أمثال سودانية جديدة لم تسمع بها من قبل !!

جلست مع صديقى مرة فنظر الي فى تمعن وقال بلهجة جادة هذه المرة , ترى لماذا لا تكون لناأمثال سودانية جديدة غير تلك الأمثال والأقوال التى عفى على أغلبها الزمن , ومعظمها أخذ من دول أخرى وتمت ( سودنته) ( وقولبته ) حتى تواكب لمسات الحياة عندنا
فقلت له :
كما تعلم أن الأمثال تأتى من أناس عركوا الحياة وعركتهم من امرأة عجوز خبرت عالم النساء والرجال أو رجل أوتي حكمة أو صبية أعطاها الله فطنة يجهلها الجميع أو طفل له عين ثاقبة أنعم بها الله عليه وأيضا هناك المجانين , وكما قيل خذوا الحكمة من أفواه المجانين وما أكثر مدعي الجن والجنون فى زماننا هذا .
فقال :
كل ما ذكرته صحيح ومثل هؤلاء موجودون أو متواجدون بيننا فلماذا لا تتجدد أمثالنا أو بعبارة أخرى نأتى بأمثال جديدة تصدر من حياتنا المعاصرة؟
كنت أعلم أن صديقى هذا من فئة المجانين أحيانا .
فقلت له :
هل عندك أمثال جديدة يمكن أن تضيفها الى الأمثال الحالية؟
فقال فى حماس نعم
فقلت هات ما عندك
فقال :
** المطره لامن تنزل ما بتشاور بيوت الطين
فقلت هازئا : ياخى ده مثل ولا ليمونه !
فقال فى اصرار طيب أسمع هذاأيضا
فقلت ماذا أهو من النوع الخطير
فقال :
** الخميره تصحى الدقيق
فضحكت حتى دمعت عيناى
وقلت له : هذه ليست أمثال
فقال فى جد ظاهر :
هذه أمثال ويمكنك أن تتمعن فيها وتعقد مقارنة بينها وبين الأمثال الموجودة عندنا الآن وبعضها قد عفى عليه الزمن حتى أصبحت غير صالحة البته ولكننا لا زلنا متمسكون بها رغم كل شىء ,
وأمطرنى بعدها بعدة أمثال أذكر منها :
** اذا عرسوا خطيبتك يبقى العيب فى نسيبتك
** الشطة اذا حرقتك ما بتشرب مويه مغليه
** الحكومه تعصر والمعارضه تحلب والبلد محزون
** الزول النضيف ملابسوا ممكن تكون وسخانه
** الجارى من عمايلوا ما بتلفت لى ورا
** اذا خنقتك الكلمات أحيانا تساعدك الدموع
** الراكب فى الجبل أسنانو مابتشاف
** بت الجيران ما بتشاف جمالها الا بعد العرس
فكرت فيما قال صديقى ووجدت أن أمثاله ربما تكون فعلا جديدة وصالحة وتؤدى الهدف منها , ويمكننا أيضا أن نضيف عليها , وكل منا يدلى بدلوه بمثل جديد من تأليفه حتى نكون ذخيرة جديدة من الأمثال السودانية , فما رأيكم ؟!

الحسنه فى المنعول زى انفلونزا الطيور

ود الزين سلام
مثلك ده سمح لو غيرت الجزأ الأول منو
تحياتى

Quote: ** المطره لامن تنزل ما بتشاور بيوت الطين

دا ماقدر الله جانا عديل
أعجبني هذا المثل


صاحبك دا أحسن ليهوا يمش يوثقوا عند بروفسور /عون الشريف قاسم قبل إجازتي.





و...
الرقشه مابتحل من الطقشة


و...
موبايلات بدون رصيد
(علي وزن حبال بلا بقر)

ذكرتني الفول وقد كنت ناسيا
يقال هذا المثل لمن في يده الحل(أصابه الجوع وكان قد ظن أنه لم يجد طعاما أو في بالوا أكلات جديده تعود عليها مؤخرا(بعد اللجوءللبيتزا و...والشاميات -من مشكل ومطبق وشيش طاووق وكباب حلبي و...)

الأخ العزيز / محمد السيد
تشكر على المرور العطر , كما ذكرت على صديقى توثيق هذه الأمثال لربما تجد صداها يوما ما .

وأضاف صديقى أمثال أخرى من تأليفه ....

** الموبايل لامن يرن ما بهمو انت تسوى فى شنو
** الميكانيكية شوفة العربات الجديده تزعلم
** أبو تلاته عيون لسه ما اتولد
** مافى زول بضحك اذا قالوا ليهو أمك ماتت
** طول النعامة مابديا الحق تتاوق بالحيط
** المره التمشى سريع يدا طاعمه
** الشغال جنب النار الشمس مابتحرقو
** السمكه لامن تمسكا السناره يحرم عليها الضحك
** اذا ماجيت بى رضاك ياود الحلال يحصل ليك الحصل ليى ابراهيم بلال

عندما التقيت صديقى ثانية قدم الى طبقا آخر من أمثاله التى بدأت أقلب فيها بعناية وأتأمل فى معانيها لعلى أخرج بخلاصة تفيدنى فى شىء ما, فتأملوا معى هذه الأمثال الجديدة :

** خروف العيد شراب المويه مايمنع قطع رقبتو
** شجرة النيم ضلها ما مر
** الداية مابتقدر تولد نفسها
** الماشى فى الضلام يحس بالشياطين حولو
** الأرض لو مالت العمارات تبول
** الراسمالو لسانو .. ياكل حق أخوانو
** أبوشنب مابضحك كتير
** الجعان النصيحة مابتنفع معاو
** العرج مابمشو مع بعض
** نباح الكلب مابزيد عمرو

التقيت وصديقى بالأمس ووجدته واجما فقلت ما بك ؟
فأجاب :
لقد رأيت شخصا يقسو على حماره فى الطريق ولا يزال يضربه ويشتمه برغم الحمل الثقيل الذى يحمله حتى وقع الحمار من الثقلين ( الحمل والضرب )
فقلت أهذا هو سبب حزنك ؟
فقال : نعم , ألا تراه سببا وجيها ؟
قلت فى سرعة كلا انه كذلك , هون عليك ياصديقى
وأردفت قائلا :
ماذا لديك اليوم من أمثال ؟
فقال بحزن :

** القلب القاسى تخاف منو الحجاره
** عين الأعور غاليه
** السحابة اليتيمة مابتكون بيضا
** البكر لو بقى عوير .. شوفو البعدو
** فسوة الامام تحرج المأموم !
** بسامة الدهب .. ابتسامتها مزيفه
** أكل الحرام مابزيد الطول
** الدخله ما بتخوف كل البنات
** القعاد مع الخواجات مابغير اللون
** خرا الحصان مابعفن العربجى

الدخول على النيت بطلق ست البيت

لو غبت عن المنتدى بتمسكنى لواية

شكرا...على الامثال
وشكرا

الأخ العزيز / أبو قوته
تشكر على المرور الجميل .
وعندما جلست الى صديقى وذكرت له هذين المثلين الجديدين اللذين ألفتهماأنت وذكرتهما لى فى مداخلتك , قال صديقى استاذن لى منه لأدخل بعضا من التعديلات عليهما مع احتفاظه بكافة الحقوق الأدبية , فقلت : ماذا وضعت من تعديلات فقال :
أفضل أن يكون المثلان هكذا :

** قعاد النيت الكتير .. يخلى مرتك تدفق فيك العصير
** لو غبت عن المنتدى .. تمسكنى لواية ندى !!
فقلت له هذه التعديلات تبدو جيدة ولكن ماهى قصة هذه الندى و( لوايتها) وأنا أعلم أن المثل جديد (طازه) وأن صديقى أدخل التعديلات لتوه , فبدأ صديقى فى سرد قصة ( لواية) ندى قائلا :
ندى طالبة مدمنة على النيت , مسكنهافى العمارات شارع 61 قبالة ( نادى فتيات العمارات ) وبما أنها وأسرتها قد قدموا من الخليج بعد سنوات طويلة من الاغتراب , فمن الطبيعى اذن أن يكون لها صديقات كثر , ولا يحلو لها شىء بعد عودتهم من الخليج الى أرض الوطن سوى الجلوس أمام الحاسوب لساعات طوال والاتصال بصديقاتها وأصدقاءها عبر المسنجر وتبادل النكات والقفشات , واذا أرادت الأسرة الخروج لزيارة الأهل والأقارب تتعلل ندى بأنها مصابة (بلوايه) وتتظاهر بالألم , وعندما تطلب منها والدتها الذهاب الى الطبيب ترفض ذلك وتجيب بأنها عابرة فيتركونها ويمضوا الى وجهتهم وتجلس هى على المقعد الوثير أمام الحاسوب لتمارس علتها المفضلة .
انتهى صديقى من سرد روايته المحبوكة وقد أعجبت بطريقة سرده وخياله الخصب وشكرته على التوضيح والتفسير .

وأضاف صديقى أمثال أخرى جديدة قائلا :

** اذا ضحكت يوم الخميس كتير .. القيامة ممكن تكون الجمعة
** جرح شهر العسل نسيانو صعب
** الكلام السمح يشرق السفيه
** الجات قسمتا ماتقولو انتظروا الكبيره تعرس
** الأحمق اذا زعل يتكحل بالشطه
** المصران الأعور عميان
** بكى الجزارين فى العصريه .. يجوع الفقرا
** اذا بلعك الحوت المقابضه مابتحلك
** الصاقعه لامن تضرب .. الدخول تحت العناقريب حلال للحلفاوين
** الصقر مابرجع الكتكوت لأمو

لواية ندى

مثل في السلك

لكن ندى منو ؟

عندنا في المنتدى اكثر من ندى

الأخ / ديامى
شكرا على المرور , ندى المقصوده أكيد ما ( ندى القلعة) ولا واحده من المنتدى , دى واحده تانيه خالص حتى بالأماره اسمها ( ندى الطيب قمر الأنبياء محجوب سعيد) وملقبه ب ( ندى آيسكريم ) لأنها تشبه الآيس كريم قبل الأكل .
رأيك شنو ؟!

وفى جلسة عابرة أضاف صديقى عشرة أمثال أخرى .

** عض المنابر مابجيب دم
** المرايه المكسوره تقسم الوش
** حنين الشوايقه ماطلع ليهم بترول
** الدهب المسروق مابجيب تمنو
** العنقريب اذا اتقلب بطنو تبقى ضهر
** نار القصب يضحكا الهوا
** أدروب كان أباك مايعزمك جبنه
** دروب الخير ماعايزه سؤال
** كباية الشاى البارده زى الفول بعد اللحمه
** آخر الشهر وشو واحد

Quote: ** الموبايل لامن يرن ما بهمو انت تسوى فى شنو ** الميكانيكية شوفة العربات الجديده تزعلم ** أبو تلاته عيون لسه ما اتولد ** مافى زول بضحك اذا قالوا ليهو أمك ماتت ** طول النعامة مابديا الحق تتاوق بالحيط ** المره التمشى سريع يدا طاعمه ** الشغال جنب النار الشمس مابتحرقو ** السمكه لامن تمسكا السناره يحرم عليها الضحك ** اذا ماجيت بى رضاك ياود الحلال يحصل ليك الحصل ليى ابراهيم بلال

تحياتي يا أخ عبد الماجد

بالمناسبة أمس كنت بحكي لواحد صديقي عن أمثالك القاطعها من راسك دي..
والله أنا مبسوط منك جداً وكذلك من أمثالك الطازجة وعجيبة
لازم نحن نحاول نتمرد على الأشياء المقولبة إن أمكن ذلك
ليه الأمثال تكون متوارثة وقديمة ومسلم بها إذا كانت صاح أم خطأ؟
من الضروري أن تكون هنالك أمثال مواكبة وجديدة
إنت بديت هذا التمرد ونتمنى أن يستمر
شوف الأمثال الفوق دي ، بالتأكيد كلها صحيحة ومسبوكة بعناية
وأنا كذلك متكيّف جداً من يونس ود الدكيم
تعرف ليه؟ لأنو كان خاتي عينو على الملكة فكتوريا ، ما قال دي ملكة وكده
لماالمهدي قال ليها لو آمنت بتعاليم المهدية وأسلمت (ممكن) نعرسك
ليونس ود الدكيم.. شفت كيف
يا اخي والله ده كلام جميل جداً
بتكيّف كذلك لواحد يكون لابس أصفر نص النهار والناس مغتاظة منو
استمر في هذا الإبداع وأنا بحاول أشاركك لو لقيت طريقة
على العموم .. تقبل هذه الإشادة مني وربنا يعينك ويوسع مواعينك..
فتك بالعافية والسلامة

الأخ العزيز جدا / نصر الدين البشير
ألف مرحب بيك وألف شكر وتقدير لى كلامك الجميل واللذيذ دا , وهى كلها محاولات عسى ولعل نقدر نغير حاجه أو نساعد فى التغيير , وواصل معانا فى المشوار الطويل دا .
تحياتى الغالية

ـــــــــــــ

mortien aorjekan kach toginna

الأخ العزيز / هشام كمال
safdogar lisdona rokfili naroumas

___________

لكل المتداخلين بهذا البوست:
كل عــام وأنتم بخيًر.
نتمني لكم العفو والعـــافيًه.

الأخ العزيز / محمد آدم
تحية وسلام , وكل عام وأنت بخير وألف شكر على المرور .

ذهبت لزيارة صديقى فى العيد فلم يبخل على بعيدية من أمثاله قائلا :

** حرب المنابر أى زول يقدر عليها
** الحكومه كان شربت أول تعطش المعارضه
** سلة السكين .. طلة المسدس تضحكا
** سمك بورتسودان .. ريحتو ما تتشم فى المورده
** حبة العنب ماتتبلع وحبة الزبيب ماتتخلع
** الزمن ما يغشوا الا الفرح
** حداشر نفر فى البيت مايكونوا فريق كوره
** العين لو ماشافت الشوك .. الرجل تعيط
** أم درمان خطواتا للجامع بقت كتيره
** الفرح أوزعو والهم أشيلو براى

تحديث لمثل قديم :-

إذا غلبك سدها قد جنبها

مثل جديد :-

حر الصيف ما بتحمل برد الشتاء

الأخ العزيز / سعدالدين ابراهيم
كل عام وأنتم بخير , تشكر على تحديث المثل القديم وواصل وايانا فى الأمثال الجديده عسى ولعل , وتشكر على المرور يا حبيب .

ــــــــــــــــ

أدروب كان أباك مايعزمك جبنه
حنين الشوايقه ماطلع ليهم بترول

الأخ العزيز / حيدر عثمان
تحية وسلام وكل عام وأنتم بخير
رسالتك وصلت وهناك المزيد , تشكر على المرور .

العنده شنب ماعنده ضنب

الأخ العزيز / طارق أبوشنب
كل عام وأنتم بخير وألف شكر على الزهرة التى ألقيت , ونرجو المواصلة فى هذا الدرب الطويل .

ــــــــــــــ

الغاز المالقتو امجاد يحرم علي البوتجاز

الأخ العزيز / ابراهيم عدلان
كل سنه وانت طيب
تشكر على المساهمه الظريفه ونرجو أن تواصل معنا فالدرب طويل .

اخونا عبد الماجد
أيه رأيك في
القلم ما بيزيل بلم
و الله امثال جميلة و عاوزه حفظ
و كل سنة و إنت طيب

الأخ العزيز / ود الطيب
كل عام وأنتم بخير , طبعا هذا المثل من الأمثلة الممتازة والخالدة وذلك لما يحدث فى الواقع وما نراه بين ظهرانينا.
وتشكر على كلماتك ومرورك الجميل .

عبدالماجد الحبيب

إلتقاني صديقك فأهداني مثلين ويالجنونه!


- كان فزت بي كاس البرنجي انت ماك بطل الدوري

- الحكم اكان ما طردك بأدبك

الأخ العزيز / سعدالدين ابراهيم
أعرف أن صديقى سيلتقيك ويلتقى آخرون وسيوزع تلك الأمثال المجنونة فى كل مكان , لقد فزت بمثلين ظريفين منه وأرجو أن يتحفك فى المرة القادمة بالمزيد , وألف شكر على المرور الثانى الذى أسعدنى .

قبل أن تنتهى فرحة العيد أهدانى صديقى أمثال أخرى :

** رمضان والعيد لمتم صعبه
** شد البطن يخنق المصارين
** اللسان الزفر اذا اتقطع برضو ريحتو تتشم
** اذا عايز تعرف منو الحرامى .. أضحك بلا سبب
** الليمون والشطه حاقدين على الأم فتفت
** درس العصر ينتهى قبل المغرب
** السخانه والبروده اتلمت فى الملاريا
** اذا عجبك شنبك .. عاين الشنبات هناك
** الرسن ماينقص قوة الحصان
** ما سمعنا بى جعلى انتحر

الأخ عبد الماجد
مايلي مثل سوداني على لسان حبشي
غنماية كريت تطلع في الشجرة يحرقها شديد في ضهرا

وأصل المثل كما تعلم يقول:
"التسوي كريت تلقى في جلدا"

اضاف :

ما تحارب طواحين الهواء...لف عكسها!

صاحبك يا عبدالماجد صعب!

صنقع للسماء

ثم قال ساهما:

طولة اللسان بتلحسك المكوه!

سعدالدين
صاحبى ده ما قصر معاك تب , وأمسك فيو قوى , بالله مالى الحق أنا؟

كل الحق معك ياعبدالماجد والجنون له

هز كتفيه وطنطن!

: أفريقي ولا عربي ياكا ابن آدم

و انصرف بوعد اللقيا.

الأخ / سعدالدين
وقبل أن يعود صديقى اليك بعد طنطنته وهز كتفيه مر بى قائلا :

** الذاكره صفحات تتقلب بسرعه فى الوجع
** دخان السيجاره مابمرق بالعادم
** الملابس مابتغطى العريان والضحك ماعشا الضيفان
** شكل القرون يجنن المساطيل
** حفلات المغرب .. آذان العشامايتسمع فيها
** العازف عن الكلام .. عزفومابتسمع
** البحر كان عجز ماببقى ترعه
** يالناس الكاملين .. الناقص منو ؟!
** ال الله ماجابو .. يقيف هناك
** يتغير معنى الابتسام اذا كانت الأسنان سوداء

Quote: ** دخان السيجاره مابمرق بالعادم

لالا... دي عانق فيها جنيات عبقر!

دي تترجم لجميع اللغات وتطبع على علب السيجاير...

الراجل وللا (الما راجل) ال يدخن تاني..

همس:

الدواس في الميدان ما جاب شئ ..يجيبو طق البورد?

سيد القضية امكن الحقا أمات طه

سعد الدين
والله كلامك ضحكنى ضحك شديد , ياخى الناس ديل كرهونا بى ريحة السجائر , والمثل ده كان متطرف أكثر من كده ( كما قال صديقى ) ولكنه أدخل عليه عدة تعديلات ولمسات فنيه حتى خرج بشكله الحالى الذى يجب أن يتمعن فيه الجميع حتى يعرفوا أى عادم هذا الذى تحدث عنه صديقى .

Quote: سعد الدين والله كلامك ضحكنى ضحك شديد

اكتر من ضحيك صاحبك لي!

الجن الكلكي يا جوده اخوي

نظر إلى الشاشه ذات يوم والتفت قائلا:

: كان لفحت لك صوره مضروبه...تمبس قااااااااااعد!

- اعتذر ولو بشق كلمة!

سلام للاخ عبد الماجد



** الحكومه تعصر والمعارضه تحلب والبلد محزون!

لكين المثل دا ما لخص الحكاية كلها فى جملة واحدة..

اتارى الشعب السودانى دا عارف السر من زماااااااااان...

وانا ظلمته ساكت؟


واصل

متابعين الامثال...

الأخت العزيزة / نور تاور
كل عام وأنتم بخير , أشكرك على المرور الجميل واللطيف الذى أسعدنى كثيرا , طبعا الشعب عارف سر البلوى وانت ما ظلمتى البلد والقلبو على البلد أبدا مابظلمو ,لك التحية .

سعد ياخوى
صحبى دا قول ليهو يكتر ليك من الأمثال شويه بدل ما يديك نقاطه نقاطه كده .

خت الشطة في التلاجة ما بيبردها

أكل البوش يشبع الغلابة ويتعب الحناكيش

الأخ العزيز / ديامى
كل عام وأنتم بخير , ألف شكر على المرور والمساهمه اللطيفه ونرجو المواصله فى هذا المشوار الطويل , تحياتى .

عبد الماجد / تحياتي ... أديك مثل في صحبك

رسلوه للداية ما جا إلا يوم السماية .

و نواصل

الأخ العزيز / معاذ الدخرى
تشكر على المساهمةالظريفة , وواصل معانا فى المشوار .

دفع القروش اخير من كسير البروش

وهذا يقال للذين يتحكرون فى بيت البكاء لشرب الشاى ويزوقو من الكشف والله اعلم.

لفق والا ما لفق؟؟

البتجلط وشها بى ديانا ما تورى البنات كيعانا

كان بقيت فيل ما بتـعفص الكفيل (ده شغال هنا بس)

الخايف من ناس الضرائب ما يسوى لى غنمو زرائب

مصاقرة الكى بورد طوالى بدورلها ضنب صومالى


عبد الماجد افتكر ما قصرت معاك ولصاحبك حق الحذف والاضافة والتعديل

وكان الله قدر بجيك صاد،،،

الأخ العزيز / صديق الموج
كل عام وأنتم بخير , ألف شكر على هذه الأمواج التى أتحفتنا بها ووالله ماقصرت تب وخليك معانا طوالى .

لاب توب لا بجيب الحجار

الأخ العزيز / فرح
كل عام وأنتم بخير , عارف مثلك ده لامن قراو صحبى ( بعد اذنك يعنى ) أدخل بعض التعديلات وأصبح المثل هكذا :
قشرة اللاب توب أحسن من المركوب
ولا رأيك شنو ياأستاذ ؟
تشكر على المرور الجميل وواصل معنا.

عبد الماجد موسى
مثل سودانى فى ظل العولمة
تركب الصاروخ او الماكوك مصيرك التابوت
تحياتى

الأخ العزيز / بلدى ياحبوب
كل عام وأنتم بخير , ألف شكر على المساهمة الجميله , رجائى أن تواصل وايانا فى هذا الدرب الطويل .

هذه أيضابعض أمثال صديقى :

** عمايل الإنقاذ عشمت ابليس فى الجنه
** ضهر التمساح رقادو حار
** دموع الرجال مابنزلا الخوف
** الحكومة اذا وقع لباسا مابتقدر ترفعو
** العبادة الجد مابتخلى الواحد يسمن
** اذا وقفت ورا الحمار اتوقع رفستو
** صحن العافية مابشحدو بيو
** فى بيت الإيجار الكلب ينبح فيك
** الناس تموت مره والقاتل يموت مرات
** صنت الشعب السودانى تمنا غالى

جيناكم يا حبايبنا

دق العكاز ولا الانقاذ وعوض الجاز

قبال ترفع دشك ضوق الناس قرشك

مسك عمارتك ابو الحصين ولا تمسكها عبدالرحيم محمد حسين

عوارة عمر البشير البتراقص بلا سبب

صديق ياخوى ما تقيف خليك معانا على طول .

عشرة أمثال أخرى من صديقى :

** رفس الحكومة يجيب ليها النطح .. ونطح المعارضة مابنفع معاو الا الرفس
** الحكومه اذا عزمتك .. ماتاكل معاها
** سلالم المطره مابطلعك السما
** أمك اذا قالت ليك انتا ماجناى .. عايزه تأكد انك جناها
** اللسان اذا طال مابحك العين
** كاس المعارضه اذا وقع مابتكسر
** الجمرة فى كسلا مابتحرق الواطيها
** البطاريه مابتضوى قفاها
** اذا بت مع الحراميه ماتصحى بالليل
** لو شقيت لسان الرباطاب .. تلقاهو حامل

صديق الموج
ياخوى العيد انتهى !

ماعندك ضروس مالك ومال الاندروس!

كان ما جبتو ب ضراعك ما ترفسو بي كراعك.

البشوف نجوم الليل واحد من تلاته:
1-العاشق
2- ام المغترب

و

و

و

و

و

و
3- العندو وجع ضرس

عبد الماجد
دبايوا


مثل بجاوى

اوميك دب هن فينتا اندى..........................





الترجمة لاحقا ان شاء الله

الأخ / هاشم نوريت
دبا
كاتيوا
قلت الحمار مالو يا هاشم ؟!
تشكر على المرور

الأخ / مهدى
تحيه وسلام
وتشكر على المرور , بس يا مهدى نجوم الليل دى أى زول بشوفا , المشكله فى نجوم النهار .

سعد الدين
ياخوى العيديه وينا ؟!

أمثلة أخرى من أمثال صديقى :

** مابتخدر كسلا ... لو ما عندها جناحين
** الجارى من الشيطان يلقى الله
** مافى زول يحب الفوز بى كاس الملاريا
** اذا قست الدموع .. العين تحمر
** سوء الحظ .. تكسب اللوترى والحكومه تمنعك من السفر
** الماشى بى رجلينو خطواتو محسوبه
** رسالة البنوت فى المنتديات .. دايما تصل مقلوبه
** البرىْء برضو بتسجن بالقانون
** العندو ضنب قعاد الكرسى يضايقو
** الأطفال ملح البيت والكبار .. مويتو

الأخوة
محمد السيد - ودالزين - أبوقوته - ديامى - سعدالدين - حيدرعثمان - طارق أبوشنب - ابراهيم عدلان - حسن الطيب - نور تاور - صديق الموج - فرح - بلدى ياحبوب - محمد ابراهيم - هاشم نوريت .
شنو يا أخوانا طولتو الغيبه ؟!

عشرة أمثال أخرى :

** الحكومه اذا مسكها اسهال مابتقدر تفكو الا فى المعارضه
** باروكة المعارضه ماجابت ليها وزارة الطاقة
** النحس .. هو اليركب مع الزرقاوى فى طائره واحده
** الليل لو طال الهم كبير
** عائشه لامن قالت أنا فلاتيه .. صوتا ما اتغير
** كترة السفر تسلب الهويه
** المره الطويله تخجل الرجال القصار
** البلد لما تبكى .. شد الضراع للحنان
** مرض الحاسوب ما بعادى
** مؤخرة القرد ماتتباس

ـــــــــ

ــــــــــــ

الأخ عبد الماجد موسى

احيي فيك اجتهادك واستمرارك ف يانزال هذه الأمثال العجيبة والغريبة والجديدة لنج...

وانا من المتابعين للبوست من أول يوم...
اعجبني قولك -اسف قول صديقك- :-

** عائشه لامن قالت أنا فلاتيه .. صوتا ما اتغير

الأخ العزيز / أشرف السر
أشكرك على كلماتك الجميلة وتشكر أيضا على المتابعه , التحية لك .

تحديث لمثل قديم محدث قبل فترة :
Befor: إذا غلبك سدها وسِّع قدها
After: إذا غلبك سدها قد جنبها
Now: إذا غلبك سدها في الأول إتأكد إنو مافي زول شايفك حتين بعد داك قول ليها طلقانة بالتلاتة

صيانة لأمثال حديثة:
Before: الحكومه تعصر والمعارضه تحلب والبلد محزون!
After: الحكومه تعصر والمعارضه تحلب و اللتنين متأكدين مية المية إنو الطلعوا روحو دا تيس!!

Before: المصران الأعور عميان
After: المصران الأعور معفي من الخدمة الإلزامية!!

تحديث لمثل قديم:
Befor: عينك في الفيل تطعن في ضلو!!
After: عينك في الفيل! تطعن في حقن الملاريا!!

أمثال حُدِّثت بواسطة حنكوش (رفض ذكر اسمه، عشان الأجر ما ينقص وكِدا):
Befor: الشقي يلقى العضم في الفشفاش
After: الشقي يلقى العضم في الـ skeleton

Before:الطيش عند الله بِعيش
After: الطيش ما بِعرف يقول: WAW.. زي الحناكيش

Before: الحسود لا يسود
After: الحسود لابس ساعة في إيدو الشمال!!

يا عبد الماجد .. مثل فرح بتاع: لاب توب لا بجيب الحجار دا عجب الحنكوش جداً وقال ياريت ما تعدلوه.

بعدين قال ليك أمسك في عمو صديق الموج دا قوي .

تحديث لمثل قديم:
Before: لا بجدع لا بجيب الحجار
After: لا بجدع لا بقيف في صف الرغيف!!
هسة سمعتني أنا قلت الكيزان.. ولا جبت سيرتم؟؟
طيب لمن كدا هاك:
الخلا ولا الكوز .

الأخ العزيز / محمد السر
تشكر على هذه الأمثال وتشكر كثيرا على التحديث لأمثال أخرى , وزى ماذكرت صديق الموج والله معانا بس يمكن ظروف ولا يمكن يكون لسه معيد , على كل نحن فى انتظاره .
لك التحية على المرور الدافىء .

تحياتي لجميع المتداخلين



تحديث لي المثل:
القديم:التسويهو كريت تلقاهو في جلده
الجديد:إتمسحت بي ديانا ونست أضانا


و...
القديم:الناس في شنوا والحسانية في شنوا
الجديد: ...ركز...(حقوق النقل محفوظة لي ناذر)

و..
القديم:المال تلتوا ولا كتلتوا
الجديد:إتمسح البوست إذن أنا موجود


و..
القديم:جنن تعرفو ولاجنن مابتعرفو
الجديد:جيب لي معاك 3310 (حشرتين حشرة).

و..
القديم:ضل الدليب بجدع بعيد......
الجديد:تحويشة المسكين لي جهاز المغتربين

تعديل لمثل جديد لنج

قبل : عينك في الفيل تطعن في حقن الملاريا ( محمد السر )


بعد : عينك في الأيدز تطعن في حقن الملاريا

مثل مُحدَّث:
Before: التَّسوِّي كريت في القَرَض تلقا في جِلِدا.
After: التَّسوِّي كريت في القَرَض تلقا ميادة في امتحان الشهادة.

Before: البِباري الجِّداد بِودِّي الكوشة.
After: البِباري الجِّداد بِودِّي الشركة الكويتية.

الجاتك في مالك نشَلَتك.

الأعزاء
محمد السيد
ديامى
محمد السر
لكم التحية على هذه الحداثة والتحديث فلنواصل معا , وهاهى عشرة أمثال أخرى :

** البكا قدام البحر ما بطلع السمك
** حتى العميان بشوف الابتسامه الصادقه
** جنا السبع شهور مابتولد فى بيضه
** الموبايل لو مافيهو رصيد مابخف وزنو
** طول الحكومه مابتعرف الا بعرض المعارضه
** اذا عجزت الحكومه الرقيص يغلبا
** الحكومه اذا عرضت البلد للبيع .. المعارضه مابتقدر تشترى
** الحكومه اذا سرقت عمرك .. المعارضه مابترجعو
** مابشوت ضفارى الا الاتعتر بالكوره
** الواقع من السما .. ترحيب الأرض بيو يكون حار جدا

Quote: ** الواقع من السما .. ترحيب الأرض بيو يكون حار جدا

رائع..

Before: كان فوقو خير ما كان رماهو الطير
After: كان فوقو خير ما كان رماهو البشير

حُدِّث بواسطة مناضل كيبوردي "رفض ذكر اسمه".

بوست لذيذ
والفكره الاصليه محفوظه لصاحب عبد الماجد موسي
وخياله بالجد مبالغه

آها مثل عاجبني

تزرع( لو) تحصد( يا ريت)

و

العرس ما بزيد قرش
طبعا علي وزن
القلم ما بزيل بلم

محمد السر ازيك شايفاك بقيت نجار عديل كده

Quote: العرس ما بزيد قرش

يا جماعة مرتي دي قاصدة شنو؟؟

توما وماجد..

Quote: العرس ما بزيد قرش

محاولة مكشوفة لتمرير أجندة خفية عبر البوست.

Quote: يا جماعة مرتي دي قاصدة شنو؟؟

أرجوك يا ماجد ما تشخصن أو تأسرِن المواضيع

إصالة عن نصري ونيالةٌ عن زملائي بالفاشر أعلن عن سعادتنا بانضمام قلميكما لورشة: (الإخلاص للأمثال.. نجر واستعدال).
وبهذه المناسبة وتضامناً مع ماجد أهديكما هذا المثل بعد استعداله:
Before: المرة كان بقت فاس ما بتقطع الراس.
After: الحركة كان بقت فاس ما بتاخد وزارة الجاز.

محمد السر الزول السمح
سلام كتيـــر
يعني توما لازم تبدأ النجر بي كشف الحال ده؟
لكن تضامنك معاي كان رد اعتبار لي مجتمعنا الذكوري (المفلس)وهاك دي

رقيص البشير ولا صمة خشم سلفاكير

مودتي يا أبوحميد

* محمد السر
تشكر يا حبيب وواصل معنا بالتحديث والترقيع وبث الروح فى القديم .

* توما
ألف شكر على الأنثى الثانية التى تمر على البوست بالتعليق , وعشان كده يا توما أنا صاحبى دا ماسك فيهو بيدى العشره , رجاءا ألا تنقطعى حتى لو باطلاله صغيره , تحياتى .

* عبدالماجد فرح
أسعدنى مرورك جدا , وأرجو أن تواصل معنا فى هذه التجديدات للأمثال .

Quote: رقيص البشير ولا صمة خشم سلفاكير

Maaaaan... ياخ أنا لغاية هسة ما قادر أمرق من التقليد وغنا الحقيبة.. إنت من قولة تيت جايي بي حقك!!! كدا ما حا تنضم لي القسم بتاعي "الصيانة والاستعدال" حا تمشي القسم الرئيسي الـ Creation مع المدير ود موسى..
بمناسبة الغنا نديك المثل دا وهو من مجموعة اسمها "أمثال تركها لنا الأسلاف ناقصة" نعكف على تكملتها شخصي والتيم بتاع الصيانة:
أبعد عن الشر وغنيلو أغاني chـبـchـبة.

Quote: رجاءا ألا تنقطعى حتى لو باطلاله صغيره , تحياتى .

كلام السيد المدير أوحى للزملاء في قسم الاستعدال بنجر هذا التحديث:
Before: كترة الطلة بتمسِّخ خلق الله.
After:كترة الطلة بتمسِّك ولدا السغيِّر لي نعمات عشان تقدر تسوط الحلَّة.
وطبعاً تسعدنا طلت توما

أبو القدح كان إتعدي ال120 مابصفر

عبدالماجد
دبايوا
دى امثال سودانية برضو .
اوسول اي اسابكنى وهركايدا اترفييف.

هذا مثل يطلق لمن تكرمه بشئ من عندك فيطمع فى كل ما عندك.

وهموتيب املاتا.
هذا مثل يطل لمن يريد ان ينازل احدا فيقول له المثل لاتنازل الا من يستحق المنازلة
اى كانت المنازلة.

الأخ عبد الماجد شكرا على الخيال الابداعى الجميل
المثل الاخطر: هو
طول الحكومه مابتعرف الا بعرض المعارضه
غير أن صاحبك ، وأعتقد أننى أعرفه أرسل لى عبر الايميل هذين المثلين
الما ضاق وجع الضرس يقول الصداع حار
كان داير تكتر زوار بوستك صلّح العنوان

معذرة للتكرار....

Quote: أبو القدح كان إتعدي ال120 مابصفر

بختكم يا باشمهندس.. عندنا هنا لو إتعدَى سرعة 7 بياخد over speed ticket

هاكم طائفة من امثالنا مع حار التحايا لعبد الماجد وبقية الصنايعية:

كان غلبك تفتح لك بوست انجرلك مثل


فياقة عبد الماجد موسى الخلتو ينجر فى الامثال بالخوسة


جوع الوزير البلاع السفه الداخلية وقبل على الدفاع

عرس الجبهجى المتدين من صحن عشاءه بين

تملق وزير الدفاع الكان مرض البشير يبلع بدلو حبوب الصداع

موجو.. زميلاً لينا في الورشة مستاء من مثلك دا: كان غلبك تفتح لك بوست انجرلك مثل وقال: دا مثل معادي للتوجه الحضاري في البوست وكلفني أوصل دي:
كان غلبك سدَّها أطلب يدَّها

محمد السر

Quote: كان غلبك سدَّها أطلب يدَّها

فى حاجة مقلوبة هنا !!



بدون سوء ظن ...

بعرف عمايلك من نغمة موبايلك

Quote: موجو.. زميلاً لينا في الورشة مستاء من مثلك دا: كان غلبك تفتح لك بوست انجرلك مثل وقال: دا مثل معادي للتوجه الحضاري في البوست

محمد السر تحياتى ..والله الراجل كلامه صاح

طيب رايك ورايه شنو بعد التعديل..هاك التعديل:

المثل المنجور ولا البوست الببور

حبيبنا موجو

Quote: المثل المنجور ولا البوست الببور

إبداع..
كدا إنت في صدارة الـ Top 10 لهذا الويك..
يا ريت ما تغيب..
بدر الدين شنا عامل ميت.. لو قدرت حنكتو لينا تبقى ما قصرت

أثناء خروجي من المطعم الصيني الذي تناولت فيه طعام الغذاء اليوم كتدريب عملي حيث أنني سأجلس لامتحان "كيفية أكل الرز بالعصايات" مطلع الشهر المقبل. والنادل يودعني بابتسامته الـ Made in China .. طبيعي.. لأنو أي حاجة ميد إن صاينا..
ما عدا أنثى الأنوفليس طبعا..
دي بقى نحن نفاخر بها الشمس..
المهم، أثناء خروجي لمحت هذه اللوحة قرب الباب:

فقلت للنادل ،كرد على تلك الابتسامة: "يا لها من لوحة رائعة!!
من الذي رسمها!!..
لماذا لم يترك توقيعه!!..
انتظر!!.. طالما تزينون بها مدخل المطعم لا بد أنها للرائعة Fa so li ya ؟"
فقال لي وهو يكتم ضحكته: "سيدي إنها ليست لوحة.. بل حكمة مكتوبة باللغة الصينية!!" فقلت له: "ياخ عارف.. إنتو الواحد ما يهظر معاكم؟" ثم طلبت منه أن يقرأها لي متعللاً بشناة خط كاتبها علاوة على سهوي عن أخذ نظارتي أثناء قدومي للمطعم، فقرأها بالصيني ثم ترجمها لي، رغم أني دائما ما أحييه بصينية رصينة: "shi ha"!!!
لو نظرنا للبنية التحتية للمثل نجد أن الجزء الأول منه (الشختتين الفوق) يختص بالطعام.. بينما الثاني ( التحت.. العامل زي طفايات قاعة الصداقة دا) يختص بما يشتهيه الرجل في زوجته، وهو ما يكون نادر الوجود في المجتمع!! سبحان الله.. الخالق الناطق المثل بتاعنا!!!
هذه الحادثة جعلتني أعيد النظر في زعم الجيولوجيين بأن "اليابسة في الكرة الأرضية كانت كتلة واحدة قبل الانشطارات التي وزعتها لما نراه الآن من قارات وجزر".
هذا الزعم فشلت فيه محاولاتهم المستميته في الاشارة لتطابق حواف كل قارة مع جارتها كدليل يؤكده.

Chaw

ــــــــــــــ

Quote: بدر الدين شنا عامل ميت.. لو قدرت حنكتو لينا تبقى ما قصرت

أنتظرني في "محنَّك" دا بجيك حسع
وبعدين يحنكني كيف إنت ما عارف "المحنَّك" ما بكاتل

Quote: أنتظرني في "محنَّك" دا بجيك حسع وبعدين يحنكني كيف إنت ما عارف "المحنَّك" ما بكاتل

يا ود موسى.. اللاعب المسبغ شعرو أبيض دا ياهو عنتر الكايسنو ناس الهلال وجاك بي رجلينو.. أوعك تفوت الفرصة دي.. سمعت تحت تحت إنو في مفاوضات بينو وبين نادي المحنَّك البحريني

ـــــــــــــــــــــ

ـــــــــــــ

ــــــــــــ

Quote: أنتظرني في "محنَّك" دا بجيك حسع وبعدين يحنكني كيف إنت ما عارف "المحنَّك" ما بكاتل

بدر السمح الله يعافيك والله لذاذتك تعادى،،

عبد الماجد وينك يا أخي مشيت خليت البوست بتاعك؟

أنا قبل يومين تداخلت في هذا البوست ووعدت بالمساهمة
في هذا الموضوع..ولأني راجل أروش وأحوص ، بعد ما عملت اقتباس
من بعض أمثالك ، نزلت تحت المساحة المقتبسة مباشرة زي
الأحوص الطلب فول في المطعم وأكل كباب جارو. وصممت الانتقام من
نفسي فعملت مثل عن الشتارة وواحد عن الحوصة..
وستجد مساهمتي المتواضعة فيما يلي:

القلبو ميّت بيرقص في عرس خطيبتو
نسيبتك كان جبت ليها لبن الطير
حاتسقيك الشاي أحمر..
النايم بايت القوا.. ما بسك الحرامي مع الجيران
العرّست بعد بورة بتستحمل ضرب زوجها
شناة الوش ما بحاسب عليها القانون لكن الناس ما بتقبلها..
أكل الدين ما بعمل عنقرة..
البخاف من مرتو ما بقول ليها ملاحك شطة..
الشتارة ما بتنفع معاها شطارة
تكة السروال ما بتنفع حزام للبنطلون
الما بتعرف تطبخ العدس ما ترجى منها كفتة
الأحوص كان إتأخر برة البيت فتشوهوا عند الجيران..

الأخ العزيز / نصر الدين البشير
تحية عطرة
يا خوى سلامة النظر , والله مساهمتك أكثر من رائعة , خليك معانا طوالى المشوار دا طويل , ألف شكر .

ــــــــــــــ

محمد السر وماجد لقيتو يدكم فيني لكن

ماجد خليهو بنقدر عليهو هنا ( اوعي تكون إتعقدت )

محمد السر
اول حاجه
كتره التصليح بتلجم الجنا الفصيح

وبعدين طله اظنها بالمربوطه (طلت ) دي فعل مضارع .. أعد المثل وقابلني

الحاله قال بتحضر حصص محسن خالد

(مسخ شديد)

وسلام كبير جدا جدا جدا لحضور صديق الموج وبدر الدين شنا

والتحيه لصاحب البوست وصاحب الامثال طبعا

Quote: أعد المثل وقابلني

بِلااااااااااااااي!!!
نحن لمن نكتب للناس "قابلني" في زول قعد يجي يقابلنا؟

الأخ عبد الماجد
مايلي مثل سوداني على لسان حبشي
غنماية كريت تطلع في الشجرة يحرقها شديد في ضهرا

وأصل المثل كما تعلم يقول:
"التسوي كريت تلقى في جلدا"

وين ؟

ـــــــــــ

وصلتنا للتو بقسم الاستعدال طلبية عاجلة:
After: كان غلبك سدها استعين بصديق!!..

بت خالك بتريح بالك بت عمك بتفور دمك

الأخ عبد الماجـد موسـى
وكل الصنايعيـة
سـلام

الشماسـة برضـو عندهم امثالهم المستحدثة والتى تم نجرها من امثال او ابيات شعـر مشابهة لها...مثلا:

قال الشاعـر شوف الجنى وشوف فعاله وفى الديوان كيف لافى شاله)
فقال الشماسةتفتيحة وشـايل مفاتيحها)

قال الشاعـربراي سويتهافي نفسي قلبي الحب ما داري)
فقال الشماسة(الدقسـة فيها اللحســة)

قال الشاعـريا مسافر ادلى وسيب السفر يلا)
فقال الشماسة(شـتات يافردة)


ولي عودة
الخير

مرحب بالخير..
ياللا أبرولك في السريع وخش في الشغل

يا سيد الورشة الخير دا صنايعي شاطر ما تفوتو

عاين لي بوست ايمان كده ومال علي باسما:


الزمن ده عرس لي ولدك..بتك شغلها نضييييف

قلت له: هيا بنا لموجو في بوست بورداب الرياض، فقد رأيته داخلاً وقد تأبط شرَّا" فقال لي:
يا مااااان الباب البجيب الريح سِدّو بالمفاتيح.

بت حبوتك بتطير نومك

بت الجيران بتولع النيران

المتداخلون الأعزاء :

** محمد السر :
والله ما قصرت جبت لينا بدر الدين , بالمناسبه أعمل حسابك من المطاعم الصينيه دى وخاصة الشوربات .

** محمد السيد :
ماتطول الغيبه وتحرمنا من الأزهار الجميله دى .

** هاشم نوريت :
المثل بتاع الحمار انتا نسيتو ولا شنو , شكرا على المرور .

** الأخ العزيز / مأمون زين :
تشكر جزيلا على الطلة الجميله وألف شكر على كلماتك الرائعة وأرجو ألا يفارقك صديقى هذا ويظل يمدك بالأمثال وحكمتها على طول .

** صديق الموج :
ياخوى مالك ان شاالله المانع خير , ماممكن تحرمنا من طلتك تلاته أسابيع بلياليها, على كل حمدالله على السلامه وأشكرك جزيلا على الأمثال الرائعة , تحياتى .

** بدرالدين شنا :
تشكر على المرور ونحنا منتظرينك .

** محمد السر :
طبعا اللاعب ده مابنفرط فيهو , لو صبغ شعرو ولا قلع ضرسو , بس ساعدنا بالعزايم .

** توما :
ولا يهمك نحنا معاك , سعدناكتير بى وجودك وبعد كده ماتتقطعى , وألف تحية ليك .

** فرح :
التحية ليك وبالله ما تقطع الحاجات الحلوه دى .

** سعدالدين عبدالرحمن :
ان شاالله بى سلامتك يا خوى والله مشتاقين , طولت كتير .

عشرة أمثال أخرى :

** الاستعجال للولاده .. خلى الجداد يبيضن
** صندوق الشكاوى ملان مواعظ
** مطر الرشاش ماببل الريق
** صدر الموج قاسى حتى للأطفال
** الحرامى مابندس فى خشم التمساح
** شلعة البرق بتظهر الشياطين
** علبة الصلصه مابتتفتح مرتين
** النايم مابتثاءب
** البرجع بى ضهرو نفسو مابقوم
** طريق الموت هو الوحيد المابودى روما

طبعا ما عندى غبر الاعجاب بهذه الفكرة اللذيذة الجديدة الى حد كبير واضبف مثل اجترحه الصديق مصطفى احمد الخليفة يقول على وزن يا مآمن الرجال يا مآمن الموية فى الغربال ،يقول مصطفى :يا مآمن النسوان يامآمن الموية فى الباغة المقطوعة من تحت

Quote: طبعا ما عندى غير الاعجاب بهذه الفكرة اللذيذة الجديدة الى حد كبير واضبف مثل اجترحه الصديق مصطفى احمد الخليفة يقول على وزن يا مآمن الرجال يا مآمن الموية فى الغربال ،يقول مصطفى :يا مآمن النسوان يامآمن الموية فى الباغة المقطوعة من تحت

يا ود موسى أنا كدا حسدتك عديل..
الأستاذة سلمى دي ليها سنتين في سودانيز أون لاين.. خلال السنتين دي كتبت 24 مرة بس.. بمعدل مرة واحدة كل شهر.. وإنت المرة رقم 25!!!
وكمان جايي معاها مصطفى أحمد الخليفة!!
موش لي حق أحسدك؟
أنا عندي إحساس إنو المسألة فيها كواديك..
واحد من الشباب (شهادة عربية) في قسم الاستعدال شافني حاسدك حنكش المثل دا:
الحاسوب لا يسود.

** أختنا بت الشيخ
نورت البوست طبعا انتى التالته من النواعم البتمر وتترك البوست ملان عطور , وألف شكر ليك على الكلمات الخلت ود السر يحسد ويسف الرماد , بالله يا سلمى خليك معانا فى المشوار الطويل ده , واعملى حسابك نحنا ماشين كدارى وكترى من الأمثال دى .

** محمد السر
يا خوى والله ليك الحق اذا كان مرت سلمى وأخواتها بى جاى كل يوم حيجرن لينا الباقيات , وبينى وبينك لو فى كواديك كنت جريت ( بله موسى ) رأيك شنو ؟!
ويا ود السر شكرا كتير ليك , عطرت البوست واضفت ليهو نكهه جميله جدا .

** الأخ العزيز / على الحلاوى
تشكر يا حبيب على المرور وان شاء الله دايم .

** الأخ العزيز / الخير محمد عوض

ألف تحية ليك , والأمثال العندك دى بالله تب أمرقا لينا بى جاى .

والله زولك ده كتلنا بالضحك
الشـماسـي قالوا ليهو:

هوي ياجاهلة طيبك عبق
سنك براقها يسـوي بـق
ترنعي تشبهي مهرالسبق
فوق اردافها نهيدا انطبق

قال ليهم:
(شــدة وغسـيل عــدة)

** العزيز / صديق الموج
البفتح بوست يشوف نهايتو والبفتح موية فى حوض يرفع تقانتو( ده مثل اهل عوضى جدا.)
( صديق يا خوى انتا قاصدنى أنا ولا قاصد بله موسى )
نجرك نضيف والله صديق .

ـــــــــــــ

Quote: يا ود موسى أنا كدا حسدتك عديل.. الأستاذة سلمى دي ليها سنتين في سودانيز أون لاين.. خلال السنتين دي كتبت 24 مرة بس.. بمعدل مرة واحدة كل شهر.. وإنت المرة رقم 25!!!

محمد السر العزيز اللطيف تحياتى

سلمى لا تبيع هيبة الصمت برخيص الكلام مثلنا..لكن طلبتك بالمصطفى من ال24 مرة الكتبت

فيهم سلمى فى موضوع كاتباه الزولة الرائعة دى بعنوان البلاعة...يا سلام يامحمد.....

والله تمشى على بلاعة سلمى تقرب تشرب ليك منها كوز...الزولة دى موصفة البلاعة فاستحالت

على قلمها كبركة المتوكل او كانها حوض سباحة فى منتجع ملوكى بالله يامحمد دى دعوة

منى امش فتش البوست ده فى الارشيف...ونتلاقى بعد تقراه.

Quote: والله تمشى على بلاعة سلمى تقرب تشرب ليك منها كوز

يا سلام عليك ياموج
والله يا الموج قدر من بحت في الإرشيف ما لقيت البلاعة دي
يكون ياربي سمع بيها برير الهلال ودفنها مع حوض البط
وقالوا البارح جمع ليه شوية (بطةـ)ـجية وكفت عنتر بنية

Quote: وقالوا البارح جمع ليه شوية (بطةـ)ـجية وكفت عنتر بنية

أرأيت يا عنتر..
هذا مصير من يتلاعب بالهلال وبوستات الأمثال..
عشان كدا (بطـ)ـل زوغان من البوست

بدر يا اخوى انت ماك زولا ساهل اخوك غاطس لما لقي ليك البلاعة ان شاء الله بلاعتك

وبلاعة حبانك..بالله شوف سلمى دى رائعة كيف..بس الله يديها ضهر للكى بورد كان

شفتو عجب،،،،


أها يا جماعة الخير

اشتاق لموية البلاّعة
و اضيف رائحتها..
أتذكر بجلاء كيف ان حوشنا الكبير في بيتنا(أم بدّة) كان يبتلع كل ماء دلقناه فيه..تصيح امي او ابي (رحمة الله عليه) لمن كان متأهباً فينا للحمام:
البلاعة ملانة..اغرفا، بعدين إستحما..لأنها بتكسر و بتطمبج ا##########!!
لكن من عناه الكلام كان إما انه يستنكف ذلك او يفعل على مضضضضضض خاصة لو كان متعجلاً الخروج، او احياناً لا يعير ما قيل له إنتباه......فتفيض البلاعة تطفح مياهها، تجري في الجدول الصغير الذي يمرُّ تحت شجرة غرستها ذات إخضرار يد شقيقتي هدى (رحمها الله)..كانت اكثرنا حميمية بالزرع لدرجة انها تركت كل دراسة رشحت لها و درست الزراعة..مسكونة كانت باللون الأخضر تدخل و كثيراً في مناوشات مع والدي..خصومتهما كانت دائما على السماد...ماذا يكون..فهو الآخر كان اخضر الإنتماء...
حينما إنتقلنا إلى بيت أم بدة، لم تكن مزروعة فيه سوى مهوقنية.....حدثني احمد الشيخ أنها على حين غرة من إغترابنا، قد قطعت!!!!!لا اعرف لماذا؟؟ و قد كان ظلها رغم انه يمتد لبعيد لكنا في الأيام الأولى من سكنانا نعرف بها موقع البيت، تجاورها شجرتان، ليمونة و شجرة قريب فروت في الحوش الأمامي قبالة ( باب النسوان)..كنا ننام تحت تلك الأشجار نسدها بطينة و عجينة عن نصائح هدى في الفرق بين نفس الناس و نفس الشجر..
عدنا ذات عصرِّية من مشوار الحياة اليومي، فلم نجد لهما أثراً!!! لا الليمونة و لا القريبة..بكيت..على نحو خاص لفقدهما..و ذلك بحكم موقع سريري الكان أكثر قرباً من نفسهما..لو انك تفتح الباب اليفضي بك إلى زقاق واسع الضيق، ما كنت ترى سواها..تلك الأشجار...غابة حميمة مقترحة للفرح..ينشرح قلبك..تحس ان ثمة أمل..فرح خفي..خاصة حين تكون تلك الأشجار مرشوشة بماء مطر خريفيٍ..أو.. بالخرطوش!! ما تركوهما تثمران..تماما كفعل نظام إنقلابي ينمو بالإجتثاث...
و لأن الماء كان شحيحاً في حنفياتنا...صرنا نرشرش موية البلاعة في الموقع الخلا منهما( شجرتانا)..
تندلق الان موية البلاعة مارّة في الجدول الصغير بإتجاه الجنينة التي إفتعلاها من حنينهما والحب أبي و هدي، في الفناء الخلفي، سوّراها بالتمر هندي و الاركويت . بعيداً عن السور الأخضر إلا قليلاٍ، قريبا من باب الرجال..تتاود العنبة الرامية في بيتنا.. وعطشى.. حتى أنها كانت حامضة الثمر..هدى طالما حذرتنا من خطورة موية البلاعة على الزرع___ما تسقو الشجر يب موية البلاعة.. عشان فيها بكتريا بتقتل الشجر____لكن مين البسمع؟؟
كل يوم... منذ الديك الباكر.. يعزف النشيد الصباحي لكركرة الكوز المعدني وهو يشرخ الصمت ..كوش..كوش..كوش..أرتال الخبوب الأسود لا تنيء تخرج اثقالها..بعد تلك الرقصة الطقوسية..تدخل الحمام على يقين من أن البلاعة فاضية و الجردل فاضي و وفي راسك المعادلة( سين ماء حمامك يساوي حد إمتلاء صاد الجردل)..و تخرج بعد ذاك الفاصل الغنائي الذي نعمت به لما إندلقت منك و عليك الأغنيات في الحمام فتنسى البلاعة و الجردل و العالم من حولك و صوت من أمك أو ابيك يدعو للسكات( يا بت الغنافي الحمام ما سمح..الحمام فيه الشيطان)...
وحتى إن كنت على عجل..تنتظرك فاغرة فاهها البلاعة..فهناك من (حيتبرد بعدك يا بت) يا بت اتبردتي؟؟؟
البنات كن ينتهزن إمتلاء البلاعة فرصة!! يتسارعن لغرفها.. ليس حباً في ذلك و لكن..ثمة من تحلمن بمروره وفق توقيت القلب و كشح الجردل على قارعة من شارع يتلصص..غالبا ما تكون الواحدة بفستانها المنتقى بعناية من يريد ان يُرى في إتفاق الصدف !!!اتساءل!! هل ما تزال الحسناوات تدلقن موية البلاعة؟؟أم صارت المياه تجري على إيقاع آخر....

و لنا فصوص لم تزل
نتلاقا

المقعد دا محجوز

علي الحلاوي شخصياً!!
أنا ما قلت ليكم ود موسى دا بتاع كواديك!!
المزعلني هو ما قاعد في البوست
يا برلوم بوست زي دا تاخد ليه إجازة من الشغل
صدق المثل:
بوستاً يكوسلك ولا بوستاً تكوسلو.

ــــــــــــــــ

يا موجو!!!
والله دي بلاعة ما هينة الخلتك تنداح قدر دا!!
عارف.. ود موسى دا ما بتاع كودايك.. الزول شكلو مبروك ساكت.. والجاوره بِسعد.. أنا أمس قريت مداخلة لي الفاتح وديدي عن شعر عاطف خيري من أمتع المداخلات القريتا هنا، والليلة لقيت مداخلتك دي.. والله يا موجو الشاعرية الفيها أجمل من دوايين شعر..

Quote: البنات كن ينتهزن إمتلاء البلاعة فرصة!! يتسارعن لغرفها.. ليس حباً في ذلك و لكن..ثمة من تحلمن بمروره وفق توقيت القلب و كشح الجردل على قارعة من شارع يتلصص..غالبا ما تكون الواحدة بفستانها المنتقى بعناية من يريد ان يُرى في إتفاق الصدف !!!اتساءل!! هل ما تزال الحسناوات تدلقن موية البلاعة؟؟أم صارت المياه تجري على إيقاع آخر....

في زمتك دا كلام بِقولو زول ما شاعر؟؟
يا موجو أنا والبدري طاشين من البلاعة دي!!! شوف لينا اللنك حقها.

ــــــــــــــــ

طائفة من النجرى....


البفتح بوست يشوف نهايتو والبفتح موية فى حوض يرفع تقانتو( ده مثل اهل عوضى جدا.)


النضافة وسرقة الدقيق ما بتلمن


المركبين طقوم ما ياكلو الدوم

الشـماسـي قالوا ليهو:

هوي ياجاهلة طيبك عبق
سنك براقها يسـوي بـق
ترنعي تشبهي مهرالسبق
فوق اردافها نهيدا انطبق

قال ليهم:
(شــدة وغسـيل عــدة)


وتني بجي.

** أختنا بت الشيخ
نورت البوست طبعا انتى التالته من النواعم البتمر وتترك البوست ملان عطور , وألف شكر ليك على الكلمات الخلت ود السر يحسد ويسف الرماد , بالله يا سلمى خليك معانا فى المشوار الطويل ده , واعملى حسابك نحنا ماشين كدارى وكترى من الأمثال دى .

** محمد السر
يا خوى والله ليك الحق اذا كان مرت سلمى وأخواتها بى جاى كل يوم حيجرن لينا الباقيات , وبينى وبينك لو فى كواديك كنت جريت ( تاج السر ) رأيك شنو ؟!
ويا ود السر شكرا كتير ليك , عطرت البوست واضفت ليهو نكهه جميله جدا .

** الأخ العزيز / على الحلاوى
تشكر يا حبيب على المرور وان شاء الله دايم .

** الأخ العزيز / الخير محمد عوض

ألف تحية ليك , والأمثال العندك دى بالله تب أمرقا لينا بى جاى .

والله زولك ده كتلنا بالضحك
الشـماسـي قالوا ليهو:

هوي ياجاهلة طيبك عبق
سنك براقها يسـوي بـق
ترنعي تشبهي مهرالسبق
فوق اردافها نهيدا انطبق

قال ليهم:
(شــدة وغسـيل عــدة)

** العزيز / صديق الموج
البفتح بوست يشوف نهايتو والبفتح موية فى حوض يرفع تقانتو( ده مثل اهل عوضى جدا.)
( صديق يا خوى انتا قاصدنى أنا ولا قاصد بله موسى )
نجرك نضيف والله صديق .

قديما قيل

: لكل امرئ من دهره ما تعــــــــوّدا وعادة سيف الدولة الطعن في العدى
وقيل : who the cap fit, let them wear it
........دي طبعا لي بوب مارلي وقد تعني (كل راس بي مقاس)
وقيل : عندنا نفس المثل السابق :مد رجليك علي قدر لحافك
وقيل : لكل مقام مقال


والآن : كل تلاتة تحت بلاطة
والآن :كل ستة في حتة
والآن :كل خانة في مكانة
والآن : صدر حديثا جدا: اربعة خمسة ستة يا مفضوحين في كل حتة

عينك في الفول تاكل في مويتو!!!

واحد رسل لي رسالة في الموبايل كتب
الفران بيملص ساعتو عشان الدقيق ما يشاغل الدقيقة

ياموج لو سمحت أدفق لينا لنك البلاعة هنا

Quote: ياموج لو سمحت أدفق لينا لنك البلاعة هنا

يا بدر .. أكان ما بتشم ما بتشوف! صديق جاب البلّاعة بى كوزها .. ياخى دى بلّاعة تعطّش .. وقد صارت مثلا يضرب به..

بلّاعـة سلمى و لا زير السبيل

توما و بت قضيم سأضيف لمدرستهما سلمى ببلاعتها

عزيزى عبد الماجد

أعذرنى أن دخلت لا لحم و لا كستور .. لأنى جئت على لستك لأستمتع بهذا الفكرة اللنج و المسطولة قد أعجبتنى كثيرا فهى ملئة بالأبداع .. لهذا جاءت بالمبدعين .. عمك صديق الموج و أخينا محمد السر

جئت لأقرأك .. لأخرج مليئا بالحكمة و كثير من الأبتسام .. لا تتوقع أن أدلى بكوز بلاعتى لأن بى ذاكرة تنكرد ذاتيا

آه .. لقد تذكرت بعض الأمثال ...

الطماطم المفجخة ما بتتعدل

أكان حيطتك قصيرة ما تقول لى الناس دنقروا ريسينكم

لهيب الشوق ما نجّض ليهو خروف

البوست ما بUP ببوا إلّا أصحابو

الآن قرأت بوست الأخ سبيل صدّقوا : أثينا تبحث نقل مخلفات الصرف الصحي الى السودان فتذكرت المثل..

خرانا و لا خراء الخواجات

لووووووووول

إفيييييي يالحلاوي..البوست ده كان ناقص خمره بضم الخاء ما ااطبخانه

ههههه الله يكرمك


يا عبدالماجد

انا نصيح والحمدلله كان ما مت بالضحك...جوك ناس شنا والموج ديل..
تاني تفتح البوست ده بي منديلك


صاحبك بقول:


النضال موضة الصعاليك

كيف يا شباب ..

ممكن أشارك

العريبي لمن يتفلهم بجيب الإساءة لي أهلو !!

صنفرة :

المثل دا سمعتو أمبارح في سوق السجانة

سلامات يا شباب ..

ممكن أعدِّل:

Quote: العريبي لمن يتفلهم بجيب الإساءة لي أهلو !!

العويضي لمن يتفلهم بجيب الإساءة لي أهلو !!

ممكن أضيف:

العينو حارَّة ما بتدفيهو
الضراعو أخضر ما ببيعو عنكوليب

تحياتي

خلاص يا سعد الدين .. هاك المثل دا .. عله يكون رووم بيرفيووم


الخمرة لو ضموها ما بتكون خمرة
(الأولى بالفتح و الأخيرة بالضم)

** أبو القاسم
سلام كبير وألف باقة ورد للمرور الجميل , وخليك معانا طوالى .

** محمد السيد
البوش يكون سلا روحك زمان مش كده ؟!

** بدرالدين
ياخوى أنجر ساى وطلع الحاجات المدسوسة .

** على الحلاوى
ألف شكر ليك , أها بعد ما شفت اتجاه الريح حدد حاتشوت وين , نرجو انك ماتفوتنا تانى
والله كان كده ( محمد السر ) كلامو صاح نمسك فيكم قوى , بالله كتر من الحاجات الظريفة دى
وبعدين ياعلى
الخواجات ديل لو خراهم ما عاجبم يخروا ليه ؟؟

** سعد الدين
حمدالله على السلامه وبالله ما تحرمنا من نجرك الخطير ده .

** ناذر الخليفة
انتا وين من زمان يا خوى , ولا يمكن ظروف والله نورت البوست , ويلا ايدك معانا عايزين لينا حاجات منجوره موسيقيا .

** عادل البدوى
ألف ألف مرحب بيك وبمرورك اللطيف , ياخوى عدل زى ما عايز وزيد زى ما داير بس ماتنقطع .

السلام عليكم ورحمة الله وبركاته
تسمح بشوية تعديل
(الخمرة كان ضموها بتسطل , وكان فتحوها بتسكر )
*******
كان ما عندك للبوست عنوان ,اكتب عليهو من سجي مان
*******
المس كول ما بطمن زول
*******
عندى زيادة بس داير اعرف رايكم شنو?
***ود المسيكتاب ولي ضيوفو فاتح الباب***

أمثلة غير منجورة:ـ
قديما:عشان عين تكرم الف عين
حديثا:الشر يعم والخير يخص




أمثلة متضاربة صدقناها:ـ
: الجديد شديد.
: جن تعرفوا ولا جنا ماتعرفوا

: جارك القريب ولا ود أمك البعيد
: أخاك أخاك إن من لا أخ له كساع إلي الهيجاء بغير سلاح

الاخوان محمد السر وبدر شنا تحياتى

شايفكم واقعين فى بلاعة سلمى لغف اقصد قطف المهم يا بدر انا ما بعرف النك انت نسيت انت

علمتنى اكوت وخليتنى واقف فيه لى هسع..وبعدين بدر الدين خرف انا هنا حا انقل ليكم مد

مداخلته ..وبعدين انا بسوى بحث ارشيف المنبرالنصف الاول عام2004 وبكتب سلمى الشيخ

سلامة وعنوان الموضوع ..فصوص امدرمانية وحكم سلامية بجينى الموضوع امشو انتو

يا الشداد اعملو اللنك وهاكم مداخلة بدر:

Quote: الله يرحم أبوك وأختك ويرحمنا جميعاً ويرحم أمواتنا وأموات المسلمين سلبى الشيخ سلابة بيت أمبدة أنا ياما شفتو وغينت فيهو وأتونست مع أهلو وإستمتعت بيهم .. يا أخواني سلمى دي دايرا الزول يلاقيها عديل بدون وسيط عشان يستمتع وياخد النكتة حااااااااااارة منها دي زولة من نسيج نادر والمتلقي لازم يكون حاضر البديهة ولا بتفوتو حاجات كتييرة سلمى أخبار عزة شنو؟؟؟ وأخبارك إنتي شنو؟؟؟ بلاعة وجرى دمعو بلانا لك حبي وتقديري وشناتي

هاكم ديل


** ضل المسكيت ما بطعن.
** شراب الشيشة ما بسمن.
** ميتة العقرب ما بتحنن.
** مبارات المجنون ما بتجنن.
**
ما وريتوني رايكم لسه
***ود المسيكتاب ***

ود الموج
سلامي وإحترامي
ياهو دا لنك البلاعة
فصوص أم درمانية وحكم سلامية

** سيف الدين حسن
أولا ألف مرحب بيك وبى أمثالك الحاره دى
ثانيا رأينا معروف لكن ود المسيكتاب دى يفتيك فيها الموج براهو , ياخوى واصل وأنجر ساى , وماتتلفت لى ورا تب .

** محمد السيد
تشكر على المجهودات الجباره .

** صديق الموج
الله يستركم ياخوانا من البلاعه النشفتو ريقا دى .

** بدر الدين
لسع ياخوى حكاية البلاعة دى ماانتهت , كدى أنجر لينا حاجه جديده وحلوه أو أدينا من المنجور .

عشرة أمثال أخرى :

** الخبيث هو اليقدر يوصل الشمارات للأطرش
** أسماء الله الحسنى ما فيها المخيف
** الفرح الشديد مسروق من الأحزان .. والحزن الشفيف مابكسر الأغصان
** ضل الضحى مابتحنس
** الحقيقة زى الشمس .. تضحك لو غطاها السحاب
** الثمره اذا استوت تقع للياكلا
** المستقبل المكسور يبكى ليهو الحاضر
** الحيطة القصيره بدفق فيها الملاح
** النصيحه قبل أول كاس .. توقف الفضيحه التكتم الأنفاس
** المجرم اذا حمد الله على جريمتو .. شكر الشيطان

Quote: ** الثمره اذا استوت تقع للياكلا

ماعندك واحد بالدارجي زي دا(كان سمعوا البنات بعملوا غنية في رقيص العريس والعروس)




حلوة وجديدة وملعوبة منك ولا من صاحبك ماعارف ..بقيت بتهضم حق فردتك الظاهر





......................................
***النجيضة تقع للياكلا***
ماتقول طاير لي عرس في راسي دا

قديما: الكلب يهوهو والجمل ماشي
حاليا: الموتر بترتر والدفار بدفر

مشكور عزيزي عبد الماجد على قولك:

Quote: ** عادل البدوى ألف ألف مرحب بيك وبمرورك اللطيف , ياخوى عدل زى ما عايز وزيد زى ما داير بس ماتنقطع .

أكان كدي، أمسك عندك:

مشتقَّات المثل القائل: عرس أبو الدرداق للقمرا:

1. حكاية القمرا، لا عرَّست أبو الدرداق لا عرَّست غيرو
2. راح روحة عرس أبو الدرداء في العرس الجماعي
3. أبو الدرداق لما ما عرَّس القمرا قال هو ذاتو وينو الصاروخ البسيرو بيهو عليها

نَجِر جديد:

1. لفة عِمَّة الزول ما بتوديهو الكلاكلة.
2. حكاية الميت، راقد في عنقريبو أرياحو ضاربة وحُفَّار قبرو يناهدو
3. الشاي بي اللبن ياهو شاي بس بي لبن.

وبعدين ياخوي خليك قريب من بوستك عشان ما ينطبق عليك المثل البقول: البوست محروس وسيدو يكوس.

وأُضيف تعديلاً للمثل القائل "الباب البجيب الريح سِدُّو واستريح" ليصبح مثلاً منبرياً بمناسبة الحاصل في المنبر هذه الأيام:

البوست الفيهو الريح فُطُّو واستريح

تحياتي

** محمد السيد
طبعا فى كتير من الدارجى زى ده , وبالمناسبه هى من صحبى طبعا وهو حقو مابتهضم لأنو عارف حقوقو كويس , لكن هو ماخد الحكايه واحد يعنى أنا أو هو شخصيه واحده , عشان كده لو ذكرت كلمة صاحبى أو ما ذكرتها مابتفرق معاو
شكرا كتير للاهتمام والمتابعه .

** عادل البدوى
ياخوى الحاجات الرائعه دى انتا داسيها مننا وين من زمان ؟
والحاجه التانيه البوست دا انتا سيدو
وكل المعانا بى جاى هو حقهم
يعنى كلنا كده مع بعض
تشكر يا حبيب .

بلاعة سلمى الشيخ سلامة ولا ساعة في شرم الشيخ شرامة

قضيت الليلة مع شلة الكوتشينة فوجدتهم قد استعدلوا هذه الأمثال:

ولدك كان كِبِر خاويه
ولدك كان كِبِر خاوي ليه الجوكر

جلداً ما جلدك جر فوقو الشوك
جلداً ما جلدك جر فوقو خمسين

الماعندو كبير يشتري ليهو كبير
الماعندو كبير يجلد بالأتوْ

كان غلبك سدها ألعب لي دكها

قديما: القحة ولا صمة الخشم
حديثا: شغل لينا إن شاء الله فلم كرتون


قديما:البيتو من قزاز ما بجدع بالحجارة
حديثا:البوستو للتوقيع بكسر التلج


قديما:عفن وبنشم
حديثا:أكان ماردينا قرينا


قديما:لسانك حصانك اكان صنته صانك
حديثا:ركز ..ياخخخخ (مكرر)




قديما:حلم الجعان عيش ...
حديثا:لو خلص الفول أنا مش مسؤل



قديما:عندكم كلب ولا اجى بالدرب
حديثا:عندكم عروس؟.. أنا مغترب!

Quote: قضيت الليلة مع شلة الكوتشينة فوجدتهم قد استعدلوا هذه الأمثال

:


واحد صاحبنا قال داير يهب حجة هذا العام لوالده المتوفى وهو لم يحج الفرض والجماعة

قالوا له لا يجوز الا بعد ان يحج هو والرجل مصر ان يهبها واحد مرضان كنكان قال ليه

انت عامل زى الزول النزولو ناقص وداير يغطى..محمد السر الرجاء ادخال القصة الورشة

لنجر مثل يوافق ذلك ،،،

كانت حالة الطقس في اسواء احوالها اذ ان الكتاحة كانت سيدة الموقف اما الغبار والاتربة

والاتربة العالقة قد تسببت في ان يكون معظم السكان عبارة عن (فول حاجات) او في مقولة

اخرى (فول مدمس)....فنصح الناصحون ان يلزم كل شخص محله وان لا يخرج الى الشارع العام

حتى لا تختلط عليه الرؤية التى سببتها (الكتاحة)فيصتدم او يصدم بما لا تحمد عقباه...

ولكن..

وقف الشماسى هنا وقال: (الدقسة فيها اللحسـة)


وبرجع تاااااااانى.

الخير

عندنا صاحبنا من ناس أبو حراز.. قال جِدو لما يلعب كوتشينة ونزولو يابا يتم ويتحقِن بالأغطية يقوم طوالي نازل ويقعد يغطي، أها لما الجماعة يقولوا ليه يا حاج فلان دقيقة النعِد نزولك دا!! قال طوالي يسل سكينو من ضراعو ويقول ليهم الراجل فيكم يعدو..
هسة يا موجو زولك دا كان مع الإحرام اشترى ليه سكين ما في زول حا يفتي ليه.
العندو سكين ما بِفتو ليه في الدين

قديما: الحجاز بدو عكاز
حديثا: أكان يحكم بيناتم ..ماعارف!





قديما: الغريق بتعلق بي القشة
حديثا: مس كول البخيل للمطافي

كان جوك الغلاد الشداد دسدس دراهمك وخت ليك لباد


جامعة المغتربين مسيرة ماضية الى غايتها بإذن ربها .....و شكرا ايها الأصدقاء

Quote: مس كول البخيل للمطافي

المثل دا خطير يا ود السيد

محمد السر سلامات

Quote: بلاعة سلمى الشيخ سلامة ولا ساعة في شرم الشيخ شرامة

دي قوية والله لكن

صنفرة :

واتمنى أن يعجب المثل طلاب معهد الموسيقى الحانقون بشدة على سلمى سلامة هذه الأيام

Quote: واتمنى أن يعجب المثل طلاب معهد الموسيقى الحانقون بشدة على سلمى سلامة هذه الأيام

يا ناذر.. يعني سكن ناس معهد الموسيقى في شقق الإيجار خلاهم كمان يحسدوا الناس في بلاعاتم!!

Quote: كان جوك الغلاد الشداد دسدس دراهمك وخت ليك لباد

منتصر والله ده مثل فى السلك عديل كده


زمان قالوا يلمها النمل ياطاهاالفيل

حديثا:

يلموها البعاد ياطوها الغلاد الشداد

فراش من غير مخده زى العمرتك جده
البطنو غريقة يدفنها بي لقمة و نعبميه





قالو شوف العين ما بيرمى غزال

قلنا املأ البطاريه و صلح الماهيه

الما بتلحقو أعمل ليه مِس كول!!

البِباري الجِداد بِودِّي كنتاكي.

ـــــــــــــــ
حُنكِشت بواسطة مازن

الأعزاء

محمد السر
محمد السيد
الخير عثمان
صديق الموج
تشكروا وتب ما قصرتوا

** منتصر
الف مرحب بيك معانا وما تطول الغيبه بعد البدايه الرائعه دى .

** ناذر الخليفه
منتظرين !

** ابراهيم عدلان
وين يا اللخو طولت شديد , على كل تشكر على الزياره والمساهمه التانيه .

عشرة أمثال أخرى :-

** القراد لو عندو دم .. ماكان يمص الدم
** أكل الحرام بجهزك للنار .. والكلام الشين محسوب عليك أصفار
** بيوت المنتديات ماعندها جيران
** تفاصيل الشكل عند المتفرجين
** الشروهو بعد المغرب .. شروق الشمس قاسى عليوهو
** ثعابين المنتديات سمومها مابتكتل
** كتاحة المنابر ماعندها قيم ولا أخلاق
** غرف المنتديات .. مفتاحا معلق فى الباب
** رقة الكمان وحنانو .. ماعرست ليهو البيانو
** المنتديات مفطومه بى شطه ومسقيه دم بى نار

مولاي عبد الماجد موسى



الزراف ركوب الجن

Before: المكتولة ما بتسمع الصايحة.
After: المكتولة ما بتسمع اسمها في نشرة تمنية ونص.

Before: أخوك كان زينوهو بِل راسك.
After: أخوك كان زينوهو قول ليه "نعيماً".

سلام اهلي الصنايعية

ومن ورشة الشوق وتصليح الوفاء
اهدي ليكم رفرف زكريات
وعادم معزة
وتنك غرام وصامولة احترام
واستارتر محنة ومكنتين صفاء
وشمبر عشم
ولديتر اخلاص وكتاوت مودة
ومشتاقين يا فرد
وشوقنا بورى معلق






تييييييييييييت


المنتكه....في زول نازل.............

Quote: وشوقنا بورى معلق

يعنى الواحد لو شوقو برد نعرف أنو بطاريتو نازلة

عزيزى عبد الماجد

كنت أود الأعتذار عن المواصلة فى إيراد أمثال جديدة .. لأنى شعرت أن لدى مقدرة للنجر تؤهلنى لصناعة آلاف الأمثال .. و لأن هذا البوست يعتبر توثيقا لأمثال جهلها التوثيق و تعتبر عكس لواقع سودانى غفله التاريخ .. قررت أن أتوقف و بمحض أرادتى عن النجر .. حتى لا أورد أمثالا ضعيفة أو مشكوك فى صّحتها .. قلت آرائى هذى لأختى التاية فى إحدى الحفلات الدكاكينية التى كتلناها سويا .. أثنتنى التاية عن قرارى للتوقف بالمشاركة فى هذا البوست التوثيقى .. و عرضت علىّ أن أستمر فى المشاركة على أن أتوقف عن إيراد أمثالى المنجورة و تملينى هى أمثالا حقيقية من الواقع .. لم أتردد عن العمل بنصيحة أختى التاية .. فالتاية التى لم تكمل من الدراسها صفّها الرابع .. لكنها تملك ذخيرة من العلم تضاهينى أنا الذى أفخر بإكمالى للمرحلة الثانوية .. التاية أعتبرها جاسوسة على العلم .. رغم أنها لا تبرح مساحة يحدّها من الشمال باب التكل .. و من الغرب صاج الكسرة .. و من الشرق .. لا داع أن نضّيق على التاية الخناق أكثر من هذا و نحصارها من الشمال و الجنوب .. التاية كانت تستقى معرفتها من خلال رقراق التكل .. التكل كان لا يفصله الكثير عن الديوان .. و لأن الديوان كان لا يشكو من قلّة زواره .. زوار يختلفون فى سلّميتهم الدراسية .. منهم من لم يرتقى أكثر من درجة .. منهم من لم يتعرف على بداية درجاته .. منهم من إرتقى قليلا منها و أصيب بداء القناعة فقرر التوقف مخيّرا لا مسيّرا .. و آخرون قلائل وجدوا أنفسهم .. حين قرّة من أولاد البندر .. يقفون على أدنى قليلا من نهايته .. لهذا تعددت مصادر التاية المعرفية .. إبتداء من الناس الكيرى .. إلى الناس الفوق .. لم يساورنى يوما التشكك فى مقدرة التاية على التذكّر أو التفكّر .. لا أقول هذا مجاملة لأنها أختى .. لكن هذا اليقين أدركته حين مات جدّى حمد .. جدّى حمد إمتلك مكانة كبيرة فى قريتنا و ما جاورها من قرى لما له من طيب علاقة بالجميع .. كان يصل من وصلة و يصل من قطعه .. لهذا حين و فاته رأيت وجوها لم آلفها من قبل .. أنا الذى لم أغفل مأتما أو عرسا أو حتّى طهورا ألّا و كتلته .. لم أتعرّف على معظم الوجوه التى غطّاها الدمع حزنا على جدّى حمد .. التاية ببديهية كانت تفرّق من بكت بإخلاص و من كانت مجاملة .. من كانت تخفى إبتسامة بدخالها .. و من كانت تبكى بحرقة .. آلاف النساء كنّ قد شيّعن جدّى .. الآن مضت أكثر من عشر سنوات على وفاته لكن التاية تتذكر أفعال كلّ النساء كأنها كانت البارحة .. بل كانت تحاكيهن فى حركات مسرحية تميتنا من الضحك و تذهب عنّا حزنا .. حزن لا بسبب جدّى الذى كان يفرحنا بحلاوة حربة و الرغيف .. لكنه حزنا على ما فات من حلو الأيام .. لهذا حين عرضت على التاية أن تملينى هى أمثالا حقيقية من الواقع لم أتردد فى قبول عرضها .. فالتاية موسوعة مسجونة بين حائطين .. حيطة التكل .. و حيطة الحذر .. بمكر يسكننى قررت أن أهضم حقوق نشرها .. و لكنّى فى لحظة صحو داقسة قررت أن أنسب أقوالها لها و لا أجحفها .. و أن أقتل هذى الرجولة الزائفة داخلى .. أظنّى قد اطلت عليكم رغم أننى قررت الأختصار .. أعرف أن بى نفسا مترفّعة تأبى ألّا تقتنع إلّا بتفاصيل التفاصيل .. لا وضع النّقاط على الحروف فقط و لكن تنقيط الحروف أيضا .. بصراحة أعلن هزيمتى .. ربما للمرّة الأولى .. أن أورد أقوالا ليست هلى لى .. بدون أن أنسبها لنفسى أو أدّعى بأننى طرف فيها .. كنت أود أن تشارك التاية بنفسها .. لكّن التكنلوجيا قررت أن تقطع سبل الاتصال بينها و بكم .. لا الموبايل يفلح فى ذلك .. لأنه دوما لم يفلح فى تغيير رسالة ظلّ يرّددها لسنوات .. أن التاية أختى لا يمكن الوصول إليها او هى خارج نطاق التغطية .. أمّا الأنترنت فهو رفاهية لم تسمع عنها حتّى فى أحلامها التى لم تتعدّى البيرقر و الآيسكريم .. لا أطيل عليكم .. قالت التاية

• * ما تبقى آيسكريم تتلحس .. و لا سلفركرين تتمسح
• * العكّازو مكسور .. ما ينبش القبور
• * مدّ أيدك قدر جيبك
• * عقارب الساعة ما بتعضّى

و لأثب أن رادار التاية يلتقط أيضا أمثالا إلكترونية سودانية صرفة من زوّارنا القلائل الذين لفحهم هواء التكنلوجيا .. سأوردها هنا رغم ترددى فى أن أخطئ بأخطاء إملائية أو إيميلية

قالت التاية أختى:

• * المس كول عمرو ما كتل ليهو زول
• * البنكر المس كول ما زول
• * الأرسال لو قطع .. ما بنفعو الريموت
• * الضايق ضربة الكهرباء يخاف من جرّ السلك
• * البنسى الباص ورد ما يبقى هكر
• * فين منبر أبو بكر .. روح على طول

و لننتطر خطاب التاية محمّلا بأمثال لنجية .. أعرف أنه لن يتأخر لان غدا موعد لورى ود الحسين

** الأخ العزيز / جعفر اسماعيل
تشكر يا حبيب على الزيارة والمساهمة الرائعة .

** العزيزان
محمد السر
الخير محمد عوض
أمثالكم تحير المايتحير !!

** الأخ العزيز / على الحلاوى
يا خوى أ قول ليك حاجه , أمسك فى التايه دى قوى , لأنها حتمسكك الدرب العديل .

Quote: • * الأرسال لو قطع .. ما بنفعو الريموت

ولا صباع أمير

بعد أن أنهي عمله في الجزارة أتي لزيارة أخته سعاد وأثناء جلوسة معها قطعت الكهرباء
أكثر من مرة قال ليها : ياسعاد إنتي الكهرباء دي ملصقة بي بزاغ*؟







.................................................................
[ بزاع ]
أبوعبيدة عن يونس قال : تقول العرب : رجل بزاغ ،
إذا كان بزيغا .

الا صل : القحه ولا صمة الخشم

التفريعه: موبايل بعمل مس كول اخير من موبايل بلا رصيد


التحيه للجميع وجمليه فكره البوست

الأخ العزيز / مهدى ابراهيم
تشكر يا حبيب على المرور وألف شكرعلى كلماتك الجميلة .

B: المال تِلتو ولا كتِلتو.
A: .المال تِلتو ولا نامت أعين الجبناء

زمان: أُكلوا أخوان واتحاسبوا تُجّار.
بعد المفاصلة: أُكلوا أخوان واتحاسبوا كيزان .


ـــــــــــــــــ
استُعْدِل بواسطة الـ 10

عشرة أمثال أخرى :-

** الجراد لو هجم .. استغفروا الخالق
** أسوأ جرايم الكون .. كتل الفرح فى الناس
** البوست البنقط دم أسنانو معروفه
** البسرق التاريخ .. يندس وين يا ناس ؟!
** مركوب النمر لو غلا .. برضو مركوب
** القادر يعرس مرا تانيه .. يعرس لى أخوه
** زلة اللسان مابتتغسل
** الرقشه لو فيها خير مابتكون عرجا
** البلد العريان مابيكسى حكامو
** السايق اللوم .. يتقلب فى شارع الزلط

زمان: الخلا ولا الرفيق الفسِل.
بعد البروسترويكا والجلاسنوست: الخلا ولا الرفيق جورباتشوف .



ـــــــ
استُعدِل بوسطة "كادر سري"

جلاسنوست التفاحة الفاسدة
قديما قيل :A scabby sheep infects a whole flock
حديثا:سلامة في اليد ولا عشرة في الايدز

جِدادة الخلا طردت جِدادة البيت.
في حلتنا: جِدادة الماجي طردت جِدادة البيت .
في حلة الحناكيش: جِدادة كنتاكي طردت الجِدادة البِتكاكي.

A friend in need is friend indeed
بركة الجيت بركة الجيت

عزيزى عبد الماجد و كل المؤرخين هنا

أعتذر عن الغياب الذى لم يكن لظرف طارئ و لكن سببة الشكلة الكاربة بينى و أختى التاية .. جاء لورى ود الحسين و جاء معه خطاب التاية .. لم تكتب به و لا مثلا واحدا كما كمت أتوقع .. بل كانت رسالة مليئة بالتوبيخ و التقريع و التجريح و التلفيح و التلفيخ .. ذاك بفعل الخلط الذى وقعت فيه حين أوردت قولها

Quote: • * فين منبر أبو بكر .. روح على طول

من ضمن الأمثال .. قالت هى دعابة للأخ أبوبكر عله يرق و يمنحها العضوية .. صراحة ان لم يرق قلب التاية و تمدّنى بالأمثال .. ستعود حليمتى الى قديمها .. و نجر الأمثال من حسن الفال

مثل للأخ / على

( اذا التايه أبتك .. أبقى نجار )

مشكور، مرَّة أخرى، عزيزي عبد الماجد على قولك:

Quote: والحاجه التانيه البوست دا انتا سيدو

أكان كدي، أمسك (تاني) عندك:

أ‌. نّجِر جديد: أمثال عامة

1. الخاطرو مكسور ما بسولو جبيرة.
2. البركب راسو مصيرو يصل آخر محطة وينزل

ب‌. نجر جديد: أمثال منبرية

1. البوستات الساقطة أكان ما عطَّشتك ما بترويك.
2. أكان شفت البورداب فايرين أعرف البورد فيهو مرفعين.

ج. تعدييييل:

سابقاً: شهراً ما عنك فيهو نفقة ما تعد أيامو.
حالياً: بلداً ما فيهو ديمقراطية ما تعد أصواتو.

تحياتي

Quote: ( 1. الخاطرو مكسور ما بسولو جبيرة. )

والله رائع يا عادل

الاخ الاستاذ علي الحلاوي
سلامتك من التوبيخ والتلبيخ والتفريخ والتلفيخ الحصل لسعادتكم والذي كان نتاج مشاداتكم مع الأخت التاية
نحنا التاية مابنرضي فيها تعكروا ليها مزاجها,ومن هنا نتمني من الأخ بكري أبو بكر قبول عضويتها كأول نجارة في سوق الأمثال القديمة والحديثة والمستحدثة والمصنفرة وعرضها في بترينة سودانيز اون لاين قسم التوثيق.
لوري ود الحسين دا إتلوم معانا كلنا وحرمنا من درر التاية .فأرجوك رجاء خاص بالسعي في النجر وتطييب خاطرنا ولو تلعبها باكوورد.يعني هات من القديم من أقوال التاية أمد الله في ايامها.
إعتذارك عن التغيب مابيفيدك ,نحنا دايرين أمثال منجورة بصنع إيدك
ومثل الحين ولا إعتذار سمين
أو :مثل مكلبظ ولا إعتذار مغلظ
تحياتنا للتاية
والتحية ماها كفاية
***
وشوقنا لي تسجيلا
يابكري..
التاية مافي متيلا
***
كان لوري ود الحسين
جاب الخطاب من غير مثل
جراب الحلاوي فيهو
الببل شوق الأهل
***
ودمت

Quote: التاية أعتبرها جاسوسة على العلم ..

"A bird in the hand is worth two in the bush,"
جاسوس في العلم ..ولا مهندس في القسم

سلام أهل الدار..
وردنا ما يلي من صاحب عبدالماجد
بعد لفه ميدانية في البورد والله يكرم الجميع:

الإدبحانات رجعت موضه!


وقال :
اعذروووووونا!

استعدال فضائي:

بليلة مباشر ولا ضبيحة إعادة بث.

----------

بحراً ما فوقو التمساح يقدل فوقو برنامج إيقاع الصباح.

عزيزى محمد السيّد

شكرا لمساندتك و التى كان لها أكبر الأثر فى وضع التاية فى مواعينها .. أخيرا لقد عادت المجارى لمياهها (هذا زمن لا تعود فيه المياه لمجارى) .. و رتق ما أنفتق بينى و بين التاية .. كان لجهود ود الحسين أكبر فضل .. أظن ود الحسين خاف على منصبة كأول ساعى بريد فى كل بوادينا

قالت التاية فى أولى رسائلها بعد حملتها التلفيخية الثانية .. "نعم كانت هناك حملة تلفيخية أولى لا يستفيد هذا البوست التوثيقى من سردها"

* الماوس ما بعضى
* باتا ما باتك ما تجر فيهو الماوس
* الورق ما بعمل ملاح حتّى لو كان أخضر
* حبل الكضب ما بنفتل
* جبل الجليد ما بخاف قشّة الكبريت
* لو ضاع الكريديت كارت ما تبلغ البوليس .. لن يكن اللص أكثر أسرافا من زوجتك

و أضم صوتى مع الأخ محمد

Quote: وشوقنا لي تسجيلا يابكري.. التاية مافي متيلا

رغم أننى أعرف أن بكرى لا يقع فى هذا البوست حتّى لو عتّرت ليهو قشّة

مشكور، مرَّة ثالثة، عزيزي عبد الماجد على قولك:

Quote: والله رائع يا على

لكين يا أخوي أفرز ما تبقى عليك حكاية المقالة : شَفَقَة سِيد البوست الما فرز التمبارة* من الشربوت.

أ. نَجِر جديد: أمثال عامة

1. الجيبو مسخِّن ما بشغِّلو ليهو المروحة.
2. البشرِّك للطير ما بسعى ليهو كشكوشة.

ت‌. نجر جديد: أمثال منبرية

1. البوست المسيخ ما بزيدوهو ملح، بكشحوهو.
2. البوست الطاعم بِخَلِّي الشاشة ذاتا تتمطَّق.

ج. تعدييييل:

سابقاً: أضان الحامل طرشا.
حالياً: أضان الهامل مغبَّرة.

بالمناسبة، دا بوست "دمَّو خفيف" مش زي البوستات الاتفرَّق دمَّها بين القبائل. قبائل x القرن 21؟!

تحياتي

* التمبارة = مريسة بدون كحول. الشهادة لله: ذات كحول أقل من كحول المريسة.

الأخ العزيز / عادل البدوى
يا خوى حقك على , نقول شنو الكبر دخل ! ( الكبر كان دخل .. الأسامى تتشابه )
تشكر يا حبيب
والشكر موصول أيضا للاخوة :

** محمد السر
** على الحلاوى
** محمد السيد
** سعدالدين عبدالرحمن

العزيز عادل البدوى (Adil)

يقول المثل: لو عادل ماشاف الـ d شكرو يمشى لى Ali

العزيز علي الحلاوي (Ali)

يقول المثل: لو علي ماشاف الـ d شكيتو علي الحسن CD

أشكرك على لطفك.

و العهدة على التاية حين تحكى من جبّ بيئتها

* "المعراكة" ما بتتعلم الكتابة

* "الصاج" من غير "لداية" زى عدم البنبر فى الأنداية

* "المشلعيب" ما بشم عفنة الروب

* الفى إيدو "الكنش" ما بشاكل

* ضيف "التكل" قريب .. و ضيف "الديوان" غريب

* الماسك "القرقريبة" ما بحك شعرو

* عجاجة "المقشاشة" ما بتعرف القعاد

* هزّ "البخصة" ما بعلمها الرقيص

* "الكمشة" الكبيرة "بتمحّق" "الملحات"

* سماحة "الريكة" البقت "طبق"

عادل البدوى

Quote: * التمبارة = مريسة بدون كحول. الشهادة لله: ذات كحول أقل من كحول المريسة

ماذا تعنى يا أخا النجر .. أطعام إفطارنا حرام ؟؟ إذن فلنتحول لأكل البيرقر حتى لو كانت أبقاره مجنونة

علي الحلاوي

Quote: ماذا تعنى يا أخا النجر .. أطعام إفطارنا حرام ؟؟ إذن فلنتحول لأكل البيرقر حتى لو كانت أبقاره مجنونة

هو إنت آآنَّجيض بتشرب التمبارة علي الريق؟!، يعني ما بتوسِّدا لا بيرقر لا لُقَيْمَاتٍ يُقِمْنَ صلبك؟! عافي منَّك...عافي منَّك. والله بيني وبينك بي صورتك القِدَّامي دي، بِتَعْمَلا.

في شأن سؤالك أقول: إن كنت تعني العُكارة، فطعام افطاركم حلال (إلا من حُرمة خوف السمنة) أمَّا إن كنت تعني التمبارة...التمبارة، فعليك بتوسيدها البيرقر (بي العدم أشوي ليها كراع شرموط وبي العدم خالص أَقْرُش قِدَّاما بصلة ياخي) لأنَّو ريحتا ساكت (على الريق) تخلِّيك تسوِّي سواة الأبقار المجنونة البقولو عليها دي.

والعفو والعافية وهنيئاً مريئاً.

الشباب في الورشة عاملين احتفال صغير بمناسبة حصول مثل ود البدوي دا على شهادة الأيزو9006:
"لو علي ماشاف الـ d شكيتو علي الحسن CD"

"مثلا ما مثلك جـر فيهو نور"

حذف لعدم السمعان به من قبل

عشرة أمثال أخرى :


** الابتسامه لو اتختت فى الخزنه تكشر
** عيب .. ضحك العراقى فى الجلابيه
** النوايا السيئه ما عندها سفير
** توب الحياء مصنوع من الجواهر
** اليكتم الآهات تمرق لو نافوره
** صداقة الضباع تعلم الخسه
** ستار الليل قصير على كرعين الفقير
** المقابر زى السجون .. دخولا بدون تذاكر
** الثوره والايمان .. بالفطره فى الانسان
** الراكب جناح الشوق .. البسمه فيو ميه

الأعزاء اخوة الدرب , كل عام وأنتم بألف خير .

الأعزاء
اخوة النجرى
كل عام وأنتم بألف خير
أها بسم الله نبدا

عشرة أمثال أخرى :

** القدر ثابت والعمر دوار
** الروح والوطن ... مربوطات فى اللحم الحى
** الكلام الشين مدتو منتهيه
** الابتسامه الصفراء .. محسوبه غلط
** تفاحة آدم ما بتتبلع
** تيس الخريف بطران
** صفحة المويه زى التاريخ .. ما بتتغير
**الزلزال لو وقع فى البحر يتخنق
** الطلقه مابتكتل الحماس .. والكلام ما ببل اليباس
** ما فى أحسن من كلمة آمين .. بعد ولا الضالين

الأخ عبد الماجد
سلام
للعشرة أمثال أعلاه اهديك :

الأخ العزيز / Gaafar Ismail
جزيل الشكر والتقدير على مرورك الطيب وألف شكر على الـ big hug
ونبادلك الشعور بمثله
دم بخير

!!!!!!!!

فضائية السودان ولا الرفيق السجمان

الأخ العزيز / محمد السيد
تشكر يا عزيزى .
http://www.maktoobblog.com/majidmusa?mm=1849732451

ــــــــــــــ

خوة البورد خوة لساتك


ههههه
عبدالماجد اخوي اللذيذ منور
وكلو سنه وانت طيب

الماعون اللين غسيلو هيين

(معلقة فى مطبخ عزابة)

القرد قالوا ليهو حيسخطوك قال ليهم حيقلبوني غزال ولا شنو؟

خير جليس في الزمان البوست المليان

** أخونا العزيز / سعد الدين عبدالرحمن

والله بينى وبينك البعض منهاخوة لساتك بالجد
ألف مرحب بى زيارتك فى العام الجديد , والبورد منور بيك .

** الأخ العزيز / على الحسن
ألف مرحب بى زيارتك الجميلة , وما تحرمنا من دررك .

** عزيزنا عثمان
تشكر يا حبيب على المساهمة الجميلة , وواصل معانا المشوار .

** الباشمهندس / محمد السيد
كل سنه انت والأولاد بألف خير , المشوار بدى من جديد ياخوى .

** الموبايل لامن يرن ما بهمو انت تسوى فى شنو
** الميكانيكية شوفة العربات الجديده تزعلم
** أبو تلاته عيون لسه ما اتولد
** مافى زول بضحك اذا قالوا ليهو أمك ماتت
** طول النعامة مابديا الحق تتاوق بالحيط
** المره التمشى سريع يدا طاعمه
** الشغال جنب النار الشمس مابتحرقو
** السمكه لامن تمسكا السناره يحرم عليها الضحك
** اذا ماجيت بى رضاك ياود الحلال يحصل ليك الحصل ليى ابراهيم بلال



تحياتي يا أخ عبد الماجد

بالمناسبة أمس كنت بحكي لواحد صديقي عن أمثالك القاطعها من راسك دي..
والله أنا مبسوط منك جداً وكذلك من أمثالك الطازجة وعجيبة
لازم نحن نحاول نتمرد على الأشياء المقولبة إن أمكن ذلك
ليه الأمثال تكون متوارثة وقديمة ومسلم بها إذا كانت صاح أم خطأ؟
من الضروري أن تكون هنالك أمثال مواكبة وجديدة
إنت بديت هذا التمرد ونتمنى أن يستمر
شوف الأمثال الفوق دي ، بالتأكيد كلها صحيحة ومسبوكة بعناية
وأنا كذلك متكيّف جداً من يونس ود الدكيم
تعرف ليه؟ لأنو كان خاتي عينو على الملكة فكتوريا ، ما قال دي ملكة وكده
لماالمهدي قال ليها لو آمنت بتعاليم المهدية وأسلمت (ممكن) نعرسك
ليونس ود الدكيم.. شفت كيف
يا اخي والله ده كلام جميل جداً
بتكيّف كذلك لواحد يكون لابس أصفر نص النهار والناس مغتاظة منو
استمر في هذا الإبداع وأنا بحاول أشاركك لو لقيت طريقة
على العموم .. تقبل هذه الإشادة مني وربنا يعينك ويوسع مواعينك..
فتك بالعافية والسلامة

الأخ العزيز جدا / نصر الدين البشير
ألف مرحب بيك وألف شكر وتقدير لى كلامك الجميل واللذيذ دا , وهى كلها محاولات عسى ولعل نقدر نغير حاجه أو نساعد فى التغيير , وواصل معانا فى المشوار الطويل دا .
تحياتى الغالية

عبد الماجد وينك يا أخي مشيت خليت البوست بتاعك؟

أنا قبل يومين تداخلت في هذا البوست ووعدت بالمساهمة
في هذا الموضوع..ولأني راجل أروش وأحوص ، بعد ما عملت اقتباس
من بعض أمثالك ، نزلت تحت المساحة المقتبسة مباشرة زي
الأحوص الطلب فول في المطعم وأكل كباب جارو. وصممت الانتقام من
نفسي فعملت مثل عن الشتارة وواحد عن الحوصة..
وستجد مساهمتي المتواضعة فيما يلي:

القلبو ميّت بيرقص في عرس خطيبتو
نسيبتك كان جبت ليها لبن الطير
حاتسقيك الشاي أحمر..
النايم بايت القوا.. ما بسك الحرامي مع الجيران
العرّست بعد بورة بتستحمل ضرب زوجها
شناة الوش ما بحاسب عليها القانون لكن الناس ما بتقبلها..
أكل الدين ما بعمل عنقرة..
البخاف من مرتو ما بقول ليها ملاحك شطة..
الشتارة ما بتنفع معاها شطارة
تكة السروال ما بتنفع حزام للبنطلون
الما بتعرف تطبخ العدس ما ترجى منها كفتة
الأحوص كان إتأخر برة البيت فتشوهوا عند الجيران..

الأخ العزيز / نصر الدين البشير
تحية عطرة
يا خوى سلامة النظر , والله مساهمتك أكثر من رائعة , خليك معانا طوالى المشوار دا طويل , ألف شكر .

عشرة أمثال أخرى :

** الحقيقة والجبال أمهم واحده
** الريس لو إبتسم البكشر منو ؟
** الحياة والموت فى المويه.. والموت والحياة فى النار
** المعارضة لو جرت الحكومة تطير
** شهود الزور جيرانم عفاريت
** ود أبرق ما بقدر على الحَمَامْ
** سيف الحق يضرب براو
** الفتنة فى نص الشارع عايزه اليشوتها
** الأجل والموت أولاد أعمام
** الجمل لو طار يرك وين ؟!
http://www.maktoobblog.com/majidmusa?mm=2013173356

عشرة أمثال أخرى :

** موية زمزم مابتحلل العرقى
** خشم القربه فالح فى الشراب .. وخشم الشوال فالح فى البلع
** راجل المرتين تفكيروا فى التالته
** ضل الشمس هو الوحيد الحار
** موية النيل لو رجعت لى ورا .. السمك مابباريها
** العسل الوسخان .. برضو عسل
** رصاصة الرحمة .. اليطلقا عديم رحمه
** السما والأرض تيمان
** الخوف من الكدسه مطبوع فى الفيران
** العين الطايره .. متشرده

http://www.maktoobblog.com/majidmusa?mm=1780972637

عشرة أمثال أخرى :

** إذا إهتزت علاقتك بالجنس اللطيف قول يالطيف
** مباريات الحكومة ضد المعارضة نتيجتها سلبية على البلد
** صناعة التاريخ ما بتحتاج ليى منصب
** الدبلوماسيه هى : مسك العصايه من النص
** شتيمة الراجل للمرا ضعف قوه وشتيمة المرا للراجل قوة ضعف
** الحق مامحتاج ليى جوطه
** المستحيل الجد إنك تجى بعد يوم القيامه !
** الخوف متبادل بين الحرامى وسيد البيت
** العلاقة بين الحكومة والمعارضة زى البطيخ الصيفى وسحابة الصيف
** الشفقان للأكل ما بشرب الملاح يا على

http://www.maktoobblog.com/majidmusa?mm=754170506

عندى ليك مثلين تلاته..

ولما اتذكر واحدات تانيات بجى راجعة...شايفة تأليف المثل عندكم ساااااهل، ما زينا هناك


1- الزول لو غسل عربيتو والمطرة صبت...يكون مافى فايدة
2- الناس كلهم عرسوهم الا جحا وعمو "ده مثل فى شكل بوست"
3- لو الجزم بتششرط الكرعين يحصل ليها شنو؟..
4- الضيف، ده بيمشى للناس ليه،هو ما عندو بيت؟


5- العترة ما بتصلح المشية العترة ..بتحرج الزول "مثل من تأليف فيحاء بت مريم عمر 5 سنين"

الأستاذة / تماضر بى ذاتها
ألف مرحب وشرفت الدار
وإن شاء الله دايما تتذكرى عشان تسكنى معانا بى جاى
وشكرا على مساهمتك القيمة
وسلام كبير لى بتنا الصغيرة مريم , أديناها الضوء الأخضر

سلا م أخى عبد الماجد .. و كل عام و أنت بألف خير .. لأنى قد تغيبت منذ العام السابق

و هاك عربون عودتى


$ أنفق ما فى الجيب ان كان بالبنك رصيد

$ الفى جيبو عقرب ما بدخّل إيدو

$ لا تدخل يدك أعمق من جيبك

$ لا تأسو على الذهب ان ذهب


* جقجقة الحلّة ما بتعمل جقاجق

* بت الجيران ما بترضى كلّ الحبّان

* الصلعة الكبيرة ما بتعملك مدير

* المسطول لا يرى الشرر فى القندول

* الجلوس على الكانون لا يذهب ببرودك

* شنب الكديس ما عملو راجل

* الحزام المفخخ أوّل ما يقتل مرتديه

بائعة الشاي التي تجلس بجانب الباب الرئيسي لمركز تطعيم الأطفال ضد أمراض الطفولة ،على صينية تُخصِّصها لتقديم الجَبَنَة لزبائنها كتبت:
"الوقاية خيرٌ من الشرغرغ".

سلامات يا عبد الماجد، سلامات يا نجَّارين وسمكرجية

(1) نجر جديد:

• البعزمك فطور رمضان ما بقول ليك تجيهو الساعة كم.
• الراسو مليان ما بخاف عليهو يدفِّق.
• الحرَّان ما بشيل سريرو يمشي الفريزر.
• ما سمعنا بي جبل هَدَّتو مطرة.

(2) تعديل:

نعدِّل مثل الحلاوي أوي أوي كما يلي:

سابقاً: الفي إيدو "الكنش" ما بشاكل.
حالياً: الفي إيدو الكنش ما بكتل بصلتو بكمشة.

والتعديل يصلح أيضاً للمثل القائل: الفي إيدو القلم ما بكتب رقبتو شقي.

تحيَّاتي.

(حكمة زمانك, قيس مزلقانك)

( النفوس لو اطايبت الفيديو بشيل شريطين )



الفولانى

أستاذنا / على الحلاوى
ألف حمد الله على السلامة وإن شاء الله الجميع بخير
والله يا خوى عربونك سمح تب دولارات مدفقه ملت جيوبنا
فى إنتظارك والعيارات الثقيلة


الأخ العزيز / محمد السر
وينك يا خوى
طولت الغيبة إن شاء الله المانع خير , ولا يمكن ظروف !
تشكر يا حبيب


الأخ العزيز
الأستاذ / عادل البدوى
شكرا على المساهمة النارية دى
وماتطول الغيبة


الأخ العزيز / محمد السيد
المزلقان قسناهو لكن ما عدينا ... شنو رأيك ؟


الأخ العزيز / عوض الفولانى
ألف مرحب بيك وإن شاء الله مداوم معانا , وتشكر على المساهمة الظريفة
بس بينى وبينك الفيديو ذاتوا عصروهو لحدى مابقى ( دى فى دى ) والجايات أكتر
http://www.maktoobblog.com/majidmusa?mm=655043256

شيل شيلتك وكيل كيلتك.

بيت ابوك ما حق اخوك.

القاعد ساي مو نساي.

سيد الشي ما بخلي شي.

العندو راكوبه ما بباري الضل.

الماسك الزمام بحفظ النظام.

تاني ما في كلام بعد السلام.!!!

* الماعندو أمثال برضو بخش الدار

عبد الماجد .. ود السر .. ود البدوى .. و الضيوف .. ســلام

بوست خطير.تحيه.وحركة الموبايل لما يرن دي اوسكار.اقول:فارس ما بموت,جبان مابموت,بموت الملاوز.

سلامات يا حلاوي

Quote: الماعندو أمثال برضو بخش الدار

التاية برضو ما عندها؟
يعني إنت لا بتجدع لا بتجيب الأمثال؟

وإنت وين يا زول ؟

up

الأخ العزيز/ يازول يا زول
تشكر يا حبيبنا على المرور الجميل .

الما بقدر يفتح بوست ينجرلو مثل

بوستا ما بوستك عولقو

نجارين الامثال فى المنبر صعب عليهم سواة البنبر

الناس زى الهدوم فيها الراقى وفيها الزى جناح ام جكو

واحد ساتر وواحد احسن منه تمشى ام فكو

قبال تاكل التركين حضر الصابون

** الأخ العزيز / محمد محى الدين
تشكر على المساهمات الجميلة يا حبيب .

** الأستاذ / على الحلاوى
ألف شكر يا صاحب الدار

** الأخ العزيز / محمد بهنس
الخطير فنك الراقى الذى لايجارى , ألف شكر على مرورك المضىء .

** الأخ العزيز / محمد السر
وينك يا راجل ؟

الأخ العزيز / صديق الموج
ألف حمد الله على السلامه , والبركه فيكم للمرة الثانيه .

http://www.maktoobblog.com/majidmusa?mm=1096727489

عشرة أمثال أخرى :

** البلد المافيها كرعين ... راسا يترفع كيف
** الشق المقابر ما بصبح بيى سبعة أرواح
** القلوب لو عجزت .. زى صـفق الشجر لونا يتغير
** الشفقه ما بتنفع فى الرز الحار
** التلفزيون الماعندو باب شبابيكو كتيره
** غنى القعـوى برضو بيى جمهورو
** سرقة الزمن مابتدخّـل السجن
** الكلام الدغـرى نَـفَسـو حار
** وساخة الكلام ... الكذب
** دموع السودان ... أبداً ما قَـطّـتْ
http://www.maktoobblog.com/majidmusa?mm=1096727489

سلامات يا عبد الماجد، وين...وين...وين السمكرجية والنجَّارين

تعديل:

سابقاً: أن توقد شمعة خير من أن تلعن الظلام (مثل عصرحجري).

حالياً: أن تقول google it خير من أن تقول go to hell (مثل عصرحجري، والعهدة على أبي الريش*، سيليكون ترانزيستوري)

تحيَّاتي.

* قال أبو الريش يوماً:

Quote: بعدين هم ما يغشونا ساكت.. اصلو فى جبل فى تكساس فيه حجارة معينة يقطعوها صغار صغار ويعملوا ليها كرعين بعدين يقولوا دى ترانزسستـورات ويبيعوها لينا!!

الأخ العزيز / عادل البدوى
شكرا جزيلا على السؤال , ظروف يا حبيبنا .

http://www.maktoobblog.com/majidmusa?mm=1178839560

الأخ العزيز / صديق الموج
الصابون حضرناه التركين وين ؟

حذف للغرابة وعدم السمعان بها من قبل.

الأخ العزيز / محمد السيد
والله مافهمت حاجة !!
عليك الله أشرح لينا الألغاز دى .
http://www.maktoobblog.com/majidmusa?mm=1761912091

الأخ عبد الماجدتحياتي و.. لاعليك . و كل جديد لازم يحمل شي غريب
المهم

مثل جديد:ـ نحو القمة
لا ترص أكثر من 12* كرتونة.
...................................................................................
الرقم* دا ماثابت يعتمد علي حسب درجة الرطوبة(ماشفت العدد بيتغير بعد مايحضروا النشرة الجوية)

أخونا العزيز / محمد السيد
صاح
http://www.maktoobblog.com/majidmusa?mm=977000258

عشرة أمثال أخرى :

** سرّاق الفرح فى الناس ... جياتو ديمه نهار
** البلد التئن يا ناس جرحوها أولادا
** البال الطويل مرات نتايجو عكسيه
** أفتح طريق للخير تلقاهو يوم أخضر
** الجارى من الله ... الشيطان بباريهو
** اللحم المر يتباع فى السجون
** البسقى بلدو الهم ... خنزير كبير والله
** الهم ولو كان صغير مابتجدع بالحيطه
** لصوص الآثار مابخلوا وراهم إلا ... آثار لصوص
** قراية الجرايد فى الحمام تتفهم بى وين ؟!

http://www.maktoobblog.com/majidmusa?mm=1858425841

صنفو ثمر الطماطم قالو خدار
وصنفو ثمر التفاح قالو فاكهة
علا الدوم واللالوب قالو ثمر بث
.......................................................................................

أخونا العزيز / محمد السيد
ما قصرت تب والله

عشرة أمثال ٍ أخرى :ـ

** الحكومة لامن تتلفت كتير حَـلتا حِـرقتْ
** دخول النار ما صعب والمروق من الجنه من الصعب
** المعارضه الماعندها لون ... متلونه
** بص أبوجا سواقو مستعجل خلاص
** الساكن فى المزاد مابهمو الزاد
** ذئاب الحكومه وذئاب المعارضه إتلموا فى السودان أكل وشراب
** البحب السودان ظاهر فى وشو
** الكلام الدغرى برضو ينفع فى السياسه
** النار الولعت فى السودان .. مطره واحده ما بتطفيها
** بعد الخازوق النط صعب يا عباس

http://www.maktoobblog.com/majidmusa

ــــــــــــــــ

ــــــــــــــ

عشرة أمثال أخرى :

** مافى فايده من جيوب الكفن
** شوف وشك لو إنتا أسمح منو يا ود الولى
** لا تنحنى إذا لم تكن الطريق آمنه
** الراجع بى ضهرو يتوقع أى حاجه وراهو
** أضان الفيل وأضان الحكومه مابتسمع إلا بالصراخ
** ماتاكل إذا ماعارف السمايه حقت منو
** الضحكه الجبانه قصيره
** شوفة الحقارة .. مابتتأجر
** الوطواط بس .. هو الياكل ورجلو فى رقبتو
** العنقره إذا سمنت تدى الخبر للكرش

http://www.maktoobblog.com/majidmusa

عشرة أمثال أخرى :

** الذنوب الكتيرة لو شدت الحيل ... مشوارها طويل بالحيل
** مرة أبوك حتى لو قطعت ليك من كبدتا .. برضو ما بتبقى أمك
** العيون الجافة مابتبلها الدموع .. والدموع المبلولة مابتنشـفها العيون
** إذا هاجمك الذباب قد تكون قذراً .. وإذا هاجمته فلا يدل هذا على نظافتك
** الدبيب كذاب ياخد أبو القنفد فى أحضانو
** الدموع التنزل غصباً عنك هى الحقيقة التحاول تخفيها
** الخوف من الموت مابغير شى لكن الموت من الخوف يغير كل شى
** مقابر الأحياء السجون وسجون الأموات المقابر وكلها بدون مخدات
** السرق من قروش بلدى تظهر فى خراو ... والشرب بالسر من البترول يدخل النار براو
** إذا عترّتْ ليك الحكومة أعرف إنو طريقك صاح وإذا إتعتّرتَ بالحكومة يمكن الطريق ما صاح
http://www.maktoobblog.com/majidmusa