جارتي تأذيني بدخان حفرتها .. (ماذا أفعل ) ؟؟؟؟؟؟؟

في هذا الصيف القائظ جاهدت وفعلت المستحبل من اجل توفير ثمن (مكيف) كي اتقي به هذا اللهيب وهذا الجحيم اللافح ، وقد سعدت ايما سعادة أنني اخيرا أقتنيت مكيف ماء عالي الكفاءة والجودة في غرفتي حتى يقيني شر هذا الزمهرير .

الا ان هنالك مفاجاة غير سارة كانت بانتظاري ..

غرفتي تقع بالضبط مجاورة لـ (حوش) جيراننا الوحيد حيث انه لا يفصلنا الا حائط قصير وبالحوش ذلك تقع راكوبة جارتي غير المعروشة الجوانب بما فيه الكفاية ، وبها حفرة دخانها وطيبها .

أكتشفت بعد شرائي للمكيف ان جارتي تلك تقوم بتدخين نفسها مرتين يوميا مرة عند حلول العصر وهو وقت راحتي ، ومرة في الليل حين ميعاد نومي وهجوعي !

يقوم مكيفي الذي كلفني ما يزيد عن التسعمائة الف جنيه بجلب وشطف كل دخان جارتي من حفرتهاالى داخل غرفتي نسبة للقرب الشديد ما بين مروحة المكيف وحفرة الدخان ، فتمتلئ الغرفة بدخان الطيب والطلح والشاف والصندل وانا غير قادر على منعه !! لدرجة أن الدخان تشبع بكل اثاث الغرفة وتشبع اثاث الغرفة به طيلة اليوم ، وصارت رائحة الغرفة محفزة لكل أنواع الاثارة والمشكلة ان أصدقائي صاروت يتهمونني في استقامتي وفي رجولتي أنا غير المتزوج بعد .

أحترت ماذا افعل ؟ لا يمكنني منع جارتي من تدخين جسدها لزوجها وهذا هو حقها وحق زوجها . كما لا يمكنني التحدث مع زوجها صراحة (وهو صديقي) في منع زوجته من تدخين جسدها جوار الفاصل ما بينها وبين مكيف الهواء خاصتي وانا حقيقة محتار في هذا الامر الذي افسد علي حياتي .

أصبت بحساسية بالغة في العيون والانف جراء الدخان الكثيف الذي تمتلئ به الغرفة وصرت لا أستطع النوم عصرا او مساء .

كما أن حسن الجيرة وتعامل جارتي مع عائلتي يمنعني من اللجوء للقانون كي أستصدر امرا قضائيا يجبرها على الامتناع عن (الدخان) وأنا نفسي لا اريد ذلك كي لا احرم زوجها من زوجته المعبقة بالطيب والخمر والمسك !

ولكن هل يكون كل لك على حساب صحتي وراحتي ؟

أقيدوني بالله عليكم ؟


ناصر .

Quote: أحترت ماذا افعل ؟ لا يمكنني منع جارتي من تدخين جسدها لزوجها وهذا هو حقها وحق زوجها . كما لا يمكنني التحدث مع زوجها صراحة (وهو صديقي) في منع زوجته من تدخين جسدها جوار الفاصل ما بينها وبين مكيف الهواء خاصتي وانا حقيقة محتار في هذا الامر الذي افسد علي حياتي .

حسة انت خليت زول ما كلمته؟؟




والاصح ان تقول "حفرة دخانها" ولا تقول "دخان حفرتها" ...

والسبب شنو ما عارفة..

ههههه

الموضوع مهم لانه فى ناس عندهم ازمة ممكن الدخان يكتلهم

إذا كانت الحفرة جنب الحيطة..أرمي الحيطة..

أو حاول بطريقة او بأخري (دفن الحفرة)




الأرضة جربت الحجر ياخي


تحياتي

إنتا يا كافي البلا حيطك الأربعة مقبلات على الحفرة , ما تشيل المكيف ركبو بي جيهة تانية.
و لا يكون الحال عاجبك يا أخوي !!!

دى يحلها الحلا بلة

كدى اسال ناذر الخليفة، لو ما لقا ليك حل، يبقى موضوعك بايظ

Quote: يقوم مكيفي الذي كلفني ما يزيد عن التسعمائة الف جنيه بجلب وشطف كل دخان جارتي من حفرتهاالى داخل غرفتي نسبة للقرب الشديد ما بين مروحة المكيف وحفرة الدخان ، فتمتلئ الغرفة بدخان الطيب والطلح والشاف والصندل وانا غير قادر على منعه !! لدرجة أن الدخان تشبع بكل اثاث الغرفة وتشبع اثاث الغرفة به طيلة اليوم ، وصارت رائحة الغرفة محفزة لكل أنواع الاثارة والمشكلة ان أصدقائي صاروت يتهمونني في استقامتي وفي رجولتي أنا غير المتزوج بعد .

ههههه ههه والله حالتك تحنن يا ناصر

______________________________
اها لما ناذر يجيك حاول اتأقلم على الدخاخين والكبرتة - على الاقل تعالج مشكلة الرطوبة والباعوضة

Salam
This is a real problem
If I was in your situation , I will talk straight to the husband nicely and tell him if there could be another alternative or another place where his wife can do that ,
someone has to compromise so it becomes a win win situation , because now it's a win / lose situation .
It's not fair for you.
The allergies that you are starting to have , may become permanent . and that means you have to keep buy medicine for the rest of your life.
Honesty and being straight forward is the best solution.
with respect
Rawan
I hope that was helpful

تأجر لي بيتك ده؟؟

الليلة كمان مشكلتنا مع النسوان بقت في الدخان!

أستميحك عزرا في (موية العدة) البيدفقوها الجيران جنب بيتنا وهم عندهم باب كبير تلاتة ضلف !! ولما كلمت ولدهم الصغير قال
عاوزين يثبتوا لينا الرملة القدام بابنا!!!


ياخي في زول قال ليكم ثبتوها!!!!

أنا عاوزها كده!! مش علي كيفي!!

وطبعا أبوهم صاحبي جدا قريبة لمشكلتك دي..

وفي النهاية جيران


عصام

الأخ ناصر
الموضوع له تشعبات،أقرأ مقال الدكتور عبدالسلام الأتى، ترى أن هؤلاء النساء هن وراء إبادة الجمال البيئى في السودان بهذه الدخان والذى يعتبر إحد مصادر التلوث البيئى وإرتفاع حرارة درجات الجو .. أرجو أن تقنع جارك بأن تتنازل زوجته عن الدخان، كل يو تتدخن فيه يعنى أن هناك شجرة بأكلمها تم حرقها ..

Quote: النساء والطلح والشاف والجفاف فى السودان د. عبد السلام نور الدين المملكة المتحدة [email protected] حروب إبادة الشجر والنبات فى السودان قد سبق التوسع التدريجي في زراعة مساحات واسعة من الذرة في جنوب كردفان – هبيلا، كرتالا ،المقينص ،كيلك ، تأبير لكبرى الاشجار ذات العمر الطويل وازالة غابات بأكملها من الوجود بما يمكن ان يطلق عليه حرب ابادة الغابات في جنوب كردفان التى مهدت للابادة الجماعية للبشر فى جبال النوبة فى سنى الانقاذ الاولى** التى عمدتها الفتوى سيئة الصيت: فتوى بقتال الخوارج الصادرة بتاريخ الاثنين 24 شوال 1413هـ الموافق 27 نيسان ( ابريل )1992**. بدأت هذه الابادة الجماعية للغابات على يد الفئة التجارية ذات القسمات المرعبة التى اطلت لاول مرة مع زراعة سمسم القضارف التى ارخت لها الاغنية الشعبية الشهيرة فى مطلع عقد الخمسين فى القرن العشرين:يا سمسم الغاضارف الزول سغير ما عارف **، ثم حملت تلك الفئة المرعبة معها ذلك الداء الذى يصيب الانسان والنبات والشجر بفقدان المناعة: الجفاف، التصحر ،والتناحر القبلى ايان سارت و حلت**- من القضارف الى جنوب النيل الازرق الي القيقر فالرنك فدنقولاى فالدالى فالمزموم فهبيلا فكرتالا وكيلك والمقينص ثم اخيرا وليس اخرا جنوب دارفور. لا تختلف هذه الفئة من تجار الحطب و الفحم والنباتات العطرية التى تقوم عادة بدور الجرار لفتح الطريق امام حاملى تراخيص مشاريع الزراعة الالية- كثيرا عن النخاسين و تجار الحروب الذين لا يزدهرون إلآ مع اشتعال الحرائق والمذابح والدمار وحينما يتحول الانسان الى سلعة** . حينما تكون الاشجار عدوا تفوح جثتة برائحة زكية كلمة حق لابد ان تقال اذ ان مسؤولية ما جرى لغابات السودان من تأبير ومذابح لا يتحملها الرجال من "الفحامة" "وعشاق الشواء على الجمر" "ومدمنى معاشرة المرأة "طابقة البوخة" الخارجة لتوها من حفرة الدخان" تهتف من الدوخة" وحدهم فلنساء اصحاب المشاريع فى الزراعة الالية، ولنساء كبار الافندية، ولنساء سماسرة الاراضى و لنساء رجالات بنوك القرض الحسن - وعلى وجة الدقة ارداف النساء بكل الاحجام التى دارت حولها فنتازيا شعراء ومغنيى "الحقيبة" نصيب يستحق عدم الاشادة به فى الخراب الذى قضى على الخضرة فى ارض السودان. وكما تبدأ كبرى الحرائق من مستصغر الشرر تبدأ كارثة التجنى على الاشجار العطرية بحاسة الشم الحادة لدى تجار الحطب والفحم اذ يمعنون النظر كثيرا وطويلا في انواع الاشجار النادرة التي تفننوا في اقتلاعها وحرقها كما يمعن النخاسون النظر في اجساد الصبايا من السبايا لاختيار الرعابيب منهن لانفسهم والباقيات الاقل تطرية للاسواق- مستخدمين اخر التقنيات التي وصل اليها نظراؤهم فى النحر في غابات الامازون. يبذل قتلة الاشجار السودانية عادة جهدا خارقا للتعرف على الاشجار العطرية النادرة من فصائل "الطلح" والدوروت" فيعقرونها بفوؤس لها شفرات الصوارم ويترفقون في تشقيقها حتي لا تتطاير بعض الشظايا بعيدا فتذهب سدى ثم يسلخون لحاء الطلح والدوروت بعناية ومتعة بالغة اذ أن جثة العدو فى هذة الحالة تفوح لهم دائما برائحة زكية وكأنهم يدحضون بذلك المثل الذي أطلقتة السيدة أسماء بنت أبى بكر الصديق فاضحى سائرا: ماذا يضير الشاة سلخها بعد ذبحها ، ثم يقومون بتقطيع اوصال شقائق الشجرة العطرية الي ربطات صغيرة كحزم من البصل الاخضر والفجل الاحمر والجرجير لكي يباع ذلك الدوروت والطلح " شافا" مخصوصا لنساء اثرياء المدن اللاتي يحتفين به كثيرا في حضرة الضفرة والصندل المغموس فى "المحلبية" "والسرتية" تحت الشملة، أو بكلمة "الخمرة" فوق" حفرة الدخان"- ثم ينهضن الفارعات تماما كالاشجار الباسقة قبل ان تبقر وتنحر خصيصا لتلبية رغائبهن الشهوانية الجامحة فيضوع الشاف اصورة كما تصورها أغنية" يا طابق البوخة". وهكذا لم تتخلف ارداف نساء المدن الصقيلة الندية ايضا عن حملة التدافع المحمومة لافقار الجسد الدغلى العارم لجنوب القضارف و كردفان ودارفور من اشجار "الطلح" " والدوروت" وطيوب غوانى الشجر والنباتات العطرية واسهمت تلك الشرائح من النساء وعلى طرائقهن الخاصة في الجفاف والتصحر والتنازع القبائلي والتطهير العرقى . وماذا عن التطهير العروقى للنباتات العطرية واشجار الدروت والطلح والشاف حسنا، لابد مما ليس منة بد ان يقدم هؤلاء الذين خططوا واقترفوا اوامرا وتنفيذا المذابح الفردية والجماعية فى اى ركن من بلاد السودان لمحاكمات عادلة عاجلا او آجلا ولكن السؤال الذى سيظل ضائعا: و ماذا عن اولاء الذين تولوا عزق الارض وتسويتها التجرى عليها المذابح اليشرية؟ هؤلاء الذين ابادوا غابات باكملها والذين هجروا الطير والحيوان والزواحف زرافات ووحدانا الى خارج الحدود السودانية؟ واخيرا ماذا عن النساء اللاتى شاركن باثقالهن واطماعهن الجسدية فى حروب القضاء على السحاب والنبات والشجر الحسن ؟ عبد السلام نور الدين [email protected] .UK

منتظر ردك ..
بريمة

مكيف المويـة ما محتاج يجيب الهـوا من بـرة.. بل أحسن يكون هـوا الأوضـة، لزيادة البرودة والكفاءة.
على أى حال لو مصـر كل مـرة تجيب هـوا سخن جـديـد وتبردو، أنقل المكيف للجهـة التانيـة من الأوضـة.
وممكن تخلى فتحـة صغيـرة على الحوش عشـان الدخان يدخل بكميـة قليلـة ما تملا الأوضـة.

لكن يا ناصر انت الغلطان ..!
لانه مكيفك داخل في حوش جيرانكم ..اي انك (متغول) عليهم بمكيفك
عشان كده اما ان تعدل مكان المكيف ويصبح باي اتجاه داخل بيتكم ..
وان شاء الله يكون باتجاه المطبخ كمان
واما ان (تعزل ) من الغرفة وتبدل مع ناس بيتكم بغرفة ثانية ...
اما الاقتراح الثالث ليك وبكلفك شوية قروش:
انك تحاول تعرس سريع ..عشان تخلي الزوله دي تحل ليك المشكلة
مع الزوله ديك وديا ..

جيب مكيف فريون .... خللو ...

الأخ / ناصر

خلي جارك يركب ليهو Duct فوق الراكوبة

It's not fair for you.
The allergies that you are starting to have , may become permanent . and that means
allergies عديييل كدة

يا ناصر أمشي برأي دكين

والله دى مرة السرور البتتدخن عصر ومساء

ده فى الزمن العلينا ده ولاّ قصة قديمة زمن عبود مثلاً ؟

الحل بسيط:

قبل العصر أقفل المكيف ، وبعد دخان المساء شغل المكيف

شفت كيف؟ معاها توفير كمان حق كهرباء

تحياتى ، وموضوعك طريف فعلا

Quote: تأجر لي بيتك ده؟؟

Quote: أحترت ماذا افعل

عاين بى فتحة المكيف عشان تفك حيرتك

Quote: والصندل

ود خليل دي زتهااااااااااااا ...

====

الحل بسيط .. تخت المكيف في سطح الغرفة ( في رأس البيت ) وتعمل ليو وصله مربعة من حديد الصاج ( اطلب من السمكري بعملها ليك ) .. اها بالحلل دا تكون ضمنة سلامة المكيف ما يقع في الواطــة .. وتكون راعيت لحقوق الجار .. ( زي ما قالت ليك أختنا تماضر .. انت في زول ما كلمتو ههههههه )..

زنقه طريفه ومزعجه.
..
..
..
الطريف حقا,انه زمان شعراء الحقيبه,كما اتخيل,لو كان احد الشعراء في مكانك,
ربما لزادت تحفنا الفنيه.
..
"
الطابق البوخه.."
..
..
يبدو يا عزيزنا انه لحل مشكلتك,انك مواجه احد الحلول التي تتفادها,دون شك.
..

تحيه قلبيه

احسن حاجه تعملها انك تعرس اخت جارتك

Quote: ان جارتي تلك تقوم بتدخين نفسها مرتين يوميا مرة عند حلول العصر وهو وقت راحتي

كما قال اخونا وحبيبنا يازول وين المرأة البتتدخن فى اليوم مرتين دى ياخى ؟؟

المكنة دى تخليها تقسم للعزابة لكن المتزوجين محال يا سيدى لانه فى الحر ده يبقى الدخان انتحار ...

عزيزي ناصر

تحياتي

أوعك تعمل برأى دكين. البيت دة أصلك ما تأجرو ..

الحل : أعمل مكيف تاني يكون مقبل لحوش الولية أم دخاخين دي. يعني هوا المكيف دة يرمي عكس مكيفك .. سالب و موجب و بينهما ناصر

تقوم تركب ليهم نظام تهوية بحيث يكون الـ input مباشرة فوق حفرة الدخان والـ output مباشرة في حفرة الاوزون ,,, عسى ولعل الدخان الطبيعي يحل مشكلة ثقب الاوزون المجننه الناس دي

يا أبو جهينة الزول دا ياخي مشتري المكيف بمليون تقريباً يعني عاوز تشريهو مكيف تاني بمليون ويركبو بالعكس يعني عايز تزيد الطين بله، إذا نجا من الدخان ماحاينجا من سخانة المكيف المعكوس دا!! ثانياً ياخي ليه يشتري مكيف تاني وبدون حل؟ الموضوع في غاية البساطة يشتري مروحة شفط رخيصة وكدا يكون حل المشكلة وحافظ على جيرانو وبعدين ياخي والله إنشاالله تكمل غابات أفريقيا كلها أنحن والله مرة مابتتدخن أحسن نمشي نجيب لينا بدلا فلبينية.

عزالدين آدم علي

تعمل زي ما عمل الفقير في الأثر
يلتهم نص رغيفتو على رائحة شواء جارو

فأنت { أجلدها } وتوكل


تخريمة:
تكلم راجله أن يغير مكان الحفرة
وماتنسى ان تقدم الطلب ده وأنت مدنقر في ا##########
ومتصبب عرق




أرحل


غايتو أحسن حاجة في بوستك ده إنو تقدم بي خطوة معاكسة لدرب الدبرسة
فكتر خيرك

http://أكتشفت بعد شرائي للمكيف ان جارتي تلك تقوم بتدخين... ميعاد نومي وهجوعي !

الاخ ناصر

كلامك ده كان كلو صاح مفروض الوقت ده تكون لحقت الرقدوا تحت الثرى

انا غايتو ما شايف اي مشكلة, بس انت بوبار ساي ومكبر المشكلة ومديها اهمية اكتر من ما يجب

عندك واحد من حلين.

إما تعرس وتكون العروس مدخنة ملح.
ولو ما بتقدر على العرس أو بتكره الدخان اساًساً عندك حل تاني.

تقوم تعمل إعلان لإيجار الغرفة.فأنا عارف لك واحد ممكن يدفع ليك خلو رجل بالمبلغ البتطلبو وبالدولار كمان.



بعدين عليك الله إنت النايم ليها بالعصر شنو؟ ليك سنين شفت ليك زول في السودان قاعد ينوم العصر؟؟؟
نومة الليل حلها ساهل...

يا خي دا والله بوست روعة بالجد ..
تعرف يا ناصر قبل ما القى ليك حل للمشكلة داير اعلق على حاجة صغيرة ..

زمان أنا كنت لمن اخش بوستاتك بلقى البوست كلو ريجتو طاقة (عرقي) من كترة حكاويك عن الشي دا ، أها الليلة طمنتني تب لمن لقيت البوست دا ريحتو طاقة خمرة ومحلبية وطلح وشاف وكل أنواع الكبرتة بدل الشي المهبب داك !!

الغريبة انو ياسر طيفور دخل البوست دا وما شما ليهو ريحة سجارة قوية مع انو قرأ تعقيبات الجماعة واحدة واحدة وأظن ريحة الخمرة خلت البقر يتشابه عليهو ..

داير اقول ليك حاجة يا سيدي ..

طبعا زي ما كتبت ليك واحدة من الاخوان فوق . انو الشي دا لو صبرت عليهو ممكن يتحول ليك لي حساسية دائمة ودي مشكلة عويصة لانو كدة حا تجيك عقدة من الدخان ولما تتذوج (بعد عمر طويل انشاء الله) حا تكره انو مرتك تتدخن (يعني حا تكون عاوزا نااااشفة) زي رغيفة الفرن البلدي المليانة بروميد البوتاسيوم بدون أي تطرينات وترطيبات وكدة ما صاح...

مرجع واحد (في ذكرى الحنان الأعظم) بوست لكاتبه دكين ..

الشي التاني أنت ما وريتنا مكيفك دا بيقع بالضبط وين في البيت ؟ يعني في امكانية انك تغير محلو ؟أو قبل كدة هل المكيف الخسران فيهو دم قلبك دا .. مكنتو جوة حوش الجيران ولا لا ؟ دي أسئلة مهمة لا زم تجاوب عليها (عشان تشيل حس جارتك بالطريقة الصح) !!

غايتو دا حل أولي :

تقوم يا سيدي تجيني في شارع الحرية محل الادوات الكهربائية وأنا اتطوع أشتري معاك تلاتة مراوح شفط عشان تركبم جم مكيفك الخايب دا . الانت جبتو عشان يجيب ليك الهواء البارد قام جاب ليك دخان النسوان (الله يخيبو) !!

كنت وين أنا !!

أيوااا لقيتا !!

طبعا حا تقول لي ليه تلاتة مراوح شفط ؟

لأنو يا سيدي تركيبة الدلكة والخمرة البيعملوها النسوان في السودان معقدة شوية ومراوح الشفط العملوها الخواجات ما بتقدر تشفط الردوم دا كلو ..

مرجع تاني .. كتاب للدكتور ابراهيم القرشي عن العادات السودانية (اسمو طار لي من راسي) !!

تشتري مروحة شفط ايطالية وتركبا يمين المكيف ودي بتشفط ليك بس ريحة الصندل والمحلبية (الطليات تفاتيح يا معلم) !!

المروحة التانية تكون اثيوبية تركبا شمال المكيف ودي بتقدر على شفط الطلح والشاف وباقي المحلبية الاتلصقت في جلد (المدخن بها) !!

أما التالتة وهي ما معروفة تايوانية ولا اسرائيلية تقوم تركبا تحت المكيف في نصو طوالي (يعني يكون المنظر من برة زي منظر الـ لين بتاع بلي فريد الزمان) ودا بيشطف ليك الدلكة زااااتا حتى لو كانت لسة صلبة وبي كدة مشكلتك اتحلت ..

صنفرة :

ناصر أنا جاييك زيارة الاسبوع الجايي عشان أشوفك عملت شنو ومنها كدة ازور جارتك دي أمكن ؟أطلع من البيت (الدخاخيني) بي عروس ولا حاجة

Quote: زمان أنا كنت لمن اخش بوستاتك بلقى البوست كلو ريجتو طاقة (عرقي) من كترة حكاويك عن الشي دا ، أها الليلة طمنتني تب لمن لقيت البوست دا ريحتو طاقة خمرة ومحلبية وطلح وشاف وكل أنواع الكبرتة بدل الشي المهبب داك !!

Quote: صنفرة : ناصر أنا جاييك زيارة الاسبوع الجايي عشان أشوفك عملت شنو ومنها كدة ازور جارتك دي أمكن ؟أطلع من البيت (الدخاخيني) بي عروس ولا حاجة

بعدين يا نــاذر اسـاله لو عندها اخت بتحب الكبريت ده

القصة دي طريفة بس انا بتقودني الي تساؤل حول سكنتنا في السودان و الحيشان لذيذة في الصيف بس المشكلة بتجي في اي حلجة عند الجيران هي عندك الونسة و الماونسة و الخصوصية تنعدم في بعض الاحوال طيب نقول الشقق احسن تقطع الكهرابء تقول اخير الراكوبة
يا ولد انت شلت حال المرة عبر القارات
بس معاك حق في ان الامر مزعج انا جارتنا عاملة حفرة جنب الصالون حقنا يعني لمن يجوا ضيوف تدخل في اضافيرك
اها لو خيروك ترحل تختار شقة و لا حوش ؟؟
الله يحل المشكلة اما برحول المدام او انت تغيير اودتك و تبادل زول تاني في البيت
تسلم

انت عارف يا ناصر فى احتمال آخر انو خرم المكيف يكون كبير فحاول اقفلو بصباع امير.

Quote: ولكن هل يكون كل لك على حساب صحتي وراحتي ؟

لا ..تطمأن..لن يكون ذلك على حساب صحتك وراحتك..

خد لك نفس نفسين وواصل نومك....







ولا أقول ليك حاجة...لا خلاص خلي بعدين..

Quote: وصارت رائحة الغرفة محفزة لكل أنواع الاثارة والمشكلة ان أصدقائي صاروت يتهمونني في استقامتي وفي رجولتي أنا غير المتزوج بعد

انت ياخوى مصاحب كلاب بوليسية?

سيف جبريل
عفيت منك
يا مجنون
يا رائع

قت ليهو تاوق بالخرم
وضيقو

يا أمير

صدقني يوم حتتعود على الريحة وحتقول السبت ده ماااااااا يمشي سريع..




تحياتي ..

يا ناصر يا اخوي

الدخان احسن من الباعوض

ودي فرصه اتعود شويه بكره الدخان ببقي في بيتك

يا ناصر انت زول مروق وساكن في حي مروقين . من وين حق الحطب البحرقوه في اليوم مرتين دا ؟؟!!

الاخ ناصر محمد خليل

والله مشكلة فعلا ، يعني حسه هي بتكون شايفة دي قمة خصوصيتها ، وانت شايف انه دي قمة خصوصيتك تتمتع بالمكيف بدون منغصات ، وبكده ضاعت الخصوصيات بين الحيطة القصيرة وحفرة الدخان والمكيف
الحل تحول مكان المكيف ، لانه الحفرة ما اظن مكانها يتحول حسب شكل الرسم الكروكي للبيوت السودانية
بالله في اكتر من انك تنوم وتصحى تلقى روحك مرسوم في السرير بفعل الكتاحة
اها دي بقا عمل رباني لا تقدر تشتكي ولا تعلق
حالة سسسسسعبة

اقلب المكيف كم يوم كدة عليهم وبعد داك الرسالة وصلت وربك يهون

ههه
لو كنت جاد مع الحساسية اجروا لدكين

ولو كنت حاجة تانية
كبر الرقراق علي قول جبريل
واهوعكسة هوا !!
والحساسية دي ما أظنها بتاعة
حبوب، ولو اتزوجت اختها أهو
مرة تشكال ليك ومرة دخانكن ملح
ولو سمعت كلام ناس البيئةتراك
حيرة صاحبك
ويا نساء الدخان أتحدن
وكاركتير الكلب روعة
ونصيحة أخرى
يا خوي كان
مستطيع الباءة فلتتزوج
الباءة دي شني ما بعرفها
والا فاتقي بالصيام
عشان حيلك اتهدا

أها ونصية تانية

يا زوول الناس ديل كلهم بلفو وبدورو ساكت وما بفيدوك بحاجة ..

عرس يا أخوووي .. نعم عرس عديل كدة ..... ويا مكيف ما ما مرق منك دخان ..

فرحات

دخان الطلح



الدخان في التراث العربي نوعان البخور المعروف وتُطب به الأجسام والثياب والبيوت ، والدخان الذي تصطلي به المرأة العربية بغرض الاستدفاء أو الزينة ، وكلا النوعين عندنا في السودان. ولنساء السودان بهما عناية فاقت عناية نساء العرب ، وعادة الدخان كادت تختفي في البيئة العربية إلا عند المرأة السودانية التي صار الدخان لها من أهم أدوات الزينة ، والنساء حريصات على هذه الصفرة المكتسبة ، وهي صفرة محبوبة مشهورة ومذكورة في التراث حتى انهم يقولون للون الأصفر المشرب بحمرة (دخان عزبة) بل يسمون أنواعا من الطيور بذلك ففي عصافير الخريف زوجان كنا نصنع لها الحبائل (الشرك) لصيدها وتسمي الأنثى (قُيحة) ، ولون القيحة جذاب جميل فيه صفرة فاقعة مشربة في بعض اجذائها بحمرة نسميها (دخان عزبة) ، والنساء يطلبن الجمال ويحافظن عليه مهما كلفهن ذلك ، ولا شئ أدل على ذلك من هذا الحريق

المستعر الذي تجلس فوقه المرأة السودانية اسفله نار تحرق المراة السودانية واعلاه دخان يخنق واوسطة غملة وشملة لا تناسب الجسم الذي يُشبهة الشعراء بالحرير حتى قال احدهم

لان حتى لو مشى الذر عليه كاد يدميه

والذر صغار النمل ، ونحن نسميها الدر أما (الغملة) فمن فصيح العامية السودانية ، وغمل الرطب والموز حتى يستويا وينضجا معروف عندنا ، واما الشملة وهي ذلك النسيج من شعر الاغنام فانها غاية في الخشونة وربما استبدلت بها في زماننا هذه البطانيات ، وهي قطعا ارحم وانعم ، ، ونحن ربما أشفقنا على النساء من كل ذلك وهو عليهن هين ، لان العبرة بالخواتيم ولابد دون شهد من ابر النحل ، فالدخان اذا برد حلا وجلا أما (حلا) فحلاوته معروفة لان له عبقا وريحا طيبة بعد التضمخ بالخمرة وغيرها من ألوان العبير والعطور ، وهي في تلك الحال من حلاوة الطيب الناتجة عن ندى البوخة تصبح كأنها مقصودة ، و أما جلا فالدخان يجلو الجسم ويكسوه لونا مشربا بحمرة فيصبح الجسم الأبيض معصفرا والجسم الأسمر كاكاويا ورديا او كالوردي ،

وحفرة الدخان من أهم أداة الزينة بالسودان تكون في كل بيت وتوضع فيها أخشاب الطلح وتقعد المرأة فوق نطع بعد تكون قد ادهنت نفسها بشملة ثقيلة من الشعر لا يبدو إلا رأسها وهو حمام ساخن ، نعم حفرة الدخان كانت ومازالت من الظواهر التي لا تكاد تخطئها العين في كل بيت والقرى أما في الريف فهي في كل بيت في ناحية منه في داخله أو في زاوية أو في برندة أو في راكوبه ، ووضعها في راكوبة أو في الحوش ارحم واسلم لانه يجعل لك الحمام الخانق في هواء طلق ليلا فالليل بارد وكافر (أي : ساتر) ،، أما النطع فلعلة اختفى أو كاد لمن لا يعرفه بساط كانت العرب تصنعه من الجلد المدبوغ ، أما عندنا فهو بساط من خوص أو سعف أشبه بالتبروقه أو المصلاية المستديره ، مثقوب في وسطة ، يبسط فوق حفرة الدخان فيقابل ثقبة فوهة الحفرة

دخان الطلح والمغتربات

المغتربات من نسائنا فكلهن بهذه العادة عظيم وهو دليل أصالة ومؤشر عال لرعاية حقوق الزوجية والاهتمام بالزوج والمحافظة على الموروث الحسن ، على الرغم من انهن لا يجدن مجالا للحفر في بيئات لا تعرف هذه العادة في شقق متراكبه ليست فيها ارض تحفر أصلا لكنهن مع ذلك اتخذن الكراسي مكان النطع واتخذن الكراسي مكان النطع واتخذن اناء من حديد (جردل، سطل ، برميل صغير) مكان الحفرة واخر تقليعات المغتربات اكتشاف خطير فقد اصبحن يجلبن الرحالة معهن من السودان وهي (البرمة) او (الدحلوب) بشحمه ولحمه ليحمل محل سطوك الحديد والبُرمه ابرد لانها فخار

طرائف دخان المغتربات

في مجمع سكني باحدى المدن العربية أشعلت زوجة أحدهم الطلح وادهنت جسمها واستعدت وجلست فوقه ، واسترخت ، فملأ الدخان الأفق وسد المناور والممرات ، فما أحست وهي في غمرة ذلك الحمام الخانق إلا ورجال المطافئ يطرقون الباب ويرنون الجرس ، فلملمت نفسها وتدثرت ببطانيتها ونظرت من العين السخرية في الباب ، وكان من حسن الطالع ان وصل زوجها في اللحظة نفسها وفطن للامز فشرح لفرقة المطافئ الأمر وشكرهم وانصرفوا

، ولا دليل على حرص نسائنا – المغتربات خاصة اكثر من ان حقائب السفر الجميلة التي تأتي في رحلة الذهاب إلى السودان محملة بأفخم المحتويات فإنها ترجع في رحلة العودة إلى بلاد الاغتراب محملة بالطلح وتوابعه من قوارير الخمرة وبُقج الدلكة وصُرر البخور وجراكن الكركار . وكل زول يعجبو الصارو ، بل كما يقول المثل السوداني (لا لوبنا ولا تمر غيرنا) وهو ترجمة للمثل العربي (غثك خير من سمين غيرك

عادات وتقاليد

الخفاض الفرعوني

الحنة
الشلوخ
دخان الطلح
دق الشلوفة
الأعتزاء والهمبتة
المكياج والحلاوة

والعهدة علي الراوي

شوف يا ناصر....
أحسن حاجة تعملها قبل دخان الليل دفق ليها شطة في الحفرة
وتاني كان جاكـ دخان علي ألأقل 3 شهور لومني ..........

Quote: شوف يا ناصر.... أحسن حاجة تعملها قبل دخان الليل دفق ليها شطة في الحفرة وتاني كان جاكـ دخان علي ألأقل 3 شهور لومني ..........

ده حقد منك

يا ناصر قصتك دي و بحثك عن حل ذكرتني قصة طريفة حكيتها في بوست سابق:

في قرية اهلها مشهورين بالتبلد الذهني ، و أهل القرية عندهم مشكلة حفرة كل مرة تقع فيها عربية ، ناس الحكومة عملوا اجتماع مع اهل القرية لبحث المشكلة و الحل الأمثل اتفقوا على انتداب ثلاثة من ذوي الرأي السديد لتقديم المشورة للحكومة و كانت الثلاثة آراء كالآتي:
الأول: قال يكون في اسعاف واقف جنب الحفرة بمجرد وقوع سيارة يأخد المصابين للمستشفى

التاني: قال دا كلام ما منطقي الأحسن نبني المستشفى جنب الحفرة و بذلك اذا وقعت سيارة يكون المصابين قريبين من المستشفى.

الثالث: قال دا كلو كلام غبر منطقي و مكلف الحل التمام نمشي نحفر الحفرة جنب المستشفى.

عشان كده يا ناصر اختار حل في التلاتة:

الاول:تبديل المكيف بفريون و كدة ح ترسل انت حرارة لبيت الدخان مع زيادة فاتورة الكهرباء
الثاني :ايقاف المكيف تماما عند الدخان و تكتفي بكمية الدخان المتسربة أعلى الحيطة

الزواج: و في الحالة دي ح يكون عندك دخان مجاني

Quote: حسة انت خليت زول ما كلمته؟؟

على قولك

ناصر رغم تعاطفي التام معاك لاني زوله عندي حساسيه

واعرف معنى الحساسيه,واذكر انه تدخين المصرين في السينمات منعني من التمتع باي فلم للنهايه.

الا انه عبجني تعليق تماضر:

Quote: حسة انت خليت زول ما كلمته؟؟

الشيئ الآخر حزينه انه فعلا يوجد حلا سهلا لمشكلتك.

اولا:

قلة الامكانيات في السودان تجعلني واثقه انه تغير المكيف ليس بالاجراء السهل.

ثانيا:

استحالة تأقلمك مع الدخان لانه عندك حساسيه وهذه لا يفهمها الا اهل الحساسيه.

ثالثا :

ندعو الله ان يكون الامر طارئ(يعني في عروس محبوسه في بيت جيرانكم مثلا وبدخونها صباح ومساء

وهذا امر مؤقت وسينتهي قريبا) لانه لايوجد من هي فاقه ورايقه وبتدخن صباح ومساء.

رابعا:

تتحدث بكل جديه مع اهلك امك او اخواتك او اي من نساء اسرتكم لتفتح الموضوع مع هذه الجاره

بأنه عندك حساسيه ولا توجد امكانيات عندك لتغيير المكيف,فماهو الحل من وجهة نظرها.

تراجي.

أقتل زوجها فتترمل
و يطير ليها دخانها
في راسها !!!!

ولا يمكن تكون عاملة ليها
فرن عيش بلدي ؟؟؟

لو كله ما نفع ، أعرض
الموضوع على مجلس الوزراء !!!

ناصر آخوى
تعرف المانعنا العرس عدم الدخان فى أمريكا..... زوجة صاحبى حاولت تدخن فى الحمام وهاك ياإنذار والولية ماجايبة خبر ..... المطافئ تسـد الدرب وهاك ياغرامات..... بالله لاحظ الفرق بين نسوان الخليج ونسوان أمريكا عند وصولهن مطار الخرطوم .

Quote: جارتي تأذيني بدخان حفرتها

غايتو جنس حسادة..
قال بتأذيني قال...
وبعدين..



هو ده دخان حفرة ولا بومبان...

أخوى ناصر : إنت من الأول مامشيت لي مكتب هندسي وعملت دراسة جدوي لإمكانية تكييف غرفتك ليه؟
وأطمنك سوف يقوم المكتب بدراسة جميع الأبعاد من(إجتماعية وإقتصادية وبيئية وتصميمية معماري و و..) للوصول للحل الأمثل لتكيف غرفتكم العامرة.

.......................................................................................
غير كدا عيب لي ضل النيم بالعصرية ,وصوت العصافير تغرد من غير حساسية.غايتو إلا تكون خايف من إنفلونزا البيردز .
.........................................................................................
إتصلت بالمجلس الهندسي وأوصي بإستخدام ألواح زنك 6 متر تقوم بتركيبها رأسيا أعلي الحائط الفاصل بينكم وحوش الجيران.
.........................................................................................
المجلس الطبي أدان إستخدام الشطة كبنبان.
.........................................................................................
أولاد الحلة أوصوا بإستخدام شريحة موبايل من غير إسم ,والإتصال كذا مرة في الإسبوع كبلاغ كاذب عن حريقة حال إتخاذ جارتكم وضعها الدخاخيني.
.........................................................................................
المجلس الهندس لايزال يدرس فكرة العبقري ناذر ثلاثية المراوح.
.........................................................................................
ودمت
(بالمناسبة يخيل لي إنك كنت بتنام مرتاح قبل ماتشتري المكيف).

الكريم ناصر

كيف انت انا عندى سؤال

هل المكيف بتاعك بشتغل بالجاز ام بى الدخان

لنو حسب علمى انو الكهرباء قاطعه اكثر من 28 ساعة يوما او اكثر
اولا حل مشكة الكهرباء و بعدين شوف حل لى حفرة الدخان

بالرغم من إنو اخونا ناصر شايفه زاغ لكن السؤال ، المرة دى بتتدخن كم يوم
فى الاسبوع ؟لانو دايرين نعمل دراسة لزوجها كمان ، يعنى عايزين نعرف سبب
الدخان المتواصل المزعج ده.

والسؤال التانى إنت داير مرتك تتدخن مع حساسيتك دى وإلا ما تتدخن ؟
وإلا إنت زعلان فى مرة بتتدخن لى راجلها كل يوم وإنت مبسوط بالمكيف ؟

تعرف المكيف ده جاب ليك الكفوة يا خوى أرجع لى مروحة التربيظة وربك يهون

والله يا اخوى جارك دا ماهين تب ال يخلى المره تتدخن مرتين فى اليوم

عندك حل واحد يا اخوى

كلم سيد الصيدليه يمنع راجل صحبتك دى من الفياقرا كدا صحبتك براها ولا على كيفها حتوقف الدخان

الحل التانى يا اخوى تعمل ليك حفرة دخان فى البيت وتتدخن فى نفس المواعيد بتاعت زوجة صحبك دا وشويه شويه حتتعود عليهو


باكاش

‏

Quote: جارتي تأذيني بدخان حفرتها .. (ماذا أفعل ) ؟؟؟؟؟؟؟

إذا طبخ أحدكم قدراً فليكثر مرقها وليغرف لجيرانه‏)‏‏.‏

الحديث لا يغطى مثل هذه الأنشطة!

Quote: أكتشفت بعد شرائي للمكيف ان جارتي تلك تقوم بتدخين نفسها مرتين يوميا مرة عند حلول العصر وهو وقت راحتي ، ومرة في الليل حين ميعاد نومي وهجوعي !

سهر الجداد ولا نومو!
حاسد ولا بغران مرتين فى اليوم دى روشتة ولا شنو!

أخير عزابى يا خوى والا كان حالك انشال بى مبدأ المعاملة بالمثل!
الشايفو أنا تأجر بيتكم وترحل فى بيت ايجار أو تبيعو لى جاركم الفحل المفلس دا!
جنى

السمك المدخن

Quote: استحالة تأقلمك مع الدخان لانه عندك حساسيه وهذه لا يفهمها الا اهل الحساسيه.

هو يا تراجي لكن حساسيتو من الدخان ؟

سؤال :

ما هي فوائد الدخان ؟ ولماذا ؟

Quote: ما هي فوائد الدخان ؟ ولماذا ؟

ســؤال نتمنـى ان نجد له اجــابه؟؟؟

من هــى اول من اكتشفت الدخان ؟؟ وســنة كم ؟؟

يا ود العمده

Quote: هو يا تراجي لكن حساسيتو من الدخان ؟ سؤال : ما هي فوائد الدخان ؟ ولماذا ؟

حتى انت يا بروتس!!!!!

والله في الدنيا دي كل اليقولوا عليه موسى يطلع فرعون

والله يا اخوي انا اخونا (الاحباب ديل) ما قايلاهم بيعرفوا جنس ده.

حيرتوا ناصر .....اهو الولد خجل وهرب....

كان الله في عونك يا ناصر....

تراجي.

Quote: ما هي فوائد الدخان ؟ ولماذا ؟

اليك فائدة

حكت لي صديقة عزيزة جدا ما افضلها عليك في خريف 98.. ونحن جلوس في طرف الاكزام هول
حكت فقالت:

في بتاع دكان في بري الدرايسة كان شادي ليهو قدرة فول
اها اليوم داك من دون الايام الفول كمل بدري والناس لسع بتطلب
قام صاحبنا سريع سريع جاب فول تاني وختا القدرة في الكانون ..
اها فتش فحم مالقا..
فتش غاز مالقا..
فتش جرايد مالقا..
اتحير يشد القدرة دي بي شنو..
فتش يمين شمال قام خشا البيت يفتش مالقى اي شي غير الطلح حق المدام ..
قام يازول جاب الطلح ده رصاهو تحت القدرة وولع النار..
بعد ربع ساعة يامان القدرة دي بقت حمراااااااااااااااااء

اها بعد شوية قام في زبون جا قال ليهو ممكن بلاي تدينا فول بي الفين جنيه؟؟
قام صاحبنا شال الكمشة عايز يدخلها يغرف ليهو بي الفين قامت الكمشة ابت تخش...


خخخخخخخخخخخخخخخخخخخخخخخخخخخخخ
حلوة موش؟؟؟

Quote: اها بعد شوية قام في زبون جا قال ليهو ممكن بلاي تدينا فول بي الفين جنيه؟؟ قام صاحبنا شال الكمشة عايز يدخلها يغرف ليهو بي الفين قامت الكمشة ابت تخش...

لكن يا دكنه دى بالغته فيها

طيب يا مافى واحده تانى قالت ليك الاكتشاف كان سنة كم وعلى يــد السيـدة منــو؟ وماهى الاسباب التى ادت الى الاكتشاف

Quote: في بتاع دكان في بري الدرايسة كان شادي

من السودان ابت تطلع....
من امدرمان ابت تطلع...
من الجيران ابت تطلع...
من الحفر طلع دخان...
دخاخين البلد زادت

النكتة الطريفة دى لاخونا ابوساندرا والاستاذ ودقاسم:

قالو اللورى ماشى الشمالية من محطة ام درمان واللورى كان شاحن حطب بتاع شاف وطلح ومن المعتاد انو الركاب يركبو فوق العفش فواحدى شليقة قالت سجمنا ما بنركب فى الحطب فرد عليها سواق اللورى يا بتى انتو بتقعدو فيهو مولع نار.

دكين
سيف جبريل

لو عرفت دي جبتوها من وين
وشديتوها بي كم كرت
كان تميتو لي كيفي

نفس يا شباب

هسع بتاع الدكان الشادي
وكمشتو الأبت تدخل

بتخطر على عقل بشر


سويا

وممكن
تقرأ

سوية

ياناصر
ياعنية
ياكافرة
ياشرانية
ولد شيطان
تفتكر منو الماعارف قصتك في الحلة هسي ؟؟؟؟؟؟؟؟
ارجع لي غرفتك تلقاها ام خدود
بطلت الدخان
وبعد ما فضحتها
في كل مكان
اتوجهت لي فرسان
في الحيشان
لتلعنك في كل مكان
أركز وإنتظر الجايك

ياناصر
ياعنية
ياكافرة
ياشرانية
ولد شيطان
تفتكر منو الماعارف قصتك في الحلة هسي ؟؟؟؟؟؟؟؟
ارجع لي غرفتك تلقاها ام خدود
بطلت الدخان
وبعد ما فضحتها
في كل مكان
اتوجهت لي فرسان
في الحيشان
لتلعنك في كل مكان
أركز وإنتظر الجايك

هو الزول ده وينو

أوع يكون راجل المرة وصلو الكلام وبقى فى أمرآ ضيق

هسع بتاع الدكان الشادي
وكمشتو الأبت تدخل

.








..

شكرا للمتداخلين

لقد تفاجات بكل هذه الردود منكم وانا سعيد بأهتمامكم رغم أن بعض هذه الردود لم يطرح لي حلا لمشكلتي التي لا زلت اعاني منها .

وقد تعجبت حين ذكر بعضكم انني خجلت وهربت من البوست ! كلا والله لم أفعل وقد طرحت هذا الموضوغ للنقاش لاني واثق أن كثيرين قد يعانون من ذات المشكلة ولكنهم خجلون من التحدث مع جيرانهم في هذا الامر .

وسأرد على مداخلاتكم فردا فردا وأرجو ان يتسع لي الوقت لذلك .



ناصر

الاستاذة تماضر

Quote: والاصح ان تقول "حفرة دخانها" ولا تقول "دخان حفرتها" ... والسبب شنو ما عارفة.. ههههه الموضوع مهم لانه فى ناس عندهم ازمة ممكن الدخان يكتلهم

طبعا الموضوع مهم جدا ولا اخفي عليك أن أنفاسي أصبحت ثقيلة هذه الايام مع استنشاقي اليومي لكل هذا الدخان المعطن بالخمر والشاف والصندل التي لا تهمني في كثير أو قليل

أريد هواء نقيا فحسب .

ناصر

عصام احمد

Quote: إذا كانت الحفرة جنب الحيطة..أرمي الحيطة.. أو حاول بطريقة او بأخري (دفن الحفرة)

ما جدوى هدم الحائط ؟

أترك هذا السخف وهذه التلميحات فأنا اعاني من مشكلة عويصة

ان كان لديك ما تقوله فقل أز اصمت غفر الله لك ؟


ناصر

ما هذا يا ياسر طيفور ؟

Quote: اها لما ناذر يجيك حاول اتأقلم على الدخاخين والكبرتة - على الاقل تعالج مشكلة الرطوبة والباعوضة

هل تهذأ بي ام ماذا ؟

لقد حاولت التاقلم على الدخان ولكن عيوني ورئتي تأبيان التاقلم .


ناصر

روان حامد

Quote: Salam This is a real problem If I was in your situation , I will talk straight to the husband nicely and tell him if there could be another alternative or another place where his wife can do that , someone has to compromise so it becomes a win win situation , because now it's a win / lose situation . It's not fair for yo

أعتقد ان مداخلتك هذه قد تكون الوحيدة الجادة هنا .

لا يمكنني أن أذهب لجاري وأظلب منه أن توقف زوجته طيبها من اجلي .

ما ذا سيظن بي ؟

دكين .

Quote: تأجر لي بيتك ده؟؟

ليتني افعل ولكن ليس هو منزلي لوحدي كما انه منزل تاريخي ولا يمكنني تركه لمجرد خفرة دخان


ناصر

الاخ بريمة

Quote: الأخ ناصر الموضوع له تشعبات،أقرأ مقال الدكتور عبدالسلام الأتى، ترى أن هؤلاء النساء هن وراء إبادة الجمال البيئى في السودان بهذه الدخان والذى يعتبر إحد مصادر التلوث البيئى وإرتفاع حرارة درجات الجو .. أرجو أن تقنع جارك بأن تتنازل زوجته عن الدخان، كل يو تتدخن فيه يعنى أن هناك شجرة بأكلمها تم حرقها ..

لا تدري مقدار سعادتي بحضورك هنا وهذه فرصة كي اعتذر لك عن اساءاتي لك في الفترات السابقة لقد شعرت بالألم ولكن لم تواتيني الجرأة غلى الاعتذار لك .

أرجو منك أن تسامحني على ما بدر مني تجاهك .

أما جارتي التي تتدخن مرتين يوميا فلا اعتقد انها ستتنازل عن الدحان لو اخبرتها حسب طلبك . وأعتقد انني اختلف معك في مسألة ابادة الجمال البيئي هذه .


ناصر

الاخ أبو الريش

Quote: مكيف المويـة ما محتاج يجيب الهـوا من بـرة.. بل أحسن يكون هـوا الأوضـة، لزيادة البرودة والكفاءة.

قد لا تعلم انه قبل أن أحضر هكيفي هذا كنت أمتلك قبلا مكيفا متحركا داخل الغرفة ولكني وجدت ان المكيف المتحرك مفعوله عكسيا لأن ماكينته تسخن العرفة بقدر تبريدها وكانت المحصلة رطوبة شديدو وعرف متصبب .

ولهذا استبدلته بمكيفي الحالي لأن ما كينته ستكون خارج الغرفة

شكرا لحضورك

ناصر

كلا يا لؤي

Quote: لكن يا ناصر انت الغلطان ..! لانه مكيفك داخل في حوش جيرانكم ..اي انك (متغول) عليهم بمكيفك عشان كده اما ان تعدل مكان المكيف ويصبح باي اتجاه داخل بيتكم .. وان شاء الله يكون باتجاه المطبخ كمان

لم اتغول على جراننا لان هنالك ممر قصير غرضخ هوالي المتر بين منزلنا ومنزل جيراننا وأنا متاكد أن مكيفي داخل حدود منزلنا وليس خارجه


ناصر

الاخ سوباجو

Quote: جيب مكيف فريون .... خللو ...

لقد وفرت قيمة هذا المكيف بخد عدة استقطاعات قاربت التسعة اشهر أما اذا اردت تغييره بمكيف فريون فلربما امكث أضعاف هذه المدة .

ثم ان مكيف القريون يصرف الكثير من الكهرباء وأنا لا طاقة لي بذلك

شكرا للنصيحة

الزميل ولياب .

Quote: الأخ / ناصر خلي جارك يركب ليهو Duct فوق الراكوبة

لم أفهم معنى الكلمة .

هل تفضلت بالتوضيح والشرخ ؟
ربما يكون ما تقصده هو حل المشكلة برمتها


ناصر

الاح زول

Quote: الحل بسيط: قبل العصر أقفل المكيف ، وبعد دخان المساء شغل المكيف شفت كيف؟ معاها توفير كمان حق كهرباء تحياتى ، وموضوعك طريف فعلا

حل غريب فعلا !!

لقد اشتريت المكيف من اجل الاستمتاع به في هذين الوقتين فكيف تطلب مني اغلاقه حلالهما ؟ ما فائدى المكيف اذا كنت ساعلقه ذروة السخانة وافتحه بعدها ؟


ناصر

العم خال فاطنة .

Quote: الحل بسيط .. تخت المكيف في سطح الغرفة ( في رأس البيت ) وتعمل ليو وصله مربعة من حديد الصاج ( اطلب من السمكري بعملها ليك ) .. اها بالحلل دا تكون ضمنة سلامة المكيف ما يقع في الواطــة .. وتكون راعيت لحقوق الجار ..

قد يكون هذا هو الحل الامثل ولكني اخشى الا تنجح هذه الوسيلة في منع الدخان أيضا إذ ان الغرفة ليست مرتفعة جدا بل أنني أخشى أن يذداد الدخان في هذا العلو .

ناصر

سيف الدين .

Quote: عاين بى فتحة المكيف عشان تفك حيرتك

نظرت لا بدافع الخبث بل بدافع التيقن أن كانت هذه فعلا جارتي التي تتطيب وتتدخن مرتين يوميا وحيرتي لم تنفك حتى الان بعد تيقني

ناصر

الاخ نجوان

Quote: احسن حاجه تعملها انك تعرس اخت جارتك

لست في موقع الزواج الان .
كما ان للقلب أميرته كما قال أديبنا عثمان محمد صالح .


ناصر

قرشو

Quote: كما قال اخونا وحبيبنا يازول وين المرأة البتتدخن فى اليوم مرتين دى ياخى ؟؟ المكنة دى تخليها تقسم للعزابة لكن المتزوجين محال يا سيدى لانه فى الحر ده يبقى الدخان انتحار ...

ادعوك لزيارتي وستجد ان المرأة البتتدخن مرتين يوميا موجودة وهي جارتي

النساء لا يفتقدن الطلح ابدا حتى ولو كان الطقس جهنما


ناصر

الاخ أبو جهينة

Quote: الحل : أعمل مكيف تاني يكون مقبل لحوش الولية أم دخاخين دي. يعني هوا المكيف دة يرمي عكس مكيفك .. سالب و موجب و بينهما ناصر

حقيقة لم افهم مداحلتك

كنا أنني على اي حال لا أمتلك ثمن مكيف اخر

وقد فكرت الان في بيع مكيفي هذا

الاخ عز الدين

Quote: الموضوع في غاية البساطة يشتري مروحة شفط رخيصة وكدا يكون حل المشكلة وحافظ على جيرانو

لا املك حاليا ثمن مروحة شفط أيضا فقد استهلكك كل نقودي في هذا المكيف .

ثم لماذا لا يدفع لي جاري ثمن مروخة الشفط هذه ؟

أتراه يستمتع بزوجته المكبرتة ولا يغوضني أنا المتضرر الاكبر من هذا الدخان ؟


ناصر

الزميل ابو ساندرا

Quote: تعمل زي ما عمل الفقير في الأثر يلتهم نص رغيفتو على رائحة شواء جارو فأنت { أجلدها } وتوكل

هل تقصد جلد جارتي أم شي أخر ؟

واذا كنت تقصد شي أخر ففيم يفيدني هذا ان لم يوقف الدخان ؟

ناصر

الزميل عثمان .

Quote: انا غايتو ما شايف اي مشكلة, بس انت بوبار ساي ومكبر المشكلة ومديها اهمية اكتر من ما يجب

كيف لا تكون هنالك مشكلة اذا كانت جارتك تخنقك يوميا بدخان مؤذي للعيون وللأنف ؟
ثم أين البوبار هنا ؟ أنا اتحدث عن اشكالية أمر بها ولا أتفاخر بشي ؟

شماشي .

Quote: عندك واحد من حلين. إما تعرس وتكون العروس مدخنة ملح.

سبق وان ذكرت أنني لست مستعدا للزواج هذه الايام .
ثم انني لا اكره الدخان ولكن لكل شي وقته وميقاته .
حتى ولو تذوجت وكانت زوجتي تتدخن مرتين يوميا فسأطلقها دون تردد !


ناصر

مرحبا بك استاذ نازر

Quote: غايتو دا حل أولي : تقوم يا سيدي تجيني في شارع الحرية محل الادوات الكهربائية وأنا اتطوع أشتري معاك تلاتة مراوح شفط عشان تركبم جم مكيفك الخايب دا . الانت جبتو عشان يجيب ليك الهواء البارد قام جاب ليك دخان النسوان (الله يخيبو) !! كنت وين أنا !! أيوااا لقيتا !! طبعا حا تقول لي ليه تلاتة مراوح شفط ؟ لأنو يا سيدي تركيبة الدلكة والخمرة البيعملوها النسوان في السودان معقدة شوية ومراوح الشفط العملوها الخواجات ما بتقدر تشفط الردوم دا كلو .. مرجع تاني .. كتاب للدكتور ابراهيم القرشي عن العادات السودانية (اسمو طار لي من راسي) !! تشتري مروحة شفط ايطالية وتركبا يمين المكيف ودي بتشفط ليك بس ريحة الصندل والمحلبية (الطليات تفاتيح يا معلم) !! المروحة التانية تكون اثيوبية تركبا شمال المكيف ودي بتقدر على شفط الطلح والشاف وباقي المحلبية الاتلصقت في جلد (المدخن بها) !! أما التالتة وهي ما معروفة تايوانية ولا اسرائيلية تقوم تركبا تحت المكيف في نصو طوالي (يعني يكون المنظر من برة زي منظر الـ لين بتاع بلي فريد الزمان) ودا بيشطف ليك الدلكة زااااتا حتى لو كانت لسة صلبة وبي كدة مشكلتك اتحلت .. صنفرة : ناصر أنا جاييك زيارة الاسبوع الجايي عشان أشوفك عملت شنو ومنها كدة ازور جارتك دي أمكن ؟أطلع من البيت (الدخاخيني) بي عروس ولا حاجة

شكرا للمداخلة الطويلة . رائحة الغرقي التي كنت تشمها في بوستاتي السابقة كان لا بد منها حتى يعرف الجميع مأساة نساء بلادي الذين فرض عليهم هذا العمل ، أما رائحة الخمر والطلح والشاف التي بهذا البوست فهي ليست أقل إيذاء من رائحة العرقي على الاقل بالنسبة لحالتي المستعصية هذه .

أما حلولك بتركيب ثلاث مراوح شفط فانا موافق على اقتراحك بشرط أن تدفع لي ثمن هذه المراوح طالما انك تاجر في السوق



ناصر

الاخت سودانية .

Quote: بس معاك حق في ان الامر مزعج انا جارتنا عاملة حفرة جنب الصالون حقنا يعني لمن يجوا ضيوف تدخل في اضافيرك اها لو خيروك ترحل تختار شقة و لا حوش ؟؟ الله يحل المشكلة اما برحول المدام او انت تغيير اودتك و تبادل زول تاني في البيت تسلم

من الجيد أن اجد شخصا اخر يمر بذات الموقف ويعلم حجم مأساتي .

تغيير أوضتي مستحيل لعدة أسباب منطقية أما رحيل المدام فانا أتمنى ذلك .



ناصر

سيف

Quote: انت عارف يا ناصر فى احتمال آخر انو خرم المكيف يكون كبير فحاول اقفلو بصباع امير.

أنا متاكد أن المكيف سليم جدا واشرفت بنفسي على تركيبه .
ثم ماذا يفعل صباع أمير أمام هذا الدخان الكثيف

ناصر

ود المايقوما

Quote: صدقني يوم حتتعود على الريحة وحتقول السبت ده ماااااااا يمشي سريع..

عندما اتعود على هذه الرائحة أكون قد أصبت بالربو والجيوب الانفية وعمى الانهار .


ناصر

الاخ دوما

Quote: يا ناصر انت زول مروق وساكن في حي مروقين . من وين حق الحطب البحرقوه في اليوم مرتين دا ؟؟!!

هذا هو ما يحيرني ظ وأعتقد أن مت أحرقته جارتي من حطب الدخان في الشهر الفائت يقارب بالتاكيد قيمة خمسة مكيفات مما أشتريته !!




ناصر

مايا

Quote: الحل تحول مكان المكيف ، لانه الحفرة ما اظن مكانها يتحول حسب شكل الرسم الكروكي للبيوت السودانية بالله في اكتر من انك تنوم وتصحى تلقى روحك مرسوم في السرير بفعل الكتاحة

تغيير مكان المكيف مستحيل لخارطة الغرفة نفسها .
يمكنني تحويله أعلى السقف كما اقترح لي أحد الاخوان هنا ولكني لا اضمن نجاح الفكرة .

ناصر

أحمد عبد الله ..

Quote: شوف يا ناصر.... أحسن حاجة تعملها قبل دخان الليل دفق ليها شطة في الحفرة وتاني كان جاكـ دخان علي ألأقل 3 شهور لومني ..........

ضحكت كثيرا لأقتراحك

صدقني قد أعمل به اذا لم يتوقف هذا الدخان ولكني أخشى أن تحترق مكنة جارتي بفعل دخان الشطة فلا ينفعها الدخان بعد ذلك لاستعادة حيويتها ونشاطها

Quote: المعبقة بالطيب والخمر والمسك

يازول إنتا داير نقول ليك الحقيقة ولا الجنبها

الحقيقة انت لازم تغير الظر بورد والقرص الصلب بتاعك
خلاص دا فيروس سكن في الروت واحتل الميموري بتاعتك
والمكيف بتاعك ده خليتو على كيفو يختار التكييف المناسب معاهو ويوجه ليك مازاد عن العتاد


يازول أنا قلت ليك الحقيقة وان بقيت مكضبني بحكي ليك القصة دي حدثت لي في القرن الماضي

في أول الثمانينات كنا نطلع من الحاج يوسف مع الهواتيب ونرجع ليها بعد المغارب
هلاك ما بعدو هلاك وعشان بنرجع قنعانين من عدم وجود عشاء أو خبز أو لبن (بطانة) في البقالات كنا الواحد برجع مغمض عشان يصل السرير لو ما أحتلاه ضيف من ركاب اللواري البتهاجم بيوت العزابة ..

وأول ما ننزل من الدفار وندخل في الشارع الجانبي هناك منطقة مشتعلة بنفس المواصفات التي ذكرتها في موضوعك

Quote: المعبقة بالطيب والخمر والمسك]

وكنا كلما قطعنا ذلك الممر نعمل للخلف دور
لكن المشكلة في نهاية الشارع هناك سيد دكان يظل مبحلق في الحركة دي
ومرة مرة يسال: شنو ياناس وقع منكم شنو
نقول ليه أيوة ، وقع مننا رأس

ومن تلك المدة وكل مرة نحن دور في الوقع مننا شنو

أما عن ما ذكره دكين المكين من هترشة الإكزام هول مقبولة
وكويس صاحب القدرة اكتشف هول المفاجأة قبل الدخول
ده لو دخلت الكمشة وأبت تطلع يبقى لازم يهو هو فيها هو هو هو

أما عن غرائب موضوع الدخان قصة حدثت لنا في ليبيا، سكنا في بيت كبير خاص بوالدة أحد الأصدقاء الليبيين، ولوجود عدد من الغرف فارغة تآمرت زوجتي وصويحباتها على حفر حفرة دخان في إحدى الغرف وذلك بإزالة بلاطة المزايكو وحفر الأسمنت تحتها بصورة تمكن من ارجاع البلاطة إلى مكانها.. لكن بعد مضي مدة قصيرة جاءت صاحبة البيت وتوصلت إلى إن هذه الغرفة مختلفة عن الأخريات وتتبعت الأثر حتى توصلت إلى البلاطة وأزاحتها وأكتشفت أثر النار...
بلغت ولدها الذي جاء مستفسراً عما صار في هذه الغرفةوأن والدته مستاءة جداً من هذا التصرف..وأنه البيت ده أصلاً ليس معروض للإيجار وأنه ظل مقفول ثمانية سنوات ولولا الصداقة والمحبة لما سمحنا لكم بالسكن فيه..
وكان لابد من مخرج..
قلت ليه انت بنفسك قلتها..البيت مقفول ثمانية سنوات.. هل انت متأكد مافي اي مخلوق ثاني يمكن أن يسكن فيه..
ويش تقصد؟؟؟
قلت ليه نحن من عاداتنا أي بيت مقفول مدة طويلة لابد من عمل طقوس عشان نقدر نسكن فيه!!
لا لا لا؟؟
أيوة!!
يعني الحاجة العملتوها فيه عشان تسكنوا فيه؟؟
أيوة..
يلا أشرح لوالدتك وقول ليها دي طقوس خاصة من غيرها السوادنة لا يمكن أن يسكنوا في بيت
فيما بعد شكرتنا الحاجة على طقوس الحفرة..

Quote: السمك المدخن

اديبناالطيب صالح وهو يحادث صديق دكتور الشوش والذى هو أيضا متزوج من اجنبية:لقد تزوجنا زواجا ماسخا ففى بيوتنا لا يوجد دلكة أو ملاح ويكة!
من كتاب أهدانيه الرائع طارق جبريل
جنى

ناصر اخوي


سلامات

دحين يا خوي مكيفك ده ضكــر ولا انتايــة!!؟



ظاااطو

اخي ناصر ليس امامك من حل الا العمل بوصية اخونا احمد عبد الله فبها يمكن ان تخفض جارتك المعــدل الى دخنة واحدة .. بعدين انت قاعد في غرفتك دي 24 ساعة ما عندك شغل . اقل شيء دخنة الصباح دي تكون في الشغل .

بعدين مسئول من الخير جارتك دي راجلا شغال وين وبشتغل شنو ... لينا بي فالو ..




ود الباوقة

Quote: أنا متاكد أن المكيف سليم جدا واشرفت بنفسي على تركيبه . ثم ماذا يفعل صباع أمير أمام هذا الدخان الكثيف

يا ناصر ما فى خرمين واحد البتشر منو الموية واحد للهوى انت قصدك ياتو

Quote: يا ناصر ما فى خرمين واحد البتشر منو الموية واحد للهوى انت قصدك ياتو

غايتو يا جبريل

اخير الكمشه ديــك..العامله عكلته

big trip

المناضلة الجسورة تراجي

Quote: الشيئ الآخر حزينه انه فعلا يوجد حلا سهلا لمشكلتك. اولا: قلة الامكانيات في السودان تجعلني واثقه انه تغير المكيف ليس بالاجراء السهل. ثانيا: استحالة تأقلمك مع الدخان لانه عندك حساسيه وهذه لا يفهمها الا اهل الحساسيه. ثالثا : ندعو الله ان يكون الامر طارئ(يعني في عروس محبوسه في بيت جيرانكم مثلا وبدخونها صباح ومساء وهذا امر مؤقت وسينتهي قريبا) لانه لايوجد من هي فاقه ورايقه وبتدخن صباح ومساء. رابعا: تتحدث بكل جديه مع اهلك امك او اخواتك او اي من نساء اسرتكم لتفتح الموضوع مع هذه الجاره بأنه عندك حساسيه ولا توجد امكانيات عندك لتغيير المكيف,فماهو الحل من وجهة نظرها.

للأسف الامر ليس طاري ولا عروس في المنزل ولا يحزنون !
لقد تاكدت بنفسي أنها جارتنا نفسها التيي تتدخن بهذه الكثافة فهي فايقة ورايقة .

صدقيني لقد قررت أن اتحدث مع خالتي التي تسكن معي في المنزل خاصة بعد أو وقفت بنفسها على حجم الضرر الذي أتعرض له .

وأرجو ان تجد جارتي بدائل اخرى عوضا عن التدخين المتواصل .


ناصر

الاخ المعز .

Quote: قدر ما اتأملت ما عرفت المشكلة وين !!! ياربي ده بوست صحـي, و لا اجتماعي, و لا .. ! عمومـا أول مرة أشوف لي بوست Sexy قدر ده, المهم أنا إتحريت و سألت عن ناصر و عرفت أنه حل المشكلة: الراجـل في شهـر العسـل ! و رب جـارة نافعة..

ليس لطيفا منك ان تصف موضوعي هذا بالجنسي
أنا أمر بمشكلة أن لم نقل ماساة وقد شرحتها بتفاصيلها
ان كنت تشعر بالجنس فهذا شأن يخصك

من قال لك أن مشكلتي قد حلت ؟
ومن سمح لك بالتحري عني ؟

ثم أن جاري ليس في شهر عسل فهو موجود معنا بزوجته عدة سنوات ولكن هذه اول مرة تستخدم زوجته هذا التدخين بكثافة ولا أدري ماذا جد عليهما معا ؟


ناصر

ناصر إنت مستهبل كبير..وحفرتك دي إنشاء الله يا ربي ما تندفن كلو كلو ودخانها ده يدخل ليك جوه حلقك

قول آمين

الأخ ناصر تحياتي,
كل ما جاء بمداخلتي جاء علي سبيل النكتة لا أكثر,
البوست نفسه تطور في إتجاه النكتة و هو الإنطباع الذي تلقيته عند قراءة المداخلات,
سأقوم بحذف المداخلة و يمكنك فعل نفس الشئ مع ماقتبسته حتي يحتفظ لك البوست بحسه الإشكالي الرئيسي..
معذرة !

انتا يا ناصرالصوره بتاعتك دى ما تجى الا معا الدخاخين دى !!

وهذه فائده من فوائد الدخان

sexy

it doesn't have to mean sex as in sex or sexuality.
i understood the meaning of the word "sexy" here is nice, cute , and etc

can i say this shirt or this dress is sexy????
i think i can
_______________________
in the other hand, i would also like to apologize for the misunderstaning to my comment in this post..i wasn't making fun of u, but i was sharing u the sense of humor that ur post has brought out.
much respect

ناصر
ضحكتني شديد انت والاخوة الباحثين عن حل لمشكلة دخانك دا

لكن يا جماعة انتو نحتو راسكم لي حل لمشكلة ناصر
مافي واحد فيكم فكر في مشكلة راجل المرة المسكين دا؟؟؟
لانو اعتقد انو مشكلة راجل المرة المتدخنة اكبر من حساسية ناصر..


ياربي بكون عامل كيف هسي



-----
حكي لي احد المتزوجين قصة طريفةفقال:
اول ايام العرس الزول بكون شباب وفحل واول حاجة بتمها في البيت الطلح والريحة وال وال وال
لكن بعد فترة الواحد بقي يشوف المرة اول ما ترفع قزازة الخمرة بجيهو شعور الطفل العيان وقدامو
قزازة دواء الملاريا
تبكي بس

عبد الله مشتاقين والله ..
وين أراضيك ؟

Quote: اول ايام العرس الزول بكون شباب وفحل واول حاجة بتمها في البيت الطلح والريحة وال وال وال لكن بعد فترة الواحد بقي يشوف المرة اول ما ترفع قزازة الخمرة بجيهو شعور الطفل العيان وقدامو قزازة دواء الملاريا تبكي بس

مباااالغة

شنكل/U]

بالمناسبة يا بوب ناصر ليو فترة طويلة داير ينزل صورتو لكن أبت ليو قام رسلا لي وأنا قمت بالواجب .. بس المشكلة انها صادفت البوست دا

Quote: بالمناسبة يا بوب ناصر ليو فترة طويلة داير ينزل صورتو لكن أبت ليو قام رسلا لي وأنا قمت بالواجب .. بس المشكلة انها صادفت البوست دا

يا ناذر

المشكله فى المصادفه دى زاته ...صوره نايره ذى دى ...يعنى صوره بتاعت زول الدخان مريحــو

يا ناصر
صورتك دي بي الجد بتعبر عن زول مكدس بي رائحة الدخان والذي منو
عيونك خط رهيييييييييييييييييييييييييييييييييييييييييييف


اعانكم الله في تجاوز هذه المحنة

الأخ ناصــر

الموضوع بسيط. انت اعزم جارك دة على شاي المغرب و تكون الحفرة دخانا في السماء و بعد العشاء ما في اختشى ممكن يمشي يتكلم مع مرتو بصراحة و يسألها هسع الدخان دة لي انا و لا لي ناصر؟

و بالطريقة دي الراجل اكيد حا تمسكوا الغيرة و يمكن يأجر منك الغرفة دي زاتها


كل الشكر اخي ناصر،،،

هيثم القوز،،،

بوب !!!!!

Quote: المشكله فى المصادفه دى زاته ...صوره نايره ذى دى ...يعنى صوره بتاعت زول الدخان مريحــو

الضحك شرطني

مالك داير تعقد لينا الولد .. ما صدق صورتو نزلت

شنكل :

با قيلك بينفع لي شغلة الكمائن الزمان ديك

Quote: با قيلك بينفع لي شغلة الكمائن الزمان ديك

كتــاحــة:
انشاء الله اكون عندك كمين بتاع دخان

عن أذنك يا بوب ..

هاك يا ناصر أقرا الكلام دا بي رواقة

بقلم/ يحى فضل الله

يتخلخل الدخان بين مسامات جلدي، أحس إني انتمي إلى تلك النداوة، دخان


الطلح يتسرب من بين فتحات النافذة المغلقة ومن بين فتحات باب غرفتي المغلق، هذا الصباح، جلست على حفرة الدخان، أحاول بذلك أن أمنح جسدي نداوته، أهيئ نفسي للدخول في تحقيق حلمي بزواجي من "عبد الباسط" من وراء كثافة الدخان داخل غرفتي أتأمل اللوحة المعلقة على الجدار الذي أمامي، بخط يدي كنت قد كتبتُ هذه الجملة الشفيفة، كان ذلك أيام دراستي في كلية المعلمات، لا زلت أمارس علاقتي بفن الخط، من وراء غلالة الدخان، تتعلق عيوني بحروف تلك الجملة، كل حرف فيها يعيدني إلى ذلك الزمن الجميل، عيوني تمتص حروف تلك الجملة:

"ألقاه في اليم مكتوفاً وقال له إياك إياك أن تبتل بالماء"

أتأمل هذا التضاد المعلن بين الحروف السوداء وبياض الورقة الذي كُتبت عليه، البرواز تآكل بعض الشيء، أحس بالدخان وهو يخرج متسرباً من بين فتحات الشملة تحت أقدامي ومن على عنقي، أحس به يداعب أحلامي، ها أنذا أدخل في محمرة من العبق عذا الصباح وكأني أدخل مجمرة عواطفي تلك التي تحرضني على حياة جديدة، جديدة ولكنها تعربد فيها أحلامي القديمة، أتابع بعيوني حركة الدخان الشفيفة وأحس بأن جسدي ينضح بالنداوة، بعد أسبوع سيتم عقد قراني بعبد الباسط، بالأمس جاءني عبد الباسط، جاء وقد ترك خلفه كل اعتراضات أسرته على زواجه بي، حكى لي كيف أن أخاه "حسب الرسول" اعترض على هذه الزيجة ولوح في وجهه بأن الأسرة كلها ستقاطعه إذا تم ذلك الأمر، أنها نفس تلك الدائرة القديمة التي عصفت بأحلامي وأحلامه، جاءني عبد الباسط وقد حسم أمره تجاه كل تلك الاعتراضات جاء منتمياً إلي وخرج بعد أن حددنا موعد عقد القرآن، وها أنذا أجلس هذا الصباح على حفرة الدخان، أدخل هذا الطقس الأنثوي منتمية إلى البحث عن نداوة جسدي، منتمية إلى عاطفة بكر برغم كل تراكمات السنين والأحداث، تراكمات الوقائع وانكسارات الأحلام، تراكمات تراكمات، أهرب منها وأراني صبية تحلم بفارس أحلامها، الدخان يتسرب من بين ثنايا الشملة موزعاً لهيب عاطفتي تلك على كل أنحاء الغرفة أذوب بكل مسامي في اشتهاءاتي لتلك اللحظة الاندماج مع "عبد الباسط" أنظر إلى الساعة الموضوعة على المنضدة القريبة مني كي أعرف كم من الزمن قد قضيته داخل الشملة، أتناول صندوق السجائر من على المنضدة، أشعل سجارتي كي أضيف نوعاً آخر من الدخان إلى ذلك الدخان الخاص الذي يتحسس أنوثتي المهيأة تماماً للدخول في حياة جديدة ستعيدني حتماً إلى خصوبتي، ترى هل لازلت خصبة؟ كم يقلقني هذا السؤال، لا تحتمل الأنثى فقدان الخصوبة، أتلذذ بسيجارتي، أغرق في استرخاء عميق، اعتلي قمة شهوتي، أتحسس انفعالاتي الأنثوية النقية والدخان يعبق، يملأ فضاء الغرفة، عطر الطلح يقذف بي إلى هناك إلى حيث تتجوهر أنوثتي معلنة رغباتها الخفية، إلى ذلك الإحساس الشفيف الذي ينبض بين عروقي تلك التي أحس بها وقد تهيأت لخصوبتها، أغمض عيوني وأرحل في عوالم اشتهاءاتي، أغفو وأراني أوزع عاطفتي ورغباتي في خيوط الدخان الي يلفني ويتسرب من بين ثنايا الشملة، أنا أجلس على نار شفيفة تجادل أنوثتي وتذهب بها نحو تلك النداوة، أموع بين كثافة الدخان المعطر، أصابع قدمي أحس بها ندية، اتحسس بأناملي الساقين وأتحسس نداوة جسدي وأنا داخل هذه المجمرة، العرق ينتح من جسدي بسبب تلك السخونة التي أغرق جسدي فيها، أطفئ سيجارتي وأنظر مرة أخرى إلى الساعة واحس بأني مكتفية هذا الصباح بهذا القدر من البحث عن نداوتي، أزيح الشملة من على جسدي وأنهض، أتأمل جسدي وقد بدأ يتجد بدخان الطلح، اطفئ برشة ماء حفرة الدخان، ارتدي ملابسي واسترخي على السرير، أشعل سيجارة أخرى، أفتح النافذة كي يتجول ذلك الدخان المعطر في الفضاء، أفكر في الخروج، لا بد من ذلك، أفتح باب الغرفة، أجلس على العنقريب في الراكوبة، أكمل تلذذي بالسيجارة، أشرب كوب ماء من الزير، أدخل غرفتي مرة أخرى، ارتدي ملابس الخروج، أحس بي خفيفة كنسمة في هذا الصباح، أسقي شجرة الليمون الصغيرة، أحواض الزهور، أفتح الباب الخارجي أغلقه بالمفتاح من الخارج.

ها هي "حبوبة بتول" تجلس أمام بيتها، لا استطيع أن أتفاداها، لابد أن أمر بها اقتربت منها وها هي تستقبل قدومي إليها بلهفة.

-"صباح الخير"

-"يسعد صباحك، على وين؟"

-"مشاوير قريبة"

-"هي كدي تعالي شوفي البامية دي"

-"بجيك راجعة"

-"الرسول كان تجئ"

لا مفر منها أبداً، غيرت اتجاهي إليها

-"البامية دي سمحة وحاتك، بتخاطفوها أخلي ليك منها، كومين ولا تلاتة"

-"كويس، خلي لي ثلاثة أكوام"

-"أها دحين وين ماشة"

-"مشاوير قريبة بجيك راجعة"

-"الرسول كان تقعدي، خشم خشمين"

-"بجي بعدين أتونس معاك، أنا مستعجلة يا حاجة"

-"العجلة من الشيطان، هي الدنيا دي طايرة؟"

نهضت من جلستها واقتربت مني متحمسة وملأت أنفها بدخان الطلح الذي يعبق مني.

-"كدي كدي، دخان السرور، الدخان ده شيلتي الصباح ده ولا شنو"

-"أي يا حاجة بتول، أها خليتك بي عافية"

وتحركت منها إلا أنها لاحقتني بخطواتها وأمسكت بيدي وجرجرتني نحوها

-"هي تعالي، ما سمعتي نفيسة قالت شنو؟"

-"نفيسة منو"

-"نفيسة أخت عبد الباسط"

-"أها مالا"

-"وحاتك قالت مريم دي ما بتخلي عبد الباسط ألا يمشوا لي فكي"

-"فكي"

-"أي وهسة قالوا الليلة ماشين فريق الفلاتة الوراني عشان يطفشوا عبد الباسط ده منك، هو العرس متين يا مريم"

-"بعد أسبوع"

وهربت من إلحاح "حبوبة بتول" وصوتها يلاحقني

-"يا بتي كان في قسمة خلاص، إلا عاد كان ما في قسمة دخانك ده يبقى بندق في بحر ساكت"

هربت منها وأعرف أن موضوع دخاني سيكون بمثابة خبر جديد ستنتقل به "حبوبة بتول" بين أذان نساء الحي، لا يهم، أدلف إلى ذلك الزقاق الضيق الذي سيخرج بي إلى تلك الفسحة أمام السوق، خطواتي أحس بها خفيفة، نادراً ما أخرج في الصباح ولكن هذا الصباح كانت بي رغبة حارقة في الخروج، لابد من البحث عن الشيخ "مصطفى الدرويش" غيابه عن مملكة الأحلام أصابني بنوع من القلق، لا احتمل هذا الغياب خاصة وأن الشيخ "مصطفى الدرويش" يمر بهذا التحوّل إضافة إلى أن وجوده في عقد قراني أمراً له وقع خاص عندي، لذلك قررت أن أبحث عنه، كنت أمسع أنه لم يعد يتجول كعادته لذلك قررت أن أذهب إليه في منزله بحي "العصاصير" خرجت من ذلك الزقاق إلى تلك الفسحة متجهة إلى السوق، لا بد من عبور السوق حتى أصل إلى حي العصاصير، أحس بخطواتي تمتكل نشوتها الخاصة وأنا أقترب من السوق، حركة الصباح في السوق تشعرني باستمرار الحياة، زحمة زنك الخضار الحميمة، الأكشاك الصغيرة المرصوصة في الجانب المقابل للجزارة، عربات الكارو التي تقودها الحمير تربط بين أول السوق وآخرها منتقلة بأصناف مختلفة من البضائع تحمل وتفرغ ويتجه بعضها إلى "السوق البرة" أحس بالعيون تتابعني وأنا اقترب من الجزارة، كنت أريد أن أسال "حمد الجزار" عن الشيخ "مصطفى الدرويش" لعله يعرف شيئاً عنه، أقتربت من تربيزة "حمد" استقبلني ببشاشة معلنة.

-"خطوة عزيزة يا مريم"

-"أزيك يا حمد"

-"مرحب بيك يا مريم، عايزة لحمة"

-"لا أبداً"

كان "ود النصيح" يقف أمام تربيزة "حمد" فاحتج بصوته الواهن قائلاً: "ما تمشيني يا ولدي"

-"كدي بايع جدك ده أول"

كان "ود النصيح" قد تجاوز السبعين لكنه كان لا يتخلى عن حيوته مطلقاً.

-"أها يا جدو، طلباتك"

-"أديني أوقتين ضأن"

ابتسمت أنا وقررت أن أتابع هذه المبايعة ذات الأصداء القديمة، لا زال "ود النصيح يتعامل بالأوقة هو الآن في حالة خرفه ذلك الطريف، يتعامل بأسعار قديمة، أسعار الأربعينات، مسجون في ذلك الزمن القديم، يتعامل مع كل الأسواق بأسعار ذك الزمن والغريب أنه يتملك عملة ذلك الزمن يتعامل بالمليم، يقال أنه كان يدخر تلك العملة القديمة بدفنها تحت شجرة مهوقني كبيرة في منزله، وقد أخرج ذلك الكنز في لحظة تجلي وأصبح يتعالم بتلك العملة القديمة في سوق البلدة، يدفع بالمليم في زمن أصبحت فيه الأسعار بالجنيهات وأجبر "ود النصيح" و"حمد الجزار" الذي يحاول أن يجد موازنة بين معيار "الأوقة" القديم ومعيار "الكيلو"، بعد أن جهز "حمد" طلب "ود النصيح الخرافي، أدخل "ود النصيح" يده في جيبه وبأصابع مرتجفه بفعل الزمن وتلك الشيخوخة التي يحاول أن يتمرد عليها أخرج مبلغ ثلاثة ملاليم وأعطاها لحمد الجزار الذي أخذها منه قائلاً: لكن يا جدو، الأوقة ما بقت بي مليمين" وهنا صرخ "ود النصيح" في وجه "حمد" الجزار مشهراً سبابته المرتجفة في وجهه.

-" يا ود أنت حرامي ولا شنوا، متين بقت الأوقة بي مليمين، الأوقة بي مليم ونص فقط.

-" وحمل "ود النصيح" لفافة اللحم ووضعها داخل تلك القفة القديمة وتحرك بخطوات مرتجفة بينما شاركت "حمد الجزار" ضحكته تلك الحميمة وابتعد "ود النصيح" عن الجزارة متجهاً إلى زنك الخضار بملاليمه تلك وبخرفه ذلك الذي سجن ذاكرته في زمن قديم.

-"أكتر زول مُروق في البلد دي هو جدك "ود النصيح"

-" والله مُروق، هسع يا حمد الملاليم دي بتعمل بيها شنو؟"

-" ما مشكلة، هو ما بشترى اللحمة إلا مني وبعد ذلك بحاسب أولادو، أولادو متفقين معاي على كدة"

-"قلت ليك يا حمد، قريب ده شفتا الشيخ مصطفى الدرويش"

-"لا ده اختفى من السوق خالص ما قاعد يجي ليهو زمن"

-" يعني كان مشيت بيتم في العصاصير بلقاهو؟"

-" والله يا مريم علمي علمك"

-" طيب مع السلامة"

مررتُ بكشك المرطبات الذي كان يعمل فيه "علي" لازال الكشك مغلقاً، عاودني ذلك الإحساس الكثيف بالفقد، كنت حين أتى إلى السوق لابد أن أمر بـ"علي" كان هذا المكان تضج فيه الحيوية، ها هو الآن تسيطر عليه الكآبة، حين اقتربتُ من صف الدكاكين لمحني "جاد المولى" واعترض طريقي بوقاحته الأزلية، يبدو أنه سمع بمشروع زواجي من "عبد الباسط" نظر إلى بقسوة قائلاً:" ما كنت عارف يا مريم أنك بتكرهيني للدرجة"

-" هسع إن شاء اله تكون عرفت"

وأزحته من طريقي وتجاوزته متجهة إلى الشارع الضيق الذي سيؤدي بي إلى حي "العصاصير"، تركت ضجة السوق الصباحية خلفي، أحس بخطواتي متلهفة إلى لقاء الشيخ "مصطفى الدرويش" ذلك الكائن الشفيف تُرى هل سأجده؟ سبق أن زرته في هذا البيت، عاودته فيه حين كان مريضاً بالملاريا، له غرفة بعيدة عن باقي الغرف في البيت، يبدو أنه كان منعزلاً عن أفراد أسرته المكوّنة من والدته المقعدة بسبب الشلل وأخته الوحيدة العانس وأخيه "محمدين" مع زوجته وأولاده "محمدين" هو الذي يدير تلك العصارة التي تركها لهم والده "محمدين" ترك الشيخ مصطفى الدرويش لتهويماته الصوفية ولم يحاول إجباره على العمل في العصارة، كانت العلاقة بينهما حميمة أو هكذا أحسستُ بذلك حين زرته.

اقتربت الآن من حي "العصاصير" وتستقبلني روائح المكان الخاصة، رائحة السمسم المعصور وأصوات جمال العصارة تلك المنهكة والمختلطة بأصوات العصارة نفسها، أدخل في زقاق ضيق وأدلف يميناً إلى حيث يوجد بيت الشيخ "مصطفى الدرويش" أنقر بأصابعي على الباب، تفتح لي طفلة صغيرة هي بنت "محمدين" أدخل إلى الداخل، أرفع صوتي بالسلام تخرج "رقية" أخت الشيخ مصطفى العانس من الغرفة القريبة إلى الباب، تبدوا عجفاء ويابسة الملامح تعتصرني يدها المخشوشنة بالسلام.

-" اتفضلي"

وأدخل معها إلى الغرفة تجلسني على السرير، تتفحصني بنظرات فيها من الفضول ما يكفي لارتباكي، تخرج من الغرفة، أتجول بنظراتي حول الغرفة تدخل "رقية" حاملة كوب ماء، قبل أن أشرب أسألها.

-"مصطفى موجود"

-" مصطفى أخوي سافر الصعيد"

-" متين"

-" قبل أربعة أيام"

-" إنشاء الله خير"

-" خير"

-" مشي لي غرض يعني ولا"

-" والله يا هو سافر إلا ما قال لينا غرضو شنو"

-" ما قال بجي متين"

-" كان ما جاء الليلة بجي باكر، أنتي مغروضة فيهو؟"

-" والله طوّل ما جانا، قلت أشوفو مالو"

-" كتر خيرك"

-" ممكن أخلى لي وصية، يلقي عندك ورقة وقلم"

ونهضت رقية مدهوشة وبحثت عن ورقة وقلم وجاءتني بقلم رصاص وكراسة قديمة، نزعت منها ورقة وكتبت عليها:

الشيخ مصطفى

تحياتي وودي

لماذا هذا الغياب؟

أسمع عنك أخبار غريبة

حضرت إلى منزلكم وعلمت أنك

سافرت إلى الصعيد

سأتزوج عبد الباسط

لابد من حضورك

احتاج إليك

اختك مريم"

طبقتً الورقة ومددتها إلى "رقية" التي كانت تنظر إلىَّ بدهشة لا توصف

-" لمن يجي أديهو الورقة دي"

وهممت بالوقوف كي أخرج وخرجت "رقية" من دهشتها لتقول لي

-" هي عليك النبي أفطري معانا"

-" معليش، مشواري طويل"

-" هي ما الفطور جاهز، عليك النبي كان تقعدي"

ولاحقتني بإصرارها ذلك الحميم حتى خرجت.

في عودتي عبرتُ السوق، اشتريتُ بعض الحاجيات، كانت الحركة في السوق قد هدأت قليلاً وحين خرجت من السوق إلى تلك الفسحة تكاثف في القلق على الشيخ "مصطفى الدرويش" ضجت في ذهني التساؤلات، كنت أرغب أن أعرف ما الذي حدث له، ما سر هذا التحوّل الذي سمعت عنه، خطواتي أصبحت هامدة بعض الشيء وأنا أعود دون أن التقي به، في طريقي إليه كنت أحس أنني أركض نحو رغبتي في اللقاء به وها أنذا أعود بخوات هامدة ودون أن التقي به ترى هل سيعود؟

عبرت الفسحة ودخلت في ذلك الزقاق، في منتصفه قابلني "حسب الرسول" شقيق "عبد الباسط" الأكبر قادماً من الجهة الأخرى بدراجته وحين وصلني نزل من على الدراجة وقذف بها على الأرض واندفع نحوي، صارخاً في وجهي.

-" شوفي يا مريم، أنا مشيت ليك في البيت، أبعدي عن عبد الباسط ولا ما حا يحصل"

-" أنت مالك هايج كدة"

-" والما بهيجني شنون، شوفي يا مريم قصر الكلام عبد الباسط مصر يتزوجك ونحن في البيت البيت كلو رافض العرس ده ولو ده حصل نحن حنتبرأ منو، لا هو مننا ولا نحن بنخضو، عشان كدة أنا جيت أقول ليك ما في داعي للزواج ده ما معقول يا مريم الموضوع ده اتحسم زمان تاني الرجعو شنو؟ دي حكاية غريبة".

أزحته عن طريقي وتجاوزته، لكنه ظل يلاحقني بالشتائم والصراخ حتى أن أبواب البيوت على جانبي الزقاق قد فُتحت وأطل منها، الفضول الذي احتل عيون الذين على تلك الأبواب وخاصة عيون النساء، لم أهتم بصراخه وشتائمه وهو يتابعني وأنا أعبر ذلك الزقاق، أعبر الفضول القاتل، خرجت من الزقاق و"حسب الرسول" يقود دراجته خلفي ويشتمني وأنا أمشي، مررت بحاجة "بتول" و"حسب الرسول" خلفي بشتائمه الصارخة وصلت إلى باب بيتي وانضمت "حبوبة بتول" إلى ذلك الحدث وتركت مكانها وتابعت "حسب الرسول" وشتائمه اقتربت مني وأنا أمام بيتي، قذف مرة أخرى بدراجته على الأرض واقترب أكثر مني وأنا ألوذ بصمتي وأحاول أن أدخل المفتاح كي أدخل بيت، صرخاته الشاتمة جعلت أبواب الجيران تفتح ليصبح لهذه المشاجرة جمهور من نساء وأطفال الجيران وبعض العاطلين من الشباب، "حبوبة بتول" تقترب أكثر بتلذذها المعتاد وحين تمادي "حسب الرسول" أكثر وجذب يدي ليسقط المفتاح على الأرض، حاولت أن أتمسك بصمتي وحين صرخ في وجهي قائلاً "شوفي نحن دمنا ما بنخلطوا بدم الخدم والعبيد"

وبقوتي كلها، صفعته على وجهه صفعة قوية حتى كاد أن يسقط مترنحاً على الأرض وحاول أن يرد صفعتي ولكني صفعته مرة أخرى وبقوة أكثر حتى وقع على الأرض وتدخل بعضهم بيني وبينه، التقطت المفتاح من على الأرض وفتحت بابي ودخلت وأغلقته خلفي ولاحقتني شتائمه اللاذعة والصارخة وأنا استلقي منهكة على العنقريب في الراكوبة وأخرجت آهة عميقة من داخلي ضد كل تلك الضجة التي في الخارج.

انتو يا جماعه لو بكرى رفع لوايحو كلمونا...
على العموم شايف بنى جندر بقو هاديين شويه...وأكثر تفهما للعادات السودانيه...
ولا يكون السبب إختفاء روضه؟!
ولا شنو يا تماضر؟
طبعا من المره ديك...انا طرت فد طيره من ها المواضيع..وبقيت زوول كوره ساااااااكت

الزميل ناصر :
البوست ، صحيح حمل همك ومشكلتك
ولكنه إستقطب روح حلوة هايمة في البورد
تميل للنكتة والطرافة والضحك المعافى

أظن تلك الروح -التي لم تدركها للأسف- هي التي رشت ملح على البوست
وجعلته طاعم ولذيذ
يعج بالمتداخلين الظريفين اللطفاء
جميعهم إلا أنت
ردودك رسمية وصادمة وغير منسجمة مع الروح التي إلتقطها الناس
ولم تقصدها

ياريتك تنتبه لذلك
وتعود بردود متسقة مع مزاج المتداخلين في البوست

يا اخوي بيتك ابقى عليهو الف شوفتة السمماسرة اتلموا كيفز.......... كنكش قوي ...

اها يا ناصر الحاصل شنو!!!!

اوعه تكون الحفره المره دى عملته ليك جوه الاوضــه بتعتــك !!


كتــاحــه:

الفقره اتقاسمو الحفره

ناصر


وين انتا!!!

الدخــان اخبارو شنــو !!!

كر عليك انتا

Quote: الزميل ناصر : البوست ، صحيح حمل همك ومشكلتك ولكنه إستقطب روح حلوة هايمة في البورد تميل للنكتة والطرافة والضحك المعافى

الحبيب ابو سندرا
بالتأكيد الأمر كما قلت
وعدت كم مرة على ردود صاحبنا
لكن تذكرة أغنية ود السافل
فنان الشمال الفذ في حقب الخمسينات والستينات القرن الماضي
هذا الأغنية في بساطتها بقت اساس لكثير من الألحان والذين يرغبون في دوزنة ألحانهم والتأليف عليها وزيادتها ، وخاصة ألحان الزونبارة والطنبارة

وهي:

إنتي كلك زينة
وعايمة كالوزينة
ويحفظك مولاك

الجمال يازينة
أصلو ما مخلينا
شايلة روحنا معاك

الدخان والدلكة
في بنات الدكة
خلن عقلي لكة

ومن الزمن داك وناس كتيرة تعتقد اية حاجة متعلقة بالدخان والدلكة بتخلي العقل لكة
والتعرض لمثل هذه الظروف أكيد مثل التعرض للإشعاع القوي الذي يجعل العقل لكة

وصاحبنا ذكر ما تعرض به من جلسات مكثفة وما تلاها من محاولات معرفة ما يجري خلف النافذة التي يحتلها المكيف وينقل ما جاورها من أشياء وتأكده من العملية التنمية في العشة ( الراكوبة)

صاحبنا تعرض لموجات ( أو بثقافة العساكر زخات ) من الأدخنة

هذه الحالة عبر عنها الشاعر:

دوبة أدخنت يا دوبة
ودوبة مرقت قاعدة في الراكوبة
البت أم ضميراً محزز زي قزايز الكوبة
خلت قلبي أنا زي مكنة فوردة في البادوبة

طبعا السواقين والمساعدي ( زي حضراتنا) بعرفو مكنة اللوري الفورد كي ( السفنجة) كيف بتعمل في البادوبا ( الصحراء) .. تولول .. تئن .. تتلوى .. تناتل.. تناتق
وكلما تهدر يجيها الجازولين
والمساعدية طربانين في تندة اللوري وشغالين غنى
أحرك الجازولين ولا بابور جاز

الجازولين ولع لي يلا أحرقو

ولا يهمك يا حبيبنا
حتى لو كشر ولا اتلكلك عقلو فكفك وبقى سيامي
نكتنا ما بنخليها

ها جنا ها
انا واحد من الناس الدخان ده بعمل لي جن عديل كده
عندي واحد صاحبي ( طبعا سوداني للطيش ) و كمان امه مشلخه عاش حياتو كلها في بريطانيا و هو ود اسرة عرس سودانية من المربين في المهجر وصيتو بالدخان جاني بعد كم يوم نبذني قال لي ياخي ده شنو البتعملو فيني ده اولا تقوم تاكلنا المرارة و الكمونية و تانيا تقوم تخليني اورط المدام في الحاجة الكريهة دي .
المهم لو انتا من حزبنا قوم عرس طوالي
لو من حزب صاحبي المتبرطن ارحل احسن ليك

المسافر:
يا لذيذ يا كمساري يا سواق
سواق دي معناها في الخليج شين
بيوديك في ستين داهية
انا ماعارف ليش الدواهي محددة بالستين ؟

على قولك حانركز على الجانب الأخر في البوست
جانب الونس اللذيذ والسوالف ونضحك ملء أشداقنا
وحتى تبين نواجزنا

وصاحبك اليحل مشكلتو بي طريقتو

قت لي الخان الكتير عمل ليهو لكة ؟
لا ياااخ

هسع يا المسافر في الذ من إقتراح أحمد عبدالله
بأن : { دفق ليها شطة في الحفرة }
مرة صاحبي هاشم كرار عمل فيكس أبو شطة داك
قال لي كانت بتعك فيهو زي البتعك في عيونها من الشطة

ديل ناس لذاذ و
ضارين

catalytic converter

The catalytic converter is located in the middle of the exhaust system to remove the harmful elements from the exhaust gases.
The harmful elements in the exhaust gases include CO (Carbon Monoxide), HC (Hydrocarbons), and NOx (Nitric Oxides).

الاخ ناصر

اظن ماعندك اى كلام بعد ماتقنع جيرانك انه يركبوا النظام دة فى حفرتهم
ممكن تستعين بصديق من ناس الهندسة الميكانيكية اوالكيميائية يساعدك فى التركيب

وانشاء الله النتيجة ح تعجبك واحتمال بدل دخان يطلع ليك HUGO BOSS

أحمد التجانى

بــــــوب
قلت لي فوائد الدخان شنو؟؟؟؟



(وجه برئ وداير يعرف)

Ahmed Mohammed Osman

here is

Quote: اليك فائدة حكت لي صديقة عزيزة جدا ما افضلها عليك في خريف 98.. ونحن جلوس في طرف الاكزام هول حكت فقالت: في بتاع دكان في بري الدرايسة كان شادي ليهو قدرة فول اها اليوم داك من دون الايام الفول كمل بدري والناس لسع بتطلب قام صاحبنا سريع سريع جاب فول تاني وختا القدرة في الكانون .. اها فتش فحم مالقا.. فتش غاز مالقا.. فتش جرايد مالقا.. اتحير يشد القدرة دي بي شنو.. فتش يمين شمال قام خشا البيت يفتش مالقى اي شي غير الطلح حق المدام .. قام يازول جاب الطلح ده رصاهو تحت القدرة وولع النار.. بعد ربع ساعة يامان القدرة دي بقت حمراااااااااااااااااء اها بعد شوية قام في زبون جا قال ليهو ممكن بلاي تدينا فول بي الفين جنيه؟؟ قام صاحبنا شال الكمشة عايز يدخلها يغرف ليهو بي الفين قامت الكمشة ابت تخش...

ابت عديييييييييييييل
كان كدي الدخان ليهو فوائد جمة يا هذا
بلاي ادا الكمشة راس تفكر بيهو وتقرر انها ما تخش
ولا ادي القدر راس تفكر بيهو وتقرر انها ما تدخل الكمشة تاني؟؟؟؟
عجب

Quote: ابت عديييييييييييييل كان كدي الدخان ليهو فوائد جمة يا هذا بلاي ادا الكمشة راس تفكر بيهو وتقرر انها ما تخش ولا ادي القدر راس تفكر بيهو وتقرر انها ما تدخل الكمشة تاني؟؟؟؟ عجب

انتا كــدى جرب اعمل ليك قدره وكمشه ..وشدهم بى فحم ..لمن الفحم اكمل

قوم جيب ليك طلح وشد القدره بيهو ..لو الكمشه خشت تبقى المشكــله؟؟؟









فى الطلح بتاعك

نوريك تسوي شنو


غطي نخرتك



او



غطي قدحك

الموضوع اتطور اوي

الاخوة الاعزاء

ها قد جاءني الفرج اخيرا وعدت اتنفس هواء نقيا وتمتعت اخيرا بجودة هواء المكيف ، ففي هذا اليوم المبارك توقفت جارتي عن حرق أطنان الحطب التي كانت تاذيني يوميا بعد ان تحدثت إليها خالتي وقد تاسفت لي بشدة وتعذرت بأنها لم تكن تدرك مقدار الضرر الذي يصيبني من جراء تدخينها المتواصل كما قطار البخار .

ولا يسعني هنا الا ان أشكر كل من وقف بجانبي لمؤاذرتي ونصحي بالحلول المناسبة كما اتاسف جدا أن كنت قد احتديت مع احدكم في هذا البوست .

ولا أراكم الله دخاناً في مكيف لديكم .


ناصر خليل

Quote: ولا أراكم الله دخاناً في مكيف لديكم .

لا بل ارانا الله دخانا فى مكيفا لدينا ....ونغطس فيهو لى الاخــلاق

Quote: ها قد جاءني الفرج اخيرا وعدت اتنفس هواء نقيا وتمتعت اخيرا بجودة هواء المكيف

حمد الله الف على السلامه...واخيرا فرجت

يا زووول حمد لله علي السلامة لكن بيني وبينك دخانك ده



كلنا جانا



كح كح كح كح


آه ..آه




حمد لله علي السلامة


كح كح كح كح

Quote: الزميل ناصر : البوست ، صحيح حمل همك ومشكلتك ولكنه إستقطب روح حلوة هايمة في البورد تميل للنكتة والطرافة والضحك المعاف

Quote: ردودك رسمية وصادمة وغير منسجمة مع الروح التي إلتقطها الناس ولم تقصدها

لك الود

أخيراً !!!!!!!!!!!!!!!!!!

حمدا لله على السلامة يا ناصر .

إنشالله جارتك بعد دا تقبل علة الخمر والصندل تنهيهم نهاية الطلح دا :

Quote: ولا أراكم الله دخاناً في مكيف لديكم .

دي ما شفتها إلا هسي

الله يديك العافية يا ناصر

أها أنت وخالتك أهدرتو حق الجارة في الساونا
وحق زوجها في الإستمتاع

ما كان ترحل بدل الأذى ده

هسع المرة دي تمشي تدخن وين
والراجل المسكين ده ذنبو شنو تخربو كيفو ومزاجو
ويشم البلاوي بدل الكابريت

!!!!!!!!!!

Quote: والراجل المسكين ده ذنبو شنو تخربو كيفو ومزاجو ويشم البلاوي بدل الكابريت

Quote: ها قد جاءني الفرج اخيرا وعدت اتنفس هواء نقيا وتمتعت اخيرا

ياخي مبروك

أها خلي صدرك واسع كذا سقالة البنطون

وتنفس الصعداء

وأكتب لنا إنطباعاتك بعد الإعتذاريات عساك تفوق النابغة الذبياني

وبالمناسبة دي لو في مستثمر عاوز يعمل ليه مشروع حفر خارج المناطق السكنية ممكن يكون ناجح؟؟؟
ناس عطبرة عارفين منطقة الحفر طبعاً خارج المناطق السكنية


أبو ساندرة العزيز
انت بعد الإرهاب ده برضك تكتب!!