البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا جاى ! مواضيع توثقية متميزة
مواضيع توثقية متميزة

البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا جاى !


01-01-2005, 07:50 AM


  » http://sudaneseonline.com/cgi-bin/sdb/2bb.cgi?seq=msg&board=13&msg=1189118653&rn=0

Post: #1
Title: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا جاى !
Author: ست البنات
Date: 01-01-2005, 07:50 AM

سنتن سعيدى وبخيتى عليكون كولكون ،
وربى ياسع ايامكون ، ويطول عيميراتكون ، ويديكون الفى مراضكون ، ويخليكون ، ويخدر ضراعاتكون .
ويخليلكون أيميماتكون ، وابواتكون ، واخيانكون ، واخيياتكون .
دحين جايى اوصيكون ، كل يوم تجوا بيهينى تفكوا الريق وتشربوا جيغيمة الشاى حيتين تمشوا لاشغالكون .
وسلمولى علي كل زول فردا فردا .
ولا تتأخروا شى .
ست البنات .
Post: #2
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Elmosley
Date: 01-01-2005, 08:11 AM
Parent: #1

انتي ياست البنات رجعتي لي ديار الشايقيه ونحن ماعارفين؟؟
Post: #3
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: سجيمان
Date: 01-01-2005, 08:34 AM
Parent: #2


ستهن

سنتن بخيتي وسعيدي عليكي انتي كمان
Post: #4
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 08:40 AM
Parent: #1

يالموصلى ،
كل سنة وانت وأسرتك الجميلة بخير وعافية .
أنا رجع بى سرى ساكت !
والله يرجعنى صحصح !
ومشكور على المرور ،
سهم طايش فلت .....
لقا الأحساس بلا حراس
ركز رايتو ووقف راعش
متل رجعة صدى الأجراس
(كلام حلو وجميل !)

ولك التحية .
ست البنات .
Post: #5
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عمر الفاروق شيخ الدين
Date: 01-01-2005, 08:44 AM
Parent: #1

يا ستهم ..
دعوتك سممممممممحة بالحيل
بس بعيدن لمن نجي نشرب الشاي ما تقوليلنا السكر كمل واللبن خلص والتمر ببح ..
هبشتي جاي هبشتي جاي كان تلقو سكر بس محال..
باقي الرطيل الفي الكرت يا حاجة سفوهو العليال ..
يا حليل زمان وسنين زمان يا (ستو) لو تتزكري..
ليك كل التحايا وعلييييييك الله اللقيمات اعمليها كبااااااااااااااار باقي انا طبعي شين ..
Post: #6
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 08:46 AM
Parent: #1

وعليك يا سجيمان اخوى ،

والسنة الفاتت كت كسترد البورد بلا منازع !

السنة دى ناوى تكون شنو ????
ومشكور على المرور الحلو زى ( الكوريق ) الليلكون داك !!!

ست البنات .
Post: #7
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 08:54 AM
Parent: #1

عمر الفاروق ،
تسلم وسنة عديلى عليك ، وتتعلا فيها ان شاء الله !
ولا تشيل هم للسكر شى !
عندى راس سكر داساهو فى السحارة من عامناول !!
والليقيمات بعوسن بالدوكى مو الطوى شى !
وبس انت كورلى اخياتك واخيانك بودرى وتعالوا .
وان اللقيمات قصرن ، بسويلكون القراصة المخمرة بالتمر والسمن المى خمج !

وشكرا لمرورك .
ست البنات .
Post: #8
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: بلدى يا حبوب
Date: 01-01-2005, 08:59 AM
Parent: #1

ست البنات
شكرا على العزومة فى اليوم الاول من العام الجديد وعلى الدعوات
دعوتى ليك بطولة العمر ودوام العافية وتحقيق مافى الخاطر
وانت طيبة يا اصيلة
تحياتى
Post: #9
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عبد المنعم سيد احمد
Date: 01-01-2005, 09:06 AM
Parent: #8

كل سنة وانتى بالف صحة وعافية
الاخت والصديقة الزميلة
ست البنات
نحن طبعا اهل دار ومانا ضيوف شى
وسنستقبل كل الضيوف ونقوم بالواجب
وربنا يجعله عاما سعيدا..ويحقق كل الامانى الحلوة
Post: #10
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الجندرية
Date: 01-01-2005, 09:11 AM
Parent: #1

ست البنات
كل سنةوانت طيبة
تذكرت قبل تلاتة يوم وانا محاطة بالشايقيات ولطفهن في حفل لعبد الرحيم البركل وعبد القادر سالم
تحياتي
Post: #11
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 09:19 AM
Parent: #1

بلدى يا حبوب،
الحبوب !
الله يديك العافى ، والدعوى السامعى ، والكلمى الجامعى !
ويعدلا عليك شيقيش ما قبل ، بركة الهى وسيدى !
وتسلم .
ست البنات .
Post: #12
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 09:53 AM
Parent: #1

عبد المنعم ود سييد ايحمد ،
سنة بخيتى عليك انت والبينيى النديى ، الهديى ، والرضيى !
وربى يفتحا عليكون ، وتسعدوا ، وتتهنوا ، والسنى الجايى تبقوا سبعى !
يا حيليلك يا شيال الهم وجلاب الخير يا المبروك الهدى ورضى ،
----

تظكار وتظكير _
عليك الله ويننا البينييى العدييلى ديكا الاسما نجاة ??
دحين مو فى مريكا شى ?
يا حيليلا كيف مشتهاا !! امانى كيف طيبى ونضما سمح ! بس ان جاتك كان بى موراضك ما تخلها ضومة تمشى شى !

وينو الويليد الميسيخيت ميسيعييد ???
بس لي زمن ما سمع حيسو ? نعلو طييب ?
واخيك نصر الدين نعل ما عندو عوجى شى ???
--
كيف مشتهى ايامناالسمحات فى بلد ولاد الريف ديك ! بى كوربن وعدمن داك بس كانن اتاريهن سمحات خلاس ! عيلى ابن ادم ماب يعرف الخير والشى السمح عيللى بعد يزول من قدامو ??
قننا تب فوق بلد ولاد الريف وجرينا عليى مريكا ولوندون واسترالى قايلينهين زينات !
والله بس كان اخير أوالى فى البلد ديك وكت ما لقينا اللتنا !!!
أمى الله يرحما ، وكت قعد معاها فى بلد الريف ديك عامناول ، كنا وقتين نركب التكسى وتعايين بالشباك للناس وتلقاهون كتاار خلاس ، تقولى ( يا بت ، انتى الخلق دى كلها مالون متردمين فى الشوارع ??) أقولها ديل مو المصريين يمة ! تقولى (ماشيين وين ? ) أقولها ماشييى لى اهلون وبيوتون ( تقولى يا يمة حسبى فى عجبى ! الخلوق دى كلها بس كارات ..كارات ... ماشين البيوت ياتن البيشيلينهون ?)تتحسب الله وتقول يا شيخى دابى روندا ، وشيخ منور اب شعفى !!!يا يمة رب العالمين يمرقنا من البلد دى ، ويودينا لهلنا سالمين !
والحمد لله رب العالمين أتاريهو اختارها عشان تدفن فى حرم بيتو العتيق !
ودا بس الخفف علينا مرارة وقسوة فراقها !
كانت سيدة كريمة اليد واللسان وطيبة المعشر والأخلاق !
اللهم ارحم والدتى ست البنات بت حسين ود كروم ،واغفر لها ، وادخلها الفردوس .
امين .
بس برضو نقول نحمد الله !

ست البنات .
Post: #13
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-01-2005, 10:01 AM
Parent: #1
Post: #14
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: محمد ابراهيم قرض
Date: 01-01-2005, 10:07 AM
Parent: #1

يا سلام عليك يا ستهن ..
طريتينا أهلنا الحنان
و خليتي الدموع تنزل ..

و تراها العين بصيري علي
الإيد قصيرة ..
كل سنة و أنت طيبة ..
Post: #15
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 10:11 AM
Parent: #1

الجندرييى ،
الراقى وزكييى ،
سنة كلها خير وسعادى وحب عليك ، وعلى كل البتحبيهون ان شاء الله !
ومرورك جاب الفل والياسمين وعطر اللقدابة ، وصورتك نورت البكان وخلتنا نفخنا اللنبة ونورك كفاييى !
وتحية وشكر على مرورك .
ست البنات .
Post: #16
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 10:20 AM
Parent: #1

ياسيكو ،
اللماح الفطن !
التحية وكل لحظة فى العام الجديد ، وكل يوم ، اتمنالك الفرح ، والحبور ،
وربى ينورلك طريقك ويغتيك ، ويقويك ، ويبعد منك كل شر !
وهديتك حلوى ومقبولى وظريفى زيك !
وانا كمان بهديلك عقد ديفيق ، ومنديل مخيت بالحرير وفيهو قلب وسهم فى الروكون الليلو .
وكتر خيرك وبارك الله فيك يا اخوى .
ست البنات .
Post: #17
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-01-2005, 10:25 AM
Parent: #1

سلام
وكل سني وانتي طيبييييييييييييي
بعد رسلتلك قش الخواجات قت المرة دي عندها ضيوف
ويكون رقيبتا اتلوت من ورد الصفيحي وقمت لقيت الزير دا
ملان ومندي ونقاعو يسوي الويل جبتو ليك انشاله
والعافي التخسكم في المصارين وتكملوه وقعرو تسوه ماجور


Post: #18
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 10:25 AM
Parent: #1

اخوى حومد ابراهيم ،
سلام ،
ويا ربى تانى ما تشوف دموع شى ولا تشوف البيبكيك !
وشاحدى ربى يفرحك كل يوم وعدد ايام عمرك تنفتح عليك طاقة الفرح والسيعادى ،
وتلاقى حبانك واهلك وتنطمن عليهون وما تنضييم فى عميرك ويبعد منك ولاد الحرام وبنات الحرام ، ويحبب فيك خلقو من كل الملل والبلود .
وشكرا للمرور الحينيين .
ست البنات .
Post: #19
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-01-2005, 10:28 AM
Parent: #1

Up
Post: #22
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: bayan
Date: 01-01-2005, 10:41 AM
Parent: #19

ست البنات
كيفنك نعلك شديدى
نسيتيلك شيتا كبير بالحيل الجرم مالك ما قلتيه امانى ما مشتهييالى جرم
امانة ما اتلومتى نسيتى قراصة التمر كمان.
بدور لى سنسنة قراصة وحريف كسرى
اكلومع ملاح لسان الطير دا..بودور اشرب لى مويتا عكرانى من الباجور
واركب الحمارى ادالابها بدرب الترك..
يا خاربة جنس النضم دا بيخرط دموعنا..ما تسوى شى تانى
الفينا مكفينا..
اها السنى الجديدى بيختى عليك
Post: #20
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 10:33 AM
Parent: #1

ياسيكو !
يا يابا تنبارك ،
الجيراريى السمحات ومصوبنات ديل جبتهن من وين ياا اخوى ????
الله ياسع ايامك ويعدلا عليك يالميبيريك العيدييل !
أمانى الليلى بس الخلوق ديل كولهون يشربوا ويندعوولك بالخير ياا عشاى !
----
نكتة -
الشايقية قالت للمصرى جيبلى شنطتى دى لا جاي اا عشاى !
قام صوف قالها انتو بتاكلو الناس ?????
---
ست البنات .
Post: #21
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 10:35 AM
Parent: #1

ياسيكو الويليد الزين ،
الله يخليك ويجعل البركة فى لياليك !

ست البنات .
Post: #23
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عبدالله
Date: 01-01-2005, 11:27 AM
Parent: #21

السلام ساست البنات
كل سنه وانت طيبه
ما طريتي المشرق والدفيق
تعرفي ابوالتيتي البنقول ليه لحكمك نجيض ولاني
حصل سويتيلك قيساب
ولميتي تمر الهبوب
وفتلتيلك اشميق
واكلتيلك سبروق
شفتي كيف القنقر يطقطق في جمر نار الزيفه وبرد امشير
الحقيقنا بي حبة قنقر ان عندك
سلام وتحيه
لقراصة دمعه حاره في زيفة البرد دي
لك السلام وكل الحب
Post: #24
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 11:28 AM
Parent: #1

ياا بيان ،
الدكتورة المستورة !
يا يمة ينباختن أيامك وتنعدل عليك يا اخيتى فى القيبل الربعا !
وكل سنى ترجيها مع وليداتك وراجلك طيبين ولامين وسعيدين !
والله فيك الخير !
طريتينى الجوروم ! باقى انا كمان مشتها !
ولا لسان الطير والكداد !
تعالى اكليلك معاى ليبى ! باقى عنزيى ولدت جابتلها ايتينون يا حلاتن !
الليبى دابى نجضتو ونزلتو وراجاك وراجى البوطان ديل !
يااا بيان ما شوفتيلى اب نعوف ?
وبينية خوجلى عمى ?
وعماد ود عيتمان ?
والخدر ?
والجنات كولهون بس الليلى ضومة كرييعون دى ما فتارت جات بيى هينى ?
بس الوقع عليهون شنو مانى عارفا !!
وما قوتلك ورينى ينضموا معاك كيفن ?
الويليد ما جابلك الشى القيبيل ???
وسلام لا عوقبان بجيك تانى صادى !

ست البنات .
Post: #141
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Sidahmed elrayah
Date: 01-10-2005, 05:00 PM
Parent: #24

ست البنات
سلام عليك من عمنا ليكى..والله دا دليل على رقى اهلنا ..ياسلام لو سجلت جنس
الكلام دا لينا فى فديو..بس ما طريتى لينا البليلى.
البليلى ام حبا نضيف
حبه لوبى وحبه عيش ريف
البضوقك يحرن يقيف
ياحلاه ملحك فى الشلا ليف
مع تحياتى
Post: #25
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 11:46 AM
Parent: #1

عبدالله الهميم ،
كيف حالك ?
وسنتن سعيدى وتامى ولامى عليك وعلى اخيانك واهلك جميع، وترجاها طيب وشديد ، وعيميرك يطول ، وتنفتح عليك طاقة بخت لاك طاريها ولاك حاريها سعل ربى الكريم !
والقنقر ييى دا النجضتو ليك وغملتو فى البوقول فحال ما يبرد شى !
وتعال فسراع فحال جايين نلعبلنا طاب ! جابو عبدارحمان وحسحسو ومارن الرملا فحال البوطان كولهون جايين !
والمدينييى والدفيق واب راس كلو فى ! وحيبيبات الترمس كرمتهن ليك من اول البارح !
وابو التى تى أجيبو نجيض ولا نيى ??
مو ياهو ?
يا حليلكون وحليل البلد وسمحا وقمحا !
وشكرا للمرور البيفرح !
ست البنات .
Post: #26
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: wadabdean
Date: 01-01-2005, 11:49 AM
Parent: #25

نفسى فى قراصى بى ويكى ونعزم ليها هاشم كرار وجميع ناس البورد
ودعابدين
Post: #27
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Salah Abuhigill
Date: 01-01-2005, 11:52 AM
Parent: #1

يقبل من الله ويديك أكتر من الدرتيهو لينا

تسلمى ويسلمولك الفى تالاك

أبحجل
Post: #28
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: shak
Date: 01-01-2005, 11:55 AM
Parent: #27

وانا البعزمنى منو يا ود عابدين نسيتنى خلاص
شاك
Post: #34
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: خضر عطا المنان
Date: 01-01-2005, 12:23 PM
Parent: #28

Quote: سنتن سعيدى وبخيتى عليكون كولكون ،
وربى ياسع ايامكون ، ويطول عيميراتكون ،
ويديكون الفى مراضكون ، ويخليكون ،
ويخدر ضراعاتكون .
ويخليلكون أيميماتكون ، وابواتكون ،
واخيانكون ، واخيياتكون .
دحين جايى اوصيكون ، كل يوم تجوا بيهينى
تفكوا الريق وتشربوا جيغيمة الشاى حيتين
تمشوا لاشغالكون .
وسلمولى علي كل زول فردا فردا .
ولا تتأخروا شى .
ست البنات .

آ..... ستهن لاحدهن :

أنا جيت كمان بى هني .. كت قايل نفسي براي وويحيد لامن جيت داخل هني ..
عليي ماشاالله لقيت دارك عامري .. وبى موصلكن الفنان كمان .. وناسك الحلوين
ديل وسمحين بلحيل .. عليي بس بسعل وين آ.. ستهن : وليدك عماد ود كرنديس
وبنيتك اللت لنضن ديكي اللسما منى .. والليلي وآ...حلالناياستهن عندنا زاير
كيف نضميهو سمح وشوقوللوطن وواطاتو وناسو فايت الحد .. زولن اسمو ( رحيم سودني)
هناك لقيتو قاعد في بوست اتحدث فيهو عن جلاس والخدر جنا عطا المنان والطنابرة ..
الله يديهو العافية .. باقي الزول دا ود قريتي جلاس وكمان صديق قديم شديد .. بركة الشفناهو بعد الغيبي الطويلي دي كلها .. وأكيد بمر علينا بى هنا ونسمعو .

بعدين ياستهن نضميك الفوق دا والله كيف يدخل القلب ويشفى جروح الغربي الشيني دي !!

وان شاء الله ربي يسمع دعواتك الحليوات ديل يقبلن بركة سيدي علي ,

سلامي لكل الجماعة المرو بى هني ديل واحد واحد .

في أمان الله يا ستهن وبجيكي راجع ان مد الله في الأيام .

خضرعطا المنان
Post: #29
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: kamalabas
Date: 01-01-2005, 12:04 PM
Parent: #1

وأشوف فيك صورة مابتنشاف أشم رحيت الكليت والشاف
...
سماح ناسن حلات ناسن بلا السكر ,.طعم قراصة في قدحا من الدبكر
كوارك شفع المغرب ينجضوا في الجمر قنقر
هل نطمع في أن يمدنا أحد الأخوة بنص هذه القصيدة ( رحل تلوت الليل )
أو يسمعنا لها بصوت محمد جبارة
هذه القصيدة اللوحة المكثفة التي تقول كل شئ وتحشد كل التفاصيل الصغيرة
الرائعة الملئة بالشجن الاليم والألفة والشوق الدافئ >..
Post: #30
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:07 PM
Parent: #1

ود عابدين ،
حبابك ،
ماك طيب أخوى ?
ان شاء الله السنى الجديدى دى تهل عليكا بالخير والبشارة السمحى !
وحد ما عندك من ضيم ، وعيا ، وزعل ، شاحدى الله الكريم يزحو كولو من وشييك ويفرحك ، ويهنيك !
والقراصى بالويكى نان مو ييى دى السويتها من قبيييل وقاعدى راجاكوم انت واخيانك واخياتك ! عيلى بس زولن فيكون استنضفنى ولا هببوا لى مافى ?
اسع قل يا ربى الجنى الماشى فى درب الحداديد الفوق لام سبيب داك مو ياهو هاشم ود كرار ?
نان صدا متين من الحيصاحيصا ?
عليك الله اكان شوفنو تانى قوللو كمبال بيسلم عليك !
وعمى عابدين أنا سويتلو تورومتو براها فحال ماب ياكل الشى الحار والفلفل !
قولاهون ما يتوهدبوا شى فحال انا شايلى السوق ، عيلى مانى مفتيرى من هينى ان ما جيتوا !
لاكين قبال تمشى عليك الله أكسرلى السلبة دى الاربطبها العز الوالدى دى فحال البهم ما يرضعا لا باكر !
وممنون على المرور.
ست البنات .
Post: #31
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:13 PM
Parent: #1

أب حجل أخوى المباشر الماك مكاشر !
يبيض نيتك مالا دا ، ويسويها أبيض من هدومك الفوقك ديل يا يابا ربى !
وشاحدى الكريم يعليك ويثبتك ويرجبك ويجعللك فى كل ختوا سلامى !
ومشكور على الكلام السمح دا .
ست البنات .
Post: #32
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:19 PM
Parent: #1
Post: #33
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:20 PM
Parent: #1

شاك أخوى ،
تعال يا عشاى ،
الله يخدر ضراعك ويديك العافى ، والخير الكافى !
لا تنضييم شى !
انت سيد بيت مابيعزموك شى !
البيت بيتك ولقدابتك ، دحين تعال لا داخول وقول بسم الله ، واكل مع اخيانك واخياتك !
ألازيدلكون الملاح !
ست البنات .
Post: #35
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:32 PM
Parent: #1

كمال أخوى ! ،
أيء
ما تسالمنا فىلاول ??
بس العيد والسنى الجديدى ما تباركن لينا ?
واا سيجيمتى ?
انت باقيلى مريوق لى يوم الليلى ?
ان شاء الله سنة طيبى وعديلى عليك يا اخيى !
والله ما يخلى البيضورك ، ويبعد منك كل شلر وكل هامى ولامى !
أقولك ? كدى قنب املا خشمك معانا بالقراصى دى ، واشربلك كيبيباية شاى ايكان الزهللة دى تغور منك !
لاكين القصيدى ان جيت للصح سمحى ! وان لقيت عقابا جيبو فى اللقدابا اللتى دى عليك الله ?
وتسلم ان شاء الله .
وتانى ما تبقى مهجوم كدى شى !
ست البنات .
Post: #36
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-01-2005, 12:53 PM
Parent: #1

يا حيليلك ... ويا حيليلك يا الخدر !
يا يابا ربى يسعدك ، ويغتيكا ، وينجيك من كل بليى ،
وسنة سعيدى وسمحى وخفيفيى عليكا ، تشوف فيها أميمتك المرا الزينى ، وتدى البلد طلا ، وتقنب فوق حجرت البحر وتشعر بى شعرك السمح دا ، فحال الغاشى ، والماشى ، والطير ، والدباس ، والجروف ، والتمور ، والخدار ، والسعيى ، وحمير سجيمان البيريدن ، والدوم ، والقرفتن ، والبيوت ، واللقدابات ، والكشرة ، والحناقيق ، والساقى ، والوواسيق ، والجيرار ، والقيروانات ، والبهم ، والعتدان ، والحلفى ، والربل ، والرملا ، وكل شيتن فى البلد يعرف حبك وريدتك ليهون ، ويعرفوا كمان انك منظكرون وما كت ناسيهون ضومة !
عيلى زعلانى منك !!
البطان والبينييى ديل مانى بلداهون يا الخدر !!!
ديل اخيانى !
انت قايلنى بت متين ?
انا باقى مانى كبيرى شى ! عيلى نضمى كبار ..كبار ساكت !
باقى أهى الله يرحمها ويغفر لها ، كان نضما سمح كدى ، ولاب تغلتلها على زول ، ولاب تمرقلها نضما كعب ومسيخ ، ووصتنا قالتلنا لا تسون النضم النى المموشن أصلكن ، ولا تغلتن على خلق الله بلا سبب !وان سويتن كدى مانى عافى منكن وماكن بنوتى !( الله يرحمها ويغفر لها ويدخلها الفردوس ) امين .
أدعولها عليكون الله بالرحمة من الله .
أكنك أسعل عاشة بت فاطنى !
وجيدن جيت والله ! وبركة الجيت .
ست البنات ?
Post: #37
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-01-2005, 02:53 PM
Parent: #36

يا حليلك،ويااااا حليلك يا ست البنات خيتى،وحليل خيانى معاكى…غيابك طال
أنا قت ست البنات دى يبقى قع تجرب فى …طريقة عواسة القراصة المخمرة…

الليلى يا ست البنات حبيبتى..انا جيت بى طلب امانى ماهو قاسى عليك
إن بقيتى ما قويى
أها انا دايراك تقومى من بكانك ده…تشيلى حقتك اللت الصعوط وتهديها لى حاج موحمد الشكال…قالوا الصعوط
يسوى السيرطان

ونحن لى الليلى محتاجينلك

منى
Post: #38
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عمر الفاروق شيخ الدين
Date: 01-02-2005, 01:19 AM
Parent: #1

يا ستهم :
ده انا عمر بكورك ليك بي جاي ..هي عايني هنا علي جهة ديوان الرجال في بيت ناس سيد احمد ود عجبنا ..
القراصة خللصت وماشاء الله الضيوف كتااار والدار عامرة هاك اطبق ده ختي لينا القراصة وكتتتتتري من الدمعة السااااااخنة ..
ما سامعاني؟؟؟ كدي امرقي من التكل لابرة وابقي مارقة ..
وبعدين شايف في ناس خلاص قالو راجعين الخرتوم دحين خوتيلهم الزوادة ..وباقي الناس القاعدين ديل عايزين يتمو ونستم وباقي القطيعة فكتتتري من الجرم ..

بدووور اجيك يا يمة ضاقت بي يا يمة هنا ..بشتاق يا يمة لي ملاح النعيمية ..
وريحة صاجك المحروق لما تسوي طعمية ..
وصوت عرفة لما تخمج الدلوكة غنااااااااااية ..
والصور محفورة جواية ...

الطورية والواسوق ..سعف حبوبة والحنقوق..
اها استعجلي يلنا يا ستهم
Post: #39
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: علاء الدين يوسف علي محمد
Date: 01-02-2005, 01:48 AM
Parent: #38

ستهن لا حدهن
و إنتي بتتحدثي بالهجة الحلوة شهيتيني أقولِّك

فوق هيبة و أسمح قامة و أجمل زي
أقدلي و أقدلي و أقدلي و أقدلي
يعود عليك العام بي خيرو و نعيمو
Post: #40
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ودقاسم
Date: 01-02-2005, 02:36 AM
Parent: #1

ست البنات
أنا قت الليلي ست البنات ضابحالنا تورا مااااكن ،، تسويها لينا كلها شاهي ولقيمات
أنا أصلي الشاي واللقيمات ديل ما بدورن ،، أنا بجي اتحكر حدا القراصة والسبروق ، وأختّف اللحيمات ،،،
يديك العافي ويخليك ،، وتباركي لينا سنين وسنين ....
Post: #41
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: maman
Date: 01-02-2005, 02:45 AM
Parent: #1


ست البنات وزوار لقدابتها الكرام

تحيةلكم جميعا

استمتعوا بهذه الروائح المميزة (رغم أن بعضها يضطركم لوضع طرف العمة أو التوب على الأنف )

ريحة البوغة.. ريحة المنقة الكشتنير، .. ريحة بوخ البرسيم، ريحة جراب ضكر القفوزة، ريحة الهرود ، ريحة القنقر المشوي في النار، ريحة الاشميق بعد ما تبلو بالموية، ريحة عراقي الدمورية الجديد ، ريحة القنانة، ريحة البرم، ريحة المريق المطحون دابو، ريحة المدين المغمول ، ريحة نوار البرتكان عند المغربية، ريحة اللارنجة ، ريحة الحلو مر أثناء عواسته ، ريحة القدحة، ريحة الروب ، ريحة الجلد المدبوغ، ريحة تباب البرش والبلاّل، ريحة البقنية، ريحة البحر القايم في الدميرة، ريحة الصارقيل، ريحة اللبدي بعد مشوار بالحمارة في الحر، ريحة العنقريب المليان صنان شفّع ، ريحة الفرتة، ريحة قفل البربخ ( الدلاقين الملفوفة( ، ريحة صنان الحمير في حوش الحمير يوم السوق، ريحة الزبالة المخمرة.. ريحة الكاجنيب... ريحة نوار النيم، ريحة مساويك الأراك،ريحة الكركار، ريحة الطيرة الممحفتة

مع التحية

مامان
Post: #42
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: أحمد الشايقي
Date: 01-02-2005, 03:04 AM
Parent: #1

الأخت ست البنات

الموقرة

سعدت بكم (لقدابتكم) ونعمتم بها

باقة من (المطايب) كانت عنوان البوست فدخلنا على روائح تعشقناها ثم (طفشنا) فزاد شوقنا لها وجرى بحوراً.

لك اطيب التحايا


وعام جديد سعيد
Post: #43
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Yasir Elsharif
Date: 01-02-2005, 03:09 AM
Parent: #1

منتهى الروعة يا ست البنات.. الله يديك العافية ويخليك ويخلي ليك حبايبك...
Post: #44
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Elawad Eltayeb
Date: 01-02-2005, 06:45 AM
Parent: #43

ست البنات (اسما على مسمى)

باقي انا كت في الخرتوم قبال اسبوعين

وعندي بت اختا لي اسمها ست البنات
كانت في عرسا لينا ولاقتا حبوبتن ليها في الحسبي ما بتعرفا
سعلتا: إنتي إلات منو
ردت: أنا ست البنات بت محمد الحسن
أمك منو: أمي شامة أحمد الطيب
ردت الحبوبة: والله ما وقعتيلي شي.
هنا دخلت ضيفة أخرى وبعد السلام سألت الحبوبة: إنتي يا حبوبتي البنيي دي ما عرفتيها؟ ردت: ضومة واللهي ما عرفتها. فعرفتها لها قائلة: دي ما ست البنات بت موحومد آحسن (محمد الحسن). فهبت الهبوبة واقفة وضمت ست البنات بالأحضان وهي تردد: وا شريري وا شريري، وا حيتي واحيتي هي نان ما تقوليلي موحومد آحسن.


أنا مصنقر بي هنا والواطة باردي. عليك الله يا ست البنات زيدي النيران شويي ودفينا بي كليماتك السمحات ديل.

عوض الله
الرياض
Post: #45
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: osly2
Date: 01-02-2005, 07:58 AM
Parent: #44

ست البنات من جم
جيت اخت شالى احجز بيه مكان فى البوست دا
اوعكم زول ينط فى محلى
عوض الله حمدالله على السلامه ومبروك ومبروك
عبد القادرسيكون معى فى الايام القادمه
تحياتى
Post: #46
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Elawad Eltayeb
Date: 01-02-2005, 08:26 AM
Parent: #45

ست البنات نستأذنك في ونسة جانبية للرد على أوسلي 2 مع قراصة حارة تدفيهو هو وأخيي د. عبد القادر.

Quote: عوض الله حمدالله على السلامه ومبروك ومبروك
عبد القادرسيكون معى فى الايام القادمه
تحياتى


شكرا يا أوسلي2 الله يسلمك، وعقبالك وعقبالك في الأفراح. بالله خلي بالك من نفسك ومن د. عبد القادر أصلو هو زولا دريويش: زرنا في إجازتي الشيخ وراق عبد الرحمن بمنزله وذهب عبد القادر لإحضار قلم من العربية أمام بوابة المنزل فانتعل حذاءا (كل فردة من بلد) وهو شارد الذهن .. فضحك عثمان عبد الباسط وقال لي: والله أنا ما خايف عليك في السعودية لكن خايف على دكتور عبدو ده في أمريكا.. زولك درويش ساكت. والله معاكم.

عوض الله أحمد الطيب
الرياض الباردي
Post: #48
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: osly2
Date: 01-02-2005, 08:41 AM
Parent: #46

ست البنات
لو اديتى عوض الله الاذن قوليلى
ودايرين طلبين قراصه وكبايتين شاى والحساب فوق التمر
يعنى نبدا نشيل فوقو قبل ما يجبد

عوض الله
ضحك عثمان من زاويه ابو سنينه يضحك على ابوسنيتن
دكتور عبد القادر شديد ولضيض وهو الان مع صديقى على بعد
ساعتين من مدينتنا
عاوز استعجل حضوره كان لحق ليه حرف من قراصة ستهم
Post: #47
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: قرشـــو
Date: 01-02-2005, 08:35 AM
Parent: #1


ست البنات

وكل سنة وانتى ستهن لى حدهن

وربنا يحقق ليك كل امانيك الجميلة
Post: #49
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ملكة سبأ
Date: 01-02-2005, 09:58 AM
Parent: #1

عوافي ست البنات
ماكي دايرالك ويحيدة ترمي معاك القراريص وتفرك الملاح ؟ شايفي دخاخينك قايمي من تالا الدونكا .. وبرضو بعرف سواة الشاي الساموطي .. وبرد المي ..
وانا في الباقيلي لازماني إجازتن طويلي عريضي عشان اقدر اكفي معاك ضيوفك ديل ..
غايتو لمن افضالك تب كان احتجتيني مرة مرة ادينى كوريكة بالطاقة ..
يطول عمرك ويخدر ضراك .. قولي آمين
Post: #50
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-02-2005, 12:55 PM
Parent: #1

منى بت جارة خالتى ،
وعوض خوجلى عمى ،
حبابك ، وتحلالك العافى والمى الصافى !
والله يديك القوة ، والمروة ، بركة دابى روندا ، والنشابا ، وستى نفيسى ،
ما تنضيمى يا يمة ولا تعترى اصلك ، وتنجحى فى القراييى ، وتجى الاول كل ما انتحنوكى ، وكتبتيلك سطر بس المدرس يشوفك البرابندى فى الفصل !!!
وانا القراصى اللتك جربتها وسوويتا ! أمانى كيف بقت حلوى !
عيلى يا منى يا خيتى الصعوت لاب يسوى السيلطان ولا شىء ! كضب ساكت ! باقى انا منعلما من زمن الرعييى ولا سوالى الحببا !
وابقى عافى وسليميلى على امى جارة وابوى عوض .

ست البنات .
Post: #53
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Osman M Salih
Date: 01-02-2005, 01:04 PM
Parent: #50

الاخت العزيزة
ست البنات
تحية وعام سعيد
Post: #51
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ود الشيخ
Date: 01-02-2005, 12:59 PM
Parent: #1



حبوبه ما بلقالي عندك كسري بي ويكي
Post: #52
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-02-2005, 01:02 PM
Parent: #1

علاء الدين،
الويليد الميبيريك !
تقدل يا يابا فى الظوبوتييى !
وتقدل يا عشاى بالنياشين ، والدبابير !
ومقامك ينعلا ما يندلا !
وتبقى رييس والناس وراك يهلجولك ويخافوا منك ، والبلد كلها تنحدسبك وتشكر فيك .
ويكبر مقامك ويطول عيميرك والخير يبراك شقيش ما قبل .

ست البنات .
Post: #55
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-02-2005, 01:38 PM
Parent: #52

أنـا عـارفـاكـي مابتـقـدري تـخـلى الصـعوط السـجم دا
أولـي قتلك مـا بتقـدري تخليـه
خـتـرك
كـدي قبال أنسـي
خـالتك جـارة قالتلك فـاطـنة بـت يحـمـد مـاشي الـحج ودايرالا دونورات
أهـا إن بـقي عنـدك شـى أدي لـي لـود العـوني ود خـالي

هـو مـن دربه بيـوصلهـالبت يحمـد
ودعتك الله
Post: #54
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-02-2005, 01:24 PM
Parent: #1

عمر الفاروق ،
أها عوسلك حرفين اتنين !
والدمعة ييى دى ، ودى النيعيمييى !
بس الدايرو فيهن اكلبو !
والله يوديك لى ايميمتك ويجبر خاترك ويعصر قلبا !
وعرفة امانى مو غناييى! جابا عبد ارحمان عمى لى عرس خجيجى بت ود العجل وكت اخدا ود شنان ! أمانى رقصنالنا رقيصن ! عيلى عباس كاتلنا زيين وكت صدينا للبيت ، وحرم علينا اللعوب ضومة !
دحين ما قت فى بوطانن شايلين الخرتوم ?
أها اليودو المقطف دا لى عيتمان اخوى ، بس فيهو جورم شيوويى وحيبيبة محريب لى مرتو ، كيف مرتن عديلى وطيبى .
قولهون يشيلوا شيدرة محابى ويسعلوا هينوكا من عيتمان ، أى زول بيقولو ياهو دا ، باقى هو عطشقى فى القطارات اللت اتبرا عيلى قاعد فى شيدرة محابى فحال عندو مامورييى هناك .
ويا حليل الطورييى والواسووق وحبوبا وسعفا ! ومترارا وغزيلا !
الله يباركلك ايامك .
ست البنات .
Post: #56
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: كمال حسن
Date: 01-02-2005, 01:43 PM
Parent: #1

ست البنات لاحدّهن إنشالله ياخيتي آمين وربنا يحققلك الفي مرادك، وانشالله السنه دي السودان من حدّو لاحدّو في سلام وأمان، وترجعلنا الديمقراتية اللت الصح صح، وتبقى البلد اللتنا كلنا، مانا كومبارس ساكت.
والله الليلي جايي من اللركي فوق رجليني ديل وماني مشتهي لي شيتا قدر سبروقك وحرفين من قراصايتك، اها انا بكاني هنا حدا أخوي أوسلي(كمال) ده، وخسمتك بي الله الكان إنأخرتي باقي الليلي أنا علي كباية الشاي اللت الدقش.
وكان قراصتك ماها جاهزي شي سويلنا هين هينين من البركاوي وشوية جرم لامن القراصه دي تطلع

وابقي عافيه
Post: #57
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-02-2005, 05:27 PM
Parent: #1

سلام عليكون ،
كدى ياا خياتى واخيانى أدونى الاذن النضوم مع البينييى منى دى فحال ناضمتنى
وجابتلى خبر مشى بت ود يحمد دى للحج !
لا تزعلوا منى شى ان غب الليلى منكون !
بس عيللى يا منى انا ما فرز حديسك دا ضومة ! بس بقالى كوتور ، الشى الاندورات شنن ?
ياا ربى يبقى البندورات ?
كدى صودى لا عوقبان عقبى نصمك السوييتى دا .
ووليد خالك جانى يا حيليلو ، عيللى مى قوتلك ما فرز حديسك جنسو اشنو !
واسا عيتى بس بى نضمك فى الصعوط داطريتينى حوقتى !
يا اخيتى مو نيسيتا جنب الجنابييى التحت ! أها الارجا الوليد دا يجى يكوسا لى اي كان يلاقاها ! باقيلك بتبقى فى لاسع ?
هيى يبقى شالنها الحريم المتل السيروويى ديل !
الحريم عيلى امقيرادوون ينوطن من بكان لا بكان ، وان بقن ليقلهن شى ماب يكوسين سيدو يددنوا يا ! يغمتينوا يسويينو فى هيديمن ويخوبن فسرااع لى بيوتن متل اتكانهن ما شالنلهن شى اصليلن !
دبيتكن بالله يالسرراقات ! قايلات شيت الناس بينفع ? يا حيليلكن منو ! أمانى راجيكن ويل لا قدام ! أها هاكين دى سويينها فى خوشومكين !
الاصد لى لقدابتى ديكا الجنات يبقى جوا يكوسوونى يا حيليلون ، يبقى موتبين ومريوقيين للوقت دا !
ودعتك الله يا منى ، طلبتك بالله تقولى لى بت اد يحمد تجيبلى شووييى من البير اليل زمزم قالوا المى اليلو كيف مباركه وبس الزول ان بقيت مرضان شنو داكا بس شريبتو ليها عيللى يطيب !
أها يا خيتى ودعناك الله والرسول .
وسلميلى على اميمتك .

ست البنات .
Post: #58
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Rawia
Date: 01-02-2005, 07:05 PM
Parent: #57

العزيزه سكينه
كل سنه وانت طيبه مع تمنياتى لاسرتك ايضا بعام سعيد
Post: #59
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: samwal ebrahiem
Date: 01-02-2005, 11:19 PM
Parent: #58

ســت الــبــنــات

Quote: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج


كــرم شــمالــي فــيــاض

عــام ســعــيد

الــســمـؤل
Post: #60
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-02-2005, 11:49 PM
Parent: #57

"بس عيللى يا منى انا ما فرز حديسك دا ضومة ! بس بقالى كوتور ، الشى الاندورات شنن ?
ياا ربى يبقى البندورات ?

وقـت الشـي بقـي فـي القريشـات بفـي مـطرطش ومـاكـي فـاهـما شـي
عـلـي أنـا غـتيتة وأمـانـي ما بـوقعـوليـكـي
أهـا الدونارات يبقـن الدورارت وعيشـان مـاترجـعـي تقـولـي مـاكـي
فـارزة حـديثـي
القـريشـات اللات بـلدكم البعـيدي ديـك

أهـا إن كت دايرالك حـبيبة زمـزم
تسـنيبيـدا غـربتك رسـلي الدونـارات سـرييع
Post: #61
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-02-2005, 11:56 PM
Parent: #57

"بس عيللى يا منى انا ما فرز حديسك دا ضومة ! بس بقالى كوتور ، الشى الاندورات شنن ?
ياا ربى يبقى البندورات ?

وقـت الشـي بقـي فـي القريشـات بفـي مـطرطش ومـاكـي فـاهـما شـي
عـلـي أنـا غـتيتة وأمـانـي ما بـوقعـوليـكـي
أهـا الدونارات يبقـن الدورارت وعيشـان مـاترجـعـي تقـولـي مـاكـي
فـارزة حـديثـي
القـريشـات اللات بـلدكم البعـيدي ديـك

أهـا إن كت دايرالك حـبيبة زمـزم
تسـنيبيـدا غـربتك رسـلي الدونـارات سـرييع
Post: #63
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-03-2005, 00:09 AM
Parent: #61

الشـي دا بـاقـي لـي صـعب خـلاس
كتبتلي حـبيبات كـلام وصـيتن مـن عمـك عـوض ولامـن بقـيت علـي رسـيلن
روحـن مـني
تـكـونـي يادي حـرشـتيهو?


وسـلام مـن عـمـك عـوض والوصـيي قي الذومـي
قــالك الرسـول إن ما زدتـي القريشـات
عشـان بت يحـمـد تجيبلو معـاها جـلابيتين
قـال اللاتـو قدمـن وإنقـطعـن
أها خـليتك بعافية يـا حـبيبة قسـاي
مـني بت جـارة بت عاشـة
Post: #62
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: حمزاوي
Date: 01-03-2005, 00:04 AM
Parent: #1

ست البنات كلهن
زايدة فوقن حلاه
لقيت الدار عامر بطيبات الشمال
قلت اخد لي لقمة لقمتين كدا على الماشي
تراني انا بحب السبروق ان كان حار وبلبكابي كمان
Post: #64
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: بشري الطيب
Date: 01-03-2005, 03:02 AM
Parent: #1

اللا جوه سلام
أهل الدار كيفنكم علكم طيبين
كتار وصانين كدي مالكن إنشاء الله خير
ما تسمعونا شيتاً لي ولاد حاج الماحي وكان مافي طنبور


جايكم صادي
Post: #65
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 11:42 AM
Parent: #1

ود قاسم ،
سلامين يا خوى ،
عيللى مالك ماب تدور الليقيمات والشاى ومكجنن ?
واا حيتى يا اخواتى تعالين انفرجن فى الجنا دا ونضمو !!!
أها ان بيقيت مكجنن خوترك ! عيللى السبروق الحار فى وبى قريريصتو وافقشلك معا بيصيلات كمان !
والبارح مالك ما جيت ? كت حضر اللحم ، باقى كنا ضابحينلنا عنبلوكن كيف سيميين !
الحروم والبوطان والمكسر والعميان كانوا فى حوش ود كروم ، لحما هو ? بالطش !
أسا عيتى ما فات شى ! انا جاييى اضبحلكوم العناق السودى دى الضحا ، كلم اخيانك واخياتك وتعالوا ، باقى بت ود يحمد شايلى الحج وا حلالا ! تمسك شبك النبى ينجدنا يا يمة !
وناس ريقييى وصورييى جايات يرمن القراصة .
ست البنات .
Post: #66
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 11:53 AM
Parent: #1

عمى مامان ،
ماك طيب ?
أمانى الليلى اتنهفلى نهيفا وبكايا ! يا يابا طريتنا البلد !
وطرقتى اسع كلها مخاخيت ! الاقوم اقرضا بالمى !
البنوت جن لقنى رابطى راسى واسكت ابكى ، سكتننى وسوونلى شاى ، ودابى سكت !
ويا حليل الكورييق ، ودنان العوكر ، والساسو ، والحدنقال ، والكودونداييى ، وام قيرادوون ، .
ولا عوقبان تعاللنا يا عمى مامان سوولك شيوية تورما فى خشمك وفك الريق .
ست البنات .
Post: #67
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:01 PM
Parent: #1

أحمد الشايقى ،
أخوى ،
السعد يا يابا اليبقالك تيقاييى ووقاييى !
ويطول عيميرك ، ويطيب جيسيمك يا يابا ، والسمح كلو يندخرلك ويباريك محل ما مشيت !
وضرورى من الضرورى تجى عوقبان تملا خشمك معانا من لحم العناق دى .
ست البنات .
Post: #68
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:07 PM
Parent: #1

ياسر الشريف ،
أخوى الزين ،
الله يغتيك ويحفضك من عين كل مخلوق وحاسد ، ويجبرك ويقويك ، ويخليلك حيبيبينك بكان ما بقوا !
وطلبتك بالله لا تفوت سبروقى دا شى ، وتعال كمان فيحال نحنا مكريميين لى عاشة فيحال شايلى الحج .
ست البنات .
Post: #69
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:17 PM
Parent: #1

العوض الطيب ،
الطيب ومستور ،
ٍسلام يا خييى ،
نان يا العوض وكتين شل الخرتوم ما كلمتنى فيحال شنو ?
انا كت بكوسلى فى زولن شايل الخرتوم جاييى ارسل لى تيميرات لى ناس ود مالك وولاد ودشمة ، والله عد ما جا زول منهون يرسلولى الجلابييى والمركوب ، وفتيل بت السودان ، ماهون قاعدين يقصروا فييى شى ! ما تقصورون الدينى يا يابا !
وانت ليه تقنب فى خشم الباب اليل اللقدابة ? ما تجى لا داخول !
تعال يا صباحى شيللك حيريف سووا فى خشمك تلقاك زاد الدينى ما أفرق خشمك من ما صبحت !
يا اخيى لا تقنب مريوق شى ضومة !
ست البنات .
Post: #72
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-03-2005, 12:30 PM
Parent: #69
Post: #73
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-03-2005, 12:32 PM
Parent: #69

سـت البنـات

خـسمتك بالرسـول تقـليلم بزيـدوا التمـرات
الضـحيي قـربت وبـدور آسـويـلى شـربوت
هي بالصـح سـويـتي الشـى الليل القـروش ?

شـيلي شـيلتك إن بقـتي مـاسـويتي
Post: #70
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:26 PM
Parent: #1

أوسلى أخوى العديل , حبابك ،
والشال لا تمولصو من رقبتك شى لا تجيك ليطمى وتورد !

اسع انا من البارح لطمانى فيحال غسل طيرقتى من المخاخيت والبيكى البكيتو فى حديس عمى مامان الظكرنى البلد دا !
أنا بخوتلك كسكسيقتى دى فى بيكينك لامن تجى بس لا تتوهدب شى !
ست البنات .
Post: #71
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:29 PM
Parent: #1

العوض أخوى ،
اذنك معاك يايابا .
بس لا تتوهدبوا على القراصة شى !
وما تسوقوا فى الونسى لامن الملاح يسقط ويبقى ما عندو طعم شى !
ست البنات .
Post: #74
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:41 PM
Parent: #1

أوسلى أخوى ،
أنا العوض أديتو الأذن ،
عيللى حساب شنو وتمر شنو البيجبد ???
انت باقيلى ودرتنى !
انا مو بت حسين ود كروم ?
أبوى ماك عارفو لامن مات الله يرحمو لا باعلو شى لى زول ! ولا منعلو زول شى !
وكان وقت يمشى فى الدرب ويلاقيى شحاد يسعلنى الله ان بقى ماهو شايللو قيرووش ولا مليليمات شى ، يملوص جلابيتو وينصدقبها على الشحاد !
أنا لقدابتى دى ساوواها فيحال نتونس ! وان كان للأكل أصلى بيكون وبلاكون ساوواهو !
انت بس جيب اخياتك وأخيانك وتعال !
ويا أخوى طالباك طيليب سوغوير - الدكتور الأسمو عبد القادر دا خلو اليجى يدينى دوى للرطوبى الكسرت كريعاتى ديل !
ست البنات .
Post: #75
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:48 PM
Parent: #1

قرشو ،
الوليد العديل ،
جبابك ،
يا يابا يطيب خاترك ، وينصلح حالك ، وتلقى الظيفى السمحى ، والعيشى الماهلى !
وتعال أملا خشمك فى لقدابتى دى باقى ناس أوسلى جايبينلهون حكيم وجايين .
ست البنات .
Post: #76
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 12:55 PM
Parent: #1

ملكة سبأ ،
الملكى وسمحى ،
حبابك وحباب كلامك ونضمك السمح البيفرح دا !
انت يا يمة يطول عيميرك وتتهنى وتفرحى كل ساعى وكل يوم !
ودايرى تساعدينى ?
يساعدك رب العالمين بالقلم الناجح والفكر التام والصحة الما يشوها عدو !
انتى تنباركى ويخدر ضراعك انتى كمان يالعديلى وزينى ،
تعالى يالحينينى فكى الريق معاى وقنبى اكسريلى شعراتى ديل .
والله يخليك .
ست البنات .
Post: #77
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:01 PM
Parent: #1

أخوى عثمان محمد صالح ،
سلام ،
وسنة سعيدى وسمحى عليك ،
وربنا يديك العافى والقلم الناجح .
وماب تمشى ان ما اكلك قراصة بالسبروق الحار دا !
وباكر امشى اكل التركيين ياهو كلو بالقراصة والبصل !!بس قراصتى دى بيتبرد اناتأخر !!

أسع وقت جيتنا بس الليليى مانا فاكينك ضومة !
ست البنات .
Post: #78
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:02 PM
Parent: #1

أخوى عثمان محمد صالح ،
سلام ،
وسنة سعيدى وسمحى عليك ،
وربنا يديك العافى والقلم الناجح .
وماب تمشى ان ما اكلك قراصة بالسبروق الحار دا !
وباكر امشى اكل التركيين !هو يعنى أكنو جايى يكمل ?
أسع وقت جيتنا بس الليليى مانا فاكينك ضومة !
ست البنات .
Post: #79
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:10 PM
Parent: #1

ود الشيخ ،
جبابك ،
حبوبتك شالت القرير ومن هناك شايلى صنب ،
عيللى دى انا ست البنات ،
أدخل اا يابا وقنب ، عيللى لا تقعد فى بكان الكسكسيقة دا شى !
دا بيكيين أوسلى أخييك !ان ما لقا بكانو بيبكى ويحرد الاكل !
أها القراصة والملاح ييى ديل الحارات راجاكون بيهن من صباح الرحمان . أكل اا
عشاى .
ست البنات .
Post: #80
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:11 PM
Parent: #1

ود الشيخ ،
حبابك ,
حبوبتك شالت القرير ومن هناك شايلى صنب ،
عيللى دى انا ست البنات ،
أدخل اا يابا وقنب ، عيللى لا تقعد فى بكان الكسكسيقة دا شى !
دا بيكيين أوسلى أخييك !ان ما لقا بكانو بيبكى ويحرد الاكل !
أها القراصة والملاح ييى ديل الحارات راجاكون بيهن من صباح الرحمان . أكل اا
عشاى .
ست البنات .
Post: #81
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:22 PM
Parent: #1

كمال ،
أخوى المرجب الراسى
الله يهنيك ويعدللك طريقك ويديك البخت السمح ، اللاهو حارى ولاك طارى !
وا سيجيمتى ! بتجى من الاركى بى كيرعييك مالك يا يابا الدينى بقت غلى ?
ما كت ترسللك زول يلحقك حمارة جدى البيضا دى ? كيف سمحى ومشاييى !
أوسلى هو جا ?
نان طيرلى كسكسييقتى وين الجنا دا ? كت حافضالو بيها البوكان !
والله سعيد فى عيميرك دا !
القراصة والملاح الاتنينى قضن !
أها أملوا خشومكن ، والله الليلى جيتك بى كيرعييك دى كيف موجعانى !!!
والبركاوى والجوروم ييى ديل بس اكلن لى عوقبان فيحال ما يحمنك الاكل شى !
ست البنات .
Post: #82
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:26 PM
Parent: #1

راوية ،
أخيتى العديلى ،
سلام وحبابك ،
الله يديك العافى ، والمروة ، والعلم النافع ،
قولى يامين !
والسعادى التعمك انتى واخيانك واخياتك ان شاءالله .
ست البنات .
Post: #83
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:31 PM
Parent: #1

السموأل أخوى ،
ٍسلام وحبابك ،
دا فضلة خيرك يا يابا !
كدى وقت الله جابك شيللك ليقيمة معانا .
ست البنات.
Post: #84
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:49 PM
Parent: #1

منى اختى ،
حبابك وحباب ونستك ،
عيللى الليلى أصبح ليقيت الناس كولهون شالوا صنب ! وبس ضومة ما ليقيتلى زولن أرسيلو يسوويلى القريشات فى البوصطا !
والدنانير اللات بلاد برة عندى عيللى ديل حافضاهن من أوولى ! يبقى اساعيتى غيروهن وجابولون ودحدات بلاهن !
بس الاسكوت أرسيلين لى بت ود يحمد !
وقولى لى عمى عوض بخليها تجيبلك جلابيتين اتنين بدل واحدى !
وانا ويين ليقيتكون لامن أفسل عليكون ? دحين عمى عوض دا بس أول مرة يا جماعة يطلوبلو منى شى !
قولييلو قالتلك أبشر بالخير !
وانتى تعالى أملى خشمك معانا .
نسيت اقوللك البينييى الاسما ملكة سبأ قالتلى ان بيقيتى دايرالك زولا يساعدك كوركييلى بجيك ! شوفتى البت دى عيديلى كيفن ?
أها لا تنأخرى شى .
ست البنات .
Post: #85
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 01:55 PM
Parent: #1

حمزاوى أخوى ،
نعلك طيب ?
يا يابا يسمحك رب العالمين ، وتحلالك الدينى ،
وتلقا المروة فى عيويناتك وعيضيماتك ، والختوى السمحى العديلى !
قول يامين !
والقراصة والملاح الحار سوويتن فشانك انت !
ست البنات .
Post: #86
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-03-2005, 02:04 PM
Parent: #1

أخوى ،
بشرى الطيب ،
البشارة التجيك صباح ومسى !
ويطيب خاترك ، وينسرا بالك يا المبروك !
أمانى اسمك دا مو سمح ومباشر !
والبوطان ديل صانين فحال القراصة سمحى ! بس يسوكتوا يكوضموا ! ان شاء الله تنفعون وتبقالون سيقايى ووقاييى !
واسع كنا بنسمع فى المدحة اللت ولاد حاج الماحى البيقولوا فيها ( تنقاسى والقرير وحلة ولاد صبير ) ! وكيف سمحى !
ست البنات .
Post: #87
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 01-03-2005, 07:12 PM
Parent: #86

ست البنيات لحدهن



ملاح السبروق عندك علي اصلو

مفروك بعطرون البلد بعتي من الراجل الكان واقف قدام بيتكم مشيل الجمل عطرون و محريب وحرجل وراكب حمارتو الغيبشه

ما زي ملاح النسوان يكتلو بي الكربونات
مفراكتك بالجريده الصفراء من الجاوه الامي حقت جدك..

ملاحك طاعم بالحيل

زكرني سبروقك بهذه



الجرف سبروق ملح البحر فات منو روح

الجزيره بقت مخاده وختت تاني طين زياده



لكن انا من محبات شاي اللبن المقنن معاهو حرف قراصه مسبسه من المريق والجمر ملهلب عليهو قناديل عيش الريف



بجيك صاده تاني




بنيه من بلادنا العامره...

علا انتي قولتيلي انتي من اوسلي ولا انا غلطاني...



لى قدام
Post: #88
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-04-2005, 00:40 AM
Parent: #1

حال هذا البلد
 محمد بادى 
حـــال  هــذا الـبـلد بـكـاني مــا iiسـكـتني
ريـدتـن  فـيـهو كـيـف مـالـكاني مــا iiفـكتني
نــاراً فـيـها كـيـف مـاكـلاني كـيـف iiلـهبتني

إلا تــرانـي فـــي الـعـرضة انـحـسب بـرانـي
والــنـاس الـبـتـعرض جـــوة مــا iiسـمـعتني
عـلا  تراني أنبح .. زيي زي إخواني والخيل بى عجاجا iiعمتني
علا تراني ما سويت ضهر يحجاني .. وإندقيت غصب فوق بطني
تـوبي  قـصير  ومـا غـتاني .. والـزيفة أم بـرد شـقتني
قـلـت  أبـاصـر أمــرق مــرة مــن iiأحـزانـي
ويـــن  قـبـلـت  سـفـكت دمــي iiواتـعـدتني

ولا iiزيــــــــنـــــــوبـــــــة
آخــرت إيــدي فــي الـدنـيا أم بـنـايا هــش
مـن  شـافتني جـلفت مـني .. خـلتت فـي لواي iiالقش
قـــلـــت  سـلامـايـغـسـل iiحـــزنــي
عـــلا  سـلامـا زاد أحـزانـي زادنــي عـطـش

لـحـقتها فــي الـفـريق اتـنـاسى وانـشـد حـالا
طـلبتها شـاي ودسـت مداسا .. قطرت عيني فوق خلخالا
عـدلـت  تـوبـا هــزت جـيـدا قـالـت .. لا iiلا

قـــالــت لـــــي شــــن مـعـنـاكـا
وشــــن كــســب الــرجـاك iiورجــاكـا
وشــــن  راجــيـنـا  مــــن تــالاكــا

زمـنـك كـلـه تـاكـل بــادرة مــا ضُـق شـر
وزمـنـك كـلو نـحن نـعوموانت تـغني مـاسك الـبر
وزمـنك  كـله  فـوق الـقارغة فـوق ريـح المدن منجر
الـخير  انـسرق مـن دارنـا لا حسيتو لا نحاس القبيلة iiنقر
ولـينا سـنين خـلانا سـموم ومـا شـربت حصايبو iiمطر
مـنـيحة الـشـافع الـلماتو غـابن فـي شـموس الـحر
صـقور  الـباشا فـطرن فـيها مـا لـقن الـبقولها iiجـر
والـباشا  الـغشيم فـي ذاتـو .. قـعقع ومـن كبادا iiفطر
لا  ولــداً  يـقولو انـتر .. ولا مـهيرتن تـوقولو iiفـشر
-  ويــا الـباشا الـغشيم قـول لـى جـدادك كـر ii-

بـعد حـكت الـعليها أتـوهجت .. بـرقن بـروق iiعينها
كــســت خــلاصــي بــيــن iiايـديـهـا
مـــــا  لــقـيـت الـبـلـفـضو iiلــيـهـا
وقـعـت  دمـعـة مــن ود عـيـني قــت أخـفيها
وقـــعــت عــيـنـي ذاتــــا iiعـلـيـهـا
حـسـيـت بـالـمـسافة الـبـينا قــت iiأمـشـيها
كـفتتني  الـصقور بـى جـيهة والـبلد اتـرمت بى iiجيهة

عـبـلـة تــنـادي الــولـد الـبـعرف iiالـجـيهة
عـبـلة تـنـادي فــي الـولـد الـبـطلقو وشـيـها
عـبـلة  تـنـادي فــي الـولـد الـبـشق iiالـتـيهة
Post: #89
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-04-2005, 04:11 AM
Parent: #1

ياسيكو ،
الوليد المبروك الزين !
وا مغايسى ليقيت النضم السمح ومقععد دا وين ???
نان عاد فضللو فرضا ناقص ليهون !
أمانى بس ما خلالون صفحتن ينقلبوا غليها !
انا ما قوتلك انت وليدا تب ماك ساهل يا يا سيكو خوى ??
تسلم ، وطلبتك بالله عد ما ليقيتلك نضيمن سمح متل دا تجيبو لى فى لقدابتى دى فحال انا كيف بريد النضم السمح المو مبشتن ومسيخ متل طين الجر !
وباقى انا بغنى يبقى اغنيو ليكا ويزيعووا ليكا فى الازاعة !!
والبارح جننى البنتو ناس ملكة سبأ ( كيف بينيتن عيديلى ) !
وجن معاها ناس راويى ، وبينييى ، ومنى ، وغنينا زين وقلنا _
جابلى طرقى وجابلى نوقار
وجابلى توب اسمو الحمام طار
---
وغنينا كمان للناس المتفدغيين فى المنبر دا _
فاوضنى بالا زعل
يا خى فاوضنى
انا عندى ظن
----
وعرفة الات الرزوقا جات دقت النقارة وغنت _

صلاة النبى عينى باردى

على الشاقى الخلوق واردى

صغيرى وبيحديسا جاحدى

تقسمو بالواحدى واحدى

صلاة النبى عينى باردى

غزالة وليجناها فاردى

صلاة النبى عينى باردى

الضفيرى يمين طولا ياردى

صلاة النبى عينى باردى !!
---
شوفت جنس السماحة دى عمرك شفتها فى زول ???
الله يحفضكون ويغتيكون جميع .
ست البنات .
Post: #90
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: AL GURAIR
Date: 01-04-2005, 12:01 PM
Parent: #89


اسجل حضوري ..وسط كوم الجمال والالق هذا...وارجو ان تفجولى حتى "اتوهط" ..بينكم ..وحتما ..سوف اتاوق مرات ومرات

الفاتح عبد الله طه / القرير
Post: #91
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-04-2005, 05:21 PM
Parent: #1
Post: #92
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ديامي
Date: 01-04-2005, 06:09 PM
Parent: #1

سلام يا أحباب
ست البنات اشتم فيك رائحة جدتي ( بت مبارك ) الله يرحمها
فقد كانت لا تعرف التحية أو ردها إلا مقرونة بالدعاء

عزيزي يس الله يرطب ايامك
Post: #93
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-04-2005, 07:22 PM
Parent: #1

أخوى الفاتح ،
الله يحفضك ويغتيك لى شبابك ! ووحات ربى الليلى لقدابتى نورت بيتصويرتك السمحى دى ومباشرى !
وماب نفجلك بوكان ، بس بديك الككر الليلى دا كلما تدور تجى تقنب معانا تقعد فوقو ! انت ماك ولدن ساهل !
دحين جنس نضمك دا هيين ?
انت تشرف لقدابتى وتباركا كمان ! يالمبروك ! نحنا ناس القرير مو هينيين عندنا !
دحين حبوباتى العبلون ، والسرف ، وجدى جاهورى ، مبتعرفون شى ??
أها أملا خشمك بالحريف الحار دا يرجبك !
وما تنأخر شى !
وكيفن تقول اتاوق ? نحنا البيجيينا أصلو لابد ينوهط ويفك الريق !
ست البنات .
Post: #94
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-04-2005, 07:34 PM
Parent: #1

ياسيكو ،
الويليد الفرايحى الهدى ورضى !
ربى ياسع ايامك ويزيد مروويتك ويفرحك زى ما فرحتنى الليلى !
الشى المدينييى أم راس دى لقيتها ويين جبتها جننت الخلق بيها كدى ?
ما تدينى قبضة الاكلبها كتحة الترمس دى !!
ما قصرت فيى ، ما تقصرك الدينى يا يابا !
أها أقولك ، ماك طالبنى حليفى ، ألليلى من اصبح راسى دا مضييق عليى ، عيللى من شف المدينييى اللتك دى بس فكانى ! الله يعافيك من كل شر !

غسل ايدياتك تعال اكل مع اخييك الفاتح دا .
ست البنات .
Post: #95
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-04-2005, 07:43 PM
Parent: #1

ديامى ربى يخدر ضراعك !
ويبعد منك ولاد الحرام وبنات الحرام !
ويسهللك شيقيش ما تقبل ، وتنعدل عليك دينى واخرى !
وبت مبارك الرحمة وسادتا ، ورب العالمين يغفرلها ويغفر لى والدينى ويرحمون جميع ، والدينى مو دار غش يا اخوى !
الله يدينا العمل الطيب !
انت دحين قبل كدى جيت فى لقدابتى دى شى ?
أها الليلى بس ضومة ماب تفتر شبر ان ما اكل مع اخيانك ديل !
ملاحن اخدر دابى فركتو !
ست البنات .
Post: #96
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 01-04-2005, 08:02 PM
Parent: #1

ست البنات
شرك مقسم فوق الدقشم
عليك بالبخور من عيون الحسود
Post: #97
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 01-04-2005, 10:33 PM
Parent: #96

ياسكو

ما قصرت تب في البليحات

ان شاء الله كدي تاكل من بلح يوم الجنه

قول اميييين



ست البنوت

سلاااامات لعلك طيبي؟؟؟؟



لى قدام
Post: #98
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 06:48 AM
Parent: #1

ياسيكو الويليد الداعالو امو وممسح بالحوسون ، وشايل الطيبى عيلوان !!

تنبارك وتنسممح مالا دا سعل ربى ينجحك ويغتى عليك من عين الحاسدين والدقششم ! هوون باقيلك قاررين بى ديقشيمون دا شى !

كولهون شايفيين نفيسون بس يا دينى ما فييك عيللى هوون !

الله يكارينون من وشيينا ! ويزقنيفون غادى عليى الخلا والصيى !

ولا تنقطع من اللقدابة دى شى طلبتك بالله !

ست البنات .
Post: #99
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 07:32 AM
Parent: #1

يا بينيية ،
يا السمحى وفنجرييى ،
التيميرات صح سيميحات ويشهيين الزول ، ويصديديينو للسبيقى ، وحش التمر !
عيللى شكينا للحق جلا وعلا المحق عيشتنا وخلانا فزيينا من اهلنا وخلانا نشتهى حسبيبة التيميرات والتورمة السمحى البتسمحا لمة الناس الطيبيين المشتهين لماتون وقليبنا ينقطع وكت نطراهون !

شكيناهون ليى أقوى مننا وأقوى منهون ! أكان حرمونا من الزينيين وشتتونا ،
وغربونا وطيرونا من عقباتنا لبلادن طيرا عجمى !
غايتو الحديس الشيين مانى منعلماهو شى ، عيللى الصورمة والشوق للبلد وضولنا السمح داكا يخلى ابن ادم ينضوم كوتور يا خيتى !ووالله ماكى طالبانى حليفى يا خيتى ، كييف ميشتهى ايميمتى الله يرحما ! عيللى بس نقول الله ينعل الدينى الغشاشى ام بناين قش !!!واا كبدى يا اهى دحين وقت البلد حالا ينصلح والناس يصودولا ويلقو ايميماتون ويبللو شوقون ، أنا ويين أقبل ???
وقت أصود للبلد بس لا ألقى أمى ولا أبوى !!!
دحين دا مو المغسى البتخلى الزول ينصوم كوتور ??
غايتو بس نرجع نقول الموت سبيل الاوليين والاخيرين !
لكن كوت دايرى احضيرون وارجيبون وابكيهون وسط اهلى وناسى ، فحال دا بس بيخفف على الزول الكوربة ويهوون القواسى !
والبيتقع من السمى بيتحملا الواطا يا خيتى !
والله هسع انا عيونى يقوطرين ومطششات وجنس الكلام دا كييف قعد يمسسخ الدينى عليى ! لكن قعد يفرقلى شيوييى ويرييح قلبى دا !!
باقى الزول وقت يطرا الشيين ويبكى قعد ينفش شيوييى !
لا تاخدى فى خاترك شى ! انا اصلى يوماتى عليك يا الله دمعيتى فوق وشييى !
وقليبى مقطع وجوفى محروق !
كوت جاييى الومك _
باقى انا غدبانى متك شيوييى !
ليه ما انصارحتى معاى ميتل ما صارحتك ?
وما جانى رد للجواب الليلى ?
اسع ما فات شى ! وانا فى رجاك يا خيتى !

ست البنات .
ودعتك بالله .
والدرب ام جابك لا تفوتى اللقدابى شى .
ست البنات .
Post: #100
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 12:59 PM
Parent: #1

منى ،

خيتى !

نعاك طيبى ?

انا مو نيسييت ما عقبلك علبى كلام الشربوت شى !

التيميرات ماب ابخلبهن عليك يا حيبيبى !

عيللى انتى ما تسوويهن دكاى !

بس ضومة لا تدى البوطان السوغار ديل منو شى ! يقوموا يدووشوا ويجيبولك الكفوة عن ناس الحيكومة الممسووخين ديلا !
لا تنسى تحديسينى سوتو كيفينها الخرابا دا ?

الليلى بس لقدابتى عدمانى نافوخ النار !

يا ربى الجنات ديل والبينييات شالوا صنب ?

حسهون ماهو فيى ضومة !!!

تعالى يا خيتى اكلى معاى ، باقى البوطان ديل خربوا طبعى ضومة ، بيقيت ماب اقدر أسوويلى شى فى خشمى

براى ! أحريسون لامن يجوا حيتين أفك الريق !

ست البنات .
Post: #101
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-05-2005, 01:19 PM
Parent: #100

شوقون ، أنا ويين أقبل ???
وقت أصود للبلد بس لا ألقى أهى ولا أبوى !!!
دحين دا مو المغسى البتخلى الزول ينصوم كوتور ??
غايتو بس نرجع نقول الموت سبيل الاوليين والاخيرين

أنـا أخـتك وحـبيبتك

عـنـدمـا تضـيق بـكـي الدنيـا وتحـرققـك نـار الشـوق لحـضـن بـت كـروم
لا تستسـلمـى للحـزن... ولا تسـمحـي لـه بأن يـهزمـك
تـذكـري أن فقـدنـا واحـد وأن حضـن عـوض خـوجـلي وحـضـن جـارة الحـسـين
وكـذلك حـضـني فـي إنتظـارك
Post: #103
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-05-2005, 02:03 PM
Parent: #100

باقـيلك سـت البنـات خـيتي التمـر بلحـق يـنخـمـر إن كـان رسـلتي بعـد دا
باقـيلـي مـابنخـمـر شـي!!
ونـان فـايدته شـنو الشـربوت إن بقـي ماهـو مخـمـر?

تنظـكـري العـيـد اللـيـل الضـحيي الفاتت وشـربوت بت بقـيع كـان سـمح كـيفـن
الله يسـعلـني أم الـحـسن وقت رقـدت داك كـان سـكرانـي عـلـي زول سـعـلا مـافـي..

قـالـو الجـنـوبين يادي وقـت يقبضـوهـم ويسـوقـوهـم للخـرابة اللات الجـلد ديـك يـسعـلوهم شـاربين شـنو
هـم حـبانـي أمـانـي مـاهـم مسـاكـين
يردوا للقـاضـي شـاربـين شـربوت

مـاقتلك مسـاكـين قـايلين ان قـالـواكـدة زولا بـجـلدوم مـافـي
Post: #102
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 01:46 PM
Parent: #1

منى بت عمى خوجلى ،
سلام يا الحينينى ،
حيبيبة قساى !
أمانى موجوعالى وجعا وغبينتن با منى بينية جارة خالتى فى الدينى دى !!!

الله يخليلكن اميمتكن وابوكن ، والله لا صرمكن فيهون ، ولا صرملو زولا فى حيبان قساهو ! امين يا ربى يا سيدى .

وتسلمى يالكولك مرووة ، وقلبك طيب . الله يديك الفى مرادك .
أسع الجنون ديل اكان جو كانوا خففوا عليى شيوييى .
ما تكوركييلون اليجوا !
والله يجعل البركة فى لياليك .
ست البنات .
Post: #104
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 02:48 PM
Parent: #1

منى خيتى ،
حبابك وحباب طايتك السمحى البتفرحنى بالحيل !

الخرابا الشربوت دا انا بس ضومة ماب اعرف سوواتو !
ان بقى ويحيدن من الجنات المزهللين بالشى البيشربو المر دا ختتا حبلو فوقى ، عيللى يصددنى لاهلى فحال باقى انا غشيمى فى سوواتو !
عليكى الله قوتلك وصيفيهو لى سوواتو كيفننها ?
وناس الحيكومى ديل جنو وحات ربى ! ان بقى الزول بس شربلو شاى بى ليبينى مقننا عيللى يبطحوا ويسججو يقولولو انت سيكر !
ديلا ماب يغليبون يسوولون فوق زول عاضرى ضوما يا خيتى !
الله يقلعون من فوق ويشيينا ويزويلون مننا !

يا منى ، البوطان ديلا ما شوفتيهون شى ?

ست البنات .
Post: #105
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Adil Osman
Date: 01-05-2005, 03:04 PM
Parent: #1

كل سنة وانتى طيبة يا ست البنات والسنة الجاية ان شاء الله سودانا فوق ينعم بالسلام والديمقراطية والعدالة الاجتماعية
انا من اصول شايقية، وفى نفس الوقت سودانى يطرب للنغم الحنون من الغرب والشرق والجنوب. ورغم انى لا افهم فى اللغة النوبية، ولكن هذه الاغنية بصوت المبدع وردى وباللغة النوبية تجعلنى اطرب كثيرآ وامتلئ حنينآ للبلد الصغير والكبير

يا لحنان هذه الاهزوجة النوبية يا ست البنات
اسمعوها من نارها زى حريف القراصة او ا لكابيدةhttp://www.napata.org/songs/wardi/asmer.ram
Post: #106
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الملك
Date: 01-05-2005, 03:16 PM
Parent: #105

كل سنة وانتى طيبة ...

....ست البنيات ....

والسنة الجاى مندلى عند أهلك ....

.......
الصورة دى حقتك من أخر مرة أندلتى هناك ......

.....

....الا عاد بلح السنة ما رسلتوا لينا ...شقيش مشى
Post: #107
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 03:37 PM
Parent: #1

أخوى عادل عثمان ،
أهلا ومرحببك ،
ووقت جييت بى هينى الليلى بس ماب تفووت قراصتى دى شى !
وشكرن على الغنى السمح ، عيللى مانى فارزى نضمو شى !
أدو عثمان وليد صالح اليوقعو لينا !
وربنا يغتيك ويديك الفى نيتك ، يالعدييل وزين .

ست البنات .
Post: #108
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-05-2005, 03:48 PM
Parent: #1

أخوى الملك ،
الملك !
يا يابا تنعدل عليك شيقيش ما تقبل !
أها دى جنس التصاوير البتفرحنى وتخلينى اخوم دقيقى كلو اعوسو للبطان !
أمانى يا ربى بجيك وتسعلنى ، لامن مفراكتى وقعت منى واتفقاشت من شدة ما فرح واخدلى نيقيزات !
يا خوى ما تقنب تنغدى معاى ! باقى الليلى البوطان ويحيدن فتر جاء هينى مافى !
بس ا بعريفون لججو وين ?

كدى امشى بيجنب ساقة ود الخبير انتاوقلهون اكان تلقاهون مقنيبيين يلعبوا فى الطاب !
ست البنات .
Post: #109
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الملك
Date: 01-05-2005, 04:08 PM
Parent: #108

عينة التصاوير دى
الواحد ما بديها بالهينى مانى شايقى ..... ؟؟؟

.....هاكى الكم تصاوير ديل بيلبن ريقك .....اندلا واجيك صاد يا ختى ست البنيات

القرير....

منظر من الزومة .....من الفلوكة عند المغربية

...
...وعينى فى جبل البركل قدامى



غايتو التصاوير دى بختدهم قدامى بالساعات وبتزكر .....الضحوية وشاى المغربية حليل زمنا الكنا ....بُطان

اها

تب ما قصرتا معاك مــــو كدى......
Post: #110
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-05-2005, 08:00 PM
Parent: #109

غايتو التصاوير دى بختدهم قدامى بالساعات وبتزكر .....الضحوية وشاى المغربية حليل زمنا الكنا ....بُطان

اها

تب ما قصرتا معاك مــــو كدى......


المـلك أخـوي مـن الليـلـي الله يـديك العـافيي والفـي مـراضـك
ياحليلك يازومـي وحـليل ناسك ومـويتك وطيـنك
ياحليـل جـبكل بركـلنـا وسـمـاحـة الطـلـي مـن فـوقـو
وأمـانـي مانـي مـشـتاقالكـم يا شـاميـي بت خـالـي عـبد الحـفيظ ود عـلي
وخـالتـي سـت البنـات
وياحـبوبة وفتـحـيي وسمـمـيرة وفـوزيـي
والرسـول إن بقـيت مـندل قـريب أرسـل معاك كـتابات شـوق ليـهم بازومي تحـت
ولـي جـامـع جـدي عـبد الوهـاب ولي حـوش.جـدي عـثـمان الحـسـين الواسع السـمح
وصـيتى التـانيي توصـلا لحـوش خـالـي ود السنجـك
مـا بكـتر عليك شـي لكـن إن بقيت مـاشي لـي مـقاشـي أديـنـي خـبر

عمـي خـدر ود حـسن حـمـاد بدور أرسـله جـواب فيـهو عـتاب
أها منطظـراك ياخـيي السـمح وكـيفن مـاتكـون سـمح وات جايبلنـا متـل الصـور السمحـى دي

خـليتك فـيمـان الله أخـوي

مـن بت جـاري بت عاشـي
Post: #111
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-06-2005, 02:12 PM
Parent: #110

أصـبـحـتي كـبف سـت البنـات خـيتـي

اللـيلـي دار أشـرحـلك سـواة الشـربوت
كـيتن تـكـويهـم

تجـيبيلك بلح وتغسلي سمـح قـولـي كـدي زي 2 كـيلو
تمـرقـي منه الـنـوي وتختيلـو مـويه تغطيـه وتـزيد شـوي
تركـبى حـلتك فـيلنـار لمـن تمـرك ينهـري الله يهـري قلب الحكـومة
أهـا

الـوكـت داك تكـونـي يالفالحـي جـهزتيلك قبضة هبهـان وحبـة قـرفة
معـاهـن حبـة كـمـون أسـود ومعلقـة جـنـزبيـل
تصـريهـن فـي قـطعة شـاش سـمـح عشـان تنفـكالك فـي التمـر
آهـا بعد مالتمـر انهـري ونـزلتيه مـن النـار
وبعـد مـابـرد تقـومـي تـرمـي فيـهـو صـرة البـهـارات وتغطيـه قـولـي يـومـين
أهـا وصـيـة قبـال أفـوت
يـكون أحـسن لـو ماصـفيتي البلح


أنـا مـتـوكـدة خدر يكـون جـري لليديكـيكـين الفـي حلته كـايس للتمـر اقـولك الكـمـيي دي مـاهـا كـتيرة شـي إن درتـي زيـدي الـمغـادير كلهـا
Post: #112
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-07-2005, 10:09 AM
Parent: #1

ياسيكو ,
انا مو قوتلك انت وليد مبروك واميمتك داعالك ؟
الله يسمحك وينور ويشيك مالا دا , اكان نورت اللقدابة وفرحتنا بى حيس الدليب القاقى البلد والبلدين وحيس الطنبور والغنى السمح المو خمج !
يسعلنى الله طول لى شبرين ! وغيلا تلاتى 1 من الفرحة !
وبيقيت زى التكنى فى تنقاسى !
الله يا يابا الفرحى التشوفا يوم عرسك ( دا ان بيقيت ماك معرس ) وان كمان بيقيت معرس ، ان شاء فى الوظيفى السمحى التعلى مراتبك ، وتكتر قروشك ، وتبقى مدير ولا دكتور ولا مهندس ولا ظابطن ليهو شنه ورنه !
تنبارك وتنعدل عليك وعليى اهلك فردن فردن !
Post: #113
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-07-2005, 10:17 AM
Parent: #1

الملك الولد المو ساهل ولا اهلو ساهلين !
ولد الملوك والنيشان الناس المابيعرفوا الشين والشيويى !
الله يطول عيميرك ويبستك زى ما بسطنى !
عارف يا الملك اخوى ، الليلى وقت شوف تصاويرك الجديدى السمحى دى ، من الفرحة قم اكوس فى منجلى !
قت يا ربى الشى دا يبقى صوح وانا قاعدى فى البلد ؟
أها قت ان بقى صوح نان غنيماياتى يبقى جاعن ! القوم احشلهن القش !
عيلى منى بينية جارة خالتى , قالتلى يا ست البنات نحن فى بلدن طيرو عجمى !
وقالتلى نحنا ويين وغينيماتك ويين يا اخيتى ؟ نحنا مانا فلى البلد شى !
أها وريتا التصاوير ودمعتى تقطر من عيونى !
انت يالملك ، التصاوير ديل ماهن صوح شى ؟؟؟
ست البنات .
Post: #129
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الملك
Date: 01-09-2005, 04:25 PM
Parent: #113

ست البنات ...

....عندك وصية ...

...انا مندلى بكرة البلد

......وجد والله ....لكن شقيق بقبل ....مانى عارف

.....غايتو بكتر ليك من التصاوير

ربنا يكتب السلامة
Post: #130
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-09-2005, 06:07 PM
Parent: #129

وات يالمـلك فـاطـينـي فـي شـنو وقت تسـعـل ليلوصـايـا
أنـا مـاقـتلك دار ارسـل لي أهـلـي فـى الـزومـة المـاهـي ضـايقـي
أمـشـي اخـوي الله يـعدلا عـليك
وانشالله بركـة سـيدي الحـسـن تصـل سـالـم

مـنـي بت جـارة بـت عـاشـي
Post: #114
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-07-2005, 10:27 AM
Parent: #1

منى بت عمى ،
نعلك طيبى ؟
وتنباركى يا اخيتى وتنعدل عليك ، ونية سمحى تنجحك وتجى الاول وتشيلى الكاس من البنننت لا حدهن !
نان هن الشينات المعبرات بيشبهنك ؟ والله دا خمج وجخ !!
يا اخيتى مو سوويت الشربوت !
واساعيتى رابطة فى القادوس بى شلتوتن من طرقتى القديمى دى ، مصوبن ونضيف !
وانتى تلقى الفى مرادك !
باقى عمرى ما عرف سوواتو عيللى الليلى ! تنباركى ويعدلا عليك ربى .
وعاد يا منى أ مانى الزومى مو سمحى وعامرى !
عليك ربى مو اخير من لوندون المسيخى دى ؟؟
وقولى للملك يسلملى على الناس جميع ويقوللهون قبال تحوشوا التمر لازمن تحدسونى فحال احضرو معاكون .
ست البنات .
Post: #115
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: خضر عطا المنان
Date: 01-07-2005, 11:27 AM
Parent: #114

Quote: يا منى ، البوطان ديلا ما شوفتيهون شى ?



آ ... ستهن لاحدهن :

أنا يي دا الجيت ..حدستني البت منى وقالتلي أنك
قعد تسعلي عني ..

أصلي كت مشغول شوييي مع ناس سونامي الراحو في حق

الله ديل ..

وباقي آ.. ستهن سويتلي الليلي قصيدي كدي عن الأم المسيكيني

دي الفقدت وليداتا الصغيرين اللتنين ( رضيع وشويفع اسمو راما ) ..

عشان كدي المعظرة أ.. ستهن وكل ضيوفك ..


عيلي شاميلي ريحة شربوت هني !!!!.

الله يديكن كلكن العافية .. وبجيكن راجع تاني .

خضرعطاالمنان
Post: #116
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-07-2005, 11:51 AM
Parent: #1

سلام أهلو

ست البنات أخيتى
والبطان والبنيات كولكن
سلام عليكم كيفنكن
والله كت زعلان شديد
يعنى يا ست البنوت
ما بتفقدو الزول ضمة
الواحد يغيب منكن
وما يتفقد حارة والله
كت ميرود وعندى حمى

عيلى كتر خير الشربوت
النعنشنى شوى
وانتن يا البنيات اصبرنلى
ست البنات ومنى بت عمى
الشربوت ده وقت يخمر
الجاى يشربو ليكن غيرى .....منو
وكمان الخدر أخوى زمن ما شفتو
لعلو بخير حدثو يا ست البنات
قوليلو يجىْ بيجاى ...
باقى جايب لى معايا عنبلوك للشربوت ده

أخيكم / عماد كرنديس
Post: #117
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-07-2005, 12:39 PM
Parent: #116

خـينـا وود أهـلنـا ولحـمـنـا ودمـنـا

واشـريري خـيي أتـاريـك كت مـورود

بـركـة القـمت طـيب.......

سـت البـنـات مـن باكـر تحـدثـي خـياتك يجـن يخـدمـن فـي كـرامـة
عـمـاد... وي الليلي كـيفـن عـاد مـابنسـويهـا
أبـوي الخـليفـة عـوض قـال نحـدث شـباب الخـتمـيي
وا حـلالـي قـراية الراتب والفـتة

يـارب عجـل بالنـصـر وبالفـرج

أهـايـاعمـادلاتمـرضلنـا تـانـي يـوم الحـولـيي.... يـوم الاتنـين
حـدث رفـاقك كـلهـم أخـوي

عـلـي لكـن يبقـي فـي بالك مـن اسـي الشـربوت دامابخـليي شـي
غـامـتا مـن أمس فـي اللـويضـي السـغيري فـي حـوش حـبـوبتـي بت يحـمـد
Post: #125
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-09-2005, 09:32 AM
Parent: #117

سلام .. أهلو كيفنكن

سلام ست البنات ... كيفنك يا منى بنيت عمى

شقيش شالت ست البنات

يا جماعة الخير بطان عمى شقيش راحو

والخدر أخوى من ما يوم صابتنى

الوردى عينى ما وقعت فيهو نعل ماعندو عوجى

منى الظريفى كيف حالك

عليك النبى ادينى جغيمى

من الشربوت ألليلك هو.. الحرجل

ده كفانى منو دبغ مصرانى

قبال ست البنات تجىْ ... سامعها

البارح توصى فوقك فشان ماتدينى

الشربوت قالت بزيد السهراجى

أسكتى ادينى جغيمى قبال تجىْ

باقى مكوفر... ماسكانى كوفارى

والله يا منى خالى تاج السر

قال الشربوت النصيح متل الليلك هو

بطيب الزول من الوردى

عماد كرنديس
Post: #126
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-09-2005, 10:13 AM
Parent: #125

عماد

أهـا النـقـولك خـضـر دا وقـت يغـيب طـوالـي تفـهـمـا...قـاع يسـويلو فـي مـصـيبـي

عـل سـت البنـات حوقـتـااللـت الصـعوت وغـنيمـاتـا بس جـننها

قـبال دا هجـمت النـسوان وسـرقـتن حـقـتـاوالنـسان حـلفـن مـايخـلنـها
وكـان مـاعـثمـان محـمـدان جـدي أمـان مـاكـان انـدقـت
قـلـتـلك خـيي الشـربوت امـانـي مـابـقـي سـمـح..
انغـاتت علـي سـت البنـات ومـاقلتلهـا تـرمـي فـي الشـربوت حـبيبـة خـمـيرة بيـري...

اهـا حـدس السر اليجـي يســا لمـنـاويـحـضـر ضـحـيتنـا تانـي يـوم
نحـنـاأول يـوم حـاضـريـن ضـبيحـة أبـوي قـطبـي وحـبوبتـي خـاصـي

مـنـي خـيتك
Post: #118
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عبد المنعم سيد احمد
Date: 01-07-2005, 12:43 PM
Parent: #116

الاخت ست البنات
كيفن عساك بخير
وشايف ملكة سبأ جات بى جاى.يبقى خليها التنزلك اللنك
حق البوست حقها الاسمو
حش التمر
وسلاما كتير لك الضيوف ..باقى نحن نازلين للسبيقة
نكشكلنا تمرات ..ونجيبلنا بلحا يشربوبو القهوة
Post: #119
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-08-2005, 07:58 AM
Parent: #1

الناس ديل يا جماعة
راحو وين ...
شربو الشى .... المر .. ده ... ونامو
Post: #120
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-08-2005, 02:07 PM
Parent: #1

يا الخدر ، حبابك ،
انت كت وين السبوع دا كلو ما شفناك يا يابا نعل ماك عيان شى ؟
عيللى الشربوت الليلك عن منى بت جارة خالتى .
وتعال لا عوقبان عماد جاييى يضبحلنا عنبلوك فشان تاكلك مرارة معانا .
ست البنات .
Post: #121
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-08-2005, 02:30 PM
Parent: #1

عماد اخوى ,
يا حيليلك وبركة بالشوفة !
انت غتس ويين ؟
وحات ربى انا نشد منك البوطان والبينيات ديل كولهون !
أكنك اسعلون !
وسلامتك والخلوق ديل كولهون كرامتك !
وانا حالتى دى قت , الوليد دا يا ربى ما يبقى عيان شى ! اتاريك مورود ؟؟
الوردى دبيتا بالله ! وتنقسم على الجبال والخلا !
ورب العالمين ما جابها لى عندك تانى شى !
وشرك مقسم على الحجار !
وا حلالنا بالعمبلوك ! بس اليبقالك كرامى وسلامى !
دحين البينييى منى دى حدست الناس وانت تعال بودرى فحال تلحقلك عيضيم !
باقيلى الناس كولهون ياهون الكاسرين بى هينى باكر فحال سمعوا بالضبيحى دى !
لكن كدى يا عماد اخوى انت دحين جابك الشربوت وماك جاييى تقوللنا ؟
نان هى منى مو اصلها سووتو ليكون !
بس لا تجيبلك معاك بوطانن سوغويريين شى يقوم بيطينتون توجيعون ويجيبولنا الأرطى هنى !
أها جيدن جيت .
ست البنات.
Post: #122
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-08-2005, 02:53 PM
Parent: #1

عبد المنعم أخوى ,
كيف مشتاقالكون !
وا مغايسى الما حيضر حش التمر الليل البينييى الزينى ملكة سبأ !
أمانى كيف عيديلى وهدييى !
بس قالتلى الساعدك فى قش اللقدابة ونقل المى من البير !
ووينا الندييى ورضييى البينييى اللتنا المعاك دى ؟
هيى بس اصلا ماب تجى تقنب معاى فى اللقدابة اللتيى دى فريد يوم ؟
عليك الله تسلملى عليها !
ولا تغيبوا شى منى !
ست البنات .
Post: #123
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-08-2005, 03:28 PM
Parent: #1

يا منى خيتى ،
ازيك يا يمة ،
انتى بس ماب تسعلى منى الليلى ؟
البارح الليل كلو بهماتى ، وغينيماتى ، وجدادى وحمامى , بس كولهين ينجاضين !
باقى الورر جاهن فى الليل , فققشلى رقاب سيويسيوتينى , وفققع جنا جداد الحمام , ويا خييتى , رضع الغينيمايات خلا بهمين مفرزعات بالخوف !
واصبح لقيتلك الغينيمايات خلا ! بس يخريبين !
شيخيبة الليبينى الكت جاييى اشربها الشاى الصباح عدمانى نقطة البلالى !
عيللى قوم كورك لى خجيجيى جابتلى جيغيمى من بت خالى الطاهر وناس مسك اليمن !
وجاييى اوصيك ! انتى باقى كلمتى الخلق ديل كولهون بالعمبلوك الليل عماد !
أها بس لازمن تجينى من دغشن بودرى فحال نندف المرارة ونسووىلون حبيبة الليحيمات ديل فى الصاج فحال يفطروا بدرى !
وبعد داك انا شايلى جدى ود الناطق يرسل الويليد معاى فحال يسويلى كبيد ليبيت الغنم دا فحال الورر دا تانى ما يجى صاد يزهلللى البيهيمات والجدادات والحيميمات ديل .
والويليد عماد دا باقى مورود ! لا تديهو المرارة شى فحال ما يوتب !
واغليلو حيبيبة حرجل ولا تديهو الشربوت شى بيزيدلو الوردى .
والبوطان لا تخليهون وكت يجو يمشوا شى قوليلون يرجونى .
والبينييى ملكة سبأ , قوليلها أفىء عليكى ليه ماب تكوركيلنا لى حش تمرك ؟
انا حالتى دى قت البينييى دى عيديلى وزيينى ؟
وودعتك الله .
وسلميلى على خالتى جارة , وعمى عوض .
ست البنات .
Post: #127
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-09-2005, 11:53 AM
Parent: #123

واحـلالـي سـت البنـات اللـيلي جـيتليك بخـبر السـرور...

فـاطـنـي بت حـسـين جـابتلها وليـد ...الله بـس سـتر يـادى ..

قـالـو راجـلـا كـان دار اعـرس بت نفـيسـة بت الحـاجـة فـوقـا عـلـي اسـي مـاظـنـيت يـسـويها شـى.....عـلـي مـامـعروف...
أهـا انـا قـت اخـبـز لـي حـبيبـة كـعـك ليـهـا ولـي بت يحـمـد الراجـعـي مـن الحـج
انشـالله يادي تجـيبلنـا مـعـاهـا شـتن ينلبس...السـبح عـنـدي بقـن عـشـرا
اهـا ودعـتـك الله وسلمـيلـي عـلي خـيانـي وخـياتـي وقـت يجـو
Post: #124
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-08-2005, 03:41 PM
Parent: #1

عماد اخوى ,
ان شاء الله الوردى فكتك !
الشى المر دا يشربوا البوطان النصاح !
وانت واحدن من الناس الحكيم قاللى الويليد المورود دا ما يكج الشى دا خشمو ! فحال لا يزيدلك السهراجة دى يا اخوى !
Post: #128
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: AL GURAIR
Date: 01-09-2005, 12:46 PM
Parent: #124


حقيقة ...البوست ده ..حبل وصال طويل ..ممتد بين الاجيال ...نشر الفرح بين كل الاحباب والاهل في اصقاع الدنيا ..وهكذا انتم ..قيمة واصالة ..مدفونة بين ثنايا الروح والجسد ..لا تهزّه غربة وترحال ..ولا يغيّره زمن ....تراث يمشى ... بين الشعوب ..تحية لك " ستّهم " ومنى خوجلي ياسيكو ..عادل عثمان والملك..خضر عطا المنان وعماد عثمان ..عبد المنعم سيد احمد واستاذنا الموصلى ..الدكتورة بيان ..وكلكم ..كلكم ...وكلهن ..كلهن ...وولاد بلدي ..عراريقم ..طواقيهم ..طواريهم ..وبنات بلدى ..طريحاتن ..منادلين ... شبابيلن.. ولكم التحية
الفاتح عبد الله / القرير
Post: #131
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-09-2005, 06:37 PM
Parent: #128

الـفـاتح ود القريـر

فـاطنـي بت القـرير السمـمحـة تبقـالك شـنو?

يـاحـليلك يـا خـي... شـوف الدنيـا دي سـغيري كـيفينهـا
ديـك النـهـار قـابلت خـالتن ليـك فـي كـريـمـي عـن حـسـين جـعفـر قالت مـاشى اللـسـتبالـي عـنـدهـا رطـوبة فـي كـريعاتها واشـريري عـليـهـا النـوم غـالبـا
عـلـي الصـتيين ادولا ابـر طـيرن الـوجـع مـنهـا

بـاكـر لاتنسـي كـرامـة عمـاد

مـنـي بت جـارة بت عـاشـي
Post: #132
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-09-2005, 07:07 PM
Parent: #1

سلام منى بنية خالى عوض

داير أوصيك أنا باكر شايل

جلاس ما شى أطحن لى دقيق

فى طاحونة عمى طه كرنديس ومن

هناك غاشى كنتين الخدر عبدالرحيم جدى

ابيع لى بن عشان باكر الكرامة

والجماعة ديل بعد ما يضربو اللحمى ده

والشربوت السمح هو بدورو القهوى

عليك الله اقسميلى من الشربوت هو

وأحفضيهو فى أوضة حبوبتك عاشى

باقى ست البنات بتمنعنى ياه

قالت الحكيم قال ما يدونى

برجع لى الوردى وأحفضى لى حوقتى

الليلت الصعوت تحت التيبار أنا راجع فسراع ...

وكان الخدر أخوى عقبنى خلى يرجانى لا يراوح بكانو

عماد كرنديس
Post: #134
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-10-2005, 00:41 AM
Parent: #132

سـمح عمـاد أخـوي أجـر بسـراع
واوعـك تنـسي تـوكـد لطـه و الخدر يجـو الـكـرامـي


الـبـن عـزله لاتجـيـب القـديـم الجـبنـي سـمحـي باللـبن الجـديد

اهـا خـليـنـي اللجـري ليخـالـتي أم خـضـر أسـالمـا

أهـا خـي اجـر خــلص مـشاويرك سـريع
Post: #133
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: المعتمد
Date: 01-09-2005, 11:37 PM
Parent: #1

الاخت ست البنات.
السلام عليكي.
سنة سعيدة وبخيتة وان شاء السنة الجاية نلقاك متروسة بى ملاح سفروق وتحلي بى البركاوي
ولك الود
Post: #135
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 09:24 AM
Parent: #1

اخوى عماد ,
تراك شميت العافى , وبركة البيقيت طيب !

لا تسوى الشى المر دا فى خشمك شى !
الحكيم محظرنى ما اديك ياهو , ومنى بس ماها عارفى بكانو شى !
عيللى البن ان بيقيت دايرو بنديك ياهو بيتميراتن سيميحات يفكنلك الوردى القرشت عيضيماتك ديل يا اخوى .
ولامن تطيب بحدس منى تسوويلك الشى المر دا ! انت وين تزقنفو ؟ سوو لك حبيبة ليبينى تبردلك بيطينتك !
مو خيرلك ؟

وحدس اخيانك بالكرامى الباكر دى .

ويا اخوى سعل ربى تطيب وتسلم لى عيميرك دا .
ست البنات .
Post: #136
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 09:33 AM
Parent: #1

ود القرير ,
الفاتح , صباح الخير , المنور خلقى , وسمح اخلاق !
يا يابا ربى يبعد منك الشر , وينشر فوقك ملايكتو ويغتوك ويحفضوك من كل هامى ولامى , ويلازمك جبرين حبيب المصطفى ولزيمو ,
ما عندك مدينييى ودفيقات زى الاولى جبتهن لينا ديلك ؟؟ كيف سمحات !

بس طرننى مدينية سبيقة جدى كروم الله يرحمو ,
عاد متل تمر القرير فى شى !! هيى نان القرير هينى ولا اهلها صرمانيين !!
الله يرحم حبوباتى , السرف والعبلون . ويرحم جدى جاهورى الكريم الاجواد !
دحين يا الفاتح ما تنسى كرامة عماد شى !

باكر ضرورى من الضرورى تجيب الجنات وتجى .
ودعتك الله .
ست البنات .
Post: #137
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 09:49 AM
Parent: #1

المعتمد , اللصرمان مدد , وللجيعات سند !

كيف حالك أخوى ؟ نعلك طييب ؟
انت بس اصلك ماب تقول اللشوف اخياتى واخيانى ديل فى اللقدابة , واتونس معاهون ؟
لكن اقولك , بس جيتك دى بالديينى , وماها ساهلى !
دحين قنب الاعوسك حيريفن حار تعصربو قلبك وتسندبو هافك دا.
وطلبتك بالله من الدغيش البودرى تجى لى كرامة عماد دى , باقى ضابحنلنا عنبلوك !
وفى مان الله .
ست البنات .
Post: #138
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 10:00 AM
Parent: #1

منى اخيتى و لحمى ودمى ,
الله يعدلا عليك دينى واخرى ,
وينورلك ويشيك مالا دا !
انتى النور يفوتك يمشى ويين ؟
يالعديلى , البينييى ام عرض الماب تعرف النضم المموشن !
ربى يوسع رزقك , ويطوول عمرك ,وعمر ايميمتك ,وابوك الراجل الفنجرى الكريم الزيين !ويخليلك اخياتك وكل البتريديهون فى الدينى دى , فحال بتطولينى , وتتونسى معاى , ومفرقى عليى , وسارانى , يا اخيتى ينسرن ايامك .
وعليك الله يا منى لا تنسى تجيبيلى معاك الصاج الليل اللحم فحال كبير والعنبلوك باقى سيميين ولحمو كتير , وصاجى دا سيغوير ماب يكفى الجنات المبروكيين ديل , الله يغتيهون من عين كل حاسد !
وانتى باقيلى انشلمتى يا منى ؟
بن شنو البتسوويهو للبوطان ؟ يعنى اكننا خلينا الشاى وبيقينا نحاكى ناس فوق ؟ والله ياهو !
لكين اكان نفسك فى البن اقليلك حيبيبة ليك وللويليد عماد دا فحال لا يوتب شى , باقى مورود .
واوعك خشمك الباكل الويكى دا ينفتح وتقوليلو عندنا شربوت شى ! الويليد الحكيم منعو من الشى المر دا فحال لا يمرض تانى شى .
وفى مان الله .
ست البنات .
Post: #139
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-10-2005, 11:55 AM
Parent: #138

جـيـدلنا اللـيـلـي...

اللحـم قـرب ينجـض..... هـوي بتيـة حـياة خـلي الضـحـك دا ومـاتحـرقيـلنا اللحـم تحـيريـنـافـي ليلنـا دا
لهـا زيـدي البهـارات باقـي لـي المـلح ناقص
ســاد الـرز دا سـوي بعـد دا وكـتريلـو الهـبهان...اهـاتشـوف الليلـي سـواتك للـرز
سـت البنـات جـيـتـي مـن مـشـيويرك بـركـة خـيـتي
قـوتلك
رسـلتـي وليـدات محـمـد الحـسن يمـرقـو الـبروش مـن إويضـة حـبـوتـي عـاشـى
واللمـبات راقـدات فـي حـوش جـدي كـمبال عـلـي دايرالا زول طوييـل يجـيبـن مـن فـوق الفضــيي
واحـلاتـي يـاسـت البنـات شـفـتي عـمـاد خـينـا قـام مـاشـاءالله نصـيح كـيفـن..بـركـة سـيدي عـلـي سـابقـة يغطـيك الله اخـوي ويـحمـيك ليشـبابك
انـتي ياسـت البنـات كـمـال والزاكـي رسـلتيلوم للكـرامـي
وخـدر يـادي داراسـويلنـا حـركـات ناس فـوق طـول مـازارنـا

بجـيك صـادي
Post: #140
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Adil Osman
Date: 01-10-2005, 01:15 PM
Parent: #1

ست البنات
صبحك الله بالخير. ومسّاك بالسعادى وراحة البال. وإن شاء الله السلام الفى الجنوب يقوم يفرهد، ويملا البكان الاسمو السودان من جم. ومع السلام تجى الحريى. ويجى الانصاف. والعدالة الاجتماعيى. وزى ما قالوا الحلم هو الخطوة الاولى فى اتجاه الواقع البائس. وا مغستى رحل تلوت الليل. سماعين ود حسن شاف الما بنشاف. وعرف قبل الناس المخبى فى الجرانين، والمطوى فى السدور. باقيلك يا ست البنات على ود عصمان ود موحمد طه، النائب الاول، بى يقدر يحول السلام لى حقيقة؟ ويقدر يداوى الجروح؟ وينشر الديمقراطيى؟
دحين هو مو شايقى؟

"يا مريسيل منى روح".. دى غنيى اللت النعام ادم. سمحى بالحيل. تعالوا يا الحبان نسمعها فى البكان العامر وزين ده..
http://scsnap.com/music/Nam_Adam_ruhiferadkum.mp3
Post: #142
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 09:15 PM
Parent: #1

منى خييتى ,
حبابك ,
يا بت انتن الرز لا تكترينو شى ! القراصة مو ييى دى العوستها !
سبيكى الكمونييى دى لا تسووينها مى مى تطلقنها للبوطان تسوويلون البطن !
يا منى دا لحمة السرور , اتاريك صلاة النبى فالحى فى السووا !

النجيبلكون السجاجى اللت عمى ود حماد فرشيننها للجنات ديل , باقى اصلو ما كان بيمروقا عيللى وكت يجى سيدى على !
كانو يرشرشو الحيشان ويفرشو السجاجيد ديل ويضبحوا التيران , ويمرقو التمور بالقساسييب , ويسووا للشباب والمديح ! وا حلالى امانى كانوا يفرحولون فرحن بى جيية سيدى !!!
يا منى انشده فى الونسى جاييى احررق ليحيمتى السمحى دى .
اها كوركى للحررم ديل اليجين ياكلن معانا وكت ما غزن ايدن فى سووا .
اصلها ملكة سبأ الزينى ما جات من يوما داكا ! نعلها طيبى يا يمة !قالت لى ان بيقيتى دايرالك مساعده بجيك ! بس تانى ما سمعنا حيسها !
ودعتك الله .
ست البنات .
Post: #143
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 09:22 PM
Parent: #1

يا منى و
باقى نسيت نسانى الموت 1
انتى اخياننا ديل وينون ؟
ناس الزاكى
الخدر
اب نعوف
كمال
وعمى مامان ؟؟
يا ربى يبقى ما سيمعوا بالكرامى دى ؟
كدى اكورميلون حبة ليحيمى يبقى يجوا !
بس غايتو قدامى الضييق ! باقيلى مافى زولان حدسون بيها ّ!
يا خييتى ما ترسلىيلون واحد من البوطان ديل يقولهون بس بزاقى دا ما ييبس يحدسون ويجى صاد , فحال الكمونييى ما تبرد شى .
اها اتوردى النار النار تحت حليتك هى وصوتيها جاى وجاى لا تحرق شى .
ست البنات .
Post: #144
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-10-2005, 10:18 PM
Parent: #1

عادل ود عيتمان اخوى ,

صبحك رب العالمين بالسمح واسعادى التحفض شبابك وتغتيك ,

ويا يابا يطيبين ايامك وتنعدل عليكا شيقيش ما قبل وشرق وغرب .

سوعالك من ود عيتمان ود حومد طه دا بس فى بيكينو !

امانى الجنى العيللى الزهمول مو موجعنى مباراتو للراجل الماسك عيكيكيزو كل يوم دا ويعرض وينقز بوكان بوكان !

هو شايقى ! لاكين شايقين مموشن ومشلوم ,
دحين اكان شايقين صح , كان بيقعود مع الفى البيكين دا من زمنو داك ؟
والا اساعيتى بيغشغيشوهو ويمرقو ملوص ! بعد ما هنقل جاى وهنقل جاى معاهون ؟
الشى دا مو شايقين نجيض !
وغيلا كمان بس موهو شايقى ضوما !!
قولى ليه ؟
فيشان متل الناس المباريهون ديل مفى شايقين بيستنضفون ولا يباريهون !
ويا حليل الحرييى , والمساوا , وحليل الرخا الكان أووليى !!!
تانى وين نلقا يا يابا ؟؟
ديل وحات ربى يهنقلوا فوقنا ساكت وتشيلون الهاشمييى ويلخموا الناس بالفرحة , وجبنالكون السلام , جبنالكون السلام !!
السلام بيجيبوو يا عادل اخوى ؟؟
سلامن داخلى فييو مريكا وحات ربى يخووف , ويبقالى بس جخ ساكت !!
وعلى ود عيتمان حانى ريقيبتو عيلى الزرزور كدى بس خيشيمو ما فككا ونضم وقالهون شى ؟
بس ينصور مع دا و وينصور مع دا , ويغيير ويبدل فى الهدوم والبيدل !!
وينكشم متل نار القصب ! باقيلك بيسويلنا شيتن نافع ؟؟

غايتو منو العوض وعليهو العوض و والتكل على رب العالمين و اللاب يحدسوا ولاب يورووا ...
ست البنات .
Post: #145
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-11-2005, 02:20 AM
Parent: #144

اتـي ياسـت البنات عمـنـا مـامـان وخـينارحـيـم السـودانـي مـالـون مـا جـو الكـرامـي نعـلك مـارسـلتيلـم
وبنيـة وبيـان وراويـة شـفـتيهـن يادي قـاعدات ياكـافـي البـلا مـابقـولـن نخـدم فـي كرامـة اخـينـا دا
بـاقيلـي قـاعداتنلهـن فـوق راي

سـت البنـات شـفـتي وليـد طـه اليـقـولـلو عـثـمـان دا جـابلنـا السـمعة الشـينـى دى كـيفـن
عـلـي امـانـي ما برجـعلك ياعادل ود عثمـان بحـديسـن يريحـك
أهـا انـا بقيـت مـاشـيي اودي الفطـور لخـالـي عـبد الحـفيظ فـي الزراعـي تـحـت
عـلـي فـتراني وكـريـعـاتـي مـوجعـاتنـي مـن خـدمـةامـس
كـرامـي سـمحـي ومـقـبـولـي يـا ربـي تعـدلنـا عليـنـا كـلـنـا
Post: #146
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Adil Osman
Date: 01-11-2005, 10:02 AM
Parent: #1

ست البنات
والله ضحكت لمان دفقت الشربوت الجنبى!
u r so funny بالشايقى الانقليزى!

وانتى يا منى بت خوجلى، انا فى رجاك تورينى رايك فى كلامى الفوق ده..
Post: #147
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-11-2005, 10:28 AM
Parent: #146

اصـبرلـي عـادل خـيي أمـانـي ما بـرجـعـلك بـحـديسـن مـقـعـد
Post: #148
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-11-2005, 10:45 AM
Parent: #1

عادل ود عيتمان اخوى ,
يا يابا تضحك وتنسر فى البقيع , وتضحك مباشر ومبسوط اكان بى حش تيميراتك , ولا مراح بيقيراتك !
نان الناس ديلا بلا الضحك علينا باقيلك سوونا شى ؟
أسع بتسعلنى من الزيوييل دا صح شايقى ولا كضب ؟
أها انت قولك شنو ؟
انا بس فى الشايفا , يبقى من بلدن كوتور ضومة !
اسع سعلتك بالله فى شايقين بيعذب الناس كدى , وكت يسوقوا للأنتفاق بيزوزى وسط الناس كدى ؟
اساعيتى بس نضملو فريد كلمى ؟
ما تراهو قون جرنج بينضم وبس خشمو دا اصلو ما سكت , اها يلكع كدى ولابس الشى الطويلى دى الساوها فى رقبتو وكل شيوييى يخرتا متل الشراعة البيسووها فى حبل البهم ! ويطقطق فى اضنى متل العتوت !
وداك اب سينيناتن ماريقن للضحك بس يسكت ينقز ! لامن يعترلو فوق ساسويى تقطع كوراعو حيتين يهبط فى الدايمى دى ! انت النقيز دا فى شينو ؟ عومرى ما شفلى زولا كبير كدى بينقز ! النقزى دا مو هول البوطان ؟
وكمان ملص الكاكى الليلو ولبسلو جلابييى !
نان دا بيحلو من اهل البوطان الكتلون ؟
غايتو الغاييس شبعونا منهن , وقايليين الشى قرش جوروم ! ولا فيسيخ تورموس !
وسماحة يكوركو للناس اللابرا ويقولولون تعالوا خلاس نحنا جبنا السلام !
نان الناس يخلوا اشغالون ويصدوا للبلد قبال ما يفريشولون عناقريبن يروقدو فوقا ؟
هى الجييى دى هينى ولا ساهليى ؟
لا بيويتاتن يشيلين الناس ولا مدارسن للبوطان , ولا حوكمة يداووا المرضان !ولا مواصلاتن ينوصلوبا ! نان الناس جايين يساسقوا فوق كريعاتون محل ما يبقى ؟؟
يا ربى لا تكربنا مالا دا .
ويا عادل عليك الله شوفلى بينييى , والجندرييى , وملكة سبأ و وراوية , وبيان , والخدر , وعمى مامان , وعبد المنعم , والملك , والجنات الباقيين , مالون ما جوا للكرامة دى ؟
وعليك الله لا تطرالى الزول دا ! انا باقى وقت سيرتو هو والمعا تجى , قاعدى اتلبش بالحيل !!!
وودعتك الله .
ست البنات .
Post: #149
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-11-2005, 03:06 PM
Parent: #1

المبارك شيخ الظهر

العليك ساسكت وفتر

قالى يا زول مرضك كوتر

سببك أب عيونن خدر .....

مالى ما أغنى يا ست البنات

نان الليلى مو كرامتى

وكتين الجنيات ديل اتأخرو قلت اخير أغى

الحقينى يا منى أخيتى بكبيبية شاهى

قبال الشيه ما تطلع أنا مندلى أشوف

الخدر أخوى ده وين فسراع برجع

عماد كرنديس
Post: #150
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 01-11-2005, 07:06 PM
Parent: #149

ست البنات

كيفنك؟؟؟؟

جيتك جويعانه ونفسي في فطير بالروب كان عندك اغرفييلي في الصحن ده و كمان املييلي الكوز ده مويه من الزير الجنبك ده لعينو

ستنا

مالك ما رديتي علي الايميل ...


سلاااااامات




لى قدام
Post: #151
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 01-11-2005, 08:59 PM
Parent: #150

والله يا ست البنات لي زمن اقول أشارك لكين بعيد عنك كانت لافخاني حمارة .
انتهينا من موضوع الحمارة بي شوية لبخات جيت طالع الحلي المغيرب لمت في صبرة وعضتا تقول شابك التسعين
انتهيت من مةوضوع الصبرة ، نزلت اقرع لمت في شوكي اللت تمر قربت تقلع عيني

اها بعد الشوكي شي قرض شي لبخة كدرباس جيت نازل لقيت ناس فاطني بت حمد خير يحشو في تمرن

وقعت فوقي سبيطي قربت تصب نظري

لا حولا ولا قوة

يعني الزول ما ينزل البلد
Post: #152
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-12-2005, 09:13 AM
Parent: #150

قالى يا زول مرضك كوتر

سببك أب عيونن خدر .....


عمـاد اخـوي

تنـظـكر اليـومداك وكـت حـلفتــك الـكـديسـى الجربا ام عـيـون خدر
تشـبلا تغـويرا مـن حـوشـنـا دا?
أهـا حـديسـي اسـا صـدق تـراها جـابتلك المـرض الله يقـلعـا.....

اهـا كـمـل كـبايتك اللات الشـاي دي بيسـريع ولفـهـا فـي الشـوال الكديكسـي المنحـوسـى واجـدعـا بعيـد ومـا تخـلـي سـت البنـات تـشوفـك شـى قـالت هـي والكـديـسـي انولـدن فـى يـوم واحد...
Post: #153
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-12-2005, 11:01 AM
Parent: #152

فسراع يا منى أخيتى

ناولينى جغيمة من الشربوت

قبال ست البنات تشوفنى

وموضع الكديسة أم عيون خدر

بجيكى ليهو راجع

عماد كرنديس
Post: #169
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: خضر عطا المنان
Date: 01-14-2005, 01:57 PM
Parent: #150

السلام عليكن يا اللا جوا كلكن

أنا يي دا الجيت بى هني ..

جابتني ريحة لحمتكن دي والشيي والرز المردوم

والقراريص واللحوم ..

أها.. طبعا كلكن مشغولين بى الحشي .. وانا عارف ماكن

فاضين لى زول ..

خلاص انا ذاتي عندي ليكن كلام كتير ،، عيليي بعد ما أحشا

بطينتي دي زين .. واعقبها بى شوية شربوتن سمعت قالو

ساواهو أخيتي منى بت الحاجي جارة دي ..


يلا يا ستهن راجنك ...

خضرعطا المنان
Post: #154
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-13-2005, 06:37 AM
Parent: #1

ست البنيات سلام

عليكى الله

ارميلنا حرف قريريصى بمفروك

باقى اكل اللحمى فى اليومين الفاتت دى

عملنا كوفارى

عماد كرنديس
Post: #155
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-13-2005, 07:22 AM
Parent: #1

رحيم !
يا ولد انت مشيت وين ?
نحرس ونرجا فيك ونقول يبقى تجى للكرامة وتلحقلك حيبيبة شربوت !
دحين دى سووا تسويها ? أساعيتى الشربوت دا بقى مقق ! وانا قوت لى منى لا تدى البوطان منو شى ! والويليد عماد ياهو داكا حردان ! وبس أبا ضومة ما ياكول التيريمة اللتو ولا الليحيمات ! قال بس عيللى يصوق الشى المر دا ! والحكيم قاللى لا تديهو منو !
والصبرة لقتك ويين اا عشاى ? بس بركة ال الله مرقك من الورر ! مو جاء ريضع غينيماتى ? قمححنى وعدمين اسم البلالى !
وفقهلى جداداتى ! الله يقلع الهوام ديل !
ويا اخيى سلامتك وجيدن الله مرقك من العترات ديل !
باقيلى دى عين وصابتك ! أصلو فى ناس كدى يقهوا فى الزول ان بيقيت ليبسلو شيتن جديد ولا سمح وشافوو ماب يقولو صلاة النبى ، ولاب يترحمنو ضومة !
توب دبيتون بالله أكان غاززين عيونون المتل عيون السحاحير دى فى كل شى !
خلى امك التبخرك ، ولا تمرق المغارب شى ! وسوو لك حجابن غلييد فوق سدرك من قدام فيحال يكف عيونون منك !
وتانى لا تنأخر مننا كدى شى .
ست البنات .
Post: #156
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-13-2005, 07:49 AM
Parent: #1

يا منى أخيتى سلام ،
والله حديسك دا مو صح شى !
انا ما اتولد مع الكديسى !
انا اتولد يوم السيدة سكينى بت السيد الحسن جات تزور البلد ! وفيحال كدى سمونى عليها !
عيللى امى الله يرحما قالتلى ولدتنى بت سبعى ! وكوت سوغوييرى ، ويوم سيمايتى الكديسى جات تتلبت بى بيشيشى فيحال تختفنى ! عيللى امى الله يغفرلها ويوسع قبورا ، نهرتا منى وحاحتا بالعصايى !
دحين اسعاعيتى انا ضومة ماب ادور القصاييف الكداييس !
لاكين باقيلى عماد دا مو قصدو الكداييس ! قصدوا ان ما اخاف الكيضب البينيات البيشبهن بينيات التبخ ! زى بنوت الليعاب ديلكا ! ماكى عارفاهين شى اكنك ? فى لوندون ماهن فى ?البنوت اومات صوفن احمر ولابساتنلهن قيميصاتن قصويرات ! ويمشن بلا العوصار ! أمانى ماهن خبابات !عيللى الهومبوتييى يمشن عيللى باز علاالله الفى البلد زمان !
أمانى ديلا عيونن عيللى الخرز ! بس عومرى ما شوفتلى زول عيونو خودور ولا صوفور عيللى هين !يا شيخى ود الحيران ، وشيخ منور أب شعفى !تلحقونا وتنجدونا .
دحين اساعيتى بخليك فيشان أقفور الويليد عماد دا أجيبو صاد لا ينشعبت فى الشواطين ديل ! باقى هو ما كان مطموس كدى زمان !
ست البنات .
Post: #157
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-13-2005, 08:11 AM
Parent: #1

عماد ،
ماك طييب ?
دى شينو السووا البتسويى فيها دى ?
أكنك بتلخمنى بى كلامك حق سوويلنا القراصى والملاح الحار ، وتصود على منى تقوللها ناولينى جيغيمة الشيربوت أكانى ماب اسمعك قايلنى ?
نان انا حاماك ياهو مننى وليى ? الحكيم مو حظرك وقال لا تدوهو الشى المر دا فحال لا يسوويلو البطون شى !
عيللى بس جاييى اسعلك مسعول من الخير ،
انت الشى البنوت المتل الشكالوتا ديل بتتطييرين ويين ? ما شوف ناس فاطنى وريقييى فوقن زى السيرور ! بى كركارين ، ومقنعين بنوت مأدبات وراسات !
تانى لا تجييب سيرة المجننات ديل شى !
أسع ترطون معاهن وتنعزب فيشينو ? مو اخيرلك بنوتنا يفهمين حديسنا وحديسك بلا غلبا ?
وديل بس السبروق لاب يعرفينو ولاب يكججنو فى خشومين العيللى الكلب اللاحس الكنتوش !
يا ولد صود للقدابة دى ولا تنحدس مع الناس الغوربا ، تقوم تنوكرلك فى جرييرى ساكت !
أها الملاح فركتو والليحيمات نجضضتهن ! بيتجى ولا لع ??
ست البنات .
Post: #158
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-13-2005, 08:17 AM
Parent: #1

يا منى اخيتى ،
ويا عماد اخوى ،
انا مو طشييت من لقدابتى !!!
أتاريهون البوطان ديل سوولا بابن تانى وانا مانى عارفى شى ?
بس اتببن اتببن لامن عيتر فى الكبيد الما يغبانى حيتييى عيرفتا البوكان !
نان با اخوانى انتو ما تقولولنا سويينالنا باب تانى !!!

ست البنات .
Post: #159
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ahmed abdelati
Date: 01-13-2005, 11:15 AM
Parent: #1

سلامات ست البنات
انشاء الله السني دي تكون سنتا بخيتي وسعيدي عليكي وعلي الناس من جم
وانا عافي منك عفويا يديك المهلي
عاد كيفن ما بنجي عيزومتك دي؟
انا اصلي لي اكتر من خمست شر سنه ما قعدت متل القدات دي
كل السنين دي قضيتها تايه من منفي لي منفي
تتقازفني المنافي من جاي لي جاي
انشاء الله السنه دي نجي ونشرب معاك الشاي وتجيبي لنا شويه دفيق او تلقطيلنا من تمر الهبوب وبعد داك نشرب الجبنة والشاي
وبعد داك اقوم انا امشي لاعند قبب المسوداب الفي المقل ديك
واجي سايق معاي الزول المرهف داك الاسمو محمد جبارة
وكان ما لقيتو في البيت بانزل لا تحت والقاقو قاعد يحش في البرسيم
ويجيكم راكب دحشتو البيضاء وشايل معاه المنجل والطنبور
ويا سلام لو ختمتي لينا الجلسه بقرايه لشعر من شعر بت نعمي
وكل سنه وانت وكل الناس الحنان طيبين
Post: #160
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 01-13-2005, 10:12 PM
Parent: #159

يا ست البنات يا اختي مالك تذطريتيني أمي

والله لي تلاتة سنين زي الهجايم والرجايم ما شفتها .اسع هي مشت البلد تنجم تمرا وما في زول يساعدا غير عوض ود بت عمي فطين.

انا من سمعت خبر سفرا أهلوس بي في الليل والنوم بقالي ضرور
لينا دحشتن خدرا كدي مرة رمتا وانا خايف تاني تصر تقول جيبولي الدحيشي الخدرا فشان تمشي تزور خالاتا في مورة.

علي كل حال وصيت عليها فيصر جنا خدر ود جدي فشان يودوها المحل الدايراهو بي لوري صباح الخير باقي ادريس كاروشة مسيخ هي ما قعد تدور تركب معاهو

المهم سلامتك الايام دي متاورني ضرس ما بيقدر يقلعو علي ود علي غرباوي بي كماشة المسامير ومنكسرالي جبادي من زمان في كراعي مامان قالي اخير نكويها

قتلو يا مامان يا اخي هو وينو اللحم البنكوي

مصايب يا ست البنات مابيداويها الا شبوتن مقق والله سبروق بايت
Post: #161
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Hafiz Bashir
Date: 01-14-2005, 00:46 AM
Parent: #1

سلام يا اهل الدار

اريتكم ان شاالله طيبين

ست البنات اريتك طيبة و انشاالله العام يعود علينا و عليك بالصحة و العافي

علا بوستيك من ما شوفتو ابيت ضمة ادخلو.. و في سري قت ست البنات اخيتي دايري تحندكنا بالقراصي و السبروق .. و تخلي ريقنا اجارى

الليلي اتوكل على ربي و دخل ... و بعد حسيت النضمي الفيهو قت اخير كان بقت على جري الريق .. الشي جابتلها جري دميعات .. دحين آخيتي جنس حديسك دا ما بنحمل لي زولا مغرب و حالو شين ..



و بجيك صادي كان الله مد في العمر
Post: #162
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-14-2005, 06:54 AM
Parent: #1

أنا بالحيبان باقى الليلى غدبانى وزعلانى !
وكوت جاييى اسد لقدابتى دى واطش بس على السلم اللافوق دا ، أكان القالى راحة من البيسووا فيهو البوطان ديل فى البورد دا !
عيللى نعل ابليس ! وقوت يا ربى انا قاعدى هينى فيشان المساخييت ? ولا فيشان الزينيين ?
وحسبتكون لقيتكون يا الزينيين تغتوا عين الشمش !
وفيحال كدى صديت لى لقدابتى ! وحلف قسم بس اصليى ما امرق منها على زولا مسخوت ! بس احيا واموت فيها !
Post: #163
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-14-2005, 07:05 AM
Parent: #1

أخوى أحمد عبد العاطى ،
وسنتن سمحى وعديليى ومبروكى ومباركه عليك يالمبروك الهميم !

انت يا يابا يباركولك الزين كلو ، والعافى والصحى !

ويحفضك المولى لامن تصد لاهلك سالم وفرحان وبغران !
ان بيقيت جيبتلنا ود جبارة فى اللقدابى ، أمانى ماب ادعيلك بالحيل ، بالسمح والخير ! وان شاءالله تنعلا وما تندلا ! وتلقى الوظيفى السمحى !

واوعك لا تنكرم من البوطان فى جية اللقدابى شى ! وقعلك بالله بس كل يوم تجينا بى هينى .
ست البنات .
Post: #164
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-14-2005, 07:33 AM
Parent: #1

وااا شيريرى يا اخوى رحيم المنضييم فى الغربى الكعبى ! ام ناسن فسليين ! الزايعيين !
يا يابا تعاللنا هينى فى اللقدابى دى ! تلقى التورمة السمحى ، والناس المباشرى ! أها تانى شينو ??
وايميمتك برسللها البينييات ، ناس بينية خوجلى عمى وملكة سبأ !أمانى مو بنوتن طيبات وعديلات ، ماب يدينها عوجى تب !
ووجينى خدر باقى جناين كيف عيدييل ! بيجيبلها لورى صباح الخير لاعن خشم الباب وتمشى بوكان ماها ماشى !
نان انت قايل فى زولن بيدور ادريس كاروشة دا ?
هيى سجم خشمى ! دا ابنو ادم ? مساختو هى ينحدسوبا فى البلد !
بركة وجيدن ابت تمشى معا حانف ويشييو متل الضبعة كدى ! ومرمى جينيحاتو كدى ، أمانى ماهو عاقا !وكلامو بى تيحت نيخريى ، بس ماب يوقعلك النضم ضومة !والجبادى ليقتك ويين يا صباح الخير ? ان شاءالله تطعن عيدييك !
بس ان دار تنجما أكوا بى المخرز !
والمقق بيخليهو الوليد عماد ? وحات ربى قططرو من الكبيق واندسا منى وشربو ! أدتو ياهو متى بينية عمى خوجلى بى وراى ! وانا حالتى قوتلو الحكيم قاللى لا تديهو ياهو فيحال لا يسوويلك البطون !
عيللى السبروق راقد ، بايت وجديد ! انت حتى انت تريدو بايت زييى ?
أمانى البايت كيف يبقى سمح !
لا تنأخر على السبروق شى .
ست البنات .
Post: #165
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-14-2005, 07:44 AM
Parent: #1

أخوى الريهييف الحينيين ،
حافظ بشير ،
حبابك ومرحبك ،
عيللى اللقدابة مو كلها ديميعات متل ما قول ! نان دى مو سنة الحياة ! باقيلك الدينى جاييى تكروملها زول من الموت ? لكن الله ينعل ايبليس !
ابنو ادم مو ضعيف !!!
عيللى والله ساعة نلقانا نبكى ! وساعتين ننضاحك ونغنى !
واسع ود جبارة جاييى يغنيلنا هينى !
عليك الله اقعد احضرو واملا خشمك معاهو بالسبروق دا ! مو قوت دايرلك فيكشى تسوويها فى خشمك ?
والشاى ييى دا بس المرق .
وطلبتك بالله ان جابك الدرب ، ان ما غيشيتنا بى هينى .
ست البنات .
Post: #166
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Hafiz Bashir
Date: 01-14-2005, 11:17 AM
Parent: #165

ست البنات آ خيتي

ما طالبني حليفي الليلي بكيتيني بي دميعاتي ... عللي عاد شن نسوي ي حال الدنيا الزايلي



مشيت دخل في بوستياتك التانيات ديك قلبي انقبض لمن قولتي ماشي... و انا يا دوبي لقيت لقدابتك دي تجمني من الهجير المنطلق في البوردي دا ...فيشان كلامك آ خيتي بدخل القلب يتكنو و يدفي ...

حمدت الله لمن جيت لقيتك قاعدي في لقدابتك ... و عاد وصيتي ليك لا تغدبي شي من خياتك وخيانك في البوردي دا ... و كولهن كان شينين و كان زينين ياهن اخوانا و ليداتنا ...

و الله يعليكي و يديكي في المرادك
Post: #167
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: سامى عبد الوهاب مكى
Date: 01-14-2005, 11:26 AM
Parent: #1

ياسلاااااااااااام شمشكوره يابت البلد ياست البنوت لى حدهن...لكن سؤال؟؟؟عايز اعرف لقدابه يعنى شنو؟؟؟
Post: #168
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-14-2005, 12:34 PM
Parent: #1

يا سامى اخوى ، حبابك ألف !
وانت ظاهر عليك جاييى من بلد فوق ! وكت ماك عارف اللقدابة يا شينيى !
كدى اولا بالتبادى قنب أكلك ليقيمى واعصر قلبك دا !
حيتيين بعدين افسر لك لقدابيى يا شينييى !
وان بيقيت بتدور الشى المر الاسمو الشيربوت ، أها البينييى منى ياها دييكى ، أمش لاعيندها بيتديكا شيووى !
دحين وكت اكل ، وشرب شايك ، الاقولك واحديسك :
اللقدابى ياها الصالى !
وعيندكون فى بلد فوق أكنكون بيتقولولا بى لسانن ملوى كدى ( الصالة )ومرات بتعرجينوها تقولولا البرندى ! واللت اللسان الملوى والمعووج تقولولا ( البرندة)
وبالتنقيليسى ( فراندا ) !
باقى عبدارحمان اخوى كان فى بلد بوورا البعيدى ديكى ، وكان عد يعلمنا شيوويى شيوويى فى التنقيليزى دا !!!!
أها ودعتك الله .
وربى يغتيك ويبعد منك كل شر .
ست البنات .
Post: #170
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-15-2005, 11:38 AM
Parent: #1

سلام يا الحيبان !

يا أخوانى الضحييى قربت , وانتو بس لا جيتوا لا جيبتوا التمر فحال منى بت عمى خوجلى تسوويلكون السيربوت والدكاى !

دحين كلامكون دا مو اعوج !

ووينك يا أخيتى منى ؟ انا أمانى مو مشتهاكى ! والا اخيانك ناس الخدر , وعماد و واب نعوف , انتو بس اب نعوف مالو خلا

الجييى لا عندنا ؟ نعل يا منى ما غدبتى شى ؟

ووينون ناس الفاتح , والجنات كولهون ؟

يا اخوانى عاد اقول شنو ؟ يا ربى انا زعلتهون وانا مانى عارفى نفسى شى ؟

ان بيقيت كدى , انا بس بسد لقدابتى دى , واشيل أهلى فى تنقاسى ! والا أشيل ناس جدى جاهورى فى القرير يبقى القى ود القرير

يكوسلى الناس ديل !

والا اقولكون بس اشيل خالتى جارة فى الزومى اضحى معاها !

هى اكنها جلاس بعيدى ؟ ومو بس خفسة من هينى !

باقيلكون المقل والا الحيجير ماب يتمشنلى من هينى ؟

أتبرا زاتا ان دورتها بشيلها ! وقالوا موره بريضا ماها بعيدى بالحمارة اللت جدى سمعريت !

وناس العفاض عامن اول مو جو لى عرس الامين ود عبد الهى ؟

والكورو بس مقطع بحر ! بس الزول ان شرب الشاى فى تنقاسى , يفطر فى الكورو !

ويا حيليل جدى ود شيخ سغيير فى اب دوم الحوشاب ! أصلى باقى طوول منهون !

ويا اخوانى انتو شبه مو بس جبدة بس الدحشيى ؟

أخيرلى اشيل كريمى امشى لى ناس خالى القيمش , والا غيلا كمان اشيل البركل , وانفرج فى التصاوير والخواجييى القاعدى وححدا

فوق الجبل عيلى الجينييى ! تلم فى القحوف من جاى وجاى وتشيلن لى بلدها , اكنهون يعجبينهون خلاس !

وفى قوشابى القى حبوبتى بت اسد !

والا اشيل جيريف نورى لى ود عمى عبدالواحد وراق , الوراريق ينجدونى ويلحقونى !

ومن هناك اشيل ناس جدى اب شمه فى ابرنات , حيتين اجى صادى عليى التلبوناب !

اسع اا الجنات والبينيات , تخلونى دحين اغزل كوتور كدى ؟؟؟

يا جماعة انا ماب ادور الوحدى ! والله ساعة ابقى براى , خولقى تضيق ! وبس الاكل دا يغلبنى ضومة !

طلبتكون بالله تتلملموا تانى فى اللقدابى , اها سوويتلكون القراصى والسبروق وفققشت البيصيلات وقعد حرستكون !

دحين ان جيتوا جيتوا ! وان كمان ما جيتوا شى , رسلولى بت عمى منى التنقول معاى العدى من اللقدابة دى , فحال اشوفلى

بيكينن تانى اركز فييو والقى الونسى مالا دا .

وودعتكون الله .

ست البنات .
Post: #171
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-16-2005, 05:06 PM
Parent: #170

..
Post: #172
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-16-2005, 05:49 PM
Parent: #1

يا جماعة الحكايى شنو

الواحد إن بقى مقفول

فوق التمنة ما فيكون زول إفقدو

ولا أخو ولا أخيتاً يجى يضمنو

عماد جنا كرنديس
Post: #173
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-17-2005, 02:35 AM
Parent: #172

حليل أيـامـنا السـمحـات
أمـانـى مـانـي ضـايقـي ومـانـي قـادرة انتظـرأقـضـيواجـب الشوم المـردوم فـوق راسـي دا..
برجـعلـكم يـوم العـيد باقـي لـي ان كـان الله مـد فـي ايامـنـا
والشـربوت انـا انكـدت تمـام ماهـو مخـمـر شـديـد شـي..

سـت البنـات قتلك قبـال تفوتـى عن جـارة و عـوض ا لرسـول تـمرقـي
الملايات الخـدر السمـحـات ديلك ..كـان جـابتن ليك حـبوبتـي زينب بت يحـمـد..لاتقـوليلي انقطـعـن شـي لليلـي ماتمـن عشـرة سـنيـن
وعـمـاد دا لاتحـرمـي مـن الشـربوت..يقـوم يفضـحـنا.. حـايم مـباري الشـربوت مـن بوكـان ليبـوكـان
اها ودعتكـم الله ليـوم الخـميـس
قـبال أفـوت المسـحـوته اليقـولولا آيـة بت مـنـي شـالت الصـاج الكـبيـر وللليـلـي مـاجابته كوركـيلا واقـريصـيها فـي أضـانا
خـيتكـم مـن
Post: #174
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-17-2005, 09:34 AM
Parent: #1

حافظ اخوى ,

سلام وحبابك عشرة ,

انت باقى قيليبك ريهييف زييى !

لا تبقى كدى شى ! الدينى اصلها مو قطاعة نصيب وسواية محن !

الله يدينا العمل الطييب !

وتانى بس لقدابتى دى مانى فايتاها تب !

بيقيت كلما امرق منها لا برة القالى زولآ يرميلى كلمى متل الدرابة تقطع كبدى وتغدبنى زيين !

ويا اخوى كدى اقعد ضوق خروفنا دا , الشييى اللتنا نجضت , والكمونييى خلاس مرقت , والليحيمات نشفتهن بقن مهرودات وسمحات .

والبينييى منى سووتلكون الشيربوت المو خمج ! كورك لاخوك عماد دا باقى شال حالنا فيحال الحكيم قال بس ضومة لا تدوو ياهو !

بس نبشنا نبيشى ! أساعيتى جاييى ادى كيبيبايى فريد واحدى , ان بقى نبش ولا ما نبش , بس آآب ازيدو فوقا قطرة !

اها الاخليك اصد لى حيللى ديلا ما يحرقين .

ست البنات .
Post: #175
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-17-2005, 09:57 AM
Parent: #1

منى اخيتى ,
حبابك ,
انتى اسوعتى ما جيتى صادى ليه ؟ البارح ما مشيتى مننا وقوتى بس جاييى اسع دا ؟

والملايات اللاتى الخودر وين توديهين ؟ اسع بس حدستى الحرروم ديل كولهن بيهن فيشان شينو ؟ باكر باكر يجن يشدينى ياهن ! عاد اقولهن اشينو ؟ عاد عيللى انكورن منهن ! حريما شحادات وعينن زايغى ! بس اصيلن ما يشوفنلهن شى عند الزول !

الليلى يا منى مو سمعلك خبرا بس لو فى السمى لو فى الارض !!

ناس الحكومى المطرطشيين ديل قالوا جابولون باظ , واحدن سوغووير ! وقالوا كدى قالوا للأمى دى كولها اركبوا فييو ! وعاد لكين شالون شى ؟ وحات ربى يبقى بس اربعة ولا خمسى بس القدروا يركبوا فى باظ الجن دا !

قالوا مودينهون بلدا اسمها السلام !

نان هون وكت دايريين الخلق دى تركب معاهون وتمشى , ما يجيبولون باظ كبير وماهل ! ولا يجيبوهن باظين اتنين !

غايتو بس سووات الفسالى !

وكمان حيكاية قالوا الماب يركب بس نحسبو ماهو داير السلام ويبقى ظلم رقبتو !

شوفتى جنس السيبيب دا ! اصيلون منسببين !

ميى ييى دا قون جرنق جابن خمسى وعيشرين باظ ! رككب البلد والبلدين , واسع فى بيكنات فاضات !

مههلا عليهون كدى ! وخمم الرغيف والعيوش والكيسار , وضببحلهون يبقى سبعى تيران !

واا حلالون !

نحنا غايتو الله براهو يرعفبنا ويشوفنا !

ولا تنسينا من شيربوتك السمح دا شى !

والويليد عماد , لا تسميعيوه الشيربوت دا شى يقوم يرعا فييو وتمسكو البطون !

بس ادى فريد كيبيباييى !

عيللى حافظ دا امليلو الكورييى الكبيرى , فيحال عمرو ما جا هينى !

وفوتكم بى عافى لا باكر ز

ست البنات .
Post: #176
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-18-2005, 07:40 AM
Parent: #1

العيد مبارك وسعيد عليكون جميع !

وترجوو تامين ولامين وطيبين ، بلا كشرا ، وبلا مرض ، وبلا عرض !

ويطولين عيميراتكون ، وربى يخليلكون اميماتكون وابواتكون، ويطولن عيميراتون ، وتفرحوا بى ليماتون

وشوفتن ، وينسرا خاتركون !

والعندو وليدات ، ربى يبررد حشا بيهون ويكبروا ويشوف عديلون .

ولا تنضيموا ، ولا تمرضوا ، لا حرق ، ولا غرق !

وتشوفوا المهلى ، والعيشى السمحى ، ويخليلكون أخيانكون ، واخياتكون !

بركة ربى وجاه رسولو المصطفى الصادق الامين .

وعيدن بالبخت والسعادى على يلدنا ، يزح منها الغومة ، ويزيل المحنى من وشينا ، يكسى العريان ، ويستر

المفضوح ، ويشببع الجيعان ، ويكسر شوكة الخاين ، ويعلى مراتب الطيب القلبو على الناس وشايل هم حسسون .

ست البنات .
Post: #177
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: AL GURAIR
Date: 01-18-2005, 02:20 PM
Parent: #176


" ست البنات " وبت خوجلى ..والضيوف الكرام ...والله فرد يوم ما غبّيت اللقدابة دى ...آآآآآآزول بكانكم ده عامر خلاص واهم شي .. فيهو يسوقك يوديك البلد عديل كدى ...وكان رخيت الاضان ..تسمع صوت الطنابير تجيك من تالا الشرق ...حنيّنى وسمحى ...تشيلك من ساقى لساقى ..كيفن يا ست البنات ؟ تقولى نحن طفشنا ...هو نحنا خلييلينا طفشى ما طفشناهو ....بالله الواحد طوّالى متوسّد الجواز ..ومشكّن التذكرة في جيب الساعة ..ما يشوفولو ناسا مسافرين الأ تلقاهو متشكّن في وسطم ...لاكين يا جماعة ..نحن لا متين طاشين كدي؟ ما عندنا رجعة تانى ...اهلنا ديك ما راجننا ..نوريهم الدروب السمحى ..ونعمّرلهم سواقيهم ديك ....يا ربى تانى ..بيكون فى " نوريق " ؟ ...وهسع بطان الزمن ده بيعرفوا " الحمارة الجوانية ..والحمارة البرانيي فى النوريق ؟ التقة ...لا ...لا انا خلاص سرحت مع ناس البلد ...بقيت اشوف في حجار جبل البركل ..وسرحت مع جروف نوري والسقاي ..وبى هنى شايف جنيات وبنات مدارس مروي ..ونادي الموظفين ..والاسبتالى ذي غيّروا محلها ....وداك خور ابدوم ..دحين ده ماهو المطار الزمان داك .؟..آزول ودى بى هنى فتنى وتنقاسى ...الله الله من تنقاسى وسوقها ..بالله... ما تدورلك شى والإ تلقاهو فى سوق تنقاسي ده ..لبن الطير ..لبن الطير لو مشتهيهو تلقاهو ..وديل المسيكتاب ..تجار الدهب ...يا زول المحل ده فيهو وحل ..ولا تبارى مجارى العربات ..شاقق ..شاقق ..وديييييك القرير ..والمدرسة البيضاء ..وشوف عينى داك قوز ام شديرة ..امانى يا اخى المدرسة البيضاء دى ما علّمت رجال ..يا جماعة خلاص انا تهت في الاشواق وهسع لا بشوف ولا بسمع ...متل ما قال ود بادي
ونواصل
الفاتح عبد الله طه / القرير
Post: #178
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-18-2005, 06:07 PM
Parent: #1

يا الفاتح العيدييل ،

صباحاتك بويض وسمحات ،

يا حيليل البلود الظكرتها دى !

وبا حيليل القرير ومدرستا البيضا النوورت وشى السودان من جم !

وتنقاسى وفتنى وسماحة ناسين ، وواشيريرى عليى الدروب البيقت خلا !

ونان جيريف نورى طيراتا هينى ?

ولا ويلاد الميسيكاب دهبون فييو كلام ?

ووا مغايسى على اهلنا البيقينا ننضومبهون ساكت !

نان باقيلك الفراق منهون مو هو الخلانا نغزل كوتر !

الله لا عدلا عليى الخلونا نفز بالبكنات ونتغرب ، ونقطع قلوب الزينيين المافى زولا بيبقالنا

متلون ! نان هون ناسن هينيين ?

غايتو ربى يديهون ويدينا العافى !

انت اسع يا ود القرير باقيلك جينس نضمك دا ماب يقطع القلب ?

أمانى طرييتنى كل البكنات الكت بطرطش لى نفسى انظيكيرا فيحال ما ابكى وقليبى ينقطع مالا ما

هو مقطع !

أها وكت اصلك الليلى جيت ، كلم اخياتك والجينات الطاشيين ديلا اليجو بى هينى اليملو

خوشومون بى المرارة واللحمى باكر ، نحنا اصلنا فى بلدن كل شيى يجى فيها اول شى قبال

بيلود الله !

باقى نحنا بس فى طيريف الدينى قاعدين ! وان بيقى جاء شيتن يجغم الناس ، بس اول شى يبدابنا

نحنا ،همزت التقيلى يا يابا !

فيحال كدى نحنا العيد عندنا باكر ! ما قوتلك اول شى بيبدا عندنا !

عليك الله يا الفاتح ، أغشا دكان السيرير فى تنقاسى جييبلى معاك حيبيبة تمباك ، وشريط لى لمبتى

دى !

ست البنات .
Post: #179
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 01-19-2005, 00:48 AM
Parent: #178

عيد مبارك يا حبايب
من بعيد والغربة تلفح
في سراب عمري الهبايب
وابكي من شدة أساي
في محيط أحزاني راهب

الله يعلم يا حبايب
ما بايدي الغربة كانت
الا دنيا الناس نوايب
وما رضيت الجيي فيها
الا انو القسمة واجب
من بعيد بسمع كلامكن
زي طنيبرن مشاغب
وانتشي ويفرح صباحي
زي نغم من حزنو هارب



بكرة يتلما الحبايب
في وطن بي خاترو طايب
ونروي من روعة حديسن
خالي من كل الشوايب


يا حليلكن والله يا بطان البلد وبنات البلد كلامكن زي الحربة في القلب بالنسبة للزول البعيد

الله ينجض الغربة دي ان كان نجضتنا
Post: #180
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-19-2005, 01:46 AM
Parent: #179

بكرة يتلما الحبايب
في وطن بي خاترو طايب
ونروي من روعة حديسن
خالي من كل الشوايب


يا حليلكن والله يا بطان البلد وبنات البلد كلامكن زي الحربة في القلب بالنسبة للزول البعيد

الله ينجض الغربة دي ان كان نجضتنا

خـيانـي كـلكـم
وبالأخـص
ست البنـات ود القـوريـر رحـيـم والوليـد عمـاد
كـل عـيـد وانتـو طيبيـن وسمـحـين وحـونـان اكـتر واشـد
نتـو يـاولاد أمـي تنبـاركـو وتسـعـدو بركـة الكــعبـة ونبـي مـوحـمـد
وسـتي نفـيسـي
الله يغتـيك ويسـعـدك يـارحـيـم ويخـفف عليك عـربتك الصاقـتي..
وبـاعمـاد الله يـزح منـك عيـون السـحـارات الـزرق ديـك امـانـي مـاهـن بخـوفـن
اقـولك شـنو ياود القـريـر ود القـبايـل
انشالله يـاخـوي تلقـي الفـي مـراضك تمـرح اخـوي فـي الزراعي والطـيـن
تقعــد موتهـني مـع خـياتك بنات القـريـر وبت كمـبال وبت خـوجـلـي
يالسـمح وزيـن
واتـي يـاحـبيبـة قـساي وسـتـي
الله يسـعـدك قـدر مـا قـاع تسـعـديـني وخـيـانـي
بجـمـعـنا كـلنـا فـي السـودان وفـي الشـمـاليـي
عـلـي حـلـي دسـديسك دا ومـرقـي المـلايـات السـمحـات وكـت ننـدل
باقيـلك باقـدر ارجـي الوقـت داك? يـســعلـنـي الله قـلـبـي دار يشـق سـدري ويسـافـر قـبـالـي

وهـم الله يحـرقـم ويحـرق دمـهـم بـركـة عـيدك المـبارك ربـي
ويشـيلوم مـن الدنـيـا الـخـربـوهـا علينـا دي
اسـعلك ربـي بـركـة بيتك الكـريـم تلعـنوم فـي الـدنـيا دى قـبـال الآخـرة... ودعـوة المـظـلـوم مسـتجابة ..بقـدر مـاظلمـونـا وحـرقـوا حـشـانـا..آمـيـن

ويـاكـمـال وعمـنـا مـامـان وعـادل ود عـثمـان وخـدر ود مـنـان
العيـد مـبارك عـليكـم ولا تكـلفـو نفكسكـم شـي بالخـرفـان
بت يحـمـد راجـعـي مـن احـج يـوم الخمـيس دور بـاكـر
اهـا خليتكـم فـيمـانالله

مـن بت جـارة بت وعـوض خـوجـلـي
Post: #181
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-19-2005, 10:39 AM
Parent: #1

حبابك يا منى بت خالتى جارة وعمى خوجلى ,

والعيد مبارك عليكون وعلينا , والسنى الجاييى ان شاالله فى البقيع !

ونرجا تامين ولامين !

وربى يزيد فى عيميراتنا جميع .

أسع انا من صباح الرحمن احرس وارجا فيك يا منى وفى البينييات والجنات !

سوويتلكون الكمونييى لامن بردت ! ونجضت اللحم !

وسوويت الربيت والكوركاعة ! ونجضت ديهينتى ! وسويتلها الغورونفل , وقلبت الكركار المو خمج !

عليك الله يا منى بس تعالى شيليلك دهينى اتمسحيبا وطررشى خالتى جارة منها وبلبيليلا جيسيما وراسا الحففان

دا ! باقى لوندون ما فيها الكركار ! زى بلدنا الناشفى دى يخربا خراب جدى داك !

اها تعالوا افطروا واكلولكون ربيت وكركاعة !السنى دى خروفى سمينلو سومنن ! يبقى جابلو تلات وقات اللات

دهن !

بس بعد الصلاة ضرورى من الضرورى تجونى بى هينى فيحال الاكل لا يبرد شى !

وكلمى البنووت , بيان , وملكة سبأ , وراوية , وبينييى ,

ولا تنسى البوطان ديل , كوركى ليى الخدر , وابن عوف , وعماد , ونايل , ورحيم و وكمال , وعمى مامان ,

ووليد القرير , وحافظ , واوسلى و وسمبتيك , وبس كل البيتلقيى فى الدرب الرسول اما جبتى معاك , وان

بيقيت نيسيتلى زولا ما ظكرتو لا يغدب منى شى , باقى انا تاردى النيران فى الحيلل ونفسى مقطوع , اساسق

جاى وجاى فيحال لا يحرقين شى !!



وقبول ما انسى يا منى , لا تفوتنى شى تمشن لى بي ود يحمد فيحال انا بخاف من كلبون السعران دا ! عاد

سعلتكن بى الله ان كرمتنى وراكن !


وانا فى رجاكون جميع .

ست البنات .
Post: #182
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 01-19-2005, 03:34 PM
Parent: #181

ست البنات ومني

كل سنه وانتو طيبين والله يحقق الاماني



لكن تحياتي

و

لى قدام
Post: #183
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-21-2005, 02:27 AM
Parent: #182

..
Post: #184
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-21-2005, 04:16 PM
Parent: #183

خـيـانـي عـيدتـو كـيفنكـم


وليهـم هـم بأقـول..
يـابـركـة سـت عـلـوي
اللابسـي حـربيـي
رجـاي علـي مـولاي
تجـيهـم شـوطة فـي العـشـيي..

مـنـي
Post: #185
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: zola123
Date: 01-22-2005, 11:59 AM
Parent: #1

مترجم قريب مافي؟؟


:confused
Post: #186
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-22-2005, 02:43 PM
Parent: #185

سـت البنات خـيتـي وخـيانـي..

خـيتـنا زولة مـاهـى فـاهـمـي كـلامنـا..
النصـيحـة هـو كـلامـن سمـح وعـديل علـي صـعب..
اهـاقـوتو شـنو??
خـيتكـم مـنـي
Post: #187
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-25-2005, 11:58 AM
Parent: #1

السلام عليكون

اخواتى ست البنات ومنى بت خالى

كيف حالكم وكل سنة وانتم طيبين

وربنا يحقق لكم الامانى ويعطيكم

الصحة والعافية والفى مرادكم

جاييكم راجع بعد شوى دقائق يعنى

أحدثكم عن سبب غيابى

عماد كرنديس
Post: #188
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-25-2005, 03:38 PM
Parent: #187

انـا راجـيـاك ياعمـاد,,,
سـت البنـات

عمـاد دا باقـي لـي سـوالـو دريبـات
ياخـدلـو خـفسـاتن كـدي مـوهـن هـينات شـي
اها ترانـي قـاعـدي راجـيـاك

مـنـي بت جـارة
Post: #189
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-25-2005, 05:20 PM
Parent: #188

أهل البيت كيف حالكن

ست البنات اخيتى كل سنة وانتى طيبى

وانشالله السنة الجايى ربنا يحقق الأمانى

ويديك الفى مراضك انتى واخيتى منى بت عمى عوض

والله انقطع منكن بسبب اكل العيش يا اخواتى

الخواجات عشان قتلهم عندنا عيد الأضحى

كربونى قبل يوم الخميس جنس كربى أسكتن خلنها ساكت

عموما تانى متل الغيبى ده انشالله ما تحصل ...

منى اخيتى تعالى النحدثك فوق اضانك

اوعى ست البنات تسمع انا ايام العيد شلت لوندون

وكت جاى اروحلكن لكن ما عرف البكان الليلكن

قدر ما نشد البطان الفوق لوندون يدلونى على

بكانكن ما خبر... شقيش اروح لكن أوعدك

يا بنية خالتى جارة إن بقيت حضر مرة تانيه

ما بفوتكن ضمه عموما الرقم عندك وإنشالله

نداوم الإتصال ...

يا جماعة أنتو ست البنات شقيش قبلت

يا منى انا رايح دكان السر ابيع لى تمباك

وجاى صاد وما تخافى عليى من ابات عيونن خدر

انا محصن من جدى الحسين وشيخنا ود المبارك

يعاينن ساكت لكن يبقالن سم ... والله يا منى اخيتى

داك اليوم وقت ست البنات ابت لى بالشربوت

وقالت الحكيم قالها ما يدونى ليه

رحت عن ناس خالى سيد أحمد شرب لامن نمت

قمت طيب ولا سوالى شى ساكت الحكيم

قال مايدونى كلامو ضمى طلع ساكت

أصلو حكيم الزمن ده موهن عارفين شى

لمن تجى ست البنات قوليلا تسكت

تدينى باقى الشربوت هو ...

فسراع انا راجع ..

أخيكم عماد جنا كرنديس
Post: #191
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-26-2005, 01:02 AM
Parent: #189

الله يريح بالك خـيي..

انـا فـت عمـاد دا سـوالـو دريبـات مـع امـاتـن عـيـون خـدر وزرق

بركـة يايابا لاك بقيـت مـعـاهـن لا شـي
نـاس لـونـدن ديل ياتن السعـلتهن
ان كـان ليلعـندهـن سـنونن صـفـر وقـلوبن زرق مـابعـرفـو دربنا
عـلكي ات غـلطان ان كـان رسـلت لـي ولا لوليد مـنـان خـدر كـان يايابا
عـيدنا العـيد المـاهو خمـج

اهـا اخـوي تنحـادث بعـديـن

خـيتك مـني بنيةجـارة وعـوض
Post: #190
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 01-25-2005, 10:43 PM
Parent: #1

يا ست البنات

كلما اقول أنسي حكاية البلد دي واشيلا من طاجوني عوض جنا ستنور يضبلي تلفون بي حكاي جديدي.

عمتو فاطني بت حومد خير جات انصاص الليلي تدقلو في باب العوضة .

قام مهجوم من النوم عيونو حمرا من السهر في عرس عوض ود فطين :

اي مالك أعمتي فاطني ؟

-هي ... هي .... هي "فاطني تتخجا وتبكي

-اي مالك أعمتي فكيتي جبارتي الله يفك جبارتك . دي شني القفة الشايلاها أنصاص الليالي دي ؟

والله يا عوض يا ولدي أنا مرتن عجوز ومتوحدي .الكديسي التي كانت مونساني .جيت لقيتا من الصباح ميتي. يا ها دي الختيتا في القفة دي .هي ... هي ... هي يا حليلا ويا حليلا
-نان أسع أعمتي فاطني أنا جايقوم أفرش عليها والله أودي خبرا في الاذاعة ؟

- والله يا عوض بس كان مأمناني في البيت وكانت قعد تقبضلي الجقور .

-تبقي جقر رجيت الله عليكي .أمشي ان كان عندك نوم نومي


ودي يا ست البنات من بلاوي فاطني بت حومد خير في العيد
Post: #193
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-26-2005, 07:07 AM
Parent: #190

الله يجـازينـي انـا المخـي ودر

عـاد دا كـلام دا
بنـيي بت الناس المـودبة الظـريفـي تجـينـا تسـالمـنـا
وتباركـلنـا العـيـد ومارجـعلـهـا?
يايـوم سـامحـيـني فـي تـأخـري دا
انشـالله يابـنـيي تلقـي الفـي مـرادك ويرتاح بال
وكـان بدعيلك يديك القريشات الكـتيري عـلـي سـمـعتك تقـولـي القريشـات مـاهـن مـهمـات
اـى ياسـت البنات خيتـي القريشـات مـاهـن مـهـات كـيفـن

اسـة ان مـاكـان للقريشـات مــاكـان ود محـمودان سـاق خـبـانه ومـشـي الحـج
ومـاكـان ودالفحـل عـمـي جـه شـاف خـيه عـوض
ولاعمـتي ست نور مـكـان جـت بكـت خـيهـا علي خـوجـلي مـع خـيه عـوض?
هـوي بنيي خـيتـي تانـي لاتـقـولـي كـلامـك دا يبقـي ابـواب السـمـا مفتحـات والمـلايـكـي يقـولـوا يـامـين

مـنـي بت جـارة
Post: #192
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-26-2005, 06:44 AM
Parent: #1

يا بينييى ,

العيد مبارك ونرجا جميع تامين ولامين بركة الهى وسيدى ,

ورب العالمين يجبر خاترك ويغتيك انتى واخيانك واميمتك .

ست البنات .
Post: #194
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-26-2005, 07:49 AM
Parent: #1

منى أخيتى الزينى ,

عيدا يا يمة مبارك وسعيد عليك وعلى خالتى جارة وعمى خوجلى العديل , واخياتك والجميع ,

على دوعاك ماهو شديد بالحيل ضومة !!!

أقولك الدوعى الصح ؟

ديلاك المرضونا ديلاك ؟

أريتون بالعقرب التطوقهون فى نديبون , وتنشفون , وتنشف ريقون زى ما نشفوا ريق خلق الله !

وربى يعووجا عيهون شيقيش ما يقبلوا يجوا مقهورين وخايبين رجاء , ويرجعوا من كل بوكان يشيلوهو مقمحين ,

ومحسوريين ! وخشومون ملح ملح ! بركة الهى يغرقوا غراق فرعون , ويحرقوا حراق روما و ويخربوا خراب

سوبا !

ومانا عافيينلهون أى ليقيمة اكلوها من عرقنا وحقنا ! يخلسا لينا رب العباد منهون يوم الحق عز وجل .

ست البنات .
Post: #196
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-26-2005, 09:38 AM
Parent: #194

واحـلالـي بي دوعـاكـي ياسـت البنـات
يامـين يا خـيتـي بركـة بيت الله ..بركـةرسـولـي محـمـد وانبياء الله كـلهـم
بركـة الحـسن والحـسـين وسـتنا فـاطـنـي وسـتنا عـاشـي
بركـة سـيدي الإدريسـى وسـيـدي المـيرغـني الكـبير
يسـم دوعـاك دا كـله
نشـوف اليـو الدايرنو فيهـم مـتل مـاشـفنـا فـي مـساخـيتـوم الروحـوا بلا ذكـري سمـحـة
الله يـوريهـم الويـل متـل مـا حـرقـولنـا قلبنا
يامـييييين

مـنـي بنية جـارة
Post: #195
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-26-2005, 08:04 AM
Parent: #1

زولا 123,

العيد مبارك عليك ,

والله يا اخيتى بس انتى حننتينى ضومة !

نان انتى انبقيتى ماب تعرفى نضمنا دا , قعد تتحدسى كيفن ؟

نان تانى فى نضم غير نضمنا دا الناس قعد ينحدسوبو ؟

وا حيتى يا يمة !

يبقى انتى من بلد فوق !

ناس فوق ديلا اصلون قعد ينعرجنو ويلوكو الحديس ويسووهو بس شيتن كوتر !

والا اقولك انتى ما عندك جيرانن من بلدنا يوقعولك نضمنا دا ؟؟

ان بيقيت كدى يا حيليلك انتى بس ميسيكينى ضومة !

يا جماعة البينييى دى اسويلا اشنو ؟؟

كدى اسعلى اخوى عماد ود عيتمان , ولا رحيم , باقى فالحين فى ويقيع النضم الزى الليلنا دا !

ست البنات .
Post: #197
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-26-2005, 10:24 AM
Parent: #1

منى اخيتى وحيبيبة قساى ,

لا تقولى انتو براكون القيليبكون مقطع ومحروق !

نحنا كمان قيليبنا انقطع وحشانا انحرق معاكون يا خيتى !!

وحسسكون حسسنا !

والوجعكون وجعنا !

وحتى نحنا كمان مرضونا وقطعوا كيبيداتنا وحشانا و وفرزونا من ايميمتنا وابونا الله يرحمون ويغفرلهون بركة ربى وجاه رسولو !

عيللى يا اخيتى الصبور طيب .

والله يصبركون ويصبرنا جميع .

انتى يا منى , وينو الويليد اب نعوف و والخدر ؟؟؟

عليك الله تسلمى عليهون ان ليقيتيهون فى سوق التلاتا ....

ست البنات .
Post: #198
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-26-2005, 04:05 PM
Parent: #197

سـت البنـات انـا مـانـي ماشـي سـوق الرمـاد دا
نفيسـي لليلـي ما جابت لـي قريشـات الصـندوق
والجـنيهـات التلات الات سـت نور عمـتي مابهبـشن شـى تجـي تمرقـني من الزوم
اها ان بقيـتـي دايرالك مـرسـال يمـشـيلك للوليـدات ديل حـدثـي محـمـود ود الخليفـة يحـي عـنده طـبليي فـي السـوق ولابدن يلاقيهـم

مـني بت جـارة
Post: #202
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 01-27-2005, 09:20 AM
Parent: #197

يا ست البنات

في زول قال لي انو السر عثمان جنا بت اد عايد عاضاهو صبرة اليومين ديل راقد متحسس وكت كايس الايميل الليلو عشان ارسلو لبخة من هني

بعدين جاتني فكرة يا ست البنات

انو بدل ننجهجه هني وهني نسويلنا ويبسايد اسمو
www.Logdaba.com

يبقي فيها التراث والغنا القديم وتتكونلها لجنة فيها مامان وخدر عطا المنان ومني خوجلي وكرنديس ويبقي فيها مسعول منيق يهتم بالفكرة ويعلها شعرات وشيها

العندو ايميل السر يديني اياهو داير ارسلو موجب عضة الصبرة
Post: #199
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-26-2005, 06:50 PM
Parent: #1

منى بت عمى عوض

كيف حالك نعلك بخير

اشالله ربنا يديكى الفى مراضك

ويعدل خطوتك ويسهل أمرك

لكن يامنى .. داير اسعلك ..

ست البنات ده ما ردتلى تحية العيد زينه

لكن يا منى أمانى ما بكاويها ليك

وأمغصى ..أصبريلى ..

أصلى مابحدثا أقلها أنا عرف سكت

ناس عمى عوض وخالتى جارة

والله قوليلا أنا السنة ده عيدى عيديين

اولاً تبادى عيد الله والرسول

والتانى واحلالى بيه ... لاقيت أخيتى منى

عيد عليها وسعلتها من أهلى كلهن

وكمان إتكلم مع خالتى جاره كلامن سمح

وحلو أمانى ما فيه حلات محنة كلام يريح البال

ويشفى القلب ويريس العقل حديث الأم لى جناها....



ست البنات كيف حالك وكل سنة وأنت طيبى

وانشالله السنة الجايى الله يحقق امالك واحلامك

ويعدل خطوتك ويسهل طريقك ويزيل عننا القمة...

أخيكم / عماد جنا كرنديس
Post: #200
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الزوول
Date: 01-26-2005, 07:12 PM
Parent: #1

عوافي عليك عوافي .....يا الماب تعرفي قولة مافي
والله آ ستهم النضمي غلبني ضمة الله
كل مرة اجي اتاوق هيني ويعجبني المحل ...اقول اقيّل واخد لى فيهو جمه ..نان المقيل دا مو دايرولو جيهي وذوادي يشاركوبا مع الناس ...ذوادتي كعبي تب.. ماني زي ناس مامان الشقاية ديل ينزّلو في الشعر والشىء السمح داك ..و كمان ماني زي ناس ياسيكو الفنجري ينزل في الغوني ..وكمان سمعت بي تحت تحت مشا حج..يعني للطواقي والسبح يكون جايبا معاهو ...( عاد دي حالتن بقدر استذكر معاها ...خلاف احاكي الناس و اباري) .. غايتو قتا اطنقح لك البوست لامن اجي راجع....
تخريمة:
ياسيكو... حجا مبروراً ...و سعياً مشكوراً ..وذنباً مغفورً
Post: #201
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: zola123
Date: 01-27-2005, 05:54 AM
Parent: #1

يا ست البنات بالغت لاكن
انا اقوليكي ما فهمت الاولانية تجيبي لي حاجة اصعب منها
تعرفي كلامك ده الموسيقى بتاعته بتعجبني شديد وباحسه حاجة ظريفة جدا
بس بيغلبني افهمه كله
ما عندي مشكلة في أدوات الربط لاكن المصطلحات البيناتها صعبة
مثلا ضومة دي يعني شنو؟
اها انا باجيك تديني دروس خصوصية في الاكسنت الحلوة بتاعتك دي
اتفقنا؟
Post: #206
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: الزوول
Date: 01-28-2005, 06:57 AM
Parent: #201

زولا 123
هذا ما جادت به قريحتي لمعاني كلمة ضُمة أو ضومّه
لا أعرف لها أصلاَ َ لغويا في لغة العرب ولعلها من باقي اللغة النوبية ولا اعرف قبيلة من قبائل السودان تستعمل هذه العبارة غير الشايقية
ولكنها تستعمل بمعنى التأكيد على المعنى ( كمفعول مطلق) كأن يقول الشايقي: ما شوفتو ضٌمه ( بمعني لم أره أبدا )
وقد يكررها كتأكيد إضافي : ما شوفتو ضُمه ضُمه
وقد يلحق بها اسم الجلالة أو اسم الرسول (عليه الصلاة والسلام) كنوع من القسم
ضُمه الله ما شوفتو ( أي أن الشايقي ينفي رؤيته تماماً )
وعندما تستعمل كفعل فهي تعني اللوم كأن يقول الشايقي: فلان ضامك ( بمعني أن فلاناً يلومك)
والغريبة أن معناها الصحيح في العربية بمعنى الضم( أي قبض الشيء إلى الشيء) ليس له استعمال عند الشايقية
وأظن أن ما يقابلها من العامية السودانية هي كلمة كولّو أو (كولّو كولّو)
ولأنها كلمة مميزة فهم يفرقون بها بين الشايقي وغيره بل يفتخرون بها كما قال شاعرهم محمد المهدي حامد
نحن اولاد ضمه ضمه ومابي نعرف كولو كولو
أو كما قال د. محمد بادي في قصيدته هوي يا وليد:
كفاك آ وليد بلاش فاقاق خلاس انا تهت في الأشواق وما برجع
وهسع ضمة لا شايفك...... ولا بسمع
أتمنى أن أكون قد أفدت وفي انتظار جهابذة الشايقية ليدلوا بدلوهم
وربنا يبعد عنا و عنكم ضمة القبر ..آمين
Post: #203
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-27-2005, 06:34 PM
Parent: #1

واللـــــــــه العظيم

انا .. حلف اللقدابى ده ما تتقفل

سلام الجوة ست البنات ... منى بت خالى

يا اخوانا البنات ديل شقيش شالن

يا ربى .. البنيى زولة ده ما عارف بكانن

البنيى زولة .. قاعدة راجياهن

دايرة تستعلن منهن .. قالت .. ضمة..

حديثنا ده ماها فاهماهو

ها البنيى زولة ارجينى فى بكانك ده

انا اروح فسراع اشوفلك البنيات

ديل واجيبون ليك وبالمرة ابيع لى

تمباك من كنتين السرير واجيك فسراع ...

أخيكم / عماد كرنديس
Post: #204
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-27-2005, 11:43 PM
Parent: #203

وي الليل عمـاد احـوي غلبك شـرح كلمـة ضـومة شـان تجـري ليخـياتك
اقـولك
ان غـلبك شـرحـا ارسـومـا

قتلك

انا حـدثت حـياة بت الحسـن تجـيبلنـا مـع البركـاوي حـبيبة جـرم
وعـنـدي ليك وصـيي مـن بت يـحـمد قـالتلك هـي لايمـاك فيشـان رسلتلا
خـروف الكـرامـة ومـاجيت مـعـا تبارك حجـتا

اخـيتك مـنـي
Post: #205
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-28-2005, 00:29 AM
Parent: #1

يا عماد اخوى وحيبيب قساى ,

أمانى عاد ما اتلووم معاى ! أفىء عليك آعماد , أكنك تمشى ليى عن خالتى جارة وبينييتا منى , وماب تسعل منى ضومة ؟؟؟؟

نان باقيلك دى اكان أنا مو كوت نشد منك ووصلتك ؟؟؟بس كوت أسعل بوكان بوكان ! أقولهون جناين لينا بيريد الشى المر داكا ! باقيلك آآب يعرفوك ؟؟

انت قايل بوكانى بعيد شى ؟ هيى بس قرييب , بس تنشد أى زول من بكان الدقيق الأسترالى , يجيبوك لينا طوالى !

طلبتك بالله ان بيقيت جيتا تانى لى البيكنات ديل ان ما سعل من بيكينى وجيتنى !

والعيد بخيت وسعيد عليك , وترجا سالم ونيصييح وشديد , وفرحان ومبسوط و وفاطرك ضاحك , ويزيل منك ربى الهم والغومة , وينورلك ويشييك , ويعلى مراتبك , ويعظظم مقامك .

ست البنات .
Post: #207
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: AL GURAIR
Date: 01-28-2005, 08:44 AM
Parent: #205


ولاد بلدي ..وبنات بلدى..سلام كيمان كيمان..ان شاء الله كلكم طيبين ومافى زولا مابى عشاؤه ..باقى ابيان العشى ..يا مرض ويا حرد..ويكفينا الله شر الاثنين ...؟
عبد الرحيم ..والله طلبك ما نسيتو ..لكن مرة مرة " دع " تشيلنى شيمة الدنيا ..وتدور وتدور ...لامن تنسى انت وين ؟ لكن اوّل ما تطرا البلد وناس البلد ..تنتعش الذاكرة ...وايميل السر عثمان الطيب بتلقاهو في بريدك الخاص ..ومعذرة..ان كنت " ضامّنى " .!!..وبالله شوف " كوم الاحزان " ده عند السر فى قوله:
عارف نفسي من ميلادى ريّس مركبا غرقانى *** ذى طيرا جناحو اتقصّ واصبح فى السرب ورانى
التحية لمؤسس " اللقدابة " ست البنات ...وكل الحضور ...ونواصل ...
الفاتح عبد الله طه / القرير
Post: #208
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-28-2005, 03:19 PM
Parent: #1


ست البنات أخيتى

كيف حالك نعلك طيبى

الله يعدلى عليكى شقيش ما تقبلى

ويديك الفى مراضك ويسهل سكتك

انا تانى يا خيتى بقدر استغنى عنك

ألمى.. تانى تقدر تفارق.. الإتشى ( H2O )

والله نشد كل البطان ما فيهم واحد دلانى على بكانك


عليى كتر خير اخيتى منى حدثتنى ببكانك بصلك بإذن الله

ما هو بعيد .. لكن بكان ناس عمى عوض ما هو بعيد

درب ساعتين تانى يا نى الساوى الدرب ساساقى

ودعتك الله

أخيك / عماد
Post: #209
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 01-28-2005, 04:41 PM
Parent: #208

الليـلي جيت اوادعكـم

خـليتكـم فيمـان الله ورعـايته
وصـيتي ليكـم بوكـانكـن دا مـاتفـوتـو
و تخـلو بالكـم مـن بعضكـم
ويا سـت البنـات وصـيتك خـيانك ديـل كـلهم وخـاصـة خـينـا عمـاد
تفتشـي كان غـاب وتسليميلـي علي خـيانا رحـيم ود القرير وخـدر والباقـين بلا فـرز
وصـيتي اللأهـم تـكـتروا الدعـوات لأبـوكـم الخـليفـة عـوض وتسـألو
هـو كـمـان يدعيلكـم
العفـو والعافيـة انـا ترانـي قـاعـدة فـي البـلد الباردي دي عـلـي
بكـون مشـغـولي شـديد
خـتكـم مـني
Post: #210
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: zola123
Date: 01-29-2005, 05:16 AM
Parent: #1

الزول
والله ما قصرت وكل المجهود الجميل ده وكانت كلمة.
حسي عشان تفهموني البوست ده اخد لي كم سنة لمن اتخرج؟

عماد
فهمت انك ماشي تجيب البنات وتجي عشان تشرحوا لي الكلام ده

منى
Quote: ان غـلبك شـرحـا ارسـومـا

بالجد باااالغت
شكرا على الضحكة اللطيفة دي
Post: #211
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-29-2005, 10:12 AM
Parent: #1

اخيياتى واخييانى ,

سلام عليكون جميع , ووالله كيف مشتهاكون , وضايقى ميتين تجونى واعوسولكون القراريص وناكل سوا !

عيللى بس اكان سمحتولى انكلم مع اخيتى زولة 123 دى شيويى كدى و ولا عوقبان اصودلكون !

اها يا زوله 123 , يا اخيتى مالك وهدبتينا واكللتينا فى خاترنا كدى يا خيتى ؟؟

اقولك شيتن يريحك بس ضومة ؟

سوويلك كتحتينى اللات بليلى فى خشمك و ولحيقيهين هينين اللات تيميراتن سمحات , واشربيلك كوزينى اللات ألمى فوقن , وقولى يا من دايم !

واسمعى كلامى دا تانى , بيقعلك .

وان بيقى ضومة ما وقعلك , اركبى قطر كريمى واندلى تحت , ووقت تلقى ريقيبتك براكى هنوك وسط اهلنا , بتنعلمى نضمنا ولا جميلتك ! نان جايى تبقى عجمييى وسط الناس ؟ مو ياكى بتناغميهون !

اها وكت تشيلى كريمى , اغشى تنقاسى السوق والزومى , وسلميلى على اهلى الهناك , وبالمرة اغشى جلاس وجيبى لى الويليد خدر الجوروم المرسلاهو ليهو بت ود يحمد وناس ود شلوك . وباركيلون الحجى , وجيبى لى اب نعوف وعماد السيبح والطواقى اللات الحجاز , وجيبيلنا ميى زمزم , ولا تنسى مقطف البركاوى , ومجوز القرقوشى شى .ولا تنوهدبى شى , وودعتك الله .
ست البنات .
Post: #212
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: AL GURAIR
Date: 01-29-2005, 11:42 AM
Parent: #211


اخيياتى واخييانى ,

سلام عليكون جميع , ووالله كيف مشتهاكون ( مشتاقة لكم ) , وضايقى ميتين تجونى واعوسولكون القراريص وناكل سوا !

عيللى لعلّكم ) بس اكان سمحتولى انكلم مع اخيتى زولة 123 دى شيويى ( شويه ) كدى و ولا عوقبان ( بعدين ) اصودلكون (ارجع لكم ) !

اها يا زوله 123 , يا اخيتى مالك وهدبتينا ( ) واكللتينا فى خاترنا ( خاطرنا ) كدى يا خيتى ؟؟

اقولك شيتن ( شئ ) يريحك بس ضومة ؟

سوويلك ( اعملى ) كتحتينى ( اكله بسرعة ) اللات بليلى ( البليلة المعروفة ) فى خشمك و ولحيقيهين هينين ( ما يؤخذ بجمع الكف ) اللات تيميراتن ( جمع تمرة ) سمحات , واشربيلك كوزينى ( كوز ) اللات ألمى ( الماء ) فوقن , وقولى يا من دايم !

واسمعى كلامى دا تانى , بيقعلك ( يفهم لك ).

وان بيقى ضومة ما وقعلك , اركبى قطر كريمى ( قطار كريمة ) واندلى ( توجهى ناحية الجروف ) تحت , ووقت تلقى ريقيبتك براكى هنوك ( هناك ) وسط اهلنا , بتنعلمى نضمنا ( كلامنا ) ولا جميلتك ( كلمة تحدّي )! نان جايى تبقى عجمييى وسط الناس ؟ مو ياكى (انت ) بتناغميهون ( تتحدثى معاهم )!

اها وكت ( وقت ) تشيلى ( تذهبى ) كريمى ( كريمة ), اغشى تنقاسى السوق والزومى , وسلميلى( سلّمى ) على اهلى الهناك , وبالمرة اغشى جلاس وجيبى لى الويليد خدر ( خضر عطا المنان ) الجوروم ( نوع من التسالى ) المرسلاهو ليهو بت ود يحمد ( ود احمد ) وناس ود شلوك . وباركيلون ( هنئيهو ) الحجى ( الحجّه ) , وجيبى لى اب نعوف وعماد السيبح والطواقى اللات الحجاز ( التى يحضرونها من السعودية ), وجيبيلنا ميى زمزم , ولا تنسى مقطف ( قفّة ) البركاوى , ومجوز القرقوشى ( نوع الكعك المعروف ) شى .ولا تنوهدبى شى ( توهان ) , وودعتك الله .
ست البنات

اتمنى ان اكون قد اتوفقت فى فك جزء من الطلاسم التى وردت في كلام " ست اللقدابة " ...والتحية للأخت زولا ...ولكل الحضور
الفاتح عبد الله طه/ القرير .
Post: #213
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-29-2005, 05:23 PM
Parent: #1

اخيياتى واخييانى ,


الفاتح ود القرير -- أختنا ست البنوت لحدهن

بنيتنا زولا حفضك الله .. لعلكن طيبين

اسمحولى .. بمداخلى حتيتونة فوق حديث أخيى ود القرير


سلام عليكون جميع , ووالله كيف مشتهاكون ( مشتاقة لكم ) , وضايقى ميتين تجونى واعوسولكون القراريص وناكل سوا !

عيللى لعلّكم ) بس اكان سمحتولى انكلم مع اخيتى زولة 123 دى شيويى ( شويه ) كدى و ولا عوقبان ( بعدين ) اصودلكون (ارجع لكم ) !

اها يا زوله 123 , يا اخيتى مالك وهدبتينا ( ) واكللتينا فى خاترنا ( خاطرنا ) كدى يا خيتى ؟؟

اقولك شيتن ( شئ ) يريحك بس ضومة ( يريحك كلوكلو)؟

سوويلك ( اعملى ) كتحتينى ( لقمتين) اللات بليلى ( البليلة المعروفة ) فى خشمك و ولحيقيهين هينين ( ما يؤخذ بجمع الكف ) اللات تيميراتن ( جمع تمرة ) سمحات , واشربيلك كوزينى ( كوز ) اللات ألمى ( الماء ) فوقن , وقولى يا من دايم !

واسمعى كلامى دا تانى , بيقعلك ( بتفهم ليك ).

وان بيقى ضومة ما وقعلك ( وإن بقى كلو كلو ما إتفهم ) , اركبى قطر كريمى ( قطار كريمة ) واندلى ( توجهى ناحية الجروف بالقرب من النيل ) تحت , ووقت تلقى ريقيبتك براكى هنوك ( هناك ) وسط اهلنا , بتنعلمى نضمنا ( كلامنا ) ولا جميلتك ( ولا على كيفك )! نان جايى تبقى عجمييى وسط الناس ؟ مو ياكى ( ماانت ) بتناغميهون ( تتكلمى معاهم )!

اها وكت ( وقت ) تشيلى ( تذهبى ) كريمى ( كريمة ), اغشى تنقاسى السوق والزومى , وسلميلى( سلّمى ) على اهلى الهناك , وبالمرة اغشى جلاس وجيبى لى الويليد خدر ( خضر عطا المنان ) الجوروم ( نوع من التسالى ) المرسلاهو ليهو بت ود يحمد ( ود احمد ) وناس ود شلوك . وباركيلون ( هنئيهو ) الحجى ( الحجّه ) , وجيبى لى اب نعوف وعماد السيبح والطواقى اللات الحجاز ( التى يحضرونها من السعودية ), وجيبيلنا ميى زمزم ( ماء زمزم ) , ولا تنسى مقطف ( قفّة ) البركاوى (نوع من البلح ) , ومجوز القرقوشى ( نوع الكعك المعروف ) شى .ولا تنوهدبى شى ( تتوهى ) , وودعتك الله .
ست البنات

اتمنى ان اكون قد ساهمت فى فك جزء يسير جداً من الطلاسم التى وردت في كلام " ست اللقدابة " ...والتحية للعزيز الفاتح عبد الله طه/ القرير .وللأخت زولا ...ولكل الحضور

ملحوظى : بنيتنا زولا إن تابعتينا فى لقدابة

ست البنات لمدة سبوع وحات السيد على الميرغنى تتحدثى متل حديثنا ده

أخيكون / عماد جنا كرنديس
Post: #214
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-29-2005, 10:03 PM
Parent: #1

سلام يا ناس الدار السويتوها متل بوكان التورجمان !

الشى شينو ؟

اكننا جايين نخلى ونستنا وقراريصنا , ونقعد نفننط فى نضمنا للبينييى الاسما زولا دى ؟

هى وكت اصلها بتدورنا ودايرى تنحادس معانا ما تسوويلا هيمى شيوييى فحال لا تشغلنا من اشغالنا !

يا بت الولاد ديلا عندهم قفييز تمور راجيهون , والساقى واقفى فيحال التيران ما عندهن برسيم شى , وتمور عمى عبد ارحمان حشهن الليلى , والجرارى خلا ما فيهن بولالى !

دحين لا تمسكى الجنات ديلا فى جنس النضم دا , وان بيقيتى اصلك بتريدينا وتريدى نضمنا , لا تبعدى من اللقدابة دى شى ضوومة , وخيشيمك دا لا تفكى تفتحى , بس اسوكتى اسمعى نضمنا , واشربى فى ريويسك دا , شوفى اكان فاتت عليكى فريد نيضيمى !

وانتو آ الجنات فوتوا قدامى على السبايق الراجاتنكون ديلك , خلى فتحتوا خوشومكون للنضمى مع البنوت وسويتولكون غاغا بلا سيبلى !

يا منى بت جارة خالتى كوشى اخيانك ديلا قدامك ارجونى لا تحت , وبزاقى دا ما ييبس القاكون هنوك ...

ست البنات .
Post: #215
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 01-29-2005, 11:52 PM
Parent: #214

سلامات ناس الدار السمحه

ست البنيات ومني

كيفنكن ؟؟

ان شاء الله طيبين وعوجه ماف

عارفين كل ما اشتاق لخالتي وحبوبتي اجي بجاي واقعد اتذكر في كلامهم واكسنهم علي قول زولا

واشتاق للجميع وامسك نفسي من البكي

المهم

عشان ما نقلبها نحيب وكوراك



مني

انا جاياك

بس بالاول

امضتي بغيرها بس ادينا اقتراحات من عندك...


لكن تحياتي يا بنيات

ولمن اجيكن صادي تاني

اها

لى قدام
Post: #216
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-31-2005, 09:02 AM
Parent: #1

والله .. اللقدابى دى ..قسم بالله ماتدقفل

بس خلونى اللنتهى من حش البرسيم لتور الساقيى

واجيكم صادى

عماد
Post: #217
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-31-2005, 09:52 AM
Parent: #1

عماد اخوى ,

سلام عليك وعلى اخيانك واخياتك من جم !

دحين الليلى بس هجمتنى هجمتن يا عماد !

شن جاب ظيكرت قفل اللقدابة ؟ باقيلى سامعلك نضمن مو سمح من قون جرنق ؟ ولا اخيو الغبيان داك ؟

نان قالولك ناس اللقدابة دى هيوينيين ولا فى زولن بيقدر يدرديرون شى ؟؟؟

والله فضللهون الخمج النتل دا ! دا بس ياهو الجخ والهورييط القالو الناس الغبيانيين !

دحين باقيلك اسع بخليلى واحدن فيهون يجى لا عند الكبد الليلى دا ؟أمانى ماب انجيمو ليكا نجام قبورا !

بس يا عماد أمشى حش قشك وصود لاهينى فسراع !

وان بقو اخيانك واخياتك ديلا الليلى ما جو فى اللقدابى دى , يانى الساداها براى وشايلى بلد فوق !!!

انا ليى كميين يوم احرس وارجا فيكون واحد فطيم ما جاء دق الكبد دا !

أكنى بقنب وححدى ؟؟


ليه ؟ فيشان شينو يعنى تقومو تلوجو بالبيكنات كولهين وما تفترو عندى ؟؟

امانى كيف غدبانى يا عماد اخوى ومتوححدى !

الله ينعل الدينى الوححدتنا دى !

بس الواحد ينعل ابليس ويستغفر ربو مية مرة فى اليوم , فيحال قلبو يودى ويجيبلو فى كلامن مو ياهو !

دحين لا تدردرونى شى ولا تندردرو , بس فسراعكون تعالولى , وراجاكون بالسبروق والقراصى !

عليك الله يا عماد جيبوا البينييى زولا دى التضوق اكلنا يبقى يعجبا !

ست البنات .
Post: #218
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: shazaly gafar
Date: 01-31-2005, 10:16 AM
Parent: #217

Quote: دحين لا تدردرونى شى ولا تندردرو , بس فسراعكون تعالولى , وراجاكون بالسبروق والقراصى


ست البنات اخيتى
كيفِنِّك ما طيبى
وليداتك بنياتك غنيماتك
وكتين قريت كلامك ده
طَّقتنى جِنِس جوعه
غير القراصى والسبروق
ديل مافى شى بعصر الكبد
دحين ولِّعى الدوكه انا فى ماشى عليكن
تسلمى
Post: #219
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 01-31-2005, 10:21 AM
Parent: #1

هوووووى يا أخوانى الحكايى شنو

نحن من الصباح نقفز فوق التمور ونحش فوق البرسيم

وست البنات أخيتى ما ترسل لينا حرف قريريصى ولا كباية ألت شاهى
والله يا الفاتح ود القرير .. ست البنات أخيتى حسدتنا ساكت فى نضمينا مع البنيى زولا

اسع .. أكنك شفت البنيى زولا من داك اليوم ... ضوومة ماها جات تانى صادى

كنا دايرين نوقع ليها نضمنا ده إمكن واحد فوق جنياتنا يرمى فوقها الحبل

أخير تتعلم نضمنا من بدرى ولا شنو يا الفاتح أخوى ولا أقولك

يا الفاتح قوماك نطلع لافوق فوق اللقدابى نعصر بطيناتنا بقراصة حارى

عووووك .. ست البنات ألحقينا بالقراصى

عليكى الله إن ما حشيتى لينا معاها فحل ألليل بصلة

الشاهى شديهو فوق النار باقى مدقريف شديد فسراع

البنيى زولا ماها مرت من عندك يا ست البنات

أخيكم / عماد
Post: #220
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-31-2005, 10:49 AM
Parent: #1

شازلى اخوى العديل حبابك الف !

وبالحيل القراصة بسوويها والشاى المو خمج ,

عيللى بالحيل مغدبنى الشى البقى فى بورسودان دا !

دحين دى سووا يسووها الناس الحاسدين , الموضريين , المابيشبهوا ولاد الناس ديل ؟؟؟

عليكون الله يا اخوانى دا كلام ؟؟؟

يدوخلو على ويليدات الناس يكايتوهون ويكتيلوهون يحرقوا حشا اماتون كدى ؟

سعل ربى ونشتو ينزل عليهون غدبا يمحق عيشتون و ويقصصر أجيلون , ويزولون من وشيينا دا و بركة من صلى وقال يا الله !

بركة الوليا اجمعين ما تصبحلهون واطا فى الدينى دى !

وما تقوملهون قايمى , وينحتوا حيتييت الصيص فى امو , أكان عذبونا وشالوا حلنا فى بلاد الله !

بس ميحل ما الزول يفتحلو رادى ولا الخرابة التلفزيون دا بلا يلقى البشايع , سوونا فرجى فى الدينى , ربى يبشعبهون مالا دا !ويشيل حالون وينقر طارون بركة الهى وسيدى !

الليلى بكيتلى بيكاين يا اخوانى على الناس الكتتلوهون ديل !

ديل مو ناس ولو بشر ! ديل شواطين وربنا بلانا بيهون ! الله يقلعون ويطييرون من بلدنا اكان جهجهونا , ودردروونا ! يدرديرون ربى !

أسع بس قم من دوغشن بوودرى , عوس القراريص , وشديت السبروق , عيللى بيقالى متل الحنضل فى حلقى , يسعلنى الله شى ما كجيتو فى خشمى , اكان من قولة والله بس خاتى حوقتى جنبى اسكت أبكى وانمخت واسف منها !

دحين يا يا الجنات ما تجوا تكابرونى أكان اقدر آكللى شيتن يقوتنى !

اها لا الضحى كدى قم سووستلى عقود فيحال وتتب ضومة ومن الصباح سايفى والغمة فى قلبى , ودوش عيللى بيقيت امشى بالسام , بس كرعيى ماهن شايلاتننى شى , بس يا تلحقونى و يا كمان سيد الوداعة يشيل وداعتو ...

وانا يا شازلى اخوى ويين القى القيصفات والقصاف ؟ انا بس مانى ماخودة ! يا يابا انحصب الله .

ست البنات .
Post: #221
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 01-31-2005, 11:07 AM
Parent: #1

عماد اخوى كيف حالك ؟

انت مالك بتخلى البنوت القالهن اسماعين حسن الغونى داك كولو , وعديلات , يردن مويتن , ويسوقن ساقتن و ويحوشن فى قوشوشن , داير بنوت فوق اكنك ؟؟؟

والله ياهو !

بنوت فوق جايايت يبقنلك زى بنوتنا العيديلات الزينات ؟

أسع هى البينييى دى انت عارفها هول مينو ؟ مالكون بتتكبسوا الناس ساكت ؟

حالتك دى انا قايلاك زولا راسى وعاقل ؟ اسع شاور امك وابوك لامن تنضوم متل نضمك دا ؟

الزول ماب يكشح سيعنو على الرهاب !

اسع هى بتعرفلك الدونكا , والسام , وابشنتيق , والكوشار , والكداد , والموسار , وام قيرادون و والدباس , والطرفى , والحلفى , والقيراوانا , والجرارى , والقيحف , والساسوييى , ؟؟؟

نان تنفاهم معاها كيفن ؟؟

بس ان قوتلها شيلى السوق ! باقيلك مو بتقولك تقيل ؟

يا بينييى انا مانى عارفالك شيتن كعب شى ! عيللى ان جيتى للصح ولادنا ديلا لاب يعرفوا نضمك و لاب تعرفى حديسون ! بس بتبقيلون عجمييى ! فيحال كدى لا تقورنى رقبتك فى واحدن منهون ساكت تنوهدبى وتبقى لاك هينى لاك هينوك ! اخييرلك تشوفيلك وحدن من توبك من بلد فوق ! يقولك آآى وتقوليلو آآى !

نحنا وولادنا نقول أييى فقطن ..

دحين لا تغدبى منى شى , انا قوتلك النصيحى .

ست البنات .
Post: #222
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-01-2005, 07:23 AM
Parent: #1

الجنوون الزينيين والبينييات الطيبات ,

أخيانى ,

عوافى , وسلام عليكون ,

أكنكون حردانيين فى حديس الحبل ؟؟

أسا عيتى نضمكون دا مو اعوج ؟

دورينى اتنين لا تنشدو منى لا تسعلو من خبرى ضوومة ؟

فيحال قوتلكون لا ترموا الحبل فوق بنوت فوق شى ؟؟

أها وحات ربى اديتكون الازن , وبوكان ماكون دايرين تصافحوا انا معاكون , ازغرتلكون , ونحننكون انا واخياتى منى وبينييى , وبيان , وكل الدايرة تمشى معانا ولا تغفرنا حبابا عشرة !

انتو بس قولو خير , وشاورو البينييى الجايين تعقدوا عليها أول بالتبادى , فيشان يبقى ماخودا , ولا منكليمين فوقا ! كمان دايرننا نعرسلكون فوق حريم الرجال الناس يقولو فوقنا اشينو ؟؟

نحنا اصلنا اللوم ماب نسووى ولاب ننطفللنا عن ناسا مانا موقيعيننهون ! بس لابد ننجض النضم والامر قببال ما نفتر عليى جنسو زول !

وآآ شيريرى عليكون يا ناس برسودان الكايتوكون وكتلووكون بلا سيبلى , وقمحوكون فى كيبيداتكون , وحرقوا حشاكون !

ربى يعووجا عليى الناس الموضيريين ديل , الالاب يعرفوا كبير لا سغيير !

بس ليقوا الرصاص والبوندوق دا هامل فى ايديهون , وقعدوا يحتحيتوا فى بوطان الناس !

ربى يشللون ايديهون , ويعميلون عيويناتون ديل , اكان ملوا البلد بيكيات وعوجات !

وبلا الفقور والهجيرى والهجاييم والرجاييم والفريقى كل يوم ما شوفنالون شى !

الناس كولهون بقوا يمشوا بى روسيهون , وياكلوا فى قيرفاية نخرتون من الجوع !

الله الجوع الينشف ريقون , ويهد حيلون , ويزقنيفون من بلدنا , ونصود لى ليعوبنا وخيراتنا المحقوها لينا , يا ربى ديل ياهون ناس ياجوج وماجوج البيقولوهون ؟؟؟

مو تراهون كملوا كل شى , بلا البحر والواطا ما فضضلولون الحبة !

وبس حيكمة الله كل ما جات حيكومة قفلتون فى الكراكون , يلقولون ويحيدن شقى وعاقا يمروقون منو !

ويخنسولون كمين يوم كدى ويتمسكنوا , وتانى يقوموا لى موكورون وعمايلون البطالة !

يا دابى روندا تقطع ويشييهون دا من فوقنا وترييح أضانا دى منهون لأبد الآبيدين !

ما شوفتوا الصبيان المجربنيين بالديموم , واماتون كانن راجات زيينون وعديلون , ودايرات يجرتيقينهون , ويسوينلهون الضريرى , ويسيرينهون للبحر عرسان !

الليلة يا حيليليى منهون ومن اماتون الخيشومن ممصمصات بالملح والحنضل !

بس باقيلكون الناس ديل الفى بورسودان ديل جدهون مو عيتمان ود دقنه البطل المعلوم دا ؟؟

نان ديلا هينيين ؟ ولا ولاد راجلن هيين ؟؟

انتو يا اخوانى بلدنا دى باقى فيها ناسن ماب يرضو الحقارى ! ولاب يسوكتولون ليى زولا يحقربهون , ويسويلون المغاييس !

وان سكتولون سنى ولا اتنينى ماب يسوكتوا ليى ديمى ! لابدننهون يقيفوا عليى طولون ويوروهو الشداعة اللتون , ولاب يعرفوا اللولوه , ولا النضم المغتغت اصيلون , بس يقيلبوا الحديس دوغرى للزولا القاصدينو , عفيت منهون !

انا نضمى مو للروجال وححدون اكننو ! للحريم كمان ! ولا باقيلى ما سيميعتو بى حبوبتى مهيرة بت عبود الشايقييى ! امانى ما كانت فارسى ومرتن جنبة تب , لاب تخاف لا رجفت فى حق ! بس تمرق النضم دا درارييب درارييب , وأبقا ابقا , لامن الخواجى قعد يرجف وبقى يزوزى زى الزهمول و وساق خيلو وقال يا من دايم !

نان باقيلكون تانى جا صاد ! مو الفوتا الياها !

أسع باقيلكون ان اتلملمنا كولنا ماب نقدر نسويلنا شى يفك ريقيبتنا دى من الآفة الماها جاييى تنفك مننا دى ؟؟

كدى باكر تعلوا واحد واحد فى اللقدابة دى ولا تمورقوا حيسكون شى لامن ننتفقلنا عليى دبارة حيتين نمروق فى السهليى , ونقيف فى وش البلوة دى !!

أها ويا عماد مبروكة عليك البينييى زولة دى , عيللى قولها التصاوير البيتقطع القلب دى التمروقا من اللقدابة , كل ما اعاينلها بس الدموع تغسل وشيى !! وتهرد كبدى !

ست البنات .
Post: #223
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: حبيب نورة
Date: 02-01-2005, 07:43 AM
Parent: #222

ست البنات لاحدّهن
مشاويرك عديلة
عديلة عليك محل ما تمشي تمشي
ما انت تأمرني وعلي أمرك بيمشي

النضمي دة حنين
حس الساقيي و طعيم البريسيم في الجروف
الله
فشيتي لي جنس مغايس!!
اجارك الله
تسلمي
Post: #224
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-01-2005, 09:02 AM
Parent: #1

يا بنوت كدى زحنلى كدى من النار والقراريص والشاى ديل براى !

الليلى بس براى بسوويهن !

الليلى انا كيف فرحانى ومبسوطى !

وا حلالنا الليلى زارنا النبى الخدر !

انتن عميانات ؟

ما دعت تشوفن فى اخيكن حبيب نورة الويليد الفهمان المابيمشى للناس من جم قاعد فى لقدابتنا دى

وجاب راس السكر وحارس الشاى !

الاسوويلو حيبيبات جوروم فى الطافور دا يسوويهن فى خشمو مع الشاى , لامن الملاح يمروق !

يا حبيب نورة جيدلنا وجيدلنا ! وحبابك الف !


والله الليلى اكان مو الناس الفى بورسودان ديل الجزروهون ناس الحكومة الماب يخافوا رب

العالمين ديل , كوت زغرتتلك , ولميت الخلوق , والبلد والبلدين فيحال يسالموك !!!

اها هاك آ عشاى اعصر قلبك بى التورمة دى !

وتانى لا تنقطع من اللقدابة اللتنا دى طلبتك بالله !

كدى اددنى حوقتك الاسفلى تمباك , باقى من الصباح نهارى قييل ! احرس وارجا فى الويليد الميطيمييس


عماد وليليد عيتمان فيحال يجيبلى التمباك من دكان السرير , تلقا اسا عيتى مشى فى كلام

الختبى اللتو ! باقى هو ريويسو خيفييف , وليين بالحيل !



بس بوكان ما يشوفلو وحيحيتن سمحى يقول داير يخت حبلو فوقا ! عيللى امو قعد تكاتلو فى جينس السووا دى !

اسع يجينى حانف ويشيو , ومادى كازومو , وايد لا ورا , وايد لا قدام , يقوللى دكان السرير ما فتح شى لأسع !

يا يابا تمباكك دا كيف سمح ! الرصول جيبتو من ويين ؟ يبقى من عمى عبد القادر فى سوق التلاتا ؟؟؟

ومسعول من الخير , نورة مالك كرمتها وراك ؟ ليش ما جات معاك ؟

تانى وكت تبقى داير تجيينا قولها امشاكى لى عن لقدابة ست البنات و ولاب تقولك لع شى .

ست البنات .
Post: #225
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-01-2005, 05:43 PM
Parent: #1

سلام ست البنات أخيتى

نعلك طيبى .. والله يا ست البنات

ضاربنى مرضاً بقولولو .. فيروز من البارح

واسع رحتلى بكانن بعيد بعتلك منو البرقيى

عشان ما تشفقى عليى إن بقيت إتأخرت عليكى

حدثى الجنيات خليهم يقفزو باقى التمور لمن احضر باكر

ودعتك الله ...

أخيك / عماد
Post: #226
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 02-02-2005, 07:16 AM
Parent: #225

ضاربنى مرضاً بقولولو .. فيروز من البارح

واسع رحتلى بكانن بعيد بعتلك منو البرقيى

عشان ما تشفقى عليى إن بقيت إتأخرت عليكى

مـرضـك دا دار تـخـلـي مـتـيـن
الله يعلم حيلا تانـي نسـويبـو حـولـيي مـافـي

ويي شـنو فيروز دي
انـا مـاقتلك أمـورك دي تخـليهـا
اصـبرلـي لمـن ارجـعـلك بعـد15 يـوم
وسـلملي علـي ـت البنات وخـياتي وحمياني كـلهـم
ودعنـكـم الله
خـيتكـم مـنـي
Post: #227
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-02-2005, 08:23 AM
Parent: #1

عماد اخوى ,

سلامتك , وكفارة بيك يا زول والمرض ماب يكتلو زول !

لكن يا صح مرضان ؟؟

انا ما قوتلك خلى الهجمى والرجمى دا ؟!

انت باقى عيكيرييت و ومزاوقى !

وكت تدورلك شى باقى عد تسوى رقبتك مرضان فيحال أحن عليكا !

اها مشيت فى طريق الخيتبى اللتك ؟

وسعلت البينييى زولا ؟

وفيشان اريحك وما تفتشلك سيبلى , وتنهنكر فوقنا , انا بس موافقى !

والصوفاح فى اللقدابة اللتنا دى !

تانى لا تقوللى فيروظ ولا شيتن آخر !

انت ان جيت , الفيروظ يا اشينو يا الويليد ؟؟

ست البنات .
Post: #228
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: المكاشفي الخضر الطاهر
Date: 02-02-2005, 08:31 AM
Parent: #1

ست البنات انا جيت ادينى كورة غباشة من السعن الفوق داك


الكعي بالجبنة سريع


سريييع قبل ما اقول نضمي دا
Post: #229
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-02-2005, 08:46 AM
Parent: #1

منى حبابك ,

ونعلك شديدى يا اخيتى ؟

باقى يوما داكا سمع البوطان ديلا ينضومو قالوا منى بت جارة جات توادعنا !

انتى يا بينية أمى نان ما توادعينى انا كمان !

الرسول ما انلوممتى فييى ؟ يحدسونى الناس الكوتور بى وداعك ؟

والبوكان المشيتى فييو مانى عارفا ! دحين دى مو عوجى ؟

بس اقولك بركة الجيتى ورجعتى سالمى !

وامانى مو فقدتك !

طلبتك بالله تباركى ليى بت ود يحمد الحجى و وتقوليلا ست البنات قالتلك ربى ينور طريقك , ويقبل حجتك ,

وبركة الجيتى ليى بينياتك ووليداتك طيبى من الحجاز , وقوليلا لا تنسى ميى زمزم الوصيتا ليهو تجيبو ولا

ترسلو مع عماد ود عيتمان و اصلو قال بيجى غاشينى من بلدو ديك !

انتى صح قبال انسى الاسعلك من عماد ود عيتمان دا , صح عيان جاهو مرضن يقولولو الفواريظ ! شوفتى

الدينى دى وعجبا ؟



انا بس يبقالى الويليد دا ضومة مو عيان شى !

بس يكون مشالو بيكينن مو معروف و واندهده هينوكا و وخايف من حبوبتو لا تكاتلو و قام جابلو مريضن بس

ماها معروفالو سيهمى !أول البارح رسلتو للتمباك جانى خلا ! يفرك فى اصابعيه , ويتنحنح , وقالى الحوقى

رميتا جنب الساقى وانفججخت تحت القادوس !

وقوت اللشوف كيضبو دا لا ويين ! مشيت لقيتو قاعد يسف منها مع البوطان فوق القيفة وينضاحك معاهون ! بس

ما سعلتو 1 جيت صادى غدبانى لى اهلى !عيللى الويليد حبيب نورة يتبارك , وتتبارك نورة معا , مشى فسراع

لحقنى التمباك العيصير !ليقانى سايقى وراسى ممسخ على الدينى ومنكديرى بالحيل !

لكين اقولك و وقت اصلو عيرف بوكانكون وجاكون , أسوكتى امشى فتيشيهو واسعلى منو يبقى صح وآ كبدى عيان ؟؟؟

عليك الله يا منى اختى و سلميلى على خالتى جارة وعمى خوجلى وأخياتك واهلك بدون فرز وبينيتك , يا

حيليلها لاالليلى ما بيقت للمدرسة ؟ صلاة النبى فوقا امانى تشبهك بالحيل ! الله يغتيها ويكبرا ليكى .

ست البنات .
Post: #230
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-03-2005, 06:04 PM
Parent: #1

قلنالكم باب اللقدابى دى مافى واحداً فيكم يتاقيهو ...خلوها فاتحى

بلدنا دى امان ما فيها شيتاً يخافو منو

لامن اصدلكم باكر

سلامى لاخيتى ست البنات
Post: #231
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-04-2005, 07:52 AM
Parent: #1

ياااا منى !

ماشى فايتانا ويين يا أخيتى ؟؟؟

سعلتك بالله أكان ما صديتى ! نحنا بلاكى مابنبقى شى !

اسع من البارح الدينى دى مسخانى عليى ! وافتش واكوس فيكى بس زولان قاللى ياها دى مو فى !

يا اخيتى كفنا الغربى النحنا فيها دى , تانى جايين ننشتت شيتيتن ىخر مالا دا ؟؟؟

واللقدابى بلاكى كيف مسيخى وكعبى ضومة ضومة !

امانى نضمك مو سمح وزيين !

اها وكت تقرى حديسى دا لا تناخرى شى !

ست البنات .
Post: #232
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-04-2005, 08:22 AM
Parent: #1

عماد اخوى ,

كيفنك ؟

انت قعد تمشى وين ؟ وقعد تنخفس كدى ليه ؟

انت اللقدابة دى مو قوت ما تسدوها ضومة , نان ماب تجى عليها ليه ؟؟؟

والله باقيلى ليقيتلك بيكينن اخير منها ؟

بس باقيلك بيبقى فييو القراريص اللاتى , ولا سبروقى دا ؟؟ بس عيللى اكان رووح لى سوق تنقاسى !

يا ربى كدايسك ديلاك فى !!

تانى ان بيقيت غيب مننا بس ولاب نمشى نكوسك شى ! وبكلم منى بت خالتى جارة حتى هى لا تنشد منك لا تسعل !

بس نشوف آخرتك شينى ! يعنى انت اكنك ان ما نضمو معاك , براك آب تقول النشوف أخياتى الفى الغربى ديل ؟

والله بس حيسك دا اعوج بالحيل !

دا ماها الحاريينها فيك آ عماد اخوى ! انت كوت زيويين وعيدييل ! مالك جايى تنشلم اسا عيتى ؟؟؟

انا بس بجى اسوقك من الكدايس الجايات يطرطيشينك علينا ديل !

بس اوولى كوت من لقدابتنا دى ماب تمرق ! يا ربى الصادك اشينو ؟

دحين يا اخوى نحنا راجنك بالقراصى ودرشتا لى بيصيلتن سمحى , اها لا تنأخر , تعال فيسراعك , والليلى حبيب نورة حتى هو بى هينى !

ست البنات .
Post: #233
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-04-2005, 08:23 AM
Parent: #1

المكاشفى أخوى ,

حبابك فى اللقدابة ,

والغبوباشى فى راقدى ,

والليلى وكت جيتنا بس تفطر معانا بالقراصى والسبروق دا !

ونسويلك كباية شاى وبعد داك جايى اوصيك يا اخوى ,

انت باقى زولا طيب وما عندك شر شى , عيللى الناس المضريين ديلا لا تباريهون شى , وكمان لا تنسدرلهون ضومة !

هون باقى ما عندهون صفحتن عديلى اصلون ! دحين اسا عيتى وكت انت تقوم تنضم فى فعايلون الناس بيكجينوك , ويحسبوك منهون ! وتانى بس اصلها دى مابتنفكا منك ليى جنا الجنا تباريك !

والناس ديلا اصلون مو قاعدين تانى كتير شى ! أها لا تنشوطبهون ساكت وتخرب عليى رقبتك .

وتانى بس كل يوم تعال بى هينى املا خشمك معانا وفك الريق .

ست البنات .
Post: #234
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: sympatico
Date: 02-04-2005, 09:55 AM
Parent: #233

الاخت ست البنات

يسعدني ان اهديك والمتداخلين معمك في هذا البوست الشحمان- وأستعير الكلمة من الصديق محسن خالد - اغنية لا شوفتن تبل الشوق لا ردا يطمن للفنان الراحل المقيم النعام صاحب الصوت الذي يسري في القلوب قبل الجلود ، دفئا وحنينا ورقة.
وآمل ان تكون هدية على قدر هذا البوست الجميل

مع كل الود
Post: #235
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-04-2005, 02:16 PM
Parent: #234

ست البنيات الله يجازيك انكان دايرى تكتليلك زول بى البوست ده
وانا باقى كت لاتحت ومتاخر..وقلت ضمه البوست ده ما بخلى يحتل لا
تحت..لامن اتناولى ورتاب واجيك صاد...واقول ليك متل ما قالت فاطنى
بتت خير لى ولدها:
انتى بالعافيى التخصك فى المصارين تبقالك هدم قرقاب ونعلين
Post: #236
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-04-2005, 05:19 PM
Parent: #1

سلام عليكون كيف حالكون
ست البنات أخيتى ..
يا نسامه في الزمن
السموم الصي
لعلك طيبى شوق بحر أكلو حنين
والله يا أخيتى الليلى جايبلك تمباكا
اسكتى خليهو ساكت لكن اسمعى وصيتى ليكى
اكنك إن ماك فاطرى .. ما تخاطرى تمباكاً قوى بالحيل
جابو لى عمى سيد أحمد من الخرتوم
هيا ست البنوت كلهن ياحنينى ويارزينى
انتى عارفانى انا قعريد البنات وبغنى فوقن
وبريد نضميهن وبريد ونستن لكن انتى عارفانى
ما بفوت بنات بلدنا أفو .. انا أفوت اسياى وسعديى وجيلا
انا ولدك يا .. جواهر ..انا عليى نضر يا ست البنات
انا وعتى امى الله يرحمها ويحسن إليها هى اشارت ليى
لبنية عمى احمد ومانى فايت بنية عمى
لكن وكان لقيت ليى وحيدى طبقتها والله ما عندى مانع
انا يا ست البنات بكانك دا مانى فايتو ضوومة .. قالت افوت
افوت .. القى القراريص وملاح السفروق ده وين
والله يا ست البنات كيفن مشتاق لأخيتى منى بت خالى عوض
الله يجيبا بالسلامى
ياربى حبيب نورة يكون عقبنى فوق اللقدابى انشالله
يظكر يجيب لى معاهو من شربوتو السمح داك
الشكر كلو ه لأخينا سامتيكو على هذه الهدية الرائعة
وانا بدورى أستميحه وأهديها أليكم كلمات
اها ودعتك الله اخيتى ست البنات
وداعاً يعدلى عليكى شقيش ماتقبلى
لاباكر انشاءالله

اخيكم / عماد

************

لا شوفةً تبل الشوق ولا رداً يطمِّن
أريتك تبقى طيب إنت أنا البي كلو هيِّن
قِليباً لي رِهيِّف عارفو ماب يحمل حنيِّن
إنت ماب يغباك حالو الفيهو كل البيهو بيِّن
بقيت مالي غير أشعاري أكتبه فيك وأدوِّن
أقول يمكن تزيل ما بي ولاّ قليل تهوِّن
ومالكن يا قماري بتشدن إيش لازمة تغنِّن
نغيماتكن تهيج أشواقي للعينين يبكِّن
بدّيكن وصية أمانة لي سيد روحي طيرن
ترا الحال العلي شُفتنو قولن ليهو أحكِن
قولولو السحب في روضو ما عادن يَكبَِّن
وأضحى محل خراب ما فيهو غير زهراً مضبلن
قولن ليهو ليلو طويل .. طويل.. طولاً يجنِّن
لا قمراً ظهر في سماهو لا نجمات يضوِّن
وكل ماليهو يتصبّر يقول أيام يعدِّن
يمنّي لنفسو بي لقياك ولاّ ترُدَْلو يمكِن
Post: #237
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-05-2005, 08:20 AM
Parent: #1

سمبتيكو الظيرييف وفايت الناس فى العودول والسماحة ,

ربى ياسع أيامك ويعلى شانك , ويخليك ويطوول عيميرك , ويحفضك من عيون خلقو !

نان قالولك نحنا هديتك ماب نقبلا مالنا ؟ نان هى هديتن كعبى , ولا شيويى , ولا ساهلى ؟

وكمان جيايبلنا النعام آدم ! نان تانى نحنا بس دايرين اشينو ؟ بس ما فضلتلنا فرضن ناقص !

الله يعدلا عليك شيقيش ما قبل !

بس يا اخوى لا تنقطع من لقدابتنا دى شى عليك الله , وحات ربى طليتك بالدينى كلها !

ست البنات .
Post: #238
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-05-2005, 08:44 AM
Parent: #1

صديق الموج ,

حبابك وحباب دميرتك الكسرت علينا بالمى والموج والخير !

نان نسووى أشينو ياا أخوى ؟


البوست ماب يكتلو زول ! بيكتلنا كلنا الشوق للبلد والدفييق , والقنقر , والجرارى , وحس البهم , وريحة

اللبن المقنن الميغيرب !

وبيكتلنا شوق أرد المى من البير , وشوق تمر الهبوب !

وشوق ناسنا البيزرعوا ويقرعوا فى الهجيرى وتعبانيين , وكلو بيبقالون هيين ان الله مد فى العمر ولحقنا

عقابون وشافونا وبلوا شوقون ان صدينالون تانى !

يا ربى دا بيحصل ؟؟؟ انشاء الله ربى يجمعنا بعد دا بس مع الفضلولنا منهون !!!

وعليك الله وكت اصلك مندلى تحشلك وراتاب , أجضعلى معاك عيقيلة لى بهماتى ديلا , ينجاضين من النبباه فى

الصنانة دى !

وسوولك تحتن ديفيقات للبوطان اليسووهن فى خشومون لامن ارميلون الحيريف دا !

ولا تغيبشى من اللقدابة دى تانى , اها تراك عيرفت دربا !

وان بيقيت جييت وما ليقيتنى , تلقا الكوشار تحت الفيلقى القدام السام هو !ووكت تشيلو و مارن الواطا

سممح وغبى الاتر فيحال البوطان لا يحفتوا بى وراى يوددروا لى اجى ما القا !

وفاطنى بتت حومد خير قالتلو :

طلبتك بالله رسللى جينيهين !

وتسلم عليى النضم السمح المجييه دا !

وربى يسعيدك , ويعلى مراتبك , وتبقى تاج للجنات لى حدهون بالوظيفى السمحى , وينسرا بالك , ويتعلا

شانك .

وكتتر خيرك عليى الطلة السمحى دى , ولا تنقطع مننا شى .

ست البنات .
Post: #239
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-05-2005, 09:22 AM
Parent: #1

عماد اخوى ,

يا يابا جيدن جيت الليلى !

انت قايل لقدابتنا دى بلاك بتنقعد !

يسعلنى الله شدة ماب يعجبنى حديسك دا ! بس الصباح الصباح انشررف فى خشم الكبد اقول ياربى الجنا يبقى جايى يا ربى !

وامك الله يرحمها ويرحم امى ويغفرلهن , نان وصييتا هينى ؟ اكان ما سوويت القالتو ليكا دا حتى انا بس

بغدب بالحيل منك ! باقيلك بينية عمك احمد فى اسمح منها , ولا أخير منها بتلقى !

وانا كمان فيحال حديسك دا بس القراريص والسبروق اصلى نارن مانا كاتلاها ضوومة !

ويا يابا تنعدل عليكا شيقيش ما قبل ! التمباك السمح دا ليقيتو ويين آعشاى ؟

اها اصبورلى الافطر وافك الريق وكتين أصلو شيتن قوى كدى !

نان زمنك دا كولو ارسلك للتمباك تمشى تجيبلى الشى الكعب وتندهده مع البنوت وتفتح خشمك للنضم معاهن لامن

نهارك يقييل , وتجينى خلا , ايد لا ورا وايد لا قدام , وتقوللى دكان السرير قافل !ليه ما كوت بتعرف

بوكان التمباك السمح دا من اووالى ؟؟ والله حيكم !

بس برضو كتتر خيرك الليلى اللقيتلك شى جيبتو لى وما جيتنى فاضى !

ويا حيليل منى بت عمى عوض و حتى انا اشتهيتا , وكيف دايرى جييتا لا هينى ! نان فى زول زيها ؟

البينيى الطيبى العيديلى و الرايقى ! الله يجيبا لينا ! بركة جدى شيخ منوور اب شعفى تسمع نضمى دا

وتجى الليل وتفرحنى !انا اصلى من يوم ما سيمع خبر الويليدات الكتلوهون فى برسودان ديل و بس رابطى

راسى دا , واسكوت ابكى وانمخخت و والنوم يضوروا لى !!! اكان جات فررقت عليى شيوييى !

وسمبتيكو ؟ الويليد دا يسعلنى الله كيف بريد جييتو لا عند اللقدابا دى ! بس ماب يجيك فاضى ضوومة !

الله يديهو الفى موراضو ويعدلا عليهو بركة القيبل الاربعة !

الرسول شوفتو الليلى جابلنا شينو معاهو ؟ أمانى الغونيى دى مو فرحتنى بالحيل ! الله يرفريحو ويفرحكون

جميع , بس عد ما زولا يجى يتونس فى لقدابتى دى , شحتت ربى يديهو العافى التجممو فى عيضيماتو ,

وترودلو غوروبتو , وترججعو لاهلو سالم غانم , بركة ربى وجاه رسولو .

وانت يا عماد اخوى ان شاالله تنبارك , بس من زماان كايسى الغونيى دى للنعام ومانى لاقاها !

وربى يعدلا عليك دينى وآخرى ان شالله .

ولا تغيب من اللقدابة دى شى , ونسيت ! يا عماد ؟ كيف تنحدس متل حديسك دا !

تقول تطبق فوق بينية عمك أحمد السمحى الزينى دى ؟؟؟ نان باقيلك مو غيلت بس فى نضمك دا ساكت ؟؟

أسع فى ضوميتك دى بينية يجيبولون فوقا وحديى ؟؟؟

ست البنات .
Post: #240
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-05-2005, 03:11 PM
Parent: #1

يا ست البنات .. والله اكلك دا ماهو باقيلى ضوومة

أبى ينزلى من حلقى ... لقيمةً ما فيها

أخيتى منى بنية خالى عوض ما بتنفعنى بالمرة

ما تقومى تنشدى أخيتك ده شوفيها شقيش قبلت

فسراع انا راجيكى فى بكانى ده

أخيك / عماد
Post: #241
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-05-2005, 03:31 PM
Parent: #1

Quote: البوست ماب يكتلو زول ! بيكتلنا كلنا الشوق للبلد والدفييق , والقنقر , والجرارى , وحس البهم , وريحة

اللبن المقنن الميغيرب


وما تنسى ريحة العواسى بالجريد...احى انا من العواسى بالجريد.

وتنذكرى يا ست البنيات اماتنا وكتين يكونن ماشاتلهن مشوار
ونحن منشعلقين فى تيابن يقومن يقوللنا امشوا لى خالتكم فلانى
خلوها تديكم شوية دهدهة عشان اسويبا الملاح ونجرى نحن ميسوطين
ونقول لى فلانى امى قالت ليك ادينى شوية دهدهة تقوم خالتك تدخل
وتمرق والعجب كان عندها شوية روب والا رز باللبن وتقولك اكل لما
القى ليك الدهدهة..وانت متبوم قاعد وما تفكك الى ان تضمن انو امك
مرقت ونرجع نحن نبكى وننخج ونسكت بعد شويتين امك تجى شايلاله
تمر والا جرم وتقول لك اسكت يا ود حشاى بسوقك المرة الجايى.
ويا حليليك ياستهن واحبك واحب نضمك التكنو عسل ده‘‘
Post: #242
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-06-2005, 08:23 AM
Parent: #1

عماد أخوى ,

كيف حالك ؟ وماك طييب ؟

نان باقيلك آعماد انا بس فى لوقمتن بتنزللى من حلقى دا أسع ؟

أمانى منى أخيتى مو لعببى فراقها دا !

بس اللقدابة دى بلا منى بت عمى خوجلى بقتلى كوتر ضوومة !

ومن نهارى احرس وارجا فيها قوت يبقى تحن عليى وتجى صادى !

اها النهار انقسم وهى مافى ليها اتر !

لكن انت يا عماد جييب اخيانك واخياتك ديلا اليونسونا لامن منى تجى , ترا صديق الموج جا علينا كتر خيرو !

والويليد زوول برضو عافى منو قعد يطل مرة مرة ماهو منقطع مننا شى !

وحبيب نورة العيدييل بس تانى ما قال سلام ! ياا ربى هو نصيح يبقى ؟

الله يجيبك يا منى اخيتى الزينى , وشحد ربى يجى معاك خدر ود عطا المنان البقى بس ينفلهم علينا !

بس سلام الله آب يدينا يا !

ياربى يبقى انلومنا فيهو فى شى ؟ انا بس مانى طارى ضوومة لومن فيهو !

دحين اليجى يحدسنا بالصادو مننا شينو !

ويا عماد تعال الناملا خشومنا بالحيريف دا , الجوع دا بيقص كبدنا , ونسكت نرجا منى , وان بقت لا

عوقبان ما جات , نخلى صديق الموج يكتبلها جواب وتمشى انت والويليد اوسلى تشيلو صنب ترمو فى البوسطة

اللت صنب , نقولها فيهو ضرورى من الضرورى تجى فيسراع فيحال اخيتك ست البنات , واخيك عماد صرمانين فيك

بالحيل .

ست البنات .
Post: #243
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-06-2005, 09:02 AM
Parent: #1

أخوى صديق الموج ,

سلام يا يابا ,

سلامن يحفضك حفض رب العالمين لى على الكرار من الكفار !

ويحبك ربى و ورسولو و والأوليى اجمعين !

ويحبوك ملايكة الرحمن ويحرسوك من كل عدو وحاسد !

حيرسن ينجيك من الكيبب , والميحن , لا تعتر و ولا تحرق و ولا تغرق !

كيف طريتنى حديس اماتنا وخالاتنا الحينينات , الله يرحمن ويغفرلهن .

كانن كيف طيبات وقلوبن بيضا زى شوخب الحليب !

وكان حنانن مزروع فى عروقن وعوضامن ! لاب يكمل ولاب ينقص , يفريقينو علينا بالكيمان , وكل زول يشيل نصيبو مافينا واحدن بينضييم ولا ينحسر ولا ينغبن !

وكانن يعرجيننننا ويزقليتن فينا لامن نكبر !

وانا يسعلنى ربى كوت برقد جنب امى الله يرحما لامن تمييت الجامعى من جنبها ما قوم !

وكانت تسويلى الطاب , وتلقطلى الدنانين , دونان العوكر , ودونان البقر , وكانت مخيتالى خورتايى للبيلى فيحال العبو مع البوطان قدام خشوم بابنا !بس ما ازح من قدامو !

وكوت كمان مرات اغفلا والعب الكورة مع البوطان , وتجى تقوللى : كمان جايى تبقى حومد ولد آخر الزمن !

وكانت تبيعلى المررو , والنبق , وكل ما جا زولا جالبلو شى , أنقز فوقا لامن تبيعو لى !

وكانت الله يرحمها ويغفرلها ماب تخلينا اصلها نشيلنا بيت عيزومة ولا ظهر , وتقوللنا جايايت تنعلمن الأنطلقى زى البوطان الأوماتون قايداتنهون محل بقى فى بوش ولا ليعب ؟ انا ما عندى بنوتن يحومن بالحيلى !

ووكت يبقى فى ليعب فى الحيلى , قدور ما نحرد الغدى والعشى , تقوللنا ان بيقيتن اكلتن بخليكن تمشن ! واول ما ناكول تقوللنا يلا قومن كل واحدى تنحمم من الزبل المندعكات فييو طوول الناهار دا , وكل واحدى تنمسح بى ديهينى وتدههن راسا دا بى حيبيبة ديهينى وتسوويلا هيدم فوق مخدتا , وتنغتا وترقد !

وتقول نحنا اوللى اهلنا اكان مرقونا للليعوبات ما كنا نفعنا !

لكن وحات ربى ان واحدى فينا ساكت راسا وجعا , كانت الله يرحما ماب تنوم للصباح ! شى زيت فوق الكركورة , وشى حرجل , وتمشوكنا بالملح والشاى الحب , وتقنب جنب راسنا لامن ننوم !

والصباح داك يالأكل الخاس , الشوربة , والكستر , والأنناس , والفواكه لامن نطيب !

الله يرحما ويغفرلها كانت جبل حينييى !

وكنا وقت نقعد نظاكر تحرسنا وتقررب تنتحن معانا ! وكانت هى وابوى الله يرحمون , يبيعولنا شيتن اسمو أوفلتين فيحال يقويينا ونقدر نساهر ! وكانت مرات تحن علينا وتقولنا كفاكن يا بينياتى نومن , القرايى تطير , لا تمرضن عليى !

والله يا اخوى صديق ناسنا ديلا زيهم مافى , غايتو انمحنا فيهون الله يدخلون الجنة ويرحمون , ما قصرو معانا ,كل شى ورونا ياهو !

ست البنات .
Post: #244
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-06-2005, 01:21 PM
Parent: #1

Quote: وكانن يعرجيننننا ويزقليتن فينا لامن نكبر !


صدقتى يا ستهن نحن الولاد كانن يسولنا زبيدى لاتموعى
الله يرحم امك ويخلى لى بت البشير..عاشة امى ويغطيك
بس اللقفل اللبقة الموية لاتخرب على الخدار وبجيك صاد
ارقدى عافيى،،
Post: #245
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: osly2
Date: 02-06-2005, 01:26 PM
Parent: #244

ست البنيات من جم
بجيك بى مهله

تحياتى
Post: #246
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: osly2
Date: 02-06-2005, 01:28 PM
Parent: #245

المتواجدون الان بالمنبر الحر 146 شخص » (2 )عضو و (144) زائرا

»osly2
»ست البنات
Post: #247
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-09-2005, 06:43 PM
Parent: #1

ده .. حديث ده ياجماعة

البطان ديل كلهم .. ولا البنيات

واحداً ... يجىء فوق اللقدابى دى مافى

يعنى البطان والبنيات ديل شقيش شالو

الحكاى شنو ظنيتون دايرين يقفلو اللقدابى

والله .. وحات سيدى الحسن ماتدقفل ضوومة

لامن تحضر منى بت خالى عوض تشوف جنس الحديث ده

الله .. يحضر يامنى

أخيك/ عماد
Post: #248
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-09-2005, 11:58 PM
Parent: #1

ياا عماد عوافى وجيدن جييت يا اخوى !

من الصباح قاعدى وححدى الله ورقبتى لامن جايى اجن !

البوطان كولهون فروا قالو مشوا على اللعب الليل قون جرنق وعلى ود عيتمان فى امركا !

دحين باقيلك بيجونا بى عوقادن نافع شى ??

بس غايتو الله يكضب الشينى !

ورب العالمين يجيبلى اخيتى منى المبروكة الزينى الماب تخلينى وححدى فى الخلا والصى دا !

دحين لا تنقطع من اللقدابى دى شى !

ست البنات .
Post: #249
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-11-2005, 09:20 AM
Parent: #1

سمبتيكو أخوى ،

العوافى ، ونعلك شيدييد ?

شحد ربى يفرحك ، وبغتيكا ، ويسويلك ايامك كلها فرح وسعادى !

اكان فرحتنى بالغونيى اللت النعام دى جنس فرحن !

بس كل يوم ان بقى ما جانى زول فى اللقدابى دى اسكت اسمع فيها لامن البوطان بنلملمو يجو لاعندى !

عليك الله ان بيقيت عندك شيتن سمح متل دا للنعام سوو ليينا النسمعو . أمانى كيف سمح ! بس يخلى الزول فى عالمن كوتور خلاس !

ست البنات .
Post: #250
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-11-2005, 12:44 PM
Parent: #1

يا ستهن هادى رجعة من الطحين وداخلالى شوكى فى كراعى وضمة كدى مجكنى
انكان عندك ابرى ومنقاش ادينى ياهن وبسيحلى ودكى باقى مطولى
ومان قادر على اتسممت وودوه مروى ..الله يقطع الحيكومة المى دايرى
تبنيله شيفخانتن قريبى..بس تعرف لى جباية التمر وحق المويةاصلن ولاد رماد
وعندى برسيم ماش افرضوا خايف البطينين يخربوا..وقطع شك مانى فايتك
ترقدوا عافى،،،،
Post: #251
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-11-2005, 10:27 PM
Parent: #1

يا جماعة الخير انتو وينكون ?

الخدر ود عطا المنان ،

منى بت عمى عوض خوجلى ،

عماد ود عيتمان ،

أبن عوف ،

بينييى ،

حافظ ،

حبيب نورة ،

عمى مامان ،

شيرى ،

ملكة سبأ ،

أوسلى ،

ود القرير ،

عمى مامان ،

بيان ،

ود الملك ،

والبوطان الباقين ، والبينيات الآخرات ???

بس تفوتو ولاب تقولولنا شايلين وين ?

ست البنات .
Post: #252
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-11-2005, 10:40 PM
Parent: #1

سمبتيكو الزين ،

انت مشيت وين ?

النعام دا مو دايرنو يغنيلنا عوقب !

لا تنوهدب شى فسراعك جيب البوطان اليشيلو معاهو !

ست البنات .
Post: #253
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-11-2005, 10:56 PM
Parent: #1

طلبتكون بالله ان ما كوركتو للبوطان ديل فيحال السبروق دا بيبرد !
با سجيمان ، كورك لى :

ديامى ،ياسيكو ، الموصلى ، عمر الفاروق ، بلدى با حبوب ، عبد المنعم سبد احمد ،الجندرييى ،محمد ابراهيم قرض ، عبدالله ،سيد احمد الريح ، صلاح ابو حجل ،شاك ، ود قاسم ، أحمد الشايقى ، ياسر الشريف ، العوض الطيب ، قرشو ، عثمان محمد صالح ، ود الشيخ ، كمال حسن ، راوية ، سموأل ابراهيم ، فجراوى ، بشرى الطيب ، المعتمد ، عادل عثمان ، رحيم سودانى ، أحمد عبد العاطى ، سامى عبد الوهاب ، زولا 123 ، المكاشفى الخضر ، الزوول ، صديق الموج .

وقوللهون ست البنات مغرودى فيكون ، ولا تجى ضوومة ان ما جبتهون فى ايدك وجييت !

ست البنات .
Post: #254
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-11-2005, 11:14 PM
Parent: #1

سلام عليكون ،

الليلى بس جاييى احكيلكون حيكاييى !

مشيت لا عند دكان السرير كايسى القصاف _ التمباك ، ليقيتلكون الحريم ينضومن ويوسويسين ساكت !

قوتلهين فى شينو ? مالكين بتنخالين وتوسويسين متل التكنو الجهدييى جونا تانى !

قالنلى لالا ، عد ننضم فى حديس الجنا القالو سافر لاعن دار فور فيحال يكتتل لبيوطان والحريم والرجال !

هن فى نضمن دا ، نطتت عاشة قالتلهن :

الجنا قالو من بلدنا دى ! عيللى الله غدبان علبهو با يمة !

باع تمرو وواطات اهلو وشال الخرتوم فيحال يبقى رييس !

نان بقى ???

أمانى ماب يندم ويسف الواطا !!!

انتى فى دا ! قالو كمان صدا وشال برسودان كتتل الهدندوة وطلقلهون النار فى بهايمون ودفر صدا للخرتوم !

ووكت سعلوهو سويت كدى ليش ?

قاللهون دا مو انا !

انا بس من بيكينى دا ما فتتر ضومة !

أسع قالو الانجليس وامركا جايات للخرتوم فيحال يقررينو !

نان باقيلكون بيقر شى ?

و باكر لامن اصد للدكان بجيبلكون باقى النضم .

ست البنات .
Post: #255
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-12-2005, 02:14 PM
Parent: #1

Quote: أسع قالو الانجليس وامركا جايات للخرتوم فيحال يقررينو ![
/

يا ستهن حميد قال: وكت طلوع الانجليز قلنا الظلم راح، تارى كمتر
قام دقون حلفا معيوقة وشوك جمال..سعلتك بالله ما صدق.. جاييك صاد
Post: #256
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-13-2005, 00:02 AM
Parent: #1

صديق الموج أخوى العيدييل عشا البايتات ،

نان كيفن حميد ما صدق !

مو هو القال :

با الجابريى تقابلى الحكما


ا الجابريى ولادك تقرا

من القراصة ولى قراصا
عشرين كيلو طفلة تساسق بى كراسا
دايرين بوصطى ومدرسة وصطى

وأخ من حظك با الجابريى !

لا تغيب شى ، باقى الجنون كولهون ماهون فى ! بس ما عيرف السهمى الشالوها ويين !

ست البنات .
Post: #257
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-13-2005, 05:19 PM
Parent: #1

بمناسبة يوم الحب ، أقولكون :

لا شوفتن تبل الشوق ولا ردن يطمن

أريتكون تبقوا طيبين انتو

أنا البى كولو هيين !

ست البنات .
Post: #258
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-14-2005, 01:18 AM
Parent: #1

سلام يا الحبان ،

الويليد اللافخاهو الدحشى دا وينو ?

سويتلو اللبخة بالشاى الحب والحيلبى ، جايى البخا ليهو أكان كراعو دى تبقى نصيحى ، ويقوم عليى حش قشو !

والقال طاعنا الشوكى دا ، ما يسويلا وسخ الليل اضان أمان تنتور لى برة !

ست البنات .
Post: #259
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-14-2005, 03:37 AM
Parent: #1

Quote: والقال طاعنا الشوكى دا ، ما يسويلا وسخ الليل اضان أمان تنتور لى برة
!

اها بعد وسخ الاضان وتمرق لا برة ما بلقالى عندك ودكاية ساخنى شويى.
باقى الشىء دى تاعبانى خلاص الله يقلع الشوك.ويا ستهن نضمى بتموا ليك
كنك ارجينى ..ماك سامعى الصايح يقول بتت حسن راحت فى حق الله الله
يرحمها كانت مرتا معلومة..جاييك صاد وحضريلك قراريص النمشيبن على
ناس البكى،،،،،،
Post: #260
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-14-2005, 05:58 AM
Parent: #1

يا صديق اخوى ،

أشينو الخبر الشيين الجيتو دا ?

بت حسن ماتت ? الرحمه وسادتا ، حيليلى منها !

الله ينعل الدينى الزايلى ! الما فيها عمار !
وخربانى ام بوناين قش ، زايلى الدينى دار الغش !

دحين الناس ديلا كولهون يهنقلوا ساكت ! ماهون عارفين اخرتا كيويم الليل تراب !

كانت مرتن كيف طيبى ، واجوادة ! بس ان ما عندها شيتن تديك ياهو ، تندلا لى تمرها تقطعلك سبيطى تقولك سووها فى عيبك لامن تصل اهلك !

الله يرحمها ويغفرلها .

ست البنات .
Post: #261
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-15-2005, 06:00 PM
Parent: #1

قسم بالله وحات السيد على

البوست ده ما أخليهو يقطس

يعنى الواحد أن بقى مزنوق فوق

الإمتحانات والله العظيم مزنوق زنقة الكلب

وما لاقيلى زمن ... أجى ألقاكم خليتوهو مشى

فوق الصفحة الثانية ... الكلام ده عديل منكم يا جماعة

يعنى أخيتى ست البنات .. تخلوها براها كده

الحديث ده ما أعوج منكم ...

الله يجيبك يا منى بت خالى عوض

أخيكم / عماد
Post: #262
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-16-2005, 00:19 AM
Parent: #1

أخوى عماد المبروك ،

يا حيليلك يا يابا !

الأنتحان ان شالله يا يابا تنجح فييو ! وتشيل الشهادى الكبيرى !

وتبقالنا حكيم ولا ظابط ! ولا مهندس ! وانا ازغرتلك واقوللك سى فوق اخوى العيدييل اب قلما ناجح !

ورب العالمين يتجح مقاصدك ، ويعلى مقامك ، ويسندك ، لا تقع ، ولا تندم !

ولامن انتحانك يكمل ، انا راجاك فى اللقدابة انت ومنى بت عمى خوجلى !

واوصيك ، لا تخلى البوطان المساخيت ديلا يخربولك كيتباتك شى !

بس اقرا فيهن بيشيشى بيشيشى ، واحفضن لا سنتك الجاييى !

ست البنات .
Post: #263
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-16-2005, 08:53 AM
Parent: #1

أخيياتى ،

واخييانى ،

كيفنكون ? ماكون طيبين ? يطيب خاتركون !

دحين بس الليلى الحقونى والحقوا لقدابتنا الأنشقلبت !

الليلى ضومة راسها من قفاها ما عيرفتو !

جيتا من صنب فترانالى فترتن ! قوت الادخل لا داخول انجما فى اللقدابى لامن البوطان يجو ، بلا القالكون الحال مو ياهو الخليتو قبل ما امرق !

كوشار السجم دا أبا ضوومة يفتحلى الكبد !

قوت يبقى سينونو انكسرن !

كورك لى بت محمود عميتى جابتلى الليلا ، والحال فى حالو !

صنقر فى القياله دى فى البوقول الحار دا ، عميتى قالتلى تعالى لا داخول لامن نشوفلنا دباره للكبد دا ، قوتلها الليلى ضوومة مانى فايتى الصنانة دى كيتن لى رقبتى فيحال نكاوى الدينى دى فييى !

الشى شينو يا بكرى اخوى ? يبقى ليقيتلك شيتن ممنوع فيها ?

مالك قم على بيكينى تلفكتو لى كدى ?

بس كان زمان من اوال ما تدخل اللقدابى يلاقيك النعام بى غونيتو العاجبانى ديكا !

أسا عيتى بس بيقت ماها فيى ضوومة ! سهمى ليهمى ماها فى بيكيينا ! البوكان بقى خلا !

تانين الصفحتينى اللات السام بيقت فريد صيفيحة ! يا اخوانى الوقع علينا فى لقدابتنا شينو ?

عليكون الله العارفلو شى الينضمبو !!

ست البنات .
Post: #264
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-16-2005, 09:10 AM
Parent: #1

أها وما تميتلكون كلامى !

وكوت كمان وكت الدينى تلعب بى ، بعد ما أقشقش ديميعاتى ، أجرى فيسراع عليى اللقدابة فيشان اسمع الغونييى اللت النعام دى !

أمانى كييف بتريحنى وتبعد الغمة من وشيى وقلبى !

أسع يا حيليلا أفرقتنى !!!

ست البنات .
Post: #265
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-17-2005, 06:11 PM
Parent: #1

الحديث ده عديل منكن ياجماعة

باب اللقدابى دى ما فيكون زولاً واحد

يجىء يفتحو .. الكلام ده اعوج منكن

والله العظيم أنا مزنووووووق وما لاقيلى وقت

عماد
Post: #266
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 02-17-2005, 08:20 PM
Parent: #265

Quote: بينييى

Quote: البينيى الطيبى العيديلى و الرايقى ! الله يجيبا لينا ! بركة جدى شيخ منوور اب شعفى تسمع نضمى دا



salamt
o lmn ajeek sadee taniii



le gedam
Post: #267
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 02-20-2005, 12:41 PM
Parent: #1

ست البنات "لا حدهن" وضيوفا
سلام من زولن كان بي سروال وعراقي ، طلَّ القيف وطلع
الساقي ، لا في مرور قالو أقيف ولا دورية بتلاقي ،
حضِر جبيد التمر ، وشوية قفوزة،
ريحة التمر فوق هدومو ، لون الخدار خامد لبد،
هكذا قضيت اسبوعين في الريف محل روحي وأهلي بعيداً عن كل زيف في الحياة
متمنيا لك / لكم ذلك
لي قدام
Post: #268
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-20-2005, 05:56 PM
Parent: #1

أهل البيت ... سلام

ست البنات الحديث ده أعوج منك

من يوم سطاشر ما تفتحى باب اللقدابى

الكلام ده أعوج بالحيل وضوومة ماهو زين

دحين يا ستنا شيل شنطك وأرجعى لى .. لقدابتك

قبال ما منى بنية خالى عوض تجى

أخيك / عماد
Post: #269
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-21-2005, 01:18 PM
Parent: #1

يا ستهن وين مشيتى..الناس مالين اللفدابى ..الشى
لاكباية ليمون لاهزة كانون...طايبى الناس وردى عليهم
بجيك صاد،،،
Post: #270
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-21-2005, 06:56 PM
Parent: #1

UP

وكوت كمان وكت الدينى تلعب بى ، بعد ما أقشقش ديميعاتى ، أجرى فيسراع عليى اللقدابة فيشان اسمع الغونييى اللت النعام دى !

أمانى كييف بتريحنى وتبعد الغمة من وشيى وقلبى !
Post: #271
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-22-2005, 07:03 AM
Parent: #1

سلام عليكون جميع ،

وبالاوال جايى اخد منكون الاذن فيحال انضم مع اخيكون ياسيكو دا الشال البلد ونحنا مانا عارفين !

واا حلالك يا ياسيكو السعيد وبخيت !

والالحق اناضكو قبال ريحة الجروف والحلفى ، والتمور والبرسيم لا تمرق من هدومو شى !قبال ما يصوبينن !

والالحق اشم ريحة الطين الطاهر واهلو طاهرين وعفيفين ، وطيبين !

والحق اصرلى حيبيبة طيبى انباركبها وكت الدينى تلعببى واندهده فى دروب الغربه البطالة المرى الكعبى !

وجيدن شل اهلك يالعيدييل ، المبروك !

وشحد ربى تكون لقيتون كولهون طيبين وعودال وزينيين متل ماهون أولى !

وشحد ربى كمان تكون خليتون فى العافى والخير !

وشحد ربى تصدلهون مسرور ، ومجبور خاتر ، ونصدلهلنا نحنا كمان من جم !

ويا ربى بينية عاشة المرضانى ليقيتا طابت ?

باقى قالوا كانت مابى الاكل وساوالا شيتن اسمو الرجيم ! بس دا ما سمعنابو عيلى وكت نقول الشيطان الرجيم !

يا يابا قالوا بيقت متل سليل ومليل من الضعفى !

البت كانت سمحى وسمينى زى العجب ! لمن فيها وحداتن جايات من بلاد برا ورننها الشى البقولولو الرجيم دا ، وانماصت بقت زى المطرق البيحاحوبو الطير !

دحين وكت جيتا يا ياسيكو ، قول ليى سمبتيكو جيبلنا غونيى هول النعام ادم اليفرحنا بيها شيوييى !

ست البنات .
Post: #272
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-22-2005, 12:04 PM
Parent: #1

Quote: البت كانت سمحى وسمينى زى العجب ! لمن فيها وحداتن جايات من بلاد برا ورننها الشى البقولولو الرجيم دا ، وانماصت بقت زى المطرق البيحاحوبو الطير !


ستهن بالله ما شفتيه عاد يخرب البنيات كيف؟
الواحد بعد مى سمينة ومكينة بلا تلقاها بعد
يومين مجنضلى...سب كجنت الرجم واعوذ بالله من الشيطان
الرجيم والشى السموه الرجم..صاد لاتفوتى شىء،،،
Post: #273
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-22-2005, 11:31 PM
Parent: #1

سلام عليكون ،

يا عماد ود عيتمان ،

ًصديق الموج ،

ياسيكو ،

بينييى ،

والباقين كولكون بيسلامتكون ،

أكنو الحينديك الليلكون دا حدو ويين ??

كل ويحيدى ولا واحد يجى يمد ريويسو ينتاوق فى اللقدابى ، ويسوى جاييك صاد ! بجى صاد ! ويغتس ضوومة بس ما نشوفو تانى !

كلامكون دا دحين مو اعوج ?

أنا الجخ والميليس دا بس اصلى ماب اعرفو !

تقولولى يا صاديين ، يا كمان ماكون صادين شى ، خلونى الافوت لى اشغالى وسقى بهايمى ، وحش قشهن !

والا اقولكون ، انا بس انبيقت دى ياها سواتكون فييى ، بس لقدابتى دى بقلعا ضوومة، ضوومة من هينى اشيلبها بوكانن تانى كوتور !فيحال تانى مافى ويحيدى ولا واحدن قلبو محدسو يجى يسووى رقبتو اكنو قعد يريد اللقدابى دى بالحيل ! نان انا ساوواها لابوى ولا جدى ديلك الاتوسدوا التراب الله يرحمون ? مو ساوواها ليكون ولى البططن الكبدون انحرق بالغربى ومشتهين البلد !، خلى تنزققموا متل اتتكنى جابراكون ، ولا كاراكون !
ولا هينى ، ودعتكون الله .

ست البنات .
Post: #274
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: صديق الموج
Date: 02-23-2005, 02:11 AM
Parent: #1

Quote: عماد ود عيتمان ،

ًصديق الموج ،

ياسيكو ،

بينييى ،

والباقين كولكون بيسلامتكون ،

أكنو الحينديك الليلكون دا حدو ويين ??

كل ويحيدى ولا واحد يجى يمد ريويسو ينتاوق فى اللقدابى ، ويسوى جاييك صاد ! بجى صاد ! ويغتس ضوومة بس ما نشوفو تانى !

كلامكون دا دحين مو اعوج ?

أنا الجخ والميليس دا بس اصلى ماب اعرفو !

تقولولى يا صاديين ، يا كمان ماكون صادين شى ، خلونى الافوت لى اشغالى وسقى بهايمى ، وحش قشهن !


ستهن لاحدهن تسلمى..
ضوومة الكلام الاعوج ماعاد يشبهك،ووحاتك انتى يا الحنينى لا بينفاتى
ولا بنشبع ولاعاد نقنع منك،لكن معايش الوليدات فى ايدياتنا والحرم
دارالا قروش باقى قالت ماشى الخرتوم تعدل خشما،باقى السنون حامتنها
النوم والختم حلف ما يعيد السنى دى قال ماش معاها كان يلقالو
شغلة،ومان عارفلوا بلا شغلة الديش بشهادتو دى..والبرسيم كان خلينا
البطان فرضوا يخربوا..طهورتو دى دارالا زولا خبير ونجيض..والغنم
دافعات للولادى ما بينفاتن..اها ترى قدر الوكيت البنلقى عاد نطل
عليك لا تبقى شرفانى ونوعدك لابننقطع وكمان لا بنسوى الدرب ساساقى
اها ودعتك الله والرسوليحفضك من كل شر،،،
Post: #275
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-24-2005, 06:47 PM
Parent: #1

مزنوق يا عالم

ست البنات أخيتى انا قرب أصلك

بس أدينى يومين وأخلص من الإنتحانات

واجيك صادى فسراع

اخيك / عماد
Post: #276
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-24-2005, 11:48 PM
Parent: #1

صديق الميبيريك ،

نعلك شديد ?

نان انت الحرم دى عامن اول مو شالت الخرتوم ! يعنى اكنها كل سنى عيللى تشيل القشرون دى فيحال اشينو ??

والختم ليه ما عليتوهو ظاكر فى كيتباتو قبال الانتحان شى ?

شويتو ليهو كلو امشى اقرع ، وشيل السوق ، وغدى الدحشى ! يا جماعة دا عديل منكون ?

والبرسيم ادو اب نعوف ! باقى فالح فييو !

وكيفن تسوينى شرفانى يا اخوى ?

نان قالولك الصبر الفيى فى زول !

وانا اسا عيتى عزيرك قبلتو ! بس قضى اشغالك دى وتعاللنا صاد !

والله يجبرك ويقويكا ويخليلك البيطينات الليلنك ديلا .

ست البنات .
Post: #277
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-25-2005, 00:01 AM
Parent: #1

يا عماد ود عيتمان ،

يا حيليلك يا الزين الميبيريك !

انا مانى ضاماك شى !

عارفاك مشغول بالانتحان !

الله ينجحك ورب البيت يعدللك ختوتك دينى واخرى ، ويفتحا عليك شيقيش ما تقبل .

وسعل ربى تجيبلنا الشهادى الكبيرى ، وانا اجيبلك الطار ، ومحمد كرم الله هينى فى لقدابتى دى ! واسويلك اللعب المو خمج سنى للحول !واضبحلك عنبلوكى دا ، واخلى منى بت جارة خالتى تسويلك الشربوت والدكاى ، والساعة ديكى بس اب احميك ياهن شى !!

أخلى الدينى والخلق ،والبلد والبلدين كولهون ينبسطو ويفرحوا معاك !

والله يرجعك لينا بالسلامى ويجببر خاترك وخاترنا .الخدر داك بس اسكت خلو ! بس محل انزقم مانا عارفونو ، هو ومنى بت عمى خوجلى مسخو على اللقدابى دى ضوومة ! البوكان الغتسو فييو مانى حارا !

ست البنات .
Post: #278
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-25-2005, 11:59 PM
Parent: #1

ست البنيات الله يجازيك انكان دايرى تكتليلك زول بى البوست ده

صديق الموج

ست البنات .
Post: #279
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-26-2005, 00:14 AM
Parent: #1

أها ، بع غينيماياتى ، جابنلى سبعى ريال !

سديت دينى للسرير ود خالى ، اصلى كوت جارالى منو راس سكر وتمباك !

والحيميمات طارن منى غلبنى اقبضن ، عاد سويتن فى ضومتكون ان اديتوهن عوجى !

وقولوا لى اب نعوف القيريشات الكوت شايلاهن فوق ضهرى جرورة منك للباشى اللت خجيجى ، خليتن ليك عند السيرير !

والعبور واخييتا أدهن لى السارة قالت عاجباتنها من اوولى !

والعنبلوك تضبحو لى عماد ود عيتمان وكت يجيب الشهادى الكبيرى ، ضوومة لا تفرطو فييو شى !

والعناق واختا الايتينونى تدوهن لى جارة خالتى تسويهن سعييى فى لونودن !

وان بيقت منى بت عمى خوجلى جات قولولا ست البنات قالتلك ودعتك الله يا لحيبيبى !

والخدر داك بس قولولو كتر خيرك وبارك الله فيك ! والسويتا رقدت لا جنى الجنى !

أما أوسلى ودكتورة بيان ، ورحيم ، والفاتح وعمى مامان ، بس اصلى صاراها ليهون ان بيقيت الله صددنى !!

واسا عيتى انا جاييى اسد اللقدابى وشايلى اهلى الرزوقا !ميحل بلقى الونسى والمباشرا !

نان جاييى اقعد عيللى الزرزور الامو قبضا الشرك وححدى هينى ?

وفى امان الله .

ست البنات .
Post: #280
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-26-2005, 00:23 AM
Parent: #1

وقولن ليهون ليلى طويل .. طولا يغزلن !

لا أخيين يجى اللقدابة !

ولا البنوت يطلن !!!

ست البنات .
Post: #281
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-27-2005, 08:36 AM
Parent: #1

يا حيليلك يا قصفانتى الكشارك راح منى !

ست البنات .
Post: #283
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 02-27-2005, 04:37 PM
Parent: #281

انـا رجعتلكـم

امـانـي مـافقـدتكـم واشتقتلكـم

اريح عضـامـي دي من التعب وارجـعلكـم

وسـلام شـديييييييد ليك ياست البنات بت امـي وياعمـاد الديمـا طاريني الله يديك الفـي مرادك ويسـعـدك دنـيـا وآخـرة

مـنـي
Post: #282
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 02-27-2005, 03:36 PM
Parent: #1

ابشرى ياست البنات

وجهزى البشارة جبتلك خبراً زين

البارح مشيت أعزى فى وفاة آل الخواض

البطان قالولى شافو منى بنية خالى عوض

فى بيت العزاء وقالتلهم جاى علينا

اخيك/ عماد
Post: #284
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-27-2005, 09:42 PM
Parent: #1

وا حلالنا ، ووا حلالنا !!

الليلى جيدلنا عشور مرات !

يا حيليلك يا منى يا حيبيبة قساى ، جيدن جيتى !

أمانى يا منى البوطان ديلا لعبوبى لعبن !

بس واحدن فيهون بيطل عليى ولا ينشد منى ماهو فى ضوومة !
لامن بع غينيماتى كولهن ، حتى الغبشى الدارى ، ، وعبورى ، وعنبلوكى ،وحيميماتى طارن لحقن الصح ! وكوت جايى اشيل أهلى الرزوقا اقعد معاهون ، واخلى البوكان دا ضومة !

وكمان البارح بس الدينى دى ضاقتبى خلاس ! كوت مصنقيرى وححدى ، وقوت كدى اللمرق عليى عمتى بت محمود اكان القالى راحة شيوييى !

ووكت جيت صادى ودر كوشارى !

ان كان من قولة والله ، عماد ود عيتمان ما كان قعد يقصصر عيللى مشغول فى الأنتحان !

وصديق الموج الله ياسع ايامه ما خلانى شى !

والويليد الميبيريك سسمبتيكو ما فضللى فرضن ناقص فى الغونى السمح !

وأوسلى كان مرة مرة بيمد ريويسو فى اللقدابى !

ورحيم غايتو جيتن ميتى كدى !

والخدر يا منى بس ما عيرفنالو بلد !

والباقين ، تدى ربك العجب فيهون !

بس دحين اسع احمد الله بيجيتك ، براها بالدينى !

وان شاء الله البكان يطيبلك .

وسلميلى عليى خالتى جارة وعمى خوجلى ، واخياتك نعلهن شديدات !

ست البنات .
Post: #285
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-27-2005, 10:17 PM
Parent: #1

عماد اخوى وشى الخير والسمح كلو !

يبشرك الله بالخير والنجاح فى الانتحان ، والشهادى الكبيرى الفايزى !

نان قالولك بشارتك دى هينى !!!

أها انا كمان وكت تجى فى اللقدابى ، عيللى اضبحلك العبور مع العنبلوك الكرمتهن من البيع ديلا !

واجيبك جلابييى اللت سكروتا ، وطاقييى من بنوت حومد ايحمد ، كيف قعد يسونهن سمحات !ومنجل جدييد ، وسرج لى حمارتك الخدرا ديك !

ست البنات .
Post: #286
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 02-27-2005, 11:21 PM
Parent: #1

ست البنات
سلام مطبوق
الشوق قيساب نوريقو متين ؟؟؟؟؟؟؟
Post: #287
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-27-2005, 11:47 PM
Parent: #1

يا ياسيكو اخوى ،

انت وينك الزمون دى كولها ??

أمانى انا كمان مشتهاك ومشتهى اخياتك واخيانك المساخيت ديل !

تانى لا تنودر منى ضومة !

وجايى اسعلك ، تصويرتى دى ليقيتا وين ?

لى كمين شهر افتش فيها رايحى منى !

باقى صورنى ياها سمبتيكو أوالى !

ست البنات .
Post: #288
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 02-28-2005, 09:49 PM
Parent: #1

سلام ، وحبابكون ،

انتو بس جاييى اسعلكون :

الخرابة الليل لقدابتى دا ، بس يا ارفعو انا ، يا يحتل ضوومة ، مافى زولا ينشد فييو ليه ?

أكنى يعنى قالولكون يانى انا الفاضى ?

وحات الختم ووحات سيتى مريم ، تانى بس ان بيقى حتل فى الدميرى ضوومة ، بس بى راس اصيبعى دا ما المسو !

والله ياهو !

ست البنات .
Post: #289
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: benyya
Date: 02-28-2005, 09:53 PM
Parent: #288

ست البنيات

ازيك وكيف احوالك؟؟؟؟

علك طيبه وكلو تمام

ماشاء الله لسع نارك مولعه وقراريصك البوخ طالع منها


رسلت ليك ايميلين في مسجنرك ما جاني ردك؟؟؟

يا تري وصلوك



لك تحياتي



لى قدام
Post: #290
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: أحمد الشايقي
Date: 03-01-2005, 06:34 AM
Parent: #1

سـتنـا وسـتهـن

كيفن حال اللقدابـة

أبشرك كنا في سـاقة ولاد تــوم

وكل الحساب الفوق دا لقيناهو

ولقينا فوق ليــهو مـحـنــة شديييييدي



تحياتي لك ولقرائك
Post: #291
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 03-01-2005, 05:25 PM
Parent: #1

يا ست البنات اخيتى زغرتى

انا نجح فوق الإنتحان

كيفن ما انجح ... وانا اشيل وانده

اولاً تبادى .. قلت بسم الله يا ألله

يا سيدى الحسن الكبير يا ابو جلابيى

يا سيدى محجوب حلال المكروب

ياستى نفيسى .. ألحقونى وانجدونى

اقول كدى ادخلك على الإنتحان ..

جضمتو ليكى جنس جضيمى بلا كنك الليلى

يرسلولى يقولولى .. ات نجح

وادونى شهادى كبيرى وقليدى

واسع دى انا قاع أعدل فوق شنطى

وباكر من الدقشى متوجه عليكى وحجز فى لورى عطايى

وبعت ليكى معايى هديى بعتلك طرقى وتوب اسمو .. استقلال السودان

وكترتك من التمباك السمح بالحيل

اخيك / عماد
Post: #292
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-01-2005, 05:56 PM
Parent: #1

أيوووى أيوووى ،

مادلا مادلا الويليد الهميم !

سيى فوقك ا عماد الجدع وفهيم !

وسيى فوقك عشور مرات يالميبيريك الفالح !

وجيدلنا وجيدلنا يا يابا النجحلنا وعليت راسنا قدام الخلوق !يالعمرك ما خييب ظنى فيك !

نان أولى باقيلك التمور وقراريص القموح المو خمج قالزلك اب يجيبلهن فايدى !!!!

ياي يابا نجاحك عجبنى وسرا بالى !

وشحد ربى تلقى الوظيفى الكبيرى السمحى !

والطرقى الجبتها ليى كيفننها ? نعل مو خدرا زى اللت منى الجابا ليها اب نعوف ?

انا الخدرا دى مكجناها عند الحريم !

منى بت عمى خوجلى يى ديكا الجضعتا وغتتبها تمر الهبوب من العجاجى !

لكن اقولك البيجى منك كلو سمح يا عماد المبروك !انت ما كون تخلى الميليلينات ينفعنك فيحال لا تصرم شى ! مبعزيقن فى الطرقى ليه ا عشاى ?قالولك التمباك السمح براهو ماب يرضينى ?

بس جيتك براها بالدينى !

ونجاحك يا نجاحنا يالجيبييب !

أها اللقوم على عباس اقولو اضبح !

بالاوال اللسقى العنبلوك دا !

واحدس ياسيكو الهدى ورضى يجيبلنا النقارة !

وتعالن يا البنوت قطعن البصل لا تنفلهمن شى !

اكنكن افنديات ?

يقولن نحنا البصل بس ماب نجى جنبو ! ريحنو عفنى !

نان وكت يسوو وينجضو قعد تاكلينو ليه ?

كدى الاقوم اصفى شيربوتى دا ! الليلى وا جيدلك ا عماد الجايى يدوك الشيربوت !


ست البنات .
Post: #293
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-03-2005, 08:38 PM
Parent: #1

والله يا جماعة ماكون طالبيننى حليفى !

بس عدما اسمع غونيية النعام دى ، واعاينلو وهو دعد يغنى فيها ، ابقى متل اتكننى بعاين لامى ولا ابوى !الله يرحمون ويغفرلهون .

وساعات منا وليى اسمعها واقنب ابكى !

وساعاتن اخرات بس اسمعها وانبسطلى انبساطن زى التكنهون معاى !

وانصبر وانيقن ! وافرحلى فرحا يا اخوانى متل اتكننى ليقيتون قدامى !

فيحال كدى بس لقدابتى دى بس اكان مو فيشانكون ، فيشان الغونييى دى ضوومة اب اقفلا ولا اسدها اصلى !أسع الليلى اصبح ليقيتا فى بلدن طيرو عجمى ! بس الغتسا هنوك مينو ما عريفتو !

ييدى القلعتها جبتها صادى تانى فى بوكانا !

ست البنات .
Post: #294
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 03-04-2005, 01:25 AM
Parent: #293

واحـلالـي
عمـاد أخـيي نجـح نجـاحـا مـا هـو هـين شـي
شفـتي سـت البنـات حـبيبتـي فاتـحـة الخليفـة عـوض خـوجـلـي واصـلة كـيفـن?
أنـا قـايمـة مـن بكـانـي دا اسـويلـي شـوية مـنين
وحـالفـة أمـلا الشـنيطي الخدرا اللات الحديد حـلاوة وبسـكويت

والمـنـين يرقـد برا فـي شـنيطة الصـفيح
الزرقـا كـرامة وفـرح بنجاحـك خـيي السمح وزيـن

قـتلك سـت البنات قبـال انسـي
أديـنـي حـبيبة سـمـن ومـعاه حـبيبة كـمـون اسـود
انـا جـبتلك مـعـاي شـمـار أخـدر وكـزبرة أهـا براك شـوفـي ريحـتم سـمحة كـفنهـا

مـنـي بت جـارة
Post: #295
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 03-04-2005, 05:16 PM
Parent: #1

ست البنات أخيتى

كيف حالك نعلك طيبى

الله يعدلى عليكى شقيش ما تقبلى

ويديك الفى مراضك ويسهل سكتك

انا تانى يا خيتى بقدر استغنى عنك

يا نسامه في الزمن السموم الصي

بعد كملت حروف مغناي

كتبت غناي من الضي

بعد يبس الحنين جتيك

لهبا اطفيهو منك رى

مزمزم بالهموم

لكن عارف

انتي مني

ولي ...

انا يا ست البنات بكانك دا مانى فايتو ضوومة .. قالت افوت

افوت .. القى القراريص وملاح السفروق ده وين

اولاً تبادى أفتحى الشنيطى ألت الحديد هى

الشنيطى دى كلها ألتك فيها الطرقى والتوب البسموهو

استقلال السودان كعلبسنو بنات البندر

وفيها جلابيى طويلى ماها متل جلاليب البندر القوصيرات

وكمان تلقيلك شبشب وما نسيت جبتلك مفحضة

عارف الليلتك قديمى ومهتوقى كعد ترميلك القريشات

وكمان فى قعر الشنيطى تلقى التمباك السمح بالحيل

ناولينى اول حاجى من الشربوت هو النشيلى جغيمى

والشنيطى الحميراء ألت منى بت عمى عوض

انا عارف منى بتريد الريحى ودهان الشعر

جبتهن معايا وجبتلا باكمبودر باقى هى بتريد

تسوى الخبيز

أخيك / عماد
Post: #296
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 03-05-2005, 00:55 AM
Parent: #295

جـيدلـي
لا تغـالطي شـي يا سـت البنـات

عمـاد قـالك الشـنيطي الحمـرا اللـتـي
أدينـي ياها لاتدفسـيهـا شـي
تبـارك عمـاد أخـوي أنـا البـكونبودر البنفخ سمـح دا يعجـبنـي شـديد
اسـة دي أقـوم اخـبزلك كـيكـي سمـحـة فـي فـرن أم الـحسـن بت مسـيك
اصـلـي الليلـي مـقيلـي عنـدهـاآباركـلهـا قـولة خـير بتهـا
أمـانـي ياست لبنـات مـاجابولا هـدية سـمحـة خـلاس
التياب اربعـة يسـعلنـي الله فتـايل الريحـي أربعـة وآي حـاجـة آربعـة
قـالوا العريس شـغال فـي بلـدا يقـولـولا بلاد بـرة اسـة دا اسـم دا?

مـنـي بت جـارة
Post: #297
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-05-2005, 07:12 AM
Parent: #1

يا الزينيين وصباحيين الخير !

منى بت عمى خوجلى اب فاتحتن ماب تقع واطا !

وحيبيبى المبروك عماد الويليد المافى ميتلو !

نان الليلى الميتلى منو !

عاد جييتكون والله بالدينى !

كيف ميشتهاكون ، وميشتهى ليماتكون دى ليى زمن !

وانت يا عماد الكريم الاجواد ! نان التمباك براهو مى كان كفا !

عيللى تتعب نفسك وتجيبلى الطرقى والشى التانى ? ليه تخسر رقبتك الخسارات دى كولها ?

انت يا اخوى جيتك براها بالدينى !

نان جيتك هى هينى ?
ويا منى اخيتى اعفيلى ! انا فتيل بت السودان دا ظهرى نزل فييو وانريح منو ! احسبو ليى ! لكن وكت البينييى بت ود يحمد قرتلى الجواب وعيرف انو مو ليى ، كيف زيعل وانكفرن !

وقوت عيللى اقول لعبدارحمان ود عمى وكت يشيل صنب يجيبلك واحد ميتلو بدل اللنا انريح منو دا !

دحين يا اخيتى لا تضومينى شى ! عدم العرفى كعب بالحيل !

وانا كمان سويتلو ليى عماد حيبيبة قرقوشى ! قوت يشربهن الشاى فى الداخيلييى مع البوطان !

ورميتلو حيريف قراصى مخمرة ولاب يخسر ضوومة ان بيقى حفضو فى المجوز وغتا سممح بالهدم ! بس كل يوم يقلوملو حيريف منو ويغتغيتو فى بيكينو ! يبقى يمسكو دورينى اتنين !

والاسعلك يا عماد :

انا اكننى الريحى ماب اتريحبها ? كيفن تجيبا ليى منى بت عمى وانا تكرومنى ??? ماك عارفنى مظهورة ???

وحات ربى ولاد ماما البارح جو يشرقونى بالعشراقا ! فيحال دايرين الريحى !

وحسيت من النوم شدت مانى عشطانى لسانى ملوى بالعطش والعشراقة جايى تمرق روحى ضوومة ضوومة !

وقم ليقيتون جابولى فتيل بت السودان قبل راسى ومفتوح ، زى التكنهون يحنسوا فييى فيحال انريحبو !

اها قوت الاكلمك فيحال تعفيلى نقيط الريحى النرشرشبها فى الليل دى !

وطافورى الصبى الشاطر بلا سبب قلبو ليى فى بطن الواطا ! اكنهون حردانيين منى !

اسع ديهينتن انمسحبها ما عندى وكيف حفانى ! وانطرش من الديهينى اللتك الجابا ليك عماد دى حتى هى !

وكلم بت الجندب بت خالى وكت تشيل القرير تبيعلى علبى اللت ديهينى فيحال اديك ياها فى بوكان الانطرشبها كمان !

والشينيطى الحمرا الجابا ليك عماد ، شدة ظهرى ما نزل فيها بس تتوارالى فى عيونى ميحل ما امشى ! قم سويت طرقتى وهيديماتى فيها قوت الاشيلبها اهلى الرزوقا ، اصلى شنطتى رزتا انكسرت وكت عاشة شالتبها صنب ليى بكا بت ود محمود ود عمى ميسيك أوالى !

والكبندودر خجيجى شالتو سوتبو القرقوش الليلى قايلا هولى انا !

عيللى حبة السيمينى الشحتيها منى برسلا ليك مع اب نعوف وكت يجى من مكوار ! اصلو باقيلى ودو ماموريى سبعى شهور !

وتانى بصدلك اتملك النضم ، ولا تبقى غدبانى منى يا اخيتى منى بت خوجلى عمى شى ??

ست البنات .
Post: #298
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-06-2005, 06:18 AM
Parent: #1

ماكون طيبين ?

الليلى قم الدغش ، حلب شوخبى ، ووقد نارى بودرى ، فيحال شايلى اهلى !

بس خالالكون البيكيين دا ضوومة وكت ابيتو الجييى لا عندى فى اللقدابى !

يوما داكا كوت جاييى امشى عيللى منى بت عمى خوجلى جات ، وكوت طوول ما شفتها ، وبيقتلى تقيلى امشى وهى دابا جاييى !

وتانى الدور المضى لملم عيديتى ووقف حمارة جدى سعد ، جونى الجنات ينحالفو فوقى عيللى اقعد !

لكن الليلى وحات الختم مانى صادى فريد شيبر !

ست البنات .
Post: #299
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-06-2005, 07:43 PM
Parent: #1

سلام عليكون ،

انتو اكنكون قايلينى جيت صادى فيشانكون ??!!

كيضب وجخ وحات السيد على والاشراف اجمعين !

انا صديت فيحال وجعنى موت البينيى العيديلى الخايفى ربها دى !

انتو الناس ديل ماب يخافوا رب العالمين دا ضوومة ?

البينييى حكمة الله اسمها ابتهال !!

بس الاسم دا وححدو ماب يخوفون ?

ولا ميتين بيكتتلو فى خلق الله ? نان الناس الشايفين ميل الحيكومة دى جايين يكملو ?

أها عاد عيللى يسوولون جبخانى كبيرة قدام المشرع الليل ود التركى داك ، ويحتتلو الناس الجايين من صنب وسوق تنقاسى ولا عند الدهسيرى ومقاشى !

هيى نان اقولهون أشينو ?

أسا عيتى الدموع حاماتنيى اشوف ولا اسمع !

لكن لا عوقبان لامين اقشقش ديميعاتى ديل ، بصدلكون !

ست البنات .
Post: #300
Title: أمن النظام السوداني يعتدي علي أسرة قيادي بالمؤتمر الشعبي بعد إنزالهم من الطائرة !!!!!!
Author: ست البنات
Date: 03-06-2005, 08:08 PM
Parent: #1

سلام ،

عليكون النبى دا كلام ???

الولييى سايقى بوطانا وشايلابون ابوهون يقوموا الناس ديلا المابيخافوا ربهون ينزيلوهون من الخرابه الطيارة ويكاتلوهون ! فى اشينو ?

أكنهون فيحال ابوهون مرق منهون ومن حسبون المموشن دا ينسدوا فى البوطان وامهون ?

يا يمة حسبى فى عجبى من الناس العيللى قراقوش ديل !الناس ديل جنوا ضوومة !

انتو الناس ديل جوا من ويين ? وحات ربى ماهون هولنا شى !

ديل ناسن كوتور تب ! ولابيشبهونا اصيلون ! نان عماييلون دى عماييل ولاد بلد شى ? والله الحلب الحايميين بالقزاز ويصليحوا فى الحيلل ديلك اخير منهون !

ديل الله براهو يقلعون من ويشيينا دا ، اكان محقوا عيشتنا ، ودردروونا وودروا الفى ايدينا ، وخلونا نزوزى ميتل الزهمول ، كل زول البوكان الشايلو ماهو خابرو !

أساعيتى المرا الميسيكينى دى سوتلهون اشينو فى الدينى دى ! أكنها جاييى تطلقلهون راجلا وابو وليداتا ? نان تفوتبهون عن مينو ، وتقبلبهون شيقيش ?

الله يعيقون اكان عاقوها وخربوا عليها الخسارة الخسرتا فى طريق السفر دى !

ودا كلو كوم ، والدق دا كومن تانى ! نان الدق في شينو ?

يعنى انبيقيت مسافرى الدق جا يحمينى السفر ? يا والله بس الناس الدق دا زماان خلو وخرفو !

رب العالمين يشللكون ايدياتكون الموزييات ديل !

لا تقدروا ترفعولكون سوط عليى زول ولا تجورولكون سطر فوق قرطاسة ساعلى ربى الكريم !

وغايتو الناس ديلا ما فضلولنا فرضن ناقص فى الزيللى !

ست البنات .
Post: #301
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: أحمد الشايقي
Date: 03-06-2005, 10:12 PM
Parent: #1

Quote: وغايتو الناس ديلا ما فضلولنا فرضن ناقص فى الزيللى !

ست البنات .



صح لسانك ستهن, ما فضلولنا فرضن ناقص
Post: #302
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-07-2005, 06:09 PM
Parent: #1

أحمد االشايقى ،

حبابك يا اخوى ,

نان عليك الله يا أحمد أخوى شفتا زبلعة الناس ديل فوقنا ؟؟؟؟


ست البنات .
Post: #303
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Balla Musa
Date: 03-07-2005, 06:42 PM
Parent: #302

ست البنات كيف حالك

ماهو معنى اللقدابة
Post: #304
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-08-2005, 10:14 AM
Parent: #1

بله أخوى سلام ,

نان انت دخلت فى نصها وقاعد جنب الآرنيق , ومنوهط فوق البشنتيق , ومودرلى كوشارى ساوو تحت الواسوق قبل الجر , وبعد دا كلو ماكا عارف اللقدابى يا شينى ؟؟؟

اللقدابة ياها البيقولولا ناس بلد فوق الصالة ولا البرندة !

لكن عليك شيخى ود الحيران وجامع التور , انت يا صح ماكا عارفا ؟

ولا بتنزبلع ساكت ؟

ووكت اصلك جيت لاعندنا هينى , قننب اكللك تريمة واملا خشمك لا تمشى مننا مريوق شى !

وبعدين سد الكبد هو بالكوشار داك وسوولى فوق الآرتيق لا عوقبان بجى صادى وكت احش قشى واسقى العبور والعناق .

وودعتك الله يا عشاى .

وقبال ما انسا , عليك الله كوركليى لأب نعوف هو , قوللو ست البنات قالتلك جيبلى القيروانة من بت ود يحمد الاملابا الجرارى ديل , فيحال اصبحن خلا , ومافيهن ولا كبيقة !

ست البنات .
Post: #305
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: lana mahdi
Date: 03-08-2005, 10:18 AM
Parent: #1

دة بوست الروقة و الإتكاءة بعد تعب
ست البنات نسابتنا شوايقي
بوست البركاوى حلو جد جد
Post: #306
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-08-2005, 11:00 AM
Parent: #1

لنى ( لنا ) ,

حبابك واليوم السعيد الليلى جابك !

البت العديلى الماب تسووى اللوم وماب تعرف النضم المسيخ الكعب !

نان يا لنى اخيتى قالولك نحنا ناسبناكون ساكت !

مو فيشان سمحين وزينيين وبتعرفوا الواجب وماب تضيموا الزول !

والليلى لقدابتى نورت ونورا بقا وشلع !

ووكت الدرب جابك عيللى تملى خشمك وتفكى الريق بالقراصى معاى !

أوعك تقوليلى ماب تدوريها , ولا ماب تعرفيها !

والسبروق حار واخدر دابى فركتو , باقى حارسى اخيتى منى بت خوجلى , اندهدهت بالحيل !

وشحد ربى نجيك فى السمح والخير يا صباحة الخير الميبيريكى !

ست البنات .
Post: #307
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-09-2005, 09:28 PM
Parent: #1

سلام يا الحيبان !

يا اخوانى ناس الحيكومة المموشنين ديلا بلا الشى الكعب ما عندهم سووا ?

يصفقوا البينييى عبير بت خيرى فيحال نضمت الصح ???

الله يصفقون المرض الينضفلنا البلد منهون ومن فقورون الملونا بيهو دا !

الناس ديلا دحين بلا الجخ والشى المغتغت عندهم سيبلى شى ?

بينية الناس يصفقوها ليه ? كانوا وليانا ? ولا هم بيعرفوا للويليى شى ?هو الزمن دا فى ولين عاقل بيصفق ?

نان هون ماسكين البلد كولها بالغسب ! ومجويعننها ويلملموا فى خيراتنا ويسووا فى جيوبون ! الرسول دا حديسن زين شى ?

أساعيتى يا الجنات أخييتكون يصفقا الريويجل الما عندو عرض دا كيفن ? البلد بقت جهدييى تانى ? يا يمة يا سيدى الحسن راجل كسلا فوقى وفوق أخياتى اللعبوبن الهوامل ديل !

نان قالولون بنوتنا هاملات ولا ما عندهن راى و بصيرى فى الدينى دى ?

والله فيهن واحدات اخير من مييى منهون !

أسا عيتى عبير دى أكنها تمشيلون وححدا وكت كوركولا ماها بت فارسى !

والله بس ورتون الفيروسييى الصح المو كضب وهوراط ساكت ميتل البيسووا فييو هون دا !عفيت منها !

يبقالى الريويجل الصفقا دا زاتو بس انهجم وقعد ينضرب من فوق لا تحت وكت شافا واقفى قدامو !

ويمكن بيقتلو تشبه مهيرة بت عبود فارسة زمانا !

ويبقى اخدلو تلاتى ترسات لا ورا فوق كورسييى وقررب يلحق الزينيين ديلك !

يا ربى اسع اكنو قايل رقبتو فارس الحوبة وكت شال ايديتو الشاحدى ربى عليها ما تنرفعلو تانى دى وصفقبها بت القبايل المو هينى عبير ?

نان هيى اريتا بت البلد لى حدها ! نان خافت ولا قالتلو الكلام الدايرو ! ميى مغغستو وفقعت كبدو ! بس الكلمى بالكلمى !

نان اصلو الخلا ينحرق اشينو انتو قايلينو ?

هو اكنو حسب فهمو الكملان قايل رقبتو بيخوفا وتجينا صادى مزهلله وتقوللنا لا تفكوا خيشيمكون دا بى فريد كلمى فوق ناس الحكومة ديل !

بس كل زول فيكون يموت بى مغايسو لا يمرقلو كلمتن كعبى فى حق الناس ديل !

لكن هى عفيت منها ، سووتلهون الكى والقرض النى !

وبدل ما تقططعو فى مصيريناتا ، مرقتو كولو للناس ، وهون عاد النار انطلقت فيهون !

أصلو الناس الما عندهون استحا زييهون بس الزول يفرجبهون الله وخلقو ! فيحال يتوبوا لى أبد الآبيدين من سيويى الخوازيق للناس !

كمان كملوا خمجون كولو قبلوا عليى الحريم الفوق الجوع دا كولو ساترات حالين ، كمان يشوفن فى العوجى ويسوكتن ?

وليداتن ينجاضوا من الجوع والسهراجا الماهون لاقينلها دوى ، لا حكيمن يشوف العليهون !

البار اللات الميرارى فارشينهن فوق واطات الله قدام الاسبتالى ، مافى صحتن تقولهون دا اعوج !

والابرى الواحدى بالشى الفلانى ! نان دايرين عبير تسكت ليى ميتين ?

ربى يكسرلك ايدياتك وصويبعاتك الانمدن على ويشييها الصبوح ، يالشين وماب تشبه خلق الله المرحمنين !

ست البنات .
Post: #308
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: sympatico
Date: 03-10-2005, 04:56 AM
Parent: #307

الأخت العزيزة ست البنات

تحياتي

Quote: سمبتيكو الفنان !
سلام ،
لقدابتى بقت خلا !!!!

عليك الله تعيدلى غونية النعام دى زاتا فيحال ادمنتها ضوومة الله !

وكمان جيبلى اللت صوت المرأة ...

ومشكور يالعيدييل !

ست البنات .



طبعا للمرة الثانية اقرا طلبك دا ،
في المرة الأولى قريتو فواحد من البوستات وجيت هنا اللقدابة اقت الاغنية شغالة ، قلت يمكن ست البنات دي عندها مشكلة في الانترنيت
تاني اليوم لقيتك في البوست بتاع الفنان عبدالدافع كاتبا نفس الطلب
وجيت تاني داخل لقيت الاغنية شغالة
ما عارف الناس التانين شايفين وسامعين اغتية النعام في الصفحة الثانية من البوست
عموما
انا بنزلها في الصفحة دي برضو
وحا انزل ليك اي صوت في البوست داك

مع كل الود





ولما تيجي الصفحة الرابعة بنزل ليك رمال حلتنا

Post: #309
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-13-2005, 05:08 AM
Parent: #1

سمبتيكو المافى شبيهو !

الزول االحينيين المبروك !

حبابك يا الكيرييم واجواد !

وشكرا ليك عليى الفرح المكدس فى القساسيب دا !

ست البنات .
Post: #310
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-13-2005, 05:13 AM
Parent: #1

سلام يا الحيبان جميع ،

انتو دحين انا قيبيل ما شوف منى بت عمى خوجلى دى جات انتاوقت وصدت ???

نان مشت ويين اسوعت كدى ?بس ضوومة ما جات صادى مالا ??

ست البنات .
Post: #311
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عبد المنعم ابراهيم الحاج
Date: 03-13-2005, 08:48 AM
Parent: #310

ست البنات كيف حالك

والله من حيني دا
جيت اتكل من انقاي لي انقاي
لامن لقيتلي تنقيرا جاف
وتبعتو لامن مرقني لي عندك
اصلو الدرب العدل متمتخ اظنو طالقين
فيهو ألمي وساويلو مرتق
لمان ميهيتو مدندحه
ونازلي علي البار..
Post: #312
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-14-2005, 08:34 AM
Parent: #1

اخوى عبدالمنعى ود ابراهي الحا !


حبابك عشور مرات ،


والله يعدلا عليكا شيقيش ما تقبل !

أمانى الليلى كلمة الانقايى دى كييف فرحتنى وطوللى شيبرين !

بس من عامنأول اكوس فيها ! كانت رايحى مينى !


يا يابا تنعدل عليك ، وربى ياسع ايامك !

نان الليلى مو رجعتنى للبلد ولى الزينيين ! وطريتنى العقاب والحيبان البعدتنا منهون الغربى الكعبى !

لا تغيب يا عبد المنعى من اللقدابى دى شى طلبتك بالله !

ست البنات .
Post: #313
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 03-14-2005, 12:56 PM
Parent: #312

ست البنات

حايم من ولايي لى ولايي
زى كلب الهجيرى
كايس لى محايي
بى كلمة محنة
تبقى الدنيا جنة
بينات يا حبيبي
أو يا ود قسايا

لقدابة وحنيننى
شالت لى أساى
وشالت لى أنينى
وكبت فوق شجونى
عرجون من مدينى
ومدت فوق دموعى
منديل من شجونى

والله محل ما أمشي يا ست البنات ، أكوس محل اللقدابة دى وأكوس لى ملاحن بايت طاعم آكلو ولو بى دنفريس.

قبل دا اقترحت أنو كل أعضاء القدابة يتلموا يسوولن ويبسايت اسمو

www.logdaba .com

يهتما بى منطقتنا وفنونا وتراثا ويلمنا مع بعض زول عبرنى مافى
Post: #314
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-14-2005, 01:19 PM
Parent: #1

يا رحييم يا سودانى ،

مرحبتين حبابك والنضم السمح الليلى جابك !

وانا يا الريحييم :

طاشى وداقسى اكوس

من مترا لى انقايى

لا ضل الضحى

لا تمرى لا منقايى

لا دفيق مقق

لا خودرا لا ويكايى

وما عتترلى

فد شيتن

ورانى ليك يا تخاييى!

غير لقدابتى دى

وارتيقا مافى ضراييى !

-----

وانت يالمبروك دايراك كل يوم تجى تشعرلى هينى فى اللقدابى دى !

ويا حيليللك يا بلدنا ويا حيليلك يا تمرنا ويا قموحنا !

أساعيتى طرييت ناسنا يسعلنى الله لامن دموعى قطرن والعبرى سدت لى حلقى وبيقيت ضوومة مانى

شايفى شى !!

ست البنات .
Post: #315
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-14-2005, 01:35 PM
Parent: #1

ويا رحيم سودانى كونك تفكر فى الويبسايت شيتن مو هيين !

وانا على القسم طوالى فى حواك ومعاك !

نان انا وحات سيدى منيمنى وحالفى شيتن زى دا اصلى ما ببضع فيهو !

وحات عباس اخوى الماب احلفبو بالكيضب ، ولاهو هيين !

بس انتو يا الجينات الزينيين انلموا وتعالوا !

باقى انا بس يخربنى فى الخرابى الاسمو الاعنترنت دا !

لكن بهببش معاكم لامن القالى صيرفى وبصارى !

باقيلكون جاييى اقيف احققب ايديى ساكت واعاينلكون ?

انا بس اصلى الضييم ماب ادورو !

وكمان مكججينى الزول المموشن الاشو !

والله خلقنى لا انحيير لا راسى انقطع فى امرن الناس مغروديين فييو !

احمد ربى !

ست البنات .
Post: #316
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 03-15-2005, 03:55 AM
Parent: #315

ت البنات حـبيبتـي
حمـتنـي الدنيـا ومشـاغلهـا ومنعتـنـي مـن زيارتك
ولامـن أجـيكـي صـادي
سـليميلـي عـلـي الحـبان وعلـي خـيي عمـاد

مـنـي بت جـارة
Post: #317
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-15-2005, 06:59 AM
Parent: #1

واحلالى ووا حلاالى !!الليلى بس مو جيدلى !

منى بت جارة خالتى الحيبيبى حيبيبة قساى الماب تحمل أزاى !

أمانى مشتهاكى جنس اشتيهى ، وميشتهى نضمك وجيتك لاعن لقدابتى البيقت خلا بلاكى يالمستورة

الخاتى القول !

ويا حيليل عمى خوجلى البتوقد نارو ليل ونهار للغاشى والدانى !وان نام جيعان ماب يهمو ان

بيقوا ضيفانو بطرانيين وشبعانيين !

لابيكل لابيمل من قولت حبابكون ، المباشر الماهو مكاشر !

وسليميلى عليى جارة خالتى المابتعرف قولة مافى ولا فتر !


وتانى يا منى لا تندهدهى كدى شى !

ولا تدى بينيتك الزوينى دى عوجى ! نان انتى مهملاها ولا بتسوى زول فى بوكانا ! مو

ساووالا يا زيبيدى لا تموعى ! الله يخليها ليكى !

وسليميلى عليى اخياتك وناسنا فردن فردن !

ست البنات .
Post: #318
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-16-2005, 09:35 AM
Parent: #1

سلام عليكون ، ماكون طيبيين ?

انتو مسعوليين من الخير ، دحين منى بت عمى خوجلى البارح ما جات

تاوقتلى بالطاقة وقالت جاييى صادى ???

نان مالا انأخرت كدى يا ربى ???

يبقى الليلى حش تمورا ???

والا شالت صنب ?

ان بيقت شالت صنب ، الاخدلى غمدة لامن تجى صادى ، نان صنب دربا

هيين ?

وان بيقى يا الليلى جاييى تحش تمورا ، بس يانى الضاماها !

فيحال محرجى عليها ما تكرمنى !

باقى عامناوال ما انلومت فييى ضومة ! وحات عباس للمغرب واقفى

معاى لامن انوهدبت عليى قش غينيماتا ! عيللى عماد ويليد

عثمان الله ياسع ايامو جرى فى القوبوس داكا جابلها قبضة بيرسيم من المفنخاب ،

والويليد صديق الموج ينبارك جابلها لوبى حشا ليها من جرف ولاد ود حماد !

نان يا ربى نقول البت دى الحبسا مننا اشينو ? ان شاالله هى بس

تبقى طيبى !

ست البنات .
Post: #319
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 03-17-2005, 07:31 AM
Parent: #318

منى بت عمك خوجلى أظنها مشت ناس ست الجيل بت رضوان باقى ساوالا بوش.

ومن هناك قالت ماشى مع سلامة بت كدينديرة
لى ناس ليلى بت خلف الله.

أصلو ليلا ضاماها فشان ماجات حضرت البوش السوتو ليلا عشان حنة بنياتاز

خليها تخلى الهنقلا دى وتهبط تقعد نحنا محتاجنلها تختلا سرابا سرابتين فى اللقدابة دى.

اشا الله بى قندول الليل قنقر
Post: #320
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-17-2005, 09:49 AM
Parent: #1

أنا والله يا رحيم أخوى ، خايفى عليها من اللواجا دى ، فيشان

فى واحدى جارتنا اسما فاطنى ، سعلتها من أخيتن ليها اسما خدرا

، قوتلها خدرا شديدى ? قالتلى خدرة طلقوها !

قوتلها فى اشينو ?

قالتلى فيشان عد تلوج !

ست البنات .
Post: #321
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: نادية عثمان
Date: 03-17-2005, 07:21 PM
Parent: #320

ايوووووووووووووووووووى


يووووووووووى

يووووووووووى

ارقصن آبنوت الليلة لقدابة ست البنات فتحتلى من غير كوشر كمان!!!


ايووووووووووووووى

ايووووووووى
يوووووووووووووى


ادى الشبال اجنا هوى آآحمد الشايقى !!
Post: #322
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-18-2005, 05:19 AM
Parent: #1

نادييى الحيبيبى السمحى ، الهدييى الرضييى ، ست الناس لى حدهون !

نان كيفن لقدابتى مابتنفتحلك !

انتى قالولك دايرالك كوشار ، ولا نيقير باب ??

انتى بس تدخلى طوالى ونسويلك ليعب وطار كمان !

أها ما قوتيلى ، ماك جاييى تفكى الريق معاى الليلى ??

ويا خيتى ما شوفتيلى منى بت عمى خوجلى شى ?

ست البنات .
Post: #323
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: raheemsudani
Date: 03-18-2005, 06:58 AM
Parent: #322

والله يا ست البنات مصارينى اتقطعت بى كلمة اللواجة دى

انت آشقيي جيتى من البلد متين واسع انت وين يا ست البنات؟
Post: #324
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Halema2
Date: 03-18-2005, 08:07 AM
Parent: #1

العزيزه سيتنا
والله جيت اصنقر شويه معكم واشرب لى كباية شاى وابرد ريقى من الهرجى الهرجتوبهناك وعليكم الله كان تسالونى تانى انا جايه اجمه شويه وامشى بيتى
ارقدو عافيه
حلومه
Post: #325
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-18-2005, 08:31 AM
Parent: #1

رحيم أخوى ،

نان يا عشاى كلمة الانقاييى باقيلك ما جننتنى ?

انا اكان قوتلك ، ماب تصدقنى شى !

انا من شوف البلد يبقى عيشرين سنى لاساعيتى !

بس لكن يا ريحييم اخوى انا دا نضم اميمتى وابوى الله يرحمون ، أها عاد كيفن اب اطرا ?

وان كان للضحك وقيطيع المصارين ! انا اصلى بنيت اللقدابى دى فيحال الفرح والضحك !

والله يجعلو خير !وانا اساعيتى فى بلدا يقولولا بلد الدقيق واب حريرى !

يا ربى عيرفتها ??


ست البنات .
Post: #326
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-18-2005, 08:55 AM
Parent: #1

حليمى البينييى الفاهمى أم فكر ،

حبابك وقدم الخير جانا معاكى !

وانتى يا حيبيبة قساى ، جاييى من البلد البعيدى ديك ، ونخليك عليى كيبيباية الشاى !

مالنا يا يمة ? قالولك نحنا فسليين ?

الليلى مو انتى براكى ، البوطان كولهون والحرررم الكانن معاك فى الليعب السمحات المسخننا

عليى ولادنا ديلكا ،هون أوالى قالولون انفرجوا ، ولا قالولون شوفوهن سمحات هن ولا

نحنا ! مو كولها خيلقت الله ، نان هن سوون رقبتن سمحات ، واكننا نحنا عزلنا الشنا

بيطوعنا ? مو مخير الله فينا عاد !


واكان نحنا شيناتن فايتات فى الشنا ، متل البعشوم ! ! مو يانا اخواتون ? البيسوينا

شينات وهون سمحيين اشينو عاد ?يا جماعة شوفوا الميحن دى عليكون الله !

عيللى يبقوا ماهون اخواننا ! عيللى تقعدين تفطرين بالقراصى والسبروق الحار دا ، حيتين

اسويلكين الشاى المو خمج !وديلك السمحات بسويلن البن !ماهون ناس شاى ، بيعرفوا القهوة وححدا!!



وانا عارفاكى راسك موجعك من النضم الكعب السيميعتى دا !!

انتى كنتى تسوى التصاوير فى طرف هيدمك ، وتمورقى بيشيش من اللعب متل التكنك جاييى تفتيشي

البوطان السوغار ، وتسووى رقبتك اكنك جاييى صادى ، وتقولى يا مندايم !

باقيلك كان فى زولا شافين ولا خوزقك فيهن ?

غايتو البتجى من السما بتحملا الدايمى !

وسليميلى علي حواء وموحومد وبوطانون .

ست البنات .
Post: #327
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: نادية عثمان
Date: 03-18-2005, 02:15 PM
Parent: #326

ست البنوت لى حدهن


انتى جاية القاهرة متييييييييييييييييين؟
Post: #328
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 03-18-2005, 07:57 PM
Parent: #1

ست البنات

والله أنت ستنا .. كلنا

عارف نفسى طول عليكى

لكن بعد ماتعرفى السبب

انا متأكد حا تعزرينى

وتانى انا اللقدابى مانى مفارقة ضوومة

وحات السيد على ان بقيت جيت

وما لقيت زولا فوق اللقدابى

كان ارمى الحبل فى بنيتاً صووغيرى

اصلو اليومين ديل ملك العرس حايم

أخيتى / ست البنات

الخبر الجايبو ليكى بفرحك شديد

بس خلينى اللنجضو ليك باكر ... واجيبو ليك حار

اخيك /عماد

تخريمة / رقم تلفونى ارجو الاتصال غداً

00447930566542
Post: #329
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-18-2005, 08:14 PM
Parent: #1

نادييى الزينى زى البينيات الزينى المكملى !

لامن احش تمرى ، وابيع العنبلوك والعبور وابيع التساكر !!

واكسر شعراتى ديلا !

وابنيلى سرووقتينى فوق الآرتق الليلى فيحال البهايم لا يشبين ياكلينلى تمرى الشارا دا !

واغيير الكبد والكوشار الاكلتين الارضى دى !

واجز غينيماتى فيحال الحر والصيف الفى وشينا دا !!

واشيل الحلبى التحت الحرازى داكا يلحملى قيروانتى الانقدت من نقل المى !

ويسويلى ميجوز فيحال اسووى فييو التمر والقراصى اللت التمر !

حيتين بعدين اجى اصوبن هيديماتى ديلا واسويهن فى القيفيفة اللتى دى !

واكوس الويليد اب نعوف يحجزلى فى لورى عطاييى قدام ! باقى انا ماب اقدر أقننب جنب

الرجال شى ، وكمان فيحال قعد اسف !

أها يا نادييى اخيتى حضرى الشاى والقراصى لامن اجيك فى مصور ، بلد ولاد الريف ! قالوا

باردى وناسا خلوقا ما ليهون حد !!!

ست البنات .
Post: #330
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ABU QUSAI
Date: 03-19-2005, 00:02 AM
Parent: #329

ست البنات

يديك العافي ان شاء الله

من زماااااااااااان اتاوق داير ادخل اللقدابه دي لكين مشاغل الدني زاتها ماها مخلانه ، لكين والله الليلي قام من اول الصباح زهجان ومكبسه معاي والغريبة لقيت نفسي أغني :
بلالي متين يجي
آيمه سيد بيتي يعود يجي

الرسول يا ود عمتي
انبقيت داير جمتي
رسل التسريح اللجي

قلت تعرفي دي حالها ما عندها حل غير انك تمشي تاخد لك قعدة في لقدابة ست البنات ، أكان شوي تنسى مرارة الغربة والاغتراب ، غربة يا ستهن طااااااااااااااالت ومسخت وما أظن بت ود الفكي اتغربتها ، مع انه غربتها كانت من البلد للخرطوم .
الشاعرة ما اتخيلت خلاص ودعمتها رسلها التصريح وبقت زولة سفر وأمها تبكي عشان مفارقاها قالت لها :

يمه لا تتمني البكي
الغربة فيها بتد الفكي

غربة بتد الفكي لا فيها صقيع لا فيها اسنو ولا فيها مطر شغال ليل نهار ولا فيها عرب أجلاف يستفزوا انسايتك ليل نهار ، غايتو الله يكون في العون يا ست البنات .
معليش يا ست البنات مكبس معاي من أول الصباح قلت أجي أفضفض شوية .
Post: #331
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-19-2005, 07:26 AM
Parent: #1

عماد أخوى الحينيين الرضى ،

الله يعدلا عليكا ، ويغتيك ! يا صباح الخير البتجييب البشاير والظكرى السمحى ، يا الراسى ورايق ولاك مهجوم لاك مهبوش !

أها الخيبير السمح دا أشينو ????

يبقى جاييى تعرس ومانا عارفيين ? نان بس ما تكلم منى بت عمى خوجلى مو قيريبى جنبك فى لوندون !!!

خلها التضرضيرك وتربطلك الحريرى ، وتحننك ، وتسييرك فى الهايدبارك الجينينى اللتون الكبييرى ديكا !

وتجى الملكى اللت الأنقليس تزغردلك ، ويسوولك التصاوير اللاتك فى الجرنان الكبير ، ويشوفوك الناس من جم ! ويقولوا سيى فوق الويليد الليل عيتمان السوالنا اللعب المو خمج ورققص الملكى !

ولا يبقى جاييى تبيعلك واطا فى لوندون وتزرعا انقايتينى اللات بيرسيم !

ولا تسعالك مراح الليل نيعاج جنب بيت الملكى اللتون يا ربى ???

نان هو أشينو ? طلبتك بالله لا تعرسلنا بينيتن سوغويرى يغلبا شيل قيروانت المى تخلى الناس ينهزو فوقك وفوقنا شى !

واا سيجيمتى واا مغايسى الليلى يا عماد أخوى لا تبقى جاييى تاخودلك واحدى من الحلبييات اللات البلد ديك ! يا يابا الرماد كال خيشيماتنا ان بيقى دا صوح !

نان واا حيتى ، قالولك جاييى تعرفلك نضمنا دا ? ولا جايين نعرف الاس أس الليلا داك ? نان مو يانا المنبكيميين قداما ! عاد عيللى تحرسنا تفنطلنا نضما كلمى كلمى !

وبس ولاب ندخل بيتك ان بيقيت ماك فيى شى ! نان جايين ننضم معاها بالاشارة عيللى علوييى الطرشانى الفى مقاشى ديكى

توب دبيتن بالله الحلبيات الملهوفات اكان عد ما ودينالنا وليدن يقرا عندهون عيللى يلهفيينو ويعمتينو وكف ! يعريسينو !

للاكين ان جيت للحق الغلت مو منهن ! من ولادنا الريويساتون متل الريشى ! خوفاف ! وبس اصيلون ماب يتقلوا شى ! بس من كلمى وكلمتين اكان الواحد فيكون يسعلا يقولها تعريسينى يا بت ?? وهن اصيلن ما عندهن وليان ولاب يستحين بس طوالى الواحدى تنزل عليى المترة تملا ديها نوار وتكسرلها فروع اللات شيدر وتقول لاصحابها جاييى يعريسونى الليلى !

يا كافى البلى ! لا حينى ولا دخان ، ولا ضريرى ! ! بس الواحدى فيهن تعرس وتطلق براها ! لا أبوين يحضر ولا أخوين يسعل من الراجل الجاهون دا جينسو شينو !! بس كفتك كفتك الواحدى تلايم ويليد الناس ، وتنشعلق فييهو بوكان ماهو ماشى ! اسع بنتونا قعد يسووينلكون كدى ??

وانا قاعدى فى بيكينى دا حارسى جيتك ليى باكر ، فيحال تحدسنى بالنضم والبشارى دى !

ست البنات .
Post: #332
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-19-2005, 08:10 AM
Parent: #1

اب قساى ،(يا ربى كتبت اسمك صاح ?)

حبابك ومرحبتين يا اخوى ! والله لا جاب ضيق الخولوق والكيفريين !

ربى يجبر بى خاترك ويزيح منك الغومى والكوربى كولها !

قوتالى بت تد الفكى منغريبى فى الخرتوم ?

واا حلالا يا يابا ! أريتا غوروبتى بعد دا ! واريتا غوربت السرور الوسط الناس الطيبيين

المباشريين ، اللابيضيموك ولاب يخلوك براك ، بس ان غيب منهون فريد يوم ينشدو منك ، وان

مرق منهون يقفروك !

والله يرجعك ويرجعنا من البلد الفيها الضيييم والغبايين والمغاييس !

بالله الزول من تصبح لامن تغيب جنسو ابن ادم ما ينقور بابو ????

حسبى فى عجبى ! ناسن بس الزول ان بيقى جارون ما يعرفوو مييت ولا حيى ! فلاحة يلاقوك

يقولولك بى ريويسون كدى ، يرمحوا بى ريويسون متل اتكننهون قعد يجوكا ! وحكمت الله عجلانيين

اتقول لاحقينلهون جينازى ! بس البلد كولها تجرى تجرى اتقول زاكيهون عبد العيش ! ولا

المرفعيين ! انتو الناس ديلا كريعاتون ديلا ماب يوجعينهون من الخب دا ? بس يخوبوا فى

المشى ! ديلا بس كانوا ينفعوا فى شيل صنب ! وحات ربى يصلوها فى دقيقتينى اتنين فقطن !

وودعتك الله يا اخوى ، والله يفرجا عليكا .

ست البنات .
Post: #333
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 03-19-2005, 09:50 AM
Parent: #1

يا ايتها النفس المطمئنة ارجعي الى ربك راضية مرضية

بقلوب يعتصرها الالم والأسى وحزن عميق ... انعى لكم

الوالد العزيز مولانا الخليفة / عوض خوجلى ..ابا الشهيد مصطفى

الذى اسلم الروح الى بارئها وانتقل الى جوار ربه

فجر اليوم السبت 19 مارس 2005 بمستشفى همر اسمث بلندن

بعد رحلة مع المرض الذى داهمه مؤخرا

رحم الله والدنا مولانا الخليفة عوض خوجلى

الرجل السمح الزين زو الخصال الكريمة

الرجل الصامد الصابر على فراق اعز ابنائه

الشهيد مصطفى عوض خوجلى والذى أعدم

غدرآ وزورأ وبهتانا مع شهداء رمضان

والذى ظل صابرآ لهذة الأذية طيلة هذة السنين

لا حول ولا قوة الآ بالله العلى القدير كل نفس ذائقة الموت

اللهم ارحمه واغفر له واجره من عذاب النار

ومن عذاب القبر وادخله الجنة مع الصديقين والشهداء

اللهم تقبله القبول الحسن وانزل شابيب رحمتك عليه

اللهم ألهمنا و ألهم أهله الصبر وحسن العزاء واخلفهم خيرا منه

وللحاجة الصابرة الخالة جارا ولكل أبنائه وبناته

وجميع آل بيته أحر آيات التعازى والمواساة

وإنا لله وإنا إليه راجعون

أخيراً ترجل ..ابا الشهيد العم / عوض خوجلى

وللأخت منى عوض خوجلى احر آيات التعازى

عماد عثمان
Post: #334
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-19-2005, 10:32 AM
Parent: #1

لم أك أعلم أن طول غيابك يا حبيبة القلب لأمر جلل !

وما كنت أعلم بأنك وباقى الأسرة فى ضيق ، ومفجوعين !

وأنكم قد ودعتم الحبيب وغفلتم راجعين متشحين السواد والأنين !

وأنا التى ظننت أن حزنكم توقف عند مصطفى الشهيد الذى فجعنا

فيه أجمعين !

لكم الله ال خوجلى !

لك الله أختى وشقيقتى منى !

ولكنه أمر الله ! وارادته ،

وانا لله وانا اليه راجعون .

ست البنات .
Post: #335
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: yasiko
Date: 03-20-2005, 11:39 AM
Parent: #1

رحم الله العم عوض خوجلي
التعزية للاخت منى وجميع زوار اللقدابة
Post: #336
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-23-2005, 07:33 AM
Parent: #1

يا الحيبان الدوام لله عز وجل ، والموت حق ، والحيا باطلى ، وربنا يرحم عمى عوض خوجلى ، ويغفرلو ، ويثبتو عند السؤال .

اللهم ارحم جميع موتانا واغفر لهم ،

اللهم امين .

ست البنات .
Post: #337
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-29-2005, 08:12 AM
Parent: #1

أخيتى الحيبيبى منى ،

الله يجبر كسركون ، ويصبركون ، ويرحم عمى خوجلى ويجعللو الجنة مسواهو ،

والموت سبيل الأولين والآخرين ، والدوام للواحد الأحد .

وبس ضوومة النضم غالبنى !

وغايتو با أخيتى البتجى من الله كولها مقبولة .

نان باقيلك الصابوكون دا ما صابنا نحنا كمان ??

انتى قايلى المرحوم كان ابوك براكى !

مو كان حتى نحنا ابونا كمان !

والليلى حتى نحنا انيتمنا معاكون !

الله يرحمو ويغفرلو .

وشاحدى الله الكريم يلزمكون الصبر كولكون ، ويصبر خالتى جارة الزولة الصابرى طول عمرا !

ست البنات .
Post: #338
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 03-30-2005, 10:00 AM
Parent: #1

منى حيبيبتى ،

وعماد أخوى المبروك ،

مبروك عليكون وبيت مال وعيال !

وربنا يجعللكون الفرح والسعادى وراحة البال !

ويجبر بى خاتركون ،

ويومكون التجونا فى اللقدابى دى ، نسويلكون لمة حيبان كبيرى !

وكيف مشتهينكون !!

ست البنات .
Post: #339
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 03-30-2005, 05:29 PM
Parent: #1

ست البنات أخيتى

كيف حالك نعلك طيبى

الله يعدلى عليكى شقيش ما تقبلى

ويديك الفى مراضك ويسهل سكتك


يا نسامه في الزمن

السموم الصي

بعد كملت حروف مغناي

كتبت غناي من الضي

بعد يبس الحنين جتيك

لهبا اطفيهو منك رى

مزمزم بالهموم

لكن عارف

انتي مني

ولي ...


وألف مبروك لأخيتى منى والاخ الفاضل/ عادل عثمان

وإنشاء الله نعملهم لمى ولعبى فوق اللقدابى

ونلم كل الحبان ونطمبر للصباح

مع خالص ودى ومعزتى إليك

أخيك / عماد
Post: #340
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 04-03-2005, 06:37 PM
Parent: #1

يا جماعة الخير ست اللقدابى

دى شقيش قبلت
Post: #341
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 04-04-2005, 08:07 AM
Parent: #1

UP
Post: #342
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-05-2005, 08:25 AM
Parent: #1

عماد الهدى ورضى ،

تنعللا وما تندللا يا صباح الخير !

عيللى يا يابا لافخانى دحيشيى هول اب نعوف !

انطلقت من حبلا ، وجيت امسكا ، لفختنى متل اللفخة اللت الحيكومى الواقعى عليها اليومين ديل !

قالولك يا اخوى مندهديهيين جينس دهدهة فى الدينى دى بيكلام امريكا دا !

النوم يضوروا ليهون !

بس كل واحد فيهون ساووى مخلات القروش تيحت راسو وماهو عارف يقبل شيقيش !

ضاقتبهون الوسيعى ، ربى يضييقا عليهون مالا دا !

عيللى فى واحدن يقولولو سبدرات باقيلى امريكا نيستو ما جابت اسمو فى اللوح الللا دا !

ونيستلها واحدينن كتاار تانى !

باقيلك مابتنظكرون لا عوقبان !!

أها الدحشى الشوم دى انطلقت فوق حوض البيرسيم درنتو لحقتو الصيح !

أساعيتى ترقووتى أتكن فيها بالزيت والقرض من اول البارح ، ورقبتى معا السما !

انت يا عماد ناس منى ما قالوا عوك شى ?

والويليد الميبيريك سمبتيكو وينو ? ان لمميت فيهو قولو الغونيى اللت النعام بس ابت ضوومة

تنقر تانى !

كوت فرحانى لى عدم نقرا فيحال كوت حزنانى عليى وفاة عمى خوجلى !

عيللى اساعيتى فكينا الحيد !

واساع انت ماب تجينا اصلك فى بلدنا البعيدى دى !

يسعلنى الله مصنصينين وححدنا لا جار لا حبيب يبقى دورينى شافع فطيم ما ينقر بابنا !

يا كافى البلا !!

البلد دى هى صيح سمحى ! عيللى وحدتا مورة بالحيل !

وليدن ليى نفيسى اختى قاللى رسيليلى الاقفز التمر الساويينو منظر ساكت دا !

باقى مرة قوتلو التمر هينى صيص ساكت يخربو اسم التمراييى !

بس يقييلو تحتو وينصوروا تصاويرون دى ويقوموا يشيلوا اهلون !

عيللى تيميرة واحدى ماب يخوتها !

يسعلنى ربى التمر ريقان ريقان ، زولا بيسعل من قفييزو مافى !

شوفت الناس ديلا تغاهون حدو ويين ?

اساع دا انكان عندنا فى البلد كان تمر هبوبو ما يلحق الجارى !

أها ودعتك الله ، ولا تنقطع من اللقدابى دى شى !

ست البنات .
Post: #343
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: حبيب نورة
Date: 04-05-2005, 08:56 AM
Parent: #342

ست البنوت
نان اتي قايلاني تاني ما برجع صادي للبكانات الفرايحي؟؟
هسة جيت أتاوق
وعُقبان بديكي طلة
عديلة عليكي محل ما تمشي تمشي
وحاة الله كلامك نُقناق مطري فوق حزمة بريسيم
كليماتك سمحي زي السِّعدي في جداول الساقيي
زي قمر السبوع
يمرق يكب الفرحي في عيون السُغار
زي حجا الحبوبة في ساعة سمر
Post: #344
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 04-05-2005, 09:19 AM
Parent: #1

يا نسامه ...... سلاك عليك

والله يا ست البنات أخيتى
اليومين ده مزنزق فى اكل عيش العيال
وروحى مضايقى من البسو فوق الخونة اللصوص
وكمان كت حادى على عمى عوض خوجلى
وعيضاً على خالى أحمد عبد الحليم
والجماعة المندهدهين ديل خليهم يبلو راسن
وبعدين ما فى جيه بتلمهم ما عندهم صليح
وخليهم كدى نوم الجداد ولا سهره
والقريشات الكوشوها دى كلها خليها التنفعهم
وإن كان للبسموهو سبدرات إن كان نافع كان مسكوهو
ناسو القدام أصلو ناس الجبهة لمو كل واحد مطرود من إتجاهو
يعنى المانفع وما فيهو فايدة فى حزبه يضموهو ليهم
لأنو واحداً زين ما بيقبل عليهم
وبعدين الوليد سمبكتو ده ضوومة مانى عارف جيهتو وين
ومنى بنية عمى ظنيتا ماها جات من السودان
وحمار الجن ده صادفتك وين ماها بتشوف العوين التانيات
الله يكسر رقبتها ورقبت سيدا كمان
كان بدور تضيع عليى أخيتى والله سلامى كبيرة خلاص
دايرالا كرامى ... نسويها أن شاء الله
وعيضاً إنشاء الله الجيه ليكن قريب ننسقلها بالتلفون
وأنا ما دايرلك الوحدة ان شاء الله نتلم بعندك
دحين تلفونى مو معاكى شى
وشايف حبيب نورة جا تاوك وفات قوليلو أن بقيت غبت تانى
نشكلك محكمى فوق اللقدابى والحكم عليهو مسبق نشد الشربوت الماخمج
ونحرمو عليهو
لك خالص مودتى
Post: #346
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 04-05-2005, 09:56 AM
Parent: #344

انا ماشى لأكل العيش وبجيكى صادى

أخيك / عماد
Post: #345
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-05-2005, 09:24 AM
Parent: #1

حبيب نورة العيدييل وزين ،

انت كوت غايب ليك زمن ما عتبت اللقدابى ! ان شا الله خير ?

دحين الليلى جيدن جيت ، وسمعنا حسك وانطمننا !

عيللى اخيانك كولهون بس فروا من اللقدابى لا خبر لا اتر !

لكن حديسك كيف سمح وعجبنى وسرا بالى بالحيل !

أمانى فرحانالى فرحا !

بس فى الحيكومة الجايين يهبدوها لينا دى !

كانوا ساووين فوقنا ابعررام !

يقدلوا ويخوجلوا وينقزوا فوقنا ، ونحن يا يابا ريقنا نيشف ، وعومرتنا بيقت خلا ! حسبى فى عجبى !

بس البيمدو للضيف ماهو فى ! البيوت عدمانى نففاخ النار !

نششفوا البحر والسمى !

الله دا كريم واجواد !

الفرج بيجى من عندو الجليل الرءوف !

نان قايلينها بتدوم اصلا ??!

اكان خللوا الجخ والخمج دا ، كانوا انعدلوا ، وكت اصيلون مكديبين فى كراسى السجم دى !

عيللى الفرعنة ماب تقدم سيدا !

عليك الله يا حبيب نورة تسلملى عليى نورا ، وباكر تجيبا معاك فى ايدك للقدابى دى !

وكدى ادنا شيوييى من نضمك السمح دا تانى !

ست البنات .
Post: #347
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-05-2005, 10:27 AM
Parent: #1

اساع باقيلك يا عماد ناس العيكومة ديل يسوكتوا يكضيبوا فوق الناس كدى لامتين ?

الزول ان بقى مرق يكوسلو جدادتن ليهو رايحى ، يسووهو مرق فيشانون فى المظاهرا !

أها أول البارح جدادتى الحمرا مرقت من الصباح ، وللعشييى ما صدت !

مرق قوت الاشوفها طارت شيقيش ، بلا القالك تصويرتى فى التلفزيون قالوا مرقت مع الناس

البهلليلولون !

أساع دا كلام ?

وعاشة بت عميتى مرقت تكوس فى وليدا الساقوو للجهاد وماها خابرا عيللى البوطان قالولا البطاح رفعوا غسب !

ومسك اليمن بت خالى الطاهر يسعلنى الله كانت بتهرج وشايلالا موطرق تكوس فى عنبلوكها الليل

الضحييى انفكا من مراحو والبيكيين الغار فييو ما انعرف ، بلا سووها قعت تناصف فى

امركا فى طريق المحكمة اللتون دى !

هى بس ياوالله مكججناهون !

أها البيخليها تفتتر من بيويتا فيحال تحاميلون أشينو ?

والناس الشايلينلهون جينازى حتى هون ما عتقوهون ، قالوا ديل منيمينيين عيللى يقاتلوا

امركا فيحال جاييى تودى الحيكومة كوورجا لى البلد البيقولولا لاهاى دى !

انت يا عماد لاهاى يا ويين ?

دحين مو هنووك عيند أوسلى وقبال الحيجير والمقل ???

لا تبقى بلدن قريبى الناس ديلا يجونا تانى صادين بعد ما ننفكا منهون ?!

ست البنات .
Post: #348
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-06-2005, 09:30 AM
Parent: #1

سلام يا عماد ، وحبيب نورة ،

انتو صنيتو وكرستو كدى مالكون ?

نان بس تناغمونى وتحتلو تانى ما اشوفكون ضوومة ، الكلام دا مو اعوج منكون ??

أها عماد الله يخدر ضراعو عيرفنا شايل الشغل وقال اعذرونى !

انت يا حيبيب نورة الوهدبك اشينو ???

يعنى القراصى بردت ، والجدادى اتقول الصبى الشاطر شالا ورماها فوق حيليلة سبروقى كشحتو لى

لحقتو الزينيين !

ودا كولو فيحال قوت الاخودلى غيميدة لامن الجيناد ديلا يجوا !

دا كلام يا ناس ?

الله يجيبك ليى يا منى حيبيبتى العيديلى بت خالتى جارة !

ست البنات .
Post: #349
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: عماد عثمان
Date: 04-06-2005, 05:38 PM
Parent: #1

ست البنات أخيتى
كيف حالك نعلك طيبى
الله يعدلى عليكى شقيش ما تقبلى
ويديك الفى مراضك ويسهل سكتك
أى أنا عارف إتأخرت عليكى الأخرنى
كنت شايل السوق أبيع لى تمباك لقيتلك الخلق
الأعمى شايل المكسر نشدتهم ... البطان حدثونى
قالولى رايحين يتظاهروا ضد الحيكومى .. قسم بالله وحات سيدى الحسن
قت ما أتأخر عليهم ختف عصاتى ومعاه مار رجع عليى الساعة .
****
البارح ما كملتلك الحديث ألليل الحيكومة
قبال كدى حدثتنى عمتى سعديى بت جدى قالتلى
ناس الحكومى المطرطشة دى يقابضو فى البطان
ويرفعوهم فوق البطاح ... داك اليوم جناياً للخدر رسلوهو
قالولو أمش فسراع شيل الأركى عشان يجيب الداية لبنية موحمد صالح
بطنه وجعتى دايره تلدى الولد خب فسراع جاهم راجع بعد
حولين رفعوهو ناس الحكومة ودوهو الجهاد
يعنى أن ما جات بت الهدى بالصدفة ولحقت ولدتا البنيى كانت ضاعت
آه ماقتلك من المظاهرات شلت لناس خالى سرالختم
قلت اشربلى عندو شاهى لقيتلك معاهو محمد خير وعلى ود الرواسى
وست نور بت أبو سوار وسيد احمد كرنديس
لقيتن ليكى ماسكين حديث ... لاهاى ..
قتلهم ست البنات قالت لاهاى ماها بعيدى عيند أوسلى
وقريبى من الحجير والمقل
خالى سرالختم قالى .. يا البوم لاهاى مو هنى
فوق الصعيد بعد بكان يقولولو المسيد وقبال الكاملين
قتلهم البكان ده قريب ...
بلدن قريبى الناس ديلا يجونا تانى صادين بعد ما ننفكا منهون ؟؟؟
آه وينو أكلك ناولينى القراصى فسراع وملاح السبروق سخنيهو ..

أخيك/ عماد
Post: #350
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-07-2005, 03:16 AM
Parent: #1

واحلالى يا عماد اخوى !

ويين لاقيت ناس ستى نور بت ابسوار ، وموحومد خير ، وود الرواسى ، وسييد احمد كرنديس ???

يا يابا ليى زيمون ما شفتهون ولا اريتون !

الله ينعل الغربى الكعبى البتشتت الناس فى بيكناتن كوتور !

انت بتحدسنى بى سوات ناس الحيكومة الزهاميل المزهلليين ديل نان ? !

البارح لقيتلك الويليد بقال ويشييو كولو واريم من الصفييق والدق !

سعلتو ، قاللى ناسن يقولولون ناس الأمنى ! بس واقعيين فى الناس فدقى !بس البيصور ويشييو

ساكت يمسكوا يلففخو ويقفلوهو فى بوكانن مضللم كدى ، لا موية لا كيسرى ! قوتلو نان

جايين يصووموا الناس بالغسب ??

وغيلا كمان يبقى يسوولون فييو عاضرى كمان !

الناس ديلا خللى بالك ماهون هولنا ولاهون مننا ضوومة !

السووا البيسووا فيها دى سووات ناس برا ديلاك !

وبعد ما عدموا البلد اسم الشى البياكلوا الناس ، وكتتلوا الويليدات ، ومرقوهون من

اشغالون ، وردموا روجال الناس فى السجن ، وقالوا يا دينى ما فيكى عيللى نحنا ،

وخربوا البلد والبلدين ، اساعيتى وكت امركا جاييى تكاتيلون ، قبللوا عليى الناس اللا

ايدون لا كوراعون فيشان يحاموولون ! ويمورقوا ولاد الناس فى الشوارع فيحال يكاجرولون

الامريكان والانجليس !

نان دا بيحيلهون من الغومى الجاياهون ?

قيبيل وكت قعدوا يظلوموا فى الناس ، كانوا ماهون عارفيين حق الناس ماب يروح ?

أها اليرجو الراجيهون ! ما يقوعدوا يفنجيطوا عاد !

بس بيقوا يقبيلوا عليى مصور ، وعليى السوعودييى ، وعليى اشينو ماب اعرفو !

نان دا كولو مااب يحيلهون ! بس ياهون الوقعوا !

زمان الناس وكت تضييقبهون الوسيعى قعد يقبيلوا عليى امركا ولوندون ! اساع هون يقبيلوا

ويين عاد ! ياهين زاتن الدايرات يكجيمينهون !

الليلى عاد عيللى يسووا سووات الجيقر الزرو فى التوكول المافييو طاقة ! عاد ينوط بيى

ويين ?

وامركا هينيى ! يا حيليلون من الراجيهون من اللاب ينوم ولاب يغفل من عبادو !نان

قالولون حق الايمى دى بيروح ساكت ?

ويا حافر حوفرة السو ، وسسع مراقدك فيها !

ولا تنوهدب عليى القراصى شى لا تبقى ساقطى ماب تنوكل !

انت دحين منى بت جارة خالتى ما جات تاوقت قبال شيوييى بالطاقة وصدت ??

ست البنات .
Post: #351
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-07-2005, 09:03 AM
Parent: #1

ألحقنى يا عماد أخوى !

الجقور والفورة ملن لقدابتى !

قالوا جايات من الخرتوم !

ما عندك ليى دوى من امركا ???

انت نادييى أخيتى دى قعد تجيب الجلاليب السمحات ديل من ويين ???

ست البنات .
Post: #352
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: ست البنات
Date: 04-17-2005, 12:16 PM
Parent: #1

ٍسلام عليكون ،

الليلى جيت قشيت لقدابتى ، وقييل فيها راجى البوطان والبينييات ، يبقى لاعوقبان بيجو !

نادييى اليومين ديلا بس ماها فيى ضوومة !

ومنى أخيتى مانى عارفاها ويين ? يوما داكا جات انتاوقت ومشت سلام ما قالتا ليى !

وعماد أخوى يبقى الميسيكيين مشدوه فى الشغل الله يخدر ضراعو !

والخدر ود عمى عطا المنان بس الشى الخلا يمشى مننا ما عرفنا جنسو شنو !

ورحيم سودانى يا ربى يبقى طييب ??

وود القرير داكا اصلو بس ليهو كمين دور ما ختا كريعو هينى !

وصديق الموج بس يا اخوانى كان مرة مرة بيقول حبابكون ويمشى !

والباقيين بس بوكانون مانى خابرا ويين !

ست البنات .
Post: #353
Title: Re: البركاوى ، والقنديلة ، ، والقراريص ، والسبروق الحار ، والمى البارد ، فى لقدابتنا ، وعلينا ج
Author: Muna Khugali
Date: 04-18-2005, 01:19 PM
Parent: #352

....