|
يابا راجع بالسلامه
|
يابا راجع بالسلامه شعر عزمي أحمد خليل
إلى روح أبي الطاهره وإلى كل من واساني والى كل من لم يواسيني في فقده الجلل وإلى كل أهلي وأحبتي في كل مكان
ما كتير على الله يابا فجأه ترحل مننا نحنا لسع فى رجاكا وديمه نسأل أُمنا مين يقاسي معاها تاني ومين بيفرج همنا كنا بيك يا يابا فوق وبالرحيل حطمتنا كنت كُل حاجه فى حياتنا وهسه بس يتمتنا !!!!!!!!!!! يابا بدرى تفوت تسيبنا ونحن محتاجين عنايتك مهما برضو كِبر عمرنا ما كِبرنا على رعايتك فى الكبيره وفى الصغيره برضو نفضل تحت طاعتك واصلو ما بيجينا خير يابا يوم من غير شفاعتك الجميع بيك يهتدوا والصغار شايلين وداعتك !!!!!!!!!!! يابا ليه خليتنا بعدك هسه فى الزمن الصعب بى وراك يادابنا ضقنا للشقا وطعم التعب وكنا قايلين نحنا بيكا ... ما بنحزن أصلو تب والليله بس كُلو إنهدم والامان بالجد نضب والشموخ العشنا فيهو من علاهو إنهده رب !!!!!!!!!!! الله لينا بعد رحيلك يا الصبحنا وراك يتامى ويا الخلاص فارقنا بعدك للأبد الإبتسامه وياما عشنا وراكا خوف وفينا سكن الحزن ياما الوجود أدانا ضهرو وسابنا للدنيا وضلامه ولسه بنغالط فى روحنا يابا راجع بالسلامه
ميرلاند واشنطن 11/7/2006
|
|
|
|
|
|
|
|
حزن الحروف (Re: عزمي أحمد خليل)
|
حزن الحروف إلى الاستاذ عزمي أحمد خليل – مواساه – وتعزية – في وفاة والده رحمه الله.
حزنت معاك حروف واشعار نغنيها يا عزمى يا غريد الدنيا شن فيها غير ذكرى من احباب شمعات نداريها **** يوم تغرب احلامنا والفانيه نطويها الجاى ورانا بشيل الشمس وبحييها لو نحن نستسلم للحزن بطفيها واحزانا تبقى جراح كايسه البداويها
محمد حسن خليل مونتتري/كالفورنيا
| |
|
|
|
|
|
|
Re: حزن الحروف (Re: تولوس)
|
أحسن الله عزاءكم، يا أستاذ عزمي. نسأله تعالى أن يتغمد والدكم بواسع رحمته، وأن يجعلكم عملاً صالحاً لا تنقضي عجائبه، كما ظل يبدع منكم نظماً لا تنقضي عذوبته.
| |
|
|
|
|
|
|
Re: يابا راجع بالسلامه (Re: خالد عبد الله محمود)
|
Quote: الله لينا بعد رحيلك يا الصبحنا وراك يتامى ويا الخلاص فارقنا بعدك للأبد الإبتسامه وياما عشنا وراكا خوف وفينا سكن الحزن ياما الوجود أدانا ضهرو وسابنا للدنيا وضلامه ولسه بنغالط فى روحنا يابا راجع بالسلامه |
الأخ عزمى ياللكلمات الحزينة
خالص العزاء لك و للأسرة الكريمة
غادة
| |
|
|
|
|
|
|
|