الزارعنا غير الله اللجى يقلعنا (من يشترك معى فى رثاصدام)

انا هنا عاجبانى فرسة الرجل العاجبو الكلام ده يدلى دلوه انا والله ما بعرف اغنى لكن اعرف بان المنبر عامر بى ناس بتعرف تتغنى بهذا الشعر ودايما الناس الشحادين بقولوا انشاء الله 25 قرش بنقبله دحين ماتبخلوا علينا والرجل ترك مساحه واسعه فى الفرسه يعنى يمتع الغناى قدر مايقول0000000000000 خالد المحرب

تعرف يا أب أحمد صدام كسياسي وديكتاتور عندي فيهو مليون رأي ... إلا ان مواجهته للموت بهذه الجسارة تستحق الوقفة ...لذلك حملنا الواجب على المرور على خيمة (فراشك) بغرض مجاملتك شخصياً:

وفيها نقول:

رقد الفارس ...اللابس الدويدي ..مشكك
رقد الدود ...أبو رغده ...الزنادو متكتك
أب رأيا مصمم .....وحاشا ماهو مفكك
نشهد... واجه الموت لا رجف لا لكلك

Quote: تعرف يا أب أحمد صدام كسياسي وديكتاتور عندي فيهو مليون رأي ... إلا ان مواجهته للموت بهذه الجسارة تستحق الوقفة ...لذلك حملنا الواجب على المرور على خيمة (فراشك) بغرض مجاملتك شخصياً: شرحو

حبل الشانقو يرجف من ثبات اقدامو
شامخ زي جبل يوم وقفوه لي اعدامو
ما اتلثم وخاف بقت المنية وسامو
اصلها ساعة مكتوبة وبقت قدامو



اتشهد ووقف عارف مقابل يومو
ما رمشن عيونو مخافة من لومو
ما شمت عدو وصاح البقول مظلومو
رقد اسد الخلا بي بدلتو وبي هدومو



كفاك والله نزيدك

عافي عليكم
وصح لسانكم يا اخوان زينب ليسا زيدو كمان و كمان
ومنو الما بتعجبوا الفرسه
ومو ساهل الاقا الموت بي سدرو
ربي يغفر زنبوا ويوسع قبروا
قولوا قولوا وغنوا في الفراسه وفي الرجاله
يا البتتباشروا بي بلاكم
اركزوا غنوا وزينب وراكم
ام احمد

اها دي زيادة عشانك يا عفاف ابو حريرة


بي صدرو عام فوق الحبل واتدلي
قلبو صميم حجر قط ما انكسر لي جلا

الفراجة سامعين يوم نتر قال الله
مات في حمي الكريم ورحيم بغفر الذلة

العزانا بنعزو ...ونجل مقدارو
والكازانا بنذلو ونخربو عمارو
فاقدنو المدرع بي وشاحو فخارو
شكرا يانزار عز العشامه وجارو

قول لي ......................نزار
مفقود اب لطمة شافية.. ماها هزار
يوم الهيجاء والصفق البودي النار
ما تقهقر رجع...صال بالجلي البتار


كواليس
-----------------------------
الشعراء يتبعهم الغاوون !!!

الاخ نزار وابننا احمديوسف ابوحريره وام احمدماقصرتو وجزاكم الله خير الموت امانه
مابفتش الرجال 0000000000000000 واجهت المحن بى سدرك المكشوف
وياالضير الممقر مابتعرف الخوف
000000000000000000000000000000000
00000000000000000000000000000000

حرم يا ود المحرب البوست ده ما شفته الا بعد

ما أحمد ابوحريرة نبهنا ليه ......

وحرم ما اخذلكم تب حرم بجيكم ما بفدح واحد

بجيكم بقداحة بس أصبروا لي هسع أم العيال ماشة

المطار ...لاحقين طيارة الخرتوم..........

الاخ الفاروق ربنا يوصل ام ناصر بى السلامه والعافيه وابقى طمنا عليها0000000
منتظرين القدح 00 ودالمحرب

Quote: العزانا بنعزو ...ونجل مقدارو والكازانا بنذلو ونخربو عمارو فاقدنو المدرع بي وشاحو فخارو شكرا يانزار عز العشامه وجارو قول لي ......................نزار مفقود اب لطمة شافية.. ماها هزار يوم الهيجاء والصفق البودي النار ما تقهقر رجع...صال بالجلي البتار كواليس ----------------------------- الشعراء يتبعهم الغاوون

حبل امريكا يشنق والرجال تحتار
من الفارس يمشي كما العريس السار
ما زفوه يوم عيد الله بي نقرة نحاس أو طار
رحل صقر الفرات شال نبلو خما وطار


ما الراجل في المحاص كانت فعايلو كتار
وكان كمين غشيم راجينو حارسين تار

معليش يا ابو حريرة بجي اكملها ليك بعدين ..

يا أب أحمد ....
علي ود أحمد ود النعيم (الجعلي) لاقاني في السوق وبقرا لك كتير السلام وبعزيك ... وحلف بطلاق إلا يصلك في خيمتك ...لكن أنا حلفت عليهو ورجعتو من السوق ...أها بعد ملاوة كتيرة كدي أداني قدحو ده:

رحل تور النطاح .........البسوق ارقوق
جسارة ميتو .......ما شفناها في مخلوق
عزانا انشاء الله يحشر ..مع النبيين فوق
حكم السيد رضا بس ما كان يموت مخنوق

ماهو الفافنوس ماهو الغليظ البوص


ود المك عريس خيلا بجن عركوس


أحي علي سيفه البحد الروس


مادايرالك الميتة أم رمادا شح


دايراك يوما لقا بدميك تتوشح


الميت مسولب والعجاج يكتح

أحي علي سيفه البسوي التح

Quote: واجهت المحن بى سدرك المكشوف وياالضير الممقر مابتعرف الخوف

اسمح لي يا ودالمحرب أكمل ليك دي

واجهت المحن بى سدرك المكشوف
وياالضير الممقر مابتعرف الخوف

لو ما كنت مشلول اليمين مكتوف
ما كان انشنق والناس عرايا تطوف

Quote: لو ما كنت مشلول اليمين مكتوف ما كان انشنق والناس عرايا تطوف

علي الطلاق دي جننتها جن يا نزار

حليلك صدام الراجل الفحل
فرتقت العشائر وكتّلت الأهل
ما خليت صغير لا شيخآ كهل
عست من الفساد والظلم إنبهل
ياك النميرى والبشير السخل
فى غفلة غرورك ضاع الأمل
إندك العراق والشعب إنهمل
شالوه الغزاه وبقيت البطل

عجبى

في الشهر الحرام والنفره ... من عرفات
نصبوا له المنصه ...واتباشروا الشمات
دلوها الحبال للكاسر .........اب عاجات
سلم روحو فوق عزه وفخار .......وثبات



علي احمد النعيم

Quote: حليلك صدام الراجل الفحل فرتقت العشائر وكتّلت الأهل ما خليت صغير لا شيخآ كهل عست من الفساد والظلم إنبهل ياك النميرى والبشير السخل فى غفلة غرورك ضاع الأمل إندك العراق والشعب إنهمل شالوه الغزاه وبقيت البطل عجبى

أخونا العزيز/ رأفت ميلاد

صاحب (الخيمه) الفراش غير موجود...لذا نستأذنه في الترحيب بك ومشكور على (قدحك) وبرضك اسمك عزيت

وعجبي دي في حد زاتها رأي ...زي رأي الأولاني...!!!

ونحن ترانا ناس مجاملة !!!

Quote: في الشهر الحرام والنفره ... من عرفات نصبوا له المنصه ...واتباشروا الشمات دلوها الحبال للكاسر .........اب عاجات سلم روحو فوق عزه وفخار .......وثبات علي احمد النعيم

امانة شيخنا علي ما جاب كلام يا ابوحريرة


طاف بي جناحو فوق حبل الممات الكاسر
وحلق عالي رافع راسو حافي وحاسر

ما لاقي المنية وريشو كان متناثر
اتوسد رقد في ثباتو آلاف سر

فى الغزل

اول اسمك لااااام...وبلدك لااااام
ومالك بهدلتينى ياذات الجمال اللام
شعرك نازل زى نخييييل..الشــــام
وصدرك محمل ...بقنبلة..صــــدام


رثاء

رقد نمر الوعر.....والعراق وجيعة
كانت آمنة,رخا والدنيا بيو وسيعة
بعثك متحكم فى البلاد كانه شريعة
رقص يوم نحرك.رجال الفرس الشيعة

الاخ نزار حرم ماقصرت وده حرام زياده فوق حرام احمد ولدنازاحمت الشعراء الكبار
شيخ على ات كلامك براهو (الجعلى الماصل) قداحتك وصلن والزيك مابقصر
الاخ رافت ميلاد نحن متفقين من البدايه 0 حضورك شرف بالنسبه لينا تكرم
الاخت عواطف جيت لينا شرف كبير حرم ماقصرت ياسيده
الاخ ابوقوتا زيارتك تتويج لنا كبير جدا لك الشكر والعرفان

احمد خصيمك النبي خلى علي ود النعيم يغني تاني بلحيل غناة عجبني


ام احمد

الفاتحة .... الفاتحة ..... الفاتحة
سمعنا بالعزاء وأخرونا الناس المكابرين هملوا العقاب وجوكم كل واحد بى قدحو

ماتلوموني يااولاد أب حريرة المحرب
يا الداركم وسيعة وللعشير بتوجب
مابفوت المجاملني ومعاي متحزب
جيناكم للعزاء وخلينا العقاب متسييب
سمية الحسن طلحة

وزي ماقال أبراهيم ودقدور
واحدين بى كلمات الفراغ بتسلو
واحدين فوق قفى الكرته الرباتيت ولو
نشيل أب جقرا والهاري السنين بنسلو
عيب المثلي كان في ضيق رفيق ما احلو

************

وهاكم قدحنا نحن.......... ياودالحرب

يانسل الحسين فرسة جدودك سيتا
يافخر الرجال أعاربا وتكريتا
فوقك الحبال يالفارس أب برنيطة
تقول جرتق عريس بالخرزة والسوميتة

جابهت المنية وبى ثبات لاقيتا
رابض كالأسد فوق العرين أرجيتا
الكلمة التعيب حاشاك ماختيتا
نطقت الشهادة وطابقاً رديتا

يوم عيد الله فارقت العراق قافيتا
من أدناها لى أقصاها أركان الأرض هزيتا
سجلت الفراسة في جبين الزمان ختيتا
مبا د يك راسخة ما ها الحلحلت ربييطا
سمية الحسن طلحة



هذه الحادثة تذكرنا بمشنقة المرحوم عمر شقيق شعراء البطانة
المعروفين طه ودالشلهمة والفنجري . أيام حكم الأنجليز
وإليكم جزء من كلامهما على أخيهما عمر :

نسلك مو بخس معروف
وحكموك النجوس مالقيت خلاصنا كفوف
كان أتيامنا الهاري بى إيدينا ووقفنا صفوف
تشوف البرغي والطبق الحمل مردوف

موتك درتو فوق أصدم مخمس دافر
يابس فوق سروجن ماهو حاكمك كافر
يامقنع كواشف أمات وضيبا وافر
مادام العمر عارية خلو يسافر
( الفنجري )

وطه ودالشلهمة قال :
الشيء الفيك ماها ظنون تمام مأكودة
واجبة السترة للمتلك دوابي جدودا
يافارس الطواقيهن حديد الخودة
الموت مو بدعة لكن الرجال مفقودة

قلبك مولحم من الدبادب طاير
صنديد وقعة العركة الخيولا دماير
الموت ياجليس أم روبة كاسا داير
سماحو عليك زي نورة العريس الساير

سمية الحسن طلحة

Quote: لو ما كنت مشلول اليمين مكتوف ما كان انشنق والناس عرايا تطوف

والله كان بالمراد واليمين مطلوق ما كان بنشنق ود ابكريق فى السوق
لا شلت يمينك يانزار
والله خوفتنا عديييل...أنت توضع فى مصاف أمهر شعراء البطانة
بكلامك البشبه كلام ود الشلهمة:ـ

Quote: وحكموك النجوس مالقيت خلاصنا كفوف كان أتيامنا الهاري بى إيدينا ووقفنا صفوف تشوف البرغي والطبق الحمل مردوف

وما تشوفو شر إنشاءالله

الاخوة ابو احمد وام احمد والحاجة سميةوبقية العقد المتداخلين لكم تحية وسلام

صنعت العرب فى الجاهلية اصناما من تمر اذا شبعت عبدتها واذا جاعت اكلتها --استعاد العصر صناعة الاصنام رفض ديجول حيا وميتا اقامة تمثال له ومارست الشيوعية والفاشية عبادة الشخصية اذا خافتها عبدتها واذا ثارت حطمتها استورد عرب الثورات الظاهرة --اصنامنا زعامات من تمر وصخر اذا جعنا لا نستطيع التهامها واذا شبعنا لا نقدر على هدمها -اصنامنا جبابرة علينا جبانة امام غيرنا -كيم جونغ صنم كورى --صنم كورى يشحذ سلاحه وصنم عربى دمر سلاحه وصواريخه وتم تفتيش حتى غرفة نومه وصنم كورى من صخر يغازله بوش لارضائه وصنم عربى عراقى -صدام -صنم من تمر قام بوش بالتهامه--هل تصدق اخى ود المحرب كان لصدام اكثر من اربعةالاف صنم فى بغداد وحدها واكثر من ستة الاف جدارية--منظر مخزى ان يخرج صدام من الجحر كالجرذاسدعلى وفى الوغى نعامة--ود المحرب ما تشكر لى الراكوبة فى الخريف--لك تحياتى--

الاخ احمد حماد ودريس شكرا على المرور ولك التحيه ماذهبت اليه خارج موضوعنا خالص
انت رجعت كثير جدا الى الوراء0 الموضوع فقط عند اخر لحظات الموت ياشيخ احمد وقف الرجل بثبات وابت نفسه الا ان يواجه بناته وبنات اعمو مكشوف الوجه شامخ كالجبل هذا مااعجبنى وهذا الذى نحن بصدده الان 000000000000 تحياتى ودالمحرب

عثمان ودالخمجان رسل sms قدح قال مشغول اليومين ديل بقول
ابرسوه المرصع بى السواميت جيدو
مالبس القناع يومو الرحل لى سيدو
الحكم المقدر ونحن مابنصيدو
ماكان بنشنق ابو رغد يوم عيدو


رساله موجه الى الاخ نزار
نرجو ارسال رساله على [email protected]

الاخت سميه لك التحيه فعلا نحن البطاحين بعجبنا الزول الضكر وهنا اختلف الكلام
عندنا اهم شى الستره عندما تقع الواقعه الناس بتنسى كل شى وتقعد00تعاين تشوف الزول انستر والله رجف0 وانت تعرفى اذا حصلت المعركه ووقع فارس قد يصعب على خصيمه ضربه فقط لانه فارس000 تعرفى جيدا الصديق عندما نزلت كل امعاءه امامه بسبب الضربه التى اصابت بطنو ربط بطنه بالعمه وقاتل حتى انهار ت قواه
الشعراء قالو كلام كتير فى الصديق اناداير منك ومن ابننا احمدذكر القصه وماورد فيها0000000000000000000000000 ود المحرب

الأخوة المتداخلين أعجبني هذا المقال المنشور على جريدة الحياة وودت تعميمه لما فيه من رأي مستنير

Quote: الغضب البغيض داود الشريان الحياة - 10/01/07// شهد مجلس الأمة الكويتي يوم الاثنين الماضي جلسة علنية لمناقشة تداعيات إعدام الرئيس العراقي السابق صدام حسين، وطالب أعضاء في البرلمان الحكومة بقطع علاقات الكويت بالدول العربية التي أدانت عملية الإعدام وبتلك التي وصفته بالشهيد، لكن الحكومة الكويتية كان لها رأي مختلف، فهي رأت أن المواقف العربية المعارضة للإعدام ليست كلها ضد الكويت، وليس كل من وافق على الإعدام هو مع الكويت، وأعلنت على لسان وزير الخارجية تفهمها لبعض ردود الفعل العربية والدولية. باستثناء ليبيا التي نكست الأعلام وأعلنت الحداد، في محاولة لتحسين صورة الثوري السابق، لم تعلن أي دولة عربية ان صدام حسين شهيد. صحيح ان اليمن ومصر والأردن وفلسطين شهدت مسيرات تندد بإعدام صدام، فضلاً عن أن الشارع في جميع البلاد العربية والإسلامية كان رافضاً لحكم الإعدام، لكن لم يصدرعن هذه الدول موقف رسمي بهذا المعنى، وجميع المواقف الرسمية العربية والإسلامية أدانت الإعدام في توقيته وشكله، وموقفها هذا جاء منسجماً مع الموقف الدولي الذي اعتبر إعدام صدام عملية انتقام نفذت في شكل همجي، باستثناء إيران التي اعتبرت عملية الشنق «عدالة إلهية»، ولهذا فإن موقف بعض النواب في البرلمان الكويتي من تداعيات اعدام صدام حسين يفتقد الحس السياسي والإنساني والأخلاقي، ويسعى لاستعادة مناخ العزلة السياسية التي عاشتها الكويت بعد غزو صدام لها عام 1990، فضلاً عن أن هذا الموقف ينم عن غرور وصلف ويصادر حق الناس في التعبير عن مشاعرهم، ويشير الى ان بعض البرلمانيين الكويتيين لا يختلف كثيراً عن عبدالعزيز الحكيم ونوري المالكي ومقتدى الصدر في التوجهات الطائفية وقصر النظر، وتأصيل الفرقة بين الشعوب العربية والإسلامية، وهو موقف مرفوض اياً كانت مبرراته. لا شك ان الحكومة الكويتية تجاوزت باقتدار الآثار المدمرة التي خلفها غزو صدام الهمجي على الصعيدين السياسي والاجتماعي، واستطاعت بعد سقوط نظام بغداد فتح صفحة جديدة، وأغلقت مرحلة آثار العدوان على شعبها، وأثبتت قدرة فائقة في التعاطي السياسي الحكيم مع الأزمة والتطلع الى المستقبل، وعاود الكويتيون بناء علاقاتهم مع الأنظمة العربية التي صنفت في قاموسهم بـ «دول الضد»، وكان المفترض ان يتحول اعدام صدام بتلك الطريقة البشعة الى مناسبة لتبديد كل التهم التي ألصقت بدولة الكويت ودورها في حصار العراق والتحريض عليه، وتجويع شعبه الى غير ذلك من الأقاويل التي روجت قبل وخلال فترة سقوط نظام صدام، لكن يبدو ان بعض النواب الكويتيين لا يرى أبعد من طرف ثوبه، فموقف الكويت من القضية الفلسطينية لا ينكره الا جاحد، وخلال فترة الغزو توارى هذا الموقف التاريخي بسبب إصرار بعض الكويتيين على اختصار الفلسطينيين وقضيتهم بشخص ياسر عرفات الذي اتخذ من غزو الكويت موقفاً انتهازياً ومؤسفاً، وبعد رحيله استطاع العقلاء من الطرفين استعادة مكانة الكويت لدى الشعب الفلسطيني، لكن يبدو ان غزو صدام سيفسد كل هذا الجهد، فبعض النواب يطالب بقطع المساعدات عن الفلسطينيين بحجة ان منظمة او منظمات قبلت العزاء بصدام حسين، وسيرت مظاهرة تندد بشنقه. الأكيد ان لا احد يطالب الكويت والكويتيين بالترحم على صدام حسين. لكن عملية الشنق التي نفذت صبيحة العيد لا علاقة لها بصدام الديكتاتور الذي غزا الكويت، فصدام الذي يكرهه الكويتيون مات في الحفرة التي وجد فيها، ومات في السجن الذليل، ومات في قفص الاتهام داخل الحكمة، أما صدام الذي اعدم يوم العيد فهو صدام آخر، وإعدامه لا علاقة له بقضايا الدجيل والانفال والغزو والمقابر الجماعية. كان جسد صدام في تلك اللحظة وسيلة للتنكيل بجماعات وشعوب وأنظمة، وتعبير عن موقف سياسي وطائفي بغيض، ولهذا فإن الوقوف مع عملية الشنق وتأييدها هو قبول بكل ما يجري حالياً على ارض العراق من تصفيات طائفية وعرقية، ورفض بعض النواب الكويتيين لمشاعر الرافضين للإعدام السياسي والطائفي الذي نفذ في جسد صدام حسين، والتلويح بقطع المساعدات والعلاقات، من شأنه ان يدخل الكويت في دوامة من الكراهية لا تجدي معها الجهود السياسية نفعاً.

---

Post: #29 Title: Re: الزارعنا غير الله اللجى يقلعنا (من يشترك معى فى رثاصدام) Author: nazar hussien Date: 01-10-2007, 08:49 AM Parent: #28 Quote: الفاتحة .... الفاتحة ..... الفاتحة سمعنا بالعزاء وأخرونا الناس المكابرين هملوا العقاب وجوكم كل واحد بى قدحو ماتلوموني يااولاد أب حريرة المحرب يا الداركم وسيعة وللعشير بتوجب مابفوت المجاملني ومعاي متحزب جيناكم للعزاء وخلينا العقاب متسييب سمية الحسن طلحة وزي ماقال أبراهيم ودقدور واحدين بى كلمات الفراغ بتسلو واحدين فوق قفى الكرته الرباتيت ولو نشيل أب جقرا والهاري السنين بنسلو عيب المثلي كان في ضيق رفيق ما احلو ************ وهاكم قدحنا نحن.......... ياودالحرب يانسل الحسين فرسة جدودك سيتا يافخر الرجال أعاربا وتكريتا فوقك الحبال يالفارس أب برنيطة تقول جرتق عريس بالخرزة والسوميتة جابهت المنية وبى ثبات لاقيتا رابض كالأسد فوق العرين أرجيتا الكلمة التعيب حاشاك ماختيتا نطقت الشهادة وطابقاً رديتا يوم عيد الله فارقت العراق قافيتا من أدناها لى أقصاها أركان الأرض هزيتا سجلت الفراسة في جبين الزمان ختيتا مبا د يك راسخة ما ها الحلحلت ربييطا سمية الحسن طلحة هذه الحادثة تذكرنا بمشنقة المرحوم عمر شقيق شعراء البطانة المعروفين طه ودالشلهمة والفنجري . أيام حكم الأنجليز وإليكم جزء من كلامهما على أخيهما عمر : نسلك مو بخس معروف وحكموك النجوس مالقيت خلاصنا كفوف كان أتيامنا الهاري بى إيدينا ووقفنا صفوف تشوف البرغي والطبق الحمل مردوف موتك درتو فوق أصدم مخمس دافر يابس فوق سروجن ماهو حاكمك كافر يامقنع كواشف أمات وضيبا وافر مادام العمر عارية خلو يسافر ( الفنجري ) وطه ودالشلهمة قال : الشيء الفيك ماها ظنون تمام مأكودة واجبة السترة للمتلك دوابي جدودا يافارس الطواقيهن حديد الخودة الموت مو بدعة لكن الرجال مفقودة قلبك مولحم من الدبادب طاير صنديد وقعة العركة الخيولا دماير الموت ياجليس أم روبة كاسا داير سماحو عليك زي نورة العريس الساير سمية الحسن طلحة هسي بعد النضم دا ...يا سمية...تاني خليتي للوراك شيتا يقولوه... عفارم عليك والله...

---

Post: #30 Title: Re: الزارعنا غير الله اللجى يقلعنا (من يشترك معى فى رثاصدام) Author: abubakr Date: 01-10-2007, 09:03 AM Parent: #1 ياودالمحرب Quote: انشاء الله 25 قرش بنقبله بعد تغيير العملة ام قبل ذلك ؟؟؟ ثانيا وهذا لكل العراريب ... ارجو مراعاة الناطقيين بغيرها ... والله غيبة ود شيقوق لخبتت علي الرطاني امور كثيرة منها انو كان بيعمل ترجمة فورية والملكة مرة مرة لكن امور الرعية شاغلاها ... ارجو ترجمة فورية ....

---

Post: #31 Title: Re: الزارعنا غير الله اللجى يقلعنا (من يشترك معى فى رثاصدام) Author: Ahmed Yousif Abu Harira Date: 01-10-2007, 11:49 AM Parent: #30 يبكيك دجله والنخل الوقف ..ريقان كملت الفراسه وخيبت رجا..الطغيان شهادة مني في الشاشات رأيت الكان واجه يومو ثابت لا انكسر لا.....لان علي أحمد النعيم

---

Post: #33 Title: Re: الزارعنا غير الله اللجى يقلعنا (من يشترك معى فى رثاصدام) Author: khalid almohrib Date: 01-10-2007, 12:12 PM Parent: #31 يبكيك دجله والنخل الوقف ..ريقان كملت الفراسه وخيبت رجا..الطغيان شهادة مني في الشاشات رأيت الكان واجه يومو ثابت لا انكسر لا.....لان 000000000000000000000000000000 الجعلى(هيع) نترك الامر الى الشعراء نزار وبت طلحه

---

Post: #32 Title: Re: الزارعنا غير الله اللجى يقلعنا (من يشترك معى فى رثاصدام) Author: khalid almohrib Date: 01-10-2007, 12:06 PM Parent: #30 ابوبكر ماتتظلم انا خليفة الشيقوق فى الترجمه اماال25 قرش دى بتاعة زمان مش بتاعة ناى فاشا تحياتى 000 المحرب

---

Post: #34 Title: Re: الزارعنا غير الله اللجى يقلعنا (من يشترك معى فى رثاصدام) Author: nazar hussien Date: 01-10-2007, 01:29 PM Parent: #32 Quote: يبكيك دجله والنخل الوقف ..ريقان كملت الفراسه وخيبت رجا..الطغيان شهادة مني في الشاشات رأيت الكان واجه يومو ثابت لا انكسر لا.....لان بعد مااتوسد الواهطة وترك نــعلاتا ما ببكوه بي دموع ناس رغد وأخواتّا ببكيه الثبات والعوجة, كوم واطاتا ببكنو الفرات والفــرسنة وخوذاتها

---

Post: #35 Title: Re: الزارعنا غير الله اللجى يقلعنا (من يشترك معى فى رثاصدام) Author: kabashi Date: 01-10-2007, 02:15 PM Parent: #30 صدام يا ولد الرجال الزين الفارس حامي الحوبة بطل النهرين لما اتلموا فيك الكلاب نابحين وهوهوا وهزوا الضنيب لبوش وهلين رفعت صدرك ورأسك نشما عالي الجبين وأتقدمت باسلا وهم مطأطئين وشهدت ألا لا ألله الآ رب العالمين ولا رسولا إلا الأمي الأمين وصرخت في الخونة بعروبة فلسطين وحياة العرب والعراقيين فألتموا عليك وأنت مقيد الأيدين أمريكان وصهاينة ومجوس متجمعين فأرعبتهم والموت معهم فكنت الشهيد الذي إغتال الجلادين لك الرحمة يا عز العرب يا فارس ما بين البحرين ولنا الرثاء فأنت بطولتنا وتاج الجبين

---

Post: #36 Title: Re: الزارعنا غير الله اللجى يقلعنا (من يشترك معى فى رثاصدام) Author: احمد حماد ادريس Date: 01-10-2007, 02:55 PM Parent: #35 ود المحرب كيف قيلتوا--نحن امة تعيش على البطولة الفردية وتعشقها ترضعها مع حليب الامهات وتتعلم اهمية البطل المنقذ الفرد قبل ان تتعلم الحبو والمشى واحرف الابجدية --بين بطل الاسطورة الشعبية وبطل الانترنت تظل الامة فى انتظار فارسها الذى سياتى على فرس ابيض ليملا الارض عدلا بعد ان ملئت ظلماوجورا --متى نتحرر من عقدة ابطال دفعنا ثمنا باهظا لجنون عظمتهم ولكذبهم ولشعاراتهم الزائفة - صدام الما قنع ولية ولا درج عاطلة وبكى الباكيات وحرق حشى الثاكلات -- ورحم الله ود عمك البطحانى فى نمته-- اخوك يا ريا اخوك وكت الدواهى احبكن اخوك يا ريا اخوك وكت الخيول ادبكن اخوك يا ريا اخوك وكت الرماح اشبكن كم بكيت وكم قشيت دمع الببكن نحن فقط نتوهم شجاعة صدام فى حبل المشنقة --فقد سمعت تصريحا لضابط امريكى قال ان صدام انهار فى اللحظات الاخيرة حتى اضطررنا لحقنه بمخدر--الشخص البهين العروض وبذل الرجال فى وقت قوته مستغلا لقوته لاشجاعة ولا مروءة له --

---

Post: #37 Title: Re: الزارعنا غير الله اللجى يقلعنا (من يشترك معى فى رثاصدام) Author: nazar hussien Date: 01-10-2007, 03:14 PM Parent: #36 Quote: فقد سمعت تصريحا لضابط امريكى قال ان صدام انهار فى اللحظات الاخيرة حتى اضطررنا لحقنه بمخدر--الشخص البهين العروض وبذل الرجال فى وقت قوته مستغلا لقوته لاشجاعة ولا مروءة له -- دي كان قلتها لي عمنا الدبوس الله يطراه بالخير....كان قالك: الله بسعلك!!! بي صيغة تعجب ...ويلحقك بي سؤال سريع....يعني سمع سمع سمع اضان ما حدثوك بيه ولا قريتو؟ وقبال ما تجاوبو براهو يقول الله هون...بختفا ختفة لما ما تعرف الله هوّن دي تبع السؤال والله صيغة تعجب!!!!

---

Post: #38 Title: Re: الزارعنا غير الله اللجى يقلعنا (من يشترك معى فى رثاصدام) Author: زياد جعفر عبدالله Date: 01-10-2007, 03:58 PM Parent: #1 Quote: إلا ان مواجهته للموت بهذه الجسارة تستحق الوقفة وهل كان متوقعا ان يبكي و يولول!!!...انا ما عارف ياتو شجاعة بتكلموا عنها!!.....المعروف ان مخاميه طلبوا محاكمته امام محكمة امريكية و ان تسليمه للعراق يخالف الدستور الامريكي!!..انها استجارة بالمستعمر الامبريالي!!..يا لها من شجاعة!!..... قال رثاء صدام قال!

---

Post: #39 Title: Re: الزارعنا غير الله اللجى يقلعنا (من يشترك معى فى رثاصدام) Author: khalid almohrib Date: 01-10-2007, 06:20 PM Parent: #38 الاخ زياد مرحب حبابك الايكفى انه رفض ان يغطى وشوالزى صدام مابووى00 حبابك ومرحب بيك والف مرحب 00 اخوك ودالمحرب

---

Post: #40 Title: Re: الزارعنا غير الله اللجى يقلعنا (من يشترك معى فى رثاصدام) Author: nazar hussien Date: 01-11-2007, 08:08 AM Parent: #39 التلفون نقر قت ود نعيمنا حبابو حباب تلب البسابير المغتي عقابو حبابو صمد ارضهاال- للفقير تيرابو حباب أحمد ضراع المرتجي وكندابو البارح سمع خالد بشوشا وزين ما ختف الكلام بشويش كلامو رزين حرم علا يضرب هو ويعز أم زين اتونسنا واتعارفنا مو داب حين والله فرصة طيبة ...يا خالد وود النعيم...

---

Post: #41 Title: Re: الزارعنا غير الله اللجى يقلعنا (من يشترك معى فى رثاصدام) Author: سمية الحسن طلحة Date: 01-11-2007, 10:14 AM Parent: #40 Quote: الاخت سميه لك التحيه فعلا نحن البطاحين بعجبنا الزول الضكر وهنا اختلف الكلام عندنا اهم شى الستره عندما تقع الواقعه الناس بتنسى كل شى وتقعد00تعاين تشوف الزول انستر والله رجف0 وانت تعرفى اذا حصلت المعركه ووقع فارس قد يصعب على خصيمه ضربه فقط لانه فارس000 تعرفى جيدا الصديق عندما نزلت كل امعاءه امامه بسبب الضربه التى اصابت بطنو ربط بطنه بالعمه وقاتل حتى انهار ت قواه الشعراء قالو كلام كتير فى الصديق اناداير منك ومن ابننا احمدذكر القصه وماورد فيها0000000000000000000000000 ود المحرب الأخ خالد لاداعى لذكر القصة هنا فقد تحدثت الى إبن خالتنا خالد ود الصديق ود نعمان البارحة ومازلت أحس انهم يتألمون لذكر هذه الحوادث الجسيمة سأرسلها لك عبر الإيميل ولكن سأورد لك هنا جزء من كلام الشعراء على يوسف وشقيقه الصديق قليعات الرزق أمست تعولن ماطرة محريبن فتق جاب ريحة الفلير والباترة كان دورتهن فوق أب قماقمن ماطرة تضوق العافية من غير بنسلين ودكاترة يبكنك بناتاً من الفسل بنترّن ببكى عليك ياسيد أب قماقمن خرّن سيد الدبابيك فى السمايم الحرّن ثابت عقلو ماخلا المصارين جرّن سمية الحسن محمد طلحة