Post: #1
Title: "ونسه" مع قرمبوز
Author: omer ibrahim
Date: 07-28-2004, 05:40 AM
Parent: #0
تعال نتونس .. نحكي .. نقول
نحلم
امكن لمن نحلم .. تصبح شتلة باكر اطول
موش استنيتك؟
قلت لنفسي - و يائس طبعا-
هسسسة بتاوق
بجي متأخر
بجي تعبان
أو بجي متفائل زي ما كان
ساعة و اكتر امكن مرت
..................
يا ربي بجي؟
|
Post: #2
Title: Re: "ونسه" مع قرمبوز
Author: Ibrahim Algrefwi
Date: 07-28-2004, 05:44 AM
Parent: #1
عمر
والله هنا جنس "ونس" وبس
فقط احتملني طالما الارض ضاقت قليلاً
بس امشي واجيك
يا صاحب
|
Post: #3
Title: Re: "ونسه" مع قرمبوز
Author: omer ibrahim
Date: 07-28-2004, 05:59 AM
Parent: #2
موافق .. وراجيك
بس ما تزعل
أو أزعل و اكتب
و نشوفك قريب
عمر
|
Post: #4
Title: Re: "ونسه" مع قرمبوز
Author: Ibrahim Algrefwi
Date: 07-29-2004, 01:00 AM
Parent: #1
يلا يا عميره
اقول ليك
الاصدقاء
هُم هكذا كما اقر محمد صاحبنا "فاضلابي" يقولون لك لاتفعل كذا بعد ان تكون كذا فعلاً قد حدثت.
يعني ما بصير انك تقول لي ما تزعل والدنيا مُتحافه كُلها مع امبارح
والذهاب والاياب متوحد فيّ
لكن شنو
احكي ليك قصة عجيبه جداً
بعد ما تسمع مُنير ده معاي
http://6arab.com/singers/masri/moneer/index.htm
علي فكره
أسمع لي غنية اسمها الجماهير في حُضني
شفت محمد عامل بوست "حلو اذاي"
|
Post: #7
Title: Re: "ونسه" مع قرمبوز
Author: omer ibrahim
Date: 07-29-2004, 06:04 AM
Parent: #4
قرمبا .. خيت اللمبا
-لمبا ترجع بالسلامة وترجع ايامنا الجميلة-
عارف يا صاحب امبارح انا هميت عديييل قلت الزول يا انتحر ولا عمل مصيبة .. كان اجي القي ليك محمد منير وشنو .
لكن ياخ خلينا من فاضلابي و كلامو .. نحنا زاااتو وكت كتب كلامو بتاع الأصدقاء داك ما كنا
بنعرفوا .. ديل اصدقاء تانين .. لقاهم مرة كدة .. لكن ياخ مش برضو اتلوم؟ ياخ عاين جنس الكلام
دا
---------------------------------------
الأصدقاء
الذين يقولون لك يجب بعد ان وجب شئ اخر
يفتحون جراحك بقصد ان يعرفوا اسبابها فقط
ثم لا يغلقونها ابدا
اكثر من يجرح بلا قصد
و اكثر من يعتذر
القادرون على جعل خطواتك ابطأ,اذ عليك أن تتحدث أثناء السير
وهم مهمون لاجل هذا
أن لا يكون لك صديق يعني أن لا تحس بفداحة الأشياء
انهم ملح الحياة
اللهم
اللهم أحفظ لي أصدقائي
---------------------------------------
وقال شنو
اللهم أحفظ لي أصدقائي
فاضلابي دا ود -جمبوطك- ساي
هسة خلينا في المهم .. وريني القلب مالو و انا راجي القصة العجيبه جداً
|
Post: #5
Title: Re: "ونسه" مع قرمبوز
Author: Dia eldin khalil
Date: 07-29-2004, 04:57 AM
Parent: #1
يا ناس داير لي معاكم حبة ونسة....
تكون فيها كوارع و ام فت فت و شطة حأأأأأأرة....
اها كيف معكم؟؟؟؟
|
Post: #6
Title: Re: "ونسه" مع قرمبوز
Author: omer ibrahim
Date: 07-29-2004, 06:00 AM
Parent: #5
ضيا
سلام .. انت وينك يا شاب؟
ياخ مرحب بيك شديد .. لكن انت متأكد انو دي ونسة بس الفيها الحاجات القلتهم ديل؟ نحنا ونسة -
ام شطة وفت فت - دي زي صعبة كدة في المنبر دا .. ولا شنو؟
حبابك ... وقول كلمنا
|
Post: #8
Title: Re: "ونسه" مع قرمبوز
Author: Ibrahim Algrefwi
Date: 07-31-2004, 03:52 AM
Parent: #1
الف
الف
الف وردة ياعمر
ياعزيزي
وحبيبي ومشتهي "اشواقي"
ولكن قد يحدث قريباً
|
Post: #9
Title: Re: "ونسه" مع قرمبوز
Author: omer ibrahim
Date: 07-31-2004, 04:04 AM
Parent: #8
بحصل قريييب
|
Post: #10
Title: Re: "ونسه" مع قرمبوز
Author: Ibrahim Algrefwi
Date: 08-01-2004, 00:50 AM
Parent: #1
عمر انته بس عارف انو انا ماقادر اتنفس حتي
لكن "ونسك" مُهم علي اقل تقدير بالنسبه لي
لاتقطع عني
فانت تبهج روحي
|
Post: #11
Title: Re: "ونسه" مع قرمبوز
Author: omer ibrahim
Date: 08-01-2004, 04:43 AM
Parent: #10
*
|
Post: #12
Title: ونسه مع قرمبوز
Author: omer ibrahim
Date: 08-01-2004, 05:09 AM
Parent: #11
داير اتونس ..
ياصاحبي معاك وبيها اهترش
ياخ .. طيبة طيابة
البت ياصاحب
__________________
اه بس لو كنت معاي..
ما كنت .. بخطط مرسال شوقي اليك مكتوب
__________________
!!عارف عندها
لما الدنيا تخت في كتفي .. سنة وتلتين
اهو دا العمر ابتدا يادوب
مش بتبالغ؟؟
|
Post: #13
Title: Re: "ونسه" مع قرمبوز
Author: Elmosley
Date: 08-01-2004, 05:22 AM
Parent: #1
حلوه ياعمر
اها جا ولا ماجا
|
Post: #14
Title: Re: "ونسه" مع قرمبوز
Author: omer ibrahim
Date: 08-01-2004, 05:53 AM
Parent: #13
ديشااااااك
قرمبوز الحق......
الونسة دي دردقت لينا موسيقار كبير شديد و عندو (مازيستيرييين) كبار.
موصلي
ابراهيم طوالي بجي متأخر .. بس شغالين الكديس و الفار
....
تشرب شنو؟؟
|
Post: #15
Title: Re: "ونسه" مع قرمبوز
Author: Ibrahim Algrefwi
Date: 08-02-2004, 02:09 AM
Parent: #1
عُمر
أنا طبعاً ماخد عين سوداء
والروح مصابة بطقس ردي جداً , وهناك اشياء انته تعلم اطرافها تقطعُ في روحي قطعاً جائراً الي درجة انني انذف كم من الاحاسيس والانفعالات غير المبرر اطلاقاً..!
mute
دبريشن يا مان
ولكن
مجرد وجودك في مكان ما يكفي لمذيد من الحياة
__________
الراجل شرب شنو
دردقو دردقو يغني لينا
|
Post: #16
Title: Re: "ونسه" مع قرمبوز
Author: Ibrahim Algrefwi
Date: 08-02-2004, 02:14 AM
Parent: #1
عُمر
أنا طبعاً ماخد عين سوداء
والروح مصابة بطقس ردي جداً , وهناك اشياء انته تعلم اطرافها تقطعُ في روحي قطعاً جائراً الي درجة انني انذف كم من الاحاسيس والانفعالات غير المبرر اطلاقاً..!
mute
دبريشن يا مان
ولكن
مجرد وجودك في مكان ما يكفي لمذيد من الحياة
__________
الراجل شرب شنو
دردقو دردقو يغني لينا
|
Post: #17
Title: Re: "ونسه" مع قرمبوز
Author: dreams
Date: 08-02-2004, 04:38 AM
Parent: #16
يا عمر
صاحبك دى بياااااااااع ما تشوفو كده
راس ماله مس كول
قال اصحابى كتار قال
|
Post: #18
Title: Re: "ونسه" مع قرمبوز
Author: طلال عفيفي
Date: 08-02-2004, 07:30 AM
Parent: #17
ما لك يا ابراهيم توجعك روحك ؟
أهي البنت .. رحلت عنك مخلفة لك حربا ضروس من الذكريات ؟
معليش يا صاحب ..
فجمالنا ليس عاليا , و ما فينا لم يعد يليق بهؤلاء الصبايا ..
هن أجمل وأعلى ..
لكننا أرحب ..
.............
دع عنك حزن المودعين,وشهفوفة المنتظرين :
أركب , وسافر ...
تدحرج في العالم , وخليها على الله ..
و لا تنتظر أي شي ..
انغمس في الحاضر ..
و ليلا .. ابحث عن ونسه خفيفه مع الحنين ..
................................
|
Post: #21
Title: Re: "ونسه" مع قرمبوز
Author: omer ibrahim
Date: 08-02-2004, 08:17 AM
Parent: #18
طلال
ياهذا المجنون .. بالكتابة وعشق سعاد و الاسكندرية.
اما من شيء يخلفنه باهمال غير الذكري؟
تركت كل شيء ........ كل شيء مرتب ..
الا القلب با صاحبي.
يوما قالت :
انهن آتيات من كوكب لم نأت نحن منه .. فتعجبت .. الأن تغادرني الدهشة ..
Quote: دع عنك حزن المودعين,وشهفوفة المنتظرين :
أركب , وسافر ...
تدحرج في العالم , وخليها على الله ..
و لا تنتظر أي شي ..
انغمس في الحاضر ..
و ليلا .. ابحث عن ونسه خفيفه مع الحنين .. |
عارف يا طلال كلامك دا ذكرني بصديق يذكرني بكتاباتك وحكاياك العجيبة ..
يسرد قصصه كما هي قرأتك .. هو ايضا بضع ملاذ .. وونسة روح مليانة مع الحنين
B]
|
Post: #32
Title: Re: "ونسه" مع قرمبوز
Author: Ibrahim Algrefwi
Date: 08-03-2004, 05:14 AM
Parent: #18
طلال
لأول مرة "زعلان منك"
انته كمان توجعني!؟
موش عرف أنو مُحتاج ليك "شويه كمان"
طلال حرام عليك يابا
رُد لي روحي
"رد لي قلبي وحذائي"
وانته عارف اذاي
________________________
شيرين اكثر الماً من ذي قبل
البت الذي "اللذة"دي
بس "نخاف عليها كثيراً
"لا يا حبيبي"
ما بنخافش
__________________________
في -ألف 22 عن السيرة وكتابة السيره الذاتيه
الجامعه الاميريكيه قسم الادب النجليزي والمقارن
ت-3575107
شوفو تاني_______________________________
لو حيتجي برجاك
|
Post: #19
Title: Re: "ونسه" مع قرمبوز
Author: omer ibrahim
Date: 08-02-2004, 07:45 AM
Parent: #17
احلام بالانجليزي
منورة الونسة بوجودك .. لكن عليك الله للدرجة دي الراجل بياع؟
(نص) كول ؟؟ ولا كول كامل كمان. والله مشكلة.
بعدين يا دريمز
| Quote: صاحبك دى بياااااااااع |
انت من اندهم ولا أيه؟
|
Post: #20
Title: Re: "ونسه" مع قرمبوز
Author: طلال عفيفي
Date: 08-02-2004, 07:57 AM
Parent: #19
ياعمر ..أنا كنت عايز أدخل عليكم من زمن , لكن ما عارف الكان بيحصل
شنو كل مره..
قرمبوز ده أنا اتعرفت عليهو في ظروف ( دراماتيكيه ) , ثم أصبحنا أصدقاء سوء
بسرعه نحمد عليها الله . غازلنا عدة شوارع معا .. وتجرعنا سيرة كذا بنت بنفس
الاخلاص ..
..................
و انت يا عمر ..
ماذا عن الدنيا عندك ؟
زمن طويل ولم أرك ..
..................
قولا لي يا عمر وقرمبوز :
في القاهره والدول المجاوره يحلق صوت بنت اسمها "شيرين" ,
هل سمعتوها ؟
أفيدونا
طلال
|
Post: #22
Title: Re: "ونسه" مع قرمبوز
Author: omer ibrahim
Date: 08-02-2004, 08:18 AM
Parent: #20
شيرين
آآآآي بالحيل
*********************************************************************
لو كنت معاي..
ماكنت دخرت عذاب الشوق ..
مرتااااااح
وكنا رسمنا سمانا لطيف
بي ريشة حب .. و علبة الوان
تختاري الأزرق
و أقول ليك:
لا أبيض
و تزعلي مني
و لمن تزعلي .. الومني و أبكي ..
و أقول ليك:
أزرق
و تقولي:
خلاص .. رضيت بالأبيض
ما أصلك انت دروب السماء شقيتا و انت العارف
وأنا ان لونت السماء بالأبيض أو بالأزرق ..
كلو حلو
طالما الراسم انت حبيبي ..
حتكون الرسمة جميلة بجمبك.
وطالما سماها غتاك وغتايا
.. أزرق ..ابيض
أهو في الآخر
كلو سمايا
ياخ طيبة طيابة البت يا طلال
*********************************************************************
|
Post: #29
Title: Re: "ونسه" مع قرمبوز
Author: omer ibrahim
Date: 08-02-2004, 09:10 PM
Parent: #20
ود عفيفي ... طلال
لا ادري لما يعشق قرمبوز الدراما حين يلتقيك؟
برررااااااحة و مافي زول يسمع .. فاضلابي .. هذا اللعين .. والمشحون بنثر العبير .. اهداني
معرفتة .. احبه انا الآن أكثر لذلك.
19 ديسمبر مساء ذلك اليوم .. و لمدة دقيقة .. بتصدق؟؟ دقيقة كاملة
بس تاني لم ار الا صورته المنبرية .. لم يتح لنا الزمن الا ان نتبادل الاتي:
* مبرووووك وهو يقلدني بشوشا جدا
** الله يبارك فييييك
* ما عرفتني؟ وضحك
ولم اعرفة فصورة سودانيز لم تكن قد وجدت لها مكانا في السيرفر بعد.
لم يترك لي فرصة ان اتذاكي .. فاردف
* قرمبوز ياخ
** لا حولاااااا ,,, انت ابراهيم صاحبي دا؟؟
****** مبروك ******
تأتي أرتالا و يختبيء قرمبوز - صاحبي - و لكنما ثمة حبيبة نحكيها و وطن
قرمبوز .... عجيب ذلك الطيف . لم تدركه نفسي و انما وددت لو.
Quote: و انت يا عمر ..
ماذا عن الدنيا عندك ؟
زمن طويل ولم أرك .. |
وانا يا طلال مسااااافر .. تعبت
احب سؤالك عني ..
زيورخ تلفظني في شهرين و أعود لجمة وونسة عصرية مع أم سلمة بت الصديق و حفل لعقد
الجلاد .. بهي ..
و لأحزم نيتي و حقيبة و حب .. غربا
امازال بيتكم جميل جدا كما كان؟
هل القهوة مازالت ممعنة في طقسها ذلك الذي أعرفه؟
قول كلمنا
|
Post: #25
Title: Re: "ونسه" مع قرمبوز
Author: dreams
Date: 08-02-2004, 01:22 PM
Parent: #19
اندهم ونس وهمسة
|
Post: #28
Title: Re: "ونسه" مع قرمبوز
Author: omer ibrahim
Date: 08-02-2004, 08:23 PM
Parent: #25
دريمز
وحات الله ..... بس
المهم ........... فاهماني انتي؟
ياخ أقول ليك كلام ..........
ولا أقول ليك ................ قولي انتي
|
Post: #23
Title: Re: "ونسه" مع قرمبوز
Author: mohammed alfadla
Date: 08-02-2004, 09:55 AM
Parent: #1
انتو بقروكم دكتوراه ولا شعر
دين أبااااااك
عمر؟
ده شنو يا أبو الشباب
|
Post: #27
Title: Re: "ونسه" مع قرمبوز
Author: omer ibrahim
Date: 08-02-2004, 08:20 PM
Parent: #23
زاتو
_____________________
و اناشيد
و حاجات تاني كتار
_____________________
و محاربك
بس
|
Post: #30
Title: Re: "ونسه" مع قرمبوز
Author: omer ibrahim
Date: 08-03-2004, 02:47 AM
Parent: #23
*
|
Post: #24
Title: Re: "ونسه" مع قرمبوز
Author: omar_ragab
Date: 08-02-2004, 11:17 AM
Parent: #1
no comments
|
Post: #26
Title: Re: "ونسه" مع قرمبوز
Author: omer ibrahim
Date: 08-02-2004, 08:13 PM
Parent: #24
Dear Omar
Thanks for stepping by
let´s see you more often
Let me ask you something, please click on my profile and let me know how to get in touch with you
Omer
|
Post: #31
Title: Re: "ونسه" مع قرمبوز
Author: Ibrahim Algrefwi
Date: 08-03-2004, 05:02 AM
Parent: #1
أصدقائي كالنجوم بايهُم اغتديت أهتديت
تعرف ياعُمر
انته وطلال ديل اصدقاء الطفولة ومعاكم بت كمان اسمها (شذي)
-علي فكرة ياطلال-أنا شُفت زينب بت بيلا- وانا احب ان اكون داخل اشياءكُم لان اشيائي مُتعبه
عايز اجي احكي
وابكي واشكي
واكضب واهزر واضحك واضحك
هنا ياعمر
لكن
وااااااااااااااااااااي
مـــــــــــــــــــن
الجواااااااااااااي
عُمر او طلال
او دريمز او فاضلابي او اي واح(كُلكم بوجه واحد بروحي)
النجدة
سأموت
"والله العظيم"
* ملحوظه
(يلعب عُمر هذي الايام دوراً مُهماً لبقائي في الارض فهو احد ورودها واحجارها !)!
|
Post: #33
Title: Re: "ونسه" مع قرمبوز
Author: omar_ragab
Date: 08-03-2004, 06:07 AM
Parent: #1
SALAM ALL
I DID hbibna Omer
got bakri email
any way
my email is
[email protected]
luv ya bRoTHA
GREETINGS 2 UR NICE family
|
Post: #34
Title: Re: "ونسه" مع قرمبوز
Author: Dia eldin khalil
Date: 08-03-2004, 06:27 AM
Parent: #1
hi ya shabab,,,
wallahi alla yedik al 3afia ya 3omar ya lami al shabab
al wanasa ma 3agrmbooz gabat agma al shabab
tilal 3afifi altaf wa akter zoool mohazab bi kl hdoooo2 al donia
wa kaman alwalad al bi3ani min waga3a l as7ab (alfadlabi)
sadigi al bashtag laiho akter min al moiaa
>>>>>>>>>>>>>>>>>>>>>>>>>>>>>>>>>>>>>>>>>>>
dair a7i laikom grmbooz malo al aym di
grmboooz bisba7 fi ba7ar
fi gameee3 al itigahat
wa ma 3areeef yemal shno
7asi ino kl al doni gasdaha wa 3amla laihooo 7agarat
<<<<<<<<<<<<<<<<<<<<<<<<<<<<<<<<<<<<<<<<<<<<<
ya rab sa3eed grmboooz wa 7ilo zai ma 7alait al fageer min al dain
>>>>>>>>>>>>>>>>>>>>>>>>>>>>>>>>>>>>>>>>>>>>>>
ana asif ya shabab lani bakteb bilo3'at al chiata zai ma bigolo
lakin al kitaba bel 3arabi shoia sa3ba 3ali
winto as7abi kan ma ista7maltoni al bista7malni mno ana????
|
Post: #35
Title: Re: "ونسه" مع قرمبوز
Author: طلال عفيفي
Date: 08-03-2004, 03:15 PM
Parent: #34
أين رأيت بت بيلا .. وكيف , أرجوك أكتب لي التفاصيل الممله حتى لو
على الايميل.. يا ابراهيم
....................
يا عمر هل انت جاي السودان فعلا ؟؟
لو ده حصل هيكون كويس , ممكن نعمل لينا عصابه .
نسمع موسيقى , نتبادل أفكار ونمائم خفيفه ,
يا سلاااام دي هتكون أيام زي الطحنيه . ربنا يقرب البعيد ..
....................
أنا الليله اتفرجت على مسرحية " أحلام شقيه " التي كتبها
سعد الله ونوس المدفون بدمشق . كانت عجيبه , الديكورات هايله
والمسرح موزع كويس جدا ..
وكان في بنت اسمها كارولين خليل , بتمثل , فارعه , وما أدراك
ما الفارعه ! جميله وعندها شامه تحت شفايفا .. وجسد أسطوره ..
بس , بعد كده توجهت على خماره و تناولت شوية منكر كي أجلو هذه
الروح . .
وتحياتي
طلال
|
Post: #36
Title: Re: "ونسه" مع قرمبوز
Author: طلال عفيفي
Date: 08-03-2004, 04:48 PM
Parent: #35
البنات :
مكيدة الخالق ..
الليلة سهرت مع " فرح " , بنت على كيفك وذات جمال مبرح ,
هي أساسا من الاسكندريه مسقط هواي .. لمن غادرتها حسيت اني
نسيت عيونها جواي .
..................
أمتني اللهم عشاقا
واحشرني في زمرة العاشقين
يا الله
طلال
|
Post: #38
Title: Re: "ونسه" مع قرمبوز
Author: Ibrahim Algrefwi
Date: 08-04-2004, 10:02 AM
Parent: #35
طلال
لأول مرة "زعلان منك"
انته كمان توجعني!؟
موش عرف أنو مُحتاج ليك "شويه كمان"
طلال حرام عليك يابا
رُد لي روحي
"رد لي قلبي وحذائي"
وانته عارف اذاي
________________________
شيرين اكثر الماً من ذي قبل
البت الذي "اللذة"دي
بس "نخاف عليها كثيراً
"لا يا حبيبي"
ما بنخافش
__________________________
في -ألف 22 عن السيرة وكتابة السيره الذاتيه
الجامعه الاميريكيه قسم الادب النجليزي والمقارن
ت-3575107
شوفو تاني_______________________________
لو حيتجي
|
Post: #37
Title: Re: "ونسه" مع قرمبوز
Author: Ibrahim Algrefwi
Date: 08-04-2004, 10:00 AM
Parent: #1
اها شفتو كيف
هكذا يبتدر "ماو" الونسه
علي فكرة هذا الماو من اصول شايقيه ذات صلة ذهبيه بالونسه والحكي والتمويه بعض الشئ _لذا كان يمسك ائماً بي قبل الغرق_ وانا احن اليه بشكل يومي " ربنا يحفظو"
................
طلال
"بت بيلا لقيتها وبس "ماينفعش كده ياحبيبي "
بس لما تيجي وأنا" احكيلك علي الجري "
وبندهلك
عُمر
عاين عايز اسمع معاك عميري
لو أتاخرته
!!!!!؟
ضياء
شنو يا "مان" فيك من يكتُم سر
الخميس "كيف"
...............
...............
عارفين "يعني أنا دائماً بنجح اصحابي معاي واخص -أُسامه عباس بود وتحايا- بنجحو في جرفي لاوهامهم وحكاياهم
............
............
............
علي كُل اسه انا علي مواعيد "سمحه" وبكره في قصة مهمه جداً
وتحياتي
|
Post: #39
Title: Re: "ونسه" مع قرمبوز
Author: mohammed alfadla
Date: 08-04-2004, 10:21 AM
Parent: #37
عليك الله يا قرمبا يا خيت اللمبة
أسامة عباس وينو
تلفونو
ياخ أنا بحبو لا حولاااااا
أها البوست ده يا عمر بقى بشبه لي معهد جوتة ولا الفرنسي ما عارف
أنشا الله يقوم ليك شاعر في صلعتك دي ذاتو
ضياء والله وجع الأصحاب في حالو ذاتو
ومعاهو وجع روح
وألم في المحبرة
أسمع ما مشتاقين ياخ
طلال
ياخ المنكر ده
ممتاز!!!
|
Post: #40
Title: Re: "ونسه" مع قرمبوز
Author: omer ibrahim
Date: 08-04-2004, 01:01 PM
Parent: #39
قرمبوز
انت مفرهد ولا انا غلطان .. قول ما تخاف
*******************************************************
ضياء
بالله خلي الكي بورد بتاعك دا يتكلم سوداني.
*******************************************************
دريمز
انت نمت؟ ساه؟
*******************************************************
طلال وفاضلابي ..
قال تعالي:
بِسْمِ اللّهِ الرَّحْمنِ الرَّحِيمِ
قُلْ يَا أَيُّهَا الْكَافِرُونَ(1) لاَ أَعْبُدُ مَا تَعْبُدُونَ(2) وَلاَ أَنتُمْ عَابِدُونَ مَا أَعْبُدُ(3) وَلاَ أَنَا عَابِدٌ مَّا عَبَدتُّمْ(4) وَلاَ أَنتُمْ عَابِدُونَ مَا أَعْبُدُ(5) لَكُمْ دِينُكُمْ وَلِيَ دِينِ(6)
صدق الله العظيم
*******************************************************
بكري أبوبكر
اديك العععععععععافية
*******************************************************
مطرة .. و أحمد ربشة .. و شوق .. و أصحاب
يااااااااااربي
*******************************************************
|
Post: #43
Title: Re: "ونسه" مع قرمبوز
Author: dreams
Date: 08-04-2004, 10:22 PM
Parent: #40
سباهك هير يا عمر
جنس تراوة هى لكن
دعاشة سااااااااااقطة باقى مطرة امس ..تستاهلكم
قرمبوز
اتصلت عليك امس ....بس خلاص عرفت الحاصل عليك...حالة سعبة
فاضلابى وطلال ...سلامات كتارات
تسلمو
|
Post: #41
Title: Re: "ونسه" مع قرمبوز
Author: mohammed alfadla
Date: 08-04-2004, 03:01 PM
Parent: #1
أسمعني يا ود حلتنا
هسع قرمبوز ده في شمبات
كاتبو براو مالك يا...
والله أظنكم دايرين المشاكل
|
Post: #42
Title: Re: "ونسه" مع قرمبوز
Author: طلال عفيفي
Date: 08-04-2004, 06:32 PM
Parent: #41
ماشي يا عمر ..
ولكم دينكم يا خوي ..
بس أوع تعرض في الحله ..
.......................
ابراهيم : " قرمبوز " :
مالك تدس الونسه وتدخرها للنحيب الليلي ..؟
.......................
أرأيت يا فاضلابي كيف يعاملني هؤلاء الأولاد ..
معليش ..
بكره أرجع و معي الحكايات وشرايط سعاد حسني , ونشوف ..
( على فكره مقعدك شاغر ) .
.......................
ضياء :
اعتقد أن في جيناتي 98 جكايه .
أنا في الطريق ..
رش النجيله ,
مهد الدرب ..
طرطق ودانك ..
و ...
اصبر حبه ..
........
أخوكم في الفضاء الطلق
طلال
|
Post: #59
Title: Re: "ونسه" مع قرمبوز
Author: omer ibrahim
Date: 08-05-2004, 05:17 PM
Parent: #42
الجندرية
علي الحلال شرفتي .. لكن بس ضحكتيني بي اماتنا الولدننا بعد ما مرقتو دي .. اها دحين اكان بتعني
ناس dreams و قرمبوز و طلال و فاضلابي و ضياء ديل .. عوجة واحدة مافي لكن كمان اكان دخلتيني
البطن دي .. الله يسامحك .. ولا اقول ليك كلام .. والله يكون يديك العافية عدييييل.
|
Post: #44
Title: Re: "ونسه" مع قرمبوز
Author: الجندرية
Date: 08-04-2004, 11:09 PM
Parent: #1
غايتو حلاة وليدات وبت
الله يسامح اماتكن الخلننا مرقنا من السودان حتى ولدنكن
|
Post: #45
Title: Re: "ونسه" مع قرمبوز
Author: Ibrahim Algrefwi
Date: 08-05-2004, 02:20 AM
Parent: #1
صباح متورد جداً
بعدين الليله الخميس "مُبهج بطبعو"
اتمني لكُم جميعاً من الاوقات اجملها
..............
..............
بسمع في عميري ده يعني "فرح فرح طفولي .
والحب يا مناي الوان
............
............
طيب "أكلك منين يا بطة"
ماش..! كُلكم اولاد-وبنات "قمريين"
.......
.......
أُسامه عباس يا فاضلابي لسه وسيم ومُهم ومازال يفعل بي الاسئلة
وهو "من غير تلفون ومن غير ايميل لكن حنضرب ليك سوا بلجمعه.
أي خدمة...عايز سبب امشي بيه "بيتكم" الفي شمبات ده. رسلني لجدو اقول ليه اي حاجه , عليك الله
عليك الله "ارعي" دائماً مُبتسم
........
........
عُمر
سراً " افرهد زول " بي شوفتك وأُمي
تعرف يا عُمر أنا لامن يجي الليل حق امدرمان داك وفي الحوش بستعين ب"القمر" وبعض من الغمام الخفيف , هذا لمحاربة نفسي وانحباس الروح في "زول" فاطلقها لتطول القمر , اها لامن يكون مافي قمر اليوم داك او انطر انوم جوه"الاوضه" لظروف مُتعلقه بالمناخ او الضيوف او ساي
فاستدعي القمر من كُراسه شعريه غالباً لدرويش . او من روح "عميري,مُنير ,الكاشف, محمد أحمد عوض ,فيروز, الفلاتيه, تريسي ,ابوداؤد , وهم كثُر مروجي الاقمار,
الا ان اجمل الاقمار كان "ابن وجهها الفصيح"
أما في حاله عميري فالاقمار تختلف فلا قمر سواه
فالراجل "ده" صوته ابن ناس بصحيح
.
.
.
.
أسه عايز اقول ليك شنو
ايوووووووووااااا
بريخت كيف معاكم
أقول ليكم عنه شعر
(.....
الحديث عن الاشجار
يعُد جريمة اذا كان يعني
السكوت عن جرائم ابشع
.....)
تاني
(.... هل يغني الشعُراء في ألاذمنةُ الغاتمةُ المرة
نعم : يغنون غناء غاتماً مُراً
..........)
والعهدة علي التراجم
|
Post: #46
Title: Re: "ونسه" مع قرمبوز
Author: Ibrahim Algrefwi
Date: 08-05-2004, 02:42 AM
Parent: #1
نصائح عادية لمُتعة "مــأ"
أنصحكم بالمرورمن هنا
معرض تشكيلي
وكمان من هنا عشان "القلب يعمر شويه"
شخصيات جديرة بالحب
ومن هنا عشان خاطر "الحال الوطني"
مر القطار .. يا مراويد والبقية
وتعالو تاني
.........
.........
كُنا بنقول شنو
ايوه
دريمز "تعرفي غُنية بالحاصل بي انتي عالمه"
اتصلت بي عديل كده
كضابه,, لا حولااااااا . حظ بقي
خلاص بمشي الحال
بس اشوفك "سريع"
.............
............
طلال
اسمعني " لو بتشوف ايهاب عبدالحميد سلم عليه واخبره بانه يكتب القصة القصيرة بطريقه "شابة" وعرفة كثيراً وبس شويتين وارسل ليك تصور "نقدي " جاد جداً للقصة بعنوان القاهرة.
طلال
شُفت "نجلاء" صاحبتك ... بتكتب كيف , وبتختفي!!؟
ضياء
الزول ده جاي "سجمنا"
أماني
بُصي ع الايميل
شفتي كيف
فيك من يكتُم ال"سر"
وربنا يماسكنا بيك اكتر
وبوسة عالية لهبو
|
Post: #47
Title: Re: "ونسه" مع قرمبوز
Author: Ibrahim Algrefwi
Date: 08-05-2004, 03:46 AM
Parent: #1
كدي شوفو
الجمال المنهوب ده
ياخ دي بلد قاسية قساوة
Halfa .... Halfa .... Halfa
وزع وزع وزع
كانت الارضُ لنا
وستبقي
|
Post: #48
Title: Re: "ونسه" مع قرمبوز
Author: Dia eldin khalil
Date: 08-05-2004, 05:40 AM
Parent: #47
سسسسسسسسسسلام يا شبابنا الحلوين بلا منازع..........
عمر.... صديق لطيف زي النسمةما لاقيتك لاكن متمني شديدالقاك في قعدة شمباتية طبعن كلكم عارفييين لمن يكن في شباب زي الزهور و في بحري اكيد بتبقي الدونياممرجحة علا سلم do rai me
...........................
ما احلاها ادنيا كان جا فاضلابي بي طريقت المعرووووفة بيقل (يا ضياء انا ود حبري"بحري بل رندك"
حبري ....حبري ابراهيم طلب
حبري.....حبري المؤسسة
حبري ....حبري الجمري يا
,,,,,,,,,,,,,,,,,,,,,,,,,,,,,,,,,,,,,,,,,
كل عادا نجي كاششششششششششين اانا قرمبوزمعانا (حزيفة عمر) نقعد نسمع شبكة بيقل يشغل قلبي حبك علا مررررررررررر الزمااااااان
الامان الامان............
احححححححححححححححححححح
غايتو
نسوى شنو
,,,,,,,,,,,,,
يا طلال القعدة دي اوعا تفتك
نكلم غاندي يجيب الفلوت و يجي يصفر لينا و كمان ببو الهادي الديع يعزف لينا في الجيتار
,,,,,,,,,,,,
يا شباب كلكم معزومين القعدة دي
و متين يا ربي تاني تلمنا....
قرمبوز اانا مشتاق ليك ياخ
|
Post: #57
Title: Re: "ونسه" مع قرمبوز
Author: omer ibrahim
Date: 08-05-2004, 05:13 PM
Parent: #48
ضيا
و الله انا مشتاق القيك كيف .. لا حولااا
بعدين هبشت ليك ناس ان بحبهم حب ..
و اصحابي صحوبية ..
الله يسامحك بس.
ياخ تقول لي ببو و شبكة و غاندي في الليل دا ..
داير تلحسني ولا كيف انت؟
يا خوانا امسكوا ضيا دا مني .. بعوقوا ليكم
|
Post: #49
Title: Re: "ونسه" مع قرمبوز
Author: mohammed alfadla
Date: 08-05-2004, 09:24 AM
Parent: #1
أنا داير أقول لي كلام كده لكين ما عارفو شنو بالظبط
أوووووووووف
ما هو شوفو بقى يا شباب
لازم الموضوع ده نلقى ليهو حل
يا قرمبوز الغين والقاف
الغيييين والقاااااف
والزين والذال
بلا تراجم معاك بلا كراع
طلال شايفهم،خليهم للأيام
سيبو الهوا بجيبوا زي ما قال الشاعر
وبعدين(غرفتك لازالت شاغرة،والزجاجة التي سنقتسمها والهم والكتب والشرايط التي ستضيعها وتعتذر!!)
ضياء بطل المكاواة
أحسن ليك،براهو الواحد قلبو واجعو
عمر أنشا الله يا ود البروف....
بس أصبر
أحلام أبراهيم ده
ما تضربي ليهو،حيحصل ليك الحصل لي
الود ده النوع البيكسر
الجندرية
منورة
|
Post: #50
Title: Re: "ونسه" مع قرمبوز
Author: dreams
Date: 08-05-2004, 12:57 PM
Parent: #49
يكسّر الملح يا فاضلابى
|
Post: #51
Title: Re: "ونسه" مع قرمبوز
Author: omer ibrahim
Date: 08-05-2004, 04:06 PM
Parent: #50
هوي يا ناس ازيكم
|
Post: #55
Title: Re: "ونسه" مع قرمبوز
Author: omer ibrahim
Date: 08-05-2004, 04:58 PM
Parent: #51
قرمبوز
بهجة يوم الخميس ما عندك لكن .. حرفك منور .. بق
عارف يوم الخميس في اوروبا و الدول الطاعمة ما بفرق كتير عن باقي الايام العادية .. الا بالبهجة
التي تصدرها اقلامكم و لحن الخميس بتاع عمك تنقو و تمبس.
المهم بهجتي تواصل السريان الي يوم الجمعة (خير يوم خرجت فيه الشمس) في اوروبا !!!!
|
Post: #52
Title: Re: "ونسه" مع قرمبوز
Author: Amjed
Date: 08-05-2004, 04:10 PM
Parent: #1
الونسه دي كلها مدوره و انا ما جايب خبر
ديششششك اتاري الناس العجايز ديل مرات ونستهم بتكون لزيزة
انا ما لي دعوى لكن حاجر لي بنبر و اقعد اتونس معاكم و ما حامشي حتى لو همشتوني
اها حجونا كدي و يا قرمبوز ما تكتب بالحبر السري عشان نخش في الخط
|
Post: #53
Title: Re: "ونسه" مع قرمبوز
Author: mohammed alfadla
Date: 08-05-2004, 04:21 PM
Parent: #1
عمر يا
وين شتاقين على خفيف كده
أمجد أعمل حسابك الأولاد ديل بعوقوك
وتجيك عاهة مستديمة زي العندي دي
أحلام
سمح!!!!
|
Post: #56
Title: Re: "ونسه" مع قرمبوز
Author: omer ibrahim
Date: 08-05-2004, 05:01 PM
Parent: #53
الفاضلابي
Quote: عمر يا
وين شتاقين على خفيف كده |
العجب أخوك يا منقة
عارف امبارح .. اتذكرت يوم الجمعة .. البيت .. العربية .. الصلاة .. كتكوت .. المعرض ..
عبودي .. الفاضلاوي .. الدافوري .. الفرنسي .. الالماني .. الهولندي زاتو .. المتحف .. الشلن ..
شبكة .. دانجيو .. عقد الجلاد ..
أي فرح عندي لم تكن فيه؟
مالك ما بتضرب لي؟
يوسف مات؟ اها وتاني لما الخرطوم يعاين ليلا فيك .. يوسف حا يكون نايم؟
متذكر عندما غنوك .. هؤلاء المجانين؟
ياسلااام يافاضلابي .. يا سلام
انا احزم .. انوي العودة قريبا .. بي شوق و بعض شجن .. وحب كبير .. و اصدقاء كثر ..
حديثون .. اود ان اشاركهم امسيتان و لحن و امل .. اجيب ليك معاي شنو؟
*******************************************************************************
عارف انا زرت معرضك التشكيلي مرات عديدة .. و كنت داير اقول ليك :
اناااا بري انو .... يعني الشاهد في الواقع .. و اللون في لوحة الفاضلاب .. والجزيئة .. وعمق
الرتابة في اللوحة دي .. ما انت عارف اخوك (عفن) في قراية اللون .. صاح ولا لا ..
عليك النبي قول؟
*******************************************************************************
|
Post: #58
Title: Re: "ونسه" مع قرمبوز
Author: omer ibrahim
Date: 08-05-2004, 05:16 PM
Parent: #53
طلال المجنون ود عمك عفيفي يا..
عارف محبوبتك (اسكندرية) رأيتها مرارا و انا طفل .. كانت جميلة في ملابس البحر .. مستلقية
لتكتسب لون البرونز بفعل الشمس المتوسطية ... تلك اللطيفة .. كانت بهية وذات ليل حاشد بالعشاق
و الحنين و المسرح.
احس ان نضجا اصابني بعد تلك السنين سيجعلني ادرك جمالها اكثر ..
فحروفك عنها - اغراء - واضح اللهجة و يحرك في شوق .. قديم.
ليتني اراها ثانية .. قريبا ..
جاادي انا يا طلال.
|
Post: #54
Title: Re: "ونسه" مع قرمبوز
Author: Amjed
Date: 08-05-2004, 04:47 PM
Parent: #1
يا محمد هم الجماعه ديل
بعضو
|
Post: #60
Title: Re: "ونسه" مع قرمبوز
Author: omer ibrahim
Date: 08-05-2004, 05:22 PM
Parent: #54
امجد
ياخ نحنا كائنات اليفة و وديعة .. خالص.
نعضيك كيف يعني ..
بس انت تعال لي جوة و قول كلمنا المنظر شنو؟
|
Post: #61
Title: Re: "ونسه" مع قرمبوز
Author: طلال عفيفي
Date: 08-05-2004, 05:54 PM
Parent: #60
ابراهيم :
ورد في الأثر : خميسك ولو تبيع قميصك ..
............
ما كان من أمر أني توجهت الى النادي اليوناني ..
ايهاب انسحب بخفه من المجلس وذهب الى مرقص .
حنان حكت لي عن الاسكندريه ( احنا كنا ساكنين في
عماره وجارتنا كانت روسيه , طبعا كان في أرمن وأغاريق
كتير , أنا جدودي أصلا من كريت , الجزيره اللي في
عرض البحر دي , هم كانوا قراصنه وتجار مخدرات ,ولمن
الجماعه الاتراك استولوا على الجزيره , راحوا طالعين
على الاسكندريه ....).
وقالت لي عن الكبير ( عبد الناصر ده كان شديد , محدش
يعرف يقول له لأ أبدا .. هو بس "الجريتلي"اللي كان وزير
ماليه وقتها هو اللى عملها .. عبد الناصر ده أنا بحبو
كده في التاريخ , يعني في الكرامه ...)
ثم لمعت عيناها ( ده أكبر دون جوان في التاريخ ) ..
..........................
..........................
سلكت عدة أزقه , وعبرت كذا شأرع ..
ابتسمت وأنا أتذكر مقولة وضاح شرفي حين أسأله عن خميسه ,
كان يقول : الخميس ده بتاع العوام, نحن بنكتل الكتله يوم
التلات .
..........................
أقول قولي ده , واستغفرالله : لي ولكم ..
طلال
|
Post: #62
Title: Re: "ونسه" مع قرمبوز
Author: طلال عفيفي
Date: 08-05-2004, 06:11 PM
Parent: #61
الى ابراهيم( مع الرأفه )
.................
................
أربعون قافلة ..
عبرت دمك الوحيد , عاطله
عن الأغان .
المشارق ,
والبوصلات .
وضللها الصهيل .
.......................
هل بُحت , في رئةِ السمراء ,
بأغانيك الغجريةِ
ورجولةٍ منسيه
على أعتاب البلاد ؟
......................
هل رددت , على مسمعها الصبي ,
سيرة من هجروك ..
( من أسرجوا الخيل أمامك و أنت كسيح )
ولملموا , في البرد , الخيام ؟
.....................
أم غازلت ياسمينها
وتركت قصتك
( لتحكيها في زمانٍ قادم ) ؟
....................
طلال
|
Post: #63
Title: Re: "ونسه" مع قرمبوز
Author: طلال عفيفي
Date: 08-05-2004, 09:32 PM
Parent: #62
عارف يا عمر ؟
جميله هي , تلك التي تدلي قدماها في المتوسط , الاسكندريه
أو زي ما بيسميها حبايبها " ماريا " ..
بس فضيحة المدن الساحليه .. أن الناس يشوفون فيها البحر
والكورنيش ..
لكن الاسكندريه عندها حياتهاالداخليه العميقه , فيما لا يخص
البحر .. دروب تفوح برائحة البن البرازيلي .. ومطاعم صغيره
يجلس خلف كاونتراتها أغاريق في نهايات العمر ..
................
................
عوده الى البحر :
كنالما يجيء الليل .. ويرتفع الموج , نتحرك من على المقهى
صوب الساحل , يكون الناس قد غادروه .. والرياح تهب قويه وعفيه
من الشمال .. تحط قافلتنا الرحال على الرمل .. معنا عود وكم
قزازه كده فضلة خيرك , بنلم, كنا, الخشب بتاع أقفاص الحمام
والفواكه ونردمه على الشاطيء ونولع نار ضخمه ونقعد نغني ونرقص
ونشرب .. كنا نفتتح بأغنية "البحر بيضحك ليه " ..
وكانت هذه الFire Night تقام كل أربعاء .. في الشاطبي على البحر ..
................
................
من جهة أخرى ..
أمجد خايف ليه ؟؟
................
................
|
Post: #64
Title: Re: "ونسه" مع قرمبوز
Author: طلال عفيفي
Date: 08-05-2004, 10:00 PM
Parent: #63
وحشتينا يا سوسو ..
|
Post: #66
Title: Re: "ونسه" مع قرمبوز
Author: Ibrahim Algrefwi
Date: 08-06-2004, 00:32 AM
Parent: #64
طلال تأملتُ هنا
احزان "ذات صلة بالرسُل بعض الشئ
|
Post: #65
Title: Re: "ونسه" مع قرمبوز
Author: Ibrahim Algrefwi
Date: 08-06-2004, 00:31 AM
Parent: #1
الِ النبي سلينا
وبما انكُم هنا "شوفو معاي العذاب ده"
حلفا دغيم
أنا من رأي سرباً من الحشرات يصطاد القمر
شفت "البشر" جاءو ليمتعو ام ليغرقوا العهدة علي من سكت
اشري وقطعه من الجنة والعياذُ بالله
شُفت اذاي
الفا قديمه ولا بيروت
انال دينك يا ابود
قرأت لكم عن حكيم نوبي
"ان التراب هو التراب والسماء هي السماء
هي تحت الماء
والبنات "البنات ياطلال" كما الارض والسماء والسلام والسنابل
ودمهم علي من
اللهم اجرني في مُصيبتي
ولكني اعلم علم العافين بان لاخير منها مادُمت حيا
...................
...................
أسف للسيرة "الموجعه " بس نحنه اصحاب
|
Post: #67
Title: Re: "ونسه" مع قرمبوز
Author: معتز تروتسكى
Date: 08-06-2004, 00:39 AM
Parent: #65
العزيز omer ibrahim
سلامات يارائع ..
ياخلاصة الخير الفى الناس ..
وترياق الزمن المتعافى ..
امبارح عصفورتك
ركت فى البال..
رقصت وادت عصفور
الريد شبال...
وطارت من قولة كر
ما الزوله النهر العصفوره
بحرض فى كلاب الحر..
بعد الكولن القصير ده ..
ممكن اتونس مع قرمبوز ولا الخطوط مشغوله..
|
Post: #69
Title: Re: "ونسه" مع قرمبوز
Author: Ibrahim Algrefwi
Date: 08-06-2004, 00:47 AM
Parent: #67
معتز
نحنه اصحاب بما انك هُنا
ومشيت معانا كم مشوار كده
............
..............
اسمعني في كم زول ..وزوله بسألوني منك هو منو وصاحب منو ووين
|
Post: #70
Title: Re: "ونسه" مع قرمبوز
Author: معتز تروتسكى
Date: 08-06-2004, 00:55 AM
Parent: #69
قرمبوز كان كده بتونس معاكم ..
كان فى كم زوله بتسال ..
مع حفظ حقوق الكم زول...
قرمبوز عندى معاك ونسه كتيره
وجاييك بى تقلى
للمشاوير العصيبه البيناتنا ..
والذكريات ..يالحزين..
كم اشتاق ان احضنك وابكى ..
فقط الى ان احن سفرى ساواصل معاك .
لى وش الفجر وبيناتنا الثبات...
|
Post: #72
Title: Re: "ونسه" مع قرمبوز
Author: omer ibrahim
Date: 08-06-2004, 03:22 AM
Parent: #70
تروتسكي
ياخ و الله انت كويس كيف؟
|
Post: #68
Title: Re: "ونسه" مع قرمبوز
Author: Ibrahim Algrefwi
Date: 08-06-2004, 00:40 AM
Parent: #1
امجد
تعال تعال ديل "غير مؤذيين بالمرة"
بس ربما من احزان "وحنين"
ولكنها ستبسُم
انته لو بتحب العصفورة شرق النيل المُسماة بحري ...عوجة ما بجيك!!
___________
___________
ضياء
عمر
فاضلابي
طلال
دريمز
جملة اولياء النحت وسابقين الحواس بركعة
طلال
ايه الاستوكي ده
كيف تورد "هو في شنو" الشعر ده لي انا ولا انا الكتبتو ولاشنو ولا مُبالغة
عموماً مازال الحنينُ الي اشياء غامضةُ
..............
جُملة بلاد المُفرحين في القلب رغم الغلب والكتاحه
..............
اسمعو "حكي عن "بحري كيف"
او عاطف خيري الذي يُكلم النهر
..............
اسمعوني طيب
واحد يضرب لي تلفون
|
Post: #71
Title: Re: "ونسه" مع قرمبوز
Author: omer ibrahim
Date: 08-06-2004, 03:21 AM
Parent: #68
انا ضربت التلفون دا في نص قلبو ... لكن ابا لي
|
Post: #73
Title: Re: "ونسه" مع قرمبوز
Author: omer ibrahim
Date: 08-06-2004, 03:25 AM
Parent: #71
يا ايها الناس
اعترف اليكم الآن بعشقي
ياناس انا محتاج للصحبة البتخلي طريقي وريف
و تقصروا جدا حد النسمة ,,
تعالوا واملوا البوست الان الوان فرحة و اشواق ..
احب اقلاما هنا .. ليتها تأتي علي عجل أو مهل .. و تشخبط كم كلمة
شقرور .. ابنوس .. ايمان .. تروتسكي .. الطيب ب(ش + ر) ير .. جبرالله عصام (صاحبي زمان) .. بت التوم نجلاء الكتابة .. مراويد .. واخرين من دونهم .. لا اذكرهم .. لكنما
أحبهم ..
و القلب أعلم
عمر
|
Post: #74
Title: Re: "ونسه" مع قرمبوز
Author: Amjed
Date: 08-06-2004, 05:58 AM
Parent: #1
هوووووي يا عمر انت شكلك قاعدي بالصلعه ولامن تتكلم عن عدم الاذيه تبقى مشكله
قرمبوز لطمئن فانا امدرماني حاصل على الجنسيه البحراويه بتغيير الاقامه
فغردبانفصاح ( انفصاح دي ما فيشا في لسان العرب )
|
Post: #75
Title: Re: "ونسه" مع قرمبوز
Author: Amjed
Date: 08-06-2004, 05:58 AM
Parent: #1
هوووووي يا عمر انت شكلك قاعدي بالصلعه ولامن تتكلم عن عدم الاذيه تبقى مشكله
قرمبوز لطمئن فانا امدرماني حاصل على الجنسيه البحراويه بتغيير الاقامه
فغردبانفصاح ( انفصاح دي ما فيشا في لسان العرب )
|
Post: #76
Title: Re: "ونسه" مع قرمبوز
Author: omer ibrahim
Date: 08-06-2004, 07:09 AM
Parent: #75
يا أمجد
حرام عليك .. يعني (الجلحات) اول ما تبقي جادة طوالي بس تتهموها زورا بالصلع؟
بعدين دي الموضة كدة يا ود عمك ..
انا كان ربيت ليك شعري بوريك عروض غريبة .. لكن القصة بتبقي خطرة.
| Quote: حاصل على الجنسيه البحراويه بتغيير الاقامه |
دي ماااافهمتها .. يعني عندك التابعية ساي .. ما جواز؟
|
Post: #77
Title: Re: "ونسه" مع قرمبوز
Author: mohammed alfadla
Date: 08-06-2004, 08:20 AM
Parent: #1
أما بعد
لا يغرنك أنتصارك على الجعليين والشايقية
فنحن الملوك وهم الرعية
أنا ما عارف أنا حافظ الكلام ده لي شنو؟؟
|
Post: #78
Title: Re: "ونسه" مع قرمبوز
Author: dreams
Date: 08-06-2004, 01:38 PM
Parent: #77
الجندرية ...حلاوة لبن
| Quote: غايتو حلاة وليدات وبت |
قالو لى دى ونسة اولاد تحت العمود المقعدك وسطهم شنو
ما تجى تتقلينى شوية
تسلمى
|
Post: #81
Title: Re: "ونسه" مع قرمبوز
Author: omer ibrahim
Date: 08-06-2004, 06:04 PM
Parent: #77
....................................
اما بلغك انك حمار .. بتحفظ الحاجات المنسية
هسة الكلام دا نكتوا من وين؟
فاضلابي
حلج التشاؤم فكرتك .. و اتسوك الناموس معاي
اها شنو ليك؟
|
Post: #83
Title: Re: "ونسه" مع قرمبوز
Author: omer ibrahim
Date: 08-06-2004, 06:07 PM
Parent: #77
....................................
دريمز
و الله ونسة العمود .. كان عارفنها سمحة كيف ..
انت و خالتك الجندرية دي كان حا تطالبو انو العمود دا يبقي اسمو العمودة و يتلم فيهو جكس الحلة ..
ياخ و العجب ونسة الدكان .. ياخ و الله انتو في سماحة حاجات فايتاكم
|
Post: #79
Title: Re: "ونسه" مع قرمبوز
Author: mohammed alfadla
Date: 08-06-2004, 03:47 PM
Parent: #1
امكن لمن نحلم
|
Post: #80
Title: Re: "ونسه" مع قرمبوز
Author: معتز تروتسكى
Date: 08-06-2004, 05:41 PM
Parent: #79
عمر
امجد
ابوحميد
وقرمبوز...
هى انتظرونى اسبوعين كده وبجيى اتم معاكم الونسه ..كلها ساعات وتنقطع ونستى يعنى نهاية اليوم ده وتانى ..الله يقطع الغربه وسنينها الفرقتنا وعلمتنا سب الدين
ولا اوريكم اعملوا صمود ..
ياخى انتو مش رائيعين..
بس يبقى سر الدهشة ..فى ما نملكه من روح غاليه علينا وبيناتنا الالفه ..
وحق الصحبه الجد جد..
ودسل نحن والدايرنا بلقانا هناك
ياصحاب..
تلقانا هناك
طالعين من صوت الصدى
ننتشى فى الدهشة
ويكون موال البداية
نهاية والم 00
ترجع صرخة
ويرجع جوفك
مستف بالحمم 00
وحزنك مرق ياوطن
ملفوف فينا
واقف على زمن حلم
مشدود وتر 00
منحوت حجر 00
منسوج بحر 00
وتلقانا هناك
تلقانا فى الايام
تلقانا فى سكة الدمعات 00
يكون انتظارنا
على ضل الساقية والشمعات 00
رجل واحده
قلب واحد
وكلمة ماكلمات 00
وتلقانا هناك
فى نهاية السكة
وكت تصبح هى الخلاص
معانا الناس
ناس ماناس 00
تمد ايديك
تجيك ملانه بالاحساس 00
ديل العود
وهم الفاس 00
ديل الناس
واصل الناس 00
وتلقانا هناك
وتبدا اللقيا هناك
بعيد وقريب 00
حبيبه وحبيب 00
وتلقانا هناك 0
ابوحميد الصور دايره تطلع د...
ناس ابوزر وابوحميد (ناس العقد)
والناس التحتانيه المعاك فى الصوره
يامان
كيف يكون طعم الحياه وتبدا انت فى نهايته...
عمر ..
البوست امانك فى ذمتك ..
وقرمبوز ده طلعوا ...
كملو مره واحده..
امجد مابتوصى ..اكيد وانت شهيد يامجيد..
ويبقا بيناتنا الثبات
ميعادنا لى وش الفجر..
ونلاقى فى الزمن المريح..
لكن شكلى كده بخلى الستيف وبجى اتم باقى الساعات معاكم ..
وانوم فى العربيه ..
الله يجازيكم كان تعملو فينا كده..
و وااااااااااااى شديد..
|
Post: #84
Title: Re: "ونسه" مع قرمبوز
Author: omer ibrahim
Date: 08-06-2004, 06:18 PM
Parent: #80
اسبوعييييين عديل كدة؟
شنو يا تروتا .. ما فهمنا ليك اي حاجة
لكن يا معتز انا طبعا كل يوم بتاوق لي صرخاتك البهناك دي ..
والله بوست مليان و كوراك كيف.
يا شباب عليكم الله امشوا ادوا الصرخات للحياة دي طلة ..
صرخات تستاهل اضنينكم والله
|
Post: #82
Title: Re: "ونسه" مع قرمبوز
Author: omer ibrahim
Date: 08-06-2004, 06:06 PM
Parent: #79
دا شنو دا
الصورة دي حقتي انا .. وحيات الله
و كمان دي حفلة وداعي شبكة و عمار نور الدين و ابوذر و قاسم أمين و ببو و خالد الرضي .
|
Post: #85
Title: Re: "ونسه" مع قرمبوز
Author: Ibrahim Algrefwi
Date: 08-07-2004, 03:04 AM
Parent: #1
_______________
ها أذيكو عاملين ؟ الجماعة كويسين
أقصد بالجماعة (الاروبيين "النرويجين ,السوديدين,السويسرين,المُهاجرين
اولاد بمبا , وكل من جاور ايامكم)
_________________
جابت ليها صور
(ضياءءءءءءءءءءءءءءءءءءءء الدين
صور كيف نعوقهم
ولا نخليهم؟!!
ــــــــــــــــــ
دريمز
خوشي جوه
|
Post: #86
Title: Re: "ونسه" مع قرمبوز
Author: Ibrahim Algrefwi
Date: 08-07-2004, 03:15 AM
Parent: #1
كلمه سر صوب الونس
"معروفيييييييين"
|
Post: #87
Title: Re: "ونسه" مع قرمبوز
Author: معاويه بشري
Date: 08-07-2004, 03:39 AM
Parent: #1
ياصديقي عمر وصديقي هذا كامله الاحساس علي ضوء (صاحب صاحبك ..صاحبك)
ولا كيف ..طبعا في مشروع ونستك مع قرمبوز ,انت وقعت وماسميت ,قلي
كيف ..ايوا انت سالتني ,انا اقول ليك انا لي سنين بتونس مع الراجل
ده مافترتا لانو دا امتاع غريب وكضاب انا لو قلت ليك مامر يوم وانا
مااخدت حصتي من الونسه لانو الونسه مع الفرده دا فيها( قريفه )
ذي قريفت البن شفت كيف ..اها وقعت ولا ما وقعت
في حاجه تانيه قرمبوز دا انا مسميهو الوناس الاعظم ,يعني بعرف يسوق
الونسه بشكل عجيب وشعارو(الونسه اهم من المعيشه)اها انت لوواصلت
في الونسه وحياه النبي تلاقا نفسك في السودان,واها تبقي فيك ونست
يني,اها ياجماعه الخير اخليكم تتونسوا انا عندي مشوار صغير
ياقرمبوز اسمع جيب معاك عمر ونتلاقا يا الانمائيه او اتني عشان نتم
القصه دي
يلا...اسمع معاك كيس ,ولا اقوليك انسي
|
Post: #88
Title: Re: "ونسه" مع قرمبوز
Author: omer ibrahim
Date: 08-07-2004, 03:48 AM
Parent: #87
مالك مع ماو؟
انت ثالث احسن زول في الدنيا
قرمبوز انت الناس ديل بتجيبم من وين
|
Post: #89
Title: Re: "ونسه" مع قرمبوز
Author: Ibrahim Algrefwi
Date: 08-07-2004, 03:50 AM
Parent: #87
فاضلابي
ياخ صورتك دي بتذكرني حاجة كدة ما عارفا شنو ... يارب شنو .. يارب شنو؟
|
Post: #90
Title: Re: "ونسه" مع قرمبوز
Author: omer ibrahim
Date: 08-07-2004, 03:52 AM
Parent: #89
انا غايتو
(صورة) الفاضلابي
دي بتذكرني
(سورة) الفيل
|
Post: #91
Title: Re: "ونسه" مع قرمبوز
Author: Ibrahim Algrefwi
Date: 08-07-2004, 03:56 AM
Parent: #1
ماو "حته واحدة"
تحذير
هذا الشاب قطعه من النضار
سبق وان اخبرتكم عن الشاب "الانيس" ماو "موش كده"
هو ده
Quote:
ياصديقي عمر وصديقي هذا كامله الاحساس علي ضوء (صاحب صاحبك ..صاحبك)
ولا كيف ..طبعا في مشروع ونستك مع قرمبوز ,انت وقعت وماسميت ,قلي
كيف ..ايوا انت سالتني ,انا اقول ليك انا لي سنين بتونس مع الراجل
ده مافترتا لانو دا امتاع غريب وكضاب انا لو قلت ليك مامر يوم وانا
مااخدت حصتي من الونسه لانو الونسه مع الفرده دا فيها( قريفه )
ذي قريفت البن شفت كيف ..اها وقعت ولا ما وقعت
في حاجه تانيه قرمبوز دا انا مسميهو الوناس الاعظم ,يعني بعرف يسوق
الونسه بشكل عجيب وشعارو(الونسه اهم من المعيشه)اها انت لوواصلت
في الونسه وحياه النبي تلاقا نفسك في السودان,واها تبقي فيك ونست
يني,اها ياجماعه الخير اخليكم تتونسوا انا عندي مشوار صغير
ياقرمبوز اسمع جيب معاك عمر ونتلاقا يا الانمائيه او اتني عشان نتم
القصه دي
يلا...اسمع معاك كيس ,ولا اقوليك انسي
|
شُفت اذاي !!!
تعرف ياماو "يابن امي وابن اكثر من ابي" حضورك هنا بدي لون ازرق غمامي , بالرغم من انك تصيبني بحالة يُتم عالية وكمن فقد اخاه الاكبر..
وانته عارف ليه
_______________
سفيت موش
|
Post: #92
Title: Re: "ونسه" مع قرمبوز
Author: طلال عفيفي
Date: 08-07-2004, 08:13 AM
Parent: #91
عارفين ..
بالامس أصابني سهاد يشبه سهاد العاشقين , كما أني أشعر
هذه الأيام بأن عقلياتي مش سليمه , حيث أني وأنا ماشي في
الشارع أبدأ في في مخاطبة كائنات غير موجوده ( بنات على وش الخصوص),
واتمنى من الله تعالى أن يستر .
.............
أمس كانت مريم تغني أغاني الشيخ امام .
كانت ترتدي فستان ( شوال ) أحمر .
المراكب أبحرت يسارا .]
..............
|
Post: #93
Title: Re: "ونسه" مع قرمبوز
Author: mohammed alfadla
Date: 08-07-2004, 03:12 PM
Parent: #1
طلال
الحالة دي متأخرة
ربنا يعينك
مااااااو
أنا مشتااااااق ليك شديد
أبراهيم
ايوة صور يعني حتعمل شنو أكتر من كدة
عامل راسك الكبير ده
ياخ خلاص ذاتو.....
|
Post: #94
Title: Re: "ونسه" مع قرمبوز
Author: mohammed alfadla
Date: 08-07-2004, 04:37 PM
Parent: #1
عمر
صلاة الجمعة الكنت بتمشيها بعربيتي لآنو علاقتي بالمملكة السعودية مش ولا بد
لمن أجي منزلكم العامر بكتكوت أجمل بنات بحري بعد عشرة سنين
و أحسن من يجعل أسامة عبد العزيز الطيب حاج أبراهيم مواطن ساكت في الوقت الحالي
يا عمر
حجة أم سلمة دي ما عندها غدا ترسلو لينا في بلاد برة دي
بعدين
وحيات السودان البيوجع بعد السفر ده
أنا مصاب بخذلان عظيم
أيدكم معانا يا شباب
|
Post: #95
Title: Re: "ونسه" مع قرمبوز
Author: Amjed
Date: 08-07-2004, 07:41 PM
Parent: #1
والله يا جماعه التابعيه ادوني ليها لكن انا ابيت قالو لي اقعد شويه يمكن ادوني القرين قارد
تروتسكي
الصمود زاتو بيسلم عليك من هنا
|
Post: #96
Title: Re: "ونسه" مع قرمبوز
Author: mohammed alfadla
Date: 08-07-2004, 11:20 PM
Parent: #1
أنا مشيت لي بوست كتلني بالضحك
عاملوا ناجي الزبير
أسمعوا دي مقتطفات
مسطول الدكتور قال ليهو ولدك ده «بسنن» قال انا متوقع حاجة زي دي.
مسطول قالوا ليهو : الصينيين بولدوا كل دقيقة طفل .
قال : دا التطور مش زي هنا كل 9 شهور طفل
مسطول جاء جارى بسرعة دقش أمو قالت ليهو : شنو ما شايفني ؟ قال ليها: والله شايفك لكن وين ما عارف؟؟؟؟؟
بعدين عليكم الله شوفوا الجاية دي سودانية كيف يعتي لاحظو للمصطلحات
مسطول عندو قروش محولة ببنك فيصل، جاء سأل الهدف قال ليهو فيصل وين؟؟؟؟
بعدين شوفوا الحالة دي ما غريبة علي
مسطول دخل يدو في مويه نار مرقا لقاها مافي.. دخل رأسو يشوفا مشت وين
المهم الكلام ده كلو هنا
كروريـــــــــــات (2) مسطلة
|
Post: #97
Title: Re: "ونسه" مع قرمبوز
Author: Ibrahim Algrefwi
Date: 08-08-2004, 03:53 AM
Parent: #1
هوي اذيكم شديد
طلال
سر علي بركة اللـه مع مراكبك
وسعاد دي "براحة علينا"
فاضلابي
just wait
عمر امبارح اكلته بسبوسة سمحه شديد لاتشبه باي حال حلويات اوربا
ضياء وينو
أمجد كده موش كويس
|
Post: #98
Title: Re: "ونسه" مع قرمبوز
Author: Ibrahim Algrefwi
Date: 08-08-2004, 04:02 AM
Parent: #1
شباب
رأيكم شنو تشوفي الاحوال دي
شالله ياحسن ...مهدي عامل... وصديقي
كنت عايز اكتب الكلام ده هنا لكن قُلت من الاحسن بره بره
بس اشوفكم هناك
|
Post: #99
Title: Re: "ونسه" مع قرمبوز
Author: معاويه بشري
Date: 08-08-2004, 05:10 AM
Parent: #1
يا صديق عمر ..اذاي الونسه
اها نسيت اقول حاجه افضح ليك صاحبك قرمبوز واشيل حالو انت عارف ياعمر الزول كا مستهبل لدرجه ممتعه , قل كيف ,انت سالتني انا اقوليك ,مره نحن قاعدين في جامعه الخرطوم انا وهو وصاحبا لينا اعمي (كفيف ) اسمو مرتضي اها الونسه سالكه انا اخدت لي سرحه كدا
اسمع ليك صاحبك يقول لي مرتضي وانا طبعا رميت اضاني
قرمبوز:انت عارف يامرتضي انا الامم المتحده دي كان لمت فيني حاتتعبني شديد جدا
مرتضي ليه
قرمبوز :ما انا زولا حلبي يقوموا يغلطوا يقولوا جانجويد
مرتضي بالله انت حلبي وانا عمري دا كولو ما عارفك
ومن ديك صاحبك مرتضي يجي يسال من قرمبوز بهذه الصيغه (وين الولد الحلبي اب عيونا خدر) شوف ليك جنس محن
لظرف طاري حاتم القصه دي بكره نسوي شنو دا السودان ...السودان
|
Post: #100
Title: Re: "ونسه" مع قرمبوز
Author: omer ibrahim
Date: 08-08-2004, 06:24 AM
Parent: #99
قرمبوز ماو طلال و فاضلابي و البقية
اتناسي ودي هنا الي ان آتيكم ثانية ليلا .........
عمر
|
Post: #101
Title: Re: "ونسه" مع قرمبوز
Author: Amjed
Date: 08-08-2004, 09:35 AM
Parent: #1
قرمبوز الما كويس شنو
التابعيه ولا الصمود ولا يمكن القرين قارد
المهم على سيرة مهدي عامل اول امبارح بديت نمط الانتاج الكولينيالي
قبل شويه وصلت صفحه 23 و علي النعمه كان فاهم حاجه الحس المكوه
انا غايتو الكلام ما بيقع و شايف الحكايه بسييييييطه اتاريها فيها بنيويه و كولينيالايه و كلاما كدي غريب
ولا انتو رايكم شنو
عندنا ولد صاحبنا كان في الثانوي عاجبهو حكايه الديالكتيك و الجدل دي خالص المهم كان متذكرين تالت ثانوي (انا عارف عمر نساها نسبه لطول المده و سقط سهوا) في كتاب على ايامنا و ايامكم انتو برضو طبعا مقرر اسمو الجهاد
جابو ليك سوال في الامتحان عن منظور الجهاد في الاسلام
صاحبنا شكلو ما كان ناقش ابو النوم شبكو
من منطلق جدلي ديالكتيكي بحت نجد التفسير لنظريه الجهاد في الدين الاسلامي ترتكز على التناقض القائم ما بين ايه كده و الجزم اللازم للايمان
و هاك يا كتابه
و تصورو بعد دا باصا الامتحان لكن الاستاذ بهدلو بهدله لمن جاء يوزع الورق
|
Post: #102
Title: Re: "ونسه" مع قرمبوز
Author: عاصم الحزين
Date: 08-08-2004, 10:38 AM
Parent: #101
ياللونسه
.
.
.
و
قلت اسلّم
و
هي المتاوقه كل يوم
لكن
احياناً تصاب اليد بحالة حنين للكتابة
او
هكذا افهم الاصدقاء علي شالكة حقل مليء بالونسة المريحه
و
سلام حتي مطلع الامر
|
Post: #112
Title: Re: "ونسه" مع قرمبوز
Author: omer ibrahim
Date: 08-10-2004, 09:49 AM
Parent: #102
عاصم البخيت و سعيد
لم نلتقي .. و ربما فعلنا في زحمة من نشاط الخرطوم المبهج ليلا و لكني قرأتك هنا فألتقيتك .. كثيرا.
ما تتاوق ... بس
جيب احلامك .. وابدأ معانا
رحلة .. ونسة .. و غنوة .. وهمس
أرح راجينك
|
Post: #103
Title: Re: "ونسه" مع قرمبوز
Author: Ibrahim Algrefwi
Date: 08-09-2004, 03:56 AM
Parent: #1
الاولاد ديل مشو وين
امجد بس انا كُنت بقصد "ظبط" مقاس يعني موش كويس يعني كويس
بس صاحبك "الظاهر" أ،و مراوغ من طراو one الله يخليهو ليكم ,بعدين مهدي عامل ده "حسب شوفي" بحتاج هدؤ نسبي بعض الشئ وشويه المام بمحاور التناقض ومقولاته وبس أصبر علي الكتاب حيمتعك ولو ركزت حتقدر تستغني عن "المكوة"
وما طول الغيبة
___________
عاصم مشكور علي "المرور الخفيف" والي مطلع الامر
____________
عُمر هذا الصباح أخذ الضؤ بيدي
أفقت علي حافة النافذة
وشهقت من روعة الاوكسجين
____________
فاضلابي
" اوعه تغير المحطة .! خليك كده "
وورد في "سبيس تون" " سنعــــــــــود بعد قليل" .
______________
طلال
سبق وان اخبرتك عن فتاة سوريه اسمها "هالا محمد" وانو صدر لها عن دار الريس شعر بعنوان "قليلُ من الحياة"
قليل من الصبر يكفي لهذا القليلُ من الحياة!!
علي كلٌ كنت اسبح داخل الكتاب ...رأيت سعاد حُسني علي اكثر من كم مرة
ورأيت "واحد شبهك"
......
بطريقة تانية ياطلال ,,. سمعتُ حكاية عن "الشريف حسين " أيه رأيك واحده بواحدة, تبادلني الحكي عن هذا الشريف
|
Post: #104
Title: Re: "ونسه" مع قرمبوز
Author: معاويه بشري
Date: 08-09-2004, 05:44 AM
Parent: #1
يا جماعه الخير البلقلينا الجنا الاسمو الفاضلابي يلزو لينا السودان
لانو مشتاقيييييييييييييييييين ليهو والله
|
Post: #105
Title: Re: "ونسه" مع قرمبوز
Author: Dia eldin khalil
Date: 08-09-2004, 06:00 AM
Parent: #1
سلامي لي ناس حلويييييين بيصحو الوردة مع الصباح يقولو ليها قومي ادي الناس الندي والعبق........
داير احكي ليكم .......
اول امبارح و انحنا كل عادة قاعديييين فل الفرنسي....
ازا بي سما الخرطوم تجيب الكتاحا الما خمج المن النوع الممتاز....
كل الشباب مشوا في اتجاة السوق العربي خوفا من ما لا تحمد عقباة....
وكنا بين خيارين صعبين يا السترة والمشي السريع يا كمان نقوم نحضر جلست عقد الجلاد في مسرح المشاهد.....
وازا انا وصديقي قرمبوز ناخز القرار التاني ....
لقينا الحفل لسا ما بدا ....
و.....
كنا اسعد ناس في المجرا.....
ياخوانا احنا كنا بنتمشي ونتونس ومرا مرا ندندن ....
في شارع المك نمر...
والمطرا نازلا رززززززززززاز زي غونا فيروز لمن تقول ....
لبيرووووووووووت من قلبي سلام لبيرووووووووووت
و قبل للبحر والبيوت......
والانوار بتترقص مع المطر وتنعكس علا الاسفلت اليوم داك كان بيقول لي كل زول بعييد ماا حن و ما اروع الخرطوم.....
واتزكرتك يا فاضلابي وانت بتقول.....
كل مالخرطوم يعاين فيني ليلا
ويفتح النيل فيني نيلا
ببقي نجمة تايها في اليل و الضلمة....
يا شباب لو في زوول مشي اسكندرية بيكون لاحظ ان البلد ديك فيها ريحة لطيفةمازلت بتزكرا.....
المة الريحا كانت بي نكها سودانيااااااااااااااا
فيها من ريحة المطرة شوية,,,,,
و من ريحة الكسرة ,,شوية,,,,,
و من ريحة الخًُُومرة,,,شوية,,,
و زي ما قال قرمبوز
قال لي الجو دا وقع من الجنة بدون قصد....
و فجاة جانا حنين الكون اتكوم و اتمنينا لو كونتو معانا....
الفاضلابي...
عمر ....
طلال...
ماو...
نادر...
و كل الشباب....
يا ريتكم لو معانا....
...............................
امجد مرحب كبيرة فاضلابي دا م خوفك احنا عشاق ونسة واصحب كان ما مصدق اسال؟!
,,,,,,,,,,,,,,,,,,,,,,,,,,,
طلال خلي الحركات دي و تعال.....
,,,,,,,,,,,,,,,,,,,,,,,,,,,,,,,
فاضلابي بديت حرب الصور مش؟؟؟؟
ارجا الراجييييك يا اخوي......
,,,,,,,,,,,,,,,,,,,,,,,
الراجل الممتز جدا عمر عبد العزيز ياخ انا سمعت اجمل خبر انك جاي قريب و شايل الفرح بس كلمنا عشان نجييك فالمطار......
,,,,,,,,,,,,,,,,,,
الست احلام عشرات حبابك سلامات.........
يلا لي بكرة
بيني و بينكم انا بقيت مدمن ليل البست دا....الونسة ما سمحة كمان
و
من الخرتوم سلام
|
Post: #106
Title: Re: "ونسه" مع قرمبوز
Author: معتز تروتسكى
Date: 08-09-2004, 10:07 PM
Parent: #105
SHBAB SLAAAAAAAAAAAAAAAAAAAAAAAAAAAAAAAAM
IM HER
|
Post: #107
Title: Re: "ونسه" مع قرمبوز
Author: omer ibrahim
Date: 08-10-2004, 07:41 AM
Parent: #106
بوست الونسة مع قرمبوز ..
و ما أدراك ما الفتي!
لمذيد من شحن الحنين و تغذية الخيال و للسرد السمح - كما البنات - تكرموا بالضغط هنا
شالله ياحسن ...مهدي عامل... وصديقي
و لحكاية طويلة لألق لم يعش طويلا .. تعالوا للدوحة هذي فتفيأوها
الوقتُ ...لرسمِ عصفُورِنا العزيز العميري..!
و لقرمبوز -العجيب- كل واحد منكم يذودني بوردة .. سريعا .. قبل ان ينل الذبول منا
.. هيا.. هيا
|
Post: #108
Title: Re: "ونسه" مع قرمبوز
Author: omer ibrahim
Date: 08-10-2004, 08:30 AM
Parent: #107
حكايا كثيرة تجوب بخاطري حين تلوحوا
|
Post: #109
Title: Re: "ونسه" مع قرمبوز
Author: omer ibrahim
Date: 08-10-2004, 08:46 AM
Parent: #108
فاضلابي
يذكرني همسك بالمغني ..
<<< شبكة >>>
كان الفتي - حفظه الرب - ايام طفولته متوهج العينين في ذكاء و بضع فضول ..
ان تقنعه بأن الوقت للنوم يعني عنده
الوقت لحشد ملايين الاعذار ليبقي متيقظا .. و ينعم بالجلوس قليلا و ربما مشاهدة التلفزيون
الذي يساور الأطفال شكا انه يصير اكثر تشويقا و اثارة حين تأتي ساعة نومهم ..
عجيب كيف يقاومون النوم .. و تنويمه كان مهمة جد شاقة ..كان حين كان أصغر .. وكنت قادرا عل حمله ..
كان يرمي برأسه الي الوراء .. فيحيل مهمتي الي جحيم .. و اظنكم تعرفون لماذا ..
يعشق التلفزيون .. الطعام وهو مسكون بالغناء ... ملعووووون.
ابونا ذكر فيما ذكر:
* و الله ياعمر محمد اخوك دا اظنوا الايام دي جاب ليهو غنا كمان.
** بالله ؟ هو ما أصلوا بريد الغنا يا ابوي.
* آي لكن دا المرة دي قال حايغني مع عقد الجلاد.
لم يسبق لي ان سمعته يتحدث عن عقد الجلاد تحديدا الا في ذلك اليوم .. فهو لم يمتلك كاسيت واحد يمت لهذا
الجيل من المغنين بصلة . الا عم عبد الرحيم .
كان العم عبد الرحيم هو الكاسيت الوحيد الذي يتبوأ مكانا له بثقة في عربة السيد الوالد و معه
عبد الباسط عبد الصمد - المقرئ - و مدايح للشيخ و البرعي و بلوتين -ضارب- و بضع اوراق للترخيص.
______________________________________________________________________________________
عندما عدت للسودان بعد عام من ذلك الحوار بيني و بينه ..
*********** كان بيتا قبيح التصميم ل- نهار- مجدي النور الجميل قد وجد مكانه الي نفس الطبلون ..
*********** و كانت امي تستمع كثيرا لأهل الفرحة ولا تخفي اعجابا بكلماتها.
وكان سارقا قد نال من المسجل . . و
شريط القرآن!!!!
هكذا خبرني ابي .............
|
Post: #110
Title: Re: "ونسه" مع قرمبوز
Author: omer ibrahim
Date: 08-10-2004, 08:53 AM
Parent: #108
تمبس وين يا ناس؟
عليكم الله البلاقيهو يكلموا يجينا عندنا ليهو اقتراح
|
Post: #111
Title: Re: "ونسه" مع قرمبوز
Author: omer ibrahim
Date: 08-10-2004, 08:55 AM
Parent: #106
ليون الرفيق
حمدالله 1000 عل السلامة .. ان شاء الله بس تكون انجزت.
اها جبت لينا معاك شنو؟؟
|
Post: #113
Title: Re: "ونسه" مع قرمبوز
Author: Ibrahim Algrefwi
Date: 08-11-2004, 05:17 AM
Parent: #1
سرعه سرعه كده
... عُمر الكتابه دي سمحه وطاعمة وحنين ف" تسلم عيونك" وبجيك بالتفصيل
تروتسكس خُش في الموضوع
..........
سرقت لكم هذا
معرض اركماني لاثار السودانية
شوف براحتك
|
Post: #114
Title: Re: "ونسه" مع قرمبوز
Author: Amjed
Date: 08-11-2004, 09:56 AM
Parent: #1
عن امجد بن ابيه قال حدثنا في ذات مساء رجل اغبش اغبر منكش الشعر فقال
لولا بقايا من بقايا رواسب فينا
لمتنا كمدا
و سكت
فسالناه لما ايها الشيخ
فابتسم قال كمداااااااااا
مشتاقييييييين
|
Post: #116
Title: Re: "ونسه" مع قرمبوز
Author: Ibrahim Algrefwi
Date: 08-12-2004, 05:28 AM
Parent: #1
عاينو الحركة دي
Quote:
المتواجدون الان بالمنبر الحر 90 شخص » (1 )عضو و (89) زائرا
»Ibrahim Algrefwi
هذه الصفحة يعاد تحديثها كل 120 ثانية.
مع تحيات بكرى ابوبكر
|
وحدي واهُ ياوحدي وأحمد
.....
.....
لا أحدُ يحبُنا سيدي الجنرال
|
Post: #117
Title: Re: "ونسه" مع قرمبوز
Author: Dia eldin khalil
Date: 08-12-2004, 06:09 AM
Parent: #116
أقول لطفلتي - الأخوين رحباني
أقول لطفلتي إذا الليل برد و صمت الربى ربا لا تحد
نصلي فأنت صغيرة و إن الصغار صلاتهم لا ترد
أقول لجارتي الا جئتي نسهر فعندي تين و لوز و سكر
نغني فأنت وحيدة و إن الغناء يخلي إنتظاركِ أقصر
عندي بيت و أرضٌ صغيرة فأنا الأن يسكنني الأمان
لا أبيع أرضي بذهب الأرض تراب بلادي تراب الجنان و فيه ينام الزمان
أقول لبيتنا إذا صرت وحدي و هبت ليال بثلج و برد
ليالي و بيتي نار و يمضي الشتاء رفيقاُ كغابة ورد
|
Post: #118
Title: Re: "ونسه" مع قرمبوز
Author: طلال عفيفي
Date: 08-20-2004, 08:03 PM
Parent: #117
قرمبوز ..
البارحه كان ليلى عندها حفله ..
البنت سمراء ومديده وصوتها زي العنبر ..
وحين تغني ليلى تحلق في الروح حمامات ..
بنت الكلب ذكرتني بسعاد حسني ..
شوارع القاهره تودعني , المصابيح البرتقاليه , وجوه البنات ( اللهم صل على النبي ) ,
الاصدقاء ,ناس ايهاب ويشير وفرح و كارولين وحماده ومنال , والخمارات المخبوءه بحنان في
ليل المدينه ..
عم مدبولي يجلس في كامل طيبته ودهاءه أمام مكتبته الشهيره .
..............
هذه البلاد توحشني يا ابراهيم .. وبلد لا يوحشك لا يعول عليه .
..............
ماذا عن المطر ؟؟
وهل الجو أوروبي ؟؟
..............
أعتقد أنه سيكون بمقدورنا أن نتقاسم بعض الغمام ونسمع جوان بيز في السوزوكي .
..............
طلال
|
Post: #119
Title: Re: "ونسه" مع قرمبوز
Author: معتز تروتسكى
Date: 08-20-2004, 11:37 PM
Parent: #118
ونسوا شباب نحن هنا نسمع..
ولمن عكة تدور لنجيكم..
شكرا لكل خاطر..
هنا
|
Post: #120
Title: Re: "ونسه" مع قرمبوز
Author: Elkhawad
Date: 08-21-2004, 01:52 AM
Parent: #119
عمر .. ممكن .. لو سمحته ....
شمبات شمال الكبري كلية فوق البطري
قرمبوز بعد اذنك
مدخل لي باب جديد
وبجيكم
|
Post: #121
Title: Re: "ونسه" مع قرمبوز
Author: omer ibrahim
Date: 08-21-2004, 01:11 PM
Parent: #120
الخواض
دا شنو دا و دي جبتها من وين الصورة دي؟
و شنو و كيف و أسئلة كتيرة شديد.
|
Post: #122
Title: Re: "ونسه" مع قرمبوز
Author: عاصم الحزين
Date: 08-21-2004, 02:49 PM
Parent: #121
اهلااااان يا شباب
وانت يا عمر
لك من التحايا التي تناسبك بلون يدك الكتّابة تلك .
تعرفوا
وقعت علي اكتشاف شحمان
الان و في هذه الساعة من الليل احندكني بكأس و كتاب
امّا الكأس فهي تحندكني بحنين لشوفة تبل خاطر الشوق لعاطف خيري
( البصحّو التمره ، شان يعبّو الخمره نص الليل اذا نقص الشراب )
امّا الكتاب فهو كان يرقد في حشا عيون مكتبتي منذ زمانٍ حميم ، و هذا ما غاظني كثيراً :
هو للروائي المصري (صنع الله ابراهيم ) و اسمه ( التجربة الانثويه )
و طوال ال 227 صفحه ستندم لانك لم تمر عليه من قبل و ستبتل وسادة الروح فيك بالضجيج ....
هو
اجرأ ما كتبته المرأة عن نفسها ...
رؤية عصرية للمرأة : مراهقة/ عاشقة لجنسها / و للرجل / و لغير زوجها / ضائعة / محبطة / مجرّبة / باردة / ام / و قاتله .
و
حأجيكم اغيظكم بدسامة هذا الكتاب .
و
سلام حتي مطلع الامر
|
Post: #123
Title: Re: "ونسه" مع قرمبوز
Author: Ibrahim Algrefwi
Date: 08-22-2004, 03:39 AM
Parent: #118
طلال
مراوغ دائماً ولطيف ,
بينما منتظرك ع الايميل وتوحشني تجي تقول لي ليلي وسعاد وعنبر !؟
ايه الناس دي يارب ..أعوذ بلله علي طريقة لمبي
انا عارف سخونه الروح في الحتات الذي دي, وكمان حاسي بيك ,
بس انت كمان توحشني هذا في صياغ
" صاحب لا يوحشك لا يعول عليه".!
علي ذكر السوزوكي وجوان بيز والغمام , أنا في انتظارك بس ما تتاخر بلاي لانو "طهقت" من النص خرطوم دي.!
الجو بيسمح بي بعض الاشياء كده!
............
لو ممكن تبعتلي ايميل بالتفصيل عن الحجز وتاريخ الوصول لقبول عضويتك في السؤ القادم بيكون لطيف ونخفف حدة الشوق ومفاجاء شوفتك حته واحده كده بالجُملة,
.............
اما ان كُنت تقصدُ قتلي قتلتني مرتينِ علي قولها السيدة فيروز . سافر ماو يا طلال ولم يبق مني حياً سوي رمغين اما انته
فاأخاف تدعو القوافي عليك في المشرقين
|
Post: #124
Title: Re: "ونسه" مع قرمبوز
Author: Ibrahim Algrefwi
Date: 08-22-2004, 03:40 AM
Parent: #1
انا طبعاً ما كُنت عايز اكتب في الصايد ده تاني لكن عمر اقنعني او بس مشيتو عشان شئ في نفس يعقوب
علي فكرة يعقوب المكوجي "الجمبنا ده" قال هو "جانجويد" ولا داسيها انشاء الله يقولو شيوعي ذاتو, طلاو دينا يا برايم بالفلس ياخ حكومه ديل !!
..............
اهو كتبنا
.............
عمر والله لكن امبارح ريحتني راحه , عملته لي ربشه
وين الود الظلامي الأسمو فاضلابي ده , أنا اطالب بفصل العضو ضياء الدين لانو فعل وترك وسوا , بعدين الخواض ده ياعمر شكلو هكر, ومتامر ضد المنبر , والسودان بلد مملؤ بالتاريخ والتراث, او اتقدم باستقالتي,...
............
في انتظار أي شي من طرفك ياعُمر "انشاءالله ميه دولار"
............
شفته البت , عامله فيها ما شايفاني في المسنجر
|
Post: #125
Title: Re: "ونسه" مع قرمبوز
Author: omer ibrahim
Date: 08-22-2004, 10:35 AM
Parent: #124
الظلامي ابرهيم
الهاكر ضياء
الكذاب تروتسكي
الشرفان امجد
احلام الفتي الطاير
العنصري فاضلابي
البغيض عمر
الحزين عاصم
الانفصالي طلال
البورد اتسمم ليك مية حق تنفر لأنك جميل و شفاف
|
Post: #126
Title: Re: "ونسه" مع قرمبوز
Author: معتز تروتسكى
Date: 08-22-2004, 09:04 PM
Parent: #125
ازيكم..
هههههههههه loooooooooooooooool
اقول شنو كان قلته بطلع كذاب وكان سكته مابقدر اسكت..
الكضب بانو انتظر لى اسبوع وحاجه عشان الم لى في كيبورد عربى..
انت ياطرش ماشايف ردودى اقصد ونستى بقت بسيطه..
ابوعمير.
اسمع مافى خيارات بعد التفصيل ده..
ماتدينى الحزين اوخش لعاصم واسطه..
ونسووووووووووووووو..
ياد 
|
Post: #127
Title: Re: "ونسه" مع قرمبوز
Author: omer ibrahim
Date: 08-22-2004, 10:33 PM
Parent: #126
معتز
ياخ حاشاك الكذب و لكن تملكني القرف كما نال من عديدين.
عاصم الحزين وعد ان يكلمنا عن كتاب و كاتب و عن صنع الله (شخصيا)
ان لم يأت فانا و بصفتي ال Admin بتاع بوست الونسة مع قرمبوز .. اعينك حزينا و لقب عاصم الشراد اذا - اياهو المحمدوا -
غدا ساحكي لك عن فنان و مهرجان و مدينة
بس
الله يجيب - المواهي - سليمة
عمر
|
Post: #128
Title: Re: "ونسه" مع قرمبوز
Author: معتز تروتسكى
Date: 08-22-2004, 10:41 PM
Parent: #127
سريع تلغراف..
الى omer ibrahim
وووب تانى فلس..
اسمع نحن قرمبوز ده بنوس فيهو ملح يامان تانى اى بى حقو..
عاصم والشله افتحو كشف الونسه..
|
Post: #129
Title: Re: "ونسه" مع قرمبوز
Author: omer ibrahim
Date: 08-22-2004, 10:53 PM
Parent: #128
معروفيييييييين
بالفلس
و
الفرطقة
و
الف ...
و جملة من الافات الأخري التي تناسب مزاج هذا البورد
ال(فاير)
|
Post: #130
Title: Re: "ونسه" مع قرمبوز
Author: Ibrahim Algrefwi
Date: 08-23-2004, 01:58 AM
Parent: #1
(يا صلاة النبي, والألـــف الأعياد يسار والعاملين بصناعة الحياة اليوماتي جُملة ...حتي اللسه قبل الخلق والتكوين ...)
.................
الولد العندو "نسر" وفلينه حمراء ,وتويتي وعيون تبرق بالقادمات الحُره ده ود أماني وعثمان مرة واحد أسمو يسار
كمان عيد ميلادو ذاتو
............
عُمر يا admin
بعدين بجي ,
اااااا عاصم welcome
معتز بجيك ماهل
وسلام
|
Post: #131
Title: Re: "ونسه" مع قرمبوز
Author: Elkhawad
Date: 08-24-2004, 02:18 AM
Parent: #130
عمر .. لا براحة دة شوال من الذكريات
بجيك بيه لما سيد الكارو "الزمن الكعب" يحن
غياظ ... مش كدة
|
Post: #132
Title: Re: "ونسه" مع قرمبوز
Author: Ibrahim Algrefwi
Date: 08-24-2004, 02:46 AM
Parent: #1
بصراحه
يا ناس
...هذه البنت , بتوحشني
. . . . . . . .........
مـــوش " بتوحش " .. ال "جكسايه " دي
لو حد بيشوفها يخبرها اشواقي وتلفوناتي
|
Post: #133
Title: Re: "ونسه" مع قرمبوز
Author: معتز تروتسكى
Date: 08-24-2004, 09:11 AM
Parent: #132
خالص التحايا
عمر شباب..
مبدائ ثابت تجاه الاسمو قرمبوز ده..
يا القروش يا مافى ونسه..
وفى موضوع تانى انا قرمبوز ده.
شاكى فيهو هاكرز..نظام اغتيال شخصيه وكده..
يمشى يجيب صور الناس البقطعوا القلب..
ويقلب المواجع...
ونسوا شباب..
نمشى نشوف البت الحديقه دى ونجى..
|
Post: #139
Title: Re: "ونسه" مع قرمبوز
Author: omer ibrahim
Date: 08-24-2004, 10:22 AM
Parent: #133
معتز
وينا؟ مشت وين؟ كلموها
بنسأل بس
|
Post: #141
Title: Re: "ونسه" مع قرمبوز
Author: omer ibrahim
Date: 08-24-2004, 10:25 AM
Parent: #132
قرمبوز
متشوفش وحش يبني
تماضر
مشتاقين زاتو
... القطر .. القطر .. القطر
|
Post: #134
Title: Re: "ونسه" مع قرمبوز
Author: mohammed alfadla
Date: 08-24-2004, 10:08 AM
Parent: #1
زهرة... الى أسامة عباس و زهرة
رأيت فيما يرى النائم
تهارقا
يخط في التراب كلمتين،وينظر بعيدا أكثر مما يجب،ثم يبتسم في حسرة
رأيت فيما يرى النائم أمي تبوس أبي
والخليل يغني لهما
فيرقصان
رأيت
ود تكتوك يسر في أذن النيل سرا ما
ويختفي
رأيت نهر النيل فاتحا يديه عن آخرهما
لقلبي
فخفت
رأيت فيما رأيت
شجرا يسير
وأهرامات تتهاوى
وثورا أرقط،مجوك
يركض عكس النهر
رأيت
أبي يمسك قوسا هائلا
ويرمي سهما من ماء بأتجاه القمر
رأيت
طائرا حالك السواد
يخفق بجناحيه
فتنبت أمطار
وسماوات
و بروق كثيرة
ونساء يرقصن
يرقصن
ونخيل يشبه شجر الباباي
رأيت
فخفت
ثم رأيتك
هنا
قرب سريري
وتونسنا
مثل
زمان
وتخاصمنا وتصالحنا
ثم
مشيتي عني للبيت أو لمكان ما
يا زهرة
أشتاقك لا زلت
أقسم بالله
أنك في الأحلام الى الآن
أقسم بالله
أني لا زلت أراك
سرا
و أقبل فاك
سرا
وأقول الشعر لعينيك
وأشم يديك
والحناء بشعرك يوم الجمعة
ما أجمل شعرك في
يوم الجمعة
ويوم السبت
ويوم ركبت النورس كي أحلم
ويوم بكيتي فرط أبيك
الآن
وهذا الآخر يلمس خدك
سوف أقول الشعر
ماذا عندي غير الشعر؟
وغيرك في الأحلام
الآن
أذا ما أشتقت اليك
أنام
يا زهرة
أحتاجك
لكن
ما أقساك
وما أقسى الأيام
الليل تبدل جدا
طعمك
لا زال على عادته
يدخلني أرضا ما
بسم الله الرحمن الرحيم
وما تدري نفس بأي أرض تموت
صدق الله العظيم
|
Post: #135
Title: Re: "ونسه" مع قرمبوز
Author: omer ibrahim
Date: 08-24-2004, 10:14 AM
Parent: #134
ياربي
جيت تعذبني تااااني
حلم عجيب
|
Post: #136
Title: Re: "ونسه" مع قرمبوز
Author: omer ibrahim
Date: 08-24-2004, 10:15 AM
Parent: #135
الأرض
و ما أدراك ما الأرض
|
Post: #137
Title: Re: "ونسه" مع قرمبوز
Author: mohammed alfadla
Date: 08-24-2004, 10:15 AM
Parent: #1
أما بعد
فبي حنين غامق وغامض في آن
أشتاقكم أيها السيدات والسادة
أمس شاهدت فلما نرويجيا أسمه ALT FOR EGIL
يعني كل شئ من أجل أيجل
فيه هلوسة وأشياء جميلة
أمس كالعادة أشتقت للخرطوم
ضياء في آخر أتصال وجد الANSWER MACHINE وقال لي :أبقى راجل وأتصل
عمر سبني جدا
و ونسني
ياخ مالكم ياخ
أنا مشتاق ليكم ذاتو
|
Post: #138
Title: Re: "ونسه" مع قرمبوز
Author: omer ibrahim
Date: 08-24-2004, 10:20 AM
Parent: #137
انها
الأرض
الأرض
الأرض
الأرض
الأرض
الأرض
يا صديقي .. تعصف بي أشياء تخصك ..
و قطار ما أوشك ان يغادر ارضه ..
وانا لا أعلم بأي أرض سأموت .. لكنما أحب أن الحق بقطاري هذا
عمر
|
Post: #140
Title: Re: "ونسه" مع قرمبوز
Author: Dia eldin khalil
Date: 08-24-2004, 10:23 AM
Parent: #1
بيت الجالوص
معتوقة ومعتقة ومنعتقة
نوافير إنتشى وحشمة
و######## العين
تضحك كلما وقعت مصيبة
تمشى على العجين و تلخبطو
ترطن إذا جاها الحنين
يا بت بيوت الهجعة كيف
غبار شوارعك ماشى وين
زقاق يعيش في زقاق
كتمة وظلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
صوتك وقت قطع البحر قبال مراكب العمدة
ضهر النيل عرف
و الشمس فوق حبل الغيوم
شرت جلاليب النعاس
ناشف غرب مبلول شرق
و المطرة زي شفع العيد
تدخل غرف كل البيوت
كلمة الجوع الشرح للأرض
كيف تقرأ المرق وقبال يقع
فوقك سقف
إتنحنح الجالوص
أمرق على مهلك
مروق الحنة من ضفر العروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وأنا في سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفك كيف معلوف
ضهر المظنة يشيل
وأنا ظني ظنيتو للنيل
غريق في النيل
و الليل ولافي بالو بيت
ساكت يغنوا على القمر
واجعني في البحر السكات
سكتني في الوجع البحر
يا بت صباح الطير
وين البلد ركت
ما عاد هواك يفتح في الكتمة
شباك النزيف
وين تكيتك في الغيمة شطيف النجوم
ريف الجسد صدرك سبلوقة اللبن الخريف
داسينى فيك نضر
والأنبياء فاتوا
قاعدين في ضل النار
داسيني فيك نضر
في غفلة جو الكفار
وطارت حمامة الغار
لاقوني ناشف ومر
ماذنب جاد الطار
لو غنوا بيهو شتر
ما تخافي الله معاك
وكل الملائكة سمر
<<<<<<<<<<<<<<<<<<<<<<<<<<<<<
,واللة نفسي فيها....كان لقيتوها كلموها.....
|
Post: #142
Title: Re: "ونسه" مع قرمبوز
Author: طلال عفيفي
Date: 08-24-2004, 12:04 PM
Parent: #140
يا ابراهيم , يا قرمبوز ..
لقد غادر الشعراء من متردم , ودعت هريره وارتحل الركب .
النيل السوداني في صحه جيده , عريض المنكبين , وعالي ..
أين أجدكم ؟ أفيدونا ..
طلال
|
Post: #143
Title: Re: "ونسه" مع قرمبوز
Author: dreams
Date: 08-24-2004, 01:28 PM
Parent: #142
مسا الخير عليكم بتوقيت الخرطوم
|
Post: #144
Title: Re: "ونسه" مع قرمبوز
Author: omer ibrahim
Date: 08-24-2004, 02:57 PM
Parent: #143
كتب الفاضلابي
زهرة... الى أسامة عباس و زهرة
رأيت فيما يرى النائم
تهارقا
يخط في التراب كلمتين،وينظر بعيدا أكثر مما يجب،ثم يبتسم في حسرة
رأيت فيما يرى النائم أمي تبوس أبي
والخليل يغني لهما
فيرقصان
رأيت
ود تكتوك يسر في أذن النيل سرا ما
ويختفي
رأيت نهر النيل فاتحا يديه عن آخرهما
لقلبي
فخفت
رأيت فيما رأيت
شجرا يسير
وأهرامات تتهاوى
وثورا أرقط،مجوك
يركض عكس النهر
رأيت
أبي يمسك قوسا هائلا
ويرمي سهما من ماء بأتجاه القمر
رأيت
طائرا حالك السواد
يخفق بجناحيه
فتنبت أمطار
وسماوات
و بروق كثيرة
ونساء يرقصن
يرقصن
ونخيل يشبه شجر الباباي
رأيت
فخفت
ثم رأيتك
هنا
قرب سريري
وتونسنا
مثل
زمان
وتخاصمنا وتصالحنا
ثم
مشيتي عني للبيت أو لمكان ما
يا زهرة
أشتاقك لا زلت
أقسم بالله
أنك في الأحلام الى الآن
أقسم بالله
أني لا زلت أراك
سرا
و أقبل فاك
سرا
وأقول الشعر لعينيك
وأشم يديك
والحناء بشعرك يوم الجمعة
ما أجمل شعرك في
يوم الجمعة
ويوم السبت
ويوم ركبت النورس كي أحلم
ويوم بكيتي فرط أبيك
الآن
وهذا الآخر يلمس خدك
سوف أقول الشعر
ماذا عندي غير الشعر؟
وغيرك في الأحلام
الآن
أذا ما أشتقت اليك
أنام
يا زهرة
أحتاجك
لكن
ما أقساك
وما أقسى الأيام
الليل تبدل جدا
طعمك
لا زال على عادته
يدخلني أرضا ما
بسم الله الرحمن الرحيم
وما تدري نفس بأي أرض تموت
صدق الله العظيم
|
Post: #147
Title: Re: "ونسه" مع قرمبوز
Author: Ibrahim Algrefwi
Date: 08-25-2004, 02:22 AM
Parent: #142
ااااااه , اخيراً يا بني
......
......
أتورطته مُجدداً , متردم , طيب,
أنا أسمي مكتوب !؟
..............
طلال , أتصل 0912217022ده ضياء الدين وخلال هذا اليوم نحن مع بعض , ماش الحال..
أو نهاراً انا في الانمائية مع أُسامة عباس, علي فكره هو نفسو اسامة الذي لايحب كلمة النيل السوداني . ويقترح انها "عدم ثقة" ..!
طـــــــــــــــــــلال
,,, ستكون وقفتنا بخط النار رائعةُ طويلة
...قرمبوز عزالدين حسن
|
Post: #145
Title: Re: "ونسه" مع قرمبوز
Author: mohammed alfadla
Date: 08-24-2004, 03:13 PM
Parent: #1
خـــبـــر
الجمعة الفائتة
تم صدور العدد الأول من مجلة الأرض
المجلة السودانية بالنرويج
أسسها عاطف الأمين ومحمد الفاضلابي
|
Post: #146
Title: Re: "ونسه" مع قرمبوز
Author: Ibrahim Algrefwi
Date: 08-25-2004, 02:10 AM
Parent: #1
محمد علي محمد عُثمان الفاضلابي أخانا وحبيبنا وصاحب اشواقي سلام
قف
نشد من اذركم واذر عاطف الامين , واذر الارض
قف
مُشتاقين
.......
.......
النص المهدي لأُسامة عباس الان "بيدي" بفعل البرنترات حفظها الله
وسيكون معه بعد ساعه ونصف فقط,,, لك حُبي
|
Post: #148
Title: Re: "ونسه" مع قرمبوز
Author: Ibrahim Algrefwi
Date: 08-25-2004, 02:29 AM
Parent: #1
معتز
شنو يا عمك , الزمن ده قلت لي الا بالقروش , رأيك شنو اونسك أنا , أو اوريك انت منو وساكن وين وعملت شنو وكُل الحاجات,,ولا ماف داعي
..........
دريمز ...احي أنا من توقيتها
.........
عُمر شنو يا ادمن , بأي ارض تموت
.........
ضياء Quote: ماذنب جلد الطار
لو غنوا بيهو شتر
ما تخافي الله معاك
وكل الملائكة سمر |
..او دقو بيهُ شُتر ...معليش ..بوريك أسه
............
خواض خُش في الموضوع
|
Post: #150
Title: Re: "ونسه" مع قرمبوز
Author: معتز تروتسكى
Date: 08-25-2004, 08:56 AM
Parent: #148
عرفت تجبنى اونسك لكن مصر على القروش
مامشكله تورنى عشان كمان ممكن اوريك
لكن ياقرمبوز شفت العلى وانا حزين كيف؟
بحس بانو كل الوطن انا مسؤل من البحصل فيهو
يبقى فى حزن اكتر من كده؟
قرمبوز
ها بتلقى زول شايل ماساتى
اقول ليهو تعال الى جبل يعصمك من حيحصل ولا اقول ليهو شنو
ما لك بتفتح الجراحات
وبرضو نستك
يلا ونسى قول عليك ربك
يوم الحزن العالمى
وداير الحساب
وياعمر شبيبه اخلصو لى حقى الراجل ده داير ياكلنى حنك
00000000000000000000000000000000000000000000000000
انتو هى ما جو تونسو هنا كمان
مابين بكرى- عادل- طه- ياشباب المنبر اتحدو]
|
Post: #157
Title: Re: "ونسه" مع قرمبوز
Author: معتز تروتسكى
Date: 08-30-2004, 05:37 AM
Parent: #148
شباب ازيكم..
قرمبوز انا مصر على الونسه بقروش وياريت لو كانت كلامك ده
*شنو يا عمك , الزمن ده قلت لي الا بالقروش , رأيك شنو اونسك أنا , أو اوريك انت منو وساكن وين وعملت شنو وكُل الحاجات,,ولا ماف داعي
ارجوك ياهو نتونس ويجتر احزانو ارجوك..
ونسوا ياشباب..
_______________________________________
لى سر وليس بسر سياتى يوم واعلنه والى ان يحين ذاك اليوم
سيشخبط على نفسى بالة حاده ويدفق عليها الملح..
والإنسان هو العقل والإنسان هو الكارثة.
|
Post: #151
Title: Re: "ونسه" مع قرمبوز
Author: omer ibrahim
Date: 08-26-2004, 01:26 PM
Parent: #149
أنا ماشي راجع.. لى بيوت
تفتح لي
ادق أو ما أدق
من غير تقول الزول منو
ولاحتى عل الداعي خير
لا مالك الجابك شنو
ـــــــــــ
لبيوت بجيهن في اي يوم
إن جيتا ليل أو جيت دغش
طوالي ادفر الباب واخش
ـــــــــــــ
أنا ماشي للبيت القبيل
الديمه يفتح لي حنون
طيبة حشاهو ينقرشه
أزهار بسيمتو يفرشا
لا إنت مين لا كنت وين؟
وين بالكتير شفقتنا
وراجين سعادتك بالعشا
|
Post: #152
Title: Re: "ونسه" مع قرمبوز
Author: omer ibrahim
Date: 08-26-2004, 01:39 PM
Parent: #151
عن ياسر بن عبد العزيز عن محمد الحسن سالم حميد
|
Post: #153
Title: Re: "ونسه" مع قرمبوز
Author: Ibrahim Algrefwi
Date: 08-28-2004, 03:17 AM
Parent: #152
وعني أنا ...البيوت في انتظارك
وهو شاغل ايامنا ,,ان تدق او ما تدق
....
....
|
Post: #154
Title: Re: "ونسه" مع قرمبوز
Author: Dia eldin khalil
Date: 08-29-2004, 04:05 AM
Parent: #1
ما اجمل ان تلقا التلفون قاعد زهجان من عدم الحبيبةو فجاءة يقووم
ترن ترن زي المجنون....
تقوووم بي ملل تقوول يمكن دا زووول دار زيد ليك الطن بلة فوق بلة كمااان....
ترد ...
الو...
الو...
مامفى نمرة في الشاشة...
انتا منو يا زووول ...
تسمع صوووت متزكرو لكن ولاهي وحشك موووووووووووووت...
محمد ...فاضلابي
الشووووووووووووووووووووووووووووقق ياخ مشتاقيييين
ولي حوالي نصف ساعة ارضة كانت الونسة الما خمج...
شي عن الاصحاب.. و شي عنو.. و شي عنى.. و كمان عنها..
يا حلل المة والونسة و سهر الليالي...
فاضلابي ...جد مشتاق ليك...
.....
قرمبوز انتا بديت حرب (فيروزية )مش...
سمح استحمل يا اخوي....
.....
طلال اما ان تاتي ....
واما ان.....
اخييير لييك
.....
عمر انت وييين يا
وانشالا غونا التلفووون ما ينفعكم
واللة دي خيانة كان ترضي كان تابا...
http://mazica.com/Ar/Albums.aspx?Album=128
|
Post: #155
Title: Re: "ونسه" مع قرمبوز
Author: إيمان أحمد
Date: 08-29-2004, 08:33 AM
Parent: #154
يا اولاااااااد
والليلة كده.. بسم الله نبدأ.. توضيت، وقعدت أقرا قرمبوز والهاربين من النبوة –إلي حين طويل.
والمطر من الشباك كاااابي - عاينت ليهو بتوجس، وقلت ليه: هوي- نحن ما في لندن! والشمس الباردة المتلبدة دوماً ذهبت لتنام. بالمناسبة، الشمس هنا أصابتها التخمة وتأخذ أدوية Atkins برضو، زي ناس البلد.
أقرا وأمزمز، وطلال يعلن عن حبه لسعاد وأخريات..... عمر إبراهيم بالنسبة لي هو الولد الرابع لأسرة جاورتنا في قديم الزمان.
أكلت الصفحة الأولي كشواء مستعار، داخلي جدا، نقوم بإعداده في البيوت، ولا يصل غباره عنان السماء.
يا عمر إنت ناديتني؟
لو ما كنت أنا... برضو بجيك - وأوعك تدمن النت. لا أمارس هنا أي وصاية- ونحن في سعي حثيث لجعل السن القانونية هي العاشرة مساء بإذن الله.
فتحت الشباك علي مصراع شيشهُ، فلم يأت الهواء!
تعرف...
لتتنسم الهواء هنا لابد وأن تتحول لِقِطة تقوس ظهرها في حالة تأهب. وارتكاب البلكونة في الشتاء من فعل الحمق.... أما التجول في الشوارع- فلابد وأن يكون مصحوباً بامرأة عجوز سوداء، تفرد أمشاطها فوق رأسك، وتوزع قطرات المطر ببلاهة، لتسيل علي ظهر معطفك المن الأفضل أن يكون جلدياً، أسوداً، وغبي في كثير من الأحيان.
ويلومونني حين أرتدي الألوان التي لا أسميها أخري – بل هي أولي، ألا يعلمون أن الأسود يبسط نفسه متمددا في كثير من شهور السنة؟ متنازلا أحيانا للرمادي، والقرمزي، والبني الذي لا يشبه جلدتي بأي حال!
علي كل..........
إزيكم
وبالله نادوا نجلاء التوم، واحشني صوتها المبحوح (هل هو مبحوح حقا، أم أن التلفونات الغير تلفزيونية تجعلني أتوهم ذلك حبا؟ وبعدين حكايتي شنو مع الصوت المبحوح دي؟ بتذكرني بصديقي الذي يشبه ال Donut بجوز الهند المقلي. ومش أحسن ما أخوض في القصة دي هسا؟ يستحسن)
مسألة العمود دي، تحت الفحص، ولن أفتي فيها...........
* ضياء الدين خليل: من فضلك تكرم بالحكي لنا عن حبيبتنا الخرطوم!
[مسألة الألوان أعلاه تحتاج لكثير من الانفتاح للتعامل معها___________ وإلا سنقع في مطبات شوارع أخري]
واللييييييييلة.. المطر ده جادي
والرعد المفروض يجي بالليل، ويصحينا مفزوعين من النوم
جاء في لعب النهار!
إيمان
|
Post: #156
Title: Re: "ونسه" مع قرمبوز
Author: أسامة معاوية الطيب
Date: 08-30-2004, 02:47 AM
Parent: #155
هل ادخل ؟
ساقعد كويس والله وامسك خشمي وخشم اللي خلفوني كمان بس اسمع
هل؟
كان الـــراديو رحيماً لزماناتٍ طويلة وهو يشرح صدره لجموع المستمعين ( الأعزاء) يتنقل بين ردهاته علي المك والبروف عبد الله الطيب ويحاكم الأثير الطيب صالح وكرومة وسرور والكاشف كاشفاً عن عدل أحبابه وأصحاب الأدب .. وتصالح المستمعين سنوات الحقيبة حين كان الشعر يتفقد الخدور قبل أن تتفقد الخدور ديار الشعراء الآن ويتفقد أنصاف الشعراء شركات الإنتاج ( الفني ) – مثل هذا الحال لا ينتج سوى الأنصاف .. يفعل جهده ليرفع الهمزة من أسفل الألف لأعلاه - وتنام على أطراف برامجه الأغنيات الجميلة ويسهر العمر كله بين ما تشتهيه الليالي من نسيم وما يطلبه المستمعون والقمر يزحم بنوره السكون فيضج المكان بالإلف والحبّ والحياة .. لكنه كان يغني لمن يصحو باكراً .. يقولون أن فناناً أكمل اللحن وحجز باستوديوهات الإذاعــــــة لتسجيل أغنيته المــــؤيدة لهاشم العطا ( هاشم العطا بلدنا ظبَّطا ) ولم يكن هاشم العطا قد أكمل اليومين بعد.. علم وهو في طريقه للتسجيل أن النميري استعاد السلطة .. ومضى ليسجل أيضاً ( هاشم العطا بلدنا ظرْوَطا) والآن ! الإذاعة تنقل صلاة الجمعة على أشرطة خطب الرئيس القائد نميري وتنتظر أن تنقل (أي طهورة في أي مكان) على أشرطة رقص الرئيس القائد (برضو) البشير .. ولكن سفينة الإنقاذ سارت لا تبالي بالرياح ! (والرادي فد دبابة علمتو الكضب والصهينة ومدة لسانو على البلد بي غنوة عن عهد الرشيد ) فقط يرقص السيد الرئيس على كومة مواتنا ويتفقد مساعده ( للتعبئة) المقابر حتى لا ينام الموت فارغاً .. وحتى لا تيئس الشواهد .. قال صديقي مرةً وهو يستمع للراديو ( وقد أعلن السيد رئيس الجمهورية التعبئة العامة في جميع أنحاء البلاد… إنت الرئيس دا قعد يلقى الفاضي وين ؟)
بس
والله تاني ولا كلمة
اتكلموا اتكلموا
|
Post: #174
Title: Re: "ونسه" مع قرمبوز
Author: omer ibrahim
Date: 09-03-2004, 05:28 AM
Parent: #155
ايمان
ثلاثة ايام متتالية ظللت امني النفس بقدرة علي الكتابة اليك .. لكن الروح و الجسد ما متعاونين معاي الايام الفاتت.
| Quote: يا عمر إنت ناديتني؟ |
انا طبعا ناديتك انتي ذااااااتك .. يعني قايلاني خايف منك؟ عاملة قلمك السمح دا ..
بعدين وصفك لي دا
| Quote: عمر إبراهيم بالنسبة لي هو الولد الرابع لأسرة جاورتنا في قديم الزمان |
يدل علي انو نحنا فعلا جيران لانو العزابة لما يكونوا ساكنين في بيت ما يصير البيت كالحسنه في الوجه و طبعا بيتنا بيت عزابة مع مراعاة وجود الحاجة حفظها الرب
ايمان
قلت لي
| Quote: وأوعك تدمن النت. لا أمارس هنا أي وصاية- ونحن في سعي حثيث لجعل السن القانونية هي العاشرة مساء بإذن الله. |
والله انا كان بقيت Tom Cruise عدييييل كدة مابقدر اعمل القصة دي لكن عموما
if you manage to accomplish this mission, then IB E AAB LI NI
و ما اشوفك حايمة في النت نص الليل OK
نجلاء التوم صوتها ما مبحوح لكنما اظنك احببت ان يكون مبحوحا لشئ في نفس (ياغوب)
تعالي تاني .. كل مرة .. خلاص؟
|
Post: #183
Title: Re: "ونسه" مع قرمبوز
Author: إيمان أحمد
Date: 09-03-2004, 08:21 AM
Parent: #155
سلام وتحيات واحطرامات (يا قول طماضر)
عمر ابراهيم
أولا: أستغفر الله (بضم الراء، وفتح الألف التي تقف شاهدا في أول الكلمة)، أنا حاشا علي من بيوت العزابة. وقديم الزمان بتاعتنا دي لما كانوا أخواني الكبار بيلعبوا الكورة مع أخوانك الكبار (شفت كيف المسألة دي). وقتها ما كانوا اخترعوا كرة القدم النسائية لسه، لكن الغريبة العجلات كانت مسموحة!
وقتها برضو، وبما أننا من أسرة كروية الأب، كان لا مانع من لعب كرة القدم داخل المنزل، والضحية طبعا أشجار البابايا- بسيقانها الرقيقة- وأصايص الشجر.
وقتها، ومنذ ذلك الحين، تدهشني علاقة بين كوبر وكلية الزراعة أو البيطرة شمبات، لا أفهمها، إذ قابلت جماعات من ساكني شمبات سابقا، المنتقلين إلي كوبر بأشكال شتي. وبعدها، تم تشويه اسم المنطقة وأطلق عليها لقب الواحة..........
وبعد أشياء كثيرة، لم أبق فيها طويلا.
وبعدين ياغوب ده نبي ... مش كده؟!
حسنا، سأضيفه لقائمة الأنبياء........... وكمان بدأت أفكر بتبويب الأنبياء (أنبياء للكتابة، رسل للعشق، وأنبياء لأشياء أخري
وأنبياء للنبل النبيل، وديل زي طلعت [وقد ورد في رواية أخري بأسماء تانية، لكن ما مهم، فأنا زاتي عندي أسماء تانية في سياقات غير دي]. طلعت هذا كان يهبنا أشياء كثيرة، وقد وزع علينا قروش من فئة –الطرادة [والطرادة دي لزوم تطعيم الحكي، لكن أنا بالجد ما متأكدة من فئتها كم]- من أول مرتب له بوزارة الصحة. ما زالت عملة ورقية منه ترقد بداخل أحد كتبي العتيقة، وأعتقد أني كتبت التاريخ عليها....... لقد كان مارسا علي ما أظن. بالمناسبة، طلعت ده نبي، وكان يوزع علينا حلوي الحب والإحترام، ويعلمنا أن الإنسان لابد له أن يحزن، ويبتسم............ وأن يتنفس الهواء...... )
إبراهيم يا قرمبوز
ربما!!
شكلك عايز ترجعني لعوالم دالي، لكن اليومين دي قلبي ما بيستحمل
إذا كانت جالا بتتلون بألوان الطيف، فلا مانع لدي من أن تشبهني!
(ومنذ أن علمت أنه اختطفها من بول إيلوار، وأنا أشعر بالحرج تجاه د/نجاة التي تترجم الأخير بحب!)
أما في سؤالك عن الطب والمطر، فربما تجد بعض الأجوبة هنا
ملحٌ......... ودواء (رسالة أخري)
فقط احذر، فهناك المزيد من الأسئلة!
ثم إنه
بدخولي هنا وإصراري علي الكتابة أرانا كالمشاركين في برنامج
Survivor حيث يكون عليك أن تأكل الثعابين، وتتعرض لقرص الناموس (في حالة كون الناموس لا يزورك كثيرا في بلادكم، ككائن تنوه به الحكومة فقط، وتحذر من العضة تحت شعار Fight the Bite وإن تعرضت لقرصة واحدة، فإنك هالك لا محالة، وإنها ولا شك جالبة لك حمي ال West Nile
طيب ما النايل ده زااااااتو نحن!!!!)
لكأننا نجرب في من سيبقي في هذه الديار
هل لديكم أي ترشيحات؟؟؟؟!!
أنا ما عندي!!
|
Post: #158
Title: Re: "ونسه" مع قرمبوز
Author: Dia eldin khalil
Date: 08-30-2004, 06:13 AM
Parent: #1
مرحب مرحب بالشفوووت الجوداد زى ما بقولو اولاد حلتنااو كمان بيدوها صيغة المبالغةتقووم تبقي (الشفاتة الهمباتا)ايمان و اسامة....
طبعا"البوست دا حكمة اللة بقي زي الركن بتاع راس الشارع طوال تج تلقي فيهو الاحباب قاعديين احلا قعدا والونسة الترد الرووح (الرووح المفووتة كم وكت)علا قوول عاطف خيرىومرات بجييك فيها زووول ما بتكووون بتعرفوا لكن مع الونسة صدق يا مؤمن يوم يومين يبقي صحبك لححححححححااام....
وزى مقال قرمبوز ود ناس عز الدن النور(الونسة اهم من المعيشة)
ايمان الخرتوم الايام د مبلبلة بل مطرة لي روكبتة...
لكن رغم انف الباعوووض امبارح حضرنا حفلة جميلة فالمركز الفرنسى..
عماد ببواللطييف وكمان استفن بتاع كواتو البعزف اي حاجة داك...
زات الصوت المييييييييياس امال النور وكمان غونا بالفرنس العلم ما اطور كمان....
وكانت الفاكهةالاستوائية...شرحبيل احمد.....
واللة يا نااس الزوووول دة لاحولااااااااااااااااااااااا
.................
عمر انتا ويين يا...
..................
طلال مطلوووب القبض علييك
..................
فاضلابي واللة يا زووول انا و قرمبووز الليلة متابطن شر معااك و ناوين نبدا الختا معاك لكن بس صبر....
|
Post: #159
Title: Re: "ونسه" مع قرمبوز
Author: طلال عفيفي
Date: 08-31-2004, 05:17 AM
Parent: #158
يا عمر ..
سمعنا انك في الطريق الى الخرطوم .
نرجو الافاده .
..............
..............
اين اختفى فاضلابي ..
ساهموا في البحث عنه , عشان هو مختفي بقالو كتير ,
عليه لو ترامى اليه هذا النداء أن يعمل دبل كليك .
..............
..............
ضياء وابراهيم قرمبوز ( ومن قد يهمه الأمر ) :
هام وعاجل وعلى سبيل الابتزاز ( لا أكثر ) ..
انا طلال عفيفي .. مقيم في مكان سري بكوبر الواحه مربع87 ,
ولن أخرج الا في حال تلبية طلباتي بالحرف .
1- نسخه من شريط مريم ماكيبا .
2- نسخه من منير ومنيب .
3-صوره بحاله جيده لمصطفى سيداحمد .
.................................
.................................
هامش : -
عايده الأيوبي
يترنح صوتها في المكان والقلب ..
يختارها القلب في وحدته الخاصه ..
تهبش مضايق الحزن .
و تصعد لعلياء الروح ...
...............................
...............................
و حين تاهت تلك البنت الكرديه عن مواطن الغناء و غادرت , توجع مزاجي
كثيراً , وجف ريق السؤال عنها ..
يا ترى , أين ذهبت البنت .
ولمن تركت هذا القلب المستباح ..
..............................
ما زلت أذكر شعرهها الغجري وهو يجوب الجامعة الأمريكية . وجيتارها الذي توج صوتها أميرة حلبية تشاكس الدنيا في براءة لئيمه .
..............................
ما في الدنيا أحلى ولا أجمل من صبيه تغني ..
تغني وتحب صوتها ...
تتطلق سراحه للأبد .
تراسل حبيبها على وتر .
...............................
عايده ..
تحركت في فضاء عالي ... وحيده .
دخلت تلك المناطق الأشد حظراً , وتحولت لفراشة تحوم بألوانها الألف فوق جبين الروح ..
..............................
ثم غادرت ..
لتترك الواحد فينا وحده , رافلاً في الوحدة و الغياب والحزن .
..............................
طلال
|
Post: #161
Title: Re: "ونسه" مع قرمبوز
Author: الجندرية
Date: 08-31-2004, 06:00 AM
Parent: #159
لا لا
البوست دا بقى ما بنفات عديل
على فكرة قرمبوز وين ؟
مشى دارفور ؟
|
Post: #178
Title: Re: "ونسه" مع قرمبوز
Author: omer ibrahim
Date: 09-03-2004, 06:14 AM
Parent: #159
عفيفي يا طلال
اما بعد
نفيدكم اننا في صحة و مزاج متدهور بعض الشيئ جراء انفعال بسيط ..
البحيرة هنا مازالت تعج بالعاشقين نهارا و ليلا .. يلثمون بقايا صيف يحتضر.
الطفلة خلفت فيما خلفت .. حلوي بألوان مختلفة علي الأسفلت و ابتسامة ينقصها سن واحدة امامي و قبلة اودعتها يدها قبل ان تنفثها لي وهي تغادر ممتطية ظهر اباها.
عصام .. التقيته قليلا .. مشحون هو بالوطن و القرأة وعشق لا أدري بأي أرض سيحط به الرحال.
عبد الوهاب .. احسن من يحكي حين تجالسه .. الخمر تجعله يتوهج و تجعلك تنصت له مدهوشا.
شريف (استحلفني) ان اسمي ابنا لي شريفا .. و ضحك
ابي حين هاتفته .. قال انه (استعد عاطفيا) للقائي.
حين وعي فيليب بعد ان دخن بالأمس مرتين قال لي:
This is so strange, I can not imagine that we will not see each other again.
انا آت في ذات اثنين قادم يوافق عشرة ايام من اليوم
أما ياسر فأعلم ان ثمة عدم ارتياح سينال منه سلبني القدرة علي ان احادثه
|
Post: #175
Title: Re: "ونسه" مع قرمبوز
Author: omer ibrahim
Date: 09-03-2004, 05:31 AM
Parent: #158
ضيا
| Quote: عمر انتا ويين يا... |
هنا هنا هنا
|
Post: #160
Title: Re: "ونسه" مع قرمبوز
Author: Dia eldin khalil
Date: 08-31-2004, 05:57 AM
Parent: #1
دقت طبووول الحرب....
|
Post: #162
Title: Re: "ونسه" مع قرمبوز
Author: Dia eldin khalil
Date: 08-31-2004, 06:09 AM
Parent: #160
|
Post: #163
Title: Re: "ونسه" مع قرمبوز
Author: omer ibrahim
Date: 08-31-2004, 06:14 AM
Parent: #162
ابراهيم طلال ضيا فاضلابي اسامة معتز ايمان الجندرية احلام ماو امجد عاصم
صبرا جميلا و الله المستعان
انا جايكم بس اتم مشواري دا و جاكم بلي
|
Post: #164
Title: Re: "ونسه" مع قرمبوز
Author: Dia eldin khalil
Date: 08-31-2004, 06:22 AM
Parent: #1
|
Post: #165
Title: Re: "ونسه" مع قرمبوز
Author: Dia eldin khalil
Date: 08-31-2004, 06:25 AM
Parent: #1
لسه كمان ...
...
يومي في من ده
|
Post: #166
Title: Re: "ونسه" مع قرمبوز
Author: Tumadir
Date: 08-31-2004, 05:13 PM
Parent: #165
بصراحة
جيت اتصرمح بى بوستكم فى ذات فياقة بالعصرية
لقيت شباب زى الملبن ...يقولو شعرويتكلموا لغات وجدان مضروبة لاسس عريضة المنكبين
ولقيت روحى فجاة كده جكس وصورتى منشورة
والله قصة
خلونى اتم الكلام كلو ...واجى انضم معاكم
|
Post: #176
Title: Re: "ونسه" مع قرمبوز
Author: omer ibrahim
Date: 09-03-2004, 05:38 AM
Parent: #166
تماضر
الحق ابوالكلس
في بيتنا جكس!!!!!
اسمعي الشباب ديل انا معاهم؟
بعدين الملبن دا ياهو البياكلو الزول كان فتح عينو ولا واحد تاني؟
اها هسة نضميك دا وينو؟
|
Post: #167
Title: Re: "ونسه" مع قرمبوز
Author: Amjed
Date: 09-01-2004, 04:31 AM
Parent: #1
لا يعني بس بالغلط زول بتذكرني و يسال عني مافا كوييييس لكن
انا جيت راجع و لاذيقتكم مر الونسه و اجعل عاليها واطيها
و طخووووووو يا هريدي
|
Post: #177
Title: Re: "ونسه" مع قرمبوز
Author: omer ibrahim
Date: 09-03-2004, 05:41 AM
Parent: #167
امجد اااخوي لكن اسوي ليك شنو كان بتجي كل عيد مرة.
ولا طخ ولا باكورد .. بس تعال لي جوة انا ذاتي عندي معاك ونسة
|
Post: #168
Title: Re: "ونسه" مع قرمبوز
Author: Dia eldin khalil
Date: 09-01-2004, 05:24 AM
Parent: #1
امك امك....
يازووول .....
الليلة بيتنا نور و كلو زيينة...
تماضر شيخ الديين فى الملعب..
او زى ما انا مسميهو الحجر بتاع راس الشارع....
واللةالونسة شكلها صباحى....
|
Post: #169
Title: Re: "ونسه" مع قرمبوز
Author: طلال عفيفي
Date: 09-01-2004, 10:16 PM
Parent: #168
بسم الله الرحمن الرحيم ..
أما بعد , فاللهم أجعل كلامنا خفيف على الجميع ..
الذي أود أن أقوله , أني في البدايه أشيد , طبعا , بالمجهودات
التي يقوم به القائمون على أمر البورد هذا ..
غير أن موضوع النظام الأساسي ده أحالني للآتي :
أحس دايما أن المثقف عنده مشكله , وهي إنه غير قادر على تطوير
البنى الفكريه الخاصه به بمعزل عن سياقات البنى المعروفه سلفا
والمنتجه غالبامن قبل الطبقه أو الدوله الذين يفترض أن مشروع
المثقف الحياتي وهمه الأول هو معارضتها ونسفها ( لو ممكن ) .
فيحدث أن يقوم في كوميوناته وأحزابه وتنظيماته وبورداته بإعادة
تكوين ذات السلطه ومنحها ذات الصلاحيات ( مع مراعاة إختلاف مقياس الرسم..) ..
يعني أنه لا توجد الى الان ما يمكن أن نسميه مثقفيه حقيقيه .. خارجه
عن الفلك الاعتيادي للسلطه الاعتياديه باستنساخاتها المختلفه ..
يعني برضو ثقافه أميريه ..
.........................
في الاسكندريه قبل سنوات كنا قاعدين ملطوشين بهواء البحر وبضعة
أفكار يساريه وفوضويه , أحمد عبد الجبار مثلا كان وجودي , أيهاب
كان طالب عدم المؤاخذه في كلية الطب , نبيل يعوض سنوات إعتقاله
الطويله بتدخين أكبر كميه من الحشيش وكتابة المسرحيات وقصص
الأطفال , خالد سارح وراء نسوان الساحل , وماهر عاكف على متابعة
ما استجد أوإستشكل من أمور الخط واللون , انا كنت مهتم بتكوين
تنظيم سري يقوم بتقويض نظام الحكم في السودان والدول المجاوره .
( إنتهى هذا الطموح حين قال لي نبيل : بص يا حبيبي , لازم تعمل
علاقه عاطفيه الأول عشان تعرف تحل مشاكل الناس التانيه .. ) ..
المهم , أننا قررنا تكوين حزب عريض وقوي يجمعنا ويحمي شبابنا, وقد كان ..
فسمينا الحزب ( حزب بلاطه ) بعد تأسيسه على ساحل الشاطبي ,
وفرض نبيل نفسه زعيماُ علينا وعلى الحزب مدى الحياه بنص الدستور
وتم تعيين خالد وزيرا للنسوان والرياضه , وايهاب ( الذي له علاقه بالطب ) وزيرا للصحه تحت شعار إصلاح ما أتلفه الهوى .. الشاعر جرجس
شكري تقلد حقيبة الأوقاف والشؤون الدينيه وكان شعاره ( الدين لله يا محسنين ) .
تمويل الحزب مسأله أربكتنا طويلا , غير أن الزعيم نبيل أنهى اللغط
بأن قال ( الحزب يا جدعان مش محتاج تمويل خارجي .. الحزب حيقوم
بتمويل نفسه ! الحزب حيبيع القضايا التي يتبناها بشكل دوري ) ..
وتمت الموافقه بالاجماع ومن ثم تكريم الزعيم بقطعة حشيش ماركة " أنت عمري " ..
.....................
والسلامو عليكم ورحمة الله
طلال
|
Post: #170
Title: Re: "ونسه" مع قرمبوز
Author: أسامة معاوية الطيب
Date: 09-01-2004, 11:42 PM
Parent: #169
وانا حا اغني
مسدار
يا ليل
على دمعة مطر تغسل شجن عمري وتروح
وأنا والغنا الجواي على طرف العوينات نتكي
ونروح … نروح
وقمرية في آخر فرع والنوم يلاوح
في النسيم
قدرت تشف عينين حبيبتي
وتستلف من ضحكتا القوقاي
وتبريلي الجروح
والشهقة تتلبت عشق يسرج خيول الكلمة لي بكرة ويجي
غيمات بتتغسل مطر وتسكن نشيدي وتتفضح بالريد
وتتلملم مواويل من رجاي تبقالي روح
والنجمة حد ما تنتبه
تسرح مع صوت السكات وتنوم
ولا يشغل رقادا الريح وهضربة الشدر
وشقوق أصابعين الجروف
من مرقة النيل المسوح
يا ليل وأنا الممدود على نسم الحبيب
لوعني كرّاب المسافات بالحزن
وايديا راجفات في الوتر
الا المطر
صحا البنيات الزمان كانن يغنن في دماي
والحلة تهرج ليلا ما طال
في الغنا الغنيتو في ناس زينب السمحات
وكت قت السفر
وعارف براك
طيرة الأناشيد جنها وجن الحفا الحمنابو في شوك البلاد
يا ليل ومنقاشنا السهر
وما لو القمر حارن
مكارن ضوُّ من عتمة غرف
ما شافن القيزان
وونسات الطنابير الحنينة وريحة الفول المنوِّر في الجزاير والضفاف
وعيون بنيتي الضوهن نوّم أسايا وصحا جواي القصايد والمسادير الرهاف
ونامت ضلامات البعاد في ايديني حنة
وشوق ضريرة وقرمصيص وفطور عريس وحلاة زفاف
وصحيت على بعد المسافة وقربي من عينين حبيبتي
تقال عيوني من الوله وقليبي والأشواق خفاف
يا ليل
وحات طولة غناك
وآهات حبيبنا الكان بيرجف
يوم يدق جواهو باب موعد جديد
والليلة بنزف حين يرن تلفون ويتشايح أنين
جايين على كتف السحاب
راجعين ومليانين حنين
لا جنحت ابياتو غربة
ولا كسر سن قلمو مشوار السنين
كلملنا النيل والقمر والقمري والنجمة
وحبيبتي ودمعتا الوكتين تدسها بعرفا
ووكتين ادسها تعرفا ويفضحني قداما السهاد
ووكتين ننوم على كيف أصابعين الهوى البيناتنا نحلم بي بعض
واقفين على باب العمر
لابسين هدوم النجمة وأشواق التمر ساعة الحصاد
رابطين هلال القمري ماسكين القمر
كاتبين على دفتر سكون الليل قصايدنا الجداد
وفاتحين سديرية الشدر للهمبريب
وبعيد زماناتنا المشن يرجع قريب
ويلم خيوت ونساتنا شال والشوق حبيب
والنومة تسرق من صحانا الدمعة
تكتب قصة الأيام كتاب والنيل مداد
أســـــامة 26/12/02
|
Post: #171
Title: Re: "ونسه" مع قرمبوز
Author: Ibrahim Algrefwi
Date: 09-02-2004, 12:47 PM
Parent: #169
طلال عفيفي
خبر
: أُسامة صديق أرسل كرت "حلو" شديد فيه تحايا وورد وأشواق كثيرة من بلد المليون فقيد أستراليا "لا غذ الله فيها بركة ".. وكتب اسامة ( سلامي لطلال عفيفي ذلك الحامي ..الولد الذي من طول غربتي تعثرت حواراتنا)...أنتهي ,
خبر تاني "
: في الاولمبياد الاخيرة دي , البرازيل عندها تيم بتاع كرة طائرة وأُقسم بالقمر فيهو حلاة بت , كابتن .. وقائد وبتضرب "سيرفات ذي الفُل… وكان أسمُها لـيْـلي هكذا بسكون رأيتهُ فيما رأيت بالمكان السري بكوبر , " هُنا توجدإحدى ابتساماتك" اوليس كذلك .!
خبر اخير
: ماش ياعم , علي الأنفلات من البنية واعادة صيغ البنيهُ "بالضمة "-عشان خاطر مـاو الذي راعي خاطري اكثر من ألف وعام من الخطر وخطرفاته- , واذا عُدنا ابعد من هذا يتواري حول العقل الثقافي المطروح اذ كٌنت بقول لوليد النعيم "انو المُثقفين اكثر البشر قدرة علي الاحتفاظ بجرثومة الرجعية في ادوات التحرر وحماية التقليد في اشكال كتيره خالص للحداثة "
…وبذاكرتي صوت مُصطفي ينُشد شليل ماراح .. هذا يعني ان بذاكرتي أمل مـا , كأمل نبيل في بيع القضايا المثبته , بيد انه أمل ضعيف فقد تم شراء كُل القضايا منذ 1967م … بس بصراحه حزب بلاطة ده حزب واصل وصاحب صاحبه ولطالما انه يجمعكم ويحمي شبابكم فنصوت له وسيرو علي بركة الهوي "المُتلف المُتلِف ابن الكلب اللذيذ هذا ,
…….
وهذا مني للاعتماد
.....
اخوكم في "الحاجات "
قرمبوز ومعه اشواقه
|
Post: #179
Title: Re: "ونسه" مع قرمبوز
Author: omer ibrahim
Date: 09-03-2004, 06:21 AM
Parent: #169
|
Post: #180
Title: Re: "ونسه" مع قرمبوز
Author: omer ibrahim
Date: 09-03-2004, 06:23 AM
Parent: #169
عاش حزب بلاطة
عاش عاش عاش
كيف بالله مش استاهل منصب (الناعق) الرسمي بأسم الحزب
|
Post: #172
Title: Re: "ونسه" مع قرمبوز
Author: Ibrahim Algrefwi
Date: 09-02-2004, 12:49 PM
Parent: #1
... سيداتي… أنساتي… سادتي , وأصحابي
سلام
وعدالة ديمقراطيةوذوق عالي , وحبيبات –للراغبين - , ومسّرة !
الشئ الذي يُشدني للكتابة - رغم عن ظرفي المؤقت- وفي" ها الحين" شبيه بالشئ الذي شدني للكتابة علي موقع سودانيز اون لاين لأول مرة منذ نيف , بلاضافة لشوقي للثرثرة والحنين ومن ثم الهروب المؤقت أيضاً من ظرفي المؤقت .
يقول الفليسوف الصيني الصغير وهو في حالة كونه تائهاً وسط جمالك الداخلي الرهيب
" أكــــلك منين يا بطــــــــــــــة "
............
أُسامة معاوية الطيب
بس بسأل عن الطيب الذي هو ثالث المدونين في اسمكُم أعلاه , هل هو جدك الذي "ابو ابوك " ؟ ! أم صفة ؟! أم حكاية لا كحكاية..أم نشيد في الفضاء الالكتروني هذا, فهمت علي !
….
…
ياُسامة تعرف ياكابتن انو مسألة الاذاعة دي هلوسة خاصة جداً وبذا الوطن وهاشم الاخضر ,,عارف مفروض نتلاقي عبر الاثير أوسع عشان نتباحث حول مسألة طهران ديت ؟!
انتَ طبعاً دايرني أسلم علي شذي .!؟ حــا ضر يوصـــــــل
……
……
يا شباب انتو صورة ايمان احمد العلي البروفايل دي موش قطعة منها ومن جمالنا المسلوب ؟ في الفايل ده في فراشه ولا أنا لخبطتا
مرورك هنا مُبهج بهجة "يني" …. ماهي اخبار الرقص والطب , والمطر ؟!
اذا حصل وشوفناك بارض الجبهة الاسلامية القومية هذه سنخبرك اخبار جيدة عن شارع النيل .
……
…….
أماني أما ان كنتم تسألون عن حالنا واحوالنا فأنا بخير وصحة جيدة ولا تنقصني سوي رؤياكم الغالية ووجه الفتاةُ التي تلقط الحَب .
……..
…….
عُمر
وغصباً عما يحيط بك ويخيطُ بنا من روف وزحمة لاتخصنا الا اننا سنفتح لك حدائقاً يايامنا المتواضعه ام اربعة ساعات دي كثيراً ..بس جيب معاك حبة انفراج وخد الباب وراك .!
ضياء اضرب لي فاضلابي و خلي يجي هنا ده , والنبي وانت ساكت يا ضياء
........
.......
تماضر
شوفتك ….يا دين النبي العربيييييييييي
وحنبنيهُ البنحلم بيه , وحتي ان نقصت حبه مونه بنتمها شعر
|
Post: #173
Title: Re: "ونسه" مع قرمبوز
Author: omer ibrahim
Date: 09-03-2004, 05:04 AM
Parent: #172
بسم الله
|
Post: #181
Title: Re: "ونسه" مع قرمبوز
Author: omer ibrahim
Date: 09-03-2004, 06:25 AM
Parent: #173
هسسسس
انتو سامعين اسامه دا بقول في شنو؟؟
|
Post: #182
Title: Re: "ونسه" مع قرمبوز
Author: HOPEFUL
Date: 09-03-2004, 06:54 AM
Parent: #181
مربع 9
عمر ابراهيم وصحبه الميامين
اشهد لك بحسن الخلقة والخلق
ويقيني أن اصحابك علي ما انت عليه
وعليه عليكم السلام وحب الله وخيراته
----
قرأت هذا البوست ثلاثة مرات متتاليه
وأنا اشد علي الذاكره واعصرها
ادقق في الأسماء .. والصور
احاول استعادة ما طمره الزمن
اتجول ما بين شمبات حلالها واراضينها التى فاقت
علي ما اعتقد العشرون
من خلال هذه الونسة الرشيقة
من خلال هذه الونسة
وجدتني اتذكر اجمل الناس واحلاهم
واعيش لحظات كم هي عزيزة وباقية في دواخلنا
اشكركم علي هذا كله
|
Post: #188
Title: Re: "ونسه" مع قرمبوز
Author: omer ibrahim
Date: 09-03-2004, 05:39 PM
Parent: #182
جمال يا ود حلتنا (زمان)
مرحبتين حبابك هنا و شكرا علي الاطراء الكثيف ..
تعرف الناس الهنا ديل كلهم ما فيهم الا فاضلابي من شمبات و ايمان الي ان تثبت ادانتها بالانتماء.
عموما شكرا علي المرور و الذكريات
............................
يا جمال البشوفك في البورد هنا بس .. ما يقول الزول الكان رااايق و قليل الحكي في الحلة داك ..
مالك الحصل ليك شنو ؟
عمر
|
Post: #184
Title: Re: "ونسه" مع قرمبوز
Author: mohammed alfadla
Date: 09-03-2004, 10:39 AM
Parent: #1
بسم الله الجميل الذي يحب الجمال
أما بعد
أصدقائي في المسرات
ومكاني السري للبكاء في المضرات(زي الأيام دي يعني)
مشتاقون
مشتاقون
مشتاقون
بي شغل كثير وأيجار واجب الدفع وأحزان ورسوم وكتابات لهذا غبت قليلا،وكنتاج طبيعي أشتقت لكم
دقيقة واحدة بس
|
Post: #185
Title: Re: "ونسه" مع قرمبوز
Author: mohammed alfadla
Date: 09-03-2004, 11:13 AM
Parent: #1
تبرز نصوص التوراة دون اخفاء غضبها (غضب يهوة)،أن سليمان أحب نساء غريبات.
ديوان الأساطير
سومر و أكاد وآشور
أناشيد الحب السومرية
حكاية
الهي تلك الفتاة التي جلست قربي في الحافلة،هل تعرفها يا الهي..؟؟
السماوات أجمل مما يجب،وتهارقا.. يغسل يديه بماء غامض.
الجراح على حالها.
الخليل صار عوده سحريا لا يراه من لم يحب،لهذا سيقول لك كثيرون أن غناءه أعمى، فلا تصدقهم وصدق قلبك.
كل يوم تنبت لي فتاة بقلبي فيقطفها رجل ما ويهديها لأطفاله.
هل جرحك غائر؟؟ سألني ود تكتوك
قلت: نعم.
قال: ما ذقت شئ بعد، يجئ زمان عليك ثقيل،تجئ طيور غريبة ، و أمهات.
تجيئك الرائحة والخوف.
قلت: وماذا أفعل حينها
قال: تحرر
قلت: حاولت ولكنني صرت أتبع قلبي
يومها كان النيل كعادته،مخيفا وجميلا.
كنا نسير أنا وزهرة ،يدخلنا الماء ولم يتبق لدي نجوم لأنفقها أو سماء أهرش جلدها
كنت أقول لزهرة:في التاسعة تماما أنظري للقمر من منزلكم وأنا سأفعل،تضحك .. مراهق لا زلت؟
أجيبها:ومرهق
يومها كان النيل كعادته..
زهرة تصغرني عمرا وأصغر عنها بأشياء أخرى
قالت لي:أنا لا أدري ولكنني لست مستعدة لجرح آخر
قلت: سأحبك لن أخدش فيك شئ
بعدها تبادلنا جراح كثيرة...
كنت أتشوق لمواعيدها،في صالة العرض بالفندق الفخم،علقت لوحاتي وفضائحي، أشتاق لزهرة و أخافها،ان نظرت لوحاتي سترى عورتي..قلت لنفسي
كانت الصباحات كثيفة والمساءات كذلك..وعندما تجئ يدخلني النيل بحاله..النيل كله بغرقاه وجنود كتشنر والطوابي والأهرامات التي هجرها والنساء اللائي يردنه والأعمال التي أمر ود تكتوك بألقائها فيه ليبطل مفعولها..
النيل كله
ويجلس جنبي الخليل،طيبا و وديعا ويغني جدا وجيدا
فتعصف بي ريح عاتية وكهرباء..تجئ طيور غريبة وأمهات ،تجيئني الرائحة والخوف..
|
Post: #186
Title: Re: "ونسه" مع قرمبوز
Author: mohammed alfadla
Date: 09-03-2004, 11:25 AM
Parent: #185
أما بعد
عمر عبد العزيز الطيب حاج ابراهيم
شنو يا ؟؟
قرمبوز
شكرا على أهداءك لي الكتابات الجميلة في البوست أياه
طلال عفيفي محمود عفيفي
دبل كليك ونص وخمسة
ضياء
يا معفن
أيمان
جيتي ،أخيرا
طمطم
بيتنا نور
أمجد
أنا كنت مافي عشان كده ما سألت
لكن الباقين ديل ما عندهم عذر
أسامة معاوية
والله النرويج فيها جنس أيرانيات هم كلهم كدة،أفيدونا بالله
|
Post: #187
Title: Re: "ونسه" مع قرمبوز
Author: omer ibrahim
Date: 09-03-2004, 05:18 PM
Parent: #186
محمد علي محمد عثمان الفاضلابي
لا أوقف الرب العظيم لك كيبوردا
و انا اشتاق لضحكتك الشاهقة تلك لكنما زهرة فيك آلمتني و لهذا سببتك يومها
اليك ابعث حبا وأغنية لم تسعفني معرفتي النتية علي تحميلها.
استحلفك بالله أن تسهر يوما في لياليها .... فهذا الفتي مجنون مجنون مجنون ..
ما تطول مني .. اخوك روحو (مهنقة) برضو وشرياني عندو وجع قلب و مرهق من الموت
|
Post: #189
Title: Re: "ونسه" مع قرمبوز
Author: omer ibrahim
Date: 09-03-2004, 07:40 PM
Parent: #187
ميلاد؟
دي شنو يا صاحب؟ اجبته سائلا
ياخ دي أجمل مقطوعات الناس ديل .. قال.
لم أدر حينها أميلاد أحدهم هو ما قصدوا أم كانت تلك اشارة لميلاد المجموعة ربما .. كانت دهشتي بجمالهم اكبر من أن أسأل .. كانوا جدا مدهشين يومها.
من أ ي سماء حطت رحالهم انهم يرغمون شعيرات يدي بالوقوف ... عنوة
اقتني لهم تسجيلا منذ ذلك اليوم .. الي الآن لا تصدأ أصدائهم ابدا .. الهذا ياتري أعطوه الأسم؟ الأصداء
______________________________________________________________________
شمبات:
رقعة من الأرض انتمي اليها بقوة .. وأحبها
لمذيد من الضوء زرها في
www.shambat.com
______________________________________________________________________
جامعة الخرطوم - مجمع شمبات
تعريف الشمباتي:
تعرف جامعة الخرطوم و منتسبيها (الشمباتي-ة) بانه-ها من درس-ت في احد كليات مجمع شمبات الاربعه
لهذا كنت شمباتيا مع سبق الأصرار و الترصد و كان -أبرياء- مثل الطيب برير و خالد عويس -شمباته-
و ان لم تثبت ادانتهم.
و شمبات في عرف جامعة الخرطوم هي - كليات الزراعة و البيطرة و الغابات و الانتاج الحيواني-
______________________________________________________________________
السحر في شمبات يتوهج ليلا .. عندما تجوبها بقصد استكشاف المكان أو بغيره
يترأي لك ذلك جليا.
شيء ما يجعل همس عاشقين وجلسة لأصدقاء و غناء صادحة أو مغني أو قراءة شعر لواحد ضل طريقه لهذا
المجمع وونسة عزابة في النافورة تخترقها ضحكة لا تجروء ان تطلق في مكان آخر من نفس الليلة ..
شيء ما
يجعل كل هذه الأشياء مؤتلفة و يوحدها و يجعلك لست بقادر الا أن تكن حبا لتلك الشمبات .. حبا
يدوم ... و يدغدغني الآن.
_____________________________________________________________________
و أنا أحاول اكتساب الفة مع شمبات .. اتجهت نحو مبني بها ..
لم اكترث لأن أقرأ ماكتب علي لافتته يومها ..
فوقاية المحاصيل أو انتاجها لم يكن ما نشدت ليلتها ..
و لم أعلم اني ساتجه الي نفس المبني - وقاية المحاصيل - كي يقرر ذلك المبني مسار حياتي في السنوات السبع الفائتة .. و لربما القادمة.
_____________________________________________________________________
احمد و شاذلي اعانو جوعي و صديق لي - رحل - بفول جيد .. كان ذلك في كافتيريا تعرف أحيانا
بكافتيريا عدلان و يسميها - كثيرون- ب-عمي حسن-
****
راشد راشد
****
اسرعت الخطي الي قرب ذلك المبني .. وهنالك التقيته .. بورتسوداني الأصل .. الشرق يتنفس كلماتة
قويا .. عندما نذهب لعلي .. يكون ثلاثتنا في قاموسه .. تلاتة نفر ..
سبب لقاءنا كان واحد .. عبد الأله البيطري الغناي.. و .. سامي .. المهندس .. غنيا سويا ليلتها.
وكنت انا و راشد هناك لنسمعهم.
______________________________________________________________________
راشد يبتسم .. لطيفا .. حين يهبشه جنون طرف .. س(صوت)ط .. الغنا
يستمع للموسيقي بانصاط تلاميذ .. الكنبة الأولي .. أولئك الذين لا يقبلوا التخلي عن .. العشرة
الأوائل بي أخوي وأخوك.
______________________________________________________________________
<<< نشيشيبه >>>
** ياخ انت ما تجيني .. انا في داخلية نشيشيبه .. هكذا قالها ناسيا أو متناسيا -ال- التي نعرف بها الأشياء!!
* خلاص تمام يازول .. بجيك والله.
**************
وجيته
**************
غرفته لم يميزها عن اخريات ينتمين ل-نشيشيبة- الا جهاز تسجيل أحمر اللون .. تليد .. اظنه .. ينتمي للشرق ايضا .. لكنما شرق في جنوب القارة الصفراء.
يستعين مسجله علي أيواء الأشرطة بداخله .. ببضع حبال من البلاستيك .. مهترئة .. عملت لزمن في أحد سراير الغرفة الثمانية.
عمر .. اناداير اسمعك الشريط دا ..
و يمد الي بشريط السمندل - الما بغباني - ثم نديره ..
يوقفه راشد .. الجهاز اللعين لا يرجع .. فقط يقدم ..
يقلبه .. يقدم .. يقلبه ثانية .. و يشغل .. و ينصت ..
و يسألني ..
عليك دينك سمعتهم قالواشنو هنا؟ و يردف -قبل أن أجيبه- لا حولااااا
نبش لي ميلودية سألتو عن فؤادي من عمق احد مقطوعاتهم .. ليته لم يفعل يومها!!!
***
راشيييييد .... ياخ مالك معاي الليلة؟
***
التقينا بعد ذلك كثيرا وما ان كان هناك شريط .. الا و كان راشد يلمس مواطن جمال فيه .. لم تدركها اذني قبله.
سامع يا عمر التشيلو بتاع محمد سيف دا قال شنو؟
ياخ ياهي دي واااضحة .. أقيس محاااااسنك بمن .. يادوررر الماليك تمن .. و الله نور عيني و نور الزمن .. عندها فقط اسمعها.
_____________________________________________________________________
راشد عندما يغني عادل مسلم رسالة الموصلي للأم ..يبكييي..
ايضا كطفل وأقول -ملطفا-
خايب ... راجل كبير كدة تبكيك غنية؟؟
علمني راشد أن اجيد الاستماع
_____________________________________________________________________
Wageningen - The Netherlands
الثالث من سبتمبر 1999
لا أدري ان كانت فكرتي موفقة يومها حين قررت
.. أن الوذ بالسمندل ..
لم أكن قد أفقت بعد من تذوق بلاد بطعم مختلف و يومها كان بالخارج الكثير مما كان يمكن اللجوء اليه ليعينني علي أول شهر غربة .. لكن قراري كان
السمندل
.. فعصف بي .. راشد .. و معه .. ميلاد .. أصداء .. الكرنق .. أم رومة .. والمامبو السوداني .. و تذكرت كيف انني قلت لراشد يوما:
خايب .. في راجل بتبكيه غنية؟ وضحكت
__________________________________________________________________________________
حدثوني
اينها السمندل؟ ؟ ؟
ولا تنسوا ايضا ان تقولوا لي
كيف بالله عليكم زجت السمندل بسألتو عن فؤادي في داخل ذلك العمل؟ ؟ ؟
********************************************
كل سنة وانتو طيبين
عمر
|
Post: #190
Title: Re: "ونسه" مع قرمبوز
Author: mohammed alfadla
Date: 09-04-2004, 03:19 AM
Parent: #187
تم السهر هناك وسنعود لاحقا
طلال جميل جمال
الود ده بيكتب حاجات حقته براااهو
|
Post: #191
Title: Re: "ونسه" مع قرمبوز
Author: mohammed alfadla
Date: 09-04-2004, 03:21 AM
Parent: #1
عمر أم سلمة
ده شنو ده
لا حولااااا
شمبات وراشد والسمندل والمسجل الما بيرجع
لا حولااااا
|
Post: #192
Title: Re: "ونسه" مع قرمبوز
Author: Dia eldin khalil
Date: 09-04-2004, 04:51 AM
Parent: #1
(كل يوم تنبت لي فتاة بقلبي فيقطفها رجل ما ويهديها لأطفاله.)
........
فاضلابي اللة يجازييك.....
مالك ياخ.....
انت قاصدنا والا شنو؟؟؟؟
.......
عمر.....
زى ما قال الجابرى....
تحية قلبية ...من شوقى مروية ....
و سلام من الاعماق....
.......
طلال...
رائع ...
وصلنى انك حفظت رقم... واضعت الاخر....
فاعلم يا هذا انى اشتاقك جدا....
وانى متقدم للانضمام للحزب.....
...........
قرمبووز ااتمنى ان لا يكونوا قد سافروأ...فمازالت قشعريرة تلك الونسة,التي بدات بنهاية الارسال لتلفزيون السودان...تحت انوار الخرطوم شرق....
..........
امجد... اظهر.
.........
ايمان واحلام الجندرية...واللة لو عملتو رابطة نسوية هنا بكون كوييس
اسامة....
ياخ انت كتاااااااااااااب....
.....
تماضر ياخ ما تجينا...
|
Post: #193
Title: Re: "ونسه" مع قرمبوز
Author: أسامة معاوية الطيب
Date: 09-04-2004, 07:52 AM
Parent: #192
يا جماعة ازيكم
كلكم
واحد واحد
فاضلابي
عارف قبل ما اجاوبك عن بنات طهران
من حقك علي ان تعرف انو كلو ما تجي سيرتك بتذكرك وانت تخرج عربات الدنيا والعالمين من باب الجودي ( ياخي انت تنفع مخرج عديل كدا )
وابوعبيدة ينفع مساعد مخرج .. وما بقي بيعرف ليهو عاطف
بنات طهران ؟ لا حولااااااااااا اسال منهن قرمبوز بعد يجيني هنا
قرمبوز
انت بتقرا افكاري ؟ اي بللاهي سلام شديد اللهجة
ضياء وعمر ياسلام علي قرايتكم لي
للجميع
بينات البحر والموج والرياح
بلقاك في غنايا ، في الدم في الجراح
بلقاك في الليالي زي هبّة نسِّيم أو نبض الصباح
با الجوايا داخل ضاقتبي المداخل ومليانبك براح
وقمريات يقوقن رجعّن الأماني وصبري الياما راح
وأدّن عيني دمعة لا طالت فراقك لا طالا النواح
وكلما الغيبة طالت بتذّكر عيونك كيف سايلات سماح
وبينّا الدنيا طيرة الأحلام غناها والأيام جناح
|
Post: #194
Title: Re: "ونسه" مع قرمبوز
Author: omer ibrahim
Date: 09-04-2004, 05:02 PM
Parent: #193
اسامه
كدي خليني من بنات طهران و فاضلابي المرض دا.
انا كلامي معاك كتير و جاي ليك بالمهلة الما خمج.
بس تعرف انا ايران و طهران و الفارسي دا عبارة عن منطقة متعددة علامات الأستفهام .. وآخر شيء حيرني هي معلومة أن أصل اللغة الفارسية و الألمانية واحد.
كدي كلمنا عن ايران و لا تنس ان تعط بناتها بضع أسطر.
**********************
قلت ليك يا أسامة:
ايران دي فوقا مريسة ؟؟
|
Post: #196
Title: Re: "ونسه" مع قرمبوز
Author: طلال عفيفي
Date: 09-06-2004, 09:31 AM
Parent: #195
عوده إلى حزب بلاطه :
كانت إجتماعاتنا الحزبيه السريه تعقد على ساحل البحر , قبالة مقام سيدي الشاطبي قدس الله ضريحه , وكانت يتم الاعلان عن هذه الاجتماعات في مقهى البوابين الذي كنا زبائنه المسيطرين : يهيب الأستاذ بلبل ( اسم الزعيم نبيل الحركي ) بجماهير الاسكندريه لحضورإجتماع الحزب السري على شاطيء البحر الأبيض المتلوث لمناقشة ما إستجد من أجنده ..
بعد المغرب يتحرك الموكب من المقهى بشارع النبي دانيال صوب البحرعندمحطةالرمل,من هناك نسير بمحاذاة الشاطيء حتى نصل المكان الأجمل فيه .. تكون الدنيا قد أظلمت وتلألأت في سماء البحر نجومه المليون ..
نفترش الرمل البارد ..
أعضاء الحزب ماهر ( محامي نوبي وقاص ) , إيهاب ( طبيب مفترض ) , خالد ( زير نساء وشاعر في أوقات الفراغ ) , أحمد ( ناقد ومثقف بنيوي ) , أسامه ( فلسطيني يعزف العود ),جرجس شكري ( يعايره الزعيم بأنه مسيحي ابن كلب , وحين نثني كلام الزعيم يصفنا الزعيم بأننا مسلمين ولاد ستين كلب . ) , وهناك محمد البرعي شاعر العاميه العظيم بحق وسميرعبد الغني الذي أصبح اليوم أجمل رسام كاركتير في عموم بر مصر .. ومحمد صالح الفتي الشايقي الوسيم والعاشق الحريف.. وأنا ..
خالد يخرج زجاجات الخمره من حقيبته وعينه تنز شقاوه,الزعيم بلبل يفتتح الاجتماع السري ,
يسأل : في حاجه جيده يا ولاد ؟؟
فنرد في صوت واحد تقريباً : لأ يا زعيم ..
فيسأل : متأكدين يا ولاد ؟؟
فنرد بصوت واحد تقريباً : طبعاً يا زعيم ...
وبذلك يرفع الزعيم الجلسه وينهي الإجتماع ..
وتكون زجاجة الخمر ركت بين يدي .
أسامه يدوز العود ..
ماهر وإيهاب يبدأن في رفع أصواتهم بأغنية " البحر بيضحك ليه " :
البحر بيضحك ليه
وانا نازله أتدلى أملا القلل ؟؟
....................................
أيامها كنت أشرب المخدرات , وقد تعلمون أثر هواء البحر على رأس مليان دخان أخضر .
أسرح قليلا ثم أميل على الزعيم و أسأله : إلا قل لي يا بلبل , هو البحر بيضحك ليه ؟
فينظر إالى الزعيم شذرا ويقول لي وهو يواصل غناء ( عشان رجليها بتزغزغه يا روح أمك ) فيكركر ماهر يبتسم خالد ويغمز لي ويقوم نبيل باحتضاني ويضحك السمك .
...................................
في يوم كنا ماشيين في جوله تفقديه في شوارع الاسكندريه .. وقفنا عند تمثال للأستاذ سعد زغلول وقام الزعيم بلبل بالترحم عليه وإقترح تكريمه .. يللا يا ولاد عايزين نكرم الراجل ! , نعمل إيه ؟
صرخ الزميل حمدي زيدان : نخلع عنه الباشويه يا زعيم !!
صفقنا وهللنا وصفرنا لكلام حمدي , فوافق الزعيم وخلعنا عن سعد زغلول الباشويه ومنحناه عضويه شرفيه في الحزب تجدد كل عام .
بعد قليل إستأذن بلبل في أنه محتاج أن يتبول ... وغاب في الظلام ( على رأي ماجده الرومي ) ..
وبينما نحن في حبور وفرح ونتقافز زي القرود تحت تمثال سعد باشا زغلول ونعد الحشيش والخمراللذان بحوزتنا وخالد يساوم على كتاب مع ماهر ليقرأه , فإذا بحمدي يبدأ أول مؤامره في تاريخ الحزب
صرخ بصوت عالي : إلحقوا يا ولاد ..
- إيه يا حمدي ؟!
- الزعيم بلبل مات ياولاد , راح في الضلمه طرطر ( أي بال ) على سلك كهربا عريان , بلبل فلسع يا جدعان ...
ورشح حمدي نفسه لرئاسه الحزب وسط الفوضى العارمه وبدأ في تعديل الدستور , سوى أن الزعيم الراحل لقضاء حاجته ظهر فجأه , وحكى له الناس على اللي جرى , فأعلنها داويه : أنا ما اتكهربتش أنا بينكم
أهو .. وعشان نلحق الموقف بسرعه هتفنا : فيفا بلاطه ... فيفا بلاطه , يعيش الزعيم يعيش الزعيم .
وأعلن الزعيم العفو العام , وانتهت أول محوله إنقلابيه في تاريخ بلاطه ..
بعدها بساعات أعلن الزعيم عن قرار إستحداث حقيبه وزاريه جديده , تم بموجبه تعيين أحمد عبد الجبار وزيرا للسياحه والإرشاد ومهمته كانت رصد الانقلابيين والارشاد عنهم ..
...............................
...............................
*** بالمناسبه عضوية الحزب مفتوحه لكل من يعتقد أنه راشد , ويحق
للعضو الايمان بأي قضيه يراها مناسبه والتصرف فيها بالتطوير أو البيع .
باب العضويه مغلق أمام العسكريين ورجال الدين من كل الملل لأسباب
تتعلق بالاداره ..
طلال عفيفي .
المنسق الأقليمي للحزب بحوض النيل
|
Post: #197
Title: Re: "ونسه" مع قرمبوز
Author: طلال عفيفي
Date: 09-06-2004, 09:39 AM
Parent: #196
أحياناً أستعجب ..
ما هو الشيء الذي جعل لفيروز هذا السحر , وهذا الحضور ؟
هل هو صوتها الكريم ولياليها الصافيه ؟
أم تلك الكلمات الخفيفه الصادقه ..
هل هي البلاد اللبنانيه وجبالها العاليه ؟
أم هم الأخوه رحباني وفيلمون وهبي ..
أم هو وجهها الطويل الناحل المُغني الصابر ؟
أتساءل ..
كيف تحاصرنا فيروز ؟
كيف أستطاعت وسمحت لنفسها أن تكون ذلك القاسم المشترك , دون أن
يرف لها جفن ..
كيف أدهشت الشعراء والمثقين والعاشقين والمقاتلين وحملتهم تحت باطها في رحلتها إلى القمر ؟
كيف عطرت ليالينا بالقرنفل ,
ونثرت عليها الفضه ...
كيف تأتى لها ذلك العبير الخفيف ؟
كيف سامحت اللغة العربية من الاساس ؟
...
طلال
|
Post: #200
Title: Re: "ونسه" مع قرمبوز
Author: إيمان أحمد
Date: 09-06-2004, 07:42 PM
Parent: #197
طلال
وجبت سيرة فيروز،
وتلك الأراضي التي تدحرجنا فيها- أو ربما العكس- يوما ما.
ومشينا علي البحر،
وقلنا نشوف صخرة الإنتحار،
لكن قبل كده شفنا بيت فيروز........
والرصاص مرشوش علي الجدران...
وفي كل مكان.......
هل العواصم العربية تحب الرصاص؟!
وقفنااااا وتأملت البيت العتيق
وحكي لي من معي عن رحلته لبيروت قبل عشرات السنين
كنت وقتها أقل من العاشرة
وأتاها هو متطوعا في أحدي المحن -العربية بالطبع.
وحكي لي عن أيام في ملجأ تحت الأرض
وعن قذائف دكت الملجأ،
وأجساد نساء وأطفال احترقت، وكانت مردومة فوقهم!
(ذا الطبيب الإنسان.. قلبه واسع وجميل!)
واتذكرتها بفستانها الأبيض في بيت الدين،
لأول مرة بعد الحرب (هم كام حرب؟ فقد أصبح لكل مدينة عربية أكثر من ذكري حرب!! بقول كلامي ده، وقبل دقائق كنت بتكلم مع أحد العراقيين، فحكي لي عن مآسي الحرب..... خجلت أسأله: حرب الخليج الأولي ولا التانية؟ ماهو التعدد نعمة خلي بالك!)
علي العموم هي بتنساب جواااا، وبتقول كلام حنين وعااااادي
بيوديك السما السابعة!!
لك عاطر سلامي، وأحكي لينا عن رحلتك للقاهرة،
متشوقة أسمع عن التصوير، والذي منه.
إيمان
|
Post: #198
Title: Re: "ونسه" مع قرمبوز
Author: mohammed alfadla
Date: 09-06-2004, 10:16 AM
Parent: #1
يا شباب
في زيارة تفقدية قام ممثلكم في أسكندنافيا بزيارة السويد
والله العظيم
فيها جنس بنات ،يا لطيف يا ربي
فارعات و طيبات وعيونهن خضر وزرق وألوان أخرى غير متوفرة بالسودان..
قمنا بزيارة
عدد واحد بار ومقهي ليلي في جوتمبيرج
عدد ثلاثة مراقص في أريبرو
وبزيارة صباحية لعموم أستكهولم
كللت الزيارة بالنجاحات المتوقعة لها
بهذا أقدم طلب التحاق بحزب بلاطة في منصب الزعيم المكلف بأسكندنافية
وأقبل طلب التحاقي بنفسي،تطبيقا لمبدأ الحرية الشخصية بالحزب
عاش الفاضلابي زعيما مكلفا بالمنطقة الجغرافية التي تشمل
النرويج السويد الدنمارك فنلندا وايسلندا
عاش
عاش
عاش
|
Post: #199
Title: Re: "ونسه" مع قرمبوز
Author: طلال عفيفي
Date: 09-06-2004, 12:35 PM
Parent: #198
والله يا فاضلابي سلامات , وان بي حسد يا شاب , هل رأيت بنات بحر
الشمال , ياااه , روحي تتمطق على شارع تتعثر فيه قدماي ببنت !
..................
طبعاُ يافاضلابي خطوه موفقه انك تدخل الحزب , وانت حر في استحداث
المنصب الذي تراه مناسباُ , بس يا خوي كلمة "زعيم" دي نرجو ترشيد
استهلاكها عشان نبيل ممكن يتحسس .
*منسق حوض النيل .
طلال
|
Post: #201
Title: Re: "ونسه" مع قرمبوز
Author: Dia eldin khalil
Date: 09-07-2004, 06:37 AM
Parent: #1
اول حاجة دعواتكم معانا لي والد قرمبوز بي عاجل الشفا
تاني حاجة....
طلال انت ما عرف انو انا قايم علي الحمى الفيروزية الايام دي و(حبو بعضن...
و تركوا بعضن....
وبديت القصة تحت الشتا...
بى اول شتا حبو بعضن....
و خلصت القصة بتانى شتا ...
تحت الشتا تركوووا بعضن...
حبو بعضن ....تركو بعضن....
اخخخخخخخخخخخخخخخخخ
الايام دي الغونية دى ابت كلو كلو تفارقني
.....................
فاضلابي احب السويد كلاها يا صديقي
و بي بناتا كمان....يلا
...................
عمر كان جيت السودان اتكلم
انا ما لاقي ليك اي تلفون....
ايمان وووللة بختك عدييييل كدة..
|
Post: #202
Title: Re: "ونسه" مع قرمبوز
Author: mohammed alfadla
Date: 09-08-2004, 03:22 PM
Parent: #1
أسامة معاوية
خوبي
باشي؟؟؟
طلال عفيفي
طيب ياسيدي خليها منسق بحر الشمال وبناته
ضياء
أنت وعمر وين
قرمبوز
الله يوالي بالعافية
قلوبنا مع الوالد
|
Post: #203
Title: Re: "ونسه" مع قرمبوز
Author: omer ibrahim
Date: 09-08-2004, 05:28 PM
Parent: #202
مع السلامة مع السلامة
كلما الخرطوم يعاين فيني ليلا
و يفتح النيل فيني نيلا
ببقي نجمة رايحة في الليل و الضلمة
كنت داير ابقي ذادك .. و افتح الأحلام قصادك
لسة داير ابقي ذادك .. وانت ناسياني في بعادك
امكن اقدر يوم اسامحك و يفتح الضي لي ملامحك
زي غمامة بعيد تلاوحي .. و اصلو عادة الغيم يسافر
بي مزاج الريح رحيلو .. يابا يرمي الضل لوادي و يمنح الأمطار لغيرو
مع السلااااااااااامة .. مع السلامة
***************************************************************************
فاضلابي انت دحين ياخوي الشاعر المعروووووف دا قال كدة ولا في (ملاحيظ) في الكلام دا؟؟
أوووعك تتأخر بالتعديلات و بعد داك .. تعال صنقر لي في بطن الواطا دي
عمر ود عمك ابراهيم
|
Post: #204
Title: Re: "ونسه" مع قرمبوز
Author: أسامة معاوية الطيب
Date: 09-08-2004, 09:06 PM
Parent: #203
فاضلابي
دي بس ياها الادوك ليها ؟
بعدين خوبي دي البتعقبا علامة الاستفهام مش التانية يا بليد
اماني في جنس خوبي هنا لا حوالااااااا
عفيفي
ساكتب عن حزبكم الجميل ساعة استفيق من جمال المفارقات المتسارعة حتى لكأن حزبكم (الميمون ) ياخذني لاوسع مارثون في الدنيا ويقطع انفاسي
ما بتعتقد انو المانفيستو بتاعو محتاج لخبطة اكتر ما هو ملخبط ؟ ساتقدم بمقترحي
وانا طبعا ما حا اتقدم بطلب لاعلن مسئوليتي الكاملة عن البان ديار فارس (تقصير الظل الاداري والنفسي دا مهم جدا )
ساعود
بالمناسبة اللبن هنا اسمو شير
يعني الايام دي الواحد شغال شرشير سااااااااااكت
عمر عارف سوالك عن اللغة الفارسية احرجني جدا لاني اول امس جيت الطيش في الكورس الاول لكن حتما ساجيبك يوما ما
انا جاي الضحية السودان يا فاضلابي وطبعا البقية بيكونو قاعدين صاح؟
سلامات سلامات سلامات لابونا يا قرمبوز
|
Post: #205
Title: Re: "ونسه" مع قرمبوز
Author: mohammed alfadla
Date: 09-09-2004, 01:47 AM
Parent: #1
عمر ود خالتي أم سلمة
زادك
ويغفر الضو لملامحك
ياما بدي الضل لوادي
أسامة معاوية
كوسكيش
أها دي كيف
قرمبوز أبونا ما بقى أحسن شوية
مع أنو ماو بكون ما متأثر نسبة للعداء التأريخي
ضياء انت مشيت وين
|
Post: #206
Title: Re: "ونسه" مع قرمبوز
Author: إيمان أحمد
Date: 09-09-2004, 10:45 AM
Parent: #205
خلونا كلنا نكون مع قرمبوز
في اللحظة دي
إيمان
|
Post: #207
Title: Re: "ونسه" مع قرمبوز
Author: Dia eldin khalil
Date: 09-09-2004, 12:27 PM
Parent: #1
salam ya shabab
walid grmboz itwafa lai ra7mat mawlaho ombari7 al saba7
rabana yeskino fasiii7 ganato
ina lilah wa ina elih la rage3on
|
Post: #208
Title: Re: "ونسه" مع قرمبوز
Author: طلال عفيفي
Date: 09-09-2004, 01:11 PM
Parent: #207
يا ابراهيم يا حبيبي ..
ترى كم طائر محزون نقر قلبك ؟
ترى كيف تبدو الدنيا حين يفقد انسانا في مثل هذا المقام ؟
أكان صديقك,وحبيبك ؟؟
هل كان وناسك وجلاسك ورفيق ليال مقمره في الحوش ..
ياااه , كم يوحشك ..
...................
...................
هي الدنيا يا هيمه..
وما عند الله خير وأبقى ..
طلال
|
Post: #209
Title: Re: "ونسه" مع قرمبوز
Author: أسامة معاوية الطيب
Date: 09-09-2004, 09:58 PM
Parent: #208
صديقي الذي لم تلده لمة
لمتين نتجارى على الأيام لهفة وأشواق
وما يسكن جوفنا بلا الحسرة
وتتشعبط فينا ليالي الفاق
والوجعة تقِّيل في الغنوات ، والقلم اشكدي على الأوراق
فليرحمنا الله يا صديقي ونحن نطالع بامهات قلوبنا العمر يتسرب من بين اصابعنا ويمضي بعيدا ولكن
فلنصبر اذن (انا لله وانا اليه راجعون)
يجب ان تتماسك حتى نردد معك
والشدر القبلك متصبّر محّنتو صبر وضويتلو صباح
وشطّفتو نسايم غنواتك ونسّيتو زمانو الكتّاح
وعلمت عصافيرو تغني وكيف صبّت مطر الأفراح
وآمنبك وراح
يدعوبك ضد الأتراح
في دار الأرقم ويتعلم كيف يبقى صحابي ويرتاح
من قسوة دهرو اللفّاح
وياك انت رسولو صحيح
هيا يا رسول الصبر علمنا
الرحمة كلها للراحل المقيم والصبر والعزاءات للاسرة والاصدقاء
|
Post: #210
Title: Re: "ونسه" مع قرمبوز
Author: omer ibrahim
Date: 09-10-2004, 02:36 AM
Parent: #209
لا اله الا الله.
لا اله الا الله
|
Post: #211
Title: Re: "ونسه" مع قرمبوز
Author: mohammed alfadla
Date: 09-11-2004, 11:31 AM
Parent: #1
أبوك أبي يا أبراهيم
والفقد واحد
اللهم أدخله الجنة
وأحببه وخصه بجيرة أحبابك
|
Post: #212
Title: Re: "ونسه" مع قرمبوز
Author: معتز تروتسكى
Date: 09-11-2004, 10:47 PM
Parent: #211
نعم ابراهيم..
كماقال mohammed alfadla
اقول ..
*أبوك أبي يا أبراهيم
والفقد واحد
اللهم أدخله الجنة
وأحببه وخصه بجيرة أحبابك
*واضيف..
من أين ابد
رحل حطام كل الكلام
والكلمات00
وكف النبض تحملني
إلى مكنون ساقية
المتاهات00
وقفت على البر
انطق حديثي على
الأوراق بالمسامات00
لم أجد من يفهمها (غيرك)
فيمد يداه بالامنيات00
غير ابتاه0
|
Post: #213
Title: Re: "ونسه" مع قرمبوز
Author: أسامة معاوية الطيب
Date: 09-22-2004, 01:51 PM
Parent: #212
كلما نفرع للحزن بابا نفدح بابا من دمنا علي الكون
وانت تعرف جدا يا ابراهيم ان الحزن ما وقر في القلب وانبت اطفالا من الحب والفرح ومحاولات البقاء
كلفني طلال عفيفي ان اعود للونسة
ووعدته بتجاوز الحزن
دعونا نتونس وفي ايدينا بقايا الفاتحة المرفوعة علي فقيدنا وابونا (انا لله وانا اليه راجعون)
عزاءات
عزاءات
عزاءات
|
Post: #214
Title: Re: "ونسه" مع قرمبوز
Author: طلال عفيفي
Date: 09-22-2004, 02:20 PM
Parent: #213
بسم الله الرحمن الرحيم ..
بعد كده الواحد ممكن يدخل,بعد ما أسامه فتح الشبابيك ونفض الغبار , سلامات قرمبوز
وحشتنا يا جميل الدنيا من غيرك ماسخه , الونسه ماسخه والشوارع الفي الخرطوم على
العليها ماسخه ..
أمدرمان كفاها يا ابراهيم , أدونا معاكم نفس ..
تعال ..
.......
...
طلال
|
Post: #215
Title: Re: "ونسه" مع قرمبوز
Author: أسامة معاوية الطيب
Date: 09-23-2004, 11:17 PM
Parent: #214
على الشبابيك البعيدة يلوح طائر غريب ينتظرنا أن نغلق نوافذ قلوبنا حتى يعبث باوراق الغرفة ونحن في عتمة الحزن نغني للفراغ
على ذات الشبابيك ينقر عصفور ابيض (كخاطرة وليد) ينقر على ورقة خياليه يفترضها تمتد بين صحوه ونعاسنا وترسم معنى للفرح البعيييييييييييييد
على ذاتها
تنكفئ الاغنيات في حزنها فتفرهد فرحا انيقا دافئا يكتب
الحزن لمان يفرهد يبقى للطيبين قصيدة
والقصايد يوم تفرهد تنعش المقل السهيدة
والمقل لمان تفرهد تسقي زهرة ريد جديدة
والزهور لمان تفرهد تنفح المدن البعيدة
وعندها ستنام الشبابيك على نقر الحبيب بعينيه على النجمات النائمة
لماذا كل هذا الصمت ونحن احوج لكلام يمزق فواتير الحزن
قرمبوز ان لم تفعلها وتدخل سنخرج منكسرين بخذلان الصحاب المساكين وستدخل الوحشة وحدها
|
Post: #216
Title: Re: "ونسه" مع قرمبوز
Author: طلال عفيفي
Date: 09-25-2004, 08:30 AM
Parent: #215
يوميات :
" الى مرتادي البوست "
والى " قرمبوز" طبعاً ....
................................................
طالعت الصحف المحلية , وتجولت في الخرطوم , تلك المدينة التي تفقد بهجتها من غير أصحاب .
ساورني حنين صباحي إلى حبيبه بيني وبينها بلاد . أرهقتني الشمس , وأخبار النشره .
عند الظهيرة , نمت .
صحوت عند المغارب .
إتصلت بعصام . .. قال أنه ذاهب إلى المكان إياه .. ( فتذكرت البنت الحبشية , أسمها جليلة , وهي جليلة ,طويلة القامة , هيفاء , عارضة أزياء سابقة أفضى بها مصيرها النحس إلى السودان . )
إتصلت بالقاهرة ..
وكان المصريون كما هم , في فرح وحبور .. فاليوم عيد ميلاد إيمان زوجة صديق عمري إيهاب .ليلى ومنال وصليب وعلاء كانوا على مائدة مشتركة في النادي اليوناني حين إتصلت ( ربما كانوا يحتسون
النبيذ أو عدة زجاجات من البيره .. ) .
حدثتهم بأشواقي .
طيبوا خاطري : إنت برضو واحشنا , حتيجي إمتى ؟
.........................................
الخمر قاربت على النفاذ , والحنين يتوهج .
أستمع للبنت اللبنانية : أليسا .
( حلوه , مش كده ؟ ) ..
أنها معي الليلة , تؤازر وحشتي وليلي البهيم .
.......................
كنت في العربه التي أسوقها أستمع لتسجيل تغني فيه سعاد حسني مع احمد زكي , ولكنها كانت فرحانه أكتر من اللازم ..
لم تكن تدري أن صوتها يوجع الولد المسكين ( الذي هو أنا). عليها الرحمة .
..........................
ولي خالة ( أخت أم ) , جاءت لزيارتنا من مصر , وبذا غلب على المنزل العفيفي وجه نوبي , سوى أني بحثت
في ثنيات الخاله عن رطانه فلم اجد !, بل وكانت تتحدث العربية بطلاقه ودون عوج , ( فليرحم الله جدتي فاطمه)
.........................
…………………………………
في البلاد مطر ..
وهمبريب ..
...
طلال
|
Post: #217
Title: Re: "ونسه" مع قرمبوز
Author: Tumadir
Date: 09-28-2004, 04:00 PM
Parent: #216
عد الينا يا قرمبوز
احك لنا عن احزانك وفقدك
فحزنك الكبير لن يتضاءل الا عندما تبكى على اكتاف الاصدقاء
رحم الله والدك العزيز
وحدادك عليه سيطول ان لم تعالجه بالعادية ...والرجوع ...الينا
فنحن ...على ما يبدو... ايضا نحبك
|
Post: #218
Title: Re: "ونسه" مع قرمبوز
Author: dreams
Date: 09-28-2004, 09:32 PM
Parent: #217
صباحكم خير بتوقيت الخرطوم ..هنا..وفيكم
قرمبوز
خبرنى شعاع صباحى هذا اليوم بانك اختلست شئ منه فى نظرة يقين ووعد للشمس بانك ما اختلسته الا لتحمله لنا هنا وتلقى به فى وجه غيابك الكالح لتستضئ المساحات بحضورك البهى
فى انتظارك وفى كفك الضياء
|
Post: #219
Title: Re: "ونسه" مع قرمبوز
Author: طلال عفيفي
Date: 09-29-2004, 06:42 AM
Parent: #218
اليوم أواصل ما إبتدأ من ليالي خرطوميه كئيبه , مدينة الرماد المتوجه على الزمن المحروق ..
أواصل ما كان من تجوال في بلاد أضحى لا ناقة لي فيها ولا جمل ...
مازالت المدينه غامضه وشحيحه وفقيره ومنهوبه , على شوارعها تراب وعلى ذاكرتها تراب , وكل ما فيها يعج بذلك الطعم الضروس ..
أنباء القتل والحرب والمؤامرات الإنقلابيه تحوم وتتجول في المدينه بلا رقيب ولا حبيب , والدوله تنشط في رشق الشوارع بعساكرها ...
الليله الماضيه والتي قبلها عبر البلاد مايشبه الإعصار .. عاصفه شديده ومغبونه إقتلعت الأشجار من الشوارع بعد أن سلك في جذورها السوس .. وتساقط على البلاد مطر قوي وكأنه يحاول غسل المواطنين من أحزانهم والحكام من ذنوبهم ..
لا الحزن أنمحى ولا الذنب وظلت العربات العسكريه تجوب الليل وتنتهك الروح ..
ما هذا القبض يا رب ..
بسطك يا الله ..
.............................
في أمدرمان كان " قرمبوز" يسكب المحلب على حناء أحزانه الوحيده , يبحث عن فرصه وحيده ليبكي وحيداً ,كان أباه قد سافر إلى السماء ومات .. عاجله الأمدرمانيون والجريفاب بعباءات الرجوله وملافح الذكوره التي يجف فيها الحنان ومنعوه من البكاء والعويل , كلما شارفت دمعه على الهطول رفعوها بالفاتحه .. ربتوا على كتفه وقالوا : شد حيلك يا زول .. فيشد حيله , وحيله أوهى ما يكون والروح حزينه وفيها لوعه وحنين ..
...............................
ذهبت إليه في صباح .. دخلنا غرفته .. وجلسنا على مقربة من الذكريات , سمعنا فيروز والبلابل وشيرين , وأخفينا عن بعضنا أدمعنا .. ونحن نعلم أن كلانا نبكي ..
بكينا كل هذه المصيبه والفداحه والفقد ..
أبكتنا اللوعه وغربة الروح والقهر ..
أبكانا العسكر الجائلون في الطرقات والغبن ..
وبكينا للمره الألف من فرط الغياب ..
الأصدقاء أين ذهبوا .. ؟
لم غادرتنا البنات .. ؟
أين طفشت مدينتنا يا ناس .. ؟
وأحلامنا ... ؟ , كانت هنا منذ قليل , من سرقها ؟
.................................
خرجنا بالسياره , طفنا المدينه وضواحيها , كنا نبحث عن ملمح نتعرف عليه , أو معلم صليح مع الذاكره ..
كل شيء فيها كان يشي بزوال فاجر ..
العابرون تائهون. بنات المدارس أنسكب من عيونهم ذلك الألق والبريق . النساء محمولات , والرجال , أجارك الله , في خيبه وسكون يجرجرون هزائم البارحه بتؤده ..
...................................
....................................
في ذاك النهار المحزون كانت أكثر فجاج بلادي عماراً هي المقابر : كانت العربه قد وصلت بنا مقابر الشيخ خوجلي في بحري .. الشواهد تقف في إنضباط وإستقامه وكـأنها في إنتظار ملك جديد .
كنت أود لو نزل إبراهيم وناجى أبوه ..
لكن حزنه كان كبيراً , عالياً وعميقاً ... فخفت بأن يفلت منه ويعربد في الساحه ..
هنا ينام آل الجريفاوي وآل عفيفي وسائر المحس والحلب عليهم السلام ..
...
طلال
|
Post: #220
Title: Re: "ونسه" مع قرمبوز
Author: mohammed alfadla
Date: 09-29-2004, 08:09 AM
Parent: #1
أنا عاوز أكاوي طلال
أنا أمي بترطن حلاة رطانة وخالاتي كلهم
أبراهيم وعمر تعالوا ياخ
|
Post: #221
Title: Re: "ونسه" مع قرمبوز
Author: Ibrahim Algrefwi
Date: 09-30-2004, 08:14 AM
Parent: #1
سلام رهيفاً يشف ارواحكم ...
ولكن وجوهكم " ياناس " تذيد من بل طين حزني .. الحُزن الذي من حسن معشره معي ارتداني تميمة الابد ... وصار يمشي في دمي المهلة.!
أستغفر الله العظيم
ليتني أبكي وكفي , اني انشرط في رأسي الف مرةِ ومره , الحنين ياتماضر ... مامضي ليس بالهين , حياتي ومايربو عليها... الذكريات صارت بوبابتي الصباح والمساء , امي وجههاء يؤلمني , الشوارع تُبكيني
المصحف , الساعة , المسبحه ..الكتب التي يدهمها حزنها ..الوحده والجيران , السابلة.. كُل شئ يذبحني الف مرة ياتماضر , حبيبي أبي وأنا لا ادر دموعا كما يجب ..خوف من رهافةأُمي التي محشورة في صبر ابيض ونساء ينحن علي ابي بجوارها ليل نهار والصبية الوسيمة التي دهمها الخوف والحزن "داليا عزالدين" اختي المحزونة من يُتمها, فياسماء ارحميني ...
أستغفر الله العظيم
الان انا اُجاهد روحي كي اكتب ...ربما يعلم بعضكم انه من الصعب بمكان ان يستطيع احد تحدي مابه من مشجنه فيرفعها من قلبه وعقله الي المخيلة الموعوكة فقداً ثم يكتبها في ورق ... انا شخصياً ارهف من ان افعل هذا الان صدقوني .!
, احاول ان اهرب "مني" من الذاكرة ,ذاكرتي التي تحكم احزاني , ياليتني ...
يالله ...
أأنا الوحيد المُستباح كشمس اّب !
أستغفر الله العظيم
ماقادر .., لا استطيع ان اكتب ان احكي لكم عنه اعذروني , انا ازرق ... الحنان يشقني ويشدني الي أيام كان لي أب يحمي ظهري وعيناي من الانحناء !
أني اتضور شوقاً وافتقد كُل شئ كل شئ ...فـياسماء ارحميني .
أستغفر الله العظيم
ليتني اقوي واحكي لكم ما يذبح اخوكم الوحيد... ولكن فلتتركو ما تبقي من روحي يكر ويفر يمشي سارحا يهيم , انا اعلم جفافها المحكم هذا من فعل اتحاد الذهاب والاياب عندي ...
لطفاً
لطفاً
لطفاً يُتها الاحوال ...
أستفر الله العظيم
حسناً ...
فليحفظك الله جُملةً يا طلال ... طلال عفيفي يسد اكثر من فجوة جوه الواحد , هذي الايام يلعب طلال معي دور اخي الاكبر والاصغر الصاحب الوسيم ينفضُ عن وحدتي الكدر , ويجعل من يتمي يتماً مأمول , هذا الشاب كالبصيص ... أصبحت احبه لدرجة اني اخاف عليه من احزاني ... اللهم احفظه لي ويا سماء كوني رحيمه
........
........
أسامة جايين شويه شويه ريثما يمهلنا الفقد متكأ , عارف كان من المفروض اكون معاك في طهران كيفما اتفق الا انه الزمان وتصاريفه
الا انها الدُنيا ...وهي عادتها بت الكلب ..!
..* "كم تغير وجهي
من قسوة توقي
صـــــــار
صـــــــار كسطح القبر "
أستغفر الله العظيم الف مرة
ساحاول ان اعيد ترتيب ماتبقي من روحي دي واجي اكتب تاني ونتباحث حول سبل نقدر نعيش بيها "عشان نفرس كبدها الدنيا بت الكلب"..! هذا بعونكم وعون الله ...هذا اذا سارت الامور علي غير عادتها وكانت السماء رحيمة ..!
.........
.........
الحمد لله علي كُل حال , وأنا لله وانا اليه راجعون !
|
Post: #222
Title: Re: "ونسه" مع قرمبوز
Author: إيمان أحمد
Date: 09-30-2004, 08:29 AM
Parent: #221
براحة علي روحك يا برهومة
|
Post: #223
Title: Re: "ونسه" مع قرمبوز
Author: Amjed
Date: 09-30-2004, 11:10 AM
Parent: #1
اابراهيم لا ادري ماذا اقول فالفقد فادحه لكن عد يا اخي فلربما نضمد جراح بعضنا البعض
|
Post: #224
Title: Re: "ونسه" مع قرمبوز
Author: Amjed
Date: 09-30-2004, 11:10 AM
Parent: #1
اابراهيم لا ادري ماذا اقول فالفقد فادحه لكن عد يا اخي فلربما نضمد جراح بعضنا البعض
|
Post: #225
Title: Re: "ونسه" مع قرمبوز
Author: أسامة معاوية الطيب
Date: 09-30-2004, 11:36 PM
Parent: #224
ابراهيم
انا اعرف اي قلم واي مداد يتوليان امر الكتابة عنك الأن
واعرف اي سحاب يتبرع بدموعه لعينيك
واعرف جيدا اي ريح تزعزع جانبا من قلبك كشجرة سنمكة وحيدة في خلاء بعيد يخلق منها دفع الريح عازفا جميلا على فلوت من وحشة
اعرف (ربما اكثر من كثيرين هنا) ان تمر على قبر تسكنه وانت تمشي على طرقات بت الكلب هذه
ولكن الذي اعرفه اكثر اننا لابد لنا من اعادة (جير) هذا القلب ببياض يجلب الضوء في عتمة الوجل هذه
ابراهيم
ساغني
يا طالعة من رجفة جريد
لي قمري يبكي علي غناي الراح
يتشايحك حزني ويفوت .. وتسكن سرايح فرقتك جواي
وحد من جيت أدودر ذكرياتك ناي تموت أفراح
وأنا الشحّت غيوم دنياي أفتش ليكي في النفس
البيطلع شوق وينزل بي قفايا جراح
وألقّط صوتي من نيلك كما الهدّام
وشهقة تمرة عز الصيف وكت بشّرلها النسّام
وكانت ها الليالي غناي وكان قمر الأماني صباح
معاي يا نمة الأحزان معاي يا لمة الأوزان
وقيساب العشم والدم ..
وكت تسّب زمان الغم وطلوح بي مريكبي وراح
معاي بين الوتر والريشة بين حسي وسكات أمسي
وترقب باكري يوم ترتاح
عصافيرك على غصن الوفا المشدود وهمة جملة الأصحاب
على خاطر وطن مدلوق على الأوراق حبر وأشواق
ومتوطي الجمر في سكتك حفيان وما محروق
ومتوضيك يا رجعة عيوني البيت
الاقيك قبلة للشفع ضرا ومحراب
واقطّع من هجير امبارح المجروح
أروّب نسمتك للليل.. ويمرق بوخ سمايم الحالة يتفرق
عشان تتلم جنياتك على تقند رجاك تيراب
ويرجع صوت بطان الحلي والطنبور
ويرجع للقصيدة الدم .. تفرهد بي غناك تنجم
على كيف المسا الراجيك مندي أحباب
وفاتح في وشيك الباب
ومو من باب
بتتسرب شقوق ايديك على رمل الغناوي سحاب
ومو من باب
بتتجاسر شبابيكك تلوّح للقريب يغشاك وتستر غيبة الأغراب
ومو من باب
بيطلع للشوارع جيل ملقي وشيهو للنجمات
بعد ذاكر غناهو وداب
عليك اتوكل التاريخ وبيك سمّ البلد شهداهو .. لم ضياهو في الجايين
وبيّن عذرو للغُيّّاب
|
Post: #226
Title: Re: "ونسه" مع قرمبوز
Author: mohammed alfadla
Date: 10-01-2004, 12:52 PM
Parent: #1
أخوي وحبيبي أبراهيم قرمبوز
الصبر يا صاحب الصبر
أركز بعد ده
الدور عليك، و أنا عارفك راجل وشيال
يا أبراهيم يا حبيبي
الموت جزء من الحياة و من مواسمها الكتيرة
الحلوة والمرة
أنا عارف روحي بقول ليك في كلام بيوجع وأنت ما محتاج لي زول يكلمك ،لكن أنا محتاج ليك
مش دي وظيفة الأصدقاء
يفتحون جراحك ثم لا يغلقونها أبدا
قرمبوز
يا فردة
عمك صلاح أحمد أبراهيم قال
ما الذي أقسى من الموت فهذا قد كشفنا سره
وأستسفنا أمره
وخبرنا تفه الدنيا وما في بهرج الدنيا الحقير
يا منايا
حومي حول الحمى
وأستعرضينا واصطفي
كل سمح النفس بسام العشيات الوفي
الحليم
العف
كالأنسام روحا وسجايا
وأمان الله منا يا منايا
كل ما أشتقت لميمون المحيا
شرفي
تجدينا مثلا في الناس سائر
القرى منا وفينا لك
والديوان حافل
يا ابراهيم الموت حق
والحياة باطل
جميل بالأحباب
أركز
أركز
لسه الجاي كتير،داليا أختي أنت بقيت أبوها،وأمي أنت الراجل البتفرحها دخلته للبيت
فرحها يا هيمة
تعال بي قفة الخضار وبالماجستير وبالمرة والأولاد
قول ليها يمة طبيخك حلو أطعم من طبيخ مرتي
أبراهيم الموت وقت يجي
حبابه
خالد عباس قال:
أدفنوني واقفا فأنا محارب حتى أواجه سطوة الموت بأحساس المغير..
لسع مواعيدنا على حالها
لسه حنتلاقى ونتكلم ونثاقف ونشرب شاي في بيتكم.
أخوك
محمد
|
Post: #227
Title: Re: "ونسه" مع قرمبوز
Author: omer ibrahim
Date: 10-06-2004, 03:47 PM
Parent: #226
اما بعد ايها الناس ...
|
Post: #228
Title: Re: "ونسه" مع قرمبوز
Author: mohammed alfadla
Date: 10-07-2004, 01:45 AM
Parent: #1
عموري
حمد الله على السلامة
|
Post: #229
Title: Re: "ونسه" مع قرمبوز
Author: إيمان أحمد
Date: 12-07-2004, 06:06 PM
Parent: #228
سلامات يا قرمبوز
إيمان
|
|