Post: #1
Title: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 11:23 AM
الذي دفعني للكتابة عن هذا الموضوع هو حادثة صغيرة حدثت عندي في المنزل , وأعتقد أن
هذه الحادثة قد تحدث في جميع المنازل ( التي بها أطفال ) .
يوم أمس فقط كانت إبنتي الكبري ( ثالثة متوسط ) تبحث عن شئي ما في المطبخ وصدفة
وقعت منها كباية وبالتاكيد ( إتكسرت حتة حتة ) وهنا علا صراخ زوجتي ( أم أحمد ) علي
بنتها كيف تكسر الكباية وقامت الدنيا ولم تقعد , حقيقة اثارني المنظر وبحكم محبتي
الغير محدود لابناتي , إنتفضت ووجهت حديثي لزوجتي يا شيخة حرام عليك هسع هي كسرت
ليها كباية ولا كسرت ليك يديك , وشئياً فشيئا تشجعت بنتي وقالت لامها يا ماما عليك الله
كم مرة كسرت كبابي وصحون في المطبخ إشمعنا نحنا لمن تتكسر مننا حاجة تزعلي وتصرخي
فينا زي ما تكون القيامة قامت .عنئذ أشتد غضب زوجتي واشتطاطت غيظاً وقالت لابنتها
وكمان بتردي علي يا قليلة الأدب ( تسلط مع سبق الإصرار والترصد ) وتدخلت للمرة
الثانية وقلت ليها هي الكباية عليك الله سعرها كم ؟ أنا بشتري ليك بدل الواحدة مائة
كباية وشعرت للمرة الأولي بحراجة الموقف وقالت لي انا كل يوم في المطبخ بغسل وبكنس
واتمر والمع شئي طبيعي لمن يقع مني صحن ولا كباية لكن ديل الواحدة فيهم مابهما
حاجة .
وإلي هنا أتوقف .... آمل تسليط الضوء علي ( تسلط اخر من الزوجات ) .
|
Post: #2
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-27-2007, 11:27 AM
Parent: #1
والله يا هاشم الليلة أنا خايف يكسروا راسك .. خلينا بره الموضوع دا ؟؟؟
|
Post: #3
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 11:38 AM
Parent: #2
| Quote: والله يا هاشم الليلة أنا خايف يكسروا راسك .. خلينا بره الموضوع دا ؟؟؟ |
كده كده يا الترلا وين عضلاتكم يا عادل جبارة ؟؟ وبعدين نحنا محتاجين معالجة لمثل
هذه التصرفات التي تحدث من قبل زوجاتنا ( قرة أعيننا ) كما لا ننسي إهتمامهم
بنا وبصغارنا والضغط النفسي الكبير الذي يتعرضون له يوماتي  خليك شجاع
يا اخوي .
|
Post: #4
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Manar Mahsoub
Date: 03-27-2007, 12:02 PM
Parent: #1
زوجتك العزيزة عايزة تحافظ على حاجات بيتها و احساسها بالشى ده بيديها الحق فى زعلتها الشديدة دى و تنهر بتها هسع عشان فى المستقبل ما تكون مطرطشه .... باين عليك ما شفت التسلط بحق و حقيقة ... شفت كلمة تسلط افتكرت الوليه بتشيل منك كل الماهية و تديك السجائر بالحبة او تكون بتخليك تغسل عدة العشاء بعدين تنوم ... اذا مدامك بتقيف على حد التسلط فى كسير العده احمد ربك و قوم اتوضأ و صلى ركعتين شكر لله لنوعية التسلط التى تعانى منها ......لك كل الاحترام
|
Post: #5
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 12:16 PM
Parent: #4
| Quote: اذا مدامك بتقيف على حد التسلط فى كسير العده احمد ربك و قوم اتوضأ و صلى ركعتين شكر لله لنوعية التسلط التى تعانى منها ......لك كل الاحترام |
العزيزة منار تحياتي والله إذا كان في تسلط اكتر من كده اخير لي اكون عزابي احسن
وبعدين الروح بتروح يعني شنو لو كباية إتكسرت ماياهو حالكم انتو يا الزوجات
وبعدين انا الحمد لله مبسوط من زوجتي ومقدر ليها كل تضحياتها لكن شوية الديمقراطية
دي مع الأطفال مطلوبة ... عشان التواصل يكون مستمر بدون ضغوط وكذب من جانب اطفالنا
دمتي يا اختي العزيزة وشكراً علي المداخلة .
|
Post: #6
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-27-2007, 12:24 PM
Parent: #5
Quote: وبعدين انا الحمد لله مبسوط من زوجتي ومقدر ليها كل تضحياتها لكن شوية الديمقراطية
دي مع الأطفال مطلوبة |
طيب من قبيل مالك عامل لينا فيها ... ما قلنا ليك خليك في حالك من الأول ؟؟
|
Post: #7
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 12:29 PM
Parent: #6
| Quote: طيب من قبيل مالك عامل لينا فيها ... ما قلنا ليك خليك في حالك من الأول ؟؟ |
عادل قلت لي اولادك حا يوصلو للسعودية متين ؟؟؟؟
|
Post: #8
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-27-2007, 12:35 PM
Parent: #7
هاشم
بيني وبينك والله سبقتني في موضوع التسلط دا .. تعرف اليومين ديل بسوي في شنو ؟؟
1- بجرد العدة
2- أي حاجة حركتها أرجعها مكانها
3- أي ورقة أو مفكرة كتبتها شلتها وختيتها في كيس في العربية لغاية ما نلقى ليها صرفة
4- عليك الله زكرني لو في حاجة تاني أكون نسيتها ؟؟
|
Post: #9
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-27-2007, 12:49 PM
Parent: #8
إنتو لواحد فيكم لما يستعمل معجون الأسنان ده مابيرجع غطاه ليه عليه?
هاتنزلوا كيلو من وزنكم يعني لو قفلتوه?
ولا بس منتظريني أنا اجي اقفله?
طبعا..
ماأنا الجاريه الورثتوها ..
بتعب أنا في نظركم ولا يعني شايفين أهميه لتعبي?
وكمان عندكم نفس تتكلموا!
|
Post: #10
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 12:55 PM
Parent: #9
Quote: هاشم
بيني وبينك والله سبقتني في موضوع التسلط دا .. تعرف اليومين ديل بسوي في شنو ؟؟
1- بجرد العدة
2- أي حاجة حركتها أرجعها مكانها
3- أي ورقة أو مفكرة كتبتها شلتها وختيتها في كيس في العربية لغاية ما نلقى ليها صرفة
4- عليك الله زكرني لو في حاجة تاني أكون نسيتها ؟؟ |
الليلة جاي بتعتذر بترجع ايامنا الزمان من وين إجيب ليك العذر ؟؟؟
|
Post: #11
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-27-2007, 12:59 PM
Parent: #10
Quote: إنتو لواحد فيكم لما يستعمل معجون الأسنان ده مابيرجع غطاه ليه عليه?
هاتنزلوا كيلو من وزنكم يعني لو قفلتوه?
ولا بس منتظريني أنا اجي اقفله?
طبعا..
ماأنا الجاريه الورثتوها ..
بتعب أنا في نظركم ولا يعني شايفين أهميه لتعبي? |
منى ؟؟
خلعتيني والله .. قلت حنان دي الجابها هنا شنو ؟؟؟ لا حول ولا قوة نفس الكلام ؟؟
|
Post: #12
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-27-2007, 01:01 PM
Parent: #11
| Quote: 4- عليك الله زكرني لو في حاجة تاني أكون نسيتها ؟؟ |
الله يقطع الجوال وسنينه .. هسه ده يودووهو ويييين ؟؟؟ مالك مزكرني ياااااخ.
|
Post: #14
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-27-2007, 01:06 PM
Parent: #11
Quote: منى ؟؟
خلعتيني والله .. قلت حنان دي الجابها هنا شنو ؟؟؟ لا حول ولا قوة نفس الكلام ؟؟ |
كلنا حنان وكلنا مسئول عن حنانه 
|
Post: #16
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ابو جهينة
Date: 03-27-2007, 01:10 PM
Parent: #11
عزيزي هاشم
تحياتي لك و لأم أحمد
الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
و أم أحمد أجابت على تساؤلك حين قالت
| Quote: انا كل يوم في المطبخ بغسل وبكنس اتمر والمع شئي طبيعي لمن يقع مني صحن ولا كباية لكن ديل الواحدة فيهم مابهما حاجة . |
أما التسلط الحقيقي يا هاشم أخوي فهو ذاك الذي يحدث من الزوجة التي تأمر و تنهى زوجها أمام الجميع و كأنه طفل. و تتلذذ بتسلطها و سطوتها عليه ( مهما كانت أسباب التسلط ).
أو تلك التي لا تقبل بأم و والد و أسرة زوجها في بيتها بينما يرتع أهلها في بيتها.
أو تلك التي طوال اليوم لافحة توبها و حايمة و تاركة الزوج يصارع مهامها و مهامه دون أن يستطيع أن يلومها مجرد لوم.
و أنا حقيقة لا أعرف كيف ترضى زوجة أن تكون زوجة لرجل تحتقره أمام الناس و الكل يعرف أنه معدوم الشخصية و القرار أمامها؟
التسلط إن دخل بيت الزوجية .. فمن الأحسن فض هذه الشراكة .. و أقصد التسلط من الزوج أو الزوجة .. لأن بيت تعشعش فيه سياط التسلط بيت لا دعائم له و إنهياره وارد في أي لحظة.
دمتم
|
Post: #45
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Shawgi Sulaiman
Date: 03-28-2007, 06:29 AM
Parent: #16
العزيز أبو جهينة لك مني التحية ودائما تعجبني كتاباتك ومداخلاتك ، اي زوجة سودانية بتكون خطتها الأولى هو كيف السيطرة على الزوج وإذا صاحبنا رخ خلاص الركبة الياها ، وعلى فكرة أغلب الزيجات السودانية بكون في واحد متسلط على التاني وإذا طلعوا متعادلين الطلاق بحصل، احيانا أشعر بحزن شديد لحال الزواج السوداني والله نسبة كبيرة منوا فاشلة بكل المقاييس وحياة بائسة وتعاسة ما ليها أول ولا آخر ، عشان كده لازم يحصل تثقيف للنساء والرجال ولازم يعرفوا أن الحياة الزوجية هي ما ندية بل هي مودة ورحمة وسكن . اللهم أصلح نسائنا.
|
Post: #66
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Salah Waspa
Date: 03-28-2007, 01:24 PM
Parent: #16
Quote:
الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
======================
يســـلم فمك يـا استاذنا والله جبت المفيد وبيت القصيد
تحيـاتي هاشـم وضيوفك الكرام
صــلاح واســبه
|
Post: #13
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:04 PM
Parent: #10
Quote: إنتو لواحد فيكم لما يستعمل معجون الأسنان ده مابيرجع غطاه ليه عليه?
هاتنزلوا كيلو من وزنكم يعني لو قفلتوه?
ولا بس منتظريني أنا اجي اقفله?
طبعا..
ماأنا الجاريه الورثتوها ..
بتعب أنا في نظركم ولا يعني شايفين أهميه لتعبي?
وكمان عندكم نفس تتكلموا! |
يا مني اختي والله نحنا الرجال مقدرين إهتمامكم لكن مشلكتكم انتو دائماً
صوتكم عالي وما بتعرفو تتكلموا بالراحة وكل شئي عايزينو يكون حسب مزاجكم
وبتشركو لإبليس بالسبيبة , فكوها شوية كده ولا كيف ؟؟
|
Post: #38
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-27-2007, 08:17 PM
Parent: #8
| Quote: عليك الله زكرني لو في حاجة تاني أكون نسيتها |
سبت الغسيل يازول سبت الغسيل ..
|
Post: #15
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 03-27-2007, 01:06 PM
Parent: #1
Quote: الغير محدود لابناتي , إنتفضت ووجهت حديثي لزوجتي يا شيخة حرام عليك هسع هي كسرت
ليها كباية ولا كسرت ليك يديك |
هاشم المنهور......هى وقفت عند هنا
عادل جبارة والله صاحبك بقى سكرو كعب ..بس يضرب ليه كاسين يجى
ينجضنا بى جاى ..الله يهديه..هسع ده كلام هاشم الواعى،،،،
|
Post: #17
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:11 PM
Parent: #15
Quote: منى ؟؟
خلعتيني والله .. قلت حنان دي الجابها هنا شنو ؟؟؟ لا حول ولا قوة نفس الكلام ؟؟ |
ما سامعك قلت شنو ؟؟ بالله شوف .
|
Post: #18
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Mohamed Abdelgaleel
Date: 03-27-2007, 01:13 PM
Parent: #15
Quote: يوم أمس فقط كانت إبنتي الكبري ( ثالثة متوسط ) تبحث عن شئي ما في المطبخ وصدفة
وقعت منها كباية وبالتاكيد ( إتكسرت حتة حتة ) وهنا علا صراخ زوجتي ( أم أحمد ) علي
بنتها كيف تكسر الكباية وقامت الدنيا ولم تقعد |
هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة ..
|
Post: #19
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:16 PM
Parent: #18
| Quote: كلنا حنان وكلنا مسئول عن حنانه |
يا مني حرام عليك خلعتي الراجل ؟؟
|
Post: #21
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:22 PM
Parent: #19
| Quote: التسلط إن دخل بيت الزوجية .. فمن الأحسن فض هذه الشراكة .. و أقصد التسلط من الزوج أو الزوجة .. لأن بيت تعشعش فيه سياط التسلط بيت لا دعائم له و إنهياره وارد في أي لحظة. |
العزيز ابو جهينة والله كلامك سمح بالحيل وكلو درر ويا ريت لو كل الناس
تتعظ وتفهم , وكسير العدة ده ياخوانا والله شئي عادي جداً بس الزوجات
يهدوا لينا اللعب شوية .
|
Post: #20
Title: Re: تـسـلـط الـزووووجـات ........ إلـي مـتـييييييييي ؟؟؟
Author: د.محمد حسن
Date: 03-27-2007, 01:17 PM
Parent: #1
تختصر ام بناتي الموقف بعد كل تسلط ديكتاتوري منها يقابله صمت ( ثقيل) مني يتبعه احتضان واحدة من البنات كالاتي:
آي انا اشيل وش القباحة وانت الابو الحنين البتدلع
طيب
حد قال ليك ما تدلعي
ما زمان دلعوك
-
|
Post: #22
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:27 PM
Parent: #20
Quote: هاشم المنهور......هى وقفت عند هنا
عادل جبارة والله صاحبك بقى سكرو كعب ..بس يضرب ليه كاسين يجى
ينجضنا بى جاى ..الله يهديه..هسع ده كلام هاشم الواعى،،،، |
صديق الموج أنا عندي وقفت لحدي هنا لكن صاحبك عادل جبارة شوفو عليك
الله مالو والله جقلب جنس جقلبا والحالة حنانو لسه ما وصلت الرياض .
|
Post: #24
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:33 PM
Parent: #22
Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة .. |
اخوي محمد كيفنك ياخي والله أنا لو كسرت الكباية علي طول امشي أشتري
ليها دستة كبابي عشان ما تحمر لي عويناتها , والله القصد من حكايتي
دي انو الزوجات يشعرو شوية انو بناتهم او أولادهم عارفين غلطهم بس
شوية مساحة كده أحسن .
|
Post: #23
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-27-2007, 01:33 PM
Parent: #20
الواحد فيكم بس يرقد في السرير..يخرب الملايات ويكسر المخدات تحت راسه..
ويقوم يخرب ليه مكان تاني..
اسه كان جريتو طرف الملايه دي وصلحتوها في قومتكم دي كان الله بسألكم?
ولا بس فالحين تترقدوا في السراير ومرت أبوكم ضرتكم دي هي التصلح!
|
Post: #25
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:40 PM
Parent: #23
Quote: تختصر ام بناتي الموقف بعد كل تسلط ديكتاتوري منها يقابله صمت ( ثقيل) مني يتبعه احتضان واحدة من البنات كالاتي:
آي انا اشيل وش القباحة وانت الابو الحنين البتدلع
طيب
حد قال ليك ما تدلعي
ما زمان دلعوك |
كيف أخبارك يا دكتور نحنا عشان شعراء وبنحب الكلمة الرقيقة إرتباطنا
ببناتنا اكبر وبيني وبينك زوجاتنا بغيرو من بناتهم .
|
Post: #26
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:43 PM
Parent: #25
Quote: الواحد فيكم بس يرقد في السرير..يخرب الملايات ويكسر المخدات تحت راسه..
ويقوم يخرب ليه مكان تاني..
اسه كان جريتو طرف الملايه دي وصلحتوها في قومتكم دي كان الله بسألكم?
ولا بس فالحين تترقدوا في السراير ومرت أبوكم ضرتكم دي هي التصلح! |
يا مني خوجلي والله نحنا ما قلنا حاجة لكن برضو صوتكم عالي شديد وطو شوية .
|
Post: #31
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-27-2007, 04:18 PM
Parent: #23
| Quote: اسه كان جريتو طرف الملايه دي وصلحتوها في قومتكم دي كان الله بسألكم |
هي بالله الحكاية دي عامه كده..
أنا قايل روحي براي .. يجي كم سنة ربت فيها.. وللليله ما قادر أباصيها..
|
Post: #27
Title: Re: تـسـلـط الـزووووجـات ........ إلـي مـتـييييييييي ؟؟؟
Author: مجدي عبدالرحيم فضل
Date: 03-27-2007, 01:51 PM
Parent: #20
العزيز / هاشم أبوأحمد
يازول بسيطه دي نحن في البيت 4أفراد
أنا وأم قصي والشغاله ونحن الأتنين شغالين
وقصي والشغاله دايمأ مع بعض الفترة الصباحية
وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
يدوا وهاك ياماعندك أخلاق ما زييييي....!
وبرضو حياتنا حلوه ودي يوميات منزل الزوجية بس
ما تصل حد التسلط دااااك والله يخلي ليك أم أحمد
والعيال ديل النعمه المهداه من رب العالمين
أبو قـ مجدي عبدالرحيم ـصى
|
Post: #28
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 01:58 PM
Parent: #27
Quote: وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
يدوا وهاك ياماعندك أخلاق ما زييييي....!
وبرضو حياتنا حلوه ودي يوميات منزل الزوجية بس
ما تصل حد التسلط دااااك والله يخلي ليك أم أحمد
والعيال ديل النعمه المهداه من رب العالمين
أبو قـ مجدي عبدالرحيم ـصى |
ابو قصي كيفنك ياخي ربنا إنشاء الله يخلي ليك اولأدك
لكن في النهاية انت بتشتري الكبابي مش كده ما قلنا
الروح تروح ما مشكلة المشكلة هي عدم إتاحة الفرصة
الكافية للأبناء عن التعبير والدفاع عن أنفسمهم .
|
Post: #29
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-27-2007, 02:24 PM
Parent: #28
عندك حركات كده ياهاشم..
غايتو شوفلك بوكان قضي فيه ليلتك!
وعادل بس سكت وفات بوشيه..
فتشه سـوقه معاك بوكان ماك ماشي!
|
Post: #30
Title: Re: تـسـلـط الـزووووجـات ........ إلـي مـتـييييييييي ؟؟؟
Author: معتصم دفع الله
Date: 03-27-2007, 03:36 PM
Parent: #1
الليلة والليللللللللة ..
في جنس كشف حال هنا ..
ترللللللللللم ترللللللللللللم ..
والله يا هاشم أخوي دي ما كانت كسرة كباية ..
|
Post: #32
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حافظ العشا
Date: 03-27-2007, 05:04 PM
Parent: #1
الاخ/ هاشم لك الود
الكلام ده لاسمعتوا ولا جابو لي شوف عيني دي
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
|
Post: #33
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عواطف ادريس اسماعيل
Date: 03-27-2007, 05:24 PM
Parent: #32
هاشم !!!
كيفنك ,,,
والله خلعتني جنس خلعة لمن قريت تسلط الزوجات قلت يا أخواني هشومي دة شاعر رقيق وحساس حاكمنو لشنو
ألقاها كباية مكسورة ؟؟ بيني وبينك معاها حق عاد هبشتوها في اللحم الحي إنت عارف النسوان جنهن
وجن عدتن يعني زي ما بقولو أخوانا المصريين عض ألبي ولا تعض رغيفي ,, يعني مدامكم دي كان إنكسر
أي شي تاني ما كان زعلت لكن كباية حلووووووووة وعاجباها مشت فتشتهافتيش وعزلت من وسط الكبابي
تقومو تكسروها ليها وكمان تحتجوا على كواريكها فيكم أمانة مااتلومتو أنا غايتو لو زرتوني وقام
شافع من شفعكم كسر لي كباية طوالي بدق ليكم خروج بدون عودة عشان كدي لمن تجو ابوظبي جيبو معاكم
كبابيكم وصحانتكم وكمان لو جبتو الملايات والبطاطين يكون كويس ,, شكرا هاشم على البوست اللطيف .
|
Post: #34
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 03-27-2007, 05:30 PM
Parent: #1
ألأخ/هاشم المنهور الحبيب عبدالهادى
المنهور دى من صديق الموج الحبيب منى وعبدالهادى دلالة على إتخاذك للأمور دائمآ بهداوة...
أخى لما إتصلت بى وقلت لى موضوع تسلط الزوجات إلى متى؟؟؟؟؟ لم أتوقع بأن ألأمر كله بأن أم أحمد جاطت فى يسرى وقومت الدنيا وقعدتها......وأنا بقتكر ده تسلط أزواج..
أولآ:البيت مملكة المرأة وخاصة المطبخ(تابع لها جغرافيآ إذا تعديته تكون دخلت الحدود ألأقليمية له)
ثانيآ:التصرف طبيعى جدآ جدآ وده الشائع ,ورد فعل لفعل المقصود به يابت أعملى حسابك,,,ولكن ده لو كان أحمد كان بنجد ليه العذر لآنه ولد وليس لصيق بأدوات المطبخ والتعامل معها.
بعدين ياهاشم نهرتها بس فى واحدات بضربن عديل ...
سلام
|
Post: #35
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 07:21 PM
Parent: #34
Quote: هي بالله الحكاية دي عامه كده..
أنا قايل روحي براي .. يجي كم سنة ربت فيها.. وللليله ما قادر أباصيها.. |
محمد الملك يعني ماصدقته روحت علي طول فارد جناحيك الظاهر المرة عاملة فيك عمايل
في السوة اللي بتسوي فيها دي .
|
Post: #36
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 07:47 PM
Parent: #35
Quote: عندك حركات كده ياهاشم..
غايتو شوفلك بوكان قضي فيه ليلتك!
وعادل بس سكت وفات بوشيه..
فتشه سـوقه معاك بوكان ماك ماشي! |
يا مني انا ما عندي مشكلة بعرف أتصرف كويس لكن المشكلة في زولك عادل جبارة
والله قام جاري جري تقول ساكنو بمفراكا .
|
Post: #37
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 08:13 PM
Parent: #36
Quote: الليلة والليللللللللة ..
في جنس كشف حال هنا ..
ترللللللللللم ترللللللللللللم ..
والله يا هاشم أخوي دي ما كانت كسرة كباية .. |
يا معتصم اخوي احسن ليك اطلع منها , نحنا المتزوجين عرفنا منهم شنو
عشان يجينا واحد عزابي زيك ؟؟؟ لمن تعمل زوجة بعد داك إنشاء الله .....
بس كده يا مولع النيران 
QUOTE]الليلة والليللللللللة ..
في جنس كشف حال هنا ..
|
Post: #39
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 08:19 PM
Parent: #37
الاخ/ هاشم لك الود
الكلام ده لاسمعتوا ولا جابو لي شوف عيني دي
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
الأخ حافظ طبعاً انا مش متاكد وبس لكن واثق جداً ان هناك حالات تبكي عديل كده
لكن تفتكر نوعية زولك ده تاني انا بمشي ليهو والله لو بقي قبلة عديل كده
مشكور كتير علي المرور ومنكم نستفيد .
|
Post: #40
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 08:25 PM
Parent: #39
خلعتني جنس خلعة لمن قريت تسلط الزوجات قلت يا أخواني هشومي دة شاعر رقيق وحساس حاكمنو لشنو
ألقاها كباية مكسورة ؟؟ بيني وبينك معاها حق عاد هبشتوها في اللحم الحي إنت عارف النسوان جنهن
وجن عدتن يعني زي ما بقولو أخوانا المصريين عض ألبي ولا تعض رغيفي ,, يعني مدامكم دي كان إنكسر
أي شي تاني ما كان زعلت لكن كباية حلووووووووة وعاجباها مشت فتشتهافتيش وعزلت من وسط الكبابي
تقومو تكسروها ليها وكمان تحتجوا على كواريكها فيكم أمانة مااتلومتو أنا غايتو لو زرتوني وقام
شافع من شفعكم كسر لي كباية طوالي بدق ليكم خروج بدون عودة عشان كدي لمن تجو ابوظبي جيبو معاكم
كبابيكم وصحانتكم وكمان لو جبتو الملايات والبطاطين يكون كويس ,, شكرا هاشم على البوست اللطيف .
مشكورة كتير يا عطوفة ومنكم نستفيد انا ما محتج علي الكباية اللي اتكسرت لكن يا عواطف
الروح بتروح وأنتو دائماً وابداً حاجات المطبخ دي عندكم مقدسة لكن لمتين , عموماً مشكورة
علي المداخلة وربنا ما يوريك مكروه في كباية ليكم .
|
Post: #41
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-27-2007, 08:30 PM
Parent: #35
Quote: يعني ماصدقته روحت علي طول فارد جناحيك الظاهر المرة عاملة فيك عمايل
|
عارف ياهاشم بعد ما الوليدات كبروا وبقو يدحلوا ويمروقوا حتين عرفتها بتعرف النضم .. احسن خلي الطابق مستور .. إنت أكان عندك محلا يلمك فى ليلتك دي يا اخوي أنا في بلد خواجات ..
|
Post: #42
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حافظ العشا
Date: 03-27-2007, 11:42 PM
Parent: #1
معتصماإنت مع منو ؟؟؟؟
|
Post: #43
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-27-2007, 11:57 PM
Parent: #42
Quote: أولآ:البيت مملكة المرأة وخاصة المطبخ(تابع لها جغرافيآ إذا تعديته تكون دخلت الحدود ألأقليمية له)
ثانيآ:التصرف طبيعى جدآ جدآ وده الشائع ,ورد فعل لفعل المقصود به يابت أعملى حسابك,,,ولكن ده لو كان أحمد كان بنجد ليه العذر لآنه ولد وليس لصيق بأدوات المطبخ والتعامل معها.
بعدين ياهاشم نهرتها بس فى واحدات بضربن عديل ... |
يا ابو السباع انت ابو البنات كلامك علي العين وعلي الراس لكن بنقول الديمقراطية مطلب
شعبي للتعامل مع الأطفال في المنازل ونحنا عايزين لينا شوية تفكر في الحتة دي بكل صدق
وشفافية , مشكور علي المرور وشايفك كده زي صاحبي عادل جبارة اولادك قربو يصلو للسعودية .
|
Post: #44
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Manar Mahsoub
Date: 03-28-2007, 05:54 AM
Parent: #1
كنا في زيارة لاحد الاشخاص في منزله وكان هو وزوجته لوحدهما وبعد التحية وجلوسنا لعدة دقائق فؤجئنا وبطريقة لافتة للنظر بالزوجة وهي تطلب من زوجهابلهجة بها نوع من عدم الاحترام وعلو الصوت(ياراجل ماتقوم تسوي للناس ديل شاي) متحججة بانها تعبانة وتشعر ببداية انفلونزا فقام الزوج يريد التوجه الى المطبخ ولكننا اعتزرنا نحن بحجة الاستعجال لانقاذ الموقف
كنت على علم بتسلط تلك المراءة ولكنني لم اتصور ان يصل الى هذا الحد فهنالك من النساء لا يكترث بوجود اخرين في المنزل بل يتعمدن ذلك في وجود الاخرين لابداء تسلطهن وعدم احترام ازواجهن وابراز عضلاتهن وما خفي اعظم فلذلك تسلط الزوجات على الابناء اخف وطاءة من اشياء اخرى تحدث (والمسكوت عنه كتيييييييير).
هاشم مش قلت ليك احمد ربك وصلى ركعتين ان تسلطكم فى كباية كعب نوع النموذج الفوق ده مسكين تلاقيه بيمسوه بعلقة و يصبحوه باتنين .
تسلط الرجل شىء معروف منذ نشئة الخليقة و فى امور كثيرة مساعده الجماعة على هذا التسلط و نحن راضين بالهم و بالعين الشغلانية باندروس و بكل الادوية الهاضمة خاصة لو الشغلانية فيها عيال دائما بندى الاولوية لى سعادتهم و بنمشى امورنا .. لكن النوعية البتنهرراجلها قدام الناس دى و ما خفى كان اعظم بعد داك الراجل احساسه شنو بيقدر يواصل.... و يقعد كده مع الرجال ام المسكين تلاقيه يفضل يورق الخدره ؟؟
|
Post: #46
Title: Re: تـسـلـط الـزووووجـات ........ إلـي مـتـييييييييي ؟؟؟
Author: أبو الحسين
Date: 03-28-2007, 06:51 AM
Parent: #1
Quote: وأنا القاعد أكسر العده لما أزعل بشيل كباية
أكسره وبنفس عن زعلي وأم قصي بتقول أنا علمته
الكسير عشان أبن الوز بقي عوام يزعل يجدع الفي
|
 لووووووووووووووووووووووول!!!
والله يا هاشم عفيت منك... أمااااااااني بحت لينا جنس حكاوي!!!
أنا غايتو أحمممممممد الله برررررررررررة...
لكن جيت متاوق يعني لزوم الدروس وكدي!!
ودي طبعاً بي تنفعنا لي أيامنا النواضر الجاية... لو ربنا حبس العوارض وسهل على خير!!!
يعني بالدارجي كدي يا عادل جبارة كان ست ريدك قالت ليك الليلة أنا مصدعة ما قادرة أطبخ... تتوكل علي الله وتقطع بصلك براك وتشد حلَّتك عاااااادي يعني ما فيها حاجة؟؟!!
كميات مودتي... وبجيكم راجع بي أُغنية بابا يغسل العدة بس أصبرو علي شوية..
أبو الحســــــين...
|
Post: #47
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 10:03 AM
Parent: #46
| Quote: يعني بالدارجي كدي يا عادل جبارة كان ست ريدك قالت ليك الليلة أنا مصدعة ما قادرة أطبخ... تتوكل علي الله وتقطع بصلك براك وتشد حلَّتك عاااااادي يعني ما فيها حاجة؟؟!! |
أب الحسين
المشكلة أنو ما عندها صداع ولا حاجة .. و ما قالت لي بالدارجي قالت لي بالعربي الفصيح كده .. عليك الله أنا جاية من السودان والنسوان ح يجو يسلموا علي والحنة دي مكلفة مبلغ وقدره عليك الله غسل لي العدة دي لمدة اسبوع بس 00 دي فيها حاجة ؟؟؟؟
أبو الحسين اسمعني .. بعدين انت حنتك حقت عرسان ح تغسل العدة شهررررر كامل !!!!
|
Post: #48
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 10:04 AM
Parent: #46
| Quote: عارف ياهاشم بعد ما الوليدات كبروا وبقو يدحلوا ويمروقوا حتين عرفتها بتعرف النضم .. احسن خلي الطابق مستور .. إنت أكان عندك محلا يلمك فى ليلتك دي يا اخوي أنا في بلد خواجات .. |
والله العظيم يا محمد الملك مش لو قعدت في بلد خواجات ؟؟. اما انا بعرف كيف
أتخارج من الموقف ده .
|
Post: #49
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 10:08 AM
Parent: #48
| Quote: معتصماإنت مع منو ؟؟؟؟ |
يا حافظ .... العشاء كيف صدقني ما فهمت حاجة وضح أكثر لانو الكلام فيهو كلام .
|
Post: #50
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 10:20 AM
Parent: #48
منى خوجلي
شوفي مشيت غطست وجبت ليك صورة ود جيرانكم .. شوفي متسلطين عليهو كيفن ؟؟
|
Post: #51
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 10:37 AM
Parent: #50
| Quote: هاشم مش قلت ليك احمد ربك وصلى ركعتين ان تسلطكم فى كباية كعب نوع النموذج الفوق ده مسكين تلاقيه بيمسوه بعلقة و يصبحوه باتنين . |
الأخت العزيز منار مشكورة كتير ورسالتك وصلت وبالبونط العريض كمان والقصة
الحكيتيها عبارة عن مسلسل يتكرر وبإستمرار في حياتنا العامة والحمد لله
عملت بنصيحتك وصليت اربعة ركعات مش إثنين بس ( 2 ركعة لمداخلتك الأول + 2 ركعة
للمداخلة الثانية , ما عدمناك يا منار .
|
Post: #52
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 11:10 AM
Parent: #51
http://www.sudaneseonline.com/] [/url]
كمان شوفو جنس التسلط حق رهف سيف الدين البشير الصغيرونة دي .. من هسه !!!
|
Post: #53
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-28-2007, 11:11 AM
Parent: #50
Quote: منى خوجلي
شوفي مشيت غطست وجبت ليك صورة ود جيرانكم .. شوفي متسلطين عليهو كيفن ؟؟ |
لأ في دي ظالمينك وحاة سيدي الحسن!
الزول ده أب حنين بالحيل وبالإماره..
هذه الصوره الحنانيه..
سامحهم أخوي..هي مافي مشكله..
إن خليتو التدخين ونفض السجاير في اي حته..
ولمن تقعدوا ماترموا نفسكم كده في الكراسي تقصروا عمرهم..
السعوط ده بس لزومو شنو?
الواحد فيكم لما ياخد حمام ليه ماينشف المويه العملها?
ويرجع بشكيره في مكانه الصحيح?
مشكله كان رجع فردة السفنجة لا مؤاخذه مكانها?
ولا عليق الملابس في مكانها حرام?
وبعدين ورقك الكتير المشتت ده ..ماتلمه في صندوق?
كواريكك وجوطتك المابتنتهي بسبب لمليم ورقك ..ماتختصر الموضوع وتلمه!
قال حنان قال..
وينها حنيتك لما يجيبوا ليك الشاي لغاية عندك ويصبوه ليك..
وبعد داك تشرب وتخت الكبايه في الأرض لما الشفع الحاضنهم ديل يجوا يشوتوها وتتكسر..
وكان ما عورتهم هم..تعور يد أمهم وهي بتلم في القزاز?
وبعد ده المسكينه تنظف مكانها...
تشتكوا?
انتو عندكم نفس.تشتكوا?
الواحد يطلبوا منو يشتري صابون ايريال..يغيب يومين حتي يجيب صابون وكمان مختلف..ولما
يسألوه سؤال بريء.. وين الإيريال يجـوط!
وتبدا النقه وتقول..انتي عايزه تقصري عمري!
إيدي فترت عادل اخوي والنقه والشكوي ما انتهت..
لكن برجعلكم..أصبروا..
صـوره سمحه ومعبره
|
Post: #54
Title: Re: تـسـلـط الـزووووجـات ........ إلـي مـتـييييييييي ؟؟؟
Author: مريم بنت الحسين
Date: 03-28-2007, 11:11 AM
Parent: #1
تعرف يا أخ هاشم.. أمي الله يديها العافية كانت بتعمل كده.. لكن والدي كان بكاويها طوالي.. لما تشاكلنا بقوم بسكت ما بقول شي وبلبد ليها، لما تقوم تكسر شي هي، يقوم يقول ليها، حسي ده كان واحد من الاولاد كان جننتي...
لكن هي معاها حق، كانت تقول ليه، انا بكسره وبنظفه الحته كويس.. وبكون شايله هم انه واحد فيكم يتجرح.. لما واحد من الاولاد يكسره، ما بنظفه انا بنظفه.. ومسكينه هي بتكون تعبانه أساساً في البيت، ما بتكون دايره زيادة شغل..
بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي...
تحياتي.. وشكرا على القصة اللطيفة
بنت الحسين
|
Post: #55
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 11:17 AM
Parent: #54
Quote: لأ في دي ظالمينك وحاة سيدي الحسن!
الزول ده أب حنين بالحيل وبالإماره..
هذه الصوره الحنانيه.. |
منى
الزول الحنين دا بالمناسبة ود جيرانكم أمير الجمري ..
|
Post: #56
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 11:17 AM
Parent: #54
Quote: والله يا هاشم عفيت منك... أمااااااااني بحت لينا جنس حكاوي!!!
أنا غايتو أحمممممممد الله برررررررررررة...
لكن جيت متاوق يعني لزوم الدروس وكدي!!
ودي طبعاً بي تنفعنا لي أيامنا النواضر الجاية... لو ربنا حبس العوارض وسهل على خير!!! |
ابو الحسين الرجل الحبيب الشفيف ربنا إنشاء الله يكمل ليك علي خير ويسعدك ببنت الحلال
ويبعد منك الزوجة المتسلطة القوية .
|
Post: #57
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 11:23 AM
Parent: #56
Quote: أب الحسين
المشكلة أنو ما عندها صداع ولا حاجة .. و ما قالت لي بالدارجي قالت لي بالعربي الفصيح كده .. عليك الله أنا جاية من السودان والنسوان ح يجو يسلموا علي والحنة دي مكلفة مبلغ وقدره عليك الله غسل لي العدة دي لمدة اسبوع بس 00 دي فيها حاجة ؟؟؟؟
أبو الحسين اسمعني .. بعدين انت حنتك حقت عرسان ح تغسل العدة شهررررر كامل !!!! |
هـــسسسسسسع دي أنا قلت حاجة ....... الحق ياصديق الموج صحبك فقد المنطق عديل كده ؟؟؟
يا منار رايك شنو في الزول ده ؟؟؟
|
Post: #59
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 11:33 AM
Parent: #57
Quote: منى خوجلي
شوفي مشيت غطست وجبت ليك صورة ود جيرانكم .. شوفي متسلطين عليهو كيفن ؟؟ |
والله العظيم لو جبتا صورة البشير برضو ما بيحلك , يازول انت حالتك بقت متاخرة شديد
خلاص الله يجيب ليك حبيب نورة بجاي عشان يوريك قرودو بتاعت .....
وبعدين يعني قائل نفسك خلاص رشيت مني خوجلي بصورك دي . ما عايز اخرك علي شغل البيت
قصدي غسيل العدة وما خفي كان أعظم .
|
Post: #61
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-28-2007, 11:46 AM
Parent: #57
Quote: بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي...
|
هاشم الكلام القالته بت الحسين ده ما غريب عليَ .
|
Post: #58
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 11:26 AM
Parent: #56
| Quote: بس يا أخ هاشم، انت عملته غلطه صغيرونه هنا.. ما صاح تشاكل زوجتك قدام بنتك.. يعني كونه البنت ترد على امها بالصورة دي، عشان انت قوّيتها عليها.. كان ممكن تنتظر لحدي ما البت تمشي وبعداك تتكلم معاها.. يعني عشان ما تخت زوجتك في موقف دفاعي.. وعشان ما تحس البنت انكم مختلفين في الراي... |
مريم بت الحسين
إت صدقتي ؟؟ مافي شكلة ولا حاجة !!!
|
Post: #60
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-28-2007, 11:44 AM
Parent: #58
وامير الجمري قايل يعني.مابسوي.كـده?
ولا مابيتقال ليه الكلام ده?
شفت الكلام الفوق ده كلووو..انتو متفقين انه بيتقال ليكم ..
معناته كلكم بتسووه كان بحذافيره ولا بعضا منها
وأسه أم أحمد اللذيذه قاعده تقرا وتضحك سااااكت
|
Post: #62
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 11:48 AM
Parent: #58
| Quote: تعرف يا أخ هاشم.. أمي الله يديها العافية كانت بتعمل كده.. لكن والدي كان بكاويها طوالي.. لما تشاكلنا بقوم بسكت ما بقول شي وبلبد ليها، لما تقوم تكسر شي هي، يقوم يقول ليها، حسي ده كان واحد من الاولاد كان جننتي... |
( وشهد شاهد من اهلها ) وبعدين يا بت الحسين انا ما عملت مشكلة مع زوجتي
ولا حاجة كان بس كلام ممنطق وإنشاء الله الناس تفهم المقصود من الموضوع ده
كويس وبعدين التسلط خشم بيوت , الله لا وراكي .
|
Post: #63
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-28-2007, 12:19 PM
Parent: #62
| Quote: هاشم الكلام القالته بت الحسين ده ما غريب عليَ . |
ود الملك الذيذ لكن غريب علي أنا أها .. ريك شنو ؟؟
|
Post: #64
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-28-2007, 01:17 PM
Parent: #63
Quote: إيدي فترت عادل اخوي والنقه والشكوي ما انتهت..
لكن برجعلكم..أصبروا.. |
منى خوجلي .. النقه ما عندك !!
الحمد لله آية ما طالعة ليك .. ما بتنقنق .. وكمان محجبة !! ( وجه من البتعمليهم ديك وما بعرف أعملهم أنا)
|
Post: #67
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-28-2007, 03:07 PM
Parent: #64
منى خوجلي .. النقه ما عندك !!
| Quote: الحمد لله آية ما طالعة ليك .. ما بتنقنق .. وكمان محجبة !! ( وجه من البتعمليهم ديك وما بعرف أعملهم أنا) |
ايه بنقنق بسيط بالانجليزي!
آيه مابتنقنق لأنه زوجها بيشتغل معاها في البيت..
بيطبخ زيها..
وبينضف البيت زيها ويدخل الملابس في الغساله...
اليوم داك كان عندها نزله..
حلاتو ولدي ..جه من شغله ودخل المطبخ طوالي وعمل ليها شوربه.. وبعداك نظف البيت..
وكمان محجب زيها
|
Post: #69
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-28-2007, 04:53 PM
Parent: #63
| Quote: ود الملك الذيذ لكن غريب علي أنا أها .. ريك شنو ؟؟ |
هاشم أخوي .. ما تنضاري ساكت ..
ما فيها حاجه..
كلنا عملناها وختيناها في العيال ..
أسأل (مجرب) من كترت (الهرش )....
عليك الله الشقيه المرقتها دي .. إنت قلت ليها أنا بسف ؟
|
Post: #68
Title: Re: تـسـلـط الـزووووجـات ........ إلـي مـتـييييييييي ؟؟؟
Author: خالدة البدوي
Date: 03-28-2007, 03:39 PM
Parent: #56
الاخ هاشم
اتمنى اتنسون واتسلط
مودتي ،،
|
Post: #70
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حبيب نورة
Date: 03-28-2007, 06:22 PM
Parent: #68
شووووف
يعني أعتبرني سلمت عليك وحق الله بق الله
النسوان ديل حسب التصنيف النوراني
انا بعتبرن أساس السلطوية في العالم
صاحبي أفلاطون و قريبي أرسطو
قعدوا يتجابدوا فوقن لحدي ما شخبطوا الكراريس كلها نضمي
لدرجة أنو ما فضلت محلة لي تصحيح الاستاذ
المرة وقت يجنها صاحباتها
تخلي ليك البيت دة واقف علي فد كراع
وجيبوا وجيبوا
لكن لو كانت الزيارة دي لي أبو الوليدات
تقول بِس !! رجال فاضيين شغلة
وعندهن الغريزة الأنانية
وحب النفس و والتياب الدهب حتي لو كان علي وزن أبومرين
ودق اليمني بالنسبة لي ناس البترودولار!!
غايتو ربنا يعينكم يا جماعة
أنا أخير لي أفضل أحب في نورة دي و كدي أنشوف آخرتا!
انا غايتوا ما أتنفضت فيهن لي هسة
خايف عليك يا هشومي من الأجراءات في البيت
والله لو نضمت علي اليمين يشكلوا ليك جلسة عقوبات أنطرارية عاجلة
وهاك يا وريق خدرة!!! 
|
Post: #71
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-28-2007, 10:36 PM
Parent: #70
Quote: خايف عليك يا هشومي من الأجراءات في البيت
|
إنت قايل هو جايي يعرض بينا ليه ؟ ما بعد ما فصل النت .
|
Post: #72
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Sana Khalid
Date: 03-29-2007, 04:24 AM
Parent: #1
الأخ هاشم ..
تحياتي..لك و لزوجتك و أتمنى أن تتقبل حديثي!
هناك قاعدة .. رسخت لي في فهمي..تساعدني على (كشف) كثير من الرجال..!!
فالرجل الذي يشكو تسلط زوجته عليه (بصوت عال) ..يكون غالباً هو المتسلط..و لكنه يرغب في نيل بعض التعاطف من الناس ليريحه من تعذيب الضمير..فيلجأ للشكوى من زوجته..!!
الرجل الذي تتسلط عليه زوجته حقاً تجده يخاف جداً التصريح بذلك..خوفاً من عواقبه في المنزل عند زوجته المتسلطة..و خارجه أيضاًبنظرة الناس إليه و سخريتهم منه!
الذي أثبت لي أنك أنت الذي ربما زايد جرعة التسلط حبتين..هو ردك على أم أحمد..(هي كسرت ليها كباية و لا كسرت ليك يديك)!!
بالجد الكلمة دي خطأ أكبر من خطأ زوجتك في صراخها في ابنتها..الذي و إن كان خطأ..فهو في غالب ظني تنفيس عن غلبها..و ربما رد فعل على تسلطك عليها بتسلطها هي على أطفالها!
يا أخي..من الحكمة ألا يختلف الوالدين أمام الأبناء..
فتنبيه أحدهما للآخر بهدوء بعد أن يخلو وجهه إليه..بأن الموضوع لم يكن يستحق كل تلك الضجة..يعطي المخطيء الفرصة للحديث و النقاش..بحيث يفهم أو (يتفهم) كل منهما أحاسيس الآخر و يكون كفيلاً بجعل المخطيء يتدارك خطأه عندما يتكرر الموقف..و لا بد أن يتكرر..!
و لا بأس من اعتذار الوالدة المخطئة(أو الوالد عندما يخطيء) للإبنة..فهذا يزيل ما ترسب في نفسيتها من احساس بالقهر ..و ينمي فيها الثقة في نفسها و والديها..و يعلمها معنى أن تعتذر عندما تخطيء..
ما حدث الآن أنك عبأت ابنتك و قويت عينها على أمها..و عبأت زوجتك بالإحساس بالقهر منك و من ابنتها!!
|
Post: #73
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 06:54 AM
Parent: #72
| Quote: العزيز أبو جهينة لك مني التحية ودائما تعجبني كتاباتك ومداخلاتك ، اي زوجة سودانية بتكون خطتها الأولى هو كيف السيطرة على الزوج وإذا صاحبنا رخ خلاص الركبة الياها ، وعلى فكرة أغلب الزيجات السودانية بكون في واحد متسلط على التاني وإذا طلعوا متعادلين الطلاق بحصل، احيانا أشعر بحزن شديد لحال الزواج السوداني والله نسبة كبيرة منوا فاشلة بكل المقاييس وحياة بائسة وتعاسة ما ليها أول ولا آخر ، عشان كده لازم يحصل تثقيف للنساء والرجال ولازم يعرفوا أن الحياة الزوجية هي ما ندية بل هي مودة ورحمة وسكن . اللهم أصلح نسائنا. |
العزيز شوقي شكراً كتير علي المرور
|
Post: #74
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 06:59 AM
Parent: #73
Quote: الذي حدث من أم أحمد ليس تسلطا. و لكنه نوع من التنفيس للكوامن من الضغوط التي تحدث للأمهات اللائي يجلسن في المنزل و قلوبهن على الأزواج حتى يصلون للمنزل سالمين و على الأبناء و البنات و سلامتهم و هموم البيت و الطبخ و عشرات الهموم.
======================
يســـلم فمك يـا استاذنا والله جبت المفيد وبيت القصيد
تحيـاتي هاشـم وضيوفك الكرام
صــلاح واســبه |
مشكور علي المرور يا استاذ صلاح
|
Post: #75
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 07:14 AM
Parent: #74
Quote: هاشم أخوي .. ما تنضاري ساكت ..
ما فيها حاجه..
كلنا عملناها وختيناها في العيال ..
أسأل (مجرب) من كترت (الهرش )....
عليك الله الشقيه المرقتها دي .. إنت قلت ليها أنا بسف ؟ |
ود الملك تحية خاصة لك ولزوجتك الهارشاك هو عليك الله في زوجة في الدنيا مابتهرش
عيالها اسف قصدي زوجها يا خوي ديل الواحدة فيهن بتفتش ليها اي سبب عشان تعلي صوتها
وتعمل ليك فيها زعلانة ونحنا بالليل نقعد نحنس ونصالح شئي بالكلام وشئي هدايا , حكم
القوي علي الضعيف ( يقول ليك المثل المرة ضعيفة ) .
|
Post: #76
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 07:35 AM
Parent: #75
Quote: الاخ هاشم
اتمنى اتنسون واتسلط
مودتي ،، |
العزيزة جداً خالدة البدوي , يعني عايزة تعملي لي فيها مسكينة ومكسورة جناح وصوتك واطي
وما بتصرخي في الـ .... والعيال بالله عليك امشي كده ولا كده إنتو كلكم طبعكم واحد بس
فكوها شوية والله نحنا بنحبكم لكن انتو ماعارفين عايزين شنو بالظبط ؟؟؟
مشكورة علي المرور من هنا .
|
Post: #77
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 07:54 AM
Parent: #76
Quote: أنا أخير لي أفضل أحب في نورة دي و كدي أنشوف آخرتا!
انا غايتوا ما أتنفضت فيهن لي هسة
خايف عليك يا هشومي من الأجراءات في البيت
والله لو نضمت علي اليمين يشكلوا ليك جلسة عقوبات أنطرارية عاجلة
وهاك يا وريق خدرة!!! |
الحبيب حبيب نورة أنا ما خائف من الآجراءات الفي البيت لكن كده شوف صاحبك عادل جبارة ده
والله حالتو تصعب علي الكافر وقع لي مرته في ا , وينك يا شيخ طولت الغيبة إشتقنا
لمناوشاتك وسردك الجميل الرائع عايزين نستمتع معاك لانو البورد بعد مرات بيكون دمه بقري .
|
Post: #79
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 08:23 AM
Parent: #76
| Quote: ما حدث الآن أنك عبأت ابنتك و قويت عينها على أمها..و عبأت زوجتك بالإحساس بالقهر منك و من ابنتها!! |
كلام نظري لكن عملياً صعب !! مع احترامي ليك أخت سناء خالد ... شوفي المقطع المكرر يومياً ده :
الفصل الأول :
المكان : البيت
الزمان : وقت المغربية
المشهد : الأم قاعده في السرير وشايلة المشط والفرشة .. وزيت أملا
البت قاعده في الواطه وشعرها منكش وصارة وشها
أخوها الصغير يلعب في البلايستيشن ... حلاتو
أنا ماسك الرموت وبتفرج في التلفزيون بي عين والعين التانية في المشط
الأم : يابت ماتتعدلي وتقعدي لي كويس ؟
البت : يا أمي يعني أقعد ليك كيف ما قاعده أها !!
الأم : أقعدي كده كده أها بتعرفي والا أديك هسه بالفرشة دي أطرشق ليك راسك الغليد ده ؟
البت : يا أمي عليك براحة !!
الأم : براحة يعني أنا هسة عملت ليك شنو ؟؟ أنا زاتي لسه ما بديت !!
البت : أأأأأخ خ خ خ يمه واي إييييييييي ( بكاء ودموع وعصبية )
الأم : الله يلعنك يالكريهة جننتيني وطلعت عيني والله حقو أخليك تقعدي كده عشان الضيوف يجو يلقوك منكشة وقبيحة !!
البت : أي خليني .. بس .. ما دايرة .. بقعد كده
يبدأ ضرب ولبع في الضهر .. وصراخ
أنا : يابت الحلال ما معقول .. عليك الله براحة ما كده !!
الأم ترمي الفرشة والمشط وتشيل قزازة زيت أملا وتقوم ..
أها خلي أبوك اليجي يسرحك زي ما عايزة .. خليتو ليكم !!
أنا : يابت الحلال هسه عليك الله ده كلام ؟
الأم : والله هي بث بتتدلع عشان شافتك اتكلمت .. هسه لو بسرحها براي ما تنطق كلمة .. كريهة بس منك !!
أنا  بنصف ابتسامة ) كرية دي ليها هي والا لي أنا ؟
الأم : إنت داير ليك موضوع ساكت هسه أنا جبت سيرتك ؟
أنا : لا أحسن تعالي أضربيني بالفرشة دي كمان !! والله ياهو الفضل ..
الفصل الثاني :
بواسطة من خوجلي .... مع السلامة ...
|
Post: #85
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-29-2007, 10:05 AM
Parent: #75
| Quote: يقول ليك المثل المرة ضعيفة |
قال ضعيفه ..
الغريبه ما بنسوا .. كمان يلبدو ليك ..
إنت ما سمعتها قالت مرة ..
حسع هايج في البنيه مالك .. يعني شنو لو وصلتها معاك في سكتك لبيت صاحبتها .. حسع دي واللا كبايتي الإنكسرت ..
دقيقيه:
إنت ود جباره ده عديلي ..؟
|
Post: #78
Title: Re: تـسـلـط الـزووووجـات ........ إلـي مـتـييييييييي ؟؟؟
Author: omer abdelsalam
Date: 03-29-2007, 08:17 AM
Parent: #1
المشكلة ياخوي هاشم مابقت في تسلط الأزواج فحسب ... لكن كمان في اولاد الزمن ده ..الله يهديهم .. امس جاء نى صديق لى شايل الهم على راسو .. قال ايه.. ولدو المفعوص الماكمل خمس سنوات كان عاوز يفركش البيت..علشان طلب من امه الصعود للرف لجلب بسكويت وامه رفضت ذلك .. ولكن العفريت المفعوص لم يرض هذا الرفض .. فالتفت الى ابيه وبكل خبث قال له: طلقها...تصور !!! تصور
|
Post: #80
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-29-2007, 08:53 AM
Parent: #78
Quote: الفصل الثاني :
بواسطة مني خوجلي .... مع السلامة ... |
هو أصلو الزول بياخد منك شنو غير الترقد كده فوق الكنب ولا السراير والغتاته!
دي تاني مره الليله بس ومن رجعت من الشغل تحاول تغلطني قدام الشفع..
أسه البدخلك بيني وبين بتي شنو؟
قاعد تسرحها؟
بتحميها؟
بتلبسها؟
دروسها دي قاعد تراجعها معاها؟
ما ياها فلاحتك بس تجينا ولما نطلب منك حاجه تقول جاي من الشغل وكفايه أنا تعبي هناك؟
تعب شنو؟
ولا بس عشان بتجيب القروش للبيت قايل خلاص ماعليك شي تاني؟
أنا ما عندي نفس شهادتك دي ماكان ممكن أشتغل.. لكن بس خلاص قسمتي أولد وأأكل وأغسل ,أنضف..
برتاح أنا ولا برتاح ?
من النجمه أنا فوق كرعيني ديل تمرقوا كلكم وأنا بس قاعده أستعد لراحة أقواه وأرانب!
قلت شنو؟
لأ سمعني علشان أنا ماسمعت!
قلت أسطوانه؟
آي اسطوانه هو حياتي معاكم دي بشكلها ده في غيرها؟
سمح وقت شايفها اسطوانه ومكرره وممله ماتحاول تشوف ليك تغيير شويه..
ولا انت قايل نفسك ما اسطوانه؟
أقول ليك كلام؟
انت ده الاسطوانه..
واسطوانه مشروخه كمان..
وانشرخ زي ما داير.. بس اوعك تاني تتدخل بيني وبين أولادي..
انتي يابت انتي كمان استعدلي وبطلي البكا ده ولا أسه أجيب المقص أجزليك شعرك ده وأريحك منه
أنشوف أبوكي ده ماشي يسوي شنو!
|
Post: #81
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ماجدة عوض خوجلى
Date: 03-29-2007, 09:03 AM
Parent: #1
اخى هاشم تحياتى لك
:Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة |
انا غايتو شايفه الكلام الفوق ده هو الحقيقى وشايفه برضو انو القال الكلام الفوق ده عندو تجارب كتيرة من النوع الذى ده وبعد كله احمدو انتوبرضو ربكم انكم ماقعدين هنا علشان تشوفو التسلط مع القدرة
سلام ليكم وللمتسلطين عليكم عافيه منهم
|
Post: #82
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Sana Khalid
Date: 03-29-2007, 09:34 AM
Parent: #1
الأخ عادل جبارة..تحياتي و احترامي..
و الله القصة ما تنظير, و الحمدلله وصفة عملية مجربة و ناجحة طيلة التسع سنوات الفاتت..!
يمكن القواعد الصاح للتعامل بين الإتنين لما تتخت من الأول بتكون تطبيقها (ثم الإستمرار فيها) أسهل بكثير..
لأنو في الأول بكونوا الإتنين براهم ..همومهم ..مشاكلهم..و تعبهم أقل..
لكن برضو مجهود مضاعف عشان الناس تصحح طريقتها مع بعض..أفضل من انو تستمر الحال على ما هو عليه..
العمر مش بعزقة على رأي شمال الوادي!
و القاعدة بسيطة..لو كل واحد عامل التاني كما يحب لنفسه أن يعامل..ما كان أخونا أبو أحمد (مع احترامي له) غنى (ظلموني)..!!
هسه في المثل اللي انت حكيتو هنا..انت كنت متخيل الموقف حيصل وين ..بدليل انو عينك كانت على المشط..
لكن فضلت انك تتدخل متأخر..عشان تصل لنتيجة انت واضعها سلفاً و ما حابب تبذل مجهود عشان تغيرها..انو زوجتك زولة متسلطة ..و بتشاكل (دبان) وشها!!
رأيك شنو تتخيل معاي لو انت اتدخلت من هنا..
Quote: البت : يا أمي يعني أقعد ليك كيف ما قاعده أها !!
|
الأب: غلط يا (مي..مثلاً) تتكلمي مع أمك كده..و أقعدي كويس عشان تخلصي بسرعة!
في رأيي انك كدة بتمتص غضب الأم و تخليها تبرد نفسها شوية مع البت..و سينتهي المشهد باكراً جداً!
لكن نجي برضو للأم..القسوة على الطفل بكلام مثل (كريهة ..قبيحة..أكسر ليك رأسك) دي ما طريقة تربية!!
الأطفال زي المراية..تصرفاتهم و كلامهم..بيكون انعكاس كامل لتصرفاتنا نحن و كلامنا..معاهم أو قدامهم!
....
منى..
لا حولاااااا..بركة الغيّرت وش القرد..غايتو بصورتك دي..كل اللي يجي منك حلو..(والله دي خوفة ..بث)
أخبار بودي شنو؟ يا عيني عليك يا ابني (سمايلي زاتو خاف و أبى يجي)!
|
Post: #83
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Sana Khalid
Date: 03-29-2007, 09:34 AM
Parent: #1
الأخ عادل جبارة..تحياتي و احترامي..
و الله القصة ما تنظير, و الحمدلله وصفة عملية مجربة و ناجحة طيلة التسع سنوات الفاتت..!
يمكن القواعد الصاح للتعامل بين الإتنين لما تتخت من الأول بتكون تطبيقها (ثم الإستمرار فيها) أسهل بكثير..
لأنو في الأول بكونوا الإتنين براهم ..همومهم ..مشاكلهم..و تعبهم أقل..
لكن برضو مجهود مضاعف عشان الناس تصحح طريقتها مع بعض..أفضل من انو تستمر الحال على ما هو عليه..
العمر مش بعزقة على رأي شمال الوادي!
و القاعدة بسيطة..لو كل واحد عامل التاني كما يحب لنفسه أن يعامل..ما كان أخونا أبو أحمد (مع احترامي له) غنى (ظلموني)..!!
هسه في المثل اللي انت حكيتو هنا..انت كنت متخيل الموقف حيصل وين ..بدليل انو عينك كانت على المشط..
لكن فضلت انك تتدخل متأخر..عشان تصل لنتيجة انت واضعها سلفاً و ما حابب تبذل مجهود عشان تغيرها..انو زوجتك زولة متسلطة ..و بتشاكل (دبان) وشها!!
رأيك شنو تتخيل معاي لو انت اتدخلت من هنا..
Quote: البت : يا أمي يعني أقعد ليك كيف ما قاعده أها !!
|
الأب: غلط يا (مي..مثلاً) تتكلمي مع أمك كده..و أقعدي كويس عشان تخلصي بسرعة!
في رأيي انك كدة بتمتص غضب الأم و تخليها تبرد نفسها شوية مع البت..و سينتهي المشهد باكراً جداً!
لكن نجي برضو للأم..القسوة على الطفل بكلام مثل (كريهة ..قبيحة..أكسر ليك رأسك) دي ما طريقة تربية!!
الأطفال زي المراية..تصرفاتهم و كلامهم..بيكون انعكاس كامل لتصرفاتنا نحن و كلامنا..معاهم أو قدامهم!
....
منى..
لا حولاااااا..بركة الغيّرت وش القرد..غايتو بصورتك دي..كل اللي يجي منك حلو..(والله دي خوفة ..بث)
أخبار بودي شنو؟ يا عيني عليك يا ابني (سمايلي زاتو خاف و أبى يجي)!
|
Post: #84
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 10:00 AM
Parent: #83
| Quote: إنت قايل هو جايي يعرض بينا ليه ؟ ما بعد ما فصل النت . |
والله ضحكتني يا سيدي والله كان عندي مشكلة مع الموديوم لكن
هسع فاضي ليكم يلا تعالوا جاي .
|
Post: #87
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 10:23 AM
Parent: #84
| Quote: إنت ود جباره ده عديلي ..؟ |
ود الملك !!
كيفن ما عديلك ؟ مرتك مش حبوبتها برضو حواء ؟؟؟؟
وتصدق ناس كتار إتصلوا قالوها لي بالتلفون !! بس ما رضو يجو يقولوها هنا ..
يعني طلعنا كلنا عُدَلاء .. ما شاء الله
|
Post: #88
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 10:23 AM
Parent: #84
| Quote: المشكلة ياخوي هاشم مابقت في تسلط الأزواج فحسب ... لكن كمان في اولاد الزمن ده ..الله يهديهم .. امس جاء نى صديق لى شايل الهم على راسو .. قال ايه.. ولدو المفعوص الماكمل خمس سنوات كان عاوز يفركش البيت..علشان طلب من امه الصعود للرف لجلب بسكويت وامه رفضت ذلك .. ولكن العفريت المفعوص لم يرض هذا الرفض .. فالتفت الى ابيه وبكل خبث قال له: طلقها...تصور !!! تصور |
يااااااا عمر ظهر اخيراً وينك يا أستاذ والله مشتاقين ليك كتير خالص اخبارك
شنو بالله والأهل إنشاء الله كلهم كويسين .
انت عارف يا عمر أخوي الزمن ده بقي غريب خلاص يعني الشافع المفعوص ده العرفو
بحكاية الطلاق دي شنو ؟؟؟ أكيد المسلسلات والسبب امو لانها اليوم كلو قاعدة
تتفرج علي المسلسلات ما سيباليها قناة إلأ وهي وراها .
عمر بالله ما تقطع الزيارات وخلينا نشوفك دائماً .
|
Post: #102
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-29-2007, 01:53 PM
Parent: #84
| Quote: والله كان عندي مشكلة مع الموديوم |
كمان ..
الجاتك في مالك ..
غايتو الحمد لله أم الآولاد ما عندها فكره في شغلانة اللإلكترونات دي ..
حدها الشاشه لمن تلقاها فاتحه تقعد تبحت في الماركت بليس ..
و ده الوكت البسرق فيه تكيه ..
دقيقه :
إنت ود جباره ده البحوشه شنوا من بحيت فضايحنا ؟؟
|
Post: #86
Title: Re: تـسـلـط الـزووووجـات ........ إلـي مـتـييييييييي ؟؟؟
Author: AMNA BAGRAB
Date: 03-29-2007, 10:14 AM
Parent: #1
الأخ / هاشم
اعذرني ولكن انا مابسميه تسلط كما انت بتطلق عليه المسمي دة
هذه الزوجة تريد ان تجعل اسرتها الأكثر سعادة في العالم
فهي تتعب وترهق نفسها بالعمل طوال النهار وبالنهاية تقتحمون عليها مملكتها لتفسدو كل تعبها فهل عليها ان تقابل كل هذا بالابتسام والتصفيق ...كما انت اب فهي ام وزوجة انها كائن ضعيف فالرحمة مطلوبة اعتقد والمراعاة مطلوبة وهذا ليس بالكثير مقابل ماتقدمه هي لكم بالمقابل
ام ان الرجال هذه الايام نسو ان المرأة كائن بشري ايضا
تحياتي للجميع
|
Post: #89
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 11:05 AM
Parent: #86
Quote: الأخ هاشم ..
تحياتي..لك و لزوجتك و أتمنى أن تتقبل حديثي!
هناك قاعدة .. رسخت لي في فهمي..تساعدني على (كشف) كثير من الرجال..!!
فالرجل الذي يشكو تسلط زوجته عليه (بصوت عال) ..يكون غالباً هو المتسلط..و لكنه يرغب في نيل بعض التعاطف من الناس ليريحه من تعذيب الضمير..فيلجأ للشكوى من زوجته..!! |
الأخت العزيزة جداً جداً سناء عجبني تحيزك التام لبنات جلدتك وده شئي طبيعي
لكن كمان لازم تعرفوا حاجة معينة ( إنتو كلكم ما بتعرفو تتكلموا بصوت واطي)
ومخاطبتكم مع أولادكم ماخدة نفس الطباع وساعات كتيرة بنتكوي منكم ومن صريخكم
والأخ عادل جبارة جزاءه الله الف خير ما قصر في المداخلة معاك مع انو مثال حي
للزوج المتعاون مع زوجته ( بيغسل العدة عشان مرته جايا من السودان وحنتها
لسة جديدة ودافعة فيها كوم قروش ) الشئي اللي بدعو ليهو أنا عايزين شوية
مساحة لينا ولاطفالنا من صوتكم العالي ده بس دي كل الحكاية .
|
Post: #90
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 11:12 AM
Parent: #89
Quote: اخى هاشم تحياتى لك
:
Quote: هاشم .. الظاهر انتا الكسرت الكباية .. مش قلت
الدنيا قامت ولم تقعد .. طيب كيف؟!! يا أخوي
مسامحنك طالما بدأت تفريغ الغضب خارج دائرة
الرقابة .. فالصدق أحيانا معجزة
انا غايتو شايفه الكلام الفوق ده هو الحقيقى وشايفه برضو انو القال الكلام الفوق ده عندو تجارب كتيرة من النوع الذى ده وبعد كله احمدو انتوبرضو ربكم انكم ماقعدين هنا علشان تشوفو التسلط مع القدرة
سلام ليكم وللمتسلطين عليكم عافيه منهم |
اولاً زارتنا السعادة مشكورة يا بت خوجلي , يالله ورينا التسلط كيفنو مع القدرة ؟؟؟
|
Post: #91
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 11:31 AM
Parent: #90
لا حول ولا قوة إلا بالله .. بالله نفسي قايم بعد ما جيت من الشكلة العاملها تمبس مع طه جعفر الخليفة بي هناك .. أها النشوف المرة دي آخرها شنو والنتم الناقصة معاها كمان :
Quote: انتي يابت انتي كمان استعدلي وبطلي البكا ده ولا أسه أجيب المقص أجزليك شعرك ده وأريحك منه
أنشوف أبوكي ده ماشي يسوي شنو! |
ماشي أسوي شنو ؟؟؟
البسويهو ح تعرفيهو كويس بس ما يبقى ليك حار بعدين ؟ أصلك كده ما عندك غير النكد والنقة الكتيرة .. حياة تقرف !! والله يابتي أعمل ليك شنو ما ياها أمك عاد ح أجيب ليك أم تاني من وين ؟؟؟ الواحدة أصلوا مايتكلمو معاها ولا يقولوا ليها حاجة تقوم تتهَيَّجْ زي الشيطان .. ما تشوفي هسه ناس عواطف ديل سمعتي يوم حسها ؟ ما عندها خمسة بنات لي ما بتسوي زي عمايلك دي ؟؟ الواحد زهج من قعدة البيت معاك .. دي ما طريقة !!
|
Post: #92
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 11:47 AM
Parent: #91
| Quote: الأب: غلط يا (مي..مثلاً) تتكلمي مع أمك كده..و أقعدي كويس عشان تخلصي بسرعة! |
طيِّبْ يا سناء خلينا نبدأ من هنا :
أنا : غلط يا بتي عيب تتكلمي مع أمك كده..و أقعدي كويس عشان تخلصي بسرعة!
البت : حاضر يابوي .. لكين قول ليها ماتْجُرَّ لي شعري شديد !! أهي أهي ..
هي : أيييي خلاص أقعدي إتبكَي لي كده عشان أبوك قاعد يحنس فيك .. أنا ولا بحنِّسكْ ولا حاجة يا بقوم أخليك يسرِّحك هو .. يا بفلقك بالفرشة في راسك الكبير ده ..
أنا : والله غايتو الواحد أصلوا يعني ما يتكلم .. يقعد زي الحيطة !! هسه أنا قلت شنو ؟
هي : أييي ما خلاص سِمْعَتْ كلامك وتحانيسك .. ما عاد أنا الشغالة .. أنا أمها والله ولدتها؟
أنا : خلاص قَفَّلتَ خشمي وقايم من جنبكم إنشاء الله تكسري ليها راسها زاتو .. غلطان أنا الجيت قعدت جنبكم الواحد أحسن ليهو يمشي العزابة يلعب ليهو عشرة كوتشينة بدل القرف ده !!
مش نفس الفلم ؟؟؟ ود الملك .. أرح نلعب كوتشينة ..
|
Post: #93
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 11:55 AM
Parent: #91
امنه كيفنك قبل كل شئي خليتي الناس كلهم منتظرينك وجايا بجاي سمح خلينا
نشوف عندك شنو في الآول .
Quote: الأخ / هاشم
اعذرني ولكن انا مابسميه تسلط كما انت بتطلق عليه المسمي دة
هذه الزوجة تريد ان تجعل اسرتها الأكثر سعادة في العالم
فهي تتعب وترهق نفسها بالعمل طوال النهار وبالنهاية تقتحمون عليها مملكتها لتفسدو كل تعبها فهل عليها ان تقابل كل هذا بالابتسام والتصفيق ...كما انت اب فهي ام وزوجة انها كائن ضعيف فالرحمة مطلوبة اعتقد والمراعاة مطلوبة وهذا ليس بالكثير مقابل ماتقدمه هي لكم بالمقابل
ام ان الرجال هذه الايام نسو ان المرأة كائن بشري ايضا
تحياتي للجميع |
والله الرجال عمرهم ما حاينسوا ولا مرة انو الزوجة كائن بشري , بل بالعكس
نحنا والله بنحبكم وبنموت فيكم كمان لكن انتو ادونا شوية مساحة للتفكير
وشوية مساحة لطلباتكم الما بتنتهي دي والنقة الكتيرة , يعني الواحدة
فيكن لو باب المطبخ بس خرب تنق كان الباب ده بس هو البسوي ليها الأكل
ويا ريت كل ده بصوت معقول داخلة تنق طالعة تنق وهلم جرا .... يا ود الملك
الحقني النسوان ديل جننوني خلاص ما بقدر أكمل كفاية الراجيني بعدين في البيت .
|
Post: #94
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Muna Khugali
Date: 03-29-2007, 12:01 PM
Parent: #91
كضاب..بس ياها فلاحتك..فلانه أحسن منك وفلانه مابتسوي!
أها وكت جبت المقارنه استعد
امشي كدي شوف الرضي أب طلعة بهيه ".."
شـوفه رايق كيف مع مرته وأولاده?
يفسحهم علي الأقل مره في الإسبوع في المكان الدايرنه هم..
شـفته وقت ينزل من العربيه بيفتح الأبواب لأولاده وهو مبتسم كيف?
مغصتي أنا الماعندي راجـل بيقدرنا زيه...
اقول ليك كلام?
تهديدك ده ما بخوفني..
ماش تعمل شنو كمان..بس!
ثم تمتمت بكلام كثير بصوت خافض ووجه غاضب وقفلت باب الغرفه عليها في غضب!
|
Post: #95
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عماد محمود علي
Date: 03-29-2007, 12:03 PM
Parent: #91
أخي وصديقي هاشم
صباحك زين ، ،،،،
(| Quote: تسلط مع سبق الإصرار والترصد ) |
والله يا هشومة غايتو التسلط ده موجود في كل بيت ، هم يكسروا ويوسخوا ولهم ( غفورُ رحيم ) بس إنت لو كرفست الملايا ساكت ( شديد العقاب ) ، غايتو بس ما يكونوا كمان بيعملوا ليك ذي صاحبنا داك ( أطلع أمشي نوم ) ، دي بقى أسأل منها عادل جبارة ، غايتو تسطلت جماعة صاحبي دي زيها مافي ، ولا رأيك شنو ياود جبارة . ، أنا غايتو العندي دي مسكينة وماعندها تلسط خالص ..... مرتااااااح على الآخر . بس شوف صاحبك .
|
Post: #96
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 12:14 PM
Parent: #95
| Quote: ثم تمتمت بكلام كثير بصوت خافض ووجه غاضب وقفلت باب الغرفه عليها في غضب! |
بالله تمتمت بس يعني نقة مافي , والله تلاقيها ما خلتوه يرقد ليهو علي جنب .
|
Post: #98
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 12:23 PM
Parent: #96
| Quote: أنا غايتو العندي دي مسكينة وماعندها تلسط خالص ..... مرتااااااح على الآخر . بس شوف صاحبك . |
يا عماد محمود إتق الله بالله عليك في زوجة مسكينة , ده علي منو ده , نسيت يوم
ما قالت ليك دخل البت دي جوه البيت قدام اصاحبك وقلت ليها بدخلها البيت
لكن والله العظيم مابرضعها ليك .
|
Post: #97
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 12:18 PM
Parent: #95
| Quote: ثم تمتمت بكلام كثير بصوت خافض ووجه غاضب وقفلت باب الغرفه عليها في غضب! |
أييي الباب ده كسريهو وجيبي خشبوا أضربيني بيهو كمان في راسي ده .. شوف المرة دي بالله ؟؟ رضينا بالْهَمْ والهَمْ ما راضي بينا !!! كمان دايره تخليني إشتغل بواب أفتح ليك باب العربية ؟؟ ياها دي الرجالة في نظرك ؟؟ يعني البسوي ليك فيهو ده كلوا ما عجبك ؟؟ والله صدق المثل والحديث ناكرات عُشرة وجميل .. أمشي .. أمشي يالا .. في ستين داهية ..
|
Post: #99
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-29-2007, 12:27 PM
Parent: #97
| Quote: والله يا هشومة غايتو التسلط ده موجود في كل بيت ، هم يكسروا ويوسخوا ولهم ( غفورُ رحيم ) بس إنت لو كرفست الملايا ساكت ( شديد العقاب ) |
عماد محمود
هم لما يكونوا مارقين بره البيت ليه بيهتموا بي شَدَّ الملايات كدي ؟؟
بعدين صاحبنا الأنا وإنت عارفينوا كويس اليومين دي شغلت العلاقات العامة دي براها ح تجيب ليهو الهوا !! خليهو في حالوا أحسن ..
|
Post: #100
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نهال الطيب
Date: 03-29-2007, 01:17 PM
Parent: #99
استاذ هاشم
شكرا على الموضوع الجميل
والله الحركات دي ما عندها علاقة بالزوجات بس دي في جينات النسوان عموما
يعني بنوتك العسل دي لمن تكبر برضو حتعمل زي أمها
بعدين مثلا لمن تلقى زول بشيل اي حاجة من حتتها وما برجعها وبنكش ليك الدولايب
ويجوط البيت فوق تحت ويرمي هدومه في السراير ويخت كباية الشاي فوق الفوطة ولا في الارض ويجي يشوتهاوالطفاية تحت السريروالجزمة في نص الصالة ويكرفس الملايات ويكسر في العدة
اللحظة ديك بكون على قول وردي شفت الدنيا دارت بي
زمان ود خالتي ماسك لأمي كلمة انها بتجي تلقاه راقد في السرير تقول ليه خلاص اندهجتوا لي في الملايات
اها طبعا هو أول مرة يسمع كلمة اندهجتوا بس كل ما يلقى زول قاعد يقول ليه خلاص اندهجت
|
Post: #101
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 01:29 PM
Parent: #100
Quote: استاذ هاشم
شكرا على الموضوع الجميل
والله الحركات دي ما عندها علاقة بالزوجات بس دي في جينات النسوان عموما
يعني بنوتك العسل دي لمن تكبر برضو حتعمل زي أمها |
الأخت العزيزة جداً نهال مشكورة علي المرور وفعلاً كلامك في محلو انو المسالة مسالة
جينات لكن النقة والنضممي بصوت عالي دي بس يحلوها كيف انت عارفة بالطريقة دي
الشوفع بيتطرطشو عديل كده يعني لو امه بس فتحت خشمها تلاقيه هناك قام جاري
ونحنا قاعدين في البيت يومياتي علي الوضع ده , بس لازم يتغير الأطفال محتاجين
توعية مش شخطي وصريخ .
|
Post: #103
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 03:21 PM
Parent: #101
دقيقه :
| Quote: إنت ود جباره ده البحوشه شنوا من بحيت فضايحنا ؟؟ |
ود الملك والله تعبتني تعب شديد ياخي ادخل بعد اخر مداخلة عشان اقدر اشوفك هسع
لي فترة بفتش ليك والحمد لله لحقت مداخلتك .
اما اخونا عادل جبارة ده فحالته متاخرة جداً جدًا الله يكون في عونه .
|
Post: #104
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-29-2007, 05:40 PM
Parent: #103
اهديكم هذه الصورة الحديثه مع الأخ نصر الدين حقار بمناسبة شفاءه وهي قبل 3 اسابيع
|
Post: #105
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 03-29-2007, 05:42 PM
Parent: #1
أخى/هاشم
بالله لما تقول كلام عن الرجال ما تنطق بأسمهم شنو يعنى بل بالعكس بنحبكم ونموت فيكم...بنحبهم دى آى لكن والله أول ما تجيب سيرة الموت كل زول ببقى براه صدقنى...............وكمان الواحدةقبل ما زوجها يموت لو سألوها تقول والله ما بعرس فيه وأول مايموت شعارها يكون الحى أبقى من الميت....حب حتى الموت مافى بنحبهم نعم لكن نموت فيهم لا أويدك ولا أضم صوتى لصوتك...أما الرجال وهى حية لو لقى فرصة بعمل الثانية......وأنا بفتكر فى تسلط فى مشاكل فى حياة صحيه والتسلط أنواع وفى تسلط لذيذ ...ذى ما قال أخوى عماد محمود(أطلع نوم كفايه سهر)لى أخونا داك ده نوع من التسلط الجميل وراهو حوافز............وخلينا من ألأخت منى خوجلى دى رائها براهو وعادل جباره يشيل ويعكس فى الكلام عاد ما من عطبره ما برضى الحقاره.............
الله يديكم العافية جميعآ................إسماعيل محمد أحمد عباس..........
|
Post: #106
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 03-29-2007, 07:33 PM
Parent: #105
هاشم .. حمد الله علي سلامة صاحبك .. ربنا يمتعه بالصحه ..
إنشاء الله سببه ما يكون داخلي ..
دقيقه:
قول لود جباره .. علي أنا ..
أنا بشكها لما تنزل لي أهلها إجازه .. فتشلك رفقه تانيه..
|
Post: #107
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 03-30-2007, 08:47 PM
Parent: #1
UP
|
Post: #108
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-31-2007, 10:01 AM
Parent: #107
Quote: قول لود جباره .. علي أنا ..
أنا بشكها لما تنزل لي أهلها إجازه .. فتشلك رفقه تانيه.. |
ود الملك !!!
خمسين ........ والجوكر بايظ !!!!!!!!!!!!!
|
Post: #109
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-31-2007, 10:05 AM
Parent: #107
| Quote: وأنا بفتكر فى تسلط فى مشاكل فى حياة صحيه والتسلط أنواع وفى تسلط لذيذ ...ذى ما قال أخوى عماد محمود(أطلع نوم كفايه سهر)لى أخونا داك ده نوع من التسلط الجميل وراهو حوافز............وخلينا من ألأخت منى خوجلى دى رائها براهو وعادل جباره يشيل ويعكس فى الكلام عاد ما من عطبره ما برضى الحقاره............. |
طيب يا أستاذ إسماعيل التسلط الما لذيذ شنو ؟؟ أفصح .... أبن .... وضح ؟؟؟؟
|
Post: #110
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-31-2007, 11:48 AM
Parent: #109
ود الملك شايف صاحبك عادل جبارة ردا عليك فوق شايف ردو كيف ؟؟؟؟
|
Post: #111
Title: Re: تـسـلـط الـزووووجـات ........ إلـي مـتـييييييييي ؟؟؟
Author: مجدي عبدالرحيم فضل
Date: 03-31-2007, 01:18 PM
Parent: #110
حبيبنا المرهف أبو أحمد
مساك الله بالخير،،،
الكباية دي لو بطلع لينا ده كلوا كان كسرنا من زماااان
طبعا أشتريت غيره دسته والعزيز عاااااادل جبارة ملأ البيت
كبااااااااابي وهاك ياكبكبه أن الجماع وصلوا بالسلامه ، وده
مرور سريعه كده عشاااااااان كبايتي ما تفقدني وبجيك صاااااادي،،
أبو قـ مجدي عبدالرحيم ـًصى
|
Post: #112
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-31-2007, 01:26 PM
Parent: #111
Quote: حبيبنا المرهف أبو أحمد
مساك الله بالخير،،،
الكباية دي لو بطلع لينا ده كلوا كان كسرنا من زماااان
طبعا أشتريت غيره دسته والعزيز عاااااادل جبارة ملأ البيت
كبااااااااابي وهاك ياكبكبه أن الجماع وصلوا بالسلامه ، وده
مرور سريعه كده عشاااااااان كبايتي ما تفقدني وبجيك صاااااادي،،
أبو قـ مجدي عبدالرحيم ـًصى |
اولأ ماشاء الله علي قصي ( مالي الشاشة ) ربنا يحفظه ليك ويكسر ليك
كبابي البيت كلها ونشوف أم قصي حاتعمل شنو, طبعاً من ناحية الصريخ
ده شئ عادي لكن المشكلة يا مجدي أخوي إنو نحنا البنتشتري العدة
وبعد ده كلو هم يزعلوا عليك الله نعمل شنو ؟؟؟
|
Post: #118
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Khalid Saeed
Date: 03-31-2007, 09:08 PM
Parent: #109
هشومي ...
عاجبني الحمش ..
كسار الكباببي ..
ونهار النسوان ...
غني وشكريه ألليله يابنيه ...
من يوم ما إتزوج ..
مادّخل صنيه ...
في وسط الأوضه ..
كبايته مرميه ...
كرفاس للملايات ..
كان وحدة كان 100 ..
عاجبني الحمش
أبشر بالخير .. يالكلس ..
قالوا ..
في واحد قال لي مرته .. إنتي كل يوم ..دايره ..دايره .. دايره..دايره .. مافي يوم تقولي ليه هاك يازوجي العزيز ...
مرته قالت ليه : هاك يازوجي العزيز صلح لي نعلاتي ...
تحياتي لي جميع المتداخلين ( الهارشين والمهروشين ) ( الكاسرين والمكسرين)
الأرباب / خالد سعيد
___________________________
ياخوانا عشان ماتقولوا مطرفين وكده عندنا حل للجماعة الكبكابين ( صحانة الورق وكبابي البلاستيك .. دي ضمان عشان لاكباية إتكسرت .. ولاغسل العدة ياعـــدولي ..
لمن تزور محمود عبدين محلات البلاستيك في العمارة بتاعتهم جيبلك معاك 10 كراتين صحانه بلاستيك و10 كراتين كبابي بلاستيك .. الحبايب كتار وموصيننا.
____________
نصر الدين حقار .. حمد لله على السلامة ..
نحبك بشدة .. لك قلوبنا وخالص دعواتنا ..
|
Post: #113
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 03-31-2007, 01:44 PM
Parent: #1
Quote: الاخ هاشم
اتمنى اتنسون واتسلط
مودتي ،، |
هاشم خالدة البدوى دى بتعمل فى دعاية لى رقبتها..يكون يا ربى طلقوها عشان نقتها الكتيرة
والا شنو؟
بعدين يا هاشم صاحبك عادل جبارة قال بغسل العدة لمدة اسبوع..حكمة الله هو البعمل الحنة زاتها
ويرسمها ..يجى يقول بغسل العدة..ليس بعد الكفر ذنب!!!!
|
Post: #114
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 03-31-2007, 02:00 PM
Parent: #113
Quote: بعدين يا هاشم صاحبك عادل جبارة قال بغسل العدة لمدة اسبوع..حكمة الله هو البعمل الحنة زاتها
ويرسمها ..يجى يقول بغسل العدة..ليس بعد الكفر ذنب!!!! |
صديق الموج
والله ياريتني لو بعرف .. كان سويتها .. والداير تقولوا قولوا !!!!
|
Post: #115
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 03-31-2007, 02:20 PM
Parent: #114
Quote: هاشم خالدة البدوى دى بتعمل فى دعاية لى رقبتها..يكون يا ربى طلقوها عشان نقتها الكتيرة
والا شنو؟ |
يا صديق الموج زولتك خالدة البدوي عاملة لي فيها مكسورة جناح وكمان
ما عندها صوت خالص , كدي النشوف ؟؟
أما زولك عادل جبارة ده والله العظيم حيرني عديل كده , شارك معاي في
البوست حقي ما قلنا حاجة لكن الشئ البسوي فوقو ده كيف الله أعلم
علي العموم يا صديق أخوي المثل قال يا خبر الليلة بفلوس بكرة بالمجاني .
|
Post: #116
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غباشي
Date: 03-31-2007, 02:27 PM
Parent: #1
يا جماعة الكورة كم كم ......... ؟
|
Post: #117
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 03-31-2007, 08:06 PM
Parent: #1
يا أستاذ/هاشم
تحياتى
التسلط الذيذ طبعا إنت عارفو وجربتو كمان
أما التسلط الغير لذيذ يا لذيذ عكسو......................والحمد لله ده نحن مابنعرفو......سلام
|
Post: #119
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-01-2007, 07:31 AM
Parent: #117
| Quote: يا جماعة الكورة كم كم ......... ؟ |
يا ولد إنزل ده بص سيرا .
|
Post: #120
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-01-2007, 07:48 AM
Parent: #119
Quote: هشومي ...
عاجبني الحمش ..
كسار الكباببي ..
ونهار النسوان ...
غني وشكريه ألليله يابنيه ...
من يوم ما إتزوج ..
مادّخل صنيه ...
في وسط الأوضه ..
كبايته مرميه ...
كرفاس للملايات ..
كان وحدة كان 100 ..
عاجبني الحمش
أبشر بالخير .. يالكلس .. |
أبشر بالخير يا خالد ود الأرباب , لكن أمانة الموضوع ده ما جاب ليهو شمارات ومن منو من
صاحبك عادل جبارة وبيني وبينك العد التنازلي بداء ماشايفو اليومين ديل بقي ساكت
لا حس ولا خبر
|
Post: #121
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 04-01-2007, 07:59 AM
Parent: #120
| Quote: يا جماعة الكورة كم كم ......... ؟ |
غباشي
مافي كورة ولا حاجة .. نحنا لاعبين حريق وأنا قافل والجوكر مخاواة .. صاحبك هاشم حرق زماااان !!!! وود الملك هرب .....
|
Post: #122
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-01-2007, 09:53 AM
Parent: #1
ألأخ/هاشم
تحياتى
شايف بص السيرة فاتنى!!!!!!!!!!!!!!!!!!!!!!!!!
وألأخ/غباشى راكب غلط...طيب أنا بقول ليك العريس منو؟؟؟؟
مع العلم أنا عارف حاتقول منو أيه رأيك
تحياتى....................
|
Post: #123
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-01-2007, 10:35 AM
Parent: #122
Quote: غباشي
مافي كورة ولا حاجة .. نحنا لاعبين حريق وأنا قافل والجوكر مخاواة .. صاحبك هاشم حرق زماااان !!!! وود الملك هرب ..... |
عدولي شايفك بقيت تنطط وخليت موضوعنا خالص , العد التنازلي عارفو بداء
لكن موضوع غسيل العدة دا نعمل فيهو شنو ؟؟؟؟
|
Post: #124
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-01-2007, 12:42 PM
Parent: #123
| Quote: شايف بص السيرة فاتنى!!!!!!!!!!!!!!!!!!!!!!!!! |
والله أنا قايلك أنت الكمساري ( آل بص السيرة فاتو آل )
|
Post: #125
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-01-2007, 08:12 PM
Parent: #124
IAM SO SORRY BUT SOME THING NOT MORMAL FOR MY KEY BOARD
WAD AL MALEK WHERE ARE YOU , I JUST NOTICE THIS WORD
| Quote: الغريبه ما بنسوا .. كمان يلبدو ليك .. |
IS THAT MEAN YOU ARE ............????????
|
Post: #126
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-01-2007, 10:40 PM
Parent: #125
ياجماعه السلام عليكم ..
اسفين يخوانا .. شايفك ياهاشم إنت تعرض وداك بنقز ..
الحمد الله ما خربوا لي شيئ ..
لكن عارف ياهاشم الشهر الفات في نهاية الأسبوع جيت داخل البيت .. لقيت ام الاولاد قالبه الصالون البيمين مشي شمال والشمال مشي يمين والغرب شرق .. واول ما دخلت قالت لي أها رأيك شنو ؟
قلت ليها تمام التمام الصالون ياداب نور ..
قالت .. أها شفت براك كنت مشغوله كيف أحسن أطلب لينا دليفري بعد كده ما بقدر علي المطبخ .
.. حاضر ياستي ..
راحت ايام وجات ..
جينا في الويك اند ده .. طبعا ما نهاية شهر ..
خشيت لقيت العفيشات رجعن لي بكانن القديم ..
.. أها رأيك شنو؟
.. وأنا بقدر أقول غير السمح .. تمام التمام ياداب الصالون نور ..
..أها براك شايف....
.. قلت ليها مش الكراسي دي باكر بدللها..
مين قدرك تقول كده .. ما أصلك كده .. يوم متين أنا عملت حاجه إنت شكرتها .. ورررررا .
قدر ما أقول ليها يا بت الحلال دا ما أنا القال ده هاشم .. برضو ..
> < > < > < > <
أخيرا ..
طبعا .. يعني حاعمل أيه ..
منها حردت البوست بتاعك ده ثلالثه أيام كفاره ..
دقيقه:
ياخوي وقفتنا طالت في المحطه دي .. دحين قطر أتبره ده مو فى مواعيده ؟
|
Post: #127
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عثمان سيد أحمد
Date: 04-01-2007, 11:11 PM
Parent: #126
Quote: يوم أمس فقط كانت إبنتي الكبري ( ثالثة متوسط ) تبحث عن شئي ما في المطبخ وصدفة
وقعت منها كباية وبالتاكيد ( إتكسرت حتة حتة ) وهنا علا صراخ زوجتي ( أم أحمد ) علي
بنتها كيف تكسر الكباية وقامت الدنيا ولم تقعد , |
الغالي هاشم
يا خوي انت ما عارف المطبخ هو من الأملاك الخاصة للزوجة وهناك خطوط حمراء لايمكن تجاوزها 00 يعني كباية إتكسرت 00 مفراكة إتقلمت 00 صحن إدشدش 00 حلة إنقدت 00 انت ما ليك أي دخل دي من الشئون الخاصة بتاعت المدام 00
يعني لازم تجيبو لينا الكلام وتخلي ناس مني خوجلي إتفسحوا فينا وما خلو لينا جنبا نرقد عليه 00 دا كلام يا هاشم يا خوي 00 انت مالك ومال التسلط النسائي الانتقائي 000!!!!
عارف يا هاشم ياخوي 00 في ذات يوم من الأيام ( حلوه مش كدا ) المهم ياخوي في ذلك اليوم تحزمت ودخلت المطبخ وقلت للزوجة العزيزة أنا عايز أطبخ ليكم اليوم ( حلة دمعة ) أو كما يقولون 00 بس ما عليكم انتي والأولاد تقطعوا البصل واللحمة وتجهزوا لي كل شئ يتعلق بهذه الحلة و 00 وقبل أن أنهي كلامي طردت شر طرده من المطبخ 00 ولم أدخل أي مطبخ منذ ذلك الوقت إلا مطبخ بيت العزابة لأجهز حلة ( القطر قام ) 0
طبعا حلة ( القطر قام ) دي وتجهيزها بعد العودة من الإجازة و العودة لحياة نكد العزابة 00 دي حاله دي يا هاشم 00 واحد متزوج وعزابي 00 دي تجي كيف ؟؟؟ 0
يا خوي ما تسلبط علينا 00 وتقول لينا تسلط 00 تسلط شنو الجايي تقول عليه 00
انت عارف أخر التسلط إيه ؟؟
مع مودتي 000
|
Post: #128
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-02-2007, 06:23 AM
Parent: #1
Quote: صديق الموج
والله ياريتني لو بعرف .. كان سويتها .. والداير تقولوا قولوا !!!! |
هاشم الواضح كيف حالك شايف زولك ببرى فى نفسه
لكن يا هاشم انت زول خبرة فى زمتك تسريحة بت عادل الصغيرة
دى ما سريح رجال ظاهر عليها ما مسرحاها امها،،،،
|
Post: #129
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-02-2007, 10:22 AM
Parent: #128
Quote: لكن عارف ياهاشم الشهر الفات في نهاية الأسبوع جيت داخل البيت .. لقيت ام الاولاد قالبه الصالون البيمين مشي شمال والشمال مشي يمين والغرب شرق .. واول ما دخلت قالت لي أها رأيك شنو ؟
قلت ليها تمام التمام الصالون ياداب نور ..
قالت .. أها شفت براك كنت مشغوله كيف أحسن أطلب لينا دليفري بعد كده ما بقدر علي المطبخ .
.. حاضر ياستي .. |
ود الملك أخوي المسألة بقت ( تسلط ... وسلبطة ) .
إنت عارف أنا لاحظت ليك حاجة مرتي لما تكون ماعايزة تطبخ أقول ليها :-
أها غدانا الليلة شنو ؟؟ تقول لي ( عدس ) والعدس بين قوسين عارف ليه
لاني ما بحب العدس والعبد لله علي طول من طريق الشغل لمحل المشويات وهاك
يا سمك وهاك يا دجاج مسحب وخبز تركي وسلطات ومقبلات , ولما تدخل للبيت
تقول ليك ده شنو ده ؟؟؟ أنا ما قلت ليك الغداء عدس ( يعني زعلانة )
حركات جيش .. مش كده .
|
Post: #130
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-02-2007, 10:43 AM
Parent: #129
| Quote: عارف يا هاشم ياخوي 00 في ذات يوم من الأيام ( حلوه مش كدا ) المهم ياخوي في ذلك اليوم تحزمت ودخلت المطبخ وقلت للزوجة العزيزة أنا عايز أطبخ ليكم اليوم ( حلة دمعة ) أو كما يقولون 00 بس ما عليكم انتي والأولاد تقطعوا البصل واللحمة وتجهزوا لي كل شئ يتعلق بهذه الحلة و 00 وقبل أن أنهي كلامي طردت شر طرده من المطبخ 00 ولم أدخل أي مطبخ منذ ذلك الوقت إلا مطبخ بيت العزابة لأجهز حلة ( القطر قام ) 0 |
بس يا عثمان أخوي برضو ما وريتنا الحصل شنو بالظبط في المطبخ , يعني إذا عايز
تقول الجماعة بطريقتك دي عملوا كل حاجة دي مقدور عليها المهم ما يكون في
حاجة أكبر من كده دسيتها مننا .
مشكور علي المرور يا غالي وربنا يسعدك مع العيال وزوجتك العزيزة .
|
Post: #131
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-02-2007, 01:09 PM
Parent: #130
Quote: هاشم الواضح كيف حالك شايف زولك ببرى فى نفسه
لكن يا هاشم انت زول خبرة فى زمتك تسريحة بت عادل الصغيرة
دى ما سريح رجال ظاهر عليها ما مسرحاها امها،،،، |
صديق الموج الحمد لله عرفت أخيراً إني واضح ودي شهادة أعتز بيها
والله عادل جبارة ده حيرني عديل كده , ما عارفو مالو ولا الحاصل
ليهو شنو ؟؟؟ يكون ماخد ليهو كرت أصفر قبل كده وهسع خائف
من الأحمر ؟؟؟ ياربي يا ربي ..... الله يكضب الشينة .
|
Post: #136
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عيدروس حجر
Date: 04-02-2007, 06:12 PM
Parent: #130
هاشم شاعرنا
والله ما كنت عارف الموضوع بالصورة دى اها اقول
حاجة .. مرة كنا فى الكورنيش عزابة بالرغم من انو كلنا
متزوجين وكم واحد معانا ما معرس وفجأه واحد قال بدون مقدمات
البخاف من ( مرتو) منو ؟؟ طبعا الجماعة كل واحد عاوز يثبت
انو هو راجل .. والله انا ما بخاف من مرتى والثانى يقول
لو طلعت اى مكان مستحيل تسألنى وين كنت وهلماجرا .. المهم
كل واحد عاوز يكون قدامنا راجل .. واحد اخونا بيتكلم فجاه
الموبايل رن (ترررررررررررررررررن)
الو : وفجاه اىىىى جاى هسع خلاص هسع بجى وصاحبنا دا كان
عامل فيها راجل والجماعه فكوه ليك ضحكه
.. الحمد لله ما كسر لينا الحاجات ..
ام احمد دى اصيله قول الحمد لله ما كسرت ليك راسك ..
| Quote: طيب من قبيل مالك عامل لينا فيها ... ما قلنا ليك خليك في حالك من الأول ؟؟ |
والله يا جبارة ما كنت قاليك كده .. انت من الجماعه ديل برضو ..
اعتذر للمداخلة المتأخرة
|
Post: #156
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ابوبكر يوسف إبراهيم
Date: 04-03-2007, 01:47 PM
Parent: #130
آسف .. مكرر
|
Post: #246
Title: Re: تـسـلـط الـزووووجـات ........ إلـي مـتـييييييييي ؟؟؟
Author: nazar hussien
Date: 04-16-2007, 04:21 PM
Parent: #130
يا هاشم... عندي الحياة كلها مسرحية كبيرة جدا...والحياة الزوجية مشاهد من المسرحية الكبيرة
والحيلة انطلت علي زوجتي...لما بقت مسكييييييييييييييييييييييييييييييييييييييييينة....
تقوم يا سيدي ليك...تسترجع من ذاكرتك...الحريم كسأرات العدة...والكوراكات...والبزعلن سريع...
والبحرّقن الصاج...والبجيبن الشاي مقرّض...والبقهّن في المسلسل...والرجال الكشاتين...وناس اب غازيه وام فتفت...ديل كلّهم كان فتشت عليهم بتلقاهم...يلا تقوم لامن تحصل مواقف فيها شوية ماس أو كهرباء...نوع ( أحذر هنا ضغط عالي) تقوم تمسرح الشغلانة علي حسب الموقف...المسألة عايزة تمرين تمرينين... يعني اقلب اللحظة الحرجة دي الي مسرحية...وأحيانا كلمة واحدة...بتزيل الغضب...
مثلا في موضوع تكسير الكبابي دي: عندنا حبوبتنا مشهورة بي كسير العدة: طوالي بنحاكيها لما تنكسر كباية...(البلاء اليبلاق ويكقسر كلاك...) ولاحظ انو حبوبتنا ما عندها سنون...الكاف بتجي حاجة ما بين الكاف والقاف والخشم مكفوف لي جوة...(انت بس جرّب) وشوف كان تاني يتسلطوا عليك...المسأله حا تعدي كمزحة...
|
Post: #132
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-02-2007, 01:41 PM
Parent: #129
| Quote: ود الملك أخوي المسألة بقت ( تسلط ... وسلبطة |
والماعارف يقول عدس ..
دقيقة:
ياخوي مسعول من الخير .. دحين صاحبك ما خلص من الغسيل والمكوة والفرش ؟
|
Post: #133
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-02-2007, 01:56 PM
Parent: #132
Quote: والماعارف يقول عدس ..
دقيقة:
ياخوي مسعول من الخير .. دحين صاحبك ما خلص من الغسيل والمكوة والفرش ؟ |
والله ضحكتني جنس ضحك يا خوي صاحبك عادل جبارة ما عارف نحنا هسع
رحلنا للصفحة التانية أقول ليك هسع عادل جبارة ده وين ؟؟؟؟ واقف في مطار
الملك خالد الدولي بالرياض علماً انو زوجته قالت ليهو قبل يوم لازم تكون
منتظرنا في المطار لكن صحبك ( مخلص شديد ) هسع ليهو يومين واقف هناك
والحمد لله البيت بقي نظيف زي الفل والعدة أخر نظافة .
|
Post: #134
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-02-2007, 01:56 PM
Parent: #132
Quote: والماعارف يقول عدس ..
دقيقة:
ياخوي مسعول من الخير .. دحين صاحبك ما خلص من الغسيل والمكوة والفرش ؟ |
والله ضحكتني جنس ضحك يا خوي صاحبك عادل جبارة ما عارف نحنا هسع
رحلنا للصفحة التانية أقول ليك هسع عادل جبارة ده وين ؟؟؟؟ واقف في مطار
الملك خالد الدولي بالرياض علماً انو زوجته قالت ليهو قبل يوم لازم تكون
منتظرنا في المطار لكن صحبك ( مخلص شديد ) هسع ليهو يومين واقف هناك
والحمد لله البيت بقي نظيف زي الفل والعدة أخر نظافة .
|
Post: #135
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 04-02-2007, 02:37 PM
Parent: #134
Quote: لكن يا هاشم انت زول خبرة فى زمتك تسريحة بت عادل الصغيرة
دى ما سريح رجال ظاهر عليها ما مسرحاها امها،،،، |
هاشم الخبررررررة !!!
أنا قبلالالالان ... إذا إنت قبلت قبلت حكاية الخبرة دي ؟؟؟؟
صديق الموج
حريف لكين ... هاشم فاتت عليهو ....
|
Post: #137
Title: Re: تـسـلـط الـزووووجـات ........ إلـي مـتـييييييييي ؟؟؟
Author: aml gadora
Date: 04-02-2007, 06:57 PM
Parent: #135
الاخ هاشم
اسمح لي بهذه المداخلة
وح احاول اكون محايدة وماانحاز لي فريق الزوجات.........بس محاولة
اولا
تسلط الزوج او الزوجة موجود وبكثرة في مجتمعنا
بس اسمح لي ببعض التوضيح
في بداية الزواج بيكون الصراع على السلطة بين الطرفين وبياخد اشكال عديدا بس اغلبها سلمي
في النهاية واحد من الطرفين بيرفع الراية البيضاء
وغالبا الزوجة هي اللي بترفع الراية
بس دي ما النهاية
ظاهريا الراجل بيكون هو المسيطر والماسك زمام الامور
بس ماتصدقو وتفرحو
المرة وان اعلنت انسحابها
صدقني بيكون انسحاب تكتيكي
وبتكون ماسكة دفة القيادة
بتقول اها خليهو يفرح شوية ويعمل فيها صاحب القرار
بس صدقني ما في قرار بيطلع من غير ماتمضي وتوقع عليهو هي
يعني مهما حاول الزوج يتفرعن ولا يتسلط
صدقني بي رضاها
المهم
ارجع لي موضوعك
حكاية البت والكباية وماادراك
لايخلو منها بيت
وغاليا زي ماقال ليك الاخوة بتكون بتفش في غلها
الضحية كانت البت
يعني قبل يوم ولا يومين اكيد انت كنت مزعلها في حاجة
وفشت غلها في البت
طبعا غالبا المراة بتفش غلها في بنات جنسها
دي حقيقة
يعني لو كان الولد الكسر الكباية كان بقت قصة تانية
مع تحياتي
|
Post: #138
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ahmed agooz
Date: 04-02-2007, 07:06 PM
Parent: #1
هاشم الله ما يجيب اليوم الاعمل لي مداخلة بجلاجل
في موضوعك دا . الحريم اليومين دي استحوا على
وجههم وارتاحوا شوية من التسلط يعني فاصل ونواصل
لان عرفو انو في رجالة بتفتح نيران والله كلام
يا هاشم العطاء.
|
Post: #139
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-02-2007, 11:01 PM
Parent: #138
أخى هاشم
سلامات
يعنى عليك الله لمن الواحدة مننا تصرخ و تكورك وتجوط معناها متسلطة؟
ما كلكم بتعملوا كدة إشمعنا نحن "المستوطين حيطتنا" يعني؟؟؟
أنا غايتو جواطة و نباحة و سباحة بس برضو بهدأ بسرعة و بعتذر طوالي و كل بنو آدم
خطائين ،،
المهم الزوج و الزوجة ما يقطعوا "شعرة معاوية" و الكواريك دي اصلها ملح و كسبرة
الحياة،، يعني الناس اليوم كلو تصن زي القاعدين في مكتبة؟؟؟
غايتو ما دايرة زول يحرش راجلي ،، و الفتنة نائمة لعن الله من يوقظها
|
Post: #140
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-02-2007, 11:27 PM
Parent: #138
ود جباره ..
حمد الله علي السلامه ..
كدا خليني بالاول أنفض العنكبوت الفوق قميصك ده ..
دقيقة :
| Quote: هاشم الخبررررررة !!! |
يعني إنت مصدق غطساته دي مشكلة موديوم ذيما طالقا فينا ؟؟
|
Post: #141
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-03-2007, 05:18 AM
Parent: #140
Quote: والله ما كنت عارف الموضوع بالصورة دى اها اقول
حاجة .. مرة كنا فى الكورنيش عزابة بالرغم من انو كلنا
متزوجين وكم واحد معانا ما معرس وفجأه واحد قال بدون مقدمات
البخاف من ( مرتو) منو ؟؟ طبعا الجماعة كل واحد عاوز يثبت
انو هو راجل .. والله انا ما بخاف من مرتى والثانى يقول
لو طلعت اى مكان مستحيل تسألنى وين كنت وهلماجرا .. المهم
كل واحد عاوز يكون قدامنا راجل .. واحد اخونا بيتكلم فجاه
الموبايل رن (ترررررررررررررررررن)
الو : وفجاه اىىىى جاى هسع خلاص هسع بجى وصاحبنا دا كان
عامل فيها راجل والجماعه فكوه ليك ضحكه
.. الحمد لله ما كسر لينا الحاجات ..
ام احمد دى اصيله قول الحمد لله ما كسرت ليك راسك .. |
MR AEDROS HAJAR ,THANK YOU VERY MUCH PLEASE FORGIVE ME FOR WRITTING TO YOU IN ENGLISH
BUT IT'S MATTER OF KEYBOARD , BUT BE SURE I WILL BE BACK TO YOU IN ARABIC SOON . BE CLOSER
|
Post: #142
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-03-2007, 06:01 AM
Parent: #141
العزيز عدولي أنا طبعاً خبرة بحكم إنو عندي ماشاء الله ( 3 ) بنات يعني بعرف
كيف أمهم بتسرح ليهم شعرهم , وبعدين إنت ما سمعت من صديق الموج
قال شنو ؟ هاشم الواضح دي خت تحتها خطين .
|
Post: #143
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 04-03-2007, 06:17 AM
Parent: #142
| Quote: أنا غايتو جواطة و نباحة و سباحة |
وكمان دَعَّاياتْ جِنِسْ دُعَاء !!!
|
Post: #144
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-03-2007, 06:26 AM
Parent: #143
في النهاية واحد من الطرفين بيرفع الراية البيضاء
Quote: وغالبا الزوجة هي اللي بترفع الراية
بس دي ما النهاية
ظاهريا الراجل بيكون هو المسيطر والماسك زمام الامور
بس ماتصدقو وتفرحو |
Quote: المرة وان اعلنت انسحابها
صدقني بيكون انسحاب تكتيكي
وبتكون ماسكة دفة القيادة
بتقول اها خليهو يفرح شوية ويعمل فيها صاحب القرار
بس صدقني ما في قرار بيطلع من غير ماتمضي وتوقع عليهو هي
يعني مهما حاول الزوج يتفرعن ولا يتسلط
صدقني بي رضاها |
الأخت العزيزة الغالية أمل أتفق معك قلباً وقالباً وأعترف كمان وأقر
أن السيطرة الحقيقية هي للزوجة , بس في مواقع معينة ولا يجب
عليها تخطيها كما أن المشاركة الفعلية بين الزوج والزوجة تكمن
في قيادة الأسرة بسلامة وأمان لبر السلامة .
مشكورة جداً علي المداخلة وأكيد كل إنسان عندو قصة أو قصص
بخصوص بعض التجاوزات وأنا من خلال هذا الطرح أود من
كل الأخوة والأخوات أن يفيدونا بما لديهم من خبرات وفهم .
|
Post: #145
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عادل جبارة
Date: 04-03-2007, 06:26 AM
Parent: #143
| Quote: يعني إنت مصدق غطساته دي مشكلة موديوم ذيما طالقا فينا ؟؟ |
ود الملك
تعرف هاشم لغاية الآن ما وقع ليهو كلام صديق الموج صديق الموج قال هاشم الوااااضح !!! يعني المابدس هرشتوا ومعترف ،،، اللذيذة أتصل بي صديق الموج وهو ميت من الضحك من هاشم !!!!
|
Post: #146
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-03-2007, 06:40 AM
Parent: #145
Quote: هاشم الله ما يجيب اليوم الاعمل لي مداخلة بجلاجل
في موضوعك دا . الحريم اليومين دي استحوا على
وجههم وارتاحوا شوية من التسلط يعني فاصل ونواصل
لان عرفو انو في رجالة بتفتح نيران والله كلام
يا هاشم العطاء |
الريس أحمد عجوز مشتاقين كتير بس تأخرت علينا كتير
خالص ومحتاجين لخبرتك في هذا الطرح الأسري الكبير
لكن شكلك كده كاشي ومتحفظ شديد , يا زول ولا يهمك
محلات ابو ريالين ملت البلد , خلي العيال يكسروا
الكبابي والصحون .
|
Post: #147
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-03-2007, 06:46 AM
Parent: #146
Quote: أخى هاشم
سلامات
يعنى عليك الله لمن الواحدة مننا تصرخ و تكورك وتجوط معناها متسلطة؟
ما كلكم بتعملوا كدة إشمعنا نحن "المستوطين حيطتنا" يعني؟؟؟
أنا غايتو جواطة و نباحة و سباحة بس برضو بهدأ بسرعة و بعتذر طوالي و كل بنو آدم
خطائين ،،
المهم الزوج و الزوجة ما يقطعوا "شعرة معاوية" و الكواريك دي اصلها ملح و كسبرة
الحياة،، يعني الناس اليوم كلو تصن زي القاعدين في مكتبة؟؟؟
غايتو ما دايرة زول يحرش راجلي ،، و الفتنة نائمة لعن الله من يوقظها |
الأستاذة نوسة تحياتي لك وشكراً كتير علي المرور وبصراحة
أنا ببحث عن حل لمشاكلنا الإجتماعية وكيفية المعايشة معها
أما من ناحية الجوطة والكواريك دي حاجة ما بنقدر نلاقي
ليها إي حل عارفة ليه ؟؟
أقول ليك ليه مرة إتفقت مع زوجتي انو لو صوتها ما علا
خلال ( 6 ساعات بس ) أنا مستعد أشتري ليها إي حاجة
في نفيسها .... أها عليك الله إتخيلي براك المنظر ده ( )
عايزة الإجابة ولا براك عرفتيها ؟ طبعاً بحكم تجربتك
الشخصية حا تقولي لي ما قدرت وهذه هي الإجابة
الصحيحة وأنا والله بعذر إي زوجة عندها أطفال وخاصة
كمان لو كانوا تحت بعض وأولأد كمان .
سعدت جداً جدً بمشاركتك الفعالة ولنا لقاء إنشاء الله .
|
Post: #148
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 09:40 AM
Parent: #147
سلام و صباح الخير أخى هاشم و المتداخلين
أمبارح ما قدرت أكتب كتير لأنو زوجى كان نائم و ما كنت عايزة أزعجو بصوت "الكيبورد"
موضوعك حلو و واقعي جداً،، نحن النساء "و ليس كلنا" بنحب الجوطة و الصوت العالي أكتر من الرجال و دة من واقع تجربتى مع النساء طيلة حياتى "و خصوصاً بعد الزواج" ،،،
أنا مرات بقعد أفكر مع روحى عشان أشوف النقص وين في شخصيتى !! لماذا أثور لأتفه الأسباب؟؟ و بحاول "أعلق" القصة دى لأى زول تانى عشان أمرق نفسي من اللوم ،، إتخيل لى بس نحن ما بنحب شيل المسئولية ،، و الله جد ، بنحب نقعد حرات طليقات من غير شفع و خدمة راجل و مسئولية، و دة البخلينا ننسي أو نتجاهل إنو الراجل دة كان مستمتع بحريته أكتر مننا قبل ما يختار الزواج و الإستقرار (بين قوسين) ،،يعني دة تناقض مننا ساكت،،دايرين العرس و الراجل بس من غير مسئولية،، دايرين الفسحة و الحوامة و أكل المطاعم و "الرومانسية" طولة عمرنا،، غايتو أنا ما دايرة النسوان يزعلوا مني بس أنا من و اقع كوني إمرأة و أنثى عارفة أنا بقول في شنو و النسوان ما ينكرن ساكت
قصة التسلط دى ما بتيجى بس بالصوت العالي،، التسلط فعل ،، و يمكن المرأة كواريكها كلها رد فعل على فعل التسلط الذي يقع من الرجل عليها،، يعنى الرجال كتير بيحسسوا النسوان إنهم زى الشفع و بيعاملونا على هذا الأساس.. يعنى أنا ما دايرة راجل يهدهدني و يقلل من حاجاتى عشان ما أهيج و أزعل,,, أى زول يوصل المعلومة و الكلام الداير يقولوا دزززززززززز كدة من غير مقدمات و لا حاجة،، بس المهم الإحترام المتبادل،، دة المفروض نبقى عليهو عشرة
أما عن الأطفال فأنا برضو و الحمد لله عندى 3 بنات، و الحق يقال طوالي بهيج و بجوط فيهم من غير سبب يستاهل ،، بس قلة أدب مني ، و لكنى براجع نفسي بسرعة و بعتذر ،، و هم أعمارهم يعنى ما صغار ، تومات و عمرهم 11 سنة، و أختهم 9 سنوات،، و يمكن صحى زى ما بيقولو :البت ضرة أمها
الله يخلى لينا أطفالنا كلنا و الداير زيادة يديهو كمان
و الحياة كدة إختلاف و صلح عشان نحس بحلاوتها
لكم ودى و محبتى
بالمناسبة يا هاشم
Quote: أقول ليك ليه مرة إتفقت مع زوجتي انو لو صوتها ما علا
خلال ( 6 ساعات بس ) أنا مستعد أشتري ليها إي حاجة
في نفيسها .... أها عليك الله إتخيلي براك المنظر ده ( )
عايزة الإجابة ولا براك عرفتيها ؟ طبعاً بحكم تجربتك
الشخصية حا تقولي لي ما قدرت وهذه هي الإجابة
الصحيحة وأنا والله بعذر إي زوجة عندها أطفال وخاصة
كمان لو كانوا تحت بعض |
غايتو في دى مرتك بالغت عديل كد،، كان أنا كنت ح "أنطم" يوم كامل لو الموضوع فيهو "كل الأنا دايراهو" ،، ياخى ما قالو ليك إنو "كيدنا عظيم"
|
Post: #149
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-03-2007, 09:55 AM
Parent: #1
Quote: أمبارح ما قدرت أكتب كتير لأنو زوجى كان نائم و ما كنت عايزة
أزعجو بصوت "الكيبورد |
نوسة يزعج راسك المدوقس ده والله تلقيك مشغلة مع الكمبيوتر
الغسالة والهوفر والخلاطة..حلاتا بت امى قالت مادايرة تزعجو
احييييييييييييييى منكن انتن!!!
|
Post: #150
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-03-2007, 10:52 AM
Parent: #149
Quote: والله تلقيك مشغلة مع الكمبيوتر
الغسالة والهوفر والخلاطة.. |
و بعد ده بتنادي فيه عشان ينقلع من السرير ويرد علي التلفون ..
|
Post: #151
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 10:53 AM
Parent: #149
صديق الموج !!!
خبارك على "مدقس راسي"
و الله جد جد كان نايم و أنا أحسن حاجة فيني إنى ما "مزعجة" لدرجة إنى أصحى النايم.. شفت كيف
Quote: نوسة يزعج راسك المدوقس ده والله تلقيك مشغلة مع الكمبيوتر
الغسالة والهوفر والخلاطة..حلاتا بت امى قالت مادايرة تزعجو
احييييييييييييييى منكن انتن!!! |
ياخى مالى أنا ؟؟ ليييييييييييييه ؟؟ شن كربتى فى الدنيا دى عشان أعمل كدة الساعة 1 صباحاًً؟ طالبنى مغسة؟؟؟؟
بديك إيميلو أسالو ، قول ليهو "نوستك" دى صحى بتعمل كدة؟؟؟؟
و أقول ليك حاجة تانية ،، كا بسوى كدة كان زماااااااان "فكوا تسجيلى"
شكراً على "المساندة" ياها المحرية فيك
|
Post: #152
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 11:11 AM
Parent: #151
الأخ ود الملك
| Quote: و بعد ده بتنادي فيه عشان ينقلع من السرير ويرد علي التلفون .. |
بالله إنتو بسون فيكم كدة؟؟ ليكم حق تكرهوا "خلقتن و تسلطن"
كر علي يا ود أمى ما تستاهل و الله
|
Post: #153
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-03-2007, 11:24 AM
Parent: #1
| Quote: بديك إيميلو أسالو ، قول ليهو "نوستك" دى صحى بتعمل كدة؟؟؟؟ |
بتجيبو الكلام لى رقبتكم براكم
والله خايف اقول ليه نوستك
يقول لى جاموستى ياتا والله ناموستى مالا
غايتو محسنة الظن الله يعظم الاجر..قالت نوستك،،
|
Post: #155
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 11:39 AM
Parent: #153
[IMG]
http://aycu22.webshots.com/image/14541/2001201648155273406_th.jpg
[IMG/]
Quote:
بتجيبو الكلام لى رقبتكم براكم
والله خايف اقول ليه نوستك
يقول لى جاموستى ياتا والله ناموستى مالا
غايتو محسنة الظن الله يعظم الاجر..قالت نوستك،، |
كويييييييييييس يا ود الموج
|
Post: #154
Title: Re: تـسـلـط الـزووووجـات ........ إلـي مـتـييييييييي ؟؟؟
Author: انعام حيمورة
Date: 04-03-2007, 11:35 AM
Parent: #1
احكي ليكم النكتة دي ...
في صلاة الجمعة الامام كان يتحدث عن تلسط الزوجات و ضربهن للرجال ، قام قال اي واحد مرته بدقوا يقيف على حيله ...
كل الرجال وقفت الا واحد بس !!!
الامام قال ليه اهة يا اخينا انت مرتك ما قاعدة تدقق؟؟ قال ليه والله ما كترت الدق لما القومة غالباني ...
ديل النسوان الصحي صحي ، تحياتي
|
Post: #157
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 01:52 PM
Parent: #154
صديق الموج
مشيت تغسل العدة يا يابا !!!
| Quote: غايتو محسنة الظن الله يعظم الاجر |
قول الله يحسن الخواتم...
إنت أسى خليت "تسلط" مرة أخونا هاشم و قبلت على نوسة المسكينة !!!!
كان جاموسة و لا ناموسة برضو أنا "نوستو" أها قولك شنو؟؟؟؟
|
Post: #160
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ابوبكر يوسف إبراهيم
Date: 04-03-2007, 02:31 PM
Parent: #157
آسف للتكرار .. المداخلة تلي
|
Post: #161
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ابوبكر يوسف إبراهيم
Date: 04-03-2007, 02:31 PM
Parent: #157
أخي العزيز هاشم
مني لك أرق تحية
أخي هاشم حينما تغيب لغة الحوار يبدأ التسلط والأمر ليس مقصوراً على الأم أو الأب فقط أحياناً الإثنين معاً ، دعونا نتحاور بهدوء ونقر بأن لكل أجل كتاب وأجل هذه الكباية قد وصل نهايته ويمكن أن يكون ذلك على يد الأم نفسها.. هناك أشياء قدرية لا نتحكم فيها قد تحدث لي ولك ولأي إنسان آخر .. صدقني من لم يجرب أن يكون صديقاً لفلذاته سيخسر كثيراً ومن جرب هذه المتعة لن يسلاها أبداً.. يا سيدي ما كسر أبنائي شيء في غير إهمال أو تعمد إلا وقلت لهم ( إنكسر الشر .. فداك) وأشعر في هذه اللحظة أنه بدأ يعاني من تأنيب الضمير رغم أن لا يد له فيما إنكسر .. يصدم أبنائي بسياراتهم سواء كان خطأهم أو خطأ الطرف الآخر فأقول لهم ( سلامتكم أهم .. والحمدلله قدر الله وما شاء فعل) هل لو صرخت الأم أو الأب أو تطاير من عيونهم الشرر سيرجع ما إنكسر !! بالعكس فلننظر للأثر السالب في نفوس أبنائنا فنحن بهكذا تصرف نفقدهم الثقة في النفس والخوف من عواقب الأقدار ويصبحون مهزوزي الشخصية.. التفاهم والحوار هو أهم ما يمكن أن يخلق بيئة أسرية صحية ومتعافية .. الإحترام والتقدير بين الأب والأم يقود الأبناء إلى إحترامهما .. يزرع الحب ..
أحياناً نفرغ شحنات من تراكمات نفسية في لحظة ما نكون فيها كالبالونة المنفوخة وتنتظر أحد يخرمها فقط برأس دبوس ، نترقب هذه اللحظات وصاحبة الحظ العاثر تكون بإنتظارها و نتصيدها لنفرغ فيهاهذه التراكمات وربما تقع القرعة على إحدى الصغيرات ، فلا نصدق أنها قد كسرت كوباً لا قيمة له .. ماذا يكون الوضع إذا ما أصابت الكباية الإبنة بجروح ؟ حرام أن نخلط الحابل بالنابل ونغرغ شحنات غصب في الأصل جاءت الكباية كالقشة التي قصمت ظهر البعير.. رفقاً بفلذاتنا .. أطفالنا أكبادنا تمشي على الأرض .. ما هي القيمة المادية لهذا الكوب حتى يكون سبباً في أن أكسر من أجله خاطر طفلتى؟! .. بصراحة الدنيا كمان ما طايرة شنو حكاية عدة المطبخ والملايات الجننت الزوجات .. الدنيا بخير يا أخوانا وهذه الأشياء متوفرة في الأسواق .. حرام نتخم بيها مطابخنا ودواليبنا.. تحياتي يا هاشم لأختنا زوجتكم العزيزة وفداكم ألف طقم كبايات .. في الدنيا الكثير من اللحظات السعيدة حرام نتعس أنفسنا وأطفالنا عشان حاجات تافهة مادياً
|
Post: #158
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-03-2007, 02:15 PM
Parent: #1
Quote: صديق الموج
مشيت تغسل العدة يا يابا !!!
Quote: غايتو محسنة الظن الله يعظم الاجر
قول الله يحسن الخواتم...
إنت أسى خليت "تسلط" مرة أخونا هاشم و قبلت على نوسة المسكينة !!!!
كان جاموسة و لا ناموسة برضو أنا "نوستو" أها قولك شنو؟؟؟؟ |
نوسة...العدة مقدور عليها
وفعلا ياكى (سوستو..) ماعندى اى قول.. لانى بى سوستى الحمدلله..
قولى لى ابو التومات الحال من بعضه..
تلقطن البنلموا كلو ماياها عمايل السوس...
تلقى المسكين فاتورة النت ساكت قادة قلبو.
لكن مادام بيشغلك ما عنده مانع يدفع..
وقالوا المسكين رافع شعار((تنشغل نوسه مامهم الفلوسه))..
|
Post: #159
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 02:27 PM
Parent: #158
صديق الموج
تمرت الكبابى؟؟؟
| Quote: قولى لى ابو التومات الحال من بعضه |
داير تطمن إنو فى ناس مكابرنك؟؟؟ ما فى لييييييييييك
|
Post: #162
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-03-2007, 02:50 PM
Parent: #158
Quote: ((تنشغل نوسه مامهم الفلوسه))..
|
راحة البال أهم من الزعيق وحسوسه
|
Post: #163
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-03-2007, 03:09 PM
Parent: #1
Quote: صديق الموج
تمرت الكبابى؟؟؟
Quote: قولى لى ابو التومات الحال من بعضه
داير تطمن إنو فى ناس مكابرنك؟؟؟ ما فى لييييييييييك |
نوسة الكبابى تمرتهم وبلحتهم كمان.
ماتراكى بتمرى فى جيب المسكين ده كل يوم..
فى زول سألك؟...
|
Post: #164
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 04:16 PM
Parent: #163
| Quote: ماتراكى بتمرى فى جيب المسكين ده كل يوم |
أخى ود الموج
"دة ود خالي الشغل بالي" ++++++ يا رمزا
|
Post: #165
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-03-2007, 04:28 PM
Parent: #1
Quote: أخى ود الموج
"دة ود خالي الشغل بالي" ++++++ يا رمزا |
هو زاتو بقول دى بت عمتى
المابتهمها راحتى وجمتى
الما خلت لى الا عمتى
بتعرف لى تمير جيوبى وخمتى
هيييييييييييع،،،،
اها هو اتصل بى وقال لى الرمية دى والاغنية لى قدام،،،
|
Post: #166
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عيدروس حجر
Date: 04-03-2007, 05:37 PM
Parent: #165
الفاضل هاشم
Quote: MR AEDROS HAJAR ,THANK YOU VERY MUCH PLEASE FORGIVE ME FOR WRITTING TO YOU IN ENGLISH
BUT IT'S MATTER OF KEYBOARD , BUT BE SURE I WILL BE BACK TO YOU IN ARABIC SOON . BE CLOSER |
هسع عليك الله ام احمد ما كانت جنبك
كاتب لى بالتنجليزى (ناس جبانات بشكل)
الظاهر عليك طرحت الموضوع دا عشان اسباب كتيرة
وعملت لينا الكباية انكسرت قديمة العب غيره
يا جماعة الراجل دا جارنا فى السودان وبنعرفو شديد
السبب ما الكباية والله شنو يا هاشم ..
|
Post: #167
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-03-2007, 05:46 PM
Parent: #1
ألأخ الحبيب /أبوأحمد
ألمتداخلين رائعين بين مؤيد ومناهض...وكم أعجبنى تداخل ألأخ/أبوبكر يوسف وألأخت نوسة والجميع أدلوا بدلوهم وكان الحوار إيجابيآ..
ألأخ/أبوبكر تناول الموضوع بهدوء جميل ,لو عملنا به لدرأنا مشاكل كثيرة وحياتنا تكون سلسة وجميلة..وإن دل هذا يدل على الخبرة فى الحياة وهدوء الشخصية.ولكن ربنا خلقنا أنماط مختلفة من البشر وفى ذلك حكمة,ألرجل يكون عصبيآ ألمرأة تكون هادئة وبالعكس ,وأيضآ فى التسلط هناك رجال يتخوفون من المسئولية وبطبيعة الحال تتحول تلقائيآ للمرأة وبذا تكون متسلطة.......
ألأحترام أساس كل شىء ,فى جميع العلاقات ....وأهمها العلاقة الزوجية ألتى تفرخ أجيال المستقبل...وإذا أردت أن تسعد أولادك حب أمهم...
ألأخت نوسة....أعجبنى إحترامها لزوجها,وأجمل إمراة هى التى تبوح بحب زوجها وإحترامه,,وأجمل رجل هو الذى يبوح بحب زوجته.....فأحب الخلق المصطفى صلى الله عليه وسلم.عندما سئل من أحب الناس إليك قا عائشة وعندما سئل من الرجال قال:أبوها....كثير من الرجال عندنا لايظهرون مشاعر حيهم للنساء صراحة...فلنعبر بزهرة أو هدية أو عزومة عشاء خارجية ونظهر مشاعرنا ولا نخف...
لكم الحب جميعآ..................إسماعيل محمد أحمد عباس...........
|
Post: #168
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-03-2007, 06:47 PM
Parent: #167
أخى ود الموج
| Quote: الما خلت لى الا عمتى |
عمتو "أمى" ألف رحمة و نور عليها ،، معناها المسيكين ما عندو إلا "نوستو"
عزيزى ود عباس
| Quote: ألأخت نوسة....أعجبنى إحترامها لزوجها,وأجمل إمراة هى التى تبوح بحب زوجها وإحترامه |
مشكور يا راقى و فاهم إنتي ،، و أحترم كل الرجال و الله ,,,
تشكراتى لكم
|
Post: #169
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 05:08 AM
Parent: #168
| Quote: أخي هاشم حينما تغيب لغة الحوار يبدأ التسلط والأمر ليس مقصوراً على الأم أو الأب فقط أحياناً الإثنين معاً ، دعونا نتحاور بهدوء ونقر بأن لكل أجل كتاب وأجل هذه الكباية قد وصل نهايته ويمكن أن يكون ذلك على يد الأم نفسها.. هناك أشياء قدرية لا نتحكم فيها قد تحدث لي ولك ولأي إنسان آخر .. صدقني من لم يجرب أن يكون صديقاً لفلذاته سيخسر كثيراً ومن جرب هذه المتعة لن يسلاها أبداً.. يا سيدي ما كسر أبنائي شيء في غير إهمال أو تعمد إلا وقلت لهم ( إنكسر الشر .. فداك) وأشعر في هذه اللحظة أنه بدأ يعاني من تأنيب الضمير رغم أن لا يد له فيما إنكسر .. يصدم أبنائي بسياراتهم سواء كان خطأهم أو خطأ الطرف الآخر فأقول لهم ( سلامتكم أهم .. والحمدلله قدر الله وما شاء فعل) هل لو صرخت الأم أو الأب أو تطاير من عيونهم الشرر سيرجع ما إنكسر !! بالعكس فلننظر للأثر السالب في نفوس أبنائنا فنحن بهكذا تصرف نفقدهم الثقة في النفس والخوف من عواقب الأقدار ويصبحون مهزوزي الشخصية.. التفاهم والحوار هو أهم ما يمكن أن يخلق بيئة أسرية صحية ومتعافية .. الإحترام والتقدير بين الأب والأم يقود الأبناء إلى إحترامهما .. يزرع الحب .. |
دكتور ابوبكر جبت المفيد ولا تعليق بعد هذا الحديث الكافي الوافي , مشكور كتير علي زيارتك
لهذا البوست وما زلنا نواصل التوعية وسرد متاعب الحياة .
|
Post: #170
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 05:15 AM
Parent: #169
Quote: هسع عليك الله ام احمد ما كانت جنبك
كاتب لى بالتنجليزى (ناس جبانات بشكل)
الظاهر عليك طرحت الموضوع دا عشان اسباب كتيرة
وعملت لينا الكباية انكسرت قديمة العب غيره
يا جماعة الراجل دا جارنا فى السودان وبنعرفو شديد
السبب ما الكباية والله شنو يا هاشم .. |
الأخ عيدرو حجر أها هسع دي جيتك بالعربي أركز وأنا لو كنت
جبان ما كتبت هذا الموضوع لكن الناس الجبانات هم البيقرو
في الموضوع ده وعاملين لينا فيها ولا هاميهم خالص مع العلم
هذا الموضوع يصب في المصلحة العامة والثانوي والجامعة ( حلوة مش كده )
لقد إزداد هذا البوست توهج بسبب مشاركتكم ومداخلاتكم الجميلة ’ شكراً
|
Post: #171
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 05:20 AM
Parent: #170
Quote: احكي ليكم النكتة دي ...
في صلاة الجمعة الامام كان يتحدث عن تلسط الزوجات و ضربهن للرجال ، قام قال اي واحد مرته بدقوا يقيف على حيله ...
كل الرجال وقفت الا واحد بس !!!
الامام قال ليه اهة يا اخينا انت مرتك ما قاعدة تدقق؟؟ قال ليه والله ما كترت الدق لما القومة غالباني ...
ديل النسوان الصحي صحي ، تحياتي |
أخت إنعام حيمورة حمداً لله علي سلامتك ومشكورة علي المرور وإذا كان النسوان الصحي صحي
بيكسرو أرجل أزواجهم أخير لينا نكون عزابة أحسن .
|
Post: #172
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 05:37 AM
Parent: #171
الأخ صديق الموج + الأستاذة نوسة = ثنائي متناقر لكنهم أضفوا لهذا البوست
نكهة جميلة جداً وأيضاً لم يخرجا من سياق الموضوع الأساسي لهم الشكر والتقدير
اما أخونا ود الملك .... شايفو يتاوق من بعيد لبعيد وشكله كده والله أعلم
عندو كلام كتير لكن .... خائف من ( سوستو ) علي كلام صديق الموج .
|
Post: #173
Title: Re: تـسـلـط الـزووووجـات ........ إلـي مـتـييييييييي ؟؟؟
Author: Hatim Salih
Date: 04-04-2007, 05:55 AM
Parent: #1
كسر الكبابي لا يستحق كل تلك الضجة ولكن ... تنبيه الزوجة أو الزوج لأخطائه\ها لا يتم أمام الأطفال لأهداف تربوية
حاجة نظرية مش؟؟؟
دعواتكم لي بالزواج حتى تلامس النظريات الواقع
|
Post: #174
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-04-2007, 10:00 AM
Parent: #173
سلامات
شكراً أخى هاشم على موضوعك دة الورانى "الصليح" من "العدو"
أخى حاتم
| Quote: دعواتكم لي بالزواج حتى تلامس النظريات الواقع |
ربنا يعرس ليك و "يكسر كبابيك" ،، قصدى و يعمر بيتك بى بت الحلال ،، قولو آميييييييييييييييييين يا ناس الموج
|
Post: #175
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 12:36 PM
Parent: #174
الاخ الحبيب إسماعيل عباس مداخلتك في هذا البوست اضفت إليه الجمال
وقد ساهمت بشكل كبير جداً في علو كعبه , واشكر لك حرصك الزائد في
تناول هذا الموضوع بجدية تامة , والبوست أصبح مفتوح للجميع بدون
إستثناء وانت صاحب هذا البوست بمشاركة كل الأخوان المتداخلين .
دمت في رعاية الله وحفظه يا أبو دكتورة شــذي .
|
Post: #177
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عيدروس حجر
Date: 04-04-2007, 12:52 PM
Parent: #174
الحبيب هاشم
Quote: الأخ عيدرو حجر أها هسع دي جيتك بالعربي أركز وأنا لو كنت
جبان ما كتبت هذا الموضوع لكن الناس الجبانات هم البيقرو
في الموضوع ده وعاملين لينا فيها ولا هاميهم خالص مع العلم
هذا الموضوع يصب في المصلحة العامة والثانوي والجامعة ( حلوة مش كده )
لقد إزداد هذا البوست توهج بسبب مشاركتكم ومداخلاتكم الجميلة ’ شكراً |
بالرغم من مروري بعدد من المداخلات الا اننى اجد تواصلا من
من الاعضاء فى الطرح المفيد والقفشات الجميله والمداخلات الرائعة والهادفة
اما عن راي الشخصي بعد مرورى بالزواج فترة لا تقل عن (11) سنة اجد ان
المرأة السودانية لها مملكة خاص بها وهى المطبخ ومحتوياته وبالرغم من ان
زوجتى لاتكترث كثيرا لهذه (العدة) اذا انكسر منها او من احد الابناء اى شء
لتوفرها وتعددها وقلت سعرها الا انها تهتم بشراء الجديد والمفيد ،
اما فى السودان ففعلا الاهتمام بالاوانى المنزلية والتفاخر بها من عادات
الجيل القديم (لدرجة ان والدتى لها اوانى من عرسها) تحتفظ بها فى المنزل
وتخرج احيانا للعائلة ..
اما اوانى او (عدة) المناسبات فهذه لها اوضاع اخرى
عند المرأة السودانية فيتم تقديمها للمناسبات سواء كان فرح او مأتم
اما اذا ضاع شئ من هذه الاوانى (العدة) فاليستعد الرجال للمعركة ..
وشكرا لهذا الموضوع الجميل المفيد ..
|
Post: #176
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-04-2007, 12:45 PM
Parent: #1
Quote: أخى ود الموج
Quote: الما خلت لى الا عمتى
عمتو "أمى" ألف رحمة و نور عليها ،، معناها المسيكين ما عندو إلا "نوستو" |
نوسة ماخلتى ليهو الا العمة البلفها فى راسو وليس عمتى بمعنى اخت الوالد فهمتى،،،،
|
Post: #178
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 12:59 PM
Parent: #176
Quote: كسر الكبابي لا يستحق كل تلك الضجة ولكن ... تنبيه الزوجة أو الزوج لأخطائه\ها لا يتم أمام الأطفال لأهداف تربوية
دعواتكم لي بالزواج حتى تلامس النظريات الواقع |
الأخ حاتم مشكور كتير علي الدخول لهذا البوست العامر بكم دائماً
وربنا يتمم ليك الزواج علي خير وتكسير الكبابي خليها علينا نحنا
بعدين يعني بعد الزواج مافي حاجة إسمها زي ما كتبت أعلاه
في حاجة إسمها البيان بالعمل وتسقط جميع النظريات المستحدثة
والله ده عالم جميل خالص وخاصة لو بقي فيها تكسير صحون وكبابي
ما تخاف يا زول وابشر بالخير يا عريس ( الليلة جينا وكيا للمابينا ).
|
Post: #179
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 01:24 PM
Parent: #178
| Quote: شكراً أخى هاشم على موضوعك دة الورانى "الصليح" من "العدو" |
العزيزة جداً نوسة والله وجودك في هذا البوست سبب فرحنا وسعادتنا وإنشاءالله
دائماً سعيدة ومتهنية مع ابو التومات وكمان البنات وعقبال ما يجيلكم ولي
العهد .
العدو عرفناهو ( صـديـق الـمـوج ) لكن الصليح ده لسع ماعرفناهو إنشاء الله
أكون أنا عشان تكتب لي في ميزان حسناتي .
|
Post: #180
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 01:59 PM
Parent: #179
Quote: اما عن راي الشخصي بعد مرورى بالزواج فترة لا تقل عن (11) سنة اجد ان
المرأة السودانية لها مملكة خاص بها وهى المطبخ ومحتوياته وبالرغم من ان
زوجتى لاتكترث كثيرا لهذه (العدة) اذا انكسر منها او من احد الابناء اى شء
لتوفرها وتعددها وقلت سعرها الا انها تهتم بشراء الجديد والمفيد ، |
عيدروس الله يسألك يوم كتبت الكلام ده زوجتك ما كانت واقفة حداك ؟؟؟
|
Post: #181
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-04-2007, 02:23 PM
Parent: #178
الأخ هاشم والأخوة والأخوات
هنالك عبارات تكاد تكون مشتركة بين الزوجات السودانيات مثل :
( إنت براك كايس ليك معاي سبه ) وكدت أن أصل لقناعة بأن هذه العبارة مغروسة في جينات المرأة السودانية ..
صدقوني كثيرا ما كنت أسأل نفسي لم تفقد المرأة رزانتها وتبدأ في الزعيق مع أبنائيها..
وعندما يحاولون إفهامها دوافعهم وأسبابهم فيما ارتكبوه ، تزاد غضبا وتقريحا لهم , وإن حاول الزوج التدخل بغية تهدتها فسرته بأنه ما جاء إلا ليقلل من مقامها..
يساورني شعور أحيانا بأن الكثيرات من النساء يفهمن تصرفات اولادهن واخطاءهم البرئية وكأنهن المقصودات ، وأن ما ارتكبوه من خطأ ما هو الإ للإزدراء بمقامهن كأمهات ، وفى تقديري أن غلبة من النساء يستخدمن نفس المعيار الذي يقسن به شكل علاقتهن بأمهاتهن في تعاملهن مع الأبناء .
حتي اليوم لا اعرف ولم اسمع صوت جارتي الخواجية ولم اسمع صوت زوجها يعلوا يوما مع أن لديهم ابناء نسمع اصواتهم وبكاءهم من حين لآخر .
هل نعزي ذلك لتربية القهر التي نشأنا في ظلها ، هل تحس المرأة عندما تسمع صوت إبنها وهو يحاول تبرير ما تعتقده خطا ، بأنه بذلك قد تجاوز حدود الأدب وكان عليه أن يصمت ويقبل تقريحها دون أن يفتح فمه؟ والأمر سيان سوي أن عبر الطفل بكلمات متخدجة او حتي بالبكاء .
هل لدي الزوجات إحساس غير معلن بأن الأبناء بصرفاتهم غير المسئولة يهدمون عرش مملكتها ؟
دقيقه :
ياخوي الوليدات البشابوا بي فوق الحيطة ديل ..
ما لم مستعجلين علي يومهم ؟
|
Post: #182
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 04:18 PM
Parent: #181
Quote: ( إنت براك كايس ليك معاي سبه ) وكدت أن أصل لقناعة بأن هذه العبارة مغروسة في جينات المرأة السودانية ..
صدقوني كثيرا ما كنت أسأل نفسي لم تفقد المرأة رزانتها وتبدأ في الزعيق مع أبنائيها..
وعندما يحاولون إفهامها دوافعهم وأسبابهم فيما ارتكبوه ، تزاد غضبا وتقريحا لهم , وإن حاول الزوج التدخل بغية تهدتها فسرته بأنه ما جاء إلا ليقلل من مقامها.. |
ود الملك أخوي أصبت كبد الحقيقة ’ لكن الليلة دي شوف أوضة فاضية نوم فيها عارف ليه ؟؟؟؟
| Quote: (إنت براك كايس ليك معاي سبه ) |
أها دي سبة جاهزة ومقنطرة يا أخوي الليلة
دي أظنك ظايغ عديل كده ؟؟؟؟؟ علي فكرة أحسن حل الماسنجر في كلام كتير يصعب قولو في البوست .
|
Post: #183
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حبيب نورة
Date: 04-04-2007, 06:27 PM
Parent: #182
هشومي
مشتاقين
قدر صفق الخدرة القاعد تورق فوقا
وينك يا حنيييييييين!!!!
عدولي كككيف؟؟!!
|
Post: #184
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-04-2007, 06:32 PM
Parent: #183
حبيب نورة والله القلوب شواهد لسع متداخل معاك في بوستك , كيفنك يا ود أمي إنشاء الله عافية
|
Post: #185
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-05-2007, 00:17 AM
Parent: #184
| Quote: دي أظنك ظايغ عديل كده ؟؟؟؟؟ |
من أمبارح ...
|
Post: #186
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حيدر حسن ميرغني
Date: 04-05-2007, 01:04 AM
Parent: #185
تعض زوجة حماها وتقطع أذنها!
الخرطوم - الراية - عادل أحمد صديق: حدثت خلافات حادة بين المجني عليها وزوجة حماها بسبب الأطفال وسلوكياتهم وفجأة احتدم الأمر وتطور ووصل الي حد الضرب ثم قامت إحداهن بالاعتداء العنيف علي الزوجة الأخري وعضتها حتي تمكنت من قطع أذنها بأسنانها وقد تدخل أحد الأطباء بالأسرة وتمكن من السيطرة علي الموقف كما قام باسعاف المجني عليها ونقلها الي المستشفي.
الجدير بالذكر بأن الجانية والمجني عليها متزوجتان من توأمين وتقيمان بالقرب من بعضهما البعضhttp://www.raya.com/site/topics/article.asp?cu_no=2&ite...id=123&parent_id=122
|
Post: #187
Title: Re: تـسـلـط الـزووووجـات ........ إلـي مـتـييييييييي ؟؟؟
Author: salma subhi
Date: 04-05-2007, 07:25 AM
Parent: #186
الأستاذ هاشم خلف الله....تحياتي
هذا الموضوع من المواضيع الاجتماعية المهمة ودعني أوضح شيئا......
ً
نحن كمجتمع شرقي يخجل الرجل فيه من الإعلان عن تعرضه للعنف والإهانة من قبل زوجته، بل إنه يتظاهر
بالسيطرة وأنه صاحب اليد العليا والقرار الأول والأخير في المنزل، وبقية شئون الحياة، وللأسف هناك
أنواع أخرى من العنف أشد وطأة من العنف البدني تمارسه المرأة ضد الرجل كالعنف اللفظي والعاطفي
والنفسي بعدة طرق، كل هذه الأمور تحول حياة الرجل لجحيم وتنعكس بالتالي على جو ومناخ الأسرة، ويقف
الرجل حائراً ماذا يفعل؟..
هل يطلق زوجته أم يتحمل؟ وما مصير أبنائه في حالة الانفصال؟
|
Post: #188
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عبد الدائم سيد أحمد
Date: 04-05-2007, 08:37 AM
Parent: #1
يا اخوى التلسط بيبدأ من ساعة الشيلة من دبى 12 فى 12 والتياب ضيقات
ورقيص العروس فى صالة مغلقة .
ها كباية قال ؟
|
Post: #189
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 09:54 AM
Parent: #188
ود الملك من أمبارح معاك سارح وما الليلة وما باكر .
|
Post: #190
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 11:55 AM
Parent: #189
| Quote: تعض زوجة حماها وتقطع أذنها! |
يا حيدر أخوي ده ما معانا... والله المشاكل تحير عديل كده
مشكور علي عرضك لنا تلك الصفحة وهذه هي سنة الحباة ما نقدر
نقول غير حسبنا الله ونعم الوكيل .
مشكور كتير يا أخ حيدر علي المرور وربنا يهنئي جميع الناس .
|
Post: #191
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-05-2007, 12:09 PM
Parent: #1
ألحبيب/هاشم
تحياتى
أولآ أشكرك على هذا البوست الراقى الذى عرفنا يناس راقين من المتداخلين.............
والبوست عالى كعبه من ألأصل فكان فأختيارك للموضوع وبساطة سرده وألأهم من كل ذلك الصدق الواضح فى موضوعك ووقائعه كان لها الدور ألأكبر فى هذا النجاح للبوست,,أمنياتى أن تعم الفائدة ولك الشكر أجزله.
.....................إسماعيل محمد أحمد عباس................
|
Post: #192
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 01:25 PM
Parent: #191
| Quote: هذا الموضوع من المواضيع الاجتماعية المهمة |
الأخت سلمي انت من يروج لمثل هذه المواضيع الهامة ويا ريت لو كل الناس ترفع العصابة
عن عينيها وتحاول جاهدة أن تحسن من مستوي الفهم والتعامل بشكل أجمل وأروع وأكيد
أكيد كل شئي سيكون جيد وعال االعال . مشكورة أختي سلمي علي مرورك وتقديمك النصح
والإرشاد لكل الناس .
|
Post: #193
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-05-2007, 01:56 PM
Parent: #192
| Quote: ود الملك من أمبارح معاك سارح وما الليلة وما باكر |
وما معروف متين حبي بيغفر لي واعود سادر ..
دقيقه:
أها أنا قدت ليك النار عديييل ..
وجاء أخوي الزين (حيدر) وزادها حطب ..
شيل شيلتك شايفن بتاوقن ..
أنا غايتو كابي الزوقه مع صاحبي ود جباره ..
|
Post: #194
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غادة عبدالعزيز خالد
Date: 04-05-2007, 02:04 PM
Parent: #193
الأخ الكريم
هاشم
قرأت الموضوع الرئيسى الذى فتحت بة البوست و مررت على العديد من المداخلات
و لا أدعى اننى قد قرأتها كلها..
و لكننى اتوقع ان الأمر ليس لة علاقة بتسلط الزوجة, او لة علاقة بكوب إنكسر
المرأة بصفة عامة, ربة المنزل و العاملة, تحت ضغوط شديدة
الأبناء إن كانوا صغارا, فصراخ و شكل و مطالب لا تنتهى
و إن كانوا كبارا, فاعباء مذاكرة, و مراقبصة أصدقاء و تصرفات
هذا إضافة الى اعباء المنزل التى لا تنتهى من غسل و مسح و طبخ و الى اخرة
الا تعتقد أن هذا يضيف ضغوطا نفسية شديدة عليها؟
الا تعتقد ان هذا ما يجعل المرأة تتعامل احيانا بشكل قد ينافى طبيعتها
و يجعلها قد تخرج من "طورها"
يجب ان نراجع علاقة المرأة بالنزل..
و يتواصل النقاش
كل الود
و تحياتى الى اسرتك الكريمة
غادة
|
Post: #195
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 02:18 PM
Parent: #194
Quote: يا اخوى التلسط بيبدأ من ساعة الشيلة من دبى 12 فى 12 والتياب ضيقات
ورقيص العروس فى صالة مغلقة .
ها كباية قال ؟ |
عبدالدائم ؟؟؟؟ سكت دهراً ونطق كفراً والله لو زوجتك عرفت ....... خليها في سرك
ما قولتو نوبة ؟؟؟ . تحياتي ليك يا رقيق يا طيب يا صاحب الفاضل الملك
|
Post: #196
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 02:37 PM
Parent: #195
| Quote: أولآ أشكرك على هذا البوست الراقى الذى عرفنا يناس راقين من المتداخلين............. |
والله أنت الراقي ومشاركتك فيها راحة لينا جميعاً يا شفيف .
|
Post: #197
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 03:55 PM
Parent: #196
| Quote: وما معروف متين حبي بيغفر لي واعود سادر .. |
ود الملك شايفك قربته تبقي شاعر , طيب عليك الله الشلاقة ليك شنو ؟؟؟ ما قلنا ليك
عليك بالماسنجر , انا جماعتي عندهم مثل بيقول ( مصيرك يا عيش تجي الطاحونة )
وبيني وبينك الطاحونة و لا مبيت القوا
|
Post: #198
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-05-2007, 04:32 PM
Parent: #197
Quote: قرأت الموضوع الرئيسى الذى فتحت بة البوست و مررت على العديد من المداخلات
و لا أدعى اننى قد قرأتها كلها..
و لكننى اتوقع ان الأمر ليس لة علاقة بتسلط الزوجة, او لة علاقة بكوب إنكسر |
\
الأخت غادة عبد العزيز مشكورة علي زيارتك لينا والمفروض نحنا نجيك بعد جيتك من السودان
لكن يا اختي مشاغل وكده , عموماً كما تفضلتي الموضوع ليس كوب وإتكسر لكن المعني الرئيسي
والمغزي المفترض هو كيفية التعامل بكل أريحية مع الأطفال وإعطائنا نحن الأزواج مساحة حرة
نتنفسها ( هرجلتكم مع الأطفال وصوتكم العالي شئي لا يطاق ) ونحنا مقدرين ليكم جهدكم وتعبكم
من أجلنا وأجل أطفالنا, هدو اللعب شوية والله أنا لمن أكون في الغرفة مع زوجتي واكون عايز
أنادي لواحد من ابنائي ما بيسمع صوتي فألجاء إلي زوجتي أن تنادي بصوتها لان صوتها عالي
والأولاد متعودين علي هذا الصوت . أها رائك شنو ؟؟؟ صحيح ولا ما صح ؟؟
|
Post: #199
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غادة عبدالعزيز خالد
Date: 04-05-2007, 04:47 PM
Parent: #198
ابدا و الله يا هاشم...
انا شخصيا الصوت العالى يتعبنى و يزعجنى
و لكن لا يعنى هذا اننى لا أحس بالضغط العالى
للمسؤليات التى تلقى على عاتقى مثلى مثل زوجتك
و أغلب النساء..
لكن بدلا من أن تطالبها بالهدوء "بالرغم من أن هذا حقك"
و لا شك فى هذا..
إلا أن هنالك طرق أخرى, كيف لك أنت و الأبناء أن تساعدوا
فى رفع العبْء عنها..
يوم إجازة, بلا طبيخ و بلا مسؤلية ابناء
يوم لها و لصديقاتها من النساء
او غير ذلك من الحلول
.
.
.
أها قلت شنو؟؟
|
Post: #200
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-06-2007, 08:24 AM
Parent: #199
أولاً أعتذر في التاخر علي الرد , في معلومة مهمة جداً يا أخت غادة وهي أن الزوج والزوجة
مهمومين بمستقبل أولادهم ولذلك دائماً الزوجة عاملة من الحبة قبة وبتشيل الهم أكتر من
الزوج وهي دائماً المحرض الرئيسي للزوج من أجل المصلحة العامة , وهي حقيقة لا يمكن لاي
زوج إنكارها طبعاً إلا من رحم . وبعدين أنا ما زائغ من إقتراحاتك التالية
Quote: إلا أن هنالك طرق أخرى, كيف لك أنت و الأبناء أن تساعدوا
فى رفع العبْء عنها..
يوم إجازة, بلا طبيخ و بلا مسؤلية ابناء
يوم لها و لصديقاتها من النساء |
هذا الأمر والله حاصل , المطلوب هو فقط التوعية والسلام أمان .
|
Post: #201
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-06-2007, 08:36 AM
Parent: #1
Quote: إلا أن هنالك طرق أخرى, كيف لك أنت و الأبناء أن تساعدوا
فى رفع العبْء عنها..
يوم إجازة, بلا طبيخ و بلا مسؤلية ابناء
يوم لها و لصديقاتها من النساء
او غير ذلك من الحلول |
غادة بت اختى .....يحلحل راسك
والله كان قعدنا معاكم يوم واحد فى البيت مامرقنا من الصباح.
لى المساء سمع اضانى تقطعن فينا...
والله الراجل قاعد لينا فى البيت زى حلة الاسود
لا داير يمرق لا داير يريحنا سولينا القهوة سولينا الشاى...
انتن شكيت محنكن ،،،،،
|
Post: #202
Title: Re: تـسـلـط الـزووووجـات ........ إلـي مـتـييييييييي ؟؟؟
Author: طارق ميرغني
Date: 04-06-2007, 08:52 AM
Parent: #1
والله يا حبيب انا كتبت في المنبر اليوم عن: (كلبك ينبح وزوجتك تصرخ لمن تفتح الباب) قبل ما اقرا مشلركتك لكن يا صديقي same same.
|
Post: #203
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-06-2007, 09:09 AM
Parent: #202
| Quote: والله يا حبيب انا كتبت في المنبر اليوم عن: (كلبك ينبح وزوجتك تصرخ لمن تفتح الباب) قبل ما اقرا مشلركتك لكن يا صديقي same same |
الأخ طارق ميرغني تحياتي القلبية لك ومشكور علي المرور والحمد لله أن الفهم واحد والمطلوب
في النهاية الحل , وجايك بالمهلة يا طارق اخوي اصلو الليلة الجمعة ومن الصباح مافي دوام
ولا زحمة شوارع .
|
Post: #204
Title: Re: تـسـلـط الـزووووجـات ........ إلـي مـتـييييييييي ؟؟؟
Author: خالد المحرب
Date: 04-06-2007, 10:18 AM
Parent: #203
الاخ هاشم كيفك وكيف ام احمد والعيال.
انا كنت مقطوع من المنبر فتره طويله.
قنا نسلم عبر هذا البوست الجميل .
|
Post: #205
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-06-2007, 12:45 PM
Parent: #204
كيف أخبارك يا أبو أحمد والله مشتاقين تحياتنا أيضاً لام أحمد والعيال عموماً
بدون فرز .
|
Post: #206
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غادة عبدالعزيز خالد
Date: 04-06-2007, 01:52 PM
Parent: #205
Quote: غادة بت اختى .....يحلحل راسك
والله كان قعدنا معاكم يوم واحد فى البيت مامرقنا من الصباح.
لى المساء سمع اضانى تقطعن فينا...
والله الراجل قاعد لينا فى البيت زى حلة الاسود
لا داير يمرق لا داير يريحنا سولينا القهوة سولينا الشاى...
انتن شكيت محنكن ،،،،، |
صديق الموج
منو القال ليك عاوزنكم تقعدوا فى البيت
.
.
عاوزنكم تسوقوا الأولاد
و تنكشحوا
كلكم برة البيت
سلام يا هاشم ليك و لناس البيت..
أها يوم اجازة المدام متين
|
Post: #207
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-06-2007, 02:08 PM
Parent: #206
Quote: سلام يا هاشم ليك و لناس البيت..
أها يوم اجازة المدام متين |
العزيزة غادة إنت عارفة إنو أم أحمد لو أخذت إجازة إلا تكون عيانة لآنها ما شاء الله عليها
حركة دائماً في البيت وجنها وجن الوساخة , لكن بيني وبينك أنا يوم الأربعاء والخميس بكون
سواق العيالة يعني إي مكان عايزين يمشوا ليهو علي طول بدويهم .
أها .... لقيتني كيف ؟؟؟؟
|
Post: #208
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حيدر حسن ميرغني
Date: 04-06-2007, 02:10 PM
Parent: #206
| Quote: يا حيدر أخوي ده ما معانا |
هاشم
ما معانا كيف
انتا عاوزها تعضي زوجها وللا شنو
ماشايف الزولات ديل ما قالن بغم في العضة الخطرة دي
صدقني لو الزوج هو اللي عضا الليلة بوستك ده كان بقى فراش عديل
|
Post: #209
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-06-2007, 02:25 PM
Parent: #208
Quote: هاشم
ما معانا كيف
انتا عاوزها تعضي زوجها وللا شنو
ماشايف الزولات ديل ما قالن بغم في العضة الخطرة دي
صدقني لو الزوج هو اللي عضا الليلة بوستك ده كان بقى فراش عديل |
حيدر أخوي كدي جرب كده وأعمل ليك عضة ونشوف صحي البوست حا يبقي فراش ولا لا ؟؟؟؟؟
طبعاً بالهزار لانو بالجد أنا عارفك ما حا تقدر تعملها وبعدين ما يقولوا أنا بحرشك .
|
Post: #210
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عيدروس حجر
Date: 04-06-2007, 02:48 PM
Parent: #209
الاخ الفاضل
هاشم شاعرنا
بعيدا عن تسلط الزوووووووووووجات
مطلوب القبض عليك لبوليس الصحافة
راجع البوست
عقيد صحافى منتظرك هناك بدون واسطات ..
|
Post: #211
Title: Re: تـسـلـط الـزووووجـات ........ إلـي مـتـييييييييي ؟؟؟
Author: صديق الموج
Date: 04-06-2007, 02:50 PM
Parent: #1
Quote: صديق الموج
منو القال ليك عاوزنكم تقعدوا فى البيت
.
.
عاوزنكم تسوقوا الأولاد
و تنكشحوا
كلكم برة البيت |
غادة كتر خيركم ماعندنا مانع لكن ممكن ناخد بعضنا كده ونمرق يوم برانا
كمان لا انتو لا اولادكم..بس 24 ساعة ونجيكم،،،،،
|
Post: #212
Title: Re: تـسـلـط الـزووووجـات ........ إلـي مـتـييييييييي ؟؟؟
Author: نوسة
Date: 04-06-2007, 06:28 PM
Parent: #211
سلام من تانى
كيفك يا هشام أخوى و يا ناس صديق الموج و كلكم ؟؟؟؟
Quote: وإعطائنا نحن الأزواج مساحة حرة
نتنفسها ( هرجلتكم مع الأطفال وصوتكم العالي شئي لا يطاق ) |
لمن قريت كلامك دة ضحكت و إتزكرت عندنا صاحبتنا هنا ،، رافعة يدها من العيال و من البيت و من كلو " ما شاء الله" بخدامتها و طباختها ،، بس عليها "تجيه" روحها و كدة ،، أها دى لمن أمها تجيها زيارة بتكون بس قاعدة ليك وصايا فيها ،، كان "كوركت" ساى فى أولادها طوالى بتقول ليها : هوى يا بتى ما تصرخى و تكتلى روحك و يجيك ضغط،، خلى أبوهم يصرخ فيهم !! ،، شفت كيفن ؟؟؟؟
أها ناس ود الموج ديل بقى "ليهم طولة العمر" ،، و خليهم بس كدة "حارقين" دمهم و دم أمهات عيالهم،،
باي باي
سلامات أختنا غادة و نورت الموضوع
|
Post: #213
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عبد الدائم سيد أحمد
Date: 04-07-2007, 11:17 AM
Parent: #1
| Quote: يا صاحب الفاضل الملك |
ديل ممكن نقول عليهم
تسلط الجيران لمتين ؟؟؟؟
جمبكم فى الصحافة مافى بيت للايجار !!!
|
Post: #214
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-08-2007, 06:19 AM
Parent: #213
| Quote: كان "كوركت" ساى فى أولادها طوالى بتقول ليها : هوى يا بتى ما تصرخى و تكتلى روحك و يجيك ضغط،، خلى أبوهم يصرخ فيهم !! ،، شفت كيفن ؟؟؟؟ |
العزيزة الغالية نوسة ( أم التومات ) سلامات وطولتي الغيبة إنشاء الله المانع خير وأبو التومات
علي أحسن حال , وأنا كمان بعتذر في تاخير الرد لكن موضوع أرشفة المواضيع والنظام الجديد شوية
كده خلاني أتوقف وأعرف الحاصل شنو بالظبط ؟؟؟ وما عايزين نثقل علي أخونا بكري بالكتابة .
طبعاً صاحبتك دي ربنا إنشاء الله يسعدها ويسعد جميع الزوجات , لكن بيني وبينك كده , نقة الزوجة
بعد مرات ركزي معاي بعد مرات يعني ما طوالي بتشعر الزوج أنو لسع عائش وعنده عمل وطلبات
لا بد من تنفيذها وصاحبتك في إعتقادي محتاجة ليها ( كم كباية كده وكم صحون كده تتكسر عشان
تصحي من نومها ونسمع صوتها .
دمتي أختي نوسة وما تشوفي شر إنشاء الله .
|
Post: #215
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-08-2007, 10:52 AM
Parent: #1
ألأخ/هاشم...........الحبوب
تسلط الزوووجات................إلى متييييييي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إلى متيييييييييييييييي؟؟؟
إنتهى الربع ألأول وما زلنا مع تسلطهم الحلو الجميل.....
ورحل معنا للربع الثانى وإن دل هذا إنما يدل على حلاوة الموضوع
ونأمل أن يكون معنا ومقيمآ بيننا ودائمآ فوق لنستمتع بمداخلات الحلوين.
تحياتى أخى هاشم ولك منى كل المنى.
إسماعيل محمد أحمد عباس.............
|
Post: #216
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-08-2007, 11:31 AM
Parent: #215
| Quote: تسلط الجيران لمتين ؟؟؟؟ |
أخوي العزيز الفاضل ( مش الفاضل الملك ) لك مني عاطر التحايا والود
أعتقد أن الجيران تسلطهم لا يقل شأناً من تسلط الزوجات لانو ممكن تصحي
الصباح تلاقي جارك منتظرك وبقول ليك أولادك كسرو لي زجاج العربية أو
اولادك رموا الزبالة جنب بابنا وووووتسلط فايت الحد لكن برضو والحمدلله
في تفاهم ويندر جداً أن تجد وأحد متسلط .
|
Post: #217
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-08-2007, 01:02 PM
Parent: #216
Quote: إنتهى الربع ألأول وما زلنا مع تسلطهم الحلو الجميل.....
ورحل معنا للربع الثانى وإن دل هذا إنما يدل على حلاوة الموضوع
ونأمل أن يكون معنا ومقيمآ بيننا ودائمآ فوق لنستمتع بمداخلات الحلوين |
العزيز الغالي إسماعيل عباس لك الشكر اجزله علي المتابعة والحمد لله الفكرة
تم إستيعابها من جميع أعضاء المنبر المتداخلين ونأمل أن يستفيد الجميع
من مداخلتكم والتى تضفي علي هذا البوست روعته ورونقه , ولا فخر أنتم جميعاً
أصحاب هذا البوست .
|
Post: #218
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-08-2007, 01:21 PM
Parent: #217
Quote: إلى متيييييييييييييييي؟؟؟
إنتهى الربع ألأول وما زلنا مع تسلطهم الحلو الجميل.....
ورحل معنا للربع الثانى |
من عمرنا ..
دقيقه:
ياربي الحور العين برضهن .. والله تبقي حكاية ياهاشم ..
|
Post: #219
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-08-2007, 01:43 PM
Parent: #218
Quote: دقيقه:
ياربي الحور العين برضهن .. والله تبقي حكاية ياهاشم .. |
يا خوي هسع دي سيبك من الحور العين وخلينا في زوجاتنا العين والله
يعينا ويعنكم آمين يا رب العالمين .
|
Post: #220
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-08-2007, 05:44 PM
Parent: #219
وينك يا عادل جبارة
حمداً لله علي سلامة أولأدك مقدماً يا بطل
|
Post: #221
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حليمة محمد عبد الرحمن
Date: 04-09-2007, 11:37 AM
Parent: #220
هاشم ازيك..
اولا انا ما قريت معظم المداخلات..
بس العنوان استفزاني عديييل كدا وجابني داخلة عندك..
النسعلك يا هاشم..
مانحن طول عمرنا مساكين العنز تاكل عشانا..
وصامات خشمنا وخات عليهو طبلة تري سيركل..
بس يومنا اللي يقدر الله ساكت نفتحو..
كب تشبوا لينا في حلقنا وتسموهو تسلط نسوي
وجندرة وفندرة وشراية ونقدة..
وما بعرف شنو..
يا اخوانا قولوا بسم الله..
مالكم ؟ نحن لهسع ما لبسنا نعلاتنا بالقلبة وقلنا الثورة
انطلقت.. تقوموا تسموهو تسلط نسوي..
بسسسسسسسسسم الله الرحماااان الرحيم..
حيت..حيت..محمد معانا ما تغشانا..
فتك بعافية..
انا منسلة برااااحة مارقة..
الخواف ربي عيالو..
حليمة
|
Post: #222
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-09-2007, 12:06 PM
Parent: #221
انا منسلة برااااحة مارقة..
الخواف ربي عيالو..
حليمة
تعالي هنا ماشة وين يا حليمة إنتي قايلة دخول الحمام زي خروجو , أولاً
لك جزيل الشكر علي دخولك المتاخر , لكن كمان يا حليمة إنتي ماشايفة
كده صراخكم وكواريكم دي بتزعج شديد ولا لا , كدي فكري في الموضوع ده
في الأول وتعالي تاني راجعة .
|
Post: #223
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عفاف أبو حريرة
Date: 04-09-2007, 02:08 PM
Parent: #222
هاشم قالو دق الجراب خلي الجمل يخاف
الكوريكه دي مالي الكبايه ولا لي البت
دي ليك انت ده والكلام ليك ياالمرخي اضنيك
وفكه ليكم مافي عديل بعد الشفع ديل سيك سيك
وعلقت فيك واعلنا الحرب عليكم
قالو في واحد مرته ممغساه مغس وكاسره قلبه
وكتر عليه شديد جا لقاها قاعده في العنقريب
قال ليها اكان اكان قمتي طلقانه واكان قعدتي طلقانه
قالت ليه اها رقدته
سلامي لي ام احمد وخلونا نشوفكم
عفاف ابوحريره
|
Post: #224
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-09-2007, 04:35 PM
Parent: #223
Quote: وفكه ليكم مافي عديل بعد الشفع ديل سيك سيك
وعلقت فيك واعلنا الحرب عليكم
|
أها يا هاشم ..
ما قبييل قلن ليك خلي الطابق مستور ..
حالتو لسح زولتي دي ما نزلت .. تخصصها راجمات ..
دقيقه:
صحي ود جباره قولو الحرب قامت ..
|
Post: #225
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-09-2007, 05:09 PM
Parent: #224
Quote: وفكه ليكم مافي عديل بعد الشفع ديل سيك سيك
وعلقت فيك واعلنا الحرب عليكم |
المربية الفاضلة عفاف ابو حريرة ( أم أحمد ) لكي مني ومن أم أحمد زوجتي عاطر التحايا والود
ولك الشكر أجزله , طبعاً يا أم أحمد ماشاء الله وضعكم زي وضعنا بالظبط ولد وأحد والباقي بنات
ربنا يحفظهم لينا وليكم وربنا يرزق كل زوجين بأطفال علشان يكسرو ليهم كباياتهم وصحونهم
ويعلا صراخهم وكواريكهم .
أم أحمد طبعاً بدون قطع شك تاعبة البنات تعب شديد والسيد أحمد مدلع دلع شديد من جانبك إنت
زي زولتي أم أحمد ولو كسر إي حاجة سلامتك يا ولدي وتبرا يا ود أمي لكن المسكينات ديل ليهم
الله عصر شديد , ما غسلتي العدة ليهسع وإنتي عميانة ما بتشوفي والملايات دي لسع ما غيرتيها
أما السيد أحمد يرمي الهدوم في إي مكان وغرفته مامرتبه وطلباته كلها أوامر أنا طبعاً بتكلم
عن زوجتي أم أحمد ( الحور العين ) أمد الله في أيامها , لكن بتخيل كل بيت فيهو أحمد وأخواته
البنات عائش ملك وراسو براس أبوه .
وبعدين سيك سيك معلق فيك , ما خلاص ده قدرنا ورضينا بيهو يعني نعمل شنو ؟؟ بس حلقومكم ده
والله يوم بتطق عديل كده أعملو حسابكم .
|
Post: #226
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عفاف أبو حريرة
Date: 04-09-2007, 05:12 PM
Parent: #224
| Quote: ..صحي ود جباره قولو الحرب قامت |
محمد علي ولا بنقوم ولا بنقعد راقدين ليكم اكان هاشم يعمل رايح
ويسكت وكفي الله المومنين شر القتال
مودتي ام احمد
|
Post: #227
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-09-2007, 05:38 PM
Parent: #226
| Quote: صحي ود جباره قولو الحرب قامت |
ود الملك أخوي قـلـبـك أبـيـض صاحبك عادل جبارة الليلة دي اولأده وصلوا للسعودية - الرياض
الساعة الحادي عشر والنصف صباحاً وطبعاً هو رافـع الـرايـة وقال لي (I LOST MY PASS WORD)
وده كله عشان خائف من الحور العين حقتو , لازم يعمل إحتياطته كويس وبيني وبينك هو هسع دي
فاضي من غسيل العدة وكنس البيت .
|
Post: #228
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-09-2007, 07:51 PM
Parent: #1
ألأخ/هاشم
الحمدلله على سلامة أولاد أخونا عادل جبارة...ولفد حادثتهم وهم فى المطار أم أحمد وأمنية وألآ وهيفاء وأحمد ربنا يحفظهم ويقضو إجازة سعيدة بيننا..........
أما قصة الباس ورد دى........أنا عرفتها من أمس بس ما حبيت أجيب سيرتها لكن ما دام جا منك يا هاشم............ده شكلو تكتيك إستراتيجى...
أولآ:كيف فقده وهل هذا الكلام صحيح؟
ثانيآ:لماذا أمس فقط فقده؟
ووالله فعلآ دى ألأيام المفروض يضيع فيها الباس ورد...
وياجماعة بمشيئة المولى أنا الباس ورد تبعى سوف يضيع ألأسبوع القادم مافى حد أحسن من حد...
أنا بقترح ياأخ هاشم أن يكون العنوان تسلط الزوجات بدون إلى متى؟؟؟عشان يكون بلاحدود.
تحياتى ..........إسماعيل محمد أحمد عباس............
|
Post: #229
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-10-2007, 01:26 AM
Parent: #228
Quote: اكان هاشم يعمل رايح
ويسكت |
أم احمد
ده البسكتو شنو أكان الفوله مابتتبلي في خشمه ..
دقيقه:
هاشم حمدالله علي سلامة اولاد ود حبارة والعقبه لي صاحبك اسماعين ..
إنت أصحابك ديل كانوا لاعبين معانا المده دي كلها حفايا ؟
|
Post: #230
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-10-2007, 11:33 AM
Parent: #1
ألآخ/هاشم
شنو يعنى بص السيرة برضو فافتنى
وعن ألأخ/الملك ..........دى الحرفنة ذاتها الحرفا بلعبوا حفايا.......وإن شاء الله ما تكون من الحلفايا...............والله أثبت مكيشتك نلعب معاكم وما تعرفونا...........
تحياتى لك يا ملك وإنت الملك وملك كبير يازول وتحياتى للأخ/هاشم صاحب البوست العرفنا بيك
تسلموا جميعآ.............تحياتى.
.........إسماعيل محمد أحمد عباس......................
|
Post: #231
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-10-2007, 12:47 PM
Parent: #230
Quote: أولآ:كيف فقده وهل هذا الكلام صحيح؟
ثانيآ:لماذا أمس فقط فقده؟ |
تعرف يا سمعة أخوي ليه أنا كاتب ليك باللون الأحمر عشان تعرف أنو
صاحبك عادل جبارة كتب علي باب شقته ممنوع الإقتراب أو التصوير . تخيل
أمبارح بالليل مشينا نسلم عليه وعلي أولاده كل مرة يعاين في ساعته لحدي
ما خلاص زهج وقال لينا يا هاشم أخوي شايف أولادك ديل نعسوا شديد الظاهر
الليلة دي ساهروا .
هع قال فقد الباسورد بتاعو قال علي منو يا خفيف .
|
Post: #232
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-10-2007, 02:08 PM
Parent: #231
سمعة .. هي كياشة ساكت ؟؟ بنسداها ..
والله أنا الأسعد بمعرفتي لمجموعتكم الرائعه دي .. والفضل للنسو.. اقصد اخوي الحبوب مبتدع هذا البوست الاجتماعي الهادف ..
دقيقة:
هاشم قالوا زرت الراجل ..
اها قابلك كيف ؟
يعني كان مبتسم وللا كاضم ..
مبتسم ! يبقي إنت زيارتك كانت بدري قبل ما ست البيت تفتح دولاب المطبخ وتشوف الكبابي الراصيهن مع الحلل ..
|
Post: #233
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-10-2007, 07:58 PM
Parent: #1
ألأخ/هاشم
تحياتى,
والله لو جيت للجد مفروض إدوكم أنتو كرت أحمر...........
يعنى خلاص الشوق كاتلكم..........إنتوا ممكن تصبروا لكن البصبروا هو شنو...........
ما كويس إنو إستقبلكم..ده تسلط أصحاب كمان............
تسلط ألأصدقاء ................إلى متى؟؟؟؟؟؟؟؟؟؟؟؟؟؟
ألأخ/الملك الظريف ...بنديك فرصة إسبوع عشان تتسده وإلا تكون مهزوم واحد صفر.......نحن السعداء بمعرفتك........وبارك الله فى تسلط الزوجات .ودى من ألأيجابيات.......
الله إديكم ألعافية جميعآ..........إسماعيل محمد أحمد عباس...........
|
Post: #234
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-11-2007, 06:42 AM
Parent: #233
| Quote: تسلط ألأصدقاء ................إلى متى؟؟؟؟؟؟؟؟؟؟؟؟؟؟ |
طبعاً يا سمعة بكتب ليك أنت بالأزرق لاني عارفك مريخابي وزي ما المثل بيقول
خير وسيلة للدفاع الهجوم وطبعاً كلامك الفوق ده حرفنة منك عشان أولادك جايين الأسبوع
القادم وعايز تعمل لينا فيها مصدات لكن علي منو يا خفيف وراك وراك وكمان حايكون هناك
تسلط الأطفال يلا شد حيلك .
|
Post: #235
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عماد محمود علي
Date: 04-11-2007, 03:00 PM
Parent: #234
Quote: العزيزة غادة إنت عارفة إنو أم أحمد لو أخذت إجازة إلا تكون عيانة لآنها ما شاء الله عليها
حركة دائماً في البيت وجنها وجن الوساخة |
في عالم جبانات بي شكل الواحد مرته تكون جنبه يكتب بالانجليزي لو حدرت ليهو ساكت يكتب مثل الكلام ده .
|
Post: #236
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-11-2007, 03:32 PM
Parent: #235
| Quote: في عالم جبانات بي شكل الواحد مرته تكون جنبه يكتب بالانجليزي لو حدرت ليهو ساكت يكتب مثل الكلام ده . |
إنت الليلة الجابك بيجاي شنو ؟؟؟ خلاص رفعوا عنك الحظر بعد ما خلاص غسلت العدة وحميت ولدك الصغير
يا عماد أخوي أنا لا جبان ولا حاجة وعلي فكرة زوجتي بتعرف إنجليزي أحسن مني كمان , و ما بخاف
والدليل آل لو لو .
|
Post: #237
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-12-2007, 10:32 AM
Parent: #236
الحمد لله والشكر لله , امبارح دي وقعت كباية تانية لكن الحمد لله ما إتكسرت
لانها وقعت مني وقدرت امسكها بحرفنة شديد , أها لقيتوني كيف ؟؟؟؟
لا في صريخ ولا جوطة .
|
Post: #238
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-12-2007, 02:06 PM
Parent: #237
Quote: الحمد لله والشكر لله , امبارح دي وقعت كباية تانية لكن الحمد لله ما إتكسرت
لانها وقعت مني وقدرت امسكها بحرفنة شديد , أها لقيتوني كيف ؟؟؟؟
لا في صريخ ولا جوطة . |
ناس ماتجيش الا بالشخيت ..
|
Post: #239
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-12-2007, 02:33 PM
Parent: #238
| Quote: ناس ماتجيش الا بالشخيت .. |
ود الملك ليك وحشة يا راجل ... هناك نوعين من الشخيط وأحد بتاع لعبة المجنونة يعني لما ما تاكل
إي حاجة بيقولوا ليك شخيط والتاني شخيطك براك يا ود أمي لانو مرتي ما قاعدة تشخط فيني بس بتنهرني
ساكت , وتقول لي ترلالام ترلالام وبس شوفت أخوك متماسك كيف .
|
Post: #240
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ابوبكر يوسف إبراهيم
Date: 04-14-2007, 09:16 AM
Parent: #239
أخي هاشم
تحية
عندما يعلو صوت الزوجة فهذا يعني أن وراء الأكمة ما وراءها وأن لها طلب يمثل عبئاً- أياً كان - قد رفض وانه ليس له علاقة بالموضوع الذي فيه علا صوتها وإنماكلمة حق يراد بها باطل وذريعة للتحرش لفتج جبهة تصفية حساب الطلبات المرفوضة .. وعندما تصمت فور هذه المشكلة فعلا الزوج أن لا يطمئن لأن الموضوه ( إستراحة محارب ) فقط وإنها هدنة للبحث عن تكتيك آخر يجبر صاحبنا بالتسليم وإجابة الطلبات لأن العرض الذي قدمته لم يحقق النتائج التي كانت تتوقعها لأن الزوج لم يستجب ولم يقم برد الفعل الذي كانت تتوقعه لتصعيد الأمر .. أو أنها ستلجأ لضرب البوز الذي سينعكس سلباً على الأولاد وذلك حتى يتم تلبية الطلب ليتم التصالح .. الأولاد مش مهم المهم الطلبات!! .. المرأة الذكية هي التي تشعر الرجل بأنه الآمر الناهي ومتى رفض لها طلب وغستجابت للرفض برضى وكياسة ، عليها أن تتأكد بأنه سيلبيه لها لأنه سيعاتب نفسه ويقول ( حرام يكون نفسها في حاجة وما أوفرا ليها طالما أنا قادر) ولأنها كانت إيجابية في ردة الفعل ولم تتسلط وتصر .. هل من العقل أن يلبى طلبها بطيب نفسٍ وخاطر أم قسراً؟!.. إن المرأة التي تشعر زوجها بأنها تحصي عليه أنفاسه وتحسب خطواته هي زوجة فاشلة.. زوجة بدرجة سجان!! وإن كان الزوج يمثل لها السجين فلا بد أن يأتي يوم ويستعيد حريته عندها ستسمع نشيد وردي ( أصبح الصبح فلا السجن ولا السجان باقي)!! ويبدأ الندم !!.. لأن لكل سجين محكومية تنتهي بأجل أو ثورة تكسر الأغلال.. فاحذري أختي من التسلط .. اجعلي بيتك مكاناً للمودة والرحمة والتراحم!!
|
Post: #241
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-15-2007, 05:53 AM
Parent: #240
Quote: أخي هاشم
تحية
عندما يعلو صوت الزوجة فهذا يعني أن وراء الأكمة ما وراءها وأن لها طلب يمثل عبئاً- أياً كان - قد رفض وانه ليس له علاقة بالموضوع الذي فيه علا صوتها وإنماكلمة حق يراد بها باطل وذريعة للتحرش لفتج جبهة تصفية حساب الطلبات المرفوضة .. وعندما تصمت فور هذه المشكلة فعلا الزوج أن لا يطمئن لأن الموضوه ( إستراحة محارب ) فقط وإنها هدنة للبحث عن تكتيك آخر يجبر صاحبنا بالتسليم وإجابة الطلبات لأن العرض الذي قدمته لم يحقق النتائج التي كانت تتوقعها لأن الزوج لم يستجب ولم يقم برد الفعل الذي كانت تتوقعه لتصعيد الأمر .. أو أنها ستلجأ لضرب البوز الذي سينعكس سلباً على الأولاد وذلك حتى يتم تلبية الطلب ليتم التصالح .. الأولاد مش مهم المهم الطلبات!! .. |
دكتور ابوبكر تحياتي لك وللاسرة , والله يا دكتور أصبت كبد الحقيقة وكلامك ده فعلاً هو الحاصل في
كل بيت تقريباً والمشكلة إنهن لا يصدقوا كلامك ولو حلفت برب الكعبة , يعني لو هي وضعت تصور معين
في راسها الله يعينك والله لو جبت مفردات اللغة العربية كلها ما تعمل ليها إي حاجة .
سؤال يا دكتور ليه دائماً الزوجة بيكون في خيالها واحدة تانية مشاركها في زوجها ؟؟؟؟؟؟؟؟؟؟
|
Post: #242
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غادة عبدالعزيز خالد
Date: 04-15-2007, 04:48 PM
Parent: #241
Quote: الحمد لله والشكر لله , امبارح دي وقعت كباية تانية لكن الحمد لله ما إتكسرت
لانها وقعت مني وقدرت امسكها بحرفنة شديد , أها لقيتوني كيف ؟؟؟؟ |
اخونا هاشم
و الله بقيت حريييييف...
الخواف ربا عيالو
سؤال اخر...
المدام لسة متسلطة؟؟
كل التحية
غادة
|
Post: #243
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-16-2007, 05:58 AM
Parent: #242
Quote: اخونا هاشم
و الله بقيت حريييييف...
الخواف ربا عيالو
سؤال اخر...
المدام لسة متسلطة؟؟
كل التحية |
غادة
العزيزة الغالية غادة عبدالعزيز تحياتي لك ولاسرتك الغالية
أولأً من ناحية بقيت حريف أكيد حريف والإ ما إستمرا هذا البوست كل هذه المدة
Quote: سؤال اخر...
المدام لسة متسلطة؟؟
|
السؤال ده أنا بوجه ليك إنت يا غادة , وبعدين عليك الله في زوجة في الدنيا دي ما متسلطة
هو تسلط وبس كمان معاها سلبطة , يعني قلنا شريكة الحياة مافيها حاجة لكن إي حاجة حقت
الزوج بقدرة قادر تبقي حقتها هي ؟؟؟ عليك الله الكلام ده حاصل ولا ما حاصل , منتظر ردك .
|
Post: #244
Title: Re: تـسـلـط الـزووووجـات ........ إلـي مـتـييييييييي ؟؟؟
Author: غادة عبدالعزيز خالد
Date: 04-16-2007, 11:43 AM
Parent: #243
Quote: يعني قلنا شريكة الحياة مافيها حاجة لكن إي حاجة حقت
الزوج بقدرة قادر تبقي حقتها هي ؟؟؟ عليك الله الكلام ده حاصل ولا ما حاصل , منتظر ردك . |
الأخ العزيز
هاشم
و الله كلامك اضحكنى
تعرف, أحد اصدقاء معز (زوجى)
كان رافضا الزواج.. و كان يقول
"أنا امشى براااااااى, أجيب وحدة
تشيل منى اى حاجة.. بالله حتى البطانية
ما يخلوها ليك"
اما معز, حتى اكلو ما خالاهو ليهو
علشان كدة هو ضعيف...
كل التحية
غادة
|
Post: #245
Title: Re: تـسـلـط الـزووووجـات ........ إلـي مـتـييييييييي ؟؟؟
Author: مجدي عبدالرحيم فضل
Date: 04-16-2007, 12:39 PM
Parent: #244
هشوم المهموم بهمومنا،،
تحية تسلط برئحة كبابي عصير ليمون
والله أنا قلته الولد ده بقي كمال عبدالوهاب في زمن بشاره
يلقطه قبل ما تصل حامد بريمه والله يكون في عونك من تلسط عماد
وعادل بالمناسبة التحية لك ولهم الأتنين أحبتي النسوان ديل
في وووب مافي وووبين!! الله يخليهم بي تسلطم وتظليتم لجيوبنا كمان
عمر مديد وربع سعيد لكل التسليط الفي الكون ده ويارائع بنرد ليك
الزيارة عليك الله في كباية بتتكسر اليومين ده بيني وبينك كده؟
أبوقـ مجدي عبدالرحيم ـصي،،
|
Post: #247
Title: Re: تـسـلـط الـزووووجـات ........ إلـي مـتـييييييييي ؟؟؟
Author: حبيب نورة
Date: 04-16-2007, 05:51 PM
Parent: #245
يا أخوي انت لسة مزرزر؟؟
عاد لا حولا لا قوة
يحلك الحلّ بلة
وينك مشتاقين
شكرن كتيرن!
|
Post: #248
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-16-2007, 08:51 PM
Parent: #247
Quote: و الله كلامك اضحكنى
تعرف, أحد اصدقاء معز (زوجى)
كان رافضا الزواج.. و كان يقول
"أنا امشى براااااااى, أجيب وحدة
تشيل منى اى حاجة.. بالله حتى البطانية
ما يخلوها ليك"
اما معز, حتى اكلو ما خالاهو ليهو
علشان كدة هو ضعيف... |
غادة والله منورة البوست وعلي فكرة زوجتي ( أم أحمد معجبة بيك جداً ونفسها تتعرف عليك ) عارفة ليه ؟
عشان تقول ليك والله هي ما متسلطة لكن علي منو . العبي غيرها يا متسلبطة .
|
Post: #249
Title: تسلط الزوجات
Author: علي الكرار هاشم
Date: 04-16-2007, 09:39 PM
Parent: #1
الأخ / هاشم
تحياتي والحمد لله إنو (تسلطكم) طلع ونسه وها أنت ما زلت علي قيد الحياة
مما قابلتك مع د. كرم الله كنت ناوي المداخله لكن الزحمة حاصله
عموما.....
صاحبك كان ماسك الورق والعشره حريق علي وشك النهاية
يا غالب يا مغلوب
في اللحظة ديك الوليه قامت تنادي
أبو محممممممد..تعال!!!!!!!
تصدق انو صاحبك دك الورق وقام
وعلي كل حال لإن تتكسر الكبابي في البلاط فهو اقل ضررا من تكسرها علي الرؤؤس
المحبة لك وأسرتك والله يحفظكم
|
Post: #250
Title: Re: تسلط الزوجات
Author: هاشم أحمد خلف الله
Date: 04-16-2007, 10:12 PM
Parent: #249
Quote: النسوان ديل
في وووب مافي وووبين!! الله يخليهم بي تسلطم وتظليتم لجيوبنا كمان
عمر مديد وربع سعيد لكل التسليط الفي الكون ده |
ابو قصي والله أنا سعيد جداً جداً بمرورك من هنا وما عندي تعليق أضيفه لكلامك ده لكن نقول هن رحمة
لنا بتسلطهم وسلبطتهم الما عندها أول ولا أخر .
|
Post: #251
Title: Re: تسلط الزوجات
Author: هاشم أحمد خلف الله
Date: 04-16-2007, 10:40 PM
Parent: #250
Quote: يا أخوي انت لسة مزرزر؟؟
عاد لا حولا لا قوة
يحلك الحلّ بلة
وينك مشتاقين
شكرن كتيرن! |
حبيب نورة قول لي عليك الله الحلة بلة منو عشان أمشي ليهو , شكراً جزيلاً علي المرور يا مسخوت .
|
Post: #252
Title: Re: تسلط الزوجات
Author: هاشم أحمد خلف الله
Date: 04-17-2007, 06:42 AM
Parent: #251
Quote: صاحبك كان ماسك الورق والعشره حريق علي وشك النهاية
يا غالب يا مغلوب
في اللحظة ديك الوليه قامت تنادي
أبو محممممممد..تعال!!!!!!!
تصدق انو صاحبك دك الورق وقام |
اولاً سلامات يا علي الكرار وربنا يكتب سلامة الدكتور كرم الله ومشكور جداً علي المرور في هذا البوست
لكن صاحبك بتاع الكوتشينة ده طلع مستهبل تلاقيه لا كان قافل ولا حاجة وحبه بس يدك الورق وبيني
وبينك الغلب حار خاصة لو كان العدد كبير , علي فكرة إنت معزوم معانا عشرة كوتشينة في دار
رابطة أبناء الصحافة بالرياض يوم الخميس الجاي ده لكن أقفل جوالك عشان بعدين ما تتصل عليك
المدام وتدك لينا الورق .
|
Post: #253
Title: Re: تسلط الزوجات
Author: هاشم أحمد خلف الله
Date: 04-18-2007, 06:26 AM
Parent: #252
كتب نذار حسين الأتي
Quote: يا هاشم... عندي الحياة كلها مسرحية كبيرة جدا...والحياة الزوجية مشاهد من المسرحية الكبيرة
والحيلة انطلت علي زوجتي...لما بقت مسكييييييييييييييييييييييييييييييييييييييييينة....
تقوم يا سيدي ليك...تسترجع من ذاكرتك...الحريم كسأرات العدة...والكوراكات...والبزعلن سريع...
والبحرّقن الصاج...والبجيبن الشاي مقرّض...والبقهّن في المسلسل...والرجال الكشاتين...وناس اب غازيه وام فتفت...ديل كلّهم كان فتشت عليهم بتلقاهم...يلا تقوم لامن تحصل مواقف فيها شوية ماس أو كهرباء...نوع ( أحذر هنا ضغط عالي) تقوم تمسرح الشغلانة علي حسب الموقف...المسألة عايزة تمرين تمرينين... يعني اقلب اللحظة الحرجة دي الي مسرحية...وأحيانا كلمة واحدة...بتزيل الغضب...
مثلا في موضوع تكسير الكبابي دي: عندنا حبوبتنا مشهورة بي كسير العدة: طوالي بنحاكيها لما تنكسر كباية...(البلاء اليبلاق ويكقسر كلاك...) ولاحظ انو حبوبتنا ما عندها سنون...الكاف بتجي حاجة ما بين الكاف والقاف والخشم مكفوف لي جوة...(انت بس جرّب) وشوف كان تاني يتسلطوا عليك...المسأله حا تعدي كمزحة... |
اولاً مشكور علي المداخلة يا نذار لكن مداخلتك دي شفتها هسع دي وبالصدفة لانها لم تكن ضمن التسلسل
المتبع ومشكور جداَ لطرحك مثل هذه المواضيع .
|
Post: #254
Title: Re: تسلط الزوجات
Author: عادل جبارة
Date: 04-18-2007, 11:30 AM
Parent: #253
| Quote: حبيب نورة قول لي عليك الله الحلة بلة منو عشان أمشي ليهو |
هشومي !!
كُرْ عليك .. مالك ماشي ليهو بي رجليك !!! إنت ماعارف أنو بله حلاهو الموووووت ؟؟؟
|
Post: #255
Title: Re: تسلط الزوجات
Author: عادل جبارة
Date: 04-18-2007, 11:36 AM
Parent: #254
Quote: علي فكرة إنت معزوم معانا عشرة كوتشينة في دار
رابطة أبناء الصحافة بالرياض يوم الخميس الجاي |
هييييي !! بختنا هاشم جايييي يوم الخميس أدوهو الأذن ؟؟؟
|
Post: #256
Title: Re: تسلط الزوجات
Author: هاشم أحمد خلف الله
Date: 04-18-2007, 11:57 AM
Parent: #255
| Quote: هييييي !! بختنا هاشم جايييي يوم الخميس أدوهو الأذن ؟؟؟ |
أنا إنشاء الله بجي يوم الخميس لكن إنت كيف ؟؟؟ بتجي ولا غيرو ليك قفل الباب
وبعدين إنت مسجل غياب طويل من المنبر مافي زول سألك , مالك ومال المشاكل .
|
Post: #257
Title: Re: تسلط الزوجات
Author: مجدي عبدالرحيم فضل
Date: 04-18-2007, 12:02 PM
Parent: #255
بيت التسلط أهلي وأحبابي،،
قايتوا ياهشومي ! أتسلطنا عليك جنس سلطة مره بعادل جبارة ومره مرقة عمادمحمود
الواحد لما بقي يجي توش خاشي المطبخ عديل كده وأم أحمد تشيل شيلته العده الغالية
تدكنه لجوه وتخلي الرخيصه نعوس فيها وبعد ما نمشي أنا قايتوا السوق ما بيمرقك كان
لود جبارة أناشايف كراتين كبابيهو من جده هنا في دفار عديل ومعاهو هدية لعماد محمود
كبابي شربات ومعاها ترامس شاي كل مطبخ بما فية ينطخ من الكسير وتحياتي لكم أحبابي
عشان أم قصي متسلطه علي أوديها العمره الليله بديكم دعوه كاربه تسكر الفي الرفوف والمدكن جوه الكراتين وبعاود ليكم تاااااااااااني ،، أبوقـ مجدي عبدالرحيم ـصي،،
|
Post: #258
Title: Re: تسلط الزوجات
Author: عبد المنعم ابراهيم الحاج
Date: 04-18-2007, 12:35 PM
Parent: #257
العزيز هاشم لك التحيةولام احمد ضعفها الزوجات ديل ما عندنا ليهن اي لوم..ياخي عليك الله
ما كفاية التسلط التاريخي الواقع عليهن ..والظلم الواقع عليهن من المجتمع المتوارث
وكمان عايزين نصادر منهن حقهن في السلطة في البيت ..هسة انت لو زهجت ساكت كدة بدون سبب
بتروح تفرق مع العزابة أو اي مكان تجدد روحك وتفك زهجتك ..ده لو اصلا ما صدّرت الزهج ليها
من خلال انتقادك لاي شئ يقع في عينك ..ولو ما لقيت حاجة تشيل شوفك وتختو في الاكل ..السلطة
دي ماله مقطعة كباره ..الملاح ده ملحو زايد انت دايرة تجيبي لينا الضغط..وشنو شنو ماعارف..
وده كلو كوم ..والكوم التاني انو المؤسسة الزوجية انا رايي فيها جاهرت بيهو كم مرة ولحد
هسة النقاش حول الراي ده مااتناقش بشكل جيد..وتاني بطرحو هنا في هذا البوست بعد ما "كباية
اتكسرت" عايزين نكسر الحاجز ونتناقش في حقيقة هذه المؤسسة والرأي ما عايزين مرجعتو دينية
عشان المؤسسة الزوجية سابقة للاديان ..عايزين نعرف الظرف الموضوعي الذي اوجدها بهذه الشروط
المفروضة للطرفين..وما مدى فاعلية هذه المؤسسة وصمودها في المستقبل مع جملة المتغيرات التي
حدثت عليها تأريخيا ..انا رائي فيها انها متخلفة ومو وشروطها تقليدية ..وأرى فيها مهزومة
في المستقبل البعيد..وعايزين نشوف الناس رأيها شنو؟
|
Post: #259
Title: Re: تسلط الزوجات
Author: مجدي عبدالرحيم فضل
Date: 04-18-2007, 01:14 PM
Parent: #258
هشومي شفته الكلام دخل الحوش !!
Quote: عشان المؤسسة الزوجية سابقة للاديان ..عايزين نعرف الظرف الموضوعي الذي اوجدها بهذه الشروط
المفروضة للطرفين..وما مدى فاعلية هذه المؤسسة وصمودها في المستقبل مع جملة المتغيرات التي
حدثت عليها تأريخيا ..انا رائي فيها انها متخلفة ومو وشروطها تقليدية ..وأرى فيها مهزومة
|
العزيز عبدالمنعم إبراهيم والله يأخي الشراكه دي بين الصاروخ والقمر وأنت شوف الفجوة
دي قدر شنو والمعالجات والتكنيك حتي أن تصبح علي ظهر القمر وهالاتوه والتلآلآ بنجيماته،،
آه مشوار يحفذ الطيار ولنا أن نطير ولنا أن نهبط بمظله وكل الطرق متاحه الي الجميع
وكل من له معيناته وأفضل المعينات هنا ما يزكي الروح وهو الحب ما يحلق بنا نحو هذا
الفناء الشاسع ومطباته الجوية ناهيك عن الأحوال المناخية والعثرات المختلفه هي ذات
ممتع لهذة الرحلة الفضائية الماكوكية وأنا أملك عابر القارات لتلك الرحلة ووصولي كان
بسرعة الضوء وأثمرة النتائج المكتشفه بشهاب أسميته ،،قصي،، أبوقصي
|
Post: #260
Title: Re: تسلط الزوجات
Author: هاشم أحمد خلف الله
Date: 04-19-2007, 09:44 AM
Parent: #259
| Quote: عشان أم قصي متسلطه علي أوديها العمره الليله بديكم دعوه كاربه تسكر الفي الرفوف والمدكن جوه الكراتين وبعاود ليكم تاااااااااااني ،، أبوقـ مجدي عبدالرحيم ـصي،، |
يا سلام عليك يا أم قصي والله ده التسلط ولا بلاش . يعني المسالة جابت ليها عمرة وكده.
|
Post: #261
Title: Re: تسلط الزوجات
Author: مجدي عبدالرحيم فضل
Date: 04-19-2007, 10:46 AM
Parent: #260
العزيز هشومي أبوأحمد،،
عمر مديد وشهر سعيد عليكم وعلي الأسرة الرائعة التي أتت لنا ببقعة النور هذة
لكي نطل عبرها بقبس يهدينا الي السبيل وبكم نسعد أم أحمد سبب هذا الأشعاع المتكثر
حياة والعمره أديناكم حقكم منها نرجوه من الله القبول وأنت ناس عادل وعماد ديل نشوفم
متين إلا في الحرم رياضكم دي بعيده تتور الننننننننفس ودمتم أحبتي .،،أبوقصي ،،
|
Post: #262
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ماجدة عوض خوجلى
Date: 04-19-2007, 01:07 PM
Parent: #1
| Quote: سؤال يا دكتور ليه دائماً الزوجة بيكون في خيالها واحدة تانية مشاركها في زوجها ؟؟؟؟؟؟؟؟؟؟ |
وانا بوجه ليك نفس السؤال القال ليك انت انو دايما الحكايه خيال ابدا مرات مابتكون خيال والمراه بصفه عامه عندها مراكز استشعار عاليه جدا قلبها بحسسا ذى مابيقولو والتحسيس بتاع القلب ده بيكون عنده اسباب عديده ومؤشرات كلها بتوري انو فى حاجه ماطبيعيه حاصله غير كده ماتنسى المثل البقول الحرامي على راسو ريشة تلقاه حبيبى براه مقلق ومايرتاح الايكشف نفسه بنفسه وعلشان الجماعه مايهيجو فينى ساكت انا مابعمم الكلام ماكل الرجال كده وماكل السيدات كده وحتى الكدا ديل مااظنهم كتيرين لكن برضو ماشويين وبالتاكيد فى من الزوجات حقيقه مريضات عديل بالغيرة ومابيكون عندهم الامكانيه انهم يفرزو بين العلاقات الانسانيه بين الناس والعلاقات دى عندها مسميات كتيرة ومابتكون عندهم القدرة البتخليهم يفهمو انو الزوج مانزل من القمر او كان قاعد فى جزيرة معزولة من الطبيعى انو يكون بيعرف سيدات وعلى علاقه طيبه بهم جمعتو بيهم دراسه اوعمل او اى مجال اخر وكلامى ده كله برضو بينطبق على بعض الازواج
تحياتى لك هاشم
|
Post: #263
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-19-2007, 05:29 PM
Parent: #262
يعني إنت الظرافة العليك شنو قدام النسوان .. ما تراعي مكانتك شوية ..؟
اها الأصطوانه دي طوالي مركبه لي ..
تقولي شنو تاني يا بت عوض خوجلي ..
مراكز الإستشعار بتاعتكم دي عقدتنا عدييييل .
|
Post: #264
Title: Re: تـسـلـط الـزووووجـات ........ إلـي مـتـييييييييي ؟؟؟
Author: عبد المنعم ابراهيم الحاج
Date: 04-19-2007, 05:57 PM
Parent: #263
Quote: العزيز عبدالمنعم إبراهيم والله يأخي الشراكه دي بين الصاروخ والقمر وأنت شوف الفجوة
دي قدر شنو والمعالجات والتكنيك حتي أن تصبح علي ظهر القمر وهالاتوه والتلآلآ بنجيماته،،
آه مشوار يحفذ الطيار ولنا أن نطير ولنا أن نهبط بمظله وكل الطرق متاحه الي الجميع
وكل من له معيناته وأفضل المعينات هنا ما يزكي الروح وهو الحب ما يحلق بنا نحو هذا
الفناء الشاسع ومطباته الجوية ناهيك عن الأحوال المناخية والعثرات المختلفه هي ذات
ممتع لهذة الرحلة الفضائية الماكوكية وأنا أملك عابر القارات لتلك الرحلة ووصولي كان
بسرعة الضوء وأثمرة النتائج المكتشفه بشهاب أسميته ،،قصي،، أبوقصي |
العزيز ابوقصي
لك التحية ..حكاية الصاروخ دي طبعا اصدق تعبير عن الحالة بتاعت الزواج واستكشاف
هذه المؤسسة ..قبل الزواج تري "يعني قبل الرحلة الي القمر" تري القمر من علي البعد
ساحر ومضئ ..وتحرسه هالة ذهبية مغرية بتوجه صاروخك نحوها ..وتعاني ماتعاني من ضغط
وانعدام وزن..وويلات ..حتي تحط ركابك علي سطحه ..فتكتشف الصخور والنتوءات والجدب
وانعدام الاكسجين..ثم تنظر الي الخلف الي حياة العزوبية..مكان انطلاقك الاول نحو الارض
فتراها بزرقتها مثل زمردة منضوضة زرقتها تشحنك بالحنين ..ولكن لا خيار لك للرجعة
عليك ان تكيف وضعك ان تكابد لتوفير مناخ صالح علي سطح القمر وما اصعب ذلك ..الوحيد
الاستفاد من هذه العلاقة "هو ابوالدرداق" ظل محبا ومعجبا لكن لم يدخل التجربة..لم يحلق
صوب القمر بعد ليترك عادة التنظيف ..هذه المؤسسة دخلناها وفي معيتنا المحبة ولكنها
خذلت كل صروف المحبة بشروطها التي تحد من حرية الشركاء تجاه عرفها ، تجاه المحيط
الاجتماعي الذي تتحرك فيه، لا سيما محيطنا الشرقي وهو افضل حالا من التجربة في الغرب
التي يقيدها قانون الدولة، ليس هنالك نموذجا اخلاقيا لا يخضع الا شروط الحب التي تتبادر
في اول العلاقة..ثم في منتصفها تتحول الي نمط قاسي..وفي آخرها اجترار الذكريات.
بربك كيف تنظر الي هذه المؤسسة لا كحالة خاصة ناجمة من بنية وعينا التناسلي في
انجاب الابناء والبنات..ولكنها كمؤسسة خلاقة تساهم في فعاليتك كفرد وكمجتمع ..وتجعل
منك أكثر عطاءا بعيدا عن اكتناز الابيض للاسود او ماشابه ذلك؟
|
Post: #265
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-19-2007, 06:09 PM
Parent: #264
Quote: العزيز هشومي أبوأحمد،،
عمر مديد وشهر سعيد عليكم وعلي الأسرة الرائعة التي أتت لنا ببقعة النور هذة
لكي نطل عبرها بقبس يهدينا الي السبيل وبكم نسعد أم أحمد سبب هذا الأشعاع المتكثر
حياة والعمره أديناكم حقكم منها نرجوه من الله القبول وأنت ناس عادل وعماد ديل نشوفم
متين إلا في الحرم رياضكم دي بعيده تتور الننننننننفس ودمتم أحبتي .،،أبوقصي ،، |
العزيز ابو قصي أولاً مبروك الصفحة الثالثة والتي تمت علي يديك وهذا إن دل علي شئي فإنما
يدل علي إيمانك بهذا الموضوع وإنشاء الله نتقابل عما قريب ونملي عيوننا بمشاهدة
أسرتك الصغيرة وربنا يديم عليكم نعمة السعادة والهناء .
|
Post: #266
Title: Re: تـسـلـط الـزووووجـات ........ إلـي مـتـييييييييي ؟؟؟
Author: محمد على طه الملك
Date: 04-20-2007, 01:19 AM
Parent: #265
هاشم أخوي ..
مبروك التالته حتي لوكانت اسفيرية ..
دقيقه:
والله إشتقت لأصحابك ديك اللزموهم بيوتم .
|
Post: #267
Title: Re: تـسـلـط الـزووووجـات ........ إلـي مـتـييييييييي ؟؟؟
Author: ismeil abbas
Date: 04-20-2007, 05:59 PM
Parent: #1
ألأخ/هاشم
تحياتى. وعبر البوست الرائع وصل سلامى للملك
ونحن الحمد لله مشكلين حضور
........إسماعيل محمد أحمد عباس..............
|
Post: #268
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-21-2007, 11:44 AM
Parent: #267
Quote: وانا بوجه ليك نفس السؤال القال ليك انت انو دايما الحكايه خيال ابدا مرات مابتكون خيال والمراه بصفه عامه عندها مراكز استشعار عاليه جدا قلبها بحسسا ذى مابيقولو والتحسيس بتاع القلب ده بيكون عنده اسباب عديده ومؤشرات كلها بتوري انو فى حاجه ماطبيعيه حاصله غير كده ماتنسى المثل البقول الحرامي على راسو ريشة تلقاه حبيبى براه مقلق ومايرتاح الايكشف نفسه بنفسه وعلشان الجماعه مايهيجو فينى ساكت انا مابعمم الكلام ماكل الرجال كده وماكل السيدات كده وحتى الكدا ديل مااظنهم كتيرين لكن برضو ماشويين وبالتاكيد فى من الزوجات حقيقه مريضات عديل بالغيرة ومابيكون عندهم الامكانيه انهم يفرزو بين العلاقات الانسانيه بين الناس والعلاقات دى عندها مسميات كتيرة ومابتكون عندهم القدرة البتخليهم يفهمو انو الزوج مانزل من القمر او كان قاعد فى جزيرة معزولة من الطبيعى انو يكون بيعرف سيدات وعلى علاقه طيبه بهم جمعتو بيهم دراسه اوعمل او اى مجال اخر وكلامى ده كله برضو بينطبق على بعض الازواج
تحياتى لك هاشم |
الأخت العزيز ماجدة أنا بقول ليك الموضوع ده والله خيال , يعني الواحدة فيكم
أفكارها دائماً تجاه زوجها سلبية خاصة إذا كان زوجها مشغول بالعمل وأحياناً
هم المعيشة وما بتخليهو علي راحتو وطوالي تدخل فيهو شمال ( الشالت عقلك
تتهنابو ) عليك الله هسع ده ما خيال , وأقدر فهمك إنو المسألة دي فعلاً
بتختلف من زوج إلي أخر . مشكورة علي المداخلة .
|
Post: #270
Title: Re: تـسـلـط الـزووووجـات ........ إلـي مـتـييييييييي ؟؟؟
Author: هاشم أحمد خلف الله
Date: 04-22-2007, 05:33 AM
Parent: #269
Quote: هاشم أخوي ..
مبروك التالته حتي لوكانت اسفيرية ..
دقيقه:
والله إشتقت لأصحابك ديك اللزموهم بيوتم . |
ود الملك والله في شوق شديد جداً إليك وبيني وبينك كده البوست ده دخل الجزء الثالث بدون ما أشعر
لكن ده كان كله بسبب تواجدكم الدائم وأفكاركم الحديثة .
أما اصحابي فحدث ولا حرج ( عادل جبارة الظاهر مرته جابت معاها مفاريك جديدة من السودان وغسيل
العدة كاسر ليهو ظهره ) أما سمعه عمل بالمثل الحي يفرفر .
علي فكرة يا ود الملك إنشاء الله يوم الخميس القادم عندنا تجمع أسري لبورداب الرياض وباذن الله
تشوفنا كلنا مع أسرنا في هذا المنبر ,
|
Post: #271
Title: Re: تـسـلـط الـزووووجـات ........ إلـي مـتـييييييييي ؟؟؟
Author: مجدي عبدالرحيم فضل
Date: 04-22-2007, 06:38 AM
Parent: #270
Quote: بربك كيف تنظر الي هذه المؤسسة لا كحالة خاصة ناجمة من بنية وعينا التناسلي في
انجاب الابناء والبنات..ولكنها كمؤسسة خلاقة تساهم في فعاليتك كفرد وكمجتمع ..وتجعل
منك أكثر عطاءا بعيدا عن اكتناز الابيض للاسود او ماشابه ذلك؟ |
عزيزنا منعم ،،
ربنا يحفظ ليك الأمورة دي أولا:
ورأي لا يخلو من مجمل آراء نجدها كما قلت في مجتمع شرقي له أبعاده الضاربه
في الجدور الأسلامية وماقبلها كانت جاهلية الوأد تخيل لو أستمر هذا الوأد اللعين
ليومنا هذا ماكنا وجدنا النصف الحلو وأنجبت تلك الأمورة التي تزين لك البروفايل هذا،
ونعمة الأسلام تطغي علي كل الهالة التي يمنحنا لها القمر ضيأ نهتدي به نحو فضاء نحسبه
مساحات لقاء وتعارف وتبادل مشاعر وأحاسيس نبيلة مجتمعه تكون هذة الشراكه الفضائية،
وتنجب لنا نجيمات تتلآلآء في سماء الحياة الزوجية الرافله بي تحف كثيرة جدا ولو لم نضع
الأسلام مرجع لهذة العلاقه نبقي كما الغرب في الأعراف التي يشرعونها المتشرعه وكلهم خطاؤن إلا من رحمه ربي بنعمة البصيرة،
ولنتعرف علي هذة الشراكة بعموم المفهوم ماهي المرأة أولا هي جزء من أدم خلقت من ضلع
أعوج وعندما أنصهرة بأدم كانت الزرية الآدمية علي البسيطه كوكب الأرض الذي فيه معاشنا
واليها ميعادنا أجمع وهذة في حد ذاتها أعظم فلسفه فلسفة الخليقه فالنتكاثر ونفاخر
بقية الأمم لما لنا من مرجعية راسخه ولننجب الكثر من الكوكب والدرر النفايس ودامت
الشراكة الزوجية تجمل لنا الحياة وهي الحياة الأخري نأتي اليها طائعين ومختارين النصف
القمري وحوله الهالة الضوئية التي خلقة قبل مانخلق وهي تكريما لنا من المولي عز وجل
وكلها مسخرات لنا ولنا أن نستمتع بها كنعم من النعام الكثيرة ولعلي أكون قد رميت
بسهمي نحو عالمك الجميل يامنعم والي مداخله آخري تعكس الوجة الآخر للقمر ودمت حبيبي
أبو أحمد بتوفيرك لنا سطح هذا الكوكب لنسير علي ظهره. ،،،أبوقصي،،،
|
|