Post: #1
Title: طرائف البورد
Author: osly2
Date: 09-20-2004, 09:36 PM
Parent: #0
هناك الكثير من التعليقات الطريفه التى تضيع فى زحمة البوستات
عشان كده يا ريت كل واحد لقى رد طريف يجى يدبسو هنا
وابدأ ليكم بمداخلة العم عثمان عووضه فى رده على خضر عطا المنان
كتب خضر فى بوست تشكيل محكمه شــعبيه بالبورد
نؤيد بشدة .. لاننا ناس شعبيين شديد !!!
المهم اذا ما عندكم مانع خلوني انا حاجب !!!
عشان اي عضو منهم يفرفر اثناء مداوالات المحكمة يشيل شيلتو !!
ورد عليه عووضه
| Quote: المهم اذا ما عندكم مانع خلوني انا حاجب |
خدر الحاجب دا هسع يلفتوا نظرو كيف -- لانو قالو النظر مبيعلى على الحاجب
| Quote: عشان اي عضو منهم يفرفر اثناء مداوالات المحكمة يشيل شيلتو |
دي خليها يشيل حاجبو بدل شيلتو
|
Post: #2
Title: Re: طرائف البورد
Author: osly2
Date: 09-21-2004, 01:38 AM
Parent: #1
كتب معز عمر بخيت
Quote: الحالة صحيحة مائة بالمائة ومصاحبة ببعض أعراض «الحمى القلاعية» و«انفلونزا الطيور»..
ياللا نشوف الحيلبس الطاقية منو!! |
وتداخل نصار
| Quote: غايتو كويس انا جايكوم بعمتي الطاقية ما تركب فوق العمة |
حالة لجنون البقر بمنبر سودانيز أونلاين!!
|
Post: #3
Title: Re: طرائف البورد
Author: osly2
Date: 09-21-2004, 02:01 AM
Parent: #2
توما
Quote: بدر الدين سؤال محرج وحيكون جادي
انت خليت الكوميديا ولا هي الخلتك |
بدر الدبن شناه
| Quote: والله الكوميديا ما تخلت عني ولا أنا تخليت عنها والحصل عندها ود عمها إتقدم ليها وقال دايرة |
الجندريه
Quote: بدر الدين
سلامتك من شكاكوش ود عم الكوميديا
الله يقطع غطى القدح وسنينه |
|
Post: #4
Title: Re: طرائف البورد
Author: osly2
Date: 09-21-2004, 07:26 AM
Parent: #3
ابو جهينه
Quote: دكتورتنا بيان
السلام موصول بالكيمان
و للخطرفة بقيتها
سيد الكيمان التلاتة ، عديلة لي
الكوم كومي ، كومته وحدي ، و سأفرتقه وحدي
كومنا الشعبي ، ياهو دي
اللي يشوف كوم غيرو ، يهون عليهو كومو
أقيس كيمانك بمن ، يا الدرة الماليك تمن
الكوم القديم و الحزن القديم ، متبارين زى السترة و الفضيحة
شايفة الكوم يا ليلى ؟ أجمل من القمر
إعطني كوما ، إعطك أمة ( طبعا كما تعلمين ، هي إعطني مسرحا أعطيك أمة ) و لكن الكوم أهم اليومين ديل
قام من نومو لقا كومو
بدري صحيت من كومي ، أنا بدري صحيت من كومي |
رجاء
Quote: الحبيبة بيان..
غايتو انا كومي كبير وكله ناس حلوة.. وهم:
-كل فتيات وسيدات البورد
- الأدباء والشعراء والفنانين
- الزملاء الصحفيين
- والناس الحلوة البتدخل لي بوستاتهم تووووووووش دون تر |
بيان
Quote: بقيتى ست الكيمان التلاتة يا عديلة
شوفو رجوية حلاتها
امسكى عليك كيمانك ديل امسكيهن
لكن لازم تبقى معانا
فى كومنا الخترى برعاية ابو جهينة |
بدر الدين شنا
Quote: الأخوة دكتورة بيان وأبو جهينة وعليَّة الكوم
الكومة ليكم
أنا اليومين دي كايم على وجع الضرس
عليك الله يا دكتورة كومي سوي لينا شاي كان نقدر نكاوم
المكاومة الفلسطينية |
توما
Quote: الكوم كومي
بشيلو في راسي
ومن راسي بختو في كتفي
ومن كتفي هديه لعريسي
اها ده كلو كوم
والحاصل كوم تاني
انا اليومين ديل اظني في كومه
وانا ذاتي جديده ما وزعوني لسه قاعده مستمعه ساي علا بحنس في امي تفططني سنه اولي وهي ما رضيانه..
بيان والحضور ازيكم
والكوم هو كوم شنو ذاتو قبال نتفاصح ساي
بس ما يكون الكومداكا |
بوست كومى... وكومو.... وكومك
|
Post: #5
Title: Re: طرائف البورد
Author: osly2
Date: 09-21-2004, 07:38 AM
Parent: #4
تاج الســر الحســن
Quote: بداية اود ان أرحب بعودة الأخت/ بنت الأحفاد، التى اشعر ان اهل الظلام قد استغلوا براءتها و ميلها نحو التدين (فوقعت) (للمريخ)، حيث يحسبون أنهم حصلوا على (خبرة) من الخارج (سودانيه)، ووقعت فى شباكهم نرجو لها الفكاك من تلك (العتمه) وأن تعود لسكان الضياء الأسلامى، خصوصا وقد سمعنا أن بيوت المستقبل سوف تبنى على سطح القمر حيث لا حاجة الى كهرباء أو (جنريترات) أو(بطاريات) ولا ظلام هناك أو ظلاميين، ومن لا يحمل شهادة (دكتوارة) فى (النور) بدون (سلوك)، سوف يعاد للأرض على طريقة لعبة (السلم والثعبان).
أما الدكتوره/ امانى ، فهى مثلها مثل الظلامى (اساسى)،و(كابتنهم) / أحمد الريح، وأديبتهم دكتورة/ بيان، التى لم أر أحد غيرها يتمتع بصفة (تاجيه)، فى عدم ترك حقهااذ لم تعرف اساسه كاملا غير منقوص وكانه مقاييس (الزكاة) ، بنت لبون وأخواتها أو مد من قمح أو شعير وما أعتاد الناس على تناوله من قوتهم اليومى، فى حالة زكاة(الفطر).
ياناس الظلام لماذا تجد أستاذ الأنجليزى الذى لا يصلى حينما تأتيه الى تبرع، من اقرب جيب يخرج (الطراده) و(الخمسين) زمن (القروش ، قروش)، لكن ما ان تذهب الى (مولانا) الذى يلبس (قفطان)، يدخل يده من جيب الى جيب واخيرا وبعد تعععععب يخرج لك (خمسة قروش) لاعنا بسره ابو (التبرعات)؟؟ |
بوست د. أمانى، لقد عادت (بنت الأحفاد) فكيف نلمح ضياء القمر دون الظلام؟؟
|
Post: #6
Title: Re: طرائف البورد
Author: osly2
Date: 09-21-2004, 07:48 AM
Parent: #5
ابراهيم عدلان
Quote: دكتور سيف
ما توري سجيمان تكلفة التعويج
اما انا حا اقوم بتكوين الهيئة الشعبية للدفاع عن سي جي
عثمان عووضة
قلت سجيما مالو؟ |
عثمان عووضه
| Quote: ابراهيم بطل اللخبتة من الصباح بودوك النار -- قلت سجيمان السرور -- عيبو لي!!(كان راجل |
السيد عادل عبد العاطي اطالبك بفصل سجيمان وكل خريجي جامعة الخرطوم القدا
|
Post: #7
Title: Re: طرائف البورد
Author: osly2
Date: 09-21-2004, 08:25 AM
Parent: #6
عمر الماحى .. لحظة اعلان ان فى قبضته هكر
Quote: أعلن التعرف على أحد الأعضاء ...((المناضلين))
ومازال ينكر التعرف على البقية..... ويعترف بعضويته .....
وسوف أوافيكم بالتفاصيل في حينها
.......................................................
معي رهينة وعلي المتضررين تقديم شروطهم
مع مراعاة الرحمة |
عمر الماحى .. بعد خروجه من سجن الهكر
Quote: شكراً جزيلاً أخي تولوس.........كنت أتابعك وأنت تطلق الصرخات لإغاثتي والذين يهمهم الأمر
جعلوا أصابعهم فى أذانهم .....وكأن الأمر لا يعنيهم
التحية لك وللأخ عمر عبد الله الذي قام بإعادة حسابي بعد السطو عليه |
بوست تمهل أيها الهكر .....فإن أحد أعضاءك في قبضتي الآن
|
Post: #8
Title: Re: طرائف البورد
Author: osly2
Date: 09-21-2004, 09:06 AM
Parent: #7
الهادى
Quote: الأخ بكري أبو بكر
تحية طيبة
قبل لحظات أفادني الأخ جمال (هوبفول ) إنه غير قادر على دخول المنبر حيث لم تقم بإرسال كلمة المرور له حتى الآن ... وقد كلفني بإبلاغك هذه الرسالة ...
الرجاء يا بكري تلبية نداء الأخ جمال (هوبفول ) حيث أن الأخ جمال ظل بالخارج بينما تملأ الترهات والاتهامات والإساءات الموجهة له ساحة المنبر في ظل عدم قدرته على الرد والدفاع عن نفسه بسبب عدم تكمنه من الدخول للمنبر ...
الرجاء معالجة هذا الأمر بصورة عاجلة ... وتمكين الأخ جمال من الدخول للمنبر
ولك خالص الشكر والتقدير ... |
كتب بخاف
Quote: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وده داير ليه باسووورد ما يتلب ياماااااااااان بالحيطة |
نداء عااااااااااجل للأخ بكري أبو بكر
|
Post: #9
Title: بالسودانى يعنى الجكس ...
Author: Hussein Mallasi
Date: 09-21-2004, 11:26 AM
Parent: #8
دا كلو كوم يا اوسلي و رد عمك بكري ابوبكر على برهان تاج الدين
كوم تاني في البوست الشهير:
Re: بوست فاضى للاجابة على اى سؤال يخطر ببالك؟
وجه برهان السؤال التالي لبكري:
| Quote: - الجندر .. الجندرية .. الجندريات ديل منو ؟ يعنى انا مثلا جندرى ؟ ممكن اخش اتحكر فى بوست معنون للجنادر و الجندريات فقط ؟ ( اعرف مشتقات كلمة gender..لكن فى حاجة جديدة فيهو هنا ؟ ) |
فكان رد بكري ابوبكر :
| Quote: بالسودانى يعنى الجكس |
فانتفضت الجندرية و ردت ب 36 وصلة لبوستات تشرح فيها معنى
الجندر و الجندرة .... 
|
Post: #10
Title: Re: بالسودانى يعنى الجكس ...
Author: osly2
Date: 09-21-2004, 03:39 PM
Parent: #9
ملاسى
نطالبك بالاقامه الجبريه فى هذا البوست ما عليك الا ان تغطس بين
البوستات فالطرائف على قفا من يغطس
................................
سيف مساعد
| Quote: اطالبك بحق كل زول ماعايزك |
سجيمان
| Quote: خلاص يا سيف.....عشان الناس الطيبين ديل....هادي قعدة |
استقــالتي..من المنبــر الحــر.....والراجــل يجي يحجزني
|
Post: #11
Title: Re: طرائف البورد
Author: الجندرية
Date: 09-21-2004, 03:48 PM
Parent: #1
شفت كيف يا ملاسي
بالله هن 36 ؟
بعد دا بس نغطيهم بالبطانية وتترب ينقلبو فيران
لوووووووووول
شفت كيف قطعوا الضنة تقول لي شنو
اوسلى ما بسألك حايم البورد بكراع كلب
انت رفدوك ولا شنو ؟ 
|
Post: #12
Title: Re: طرائف البورد
Author: osly2
Date: 09-21-2004, 04:06 PM
Parent: #11
Quote: شفت كيف يا ملاسي
بالله هن 36 ؟
بعد دا بس نغطيهم بالبطانية وتترب ينقلبو فيران |
مرحب الجندريه
بمناسبه الفيران هاك دى
---------------------
زوجة الترابي:- تدهورت صحته بعد ما عضه فأر
----------
the nile
Quote: يكون فاكروا قطعة جبنه والله شنو
مين العض التانى الفار عضه الترابى والله الترابى عض الفار
تلقى الفار المسكين لسه نفسة طامه من اليوم هو بياكل فى الليمون ويسوك فى خشمة |
على فكره فى شبه كبير بين الاثنين فى السنون مع الاعتزار للفار والاثنين بيعملو حفر بس حفر الفار صغيرة وحفر الترابى تلتهم بلد فيها مليون ميل
الترابى صحة تدهورت بس الفار مات متسم من دمة الله يرحم الفار
الفاتح يسن
| Quote: يا اخ حنين الفار عضى الترابي ام العكس؟ الراجل بيعضي امه بحالها بعضيهو فار وهل استشهد الفار ام نقل الى معمل استاك لاخذ عينه من سموم الشيخخخخ؟ طمئنونا على الفار بالله عليك |
احمد حنين
Quote: المهم الفأر ما زال مجهول المصير
واحدين قالوا دا فار شيوعي
وناس قالوا دا فار مؤتمر وطني
وجماعة قالوا سفنا الفأر وجلابيته قصيرة
يكون انصار سنة
ومازال مصير وهوية الفأر مجهولة |
سجيمان
| Quote: اتقلب بصلة يا كافي البلا....؟ |
Ahmed Al Bashir
Quote: يا اخوانا الفار ده استشهد فى معركته مع كبير الفوم
و حراس سجن كوبر اكدوا انه ريحة المسك فاحت من الفار
و الاخبار تحت تحت ناس الموتمر الوطنى مفكرين يزفوه فى عرس الشهيد القادم |
زوجة الترابي:- تدهورت صحته بعد ما عضه فأر في معتقلة!!!
|
Post: #13
Title: Re: طرائف البورد
Author: توما
Date: 09-21-2004, 05:21 PM
Parent: #1
اوسلي البوست ده جاهز ولا تفصيل اسا
|
Post: #14
Title: Re: طرائف البورد
Author: Tumadir
Date: 09-21-2004, 05:42 PM
Parent: #13
ما لاقتك "طرطوفه" ولو واحده من صديق الموج او مراويد ... ؟؟؟ديل انا بشوفهم اكتر نفرين بكلكلوا القارىء العزيز بعد ابحراز وبدر الدين شناة وسجيمان ..ولا قبلهم ما عارفة
|
Post: #15
Title: Re: طرائف البورد
Author: osly2
Date: 09-21-2004, 06:25 PM
Parent: #14
توما
احتاج لترزيات ماهرات سيبى فاركم مع فار تكل جيرانكم وهمتك معانا
تماضر
بدل سؤالك دا كنتى تغطسى وتمرقى بى شيتا منهم
البوست مفتوح للجميع.. لكل الملل
|
Post: #16
Title: Re: طرائف البورد
Author: osly2
Date: 09-21-2004, 06:30 PM
Parent: #15
صديق الموج
Quote: د/معز...نهارك عسل!!!
شايف الجماعة قالوا ماشين يكشفوا....باقى انا كاشف فى حفلة قبل يومين
والا كشفكم ده كشفن اخر؟؟؟
اللهم نعوز بك من الجانجويد والدبابين وجنون البقر...ياربى العلاقة شنو؟؟؟؟؟ |
دكتور معز
Quote: ياهو دة الكشف بتاع الجماعة:
1. كشف العرس
2. الكشف في العرس
3. كشف الحال في العرس
4. والكشف قبل العرس
Quote: اللهم نعوز بك من الجانجويد والدبابين وجنون البقر...ياربى العلاقة شنو؟؟؟؟؟
العلاقة عاطفية |
حالة لجنون البقر بمنبر سودانيز أونلاين!!
|
Post: #18
Title: Re: طرائف البورد
Author: Hussein Mallasi
Date: 09-21-2004, 11:00 PM
Parent: #17
بكري ابوبكر قال؛ العندو ليهو سؤال؛ هو جاهز بالاجابة.
"في نفس البوست المشار اليه اعلاه"
فسألته نور تاور:
Why is Sudan history so full of blood and skulls
فعقب سجيمان:
ينعل ابو الزفت زاتو
اها جاوب يا بكري ....
خم و صر
|
Post: #19
Title: Re: طرائف البورد
Author: Hussein Mallasi
Date: 09-22-2004, 01:22 AM
Parent: #18
من طرائف "صور" البورد:
قام حسين ملاسي بسحب صورته من البروفايل و انزال صورة والده بدلاً منها ...
فقام ود قاسم بفعل الشيء نفسه .....
|
Post: #20
Title: Re: طرائف البورد
Author: Hussein Mallasi
Date: 09-22-2004, 01:24 AM
Parent: #19
يا اوسلي؛ تاني الله يلمك في البوست دا .....
و الحالة لسه ما نزلت ليك حاجات اخونا تروتسكي ...
|
Post: #21
Title: Re: طرائف البورد
Author: mohammed alfadla
Date: 09-22-2004, 03:55 AM
Parent: #1
ملاسي
يعني هي الحكاية بقت بالأب
أنا من زمان غالبني أشارك لأنو ما عندي شافع
كدي النفتش صورة أبوي
|
Post: #22
Title: Re: طرائف البورد
Author: osly2
Date: 09-22-2004, 06:22 AM
Parent: #21
Quote: قام حسين ملاسي بسحب صورته من البروفايل و انزال صورة والده بدلاً منها ...
فقام ود قاسم بفعل الشيء نفسه ..... |
looooooooool @ mallasi
المشكله يقوم محمد ولدى دا يقلدكم ويخت ليكم صورة ابوه
mohammed alfadla
يعنى القدامنا دى ما صورة ابوك ؟
|
Post: #23
Title: Re: طرائف البورد
Author: Hussein Mallasi
Date: 09-22-2004, 06:33 AM
Parent: #21
اخونا الفاضلابي؛ سلامات ...
كدي انت فتش الصورة؛ و لو ما لقيت ممكن نسلفك انا او ود قاسم
|
Post: #28
Title: حديد لاقى حديد ....
Author: Hussein Mallasi
Date: 09-22-2004, 06:41 AM
Parent: #26
كتب اساسي في معرض اشادته بعادل عبد العاطي - عندما فرم فتحي البحيري - في البوست المقروءRe: لماذا يكذب الاخ فتحي البحيري ؟
فقال موجهاً حديثه لود قاسم:
| Quote: ود قاسم البوست دا اهداء ليك دي مدرسة في المواجهة المباشرة والضرب فوق الحزام شنو ماسك ليك ولية بهناك وشابكنا ظلامية ومطاعنات وساكي ليك شافعة شتتي شتتي تعال شوف الفتوات بتقابلوا كيف ... |
|
Post: #25
Title: Re: طرائف البورد
Author: abdalla BABIKER
Date: 09-22-2004, 06:36 AM
Parent: #1
الاخ osly2
شكلك كده لفيت على كل البوستات
وده جهد كبير منك
ربنا يدينا طولة بالك دي
وشكر للمجهود والتوثيق الكاميرا الخفية بتاعتك دي
|
Post: #27
Title: Re: طرائف البورد
Author: osly2
Date: 09-22-2004, 06:41 AM
Parent: #25
امانى السـنى
| Quote: ان غالب البورد الآن مسيس والكثيرون عدا قلة منهم أسامة ميرغني ،خضر عطاالمنان والشايقي ومكي يتحدثون بلسان الخطاب السياسي والموقع العراكي قبل صوت الضمير...وسيعلم الذين ظلموا اي منقلب ينقلبون |
خضر عطا المنان
Quote: يا أختي الفاضلة اماني ـ أطالبك التكرم بالاعتذار لشخصي
البسيط فورا وسحب اسمي من هناك .. والا تزجي باسمي ثانية لو تكرمت يا سيدتي في أي صراع مستقبلي قادم يخصك وحدك .. وان تصفي حساباتك مع تودين بعيدا عن اوهام لا توجد الا في مخيلتك وحدك .. ودون المساس بحق الاخرين في التعبير عن قناعاتهم |
بوست عادل عبدالعاطي المهزلة المخجلة
|
Post: #30
Title: Re: طرائف البورد
Author: osly2
Date: 09-22-2004, 06:46 AM
Parent: #27
حسين ملاسى
قوم بواجب الترحيب والضيافه تجاه عبدالله بابكر ورجاء والا اقولك
رجاء سيبا شكلها حتكون ست بوست معانا
|
Post: #31
Title: Re: طرائف البورد
Author: Hussein Mallasi
Date: 09-22-2004, 06:48 AM
Parent: #27
كتب حسين ملاسي في بوست
Re: بين عبدالله علي ابراهيم و محمد المهدي بشرى
| Quote: اذكر ان الاستاذ محمد المهدي بشري قد رسنا اللغة الانجليزية في مدرسة الخرطوم الثانوية في العام 1979 - 1980؛ فله التحية و الاحترام ... |
فرد دينق:
Quote: حسين ملاسي.
الخرطوم الثانوية دي بنات ولا أولاد؟
Deng |
|
Post: #32
Title: ترحيب بأوسلي
Author: Hussein Mallasi
Date: 09-22-2004, 06:51 AM
Parent: #31
اولاً يا اوسلي دعني ارحب بك .....
فالبوست منور بوجودك ...
|
Post: #33
Title: Re: ترحيب بأوسلي
Author: Hussein Mallasi
Date: 09-22-2004, 06:53 AM
Parent: #32
كتبت رودا في ردها على برهان تاج الدين في بوستها:
نهله السيد ، و سحر أحمد، و منال المنياوى يحرقن الأزهر الشريف.
الاتي:
Quote: برهان كتبت
(رودا عليك الله بعد تنتهى من حكاية الميراث
و الازهر ديل ..شوفى لينا معاك رمضان ..
بمناسبة التتويج وكدة يعنى ..)
انا غايتو عندى أربع ايام ضمان، و عادة بمدهم لى
خمسه أيام، يعنى ممكن تقول خمسه أيام، ممكن أديك
منهم يومين و نص،
وهذا أفضل مايمكننى فعله لك فيما يتعلق برمضان، و
شوف باقى الأخوات.
وأمنياتى لك بحظ سعيد. |
|
Post: #34
Title: Re: ترحيب بأوسلي
Author: osly2
Date: 09-22-2004, 06:58 AM
Parent: #33
شمروش
Quote: برهاااااااااااااااااااااااان اخوي وينك وغيابك طال
خليت التلفونات بقيت داية
وبعدين منوا القال انو في طهور سنة؟؟؟؟؟
اتحداى اي منهم في ان ياتيني بدليل من القران اوالسنة
يوصي بالطهور.
طهور معناها ان الله خلق شي نجس حتي نتكرم نحن البشر ونطهره
خلوه سااااااااااااااااي حلقت الله مالها سمحة |
برهان
Quote: شمهروش ..
ويحك
هسة الواحد يشتكيك و لا ياخد فيك لفت نظر ؟
جاى خاشى بى خمسة .. ابقى راجع يا خوى ..ده نقاش علمى جــــاف ما فيهو الكلام النى داك .
هسع تلم فيك رودا تقطعوا معاك . انت ما عارف البوست ده حقها ؟
ثكلتك ام اربعة و اربعين يا ظلامى . |
سؤال للدكتور الشيخ نزار محمد عثمان عن (خفاض السنه) للبنات.
|
Post: #35
Title: Re: طرائف البورد
Author: willeim andrea
Date: 09-22-2004, 07:07 AM
Parent: #1
up >>>>>>>>>>>>>>>>>> seven
|
Post: #36
Title: Re: طرائف البورد
Author: Hussein Mallasi
Date: 09-22-2004, 07:14 AM
Parent: #35
باللاهي الكلام دا كلو حصل .......
|
Post: #37
Title: Re: طرائف البورد
Author: Hussein Mallasi
Date: 09-22-2004, 07:17 AM
Parent: #36
كتبت تماضر في بوست الاخ المعز عمر بخيت :
| Quote: انت بالمناسبة يادكتور شلت اذن من الادارة للنك دى ولا واقعين بتقلكم تكسروا فى "الواح " البورد من حسة ...??? |
Re: حالة لجنون البقر بمنبر سودانيز أونلاين!!
فرد المعز:
| Quote: برضو ما فهمت يا تماضر.. ياتو لنك؟ |
وردت عليها رجاء:
Quote: تماضر..
اعتقد ان رزاز كلامك وصلني لأني مع د. معز جبت اللينك.. وأعلنها صراحة انو ما عندي أي نية في تكسير المنبر وألواحه الغالية عليك..
من اسبوع سألت عن موقع وتبرع لي زملاء كتيرين باحضاره.. ومافي زول من ناس الادارة جا قال سرقنا ولا كسرنا لوح ولا حيطة..
عموما لا أعتقد ان عنوان صحيفة سيكسر المنبر ولا ألواحه.. لأن الصحيفة بها أخبار ومقالات تنقل عاااااااادي هنا وبنشارك كلنا في مناقشتها..
وأهو انتي برضك يا ستي مشيتي جيبتيهو تاني.. هل ده بيعني انك نويتي تنضمي لينا من حسة..؟
إضافة واجبة: زوروا موقع "أركماني" وحيّوا عالم الآثار بروفيسور أسامة عبدالرحمن النور .. هل كانت الأستاذة نجاة تكسر ألواح المنبر وهي عضو مجلس حكمه..؟
تخريمة: انتي بقيتي في الادارة ولا شنو مشيتي حفظتي الفرمانات..؟ |
|
Post: #38
Title: Re: طرائف البورد
Author: Ali Alhalawi
Date: 09-22-2004, 07:21 AM
Parent: #37
وفى بوست
القايد ياسر عرمان علي البالتوك في غرفة sudansun
كتبت تماضر
لا يا هادية ....ما تلكنيها
انا الاربعاء دى ياها ويك اندى مع النسوان...ما صدقت انى حاكون جزء من نشاط عام
انتو استنوا الويك اند لقائد حزب الجبهة الاسلامية ...نحن خلو لينا ياسر عرمان دة
شكرا ابنعوف...
بس ضرب لى المواعيد بالدولار...لانى مخى قافل (للجرد السنوى)
|
Post: #65
Title: Re: طرائف البورد
Author: Raja
Date: 09-22-2004, 04:51 PM
Parent: #37
Quote: كتبت تماضر في بوست الاخ المعز عمر بخيت :
|
هسع يا ملاسي الظريف في الكلام الجبتو ده شنو..
ولا ده نظام خباثة.. لووووووووووووووول
|
Post: #39
Title: Re: طرائف البورد
Author: عثمان عووضة
Date: 09-22-2004, 07:25 AM
Parent: #36
انا غايتو همباتي زي حسين ملاسي دا من الله خلقني ما شفت-- ياخي دا قلع بوست الراجل عديل كدا
غايته الله يستر -- بس المشكلة انو الهمبتة مافيها لفت نظر على حسب قوانين البورد
ولا اقول ليك حاجة ياملاسي -- همبت يازول اصلو قالوا البوست السايب يعلم الهمبتة
|
Post: #40
Title: Re: طرائف البورد
Author: Hussein Mallasi
Date: 09-22-2004, 08:05 AM
Parent: #39
تعرف يا عووضة؛ هي لعبتها اصلها كدا ......
تدخل شمال و تسلم و بعدين تستلم البوست ... يقوم صاحبو يقنع منو و يبيعو ليك بتراب القروش ...
و الحكاية دي اسأل منها خدر الاخدر من الخدار زاتو ياخي.
علينا جاي .... علينا جاي ..... حمار و حلاوة ....
|
Post: #41
Title: Re: طرائف البورد
Author: Elnasri Amin
Date: 09-22-2004, 08:11 AM
Parent: #1
1-انور كنغ محتجا على خلو بوست صور من الخرطوم من الجكس
| Quote: ونسة الضكير للضكير...النوم منها أخير |
____________________________________________________
2- فى بوست حميده و ابوصلعه كتب فرده
Quote: شووووف يا بطاقية
قدامك واحد من إتنين:
طاقيتك دي يا تقلعا ، يا تستعدلا
لو قلعتها..... نـو بـروبليم
لو استعدلتها ،
قدامك واحد من إتنين:
يا تتكيها شمال ، يا تـَميِّلا يمين
لو تكيتا شمال.... نـو بـروبليم
ولو ميَّلتها يمين ، قدامك واحد من إتنين:
يا ترفرف بحواجبك وتغمز بي عينك الشمال ،
يا تغمِدُم الإتنين...
لو رفرفت وغمزت بعينك الشمال... نـو بـروبليم
لو غمدتهم الإتنين
قدامك واحد من إتنين:
يــا نـُمتَ ، يــا أُغمى عــليك...
وفي الحالتين:
كوابـيس، كوابـيس.... كوابـيس |
|
Post: #42
Title: Re: طرائف البورد
Author: abdalla BABIKER
Date: 09-22-2004, 08:20 AM
Parent: #1
الاخ osly2 قال
Quote: حسين ملاسى
قوم بواجب الترحيب والضيافه تجاه عبدالله بابكر ورجاء والا اقولك
رجاء سيبا شكلها حتكون ست بوست معانا |
الاخ حسين ملاسي رده عليهو
Quote: اولاً يا اوسلي دعني ارحب بك .....
فالبوست منور بوجودك ... |
وبعد كده نسى ثانيا والموضوع كله والترحيب
LooooooooooooooooooooooooooooooL
|
Post: #43
Title: بروفايل مصلح
Author: Hussein Mallasi
Date: 09-22-2004, 09:18 AM
Parent: #42
ورد في بروفايل عبير خيري الاتي:
| Quote: اكلات مفضلة: فول مصلّح مافيهو غير حبة شمار وزيت |
|
Post: #44
Title: Re: بروفايل مصلح
Author: عبير خيرى
Date: 09-22-2004, 09:27 AM
Parent: #43
حسين
تحية جمالية
وشكرا على تكبدك مشاق البحث وعناء السفر
وإتفضل معاي هسة فول مصلح مافيهو غير حبة شمار وزيت
عبير
|
Post: #46
Title: Re: بروفايل مصلح
Author: osly2
Date: 09-22-2004, 09:30 AM
Parent: #44
عبير
عمو حسين معزوم عقد جايك انا بدله بس الشمار اهم من الفول
|
Post: #48
Title: Re: بروفايل مصلح
Author: عبير خيرى
Date: 09-22-2004, 09:35 AM
Parent: #46
أوسلي
حبااااااااااااابك
والشمار حاااااار قصدي الفول
وخصوصاً في سودانيز تكل .. قصدي سودان تكل
|
Post: #47
Title: Re: بروفايل مصلح
Author: عثمان عووضة
Date: 09-22-2004, 09:32 AM
Parent: #44
| Quote: علينا جاي .... علينا جاي ..... حمار و حلاوة .... |
ملاسي ياخي خلي عندك ملافض -- الحلاوة عرفناها --الجاب الحمير شنو -- ولا يعني عشان اشتريت البوست
|
Post: #49
Title: Re: بروفايل مصلح
Author: Hussein Mallasi
Date: 09-22-2004, 09:35 AM
Parent: #44
افضل يا عبير فول "مصلح" بدون اي اضافات؛
يعني لا شمار لا زيت لا ملح لا فول ....
|
Post: #45
Title: Re: بروفايل مصلح
Author: Raja
Date: 09-22-2004, 09:28 AM
Parent: #43
ملاسي الممسوخ..
شكيتك على الله.. البوديك تكوس في بروفايلات الناس شنو  .. والجكس كمان ..
|
Post: #50
Title: Re: طرائف البورد
Author: مراويد
Date: 09-22-2004, 09:36 AM
Parent: #1
شوفو المجنون ده، افتقده بشده و كبك كمان
Re: الحلقة الأخيرة من مسلسل الهكرز >> هذه هي الأسماء.. وهذا هو الهدف
عمر عبدالله كتب
| Quote: كذلك فإن جميع مداخلات الأخ جمال هوبفل منطلقة من نفس المكان 212.138.47 وكذلك الأخ DKEEN |
DKEEN كتب
tmbis كتب
Quote: ود الذين .. امانة ما وقع ( شفت ) تاكل سلطة الاسود وتمشي في الاسواق .. وتششيل سيديهاتي واشرطتي وتهكر في الناس ..
.. الليلة بكتلك |
DKEEN كتب
Quote: المحيرني الشفوت ديل عرفوني كيف ؟؟؟
اصلي من الشهر الفات وانا بستعمل (اي بي) بالاجنحة البمنع التسرب ..
اصلي اول امس خاشي الغرفة لقيت واحد ناطي من البلكونة..
لحدي ما اطلع الفرار كان اختفى في جنح بلكونة الظلام..
رجعتا فتشتا الدهب لقيتو موجود
القروش موجودة
الفيديو موجود
التلفزيون موجود
البلاي استشين موجود
الرسيفر موجود
الكمبيتور نفسو موجود
لكن لقيت (الاي بي ) بتاعي بالاجنحة غير موجود...
قتا في نفسي ود الغلفا اتاريهو شال الاجنحة وطار بالبلكونة وخلا لي (الاي بي) بدون اجنحة ..
الشافنا بعد ده مبلولين ما كضب... |
|
Post: #51
Title: Re: طرائف البورد
Author: abdalla BABIKER
Date: 09-22-2004, 09:40 AM
Parent: #1
بنت ابوي
طيب الفول ده لسع ما جهز
|
Post: #53
Title: Re: طرائف البورد
Author: osly2
Date: 09-22-2004, 09:43 AM
Parent: #51
ملاسى عن اذنك
عاوز اسلم على النصرى وعووضه ورجاء وعبير ومراويد
وعبد الله والحلاوى وندريه
|
Post: #56
Title: Re: طرائف البورد
Author: Hussein Mallasi
Date: 09-22-2004, 09:49 AM
Parent: #53
ماشي السوق ؛ و بجيكم صادي .....
" كما علمنا عمنا بكري ابوبكر "
خلي لي بالك من البوست دا بالله يا اوسلي لحدي ما ارجع؛
و ما تقصر بالله مع الضيوف ....."صلحهم" كويس بالله ...
|
Post: #54
Title: Re: طرائف البورد
Author: عثمان عووضة
Date: 09-22-2004, 09:43 AM
Parent: #51
رجاء انتي راسك قوي كدا مالك -- انا ماقلت ليك ارجعي محل ماكنتي -- ولا مهنة البحث عن المتاعب وراكي وراكي
|
Post: #55
Title: Re: طرائف البورد
Author: عثمان عووضة
Date: 09-22-2004, 09:47 AM
Parent: #54
اوسلي سجم خشمك -- الهمباتي دا غشاك --احسن ليك نط من البيعة لانه البوست دا انا في الشايفو حيكون سياحي والمداخلة بعد شوية حتكون بالدور -ار
|
Post: #57
Title: Re: طرائف البورد
Author: عثمان عووضة
Date: 09-22-2004, 09:55 AM
Parent: #55
حسين همباتي
انا فتحت بوست جديد لنج -- اسمة دوما-دكين - وبالعكس ------ تشتري ؟؟؟؟
|
Post: #58
Title: Re: طرائف البورد
Author: osly2
Date: 09-22-2004, 10:04 AM
Parent: #57
النصرى امين
اتابع منذ فتره طويله كتابات الاخ هاشم نوريت...تدهشنى مقدرته على دخول بوستات خطره و الخروج بدون اى عداوات مع احد...
فى بوسته الاخير
ليس غريبا ان ياتى هذا من صوفى..>قال كلبة مسعورة قال)
كنت متاكد من حتمية سقوطه فى شرك الانحياز لمعسكر من معسكرات المنبر االكثيره...و لكن كالعاده طلع الاخ هاشم بدون اى خسائر فى الارواح او الممتلكات.
اقراو معى بعض مشاركاته فى ذلك البوست
هاشم نوريت
Quote: الاحباب
محمود
و بيان
سلامات
انتو اقعدوا نقوا نق نق نق
لما تجيبوا لى الهوا |
وقد خرجت منى ضحكه طويله استمرت معى اليوم كله بعد قراءت هذا التعليق.
وقد وصل البوست قمه تجليه بتدخل الاخت د برنجى قائلا
Quote: يا هاشم والله حيرتنا ياخي
يازول انت شايت وين؟ |
لم يدرى د برنجى ان هذا السؤال كنت ابحث عنه فتره طويله....
و هو سؤال اساسى هنا فى المنبر الحر.....
فتحديد اتجاه الشوت يسهل للقارئ فهم ما يريده الكاتب......
كمثال اذا كان الكاتب شايت مع الفريق العلمانى ما على القارئ الا وضع الحروف مع بعضها البعض ليصل مايقصده الكاتب,و كذلك الحال مع الاسلاميين و الفنانيين والشعراء و غيرهم.
اما اذا كنت لا تعرف فى اى اتجاه يشوت الكاتب فتصعب عملية فهم المقصود من الكتابه و هنا تظهر الجهججه و الدليل حالة الاخ د برنجى.
تاج السر حسن
Quote: ياالنصرى اخوى
هاشم ده وهابى مصرج ، فيهو بركة الصوفيه واخلاقهم السمحه عشان كده قدر ما يصرج شوتو ما بتشكل خطوره ...كان بالغت بتضرب فى العراضه وترجع. |
|
Post: #59
Title: Re: طرائف البورد
Author: osly2
Date: 09-22-2004, 10:20 AM
Parent: #58
| Quote: اوسلي سجم خشمك -- الهمباتي دا غشاك --احسن ليك نط من البيعة لانه البوست دا انا في الشايفو حيكون سياحي والمداخلة بعد شوية حتكون بالدور -ار |
بقيت تكتب بلغة الدولره
على وزن الجندره .. يومك اسود لو كتابتك دى وقعت فى عين الجندريه
|
Post: #60
Title: Re: طرائف البورد
Author: MUNA OBIED
Date: 09-22-2004, 10:30 AM
Parent: #59
اوسلى ازيك
حاولت اتصل بيك قمت لقيت في نوتى زي 13 نمرة تلفون ليك وكلها ما جابتك...لسه تمارس عادة الرحيل
|
Post: #61
Title: Re: طرائف البورد
Author: osly2
Date: 09-22-2004, 10:40 AM
Parent: #60
Quote: اوسلى ازيك
حاولت اتصل بيك قمت لقيت في نوتى زي 13 نمرة تلفون ليك وكلها ما جابتك...لسه تمارس عادة الرحيل |
دكتوره منى
هلا قريبتى .. تانى الرحيل ..الم تمرى على تعليق ملاسى عن هذه المفرده ؟
اتصلى على هذا الرقم لانه ملازم لى ومافى فكاك منو
0013474958298
|
Post: #62
Title: Re: طرائف البورد
Author: Hussein Mallasi
Date: 09-22-2004, 12:16 PM
Parent: #61
طبعاً تكونوا قايلني قلت حكاية السوق و بجي صادي دي
عشان ازوغ زي بكري ابوبكر ما قاعد يعمل ...
السوق دا ما قاعد يقفل، و لو ما قفل القروش بتقفل ...
غايتو بكري ابوبكر دا من يومو الادا فيهو القلم لعادل عبد العاطي،
حقو راح معانا .... و مافي شي بيعمل ليهو حصانة مننا الا القلم ....
و اتمنى ان يكون فعلاً مجرداً من الاقلام؛ لكيلا يحدث ما لا احمد عقباه ...
|
Post: #63
Title: Re: طرائف البورد
Author: Hussein Mallasi
Date: 09-22-2004, 01:32 PM
Parent: #62
كتب ود قاسم في بوسته الذي سيكون مقروءاً – غاضباً مما كتبنا هنا – ما يلي:
Quote: : من طرائف "صور" البورد:
قام حسين ملاسي بسحب صورته من البروفايل و انزال صورة والده بدلاً منها ...
فقام ود قاسم بفعل الشيء نفسه ..... |
Quote: Quote: Quote: كتب ود قاسم بوسته المقروء
في قريتنا : فتوى تبقي على الكلبة المسعورة حية
و لم يكن يقصد – او يستهدف - به بيان لا من قريب و لا من بعيد |
فردت بيان ببوستها المقروء
قصص الديك الممعوط و الثعلب الهرم
و لم تكن تقصد- او تستهدف - به ود قاسم لا من بعيد و لا من قريب ..... |
والدي الفلاح الذي لم يغادر بيته وأرضه إلا لأداء فريضة الحج ، انتقل إلى رحمة مولاه قبل خمس سنوات ، لم يلبس في حياته غير العراقي والسروال والجلابية والعمة والمركوب ، وكان له رأي في اللبس الافرنجي ، وهو راي يمثل ثقافة عامة في أوساط الفلاحين ، فهم يرون فيه نقصا وعيبا وخروجا عن الأدب ،،
حسين ملاسي بكلامه الذي كتبه ليجعله قفشة تبقى في هذا المنبر ما بقيت الشبكة وما بقي فيها هذا المنبر ، أساء لوالدي إساءة بالغة ،، فالزي جزء من ثقافة الإنسان ، ولا يقبل إنسان مهما كان أن تسلبه ثقافته ، خاصة إذا تعلقت المسألة بالعيب والنقصان والخروج عن الأدب ، ولو كان والدي موجودا ، ولوكان ممن يتابعون هذا المنبر ، برغم ثقتي بأن هذا ما كان ليكون ، ولن يكون ، فهو سيعتبرني أنا المتسبب في هذه الإساءة التي وجهت إليه ، وكان سيمنعني من مجالسة أناس مثل حسين ملاسي ، لأنه سيكون مقتنعا أن حسين من النوعية التي تطلق الكلام على عواهنه ، وأنه ممن يسيئون للناس بقصد أو بغير قصد ،،،
حسين ملاسي يتهمني مرة بعد مرة بمعاداة بيان ، وأنا هنا أؤكد له أن هناك عداء قائما ،، لكني دائما أتساءل ، لماذا لم يهتم حسين بمعرفة من منا الذي بدأ في استفزاز الآخر ،، والأهم أن حسين يتهمني بأني أكتب قصصا عن بيان ،، وقد نفيت هذا من قبل ، لكن حسين لم يقبل هذا النفي ، وقد غاب حسين عن المنبر ولم يعد إلا ليقول أنني كتبت قصة الكلبة المسعورة وأنني أقصد بها بيان ،، واليوم أريد أن أسأل حسين ، لماذا لا تظن بي السوء عندما أكتب عن الإنقاذ ،، أليس من الممكن أن تكون الإنقاذ عندي رمزا آخر لبيان ؟ ولماذا لا تظن بي السوء عندما أكتب عن سمير الكوز ، أليس من الممكن أن يكون سمير الكوز عندي رمزا لبيان ؟ لماذا لا تظن بي السوء عندما أكتب عن الجبهة الإسلامية وتعتبر الجبهة الإسلامية عندي رمز لبيان ؟
أنا عند حسين ملاسي مهووس بعدائي لبيان ،، لا شغل لي إلا عدائي لبيان ، وأنا عند حسين ملاسي موجود في هذا المنبر لأتشفى من بيان ،، ولأمنحه فرصة التصدي لي ولأمنحه فرصة الإساءة و ( التريقة ) على المرحوم والدي ،،
أنا يا حسين ملاسي عضو معتد على بيان ، وبيان عضو مبرأ من كل خطأ ، لكن من عينك قاضيا بيننا ،، هل هي الشجاعة التي تدعوني لتلبسها والدخول في مواجهة ؟
لترتاح يا حسين ملاسي ، أيها البطل الشجاع الواقف مع الحق دوما ، والذي لا علاقة له سابقة مع بيان ، أي انهما لم يلتقيا في حياتهما ،، أريد أن أقول لك أنني ما نمت يوما وداهمني حلم مرعب إلا وكان عدائي لبيان هو مركز هذا الحلم ،، ولم أصحو من نوم متكدرا إلا وكان سبب هذا التكدر عدائي لبيان ، ولم أكتب عن الإنقاذ أو الجبهة الإسلامية أو التخلف أو الظلامية أو الكلاب أو الضفادع أو الكيزان أو الحمير إلا وكان عدائي لبيان هو دافعي في هذه الكتابات ، ولم تكن هذه االمسميات إلا رموزا قصدت بها بيان ،،
ولترتاح يا حسين ملاسي ، ولأن كل ما أكتبه لا يخرج عن كونه يستهدف بيان ، فأنا منذ الليلة لن أكتب في هذا المنبر مطلقا ، لأريحك من التأويل ، واتهام الناس ، وما يترتب عليه من ذنوب ،، وأريح بيانك العزيزة أيضا ، وأقفل عنها هذه النافذة الذي تزعجها حسب إفاداتك أنت يا حسين ..
وليرتاح والدي في قبره ،، وليتغمده الله برحمته وبمغفرته ، وليجعل قبره روضة من رياض الجنة ..
ولا أطلب السماح ولا العفو من أحد ،، ولنلتقي هناك أمام الله عز وجل لينصفنا جميعا ،،
إذا عدت لاستفزازي بالإساءة إلى والدي أو غيره من أهلي فسأعود مضطرا للرد عليك ،، أما غير ذلك فلا ..
فرد عليه حسين ملاسي بما يلي:
| Quote: أساء لوالدي إساءة بالغة |
| Quote: Quote: سيعتبرني أنا المتسبب في هذه الإساءة التي وجهت إليه |
مالك يا ود قاسم .... متين اسأت لوالدك يا زول ؟؟
ان كنت لم تفهم القفشة؛ لكان حرياً بك ان تتريث قليلاً و تسأل من فهمها ....
السيد والدكم – رحمة الله و احسن اليه – الدخلو شنو في الكلام الانا كتبتو ....
تفسير الكلام كألاتي يا سيد ود قاسم:
كنت انت يا سيد ود قاسم تستخدم صورة في البروفايل لشاب في العشرينات او نحو ذلك ثم اتيت بعدها بصورة حديثة لك؛ و من هنا كانت المفارقة يا سيد ود قاسم ....
طبعاً أي نكتة بيشرحوها بيتبقى بايخة يا سيد ود قاسم؛ لكن معليش لانو الموضوع كلو بياخة في بياخة؛ فما فرقت ....
و بعدين شنو لبس افرنجي و لبس بلدي و الكلام الغريب دا ....
اما ان تكتب في هذا المنبر بعد اليوم او لا تكتب فهذا راجع لك و لمن يقرأ لك ...
و ان كنت شخصياً اتوقع كالعادة التحانيس و الحركات البي الشكل دا
و ما تعودنا على حدوثه في المناسبات المشابة.
Quote: Quote: وليرتاح والدي في قبره ،، وليتغمده الله برحمته وبمغفرته ،
وليجعل قبره روضة من رياض الجنة .. |
امين
دا بالله عليكم الله كلام .... اها عاجبكم كدا يا عووضة و اوسلي .... دي بيعة دي بالله ....
اول مرة اشتري لي بوست و يطلع مبوش .....
ليرتاح أبي في قبره ، وليمدد ح . ملاسي رجليه في المنبر ولتسعد بيانه
|
Post: #64
Title: Re: طرائف البورد
Author: Hussein Mallasi
Date: 09-22-2004, 01:37 PM
Parent: #63
غايتو البيتابع كلام السماسرة؛ مش يخلوهو يشتري بوست مبوش ....
ياخي ديل يخلوهو يشتري الترماي؛ او الترماج في رواية اخرى
بالبلدي ....
|
Post: #66
Title: Re: طرائف البورد
Author: osly2
Date: 09-22-2004, 06:16 PM
Parent: #64
دا كلو حصل متين ؟؟
أردنا ان تحل الضحكه ما عجزت عن حله المناتقه
ولكن
ملاسى
لم افهم من كلامك سوى الدعابه
عثمان عووضه والنصرى
ادفعوا لملاسى التعويض المناسب ليتنازل لنا عن هذا البوست
ود قاسم
لم يخطر على بالى ان يكون تعاملك مع الامور هكذا وانت صاحب
البوست الاشهر عن صور الاعضاء بالبورد ان لم يك الوحيد
|
Post: #67
Title: Re: طرائف البورد
Author: Hussein Mallasi
Date: 09-22-2004, 08:15 PM
Parent: #66
ما ياهو؛ بس مشينا السوق و رجعنا؛ و لقينا دا الحصل ....
المهم لا يسعني ان انقض هذة البيعة قبل ان اتي بشيء لحبيبنا معتز تروتسكي.
فغايتو لبعدين قد نأتي له بشيء ...
|
Post: #93
Title: Re: طرائف البورد
Author: Abdel Aati
Date: 09-23-2004, 03:12 PM
Parent: #58
كتب اوسلي اعلاه
Quote: وقد خرجت منى ضحكه طويله استمرت معى اليوم كله بعد قراءت هذا التعليق.
وقد وصل البوست قمه تجليه بتدخل الاخت د برنجى قائلا
Quote: يا هاشم والله حيرتنا ياخي
يازول انت شايت وين؟
لم يدرى د برنجى ان هذا السؤال كنت ابحث عنه فتره طويله.... |
اوسلي في بوست طرائف البورد
اها لحدي الان ما عرفنا د. برنجي اخو ولا اخت !!
|
Post: #68
Title: Re: طرائف البورد
Author: بدرالدين شنا
Date: 09-22-2004, 09:37 PM
Parent: #1
أب للبوست ولي ملاسي
|
Post: #69
Title: Re: طرائف البورد
Author: talha alsayed
Date: 09-23-2004, 01:05 AM
Parent: #1
عووضه:
شنو ياخ
طلحه:
عووضه
مالك يا حوى
حمى طلعت فى الراس؟
عووضه:
لا والله ياطلحة
على سفر
طلحه:
بس ما تنسي
عدة من ايام أخر
|
Post: #70
Title: Re: طرائف البورد
Author: mohamed osman bakry
Date: 09-23-2004, 02:53 AM
Parent: #69
| Quote: اول مرة اشتري لي بوست و يطلع مبوش |
ده انـت أخـدت سيـــك عديل وفي قبولك كمــان
|
Post: #71
Title: Re: طرائف البورد
Author: Tumadir
Date: 09-23-2004, 03:28 AM
Parent: #70
Quote: كتبت تماضر في بوست الاخ المعز عمر بخيت :
Quote: انت بالمناسبة يادكتور شلت اذن من الادارة للنك دى ولا واقعين بتقلكم تكسروا فى "الواح " البورد من حسة ...???
Re: حالة لجنون البقر بمنبر سودانيز أونلاين!!
فرد المعز:
Quote: برضو ما فهمت يا تماضر.. ياتو لنك؟
وردت عليها رجاء:
Quote: تماضر..
اعتقد ان رزاز كلامك وصلني لأني مع د. معز جبت اللينك.. وأعلنها صراحة انو ما عندي أي نية في تكسير المنبر وألواحه الغالية عليك..
من اسبوع سألت عن موقع وتبرع لي زملاء كتيرين باحضاره.. ومافي زول من ناس الادارة جا قال سرقنا ولا كسرنا لوح ولا حيطة..
عموما لا أعتقد ان عنوان صحيفة سيكسر المنبر ولا ألواحه.. لأن الصحيفة بها أخبار ومقالات تنقل عاااااااادي هنا وبنشارك كلنا في مناقشتها..
وأهو انتي برضك يا ستي مشيتي جيبتيهو تاني.. هل ده بيعني انك نويتي تنضمي لينا من حسة..؟
إضافة واجبة: زوروا موقع "أركماني" وحيّوا عالم الآثار بروفيسور أسامة عبدالرحمن النور .. هل كانت الأستاذة نجاة تكسر ألواح المنبر وهي عضو مجلس حكمه..؟
تخريمة: انتي بقيتي في الادارة ولا شنو مشيتي حفظتي الفرمانات..؟ |
طبعا يا رجاء زى ماقلتى ده ما كلام ظريف....وطبعا يا ملاسى مافى اى حاجه طريفه هنا...فدى اول مرة رجاء تتكلم معاى بلغة اتهام وتجريم زى دى...ولغه خالية من "الحب" و"الصداقه" تماما وهى التى ظلت تعبر لى عنهما فى كل مكان وزمان ...وعدم الثقة المفرطة وهى التى ظلت تعاملنى بها فى كل مكان وزمان ...وانا لانى ماقصدت احقق فى موضوع اللنك حقيقة ...بس لانى كنت متذكرة البند ده واضحكنى فى وقتها لاننا اتضررنا "انا وهى" من نقل الاخرين للنكات المكيدة... لهذا السبب .اتخلعت....وحلعنى اكثر ان اللنك هو لجريدة الاضواء التى حاورنى بها صديقى الصادق الرضى وقد تم نشر اللقاء هنا فى هذا المنبر....وخلعنى حتى الموت ذكرها للنك الدكتوره نجاة والذى على الرغم من عدم تعليقى عليه الا اننى قد استمتعت به كثيرا وتجولت فى رحابه.....وخلعنى انها ذكرت ان "رزاز كلامى ضربها" وانا لم اقرا مداخلتها حتى...ولا ادر عم تتحدث...وخلعنى انها عبرت عن شىء مثل " البورد العاجبك ده..." او ما يشابهه...وكاننى بوليس للبورد اتسقط فيه الاخطاء وادع الى فركشته..
وحتى بعد ان ابديت دهشتى ورطب على مشاعرى دكتور معز ...لم نبد رمن رجاء رمشة عين...
طبعا ما مخلوعه بقيت .....وصرت املك حق التفسير ...وفسرت!!!!!
المضحك شنو يا ملاسى؟؟؟؟
|
Post: #72
Title: Re: طرائف البورد
Author: Raja
Date: 09-23-2004, 03:42 AM
Parent: #71
الحبية تماضر..
لم | Quote: تبدر من رجاء رمشة عين... |
في البوست المعني.. ولكني رمشت في أمـــنــيـــة... حتى لا تتحول دفة بوست العزيز معز.. فهمتيني..
وعموما انا لم ولن أعتبرك في الطرف الآخر للنهر..
دام ودنا..
|
Post: #73
Title: Re: طرائف البورد
Author: Raja
Date: 09-23-2004, 03:52 AM
Parent: #72
تخريمة واجبة يا تماضر: ما براك الاتخلعتي.. انا زي ما بيقولو "اسقط ما بيدي"..
لووووووووووووووووول
صديقي اوسلي..
ســـلام..
سوري للتخريمات الغيًرت معنى البوست.. لكن المثل بيقول كان دار ابوك خربت.. والبوست اتخرب من بدري وبقى مافيهو طرافة..
لوووووووووووووول
|
Post: #74
Title: Re: طرائف البورد
Author: Tumadir
Date: 09-23-2004, 03:52 AM
Parent: #72
اااااااا
يعنى انا انضرب فى بوست المعز واجرى اتداوى فى بوست امنية
فعلا ده يبقى ملاسى عندو حق "من طرائف البورد"
لى قدام يارجاء العباسى....
لى قدام
ودام
|
Post: #75
Title: Re: طرائف البورد
Author: Raja
Date: 09-23-2004, 04:01 AM
Parent: #74
تماضر.. طرائف وغرائب وعجائب البورد..
|
Post: #76
Title: Re: طرائف البورد
Author: Tumadir
Date: 09-23-2004, 04:19 AM
Parent: #75
OOOOOOOOOOOOOOOOOOOh, yeah
|
Post: #77
Title: Re: طرائف البورد
Author: Hussein Mallasi
Date: 09-23-2004, 04:55 AM
Parent: #76
الاخت تماضر – ديكينز* – شيخ الدين
احترام و سلام
| Quote: فعلا ده يبقى ملاسى عندو حق "من طرائف البورد" |
يعني انتي كان عندك شك بالجد ....
*اتمنى ان لا يساء فهم ديكنز؛ و ان تكون غير ثقيلة على القلب؛
فهي رد على تحيتك الجميلة – يمين ما قاعد اتهكم – يومذاك؛
بتاعت احمد شوقي و كدا .....
و ديكنز طبعاً اشارة لمدينتهم و مدينتكم و قصة مدينتين
اجد نفسي حريصاً على تفسير كل كلمة؛ بعدد ستة سطور على الاقل
تفادياً لما قد لا تحمد عقباة من سوء فهم و سواه
____
لم يتم عبثاً تقديم الاحترام على السلام الوارد في مطلع هذا الرد؛
لذا لزم التنويه
|
Post: #79
Title: Re: طرائف البورد
Author: هاشم نوريت
Date: 09-23-2004, 05:13 AM
Parent: #78
ملاسى
دبايوا
فين صورة ابوك يا عجوز تخت صورتك وتقول دى صورة ابوى
ياخى قد....
خليك تفتيحة وقول لى يا ملاسى انت ناس ملاسى فى بورتسودان
عندكم بيهم علاقة ولا تشابه اسماء.....
اوع تقول لى شتمتنى اصلوا التحانيس وجس نبط الناس مش من شغلى...
|
Post: #80
Title: Re: طرائف البورد
Author: Hussein Mallasi
Date: 09-23-2004, 05:19 AM
Parent: #79
اقول ليك دبايوا و بلدينا و بطيخنا الصيفي
و تقول لي قرايبك ....
طبعاً قرايبي ياخي .... امال ابو الريش
و عمك صديق ضرار قرايبي كيف يعني ....
و برضو تقول ليكي تفتيحة يا نوريت ياخي
|
Post: #81
Title: Re: طرائف البورد
Author: bayan
Date: 09-23-2004, 05:27 AM
Parent: #80
بروفايل طريف
: هاشم نوريت
الحالة: .
عدد البوستات: 1280
تاريخ التسجيل: 23-03-2004
محل الاقامة: كندا
العنوان البريدى: Not shown
صفحتك الالكترونية:
Paltalk name:
اكلات مفضلة: الفول المصرى
الاسم الحقيقى:
التعليم:
التلفون:
الحالة الاجتماعية: Married
العنوان الدائم:
الفنان المفضل:
اللون السياسى: سودانى
النوع: Female
الهوايات المفضلة:
الوظيفة:
تاريخ الميلاد:
شاعرك المفضل:
عدد الاطفال: 4
معلومات اضافية:
مكان الميلاد فى السودان: بورتسودان
|
Post: #82
Title: Re: طرائف البورد
Author: هاشم نوريت
Date: 09-23-2004, 05:30 AM
Parent: #80
بينى وبينك يا ملاسى
كنت قايل نفسى تفتيحة لكن طلعت قادى عربى
الكبر دا ما كعب يخليك تخرم كتير طيب ما تقول لى
انت عارف خور اوجرين مو هيك.
صدقنى كنت من زمان احب اسالك لكن قلت ياود اتقل شوية
يمكن يفهمك الراجل غلط و....
الله يجازى محنك اقول اللسان دا لقاهو وين اتاريك قريبنا
وانا مسطح ....
وتحياتى لاعمامنا ابو الريش ..وصديق ضرار الرجل البركة
اشوفك ياقريبى
وانا كلامى فى السليم اوع تقول لى شتمتنى ولا شتمت ...جيرانى.
|
Post: #83
Title: Re: طرائف البورد
Author: Hussein Mallasi
Date: 09-23-2004, 05:55 AM
Parent: #82
ياخي ما تدونا حقنا تخلونا نمشي نشوف مصالحنا ....
______
ياخي = اوسلي و عووضة
تدونا = تعطوني
حقنا = المقصود ما تم دفعه مقابل شراء هذا البوست
تخلونا = تتركوني
نمشي = نذهب
نشوف = نرى و في رواية اخرى نشوف برضو
مصالحنا = ياها ذاتا مصالحنا؛ ما عندني ليها تفسير تاني
لذا لزم اللزوم
|
Post: #84
Title: Re: طرائف البورد
Author: Hussein Mallasi
Date: 09-23-2004, 06:19 AM
Parent: #83
المهم لا يسعني ان انقض هذة البيعة قبل ان اتي بشيء لحبيبنا معتز تروتسكي
فقد كتب بلير في بوسته
اضحك مع عادل ومعتز وتاج ..............وبليييير
مخاطباً معتز تروتسكي :
Quote: صوره معتز: صوره ملونه للفنان مصطفي سيد احمد
سالنا خبيرنا لشئون الاحزاب اذا كان عدم وضع السيد المناضل صورته الحقيقيه له علاقه بافكار الحزب الليبرالي السوداني الذي ينتمني له فقال الخبير: لا...لكن يبدو ان السيد المناضل عضو باسمه فقط في تلك الحزب..لكن فكريآ وعقليآ وقلبيآ ينتمني الي انصار السنه والذين يحرمون التصوير . |
فرد تروتسكي:
| Quote: ووصلت بيك الجرئه عشان تمشى البرافيل بتاعى يالص.. اصو فى حاجت كده نحنه بنخته عشان المغفلن الزيك وده يثبت انك فعلا زى ماقالوا الزملاء على صله بتلك الاجهزه الامنيه .. ومازلت غريزت السرقه بداخلك والتجسس.. |
|
Post: #85
Title: Re: طرائف البورد
Author: Hussein Mallasi
Date: 09-23-2004, 06:30 AM
Parent: #84
كتب السيد ود قاسم موجهاً حديثة لبت الاحفاد
و متهكما من غلطاتها الاملائية؛ و من رغبتها في الانسحاب
من المنبر الاتي:
Quote: تناذلى
لأستدار
لكنى لا وجود لى
محاباه
محاباه شخص فى سبيل الاخر
زات رأى مهذوذ
متعقدى تنبيه واحدا
تنبيه واحدا
لم احب
ويستسنى
الغابه
سأتناذل
تربيه اهلى
المهذله
حمايه ابسط
مضيعه للوقت
وحسره فى القلب
لزلك
لزلك اعلن تخلى عن عضويتى
واعتزر
بارك الله فيك ، ونفعنا بما تكتبين ،، آمل أن يستجيب أمين الموقع لرغبتك ، متمنيا لك حظا سعيدا |
Re: الرجاء من امين الموقع شطب عضويتى من البورد
|
Post: #86
Title: Re: طرائف البورد
Author: Tumadir
Date: 09-23-2004, 06:50 AM
Parent: #85
| Quote: يعني انتي كان عندك شك بالجد .... |
طبعا .......
|
Post: #87
Title: Re: طرائف البورد
Author: Hussein Mallasi
Date: 09-23-2004, 08:11 AM
Parent: #86
كويس .....
|
Post: #88
Title: Re: طرائف البورد
Author: Hussein Mallasi
Date: 09-23-2004, 09:25 AM
Parent: #87
محمد عثمان بكري ...
و ين يا منقا مسجل غياب ....
| Quote: ده انـت أخـدت سيـــك عديل وفي قبولك كمــان |
الاسنا الجد يامحمد انو مشاركتك في اي بوست تكون نمرة سبعين ...
|
Post: #89
Title: Re: طرائف البورد
Author: osly2
Date: 09-23-2004, 02:25 PM
Parent: #88
بدرالدين شنا
| Quote: وبعدين أنا بعرف لي شخصين قربو يعرسوا خلااااااااااص بقوا في الشكليات الأخيرة |
عبدالله
| Quote: لكن انقذهم توقف المسنجر000000000000000 |
كدا كدا يا المسنجر سايقها عبدالعاطي
|
Post: #90
Title: Re: طرائف البورد
Author: osly2
Date: 09-23-2004, 02:37 PM
Parent: #89
عادل عبد العاطى
Quote: وها قد حققت يا فتحي البحيري بعض اهدافك؛ وافلحت في استفزازي؛ فلتملا البورد الان بوستاتا؛ ولتغرق بها الصفحة الاولي والصفحة الثانية والثالثة؛ فهل بوستان اثنان هو كل ما يمكن ان تاتي به؟
يمكنك ايضا الشكوي للشعب السوداني والامم المتحدة وسكان مارس ونبتون؛ كيف ان عادل عبدالعاطي قد سالك عن كذبك؛ واجك لهم من فضلك كيف كالعادة تهربت وراوغت وبررت لنفسك ما لا يبرر. |
فتحى البحيرى
Quote: ما ليهو حق لكن
معليش
انت الكبير برضو
شكرا
عـــــــــُلم
هل لديك أقوال أخرى |
محمد عثمان بكرى
يــحـــلــك الــ..حــلا بــلـه
Re: لماذا يكذب الاخ فتحي البحيري ؟
|
Post: #91
Title: Re: طرائف البورد
Author: osly2
Date: 09-23-2004, 02:37 PM
Parent: #89
عادل عبد العاطى
Quote: وها قد حققت يا فتحي البحيري بعض اهدافك؛ وافلحت في استفزازي؛ فلتملا البورد الان بوستاتا؛ ولتغرق بها الصفحة الاولي والصفحة الثانية والثالثة؛ فهل بوستان اثنان هو كل ما يمكن ان تاتي به؟
يمكنك ايضا الشكوي للشعب السوداني والامم المتحدة وسكان مارس ونبتون؛ كيف ان عادل عبدالعاطي قد سالك عن كذبك؛ واجك لهم من فضلك كيف كالعادة تهربت وراوغت وبررت لنفسك ما لا يبرر |
.
فتحى البحيرى
Quote: ما ليهو حق لكن
معليش
انت الكبير برضو
شكرا
عـــــــــُلم
هل لديك أقوال أخرى |
محمد عثمان بكرى
| Quote: يــحـــلــك الــ..حــلا بــلـه |
Re: لماذا يكذب الاخ فتحي البحيري ؟
|
Post: #92
Title: Re: طرائف البورد
Author: osly2
Date: 09-23-2004, 02:52 PM
Parent: #91
دينق
Quote: الكوز احمد الريح.
انته امبارح كمال عباس مش قال ليك ما تخرب لينا البوست بكتابتك الشترة دي؟
ياهو هسع جيت تاني وخربت البوست ده برضه؟
انتو يا كيزان يا كافي البلا حبة زوق ساكت ما عندكم, ما ممكن دمك ده يكون تقيل كده وما عندك إحساس.
سخافة غريبة جداً. |
كمال عباس
Quote: لثقتي طبعا بنبل مقاصدك وحسك الوطني العالي أعتقد
أن هناك خلطا غير مقصود حدث في ذهنك بالنسبة للشخص
الذي أشتبك مع الأخ أحمد الريح والذي ظننت أنه أنافأنا لا أذكر أني كتبت مثل هذا الكلام عن أحمد الريحبالرغم من خلافي في بعض ما يطرح....
لذا لزم التنويه... |
دينق
Quote: الأخ/كمال عباس.
أسف جداً, الظاهر النمرة غلط.
لكن أنا متأكد جداً بأن هناك شخص حذر ذلك الكوز لكي يغير الطريقة التي يكتب بها.
أسف مرة أخرى يا عزيزي. |
دينق
Quote: الأخ/ عادل عبد العاطي.
أرجو التعامل مع العضو أحمد الريح, لأنه يستعمل طريقة للكتابة تخرب البوستات |
ليرتاح أبي في قبره ، وليمدد ح . ملاسي رجليه في المنبر ولتسعد بيانه
|
Post: #94
Title: Re: طرائف البورد
Author: osly2
Date: 09-23-2004, 05:47 PM
Parent: #92
سجيمان
Quote: تعجبني فرقة البالمبو.... الجماعة القاعدين يجلدو في الحطب والقرع ديك...وخصوصاالزول البي يدق في عيدان الطلح داك وهو ينقّز...
درب الحبيب.. رملة
نمشيهو بالقمــلة
....مستعجلين علي شنو؟.....تحية لوزارة المواصلات وطريق الانقاذ الغربي...وليهو حق الزول اللحس قروش الدرب دا..وشتت...ما دام ناسو مواصلاتهم قمُل....ووقت خلاص يطوروها يكَربو للقملة مكنة قرادة...ودرب السلامة للحول قريب... |
هضـــــــــراب....مــا بعد... الاضـــراب
|
Post: #95
Title: Re: طرائف البورد
Author: osly2
Date: 09-23-2004, 05:57 PM
Parent: #94
هوبفول
Quote: عنصريتك الكريهة
ومحاولتك تمثيل دور المظلوم ما عادت تجدي
ايها الناعق البومي
ابناء الجنوب اشرف من أن تتحدث أنت وامثالك بإسمهم
لقد انتهي دور الوصايه
وانقرضت صحفها
فهلا صمت صمتاً يرحم من تزج باساميهم فيما ليس لهم فيه؟
وكفى ما جلبته لهم من ساقط قول بشر أعمالك وأقوالك |
دينق
Quote: هوبلس.
من صفات الكوز أنه لمن ما يلقى مشكلى بقوم ببقى عدو نفسه. وياهو ذي حالتك دي عامل ليك معركة في غير معترك وبتشاكل في روحك. |
لاحظوا دينق بقى يتكلم اللهجه الشايقيه
Re: 11 يونيو و- كل هذا الإرهاب -
|
Post: #96
Title: Re: طرائف البورد
Author: osly2
Date: 09-23-2004, 06:16 PM
Parent: #95
النصرى امين
| Quote: (هذا البوست ليس للنقاش,,, وددت فقط ابداء راي) |
روضه
| Quote: ونحن وددنا فقظ أبداء رأينا فى رأيك. و أن عدتم بمثل (المساواة) بين الحابل والنابل عدنا و أن لم تود نقاشا |
بوست الكراهيه و الانحطاط
|
Post: #127
Title: Re: طرائف البورد
Author: osly2
Date: 09-25-2004, 06:40 PM
Parent: #79
بشاشا
| Quote: دي مسألة كرامة واصرار علي هويتي، بالنسبة لي |
حميده
Quote: وانت هويتك دي وقعت منك في النت .. !
مجرد سؤال ..
والله يا بشاشة ..
هويتك دي لو لقيتها واقعة في الشارع ..
برجعها ليك ..
يعني أعمل بيها شنو بس .. !!! |
رودا ...دينـــق....بشــــاشــأ
|
Post: #157
Title: Re: طرائف البورد
Author: osly2
Date: 10-09-2004, 07:27 AM
Parent: #70
جنى
Quote: هاشم نوريت
ودكتورك دا ليه ما أدوهو جائزة نوبل في الطب!!!!!!
ياخي الذباب بنقل التايفود والكوليرا والدوسنتاريا والرمد
بالله لوجاء ضيف وغمست ليهو الذبابة كلهافي الكوب وقدمت ليهو موش دا يبقى عدم ذوق
ياخي لوما قادر تشكك في السند حتخلي الناس تشك في المتن أو النص.
وبعدين عقدة الخواجة طوالي مافي دكتور مسلم يكتشف اللغز دا!!
أها والخواجة طبعا حيكون أسلم! |
كوستاوى
| Quote: يا جنى أنت الليله مالك عيونك مصفره؟ |
جنى
| Quote: مصفرة من قراية كلام الكتب الصفراء |
هكذا يكتشف الطب الحديث صحة احاديث الرسول صلى الله عليه و سلم
|
Post: #97
Title: Re: طرائف البورد
Author: اسامة الخاتم
Date: 09-23-2004, 06:26 PM
Parent: #1
كويس الاحنا ما ظراف......
|
Post: #98
Title: Re: طرائف البورد
Author: osly2
Date: 09-23-2004, 06:29 PM
Parent: #97
ود الخاتم بل راسك وأرجى ملاسى
|
Post: #99
Title: Re: طرائف البورد
Author: osly2
Date: 09-23-2004, 06:42 PM
Parent: #98
صديق الموج
Quote: بدر السمح...انا لو ما خايف من خشمك الخفيف ده..ولو ما خايف الجماعة يزعلوا منى
ولو ما خايف بكرى يوقفنى..ولو ما لو دى ذاتا بتفتح عمل الشيطان كان قطعت معاكم
وعشان ما بحب القطيعة..السبب كله من بت العباسى ام دقنوس الاسمها رجاء هى الحرضتم
ولو كلمتها وجات مطيرة شعيراتا وسالتنى،اخوك ببلع السيف متنى.. واقول ليها انا بدر
ده عمرى كله ما شفته الا فى التلفزيون ولى هسع شناتوا دى بسمع بيها سمع دحين الله
يستر علينا وعليك ما تكلم زول سمح يا السمح..والله انت يا ابو راسا غليد خلو مر
ما ينبل فى خشمك ..وشلاليفك الرهاف ديل ذاتن قوالة قوالة..وانا الله يغطى على وشوف
بوامتى الخلتنى اقطع معاك..وانور كنج طير مننا سجيمان لكن الفولة بتتملى وبكرة
الشىء بقيف وسجيمان انا عارفوا بوم ساكت..والله كان الماسورة خربت عندهم ما بعرف
يصلحها...وابو جهينة الايام دى بشطب فى الطابق الرابع وما فاضى ما صدق يعمل ليه
بيت فى العاصمة قام قاطعنا كلنا..اما خالد الحاج ده موسم التمر والناس قالوا شافوه
فى البركل يخرت فى السبيط ما تسمع بى هولندا دى وتقول سنة يا الاغتراب على الطلاق
الزول مزارع ابن مزارع ابن مزارع ابن مزارع وذو نسب فى المزارعين عريق واسال
ملكة سبا من كلامى..المهم انا ما بحب اغتاب الناس لانو لا احب ان اكل لحمهم حيين
او ميتين والله لو ما كده كان بشتنتهم ليك بشتنه،،، |
بدر الدين شنا
Quote: المحبوب صديق الموج
تعال نقطع معاك فيك
والله إنت زول حلو ودمك خفيف ومهترش بس عيبك بتفط سطر في الكتابة
عيني في صديق الموج واقطع في ضلو
بريد سااااااااااااااااكت |
تعالوا نقطع في البورداب الغايبين
|
Post: #100
Title: الانتخابات حقت عادل عبدالعاطى
Author: bayan
Date: 09-23-2004, 06:57 PM
Parent: #99
جازلوت
Quote: فليكن معلوما لدى الجميع انه مامن حزب سودانى ينال أي حظ من النجاح الا اذا حدثت فيه انقسامات ولذلك فاننى ابادر الى اعلان انقسامى من الحزب الخنفشارى السودانى واعلن ايضا و(باذن الله) تكوين حزب جديد باسم الحزب الخنفشارى السودانى القيادة الثورية
اما الانتخابات فانا ساقاطعها ليس لانها كعبة وماعارف شنو... ولكن لاننى لن افوز فيها فلاداعى للفضايح
منعم |
ود نفاش ودعايته الانتخابية
Quote: الكنية على وزن بنية
ود نفاش
الهواية: التزلج على الجليد
الشعار الانتخابي:
يفرق شنو طعم الحلو لو يبقى مر
العمر: 32 سنة
المؤهل الاكاديمي: مفصول من سنة 1995 لاسباب سياسية
لكن حاضر 300 اركان نقاش
الفنان المفضل: شعبان عبد الرحيم
الفيلم المفضل: ماتريكس ريلود
العربية المفضلة: كرايسلر بالذات اللون الزبرجدي
الجن: جني وجن أي حاجة حديسة
عضو مؤسس في المدرسة الخنفشارية
النكتة المفضلة : بتاعت الجعلي لمن قام جاري.. هاهاها
اولويات البرنامج الانتخابي:
مشكلة نقيط المواسير بدون سبب وجيه
منع الشفع من ارتداء ملابس كورة السلة في الديسكوهات
ظاهرة دبايب الحفلات.. وانعكاساتها |
حروب الخنفشاربة ضد الحداسة وما بعدها
|
Post: #101
Title: Re: الانتخابات حقت عادل عبدالعاطى
Author: bayan
Date: 09-23-2004, 07:02 PM
Parent: #100
دومة تمرى بثقلها مع الجازلوت
| Quote: لووووووووول القال ليك منو يا منعم ما بتفوز طالماانشقيت من ناس بيان ديل ح نرمي بكل ثقلنا المادي والمعنوي من خلفكم واكيد حتفوز لاند اسلايد فيكتوري |
الجازلوت
Quote: تقول والله ياحسين!!!
طبعا انا ماشغلتى بى
Quote: ثقلنا المعنوى
لكين
Quote: ثقلنا المادى
ده كيف ؟
يعنى مريشين تمام الزول يقفل عليكم؟؟
افيدونا سريعا حتى نلحق نستقيل من شغل الفندق دا ونتفرغ ليكم
منعم |
رد على حسين
Quote: Quote: ح نرمي بكل ثقلنا المادي والمعنوي من خلفكم
كدا يا دوووووووووووووب ما فزتا يا جزولي ...... الف مبروك يا خوي !!!!
ملاسى |
|
Post: #102
Title: Re: الانتخابات حقت عادل عبدالعاطى
Author: bayan
Date: 09-23-2004, 07:07 PM
Parent: #101
ابو الريش زعلان من غلطاتى
Quote: بيان،
فى أخطاء فى كلامط زى "حداسـة" ونحو اللميـة" الخ.. شنـو ما أدوكم جغرافيا فى المدرسـة؟ |
بيان ردت
Quote: كنت بس شاطرة فى التدبير المنزلى
واليوم كلو اغسل فى هدوم المدرسات
وأعوس للناظرة
عشان كدا بقت فى أخطاء فى كلامط |
ابو اريش رد
Quote: "أخطاء فى كلامط"
أو كى.. واحــد - صـفــر |
حروب الخنفشاربة ضد الحداسة وما بعدها
|
Post: #103
Title: Re: الانتخابات حقت عادل عبدالعاطى
Author: osly2
Date: 09-23-2004, 07:24 PM
Parent: #102
عباس
Quote: تماضر يا اختي
الشمار ده اخدر
دقيه ونشفيه
وختيه في راحت ايدك
وافتحي ايدك للهواء وخليه
وربنا يتم ليهم علي خير |
تماضر
| Quote: عباس: الشمار السيدو هارسو وفولو حارسو..ده بضروهو؟؟ |
بكرى الجاك
Quote: تماضر:
حقو تستفيدى من الوضع الدعائى
من سيدفق الشمار
T S
اجود انواع العطر الطبيعى
وطبعا مع الموضة بتاعة محاربة الاغذية المعدلة وراثيا بيكون فى حملة الى العظور المركبة كيمائيا و احتمال كبير ريحة الشمار تكون من الروائح الطبيعية, وطبعا انت عندك براءة الاختراع.
غربة:
تصدقى يا غربة انا عارف وانت ما عارفة
اثنى على مقرحك بتاع المسابقة الشمارية الاولى فى البورد |
.
جمال السنوسى
Quote: الشمار شمارك
اهدي لي من فضلك
كمشة من أخبارك
يا الحريص على سرّك |
الجندريه
Quote: العرس قبل الحرب احياناً
وله العرس قبل الحب احياناً
وله شنو هو
ياخواني كلموني في الماسنجر
وبحلف المصحف ما بفتو لي زول
روحي مرقت علي شكيتن / م
الميم الاخيرة دي تبع بكري والصادق ومراويد |
برطمانية شمــــــــــــار
|
Post: #104
Title: Re: الانتخابات حقت عادل عبدالعاطى
Author: Hussein Mallasi
Date: 09-23-2004, 09:57 PM
Parent: #103
كتب الاخ معتز تروتسكي في بوست الاخ محمد الامين احمد:
Re: أحكام بالسجن و الجلد و الغرامة بحق أطباء سودانيين مشهوريين و مطرب
وحقيقه ليس هذه المره الاولى التى يتم فيها هذا الاسلوب التافه تجاه بعض الشخصيات السودانيه المرموقه.. حتى ان بعض الذين من منهم فى هذه الحادثه قد مرت بهم تجارب تلطيخ للسمعه ..
سعى دوما نظام الخرطوم ان يعكس اى صوره لمعارضيه او حتى المحايدين..
وليس لدى مزيد من التعليق..
رغم كثرة الكلام..
وشكرا
فرد عليه حسين ملاسي:
الاخ تروتسكي
سلامات
لتسمح لي كالعادة ان اقتبس بعض من كلماتك
و لتسمح لي بأن استبدل نظام الخرطوم ب نظام البورد؛ لتقرأ الجملة كألاتي بعد التعديل الطفيف:
وحقيقه ليس هذه المره الاولى التى يتم فيها هذا الاسلوب التافه تجاه بعض الشخصيات السودانيه المرموقه..
حتى ان بعض الذين من منهم فى هذه الحادثه قد مرت بهم تجارب تلطيخ للسمعه ..
سعى دوما نظام البورد ان يعكس اى صوره لمعارضيه او حتى المحايدين..
وليس لدى مزيد من التعليق..
رغم كثرة الكلام..
وشكرا
|
Post: #105
Title: Re: الانتخابات حقت عادل عبدالعاطى
Author: Hussein Mallasi
Date: 09-23-2004, 10:01 PM
Parent: #104
و الما شايف الكلام الفوق دا طريف؛ ما مشكلة؛
لاني برضو ما شايفو طريف؛ الا انو في السلك ...
|
Post: #106
Title: Re: الانتخابات حقت عادل عبدالعاطى
Author: هاشم نوريت
Date: 09-24-2004, 05:24 AM
Parent: #105
الاخت بيان
دبايتو
حكاية البرو فايل دى طويلة وكل حد يكتب فيه زى ماعايز
بس طلبت من الناس اسمى مايغيرو والباقى على كيفم .
|
Post: #107
Title: Re: الانتخابات حقت عادل عبدالعاطى
Author: osly2
Date: 09-24-2004, 12:26 PM
Parent: #106
د.معز
| Quote: أمبارح جوني في العيادة تلاتة شباب في العشرينات دايرين دوا الهجر ده اكتبو ليهم |
سجيمان
| Quote: اها؟............كتبت ليهم شنو؟.....نعل مو غالي؟ |
Sidig Rahama Elnour
Quote: سجيمان الله يقطعك ، داير تعمل لينا مشاكل ياخي
قريت الكلام قدام المرة ، والله مرقت مادا بوزة التقول خاتا سفة وقالت سجيمان ما عندو زول يسالوا في البورد ده. والرجال ديل يمشوا وراهو.
الكلب ينبح علي ضنبو وجائي تلخبطا معاي ( الا هددتها بإستعمال الفيتو اقصد استعمال الضرب والهجر |
.
سجيمان
| Quote: قول لها سجيمان دا كضاااااااااااااااااب....ومخرف كمان |
واضــربوهــن واهجــروهن في المضــاجــع
|
Post: #108
Title: Re: الانتخابات حقت عادل عبدالعاطى
Author: osly2
Date: 09-24-2004, 02:20 PM
Parent: #107
بت الاحفاد
Quote: للضروره احكام فى بعض الاحيان, هذتنى الرساله التى وجهتها والده وزوجه البريطانى كين بيقلى وقررت ان اتجاوز حزنى للحظات واكتب هذا النداء, على ان اعود
لقوقعتى الا أن يقضى الله أمرا كان مفعولا |
علق زميلى فى السكن
| Quote: بت الاحفاد نزلت معرجه |
دعوه للدعاء للبريطانى كين بيقلى بأن يفك أسره
|
Post: #110
Title: Re: الانتخابات حقت عادل عبدالعاطى
Author: Hussein Mallasi
Date: 09-24-2004, 02:29 PM
Parent: #108
لا تؤاخذنا يا اوسلي2 ياخي؛
من زمان شابكنك اوسلي اوسلي اوسلي؛ بينما اسمك اوسلي2
لا حول و لا قوة الا بالله؛ غايتو الواحد ليهو
كم يوم شغال طبيظ ساااكت ....
|
Post: #111
Title: Re: الانتخابات حقت عادل عبدالعاطى
Author: تاج السر حسن
Date: 09-24-2004, 02:35 PM
Parent: #108
تعرف يا أوسلى دى كان معرجه بس كانت بسيطه دى معرجه ومصرجه، تعرف دى كيف؟؟
زى زول أنزل 3 أولاد و3 بنات و3 شياب.أقوم أجر ولد واغطيهو، وبت واغطيها وشايب وأغطبهو.
بعدين أجر جوكرين، لكن ناس اساسى ما أنزلو ليهو، عشان ما القى ليهو حته يغطى فيها، تقوم اللعبه تتدكا.... ده المعرج المصرج.
|
Post: #153
Title: Re: الانتخابات حقت عادل عبدالعاطى
Author: osly2
Date: 10-09-2004, 06:17 AM
Parent: #104
يازولyazoalيازول
Quote: تندهش ليه والقصة واضحة
هم عايزين الشغله فاضحة
تور هايج والقرن ناطحه
جيل مغفل وعقليه ساطحة |
نزار حسين
Quote: حاول فكّ نفسه وغيّر اتجاهو
شاف شارعا مضلّم وبالقاطوع وراهو
من كترة جرينا...الواطة بتزدرينا
بي بساط مصطرينا...
والناس المعاهو يكوركو وفي رجاهو
ابدل وطبعل لع...كسناه كسناه
المجلس دا طاير كم فرتق زراير
وربّات الحراير...ناكشات المساير
والهاكر مجقلب
عامل فينا مقلب
من شدة حياه...روحنا مكجناهو
ابدل وطبعل لا |
حميده
Quote: يا زول خلاص اعقل نميمك لمو
الزول النساك ان هرسك قطر مابهمُو
الدَابي الكمن في جنابي زارق سمُو
دوب للتحرق حشاك وتقول رمادك خمُو |
عضو مجلس حكماء سابق يفخخ نفسه
|
Post: #125
Title: Re: الانتخابات حقت عادل عبدالعاطى
Author: Abdel Aati
Date: 09-25-2004, 04:25 PM
Parent: #101
| Quote: دومة تمرى بثقلها مع الجازلوت |
تمرى كيف يعني ؟
|
Post: #109
Title: Re: طرائف البورد
Author: مراويد
Date: 09-24-2004, 02:29 PM
Parent: #1
قصة لود قاسم/ اللحيمر ،،، صبي حبوبتي أم العندو
ود قاسم
| Quote: حبوبتي أم العندو ، وكنا نناديها بحبوبتي ( عندو ) |
الممسوخ سجيمان
Quote: ال
Quote: ( عندو )
...دا منو؟
غايتو جنس شيل حال |
يا اخوى انت قريت طب فى سبعه بيوت و لا سعد قشره
|
Post: #112
Title: Re: طرائف البورد
Author: مراويد
Date: 09-24-2004, 02:39 PM
Parent: #1
أيها النساء، ارفضن المهر، وتمسكن بكرامتكن!
ياسر الشريف
Quote: سؤالك عن المهر سؤال ممتاز.. فأنت تريد أن تعرف حقيقة المهر في الزواج، وتريد أن تعرف الغرض منه وفائدته..
وقد أخرج الأستاذ محمود كتابا في حوالي عام 1971 اسمه "خطوة نحو الزواج في الإسلام"ولكن عظمة المشروع لا تكمن في تقليل المهر المادي فقط، وإنما في توفير شروط كرامة للمرأة وللرجل تمثلت في : أولا: حظر التعدد، والنص على ذلك في العقد، وثانيا: مبدأ التفويض، وهو أن يملّك الرجل زوجته العصمة، أي حق الطلاق، على أن يكون بيده كما هو بيدها، إذا فشل الحكمان في حل الشقاق الذي قد يحدث بين الزوجين.. |
سجيمان
Quote: دكتور ياسر
بارك الله فيك....دا الكلام
وعليك الله شوف لنا حاجة للشيلة..والحفلات... |
سيف مساعد
| Quote: كمان حاجة تاني البودرة البسوها في الوش دي تمنها يقطع القلب |
عاملوا الجمهوريين زى الترزى
بالله واحد مهر وتلاته شيلات وسبعه لباسات و خمسين تكه
الله يرحمك يا استاذ محمود، دى امه "السجيمانه" دى يفكروا ليها و لا يستشهدوا ليها
|
Post: #113
Title: Re: طرائف البورد
Author: osly2
Date: 09-24-2004, 02:53 PM
Parent: #112
عادل عبدالعاطي
Quote: العضو جمال عبدالرحمن - هوبفول-
تحية طيببة
بهذا فانا اعتذر لشخصك عن التاخير الطويل في تفعيل حسابك؛ وذلك بعد انقضاء فترة توقيفك التي انتهت يوم 16-09-2004؛ وقد قمت اليوم بتفعيل الحساب. |
سجيمان
| Quote: طيب...الح يدفع الفرق منو؟ |
زميلى بالمنزل
| Quote: حيخصم من ايقاف الشهر القادم .. معقول هوبفل يمر عليه شهر من دون ايقاف |
اعتذار للعضو جمال عبد الرحمن -هوبفول- !
|
Post: #115
Title: Re: طرائف البورد
Author: osly2
Date: 09-24-2004, 03:16 PM
Parent: #113
يازولyazoalيازول
Quote: كان اليوم الأول للتعريف مع كبار الضباط بدءا من ملازم أول الى أعلى رتبة فى الجيش (قوات الدفاع الجوى) ، فاجتمع هذا النفر الطيب فى قاعة كبيرة داخل ثكنات الجيش ، وكان منظرا عجيبا ، وقفت أنا مع الخواجة أمام كل هذه النجوم المتلألئة على الكتوف ، والتى تحدث نوع من الانبهار العجيب ، وهو يتكلم وأنا أترجم فوريا
حتى أتت لحظة عجيبة ، أراد الخواجة أن يثبت لجمع الضباط هذا ، عن قوة شخصيته وحتى يضمن الطاعة والولاء التامين له ، فقال لهم عن سياسته التى سيتبعها معهم ، أما من يخرج عن هذا الخط فانه سوف يضربه بالشلوت ( وطاخ ) ركلنى شلوتا معتبرا أمام هذا الجمع الكبير
فجاء دورى للترجمة ،
وقد تقمصتنى فى تلكم اللحظة شخصيتى (السودانية) بالكامل ، فقلت لهم المستر باب يقول لكم اذا خرج احدكم من خط سياسته التى ينتهجها فانه سوف يضربه بالشلوت هكذا (وطاخ) أرد للخواجة شلوتا (سودانيا) معتبرا |
،
حميده
Quote: الخال يا زول ..
والله انا ما عارف قصتك مع الشلاليت دي شنو ..
الظاهر كل البشوفك .. " رجله " بتأكلو ..
حتي في الحلم .. |
أمريكى يضربنى بالشلوت أمام ستين سعودى
|
Post: #114
Title: Re: طرائف البورد
Author: AnwarKing
Date: 09-24-2004, 03:02 PM
Parent: #1
Quote: بت الاحفاد
Quote: للضروره احكام فى بعض الاحيان, هذتنى الرساله التى وجهتها والده وزوجه البريطانى كين بيقلى وقررت ان اتجاوز حزنى للحظات واكتب هذا النداء, على ان اعود
لقوقعتى الا أن يقضى الله أمرا كان مفعولا
علق زميلى فى السكن
Quote: بت الاحفاد نزلت معرجه
دعوه للدعاء للبريطانى كين بيقلى بأن يفك أسره |
هههههههههههههههههههههههههههههههههههههههههههههههههه....
دا معاذ؟؟؟
انور
|
Post: #116
Title: Re: طرائف البورد
Author: osly2
Date: 09-24-2004, 03:22 PM
Parent: #114
انور لعريس .. سلام
صديقك معاذ استقر بفرجينيا ونصر الدين الان بالقاهره اما من علق
على كلام بت الاحفاد فلن اذكره خوفا من ان يلفت نظره خاصه وانه
لايتمتع بعضوية البورد الامر الذى يعرضه للعقوبه تحت بنود اللائحه كلها
|
Post: #117
Title: Re: طرائف البورد
Author: AnwarKing
Date: 09-24-2004, 03:26 PM
Parent: #1
طب هاكم دى...
ahmed haneen wrote:Quote: اخي عادل
سلامات تحايا
نسبة لخلافاتك السابقة في المنبر وقرارك بالتوقف
ومحاولات البعض المتاجرة بهذا الخلاف لتصفية خلافات
انت اعلم بها
الأخ عادل
دعوتي لك للعودة هي دعوة تختلف عما تقوم العضوة سارة منصور
فهي تصطاد في ماء العكر ،، وتحاول ان تكايد العضو خالد الحاج
وبقية الأعضاء الذين اختلفوا معها
الأخ عادل
طبعاكعادة البشر تراني اتفق معك كثيرا
وايضا اختلف معك في كثيرا من الأشياء وانت تعرف ذلك؟؟
لكن هذا الأختلاف والأتفاق ، لا يؤثر اطلاقافي رغبتي الأكيدة
في عودتك هنا،، لكي تثري المنبر بحواراتك ونشاطك وهمتك
التي لا يختلف عليها اثنان
واتمني عودتك بشكل جديد ،، وبعيدا عن تلك الخلافات والأستقطاب
الحاد، وبعيدا عن محاولات البعض للمتاجرة بنداء عودتك
نحن في الأنتظار اخي عادل
مع دوام المودة
|
رد shammashi:
البوست عنوانو راح...
أنور
|
Post: #118
Title: Re: طرائف البورد
Author: osly2
Date: 09-24-2004, 03:49 PM
Parent: #117
امانى السنى
| Quote: سميتنى امانى سيخة و لكن اتحدى من يدعى اننى سللت سيختى لغير مهاتر او فى بوست تثقيفى او اجتماعى اننى لا اسل سيختى الا لمن استمرؤا توجيه جبخاناتهم لكل من قال كفى |
محمد اشرف
Quote: يعنى برضو بتعترفى انو عندك سيخة و مستعدة تطلعيها
بالله عليكى السيخة دى دافناها وين؟ |
ود قاسم
| Quote: أرحب بك أماني وأمد عنقي للسيخة التي تحملين |
ملاسى
Quote: بس ما تمدها شديد يا خال .....
اضحك ياخي مش خلاص بقينا اصحاب من يوم الصور داك |
أرحب بالأخت أماني ســــــــــــيخة
|
Post: #119
Title: Re: طرائف البورد
Author: osly2
Date: 09-25-2004, 04:59 AM
Parent: #118
نصار
| Quote: سوف اصل Newcastle يوم 29/10 و ابقي فيها بأذن الله حتي يوم 3 او 4/10 و بعدها اتوجه الي لندن لاعود يوم 10/10 الي المانيا و اتمني أن اتمكن من لقاء جميع الاصدقاء و الزملاء الذين احمل لهم شوقا معتقا نمي و اورق في الوجدان،،، |
الزملاء و الاصدقاء في بريطانيا،،،،جاييكم علي اجنحة الشوق
|
Post: #120
Title: Re: طرائف البورد
Author: osly2
Date: 09-25-2004, 06:17 AM
Parent: #119
مياده
Quote: يالؤي ازيك
عندي سؤال، ممكن تجاوب لي عليهو؟؟؟ |
لؤى
| Quote: إذا كان سؤالك يلتزم بالقوانين واللوائح اعلاه فلا مانع عندى |
مياده
Quote: الاخ لؤي...
عايز النصيحة ولا الكظب؟؟؟ |
لؤى
Quote: الأخت ميّادة
ده السؤال ؟؟ |
مياده
Quote: يالؤي...
لما تحدد اجابة السؤال قول لي عشان انا كمان احدد اجابة سؤال |
لؤى
Quote: ميّادة حيرتينى
سأبقى فى انتظار سؤالك . |
وحتى اليوم لا مياده سألت ولا لؤى جاوب
إلى الجميع مع خالص إحترامى
|
Post: #121
Title: Re: طرائف البورد
Author: osly2
Date: 09-25-2004, 07:11 AM
Parent: #120
عمر الماحي
| Quote: ونطالبك أنت بتحطيم هذه الجرة (مسيلة اللعاب ) ماعارف ياأخي رمضان على الأبواب |
بدر الدين شنا
Quote: هسع أمانةً في ذمتك أخير ليك الجرة ولا الوش دا؟؟؟
قلت لي رمضان على الأبواب؟؟؟
أها صوم وصُر |
كدا كدا يا المسنجر سايقها عبدالعاطي
|
Post: #122
Title: Re: طرائف البورد
Author: osly2
Date: 09-25-2004, 10:14 AM
Parent: #121
بدر الدين شنا
Quote: في حصة الرضاة الأستاذة تقول ليهم
هي ياولد أرضع شطُر وفط شطُر
أو أرضع في نص الشطُر
همزة على الشطر
الله يجازي محنك يا سجيمان |
سجيمان
| Quote: غايتو يا بدر الدين.... اباريك كدي.. يوم انا وانت المسعولين في البورد بيلحقونا امات طه.....اوعى يطلع طه دا قريب واحد في المنبر ويودينا في دهاية؟ |
العقــاب..... بالرضاعـــة
|
Post: #123
Title: Re: طرائف البورد
Author: osly2
Date: 09-25-2004, 10:36 AM
Parent: #122
محمد امين مبروك
Quote: انور كنق خلي بالك انتا بديت تجنتر
والله تلحق الجماعة المشو قدامك
ومافي داعي لذكر الأسماء
عشان ما تبقى في شخصنة في الموضوع |
انور كينق
Quote: الله لا جاب الجنترة يا حبيب...
السياسة العامة : أديها بخور...خليها تفور...
بعدين يا اخوى..بقيت زى ابو ذر...بتقطع لى حبل افكارى كل مرة...
لا شئ شخصى... |
مراويد
Quote: حقو بدل كل يوم تجى متلب بالحيطه، نعينك هاكر رسمى هنا ونرفد ليك كل الناس الما عاجبنك
انحنا عندنا كم دكتور؟؟؟
و لا شنو يا انور المجنتر |
انا متفق مع الهكر : قراءة واقعية...
|
Post: #124
Title: Re: طرائف البورد
Author: osly2
Date: 09-25-2004, 04:11 PM
Parent: #123
سجيمان
| Quote: فئران الزمن دا...ماهن مودبات.....وما ساعلات......ما بيعرفن الكبير من الصغير...ومافي شي غايظني غير قلة ادبن دي......دايرات شنو من كرعين الناس؟......اللاخر كلو سكتنا لو.....سكتنا لي مُساكاكاتن.....وجريهن في نص البرندة...كمان جانا قريّض الكرعين ؟ الكرعين حِكن الرغيف؟......وكرعين منو؟... كرعين ناس مو هينين.....؟....الفار يقرّض الكراع.....ويجي فايت فوقك جاكي ويكورك القرضّة دي لله......... |
مـن دارفــور..... الي...دارفــار
|
Post: #126
Title: Re: طرائف البورد
Author: osly2
Date: 09-25-2004, 06:28 PM
Parent: #124
بشاشا
Quote: انا متاكد دماغ امثالك تحول الي ذائدة دودية من زمن لانو عاطل تماما عن العمل، بخلاف الحفظ والتسميع ذي المسجلات تماما.
بعدين انت لو"فاهم" كلام اسيادك ناس ابن العثيمين او بن باز او بن لادن، هو كلام ربنا، فاعلم ان ربي غير اربابك!
يا ببغان مابتقول علي فهم بشر مثلك ياكل الطعام ويتبرز مثلك، لي كلام ربنا باعتبارو كلام الله!
عرفت ليه دماغ الوهابي تحول لذائدة دودية؟
لانكم تدرشو او تطرشو، من دون هضم!
ذي ساعات الجيب زمان شغالين "بالزمبرك"! |
ايهم نجس: كلب السعوديين صدوح ام صوت المقهورين دينق؟
|
Post: #128
Title: Re: طرائف البورد
Author: Agab
Date: 09-25-2004, 07:32 PM
Parent: #1
Osly Nice Panorama
|
Post: #129
Title: Re: طرائف البورد
Author: osly2
Date: 09-28-2004, 10:49 AM
Parent: #128
كتب علوبه
Quote: فى جلسة طرب فى حى العرب(تلقى الدنيا باسمه والايام طرب)كان فى فنان ناشئ _
بداء اول اغنيه - قوم ياحمام ودى السلام جيب الريده
تانى اغنيه - حمام الوادى ياراحل
تالت اغنيه - ان حمامى
رابع اغنيه - ياحمامة الغصون
واحد ظريف قال ليهو يلا ادينا من البرج بتاعك ده اخر جوز
قام غنى ليهو - ياحمامه مع السلامه
وبالمناسبه حليل زمن الحمام وبرج الحمام
مره واحده فى حلتنا شافت ليها واحد شايل ليهو جوز حمام0قالت ليهو سجمى ياولدى العيان ليكم منو؟ |
أسمع الحمام ده00000يا000موصلى
|
Post: #130
Title: Re: طرائف البورد
Author: osly2
Date: 09-28-2004, 01:19 PM
Parent: #129
عثمان عوووضه
Quote: خضر الحبيب
انت راس السوط لحقك ولا شنو
هسى تلقى صلعتك لحقت كفة البنطلون بي ورا
نعمل ليك شنو اذا كان كملت رطوبة الامارات و جليد الدنمارك
برضو انت عفيت منك |
خضر عطا المنان
الحبيب : عووضة
Quote: انت خليني انا ونخلي الحكم لشيخنا سجيمان ( يلحقناوينجدنا !!! ) :
بس انت نزل العمة دي ولو سنتيمترات بس ؟؟
ورضاي عنك يا الحبيب فوق ما تدور وتدور ياسيدي ( تدور الاولي بمعنى تريد .. أما التانية فهي من عند العبد لله ويعني تدور حول نفسك خاصة امام المراية بدون عمة طبعا لترى !!! العجب العجاب !!! |
سيجمان
| Quote: خضر عطا المنان عليك الله ما تكتر من كلمة شيخنا دي..... اقوم اصدق نفسي ويعضيني فار |
يا فتــاح العمايــا... ابصلعتــن ضــوايا
|
Post: #131
Title: Re: طرائف البورد
Author: osly2
Date: 09-28-2004, 02:04 PM
Parent: #130
عمر الماحى
Quote: دا بوست ولا إندايا
الغريبة الناس الواقفة لمبة ديل بوستهم لذيذ ورايق
والناس الواعية برا خاتا قرض ....الحكاية شنو ؟ |
حبيب نوره
Quote: انت عارف واحد قال لي البوست دة انت كتبتوا
في قمـّة حظك... لأنو دة لو نزلتوا في زمن الشريعة
كان أدوك عليه خمسين جلدة والما يشتري يتفرج |
عرقــي العيش سوّاها فيناااااااااااااا وسكـرنا ورقدنااااااااا طينةةةةةةة
|
Post: #132
Title: Re: طرائف البورد
Author: osly2
Date: 09-28-2004, 03:22 PM
Parent: #131
عمر رجب
Quote: كدي شوف كان فى كتابة
واللهى أنت سجمان من غير كتابة
و من الفلس نسيت العلوم و الحسابا
أن شاء الله نعملوا ليك حجابا
و تنجح فى الأمتحان بدون جوابا
و لو غلط الأستاذ يقول صوابا
و البت تشوفك تبقا كبكابة
و ماتدفع فى المطعم و أطلب كبابة
و أدخل من الشباك ما من البابا
**********
أن شاء الله نعالجك بي سرعة
و نفووزك فى اللوتري و القرعة
و أشرب المحاية جوا الترعة
و لو أتشرقتا تانى أديها جرعة
*****
عارضك قريب ما أظنو يتفكا
زيد البياض ساعدني بالجكة
ما تنوم زي كمساري نام بالفكة
حس و أدي ........جيبك حكة
و الفكي ذاتو أسمو من الفكة
******
تجيني فرحان أخاليك تتبكا
جيب عصفور عمرو ما ركا
و أتر الحرامي أداهو سكة
و قميص جديد عمرو ماأتشكا
***********
و يا ريت تديني مع البياض شبكا
توديك و الشنطة عاصمة أومريكا
و نسفرك بوب مارلي عاصمة جومايكا
و نسفرك بدون جواز و ما عليكا
*****
بس أكتب .........الشيكة بالدولار
الجماعة ما بيحبوا الجنيه ولا الدينار
أدفع تلقا....... نفسك فى المطار
أياك الشيكا... تكون فيها تزوار
لأنو الفكي .....بيرجعك من المطار
أعمل حسابك.......... من التار
*********
و أحسن كمان تدفع كاش داون
و الله نتعاون معاك جنس تعاون
نعلي صوتك أوضح من الساوند
و أخاليك تشرب الدواء قبل الداء
و بدون تفتح خشمك تتكلم
و من حقنة البنسلين تمرجي ما تتآلم
و من الفكي ما من الأيام تتعلم
*******
ما تعضي لسانك ، عضي العرق
ما تنط فى الترعة لو صاحبك غرق
و ما تزعل لو السمك غرق
و ما تمرق الشارع الا بالمرق
****
أوعك البت الشينة تجكيسا
لو بكيت أعمل تقيل ما تحسسا
أوع كمان عيونك تحويصا
و حذارك الحجابة ترميهاو تملوصا
****
أملص قميصك الحجابة ما تملوصا
والنملة ما تعضيك حتى لو تقروصا
أكل النبق النبق بس ما ترقصا
نشوف العمل ......فى الخيرة
أياك من لحم الضب و الطيرة
أياك من الشورابات القصيرة
أيامك طويلة.... بس قصيرة
؟ . . ؟ . . ؟ . . ؟
نحن نعالج الضهر لو اتعسم
ومكنة اللوري لو ابت تتقسم
ونعالج كيف ....شعرك يتنظم
ونشغل الانبوبة بدون المنظم
هذا حجاب ضد الأسد
ماياكلا حتي لو مترصدا
ولو عضاكا دمك فسدا
ولو اكلاكا دا يكون حسدا
عندي حجاب ضد العقرب
ماتقرب منو لانو يضرب
ولو لقيتو جوه الزير ماتشرب
ولوعضاكا الموت ليكا اقرب
هذا حجاب ضد التمساح
اول اضربوا ......بالسلاح
اوبالنسلين تمرجي تاح تاح
واذا اكلاكا .. ماعومتا صاح
انا فكي الولهان بحب الترطيبة
وحبل البير........ نقلبو سبيبة
والعكاز نقلبو ......عديل سبيبة
والرقيص من ..نبق الي جبجيبة
وفي الكورة ........بفوز اللعيبة
عندي عرق .....حاجة عجيبة
واللهي تعضيهو تبقي طيب طيبة |
عمر رجب والفكي الولهان اغنية جديدة
|
Post: #133
Title: Re: طرائف البورد
Author: Tumadir
Date: 09-28-2004, 04:53 PM
Parent: #132
كتبت عشة بت فاطنه
| Quote: وهاكم واحد لطشتها حسي ف يالاجازة -قالو امو حنكوشة تسلم برموشة انا حبيت وليدها عشان خاطر قروشة .. |
|
Post: #134
Title: Re: طرائف البورد
Author: osly2
Date: 09-29-2004, 03:27 PM
Parent: #133
شمرهوش
Quote: الاخ انور والشباب حبابكم
اها يا انور يا اخوي كان جعتا بي بت الحلال تب اختها بدورها انا
بس شرطي الوحيد تكون من ذوات الدم الحااااااااااااااااااار |
انور كنق
Quote: الحبيب شمهروش...
وكمان عندك شرط...
والله ايامك منقة يا معلم... على قول عمنا خدر... واقع فى بير...ويقع فيك فيل |
موضوع العرس مرّة أخرى: تعديل مواصفات العروس
|
Post: #135
Title: Re: طرائف البورد
Author: osly2
Date: 10-02-2004, 02:34 PM
Parent: #134
بت الاحفاد
Quote: اها فتكم بعافيه, وحلفتكم بالله لو الخال ود قاسم جا
بيجاى وفتش عن اخطائى الأملائيه واللغويه مافى زول يسألو, انا ما بزعل منو لأنو هو برضو فى مقام أبى, وعارفه انو غرضو انو اتعلم العربى كويس, يلا |
ملاسى
Quote: انا عندي ليك اقتراح لحل مشكلة الغلطات الاملائية دي:
انتي بعد ما تكتبي الدايراهو كلو؛ ارجعي؛
و غيري جميع حروف الزاي لذاء؛ و جميع حروف الذاء لزاي؛
و بالطريقة دي؛ باقي الغلطات حتكون خفيفة و عادية و غير لافتة للنظر |
حسى البورد ده يدخلوه بياتو ناحيه
|
Post: #136
Title: Re: طرائف البورد
Author: Hussein Mallasi
Date: 10-02-2004, 02:55 PM
Parent: #135
كتب الاخ سيف مساعد علي في بوسته المقروء
العنصرية في هذا المنبر ؛تركي عديم اصل؛
"ولعلمك لايجمع بيني وبين العم حسين ملاسي اي شئ بل الرجل اخي في الوطن, وفي دستور حزبي ممنوع التفرقة العنصرية علي اساس لون او عرق او دين اوثقافة او سياسة."
"يحظي مني العم حسين ملاسي باسمي ايات الاحترام رغم اختلافي الفكري معه."
"لن اترك اخي ود قاسم يتمادي في الغلط"
|
Post: #137
Title: Re: طرائف البورد
Author: osly2
Date: 10-02-2004, 05:18 PM
Parent: #136
الاداره
Quote: الاعضاء والعضوات
سيتم من تاريخ اليوم نقل البوستات ذات الطبيعةالاستفزازية والمختلف عليها الي منبر الادارة؛ وذلك حتي يتم الحسم فيها؛ لان القوانين السارية الان لا تسمح بشطب البوستات دون موافقة كاتبها. |
حميده
Quote: يعني المشاكل تاني في النقطة .. !
والله ذكرتني بص امدرمان |
نقل البوستات المختلف عليها الي منبر الادارة
|
Post: #138
Title: Re: طرائف البورد
Author: osly2
Date: 10-03-2004, 06:22 AM
Parent: #137
زوله123
Quote: حمد الله على السلامة يا تاج
شفت دينق ورودا فيهم الخير كيف؟
بعد ما ترجع ليك معنوياتك باذن الله, ما تنسانا بشكلة كدة تكون مضبوطة, وانا على انفخ فيها |
تاج السر الحسن
Quote: دكتورة/ زوله (بى طوله) لاحوله
أنتى يازوله ماعارفه ساكت ، ناس دينق وروضه ديل (على الطلاء..) أقرب الناس لى ، بس هم أكتبوا الدايرنو ويخلو لى الشكل.
بعدين انتى كان دائرة شكله جد جد غيرى الثوب البنفسجى ودعم الأزرق ده لى أحمر وعينك ما تشوف الا (هلال مريخ). |
بوسـت بـــــــــس !!!!
|
Post: #139
Title: Re: طرائف البورد
Author: osly2
Date: 10-06-2004, 12:05 PM
Parent: #138
بروفايل الادارة
Quote: User Profile for الادارة
اللقب: الادارة
الحالة: لجنة المنتدى السودانى للحوار
عدد البوستات: 50
تاريخ التسجيل: 01-06-2002
محل الاقامة:
العنوان البريدى: Not shown
صفحتك الالكترونية:
Paltalk name:
اكلات مفضلة:
الاسم الحقيقى:
التعليم:
التلفون:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male |
توقعوا نزول بوست فى القريب مهنئا الادارة بالزواج
|
Post: #140
Title: Re: طرائف البورد
Author: osly2
Date: 10-06-2004, 01:00 PM
Parent: #139
تمبس
Quote: ياعم عثمان
داير اجرب اركب لي مكنة ( كوز ) عندي نية انزل السودان احتمال اللقي لي منظمة تلمني يدوني لاندكروزر ويفتحو لي حساب في البنك .. مش اخير لي من شحططة العرب دي وفيها احتمال يقرو كلامي ده ودفاعي عنهم وفيها يدوني وفيها يملحوني |
عثمان عووضه
| Quote: والله ياكا اللحقت عمك و اتملحت -- انا لي تلاتين سنة مملوح قلت اشرك بالبوست دا آخر ايدي- ياعشى البيت ياقطع الخيط - لكن الظاهر انو اصحابك ديل كشفوا اللعبة وحيطيروا علينا الصيدة نسوي شنو - انت امشي قدامي شوف جماعة اللاندكروزرات -اكان ادوك واحدة عليك الله ماتنساني انا حاجز ولدها البكر كان ولدت ركشة ولا امجاد كلو واحد وانايازول عليك امان الله رضيان باي واحد فيهم |
هشام امين متى تتعلم
|
Post: #141
Title: Re: طرائف البورد
Author: osly2
Date: 10-06-2004, 01:31 PM
Parent: #140
تاج السر الحسن
Quote: وختاماأتقدم بأقتراح جاد يقول:-
- أن يحدد (بوست) يومى (مثل طبق اليوم) يكون عنوانه (بوست) المشاكل والخصومات، بين أى عضو وزميل آخر ولباقى الأعضاء مطلق الحريه فى أن أن يدخلوا الي ذلك (البوست) وأن يعلقوا أو أن يبتعدوا عنه، أعنى أن يكن (بوست) لكل المشاكل لا يفتح غيره لأى سبب من الأسباب، حتى لا (يفر) الحمام، أو (الجنس اللطيف من النساء والرجال) كما تقول (تماضر).
- أو ان يحدد موقع خاص للخصومات أقصد (طلوع خلاء) و (يمتنع الحجازون) مثل مواقع طلبات الزواج |
عادل عبد العاطى
Quote: الاخ تاج السر حسن
لشد انا معجب ببعثك الثاني وصورتك الجديدة؛ اتمني استمرارها .
اقتراحاتك لطيفة واذا فتحت -هيك طبق - قياني داخل ... |
إستقالتي من أمانة منبر الحوار بموقع سودانيز اونلاين.كوم
|
Post: #142
Title: Re: طرائف البورد
Author: osly2
Date: 10-06-2004, 01:51 PM
Parent: #141
رودا
Quote: ماذا تعنى بالقوارير يانوريت؟
هل تقصد أن (المرأة ) قاروره؟ |
هاشم نوريت
Quote: اعنى كل خير لاخوات خيرات
واعنى تحذير كل من يحاول مسهن بسوء
واعنى بقائهن فيه خير لنا |
بكرى ابو بكر واستقالات القوارير..المنبر الى اين؟
|
Post: #143
Title: Re: طرائف البورد
Author: osly2
Date: 10-06-2004, 02:00 PM
Parent: #142
دينق
Quote: أريد منك أن توضح لي أكثر بماذا تقصد بعنوانك هذا؟
"دينـــــــــــق ليــــك يـــوم" |
هاشم نوريت
Quote: بالتاكيد سياتى اليوم الذى تجد فيه من يخرجك عن برودك
الشديد لان النساء بتنجب |
دينـــــــــــق ليــــك يـــوم
|
Post: #144
Title: Re: طرائف البورد
Author: osly2
Date: 10-07-2004, 09:20 AM
Parent: #143
مهاجر
Quote: ليس لي شيء مع اليسار بتاتا واذا سالت عن صراع اليسار معنا ستجد اليسار خارج اتحاد الطلاب السودانيين لسنين طويلة وممكن تسال اي تنظيم ابعدكم
بسم الله الرحمن الرحيم
يا سيدي انا من خريجي الهند ومن مدينة بونا والباقي معروف لو كان تنظيمك مركزي |
معتز تروتسكى
| Quote: فى وقت كان الاحرى لك ان تقدم قليل من الاعتذار او ماشابه اصبحتت تتمادى وتتمادى اكثر فى اطلاق ما يحلو لك من حديث غير متزن وفارغ ..من قال لك اننى من اصدقاء الج د ..هل اليسار متوقف على الج د ..وعلى اى اساس تسمح لنفسك ان تصنف وتضع كل شخص فى مكان تختاره ..لااستغرب منك ما دام انت كتبت عنوان بهذا البونط العريض لاشى يدعو للدهشه ان تفعل ما تفعل من سب وشتم وتلفيق ..ثم اننى الج د تاريخ وتنظيم يتمنى اى شخص ان يلتحق به لانه غنى عن التعريف اما انا به او لا هذا شى لااعتقد انه يخصك يا المهاجر |
امجد
Quote: مهاجر
من الواضخ تماما ان غبينتك شخصية اردت لها سببا كي تهاجم به اليسار و تمثلت السبب في في مشاكل عادل الاخيرة داخل البورد و هي مشاكل لا علاقه لها بيسار او يمين الا داخل مخيلتك المريضه
يا صديقي نحن يساريون و نفخر بذلك و اعتقد ان عادل عبد العاطي نفسه يفتخر بانتمائه لمعسكر اليسار العريض |
حبيب نوره
Quote: يا ناس وين روبرتو كارلوس هسة!!
بالجد الفريق دة ما محتاج الا لي طرف شمال
عشان نلعب بي خطة تروتسكي امجد أتنين
واللا شنو !! |
مهاجر
| Quote: حبيب ممكن اتمادي معاك في مهاترتك دي لكن بقول ليك شوف اشكالك |
ولا يخفى عليكم ان مداخلة حبيب نوره تدعم راى مهاجر
تخبط اليسار في المنبر ؟ وعداء غير مبرر لعادل عبدالعاطي
|
Post: #145
Title: Re: طرائف البورد
Author: osly2
Date: 10-07-2004, 09:32 AM
Parent: #144
لؤى ....... بلسان مرسلة الاميل
Quote: اها ياولدى حلفت قلت الا احكى ليك حلمى ده وماعندى اى مانع كان داير تنشرو لكن شيل شيلتك كان نشرتو من الادارة البقت تقطع زى ناس الادارة وقطيعهم . وهسه يقولو ليك انت زاتك زى سجيمان . لكن ياولدى عشان ماادخلك فى مشاكل ساكت كان اى زول نضم معاك اديهم ايميلى ده وانا بتولى امرهم . وسلم لى على ناسكم ديل كلهم . وكان نشرتو ممكن تسميهو المرا أم شنب ..
إعتراف .. (( انا ماراجل )) |
عاشه بت فاطنه
| Quote: لؤي اللهم اجعلو خير ، قبل ما اقول حاجة كدي النشوف بوستات الرجالة دي وينة..وبعد داك نرجع نحكي ليك حلمتنا ..ز |
لؤى
| Quote: اها انا راجيك ياعشّة تجى تحكى لينا .. واللهم أجعلو خير . |
وكعادة لؤى لا زال منتظر
ولا يبدو ان عشه بت فاطنه ستعود
الإيميل الأثبت لى إنّى راجل ونُص وخمسة
|
Post: #146
Title: Re: طرائف البورد
Author: osly2
Date: 10-07-2004, 09:48 AM
Parent: #145
المكاشفي الخضر الكباشي
| Quote: أين يقع هذا العضو (( البوع )) فى جسم الإنسان ؟؟ |
سجيمان
Quote: قالت العرب:-
الكوع....هو ما يكوع به الانسان..وهو راقد
اما البوع فهو ما يبوع به الانسان... راقدا.... او جالسا في طرف عنقريب او كرسي ما عندو ضهرية.... |
حنــكوش...و....جــزار...وبينهـم خــروف
|
Post: #188
Title: Re: طرائف البورد
Author: osly2
Date: 10-14-2004, 09:13 AM
Parent: #137
تاج السر الحسن
Quote: طرفة طبق اليوم:-
قالوا واحد مغترب رجع من السفر لقى أهلو اتصرفوا فى نصيبو من الورثه، فذهب لكاتب (عرضحالات)، كان مزاجو رائق وراشى (الواطه) قدامو والدنيا صباح.
أخونا المغترب قال ليهو: يا أخى اهلى اتصرفو فى الورثه وعاوز اقدم (عرضحال) للقاضى أثبت بيهو حقى ، لكن مادائر اسبب ليهم أزيه او أتلتلهم.
صاحبنا كان مزاجو رائق، قام ظابط ليك (عرضحال) ما حصل زيو.
لمن خلص المغترب قال ليهو اقرأ لى كتبت شنو؟؟
أها زولنا بدأ أقرأ ، لمن وصل نص (العرضحال)، أخونا المغترب قعد ابكى بكاء شديد، وقال ليهو
بالله انا مظلوم الظلم ده كله وما كنت عارف؟؟؟ |
طبق اليوم 14/10 (عادل عبالعاطى والبحيرى) والذين لا يعرفون نعمة الحياد !
|
Post: #214
Title: Re: طرائف البورد
Author: osly2
Date: 10-18-2004, 09:01 PM
Parent: #188
اين انت يا ملاسى ؟
|
Post: #147
Title: Re: طرائف البورد
Author: AnwarKing
Date: 10-07-2004, 10:59 AM
Parent: #1
Quote: معــــــــــــــــــــعقولة
ولا عفـــــــــــــــريت حايم.. |
ومازال ينتظر عفريتاً...
عبدالله الصادق الفحل فى : مساعدة يا عفاريت الكمبيوتر..
|
Post: #148
Title: Re: طرائف البورد
Author: osly2
Date: 10-08-2004, 06:13 AM
Parent: #147
شوفوا الاستعجال فى الكتابه
عشة بت فاطنة
| Quote: البنطون ياناس رفاعة والحصاحيصوسوق الشمش وست الشاي .. |
عمر الماحى
| Quote: يجب أن نعترف بنعصـــريتنا.......... وهذا هو الســـــبب |
الغريبه الاثنين عنواين بوستات
|
Post: #149
Title: Re: طرائف البورد
Author: AnwarKing
Date: 10-08-2004, 09:33 PM
Parent: #1
هاشم نوريت
Quote:
استاذ فرنكلى
دبايوا
هل تعنى النصرانية ام المسيحية
لان الفرق كبير بينهما. |
Frankly
Quote:
استاذ هاشم نوريت
الرجاء توضيح الفرق حتى اقول ماقصد
دبايوا دي ما فهمتها |
هاشم نوريت
Quote:
فرانكلى
دبايوا
قلت بانك لا تعرف دبايوا وانا اضيف بانك كتب عن شى لاتعرفة
|
ما تضايق يا دكتور... أهو بقيتو تدريسوها فى المدارس 
النصرانية
|
Post: #175
Title: Re: طرائف البورد
Author: osly2
Date: 10-11-2004, 07:55 PM
Parent: #149
Esameldin Abdelrahman
| Quote: واذ رحم الله امرء عرف قدر نفسه ، فانه يبدو ان العم او الخال ود قاسم لم يدرك ذلك حيث يلقي القول علي عواهنه دونما ادني تقدير لمشاعر الاعضاء او القراء |
تاج السر الحسن
| Quote: ما فهمته من حديث الأخ/ ودقاسم (وأتفق فيه معه)، ان هذا البورد تلاحظ البعض ليس لديه من فكر او طرح يفيد الأعضاء او المتابعين لهذا المنبر الأعلامى الخطير، فتجد البعض يتداخل على نحو من (المراهقة الثقافيه)!!! وصاحب العقل يميز. |
لقمان حسن همام
Quote: واذ رحم الله امرء عرف قدر نفسه
رحم الله امرءا |
هاشم نوريت
Quote: يا لقمان
دبايوا
براه على الراجل معليش طبعا هو كتب مؤيدا لكلام ودقاسم العنصرى
الفاشل حتى فى مايدعو اليه لان تاج كتب بانه لن يسمح لكل من يكتب
باللغة العربية الركيكة وقال بان هذا لعب عيال ولن يتهاون معنا
والراجل عامل فيها عربى هاك العربى دا |
هاشم نوريت
Quote: تاج السر
طالما تتفق وراى ودقاسم عليك بطرد ودقاسم الذى سقط فى ضبط
لغتة وكذلك انت والان غادرانا غير ماسوف عليكما....
وماتقطعوا الجوابات.. |
رسوب ودقاسم في اللغة العربية
|
Post: #150
Title: Re: طرائف البورد
Author: Ana Zaty Omdur
Date: 10-08-2004, 11:51 PM
Parent: #1
أورد أبوعرفه هذه الأخبار
| Quote: اعلن حزب الامة الاصلاح والتجديد بفض الشراكة التنفبيذية مع المؤتمر الوطنى والابقاء على السياسية وقد تقدم اربعة من الوزراء باستقالات جماعية لمدة 48 واربعين ساعة |
| Quote: الخرطوم في 8/10(سونا) اعلن المهندس عبدالله علي مسار والي ولاية نهر النيل ان ثلاثة عشر من الدستورين من حزب الامة الاصلاح والتجديد لم يتقدموا باستقالهم |
Quote: واكد مسار في تصريح (لسونا) أنهم قلبا وقالباً مع المؤتمر الوطني
قرر المجلس القيادي الفيدرالي لحزب الأمة الاصلاح والتجديد إستمرار الشراكة السياسية مع المؤتمر الوطني وفض التنفيذية مع الحكومة إذا لم يتم معالجة الأشكال وفقاً للمبادرة التي قدمها المؤتمر الوطني من خلال امانته السياسية. |
وتســأل أبوعرفه
| Quote: يا جماعة فى زول فاهم حاجة |
فرد عليه ياســر مكاوى
Quote: ما فهمته من هذا البوست أن حزب الأصلاح والتجديد ((المنشق)) من حزب الأمة سوف ((ينشق)) الى حزب جديد
........ وهكذا دواليك  |
من بوســت
الاصلاح والتجديد يفض الشراكة مع الحكومة واربعة وزراء يتقدمون باستقلاتهم
|
Post: #151
Title: Re: طرائف البورد
Author: osly2
Date: 10-09-2004, 05:55 AM
Parent: #150
تاج السر الحسن
Quote: هو بالله (البوست) ده ، فيهو وجبه دسمه للحد ده وانا ما جائب خبر!!!
الله أنعل البعد عن المشاكل.
توجيه بعدم نشر اى مواد من مواقع التخريب والاساءة في البورد |
تاج السر يندب حظه بعد ابتعاده عن المشاكل
طبق اليوم (9/10/2004)!!!!!!!!
|
Post: #152
Title: Re: طرائف البورد
Author: osly2
Date: 10-09-2004, 06:06 AM
Parent: #151
توما
Quote: حزن رقم 4
مرحوم ميت
نوع الحزن......
حسره علي وطن
تفاصيل الحزن.....
في ظلمه هذا القبر ما زال دمعهما يبللني .. بلادي وأمي
ارغب في مبادله حزني بحزن طفل وقعت منو حلاوه حربه في الطين |
بدر الدين شناه
Quote: فتحت عليك باب الحزن
الحزن دا برضو حقك ملصتيهو في بوست الفئران
طيب دا حزن وفي البوست دا عندك 7 أحزان يبقن 8 أحزان
يا ربي عاصم الحزين عندو كم؟؟؟ |
هواه تبادل الاحزان
|
Post: #154
Title: Re: طرائف البورد
Author: cola
Date: 10-09-2004, 06:40 AM
Parent: #152
قرجة في
عطاء لتوريد عكـــاز مضبب
Quote: ذات نهار ساخن اشتهى قرجة بطيخة ...وحيث انه كان جائعا جوعة شديدة راى ان يذهب الى حيث ينتج البطيخ ...جلس في ظل البطيخة مستريحا بعض الوقت .ووقف يتحسسها ويلف حولها ويحتضنها ..ثم استل سكينه ووقف والبطيخة تتجاوز حدود راسه بمتر تقريبا ..اوغر السكينة في بطن البطيخة فاذا بفيضان من عصيرها يغمر صاحبنا ويطرحه ارضا ...بعد ساعات انحسر الفيضان بعد ان ارتوت الارض واستحم صاحبنا بماء البطيخ اللذيذ .
وقف صاحبنا على حبة بطيخ سوداء يجفف ملابسه ويجعل منها مركبا يبحث به عن عكازه الذي فقده في فيضان البطيخة .
بعد مسيرة يوم كامل في مياه البطيخ الاطلنطي عثر صاحبنا على عكازه
ولكنه لم يرض بفعلة عكازه في ترك صاحبه يغرق حيث انه عكاز مجهز تجهيزا كاملا لانقاذ صاحبه حتى من الانقاذ زاتا ( شفتو كيف )
المهم اخونا عمل من عكازو مسواك يستاك به كل صباح ومساء بعد ان كان يحمله على قفاه صار يحمله في جيبه الصغير
ويبحث عن بديل جيد...ولا يهمه السعر |
ومن حبيب بلدو في نفس الخيط
Quote: يا قرجة الجاتك في عكازتك سامحتك
ومن ظاهر القصة الحكاية ما وقفت على العكاز طالما غرقت في موية بطيخة
وهكذا الحال يا قرجة المحقة وصلت اي حاجة حتى المليون ميل مربع يمكن بكرة يصبح مليون كلم2
طبعا سمعت نكتة المصارعة وبحكيها ليك تاني
قالوا عاملين مصارع دولية للقطط (الكدايس) وقالوا كديستنا التي تحمل علم السودان في صدرها صرعت كل كدايس العالم ووصلت للمباراة النهائية أمام كديسة الولايات المتحدة وفي اول خمس دقائق حسمت المباراة لمصلحتها ... ومع حيرة بطلة امريكا وزهولها من قوة الخصم قالت بطلة السودان مافي داعي للتعجب فأنا اصلا نمر بس من قل الاكل في السودان بقيت كدا...
المهم خايف عليك بكرة تغرق في فنجان القهوة شوف ليك غطاية قلم وغطاية ببسي اشرب فيها الشاي والقهوة
واعمل حسابك وأنت تقطع الطماطم |
ورد قرجة
Quote: حبيبنا وحبيب بلدو
حلوة حكاية كديستنا الجيعانة
Quote: المهم خايف عليك بكرة تغرق في فنجان القهوة شوف ليك غطاية قلم وغطاية ببسي اشرب فيها الشاي والقهوة
واعمل حسابك وأنت تقطع الطماطم
حلوة انو الواحد يشرب الشاي ( بالفريدة
)
ويقعد في البرش مدلدل كرعيه؟ |
|
Post: #155
Title: Re: طرائف البورد
Author: ياسر مكاوي
Date: 10-09-2004, 06:54 AM
Parent: #1
هاشم نوريت
في بوست الاستــــاذ كستـــــــــــــــــاوى
Quote:
IMG]file:///C:/Documents%20and%20Settings/Hashim/My%
20Documents/Sudanese%20Stuff_files/DALOKA.jpg[/IMG] |
دي طرفة تقنيه بحتة
|
Post: #156
Title: Re: طرائف البورد
Author: osly2
Date: 10-09-2004, 07:10 AM
Parent: #155
ابو قوته
Quote: وبكتوبو
الوال
بدل الشولة..
قول بالله
لا حولة... |
هل تعود أيام بوردنا الاولى ؟
|
Post: #158
Title: Re: طرائف البورد
Author: osly2
Date: 10-09-2004, 08:08 AM
Parent: #156
محمد الامين احمد
| Quote: بالغتو مع السعوديين ديل والله، حتى لهجتهم غيرتوها |
سجيمان
| Quote: نغير ابوها زاااتو.......حتى كمان قول لي سعودي البيض بالطماطم اسمو شنو؟....وما ترجى ردو...... لانو الجماعة حيقطعو اضنيك |
كـــن قـُــرادة..... تحتــرمـك القُـــرُود
|
Post: #159
Title: Re: طرائف البورد
Author: osly2
Date: 10-09-2004, 10:05 AM
Parent: #158
دكين
Quote: جميع الاصدقاء المعروضين لهذا المزاد على ظهر الميسنجر تم اختيارهم بدقة متصورة وتدقيق وافي..
كاملي الراي والمشورة..
كثيرون منهم يستطيعون ان يضئيو فؤادكم وبعضهم قد يغير في نظام الاشياء حولكم..
اصدقاء افتراضيون من سودانيزاون لاين..
بوردابيات اختفين في جنح الظلام إثر تهديداتٍ خواء ..
ليس بينهم من هو مدان او مصاب في عقيدته ..
ليس فيهم نمام او بهات او من ياكل لحم الناس ميتا فتكرهونه .. |
حسين ملاسى
Quote: انا بشتري المعروض اعلاة يا دكين بالسعر الشامل - الذي تقدره - على ان تحتفظ بجهازك
شرط ان تضيف عنوانك للماسنجر ...
اما الجوال فأتركه لصاحب نصيب اخر
اذ ليس من شيمتنا احتكار الجمال ... و الضياء |
دكين
Quote: تم قبول العرض المقدم من الاخ ملاسي ..
بس بدون شروط... ومسالة ضياء الفؤاد وبوردابيات الظلام التي قرض عليها ليست مسؤليتي لو ما جابت حقها ..
وانما امر هذا الضياء أن يقول له الله كن فيضي ..
وحتة الضلام دي ملاسي وامكانياتو بقى ....
يا وداها الضلام يا ضوت ليهو وانكشف امره .. |
اللهم ارحــم دكــين ..
|
Post: #160
Title: Re: طرائف البورد
Author: osly2
Date: 10-09-2004, 10:47 AM
Parent: #159
اوسلى
Quote: لما اموت حضروا نعشى
واكتبوا فوق قبرى
شهيد الحب قتيلك يا وداد |
خدر
اوسلي
Quote: اكتب فوق حيطه بيتكم بي خط كبير
احـــب وداد
فهي تستحق منك ذلك |
اوسلى
Quote: مولانا خدر ... ســـلام
اذا توفرت لديك فحمه ارسل نصفها لاكتب ما قلت وأكتب انت بالنصف
الاخر
انا مولانا خدر اشهد واقر باننى قد قدت اغرب محكمه فى التاريخ
انتهت بسجن احد القضاه |
الرســــالة الأخيرة .. الي بعض أصـــــدقائي
|
Post: #161
Title: Re: طرائف البورد
Author: osly2
Date: 10-09-2004, 01:13 PM
Parent: #160
بت الاحفاد
Quote: ولأننى على علم بأخطائى النحويه والأملائيه وأحاول تصحيهها بأذن الله, فقط اريد معرفه
رأيكم فى ما اكتب بدون مجامله, هل لا يوجدفيه شئ مفيد؟ هل لا تفهمون ما أود قوله؟؟؟ هل ما اكتبه يعتبر هراء فى نظركم؟؟؟؟ وهل تنصحونى بالتوقف من الكتابه فى البورد حتى تتحسن لغتى؟؟؟ |
سيف مساعد
| Quote: الاخت بت الاحفاد واصلي في الكتابة , الكل يفهمك , اما الغلك في النحو والبلاغة والاملاء وارد |
هاشم نوريت
Quote: بنت الاحفاد
سلامات
يجب عرض كتاباتك على ودقاسم وتاج السر ان وافقوا عليها بركة
وان رفضوها شوفى ليك محل تانى هنا المنبر للعرب وليس للسوانيين
فهمتيها . |
عايزه رأيكم بصراحه فى هذا الأمر
|
Post: #162
Title: Re: طرائف البورد
Author: osly2
Date: 10-09-2004, 01:31 PM
Parent: #161
smart_ana2001
Quote: العزيزه بنت الاحفاد
كلامك واضح جدا و مفهوم خالص . على الاقل (خالى ) من التلميحات. او كما يقال فى البورد(المطاعنات)
كلامك مفهوم جدا لدرجه ان بعضهم يتمنى خروجك نهائى من البورد
اكتبى زى ما عاوزه. |
سيف مساعد
Quote: smart-ana
تسلم اخوي بقينا نفهم |
عايزه رأيكم بصراحه فى هذا الأمر
|
Post: #163
Title: Re: طرائف البورد
Author: AnwarKing
Date: 10-09-2004, 02:55 PM
Parent: #155
DALOKA.jpg
ههههههههههههههههههههههههههههههههههههههههههههههههههههههههههههه
دى قلبو فيها هوبة يا مكاوي...
لووووووووووووووووووووووووووووووول...
أنور
|
Post: #164
Title: Re: طرائف البورد
Author: AnwarKing
Date: 10-09-2004, 03:46 PM
Parent: #1
osama elkhawad
| Quote: ان الشباب (خاصة الفتيات) قد يجدون حرية أكثر في التعبير كتابة، أو حتى قولا، عن جنسانيتهم بلغة أجنبية وأن اللغة العربية قد تشكل إعاقة وذلك لأن المفردات الجنسانية والجنسية في اللغة العربية لم تتطور |
MaxaB
Quote:
والله همك بارد يا حبيب .. أهلنا ما بقولو .. أهلنا بنفذوا بس !!
و الدليل حسي دايرين لغة تحل مشكلة الأيدز .. يا حليلو محمد أحمد الراجيكم .
|
إيمان أحمد...
Quote: وسأعود بالتأكيد لهذا الموضوع الشيق، المحتشد بالتساؤلات!
لك تقديري العميق
إيمان |
وحتى الآن لم تعد إيمان!
كيف نقول الجنس عندنا وهل لدينا لغة للتعبير الجنسي؟
|
Post: #165
Title: Re: طرائف البورد
Author: aboalkonfod
Date: 10-09-2004, 11:32 PM
Parent: #1
قال: الأستاذ: البقول نكتة بايخة ليهو هدية !!
رد الكنفد: كان في نملة أب ريش طلعت الجبل
الأستاذ: عظيم .. هاك الهدية، أها نكتة تانية؟
الكنفد: كان في نملة أب ريش طلعت الجبل !
الأستاذ: ما قلتها
الكنفد: لا دي واحدة تانية !!!
(بس خليها بيني وبيني فقط)
مع الاعتذار للأغينة ...
|
Post: #166
Title: Re: طرائف البورد
Author: cola
Date: 10-10-2004, 01:17 AM
Parent: #1
قرجة قال
Quote:
تماضر
يا زمن وقف شويه
واهدي لي لحظات هنية
وبعدها
تررررررلم
وبعدها
شيل مني نبقي وشيل وباقي دومي
شيل ناس هناي ديك الكرهونا شيل ناس هناية كمان الاشتكونا
وديهم هناك بورد الادارة يجعرو فوق بعض كفاية يااخ ما قبضونا |
|
Post: #167
Title: Re: طرائف البورد
Author: osly2
Date: 10-10-2004, 05:02 AM
Parent: #166
aboalkonfod
Quote: تلحقني وتنجدني .. بي بركاتك .. أخوي الجنا المطوفش
الشاعر قال:
تموت الجمال في الصحاري هملة سااااااااكت .. والرعاية والعناية
والتدليل .. والتدليك .. تلقاها الكلابُ - إنتهى قول الشاعر -
زمااااااان كان دخول الحمام ما زي خروجو .. عيلي الزمن العلينا
دة .. بقن وااااحد !!
تدخل وتمرق .. تمرق وتدخل .. تاني تدخل وتمرق .. زي الفأر الموسوس
لا كديس .. ولا سنجاب يشتغلبك الشغلة .. لمن تغلبك الحيلة تعمل فيها
(فأر ميت .. رسمي وشعبي)
تقلب (الهوبا) .. تنطط .. تصرخ .. تجعر .. تقلب الطوبا .. (هههههه) تعضي العقرب في ضنبا .. ناس قريحتي راحت .. يعملوا فيها عميانين
وطرش .. (الطرش يا يابا اليحاحو بالسماعات).
تمشي الحداد .. لا الصايغ .. تنسجلك قفص .. تهندسو .. تجملو .. تضربو
أورنيش .. تكب كل (شرتيتك وكنزبتك) فوقو .. لمن أهل القدح يعرفو حاجة .. تربي شنبك .. تفريشو .. وتسريحو بكل أنواع الأصباغ والكريمات والمزينات والمجملات والمطهرات والمطولات والمسودات .. يغنوبو البنوت فوق الدلوكة:
(الكنفد) التش .. مالو ما جا
الشنبو حش .. مالو ما جا
الشنبو حش .. مالو ما جا
دة التشانا .. تش مالو ما جا
بعد دة مافي (قرد) يشتغلبك الشغلة .. التقول طالبون مغصة !!
جيتك الليلة يا أخوي (المطوفش) فيشان تنصفني !!
سوي الواجب فوقي
أخوك/ كنفد |
سجيمان
Quote: اخي ابا القنفد
هون عليك يا اخي
هذا عصر السحالي
كُن سحلية.... تجد الرعاية
وكيف يرعوك وانت مقفند؟
هذا عصر الزواحف
كن زاحف عل ركبيتك تجد العناية
اياك وان تخرج راسك من جرابه
السيف والسياف والنطع بالباب
انه عصر ابا القدح
احمل قدحك.... تجد من يحترمك
وابو القدح يعضي اخاه.. في الجهة الشمالية الشرقية
من بوعو......
هذا عصر العاهرات
لا تكن عاهره.....
ولكن حاول ان تكون قواداً
تدين لك الدنيا |
أخوي الجنا المطوفش (سجيمان) ... ألحقني .. إتهمشت لمن إتهشمت
|
Post: #168
Title: Re: طرائف البورد
Author: osly2
Date: 10-10-2004, 05:26 AM
Parent: #167
ود قاسم
| Quote: كثيرون هم الذين يجب عليهم مراجعة ما يكتبون ، وكثيرون يجب عليهم أن يتوقفوا فورا ، وكثيرون يجب عليهم أن ينتبهوا إلى بعض أخطائهم |
عادل على
Quote: عذيذي ود غاسم،
شكرن علي الحديس الفيهو فايدة.... ولاكن اتمني يا عذيذي ان يفهمة هاوءلائي ألزين يملئؤون المنبر ضجيجاً يوميا خاوياً كله سطحية وخرافة وركاكة.
مع الود، |
فيروس يضرب المنبر الحر
|
Post: #169
Title: Re: طرائف البورد
Author: Outcast
Date: 10-10-2004, 07:13 AM
Parent: #168
جنى ل د.معز:
Quote: دكتور معز
يا خوي إنت وزارة الداخلية حقتكم ما قاعد تمشط البورد !!
والله نحن الإستعمار الوطني بتاعنامكتمنا النفس.
بختكم اللاقي الهوا يضرى عيشو
جني |
حنى:
Quote: دكتور معز
يا خوي إنت وزارة الداخلية حقتكم ما قاعد تمشط البورد !!
والله نحن الإستعمار الوطني بتاعنامكتمنا النفس.
بختكم اللاقي الهوا يضرى عيشو
جني |
جنى مرة ثالثة:
Quote: دكتور معز
يا خوي إنت وزارة الداخلية حقتكم ما قاعد تمشط البورد !!
والله نحن الإستعمار الوطني بتاعنامكتمنا النفس.
بختكم اللاقي الهوا يضرى عيشو
جني |
د. معز:
Quote: جني،
الظاهر الجماعة مراقبينك وانت بتقرا في البوست ده..
وظاهر عليك تتلفت جاي وجاي لامن دست الماوس تلاتة مرات من شدة الخوف.. والله يستر يا جني الليلة عكازك ده يقلعوه منك ويدوك بيهو في نص راسك ويطيروا ليك باقي الجن الفيهو..
|
حكايتى مع الصحفية البحرينية الجميلة سماح ..
|
Post: #195
Title: Re: طرائف البورد
Author: osly2
Date: 10-16-2004, 07:07 AM
Parent: #168
جني
Quote: zola123
رمضان كريم
انتي 123 دي شنو لا لامة في تاريخ يوم ولا شهر ياربي يكون عمرك!!
نكتة حقيقية
زمان كنت في المدرسة لايوق زي حسين ملاسى اي زول شابي ليهو في حلقو
استاذ الدين كان بدرسنا حكمة الصوم ومغزاه ومابستفاد وهلمجرا
على التعترو و تعترني قال من فوائد الصوم إنه الأغنياء بحسوا بي
حرمان الفقراء
قمت أنا حسين ملاسى قلت ليهو يعني يا أستاذ الفقراء ما يصوموا!!
طوالي راح ملصق لي كف صاموطي وقال لى إنت بتفهم احسن من الوضعوا الكتاب دا!!
ومن يومها إزداد إعجابي بأساتذة التربية الإسلامية!!
في الصميم
صيام الدهر حرام!
جني |
|
Post: #170
Title: Re: طرائف البورد
Author: AnwarKing
Date: 10-10-2004, 08:36 AM
Parent: #1
فتحي البحيري...
ثمانية عشر شهرا ،وسودانيز اونلاين ، وثمة ما يقال ، وتجربة
رجاء العباسي:
Quote: العزيز فتحي..
كل 18 سنة وأنت بخير..
|
|
Post: #171
Title: Re: طرائف البورد
Author: osly2
Date: 10-11-2004, 03:28 PM
Parent: #170
رودا
| Quote: ليتنى استطيع ان اجد مدفعا أكبر ، يطلق كلمات اكبر من مقزز على من (ينمط) أى من افكار العنف ضد المرأه، ومقزز على من تجر العنصريه فى دمه، او دمها طبعا |
تاج السـر الحسـن
| Quote: *** شنو رأئك نسلفك مدفع رمضان اصلو قرب |
محاولة تحليل ذاتى حول "لماذا اشعر بالتعاطف مع سجيمان؟؟"...وليس مع رودا
|
Post: #172
Title: Re: طرائف البورد
Author: osly2
Date: 10-11-2004, 03:45 PM
Parent: #171
aosman
Quote: وتقوم تلك التكنولوجيا بتحريك المؤشر وفقا لمسار الأنف مع تحرك الرأس من جانب إلى آخر.
وفي الوقت نفسه يقوم برنامج رصد الحركة بالتركيز على حركة العين، إذ غمزتان من العين تعملان بمثابة أمر تشغيل للنظام. |
newbie
Quote: شكرا aosman
فكرة مجنونة
لو عايز تعمل Minimize للصفحة تصر عينك الليفت |
مخترع يطور نظاما لتصفح الإنترنت باستخدام الأنف
|
Post: #173
Title: Re: طرائف البورد
Author: Raja
Date: 10-11-2004, 03:55 PM
Parent: #1
أوسلي:
Quote: الحبيبة رجاء
ارفعى عنى البلوك |
رجاء:
Quote: هههههههههههه ههههههههههه
تصدق يا أوسلي ما قدرتا أزعل منك..
حاااااضر.. عيوني الأربعة.. |
مـسـيـنـجـر عـلـى الـهـواء..
|
Post: #174
Title: Re: طرائف البورد
Author: osly2
Date: 10-11-2004, 04:41 PM
Parent: #173
هاشم نوريت
Quote: استاذ دينق
دبايوا
عندى سؤال كلمة منافق دى جبتها من ياتو قاموس
وياريت تفسرها لينا عشان البوست حلو. |
رودا
Quote: ودى كمان دايره ليها تفسير يانوريت؟
أن تكون (وهابيا) و تقول انك تنادى (بالسودان الجديد) هو النفاق يمشى على رجلين. |
هاشم نوريت
Quote: رودا
دبايتو
فينك يا استاذة مشتاقين.
اشكرك على وهابيا دى لانهم قامات وشرف لا ادعية وصفك لى بانى
وهابى قلادة افتخر بها واسال الله ان يجعلنى من اهل التوحيد.
وبعدين السودان الجديد لك فيه فهم ولى فهم فيه تعيشى وتاكلى غيرها. |
القرضاوي الشيخ المنافق الضلالي واغتصاب البنات بدارفور.
|
Post: #176
Title: Re: طرائف البورد
Author: هاشم نوريت
Date: 10-11-2004, 08:04 PM
Parent: #174
اوسلى2
دبايوا
صدقنى الليلة ضحكت من جو قلبى ضحك لى زمن ماضحكت وماكنت متابع
بوستك دا وبكترت الضحك قربت امسح بوست معين لان الفرح ينسيك همومك
وبارك الله فيك وفى المشاركين.....
طبعاالبورد تحدث فيه طرائف كثيرة واحيانا مكاواة بين الناس
وتسلم اخى.
وصية صغيرونة تابع مداخلات دينق.
|
Post: #177
Title: Re: طرائف البورد
Author: Ahmed Alrayah
Date: 10-11-2004, 08:19 PM
Parent: #176
... أراد صاحبنا أوسلي الإشارة لاستعجال البعض في كتابة عناوين مقالاتهم فكتب...
Quote: شوفوا الاستعجال فى الكتابه
عشة بت فاطنة
Quote: البنطون ياناس رفاعة والحصاحيصوسوق الشمش وست الشاي ..
عمر الماحى
Quote: يجب أن نعترف بنعصـــريتنا.......... وهذا هو الســـــبب |
ثمّ عقّب أوسلي نفسه قائلاً...
| Quote: الغريبه الاثنين عنواين بوستات!! |
هذه من طرائف طرائف البورد !!
أحمد
|
Post: #178
Title: Re: طرائف البورد
Author: osly2
Date: 10-12-2004, 06:25 AM
Parent: #177
احمد الريح
دى قروها اكتر من 900 شخص مافى زول لاحظ ليها .. أنا ذاتى مريت
عليها عدة مرات دون ان الحظها
هاشم نوريت
سيبنى اتابعك انت دينق ملحوق
|
Post: #179
Title: Re: طرائف البورد
Author: osly2
Date: 10-12-2004, 04:14 PM
Parent: #178
هاشم نوريت
Quote: تاج السر
دبايوا
ليه شردت من البوست بتاع اللغة ولا ظهر ليك قلة علمك وما قلنا ليكم
خلو خلق الله وشوف نفسكم ما علينا برضو الهرب نوع من الدفاع عن النفس
وكتبت ياسيد بانك تقدم فكر ان كان الفكر الذى نقراه فى بوستاتك من
راسك انا ما عندى مانع اخسر فيك تذكرة الدوحة الفلوجة (يعنى اديك التذكرة) صدقنى اسهاماتك حا تكون افضل بعد اليحصل |
تاج السر الحسـن
Quote: الحبيب هاشم
الأخ/ عمر رجب معظم مداخلاته با لأنجليزيه المعربة وقد تم ترشيحه الشخصيه المثاليه لهذا (البورد) ولقد حظى بأجماع كبير.
يا سيدى لا تحاول أن (تتمسح) بأنحياذ ساذج ضد اللغة العربية والمتحدثين بها (فكلنا نوبه) فى النهايه. |
هاشم نوريت
Quote: من اول مداخلة ليك كلمتك بانك ماشى الثورات والحافلة ماشى الجريف
ولس مصر ماتنزل خليك قاعد النفرجك على الرياض ما اصلوا الفرجة ببلاش |
.
تاج السر
Quote: دبايو هون عليك ولا تزعل اللهم اهديك ويجعلك صوفى بركة شهر رمضان.
طيب انا راكب غلط أنت أركب صاح عشان (الباص) أدور
وبعدين ناس الكورة قالوا الباص الخطأ أرجع من حيث اتى. |
طبق اليوم 12/10/2004 !!!!!!!!
|
Post: #180
Title: Re: طرائف البورد
Author: osly2
Date: 10-13-2004, 06:22 AM
Parent: #179
تاج السر الحسـن
Quote: طرفة طبق اليوم:-
قالوا واحد عازم ليهو جماعة غداء ، ومن بين المعزومين جار له بالحى.
العزومه كانت تتكون من (ديك) موضوع على وسط (صحن) كبير يمتلؤ بالشوربه.
المعازيم جميعا يحاولون أن يأخذوا من لحم الديك فيفشلون، يجرون واللحمة لا تنقطع مثل (البلاستيك)، فيستحون ويتركون اللحم وبشربون من الشوربه، حتى قاموا جميعا وتركوا (الديك) كما هو.
بعد يومين تلاته جاء أبن الجار خوالى الساعة أثنين بعد الظهر، وخبط على باب جارهم، وعندما خرج له ابنه، قال له:-
ابوى قال ليك كلم ابوك قول ليهو جونا ضيوف فجأة، سلفونى ديكم (نغديهم) ونرجعوا ليكم. |
طبق اليوم 13/10/2004 م !!!!!!!!!!!
|
Post: #181
Title: Re: طرائف البورد
Author: osly2
Date: 10-13-2004, 01:30 PM
Parent: #180
سجيمان
Quote: حسي عليكم الله دا بوست زول يدخلو؟......والله شنو ؟..... والله نضمي دا ما اياهو؟؟؟؟؟
رجال كُباااااااار.....الواحد فيهم
يتلبد...ويتبا....ويتلفت....وتووووووش يجي داخل......
ونسوان الواحدة فيهن بناتا فتوات.... وبقن عرس..... تبلع ريقي....وتكون ابتسمت بسيمة صغيرونة....وفي سرها... الله يخدر ضراعك يا سجيمان
وتتحكر سمح في الكرسي وتجي داخلا توووووووش برضو.... |
انا ذاتى امدر
Quote: رودة وين إنتى يختى ؟؟؟
تعالى بصى شوفى سيجمان بعمل إيه |
حــدثَ في ليــلة الدُخــلة......."قلنا تخمو الرماد"
|
Post: #210
Title: Re: طرائف البورد
Author: osly2
Date: 10-17-2004, 08:10 PM
Parent: #178
Ahmed Alrayah
Quote: جمال ورجاء
رمضان كريم، وكل عام وأنتم بخير
تعرف يا جمال،
نظرت لمقالك من ناحيتين،
الناحية الأولى
الحضور التلفزيوني لدى المذيع (أو المذيعة) السوداني وخاصة في برامج المنوّعات، أذكرقبل عدة سنوات -وكنّا نتأهب لاستقبال عيد الفطر- أنّ برنامج التلفزيزن ليلة العيد امتدّ حتى الساعات الأولى من الصباح، فإذا بعبقريّة المذيع -ومافي داعي لذكر أسماء- تتفتّح عن مخاطبة (المشاهد الكريم) بقوله: عزيزي المشاهد، الساعة الآن الثانية من صباح الغد !! علّق أحد الحاضرين معي يومها بأنّ المذيع السودانيّ (سابق لأوانه) ! أمّا عن مقدّم البرامج الرياضيّة الذي وصف المباراة التي سيعرضها التلفزيزن (بعد قليل) بأنّها (شبه حيّة) لأنّها لعبت بالأمس فحدّث ولا حرج! والأمر لا يقف عند مقدمي البرامج وحدهم بل يتعداهم لضيوفها! استضاف حسين خوجلي ذات مرة (أحدهم) في برنامجه الشهير أيام لها إيقاع وكانا يتحداث (وحسين يتحدث اكثر!) عن السيرة النبويّة العطرة، فما كان من الضيف يومها -وبرضو مافي داعي لذكر أسماء- إلا أن قال: تعرف يا حسين ياخوي، الرسول ده كاسر فيني ضـُـلعة!! كناية عن فرط حبّه له، وعجبت يومها أنّ هذه العبارة بهذا البرنامج المسجـّـل قد مرّت على المونتاج والأخراج دون حذفها، والقائمة تطول ولو كنت مقيماً بالسودان متابعاً لبرامج تلفزيونه لأتحفتكم يوميّاً بمثل هذه القفشات (غير المقصودة) ! |
انـت لـمـا تـكـبـرعـايـز تـكـون شــنـو؟؟؟
|
Post: #182
Title: Re: طرائف البورد
Author: zola123
Date: 10-14-2004, 05:07 AM
Parent: #1
بابا اوسلي بوست رائع وخفيف الظل
وسعيدة اني كنت من ضيوف الطرائف
ممكن تقبلني ضيفة للمرة التانية؟
في بوست 22 يوما في الخرطوم
Quote: صديق الموج قال :
زوله العزيزه...دحين ما قابلتينى هناك...وبعدين الكبرى ده حق امدرمان ما حق بحرى
وطبعا الجناحين مازالا مقفولين ...اخيرا التلفون معاك اتصلى عشان نتواصل.
لك ودى ودمتى،،،،،،، |
زولة123 قالت :
Quote: صديق الموج
نحن اي نعم حناكيش لاكن صاحين
الكبري ده كبري بحري
وامدرمان دي مالها بالموضوع؟
شكرا على الطلة الجميلة
|
الغريبة , الكبري فعلا ما كبري بحري واتأكدت من ده
لاكن غالبني امسح الصورة والقى كلام ارد بيه على صديق الموج
ما حيفوتها لي عارفاه
|
Post: #183
Title: Re: طرائف البورد
Author: Ali Alhalawi
Date: 10-14-2004, 05:34 AM
Parent: #182
كبسيبة
Quote:
وفي النهاية أنا حغني ليك (الحاصل بي سببو انت)
|
سجيمان
Quote:
اوووعى تشبكني يا اخوي
حسي مشاكل السودان كلها قالو سببا انا......
كمان انت داير تجيب لي نصيبة تانية.......واللهِ اياهو
|
فرســان في الميــدان..و..رقيــص الرقبـــة
|
Post: #184
Title: Re: طرائف البورد
Author: osly2
Date: 10-14-2004, 06:46 AM
Parent: #183
سجيمان
| Quote: فستانك حلو والله.....وعيونك فيهن ماس...واضنينك فيهن ماس....وكلك ماس في ماس....يا المافي غيرك في الناس. ورموشك ترمش سطر وتفط سطر |
الحلاوي
| Quote: أنا فاطى سطرين .. ممكن أشترك معاكم فى البرنامج؟؟ |
سجيمان
| Quote: تشترك لكن تاخد شبالك وتدينا عجاج كرعيك |
فرســان في الميــدان..و..رقيــص الرقبـــة
|
Post: #186
Title: Re: طرائف البورد
Author: osly2
Date: 10-14-2004, 08:42 AM
Parent: #185
زوله 123
Quote: معانا دكتورة اسنان ايرانية
شابة جميلة لطيفة وسبور خالص
قلت ابارك ليها رمضان واتعاطف معاها شوية
حيث انها تقيم بدون عائلتها
قلت ليها: رمضان كريم يا دكتورة, معليش السنة دي حتفطري براكي
قالت لي: اتس اوكي, اي ول نت فاست زيس يير( دي لناس العربي)
= معليش, انا زاتي ما صايمة السنة دي |
تاج السر الحسن
Quote: الصديقة (اللدوده) دكتورة (زولتين)
الفنان مجذوب أونسه قال:- (واحد حلفاوى قالو ليهو رمضان السنه دى جاى فى حر شديد)، قال ليهم:
مافى صالحو!!!
أمكن صاحبتك (الأيرانيه) دى ، حلفاويه. |
يا ربي دي تنفع نكتة؟ رمضان كريم
|
Post: #187
Title: Re: طرائف البورد
Author: osly2
Date: 10-14-2004, 08:59 AM
Parent: #186
بمناسبة رمضان لابد من اعادة هذه الطرفه
برهان تاج الدين
Quote: (رودا عليك الله بعد تنتهى من حكاية الميراث
و الازهر ديل ..شوفى لينا معاك رمضان ..
بمناسبة التتويج وكدة يعنى ..) |
روضه
Quote: انا غايتو عندى أربع ايام ضمان، و عادة بمدهم لى
خمسه أيام، يعنى ممكن تقول خمسه أيام، ممكن أديك
منهم يومين و نص،
وهذا أفضل مايمكننى فعله لك فيما يتعلق برمضان، و
شوف باقى الأخوات.
وأمنياتى لك بحظ سعيد. |
نهله السيد ، و سحر أحمد، و منال المنياوى يحرقن الأزهر الشريف.
|
Post: #189
Title: Re: طرائف البورد
Author: اسامة الخاتم
Date: 10-14-2004, 10:52 AM
Parent: #1
طــيــب ما اهندا .. انتو ناس ظراف و لزاز
|
Post: #190
Title: Re: طرائف البورد
Author: osly2
Date: 10-15-2004, 09:20 AM
Parent: #189
هناك الكثير من التعليقات الطريفه التى تضيع فى زحمة البوستات
عشان كده يا ريت كل واحد لقى رد طريف يجى يدبسو هنا
|
Post: #191
Title: Re: طرائف البورد
Author: AnwarKing
Date: 10-15-2004, 09:54 AM
Parent: #190
Quote:
الاخوة الاعزاء
لقد قرأت فتوى للمرحوم الشيخ عبدالعزيز بن باز مفادها بان التجنس بالجنسية الغير مسلمة حرام
ماهي دولة الاسلام
قال الرسول ـص ـ اني برئ من كل مسلم يقيم بين ظهراني الكفار
أفيدونا أفادكم الله
Ridhaa |
سجيمان
Quote:
نعم صدق ابن باز........ ستف هدومك في شنطتك...... وتعال اقعد بين ظهرانينا نحن....... اما لو دفعتهم الجزية وانت قاعد معاهم خليك محلك
|
Quote: مازلنا في أنتظار الردود
Ridhaa |
سجيمان
Quote:
مافي زول حيرد على سؤالك دا...... انت ما كان تسأل..قبلي ما تسافر..... جايي حسي بعد ما قعدت مع الكفار خرتمائة سنة....وجايي تسال....بالله بطلو الاستهبال.... حتى علي ربنا؟ |
وبعد مسافة...والظاهر سجيمان زهج جد جد...
Quote: الزول دا افتو ليهو يا جماعة وخلوها يريحنا...... عشان بكرة كمان يسألنا عن غسل الجنابة في بلاد الكفار يجوز والله ما يجوز؟
|
هل التجنس بالجنسية الغير مسلمة حرام
|
Post: #192
Title: Re: طرائف البورد
Author: osly2
Date: 10-15-2004, 06:34 PM
Parent: #191
عثمان عووضة
Quote: ود قاسم
المدة دي كلها غاشينا يا مفتري -- تلاتة مراحل دراسية مع بعض = اوسطى - ثانوي و جامعة== وانت عنصري ؛ كلب ؛ مخرف ؛ بتاع نسوان ؛ --- الخ وانا ما عارف؟؟
ياود قاسم :
لو طالبت بمحاولة تجنب الاخطاء-بكل انواعها - انت كعب
ولو دعوت الى قبول و التجاوز عن الاخطاء -بكل انواعها - برضو كعب
مثال للتوضيح:
حبوبتي ام ابوي - الله يرحمها و يرحمو- كانت بتاعت مشاكل ولا تعدم سببا لذلك
كانت تجلبط احدى رجليها بالحناء و تخلي التانية وتمرق في الشارع
لو سألوها مالك ياحاجة محننة كراع واحدة والتانية بدون حناء تقوم في السائل : مالك ومالي ؟ كراعي ولا كراعك ؟الدخلك شنو ؟ انا جيت شكيت ليك وقلت ليك دايرة تتم لي حق الحناء -- عالم ماعندها شغلة
ولو ما سألوها عيييييييييييييك-- انتو ماعندكم عشرة ؛ ما بتسالوا من الناس و احوالهم -- هسي ما شايفني محننة كراع واحدة و التانية لا ؟ ما بتسالوني من السبب ليه؟ في زول عاقل براهو كدة يحنن كراع و يخلي كراع لو مافي سبب قوي ووووو عيييييييييييييييك
الله يرحمك ياحبوبتي ! |
فيروس يضرب المنبر الحر
|
Post: #193
Title: Re: طرائف البورد
Author: برهان تاج الدين
Date: 10-16-2004, 05:09 AM
Parent: #192
الاخت الفاضلة نور تاور
اسمها بالانجليزى قريتو "نور طويل"
شبكتها ليك " نور طويل " مفروض يحصل و يحصل ..
و يا "نور طويل" كذا و كذا
ده فى بوست الرقيق .
بينى بينك كنت مستغرب الاسم الزى بتاع الهنود الحمر دة ..
لكن قلت يا ولد انت مالك .. تجيب لى روحك الكفوة ..
غايتو ربك ستر لاحظت الاسم الصاح فى آخر لحظة .
انا متاكد هى ما كانت بتاخد فيها حاجة.. لانها .. استاذة نور زولة واعية ولا اظنها تعتقد فى " نظريات المؤامرة" .. . لكن آل كابونى ديلاك كانو بطشوا بى جنس بطش .
ربك كريم يا اوسلى
|
Post: #194
Title: Re: طرائف البورد
Author: osly2
Date: 10-16-2004, 06:52 AM
Parent: #193
ودى فاتت على شمهروش كيف يا برهان ?
اغلط فى اى اسم على كيفك ولكن حذارى من الغلط فى اسم رودا
|
Post: #196
Title: Re: طرائف البورد
Author: osly2
Date: 10-16-2004, 07:29 AM
Parent: #194
محمد سر الختم
| Quote: صديقي محمد عبد الرؤف المقيم بأمريكا قال مرة أشتغل معاهم واحد من دولة غانا وكان كثير الحديث عن الإسلام وكان ينصح صديقي هذا بترك السجاير والمداومة على الصلاة فلما جاء أول يوم في رمضان رؤف لقاه في الكافتيريا بتاعت الشغل بياكل فاستغرب قال ليهو إنت عيان ؟ الغاني قال ليهو لا قال ليهو طيب ما صايم ليه؟ الغاني قال ليهو أنا صُمت السنة الفاتت السنة دي الدور على زوجتي في غانا!! رؤف اتصل بزوجتو في السودان قال ليها السنة دي رمضان خليهو علي أنا |
يا ربي دي تنفع نكتة؟ رمضان كريم
|
Post: #197
Title: Re: طرائف البورد
Author: osly2
Date: 10-16-2004, 08:11 AM
Parent: #196
saif massad ali
| Quote: كيف يا حمزاوي اتقي الله فينا يا اخي ,شخصي الضعيف حامل شهادة عليا ,تتهمني بعدم الفهم سامحك الله يا اخي |
شمهروش
Quote: الاخ / صاحب الشهادة العليا سيف مساعد
وسع بالك يا اخوي حبة واقعد معنا في الواطة
البورد دا مليان شهادات
حتي شهادات الوفاة
وشهادات تسنين
وشعادة مطرود
وشهادة اعانة من الامم المتحدة |
ما هذا ؟ ما الذي يحدث مع الاستاذ ود قاسم ؟ كفوا ايديكم
|
Post: #198
Title: Re: طرائف البورد
Author: osly2
Date: 10-16-2004, 08:54 AM
Parent: #197
عصام دهب
Quote: في مدينتنا ( الأبيض ) رجل ليس غريب الأطوار لكنه غريب الكلام و كثيره و ليس له هم غير مناطحة الحكومة و سبها جهاراً نهارا ، قيل أنه أحد ضحايا الصالح العام فكان بينه و الحكومة ثأر بايت ، قيل أنه مجنون و قيل أنه أعقل من أي عاقل ، أختلف الناس حوله لكن غالبيتهم أحبوه و أحبوا نظمه السجعي الذي يتخيره لمناطحة الحكومة ، و الغريب أنه يجهر بحديثه في سوق المدينةو تم اعتقاله كثيراً حتى عجزت الحكومة من أن تفعل له شيئاً بعد أن اعتبرته مجنوناً ، أنا شخصياً جلست معه و تحادثت فلم أرى فيه شيئاً غير جرأته الزائدة عن الحد في نقده للحكومة والتي تجعل من مجرد الجلوس إليه شبهة بالانتماء للطابور الخامس ،، كان ذاك في وقت اشتدت فيه القبضة الأمنية على الرقاب لكنه لم يستكن .
و من مواقفه المشهودة و التي يرويها أهل المدينة:
شاع بين أهل المدينة أن واليهم الذي تم تعيينه مؤخراً كان يسكن قبل الانقلاب في حي ـ من أحياء المدينة ـ توجد فيه بعض المنازل التي تصنع الخمورالبلدية ، و و كان صاحبنا من المستغربين لذلك الأمر فكان خرج إلى الناس في سوق المدينة ذات نهار و هو يضرب كفاً بكف و يعلن استغرابه جهاراً :
( سبحان الذي أسرى بعبده من الأنداية إلى رئاسة الولاية )
و جرت تلك المقولة بين أهل المدينة استهزاءا بواليهم.
و حيث عرف عن الوالي المذكور بأنه كان نهماً في بيع كافة قطع الأراضي و المنازل الحكومية و الساحات الرياضية بحجة دعم خزينة الولاية، كما عرف عنه حبه للتجوال ليلاً بسيارته ( ليلى علوي ) فقد تفتقت عبقرية صاحبنا ليطلق على السيد الوالي لقب ( أبو الرقيع الجنو بيع ) و أبو الرقيع لمن لا يعرفه هو الخفاش أو الوطواط.
و في ذات الصدد يروى و العهدة على الراوي أن الوالي المذكور كان في زيارة للمستشفى لعيادة مريض من أقربائه و صادف أن تقابل مع صاحبنا الذي ما إن رآه حتى أمسك ببوابة المستشفى ليحاول منع سيارة الوالي من الدخول للمستشفى و قال له متوسلاًُ كهندي مستهبل:
( الله و النبي .. الله و الرسول كان تبيعها ـ يقصد المستشفى ـ ياها دي الفضلت لينا بس ) أي أنه كان يتوسل إلى الوالي حتى لا يقوم ببيع المستشفى.
أما الموقف الأشهر لصاحبنا فيقال أنه كان في حضور رئيس الجمهورية الذي قدم لافتتاح مشروع مياه مدينة الأبيض و معلوم أن مياه المشروع تم جلبها من حوض بارا الجوفي و كان موقع الاحتفال بعيداً خارج المدينة فتم نقل الجماهير إلى هناك و لأن صاحبنا يكره الخطب الحماسية للقيادات المحلية كان يعلم أن آخر فقرة من فقرات الاحتفال عادة ما تكون الفقرة التي ( يعرض ) أو ( يرقص ) فيها الرئيس مع الأغاني الحماسية بصحبة الموسيقى النحاسية،، لكن صاحبنا أراد إبداء رأيه في برنامج الاحتفال و ربما برنامج الحكومة ذاتها ، فرفع صوته عالياً حتى سمعه جمع كبير من ضيوف الحفل و شهود الاحتفال :
( يا جماعة هوووي.. يا أخوانا... نحنا بيوتنا بعاد.. رقصوا لينا الرئيس دا خلونا نمشي أهلنا.. !!!! )
فضحك الناس و كأنهم في بيت عرس و قد سرى بهم الليل انتظارا لقطع الرحط.. |
يا جماعة رقصوا لينا الرئيس دا خلونا نمشي !!
|
Post: #199
Title: Re: طرائف البورد
Author: osly2
Date: 10-16-2004, 02:17 PM
Parent: #198
خضر عطا المنان
Quote: شيخنا : عووضة
أنا شايل مايكرفوني دا وحايم ماخليت فيافي ولا أودية
ولا زقاق في الحلة دي ... لا حس ولا خبر من دكين بتاعك ولا دوما
ولا عكسهم ذاتو!!.
الله يعينك . |
عثمان عووضة
| Quote: بارك الله فيك ياخدر الله يخدر ضراعك ومكرفونك |
دوما -دكين - وبالعكس
|
Post: #200
Title: Re: طرائف البورد
Author: osly2
Date: 10-17-2004, 04:52 AM
Parent: #199
تماضر
Quote: المهكور العزيز هشام
لقد تم هكرك بواسطتى يا عزيزى
الدليل" اننى وجدت "سوفت ويرا شحمانا من حضرتكم يدعونى فيها لمعلومات اسريه معينه...ملاتها وانا "عاملة فيها " خلااااااص...بتساهم فى رصد تاريخ الاسرة..وارجعتها لك بكل عوارة ....وكان ما كان
الا اننى مدبجة يا شقيقى ...لا تهزنى الريح بعد ان لعبت بى الزوابع
هاهاهاها....
ماكان ارد ...تجدنى اسفة ...كان يمكن ان اغنى ...
هكرونى فى حبى انكرت ما رديت
واصهين...
واعمل بالمثل القائل
لكن ....لا يهكر المؤمن ...من "رد" مرتين ...
مزروبين ...مزروبين ....بالمصطفى |
الى شبابنا المهندسين أعداء الفيروسات والهاكر محتاج مساعده
|
Post: #201
Title: Re: طرائف البورد
Author: osly2
Date: 10-17-2004, 05:10 AM
Parent: #200
مريم بنت الحسين
| Quote: وفقا لطلبك وللمهام الموكله إلي بتنفيذ طلبات حذف المواضيع حين يطلب أصحابها ذلك، قمت بحذف البوست ... |
سجيمان
Quote: شكرا يا مريم
وعشت ذخرا لنا
وحاذفة للبوستات
عليكي الله كملي جميلك واحذفي البوست التاني..... اعتـــذار |
مريم بنت الحسين
| Quote: أكرر أني لم أقرأ ما كتبته.. وأتمنى حقاً أن تتفهم أني استجبت لطلبك يا دكتور... سأحذف البوست الآخر كذلك.... |
سجيمان
Quote: اتفهم؟
دا كلامك؟
انا الايام دي عندي شغلة غير اتفهم؟ |
إلى دكتور سيجيمان
|
Post: #202
Title: Re: طرائف البورد
Author: osly2
Date: 10-17-2004, 05:27 AM
Parent: #201
مراويد
Quote: شنا
زير تسامح ... و قربه بارده فيها احترام للاخر المختلف معك و عنك
ينفعو معاك؟؟؟؟
و .... تيبار بلدنا و لا تلاجة ال....
ياخى زمان سالتك : ده شعرك جد جد ولا الموضه الايام دى كده؟؟؟
الوجه وجه صبي فرنكشع
والشعر شعر عجوز سمنطشع |
بدر الدين شنا
Quote: الحبيب الغالي مراويد
سلام وسؤال
إنت من مراويد كم؟؟؟
أشكرك على هذا التسامح والإحترام للآخر يا جميل
أما بخصوص سؤالك عن شعري فهو جد جد ومنذ سن مبكرة والشاعر قال
قد يشيب الفتى وليس عجيباًً ... أن يُرى النوْرَ في القضيب الرطيب
طبعاً البيت الوحيد الحافظو لأنو بخدم القضية |
المعاه (قزاز) عفواً الفاظ
|
Post: #203
Title: Re: طرائف البورد
Author: osly2
Date: 10-17-2004, 06:07 AM
Parent: #202
AnwarKing
Quote: أديها موية تديك طراوة...
بتاع ترزي كاتب فى محلو ( وكل شئ فصلناه تفصيلا)...
اها يا دكتورة أماني رأيك شنو فى أسلمة العملية الجنسية دى؟ خصوصاً وان لدينا خبراء عالميين نسميهم الجنجويد؟ |
Amani Alsunni
| Quote: والله يا أنور بتذكرني بحلاق الجامعة |
AnwarKing
Quote: كنت دافنين فيهو السيخ ولا شنو؟؟؟
عرفنا الاولاد بمشول للحلاق...
البيودى البنات شنو؟
ولا رفقة مأمونة... |
دكتوراة في أسلمة الممارسة الجنسية!!
|
Post: #204
Title: Re: طرائف البورد
Author: osly2
Date: 10-17-2004, 07:02 AM
Parent: #203
ابو جهينه
Quote: سي جي العزيز
في قريتنا بالشمال .. وجدت عجوزتين نهار رمضان و هما تستمخان بالصعوط المدردم في حجم أكبر من الحجم المعتاد أيام الفطر العادية ..
فأوضحت لهما بأن الصعوط حرام في رمضان لأنه من المكيفات كالسجاير و القهوة و خلافه ..
فقالت واحدة و هي تغير إتجاه السفة بلسانها للجهة الأخرى و تبزغ بزغة سوداء :
هوى يا الغبيان المفلهم .. هو بلا الصعوط في شيتن بيخلي الصوم ليهو طعم ؟ الواحدة فينا تتمخمخ و راسا ينعدل و تقعد مع الجوع دة تفكر في حكمة الله البالغة دي السواها في رمضان ..)
ثم أخرجتْ حقتها و قالت : هاك .. أكان ربنا يهديك يا جنا ... |
سجيمان
| Quote: حكمة الله شنو؟ السواها؟ |
الشيطــان يسكـــن كيــس الصــعوط
|
Post: #205
Title: Re: طرائف البورد
Author: osly2
Date: 10-17-2004, 07:35 AM
Parent: #204
اساسى
Quote: دقيقة
السلام عليكم.. برهان وبشاشا
ورمضان كريم تصوموا وتفطروا علي خير
بشاشا بعد فصاحتك دي ما تكون جالد رمضان
لووووووووووول
* *
*
واصلوا يلا |
برهان تاج الدين
Quote: اساسى ازيك و رمضان كريم ..
بشاشا فى نص الدواس قلت ليهو رمضان كريم مرتين ما هببو لى ..
غايتو المرة التالتة كان ما كان بارك لى رمضان ..
كان خليتو ليهو كلو ومسكت فى دى ..
تكنيك دواس برضو |
بــــــــشاشــــــــا ..!
|
Post: #206
Title: Re: طرائف البورد
Author: osly2
Date: 10-17-2004, 10:22 AM
Parent: #205
سجيمان
Quote: بقليس عوض + شنب – توب = علي اللحو- شنب – جلابية و عمة
(+ شنب) تروح مع (- شنب)
تصبح المعادلة
بلقيس عوض – توب = علي اللحو – جلابية و عمة
بلقيس عوض + جلابية وعمة= علي اللحو + توب
وحيث ان التوب والجلابية والعمة قيمتهما = صفر
اذن
بلقيس عوض = على اللحو
بلقيس عوض – علي اللحو = دا الجنن عبد القادر وجنن سجيمان معاهو...وان شاء الله اجن وازيد في الجن........ |
العـــلاقة الخـــفية....بين بلقيــس عــوض...و...علــى اللـــحو
|
Post: #207
Title: Re: طرائف البورد
Author: osly2
Date: 10-17-2004, 11:31 AM
Parent: #206
نفتقد صديق البوست الدائم ملاسى
من لنا باخباره
|
Post: #208
Title: Re: طرائف البورد
Author: osly2
Date: 10-17-2004, 11:49 AM
Parent: #207
سجيمان
Quote: دكتور معز عليك الله اتصل بي......نانو انا ودرت نمرتك.... والله رمضان مسوي بي جنس سوا.....وجنس بهدله.....وحات الله نص النهار من العطش ابقى راقد عند اهلي...ان بقت في ماسورة قاعدة تنقض في اخر الشارع... اسمعا...واقعد انط مع كل نقطة....والغريبة ان نقطت نقطتين وشرَطة....ما يفضل لي علا اعرض.....
شفت جنس البشتنة دي؟ |
Dr. Moiz Bakhiet
Quote: سي جي الحبيب،
أها أنا برد عليك بعد ما الجماعة يتلمو كلهم بي جاي..
ولغاية ما أرد عليك غيّر جلدة الماسورة |
سيف مساعد
| Quote: يا سي جي بتك فوفو دي البعرسها ليك منو كل زول يقول ليها ابوكي الجرسة ده رمضان بكاهو ليك ضحي اعلي |
كـــلام سر... لبروفسير معز عمر بخيت
|
Post: #209
Title: Re: طرائف البورد
Author: osly2
Date: 10-17-2004, 07:55 PM
Parent: #208
Ana Zaty Omdur
Quote: osly2 مش قولنا ليك خلى اللخبطه؟؟؟
معز أخوى أوعك تدى أوسلى ده طرف أى كلام
وأنشاء تكون أتصلت.. سيجمان والله حننى |
عبدالله وداعه الامين
Quote: أخر عمرك طلعتا حنانه يا سي جيمان؟
لوووووووووووووووووووول
انا بّرا |
كـــلام سر... لبروفسير معز عمر بخيت
|
Post: #211
Title: Re: طرائف البورد
Author: محمد سر الختم
Date: 10-18-2004, 01:42 AM
Parent: #1
كتبت soma
Quote: السمؤل الحنين ..انت دائما حنين وجواك حنيتك اهلك والله
يديك العافيه يا الضرا الخاتى الشرا..
تسلم وربنا يمتعك بالصحه والعافيه ..وكل سنه وانت طير ورمضان كريم
التحايا ليك يا سمؤل قدر حنينك يا كريم الخصال .. |
من بوست (***ترتارة***)
|
Post: #212
Title: Re: طرائف البورد
Author: osly2
Date: 10-18-2004, 10:14 AM
Parent: #211
ابقوا على البوست دا عشره لما أجيكم راجع
حاربوا الحزن بالفرح واقتلوا الكآبه بالبسمه
|
Post: #213
Title: Re: طرائف البورد
Author: osly2
Date: 10-18-2004, 02:08 PM
Parent: #212
صديق الموج
Quote: سجيمان خليك من حر السعودية وتعال صوم معانا هنا فى السودان
الجو بارد ومافى ضبان والمواصلات ساهلة والرقشات مكيفة والخرطوم
ناس الانقاذ لقموها كلها جابوا ليها شركة ايرانية عملت التلقيمة
من عد حسين وحتى وادى سيدنا ومن الحاج يوسف الى ام بدة وعملوا ليها
تكييف مركزى يعنى تنوم نص النهار فى حوش الخليفة الا معاك بطانية
اها ما عالجت ليك الموضوع...يلا على التذاكر!! |
سجيمان
| Quote: مافي عطش؟؟؟؟؟؟؟؟؟؟....ولا خرمة؟ |
خضر عطا المنان
Quote: والله آ قشيران ان بقى دا ياهو حالك
مع رمضان اخير تشوفلك شغلة تانية غير الصوم!!!!
والله دكتور معز ذاتو ما يحلك من جنس دا !!!..
بعدين انت زول معذور مافي داعي تصوم أصلو !!!.
نسيت الطشمة واللا شنو ؟؟؟؟؟ |
.
سجيمان
Quote: لا حول الله............ الكشمة دي ليها خمستاشر سنة
الشي طشمة ..ولاّ..... فلقة البتقعد لي حسي دي؟ |
كـــلام سر... لبروفسير معز عمر بخيت
|
Post: #215
Title: Re: طرائف البورد
Author: osly2
Date: 10-19-2004, 05:16 AM
Parent: #213
حبيب نورة العزيز
Ana Zaty Omdur
Quote: والله أنا متلومه معاك لوم شديد كل ما امر بى بوستاتك الجميله أقول أجى راجعه أعلق لكن الماوس
ليها رافع ( ماعندى كىبورد عربى بلقط الحروف بالماوس) |
البعد العاشر
|
Post: #216
Title: Re: طرائف البورد
Author: osly2
Date: 10-19-2004, 08:21 AM
Parent: #215
Elnasri Amin
Quote: يا شباب
النيران مولعه فى البورد الايام دى...
والبوست ده مشروع بتاع مشكله جديده
الاخ فلان
بصراحه البوست بتاعك شويه ما واضح و انا حقيقة فهمت منو انو الهاكر الكاتبو مش انت
و سجيمان استعجل فى انزال البوست ده بدون ما يتاكد
يعنى المسئوليه مشتركه
فعليكم الله استهدوا بالله وكل شئ بصلح اذا النفوس اتطايبت |
سجيمان
| Quote: والله لا مولعة لا حاجة...الناس براها دايرة تولعا....والعجيبة ما لاقين غيري انا المسيكين دا..... كلو واحد جاي سالي سكينو علي |
خرجــــت رودا.....ودخــل الهـــكر
|
Post: #217
Title: Re: طرائف البورد
Author: osly2
Date: 10-19-2004, 03:39 PM
Parent: #216
لظروف السفر اتوقف عن هذا البوست واتمنى ان يواصل الزملاء
التوثيق للطرف
التحايا لكل من خط حرفا هنا
التحايا لمن عصرنا عليهم واستحملونا
التحايا لكل من مر من هنا
والى ان نتلتقى نترككم فى رعاية الله
|
Post: #218
Title: Re: طرائف البورد
Author: نزار محمد عثمان
Date: 10-19-2004, 09:31 PM
Parent: #217
قال عسكوري للعوض في بوست رئيس جهاز الأمن السوداني في اعتراف نادر
| Quote: ممكن تسأل السيد برير لماذا لا ينشر تلك الرساله؟ |
وبعد ثلاث ساعات وسبعة عشر دقيقة كرر طلبه
Quote: يا العوض
مالك زغت؟
ماتقول لبرير انشر رسالة حسن زين البداء فيها التهديد لشخصي |
وبعد ساعتين وأربعة عشرة دقيقة أخرى، كرر طلبه قائلاً:
Quote: يا العوض
بننتظرك يوم أخر لكي تتطالب صديقك برير بنشر رسالة التهديد التي ارسلها لي حسن زين العابدين |
فجاء رد العوض بعد خمس وخمسين دقيقة أخرى، قائلاً:
| Quote: بالنسبة لتأخري في الرد فهو بسبب إني ما ساكن في البورد و شفت ردك الآن. |
|
Post: #219
Title: Re: طرائف البورد
Author: ياسر مكاوي
Date: 10-27-2004, 06:30 AM
Parent: #1
شمعة مضيئة حتى عودتك
|
Post: #220
Title: Re: طرائف البورد
Author: Ana Zaty Omdur
Date: 10-27-2004, 08:04 AM
Parent: #1
أشــكرك أخ ياســر بالنيابه عن
صــديقى اللدود أوســلى
|
Post: #221
Title: Re: طرائف البورد
Author: Ana Zaty Omdur
Date: 10-28-2004, 10:46 AM
Parent: #1
كتب هاشم نوريت فى حكايات وقصص حبوبتى (تودرف) العجميــــة
Quote: طبعا كل انسان حر فى نشر حكايات حبوبته وحكايات حبوبتى هذه فيها
الطريفة وفيها المؤلمة ولانها فارقت الحياة لابد لى كاحد وارثيها من نشر
حكاياتها. لم تترك لنا غير حكايات وحتى معزتها ماتت .
|
حكايات وقصص حبوبتى (تودرف) العجميــــة
|
Post: #222
Title: Re: طرائف البورد
Author: Elnasri Amin
Date: 10-28-2004, 10:36 PM
Parent: #1
يا اوسلى ما تجى ياخ ...
كتب خضر مخاطبا سجيمان
| Quote: مبروك عليكم انت واخوانك كلهم البرا بتاعتكم دي |
رد سجيمان
| Quote: يعني انت حسي قاعد تكتب من الملازمين؟؟؟؟؟ |
|
Post: #223
Title: Re: طرائف البورد
Author: bayan
Date: 10-28-2004, 11:40 PM
Parent: #222
وشمعة تانى مضيئة الى حين عودة سيد البيت
انت يا كمال سافرت سفر البن ولا شنو؟
فى انتظار عودتك وعودة من اشترى البوست و طلع كارثة
|
Post: #224
Title: Re: طرائف البورد
Author: Ana Zaty Omdur
Date: 10-30-2004, 03:34 AM
Parent: #1
الأخت بيان والأخ النصرى ما قصرتوا ليكم الشكر
أوسلى وين أنتى أنا خلاص كتافى إتهدو من رفع البوست ده 
أسعد وين تعال ساعد
وأخوان/ت بالله يدكم معانا لحدى ما أوسلى يرجع
|
Post: #225
Title: Re: طرائف البورد
Author: Ana Zaty Omdur
Date: 10-30-2004, 01:54 PM
Parent: #1
أوسلى وصى وقالQuote:
ابقوا على البوست دا عشره لما أجيكم راجع
حاربوا الحزن بالفرح واقتلوا الكآبه بالبسمه |
|
Post: #226
Title: Re: طرائف البورد
Author: محمد سر الختم
Date: 10-31-2004, 04:18 PM
Parent: #1
كتبت إشراقة مصطفى:
Quote: طلال سلامات الصبيات الجميلات المليان بيهن
قلت لفشلابى: عسى المانع صبيه .
|
الفشلابي = الفاضلابي
من بوست (ليلى) لطلال عفيفي
|
Post: #227
Title: Re: طرائف البورد
Author: osly2
Date: 10-31-2004, 06:46 PM
Parent: #226
السنجك،
...........
دي بالغته فيها عديل لكن المعلومة دي
والله يا سجيمان ما تنفرز من أخوك مرتضي المر الا بالكرافتة..
محتاجة لتاكيد
=================================
mo3iz 3omer bakheit
....................
لا الحكاية مؤكده يا السنجك..
بس لأنو البدلة بتاعة مرتضى
|
|