرجت من هذه الزيارة بهذا المبلغ وبالسيارة اللكزس الجديدة وقيمتها 190 الف درهم اي ما تعادل 59 الف دولار ماهو شعورك وانت تكسبين كل هذا في رحلة افريقية لنيجيريا وفي زيارة لدبي لا زالت في بدايتها؟
اجابت ندى القلعة قائلة شعوري لا يوصف حيث ادركت الآن قيمتي الحقيقية كفنانة معتبرة·· فنانة سودانية ذاع صيتها لهذه الدرجة من الاعجاب بصوتها وبما تقدمه من فن اصيل وحديث·
* وللحديث مع >ندى العنبر< كما اطلق عليها شاعرها وملحن اغنياتها الدكتور علي الكوباني بقية·· لا يخلو من مفاجآت موعدكم معها ومع تفاصيل دقيقة لرحلة الالف دولار والسيارة اللكزس قريباً باذن الله في لقاء مطول تكشف خلاله الكثير من الاسرار والحقائق في مشوار حياتها الفنية· وامسكوا الخشب···
دقيقة اجيب ليكم الحفلة زاتها و اجيكم راجع
Post: #72 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-16-2007, 07:18 AM Parent: #71
الحفلة كاملة و آخر أغنية تحديدا لشريف
Post: #91 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 09:58 PM Parent: #71
الاخ فيصل النوبى شكرا للمعلومات الثرة دى وكمان الصورة ما قصرت ليك التحايا والشكر ام وضاح
Post: #56 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Deng Date: 08-15-2007, 11:26 PM Parent: #1
أم وضاح.
هسع الجوطة دي كلها فوق شنوا أصلا؟
الجديد شنوا في غنى ندى القلعة؟
أغاني البنات مشهورة جدا بمثل هذا الكلمات وأسواء منها بكثير. نحن في السودان كلنا بنستمع الى هذا الاغاني وبنهجج في حفلاتها وتاني يوم الصباح
يجوا بعض المثقفين والمتزمتين ينتقدون أغاني البنات. وهم كانوا معانا في الحفلة أخر كشف ورقص. لمتين نحن ح نكون بنخدع في نفسنا بالطريقة دي.
يا أم وضاح وبقية المشاركين بهذا البوست.
أنا أزكر في الثمانينات عندما كانت حنان بلوبلو في قمة فنها وكانت طبعا ممنوعة تغني في الاذاعة والتلفزيون كانت تسافر وتحي حفلات ناجحة جدا وسط
المغتربين في الخليج. ولقد تمت دعوتها بواسطة السيدة الاولى في تشاد أنذاك(زوجة الرئيس حسين حبري على ما أعتقد) وأحيت لها حفلة بمناسبة مولودة
جديدة وتم تسمية المولودة حنان. وأيضا أحيت الفنانة حنان بلوبلو حفلة كبيرة في أستاد أنجمينا للجمهور التشادي الذي يعشق فن حنان بلوبلو.
وطبعا رجعت حنان بلوبلو السودان وهي محملة بالهدايا القيمة من القصر الرئاسي التشادي. والاهم من ذلك رجعت حنان وهي تحمل حب وأعجاب الشعب
التشادي الشقيق.
نحن مشكلتنا الكبيرة في السودان نريد أن نعرض فن بأئر وعفا عنه الزمن ولا يعجب سوى السودانين الكوامر. لا يمكن لناان نفرض على الشعوب الاخري
محمد وردي أو محمد الامين أو الكابلي.
دينق.
Post: #66 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 06:04 AM Parent: #56
كتب الاخ دينق
Quote: نحن مشكلتنا الكبيرة في السودان نريد أن نعرض فن بأئر وعفا عنه الزمن ولا يعجب سوى السودانين الكوامر. لا يمكن لناان نفرض على الشعوب الاخري محمد وردي أو محمد الامين أو الكابلي.
لا يا دينق دى ما مشكلتنا ولا قلنا نفرض فنانيننا الكبار ديل على شعوب اخرى نحن قلنا حاجة عن البلابل سميرة دنيا اسرار بابكر امال النور هذا على سبيل المثال لا الحصر منو فينا اتكلم عنهن ولا قلل من قدرهن بقدموا فن جميل وكلمات منتغاه جميلة . نحن نتكلم عن مستوى الكلمات البتقدمها ندى القلعة ليه ما بتختار غير الكلمات الهابطة دى ؟؟
تحياتى دينج ام وضاح
Post: #57 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: معتصم الطاهر Date: 08-15-2007, 11:29 PM Parent: #1
Quote: يسلم لى المفتاح الما ولدت قماح ام وضاح
دا فى النص ..
Post: #60 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-16-2007, 00:19 AM Parent: #57
اها نرجع لموضوعنا الاساسي يا ام وضاح ...
سمعت كلام جميل من الاستاذة آمال النور في لقاء تلفزيوني قديم جدا ايام ظاهرة الفنانة حنان بلوبلو :
قالت انو نجاح اي اعمال فنية مهما كان مستواها برجع الى الكم من الناس الذين يلتفون حولها فاذا كانت حنان بلو بلو وسط طبقة مثقفة مستهجنة للنمط ولكن اقلية لا تكون فاشلة وسط طبقة من الشعب وتعد الاكثرية متذوقين لفنها ... انتهي الكلام
ببقى نحاول مناقشة الظاهرة من مجموعة زوايا ...
هل لانو نحن فعلا سمعنا الكلام الرصين زمان وما قادرين نستوعب النقلة دي ؟؟
هل نترك لهذا الجيل ان يتحرر من طريقة تذوقنا للاغاني ؟؟؟
هل هي فعلا هابطة وبأي مستوى ؟؟؟
هل الشارع متقبل بأكثرية ؟؟؟
لكن بمكن القول بأنها في الاساس ظاهرة فنية لا يكتب لها عمرا طويلا طالما عالجت قضية في زمن محدد لشيء محدد ولاشخاص محددين .. فهي لم تخاطب وجدان كل الناس بدليل استهجاننا لتركيبة الكلمات التي تمجد فيها نفسها وربما يكون الامر افظع للذين يعرفون تاريخها الذي ليس مكانه النقاش هنا ...
الشعب السوداني بخيره فأشعار اسماء الجنيد وهند محمد وتماضر الخنساء وسمية طلحة وغيرهن من شاعرات السودان الفاضلات يظل باقيا في الوجدان ابد الدهر فنحس بانهن يخاطبن عقولنا بجميل الكلام ...
لماذا لا نوجه لهن الرأي في المساهمة في تحويل اغاني البنات الى الكلمات الرصينة ...
مؤكد فراغ الساحة الفنية من الجميل يكون مرتعا لما لا نحبه ..
وتاني راجع ليك
Post: #61 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمود ريحان Date: 08-16-2007, 00:38 AM Parent: #60
تحيات حيموره الموضوع ده صراحه شائك الواحد يبعد نفسه وجع القلب
لكن الصراحه الشاف الشافته ندي في بدايه الفنيه مامفروض يقول فيها حاجه انا صراحه متمني انه تجد اهتمام اكتر لانها لو عاشرتها بسيطه الاغنيه مفرداته توضح بساطه ندي وهي ترد حسب ماتراء
Post: #93 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 10:07 PM Parent: #61
Quote: لكن الصراحه الشاف الشافته ندي في بدايه الفنيه مامفروض يقول فيها حاجه انا صراحه متمني انه تجد اهتمام اكتر لانها لو عاشرتها بسيطه الاغنيه مفرداته توضح بساطه ندي وهي ترد حسب ماتراء
الاخ الغالى محمود ريحان انا يصراحة ما فهمت كلامك من الشافتو ندى انا امكن ما مواكبة وما عارفة الحصل ليها شنو ؟؟لو عاشرناها ولقيناها بسيطة ده ما بمنع انها تفدم ما هو جميل ويشرفنا ويشرف بلدنا ولا رايك شنو يا محمزد لك التحية ام وضاح
Post: #69 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 06:33 AM Parent: #60
Quote: هل لانو نحن فعلا سمعنا الكلام الرصين زمان وما قادرين نستوعب النقلة دي ؟؟
هل نترك لهذا الجيل ان يتحرر من طريقة تذوقنا للاغاني ؟؟؟
هل هي فعلا هابطة وبأي مستوى ؟؟؟
هل الشارع متقبل بأكثرية ؟؟؟
حبابك يا علاء الدين
بالنسبة للسؤال الاول نحن كيف نستوعب الكلام الفارغ ده ونحن عاصرنا الشعر الرصين الهادف الجميل . بالنسبة للسؤال التانى نحن لما نخلى الجيل يتحرر من طريقتنا نخليهوا يمشى للافضل يسمع الاجمل ليه نخليهو يرجع لوراء الف وخمسمائة ميل ؟؟ بالنسبة للسؤال التالت هابطة باسوا مستوى يخطر على بالك لانها فى حاجات ذاتها الواحد ما بكتبها مش فى الاغنية دى فى اغنيات كتيرة جدا . بالنسبة للسؤال الرابع انا طبعا ما بقدر احدد اجابتى على السؤال ده الا ابدا استفتاء وسوف ابدا بالجامعات ان شاء الله بعد موسم الامتحانات وحاتب موضوع كبير واتمنى ان نعمله مع بعض .
Quote: لكن بمكن القول بأنها في الاساس ظاهرة فنية لا يكتب لها عمرا طويلا طالما عالجت قضية في زمن محدد لشيء محدد ولاشخاص محددين ..
بالظبط كده لا الظاهرة ولا الفنان ما بكتب ليهوا عمر جديد , العمر الجديد بنكتب للاشياء الاصيلة البتخاطب الوجدان والمشاعر نحن شعب ذواق يا علاء الدين . تحياتى راجعة ليك ام وضاح
Post: #62 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: لقمان حسن همام Date: 08-16-2007, 00:50 AM Parent: #57
Quote: وشكرا باقر موسى ..على الاتفاق الضمنى
وأنا معكما يا تماضر ..
Post: #124 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:00 AM Parent: #62
الاخ العزيز لقمان حسن مسرورة جدا بمرورك تحياتى ام وضاح
Post: #68 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 06:17 AM Parent: #57
الاخ معتصم الطاهر سلامات دى فى اغنية تانية كتبتها ملكة سبا عن واحد اسمه عوض المفتاح بتغنيها ندى برضو . تحياتى ام وضاح
Post: #63 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: nada ali Date: 08-16-2007, 02:14 AM Parent: #1
الاخت امال تحية طيبة
استمعت للاستاذة ندى القلعة لاول مرة فى اليوتيوب قبل حوالى الشهرين و هى تشدو ب"عزاز علينا". و حقيقة صوتهاجيد و ملامح وجههاجميلة تعكس الطيبة و البساطة.
اتفق مع الباقر موسى و تماضر،
Quote: 1-لا لاستدعاء ما يسمى بأمن المجتمع لتقييم عمل فني 2- الإعمال الفنية تقيم وفق اسس النقد الفني فقط 3- غناء البنات من أصدق أنواع فنون الثقافة الأخرى
و ليس لاى كان ان يفرض عليها ماذا تغنى ولا اين تغنى ولا كم تتلقى كأجر ما دامت لا تتعدى على الاخرين بكلماتها.
و يا تماضر دى ما اغنية جاهزة الالّفتيها دى.
اما الرئيس النيجيرى - اذا كان فعلا قدّم هذه الهدايا للاستاذة ندى القلعة، و اذا كان هذا ديدنه مع الفنانين/ات فعليه ان يخجل من نفسه و يستخدم هذه الموارد - حتى و ان كانت ضئيلة - لمواجهة احتياجات شعبه.
كنت فى لاغوس العام الماضى و ساءنى ما شاهدته من مظاهر الفقر المدقع وسط الكثيرين رغم ان نيجيريا دولة منتجة و مصدرة للبترول. ندى
Post: #88 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 09:41 PM Parent: #63
Quote: و ليس لاى كان ان يفرض عليها ماذا تغنى ولا اين تغنى ولا كم تتلقى كأجر ما دامت لا تتعدى على الاخرين بكلماتها.
الحبيبة ندى على فى كلامك الفوق ده اسمحى لى اقول ليك انت غلطانة نحن كمجتمع نطالب بكلمات جميلة واصيلة تكون تراث من بعدنا اجيال واجيال نحن نفرض على الفنان يسمعنا ماهو جيد وجميل .
Quote: اما الرئيس النيجيرى - اذا كان فعلا قدّم هذه الهدايا للاستاذة ندى القلعة، و اذا كان هذا ديدنه مع الفنانين/ات فعليه ان يخجل من نفسه و يستخدم هذه الموارد - حتى و ان كانت ضئيلة - لمواجهة احتياجات شعبه.
اداها اللكزس يا ندى والصور مالية البلد عند التسليم والشعب عارف كل حاجة واتشحنت بى وين واتسلمت متين وزى ما سمعت المرسيدس والهملا وعلى ما اعتقد الروزرويس كمان كل ذكرتو فى الاغنية ويا ريت تعرفى اى مستوى من الفقر يعانى شعب نيجريا كما ذكرت . تحياتى ام وضاح
Post: #73 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: جعفر سومي Date: 08-16-2007, 07:45 AM Parent: #1
[ font size=4 font color= black] الأخت / أم وضاح لك تحياتي أرجو ان تسمحي لي بالتداخل في هذا البوست الشيق من جانب المداخلات المتنوعة والغمز واللمز من زوايا مختلفة كل حسب هواه. ما أريد أن أعترف به هو أنني لست من المعجبين ولا من المتابعين لأغنيات الفنانة ندى القلعة, ولكنني لست من الناقدين لفنها وأغنياتها بحكم عدم التخصص في النقد الفني بالإضافة إلى حكمة الله التي حرمتني من حلاوة الصوت وبالتالي الابتعاد عن مجال الفن. بخصوص أغنية ندى القلعة أظن قبل أن ننتقدها ونسهب في الكلام علينا اجراء استطلاع لفئات مختلفة من المجتمع السوداني لنرى درجة قبول المواطنين لتلك الأغنيات ومدى التفاعل معها كما يمكن الرجوع لمبيعات أشرطة وأسطوانات الفنانة المذكورة وبعدها نحكم عليها. أظن ماأرفضه أنا لا يعني بأي حال رفضه من عامة المجتمع وبالتالي الحكم عليه بالركاكة. أما بخصوص نشر الأخبار والصور الشخصية والعائلية للفنانة المذكورة أعتقد أن الفنانة ندى القلعة لها نصيب الأسد في ذلك وقد تكون مبسوطة له إذ كيف تسمح بتصويرها ونشرها على الانترنت دون أن تحتج على ذلك. لك الشكر مجددا
Post: #90 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 09:50 PM Parent: #73
Quote: كما يمكن الرجوع لمبيعات أشرطة وأسطوانات الفنانة المذكورة وبعدها نحكم عليها. أظن ماأرفضه أنا لا يعني بأي حال رفضه من عامة المجتمع وبالتالي الحكم عليه بالركاكة.
الاخ الغالى جعفر موسى طبعا هى اصلا ماحتكون مطلعة ليها اسطوانة ولا حتكون سمعت بيها لكن امكن تكون مطلعة شريط ماستر والله اعلم لكن شرايط الاعراس والقعدات على قفا من يشيل فى اى ركشة ولا امجاد والسوق العربى وسعد قشرة ممكن تشترى الشريط بالف جنيه فقط بس ينسخوا ويبيعو ورحم الله المصنفات الادبية . تحياتى ام وضاح
Post: #74 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: قرشـــو Date: 08-16-2007, 08:05 AM Parent: #1
Quote: غايتو يا ندى القلعة ما بعرف عنك الا الشفتو فى يوتيوب ، وما بهمنى كتير الجارى فى حياتك الشخصية ، والمجتمع ما خليتى ليه شى احترمتى ليه ثيمو (حسب ما تقول الاغنية) ...بعد ده شنو الموت؟؟؟ أها عافية منك لله والرسول ..دمك حار وصوتك نار .. غنى غناك وخلى الهم يختاك..
الغالية تماضر
الله يديك العافية ياخى
والله البت دى بتعجبنى كده للاخر وغناها بعجبنى عجب شديد
ربنا يخليها وتغنى اكتر واكتر
Post: #101 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-17-2007, 07:58 AM Parent: #74
Quote: والله البت دى بتعجبنى كده للاخر وغناها بعجبنى عجب شديد
والله يا قرشو كان ندى دى بتعرف تغنى وبتعجبك يبقى فعلا حب الناس مذاهب يا اخوى افتح ليها شريط واتمعن فى صوتها وغناها تحياتى ليك ام وضاح
Post: #75 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شول اشوانق دينق Date: 08-16-2007, 10:15 AM Parent: #1
Quote: يا حليل عشة الفلاتية ومنى الخير زمن الفن الأصيل
Quote: ما قلت الا الحق يا ريت لو الزمن رحع للوراء عشان يسمعن الفن تحياتى ام بدة
ام بدة وام وضاح
لمتين هنقول يا حليل ويا حليل؟
ناس عشة ومني الخير اخدوا حقن زمان ... خلو الجو هسع لناس ندي وفرفور وكل زول يعيش زمنه يا جماعة.
ده مصائب شنو ده؟؟؟!!!
شول اشوانق
Post: #76 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شول اشوانق دينق Date: 08-16-2007, 10:33 AM Parent: #1
عايزها تبقي خوة (ندي القلعة) يا سلام علي الفن الجميل
الزولة البتغني غني زي المقطع الكاتبه فوق ده مش يستاهل لكزس دي تستاهل همر عديل كده بس كعب العدم التستناني هي الم لي شوية قريشات واجيها.
فائق الإحترام
شول اشوانق
Post: #77 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-16-2007, 10:45 AM Parent: #76
Quote: عايزها تبقي خوة (ندي القلعة) يا سلام علي الفن الجميل
الزولة البتغني غني زي المقطع الكاتبه فوق ده مش يستاهل لكزس دي تستاهل همر عديل كده بس كعب العدم التستناني هي الم لي شوية قريشات واجيها.
لوووووووووووووووووووووووووووووول
دي بي كم كرت
Post: #78 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-16-2007, 10:49 AM Parent: #77
Quote: كعب العدم
عدم الكعب
Post: #79 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: AL BOOS Date: 08-16-2007, 12:23 PM Parent: #1
Quote: دبي: كمال طه
الزول ده خلى الكورة والا حنك منو
Post: #80 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نوسة Date: 08-16-2007, 01:06 PM Parent: #79
سلامات يا شباب
أول حاجة أنا عندي تصحيح لمعلومة.....
أول حاجة الزول الأدى ندوية دي اللكزس ما الرئيس النيجيري،، إنتو مالكم عايزين "تخلقوا لينا أزمة دبلوماسية"؟؟؟؟؟؟؟
هو حاكم إقليم و لا محافظ،، و هي زكرت الموضوع دة في برنامج "كل الجمال" في التلفزيون القومي،، و أنا سمعتها بي أضاني دي "الحياكلها الدود بعد عمر طويل"..
و إنتهى
أووووووووووووووووووووب من جنس ديل
Post: #82 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فيصل نوبي Date: 08-16-2007, 02:22 PM Parent: #80
نوسة اقري مداخلتي الفوق
Quote: للناس اللي بيقولو ده الرئيس النيجيري ده ليس الرئيس النيجيري بل حاكم إقليم نيجيري
تحيات يا ستي
Post: #81 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Elbagir Osman Date: 08-16-2007, 01:57 PM Parent: #1
الأخت أم وضاح
أراك مصرة على استدعاء "أمن المجتمع" لتأديب البنات معلوماتي محدودة عن هذا الأمن لكن سمعت حكايات مفصلة عن قوات تهاجم الحفلات والفنانين والبنات ليفرضوا عليهم لبس معين
أنا ضد ذلك تماما
ثانيا تقييم الأعمال الفنية يقبل على أساس فني وليس أخلاقي أو غيره
أتعاطف مع الفنانة عندما تقول أنها ذهبت وثوبها فوق رأسها أشعر بقهر وقع عليها وعلى معظم البنات من حقها تمشي وثوبها فوق رأسها أو فوق كتفها أو بدون ثوب تماما هذه حريتها الشخصية
يعجبني مقطع أريد فني تعبير جديد وطريف
أنا كنت ممن يتعالون على فن حنان بلوبلو أدركت مؤخرا أنني ظلمت نفسي بعدم مشاهدة أي حفل لها فهي توليفة من فنون الأداء والحركة أعجبني وصف صديقي الشاعر سيد أحمد بلال لها في مقال بأن حركتها كالقلم
مرحبا بكل إبداع
الباقر موسى
Post: #83 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-16-2007, 02:40 PM Parent: #81
نقاط مشاركه
1- البلابل كانو موضوع مختلف عن ندي القلعه زمنهم مختلف ومحتوي فنهم مختلف برضو . 2- غنا البنات عمرو ماكان بشرح حالات فرديه و مشاكل شخصيه غنا البنات كان جوهرو فيهو موضوع (مشكله اجتماعيه) بورة / زواج / مغترب / حب / .. الخ 3- الغنوة دي عندها اجندتها المامهمة للشعب السوداني من قريب او بعيد .. دي غنوة رد علي افراد او جماعات مختلفه مع ندي القلعه .. إلا اذا كانت ندي القلعه بأهميه مشروع الجزيره 4- امن المجتمع علاقتو شنو بي (فنان) ؟ الفنان ده يا يقبلوهو الناس او يرفضوهو .. امن المجتمع ده معيارو شنو كدي ورونا؟ 5- الاشاعات عن الفنان دائما ما يرد عليها الفنان بالمذيد من الابداع دون الالتفات لي الاشاعات .. لكن كونو يصبح محور (فن) المطرب الرد علي الاشعات في شكل اغنيات .. ده امر مضحكـ
6- اتمني ان تواصل ندي القلعه ما بداته من معالجات لاغاني الحماسه التراثيه
Post: #84 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-16-2007, 02:44 PM Parent: #83
ام وضاح رجاء نزلي لينا اغنيه المكاواه دي عشان نسمعها
_________ غالبا ايقاع الاغنيه حايكون تم تم و هجيج شديد امعانا في المكاواه
Post: #86 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-16-2007, 03:02 PM Parent: #84
Post: #94 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-16-2007, 10:19 PM Parent: #81
Quote: أراك مصرة على استدعاء "أمن المجتمع" لتأديب البنات معلوماتي محدودة عن هذا الأمن لكن سمعت حكايات مفصلة عن قوات تهاجم الحفلات والفنانين والبنات ليفرضوا عليهم لبس معين أنا ضد ذلك تماما
والله يا الباقر يا اخوى العبارة الفوق دى حيرتنى انا مصرة على امن المجتمع ؟؟؟ انا عدت للسودان منذ ثلاثة سنوات الى هذه اللحظة لم ارى امن مجتمع ولا حتى فى الشارع ولا عارفة شكلهم كيف ولا راكبين عربات شنو لهذه اللحظة يا استاذ حضرت الف مناسبة وشفت اشكال وانواع من اللبس لم ارى احد دخل فى اى مناسبة وفرض عليهم لبس او اى شىء والله على ما اقول شهيد ؟ ما نسمع كلام ونتناقله من غير ما نتاكد منو مثل ما يجرى فى المنبر ده ’ بعدين بالنسبة لندى باين عليها محتشمة وخاته توبها فوق راسها من شريط الحفلة دى النزلوا النوبى آخر حشمة ما شاء الله , تسلم يا اخوى ام وضاح
Post: #85 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: nada ali Date: 08-16-2007, 03:00 PM Parent: #1
Quote: أتعاطف مع الفنانة عندما تقول أنها ذهبت وثوبها فوق رأسها أشعر بقهر وقع عليها وعلى معظم البنات من حقها تمشي وثوبها فوق رأسها أو فوق كتفها أو بدون ثوب تماما هذه حريتها الشخصية
Post: #87 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Deng Date: 08-16-2007, 07:36 PM Parent: #1
Quote: لا يا دينق دى ما مشكلتنا ولا قلنا نفرض فنانيننا الكبار ديل على شعوب اخرى نحن قلنا حاجة عن البلابل سميرة دنيا اسرار بابكر امال النور هذا على سبيل المثال لا الحصر منو فينا اتكلم عنهن ولا قلل من قدرهن بقدموا فن جميل وكلمات منتغاه جميلة . نحن نتكلم عن مستوى الكلمات البتقدمها ندى القلعة ليه ما بتختار غير الكلمات الهابطة دى ؟؟
أم وضاح.
الاغاني الانتي بتسميها "هابطة" دي موجودة قبل ميلاد الفنانة ندى القلعة. الجديد فيها شنوا؟
مش هي نفس الاغاني التي تحكي عن حال المجتمع بطريقة غنائية صريحة؟
أما حديثك عن أمن الجتمع فهذا حديث غريب ولا يشبه أي شخص يكتب في سودانيز أونلاين.
دينق.
Post: #89 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمد البشرى الخضر Date: 08-16-2007, 09:48 PM Parent: #87
سلام ام وضاح لما بديت أقرأ البوست من البداية تبادر لذهني أن ندى القلعة ليست شاعرة يا ترى منو الكتب ليها الغنية نزلت لقيت في إحدى المداخلات
Quote: شاعرها وملحن اغنياتها الدكتور علي الكوباني
قلت في سري ياخي الدنيا دي فيها حاجات غريبة نزلت للآخر لقيت الكومندان دينق كاتب
Quote: حديث غريب ولا يشبه أي شخص يكتب في سودانيز أونلاين
قلت ياخي ما غريب إلا الشيطان
ما ترسلي الشريط لي ناذر و قوليه إستعجل
Post: #92 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-16-2007, 10:01 PM Parent: #87
أم وضاح الموضوع أن هناك فئة من المجتمع هي التى تحدد (الهابط والراقى) من كلمات الأغنيات وهى الفئة المتعلمة وبعض الفئات الُدجنة بإحتكارية لون محدد للغناء فُرِض على أنه الغناء الرسمى من خلال الاجهزة القومية.
الخطاب هنا موجه للفئات المجتمعية (الطبقية) والتى لها معايير معينة بحكم ما إستحوذته من تعليم وثقافة.
السؤال هل هناك مجموعات مجتمعية خارجة من خطابك أم أن الخطاب يشمل كل فئات المجتمع (الهابطة والراقية)؟
سأعود لمزيد من المناقشة
Post: #95 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الشفيع عوض شوشتا Date: 08-16-2007, 10:22 PM Parent: #92
Quote: 1- البلابل كانو موضوع مختلف عن ندي القلعه زمنهم مختلف ومحتوي فنهم مختلف برضو . 2- غنا البنات عمرو ماكان بشرح حالات فرديه و مشاكل شخصيه غنا البنات كان جوهرو فيهو موضوع (مشكله اجتماعيه) بورة / زواج / مغترب / حب / .. الخ 3- الغنوة دي عندها اجندتها المامهمة للشعب السوداني من قريب او بعيد .. دي غنوة رد علي افراد او جماعات مختلفه مع ندي القلعه .. إلا اذا كانت ندي القلعه بأهميه مشروع الجزيره 4- امن المجتمع علاقتو شنو بي (فنان) ؟ الفنان ده يا يقبلوهو الناس او يرفضوهو .. امن المجتمع ده معيارو شنو كدي ورونا؟ 5- الاشاعات عن الفنان دائما ما يرد عليها الفنان بالمذيد من الابداع دون الالتفات لي الاشاعات .. لكن كونو يصبح محور (فن) المطرب الرد علي الاشعات في شكل اغنيات .. ده امر مضحكـ
Post: #96 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Ahmed musa Date: 08-16-2007, 10:33 PM Parent: #1
Quote: غالبا ايقاع الاغنيه حايكون تم تم و هجيج شديد امعانا في المكاواه
والله مُؤلم يا أمّك
هو تُمتُم ذو نفسي وطني ( توبي لابساه ) ( شرفي خافظاه) لاحظ معاي ياخدر رمزية التوب وإلتصاق شرف الوطن بشرف المواطن (مشيمة بس) الغُنوة دي من غناء البنات قسم الصناعات (اللكزس) مع رشة دبلوماسية مع نيجيريا
الفوق ده الجد
الهزار
ياأخوانا والله غاظني في الكلام ده كُلوا النُقطة المُجدّعه في الارض ديك علم الدولة , أختامها , عُملتها إلخ تُعد من عناصر السيادة فكيف الجماعة ديل يجدعوا النُقطة في الأرض ؟!!!! ده الغايظني اما تغني غناء هابط , عناء صاعد ده حقها والمُستمع هو البسمع أو يرفض موش أي جهة تانية لكن مافي مُقارنة بالجد مع مني الخير ولا عائشة الفلاتية ولا البلابل مني الخير أنا حضرتها (طفل) هوهوهوهوهوهولكن واعي كانت بتغني ومحضورة الحفلات ومصونة الشرف دون إثباتات غنائية ما إنتهيت جاي راجع أشوف موضوع القروش المُجدّعة في الأرض دي رأيكم فيها شنوا؟!!
Post: #97 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Ahmed musa Date: 08-16-2007, 10:33 PM Parent: #1
Quote: غالبا ايقاع الاغنيه حايكون تم تم و هجيج شديد امعانا في المكاواه
والله مُؤلم يا أمّك
هو تُمتُم ذو نفسي وطني ( توبي لابساه ) ( شرفي خافظاه) لاحظ معاي ياخدر رمزية التوب وإلتصاق شرف الوطن بشرف المواطن (مشيمة بس) الغُنوة دي من غناء البنات قسم الصناعات (اللكزس) مع رشة دبلوماسية مع نيجيريا
الفوق ده الجد
الهزار
ياأخوانا والله غاظني في الكلام ده كُلوا النُقطة المُجدّعه في الارض ديك علم الدولة , أختامها , عُملتها إلخ تُعد من عناصر السيادة فكيف الجماعة ديل يجدعوا النُقطة في الأرض ؟!!!! ده الغايظني اما تغني غناء هابط , عناء صاعد ده حقها والمُستمع هو البسمع أو يرفض موش أي جهة تانية لكن مافي مُقارنة بالجد مع مني الخير ولا عائشة الفلاتية ولا البلابل مني الخير أنا حضرتها (طفل) هوهوهوهوهوهولكن واعي كانت بتغني ومحضورة الحفلات ومصونة الشرف دون إثباتات غنائية ما إنتهيت جاي راجع أشوف موضوع القروش المُجدّعة في الأرض دي رأيكم فيها شنوا؟!!
Post: #163 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Elawad Eltayeb Date: 08-18-2007, 03:08 PM Parent: #97
Quote: غنيت للحكومة الفى قلوبنا مرسومة
Post: #171 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 10:00 PM Parent: #163
العوض الطيب يعنى ماعاجبك الغنا للحكومة ولا شنو ؟؟؟ قالوا الما عاجباهوا اى شىء يطلع شدرتو شوف لينا معاك مرقا كبير ما بنقدر على الكسير اخر زمن قال حكومة قال تحياتى ام وضاح
Post: #167 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: هشام هباني Date: 08-18-2007, 09:04 PM Parent: #97
اوعي تقولوا لي (الشريف) ده فلاتي عديل كمان قال جدو النبي زي فلايتنا العندنا ديلك! وهاكم نقطة الشريف دي بهــــر اديل ما ساء الله! " target="_blank">
Post: #172 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 10:03 PM Parent: #167
اهلا بيك معانا يا ود هبانى والله بهر فعلا ما ساء الله لكن فلوس ده ما سفناهوا دحين من اول ولا سنو ؟؟؟؟؟؟؟؟؟
شكرا للمرور يا اخ هشام ونتابع ام وضاح
Post: #98 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمد الامين احمد Date: 08-16-2007, 11:01 PM Parent: #1
تحية طيبة للجميع
Quote: عشان ثاني تنزلوا اغاني الاحباش وتقعدوا تتغزلوا في بنات الناس اها بناتكم مرقوا لسوق اليوتيوب,وثاني النشوف طولة اللسان في شنو؟؟
ما هكذا تورد الابل يا ام العرب.
--------------
شكرا على البوست، فى الحقيقة الكلام ليس بهابط ، بقدر ما انو المصطلحات سودانية
و ده بيزدها جمال، كلمات الأغنية تصنف ضمن قائمة الفخر بالنفس و هو من ضروب الشعر
الصعبة المنال غالبا، نقطة الضعف هنا قد تكون فى حال ان الكلمات ليست لندى القلعة
و لكن الاغنية لا تختلف عن النسق الذى عرف به الجمهور ندى من اغانى الحماسة و الفخر
و يا جماعة القروش قروشها، ما سرقتهم و لا جبرت زول يديها، و الجمهور بيبتهج بيها و
بطلتها و اغانيها، و الجماعة صراحة زودوها، و يمكنكم ان تروا على سبيل المثال التعليقات
فى اليوتيوب.
و شكرا مرة آخرى
Post: #99 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-17-2007, 02:55 AM Parent: #98
الغالية جدا جدا / أم وضاح
الله يخليكم
طبعا ما زال البوست مزدحما بوجهات النظر المختلفة بين مؤيد ومعارض مما يدل على نجاح فكرة البوست ..
ببقى يا ريت تكون ردودك عبارة عن شكر للاخوة ونرجع عندما يأتي البوست اكله لنقيم شكل الموضوع من خلال تناول الاخوة المتداخلين ونلخص النتائج ليكون الهدف المنشود من هذا البوست هو استطلاع لتذوق الاعمال الجديدة في ظل معطيات الحاضر ...
ببقى وعشان تعم الفائدة نحصر نفسنا في صلب الموضوع ومزيد من الاراء من الاخوة الا عشاء والمهتمين ... الاخوة الذين لديهم اراء ولا يستطيعون توصيلها فانا ملتزم بتوصيلها اذا ارسلت الي في الايميل وانزلها كما هي ..
Post: #100 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Abomihyar Date: 08-17-2007, 07:40 AM Parent: #99
هذه الأغنية ليست هابطة!!!!
انها
منحطة.
Post: #128 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:36 AM Parent: #100
ابو مهيار الذى لا يهاب فى قول الحق لومة لائم تسلم ام وضاح
Post: #110 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: شهاب الفاتح عثمان Date: 08-17-2007, 03:39 PM Parent: #99
Quote: يعيش الدولار الخلا بت العرب تغني للعبيد!!
عزيزتي تراجي اتجهتي بالبوست وجهه غريبه !، وانت شايته غلط . عموما ساقيف في هذه الملاحظه هنا ، فانا حقا ضد العنصريه..
ام وضاح نار ظلم الاشاعه و الشعب المولع بتقطيع لحوم مشاهيره ولد ذكاء الرد الندى.
Post: #129 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:40 AM Parent: #110
انا معاك شعبنا شعب ظالم يا شهاب الدين وبتاع اشاعات لكن هل تقبل مثل هذه الاغانى فى مجتمعاتنا ومناسباتنا الخاصة عشان حتى الاطفال يرددوا فى الكلام الفارغ ده . لك الود ام وضاح
Post: #119 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمود ريحان Date: 08-18-2007, 02:42 AM Parent: #99
حقيقه اتمني ليه ندي الكثير في مجال الفن فقد عانت كثير ندي من قبل في بدايه حياته الفنيه من قبل الشرطه وجتهدت كثير لكي تصل للملحنين والشعراء وتقدم شي مواكب لكن ليس ذنبها ان من كانو حولها لم يقدمو لها النصح الازم وسلكو معها اقصر الطرق الكسب المادي وشجعوها عليه
ندي بسيطه جدآ وتتقبل النصح والنقد اما مساله الكلمه الجيده فهذا كما قلت يتعلق بمن حولها من خبره فنيه اما مساله السيارات والعمارات فهي مسائل شخصيه اتمني لايخوض فيها الناس ولا يجب ان تحاسبو الكثير علي من هم عليه من كسب مادي
Post: #130 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:44 AM Parent: #119
الاخ محمود ريحان ارجع للبوست بتاعى انا كتبت كلمات اغنية هابطة ودون المستوى انا لم اذكر او اخوض فى اى شىء خاص ومسالة الكسب المادى انا اخر من يتكلم عنها اذا خرج البعض عن محتوى البوست هذه ليست مسؤوليتى هى حرة فى حياتها الخاصة . تكلموا عن مستوى الاغانى فى السودان وصل لاى مستوى .
تحياتى ام وضاح
Post: #120 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: عاطف محمد أحمد زكريا Date: 08-18-2007, 02:47 AM Parent: #99
قالت تراجى
Quote: يعيش الدولار الخلا بت العرب تغني للعبيد
والله يا تراجى ما عارفين نسخر من موقف بت العرب المشت تغنى للعبيد ام نسخر من موقف العبد الاهداها العربية ؟؟؟ ويا ترى الزول ده فعلا معجب بفنها ولا معجب بعروبيتها؟؟ غايتو تبقى مصيبة ان كان اعجابا لفنها ومصيبتين اتنين لو اعجابا للتانية وفى الحالتين الله يرحم الفن ويرحم معجبيه مع ودى
Post: #131 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:48 AM Parent: #120
عاطف زكريا تحدث فائلا :
Quote: والله يا تراجى ما عارفين نسخر من موقف بت العرب المشت تغنى للعبيد ام نسخر من موقف العبد الاهداها العربية ؟؟؟ ويا ترى الزول ده فعلا معجب بفنها ولا معجب بعروبيتها؟؟ غايتو تبقى مصيبة ان كان اعجابا لفنها ومصيبتين اتنين لو اعجابا للتانية وفى الحالتين الله يرحم الفن ويرحم معجبيه مع ودى
ده رد بليغ وكافى وانا اهنيك كفيت ووفيت تسلم ام وضاح
Post: #127 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:35 AM Parent: #99
تسلم يا علاء الدين وده كلام صحيح مية فى المية وانا بدورى قابلت اعداد كبيرة يوم امس الجمعة فى لقاء اسرى وبرضوا فيهم من يعارض وفيهم من مؤيد الكلام . بعد اذنك بحاول ارسل ليهم الايميل ده عشان يوروك رايهم وانت نزلوا لينا . وده الهدف اساسا من البوست ده . تشكرات كتيرررات ام وضاح
Post: #176 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-18-2007, 10:53 PM Parent: #127
شكرا ليك أم وضاح
انا متابع تماما البوست وفرحان جدا للنجاح .. ما عايز كل مرة اجي ناطي بمداخلة لكن كلام اي شخص من الاخوة المتداخلين على العين والراس وانا زي ما قلت في النهاية محتاجين لنتيجة .
لكن ببقى في سؤال مهم جدا وهو هل نحن سوف نرفض تعبير البنت السودانية عن معاناتها لو صيغت كلمات اغاني البنات بشكل مقبول ؟؟
دائما في الافراح نجد كبار السن من النساء يتسائلون ( يابناتي ما تقومن تدقن الدلوكة دي وتسو لينا اغنية اغنيتين )
دائما ما يكن ممنيات انفسهن بسماع الجميل من الكلمات ويتفاعلن مع الايقاع ويزغردن لما يسمعن ما يعجبهن من بيت في الاغنية ...
ويستغربن لما يسمعو ( عمي حسبو يعاين لي وشتت قصبو يعاين لي )
وتردد واحدة من الامهات ( أجي ؟؟؟ ده كلام شنو يا بناتي )
اذن فالامهات عشن في جو من الفهم الاصيل لاغنية البنات .. ( طلبت منك المشتلة يا ام وضاح وما اشتغلتي بي )
أغاني السيرة : كانت بمناسبات وكلمات لشاعرة عبرت عن فرحتها باخوها او قريب ليها ..
لكن كانت مقبولة في كل المناسبات بل وتغنى بها الرجال ..
مجدت شريفة نفسها حين قالت :
( أنا شريفة بت بلال .. بت العسكر العدال .. سنة حرابة سنار .. أنا حاربت مع الرجال )
كان كلاما موزونا ذا مضمون .. فهذه شريفة لان اسمها شريفة وشرفها انها حاربت مع الرجال ونجي نشوف شرف الناس الاخرين في صياغة الكلمات .. دون المساس للشخصية ...
وبرجع ليكم يا ام وضاح
لسه منتظر مداخلات الاخوة الذين لا يستطيعوا ان يكتبوا بشكل مباشر في المنبر ومراسلتهم على الايميل ..
Post: #196 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 05:11 PM Parent: #98
Quote: كلمات الأغنية تصنف ضمن قائمة الفخر بالنفس و هو من ضروب الشعر
الصعبة المنال غالبا، نقطة الضعف هنا قد تكون فى حال ان الكلمات ليست لندى القلعة
يا محمد الامين يا اخوى الكلام التحتو حط ده هو تصنيفك للاغنية دى والله حراااااااااااام اذا كانت الاجابة نعم وارجع لكلمات الاغنية واقراها بتأنى لك الود ام وضاح
Post: #102 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-17-2007, 08:05 AM Parent: #1
يا اخوانى الاعزاء انا ما قادرة ادخل فى الصفحة الاولى عشان ارد على الاخوان والاخوات المتداخلين . رسلت مسينجر لبكرى عسى ولعل . تحياتى الى ان اعود ام وضاح
Post: #103 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-17-2007, 12:53 PM Parent: #102
Quote: يا اخوانى الاعزاء انا ما قادرة ادخل فى الصفحة الاولى عشان ارد على الاخوان والاخوات المتداخلين
نفس الشعور يا أم وضاح ....
فى الشغل قدرت أقرا بعض المداخلات ..
والتى تستنكر مقارنتى لندى القاعة بالبلابل ..
والتى تستنكر - ياخدر- ان الاغنية صنعت لموقف معين ...فلا يجب ان نعتبرها فنا ...
وحسة مداخلة ابو مهيار بأنها منحطة ...ومداخلات أخرى لا أذكرها ...
يبدو أن الموضوع ده الواحد يكون جاد فيه شوية ...
أول حاجة ...
لما البلابل غنو "لون المنقة" ...او عشة الفلاتية غنت "الله لى الليمون سقايتو عليا ياحاج انا" ولا وردى غنى يا طير يا طاير ...ديل ما كانوا بغنوا معلقات
ولا من عيون الشعر ...الاغنية الخفيفة والتى يرددها جمهور عريض هى دايما أغنية بسيطة ويمكن مضحكة من ببساطتها ...
البلابل فعلا ختوا بصماتهم فى تاريخ الغناء السودانى وغنا البنات لكن البدايات دائما بتكون مصدر تحدى وفيها العترات ...لكن فى موضوع الاشاعات
انا دى القدامك دى اشاعاتى بسمعها بأضانى ..يعنى السودان "التحتى" ده كان داير يطلع ليه اشاعة فى زول بيغلبو؟؟
طبعا ندى القاعة بتتفق مع البلابل فى أنها "فنانة سودانية" عنها جمهور وناس بيحبوا غناها ...لكن طبعا بالمقياس الفنى العام هى ندى القلعة دى فنانة بتتصنف بأنها فنانة أعراس ... wedding singer وده فن عندو قيمه الخاصة ...وبيجيب الجوطة الزى الحاصلة هنا دى ...لكن ليه أهميته والاحتياج ليه لا يخفى على عين.
اها الموضوع ده بقى واضح ان شا الله ...يعنى انمقارنة ما مستحيلة ...
أما أنت يا بروتس .يا خدورى ..تقول لى اغنية اتعملت فى مناسبة معينة ما بتتحسب ....؟ أتحداك جيب لى عمل فنى فيه "لغة" كلام ..ماعندو مرجعية من الواقع؟
المتنبى يهجو كافور الاخشيدى ...عشان وزارة التربية والتعليم تجى تختار القصيدة ما هى مناسبة معينة وشكلة عادية ..بس عشان قريتوها مطبوعة تبقى "خالدة"...وحسة غنا الحقيبة ده كله ما شكر لى "حسان غيد" معينات فى أعراس ناس تانيين معروفيين من "نلوك أم در"؟ ولا غنا السيرات ده كله ما كان لاسماء معينة فى مناسبات معينة ...؟؟؟ يا خدورى الآيات القرآنية عندها أسباب نزول ...جل الله وعلت قدرته ...سبحانه لا شريك له...
اسباب نزول الاغنية ما بتنفى وجودها الفنى ...ولا بتنقص من قيمتها ...
والزول القال نعمل استفتا ونشوف الاغنية عندها مستمعين ولا لا ده بالغ الغنية دى انا ماسمعتها لى حسة لكن من "الغاغا" الحاصلة هنا دى كفاية ..
ههههههههه دى اتسمعت وعملت جدل فى الشارع العام ولفت بزقاقات وصلتها لغاية البورد تانى تنتشر ليكم اكتر من كده تسوى شنو؟؟ يا ابو مهيار ما تقول منحطة ..كده بتحط معاها كل المجتمع الاوجدها و الصنعها و الركبها و الجابها "للنور" ...اها حسة بقى عندنا اشكالية جديدة .. اسمها هل الاغنية هى صنع الفنان أم صنع المجتمع الذى يعيش فيه؟؟؟ ورورووووووب ....كده كويس يا أم وضاح ...
الباقر موسى لفحتها من خشمى ...حكاية حنان بلولو ...انت عارف أنا ماشفت حنان بلولو بترقص الا فى يوتيوب قبل اسبوع ...وندمت سفيت التراب
لانه الفلهمة حمتنى اشوفا ..والناس الخاينين يشيلو و"يحتو" فيه ويجوا يكتبو ..."ظاهرة حنان بلولو" ...وأى فنان يجى يتكلم فى ميكرفون ينبذها وهى تاريها حية وراسها حى وغناها "عرض" كامل ...وممتع ...
أقول قولى هذا ولا يفوتنى أن أردد قول تلك البنت المجهولة:
شكيت الناس لى الله الطلقو النار فى الحلة ...
Post: #105 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-17-2007, 02:07 PM Parent: #103
Quote: أما أنت يا بروتس .يا خدورى ..تقول لى اغنية اتعملت فى مناسبة معينة ما بتتحسب ....؟ أتحداك جيب لى عمل فنى فيه "لغة" كلام ..ماعندو مرجعية من الواقع؟
المتنبى يهجو كافور الاخشيدى ...عشان وزارة التربية والتعليم تجى تختار القصيدة ما هى مناسبة معينة وشكلة عادية ..بس عشان قريتوها مطبوعة تبقى "خالدة"...وحسة غنا الحقيبة ده كله ما شكر لى "حسان غيد" معينات فى أعراس ناس تانيين معروفيين من "نلوك أم در"؟ ولا غنا السيرات ده كله ما كان لاسماء معينة فى مناسبات معينة ...؟؟؟ يا خدورى الآيات القرآنية عندها أسباب نزول ...جل الله وعلت قدرته ...سبحانه لا شريك له...
اجمل ماتكون تمادر متجليه و هي هايجة و مدورة الشكله شوفي يابت امي .. صاح الغنا كلو مناسبات و الشعر كلو مناسبات لكن في ذمتكـ سمعتي وردي يوم عمل قصيده او اغنيه ردا علي الاشاعات البتقول انو مغرور و متعالي ولا سمعتي عوض الكريم القرشي عمل قصيده ردا علي من اتهموه بالمثليه و .. الخ يا تمادر دي ماعاوزة ليها تحدي اي خيال شعري عندو صله بي مرئيات او صور ذهنيه جايه من الشوف حق الواقع ده و المتنبي و قصصو او المعز لدين الله الفاطمي او شعراء المسادير ديل نحنا ما امنا و صدقنا ساي ولا عشان عيون محي الدين صابر عليه رحمة الله ابدا نحن صدقنا و امنا لانهم احترمو عقولنا و ادميتنا و احترمو فنهم ياخي بازرعة كتب القبله السكري و مافي زول قدر يقول ليهو بغم و الوكر المهجور اصبح منفستو العشاق ده بعيد عن الحقيبه و تجلياتها ,, النقاش ده يا طمطم احصروهو لينا في منطقة غنا بنات وليه و فايدتو شنو (بدون ما ننادي امن المنشأت ديلاكـ) لو مشينا بيهو في شارع مقارنات مع البلابل او الشعر الغنائي السوداني ندي القلعة دي بتخسر و انا والله مادايرها تخسر زمان في واحده من اغاني البنات يا تمادر بتقول قصدكـ قصدكـ مشتاقين مالقو قصدي فوق السجاير ولع لي نحرقو
يا علب الفروته .. ياريتني كان متا يجيبو خبري بالبوسته
الغنوة دي رغم هجوم الناس عليها انا شايف انها اخير من غنوة المكاواه اعلاه انا قلت الفنان لو حايكتب غنوة كل ما طلعو فيهو اشاعة نحن حا نمرق بي قد القفة و تاني بقول لي ندي القلعه خلي الناس يقولوا حلاة الجمعه دورو و حلو شمبات مقيلو و غني غناكـ البنعرفو و انكري الغنوة دي الشريف مبسوط منى عشان انا بريد فنى
مشيت لو باحساسى بى طبعى الاساسى محتشمة ملتزمة خاته توبى فوق راسى والله بريد فنى
الليله والليله اعصابكم يا حليله الليله والليله نيجريا يا حليله المرسيدس جايه الفين سبعة موديله والله بريد فنى
سوداننا حافظاهو ما رميت مستواهو غنيت فى نيجريا للناس البتهواهو والله بريد فنى
حسدونى المعايا فى روعة غنايا موهوبة من قمت ما بى حظ عمايا والله بريد فنى
اللكزس هدية ما علاقة شخصية انا شرفى حافظاهو ما بدور لى وصية والله بريد فنى
يا هناى ويا هنايا امسكوا القنايا المرسيدس ولكزس وبكرة الهمر جايه والله بريد فنى
غنيت للحكومة الفى قلوبنا مرسومة الناس حسودة وانا والله مظلومة والله بريد فنى
لقونى مافيشة قطعوا قايلنى كيشة مشيت بدعوة خاصة وما اتخففت ريشة والله بريد فنى
غنايا من جوه اغانى ملانة قوة سيد الغرام كوبانى امجد حمزة خوة والله بريد فنى جيت مالكم سكتوا خرستوا واتبكمتوا جيت لوطنى تانى والعاطل يطلع شجرتو والله بريد فنى
Post: #134 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:29 AM Parent: #105
Quote: ياخي بازرعة كتب القبله السكري و مافي زول قدر يقول ليهو بغم و الوكر المهجور اصبح منفستو العشاق ده بعيد عن الحقيبه و تجلياتها ,,
وكتير كتير يا خدر حبيبة قلبى تفشى الخبر للحسين الحسن تمعن فى كلماتها
اما حسين باذرعة بدون تعليق
مداخلتك وافية لك التحية ونتابع يا خدر ام وضاح
Post: #133 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:22 AM Parent: #103
بت شيخ الدين الخنساء قالت فى حديثها
Quote: والزول القال نعمل استفتا ونشوف الاغنية عندها مستمعين ولا لا ده بالغ الغنية دى انا ماسمعتها لى حسة لكن من "الغاغا" الحاصلة هنا دى كفاية ..
ههههههههه دى اتسمعت وعملت جدل فى الشارع العام ولفت بزقاقات وصلتها لغاية البورد تانى تنتشر ليكم اكتر من كده تسوى شنو؟؟
ده جزء بسيط من مداخلتها الظريفة الاستفتاء مهم يا تماضر الاغنية ما اشتهرت ولا اتسمعت اتغنت قبل يومين فقط فى مناسبة لاول مرة واختك لفحتها من الشريط عشان الكلام حيرنى والمطاعنات والكلمات فى باقى الحفلة للفنانين الكانوا فى نيجريا معاها لفت نظرى الاسلوب العجيب الما ممكن تتعامل بيهو اى واحدة من اى مستوى ناهيك عن انها فنانة . انا اخواتى سمعوها امبارح بعد الجوطة دى كلها وان شاء الله انزلها ليكم اليوم .
تحياتى لك وللاسرة ام وضاح
Post: #104 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Ahmed musa Date: 08-17-2007, 01:49 PM Parent: #1
Quote:
الاغنية الخفيفة والتى يرددها جمهور عريض هى دايما أغنية بسيطة ويمكن مضحكة من ببساطتها ...
هنالك يا تماضر فرق بين الأغنية الخفيفةوالأُغنية الهابطة و نعم ان الأُعنية الخفيفة تحمل مضمون ما أو فكرة قد تكون هي نفسها بسيطة ,مُضحكة اومُعقدة حتي و لكنها تُطرح بشكل بسيط , وفرق بين أن تكون الفكرة بسيطة أوينعدم فيها المضمون فلا يُقبل أن ندافع عن عثمان العجلاتي حين يتغزل في فرول عجلته أو أن تتحدث فنانة عن انها تلبس توبها أو تضرب منكير من بت الجيران !!!فهذا نوع من أتواع الفن الهابط وهوضرب من ضروب الفن له مستمعين ومعجبين وداعمين (غالبين ما يكونوا مادياً) في شكل نُقطة أو تقرب زُلفي ولكنه يبقي أولاُ وأخيراً فناً هابطاً لا أكثر ولا اقل
Post: #107 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-17-2007, 02:52 PM Parent: #104
الاستاذة تماضر
تحياتي ويسعدني جدا ان أعقب على كلامك لانو وزي ما قلت اننا ما عايزين ننهش لحم زول بقدر ما نريد ان نوصل للمجتمع فكرة يتبناها هذا البوست في معالجة الاعمال الفنية لنرتقي بالفن السوداني الاصيل ...
في بداية الثمانينيات وقبل الفضائيات قدمت القناة السعودية مجموعة من الشباب السوداني لتقديم عمل سوداني اصيل .. احبط السودانيين لما غنوا الشباب يا حاجة دقي لينا كاروشة !!!!!
وغضب اغلب الاخوة المتواجدين بالمملكة على مقدم البرنامج حيث اعتذر وهو يقدم فنان الغرب صديق عباس في الاسبوع الثاني وقال ليه تتحمل مسئولية ما تقدمه ...
وعلى مرور الزمن نسمع هنا وهناك ما لايطاق ان يسمع ..
دشكا دشكا دشكاااااااا نحن ما صعالك بنعاين بالشبابيك ... ( دي كانت اغنية )
كده كده يا الترلة وقاطرها قندراني .... ( كانت اغنية )
هيي هيي جوه هيي هيي برة ..... ( دي كانت ولا زالت اغنية )
عربتك الحمرا جنب فندق الزهرا والخاينة جارية وراه ( دي كانت أغنية )
ونمازج لكثير من غير المستحب ولكن ليس هنالك شاعر بعينه مركبا لهذه الكلمات وانما وجدت سواء من خلال قعدات البنات مع بعض او البقاء على لحن معين ونجر كلمات عليه ..
نقد هذه الاعمال يخضع لفئتين من الناس ..
فئة تنقد بشكل علمي جامعة فيه كل معطيات النقد العلمي ( ناقد فني متخصص ) وعادة ما يكون محايدا لهذا العمل ولا يعبر عن وجهة نظره الخاصة ..
فئة ما عندها في النقد العلمي وانما تعتمد على تذوقها وهذه هي الاغلبية ,,
ببقى ما اريده يا اخت تماضر ان تكون النظرة اشمل لمعالجة هذه الاعمال ...
ثقتي فيك كبيره لحوار جاد ومثمر ..
تسلموا أم وضاح وتماضر ..
مودتي
Post: #136 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:36 AM Parent: #107
Quote: ثقتي فيك كبيره لحوار جاد ومثمر ..
وانا اثنى قول علاء الدين واقول لتماضر ثقتى فيك اكبر لحوار هادف والى الامام ام وضاح
Post: #135 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:32 AM Parent: #104
Quote: ولكنه يبقي أولاُ وأخيراً فناً هابطاً لا أكثر ولا اقل
تسلم احمد موسى ونتابع تحياتى ام وضاح
Post: #106 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نهال كرار Date: 08-17-2007, 02:37 PM Parent: #1
أم وضاح تحياتي
حقيقة أنا لا أحب غناء ندى القلعه ولا أغانيها من حق الناس أن تنتقد الفنان إن رأوه أخطأ ولكن ليس من حقهم أن يرموا الفنان بتهم تمس أخلاقه وشرفه ليس من حقهم أن يطلقوا مثل تلك الشائعات التي أطلقت على ندى القلعه في زيارتها الأخيرة لنيجيريا ليس من حقهم أن يحاسبوا ندى وغيرها على ما كسبته من مال بغناءها أو ما أهدي لها
في السودان تحديدا المرأة إن كانت مطربة, ممثلة , فنانة بأي شكل هي معرضة للشائعات , والإتهامات التي تمس الأخلاق والشرف فمتى نترك حياة الفنان الخاصة , وننتقد فنه فقط
الأغنية الفوق دي رأيي فيها بأنه فعلا هابطة , دا رأي ممكن ينطبق على غيرها من الغناء السوداني السائد وسط الشباب هذه الأيام
Post: #108 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: yasir Abdelgadir Date: 08-17-2007, 03:14 PM Parent: #106
الاخت الفاضلة...ام وضاح
الاستاذة الراقية تماضر
الاستاذ المبدع خدر: الاخوة المتداخلون
والله دا نقاش مفيد جدا ومن فوايد هذا الفضاء الاستفادة من مثل هذه النقاشات ومعرفة رأي اسماء لها ثقل في الفن امثال خدر وتماضر:
سمعت اوشاهدت للاسف هذا المسخ قبل تلاتة اسابيع في واشنطون عندما احضرته اخت عزيزة من حضرت من السودان حديثا.....واعتقد ان تماضر لو شاهدت هذا الشريط لن يكون هذا هو رأيها...لانو الاداء كان ضعيف جدا...يبدو انو القصة كلها كانت استعراض....الاغاني لم تكن هابطة لكن مستوي الاداء لايرقي لتسمية مؤديه مطرب...والمسألة كلها لاتتعدي استجداء او اداء لمقابل...حتي سمعت اغنية جميلة جدا للفنان خليل اسماعيل..ادتها المطربة بطريقة سيئة جدا....
يعني ياتماضر ماعندنا مانع من اغاني البنات...حتي لون المنقة لمن ادوها البلابل كانت قمة في الاداء بغض النظر عن الكلمات....فلما تبقي القصة لا كلمة ولا اداء يبقي لايوجد فن....
احترم جدا رأي صاحب الاداء الراقي خدر والذي كم وكم طربت لادائه عندما كنت مقيما ببلجيكا
تحياتي: د. ياسر عبد القادر
فرملة:
ام وضاح بالله ركزي معانا في معركة الاحد
Post: #139 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:57 AM Parent: #108
Quote: يعني ياتماضر ماعندنا مانع من اغاني البنات...حتي لون المنقة لمن ادوها البلابل كانت قمة في الاداء بغض النظر عن الكلمات....فلما تبقي القصة لا كلمة ولا اداء يبقي لايوجد فن....
ده بالظبط ما ارمى له تحياتى يا دكتور ياسر
واتشرفت كتير باراء وطريقة نقاش الفنانين تماضر وخدر
تحياتى ياسر ودى فرملة اظنى ما مواكبة مع الكمبيوتر البفتح بعد ساعة لكل مداخلة فى شنو يوم الاحد ؟؟؟؟؟؟ تحياتى ام وضاح
Post: #137 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 07:42 AM Parent: #106
Quote: حقيقة أنا لا أحب غناء ندى القلعه ولا أغانيها من حق الناس أن تنتقد الفنان إن رأوه أخطأ ولكن ليس من حقهم أن يرموا الفنان بتهم تمس أخلاقه وشرفه ليس من حقهم أن يطلقوا مثل تلك الشائعات التي أطلقت على ندى القلعه في زيارتها الأخيرة لنيجيريا ليس من حقهم أن يحاسبوا ندى وغيرها على ما كسبته من مال بغناءها أو ما أهدي لها
وهل تطرقت فى هذا البوست لقروش او اخلاق ؟؟؟ انا كتبت كلمات فى رايى الخاص انها هابطى وبس ,, وانا شخصيا لا اسمع اى اشاعة عن اخلاق او تصرفات رجل او امراة انا ارمى نثل هذه الاشياء وراء ظهرى دايما واومن بمقولة دعوا الخلق للخالق. تحياتى نهال وشكرا لمرورك ام وضاح
Post: #142 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نهال كرار Date: 08-18-2007, 08:47 AM Parent: #137
عزيزتي أم وضاح
أنا أتحدث بشكل عام ولم أقل بأنك قد تطرقتي لهذا الموضوع حتى أوضح رأيي في الأغنية لا بد أن أوضح رأيي فيما حدث وأدى الى كتابه كلمات كهذه لا يمكن ان نغفل مناسبه هذه الأغنية
Post: #148 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:10 PM Parent: #142
تسلمى يا نهال وآسفة جدا لسوء الفهم ونتابع معا لك الود نهال ام وضاح
Post: #109 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Kamal Karrar Date: 08-17-2007, 03:18 PM Parent: #1
الأخوة المتداخلون مع كل حبي لكم(يمينا وسطا ويسارا)
تحية طيبة...
نحن المسؤولون عن ذلك..
هي كانت نكرة... دغدغت فيناالغرائز.. وقبضت ألوف البرايز
حلقت بنا في عوالم الإغراء.. وشفطت جيبونا شفطة نكراء..
هل رأيتم حفلة نيجيريا؟!! هل لاحظتم كم هو "كبيرة" اللازمة الموسيقية التي أستجدت بها فلوس الشريف
وغيره من المعتوهين.. المسقرطين.... يالله.. نحن نصنعهم بأيدنا.. ونبكي على حظنا العاثر
كم قضى البعض من وقت في مدارج الدراسة والشقاء والتعب والإختبارات والملاحق..
وأخيرا نتسلم ورقة تسمى "شهادة" لا تسمن ولا تغني من جوع.. وتجي مغنية عادية
وتكسب من هز أردافها في ساعة أو ساعتين ما يفوق حقوق نهاية خدمتنا بعد سنين عددا
ماذا أفادتنا نظريات حساب المثلثات ونظريات التفاضل والتكامل والنسبية..
ماذا جنينا من دراسة تاريخ أوربا الحديث أو تاريخ المدنيات الإسلامية
بماذا أستفدنا من قانون مندل.. أسألوها هل تعرف أي من تلك..
كل مؤونتها قرطعات موص .. وتبليخ (تسمين كمايقول الشناقيط) وعدة bubbles here and there
يالله ما هذا السقوط.. يا من تضخمون حسابات تلك الطفليات أصرفوها على أطفالنا اللذين
لا يجدون ما يسد رمقهم.. صدقوني هي أبقى لكم.. بالأمس رأيت أحد أطفال بلادي في التلفزيون
في ملابس رثة.. أدمت مني نياط قلبي.. وتفطر فؤادي ولم أقوى على إبتلاع لقمة من عشائي
كيف يمكن أن نشارك في هكذا سقوط.. عن أي شرف تتحدث هي.. أين تلك الهدايا المجانية..
ليس هنالك شيء مجانا في هذا العالم.. وهذا الحاكم النيجيري الفج هل أعجبته أغنية
(يا حاجة كولن كولن).. أم لزامتها الموسيقية التي تحملها على كبرها
ما هذا الإسفاف.. تلك أغاني كبريهات وقعدات خاصة تتنتهي حيثما تنتهي..
بالله.. هل ترى المدعوة قنابير في رؤسنا... نحن نعرف تماما ثمن هدايا مثل تلك.. نعرف تماما
والأمر لا يحتاج لكثير عناء.. هنئيا للكزس وعقبال المرسيدس.. ولكن هدايا كتلك لا يزيل دنسها
الغسل في كل أنهار العالم...
آه با بلد.. أه يا فن
Post: #140 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 08:13 AM Parent: #109
Quote: كم قضى البعض من وقت في مدارج الدراسة والشقاء والتعب والإختبارات والملاحق.. وأخيرا نتسلم ورقة تسمى "شهادة" لا تسمن ولا تغني من جوع.. وتجي مغنية عادية وتكسب من هز أردافها في ساعة أو ساعتين ما يفوق حقوق نهاية خدمتنا بعد سنين عددا ماذا أفادتنا نظريات حساب المثلثات ونظريات التفاضل والتكامل والنسبية.. ماذا جنينا من دراسة تاريخ أوربا الحديث أو تاريخ المدنيات الإسلامية بماذا أستفدنا من قانون مندل.. أسألوها هل تعرف أي من تلك..
كمال كرار سبقتنى بدقايق للموضوع ده طالبات جامعيات التقيتهن امس من جامعة الخرطوم الاحفاد كمبيوتر مان كلهن فى السنوات النهائية فى الجامعات ومن المتفوقات بسالن بعد سماعهن الاغنية واللكزس والمرسيدس والهمر والروزرويس وحاجات كتيرة فى اغنيات تانية فى نفس الشريط والحسابات فى كل البنوك الاجنبية . على طول وجدهن بناقشوا فى بعضهن ليه نقرا ونتعلم ؟؟؟؟ تعال نمسك مكرفونات ونحن اقل واحدة مننا اجمل واحسن منها . شوف تفكير البنات وصل وين والبنات الصغار الابتدائى سمعتهن باذنى امها قالت ليها ما بتجى بسرعة مالك انا زعلانة منك ردت على امها ما مهم زعلك الشريف مبسوط منى وتحدثت مع البت لانها فة نظرى طفلة عمرها تمانية سنوات قالت لى بهطر مع امى ساكت بغنى فى اغنية الشريف قلت ليها الشريف ده منو ؟ قالت لى الراجل الخاطب ندى القلعة وهدى ليها العربية والناس زعلانين عشان هو ما سودانى وهى عاوزة تعرسوا . بصراحة ما عرفت اقول ليها شنو ؟؟
اخى كمال انا فتحت الموضوع ده خوفا على عقول بناتنا وانطباعهن عن الاغنيات البرددوا فيها من غير ما يعرفوا الحاصل شنو ؟؟؟
تحياتى ونتابع ام وضاح
Post: #111 Title: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة نيجير Author: nada ali Date: 08-17-2007, 05:18 PM Parent: #1
العزيزة امال، كتبت:
Quote: فى كلامك الفوق ده اسمحى لى اقول ليك انت غلطانة نحن كمجتمع نطالب بكلمات جميلة واصيلة تكون تراث من بعدنا اجيال واجيال نحن نفرض على الفنان يسمعنا ماهو جيد وجميل .
من الذى يحدد "الجمال" و "الاصالة" و "الجيد" و الجميل"؟ الاذواق تتباين و ما يعتبرة شخص ما جميل و "اصيل" قد لا يعتبره الاخرون و الاخريات كذلك
Quote: ويا ريت تعرفى اى مستوى من الفقر يعانى شعب نيجريا كما ذكرت .
فى مارس 2006 قمت بزيارة الكثير من المنظمات النسوية النيجيرية و منها منظمات لديها فروع فى اغلب اجزاء نيجيريا، و كذلك تحدثت مع نساء يستفدن من خدمات هذه المنظمات، و قد حددن الفقر كاحدى اهم المشاكل التى تواجه النساء و هذا مربوط بالفساد بالطبع و تنتج عنه مشاكل من ضمنها ان عدد كبير من النساء لا يستطعن توفير المال اللازم للولادة فى المستشفيات، و هذا احد اسباب النسبة المرتفعة لوفيات الامهات اثناء الولادة فى مختلف اجزاء نيجيريا.
الولادة فى مستشفيات نيجيريا تكلف بالنايرا (عملة نيجيريا) ما يعادل 39 دولار، بالاضافة لما يعادل 78 دولار اجرة سرير المستشفى و بعض التكاليف الاخرى – اى ان التكلفة الاجمالية هى 117 دولار - المستشفيات الخاصة تكلف الولادة فيها ثلاث او اربعة اضعاف هذا الثمن، و العمليات القيصرية تكلف اكثر. و هذا يعنى ان ما دفعه حاكم هذه الولاية للاستاذة ندى القلعة (المائة الف دولار) مضافا اليه ثمن العربة (ما يعادل 59000 دولار حسب ماورد فى الجريدة أعلاه)، كان يمكن ان يغطى تكاليف الولادة فى مستشفى حكومى لحوالى 1لف و ثلاثمائة و ثمانية و خمسين (1358) امرأة نيجيرية.
بقى ان اذكر ان سكان نيجيريا يمثلون/ن 2 % من مجموع السكان فى العالم، و لكن وفيات الامهات اثناء الوضوع فى نيجيريا تمثل 10% من اجمالى وفيات الامهات اثناء الوضوع فى العالم.
ندى
Post: #149 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: essam&amal Date: 08-18-2007, 12:15 PM Parent: #111
Quote: و هذا يعنى ان ما دفعه حاكم هذه الولاية للاستاذة ندى القلعة (المائة الف دولار) مضافا اليه ثمن العربة (ما يعادل 59000 دولار حسب ماورد فى الجريدة أعلاه)، كان يمكن ان يغطى تكاليف الولادة فى مستشفى حكومى لحوالى 1لف و ثلاثمائة و ثمانية و خمسين (1358) امرأة نيجيرية.
لا حول ولا قوة الا بالله وحسبى الله ونعم الوكيل
شكرا يا ندى تحياتىليك ام وضاح
Post: #112 Title: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة نيجير Author: nada ali Date: 08-17-2007, 05:18 PM Parent: #1
الى من يتحدثون/ عن الشرف و الاخلاق و الانحطاط اى انحطاط اكبر من ان يتم اغتصاب الاف السودانيات فى الجنوب و جبال النوبة و الان دارفور، دون ان نتفاعل مع ذلك بما يقترب حتى من حجم الكارثة؟؟؟
و اذا كانت تلك الهدايا قد قدّمت الى مطرب من الرجال، هل كان سيحتاج الى تقديم كشف حساب عن ما كان يرتديه و التأكيد على انه ليس على "علاقة شخصية" بالحاكم الفلانى و انه "حفظ شرفه"؟
الاخ كمال كرار تحية طيبة،
بعد ان تحسّرت على الوقت الذى قضاه البعض فى "مدارج الدراسة والشقاء والتعب والإختبارات"..
كتبت: "وأخيرا نتسلم ورقة تسمى "شهادة" لا تسمن ولا تغني من جوع.. وتجي مغنية عادية
وتكسب من هز أردافها في ساعة أو ساعتين ما يفوق حقوق نهاية خدمتنا بعد سنين عددا
ماذا أفادتنا نظريات حساب المثلثات ونظريات التفاضل والتكامل والنسبية..
ماذا جنينا من دراسة تاريخ أوربا الحديث أو تاريخ المدنيات الإسلامية "
ده حقد يعنى ولا شنو؟؟وجه ضاحك
Post: #113 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: على محمد على بشير Date: 08-17-2007, 06:31 PM Parent: #112
الله يجازيك يا ام وضاح
نحنا مصنقرين وراجين الاغنيه وانتى ولا هنا
Post: #114 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: الصادق اسماعيل Date: 08-17-2007, 08:58 PM Parent: #113
أتفق مع ما قاله الأخ دينق في أن هذه الأغاني (أغاني الأعراس كما قالت تماضر) هي الأغانى التى يطرب (ويهجج ويسكس ويجبجب لها معظمنا وأنا منهم في الأعراس، بل نطلبها بالإسم وبالتالي الكلام عن أن هذا الغناء هابط هو مجرد تصنيف مجتمعى (إن شئت فقل طبقي) لجزء من المجتمع له قيمه وذوقه وهو يُحدِّد طبقاً لهذا الذوق.
ولتقريب المسألة فهناك لغة لا يمكن أن نتكلم بها في هذا المنبر، ولكن في مناطق أخري هي لغة عادية (على سبيل المثال ما نسميه لغة المنطقة الصناعية).
بالمعايير أعلاه يمكن ان نطلق على كلمات هذه الأغنية (لغة أغانى البنات)، والقائمة تطول لهذه اللغة والتى تشبه ما قاله بشار بن برد (ربابة ربة البيت) وتبريره لذلك فيما ورد ذكره من كتاب البلاغة في الثانوى للذين يذكرون.
الموضوع الثاني ما أثاره خدر عن أن هذا الموضوع شخصي وكلمات الأغنية (شخصية جداً)، وهذا لا ينقص من قدرها كأغنية تلتزم (بكلمات أغانى البنات أو الأعراس) ويهمنا هنا كمتلقين (اللحن الصالح للجبجبة والسكسكة)، ويمكن أن يكون هذا لوناً جديداً في موضوعات هذا النوع من الأغاني، والذى هو رائج جداً في موسيقى الأمريكان السود في غناء (الراب).
كخلاصة لهذا الكلام أقول أن مقياس (هبوط ورقي) الفن محكوم بوضعنا (الإجتماعى والطبقى)، وبالتالى ما هو مُخِل بالآداب وخادش للحياء العام في (مجتمع أو فئة) سودانية ليس هو كذلك بالنسبة للفئات الأخري، وزمان في السودان يمكن أن تسمع هذه الأغانى في أحياء بعينها (وذلك في إطار التصنيف الإجتماعى داخل المدن السودانية)، فالحفلات في الديوم وما يُغَنى فيها ليست كذلك في الأحياء التقليدية في مجتمعات المدن السودانية.
Post: #115 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: Tumadir Date: 08-17-2007, 09:40 PM Parent: #114
اها لقمان حسن همام، المذيع ده وندى على ، البت العاقلة دى ... وزاد عليهم الصادق اسماعيل ..الفى مونتريه ده ...قالو ليكم مافيها حاجة ..تانى مالكم؟؟
الغريبة يا خدورى انا ولا هايجة ولا حاجة ...اضرب السودان ,اتابع فى حفلة تبارك بى سيف الجامعة والهام عبد الخالق .....انا بس بداهمنى ( العمل). الله يعملو صابون ..مضيق لى زمنى
وكان داير تجيب لى لوم مع البلابل تكون بالغت ...يعنى ده كلام شنو البتقول لى فيه ده ....يا فتان.....انت بقيت ما بتفهم كلامى ولا شنو بعد الصحبة دى كلها؟
اها نرجع لى كلام الصادق اسماعيل ...لمن بقرا فى كلام الناس وهابطة وصاعدة قلت اصلو ده غنا ولا طيارة ...الله يديك قدر نيتك ...ريحتنى من الكلام المثقف ده كلو ...وانا عاجبانى المناقشة الما "معسمة" ...يعنى ...لكن كلامك ده هام ...جدا...
بجى كان الله ادانى زمن ....ان عدتم طبعا... ياسيكو ...راقية دى تعبير جميل منك ...والله ..وانا سعيدة بى شوفتك واسرتك ...لسه ...
لمن ارجع بشوف تانى النضم معاى منو ارد عليه ...ويا أم وضاح بوستك لذيذ...
Post: #147 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: خدر Date: 08-18-2007, 11:14 AM Parent: #115
Quote: وكان داير تجيب لى لوم مع البلابل تكون بالغت ...يعنى ده كلام شنو البتقول لى فيه ده ....يا فتان.....انت بقيت ما بتفهم كلامى ولا شنو بعد الصحبة دى كلها؟
معقول بس يا طمطم ؟؟
انا بقول انو البلابل موضوعهم مختلف من ندي و غنوة لون المنقة .. كتبها الحلنقي كفكره جديده لي لحن راقص في زمن كان لو شغلتي الغنوة في العربيه و انتي في ابوجنزير ممكن تصلي العاشره عاااااادي و الغنوة لسه في نصها يعني لون المنقه كانت فكره لصالح الاغنيه السودانيه اها .. بشير عباس و البلابل و الحلنقي عندهم كلام قالوهو و سارت به الركبان تفتكري اغنيه ندي دي حا تقول شنو و حا يتزكرها منو و لو افترضنا انها نجحت .. حاتودينا لي ويين عرفتي ليه انا قلت ليها انكريها الغنوة دي و واصلي في اغاني الحماسه الانت بتجيديها ؟
تمادر والبلابل او اجتمع القوم علي ان يفضوا مابيهم لما نجحوا وإن استعانو بأساطيل الاطلنطي ده تاريخ و عشره عمر .. مالعب
دكتور ياسر سلامات و مشتاقين يا صاحب
Post: #153 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: essam&amal Date: 08-18-2007, 12:32 PM Parent: #115
تسلمى يا الخنساء يا راقية انت وكلامك كلو فهم لكن ؟؟؟ لازم ترجعى يا نكهة البوست بتاعى ام وضاح
Post: #118 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: خدر Date: 08-18-2007, 01:46 AM Parent: #114
الصادق سلامات ده كلامكـ
Quote: أتفق مع ما قاله الأخ دينق في أن هذه الأغاني (أغاني الأعراس كما قالت تماضر) هي الأغانى التى يطرب (ويهجج ويسكس ويجبجب لها معظمنا وأنا منهم في الأعراس، بل نطلبها بالإسم وبالتالي الكلام عن أن هذا الغناء هابط هو مجرد تصنيف مجتمعى (إن شئت فقل طبقي) لجزء من المجتمع له قيمه وذوقه وهو يُحدِّد طبقاً لهذا الذوق.
ولتقريب المسألة فهناك لغة لا يمكن أن نتكلم بها في هذا المنبر، ولكن في مناطق أخري هي لغة عادية (على سبيل المثال ما نسميه لغة المنطقة الصناعية).
بالمعايير أعلاه يمكن ان نطلق على كلمات هذه الأغنية (لغة أغانى البنات)، والقائمة تطول لهذه اللغة والتى تشبه ما قاله بشار بن برد (ربابة ربة البيت) وتبريره لذلك فيما ورد ذكره من كتاب البلاغة في الثانوى للذين يذكرون.
الموضوع الثاني ما أثاره خدر عن أن هذا الموضوع شخصي وكلمات الأغنية (شخصية جداً)، وهذا لا ينقص من قدرها كأغنية تلتزم (بكلمات أغانى البنات أو الأعراس) ويهمنا هنا كمتلقين (اللحن الصالح للجبجبة والسكسكة)، ويمكن أن يكون هذا لوناً جديداً في موضوعات هذا النوع من الأغاني، والذى هو رائج جداً في موسيقى الأمريكان السود في غناء (الراب).
كخلاصة لهذا الكلام أقول أن مقياس (هبوط ورقي) الفن محكوم بوضعنا (الإجتماعى والطبقى)، وبالتالى ما هو مُخِل بالآداب وخادش للحياء العام في (مجتمع أو فئة) سودانية ليس هو كذلك بالنسبة للفئات الأخري، وزمان في السودان يمكن أن تسمع هذه الأغانى في أحياء بعينها (وذلك في إطار التصنيف الإجتماعى داخل المدن السودانية)، فالحفلات في الديوم وما يُغَنى فيها ليست كذلك في الأحياء التقليدية في مجتمعات المدن السودانية.
وده بروفايلكـ
Quote: شاعرك المفضل: محمود درويش
الحركة دي بتعملها كيف انت ؟
Post: #152 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: essam&amal Date: 08-18-2007, 12:29 PM Parent: #114
شكرا ليك الصادق اسماعيل ام وضاح
Post: #151 Title: Re: ما دفعه حاكم الولاية لندى القلعة كان يمكن ان يغطى تكاليف الولادة فى المستشفى ل 1358 امرأة ن Author: essam&amal Date: 08-18-2007, 12:25 PM Parent: #113
على محمد على شكرا للمرور ارحل على بوست النوبى الحاسد ده ما نزل لى الاغنية هنا عمل ليها بوست براها شفت الحسادة دى يا على ام وضاح
Post: #116 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Kamal Karrar Date: 08-17-2007, 09:58 PM Parent: #1
الأخت / ندى علي
الله يخلي ليك بنيتك يا رب..
والله تصدقي لا حاسد لا بقران
على المستوى الشخصي أنا حامد شاكر وليس بالسوء
الذي وضح في تعليقي .. أنا بتكلم على وجه العموم
ولكني أنا بحمد الله تمام التمام
بس ندى أريتها لا بتك ولا بتي...
وقع ليك!!!
Post: #117 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-18-2007, 00:28 AM Parent: #116
كمال كرار
أعتقد أن الحفلة بتاعت الحاكم هي حفلة خاصة أيضاً، وتسربها للأسافير تمّ في (يوتيوب) وهو ليس موقع رسمى للفنانة كما تعرف.
الشئ الثانى لست أدافع هنا عن الفنانة (ندى القلعة) ولكن أري كلمات الأغنية ليست مما يخدش الحياء العام في شئ، هي دافعت عن إتهامات طالتها من بعض الناس، والذين أري أنك واحدٌ منهم بقولك
Quote: هل ترى المدعوة قنابير في رؤسنا... نحن نعرف تماما ثمن هدايا مثل تلك.. نعرف تماما
والأمر لا يحتاج لكثير عناء.. هنئيا للكزس وعقبال المرسيدس.. ولكن هدايا كتلك لا يزيل دنسها
الغسل في كل أنهار العالم...
وهذا إيحاء واضح بأن الهدية سببها شئ آخر وليس الأسباب التى ذكرتها المطربة، وأنت ليس عندك دليل لهذا الإتهام وفي حالة كان لديك دليل مادى على هذا (الإيحاء) فهاته.
وكل ما قلته عن الشهادات وضياع العمر في التعليم يمكن أن يكون سبباً لينبرى لك واحد من أهل الأطفال الذين قلت عنهم
Quote: بالأمس رأيت أحد أطفال بلادي في التلفزيون
في ملابس رثة.. أدمت مني نياط قلبي.. وتفطر فؤادي ولم أقوى على إبتلاع لقمة من عشائي
ويقول لك أن الأموال التى صُرِفت لتعليمك ونيلك تلك الشهادات هي التى جعلتنى في ملابس رثة وكما ترى فالأسافير مليئة بمثل هذا الكلام عن الذين إستفادوا من أمتيازات التعليم على حساب الذين ضاعوا بسبب عدم التوزيع العادل للثروة والسلطة في (جمهورية الخرتيت).
وعودٌ على بدء، فالمطربة ندى بالطبع هي حرة (كما نحن) في سلوكها الشخصى ما لم تتعدى على حريات الآخرين، وكونها تلقت هدايا من شخصً أُعجِب برقصها أو فنها، هذا لا يضيرنا في شئ ولكل شخص الحق في إحتفاظه برأيه الخاص في غناء المطربة، دون التعدى على شرفها وإلقاء التُهم جزافاً بدون دليل لأن هذا إسمه إشانة سمعة.
ومرة ثانية فكلمات الأغنية ليس فيها ما يخدش الحياء وهى كلمات مثل كل الكلمات الأخري في ما يعرف بغناء (البنات أو الأعراس)، وكما قلنا فالذي يسمع لندى القلعة لا يجب أن ينتقد الذي يسمع الكابلى عند غنائه لموشحة (كللي ياسحب)، ويتهم الكابلى بالترفع والتكبر والغناء (للصفوة) بغنائه لأغنيات لا يفهمها الكثير من الناس، والعكس صحيح فالذين يطربون للكابلى ليس يعنيهم شيئاً أن تغنى ندي القلعة (اللكزس هدية)، وإذا أُذِيعت هذه الأغنية في الإذاعة الرسمية (والتى تُعبِّر عن أصحاب الذوق الرفيع في جمهورية الخرتيت) فعليهم تقديم بلاغ إلى (الشرطة المختصة)، وعلى العموم حتماً (سنجبجب ونسكس ونكشف ذاتو) في هذه الاغنية (إن غنتها المطربة ندى) أو أحد فنانى الأعراس وفناناتها، ونرجع إلى منازلنا بعد كل هذا (الفت) ولسان حالنا يقول (والله الحفلة كانت شديدة عديل كدا) مع إحترامنا الكامل لأصحاب الذوق الرفيع والذين سنستمتع معهم أيضاً (أنا وأختى تماضر) بروائع الأعمال قائلين (والله الأستاذ أبدع).
Post: #121 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمود ريحان Date: 08-18-2007, 04:28 AM Parent: #117
للعلم الحفله المعروضه في اليوتوب ليست في نيجيريا ولدي ابن اختي متواجد فيهاوهي في الخليج واترك مال ندي لندي او اتكلمو بصوره جاده ويجب ان نفرق بين النقد والتهريج والابتزال والتهكم والخوض في الاعراض ندي نجمه السودان الاول وهي قبله للنقد لانها في القمه والحسد ندعوك ياكريم مولانا رب الناس خالق ال؛كائنات اكفينا من الحسد والاشتغال بالناس وارزقنا القناعه عن مافي ايدي الناس
الف مبروك ندويه او كندوه كما كان يحلو لي ان اناديها وهي طفله التحيه لها وهي تسير من نجاح الي اخر من يريد ان ينقد فليتحث بصفه الجمع عن الاغنيه السودانيه ما بها وماعليها ندي ليست ظاهره والدليل انها متواجده علي الساحه من فتره طويله وهي تتقدم ولاتتراجع تحدثو عن اغاني البنات تحدثو عن الغناء الهابط تحدثو عن شعراء يقبضون ويكتبون كما التجار تحدثو عن الموسقين الذين يبيعون الاغنيه الرخيصه تحدثو عن تجار الكاسيت الرخيص تحدثو عن من يدير نظام المصنفات وكيف يدار اسئله كثير قبل ان تتعرضو الي ندي محمد عثمان ويصبح الموضوع فارغ المحتوي ولنا عوده
Post: #150 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:19 PM Parent: #121
Quote: ندي نجمه السودان الاول وهي قبله للنقد لانها في القمه
والله ده شىء مضحك تماما وعلى الفن فى السودان العوض اذا دى فنانة السودان الاولى ياخى خاف الله واحترم عقول المتداخلين دبل وخليك محايد ام وضاح
Post: #122 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Sayed Bekab Date: 08-18-2007, 05:14 AM Parent: #1
سلام يا شباب
مع تحفظي للمنظر العام للفيديو المعروض لكن يجب ان لا تخلط الامور هذه باعراض الناس نعم منظر ندي القلعة غير ملائم لا فى اللبس ولا فى حالتها العامة فى الحفلة لكن اقول لا للقيل و القال فى اعراض الناس و الله يتوب عليك يا ندي القلعة
Post: #154 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:36 PM Parent: #122
تسلم يا سيد وربنا يتوب على كل خلقه نحن لا نخوض فى اعراض الناس ابدا الا ان يرث الله الارض ومن عليها تحياتى ام وضاح
Post: #123 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Kamal Karrar Date: 08-18-2007, 05:55 AM Parent: #1
يا جماعة صباح الخير أو مساء الخير
يبدو أنا غلطان فيما ذهبت إليه..
ويبدو أن الجمهور عايز كده..
وطالما كده خلاص.. بس أنا ما عندي
أكثر مما قلت.. أنا شخصت حالة شفتها...
وياما كثير من التشخيص غلط.. يلا أستمتعوا...
ومن أعجبه منظر الفنانة..وأحبها لذلك
فالمرء مع من أحبب
وآسفين خربنا عليكم البهجة!!!!
وسلامتكم
Post: #125 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمود ريحان Date: 08-18-2007, 06:04 AM Parent: #123
ابو السيد تحياتي هي جات علي ندي في اللبس !!!!!!!!!!!!!!!!!!!! !!!!!!!!!!!!!1 !!!!!!!!!!!
Post: #170 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 09:56 PM Parent: #123
Quote: يبدو أنا غلطان فيما ذهبت إليه..
ويبدو أن الجمهور عايز كده..
كلامك هنا مافى ليهو داعى دى وجهة نظرك وانت حر انت ما غلطان ابدا تمسك برايك ولا تعتذر على شىء انت شابفوا صاح ابدا تحياتى ليك ام وضاح
Post: #126 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 06:30 AM Parent: #1
سلام اخوانى العزاز والله الصفحة الاولى عندى فيها مشكلة من الكمبيوتر بتاعى ما قدرنا نحلها اتصلت باحدى الاخوات ادتنى اسماء باقى الاخوات والاخوان الما قدرت ارحع ليهم من الصفحة الاولى .
شكرا على مرورو كل الاخواةات والاخوان بالصفحة الاولى .
الباقر دينج محمد بشرى الخضر الصادق اسماعيل الشفيع شوشتا احمد موسى محمد الامين احمد
شكرا ليكم مروركم اسعدنى ونواصل من خلال الصفحة دى ان شاء الله تحياتى ام وضاح
Post: #132 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Sayed Bekab Date: 08-18-2007, 06:59 AM Parent: #1
حوده
سلامات يا فنان يا رائع.
نعم اوافقك انه هناك ظاهرة غير مريحه طرات علي ازياء المجتمع السوداني لكن عزيزي و انت تعلم جيد ان العيون دائما علي المشاهير لذلك اعيب علي الفنانة ندي اختيار هذا الزي الغير ملائم لها و اشهد لها بانها من ارقي الفنانات السودانيات و لكن بالتوووووب.
Post: #138 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: عثمان عووضة Date: 08-18-2007, 07:52 AM Parent: #132
Post: #144 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: ابوحراز Date: 08-18-2007, 08:56 AM Parent: #138
هجرة عصافير الخريف !!! والطير المهاجر !!! ومضة عشت على اشراقها !!! وليس لي يامريا ازميل فدياس وروحاً عبقرية !!! ورائعة ابو آمنة حامد 00 ليلة السبت !!! وهذه الصخرة للمتفرد العاقب محمد حسن وأنفاس عبد الله الفيصل غداً نكون كما نود !!! أنا افريقي انا سوداني للرائع الكاشف !!! ورائعة ابوالعلاء التي تحلق بالانسان عالياً في سماء التأمل { سفري } من زمن مستني عودة قلبي راحل والأغنية التي لاتصدا { المصير } عاش الحبيب المنتظر 00 أغنية تحرك كل الوجدان أما الأمان 00 فلا تعليق !!! كنت دائماً بعذرك براي بتحمل 00 بتحمل صعابي 00 وكيف يكون يومك سعيداً إن لم تسمع { البان جديد ؟ } !!! ورائعة شاعر الفتيحاب التي يغنيها محمد ميرغني { إما اموت وإما اعيش وإما وإما } قمر الزمان 00 لمحتك 00 المسافة 00 يابت يانيل 00 ندمان أنا !!!!! وهل يأتيك مرض بعد أن تسمع شجن وقصتنا ؟؟؟؟ من منا لم يخرج منتشياً ومترنحاً بعد أن يستمع لخضر بشير ؟؟؟؟ شوفوا اغاني كردفان تنقل لك الأشجار وأنفاس الناس والطبيعة والرشاش والبساطة الى حيث تكون أتحدى من يقول أن النعام آدم قد مات ربابته وكلماته المليئة بالحنين مازالت تتسلق مشاعرنا وتتركنا في قمة النشوة !!! ومن منا لم يتأثر بهاشم ميرغني وأغانيه الجميلة ؟؟ أيام خطبت ست النفر كان فتحت الثلاجة تلقى قدامها هاشم ميرغني !! بالله اسمعوا { الجمال والحب في بلادي !!!! } هذه الأغنية تجلب الرزق !!! هل فجرك يامصابيح انطفي !!!! وغيرها الكثير من الابداع والمبدعين بعد كل ذلك هل يتقبل الذوق مثل هذه الأطباق الهابطة انا حتى في بيتي لا ارفض لأي كان ان يسمع مايريد ولكن صراحة حينما ياتي شيء لايعجبني فإنني اتعاور لدرجة غريبة جداً فلا أغلق التلفزيون بل أغلقه وأغطيه بالبطانية !!! قال كوامر قال !! صدقني إن كان الكوامر يستمعون لمثل هذه الأغاني فإنني من اليوم سأرفع رأسي عالياً !!!
خارج النص : بالمناسبة أكره الكومر لدرجة لاتتصورونها وهو يذكرني بمناسبة قاسية على نفسي فقد كنت ارفض فكرة { الطهور أساسا} حينما كنت صغيراً وذلك بعد رؤيتي لجارنا الذي يكبرني بقليل وقد تم طهوره مرتين !!! وكان أهل البيت يعرفون رفضي للفكرة تماما 00 وقد أتى قريب لنا ذو كرش مترهل معه كومر ويعمل في الري وبات معنا بالمنزل وخدعونا بانه سوف يفسحنا أنا وأخي الأكبر ونحن لاندري وقتها أنهم ذاهبون بنا لمستشفى المدينة عرب لإجراء اللازم وبداية مرحلة غريبة من الحياة 00 من يومها كرهت الكومر وحتى اليوم حينما اراه اصاب بقشعريرة وآلام حادة في الجهاز التنفسي } قال ارفض الفكرة قال !!!!
Post: #155 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:45 PM Parent: #144
Quote: هجرة عصافير الخريف !!! والطير المهاجر !!! ومضة عشت على اشراقها !!! وليس لي يامريا ازميل فدياس وروحاً عبقرية !!! ورائعة ابو آمنة حامد 00 ليلة السبت !!! وهذه الصخرة للمتفرد العاقب محمد حسن وأنفاس عبد الله الفيصل غداً نكون كما نود !!! أنا افريقي انا سوداني للرائع الكاشف !!! ورائعة ابوالعلاء التي تحلق بالانسان عالياً في سماء التأمل { سفري } من زمن مستني عودة قلبي راحل والأغنية التي لاتصدا { المصير } عاش الحبيب المنتظر 00 أغنية تحرك كل الوجدان أما الأمان 00 فلا تعليق !!! كنت دائماً بعذرك براي بتحمل 00 بتحمل صعابي 00 وكيف يكون يومك سعيداً إن لم تسمع { البان جديد ؟ } !!! ورائعة شاعر الفتيحاب التي يغنيها محمد ميرغني { إما اموت وإما اعيش وإما وإما } قمر الزمان 00 لمحتك 00 المسافة 00 يابت يانيل 00 ندمان أنا !!!!! وهل يأتيك مرض بعد أن تسمع شجن وقصتنا ؟؟؟؟ من منا لم يخرج منتشياً ومترنحاً بعد أن يستمع لخضر بشير ؟؟؟؟ شوفوا اغاني كردفان تنقل لك الأشجار وأنفاس الناس والطبيعة والرشاش والبساطة الى حيث تكون أتحدى من يقول أن النعام آدم قد مات ربابته وكلماته المليئة بالحنين مازالت تتسلق مشاعرنا وتتركنا في قمة النشوة !!! ومن منا لم يتأثر بهاشم ميرغني وأغانيه الجميلة ؟؟ أيام خطبت ست النفر كان فتحت الثلاجة تلقى قدامها هاشم ميرغني !! بالله اسمعوا { الجمال والحب في بلادي !!!! } هذه الأغنية تجلب الرزق !!! هل فجرك يامصابيح انطفي !!!! وغيرها الكثير من الابداع والمبدعين بعد كل ذلك هل يتقبل الذوق مثل هذه الأطباق الهابطة انا حتى في بيتي لا ارفض لأي كان ان يسمع مايريد ولكن صراحة حينما ياتي شيء لايعجبني فإنني اتعاور لدرجة غريبة جداً فلا أغلق التلفزيون بل أغلقه وأغطيه بالبطانية !!! قال كوامر قال !! صدقني إن كان الكوامر يستمعون لمثل هذه الأغاني فإنني من اليوم سأرفع رأسي عالياً !!!
دى اجمل مداخلة تستاهل عليها اوسكار عدييييييييل كده ونوبل تسلم البطن الجابتك ام وضاح
Post: #173 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 10:09 PM Parent: #138
عثمان عووضة اغنيتك رهيبة شوف ليها ملحن واديها ناس هناية اصلها تشبهم تحياتى ام وضاح
Post: #143 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: عبد الدائم سيد أحمد Date: 08-18-2007, 08:49 AM Parent: #1
المطربة ؟؟ الفنانة ؟؟ الاستاذة ؟؟ فنانة السودان الاولى ؟؟؟؟؟؟؟
يا اخونا فى حاجة اسمها الــغــنايــة وده الشغل المطلوب الايام دى فى السودان
اتمنى من الاخوة المعجبين بكلمات اغانى ندى القلعة تزويدنا ببعض النماذج ، يعنى ذى ( 4 او 5 اغنيات ) او احسن واجمل كلمات عندها
ام وضاح اللكزس حكاية عادية جدا" لانو عندنا هنا فى السعودية فى حاجة اسمها الطقاقات اجرهم فى حفلتين بجيب لكزسيين .
Post: #145 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: محمد البشرى الخضر Date: 08-18-2007, 09:05 AM Parent: #143
سلام أم وضاح ذبدة مداخلتي من الصفحة الأولى إنك تدي الشريط لي ناذر يشوف ليه طريقة ينزل لينا الغنية دي هنا لأنو شحتفتوا روحنا و شكرا
Post: #146 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: othman mohmmadien Date: 08-18-2007, 10:20 AM Parent: #145
ب ي ز ن ط ة .....
Post: #156 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:49 PM Parent: #143
عبد الدائم سيد احمد سيمفونية الزمن الجميل هى البلابل + عبد الدائم سيد احمد وكفى
ام وضاح
Post: #157 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 12:53 PM Parent: #1
ارحلوا يا اخوانابهناك عند النوبى فى البوست الفتحوا بتاع الشريف مبسوط منى الحاسد عاوز يرحل منى الحبايب عليكم الله بعدما تسمعوا كويس تعالو علقو بهنا حسادة كده للنوبى ام وضاح
Post: #158 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: فدوى الشريف Date: 08-18-2007, 01:16 PM Parent: #157
أم وضاح غايتو الكلمات ما هابطة كدا
بس مفروض الفنان الحقيقي ما يعاين للاشاعات الحولو ويعملها موضوع لأغنية تخلي أم وضاح تتعب وتفتح بوست عشانها.
فتك بعافية
والضهب الزيي في الحفلة دي حقو يمشو ينومو
Post: #174 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 10:15 PM Parent: #158
Quote: أم وضاح غايتو الكلمات ما هابطة كدا
بس مفروض الفنان الحقيقي ما يعاين للاشاعات الحولو ويعملها موضوع لأغنية تخلي أم وضاح تتعب وتفتح بوست عشانها.
ده رايك وانا احترموا شديد لكن انت ما بتحددى تعبى دى مسالة بحددها انا وانا مبسوطة جدا على بوست فيهو امكن 180 مداخلة اكيد بوست ناجح جدا واختلاف الاراء والاخد والرد هو دليل النجاح . وعندنا هدف من البوست ده عشان نرفع من مستوانا شوية فى اغانى البنات بعد الهيوط الشديد ده تحياتى ليك فدوى ام وضاح
Post: #159 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Siham Elmugammar Date: 08-18-2007, 01:24 PM Parent: #157
الاخت امال انا لم اتهمك بأى شىء كل ماهناك: بما أن ندى القلعه غناها هابط فى رأيك ..(انا هابط دى قاعدة اقولها مرات بحكم تداول اللفظ لكن اقول ليك قوله انا عندى فيها رأى) و تماضر قالت
Quote: : يعنى وردى يغنى فى أثيوبيا وسيد خليفة يمشى الصومال وعبد القادر سالم يغنى فى لندن ..ومين يمشى وين يغنوا ويدوهم قروش ويرجعوا محملين بالهدايا والذكريات الطيبة ..لمن ندى القاعة "الحلوة دى" تمشى نيجيريا وتغنى ...تطلع فيها أشاعة ليه؟؟
و انتى رديتى:
Quote: يا اخت العريس يا الخنساء انا ما شنفتها ابدا لكن انت ما تبالغى وتقارنيها بالفنانين ديل يا تماضر
ومنو الرجع من رحلة فنية بلكزس ومرسيدس وهمر . كلهم ديل عرباتهم يا لطيف
أذن (انا افهم) الفنانين الفى رأيك ان تماضر بالغت فى انو تقارنهم بندى القلعه ما اهدوهم لكزس و عرباتهم يا لطيف منها و ندى القلعه غناها هابط ... اها ادوها اللكزس ليه؟!!!! انا ما و جهت ليك اى تهامات شخصية و لكننى اشرت لما قراتة ورا كتابتك... و اذا كان انا فهمت غلط و انتى ما كنت بتشككى فى الكيفيه الجابت اللكزس.. العتبى لك حتى ترضى و لك منى اعتذار شديد و حقيقى عشان فهمى الغلط (ما عشان انا اتهمتك بحاجة لانو دة ما حصل) أما بخصوص الجزء التانى من كلامك لى اها انتى كتبتى:
Quote: ودى اخر اغانيها تتغنى بها فى عين الجعيص وعلى اعلى مستويات فى الحدائق والمركبات العامة الاعراس الحفلات الخاصة بكتب ليكم البقدر عليهو واى عبارات غير كدة نخليكم تسمعوها بمرور الزمن اها رايكم شنو ؟؟؟؟ فى المستوى الفنى الوصل ليهو السودان . وين ناس امن المجتمع ؟؟؟؟؟؟
انا قلت:
Quote: الاخت امال صدقى اهم حاجه فى البوست بتاعك ده هو استجارتك بسىء الذكر امن المجتمع.. والله هسه انا البوست ده ساق تفكيرى طوالى للتأمل فى ما فعلته سنين الانقاذ بعقولنا.... كدى خليك من موضوع "هبوط" اغانى ندى القلعه وتشكيكك و بعض المتداخلين فى الكيفية التى جعلت النيجرى يهدى لها العربيه.... "اين امن المجتمع"!!!!!!!!!!!!!!!!!!!!!!!!!!ياخ فرمتى قلبناو كبدنا... لك العافية
يعنى انتى امن المجتمع قبلتى وجودها و مهماته و اسلوبه فى التنفيذ لدرجة انك بتستنجى بيهو للتصرف نحوالاغنية(بالمناسبة انا عندى سؤال هو امن المجتمع يالنبى برضو بقى بقوم بمهمة المصنفات الفنية) و الا دى مهمه انتى افترضى انها ممكن تكون من دائرة اختصاصه؟؟؟
Post: #160 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Adil Al Badawi Date: 08-18-2007, 02:21 PM Parent: #159
نبارك، يا أم وضّاح وضيوفها، لندى القلعة لكزسها وأغنيتها وعقبال ما تغنّي: زي الهمر والله أحلى من الهمر. الناس الشنّفوها جايطين فوق أم كم! الغُنَى لندى القلعة ياهو زراعتها وياهو حَشّها فلتكسب منه قَدُر ما يملأ الحشاش شبكتو.
أكان في لوم، حقو يلومو الحاكم النيجيري الذي يهدي اللكازس فيما شعبه يراقص الهواء على أنغام أغنية: عيش الريف مدسوس مِنّي. وبالمرّة فليطلب الشنّافون من ندى القلعة (بالعدم كدا، من قيقم) أغنية: الشريك مبسوط مِنّي...وليهدوها لجميع شركاء الانقاذ كما وليتفضّل الجميع أغنية بوب مارلي: I shot the Sherrik التي يقول في ختامها:
Reflexes got the better of me And what is to be must be Every day the bucket goes to the well But one day the bottom will drop out Yes, one day the bottom will drop out But I say I shot the sheriff, but I did not shoot the deputy, oh no I shot the sheriff, but I did not shoot the deputy, oh no
ودمتم.
Post: #161 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-18-2007, 02:27 PM Parent: #159
خدر
قلت لي الحركة دي بعملا كيف؟
طبعاً يا خدر انا بحب محمود درويش، (لكن بحب الحق أكتر)، وعشان كدة ضربت المثل بتاع مولانا بشار بن برد والذى قِيل أنه من أشعر الناس وهو الكتب :
ربابة ربة البيت تصب الخل في الزيت ولها عشر دجاجات وديك حسُن الصوت
وبعدين نحن بنتكلم عن مقامين مختلفين:
مقام (الإستماع) وهذا حتماً سنسمع فيه وردى وأبو اللمين ومصطفي وطارق أبو عبيدة ومقام (الجبجبة) وهذا لا مجال فيه للمذكورين أعلاه، وهنا نقيس الكلام بنفس المقياس أعلاه
قِيل لبشار كيف قلت مِتِل هيك شعر؟
فقال (رحمه الله): رباب شغالة معاى في البيت وكلو ما تسألنى إنت شغال شنو أقول ليها أنا شاعِر تقول لي طيب ما تجدعنا بقصيدة ياخ، أها قمت عملت ليها النص دا والله هي شايفاهو أحسن من معلقة إمرؤ القيس بتاعتكم يا مثقفاتية.
فشفت كيف يا عزيزنا خدر فالموضوع موضوع طرب، وأنا بأمانة كدة (عجبنى كلامها) إنها تدافع عن نفسها بشكل أغنية، والمسألة دى عاجبانى هنا في أمريكا في غناء (الراب)، وكمان في غنا المصرى (شعبان عبد الرحيم).
أها يا خدر يا خوى
والله أنا زول بستتمتع (بالربة والهجيج)، وبستتمتع بالقصيدة الرائعة والأغنية الرائعة، وبسمع لموسيقي وفنانين من كل المقامات الغنائية السودانية (من غنا البنات إلى الغنا التجريبي) وبستمتع بيهم كلهم، أها القصة دى بعملا كيف ؟؟؟؟ أقول ليك (بتبع إحساسى) الشئ البيحرك إحساسي بنفعل معاهو. وحنجيكم راجعين
Post: #164 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-18-2007, 03:14 PM Parent: #161
Quote: دشكا دشكا دشكاااااااا نحن ما صعالك بنعاين بالشبابيك ... ( دي كانت اغنية )
كده كده يا الترلة وقاطرها قندراني .... ( كانت اغنية )
هيي هيي جوه هيي هيي برة ..... ( دي كانت ولا زالت اغنية )
عربتك الحمرا جنب فندق الزهرا والخاينة جارية وراه ( دي كانت أغنية )
تعرف يا علاء حيمورة اشطرك على "تفهمك" لفكرة النقاش ده ...يعنى لما يجى يزول يروج لى رحلة عضافير الخريف ولا الصخرة الصماء زى أبو حراز ده بيكون ما فهم الفكرة من أساسها فى نظرى ..لأنه الفن الرصين ده سيظل رصين ...ويعنى ما داير ليه اثبات ...ولا أجد أن الوقت مناسب هنا لأثبت للناس علاقتى المباشرة بالفن الذى يسمى "راقى" أو يهذب النفوس ...والذى فى مجملو ثقافة لو بحتناها كويس هى ثقافة المركز ...لكن ده ما مجال نقاشنا ...
لكن واضح انه أدب الشارع والعالم الما متضمنه الادب الرصين ده بتنفس بطريقة تانية ، يعنى أغانى ابو حراز القالها دى ...بالنسبة لكتيرين من الفئات الاساسية ما بتعنى أى شى غير "نونايه" فى الراديو ......وما عارفة ليه اتذكرت قصيدة جميلة سمعتها زمان ..فيها بيت بيقول:
المهتمين بالغنا والفن فى السودان عموما درجوا على تناسى أو تهميش انفعالات الشوارع ..وهم لو يعلموا فيه أخطر المؤشرات ..وأهمها ..
لكن السودان هو بلد عرف بتهميشه لى نسبة كبيرة جدا من سكانه ..الفرق البين البتذوقو فن "الاكابر" بس ...وبيننا نحن "المجموعة الهنا ديل اننا بنؤمن بحرية التعبير الفنى أكتر من التانيين" حسة لو سألت محمد الامين زات (وده مثلى الاعلى فى الغنا السودانى ) و قلت ليه رأيك شنو فى ندى القلعة ...حينصفها ...لانه بيعرف "فنها" البتريدو ده ...ما شى يمكن أهماله أو تجاوزو... يعنى الناس المستواهم الاكاديمى منخفض ديل مهمشين ..النساء مهمشات الفقراء مهمشين ...وما تعدش ..ده غير قبائل بعينا ...وخلفيات ثقافية بعينها
السودان بتراكماته السياسية والاجتماعية المعقدة عبر التاريخ دى ...علم المتذوقظ أو الجمهور :"الرسمى" أن كل الناس ما عدا التابعين للمركز وال main stream .. ناس ما معترف بيهم ..وما عندكم "حق" كتير فى التعبير عن ذواتهم وانفعالاتهم
أنا بستثنى التشكيليين ..من التهميش وعدم الالتفات للفن "غير المصنفر" والذى تأتى به مواهب تلقائية ..أقصد أنه لا يأتى من مرجعية ماهو مدروس أو ما هو مصنف علميا، هم على حسب معرفتى اهتموا بمثل هذه الفنون وأخرجوها الى النور فى أشكال متناثرة. أما انتاج الفن الغنائى ده فا عتمد على الطبقية: بمردوداتها الاخلاقية والقيمية ...انظر الى فن الفلكلور فى مجملو ...لو ما اجتهاد البعض وبصورة مكثفة على انصاف هذه الفنون لما نال من "الاحترام" ما هو عليه الآن ...فقد أزال أمثال "الطيب محمد الطيب" ...و"ابراهيم الصلحى" ..ودلوكت مركز دراسة الفلكلور ..بعض هذا "التعالى الثقافى" او العنصرية الثقافية ..عن فنون بعض القبائل وردوا لها اعتبارها وصار فنان القبيلة الشعبى له أهميته الثقافية التى هو عليها الآن...
أغنية مثل دشكا دشكا دشكا ..هى رد فعل لى أيقاع "الكيسة" المعروف فى كردفان...وعندما أسمعها ..اعرف أن أحد المتذوقين لهذا الايقاع ..ردد الكلمات هذه ليحاكى بها الايقاع المذكور، الكلمات التى حيكت على منوال الايقاع "الكلام المشابه للايقاع" (دشكا) ..واضح انها "تواترت" من أجواء مختلفة ..ومن مؤلفين متناثرين ...وقد أبهجت الناس فى أفراحهم المنزلية ..لهذا السبب ...ولو فى كلمات "خادشة للحياء" .؟ بقول الكلمات الخادشة دى بتجى من محل ألحياء مخدوش داك ...لكن واضح أنها اتسربت لمحل الحياء ما مخدوش لانه فى قنوات فاتحة بين العالمين ..."عجبنى حياء مخدوش وحياء ما مخدوش ده" ...يعنى فى ناس لاعبة على الحبلين ...وما بعيد كوم يكون من "الاكابر" زاتهم بيتلصص على العالم "المنفى" المهمش ده أو بينتمى ليه فى الخفاء عشان كده الكلمات الهابطة بتجى "طالعة" فى (الأعالى) وتتسمع وتتروج وتنتشر ...رغم صرخ العاملين على حراسة الاخلاق ..ورغم أرباب القيم والواقفين على بوابات "الاستقامة" فلما نقول ...تهميش ...بنقصد انه سلوك "متعمد" يقصد به أقامة الاسوار بين العالمين ...لكنه سور واضح انه وهمى وغير يمكن أقامته ...
احترموا حق الآخرين فى التعبير ...وحقهم فى الهبوط ...فكل اناء بمافيه ينضح ...وهذا هو اناء الخرطوم ...اصلحوا الآنية قبل أن نلعنوا الماء الذى سكب...
Post: #195 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 03:46 PM Parent: #164
[QUOTE]حسة لو سألت محمد الامين زات (وده مثلى الاعلى فى الغنا السودانى ) و قلت ليه رأيك شنو فى ندى القلعة ...حينصفها ...لانه بيعرف "فنها" البتريدو ده ...ما شى يمكن أهماله أو تجاوزو...
فى العبارة دى يا تماضر انتهيتى من محمد الامين فى انصافه لندى القلعة . حضرت للاستاذ ندوة عن هذه الاغانى تمنيت لو كنت معنا لتعرفى رايه فى هذه الارهاصات البسميها البعض اغانى البنات . سلامة البنات يا تماضر ,,,,,, وبعدين العبارة دى شنو ؟؟ { لانه بيعرف فنها } دى كتيرة شديييييييييييد اتمنى ان تتيح لى فرصة لاسال الاستاذ محمد الامين عن رايه فى نوعية الاغانى دى بعد عودته بالسلامة ان شاء الله , تحياتى ام وضاح
Post: #175 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-18-2007, 10:34 PM Parent: #159
Quote: و اذا كان انا فهمت غلط و انتى ما كنت بتشككى فى الكيفيه الجابت اللكزس.. العتبى لك حتى ترضى و لك منى اعتذار شديد و حقيقى عشان فهمى الغلط (ما عشان انا اتهمتك بحاجة لانو دة ما حصل)
الاخت سهام المجمر لا داعى للاعتذار حصل خير بس انا عاوزة اوضح ليك ولكل الاخوان الذكروا امن المجتمع غى مداخلاتهم وقبل ما اكتب انا ذكرتوا ليه انا عاوزة اوضح انا شخصيا ما عندى اى فكرة عن امن المجتمع من هم ؟؟ ماهى طبيعة عملهم؟؟ لاى وحدة يتبعون فى الشرطة ؟ وحاجات كتيرة انا ذكرتهم للاتى .
لما تكون فى مناسبة لازم تجيب تصديق من امن المجتمع ولو ما اديت بتاع الساوند والفنان التصديق وختاهو فى جيبه ما بغنى اطلاقا التصديق يا ستى انا قريتو كم مرة مكتوب فيه والتصديق ده بكثر من 300 الف جنيه على ما اعتقد شروط كتيرة من ضمنها ممنوع الغناء اثتناء الاذان ممنوع الرقيص المختلط ممنوع اللبس الفاضح ممنوع الاغانى الهابطة ينتهى الحفل الساعة الحادى عشر قبل منتصف الليل وحاجات كتيرة اتمنى يكون زول حافظهم ويكتبهم لينا هنا وانا بحاول اعرفها واكتبها ليكم هذا ما دعانى اسال امن المجتمع دى من ضمن الممنوعات بتاعتهم لما تغنى اغانى هابطة اين هم ؟؟ ان شاء الله فهمت قصدى تحياتى ليك ام وضاح
Post: #162 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Deng Date: 08-18-2007, 02:36 PM Parent: #1
Post: #165 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: عبدالله وداعه الامين Date: 08-18-2007, 03:14 PM Parent: #162
البوست اللذيذ دا اول مرة اشوفو
وبسهم ليكم بي بلة دقا الرقم جلا
تحية لكي عزيزتي ام وضاح وشكرا جزيلا
Post: #194 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 12:03 PM Parent: #165
عبد الله وداعة شكرا للمرور الظريف لكن وينوا بله دق الرقم جلا ما شايفين اى حاجة ام وضاح
Post: #166 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: nada ali Date: 08-18-2007, 07:35 PM Parent: #1
الاخ كمال كرار
Quote: الله يخلي ليك بنيتك يا رب..
شكرا، امين
Quote: والله تصدقي لا حاسد لا بقران
على المستوى الشخصي أنا حامد شاكر وليس بالسوء
الذي وضح في تعليقي .. أنا بتكلم على وجه العموم
ولكني أنا بحمد الله تمام التمام
كنت امزح، لهذا وضعت وجه ضاحك. اسفة لسوء الفهم.
كتبت:
Quote: ويبدو أن الجمهور عايز كده..
وطالما كده خلاص.. بس أنا ما عندي
أكثر مما قلت.. أنا شخصت حالة شفتها...
وياما كثير من التشخيص غلط.. يلا أستمتعوا...
ومن أعجبه منظر الفنانة..وأحبها لذلك
فالمرء مع من أحبب
بينما كان الاعتراض على ما حاولت الايحاء به من ان سبب الهدية لا بد ان يكون "دنسا". انظر ردّ الاخ الصادق فى هذا الخصوص. و اسألك مرة اخرى: اذا كانت تلك الهدية قد قدّمت الى احد المغنيين الرجال، هل كان سيحتاج الى تقديم كشف بما كان يرتديه و عن كنه علاقته بمن قدم له تلك الهدية؟ و هل كان سيحتاج للدفاع عن نفسه من الاساس؟
العزيزة امال، شاهدت فى اليوتيوب الحفلة التى تغنى فيها الاستاذة ندى القلعة و احد الحضور يرمى بالاوراق النقدية عند قدميها و حقيقة لم تعجبنى كنسوية، و لن احب ان اكون من ضمن حضور حفلة كهذه، لكن ليس من حقى او حق اى كان التحدث بصورة سالبة حولها و حول سمعتها، فمن حقها التصرف كما تريد مادامت لا تتعدى على حرية الاخرين/ات و لا تؤذيهم/ن بكلماتها كما ذكرت اعلاه، و اتفق مع ما الكثير مما كتبته تماضر و الصادق.
كذلك استمعت فى بوست اخر الى ادائها للاغنية موضوع هذا البوست، و حقيقى اداءها مختلف عن ادائها ل/عزاز علينا حين قدمتها فى السهرة التى توفرت بعد ذلك فى اليوتيوب، او فى شريط "عزاز علينا"، و انا متأكدة ان كثيرين سيكون لديهم/ن رأى ايجايى حول الاغنية و هو ما يجب حصر نقاشنا فيه. و فعلا كونها اضطرت لأداء هذه الاغنية درءا للشائعات مؤسف و يقول الكثير عمن حاولوا النيل منها. بالمناسبة اين يمكن ان اجد المقالات التى نشرت فى جريدة الدار؟
Post: #168 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Siham Elmugammar Date: 08-18-2007, 09:05 PM Parent: #166
(بينما كان الاعتراض على ما حاولت الايحاء به من ان سبب الهدية لا بد ان يكون "دنسا". انظر ردّ الاخ الصادق فى هذا الخصوص. و اسألك مرة اخرى: اذا كانت تلك الهدية قد قدّمت الى احد المغنيين الرجال، هل كان سيحتاج الى تقديم كشف بما كان يرتديه و عن كنه علاقته بمن قدم له تلك الهدية؟ و هل كان سيحتاج للدفاع عن نفسه من الاساس؟)
الكلام الفوق ده اقتباس من مداخاة ندى مصطفى.. عندى مشكلة فى صفحة الرد!!!!
Post: #169 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Kamal Karrar Date: 08-18-2007, 09:36 PM Parent: #1
ندى أختي أزيك
أوع تفتكري أنازعلت أو فهمتك غلط أبدا.. والواحد بيحس بالكلام الخالي من الغرض وحتى لو لم يمكن ممهور بوجه ضاحك. بس برضو في
في خلط في الموضوع. أولا كلنا بنحب الفرح والفرفشة (المنضبطة) وواعين جدا لحركة المجتمع وعارفين كل الذي يحصل نتيجة للتطورات
في المجتمع وكلو ده. أنا في جزئية مهمة وأنت شاهدت اليوتيوب.. يعني أنت ذكرت وأستهجنت بعض منها وهي الحركة التي (يشوبش) بها
الرجل الذي كان يرقص مع الغناية ندى.. برمي البنكنوت تحت أقدامها.. بالله لاحظي لهذا المنظر.. وأنا لا أعتقد أن ما كانت تلبسه
نادية ملائم لها.. معليش متخلف.. أحسن أقولها لنفسي.. قبل أن تقال.. ولكن حتى البنات أظنهن ينكرن عليها ذلك.. الموضوع في
بعض دفوعات أخواتي أتخذ منحى جندري خطير..وحتى لا نغمز من جانب فنحن مع المرأة وتحررها وإستقلالها الإقتصادي ومساواتها وكل
ما تنادي به المرأة كحق أصيل لها.. ولكننا لسنا مع أبتذالها وإستغلالها.. وعريها وعهرها.. وحتى لا يقولوني الأقاويل انا
أتكلم حديثا عاما. المهم.. نحن دائما لا نحاول أن نري وجهة نظر الطرف الآخر ولكننانتوق للوقوف في الفسطاط المقابل لكل فكرة
وكأننا جبلنا على ذلك.. وهذه ظاهرة في كل مجتمعات السودانيين. أختي ندى أرقدي عافية فأنا لم اسيء فهمك ولم أزعل من كلامك:
هذا ما وجب توضحيه من موقف.. والله من وراء القصد
Post: #177 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-19-2007, 00:31 AM Parent: #169
خدورى ما بيناتنا ..انا برضو كنت بمزح معاك بى كلمة يا فتان ..كان مفروض اخت وش ضاحك ولا مصيبة زمان عشان تفهمها صاح ...فأرجو المعذرة..
لكن اتذكرت حاجة عجيبة جدا جدا ...وهى مفاجأة ليك:
انت عارف انه أول مرة أعرف ندى القلعة دى واتذوق طريقتها فى الغنا متين؟؟
لما انت نزلت بوست اسمه: هييييييييييى
فيه اغنية شكر كده: بتقول ما الجلطى البنقش .وفيها ....ما السما ده الينهد ولا شنو كده...انا شفتها وقلت دى منو الغناية اللطيفة دى ..وبعدين عرفت انه اسمها ندى القلعة وكل البوستات واليوتيوبات ...عرفت ريدة الناس ليها منها ...
لكن فى ذمتك يا خدورى الاغنية دى لما نزلتها مش كانت عاجباك.؟؟ حسة حتعمل شنو مع مصطفى سيد أحمد؟؟
Post: #178 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-19-2007, 01:05 AM Parent: #177
Quote: لكن فى ذمتك يا خدورى الاغنية دى لما نزلتها مش كانت عاجباك.؟؟ حسة حتعمل شنو مع مصطفى سيد أحمد؟؟
هههههههههههههه هاهاههااههاااا واااااااااااااكـ تعرفي لمن قلتي لي فتان كنت عاوز اقول ليك موش انت فتنتيني مع خليل اسماعيل زمان اها خمي و صري تاني قلت يالولد يا خدر الموضوع ده جادي و ماتهظر للناس بيهو و قررت انو اتم معاكـ نقاشنا في التلفون او اخت ليكـ قنبله في المسنجر .. المهم بركه الاديتني فرصه اسه اكرر كلامي تاني عشان مافي زول يقول انا ضد ندي القلعة والله يا اخوانا (انت برضو اخونا طبعا يا تمادر) انا بريد ندي القلعه دي في الحزين و اغاني الحماسه خطيره عديل كده (ولا خجلان من مصطفي سيد احمد يا تمادر ) و بالذات اغنيه يسلم لي عوض الليله وشايف انو ندي بتعرف فعلا تنكت اغاني حماسه جميله و غير مطروقة و بتأديها بي احساس حلو .. يمكن ده لانو نحن فترنا من الرجال البغنو في اغاني الرجالة ديكـ او الرجال البغنو الاغاني النظمنها حبوباتنا اضافه لي انو اغاني الحبوبات دي لمن تلقي صوت نسائي ينفذها بكون اجمل و اقدر علي توصيل الفكره من علي ابراهيم اللحو و شنبات و عمم و كده
لكن ده كلو كوم و اغنيه اللكزس كوم براهو .. انا لسه مصر انو ندي تعتذر عن الاسفاف ده و تلتزم مع روحها انو مذيد من الانتاج الفني هو الرد الحقيقي علي الاشاعات ضدها موش فنها يكون اداه للرد علي الاشاعات حولها
Post: #180 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-19-2007, 01:43 PM Parent: #178
Quote: تعرفي لمن قلتي لي فتان كنت عاوز اقول ليك موش انت فتنتيني مع خليل اسماعيل زمان اها خمي و صري تاني قلت يالولد يا خدر الموضوع ده جادي و ماتهظر للناس بيهو و قررت انو اتم معاكـ نقاشنا في التلفون او اخت ليكـ قنبله في المسنجر ..
والله يا خدورى ما تتخيل ضحكتنى قدر شنو بالرجيمة دى ...انا دى تماضر بت علوية دى فتنتك مع خليل اسماعيل؟؟ وين ده وكيف؟؟
حسة بألأف فيك غنية ..احسن ليك:
خليل اسماعيل صديقى وخاتاهو لى ضيقى خدورى حاسدنا .. .وواقف فى طريقى ...
خليل اسماعيل بعزو الناس بس بشزو ياخدورى أرجع ده جبلا ما بتلزو
انت قايلها صعبة دى؟؟ وووووروووووك دايرة أموت من الضحك...
المهم الفقرة الجاية دى ...بعدها أظن اتقاعد من البوست ده ..لو ما الشمار جابنى وهاهى:
Quote: والله يا اخوانا (انت برضو اخونا طبعا يا تمادر) انا بريد ندي القلعه دي في الحزين و اغاني الحماسه خطيره عديل كده (ولا خجلان من مصطفي سيد احمد يا تمادر ) و بالذات اغنيه يسلم لي عوض الليله وشايف انو ندي بتعرف فعلا تنكت اغاني حماسه جميله و غير مطروقة و بتأديها بي احساس حلو .. يمكن ده لانو نحن فترنا من الرجال البغنو في اغاني الرجالة ديكـ او الرجال البغنو الاغاني النظمنها حبوباتنا اضافه لي انو اغاني الحبوبات دي لمن تلقي صوت نسائي ينفذها بكون اجمل و اقدر علي توصيل الفكره من علي ابراهيم اللحو و شنبات و عمم و كده
أما أنت يا أبو مهيار ...فعشان شايفاك زعلان شديد من الاسفاف والانحطاط ...ما تزعل نحن نلم ليك المسفين كلهم فى حته واحدة نكفتهم ونحذرهم ونسكتهم ليك .للأبد أو لو دايرين يتعلموا ينتجوا حاجات صاعدة ..ما بنسألهم ..ممكن يمشوا بيتم.....اها قصرنا معاك ؟؟ ..........أها تانى شنو؟؟؟؟
Post: #184 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Abomihyar Date: 08-20-2007, 07:25 AM Parent: #180
Quote: أما أنت يا أبو مهيار ...فعشان شايفاك زعلان شديد من الاسفاف والانحطاط ...ما تزعل نحن نلم ليك المسفين كلهم فى حته واحدة نكفتهم ونحذرهم ونسكتهم ليك .للأبد أو لو دايرين يتعلموا ينتجوا حاجات صاعدة ..ما بنسألهم ..ممكن يمشوا بيتم.....اها قصرنا معاك ؟؟ ..........أها تانى شنو؟؟؟؟
لا ما تكفتوهم ولا تسكتوهم خلوهم!!
بس أنت وخدر أخوي دا والمبدعين السمحين كلكم
قدموا فن جميل ومحترم وهم براهم يا سكتوا يا اتصلحوا
اصلاحية يعني
اتفقنا يا نديدتي؟؟
Post: #179 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Abomihyar Date: 08-19-2007, 07:59 AM Parent: #1
Quote: الى من يتحدثون/ عن الشرف و الاخلاق و الانحطاط اى انحطاط اكبر من ان يتم اغتصاب الاف السودانيات فى الجنوب و جبال النوبة و الان دارفور، دون ان نتفاعل مع ذلك بما يقترب حتى من حجم الكارثة؟؟؟
أناالذي تحدثت عن الأنحطاط ووصفت هذا النص الغنائي بأنه منحط.
وهذا خلط غير موفق يا د. ندى بين قضاياالتذوق الجمالي مع المواقف السياسية. فالذي لايدين
الأغتصاب منحط أخلاقبا والذي يمارس الأغتصاب مجرم ولكن الذي يدعي أنه فنان ومبدع ويأتي ليغني لنا:
Quote: يا هناى ويا هنايا امسكوا القنايا المرسيدس ولكزس وبكرة الهمر جايه والله بريد فنى
لايستطيع أن بقنعني برقي فنه ولن يدع لي مجالا غير أن أصف هذا الهراء بأنه أغنية منحطة.
وياتماضر ،الذين يروجون أو يساعدون على ترويج هذا النوع من الغناء لايمكن أن تكون
الذائقة الجمالية السليمةهي التي حركتهم تجاهه، بل أجندة أخرى ليس من بينها تكريس قيم جمالية رفيعة.
الأغنية المنحطة لن تستطيع أن تكون أكثر من أغنية منحطة ولن يرفع من شأنهامرافعة سياسيةأوأيديولوجية
وانماخصائصها ومكوناتها كمنتج أدبي أو فني وما تحتويه من قيمة جمالية هي التي تترافع عنها في ميدان الفن والجمال.
وياخدر، أنا أتفق مع فكرتك على وجه الاجمال.
Post: #193 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:59 AM Parent: #179
Quote: الأغنية المنحطة لن تستطيع أن تكون أكثر من أغنية منحطة ولن يرفع من شأنهامرافعة سياسيةأوأيديولوجية
وانماخصائصها ومكوناتها كمنتج أدبي أو فني وما تحتويه من قيمة جمالية هي التي تترافع عنها في ميدان الفن والجمال.
ده الكلام مافى ليهو زيادة ولا حرف تسلم ابو مهيار ويسلم مهيار تحياتى ام وضاح
Post: #181 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: ملكة سبأ Date: 08-19-2007, 02:26 PM Parent: #1
سلامات ام وضاح وضيوفها
وماشاءالله بوست بقى دسم دسامة
فهسي انا زي دار أقول شنو ؟!
شكرا على توضيح شخصية(عوض) عشان انا قربت اقتنع بي فكرة كوستاوي دي
وانتو برا الشبكة زي بلا ود عشة راكب الرقشة دقا الرقم طشة
ووووينو بلااا
Post: #182 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نهال كرار Date: 08-19-2007, 05:44 PM Parent: #1
في بلد كالسودان أكثر من ثلاثة أرباع شعبه فقراء منهكين بالحروب والجوع والفيضانات لم يحدث أن ظهر فنان أوحتى رجل أعمال ليستعرض أمواله بهذا الشكل المستفز ليت ندى القلعه تدرك بأن الفنان هو انسان في المقام الأول من حقه أن يسعى للشهرة والمال , ولكن عليه أن يكون الأكثر إحساسا بهموم شعبه
Post: #192 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:49 AM Parent: #182
Quote: لم يحدث أن ظهر فنان أوحتى رجل أعمال ليستعرض أمواله بهذا الشكل المستفز ليت ندى القلعه تدرك بأن الفنان هو انسان في المقام الأول
ده لما يكون فنان يا نهال كرار لك الود ام وضاح
Post: #183 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Abomihyar Date: 08-19-2007, 10:16 PM Parent: #1
UP
Post: #185 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: mamkouna Date: 08-20-2007, 07:49 AM Parent: #1
سُئل أحد نجوم الغناء العربي و أظنه شعبولا.. عن سبب عدم إكمال دراسته و عدم تعلمه القراءة و الكتابة فكانت إجابته كالآتي:
أنا وقتي كلو في الفن.. أنا بحب الفن.. أنا على طول مشغول بالفن!
_________________________________________
ما عارفة ليه إتذكرت الكلام دا حسي.. يمكن عشان بريد فني..!!!
Post: #186 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: نجوان Date: 08-20-2007, 08:25 AM Parent: #185
سلام يا أم وضّاح..
دي مداخلتي من بوست نوبي لنفس الموضوع.. وأضيف.. كل فولة وليها كيّال.. بلا فلسفة صفوية معاكم
Quote: زيّها وزي بقية المشاهير.. الصحافة والأقاويل لا تستطيع تجاهلها.. بكرة الصحفيين من الجرايد إياها ح يعسكروا قدام بيتها.. ويباروا ولدها في المدرسة.. ويعملوا إنترفيو تحت تحت مع شغالتها.. سواقها.. وأعز صديقاتها..
ويالمتفلسفين هنا مالكم كيف تحكمون.. ما كل الناس عايزة تسمع وردي و أبوعركي.. هابط أو غير هابط..البت دي نجحت وعندها جمهور.. وصراحة غناها لا يختلف كثيرا عن غنا البنات القديم قدم آدم وحوا في السودان..
Quote: لكن الفكرة نفسها غريبة في طريقة ندي للرد علي الاشاعات
ما غريبة ولا حاجة... غناها مايكل جاكسون قبل سنوات.. (الأغنية إسمها Privacy) وطالب فيها صحافة الإثارة بعدم التدخل في شؤونه
__ يا تماضر قريت جزء من مداخلاتك في الصفحة دي.. في الصميم!
Post: #187 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: علاء الدين حيموره Date: 08-20-2007, 09:05 AM Parent: #186
يا السيدة علوية يا بت المرغنية .. هلالنا في العرضة وانا في السعودية يا ناس ..
برانا وحبيبنا الكان معانا ياناس
الحبيبة أم وضاح الليلة مافي كلام بتقال بعد الهلال ..
حا نعود بس .
Post: #189 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:36 AM Parent: #186
انا شخصيا احترم آراء الناس واحترم اعجاب الاخريين باى كان ولو لا اختلاف الاراء لبارت السلع ولا زلت عندى رايى لا علاقة لهذه المدعية بالفن اطلاقا تحياتى ام وضاح
Post: #190 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:41 AM Parent: #189
دى مواصلة لمداخلة الاخت نجوان الشريف ده بتكلم عربى يا ربى يعنى فاهم الغنا بتاعنا الدارجى ده ولا معجب بعزف الاورج وموسيقى التمتم حقتنا ؟؟؟؟ دى برضو اسئلة عاوزة اجابة . تحياتى نجوان ام وضاح
Post: #191 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:44 AM Parent: #185
ممكونة العسل
Quote: سُئل أحد نجوم الغناء العربي و أظنه شعبولا.. عن سبب عدم إكمال دراسته و عدم تعلمه القراءة و الكتابة فكانت إجابته كالآتي:
أنا وقتي كلو في الفن.. أنا بحب الفن.. أنا على طول مشغول بالفن!
_________________________________________
ما عارفة ليه إتذكرت الكلام دا حسي.. يمكن عشان بريد فني..!!!
كمال كرار ما قبيل كلمكم عملتوا مجانين قال هندسة وطب قال والله بريد فنى تحياتى ممكونة ام وضاح
Post: #188 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-20-2007, 11:29 AM Parent: #1
يا يابا سعدابى والشجر التحتو كابى بسجل عقابى للتيم الهلالابى
يا ناس برانا بنعشق مستوانا يا ناس
يا هيثم ود مصطفى المنام جفانى وابا التلاتة منك كفى والحضرى وقع انكفا
ونتابع يا ود حيمورة ام وضاح
Post: #197 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-21-2007, 09:59 PM Parent: #188
Quote: يعنى فاهم الغنا بتاعنا الدارجى ده ولا معجب بعزف الاورج وموسيقى التمتم حقتنا ؟؟؟؟
الأخت أم وضاح إلى الآن أنا أري أن المشكلة هي مشكلة تعريف وتصنيف (ومحكوم بأهواء وأوضاع إجتماعية وطبقية كمان)، ولذلك إنت مطالبة بتعريفك الخاص بالفن (ككل) وبعد ذلك سنرى من خلال ذلك التعريف أين نموقع (المطربة) ندي القلعة.
الشئ الثانى مسألة (الهبوط والصعود) ما هو الشئ الهابط في كلمات الأغنية، وأنا أرى أنها كلمات عادية تتناسب مع ما عرفناه عن غنا البنات وغنا الأعراس مثل (جلابية بيض مكوية) وغيرها من الأغانى الكثيرة التى لا أذكرها الآن ولكنها كلمات عادية وأحياناً (تُحشَر الكلمات حشراً لدواعى القافية) مثل أغنية (الدكاترة كشفوا الفواد لقو جوة مرسومة صاد) وغيرها.
بالنسبة للإقتباس أعلاه أعتقد أن (المسألة في الإيقاع) لأنى كنت أعيش في أرتريا ورأيت كيف كان إنبهار الناس هناك (حتى الذين لا يتحدثون العربية) بشريط ندى القلعة الفيهو أغنية الفلاتية (جاهل صغير وحمامة)، والذي أعتقد أنه سيفشل في مقياس (الهبوطوميتر والصعودوميتر) والذى أراه يعتمد على الوضع الإجتماعى لفئات مسيطرة بذوقها وقيّمها على المجتمع (ولا ضير في ذلك) ولكن يجب أن تحاول أن تتفهم الآخرين الذين يطرحون بضاعتهم وهى مقبولة جداً في (وضعهم الإجتماعي ذاك) وكما قلت فأغنية (جاهل صغير) كأنت تسير كتفاً إلى كتف مع أغنية الفنان محمد وردي (كبرتى وليك تسعتاشر سنة).
الشئ الأخير والذي فعلاً أريد أن أعرفه (ما هو الشئ الهابط في هذه الكلمات والذي هو جديد بمقاييس ما يُعرف بغناء البنات والأعراس)، حقيقة أحسست أن هناك تحامل في هذه النقطة.
والسؤال:
هل غنا البنات والأعراس (لونية) خاصة داخل فن الغناء السودانى؟ هل يعتبر غنا البنات والأعراس والتعليمة للعروس ضمن ما يعرف بالفنون عموماً؟ هل يجوز لنا أن نحكم على غنا البنات والأعراس بنفس المقاييس التى نحكم بها على لونية الغنا (الإستنادر) والذى تتبناه الدولة السودانية عبر أجهزتها الإعلامية؟
وحنواصل
Post: #198 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: essam&amal Date: 08-23-2007, 02:35 PM Parent: #1
الاخ الصادق اسماعيل انا فى ظروف قاهرة منذ يوم الثلاثاء الماضى لم ادخل الموقع وكتبت ليك اليوم عشان تعرف انى متابعة معاك وسوف ارد على هذه الاسئلة غدا ان شاء الله بعد عودتى
كتب الاخ الصادق اسماعيل قائلا :
Quote: الشئ الأخير والذي فعلاً أريد أن أعرفه (ما هو الشئ الهابط في هذه الكلمات والذي هو جديد بمقاييس ما يُعرف بغناء البنات والأعراس)، حقيقة أحسست أن هناك تحامل في هذه النقطة.
والسؤال:
هل غنا البنات والأعراس (لونية) خاصة داخل فن الغناء السودانى؟ هل يعتبر غنا البنات والأعراس والتعليمة للعروس ضمن ما يعرف بالفنون عموماً؟ هل يجوز لنا أن نحكم على غنا البنات والأعراس بنفس المقاييس التى نحكم بها على لونية الغنا (الإستنادر) والذى تتبناه الدولة السودانية عبر أجهزتها الإعلامية؟
وحنواصل
غدا ان شاء الله نواصل ام وضاح
Post: #199 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-24-2007, 12:08 PM Parent: #198
الصادق سلامات والله رغم اني ما ميال للدخول في نقاشات وده شكلو بقا موقف مبدئي من سنوات مضت و ده موش قلة ادب مني ساكت لكن قناعة بي انو النقاش ماقاعد يقنع زول علي العكس النقاش بذيد درجة الاحتقان و برفع معدل التكتلات لكن والله عشان كلامكـ السمح البستفز الزول انو يراجع روحو و قناعاتو و كمان لانو رأي شجاع و ما بخاف من (ناس مصطفي سيد احمد) زي ماقالت تمادر .. عشان كدي يعلم الله النيه قويه انو احاوركـ في منطقكـ اعلاة بس انشاء الله القي لي وكت و لحدي الوكت داكـ .. كن بخير
Post: #200 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-24-2007, 03:54 PM Parent: #199
العزيز خدر
على العموم مرحب بالنقاش معاك، مع تقديري الكامل لما قلته أعلاه (والذي أتفق جزئياً معه) خصوصاً حول نوعية النقاش (الهلال مريخي) ومآلاته، لكن أتمنى أن تجد الوقت لمناقشة هذا الموضوع خصوصاً وأنت في خانة (الفنانين) حسب تصنيفي وليس (المطربين) والذين حسب إعتقادي ليس مطلوب منهم شئ غير (التطريب) والذى يعتمد أيضاً على مدى تَقَبُل (المُطْرَب) لهذا التطريب ويشمل ذلك (كلمات الأغنية)، وعلى العموم يا زول الله يديك الوقت ويرفع عنّا (الإحتقان).
Post: #201 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Tumadir Date: 08-24-2007, 04:40 PM Parent: #1
Quote: حسة بألأف فيك غنية ..احسن ليك:
خليل اسماعيل صديقى وخاتاهو لى ضيقى خدورى حاسدنا .. .وواقف فى طريقى ...
خليل اسماعيل بعزو الناس بس بشزو ياخدورى أرجع ده جبلا ما بتلزو
لعمرى يا خدر والجميع ...كيف غفلتم عن هذه المداخلة ...
رحل بعدها الجميل خليل اسماعيل بيوم ....
كم أبكانى ...رحيله!!!!
وياخدر كل ما أعمل ليك مداخلة حنينة ..ما تفهمها وتزعل ..ياربى ده سوء طالع ولا شنو ؟؟
اخخخخخخخخخخ انا زعلانة على خليل اسماعيل شديد...
Post: #202 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-24-2007, 11:38 PM Parent: #201
العزيزة تماضر
والله ما أغفلنا ولكنه (الفقد الرخيص لمن نحب)، وياهو دى الدنيا (تشقيك بفرقة عزيز وبالحسرة ريقك تنشفو)، ومرات كمان يا تماضر لا الدموع ولا الكلام بيفيد لمن تجى لزول زى (خليل إسماعيل)، والعزاء الوحيد (إننا عشنا فى زمنو واستمتعنا بغناهو)
Post: #203 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-25-2007, 08:05 AM Parent: #202
Quote: وياخدر كل ما أعمل ليك مداخلة حنينة ..ما تفهمها وتزعل ..ياربى ده سوء طالع ولا شنو ؟؟
تمادر دي جنت اظنها !! القال انا زعلان منو ؟ يابت امي والله الحزن شارطني شرط اليومين ديل وونستنا الاخيره عن خليل في ميزان حسناتو انشاء الله موش كويس انو اتونسنا معاهو قبل وفاتو بس للاسف مالقينا اليوصل ليهو ونستنا دي ويخفف عليهو بيها قبل ما يسافر و يخلينا
البركه فينا و فيكم ياتمادر و الفقد واحد واللهم تقبله عندكـ آآمين
Post: #204 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-26-2007, 08:36 PM
Quote: البركه فينا و فيكم ياتمادر و الفقد واحد واللهم تقبله عندكـ آآمين
Post: #205 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: Raja Date: 08-26-2007, 10:48 PM Parent: #204
ههههههههه غايتو يا أم وضاح البوست ده بالأغنيات الفيهو والنقاش الداير فيهو.. بيت عرس عديييل بي شكلته..
أتفق مع من قال أنه من المؤسف ان تضطر المرأة المغنية لتقديم كشف حساب وكشف (هيئة) عند إستلامها لهدية .. يعني الفنانيين الكانوا في معية صلاح إدريس (أيام الرخا).. لو عملوا زيًها كانوا عملوا لينا معلقات بالشقق الفي مصر، والعربات ذات الجر الرباعي، والإقامات المرفهة في لندن وباريس والقاهرة وغيرها..
غايتو أنا لو زول هدى لي عربية (بي أم دبليو). حاكتب 5 مقالات وأعمل غنية في العربية وفي هتلر زاتو ...
مبروكة الليكزاس.. يا عالم بطًلوا حسادة ..
Post: #206 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: خدر Date: 08-26-2007, 10:51 PM Parent: #204
الصادق سلامات ياخي و اعذرني علي التأخير (1) انا لمن سألتكـ عن العلاقه (داخل حرم مزاجكـ) بين ندي و درويش ما كنت ناوي احصركـ في نادي المثقفين البي الضرورة انهم ضد الهابط من الغناء و الهابط دي الكلام فيها كتير حا نجيهو وكت تاني كان قصدي اسألكـ عشان اقرب الشقه بين الحِراكـ الاجتماعي في مستوي موسيقي و بين القدرات المعرفيه او المكتسبات المعرفيه و مدي الاستفاده منها (مزاج - قناعات - تربيه ذاتيه و نقول برضو تطور سمعي او بصري كمان و الخ ) يعني كنت عاوز اقول ليكـ انا خدر ده ما ضد بله الدق الرقم جلا لكن ضد ندي في مسأله اللكزس و الفرق عندي كبير بين الاغنيتين بله الدق الرقم جلا عباره جُمل و كلمات مرصوصه قطعا حا تأدي الغرض الانت قلتو قبيل داكـ نرقص لمن ننوشل عرق و نرجع البيت متأخر و نقول الحفله كانت شديده عارف ليه ؟ لانو عقلنا في قصه بله ده ما مُطالب انو يفكر او يفهم المهمة سهله للغايه نرقص بس علي ايقاع جميل و عقلنا مستوعب لما يجود به صاحب بله . لكن في مستوي ندي و بالنظر الي (جندرها) و جندرها دي لانو في حزام الدول الاسلاميه و العربيه العين لها كل المشاهده و الاذن تحظي بالنذر اليسير وده لانها فيميل في حزام ليهو تاريخو الكبير ضد الفيميل اها لمن ندي الفيميل تجينا بي غنوة زي دي في مجتمع زي السودان بالخلفيه الزكرتها دي كرعينكـ مابشتغلوا اوتوماتيكـ زي في حالة صاحب بله .. لازم عقلكـ وعينكـ يستوعبوا في الاول قبل ما كرعينكـ يسوقوكـ لي محل الرقيص و لمن عقلكـ و عينكـ يستوعبو انو الاغنيه عن اللكزس قطع شكـ حا يكون ده بلاغ للنائب العام والتهمة حيازه شفت كيف يا الصادق يا اخوي انو القصه ما احساس طلقيت ساي
(2) في مسألة انو ده حق ندي انها ترد علي الاشاعات و الاستدلال بي الراب الامريكي .. الراب الامريكي او ما يسمي ايضا بموسيقي البلاكـ احتاجت لي 30 سنه عشان تتحول لي اغنيه معروفه عالميا و صرعه تغزو العام و الراب كانت صوت النيوجنريشن من البلاكـ العاوزين حاجة جديده بدل الجاز الفي نظرهم كان كلاسيكـ و ما مستوعب طاقاتهم او تحولات و معطيات عصرهم طيب وين المشكله يا خدر طيب ؟ المشكله يا الصادق يا صديقي انو الراب هو منتوج (ثقافي) لفئة من الناس تقطن النصف التاني من الكره الارضيه , و محتويات الراب بالضروره حاتكون مستصحبه كل موروث الفئه المعنيه الثقافي الهو بالضروره مختلف تمام الاختلاف مع ما يحدث في صحراء افريقا السودانيه المجهجهة بين مكون افريقي و ثقافه اسلاميه طابقه علي اعناق كل المجتمع بإعتبارها مكون ثقافي اساسي بمنع بنص مفرده (الحياء) الخوض في تفاصيل شرفي حافظاهو مابدور لي وصيه .. يا الصادق يا اخوي نحن حامدين ربنا و شاكرين انو نضال الفيميل السوداني في حقل الغنا وصلنا لي مرحلة انو نسمعهم و نحتفي بيهم ونقدسهم لانهم قالوا فن جميل تجينا ندي الليله و تفتح علينا ابواب قطع شكـ انت بتكون متخيل ممكن تودينا لي ويين إذن الاستدلال بي الراب لا يجوز هنا لانو ديل ثقافتين مختلفات والبلاكـ اميركان ممكن يقولوا اي شي في رابهم ده و ده ماغريب علي لغتهم العاديه لكن كلام ندي ده غريب علينا نحن عشان كده ابومهيار و امال صوتهم فتر من التنبيه
(3) لمن غنت ندي القلعة اغاني الحماسه فرحنا بيها و شجعنا جهدها ده و اشترينا الشرائط و نشرناها في سودانيزاونلاين دي زي ما قالت ليكـ تمادر قبيل لكن كمان يا الصادق يا اخوي لمن تنقلنا بقدرة قادر لي الرد علي خلافاتها الشخصيه بي اغنيه زي اللكزس دي بنقول ليها يا ندي انت ماعارفه العملتيهو ده ماشي علي ويين .. صح من حقكـ انكـ تدافعي عن الاتهامات ضدكـ بكل الوسائل المتاحه و الغير متاحه وانا لست هنا لتقديم بدائل لـ (ندي) حول كيفيه الرد علي الاشاعات لكن يهمني امر الغنا الماشي لي وراء في السودان ده و ندي بي غنوتا دي بتدفر فيهو لي وراء زيادة و اعتقد انو ده حقنا نحن برضو انو ندافع عن غنانا زي ما ندي عاوزة تدافع عن روحها مستخدمة اضنيننا ولا شنو ؟
كلامي كتير لكن اسه فترت و الليل هود
Post: #207 Title: Re: اللكزس هدية ما علاقة شخصية انا شرفى حافظاهو ما بدور لى وصية / علاء حيمورة تعال هنا شوف العج Author: الصادق اسماعيل Date: 08-27-2007, 05:55 PM Parent: #206
العزيز خدر
المسألة كدة بقت واضحة، ونقاط الإتفاق والإختلاف واضحة، وأنا وجهة نظري في الموضوع دا كلو إنها مسألة خيارات ممكن يختارها الإنسان، يعنى كل الكلمات بتاعت الأغنية دى كانت ممكن تتحول إلى لقاء صحفي من نوع:
الصحفى: أُثير الكثير من الكلام واللغط حول رحلتك الفنية الأخيرة خصوصاً عندما أهداك أحد حُكام الولايات النيجيرية عربة جديدة، ما هو ردك على هذه الإتهامات؟ ندى: حقيقة أول ما رجعت من نيجيريا فوجئت بالكلام الداير في الجرائد، والحقيقة في ناس كتار نصحونى بعدم الرد، لكن أنا عايزة أقول لكل الناس أنا الفن بتاعى هو البجيب لي التقدير مشى حاجات تانية، وأنا أهم شئ عندى شرفى وحقو الناس قبل ما تتكلم تتأكد من الحقائق.
ويمكن أن يُضِيف (صحافينا الهمام) بعض الدراما ويقول أنها (بكت بحرقة وسارعت لإلتقاط دمعتها ومش عارف أيه). والموضوع يا صديقى يمر عادى إذن المشكلة في إختيارها للرد من خلال الكلمة (المُغناة).
أما موضوع المقارنة فأنا بتفق معاك (بخصوص التطور بتاع الراب)، لكن المسألة بتمشي كدة برضو وممكن تكون دى بداية للتغيير في غنا البنات، وإختيار أسلوب الرد ونوعيته هو خيار (المتهم) هنا وهي إختارت الرد من خلال الغنا (ويبدو أن هذه هى المشكلة فأنت لا تريد لهذا النوع من الغنا(الشخصى) أن يتسرب ويكون موضوع (للونية الغنا الذي أشرت له ببلة الدق الرقم جلاّ)، وهذا خلاف مشروع.