Post: #1
Title: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-15-2007, 06:39 PM
البورداب الكرام
هنالك جائزة قيمة لمن يتعرف على كل الشخصيات الفي الصور أعلاه......
خريجي معهد الموسيقى و المسرح يمتنعون.......
|
Post: #2
Title: Re: [B]خريجي معهد الموسيقى و المسرح يمتنعون.......[/B]
Author: خالد الطيب أحمد
Date: 03-15-2007, 06:48 PM
Parent: #1
الشابة فيها ملامح ( سمية حسن) من عيونا ,بس ما متأكد,وخليني أتخيل شوية الشاب ده منو..
وبجيك راجع..كويس؟
شكرا علي الصورة النادرة يا أزهري.
|
Post: #9
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:17 AM
Parent: #2
تسلم يا خالد
الصورة فيها خمسة شخصيات و كلها مهمة جدا....
حاول تاني وتكسب جائزة......
|
Post: #3
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-15-2007, 07:21 PM
Parent: #1
يا ابو الزهور بالغته
دى كنت خاتيها وين ؟
دا كان ما اخاف الكضب مستر اوشان و سميه حسن و عبده الصغير
مش ؟
|
Post: #4
Title: Re: [B]خريجي معهد الموسيقى و المسرح يمتنعون.......[/B]
Author: خالد الطيب أحمد
Date: 03-15-2007, 07:43 PM
Parent: #3
الشاب عبدو الصغير
والخواجة ده إلا تسأل منو ناس المعهد.
|
Post: #10
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:23 AM
Parent: #3
ياسيد حمد يا محترم
في حاجات تانية حامياني.......
ده ما مستر أوشان...
و الراجل كان أستاذك
أديك بصة....
ده أول دويتو في المعهد يغني:
يا جمال النيل
و الخواجة ده عنده علاقة وثيقة باللحن و قصة مشهورة
وصياغة الكلمات لود خالتي دار السلام
|
Post: #5
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-15-2007, 08:09 PM
Parent: #1
انحنا جينا وكيه للما بينا يلا اقول ليك دى اول حرفا ما سمية حسن ، والزول المعاها دا ماعبدو الصغير اول مرة غنى ليوسف الموصلى ( الحان )يا ذاتى من عبر القرون جيتك انا وكان لمن ظهر غنى بطريقة غريبة اغنية ام كلثوم (الاطلال ) يا حبيبى طاب الهوى ما علينا لو حملنا الايام فى راحتينا ، الى اخر الاغنية ما متاكده هلى هى الاطلال ولا هذه ليلتى على اى حال شكرا ليك لانو رجعتنا لزمن ما برجع ، كانت فيهو سميه حسن برضو بتغنى ليوسف الموصلى اجمل الاغنيات على الاطلاق (التى غنتها فى حياتها الفنية) كنت استمع اليها من اذاعة القسم العربى فى لندن فابحث عن سمية حسن الان، تلك التى تغنى ياخدارنا يا الكنت دارنا انت فى حبك ودارنا انت فى ريدك ودارنا انت غيرك مافى راحة، تغنيها بطريقة كانت ساحرة وصوت كنا نستمع الى تردداته عبر الشارع فى العمارات ، كان قسم الموسيقى فى شارع تسعة وخمسين وقسم الدراما فى شارع سبعة وخمسين لكننا نسمع صوت سميه من هناك قويا وواضح النبرات ، اما عبدو الصغير فهو الان فى الامارات حسبما اجابونى لحظة سؤالى عنه كان يعمل مخرجا فى الاذاعة اما الان فلا ادرى ماذا يعمل ، عموما يا حنين شكرا لانك رجعت القلب يدق تانى احب تلك المؤسسة الى الابد واحتفى باهله اينما اكنوا (مش لو تقول خريجى البتاع دا مش عارفه ايه ) لك الحب يبقى
|
Post: #6
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-15-2007, 08:29 PM
Parent: #5
ابوالزهور الصورة دي نكتها من وين يالها من ايام جميلة وزكريات خالدة
|
Post: #7
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-16-2007, 06:19 AM
Parent: #6
وايمان على الشيلو وكمان يومين كده انزل ليك حاجة ماتخلص والسي دي في الطريق
|
Post: #8
Title: Re: [B]خريجي معهد الموسيقى و المسرح يمتنعون.......[/B]
Author: Abuelgassim Gor
Date: 03-16-2007, 07:33 AM
Parent: #7
هى يا جماعة شوف الزول البسوم الموية فى حارة السقايين دا؟
والله دى بالغت فيها عديل
أنا مع الاستاذه سلمى
وكمان عندى ليك جائزة عشان صورتك التاريخية دى
|
Post: #12
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:40 AM
Parent: #7
صاح يا فاتح
دية الشابة النابغة و الفنانة جدا
الأستاذة إيمان عبدالغفور
ما طبعا لأنها قريبتك.... وبت آلتك
طيب الجنبها دي منو...
وهي إنسانة عزيزة جدا و بت دفعتي
|
Post: #13
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:44 AM
Parent: #6
و الله يا نادر لولا الملامة
و مراعاة لحقوق بعض الزملاء و الزميلات
ياما في الجراب يا حاوي.........
و بالذات صور الثلاثي الخطير
|
Post: #11
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:34 AM
Parent: #5
شكرا علي الطلة يا أم عزة
و أنا و ين لقيتك لامن آباك
الإستاذ عبدالمنعم محمد الحسن... صديق عزيز
وسمية حسن
و الأغنية الفي بالك:
هذه ليلتي وحلم حياتي
بين ماض من الزمان و آآت
و أعتقد جازما سودنها لحنا إمبرطورالألحان المعتزل:
الأستاذ فتحي المك
و الباقيين منو.....
لقدام
|
Post: #14
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 10:48 AM
Parent: #11
سعال فني
ماهي كيفية تصغير وتكبير الصور
يا أهل المعرفة
أفزوعونا ليكم حوبة
|
Post: #15
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-16-2007, 11:28 AM
Parent: #1
اول حاجة انت زاتك جيت من وييييين ياهنا؟
تانى حاجة دى صورة نحنا ماحضرنا زمنها ياعجووووز انت
تالت حاجة الكمنجست الخطييييرة جدا اول اسمها سل... اكمل ولا ....؟
دا براهو كوم!
الكوم التانى :
و أعتقد جازما سودنها لحنا إمبرطورالألحان المعتزل:
الأستاذ فتحي المك
تصدق انا امبارح بالليل كدا كنت بفكر
فى الزول دا وحتى فكرت اكتب عنو بوست
متسائلا عنه وا ى ظروف احلّت به, زول فلته ومابتكرر
طبعا نحنا سميناهو فتحى الزعلان!!!
تحياتى ياغالى
|
Post: #17
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 03:39 PM
Parent: #15
لا......يا خي...
بكوري......
ليك مدة مابنت و أنا في إنتظار لسماع صوتك
و يا بكري..... وين إنت....وين..........
سل... ست القوس القوي..... دفعتي الفنانة..
و فتحي الزعلان ده إسم أطلقه أميقو (عليه الرحمة)
الرجل يستاهل التكريم و الإحتفاء
يالله ورينا كتابتك و فنونك
|
Post: #16
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-16-2007, 12:36 PM
Parent: #1
ابو الزهور انا امتنعت تلبية لطلبك
لكن صاحبي بكري السمندلاوي اجبرني
ما حاقول الكوزي ده منو لانو استاذي
بس الاغنيه هي الحان الكوري ده ذاتو
ياجمال النيل وشعر التجاني حاج موسي
والكوري استاذن مني وآخذ قطعه صغيره من موسيقي اغنيتي بجيك الليله في الميعاد
وغير سرعتها الي بطيئه وهوجز يقع في منتصف الاغنيه
اراد به وكسر حاجز الرتابة
===================
انا عرفت الاربعه طبعا
لكن كان قدرنا نعرف الشعر بتاع الخامسه دي شعر منو
لاصبحنا جميعا
دون جيوفاني
|
Post: #18
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-16-2007, 03:49 PM
Parent: #16
يالله
يا جماعة انتو الايام دي شغالين لينا حرقان قلب
بالجد
ما بين زمننا بتمناه وزمننا اداني اسية...
شكرا للشوفة..
الموصلي اقول منو ست العشر دي؟
الما سلمى؟
|
Post: #19
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 04:42 PM
Parent: #18
يالموصلي و بيان
لقد أصدرتم البيان
و قامت بيان بالتبيان
فعلا ست الشعر هي رائدة النساء السودانيات في عزف الكمان
فخر دفعتنا...و صاحبة أقوى قوس .... و أرق إحساس في عزف الكمان
أفتقدها كثيرا.....
و أظننا قد ظلمناها أكثر فهي تستاهل التكريم
لقد بذلت الكثير من الجهد و السهر في سبيل تحقيق ذلك
لأنها شاربة الطيبة من كسلا الوريفة....
هي و بكل فخر:
الأستاذة الزينة, الحسينة و العديلة: سلمى علي عبدالقادر
|
Post: #21
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-16-2007, 05:31 PM
Parent: #19
و أظننا قد ظلمناها أكثر فهي تستاهل التكريم
لقد بذلت الكثير من الجهد و السهر في سبيل تحقيق ذلك
لأنها شاربة الطيبة من كسلا الوريفة....
هي و بكل فخر:
الأستاذة الزينة, الحسينة و العديلة: سلمى علي عبدالقادر
طبعا انا قتليك , سلمى مابتغبانى, هى انسانه رقيقة
وبتلعب كمنجة على اصولهاوممكن اقول ليك من احسن
وارق عازفى الكمنجة
فى السودان ودرّست فى قصر الشباب والاطفال
وعندها من تلميذاتها النجيبات
رحاب بت المنصورى ,
وسلمى حساسة جدا وزولة ماهينة.
طبعا هى شاعرة من الطراز الاول , وبترسم كمان
دى مسكونة بى جمال كسلا الوريفة.
لعبت معانا فى السمندل وكل الرحلات الفنية والحفلات
وكنت دائما امنى نفسى بان تعادينى بى قوسها المشهور
وطبعا زى مابقولو فى مصطلحاتنا الكمنجة قوس.
يالله ياسلمى والله مشتاقين ليك كتير وهى بمثاية دعوة صادقة
من زول زميل معجب
ازهرى انا الليلة بديك سلك
تحياتى
|
Post: #20
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-16-2007, 05:09 PM
Parent: #18
والله يابيان بالغتي تصوري انا ما انتبهت للقوس بتاع الكمان ده
أصلو
وفعلا كانت لنا ايام في القلب ذكراها
ليتنا عدنا وعادت الايام
|
Post: #22
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-16-2007, 05:34 PM
Parent: #20
سجمي اولا بالتبادي انت ازهري ود الدويم؟
ايوة سلمى على عبدالقادر...
تذكرو نكتة اسمها
زول رسلو ليه جواب قالو ليه سلمى على عبدالقادر
مفتكر طالبن منو السلام على على عبدالقادر...
سلمى الان ام ولد ومتزوجة من ممدوح..
ولكم جميعا يا ولاد الموسيقة المحبة والمودى
وكل ما هو جميل..
|
Post: #24
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-16-2007, 06:05 PM
Parent: #22
تصدقي........ ياهو زاتو
بحر أبيض - الدويم - تمساح
(و أستعير من صاحب البيان ود خالتي دار السلام:
تلقى الزمن غير ملامحنا
وأنحنا بقينا ما نحنا.......)
بشحمه و لحمه وبزيادة صلعة كده...
أسمعي يا بيان
هل إنتي بت أختي الدكتورة
الجبت ليها معاي الموبايل.....
كان كدي....
سجمي جدا جدا.....
و الشكية لعند حمد الفي كندا.... الما هني
(بكسر الهاء أعلاه) من موضع كندا
أو كما قالت العرب العاربة.....
ودي و تحياتي
|
Post: #23
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-16-2007, 05:46 PM
Parent: #1
سمن دلاوى ..... يا (خدارنا ) شكرا يا ازهرى على هذا البوست الذى شاء ان يجمعنى بهذا الصديق الذى اشتاقه ايما شوق اقول اول حرفو ؟ احسن الناس تعرفو ، يا سمندلاوى احبك ياخى
|
Post: #25
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-16-2007, 06:34 PM
Parent: #23
بت الشيخ سلامه
انت فقدتي المعهد والاذاعه
أها وكت ابيتو تجيبو سيرة المؤلف الكوري
هو كيم أوقمان
الذي أعد توزيع عازه بعد أن وزعها أوشان العظيم ولكنه
جعل اقرب للمزاج السوداني
ثم وزع رسائل الكاشف
اما مستر باك فقام بتوزيع فلق الصباح وجعل أعواد ناس عادل الصديق
تتطاقش
|
Post: #26
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-16-2007, 06:46 PM
Parent: #25
Quote: هل إنتي بت أختي الدكتورة
الجبت ليها معاي الموبايل.....
كان كدي....
سجمي جدا جدا..... |
ما عارفة لو بتذكرني
كنت في قسم الدراما
والوالد كان مدير مبروكة واخوي اسمو احمد
كان بدرس في النيل الابيض ..
اسمي نجاة محمود.
|
Post: #27
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-16-2007, 08:44 PM
Parent: #26
تعرف يا ابو الزهور اللمة دي زكرتني حوش المعهد وأيامة الجميلة
عندما نجتمع كاسرة واحدة موسيقيين ومسرحيين تحت ضل الراكوبة
والشاي والوجبات بعد يوم دراسي والضحك من القلب والناس الجميلة
سلمي الشيخ وعبد الحكيم والسني والبلابل هادية وامال وحيات
ود النو والفاتح حسين والود ساطور وعلي السقيد وسعد الدين الطييب
ونحن في هذة الجمال الإلفوي ياتي إلي مسامعنا صوت البيانوا
فتحل بنا حالت صمت سمعية وحب إستطلاع فنكتشف ليلي بسطاوي
وصوت ترمبون ياتي معربداً من الطابق الثالث وفجاة الجيتارات تدور
والغناء لقد عشنا داخل هذة الجمال النغمي الأخوي أجمل ألأيام اللتي من
المستحيل أن تنسي في يوم من الايام
|
Post: #37
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 03:03 PM
Parent: #27
تذكروا يا أخوانا
مكي المتعهد بتاع البوفيه
و البقاري النجيض الحاج.....
و الحاج ده كان شخصيه محورية في المعهد لأنه علمنا رطانة خاصة
و السبب إنه مره مكي كورك ليه:
ياالجاح....
فرد هو:
وي آه
فإنتبهنا أنا و الزميلة تفحية زمازو (ده إمسها بالطرانة)
ودخلنا في كورس خاص بالكراسات والأقلام و أبدعنا في الطرانة
وتخرجنا بدرجة ممتاز
وخاصة الزميلة أعلاه
السؤال من هي الزميلة و للمساعدة كنا نناديها بأم صداح ثم صارت
أم و ضاح لاحقا هل عثرتم لها من أثر وتحيات خاصة و حارة للصديق العزيز
( ملود) و جميع أفراد أسرتها الكريمة
و نمو لاق نشو..........
|
Post: #36
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 02:43 PM
Parent: #26
العزيزة بيان
بلحيل بعرفك...
و معليش الدقسة القدام ديك....
تشابهت علي الأسماء....
مرحبا بك أخت عزيزة و كريمة
و تحياتي لأفراد أسرتك
|
Post: #28
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-16-2007, 10:48 PM
Parent: #1
ازهرى تتجازى ، شفتو الولد دا ؟ما بتقول ازهرى اوكرديون ؟اجى يا ازهرى امانه ما اتلومت ، شيتا جبت الموصلى ونادر عبد الله ، ويوسف وقور ونجاة محمود واااااى ما بالغت لكين ؟ وحمد ،هسى ما قربنا نقعد فى النادى الجاد؟ليك رسالة شوق
[email protected]
|
Post: #29
Title: Re: [B]خريجي معهد الموسيقى و المسرح يمتنعون.......[/B]
Author: د.الفاتح حسين
Date: 03-17-2007, 05:29 AM
Parent: #1
يا ابو الزهور
استاذى موصلى
الاخت الصديقة سلمى الشيخ
السمندلاوى الكبير بكرى
الاخ الصديق د.قور
الاخ العزيز النسانا حمد اسماعيل
صديقى ودفعتى الفاتح بسن
اخى صديقى نادر السودانى
والى كل البقية
اولا لكم التحية من قاهرة المعز وانا الايام دى فى اجازة مع الاسرة وترتيب لحفلات مهرجان الاوبرا فى الصبف القادم ، اتمنى كلكم كده لو اتقابلنا فى القاهرة نهاية يوليو بداية اغسطس فى القاهرة ،،،
اخى ازهرى ،، والله انت بالغت عديل فى الصورة دى ، وطبعا انا شفتها عندك ايام السكن مع بعض بداخلية العمارات شارع 49 وتلك الغرفة الصغيرة يعنى الناس الفى الصورة دى كلهم بعرفهم لانو انا لم كنت فى الصف الاول بالمعهد انت كنت فى الصف الثانى ،،، وهل تتذكرون معتصم وكيكا ويحى الهجا(اين هؤلاء الناس؟) ودكان عم طلسم والكركدى الباردودكان حسن فى زاوية الداخلية والمرحوم صلاح ابا يزيد ، والله انا سعيد جداً والكلام ده بقولوا حتى الى طلابى فى كلية الموسيقى حالياً وبحكى ليهم عن الايام دى لانو انحن تزاملنا وانا فى الصف الاول باساتذة حق وحقيقة تعلمنا منهم الكثير ، منهم وليس على سبيل الحصر الاستاذ الموصلى وحينها كان فى الصف الخامس وايضا الدرديرى وهو حالياً استاذ البيانو بالكلية وكنت اتمنى ان يواصل الدرديرى فى الغناء والتأليف الموسيقى لانه وبصراحة راجل غناى ولا انسى ممدوح طاهر فريد والذى استفدت منه كثيرا فى الجيتار ولا انسى توجيهات المرحوم احمد ربشه لى وعثمان النو ووقتها كنا فى الصف الاول وكان دائما يناقشنا فى شكل اللبس(الاولاد فى الوقت داك عاملين راستا وبوب مارلى) يالها يا اصدقائى واساتذتى من ايام جميلة ظلت راسخة ومنحوتة فى الذاكرة
ابو الزهور لك التهنئة وانت ترجعنا لهذه الذكريات الجميلة وبالمناسبة انا برضو حا ارسل صور وكان انتو صاح اعرفوهم منو
|
Post: #30
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-17-2007, 06:02 AM
Parent: #29
يا توحة بركة الجيت ، بركة الجيت ، لكين اوديك حته تانية فيها ذكريات من المعهد ، ادخل على(بوست ) الحزب الجمالى ، بتلقى اى زول رايح ليك ، المهم يا حبيب ، اتمنى اننا نتلاقى كلنا فى اى حته المهم نتلاقى
|
Post: #31
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-17-2007, 06:22 AM
Parent: #29
تحتح الجميل
والله مانفسي الا الاقيك في مصر لتسجيل عمل
نتذكر به رساله الي آمي
واصل جهودك المقدرة ودع قافلة الجهود تسير
دوما آنا من المعجبين بجهودك المقدرة ودقتك الفنية
سلام كتير للبنيات وامهن الراقيه
وماتنسانا من كوارع الديم
وقول لي درديري الدفعه
امشي عامل صوتك السمح ده!!!
|
Post: #32
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-17-2007, 06:38 AM
Parent: #31
| Quote: ازهرى تتجازى ، شفتو الولد دا ؟ما بتقول ازهرى اوكرديون ؟اجى يا ازهرى امانه ما اتلومت ، شيتا جبت الموصلى ونادر عبد الله ، ويوسف وقور ونجاة محمود واااااى ما بالغت لكين ؟ وحمد ،هسى ما قربنا نقعد فى النادى الجاد؟ليك رسالة شوق |
تعرفي يا سلمى نحنا يوم المسرح العالمي نعمل النادي الجاد وذكريات
انا والبدري اتفقنا عدة مرات وما عملناه
لكن اسع ناس المزيكا والمسرح بقو كتار
حيكون بوست سمح..يشفى النوستالجيا ويعرف الناس بمآلات الناس الغباو عنهم لسنوات طويلة...
في مهرجان الروائع جابو صور كثيرة بتاعة ناس المسرح
وكان يوم جميل.. لانه كل السكك البتودي للمعهد
دائما سكك جميلة مزروعة بالمحبة..
وليه يا سلمى يا ظالمة لما اشتريتي انقلاب ما دخلتينا في حكومتك؟
اتخيلي الحكومة كلها ما ساحرات ماكبث
|
Post: #33
Title: Re: [B]خريجي معهد الموسيقى و المسرح يمتنعون.......[/B]
Author: abdalla elshaikh
Date: 03-17-2007, 07:08 AM
Parent: #31
أزهري... أبو دقن.. معهد الموسيقي والمسرح..وعمر الشارع..كارلوس.. قاسم أبوزيد... يحي ألهدي... عيسي محمدأحمد وإيمان عبد الغفور.. موصلي.. هاديه طلسم و الدرديري أحمد الشيخ... فين..سموءل ?
|
Post: #39
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 03:28 PM
Parent: #33
يا كارلوس........
يالله
يا أخي.... أين أنت....يا صديق الزمن الندي
شوق مطره.......
تلفونك مهم........
|
Post: #38
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 03:22 PM
Parent: #29
يا ترى مين فكر الأحباب بينا....
يا تؤام الروح.... ياتحتح
طبعا يا صديقي و عند قراءتي لمداخلتك الكريمة
أصابني شئ لن تستطيع مفرداتي المحدودة التعبير عنه....
وهو يملأ مجلدات و مجلدات .....
عن مثابرة وجلد و رهق عشناها سويا ياصديقي....
يا تحتح أنا دايرك تسمع (ياصديقي) دي بطريقتي الكنت بقوله ديك و أكيد ما نسيته..
و دعني أنشدك
كانت لنا أيام في القلب ذكراها
ياليتنا عدنا أو عادت الأيام و طبعا الأخيرة دي ما ممكنة
أخبار خليل الجميل شنو.....
بلغه تحياتي....
وتحياتي بالكوم لمولانا مها و بناتي و إبننا البار
|
Post: #34
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-17-2007, 09:51 AM
Parent: #1
***
ابوالزهور..
لك الود عطور..
ياخى دفعتنا في دنيا الموسيقى كمنجتين..
ذى الفل ..
مافي داعى للاسماء..
امتنع...
للمساعدة :الكمنجستين : احداهما معلمة ....
هاك الصورة.. كده اظنها احسن..
**
***
|
Post: #40
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 03:39 PM
Parent: #34
يا أبو سريع يا فنان ياراقي
الله علبك.....
طيب ما توريني دي بعملوها كيف....لأنه الجراب مليان
بصراحة الفوق دي ما عاجباني حجما كده....
ما بتقدر تعمل ليها حاجة......
ودي و تحياتي للأسرة......
|
Post: #35
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-17-2007, 12:26 PM
Parent: #1
الحبيب الى القلب دائما تحتح
كم اشتاقك وامنى النفس بلقياك
فقد طال الزمن ولم اوفى بوعدى نسبة
لظروف اسرية قاهرة, لكن ح احاول
انو نلتقى مرة اخرى فى القاهرة.
احمد باص اخبارو مقطوعة تماما
عثمان مبارك , ميكائيل, د.متوكل الفنان
مجدى وميرغنى وماهر والسقيد وفايز مليجى و كلكم الدعوة
موجهة لكم للقاء فى القاهرة.ومن السودان ايضا
الدفعة جراهام عبدالقادر , الفرد علاء الدين عبدالعاطى
وبهاء الدين هاشم.
اخى الغالى جدا سعد الطيب ,, ويينك انت يامان
الشوق بحر ولينا مدة ماشفناك.
التحايا موصولة لكم جميعا والبوست دا لازم يكون
فى الصفحات العلى الى ان يكتمل العقد الفريد.
حب وشوق.
سلمى بت الشيخ اقول ليك تانى
I always picture your faze
Remember those dayz!!
|
Post: #41
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 04:22 PM
Parent: #35
تخابرت مع ناس واشنطون..وهم جميعم بخير
و ولم أحظى بلقاء أبو ماهر و ود العاقب
إتكلمت مع فايز, ماهر, و علي السقيد, و سمعت أخبار مطمئنة عن الباقين
و د. متوكل إنضم لتيم واشنطون....
و كلهم تمام.....
|
Post: #42
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-17-2007, 06:31 PM
Parent: #41
اها كمان احمد باص وميكي وعثمان وساطور بخير
ومتوكل راجع كاليفورنيا
========
وبعدين تعالوا انتو بوستاتي دي فيها تمبعلوا
هيع انا ابوزرد وانا ابو جاكومه وانا ابو هريره
ادعوكم جميعا لهذا البوست النقدي
نعرف ماترونه لكم المحبة
وفول وكوارع لا يقل عما كنا ناكله عند الراحله حاجه امنه
اها الاسم صاح ولا ذاكرتي لحقت امات طه
========
هذا هو البوست
هل ياكل نقاد التسرع كيكة سايمون المشحونه تواضع كما فعل ...IFER HUDSON؟؟؟؟؟!!!!
|
Post: #43
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 07:38 PM
Parent: #42
كيف ما نقرأ ليك
يا أبوهريرة و أنت صاحب القول....
بس بعد ما نمشي ليك في حوشك... ونقرأ ونفهم..... وكمان نرد...
بس إنت حضر:
الشاي باللبن براده لابس تاج
صينيته الدهب تلمع كبابي زجاج
و السكسك المنضوم حول الجبينه نجوم
و الفنجرية سكينه تقوم...
تقهوج الحجاج
طق طرق ياأخوي ما القهوة كيف و مزاج
وتسلم يا أبو هديل
|
Post: #44
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-17-2007, 08:48 PM
Parent: #43
ابو الزهور سلام تجدني في إنتظار مكالمتك التلفونية بفارق الصبر لقد حاولت ولم اوفق
إسماعيل محمد الحسن / وسلمي الشيخ سلامة / منتظركم امام باب السنط
الفاتح حسين الجيتارست الختري وصل سلامي الكتير لمصطفي جمعة وكل الفنانين المصريين
ناس يحي خليل وموسيقي الجاز وناس التخت الشرقي علي الحجار والناس السمحة
ابو الزهور /علي السقيد هادي طلسم مجدي العاقب مرغني الزين عبدالهادي عمر بانغا ماهر تاج السر وكل مزيكاتية واشنطون بخير
|
Post: #46
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 09:19 PM
Parent: #44
ياسوداني
تلفونك غلط.....
بديني توت واحده
و توقع إتصال الليلة
|
Post: #54
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-18-2007, 00:58 AM
Parent: #43
بالمناسبة يا ابو الزهور
مارآيكم في مهارجان بالسودان اسمه مهرجان
الفن المهاجر نتلم فيهو كلنا في السودان
ونوري العين الحمرا لاهلنا
(الفنية) طبعا
|
Post: #71
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 10:30 AM
Parent: #54
أنا ما قلت ليك يا موصلي
بس كلام القصير ما بنسمع
و أحسن تسرعوا و تحتلوا مكانكم الطبيعي
و كفاية لحدي هنا
و أهو صفينا لاقضية لا وطن
والكل باع و دخلنا مرحلة اللعب بالعقول
و الدقون...كله يبرر...و دقي يا مزيكة
|
Post: #134
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-23-2007, 02:17 PM
Parent: #71
معاك حق يا ابو الزهور١٦ سنه بعيدين عن الوطن
ده عمر ناس
غايتو باذن الله شهر عشره
شايل نوتي وعدتي
نهبشهم شهر كده ونشوف الحاصل
|
Post: #45
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-17-2007, 09:00 PM
Parent: #1
****
ابو الزهور ..
انت بقيت شاعر من ورانا..
لكن شعر الخرف ظاهر..
كلو شاى ..
وقهوة..
وحج ..
يعنى تشرب وتوسد الدائمة ...
اوكما قال ..
_______________
ابوهريرة دة جنو عضة..
***
Quote: ادعوكم جميعا لهذا البوست النقدي
نعرف ماترونه لكم المحبة
وفول وكوارع لا يقل عما كنا ناكله عند الراحله حاجه امنه
اها الاسم صاح ولا ذاكرتي لحقت امات طه |
***
| Quote: هل ياكل نقاد التسرع كيكة سايمون المشحونه تواضع كما فعل ...IFER HUDSON؟؟؟؟؟!!!! |
يعنى الكيكة متحكره دايرنا ندخل كيف..
لااحم..
ولادستور....
****
|
Post: #47
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-17-2007, 09:32 PM
Parent: #45
إنت يا أبو سريع ما تخلي عندك نظر
و الخرف المبكر بدت أعراضه تظهر
بعدين أبوهريرة صاحب الفول..عنده وجهة نظر
وهو صديقي و غالي علي و بحب العضة و الكنجالات
وهما زينة الحياة الدنيا....
الخوف هنا الجابو شنو......
بعدين القريته ده شعر ود مريم و أبو مريم
ود شريف العفيف النضيف
بعدين يا أخي أنا سألتك وجهة نظر إخراجية
عن الصور وحجم الصور...
وين ردك علي.........
|
Post: #58
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-18-2007, 05:14 AM
Parent: #47
ونفيستي كده شيه في اكسفورد واحمد عبدر الرحمن بيحدر لي
|
Post: #48
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-17-2007, 10:41 PM
Parent: #1
ياازهرى شكرا على اللمة الحلوة لكم احب كل من تداخل هنا واتمنى ان يدخل كل (طلاب المعهد) هذا البوست الجميل الذى اعاد الينا بعضا من الق مفقود ، اسماعين مشتاقة ليك على وجه خاص ، شنو ليك ، وصاحبك عبد اللطيف وردى متجدع فى السودان
|
Post: #49
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-17-2007, 11:02 PM
Parent: #48
دكتور الفاتح سمندلاوي كارلوس اسمعين زودونا بميلاتكم لو سمحتم
[email protected]
|
Post: #50
Title: Re: [B]خريجي معهد الموسيقى و المسرح يمتنعون.......[/B]
Author: عزيز
Date: 03-17-2007, 11:32 PM
Parent: #49
أساتذتى وزملائى وأصدقائى الأحباء
وا أسفاى لو ما كنت من ناس معهد الموسيقى والمسرح .. أجمل ايام العمر مرت بين فناءات المعهد
مساهمتى الأولى فى هذا البوست يا أستاذ أزهرى
أستاذة سلمى وأختى ودفعتى حواء المنصورى
سأعود بالمزيد
لكم جميعا التحية والحب والشوق
عبدالعزيز خطاب
|
Post: #51
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 00:00 AM
Parent: #50
|
Post: #100
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 09:15 AM
Parent: #50
عبد العزيز خطاب
إزيك ياشاب ....
و وينك و وين أرضيك
أظني سمعت و شاهدت لأحد أبنائك
و أيقنت أن هذا الشبل من ذاك الخطاب
ودي و تحياتي
وراجنك.........
|
Post: #52
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-18-2007, 00:24 AM
Parent: #1
غايتو يا بكرى ابو بكر انشا الله يوم شكرك ما يجى والله وما طالبنى حليفة دا اسعد ايام حياتى ، اولا ناس لى منهن سنين وزمان ، وهسى دخل عزيز خطاب دا يوم من اجمل الايام ، وازهرى يا ازهرى امك ماتضوق نارك الجبت الناس ديل كلهن بشراك الصورة احبك انا ياخ
|
Post: #53
Title: Re: [B]خريجي معهد الموسيقى و المسرح يمتنعون.......[/B]
Author: عزيز
Date: 03-18-2007, 00:53 AM
Parent: #52
الحبيبة سلمى الشيخ سلامة
المغموسة المطموسة إبداعا ورقة وجمال .. نحبك حتى تعلن الأمم المتحدة حالة طوارى لتفشى عدوى الحب فى كل من يعرفك وعرف نقاء وجمال ضحكتك وصفاء سريرتك..
وتعالى اسر اليك خبرا .. أنتظر ثلاثة سى دي من الفنان الجميل عادل الصديق لقد ارسلت الى ولم تصلنى بعد وسأقوم بإنزالها جميعا على النت ..
كلى ود وشوق لك
أمنياتى والتحايا
عبدالعزيز خطاب
|
Post: #55
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-18-2007, 01:01 AM
Parent: #53
يا عزيز يا لذيذ انت وين هسى ؟ تلقى الايميل بتاعى معلق فى البوست دا ، خسمتك بالنمل كان كتبت لى وخلينى ابل الشوق كان بنبل ، وتانى حاجة سلام بمقدار مئات السنوات الضوئية شوق لعادل الصديق تلفونى 3193374077ولك الاعزاز
|
Post: #72
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 10:35 AM
Parent: #52
صدقي يا سلمى ضقت ناره أنا....
ألف رحمه و نور عليها....
تسلمي ياأم عزه... وربنا يخليكم لبعض
مع ودي و حبي و إعزازي
|
Post: #73
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 10:38 AM
Parent: #52
صدقي يا سلمى ضقت ناره أنا....
ألف رحمه و نور عليها....
تسلمي ياأم عزه... وربنا يخليكم لبعض
مع ودي و حبي و إعزازي
|
Post: #56
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-18-2007, 03:43 AM
Parent: #1
***
*****
**
*
آى ايك دولير
الفاتح يس
ساطور ...
الله يحرق ذاتك ياشيخ ..
****
**
**
*
|
Post: #57
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 04:14 AM
Parent: #56
شكرا.سمعه اخبار وقدرما احاول ادخل في حوشكم ما اقدر يا اخي تديني كوبي من المفتاح الصورة في الفسحة الجنب المعهد على طريق مدني وليك صورة برضو مع محجوب وشلة قريبا ستراها وسلام
|
Post: #59
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-18-2007, 10:13 AM
Parent: #57
الحبيب الفاتح لقد اسعدتة صباحي بهذة الصورة الصاطورية الفريدة يديك العافية الظاهر
ياابو الزهور في بوستك دة حنشوف ناس لي ذي خرتومية سنة ماشفتهم
|
Post: #60
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-18-2007, 10:54 AM
Parent: #59
ياااه يا عزيز صورة عثل ؤبث..
|
Post: #61
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-18-2007, 11:33 AM
Parent: #1
لاحولااااا الفاتح يسن ,, ياللسعادة
انت عارف دى اول مرة اشوفك فيها هنا
بعد غيبة
ويييينك يافردة ,, ليك وحشة والله
كيفك والعيال؟
حبى وشوقى
|
Post: #62
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 11:41 AM
Parent: #61
ازيك يابكور كيفك انابخير بسال يا اخي عن عشيري ومصطفى الشريف وعبدالله الشريف ساكسفون فاستوبابيتو وفرح حمد وياسر عبدالماجد وتوفيق والله تفرقت بنا السبل وادردرنا في هذه الكرة الارضيه
|
Post: #63
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-18-2007, 11:51 AM
Parent: #1
تعرف ياتحتح عشيرى دا آخر عهدى بيهو كان فى السعودية
كذلك الحال عن ياسر عبدالماجد, فرح العربى وعبدالله الشريف
مالاقى ليهم خبر , مصطفى احمد حامد(الشريف) موجود فى السودان
وعلى ما اعتقد يعمل فى الاحفاد.
توفيق عباس ياصديقى استقر به الحال برفاعة, تزوج وانجب.
وات شن خباراتك!!!
|
Post: #64
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 12:02 PM
Parent: #63
انا بخير ومصنقر فوق شلالات نياجرا واتخيل نفسي فوق شلال السبلوقه مافيش طريقه الا بالخيال والله مايقطع خيالك ياكمنجست هاك الاسكور ده
|
Post: #65
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 12:18 PM
Parent: #64
|
Post: #81
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-20-2007, 03:57 PM
Parent: #65
الفاتح الشعر دا في ولا ذهب مع الريح..
كلمنا عشان نعمل
قفا نبكي على شعر....
|
Post: #94
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-20-2007, 08:28 PM
Parent: #81
دكتورة بيان انا لسع محافظ لسع مابقيت والي الحمدلله
|
Post: #66
Title: Re: [B]خريجي معهد الموسيقى و المسرح يمتنعون.......[/B]
Author: سمندلاوى
Date: 03-18-2007, 12:21 PM
Parent: #1
ياود يافقرى انت , يا احساس
ياخى دا كان زمن فلتة وذكريات ندية
يا الللللله يافاتح!
|
Post: #67
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-18-2007, 12:32 PM
Parent: #66
وادم غبوش وكمال طه في الطريق ادينا السلم خلينا نطلع الفاصل وكتر من الصبدومننت وابعد من التونك
|
Post: #68
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 09:43 AM
Parent: #1
نأسف لإنقطاع الإرسال لأسباب فنية
و طبعا الدار داركم و يلا ورونا فنونكم........
الصورة القادمة دي لرجل فنان جدا و عالم جيتار خطير....
لعب دور هام و خطير في الموسيقى الفنية السودانية....وهو توظيفه
لآلة الجيتار لتلعب أكثر من دور...هارموني إيقاعي و لحني...وهو من الرواد
اللذين لطفوا و إبتدعوا و إبتدروا الناس بأشياء خرجت من مزاج سوداني
خالص...في وقت لم يكن هنالك مؤلف ألحان سوداني واحد يهتم بوضع خط إيقاعي أو هارموني لهذه الآلة...
هلا إحتفلنا بأحد المجهولين
الأستاذ رمضان علي بشير (ترنتي)
بالمناسبة رمضان كان من الفريق القومي السوداني..و كان يمثل السودان
كثيرا خارجيا...
و إستغل المرحوم الفنان المطبوع الأستاذ صلاح أبايزيد (وهم أولاد دفعة) اللقب (ترينتي)
و رسم مجموعة من الكاريكتير عن رمضان مستغلا فيها
عناوين لأفلام كانت شهيرة في السبعينات و هي:
من أجل حفنة دولارات
من أجل أبنائي
و كان البطل فيها رمضان.... و كان أبايزيد عليه الرحمة يصوره
وهو يجر تابوتا(بيت الجيتار) ملئ بالدولارات..... و كانت متعة للروح و النظر....
المطلوب هو:
إنزال صورة للمرحوم صلاح أبايزيد أو أحد روسوماته إن وجدت رجاءا
|
Post: #69
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 09:46 AM
Parent: #68
طبعا العربية (الهيلمان60) دي فارهة السيد فيصل سيد إمام
و الفارهة الأخرى أوبيل 1959 تخص السيد رمضان علي بشير
و الصورة إلتقطت من الناحية الشرقية للمعهد
و يظهر في الخلفية الزميلة ماجدة حمدنالله و الزميل عادل تاج السر
|
Post: #70
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 10:19 AM
Parent: #69
مطلوب أيضا التعرف علي الشخصيات في هذه الصورة
و بالله المرة دي ما تعملوا (زغبير) و رفعنا الحظر
كله يشترك....و أديكم بصة:
هذه لجنة إتحاد الطلبة و هو أول إتحاد تتم فيه
مقاسمة التمثيل بنسبة النصف 4 موسيقى و 4 دراما
و طبعا ناس الموسيقى كالعهد بهم يحترمون حقوق المراءة
فيى التمثيل كما يظهر جليا في الصورة
من إنجازات هذا الإتحاد:
الإعانة مساواة ببقية المعاهد و الجامعات السودانية
السكن كحق
و البص الهسي قاعد ده و الكان بسوقه عم محمد الساكن
جنب ناس الموصلي و سكينة وهم كان بصلوا أول ناس
إلا لمن الموصلي يكون ضارب عداد و مساهر
|
Post: #74
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-20-2007, 12:07 PM
Parent: #70
آبو الزهور كدي كبروا الصوره شويه
ياسلام عمك كان في مربع ٢٥ مثل سكينه وانا في مربع ٢٧
وبرغم كده بيتنا ان اقرب ليهو من سكينه وبينانتنا الخور بس
ازهري عليك الله ماعندك اي صوره فيها الموصلي وربشه؟ ودرديري؟
|
Post: #103
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 12:13 PM
Parent: #70
صورة أعضاء الإتحاد:
الوقوف من اليمين أي من ممثلة الطالبات
حأساعدكم بذكر القسم و ليس الإسم:
1/ موسيقى
2/ دراما
3/ موسيقى
الجلوس من اليمين من نفس المكان تحت ممثلة الطالبات
1/ موسيقى
2/ دراما
3/ موسيقى (رئيس الإتحاد)
4/ دراما
5/ دراما
في الجلوس في 2 من أعضاء البورد ومشتركين في البوست ده
يالله علينا ذوي الذاكرة المتقده و أنساكم من الجلاكيم و الذين يعانون من (زهايمر) الغربة....يلا يا شباب
|
Post: #120
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 08:57 PM
Parent: #103
صورة أعضاء الإتحاد:
الوقوف من اليمين أي من ممثلة الطالبات
1/ هادية...موسيقى
2/ كمال.. دراما
3/ أبوزيد...موسيقى
الجلوس من اليمين من نفس المكان تحت ممثلة الطالبات
1/ أزهري... موسيقى
2/ الضو...دراما
3/ علي... موسيقى
4/ جعفر...دراما
5/ إسماعيل...دراما
و قد غيبت الجائزة لتعذر الرؤية نسبة لظروف العمر و الشيخوخة
|
Post: #75
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-20-2007, 02:23 PM
Parent: #1
يا ابو الزوز تعر لمن الزول يمشى المعهد ويدخل (جقب يعقوب فرج)ويلاقى سميحة ، ومحمد سيف وبشير صالح ، يمرق يلقى ليك وش صلاح محمد الحسن، ومحمد سيف (الاحمر ) والفاتح حسين وكمال يوسف ، بعد شوية يجيك بهاء هاشم من جوبا معاهو عفاف شيخ الدين من جوبا برضو ،كنت لمن امشى المعهد فى ايام قعادى فى السودان ما 0لكو) يوم عدد واحد بكية ، وبكية ابو لستك لانو بجى زول تكون مالاقيتو من زمن معهد العمارات ، ايييييك تاريخ يا فردة ، اها الكلام دا للناس السالو من فرح حمد قاعد فى كلية معلمات الابيض الاتحولت الى جامعة ، وحاقص هناك ساكن فى السكن بتاع الجامعة ، عباس عمر فى استراليا ، زينب الحويرص فى كندا ،وعادل الصديق وين ؟ عبد اللطيف عبد الغنى فى السودان ونحن هنا
|
Post: #76
Title: Re: [B]خريجي معهد الموسيقى و المسرح يمتنعون.......[/B]
Author: bayan
Date: 03-20-2007, 02:59 PM
Parent: #75
الاتحاد
شبهت زول على عبدالوهاب خليل
وبشير سهل
وعوض
واحد مذكراه لكن اسمو طار مني دفعة ناس مريم محمد الظيب
الاتحاد القبل المستقلين ناس بشير وكارلوس موش؟
|
Post: #78
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 03:06 PM
Parent: #76
بتنا بت بخت الرضا
كيف أنك....
معليش حاولي تاني
و الله ما مش
|
Post: #77
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 03:00 PM
Parent: #75
الموصلي و سلمى
بالله يا أخوانا دي مناسبة لتكريم..ترينتي...
تكلموا عن الرجل و أنصفوه و أعطوه حقه...
ورجاءا ما تعملوا (زغبير) من صورة الإتحاد...
يا يوسف داير ليك نظارة قراية تكون بتكبر
شديد جدا...
ممثلة الطالبات دفعتك يايوسف....
و برضه رئيس الإتحاد كان دفعتك...
وبتاع شيلو كمان..... أعمل ليك شنو
أكتر من كده...لكن تسحب من الجائزة
شنو ليك.... ما بصصتك شوية...
يالله بالله علينا جاي أنكتوا الذاكرة وأذكرو الأحباب
|
Post: #79
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-20-2007, 03:27 PM
Parent: #1
عرفتها زينب الحويرص ، يا ابوالزوز، اميقو ، ذلك انسان ما بتنسى ، لمن مشيت السودان كان مفروض نعمل تكريم فى ذكراه السنوية مع ناس الابيض ، اتصلوا هم بالتلفون وبديت اجمع المادة بتاعة الاحتفال من ناس محمد سيف ، كل مااجى لمحمد سيف القاهو يا عندو اجتماع او يقول لى باكر وتانى اجى يقول لى نسيت وهكذا لحدى ما سافرت ، لكين اميقو فنان نادر،وعنى شخصيا لا اعرف عن الموسيقى حتى اكتب عنه لكنى اعرفه كفنان وانسان ، مرة كنا فى مكتب المنصورى وجا سبت عثمان داخل ، قام قال ليهو (0والله انت ركك على بدلة وكرفته ونوديك اوروباما بتجى راجع لانو صوتك دا مافى منو اتنين)،ذلكم هو الفنان الذى يعرف مقدار الفنان الاخر ،ولا يضن بعلمه على احد، عموما يا زيزو نخلى الموصلى يكتب عنو لانو بعرفو اكتر ، ودمت ايها الشفيف
|
Post: #80
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 03:41 PM
Parent: #79
يابت الشيخ عليكي جنس حالة....
أولا أنا قاصد رمضان علي بشير الشهير ب(ترينتي)
بتاع الجيتار و هو قدامك في الصورة... وأنقري
المعاهو ده منو?
وثانيا:
كضبا كاضب ما زينب علي
غايتووووووا......حالة صعيبة خلاص......
هن كلهن كم و عشرين سنة.... وما تمن التلاتين
لليوم العلينا ده و نسيتونا قدر ده.....
نجر يا يمه نجر.......
|
Post: #82
Title: Re: [B]خريجي معهد الموسيقى و المسرح يمتنعون.......[/B]
Author: ترهاقا
Date: 03-20-2007, 04:05 PM
Parent: #80
ازهرى صاحبى فى الزمن الجميل
أنا ما عارف البوست ده فات على كيف
والحبايب كلهم ملمومين وأنا ما ناقش تقول الواحد جاى من الصباح للنادى الجاد وعلى طول
للتلاجة حيث الموية الباردة
ازهرى ، الفاتح يس ، نادر ، حمد، سمعة ، نجات ، أستاذناالموصلى، بكرى السمندلاوى ، سلمى الشيخ
كارلوس ، والله ليكم وحشة ورجعتونى للايام الجميلة اللى عايشين عليها لى حسع
وراجع ليكم برواقة افتفتكم حتة حتة وأستعدوا-
ساطور
|
Post: #84
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-20-2007, 04:34 PM
Parent: #82
يا ساطور كيف انت يا خى زمن طويل منك ، وبعدين يا ازهرى اميقو براهو ، وترنتى براهو والاتنين اصحابى ، يوم مشيت النادى ولاقيت ترنتى ما فتشت التحلنى من البكية ، قعد يبكى لمن خوفنى ، ويشيل ويسلم على انتى جيتى متين ؟ وشهق لمن حنيت عليهو ، المهم كنت قاصدة اميقو وانت قاصد ازهرى الفى الصورة قول لى كمان ما ازهرى ابو دقن مش ؟حلاتك انت، يوم يا ابو الزوز اميو وعثمان النو واقفين فى الفسحة بتاعة المعهد وجا عادل الصديق قام النو قال ليهم انا حالعب كورة لكين الشبكة حقتى حتكون اميقو بى بهنا وعادل بى هنا ن طبعا الاتنين طوال ، شالو ليك النو الحتيته داك وعلقوه بقى فى التنزلو الواطه ،ولا لمن النو يقول لاميجو نلعب ملاكمة ، اميقو طبعا كان من الانس البلعبو العاب قوى هو ويوسف الموصلى حسب ما عرفت المهم النو دا كل يوم نحنا بنطلعو من ( عصرة ) محترمة مع اميقو ، واحكى ليك بصلاح ابا بزيد الله يرحم الجميع ، يوم الفاتح حسين كان عندو زواج خالتو فى مدنى ، قمنا جينا الصباح بدرى عشان نمشى السوق الشعبى مواصلات مدنى ، فى الدكان الكان قريب من الداخلية مشينا نشترى حاجة كان معاى درديرى احمد الشيخ ، قام جا صلاح ابا يزيد قال ماشين وين ؟ قلنا ليهو مدنى ، قال حامى معاكم ومشى كان لابس سفنجة مكتوب عليها بروسلى ، وقضينا اجمل يوم فى الدنيا مع عادل صديق ، وعبد اللطيف عبد الغنى ودرديرى والفاتح والنو ، وساطور،يا ساطور مشتاقة ليك كتير
|
Post: #85
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-20-2007, 06:27 PM
Parent: #82
مرحب بالأكورديونست الختري جدا جدا جدا
إهمد ساطور
وينك يا راجل.... مشتاقين
و أنا طبعا واثق جدا إنه كل الذكريات
حتكون في راسك القاطعه من راسك ده...
محبتي و شوقي الشديدين
و منتظرين إنت متين تجينا
و سهرانين و الليل طال علينا
و ماتنسى التعرض لدور رمضان الهام
لأنه البوست ده إحتفاءا بالرجل
|
Post: #83
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-20-2007, 04:15 PM
Parent: #80
يا ابو الزوز دى مازينب يسالك الله ما زينب الحويرص ؟ كان كدى دخلنا الما بتداوى ، زى مابقول عمر الشاعر يا يمه هى سجمنا ، لكين منو (ماعرفتها) اتذكرت ابو عركى الزول الجميل ، اهو دا الزول الدايرر تجربتو برضو تتقييم ، لانو يا ازهرى قدر ما تكتب عنو ما بتقدر ، كنت عملت عنو شغل فى القاهرة لمن جا يسجل (اضحكى ) ولمن كتبتها قعد يبكى ، المهم يا صديقى خلى الحوار مفتوح ونفاج كبير للحب
|
Post: #86
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-20-2007, 07:00 PM
Parent: #83
بنجى نتاوق نشوف الجا منو و الما جا منو
انتو قريتو بالنهار وانحنا ناس درس العصر
عشان كده ماعندنا كلام نقولو وبعدين ما عندنا
زكريات معاكم و لا صور .
خشمنا و عندنا و بركه الساطور ظهر ولسه يا ابوالزهور
طول بالك فى ناس فى السكه ..
تا تا تارا ريرا ترا تيتا ترا را را[/B]
|
Post: #88
Title: Re: [B]خريجي معهد الموسيقى و المسرح يمتنعون.......[/B]
Author: ترهاقا
Date: 03-20-2007, 07:26 PM
Parent: #86
وأخيرا ظهر حمد - وينك يا غالى
وسأحكى لكم عن حمد هذا بمناسبة ظهوره
كنا فى رحلة بالباص من طرابلس إلى مدينة ساحلية تبعد حوالى 3 ساعات على ما أذكر
والطريق كان بيشق منازل بالجانبين وكل البيوت فيها شعارات مكتوبة وكلها بتبدأ بى لا
زى (لا ديمقراطية بدون لجان شعبية ) ، حمد كان بيقرا اليافطات بى صوت عالى لحد ما البيوت إنتهت
قلنا أها بعد ده حتقول شنو ؟ قال لا إله إلا الله.
فى فندق باب البحر اللى كنا نازلين فيهو هرونا بالدجاج تقريبا فى معظم الوجبات، قام حمد قال ( والله من أكل الدجاج لمن نشوف الديك بقينا نخجل منو)
والجايات أكتر
|
Post: #91
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-20-2007, 07:58 PM
Parent: #88
انا قلته ما عندى معاكم زكريات و لا صور
تجينى ناطى بدى
فى فندق باب البحر اللى كنا نازلين فيهو هرونا بالدجاج تقريبا فى معظم الوجبات، قام حمد قال ( والله من أكل الدجاج لمن نشوف الديك بقينا نخجل منو)
ليك وحشه يا غالى يالساطور يالضربتك تشفى المشتاق .
كان قمنا للزكريات ازهرى دا الا يفتح ليه بوست تانى .
بجى راجع
|
Post: #87
Title: Re: [B]خريجي معهد الموسيقى و المسرح يمتنعون.......[/B]
Author: سعد الطيب
Date: 03-20-2007, 07:13 PM
Parent: #1
مليون سلام ازهرى نادر حمد اسماعيل الفاتح يسن ويا ابو الزهور لوتعرف كم احييت فينا احساسا بطعم ولون زلك الزمن الجميل فما احلاها افه وموده واخاء قل منجده فى هزا الزمان الاعجف اتمنى ان يمد الله فى ايامنا لنلتقى ولو للظات حتى نتزود بزلك الاحساس الرائع عسى ان يكونلنا مددا جديدا بعد ان كاد الجميل ان ينضب لكم جميعا احبتى الاف الامانى الجميله
|
Post: #89
Title: Re: [B]خريجي معهد الموسيقى و المسرح يمتنعون.......[/B]
Author: ترهاقا
Date: 03-20-2007, 07:34 PM
Parent: #87
العزيزة سلمى الشيخ ، والله فاقدك وفاقد قفشاتك الجميلة ، وين الحى بيكى حسع
الصديق الفنان سعد أولا اهنيك على العمل الجميل اللى قمت بيهو فى توزيع شريط على السقيد
وليك وحشة يا راجل ولىىىىىىىىىىىىىىىىىىى قدام
الاخ إسماعيل يا سمعة - سلامة الرجوع من الوطن الحبيب وسلامنا للمدام والعيال
|
Post: #92
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-20-2007, 08:09 PM
Parent: #87
يا سعد الدين الطيب
بركه الشفنا كتابتك والله خطك ياهو زاتو
مشتاقين كتير وان شا الله انته بخير كما ما نحن .
دايما معانا فى السهرات التلفزيونيه يا جميل يا فنان
كتر خير ازهرى الجاب لينا الحبايب . احنا منتظرين فى صالة الوصول .
الحب كله مننا ليك
|
Post: #99
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 08:51 AM
Parent: #87
أبو الثعووود المطر البلا رعود
سيد الكيبورد و الفن المامحدود
سعد الدين الطيب الماحي
وين يا فردة......
حمدلله بسلامة الوصول.....
متوقعين منك الكثير....
و مبروك جدا أمر الهوى...مبالغة (بفتح الميم و الباء)
ياخي إنت راجل فنان جدا...
بس ناس التلفزيون ضنينين جدا في بث المقطوعات الموسيقية
يا شاب إنت أحسن زول...قعدت و حرست العقب بغادي
و إلى الأمام ياحبيب.... والله معاك
|
Post: #90
Title: Re: [B]خريجي معهد الموسيقى و المسرح يمتنعون.......[/B]
Author: سعد الطيب
Date: 03-20-2007, 07:40 PM
Parent: #1
اخى معز وعمر منصور لكم الف شكر فقد جددتم فينا نفس الحس اتمنى ان يتواصل الود
|
Post: #93
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-20-2007, 08:21 PM
Parent: #90
واخيرا ظهر ساطور وسعدالدين الطيب ياسلام يا ابو الزهور بمناسبة الصور يمكن اكون لاعب جناح رايت جلوس لانو كنت في دورة في الاتحاد مسؤول جمعية التراث وكانوا بقرقوا على بمسؤول جمعية الطراش فاذا بهم يسكتوا بعدما دعيت الراحل الطيب محمد الطيب في ندوة وجاييكم راجع
|
Post: #95
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-20-2007, 08:38 PM
Parent: #93
ازهري رمضان ترنتي الفنان علامة بارزة هو والاستاذ محمد جبريل في اوركسترا التلفزيون والاذاعة متواضع وهادئ ورقيق اتذكر كان في الدراسات الاضافية مع حمد اخوي اعتقد اخر مرة لمحتو وانا ادافر في مواصلات الكلاكلة قبل عامين
|
Post: #96
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-20-2007, 09:42 PM
Parent: #95
( متواضع وهادئ ورقيق اتذكر كان في الدراسات الاضافية مع حمد)
حبيبنا الفاتح
الاخ رمضان من الناس القدام خريجى المعهد وكان فنى منتدب من سلاح الاسلحه .
ولقب ترنتى اطلقه المرحوم صلاح أبا يزيد يعنى(اولاد دفعه).
ارجع لكلام ازهرى عندما تناول موضوع ترنتى .
لزمه وكده
|
Post: #97
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-20-2007, 10:17 PM
Parent: #96
شكرا حمد للتصحيح زمن ياراجل اكبر حصل بتلفنك
|
Post: #102
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 10:47 AM
Parent: #93
الفاتح يس
الجناح الرايت ده ما إنت...
كضبا كاضب.....
حاول تاني
|
Post: #98
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-21-2007, 07:39 AM
Parent: #1
***
**
*
ابو الزهور..
طبعا صورة الاتحاد بالنسبة لى 100% اسبوتنج..
ياخى علشان البوست ده يصلح ..save the picture I did
واعمل للبوست الاول Editوخت الصورة الانا صغرتها ..
وكل حاجة حتكون تمام..
باللة اعمل كدة لو سمحت...
****
***
**
*
|
Post: #101
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 10:20 AM
Parent: #98
بالله ياشباب
بعد ما تبلوا الأشواق و تتبادلوا التحايا
حقو ناخد لينا وقفة كده بالبلدي كده ونبتدي محاولة للتوثيق و التقييم....لأنه الأجيال القادمة منتظرة.... حصادنا
و عندها سؤال كبير جدا لينا......
عليه...إيراد الدور الرائد و المهم للموسيقار رمضان علي بشير لم يأتي إعتباطا...لأن رمضان و آخرين من الموسيقيين السودانيين والذين كانوا يقدمون الحلول العملية لكثير من قضايا الموسيقى السودانية في صمت...لايمكن لهم التحدث عنها...لأنهم أناس كان التواضع من شيمهم...كأناس طيبانين و بسطاء...
و جاء الآن دورنا في التقييم والإنصاف ورد الحقوق إلى أهلها...الحديث عن دور رمضان يفتح المحاور أدناه:
1/ اللامقامية في موسيقى إذاعة أمدرمان و ماذا تم من دراسات في هذا الصدد..
2/ مشكلة اللامقامية أعلاه و أثرها في و علي تطبيق هارمونية خاصة بموسيقى إذاعة أمدرمان...و الذي قدم رمضان الحل العملي و المستساغ لها...
3/ و قف الكثيرين منا في نقد الرجل موقفا لم يكن واعيا بخصوصية الموسيقى السودانية, والتي أدركها هو بفطرة سليمة وذوق متقدم, و طالبوه بتطبيق التوافقية (الهارمونية)الغربية.. و صاروا... كالذي يقدم في مائدته التقلية بالتوستا من بابا كوستا....عجبي
3/ سماه البعض رمضان (ميجر) أي المركب الكبير لكثرة إستخدامه للمركبات الكبيرة و الذي أثبتت تجربة رمضان ترينيتي الكبيرة مناسبته وجماله و مطابقته مع موسيقى إذاعة أمدرمان إذا سلمنا بخماسيتها
4/هذاالنقاش لا يسقط بأي حال من الأحوال الحق في مناقشة جمال أسلوب آخر لأن ما نسعى إليه هنا هو مسألة جمالية مطلقة....
5/أرجو ملاحظة أنه كان لا يوجد مؤلف ألحان سوداني واحد يكتب لهذه الآلة....
6/ عقد مقارنة (مع البيان بالعمل إن أمكن ذلك) بين هارموني أصوات الركوز..و الهارموني علي مبدأ الإقتصاد في الحركة وعدم متابعتها للخط اللحني.....
والآن نفتح باب النقاش
|
Post: #110
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-22-2007, 12:22 PM
Parent: #101
Quote: / اللامقامية في موسيقى إذاعة أمدرمان و ماذا تم من دراسات في هذا الصدد..
2/ مشكلة اللامقامية أعلاه و أثرها في و علي تطبيق هارمونية خاصة بموسيقى إذاعة أمدرمان...و الذي قدم رمضان الحل العملي و المستساغ لها...
|
الحبيب ابو الزهور
نريد شرحا لمفهوم اللامقامية هنا بالنسبة للاغنية السودانية حتي نستطيع الاستمرار في الحوار الجميل
| Quote: / سماه البعض رمضان (ميجر) أي المركب الكبير لكثرة إستخدامه للمركبات الكبيرة و الذي أثبتت تجربة رمضان ترينيتي الكبيرة مناسبته وجماله و مطابقته مع موسيقى إذاعة أمدرمان إذا سلمنا بخماسيتها |
فاذا كان المكتوب اعلاه هو المقصود هنا باللا مقاميه اذا ففي هذا اختلاف
فدخول المركب الميجر ليحل محل الماينر ليس بعيدا عن المقامية فهو يدخل في اطار مايسمي ب(السكندري دومننانت) واحيانا مايسمي بالاستعارة البسيطة (Simple altration)
عموما نظرية رمضان الذوقية كانت صحيحة تماما نسبة لان الخماسي قابل لان تكون له عدة درجات ركوز تسمح باستخدام الميجر مكان الماينر وهو التمهيد الذي استخدمه سترافنسكي ورفاقه في الانتقال الي مرحلة اللا مقامية
Quote:
5/أرجو ملاحظة أنه كان لا يوجد مؤلف ألحان سوداني واحد يكتب لهذه الالة |
يخيل لي الفاتح حسين كتب لها من منظور الصولو
وكل التسجيلات التي عزفها معي الجميل رمضان ترنتي كانت مكتوبة له والتزم بها تماما له ولك كل الحب
ولي عودة ذكريات مع هذا الفنان البديع
تشكر يا ابو الزهور
|
Post: #115
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 07:50 PM
Parent: #110
الحبيب ابو الزهور
نريد شرحا لمفهوم اللامقامية هنا بالنسبة للاغنية السودانية حتي نستطيع الاستمرار في الحوار الجميل
موصلي يا.....
مشكلة اللامقامية و حسب الفهم الذي كان يدور في ذلك الوقت أنه يجب علي المؤلف الموسيقي السوداني أن يبدأ في درجة مقامية محددة.... و ينتهي في تلك الدرجة. حتي يطلق إسم تلك الدرجة كمقام مؤلف عليه....و بهذا يمكن أن تظهر شخصية المؤلف و من ثم يمكن أن تطلق عليه أسماء الدرجات ( أساس - تحت المسيطر - المسيطر - الحساسة....إلخ)... ثم بعد ذلك يمكن أن تتم معالجة الأصوات و الوظائف الرأسية علي ضوء ذلك.
وقد تصدى لهذه الفرضية الكثير من الزملاء و أذكر منهم علي سبيل المثال لا الحصر ورقة قيمة قدمها الأستاذ عبدالملك أبراهيم الضو في ندوة نظمها المجمع العربي للموسيقى في الخرطوم في العام 1985 تحت عنوان (السلم الخماسي مفهوم و ثقافة) و قد دحض هذه الفرضية و أتى بنظرية جديدة علي حسب زعمه نادى فيها بتحرير الموسيقى السودانية من مثل تلكم تغولات....إلخ إلخ....و الزمن طال يا موصلي و مافي مراجع....و الله أعلم.
5/أرجو ملاحظة أنه كان لا يوجد مؤلف ألحان سوداني واحد يكتب لهذه الالة
يخيل لي الفاتح حسين كتب لها من منظور الصولو.....
أما يا صديقي عن الكتابة لهذه الآلة أنا لم أقصد الوظيفة اللحنية و إنما الهارمونية و التي و إلى الآن تقع على عاتق هؤلاء المبدعين عازفي الجيتار السودانيين حفظهم الله جميعا...و هذه هي القاعدة... و لكن هنالك إستثناء نحن جميعا نعرفه
|
Post: #122
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-22-2007, 09:02 PM
Parent: #101
الحبيب ابو الزهور
مدرسة اللامقامية العالمية استدنت اساسا على تلاشي ايى احساس بالمقام
لذلك ات بنظرية مانسميه [الدودكافونية) والاثني عشرية حيث يبدا المؤلف باي صوت من الاثناعشر صوتا المتاحة في المقامية ولا يكتكرر اي صوت قبل انتهاء آخر صوت من الاثنا عشر صوتا
فيتلاشي تمام الاحساس باي مركز او خامسه أو رابعة الخ
وبجيك صادي هسع ماشي ادي حصه
لذا فنظرية عبد الملك فعلا جديده
تسلم
|
Post: #123
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 09:31 PM
Parent: #122
يا يوسفوس يا صديقي
ده هسي........
لكن الزمن داك كان التعصب أعمى
و الجماعة كانوامتحمسين جدا...
وتغولواوعلي أبو الروم كثيرا
حتى كتب عنه مدافعا الأستاذ عبدالفتاح الله جابو
مقالا بعنوان رمضان عالما بالجيتار أو شئ من هذاالقبيل
في مجلة الإذاعة والتلفزيون طيبة الذكر
و الذي قدمه رمضان.... كان سيد نفسه..... رمضانيا سودانيا خالصا مية المية
سواء كان ذلك (صولو أو ريزم)...
و بالله أرجو الإستدعاء من الذاكرة (رزيم الجيتار) الفي مقدمة أغنية الكاشف
صابحني دايما مبتسم... (الموسيقى البحتة) و التي قدمتها ليلى المغربي عليهاالرحمة في برنامجها الصباحي الرائع...و كانت تكرر (رزيم المقدمة) في الفواصل...لأنه كان يمثل الإبتسامة الحقيقية....
و دمت يا أبو هريرة يابديع
|
Post: #104
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-21-2007, 04:36 PM
Parent: #1
****
***
**
*
الفاتح يسن
Quote: اخيرا ظهر ساطور وسعدالدين الطيب
ياسلام يا ابو الزهور بمناسبة الصور يمكن اكون لاعب جناح رايت جلوس
لانو كنت في دورة في الاتحاد مسؤول جمعية التراث
وكانوا بقرقوا على بمسؤول جمعية الطراش
فاذا بهم يسكتوا بعدما دعيت الراحل الطيب محمد الطيب
في ندوة وجاييكم راجع
|
بعد الشر يافاتح ..
باين عليها زهايمر مبكر .
ولربما شيخوخة ..
ولربما من كثرة البقر ..
قد اختلط الحابل بالنابل ..
وذلك واضح ايضا..
فقد بعثت لك بايميلى
وتلفونى ..
واغالط نفسى في اصرار..
اقول إمكن انا الماجيت ....
لك الود اجزله ..
*
**
***
****
|
Post: #105
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-21-2007, 04:58 PM
Parent: #104
يا أبو سريع
رأيك شنو كده...
مش تمام في التمام...
وشكرا علي الملاحظةالفنيةالقيمة
ياأصلي.......
|
Post: #109
Title: Re: [B]خريجي معهد الموسيقى و المسرح يمتنعون.......[/B]
Author: Yassir Tayfour
Date: 03-22-2007, 00:36 AM
Parent: #105
أستاذ أزهري
سلام و تحايا
أمس صاحبك البروف حمد عشايا داير يسألني من حاجة..
قال لي: يا أزهري الشنو كدي ما تعرف..
قلت ليهو: آي، كده إنت ماشي كويس، لامن بكرة تقول يا برعي محمد دفع الله..
_______
الزمن إتغير، وهو لسه شغال بالزمن الشتوي..
|
Post: #116
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 08:00 PM
Parent: #109
أبو الياء يا حبيب
أنا البتاعة دي شميت فيها ريحة حاجة كده....
إنت بس أسأل أبو الط هو بقوله ليك.....
بعدين أنا زاتي اليوم ديك في التلفون
شابكني ليك....
تعرف يا ياسر....تعرف يا ياسر...
و طبعا أنا عارف الحاصل شنو....
بس سيد حمد ولوف و كده....
|
Post: #106
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-21-2007, 07:09 PM
Parent: #1
****
***
**
*
Nurelhuda
اصلى على وين ...
*
**
***
****
|
Post: #107
Title: Re: [B]خريجي معهد الموسيقى و المسرح يمتنعون.......[/B]
Author: شهاب الفاتح عثمان
Date: 03-21-2007, 08:13 PM
Parent: #106
| Quote: [ ايام جميلة وزكريات خالدة] |
|
Post: #121
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 09:01 PM
Parent: #107
تشكر ياسيد شهاب علي طلتك
و زيارتك الجمبلة
ولك الود أجمله
|
Post: #108
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-22-2007, 00:22 AM
Parent: #106
اسمعين ميلك وصلني على بياض ترسلي ورقة فاضية كمان غرامة طوابع كانت حاجات زي دي زمان حاول تاني ياحبيب
|
Post: #111
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-22-2007, 03:40 PM
Parent: #108
ابو الزهور لقيت بوستك ياحبة صاني مع العلم دة بوست مزيكاتية ومسرحيين قلتة انزل غنية دمعة الشوق عشان نبل الشوق
لقد سجلة هذة العمل بواسطة الباص جيتار فقط والبركشن
|
Post: #112
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-22-2007, 03:47 PM
Parent: #111
هاك الصورة دي عشان تتزكر أيام القهارات وحوش المعهد والفاتح القاشي
|
Post: #117
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 08:08 PM
Parent: #112
أسمع ما ترسل صورة بدون البوريه ده...
و أكشف المغتى....
كلنا ناس أخوان و دفعة و عارفين الحاصل شنو
و ما تسمع كلام بت الشيخ الحلو ده..
و تنوم علي كده...
الشغلانية بسيطة جدا..
و حليل زمن الصبا......
|
Post: #118
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-22-2007, 08:16 PM
Parent: #117
يا خردة دي قتاتة منك ساكت ما يكون خانك التعبر وكنتة عاوز تقول شباب وحيوية ها ها ها
واللة جنس تشليف
|
Post: #124
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 10:25 PM
Parent: #112
|
Post: #125
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 10:30 PM
Parent: #112
url=http://www.sudaneseonline.com/] [/url]
أسمع يا نادر
الصورة دي قريبات دي...
و بطل الحمبكة و الغلاط...
و أسكت ساكت ....
و بلاش فضايح
|
Post: #126
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-22-2007, 11:27 PM
Parent: #125
راح زمان كان ليك مكانه
|
Post: #128
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-23-2007, 08:24 AM
Parent: #126
راح زمان كان ليك مكانه
أبوهديل
ده شنو ده.....
طيب يايوسف إنت بس خت لينا صورة حديثة بدلا عن صورة ألبوم (شوق الهوى) الخاتيها دي....
و خليك من نادر ده
|
Post: #127
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-23-2007, 07:25 AM
Parent: #125
اموت في حمبك القضارف ظاطو دي صورة البرلوم ازهري ولا اطلع بمستندات الصور بتاعت قريبك ود هباني
|
Post: #130
Title: Re: [B]خريجي معهد الموسيقى و المسرح يمتنعون.......[/B]
Author: saif basheer
Date: 03-23-2007, 11:45 AM
Parent: #125
ازيك يا ابو الزهور...
اول مرة ادخل البوست دا، ولو كنت قايل حا القى فيه ناس المزيكا كنت حا ادخلو كل يوم، فكم تعلم حبي للمزيكا وناس المزيكا...
برضو ما كنت قايل انو ازهري نور الهدى دا انت... والآن فقط تذكرت مداخلتك في بوستي الخاص بالـ دي في تي.. (تجنبوا الجلوس لفترات طويلة...it has happend to me)
لم افكر ملياً في اسمك بالكامل... فقد اعتدنا على "ازهري عبدالقادر"... انا سعيد الآن بامكانية اللقاء بك فضائياً ...
اعجبني التعليق على صورتك مع الاكورديون Quote: الصورة دي قريبات دي...
|
صاح... حتى لما قابلتك في يناير كان شكلك أصغر من كدا بى كتير!!! (اديك صورة ليك وانت بيبي؟)
*
لسع منتظر وعدك بارسال الصور والتسجيل... وطبعاً الزيارة
اديك الايميل تاني : [email protected]
|
Post: #132
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-23-2007, 01:18 PM
Parent: #130
يا سيف
طبعا نحنا أولاد حله واحده وكده
و زاتو مدني جنب الدويم....... مش عليك الله
و خليك في صفي علي مبدأ أنا و ودحلتنا علي الغريب....
و نادر و الموصلي ديل أنا بعرفهم كويس...
في واحد فيهم ركب طقم والثاني الأميركان زرعوا ليه شعر و سنون
تشكر ياحبيب و طلتك بالدنيا....
|
Post: #138
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-25-2007, 01:34 AM
Parent: #132
اها طيب يا ابوالزهور نزل الصوره الاخدناها مع بعض في كاردف ياعجوز
هو انا كمان ود متين ما ود امبارح دي ولا شنو بالله ياسيف
|
Post: #119
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-22-2007, 08:21 PM
Parent: #111
تشكر يا سوداني يا أصلي
نورت بيتنا بالنغم الأصيل ده
بس حقو تشوف خليل الجميل
يلعب ليك الصولو الخطير
و أنا شوقي مهما إزداد...
و في مرة من المرات وأثناء خليل ما بغني في الصولو ده
و في حصةأوركسترا وكورال رسمية جدا جدا..و بقيادة أوشان...
هادية محمد عبدالمجيد زغردت و رقصة رقبة طربا....
شفت الشي ده كيف...هادية و خليل...
و كانت لنا أيام....
و إيه يا دنيا....عجب
|
Post: #150
Title: Re: [B]خريجي معهد الموسيقى و المسرح يمتنعون.......[/B]
Author: محمد سنى دفع الله
Date: 03-30-2007, 08:42 AM
Parent: #119
صورة أزهري مع الاكورديون
صورة ازهري ونحن بنمثل مسرحيات العرائس
بي أصوات عجائبيةومدهشة
صورتكم كلكم والتداعي الأنيق
بكيت كل أشجاني
ادوني فرقه
لي أيام عشان ما ادخل
وماني قادر
ادوني فرقه لي بكية
|
Post: #113
Title: Re: [B]خريجي معهد الموسيقى و المسرح يمتنعون.......[/B]
Author: سلمى الشيخ سلامة
Date: 03-22-2007, 04:32 PM
Parent: #1
يا نادر ما زلت ذلك الزول الجميل حفظك الله يا صديقى
|
Post: #114
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-22-2007, 05:35 PM
Parent: #113
| Quote: يا نادر ما ذلت ذلك الزول الجميل حفظك اللة يا صديقي |
سالومي العزيزة تعرفي الفنان إزا لم تكن دواخلة بشفافية الماء النغي ففنة لا يتلامس
مع احاسيس من يستمع لة ونحن من جيل قد نكون محظوظين شربنا من ينابيع نغية
جرت داخل شراين احاسيسنا الفنية فاصبحت عطرة طاهرة صادقة ومعبرة وغير ملوسة
بروافد لا يعرفها هذة الجيل من العمالقة والقامات الفنية الخالدة كنهر النيل
|
Post: #129
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-23-2007, 08:56 AM
Parent: #114
الزملاء الكرام
تمر في الثاني من أبريل القادم الذكرى السنوية لرحيل الصديق الأستاذ الفنان عبدالله إبراهيم عبدالله (أميقو)....
نتوقع من الجميع المساهمة بخواطر...ذكريات... صور....تسجيلات نادرة...لنحتفي بالصديق الحبيب عليه الرحمة.....
نتوقع (بوست) كبير في المحتوى و المعنى... وفاءا وعرفانا لأجمل الأحباب
الرجل الصديق الصدوق حبيب الكل (أميقو زول يا...)
|
Post: #131
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-23-2007, 11:58 AM
Parent: #129
والله ياارهري صوري كلها في السودان ومقفله في صناديق
عندي صور مع ناس اميقو ديل من زمن مركز شباب السجانه
ياسلاام ياخ
|
Post: #133
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-23-2007, 01:29 PM
Parent: #131
نمرة واحد
طبعا أنا متوقع منك الكثير....
في ذكرى الحبيب (نمرة واحد)....
وطمعان كتير في إننا نسمع من جرابك الكبير
سفر العيون..(علي شرط تسجيل الإذاعة الرسمي) و صولو الكلارانيت الجميل العزفه (نمرة واحد) عليه الرحمة....
عندك أكثر من أسبوع....
حضر نفسك....
و الدعوة موصولة للجميع.....
|
Post: #135
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-24-2007, 04:04 AM
Parent: #1
*****
****
***
**
*
هنالك جائزة قيمة
لمن يتعرف على كل الشخصيات
الفي الصور أعلاه......
من يازول للانتاج الاعلامى..
عن زمانى بقول لكم..
يلا اعرفوا كلكم...
يلا اعرفوا كلكم..
يلا اعرفوا كلكم.
*
**
***
****
*****
|
Post: #136
Title: Re: [B]خريجي معهد الموسيقى و المسرح يمتنعون.......[/B]
Author: نادر السوداني
Date: 03-24-2007, 08:39 AM
Parent: #135
مبدئيا يا سمعة محمود تاور وعلي السقيد بجيك راجع بمزاج ياحبة
|
Post: #137
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-24-2007, 06:58 PM
Parent: #135
الشابة دي قطع شك...... منى عبداللطيف
لكن أبونضارت..... ما أظن..... مصطفي سيدأحمد
و الشخصية الملتفته دي....ماأظن داخلةالمسابقة...
ده طبعا مع إضافة ما ذكره نادر....و في إحتمال ألعب ليك جلال البلال محل محمود تاور....العتب علي النظر....يابت جيبي النضارة......
هل في إحتمال كده أقترح ليك عائشة مبارك....بعد النضارة
|
Post: #139
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-25-2007, 05:27 AM
Parent: #1
*****
****
***
**
*
هنالك جائزة قيمة..
لمن يتعرف على كل الشخصيات الفي الصور أعلاه..
مقدمة من يازول للانتاج الاعلامى ..كلفورنيا..
*
**
***
****
***** وغنوا معانا غنوة العيد والفرح.
****
***
**
*
|
Post: #140
Title: Re: [B]خريجي معهد الموسيقى و المسرح يمتنعون.......[/B]
Author: Elmosley
Date: 03-25-2007, 05:50 AM
Parent: #139
محمود تاور
علي السقيد
مني عبد اللطيف
مصطفي سيد احمد
ووووووووووووووو
|
Post: #141
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-26-2007, 01:20 AM
Parent: #1
*****
****
***
**
*
** نادر يا سودانى..
ماشى كويس ما تغيب..
نحن في انتظارك..
** ابو الزهور..
سلامة النظر ..
ونحن معاك نوثق للاستاذ اميقو..
ففد كان موسيقيا بحق.
**الموصلى يافنان..
قربت...
تحصل على الجائزة ..
المقدمة من يازول للانتاج الاعلامى..
حاول مرة اخرى ..
*
**
***
****
*****
|
Post: #142
Title: Re: [B]خريجي معهد الموسيقى و المسرح يمتنعون.......[/B]
Author: الفاتح يسن
Date: 03-26-2007, 01:43 AM
Parent: #141
ياسمعه تاور السقيد منى عبداللطيف مصطفى سيد احمد نجاة دكتورة بيان الجائزة بالدولار لو سمحت نو دينار
|
Post: #144
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-26-2007, 10:53 AM
Parent: #141
و طيب إنت أبو سريع كيف...
يا أخي صبرك علي.......
أنا لم أقطع الشك باليقين بعد.....
أنا كنت بلعب إحتمالات فقط....
آها المتلفت ده في إحتمال يكون بكري أحمدالمصطفى
و يمكن النو كمان.....
|
Post: #143
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-26-2007, 02:12 AM
Parent: #1
*****
****
***
**
*
الفاتح..
ياعجوز..
سلامة النظر..
هذه الصوره تضم طالبة واحدة فقط من طالبات المعهد..
وهذة الصوره على خلفية (خشبة مسرح المعهد العمارات شارع 75)
حاول مرةاخرى ..
نرجو استعمال النظاره..
*
**
***
****
*****
|
Post: #145
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-27-2007, 04:22 PM
Parent: #143
أرجو أن أنعي لكم ضياع صندوق صوري
أوصافه كالآتي:
الغطاء أصفر (كوداك) و الله إشتريته من إستديو النيل (غردون) سابقا و الصندوق أسود...
ملئ بالصور غالبية أبيض و أسود.... بعض من الصور الملونة
أهم الصور التاريخية:
صورة للمرحوم محمدحسن خيري
صورة لعثمان جمال الدين في أخطر دور له (سيزوي بونزي قد مات)
مجموعة صور لصلاح الحسن حماد-الطيب المكي- عم جادالله- كوميونست- ناجي القدسي يعزف كمان....صور نادرة..... صور نادرة إسماعيل عبدالرحيم و صلاح درويش و صلاح أبايزيد لهم الرحمة جميعا....
ضاع ما بين ال Scanner
و غرفة الكمبيوتر
بعض من حظي السئ......
و ا فقدي الليلي........
|
Post: #146
Title: Re: [B]خريجي معهد الموسيقى و المسرح يمتنعون.......[/B]
Author: sumah
Date: 03-27-2007, 08:28 PM
Parent: #1
*****
****
***
**
*
ابو الذهور ..
كدة ركز شوية..
قلت متين اخر مرة شفتو..
لا لا ما ضاع ..
بس ركز شوية..
*
**
***
****
*****
|
Post: #147
Title: Re: [B]خريجي معهد الموسيقى و المسرح يمتنعون.......[/B]
Author: حمد اسماعيل
Date: 03-28-2007, 06:06 AM
Parent: #146
اولا يا سمعه انا كنته صغير الزمن داك
عشان كده ما بقدر اشارك .
يا أزهرى ركب النضاره بتاعت الناظره وشوف اوضت حمد
ولا تكون لمتم ليك واحده من البنات, اصلك بترمى حاجاتك ساكت .
الكبر مصيبه
---------
|
Post: #149
Title: Re: [B]خريجي معهد الموسيقى و المسرح يمتنعون.......[/B]
Author: Azhari Nurelhuda
Date: 03-30-2007, 08:17 AM
Parent: #147
و الله يا سيد حمد لا في أوضتك و لا في أي سهمة تانية
و الصندوق ده أنا محتفظ بيه الزمن ده كله مايروح إلا هسه
ودي كانت آخر صورة نقلتها.....
و كنت منتظر يوم المسرح العالمي عشان أنزل صور لدبلومات مسرح قديمة علي أيامنا و أجمل صورة لعثمان جمال الدين في أخطر شغل ليهو علي الإطلاق..
سبحان الله ياخي
نفسياتي في الأرض
|
|