|
|
 اليوم الحار وما بندار يوم الهندسة والمعمار
|
اعود اليوم عشرون عاما للزمن الجميل ونحن برالمة بجامعة الخرطوم بكلية الهندسة وقد اخبرنا السناير اننا اسيادة علم ورياضة واتذكر اول يوم بداخلية فلسطين ونحن نسكن مع ناس اقتصاد وكنت اول من حضر للغرفة وساكن لوحدي قبل ان يحضر بقية البرالمة نمت لوحدي ولكن في تمام الثانية صباحا سمعت شخصا يغني داخل الغرفة ( اغنية غريبة اسمها اماني ام شعر فزعت وارتجفت وقلت هل هذه هي جامعة الخرطوم هربت من الغرفة وانا برلوم وظللت بالصالةحتي الصباح اخبرني ابناء اقتصاد ان هذا الشخص هو عثمان المجنون ولكنه وديع وثاني يوم حضر شخص سنير وسلم علي وقال مفروض اكون عندك اجتماع في قاع( 102 قلت اجتماع مع منو قال لي مع ناس الجبهة الديمقراطية وقلت ماهي الجبهة ذكر انه تحالف بين الديقراطيين والشيوعيين اول مرة اسمع بالجبهة الدمقراطية حين ذكر شيوعيين خفت خوفا شديد وقلت انت تبحث عن شخص اخر انه تشابه اسماء وعرفت بعد ذلك ان هذا السنير هو صديقي الجلاد لمن يعرفونه.
المهم هربت من الغرفة وسكنت مع اولاد مدني بعد اسبوع كانت هناك مباراة بين هندسة واقتصاد تلقت الهندسة علقة ساخنة بلغت خمسة اهداف من العباقرة انور امدوم ومحمد سيد وبكري وتيم اقتصاد كان تيم محترفين من اول اسبوع ناس اقتصاد ( طممو بطنا) ولكن في كاس رجب كان الانتقام وكانت اوع تلعب بي المهندس وانت عارف لعبو كيف وكانت اولاد بنات سكرتيرات وغيرها من اللهو المباح ونواصل
|
|
 
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Muna Khugali)
|
معليش ستي مني القصيدة كتبتها غلط
الذكريات بلابل في خاطري الذكريات قصائد وانا الوتر
الذكريات تزيد قلبي لوعة فعلام تضحك فعلام تضحك في سمائك يا قمر.
نعم اجمل ذكرياتنا وحياتنا بالجامعة ومنذ التخرج صارت الحياة اكثر قسوة ومسئولية وعن الذكريات سئل مرة اشتاذنا هلاوي ماذا عن ذكرياتك في كسلا فقال بها طفولتي وصباي وحبيبتي التي رحلت مع اخر. واظنهم كثيرون
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
نعم كريمو اجمل ايامنا كانت هناك ولكنك ذكرت ابناء الولايات ونسيت اهم ناس الحناكييش والحنكوشات اولاد لندن وبنات لندن واولاد امدرمان وبححري ناس محمد شلوت والحسين وهشام نجم الدين واحمد عبد العظيم والاصم وابو اللقس وساكوبه والمشاغب ابو سمرة وحسن محمود وطلال الاحمر واهم زول طه العب تري هل يعود ذلك الزمان
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
معقول يا ابوخليل ..محمد الحسين احسن زول مركز في العالم .تسالوا عن الساعة في اي
زمان يديك الزمن دون ان يكون معاهو ساعة..احمد عبدالعظيم ..يحي حمدين..حاتم الجد.
جلال.نادر هداية الله.خالد الحاج..اريج ..وبكنام سعيد..
و فوق عشان هندسة فوق
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Muna Khugali)
|
اتذكر اول انتخابات اتحاد وانا ما صوت فقابلتني الاخت هويدا شبو وكانت من الكيزان وطلبت مني التصويت فقلت لها انا ما عندي بطاقة فقالت لي بضمنك انا فذهبت معها للقاعة التصويت وهناك وجدت وليد زكريا وكان من مراقبي الانتخابات يمثل التجمع فاشار لي بعلامة النصر وهنا شعرت بوخذ الضمير الكوزة ضامنني وناس التجمع اصحابي فتوكلت علي الحي الذي لا يموت واديت كل زول شعرين صوت وضاع صوتي هناك مش قلت ليكم كنت برلوم بري
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
الله يا خليل
رجعتنا لذكريات تلك الأيام الزاهيات في عمرنا .في زماننا و أظنه سابق قليلاً لزمنكم كانت المنافسة الكروية بين الهندسة والآداب ، وبين الهندسة ومجمع شمبات ( زراعة وبيطرة )
فكانت هتافاتنا الأثيرة في لقاءات هندسة / آداب
ثلاثة لكاشر في الإسبوع دخلوا الجامعة بدون مجموع
بعد ما شاب جابوا الآداب
( نظراً لكبر سن طلاب الآداب في تلك الفترة حيث كان يوجد منهم عدد كبير من الأساتذة المفرغين من وزارة التربية )
وكانو يردون علينا
الفرع القام دابا جنبنا شقاوة العزابا الجنبنا
( نظراً لقلة عدد الطالبات في ذلك الوقت بالهندسة )
وفي لقاءات هندسة / شمبات وعندما يصاب أخد لاعبي شمبات ويقع أرضاً
عاوز عمرة جيبوا الورشة
معك نواصل
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عاطف عمر)
|
الله يجازيكم، رجعتونا عشرين سنة! هل هكذا كبرنا؟
ليتنى أذكرك خليل. نحن من بعدكم بعام.
بعض الأسماء هنا معنا فى شيكاغو أو مناطق أخرى من أمريكا، وساكوبا فى كندا.
كانت لنا أيام!
لو كان فى السودان مبدعون او مستثمرون يجيدون الاستثمار لاستحقت هذه الذكريات افلاما خاصة وانتاجا سينمائيا، وخصوصا لحظات التنافس الرياضى او حتى السياسى.
ربما تكون أياما عادية ولايهتم بها احد غير أصحابها، لكنها حبيبة لنفس الكثيرين مهما تباينت الأجيال.
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
يا سلام علي سنة اولي جامعة ويا سلام ونحن ضيوف علي ناس العلوم قبل ان نقطع الميدانالغربي ونحن في قاعة (olt) والحلويين في (glt) يا سلام علي دكتور ودالمكي وحسين ايوب واسامةعثمان وعبدالجليل وكل استاذة علوم ومرة ود المكي بدرس وكان الباب الخلفي مفتوحا فدخل زميلنا نادر كوبر فصاح ناظ م يا دكتور كوبر جاء وبعد شوية ساكوبة جاء وبعهد طه العب ابوسمرة جاء وهنا صاح دكتور ودالمكي ايه الاسماء الغريبة دي كوبر ساكوبة نحن في تكساس وضجت القاعة بالضحك.
اذكر بنات الطب وهن يتكلمن شرحتو التوت والتلابية والككروش اي الضفدع والسمكة والصرصور منتهي الغنج والدلال واذا سناير العلوم وهم يبرلمونا واحد ابيضاني اسمو رافت وكان واحدة من حسان العلوم تقول ليه حرام عليك يا رافت ديل برالمة مساكين واذكر سناير الهندسة الحلويين ناس ظافر عبده وهشام سفل وخالد الشهير وعبدالله الروسي ومحمد عبدالجليل وملهم والتيمان ويس الميكانيكي ويحي وبنات كتار في هندسة رغم انف ناس اقتصاد كانو ينعتونا بالعذابة وفي الكورة يقولو بنات واولاد بلاعات ونحن نرد تلاتة لكاشر في الاسبوع دخلو الحامعة بدون مجموع واتذكر حفلة وردي في دار الاستاذة وهو يقول فدي لك العمر ونحن نرد فلانة لك العمر وابناء دفعتي يفرفون فلانة ولابد ان اتذكر خلفاالله الحرس وهو يدعي انه يعرف انجليزي ونحن في طابور الصفرة ينصحنا الا نكثر في اخذ الخبز ويقول يا برالمة اي واحد ياخد عيشة واحدة (at least) وقد عكس المعني تماما
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
يا سلام علي سنة اولي جامعة ويا سلام ونحن ضيوف علي ناس العلوم قبل ان نقطع الميدانالغربي ونحن في قاعة (olt) والحلويين في (glt) يا سلام علي دكتور ودالمكي وحسين ايوب واسامةعثمان وعبدالجليل وكل استاذة علوم ومرة ود المكي بدرس وكان الباب الخلفي مفتوحا فدخل زميلنا نادر كوبر فصاح ناظ م يا دكتور كوبر جاء وبعد شوية ساكوبة جاء وبعهد طه العب ابوسمرة جاء وهنا صاح دكتور ودالمكي ايه الاسماء الغريبة دي كوبر ساكوبة نحن في تكساس وضجت القاعة بالضحك.
اذكر بنات الطب وهن يتكلمن شرحتو التوت والتلابية والككروش اي الضفدع والسمكة والصرصور منتهي الغنج والدلال واذا سناير العلوم وهم يبرلمونا واحد ابيضاني اسمو رافت وكان واحدة من حسان العلوم تقول ليه حرام عليك يا رافت ديل برالمة مساكين واذكر سناير الهندسة الحلويين ناس ظافر عبده وهشام سفل وخالد الشهير وعبدالله الروسي ومحمد عبدالجليل وملهم والتيمان ويس الميكانيكي ويحي وبنات كتار في هندسة رغم انف ناس اقتصاد كانو ينعتونا بالعذابة وفي الكورة يقولو بنات واولاد بلاعات ونحن نرد تلاتة لكاشر في الاسبوع دخلو الحامعة بدون مجموع واتذكر حفلة وردي في دار الاستاذة وهو يقول فدي لك العمر ونحن نرد فلانة لك العمر وابناء دفعتي يفرفون فلانة ولابد ان اتذكر خلفاالله الحرس وهو يدعي انه يعرف انجليزي ونحن في طابور الصفرة ينصحنا الا نكثر في اخذ الخبز ويقول يا برالمة اي واحد ياخد عيشة واحدة (at least) وقد عكس المعني تماما
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
نعم كريمو انت الوحيد انصفت اديبا من مولفاتي كانت اليل يا ليل يا حلاة الهندسة بالليل وحتي عيلوم والجاز وصل ام هندسة دي فكانت من اولاد جامعة الجزيرة واخبرني بها الثيردباك طلال حامد وقمت بترويجها ومن المولفين ابوسمرة ومنقوشي استورد عبارة حندقك يا حكم من مصر وكان ايضا من المولفين الخير ومباراة الجامعة الاهلية مع الخرطوم استقبلت في المين رود ناس الاهلية برائعة محمد ميرغني حبابن جن وكنا نشغالهم يا بابا عايزين جامعة وهم يقولون سبعة جات يا جداد ومازلت اذكر محمد الحسن وصديق العربي ماذا فعلو بالمدرجات
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
لعلك تذكر جيدا كريمو مباراة اقتصاد حيث قمت انا بجمع(sharing) من ناس الكلية لشراء طبول من سوق امدرمان وذهب طه العب لمنطقة العشش لتربيط الكورة عند احد الاناطين ولكن تلقينا هزيمة ساحقة من اقتصاد بلغت تلاتة اهداف وعملو لينا سيرة وين وين تلقو زي ده عروسنا الشينة مهندسة وكان يقود التشجيع عبدالله جنجا وحاولودخول الهندسة فتصدي لهم الحرس الجمهوري تحت قيادة عوض سعيد والعملاق حسن محمود
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
وأذكر ياكريمو دورى الجامعات وكان مسك الختام مع الفرع وتلاعب بهم أنور امدوم ومحمد السيد يمنة ويسارا. أنور رفع الكرة فى لمحة بصر من الأرض الى رقبته ثم نظر للمدافع فى عينيه ومشى وجرى وربما طار بينما المدافع مازال محتارا أين ذهبت الكرة. كان مع الفراعة جعفر عبد الرازق وقد فعل الأفاعيل وأحرز هدفهم الوحيد بعد البينالتى؟ لكنا هزمناهم شر هزيمة فى استاد الخرطوم وانطلقت المظاهرات من المقرن حتى الجامعة - بلادتو بلادة وجابو حمادة، ثلاثين فى المية جابو الختمية، وكان ذلك أوان كشوفات قبول ذاع ذكرها. وفى المدرجات كانت فرقة الجو الرطب ترطب الهزيمة بالسخرية من الداخليات - فول وعدس، وتانى عدس او ماشابه.
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
وماننسي اولاد داخلية النشر ناس حكيم وود الاسد وناظم وساكوبة كان غرفتهم تسمي وكر وما تنسي انت لمن خفت من صلاح العاقب يوم لعب معنا الوست وانت قلت الرجل الكبير البجيبو لينا شنو وما ننسي جمال الطباخ والغسال الذيذ وعباس ومزمل وناجي وحسن حسين انتخبو كيكي وناس سيد الرايحة واحمد التجاني وسيد الرايحة وسيف تنقا ومحمد بدوي الدجال ومصطفي ميرغني وحفالات دار الاتحاد واستقبال الطلبة الجدداظن سمعنا معظم عمالقة الطرب وما تنسي اول مرة نشوف حوض السباحة وكافتريا اقتصاد والمين رود الكان كاسر فيني ضلعة لانو كان فيه ما لذ وطاب وماننسي الزميلات في سنة اولي مي صفوت وغادة كدودة وزلفي الاسد ومي عزالدين وبنات الشهادة العربية ناس اهلية وسامية واهم زول خالد شيخة وكبر وكل الخناشير
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
يا خليل يا زكريات....
اذكر اول مرة نشاهد حوض سباحة كان حوض البركس.ورايت واحد عوام شديد كدة زي السمكة
فعرفت لاحقا انه ود دفعتنا عوض سعيد احد ابطال السودان في الكاراتيه
وكان رياضي من النوع الاول وعرفت انه الا ن بكندا...ام الرياضي الفريد فكان محمد متوكل
معبود جماهير الهندسة.فود المتوكل كورة واخلاق وقيافةوعلم..وكمان مشي مع اجمل بنات
الجامعةوالجامعات المجاورةوكان ماركة مميزة في كل ماتشات الكلية وبعبع مخيف لكل
الكليات..واوكد مرة اخري ان ود المتوكل العب سوداني مافي شك في هذا.وكان لود
المتوكل عادة غريبة انه دائما يبدا الماتش متاخر واذكر ان هناك احد الطلاب المشاهير
في الكلية يقوم بالتسخين مع ود المتوكل علي اللاين.
اما عن كورة هندسة واقتصاد فكان هذا ديربي كبير لا يقل عن هلال مريخ
وياتي الناس من خارج الجامعةوهم يعرفون اسماء كل اللاعبين.وكانت كل الكليات تقف ضد
الهندسةالتي يحتل طلابها مدرج ضخم ..ويهتفون ضد الجميع
الجامعة هندسة اولا جامعة
وسنواصل
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
ابراهيم احمد ابو سمرة صديق بطعم الابداع كان من كبار مشجعي الكلية واكثرهم جراة
وشهرته فاقت الحدود حتي قيل ان حسناوات الاهلية الواحدة تقول اموت عشان اشوف ابو
سمرة
رغم انني كنت من المكذبيين لهذه الاشاعة...كان ابو سمرة شاعرا مجيدا ,وكان احد ابطال
الكلية في فريق السلة وكنا نقول( شيلو الكاس وادونا حمادة)..وابوسمرةكان من كبار
رواد المين رود وكان يجيد فن الخلط واظنه كان في عهدا ما مشتسار لاخونا خليل اثنا
حبة الشهير في ردهات الاداب الذي جعل خليل يقول
لاحباك قطيط لالقيت النقر يا ابو خليل خلاص ارجع لامدقر
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
وكان هناك ياخليل طه النور اسحاق طه العب ..شطارة وصياعة..شعر وهندسة
وكان اخو اخوان ومن المشجعين الذين يجيدون ضرب الدرم.انتخب سكرتير اجتماعي
للجمعية الهندسية وذهب لرحلة مصر الشهيرة وعاد بونسة جميلة عن عزيكة وكلوب
اشهر تيمان في الهندسة حينها.وكان مشجعا جسورا يخافه السكرتيرات كثيرا..ولكنه
ارتبط اسمه بحادث التكديك الشهيرة واصبح يشجع من اعلي المدرج
| |
|
|
|
|
|
|
| |
khaleel
Muna Khugali
عبدالكريم الامين احمد
عاطف عمر
فيس بوك
تويتر
انستقرام
يوتيوب
بنتيريست