Post: #1
Title: يا بورداب الدوحة....... بسم الله نبدأ .
Author: Randa Hatim
Date: 02-12-2007, 07:50 AM
Parent: #0
Quote: لى يقين...بأن محمد عبد السلام يستحق ان نقف معه...بكل طاقتنا
فالساق التى وقفت ببسالة هناك....لا تستحق أن تبتر....لضيق ذات اليد |
| Quote: خاض محمد عبد السلام معركة نصرة الشعب والدفاع عن حقوق المقهورين بجسارة، لذا لن نتركه يخوض معركته هذه مع المرض اللعين لوحده، وركزت ساق محمد في ساحة الوغى ببسالة، لذا لن نتركها تغادر جسده. لهذا نبتدر هذه الحملة موجهة لكل الشرفاء من أبناء وبنات السودان الأوفياء، للمساهمة في إنقاذ حياة وساق محمد عبد السلام، بتبرعاتهم السخية... وسنذودكم بارقام الحسابات فورا |
تسلمى يا شذى .....
نقول بسم الله ونبدأ يا بورداب الدوحة ...
وباب حماية الامل العام مازال مفتوح .....
الدعوه لعموم البورداب .... واهل الحاره ديل اهلى ...
|
Post: #2
Title: Re: يا بورداب الدوحة....... بسم الله نبدأ .
Author: محمد سنى دفع الله
Date: 02-12-2007, 07:57 AM
Parent: #1
رنده حاتم
اهلك اهل الحارةوالفزعة
اهلك معروفين من زمنا بعيد
بالنصرة
مودتي
ولي قدام
وأجمعوا اهلي ناس الخير
ســـــودانيي الدوحة
والأمل بابو مفتوح
تعالوا
|
Post: #3
Title: Re: يا بورداب الدوحة....... بسم الله نبدأ .
Author: هجو الأقرع
Date: 02-12-2007, 08:07 AM
Parent: #2
الكريمة ام حاتم .... اخوانك حاضرين .... جزيتى خيرا .
|
Post: #4
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 08:10 AM
Parent: #1
بسم الله تقد عين الشيطان
فى إنتظار الأمر للتنفيذ
5723216
ِِش
|
Post: #5
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:23 AM
Parent: #4
محمد السنى يا ود خالتى ....
اقول ليك شنو بس ... يوم شكرك ما يجى ...
يا ها المحريه فيك يا ود اهلى ..
ودا واجب ما بنتشكر عليه
ابومحمد .....
والله والله كنت عارفه انك ح تكون قدام ..
اصيل يا ابومحمد ربنا يطمنك على بنتك وتفرح بيهم ...
باشمهندس .....
بسم الله تقد عين كل الشياطين
ما يامر عليك وعلينا ظالم .....
وتسلم يا ملك ...
ولانو المساله عامل الزمن فيها ضيق شديد ... حقو الناس تبدا ونتحرك بى سرعه يعنى اذا قدرنا عملنا حاجه خلال اسبوعين بالكتير يكون افضل ......
وتسلمو لى سودان العزه .....
|
Post: #46
Title: Re: يا بورداب الدوحة....... بسم الله نبدأ .
Author: عوض حمزة
Date: 02-12-2007, 04:49 PM
Parent: #5
اختنا الحبيبه رندا حاتم
ابشرى ... بدأنا... وسنواصل حتى نحتفل بشفاء فارسنامحمد عبدالسلام
حددوا ما ترونه ولن تجدى من اخوانك غير كلمة (تم)..
شفاك الله اخى محمد ومتعك بصحتك وشبابك
وشكرا رندا جعل الله عملك فى ميزان حسناتك
عوض حمزة
|
Post: #6
Title: Re: يا بورداب الدوحة....... بسم الله نبدأ .
Author: Faisal Al Zubeir
Date: 02-12-2007, 08:27 AM
Parent: #4
لبيك ايتها الحميراء
رندا ، هناك اناس اختصهم الله سبحانه وتعالى بقضاء حوائج الناس ، حبب الخير اليهم وحبب الخير فيهم انهم الامنون من عذاب الله يوم القيامة ، كما جاء في الاثر ، واحسب انك الخير ذاته .
|
Post: #7
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:34 AM
Parent: #6
تسلم والله تسلم يا فيصل
وياريت اكون كدا .. واكون عند حسن ظنك دا ...
وانتو للخير ساسو وراسو ......
وبسم الله نبدأ .....
عايزين تاريخ نبدأ فيهو ......
واى اقتراحات مرحب بيها .......
|
Post: #9
Title: Re: يا بورداب الدوحة....... بسم الله نبدأ .
Author: Faisal Al Zubeir
Date: 02-12-2007, 08:45 AM
Parent: #7
الزميلة : رندا :
- اقترح ذات اللجنة لانها انجزت من قبل .
- اول اجتماع السبت القادم 17 فبراير صباحا .
- فريق الاتصال نفس الفريق مع توسيع المشاركة.
- تكثيف الاعلام عن طريق (الجوال) وهذا البوست .
- المساهمة والباب مفتوح نحو فعل الخير .
- ودرملية وكيكي .. مطلوب حضورهما الفعال وكذلك بقية العقد الفريد.
يلا يابورداب الدوحة
|
Post: #8
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 08:41 AM
Parent: #1
أرى أن تمتلكى معلومات أكثر من مصادرها ،،،
بمعنى ماهو المطلوب حجما ونوعا ؟؟؟
على ضوء ذلك يمكن تحديد مساحات المشاركة ،،،
كلنا أذن صاغية الآن و سواعد مشمرة للخير
نسمع
|
Post: #10
Title: Re: يا بورداب الدوحة....... بسم الله نبدأ .
Author: محمد عبدالرحمن
Date: 02-12-2007, 08:57 AM
Parent: #8
سلام يارندا ...
حددى ماهو مطلوب ..وعلينا الالتزام ..
ودى
|
Post: #97
Title: Re: يا بورداب الدوحة....... بسم الله نبدأ .
Author: Randa Hatim
Date: 02-15-2007, 11:11 AM
Parent: #10
يا سلام عليك يا محمد عبدالرحمن ...
المطلوب منك بعد المساهمه ...
وبعد محمد مايرجع بالسلامه ....
بشيره زى البشرتها لينا يوم فزنا فى انتخابات المرأه ...
والله ما بنساها ابدا يا محمد ... فرحتك كان طعمها براهو .....
يديك العافية ...
|
Post: #12
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:59 AM
Parent: #8
فيصل ... اوافقك الراى وابصم بالعشره ...
كيكي كان معى على الهاتف الان وكما عهدناه .... قال بسم الله ....
باشمهندس ...
وفقا للمعلومات البسيطه المتوفره عندى الان ... الاصابه تحولت الى خلايا سرطانية فى الساق .. العلاج الوحيد المتوفر فى السودان هو اجراء عملية البتر .. هنالك امل لاجراء عمليه بالمملكه المتحده لازالة الخلايا السرطانية وترميم الساق .. تكلفة العملية تتراوح بين 15 الى 20 الف جنيه استرلينى ... الطبيب المتابع معه حاليا هو د/ مأمون ابوشيبه وهو جراح معروف ومقيم بلندن ... الاوراق قدمت للسفارة لبدأ الاجراءات ...... يخضع محمد حاليا لعلاج بالكيموثيربى للحد من انتشار الخلايا السرطانية ......
ساسعى للحصول على المزيد من المعلومات
وتسلمو ان شاء الله.....
|
Post: #11
Title: Re: يا بورداب الدوحة....... بسم الله نبدأ .
Author: معاوية الطيب
Date: 02-12-2007, 08:59 AM
Parent: #1
حاضرين وجاهزين
بس زى ما قال الاخ ماطوس مذيد من المعلومات
عن نوعية وكمية المساعدات المطلوبة ،،،،
|
Post: #15
Title: Re: يا بورداب الدوحة....... بسم الله نبدأ .
Author: Emad Abdulla
Date: 02-12-2007, 09:17 AM
Parent: #11
تحياتي رندا ..
الداء اللعين يكمن عند محمد في عظم الساق , وتحديداً في نخاع العظم كما علمت , و هي تهدد بسرعة الإنتشار إن لم يُبادر إلى وقف إستشراءها سريعاً , و كما علمت أيضا أن الكيماثيربي له مضاعفاته على المدى الطويل .
نحن نسابق الزمن في حالة الأخ محمد عبدالسلام . | Quote: عن نوعية وكمية المساعدات المطلوبة |
العزيز معاوية ..
تحياتي و شكري .
المساعدة المطلوبة هي توفير المبلغ الذي ذكرته العزيزة رندا بأسرع ما يمكن , و من ثم إدخال محمد المستشفى البريطالني و بدء العلاج .
معاً لمحمد .
تحياتي .
|
Post: #13
Title: Re: يا بورداب الدوحة....... بسم الله نبدأ .
Author: Omar Bob
Date: 02-12-2007, 09:07 AM
Parent: #1
الاخت رندا:
اثني اقتراح الاخ فيصل الزبيربتكوين لجنه وان كنت اعتقد ان اللجنه يجب ان تضم كل من يرغب في
هذا العمل وليست محضوره علي اللجنه السابقه وكل من يود العمل فيها يطرح اسمه
في هذا البوست علي ان تجتمع اللجنه يوم السبت القادم وتاتي بتصور واضح عن ماحجم المطلوب وكيفيه التنفيذ
كما ذكر الاخ شكري
ونحن رهن الاشاره
|
Post: #14
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 09:16 AM
Parent: #13
تسلم يا عمر ....
وكلامك عين العقل .. وممكن اجتماع يوم السبت يحضرو الكل والنتائج البنطلع بيها الناس تبدا فى تنفيذها على طول واخطار من لم يتمكنو من الحضور .....
تحياتى للدكتوره وللملكه الصغيرونه....
|
Post: #17
Title: Re: يا بورداب الدوحة....... بسم الله نبدأ .
Author: عبدالكريم الامين احمد
Date: 02-12-2007, 09:26 AM
Parent: #13
حضورك يا ريس...
وبسم الله دائما نبداء
اثني الاقتراحات بمواصلة اللجنة الجديدة لاعمالها (لجنة غادي نوري)
لما يتوفر اليها من احصائيات وارقام اتصالات.
واقترح ايضا توسيع اللجنة باضافة بعض الاخوان وذلك لتسهيل العمل وتوسيع دائرة التحرك.
اقترح
1-عمر بوب
2_فيصل الزبير
3-محمد السني دفع الله
|
Post: #20
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 09:39 AM
Parent: #17
هلا كيكي .....
انا عندى اقتراح موازى فى الخط لى اقتراح عمر بوب ... وهو انو نخلى الاجتماع دا عام وشامل ... صدقنى المشاركه فى عمق الحدث بتدى دفعه قويه وروح حماس ما عاديه اكتر مما نجى نقول ليهم ادفعو ونشرح القصه .... زى ما قال عماد عبد الله عامل الزمن فى حالة محمد اساسى جدا ....
اقترح .. مجرد اقتراح انو نخليهو اجتماع مفتوح للبورداب واصدقاء البورداب من خارج البورد ... حتى لو يكون الاجتماع فى مكان مفتوح عشان يسع الكل ... لانو عامل الزمن مضغوط شديد فكل ما وسعنا دائرة المشاركه كل ما اختصرنا الزمن فى الوصول للبقيه ....
** اقتراح اخر ... ياريت المشاركين فى الاجتماع يجو جاهزين بى تبرعاتهم ويختصرو برضو جزء من الزمن... اذا موافقين ممكن تحددو حد ادنى للتبرع (ومازاد فهو خير)......
مودتى ......
|
Post: #16
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 09:19 AM
Parent: #1
عليه،، قد تحدد الداء و الدواء !!!!
لو لم يكن المكان تحدد بعد ،،،
مـــاذا عن الأردن ؟؟؟ (أستصحب التكاليف) !!
أتسآل: هل يمكن أن ترسل صورة التقارير الطبية إلى عنوان بعمان بهدف الإستشارة الطبية ؟؟؟؟
لدى (فى الأردن) قنوات مأمونة وتحب فعل الخير وتسعى له !!!
وفروا التقارير لترسل باسرع الطرق المتاحة إلى الأردن ...
جوالى 5723217 على مدار الساعة نسعد لسماع الجديد ...
إن كانت الوجهة حددت مسبقاً إلى عاصمة الضباب !
نقترح فتح حساب بنكى لناس الدوحة -
أميل إلى إستخدام حساب موجود لعامل الزمن ،،،
ليكن حساب صاحبة البوست (لو سمحت) ونبدأ الحملة من كافة أهل الخير ،،
أقترح أن توسع الحملة لتصل أيادى خيرة خارج الأسفير ...
نسمع
|
Post: #18
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 09:28 AM
Parent: #16
الى الجميع تحياتى ومودتى ....
فعلا تحدد الداء والدواء ...
الهدف : 20.000 جنيه استرلينى
المطلوب : اكبر قدر من المساهمه الممكنه لتحقيق هذا الهدف فى اقصر وقت ممكن
الاجتماع : السبت 17/2/2007
المكان : لم يحسم بعد
التبرعات : لتقصير عامل الزمن هنالك حساب مفتوح فى السودان باسم محمد عبد السلام .. وزى ما تم فى حملة غاده نورى ح نحاول نطبقو هنا كمان ... ح نوفر رقم الحساب فور بدء الحمله.
الاجنده : تحديد الاليه الفعاله وابواب الخيرالتى يمكن طرقها لجمع التبرعات ...
بالنسبه لاقتراحك يا شكرى للاردن .. حسب الفهمتو انها بتتعمل فى بريطانيا .. والاجراءات بدأت لتقديم ملفو الطبى للسفاره ....لكن ممكن نسال ونشوف التفاصيل ...
ربى يخدر يوت ضرعاتكم ......
|
Post: #19
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 09:34 AM
Parent: #1
الأعزاء الكرام لكم ألف تحية،،،
وجاء عماد باليقين وقطع قول كل خطيب ،،،،
بالله عليكم ، سيبونــــــــــا من الإجتماعات و اللجان
مع كل تقديرى وإحترامى لبوب (وهو يعلم مدى المعزة) و كذلك لمعاوية (أتمنى أنت تكون الفى بالى)،،
أقول طالما المطلوب $$$$$$ إذن نبدأ بجمع الكاش :
ناس البورد و خاصة المتداخلين إما نحدد سقف أدنى أو نترك السقف مفتوح (أدنى /وأعلى)....
أكرر : لازم نخرج الحملة من الإسفير لكافة أهل الخير من كل الإطياف و الجنسيات ....
المسألة تتوقف على الأمانة و الأخلاق أولاً و أخيراً
نسمع
|
Post: #21
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 09:40 AM
Parent: #1
إجتماعنا يوم السبت على العين والرأس ،،،،
اليوم الإثنين ّّّّّ و عييييييييييك الى السبت ،،،
و انتم (ضمير الإسفير) أهل السرعة ،،،
إذا كنت الآن لا ألاحق المداخلات فى البوست من سرعة وتيرتها) ،،،
نسمع
|
Post: #22
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 09:54 AM
Parent: #21
Quote: اليوم الإثنين ّّّّّ و عييييييييييك الى السبت ،،،
و انتم (ضمير الإسفير) أهل السرعة ،،،
إذا كنت الآن لا ألاحق المداخلات فى البوست من سرعة وتيرتها) ،،، |
شكرى ماطوس قرر الانطلاق بسرعة الصوت ....
رايكم يا جماعة ....
نقول بسم الله ونبدأ من الان ... ولا ننتظر الاجتماع ....
الرجاء ابداء اراءكم حتى نستقر على رأى ... وننتقل لمرحلة التنفيذ...
تحياتى ...
|
Post: #23
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 10:00 AM
Parent: #22
واذا الناس قررت سرعة التنفيذ فى نقاط لازم تتحسم يا شكرى ....
الية جمع التبرعات ... يعنى نتصل بالناس .. ولا نعلن عنها ..
المسؤولين عن جمع التبرعات .... الناس لازم تكون عارفه تدفع لى منو
ما عايزين يحصل دبليكيشن ... يعنى الناس ما تصل نفس الشخص او نفس الجهه مرتين .. المساله دى بتسبب سوء فهم احنا فى غنى عنه ... عشان كدا لازم الادوار تحدد بوضوح ... منو يمشى وين ..
اذا قدرنا حسمنا النقاط دى ولو فى اى نقاط تانيه محتاجة توضيح برضو الناس تحسمها .. ونبدأ ...
|
Post: #24
Title: Re: يا بورداب الدوحة....... بسم الله نبدأ .
Author: Faisal Al Zubeir
Date: 02-12-2007, 10:08 AM
Parent: #22
الزملاء : تحياتي :
- اقترح ان يكون الاجتماع في منزل رندا او نادوس او كيكي .
-اجندة الاجتماع :تحديد اللجنة ومهامها:
- استلام التبرعات .
-الاتصالات مع البورداب والجهات الاخرى وتقسيم العمل .
- حصر البورداب وتقسيمهم على المتحصلين لسرعة جمع التبرعات .
- الاتصال بالروابط .
- توفير المعلومات من السودان حول الحالة الصحية والتنسيق مع بورداب الخرطوم .
-تحديد الحد الادنى وانطلاق الحملة فورا على ان يكتمل جمع التبرعات من البورداب من خلال المتحصلين في 28 فيراير الشهر القصير يعني اسبوعين فقط.
|
Post: #27
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 10:37 AM
Parent: #24
كيكي اقترح انو الاجتماع يكون فى بيته....
حاولت الاتصال على نادوس حتى لا نتجاوزه فى اخذ القرار ولكن لا يوجد رد....
مبدئيا نقول عندنا اقتراح من كيكي ومنتظرين رايك يا نادوس ....
تسلمو ....
|
Post: #25
Title: Re: يا بورداب الدوحة....... بسم الله نبدأ .
Author: Omar Bob
Date: 02-12-2007, 10:27 AM
Parent: #1
سلام للجميع:
انا افضل ان يكون الاجتماع في مكان عام حتي يحضره اكبر كميه من الناس كما ذكرت الاخت رندا
وعمليا اقترح حديقه البدع - الجو جميل هذه الايام- ويمكن للاسر ان تستقيد من اليوم لترفيه الاطفال-
اما اذا تعذر ذلك او في الاماكن التي حددها فيصل الزبير
فيمكنكم الاجتماع في منزلي
_____________________________-
الاجتماع مهم يا شكري حتي نحدد المسؤليات
ولك المعزات
|
Post: #26
Title: Re: يا بورداب الدوحة....... بسم الله نبدأ .
Author: Faisal Al Zubeir
Date: 02-12-2007, 10:37 AM
Parent: #25
اقبلوا دعوة الزميل عمر بوب لعقد الاجتماع في منزله :
الزمان : السبت 19 فبراير
المكان : منزل عمر بوب
المشاركون : لجنة نوري وكل من يرغب في المشاركة .
رندا وبوب : تنسيق الاتصالات لعقد الاجتماع وتحديد زمانه واقترح ان يكون صباحا .
من اليوم وحتى السبت مهمة كل بوردابي اشاعة الدعوة للبورداب والخيرين للتبرع .
|
Post: #29
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 10:46 AM
Parent: #26
والله تحيروا ....
ما تتخيلو روعتكم وانتو بتتسابقو حتى على استضافة الاجتماع ....
اكيد ح نتفق ... ولو كمان بقينا على مكان عام يكون اجمل .... ويكون الاجتماع نفسو بداية جمع التبرعات ...
المهم نتفق ونبدأ .......
|
Post: #28
Title: Re: يا بورداب الدوحة....... بسم الله نبدأ .
Author: محمد أبوالعزائم أبوالريش
Date: 02-12-2007, 10:45 AM
Parent: #1
الأعزاء ..
في انتظار الخطوات التنفيذية كسباً للوقت
دمتم لفعل الخير
|
Post: #30
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 10:51 AM
Parent: #28
اقترح .........
مكان عام ......
رايكم ......
|
Post: #32
Title: Re: يا بورداب الدوحة....... بسم الله نبدأ .
Author: عبدالرحمن عبدالله أبوشيبة
Date: 02-12-2007, 11:27 AM
Parent: #30
أعزائي بورداب الدوحة وعلى رأسهم صاحبة الهمة والمبادرات الكريمة الاستاذة رندا حاتم
معكم خطوة بخطوة لما فيه خير الناس
Quote: الطبيب المتابع معه حاليا هو د/ مأمون ابوشيبه وهو جراح معروف ومقيم بلندن ... الاوراق قدمت للسفارة لبدأ الاجراءات ...... يخضع محمد حاليا لعلاج بالكيموثيربى للحد من انتشار الخلايا السرطانية ......
|
الدكتور مامون أبوشيبة أنا عمه مباشرة ويمكنني الاتصال به لتقليل نفقات العلاج.
|
Post: #41
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 12:01 PM
Parent: #32
عبدالرحمن ابوشيبة ..
يا صاحب القلم ....
| Quote: الدكتور مامون أبوشيبة أنا عمه مباشرة ويمكنني الاتصال به لتقليل نفقات العلاج. |
كلامك دا بيفتح باب الامل اكتر ....
تسلم .....
|
Post: #31
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 11:19 AM
Parent: #1
كل الأماكن جميلة
لكن أجملهــــــــــا
سودانيز أونلاين
ش
|
Post: #33
Title: Re: يا بورداب الدوحة....... بسم الله نبدأ .
Author: بدر الدين الأمير
Date: 02-12-2007, 11:33 AM
Parent: #31
رندا حاتم والاصفياء
كم هو نبيل هذا المد الانسانى
معى اخى وصديقى فائز الامير
ويقدم لكم مساهمته بمبلغ مئة دولار
|
Post: #37
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 11:44 AM
Parent: #33
ودالامير ....
تسلم وسلامنا لى فايز .....
ومنتظرينك انت ذاتك يا ودالامير ....
تسلموا....
|
Post: #34
Title: Re: يا بورداب الدوحة....... بسم الله نبدأ .
Author: ضحيه ابراهيم
Date: 02-12-2007, 11:34 AM
Parent: #31
الجميلين دوما بورداب السرور والحوبات بورداب الدوحه
الريس راندوك ..
معكم و ومع ماتقررونه.. لكن لدى بعض الملاحظات حول المكان والزمان ليس لدى مانع من دعوة كيكى والمهندس بوب فكلاهما اخوان اعزاء واصحاب مواقف لكن اذا بقى المكان عام بكون اجمل وانا اقترح اصدقاء البيئه وياريت يكون الخميس او الجمعه مساء لاعطاء اكبر قدر من المساحه للعموم من الذين يودون المشاركه..
|
Post: #38
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 11:52 AM
Parent: #34
ضحية ابراهيم .... بركه السمعنا صوت (كيبوردك) ....
اخبارك يا ريس ...
| Quote: الجمعه مساء لاعطاء اكبر قدر من المساحه للعموم من الذين يودون المشاركه.. |
لانو فى ناس بيكونو شغالين دوامين يعنى الخميس والسبت المسا ما ح يقدرو يحضرو ... اذا فى امكانية ليوم الجمعه المسا بيكون افضل ...
اما المكان فى ناس وافقو على اقتراح عمر بوب انو يكون فى بيته ...لانو الاجتماع فى مكان مفتوح بيشتت التركيز وخصوصا اذا بقى فيها اسر واطفال ...
عموما الناس حقو تتفق فى الحته دى ونشوف الاغلبيه رايها شنو ...والناس تاخد بيهو ...
تحياتى .....
|
Post: #35
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 11:35 AM
Parent: #31
اصوات اتت عبر الهاتف ايضا تثنى اقتراح عقد الاجتماع بمنزل الباشمهندس .. عمر بوب ....
اتفقنا يا جماعه خلاص ... نقول خير ...
وبسم الله نبدأ....
رايكم شنو؟؟
|
Post: #36
Title: Re: يا بورداب الدوحة....... بسم الله نبدأ .
Author: ودرملية
Date: 02-12-2007, 11:41 AM
Parent: #35
سلامات
وعوافي
الزملاء الطيبين
محل ما الكتف مايميل تسدو ضرعاتنا
ومحل ماالجرح ينزف يطيب بي لماتنا
معكم يا شباب وفوق
|
Post: #39
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 11:58 AM
Parent: #36
هلا والله بى ود امى رمليه ...
يشهد الله انك بحر محنه ما عندو حد....
تسلم ......
|
Post: #40
Title: Re: يا بورداب الدوحة....... بسم الله نبدأ .
Author: معتصم الطاهر
Date: 02-12-2007, 12:01 PM
Parent: #1
معاكم
و حددوا ..المبلغ ..
و حتى يقف على ساقين من إرادة ونضال ..
|
Post: #42
Title: Re: يا بورداب الدوحة....... بسم الله نبدأ .
Author: عبدالكريم الامين احمد
Date: 02-12-2007, 12:12 PM
Parent: #40
وقلنا بسم الله ياريس
وبيت المهتدس بوب سيكون مقصدنا باذن الله
ويلا ناكد الحضور...وكوركوا لناس صديق وبهاء الدين وعوض حمزة في الخور
|
Post: #43
Title: Re: يا بورداب الدوحة....... بسم الله نبدأ .
Author: Nana
Date: 02-12-2007, 12:15 PM
Parent: #1
الحبيبة رندا
الأعزاء بورداب الدوحة
لكم التحية والتجلة ،، وجزاكم الله ألف خير
وربنا يبارك مساعيكم ويتم الشفاء لأخونا محمد
أنا معاكم قلباً وقالباً
ودي
|
Post: #44
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 12:32 PM
Parent: #43
زى القمره يا نانا ..
بتظهرى فى الليله الظلام وتنورى ...
تسلمى ...
عبدالكريم ..
المواعيد بقيتو على شنو ؟ الجمعه ولا السبت ...
باركوها وقولو الجمعه ....
يديكم العافيه ....
يا ناس الخور ... انتو لسه بره التغطيه ولا شنو ...
شهاده لله .. بهاء هسى كان بيتكلم معاى بالتلفون .. وقال بسم الله .....
|
Post: #45
Title: Re: يا بورداب الدوحة....... بسم الله نبدأ .
Author: nadus2000
Date: 02-12-2007, 01:51 PM
Parent: #44
أعتذر بشدة، لهذا الغياب،
وفي دستور بورداب الدوحة الغياب عن إغاثة ملهوف أو دعم أخ أو أخت، جريمة تستوجب المحاسبة والعقاب.
وبالتأكيد نرحب بكم في بيتكم دائماً، واذا اتفقتم على أي بيت آخر فهو أيضا بيتنا.....
المهم وكما أوضح الأخ شكري والأخت رندا، أن عامل الزمن هنا حاسم، وخاصة أننا نسابق مرضا لعين وشرس.
|
Post: #47
Title: Re: يا بورداب الدوحة....... بسم الله نبدأ .
Author: khaleel
Date: 02-12-2007, 05:04 PM
Parent: #45
رندا حاتم
والاحبة
لهم جل مالي ان تتابع لي غني
وان قل مالي لن اكلفهم رفدا
انتو قررو ونحن نبصم حتي بالدماء
المكان والزمان مهمين
|
Post: #48
Title: Re: يا بورداب الدوحة....... بسم الله نبدأ .
Author: معتز القريش
Date: 02-12-2007, 06:09 PM
Parent: #47
حاضرين من الألف للياء
انتو بس قرروا
مستعدين ماديا وجسديا ومعنويا
ولو عاوزين رجل تتزرع ليهو أنا رجلي جاهزة
وبقطعا ليكم هسة .... (بس انشاء الله تركب)
وتسلموا جميعا
وتسلمي يا ريس وربنا إديك العافية
|
Post: #49
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 07:19 PM
تسلمو يا شباب .....
الله يديكم العافيه .... والله بيتك بيت الكل يا نادوس ....
يا سلام عليك يا سودانى واصيل والله مكمل الشهامه يا خليل ... تسلم
تسلم رجلك يا ودالقريش ...وربنا يديك العافية وتزيد لينا فى مكاجرتك....
الملف الطبى الخاص بمحمد ح انزلو ليكم هنا فى البوست وبرضو فى بوست شذى .....
وان شاء الله محمد يسلم من كل شر ....
|
Post: #50
Title: Re: يا بورداب الدوحة....... بسم الله نبدأ .
Author: Abu Eltayeb
Date: 02-12-2007, 07:44 PM
Parent: #49
وفى آخر المراح دايماً تجى الفترانه !
أها على الرغم من فترنا ده جينا,
يارنده الحاتميه !... ألف تحيه ليكم
وجاهزين .
مامون
( الفترانه ) دى أنا يارنده! ,عشان جيت آخر الناس !
وإنت حاشاك الفتر .. أهو إنت قدام الناس .. لك شكرى.
|
Post: #51
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 07:46 PM
Parent: #49
|
Post: #52
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:05 PM
Parent: #51
|
Post: #54
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:18 PM
Parent: #52
|
Post: #60
Title: Re: يا بورداب الدوحة....... بسم الله نبدأ .
Author: عبدالكريم الامين احمد
Date: 02-12-2007, 08:42 PM
الجمعة...ياريسسسسسسسسسس
هل من مويد
|
Post: #53
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 08:08 PM
Parent: #1
بسم الله
1- فائز الأمير 100$ (دولار أمريكى) * مرجع
2- شكرى ماطوس 500 QR ( ريال قطرى )
* المرجع أنظر مداخلة بدر الدين الأمير عاليه:
Quote: معى اخى وصديقى فائز الامير
ويقدم لكم مساهمته بمبلغ مئة دولار |
أم حاتم: منتظرين رقم الحساب البنكى
|
Post: #55
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:18 PM
Parent: #53
نقول بسم الله
وانا ح يوصلنى مبلغ 150 دولار
عوض حمزه وصلو مبلغ 400 ريال
ونواصل ....
امهلنى لى بكره يا باشمهندس واكمل ليك كل المعلومات المطلوبه باذن الله ...
ربك يهون كل قاسية ....
|
Post: #57
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:25 PM
Parent: #55
مامون ....
دايما البركه بتكون فى الاخر ,, رغم انك برضو ما جيت متاخر...
وبنقول لى محمد عبدالسلام زى ما قلنا لى غاده بت نورى ....
ما تخاف الله معاك
وكل الملايكه سمر..
|
Post: #56
Title: Re: يا بورداب الدوحة....... بسم الله نبدأ .
Author: Siddig A. Omer
Date: 02-12-2007, 08:25 PM
Parent: #53
الاخ محمد لك عاجل الشفاء و الامنيات و الدعوات الطيبة بعاجل الشفاء باذن الله...
500 ريال قطرى..مشاركة رمزية من صديق-الدوحة
|
Post: #58
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 08:27 PM
Parent: #1
1- فائز الأمير 100$ (دولار أمريكى) * مرجع
2- شكرى ماطوس 500 QR ( ريال قطرى )
3- ( رندا): حيوصلنى مبلغ 150 دولار
4- عوض حمزه وصلو مبلغ 400 ريال
5-
6-
7-
8-
9-
10-
نواصل
|
Post: #59
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-12-2007, 08:30 PM
Parent: #1
1- فائز الأمير 100$ (دولار أمريكى) * مرجع
2- شكرى ماطوس 500 QR ( ريال قطرى )
3- ( رندا): حيوصلنى مبلغ 150 دولار
4- عوض حمزه وصلو مبلغ 400 ريال
5- صديق عمر 500 ريال قطرى
6-
7-
8-
9-
10-
|
Post: #61
Title: Re: يا بورداب الدوحة....... بسم الله نبدأ .
Author: Randa Hatim
Date: 02-12-2007, 08:43 PM
Parent: #59
الخور وما ادراك ما كرم اهل الخور...
تسلمو (صديق وعوض) .... وبعد دا قبلو لينا على الاصدقاء والحبايب ...
باشمهندس ... مد لينا ارقام اللسته دى لى تحت زيادة ... فال خير (الفال تحت اللسان)
والماداير يكتب اسمو يستعد لى يوم الاجتماع ويساهم ....
ربنا يخدر دروبكم .....
|
Post: #62
Title: Re: يا بورداب الدوحة....... بسم الله نبدأ .
Author: ودرملية
Date: 02-12-2007, 10:35 PM
Parent: #61
سلامات
وعوافي
كل ما الهموم تكتر تلقانا نحن حديد
كيف الاسي مايكبر ماسكين حبل المحنة شديد
ايه الدنيا ان قلنا غير بحر مزاجو الريد
تعالوا نقيف ونتسدر لي شان محمد يبقا شديد
...
يتوحد الاحساس والهم نشيلو سوا
نتوسد الامل العريض والفرحة تبقا روا
نتكاتف قصاد السقم وجسم محمد يلقا دوا
نشيل معاهو الوجعة يلقانا جنبوا كلنا سوا
...
|
Post: #63
Title: Re: يا بورداب الدوحة....... بسم الله نبدأ .
Author: ودرملية
Date: 02-12-2007, 11:45 PM
Parent: #62
سلامات
وعوافي
عبدالرحيم عبدالله عبدالرحيم درار :200 ريال قطري
|
Post: #64
Title: Re: يا بورداب الدوحة....... بسم الله نبدأ .
Author: عوض حمزة
Date: 02-13-2007, 00:06 AM
Parent: #62
Quote: كل ما الهموم تكتر تلقانا نحن حديد
كيف الاسي مايكبر ماسكين حبل المحنة شديد
ايه الدنيا ان قلنا غير بحر مزاجو الريد
تعالوا نقيف ونتسدر لي شان محمد يبقا شديد |
صح لسانك اخوى ود رملية
up
up
|
Post: #65
Title: Re: يا بورداب الدوحة....... بسم الله نبدأ .
Author: شكرى سليمان ماطوس
Date: 02-13-2007, 06:12 AM
Parent: #1
1. فائز الأمير 100$ (دولار أمريكى) * مرجع
2. شكرى ماطوس (500 QR ( ريال قطرى
3. رندا: حيوصلنى مبلغ 150 دولار
4. عوض حمزه وصلو مبلغ 400 ريال
5. صديق عمر 500 ريال قطرى
6. عبدالرحيم عبدالله درار 200 ريال قطري
7. ..............
8. ............
9. .............
10. ................
11. ................
12. .................
13. ................
14. .................
15. ................
16. .................
17. .................
18. ..................
19. .................
20. ...................
|
Post: #66
Title: Re: يا بورداب الدوحة....... بسم الله نبدأ .
Author: عبدالرحمن عبدالله أبوشيبة
Date: 02-13-2007, 07:13 AM
Parent: #65
عبدالرحمن عبدالله أبوشيبة 200 ريال قطري + الاتصال بالدكتور مامون أبوشيبة لتقليل نفقات العلاج.
|
Post: #67
Title: Re: يا بورداب الدوحة....... بسم الله نبدأ .
Author: Randa Hatim
Date: 02-13-2007, 07:55 AM
Parent: #66
الاجتماع فى منزل عمر بوب
يوم الجمعه 16/2/2007
الموعد بعد صلاة المغرب
رايكم شنو .. نقول تم؟؟
|
Post: #68
Title: Re: يا بورداب الدوحة....... بسم الله نبدأ .
Author: سمرية
Date: 02-13-2007, 08:39 AM
Parent: #1
صباح الامل ،،
بورداب الدوحة .. لكم التحية !!
|
Post: #69
Title: Re: يا بورداب الدوحة....... بسم الله نبدأ .
Author: احمد العربي
Date: 02-13-2007, 08:49 AM
Parent: #68
البت القصيده
ومربط التحدي
اليك بالخلود
وكلنا فداك
وكلنا تحدي
لسطوة الزمن
سنعبر المحن
بجسرناالمنمق
بنصرنا المحقق
بك انتي
سراجنا المضئ
في ظلمة الشجن
تبسمي
تبسمي
يا بحرنا العميق
نسيمنا الرقيق
وبلسم الحزن
رندا حاتم والدوحاب
على سبيل التحيه والحضور
ولنكن جنود الامل
مودتي
|
Post: #70
Title: Re: يا بورداب الدوحة....... بسم الله نبدأ .
Author: Randa Hatim
Date: 02-13-2007, 08:59 AM
Parent: #69
يسلم السودان الواحد .......
وبتمنى انو حملات حماية الامل العام ما تقيف ....
خلونا نخلى نبع الانسانية الجوانا دايما متجدد وعمرو ما يركد ولا ينضب ... وكلنا سوا نكمل حملة علاج غادة نورى وحملة علاج محمد عبدالسلام .... وكل ما نلقى ايد ممدوده فوق للموج نتلقاها ما تغرق .....
ويا غرق يا جيت حازما .....
|
Post: #71
Title: Re: يا بورداب الدوحة....... بسم الله نبدأ .
Author: عبدالكريم الامين احمد
Date: 02-13-2007, 09:22 AM
Parent: #70
[QUOTE]الاجتماع فى منزل عمر بوب
يوم الجمعه 16/2/2007
الموعد بعد صلاة المغرب |
انا اويد حزب السيد..
موافق يا ريس
علي الاقل البيت حيطة بالحيطة
|