هذه تجربتى فى السجون اللبنانية

هذه معلومات لمن يهمه الامر

*-عدد السودانين داخل السجون اللبنانية يقدر بحوالى اربعمائة شاب
*-95% من الجرائم هى الاقامة الغير شرعية (خلسة)
*-اعمار الشباب تتراوح ما بين 25 الى 35 سنة
*-دمج اصحاب الجرائم مثل القتل و المخدرات و السرقات و الارهاب
مع جريمة الخلسة مما لها سلبياتها مستقبليا
*-تفشى الامراض الوبائية مثل السل و الربو و عدم قصلهم من الاصحاء
*-القانون اللبنانى يحكم على مرتكبى جرم دخول البلاد بطريقة غير
شرعية بشهر سجن وغرامة مائة الف ليرة و تسفير و بعد انتهاء الفترة يحول الى الامن العام لترحيلة و لكن الملاحظ ان السجناء يظلوا لأكثر من سبعه اشهر علما بان الامم المتحدة تدفع عشرة دولار
يوميالكل سجين و لكن ادارة السجن تصرف ثلاثة دولارات فقط للسجين مقابل ثلاثةوجبات فى اليوم

*-سوء التغذية داخل السجون
معظم السجون غير صحية من السكن و خاصة الاعداد الكبيرة المتزايدة
*- الشرطة البنانيةلا تعترف بهوية طالبى اللجوء من الامم المتحدةحيث يتم القبض عليهم و احيانا يتم تسفيره الى بلدانهم علما بأن هذا يتنافى مع الاعراف و المواثيق الدولية
*-تقشى ظاهرة ابتذاذ السودانين فى حواجذ التفتيش من قبل الجهات الامنية وطبعا فى حالة عدم الدفع المصير هى السجن و التعذيب
*-الضرب و التعذيب لطالبى اللجوءو الضغط عليهم بالقوةبالتوقيع
على استمارات تفيد بأنه يرغب السفر الى السودان بكامل قواه
العقلية و الجسدية

*- هذة بعض الحقائق التى فى جعبتى و ما خفى اعظم

الفولانى

up

اللهم زدنى علما

اخى عوض ارغب فى التواصل معك الرجاء التكرم بالرد على . عبر الايميل

[email protected]

ياأخوانا حد يلقى تجارة زي دي ويفوتها؟؟؟؟
يبقى مجنون.....
يعني لو لقيت لي مساجين استفيد من وراء الرأس 7 دولار يومياً، تجي تقولي حقوق إنسان وحقوق حيوان وكلام فارغ!!!!
علي بالطلاق ما أفكهم لي يوم الدين ومش كده كل يوم أسوي لي كشه وأجيب لي 10 ولا 100 قول 1000 زيادة ، ده مامال سايب والعيب ما في الحكومة اللبنانية ، العيب في الأمم المتفرقة البتدفع بدون ما تراجع ، يعني الخلاصة ياسادة يا كرام هي أن نتوجه إلى الأمم المتحدة وليس إلى لبنان.

أمشوا للبدفع مش للمستفيد لأن المستفيد لن يستجيب وما تنسوا أنه أخوانا اللبنانيين تجار ورجال أعمال شطار ومستعدين يتاجروا في أي شيء حتى الأعراض فيعني بقت على تجارة "العبيد"

UP

الاخ عوض الله
الرقم الذي ذكرته في سجن واحد ، حيث كنت ، منذ عامين
كم يكون العدد الحقيقي اليوم ، وفي كل السجون ؟؟
تسلم ونتمني ان تفيدنا بالموضوع بتفاصيل اكثر ... مع الشكر

الاعذاء /رضا
الذنجى
طناش
حامد
الشايقى
لكم الشكر على مداخلاتكم و اعدكم
سوف اكتب تفاصيل اوفى قريبا فترغبوها
الاخ الذنجى نلتقى عبر الايميل

الفولانى

الاخ عوض سلامات وكل سنة وانت طيب
والله كلام عجيب وغريب ومؤلم ,,والله مزعلنى كلام الراجل القال ليهم انتو الجابكم البلد دى شنو؟يعنى لا جوة لابره كمان,,ربك يكون فى العون ودعوة المظلوم مابينها وبين السماء حجاب ,,بس دور جهاز السودانيين الشغالين للحكومة بالخارج شنو؟بس جباية؟
فى حاجة تانية برضو حقو الناس الكانو هناك ينورو بيها الشباب الفى السودان عشان رغم البيحصل دا كلو لسه فى ناس كل يوم ماشه سوريا ومن هناك التهريب لى لبنان ,,,طلب اخير عوض بسال من صديق مختفى فى لبنان اكتر من سبعة سنوات واسمو خليل هارون خليل من ابناء منطقة مايو فى الخرطوم واخبارو منقطعة عن اهلو كل الفترة دى فالرجاء من الاخوة فى لبنا البعرفوه انو يورونا اخبارو ولا تلفون ولا عنوان عشان نطمن اهلو عليه
وربنا يكتب المجهود دا فى حسناتكم
ودمت
اخوك
ودالديم