عليك الله أضحك.....ها ها ها ها

اخوتى و اخواتى

لننسى هموم الحياة و نضحك قليلا, و للضحك فوائد صحيه عده لا تخفى على احد, لندع "البرى" و نستعد للاقلاع الان:


# حركات امس بالليل ما توقعتها من واحده بحجمك.. عموما عندي تصرف معاك.. مسطول يكلم ناموسه.

# غتيت اتزوج غتيتة ولدوا ولد.. عمل فيها ميت.. اتغاتتو عليه دفنوه

# واحد مسطول سألوه عن الفرق بين الركشة والكارو قال في الكارو الحماره بره

# جنوبي قال لحنكوشه اسمك منو قالت ليهو شيرين قال ليها شيرين ولا تلاتين

# بقره واقفه علي مرايه بتتمكيج قالت والله حرام الجمال دا يروح لواحد تور

# كسلان معرس ليهو واحده كسلانه، قام اتثاءب قالت ليهو مادام فاتح خشمك نادي معاك الولد

# اتنين مساطيل واحد قال للتاني الانسان زي البني ادم اذا توفي مات

# مسطول مرتو قالت ليهو ياخي قول لي كلمة تحسسني بالدفء والحنان.. قال ليها: «بطانية»

# تلاميذ أغبياء بيكتبوا مع الاستاذ.. وكل ما يمسح السبورة.. يشرطوا الورقة!!

# مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد!!

# ثقيل مشا السينما لقى فيها زول واحد، قعد وراهو وقال ليهو: لو سمحت راسك يا بن العم

# مسطول سأل بت قال ليها «اسمك منو؟» قالت ليهو «أسماء» قال ليها «يعني مافي اسم محدد كده»

# مسطول الدكتور قال ليهو ولدك ده «بسنن» قال انا متوقع حاجة زي دي

# عجوز أكلت صرصار فاكراه بلحة قالت ينصر دين الانقاذ حتى البلح حشوه مايونيز

# مسطول.. بتاع الحركة قال ليهو: ما رابط الحزام ليه؟ قال ليهو: هو أنا لابس بنطلون؟

# شمشار قالو ليه نديك نص مليون وتبطل الشمشرة.. قال ليهم النص التاني حق منو؟

# أدروب مشى يخطب قالو ليهو «البت بتقرا» قال «خلاص وقت الفسحة نجي

# مسطول بيضرب بوهية قالوا ليهو خت الجريدة دي تحتك قال ليهم: لا لا.. كده بحصِّل!!

# مولانا لقي جماعة بيسطلوا قال ليهم حرام عليكم، قالوا ليهو - وعليك الحرام والرحمه!!

و لكم تحياتى

الاخ عبد الناصر ,,, حقيقي ضحكتني ,, دا كلام جميل , شكرا

الحبيب معروف
لك التحيه و شكرا لمرورك, لكن يا حبيب ضحك ساى(سلبى) ما بنفع لازم تضحك ضحك "ايجابى" يعنى تساهم بحاجه كدا. ..... انشاء من نكات ابنفاش!!!!!!!!!!!!

الاخ ود العمدة

مرورك مهم لتقييم التجربه!!!!!!! فى انتظار ردك

عبد الناصر

Quote: # كسلان معرس ليهو واحده كسلانه، قام اتثاءب قالت ليهو مادام فاتح خشمك نادي معاك الولد

أبداع مخيف

الحبيب السمؤال
لك كل الود و التقدير
و شكرا لمرورك, اتمنى ان يكون البوست نال اعجابك!!!!!!!!!!!!!

بالمناسبه الكسالى ديل عندهم معاى قصص كتير , ساحكى لك خاصه و لبقيه الاخوة عامه عنها!!



لك التحيه اخى

واحد مسطول بعبر عن شوقه:
رسلت ليك ابليس عشان يوسوس ليك بشوقي ليك رجع الملعون ميت فيك مووووووووووووت.

أضحك|ى تضحك الدنيا و تفيض
تصحى الكهارب فى الشوارع
و انكسر سور الموانع
و تبداء اعراس المزارع و المصانع

دا ما مسطول, واحد واعى جدا

Quote: مسطول الدكتور قال ليهو ولدك ده «بسنن» قال انا متوقع حاجة زي دي

دي بي تلاتين قرش والله وكتر من المساطين عشان اجي

الحبيب ابو مهند

اللللللللليه!!!!! حكايه المساطيل ديل شنو! اوعى تكون....... حتطير وين من "ام مهند".

لك التحيه اخى و شكرا لمرورك

واحد مسطول قابل شله من اولاد الحله
المسطول: على وين يا اخوانا
اولاد الحله: ماشين لود العمدة
المسطول انشاء الله خير
اولاد الحله: عنده حنه
المسطول: انشاء الله ربنا اكتب سلامته

UP

ود العمدة و الاخوة البرالمه

وين الثورة الاتفقنا عليها.................اوى اكون كلام ساى

عبدالناصر : يديك العافية


أب بيييييييييييييييييييين

Quote: أب بيييييييييييييييييييين

كبيسيبة قلت كيف

These are funny jokes, I enjoyed my time visiting your post, thanks,
Muna Khugali

مسطول لقي نفسو

قدام الاسد ماعارف يتخارج كيف

قال ليهو تعال اكلني تاكل السم

الحبيب كبسيبه

اخيرا يعنى شرفتنا, و الله طلتك علينا بالدنيا , تسلم يا حبيب .........

تعرف صورتك بس بكل البويت دا, الله اكتر من طلاتك علينا, قول أاااااااااامين



لك التحيه

العزيز ود الشيخ

شرفتنا كتير و شكرا للمشاركه...........ز

لك التحيه

العزيزه منى خوجلى
لك التحيه

شكرا لمرورك, و هاك دى حاجه سريعه كدا بمناسبه مرورك هناء

قالوا شباب الحله كلهم طلعوا رحله, و بداء البرنامج , بسالوا اى واحد عن امنيته شنو:
منى حنكوشه الحله قالت امنيته تكون عصفورة تطير من شجرة لشجرة, اها جاى الدور على جون و كان مكسر فى منى شددددديد قالوا ليه اها يا جون امنيتك شنو, قال " اكون نبله بس"

لك التحيه

عبد الناصر معتصم

بالجد ضحكنا من الاعماق اضحكك الله اولا واخيرا

وليك مني دي

واحد غيور .. ركب تكسي، ركب زوجته قدام علشان السواق ما يعاين ليها بالمراية

العزيزة صفاء

Quote: بالجد ضحكنا من الاعماق اضحكك الله اولا واخيرا

الهم اااااااااااامين

اسمعى يا ختى اظنك انتى قاصدانى انا باواحد الغيور دا, لا لا لا بعد دا الكلام خشه العضم...

لك التحيه و شكرا للمرور

بالله انت من النوع ده ؟؟؟؟؟؟؟؟؟

Quote: اظنك انتى قاصدانى انا باواحد الغيور دا, لا لا لا بعد دا الكلام خشه العضم

---

Post: #28 Title: Re: عليك الله أضحك.....ها ها ها ها Author: عبدالناصر معتصم Date: 12-22-2004, 09:41 AM Parent: #27 صفاء انا من النوع ابو الدقيق خالص, يعنى لو لا قدر الله و عرسته, الله اكون فى عون المرة دى, بغير عليها من نسمه الهواء. قولوا معاى يارب لك التحيه

---

Post: #35 Title: Re: عليك الله أضحك.....ها ها ها ها Author: صفاء ميرغني Date: 12-23-2004, 11:20 AM Parent: #28 يا رب ... الله يعرس ليك ان شاء الله ................ وهاك دي واحد مسطول ......بيعاين لي واحد من فوق لعينه في شامة كبيرة ..... ويقول له : بالله عليك دي عين والا غين ؟ حتي لو بايخة برضو اضحك Quote: يعنى لو لا قدر الله و عرسته, الله اكون فى عون المرة دى, بغير عليها من نسمه الهواء Post: #54 Title: Re: عليك الله أضحك.....ها ها ها ها Author: عبدالناصر معتصم Date: 12-27-2004, 11:01 PM Parent: #35 صفاء ميرغنى من غير حليفه و الله ضحكته........... ننتظر المزيد لك التحيه Post: #25 Title: Re: عليك الله أضحك.....ها ها ها ها Author: عبدالناصر معتصم Date: 12-22-2004, 08:09 AM Parent: #17 العزيز ابراهومه اوعه اكون الاسد اكله بعد دا, و الله لو اكله اكون اسد مطرطش, فى اسد اياكل ليه مسطول, المساطيل ديل ثروة قوميه لازم نحافظ عليهم.... الحبيب ابراهيم , متاخذنا دا كلام مساطيل ساى لك التحيه Post: #21 Title: Re: عليك الله أضحك.....ها ها ها ها Author: بلدى يا حبوب Date: 12-22-2004, 05:19 AM Parent: #1 عبد الناصر معتصم شكرا على هذه الدعوة الى الضحك وتفريق الهم واقول ليك ده مجموعة حناكيش كانوا بيحضروا فى عرس والفنان المرحوم خلف الله حمد واول ما غنى اغنية (الليلة الاسد جاى من بلاده يكر) حنكوشة قالت لزوله (نونو احسن نمشى انت ما سامع عمو بيقول الاسد جاى تحياتى Post: #23 Title: Re: عليك الله أضحك.....ها ها ها ها Author: صفاء ميرغني Date: 12-22-2004, 07:39 AM Parent: #21 واحد كسووووووووووول جداً راح للحلاق وجلس على الكرسي منزل راسه .....قال ليه الحلاق ...شعر ولا دقن ؟ ...قال الكسول دقن ...قال ليه الحلاق: ارفع راسك.... قال الكسول: لا خليه شعر أحسن Post: #24 Title: Re: عليك الله أضحك.....ها ها ها ها Author: عبدالناصر معتصم Date: 12-22-2004, 08:02 AM Parent: #21 بلدى يا حبوب احبك انا, يا الواقف بعيد ما جنبنا, اموت و لا اطير انا.........لك التحايا, الحناكيش ديل البوديهم حفلات زى دى شنو.... Quote: نونو احسن نمشى انت ما سامع عمو بيقول الاسد جاى يا اخوى ديل دايرين ناس بقاله و قدورة و هلم جرة, بينى و بينك الفنان خلف الله حمد دا ما يراى شعور الجمهور شويه........ لك التحايا Post: #29 Title: Re: عليك الله أضحك.....ها ها ها ها Author: Muna Khugali Date: 12-22-2004, 03:37 PM Parent: #24 Dear Abdel Nasir and his visitors, you are so cute, I like people with children's hearts, give us more, we need that to escape the other abusive posts, Muna Post: #30 Title: Re: عليك الله أضحك.....ها ها ها ها Author: عبدالناصر معتصم Date: 12-22-2004, 07:32 PM Parent: #29 العزيزة منى كما ترين الحاله المترديه التى وصل لها منبرنا هذة الايام, و لا يخفى على احد مدى الاشمئزاز الذى انتاب الكثيرين. فهذه محاوله لتغيير مسار النفوس و لتطهيرها من الاحقاد, اختى العزيزة لكى التحيه و الاجلال..... Post: #31 Title: Re: عليك الله أضحك.....ها ها ها ها Author: Muna Khugali Date: 12-23-2004, 01:13 AM Parent: #30 Dear Nasir, Beside altaheya wa Ijlal, you have to post a joke, one perday and I promise to laugh after visiting your post, my laughter will always be accompanied by a comment, unfortunately I do not have the talents you and the other visitors have, and I cannot promise to say one, Have a nice day Post: #32 Title: Re: عليك الله أضحك.....ها ها ها ها Author: عبدالناصر معتصم Date: 12-23-2004, 05:49 AM Parent: #31 العزيزة جدا منى لك التحايا, و شكرا جزيلا لمداخلاتك المستمرة فى البوست و بالمناسبه دى حاقول ليك نكته, بعدين شنو حكايه ما بتعرفى دى!!!!!!!! على الطلاق المرة الجايه لازم تقولى واحده انشاء الله باااااااااااااااايخه برضوا حنضحك..... النكته: واحد من اخوانا الدينكا دخل الاسلام جديد لنج, قاموا ناس الحله لموا ليه قروش قالوا اسفروه عشان ازور بيت الله....اها اخونا سافر و جاء اتلموا فيه اهله و سالوه: جون بيت الله كيف, اخونا جون صره وشه و قال ليهم: اااااااه اوضه واحد بس. لك التحيه Post: #33 Title: Re: عليك الله أضحك.....ها ها ها ها Author: Muna Khugali Date: 12-23-2004, 07:59 AM Parent: #32 You know Nasir, I heard that jok before but it was on Shaygyya woman, and she said bis, bait Alla yahu elewaide di? You see I have contributed now, waiting for more, I hope you don't get tired, Muna Post: #34 Title: Re: عليك الله أضحك.....ها ها ها ها Author: عبدالناصر معتصم Date: 12-23-2004, 09:20 AM Parent: #33 العزيزة منى اااااااااااااه اخيرا خرجتى من صمتك و ساهمتى, على العموم بديت اتخيل فى حبوبتنا الشايقيه دى, المنظر رهههههههههيب لانوا انا عندى غرام خاص مع لكنه الشايقيه دى!!!!! هاك دى واحدة سريعه كدا, انشاء الله ما تكونى سمعتيها قبل كدا: Doctor: "Did you take the patient's temperature" ?Nurse: "No. Is it missing" ******************************************************** "A tourist asks a man in uniform, "Are you a policeman "No, I am an undercover detective ?So why are you in uniform "Today is my day off" ******************************************************* ?A man pulls up to the curb and asks the policeman, "Can I park here" "No," says the cop "?What about all these other cars" "They didn't ask" Post: #36 Title: Re: عليك الله أضحك.....ها ها ها ها Author: Muna Khugali Date: 12-23-2004, 02:35 PM Parent: #34 You know Nasir, tomorrow insha'alla when I wake up, I will find some new abusive post somewhere in the board, in order to get me out of the bad mood caused by the post, you have to come with more joks, ok Muna Post: #37 Title: Re: عليك الله أضحك.....ها ها ها ها Author: عبدالناصر معتصم Date: 12-23-2004, 07:59 PM Parent: #36 العزيزة منى الف بعد الشر عليك, انشاء الله كل يوم مزاجك مائه المائه, ودى مجموعه هديه ليك, بس لو سمعتيها قبل كدا برضوا اضحكى علييييييييييك الله . قالوا مسطول سودانى قاعد مع مسطول مصرى قام قال ".. ليه:" تعرف .. الدنيا دى كلها مآسـى المسطول المصرى قال ليه: " ليه .. هو مقاسك " أد إيه ؟ ------------------------------ ولد مشى لى سيد الدكان .. و قال ليه:" عندك "حلاوة؟ "..سيد الدكان قال ليه:" أيوة ! "الولد قال ليه طيب أدينا ببسى الولد مشى و جاء راجع تانى ..و قال ليه :" عندك "طحنية ؟ ".. قال ليه:" أيوة فى ! "الولد قال ليه:" طيب أدينا سكر سيد الدكان زعل و مشى كلم أبو الولد و قال ليه:" ولدك دة عذبنا.. يسأل من حاجة و ".. يقول داير حاجة تانية أبو الولد زعل و قال ليه:" دة ولد قليل أدب "و لازم يتجلد .. عندك بسطونة ؟ ".. سيد الدكان قال ليه:" أيوة موجودة "أبو الولد قال ليه:" طيب أدينا سوط عنج --------------------------------- مسطول عملوا معاه لقاء فى التلفزيون "المذيع سأله:" ماهو أصعب موقف مرّ بيك فى حياتك ؟ المسطول قال ليه:" يوم ما كنت بحلق فى دقنى ".. و بلوك لى فى لبانة -------------------------------- تلاته مساطيل راكبين في طيارة هلوكوبتر بسطلوا والطيارة في الجو قاموا قالوا لي واحد منهم يمشي يجيب ليهم سجارة حمرا من الدكان زولنا قام وعلي حسب السطلة الفيه مرق بي واحد من بيبان الطيارة لحسن حظو لاقتو ليك مروحة الطيارة وخمشتو من لياقة القميص صاحبنا بقى معلق والمروحة لافه الجماعة بي جوة انتبهو للموقف وزولنا لافي مع المروحة وهم برضو علي حسب سطلتهم شبكو ليك آآآآآآي أقعد لف لينا كدة لمن تلقى الدكاكين قفلت --------------------------------- مرة قروي شاف لوحة مكتوب عليها : مرزعة أبقار فسأل صاحبها : كيف تزرعون الأبقار فرد عليه نرش سكر على التراب وثاني يوم يطلع بقر فأخذ القروي كيس سكر ورشه على الأرض وثاني يوم راح يشوف البقر فوجد السكر عليه نمل فقال : والله البقر وهو صغير شكلوا حلو ............................................................... أخذ رجل يمازح زوجته ليلة الدخلة فقال لها هل ستتزوجين بعد موتي فقالت نعم وهل يسكن معك في بيتي قالت نعم فقال إذن سيلبس كل ملابسي فقالت لا قال لماذا قالت لأنه أطول منك مع تحياتى Post: #38 Title: Re: عليك الله أضحك.....ها ها ها ها Author: Muna Khugali Date: 12-23-2004, 11:50 PM Parent: #37 مسطول عملوا معاه لقاء فى التلفزيون "المذيع سأله:" ماهو أصعب موقف مرّ بيك فى حياتك ؟ المسطول قال ليه:" يوم ما كنت بحلق فى دقنى ".. و بلوك لى فى لبانة My brother Nasir,I really like your beautiful spirit, and enjoy very much your joks, thanks for making me and others laugh Will come back definitely, you know what I mean, I scream like children, I WANT MOOOOORE Post: #39 Title: Re: عليك الله أضحك.....ها ها ها ها Author: عبدالناصر معتصم Date: 12-24-2004, 08:07 AM Parent: #38 الحصه مساطيل سااااااااااااااى الليله # مسطول اتصل بشركه طيران سالهم "كم تستغرق الرحله من الخرطوم للندن" قالوا ليه "لحظه" فرد شكرا!!!!!!!! # مسطول سأل صاحبه "انت سبب الطلاق شنو" صاحبه قال ليه "الزواج"!!! # اتنين مساطيل واحد سأل التانى "انت ولدوك وين" صاحبه قال ليه "فى المستشفى" قال ليه "ليه انت كنته عيان"!!!! # اتنين مساطيل راكبين سفينه, سمعوا الناس بكوركوا "السفينه حتغرق" الاول قال لصاحبه "قوم ياخ السفينه حتقرق" رد صاحبه "ما تغرق هى حقتنا"!!! # مسطول كريم شديد,مرته ولدت تيمان, حلف على الدكتور اشيل واحد!!!! # واحد مسطول مرته قالت ليه "حلمت انك حتجيب لى سلسل دهب فى عيدى ميلادى", دا معناه شنو, المسطول قال ليها حتعرفى يوم عيد ميلادك......يوم عيد الميلاد جاب ليها "كتاب تفسير الاحلام"!! Post: #40 Title: Re: عليك الله أضحك.....ها ها ها ها Author: Muna Khugali Date: 12-24-2004, 08:55 AM Parent: #39 Enta betjeeb el nukat di min wain? I will keep them till my daughter comes from her holiday, she will enjoy them, # اتنين مساطيل واحد سأل التانى "انت ولدوك وين" صاحبه قال ليه "فى المستشفى" قال ليه "ليه انت كنته عيان"!!!! Have a nice Christmass Post: #41 Title: Re: عليك الله أضحك.....ها ها ها ها Author: عبدالناصر معتصم Date: 12-24-2004, 09:23 AM Parent: #40 العزيزة منى شكرا على حضورك الدائم, و اتمنى ان تحظى هذه المساهمه باعجاب الامورة الاميرة.... انا بحب المساطيل شديد "بس ما منهم, ما تفهمونا غلط" و بستمتع بنوادرهم و طرائفهم جدا جدا, و لى معهم صولات و جولات فهم اصدقائى و زملائى و اخوتى........لهم منى خالص الود لك و للاميرة التحايا Post: #42 Title: Re: عليك الله أضحك.....ها ها ها ها Author: Muna Khugali Date: 12-24-2004, 09:34 AM Parent: #41 Hi Nasir, I also like their talks, I mean al masateel, and you are lucky to have them as friends, at least you laugh all the time! Muna Post: #43 Title: Re: عليك الله أضحك.....ها ها ها ها Author: ود الشيخ Date: 12-24-2004, 06:18 PM Parent: #1 عبد الناصر احكي ليك نكتة اصلي شهير بالنكت شوف عشان اسمي ظهر في بوستيك في اربعة بكونوا دخلوا يشوفوا كتبت شنو لكن قول ليهم وي وي بالله دي مش احلى نكته قنب عافية واحد مسطول قال لمسطول يا عنصري قال ليه حدد كلسي ولا فلزي Post: #45 Title: Re: عليك الله أضحك.....ها ها ها ها Author: عبدالناصر معتصم Date: 12-25-2004, 08:37 AM Parent: #43 العزيز ود الشيخ طيب وقت انت حريف فى النكات كدا مالك بخيل علينا, على العموم انا فى انتظار المزيد تسلم لك التحيه Post: #44 Title: Re: عليك الله أضحك.....ها ها ها ها Author: عمر الفاروق شيخ الدين Date: 12-25-2004, 03:41 AM Parent: #1 ود الشيخ يا نجااااااااااااااااااااااااااار والله شكلك نجرتها اسسسسسسسسسسسسسسسسسسسسسة وزي ما قلت ليك اهو ده انا شايف خشبا بيدفق .. هاك النجر ده انصار سنة قطع والاشارة حمرا قام عمل سجود سهو ... فاي هي مجموعة ( العناصر )الخالية.. الواحد هو (عنصر ) محايد للضرب.. والصفر( عنصر )محايد لجمع... انقر في البورد ده ماف زول محايد للجمع وانت بتعرفو ؟؟؟؟؟؟؟؟؟؟ Post: #46 Title: Re: عليك الله أضحك.....ها ها ها ها Author: عبدالناصر معتصم Date: 12-25-2004, 08:39 AM Parent: #44 سلامات عمر البدخل الدار بسلم على اهله.......و لا رائك شنو لك التحيه Post: #47 Title: Re: عليك الله أضحك.....ها ها ها ها Author: عبدالناصر معتصم Date: 12-25-2004, 09:10 AM Parent: #44 # واحد سأل مسطول شنو عكس تلميذات؟ اجاب المسطول:dont tell me that # مساطيل جاتهم كشة في البيت طفوا السجارة. سألوهم: الدخان ده جاي من وين؟ قالوا: والله يا اخي البيت ده اجرناه كده!! # مسطول فتح محل سماه ( بقالة الاقمشة لحلاقة الاحذية الغذائية)!! # مسطول قال لصاحبو: مشيت وين يا فردة؟ قال: مشيت اخدت لي لفة وجيت. قاليهو: أها لقيتها بي كم؟ # مسطول قالو ليهو المعاناة تولد الابداع قال: والمعاناة دي بقت داية متين!! Post: #48 Title: Re: عليك الله أضحك.....ها ها ها ها Author: عبدالناصر معتصم Date: 12-25-2004, 09:12 AM Parent: #44 #واحد بخيل اولادو نجحوا في الامتحان جاب ليهم كفر، قاليهم: لو نجحتوا السنة الجاية بنفخو ليكم!! # مسطول قال للثاني: انت القطر دا مهم؟ رد عليه: اظن كدا لأنو تحتو خطين # مسطول سألوه :ما هو أصعب موقف واجهته في حياتك ؟ قال: (موقف جبل أولياء) # مسطول قالوا ليهو : الصينيين بولدوا كل دقيقة طفل . قال : دا التقدم مش زي هنا كل 9 شهور طفل # مسطول امه قالت ليهو: قوم الشمس طلعت . قال ليها : دخليها واقفلي الباب مع تحياتى Post: #49 Title: Re: عليك الله أضحك.....ها ها ها ها Author: عبدالناصر معتصم Date: 12-25-2004, 09:13 AM Parent: #44 # ادروب سألوه ليه ما بتمشي الحج؟ قال ليهم: كل سنة ننوي الحج يصادف عيد الضحية!! # واحد مسمي بنته «أحب» عشان تناديها أستاذتها الحلوة: احب هارون اسحق أبكر! # بخيل جاب سمك بالليل عشان ما في زول يأكل معاهو، ولدو الصغير جاتو صحية قال ليهو: يا ابوي اجي اكل معاك؟ قال ليهو يا ولد السمك ده فيهو شوك، الولد قاليهو خلاص يا ابوي بلبس نعلاتي! # مصرية بتتمشى في شوارع اميركا قام يغازلها شاب قالت ليهو: collect your self, other wise i will collect the street on your mother soul # مسطول قال السخانة الايام دي تفتح الباب تلقى الشارع قاعد في الضل # مسطول شاف لافتة مكتوب عليها «التطعيم ضد الجدري» قال: ديل لاعبين متين!! # مسطول في الصيدلية قالوا ليهو ما في فكة نديك شريط بندول قاليهم.. لا ..لا ادوني شريط محمود عبد العزيز. # مسطول قال لمسطول يا أخي تتصور من امس انا بالي مشغول، رد الثاني: يمكن في واحد رافع السماعة؟ # واحد كسلان جداً سألوه أول ما تقوم من النوم بتعمل شنو؟؟ رد بتكاسل: بأخد لي راحة # شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور «ده مسطول بتكلم مع لستك عربية # طالب أحوص عاوز يهرب من المدرسة دخل مكتب المدير # اثنين مساطيل قاعدين على شاطئ النيل، جاءت في المويه علبة كبريت. واحد قال للتاني : لو دخلت ليك في الصندوق ده تديني شنو ؟؟ رد الثاني بديك الصرفة الاولي مع تحياتى Post: #50 Title: Re: عليك الله أضحك.....ها ها ها ها{2} Author: عبدالناصر معتصم Date: 12-26-2004, 10:15 AM Parent: #1 ؛؛ Post: #51 Title: Re: عليك الله أضحك.....ها ها ها ها{2} Author: عبدالناصر معتصم Date: 12-26-2004, 10:37 AM Parent: #1 ؛؛ Post: #52 Title: Re: عليك الله أضحك.....ها ها ها ها{2} Author: Muna Khugali Date: 12-27-2004, 07:54 AM Parent: #51 Hi Nasir, Nice ones, I will collect them all in one file, take care, Muna Post: #53 Title: Re: عليك الله أضحك.....ها ها ها ها{2} Author: عبدالناصر معتصم Date: 12-27-2004, 10:52 AM Parent: #52 العزيزة منى شكرا لارشفه هذا البوست, و لا استطيع التعبير عن مدى الفرحه التى تنتابنى عندما اجد سببا لاسعاد الاخرين و الترويح عنهم, شكرا لكى و لكل الاخوة الذين ساهموا فى هذا البوست. لك التحايا Post: #55 Title: Re: عليك الله أضحك.....ها ها ها ها{2} Author: Muna Khugali Date: 12-27-2004, 11:31 PM Parent: #53 Good morning Nasir, Only beautiful people with good hearts are able to joy to others, I thank you my brother for all the laughters you brought to all of us , Muna

---