Post: #1
Title: جيتي انتي : حروف الى لاجئة !!**
Author: خضر عطا المنان
Date: 10-02-2004, 12:50 PM
Parent: #0
الاهـــداء :
الى أولئك الذين قذفوا بنا الى متاهات المنافي .
************************************************
من وسط جيل التعاسة
من خلافات السياســة
جيتي انتي ...
من سحيق قاع العذاب
ومن سطور أجمل كتاب
جيتي انتي ...
من دغيش نفـس الغلابـا
ومن عرق أهلي التعابا
من عطر جيل الصحابــة
ودعوة الرب المجـابـة
جيتي انتي ...
من خيوط شفق المغارب
واستراحة زول محـارب
جيتي انتي ...
من تراب أهل القبيـلة
ومن صميم قيم الفضيلة
جيتي انتي ...
من حنين طنبور ترنـم
من أنين فقران ومعدم
جيتي انتي ...
من سعيــفات النــخيــل
من خدار وجروف ونــــيل
من نغيمـات الخـــليــل
ومن بوادي القاش وتوتيل
جيتي انتي ...
من جـبال كسـلا الشواهـق
ومن نخلينا العالي سامق
جيتي انتي ...
من روايع ماضي ولـــى
ومن فجايع ومن مذلــة
جيتـــي واللـــــــه
جيتـــي واللـــــــه
من وحيـح شـمس النهار
من دعاش ورزاز وامطار
جيتي انتي ...
من جـمـيل حـلم اليـتامى
من طرحة من توب من عمامة
جيتي انتي ...
من بين خيوطك يا طواقي
ودمعة جفت في المــآقي
جيتي انتي ...
من شقوق أرض المحــن
ومن بين أضابيرالزمن
جيتي انتي ...
من عذاب نازح مشـرد
ومن تياب العز مجرد
جيتي انتي ...
من جحيم خيم الملاجي
ومن دميعات طفل لاجي
جيتي انتي ...
وكنتي انتي ...
وكنتي انتي ...
***************
خضر عطاالمنان
[email protected]
|
Post: #2
Title: Re: جيتي انتي : حروف الى لاجئة !!**
Author: إيمان أحمد
Date: 10-02-2004, 01:01 PM
Parent: #1
قمة في الإبداع والإيقاع
شكرا أستاذ خضر
إيمان
|
Post: #4
Title: Re: جيتي انتي : حروف الى لاجئة !!**
Author: خضر عطا المنان
Date: 10-02-2004, 11:44 PM
Parent: #2
عزيزتي : ايمان أحمد
شكرا يا أول الزائرائرين لبيتي هنا ـ كما عودتيني دائما..
وما ذلك صدى لاحساس عظيم تتسربلين به يا سيدتي .
لك المودة خالصة .
خضر عطا المنان
|
Post: #3
Title: Re: جيتي انتي : حروف الى لاجئة !!**
Author: Tarig Sidahmed
Date: 10-02-2004, 11:37 PM
Parent: #1
من بين خيوطك يا طواقي
ودمعة جفت في المــآقي
جيتي انتي ...
من شقوق أرض المحــن
ومن بين أضابيرالزمن
جيتي انتي ...
من عذاب نازح مشـرد
ومن تياب العز مجرد
جيتي انتي ...
من جحيم خيم الملاجي
ومن دميعات طفل لاجي
جيتي انتي ...
وكنتي انتي ...
وكنتي انتي ...
روعة يا أيها الرائع خضر - أضابير في مكانه وفي زمانه الصح
طارق ع الأحمدي
|
Post: #6
Title: Re: جيتي انتي : حروف الى لاجئة !!**
Author: خضر عطا المنان
Date: 10-02-2004, 11:53 PM
Parent: #3
مبدعنا : طارق
الشكر موصول لك يا أصيل .. ويا صدى صوتنا الجميل .
ودي وسلامي .
خضر عطا المنان
|
Post: #5
Title: Re: جيتي انتي : حروف الى لاجئة !!**
Author: samwal ebrahiem
Date: 10-02-2004, 11:52 PM
Parent: #1
خضر الجميل /
ليتنى كنت أعلم بالغة القوافى كى اكتب فيك اجمل واروع
ما كتب فى عيون الشعر الاصيل ايها الاصيل
لك حبى وتقديرى اينما كنت
السمؤل
|
Post: #7
Title: Re: جيتي انتي : حروف الى لاجئة !!**
Author: samwal ebrahiem
Date: 10-03-2004, 00:07 AM
Parent: #1
Up
Up
Up
samwal
|
Post: #8
Title: Re: جيتي انتي : حروف الى لاجئة !!**
Author: خضر عطا المنان
Date: 10-03-2004, 00:15 AM
Parent: #7
الوفي أبدا : السموأل
داخل كل منا شاعر يعبر عنه .. ولكن الاختلاف في الآداة .
فكم من شاعر يعربد بداخلك أيها الوفي النقي .
لك سلامي وشوقي .
خضر عطا المنان
|
Post: #9
Title: Re: جيتي انتي : حروف الى لاجئة !!**
Author: خضر عطا المنان
Date: 10-04-2004, 10:39 PM
Parent: #8
أحبتي :
هذه هي واحدة من حفيدات مهيرة .. احتضنتها أحد معسكرات الذل في بقعة ما من هذا العالم
الفسيح الذي توزعت عليه جموعنا .. و أشاوسنا الميامين !!! قابعون يتعاركون في الخرطوم !!!
ونحن نمارس الدور نفسه هنا على أرضية هذا الوطن المفترض !!!!!!!!!!!!!.
لك الله يا وطني .. ورد ربي غربتك سالما معافى .
|
Post: #10
Title: Re: جيتي انتي : حروف الى لاجئة !!**
Author: soma
Date: 10-05-2004, 09:16 AM
Parent: #9
ومن عرق أهلي التعابا
من عطر جيل الصحابــة
ودعوة الرب المجـابـة
جيتي انتي
****
...
من طعينات الحراب
ومن عقابات الشياب
من عبق نفس الصحاب
من غرس تحت التراب
وذكرى جدى الفى الكتاب
من دوايه وعود ثقاب
والمصالى والحجاب
والصرارى الفى الجراب
والعيون الشارده فى لون الرهاب
خايفه من مطر السراب
وحانه لى شدر الهشاب
وصوت المطرتحت السحاب
والبنيات الشباب
فى دريبات العذاب
وبرضو جيتى..
وما ختيتى..
****
ود عمى عطا المنان
التحيه ليك كيمان كيمان
تسلم يا عشا الضيفان..
|
Post: #11
Title: Re: جيتي انتي : حروف الى لاجئة !!**
Author: خضر عطا المنان
Date: 10-05-2004, 12:22 PM
Parent: #10
Quote: ود عمى عطا المنان
التحيه ليك كيمان كيمان
تسلم يا عشا الضيفان.. |
فراشتنا الجميلة : سوما
تحياتي بلا حدود ..
وسأعود اليك هنا حتما .
خضر عطا المنان
|
Post: #12
Title: Re: جيتي انتي : حروف الى لاجئة !!**
Author: Dr. Moiz Bakhiet
Date: 10-05-2004, 12:29 PM
Parent: #11
الله عليك يا خضر يا خي وأنت تشد أوتار الضلوع وتصيب وجد المرافئ في نبض الغربة
ولك هذه «البويتات» في انتظار ألا نعود:
***
وبرضو راحل عن ديارك
ولسه بدري على الرجوع
ولما تكبروا في فهمكم
وتبقى دنيا الحب شموع
ويبقى خاطر الناس مودة
والفرح يملأ الربوع
والمشاعر والقصايد
ما جفا وحرقان وجوع
نبقى نحن نعود ونرجع
نقفل أبواب الطلوع
***
لك شوق يمتلئ به نبض التمني أن ألتقيك
كل الحب
معز
|
Post: #14
Title: Re: جيتي انتي : حروف الى لاجئة !!**
Author: خضر عطا المنان
Date: 10-05-2004, 10:50 PM
Parent: #12
Quote: وبرضو راحل عن ديارك
ولسه بدري على الرجوع
ولما تكبروا في فهمكم
وتبقى دنيا الحب شموع
ويبقى خاطر الناس مودة
والفرح يملأ الربوع
والمشاعر والقصايد
ما جفا وحرقان وجوع
نبقى نحن نعود ونرجع
نقفل أبواب الطلوع
|
رفيق الأسى واالحرف والكلم سمحنا : معز
كم أنت رائع يا من تقينا حروفك لظى الغربة
وتغزل من حولنا وطنا نحتمي به كلما فاجأنا
مخاض الشوق لتلكم الأرض الطيبة.
لك كل محبتي .. وكلي أمل في أن التقيك قريبا .
خضر عطا المنان
|
Post: #13
Title: Re: جيتي انتي : حروف الى لاجئة !!**
Author: maha abdella
Date: 10-05-2004, 12:40 PM
Parent: #1
Quote: من شقوق أرض المحــن
ومن بين أضابيرالزمن
جيتي انتي ...
|
وجيت انت لتسعدنا
وجيت انت لتفرحنا
وجيت انت لتضيف
الجمال لهذا البورد
وسعيدين بجيتك ايها
الرائع
لك التحيه والاحترام
|
Post: #15
Title: Re: جيتي انتي : حروف الى لاجئة !!**
Author: bushra suleiman
Date: 10-06-2004, 03:35 AM
Parent: #13
العزيز خضر
كما عهدتك دائما تملك تلك المقدرة الرائعة على تطويع الحرف ليكون حالما او مقاتلا
لك التقدير والمودة والحب
|
Post: #16
Title: Re: جيتي انتي : حروف الى لاجئة !!**
Author: خضر عطا المنان
Date: 10-06-2004, 02:07 PM
Parent: #13
Quote: وجيت انت لتسعدنا
وجيت انت لتفرحنا
وجيت انت لتضيف
الجمال لهذا البورد
وسعيدين بجيتك ايها
الرائع
لك التحيه والاحترام |
رائعتناالفاضلة : مها
وجيتي انتي
لتغرسي في دواخلنا
مشاعر ودك والمحنة
وشوق بدافر لى أهلنا.
متعك ربي بصحة وعافية دائمة .
خضر عطا المنان
|
Post: #17
Title: Re: جيتي انتي : حروف الى لاجئة !!**
Author: خضر عطا المنان
Date: 10-06-2004, 02:15 PM
Parent: #16
Quote:
كما عهدتك دائما
تملك تلك المقدرة
الرائعة على تطويع
الحرف ليكون حالما
او مقاتلا ..
لك التقدير
والمودة
والحب |
صديق العمر ورفيق الصبا الباكر : بشرى سليمان
والله بي من الشوق اليك ما يعجز يراعي عن تسطيره هنا .
وما أنا الى ساع لأكونكم .. وأراقص دفء مشاعركم .
فلك محبتي صادقة .
خضر عطا المنان
|
Post: #18
Title: Re: جيتي انتي : حروف الى لاجئة !!**
Author: خضر عطا المنان
Date: 10-06-2004, 11:38 PM
Parent: #17
أحبتي الأفاضل :
هذه رسالة كريمة تسلمتها عبر بريدي
الاليكتروني الخاص :
Quote:
الاستاذ خضر عطا المنان
لك التحيه والاحترام
اتمني ان تصلك هذه الرساله واضحه.
عزيزي الفنان والشاعر اقترح ان تهدينا كل اسبوع
قصيدM من روائعك وان تكون من القديم والجديد .
لاننا نحتاج كل كلمة منك تخفف من غربتنا وعناء
البعاد من الوطن الحبيب .
دمت لنا ومتعك الله بالصحه والعافيه
عماد عويس-.سويسرا
>From: "emad shamat"
>To:
>Date: Sun, 3 Oct 2004 15:53:19 +0200
|
الشكر لك ياعزيزي عماد .. وأأمل صادقا أن يوفقني
المولى العلي القدير بأن ألبي طلبك وأن أكون
عند حسن ظنك وظن كل من يجد في حروفي ملاذا لهم
في شتات المنافي وصقيع الغربة .
ولك المحبة كلها .
خضر عطا المنان
|
Post: #19
Title: Re: جيتي انتي : حروف الى لاجئة !!**
Author: خضر عطا المنان
Date: 10-07-2004, 00:01 AM
Parent: #18
وهذه رائعة أخرى ..
أسعدتني كثيرا ..
وودت لمن تهزه كلمات الصفاء
والجمال أن يشاركني الاستمتاع بها .
Quote:
From : usta naoom
Sent : Wednesday, October 06, 2004 9:04:22 AM
To : [email protected]
Subject : تحياتي وسلاماتي
أخي الخضر :
التحيات الزاكيات وبعد :
أخوك خالد وعبد الرحيم ود الأسطى من القرير العامراب الكري وسط وأنا صراحة من المعجبين بكتاباتك في موقع سودانيز أو لاين وخصوصاً المقال الأخير عن ) سودانيون في معسكرات الذل) .
أخي أبت نفسي إلا أن أهديك هذه القصيدة وهي من شعر أخونا
( النضيف ) من أهالي ( تنقاسي السوق) يقول فيها :
شعبي مسكين راح ضيحة
وإنت في اللامركزية
الوزارات خمسمية
وكل إقليم فيه مية
والمطيرة الجات شوية
والعرب فقدو السعية
وإنت قاعد يا عطية
فيها متعنكل قرادة
وخاتي فوق كتفك جرادة
وإنت ما جرب ولادة
وما مشيت يوم العيادة
ونحن شاينا الشربنا سادة
وإنت جوة الدارة تنقز
إنت تنقز ونحن ننقز
ماكا عارف البينا حاصل
الألم وصل المفاصل
والتكامل برضو واصل
نحن خلينا التعريفة
عندهم بتجيب رغيفة
يا صبح في يوم خليفة
قولي عندك كم وظيفة
يا البقيتلنا في العزيزة
ما حصل يوم زرت الجيرة
الريال اسمو البريزة
يسوي حفلة وبي خبيزة
كل نوبة وراها جاكي
للدول داير تحاكي
للنياشين ديمة شاكي
والديوك بوراك تكاكي
وهم يعوعو وإنت تنقز
والتشادي الجانا غاير
لا مزارع ولا هو تاجر
في صفوف العيش يدافر
كل ممتلكاتو كورة
وراسو كورة
وأمو منتدلات شطورا
وكاربي قرقاب في حشاها
ودافري كم واحد معاها
ورابطي اسبير بي قفاها
اسبيرا ينقز
وإنت تنقز
ونحن ننقز ..
ورد الله غربتك .
**************************
|
تحياتي وعميق تقديري لك يا سيدي
ولشاعر هذه اللوحة الزاهية
وسلامي بلا حدود .
خضر عطا المنان
|
Post: #20
Title: Re: جيتي انتي : حروف الى لاجئة !!**
Author: خضر عطا المنان
Date: 10-07-2004, 05:55 AM
Parent: #19
والى فراشتنا الجميلة : سوما
وهاأناذا أفي بوعد كنت قد قطعته على نفسي بالعودة اليها
وهي التي كانت قدأكرمتني ببعض من مقاطعها الرائعة:
ســوما ...
يــا وهـــج الحــروف
يا نسمة في الوديان تطوف
سوما...
يانبـــض الغـــلابا
يا نغيم جوانا شابا
سوما...
يــا بــت القبـــايل
يا بريقن خيرو شــايل
يا ضليل شمش المقـايل
وياركيزة الحيطو مايل
يا وفيــة.. ويا أصيـلة
أنتي يا شـرف القبـيـلة
و فرحة الزين والعديلة.
***********************
ولك مني خالص الود .
خضر عطا المنان
|
Post: #21
Title: Re: جيتي انتي : حروف الى لاجئة !!**
Author: خضر عطا المنان
Date: 10-07-2004, 11:03 PM
Parent: #20
فاضلتنا : سوما
أين أنت ؟؟؟؟
انا نفتقد أحرفك المترعات بالأصالة .
لعل مانعا حجبك عنا يكون خيرا يا ضلالة فريقنا .
لك التحية أينما كنت .
خضر عطا المنان
|
Post: #22
Title: Re: جيتي انتي : حروف الى لاجئة !!**
Author: soma
Date: 10-08-2004, 06:29 PM
Parent: #21
الحنين ود القبايل المى كتر .. اخوى ود عطا المنان
ما تفقدك شينه يا العشا .. يا مطرا مارى غشى.. مويتو كابه من صباحا للعشا ..
ابياتك كانت قمة فى الروعه ايها المروى من هضاب الاهل .. ايها المتشبع بخصالهم اجمل..العافيه تبراك وين ما تقبل اخوى خضر.. بقدر سعادتك لينا ..وبقدر فرحك المشتت حوالينا
التحيه لك اخوى خضر والدعوات السمحات ..ياالضل القبيل ..
عذرا لو اخدتك المشغوليات الحايتيه اليوميه الرتيبه جل وقتى .. ولكن هذه سنة الحياة .. وتاكدوا دائمامهما بعدتنى الظروف ..انتم معى وين ما اطوف ..
مره اخرى اخى شكرا تطوف حولك غيمه وتضللك السعاده ديمه يا سعد بلدى الكريمه ..
|
Post: #23
Title: Re: جيتي انتي : حروف الى لاجئة !!**
Author: خضر عطا المنان
Date: 10-09-2004, 03:24 AM
Parent: #22
Quote:
الحنين ود القبايل المى كتر
اخوى ود عطا المنان
ما تفقدك شينه يا العشا
يا مطرا ماري و غشــــى
مويتو كابه من صباحا للعشا..
ايها المتشبع بخصالهم اجمل
العافيه تبراك وين ما تقبل
بقدر سعادتك لينا
وبقدر فرحك المشتت حوالينا..
التحيه لك اخوى خضر
والدعوات السمحات
ياالضل القبيل ..
شكرا تطوف حولك غيمه
وتضللك السعاده ديمه
يا سعد بلدى الكريمه ..
|
وأنا أجزل الشكر ليك وأقول :
Quote: سوما
ياعظيمة
ياهميمة
يا شفاالروح السقيمة
ياشدرنا
يا عشرنا
يا ضليل فارشاهو نيمة
يا سمرنا
يا قمرنا
ياوترنا ويا نغيمة
يا أثاثنا
يا تراثنا
يامراجعنا القديمة
وياالأصالة الباقيةديمة
في كليماتنا الحمـيمة .
|
ويديك الف عافية وعافية .
خضر عطا المنان
|
Post: #24
Title: Re: جيتي انتي : حروف الى لاجئة !!**
Author: خضر عطا المنان
Date: 10-09-2004, 11:16 PM
Parent: #23
الي فراشتنا الجميلة : ســـــوما
ردا وعرفانا لجمائلك على الكل
وأنا واحد منهم.
مع التحيات .. والدعوات الصالحات .
خضر عطا المنان
|
Post: #25
Title: Re: جيتي انتي : حروف الى لاجئة !!**
Author: برير اسماعيل يوسف
Date: 10-10-2004, 02:55 PM
Parent: #24
العزيز خضر عطا المنان
كم رائع انت يا انسان!! و كم هي جميلة هي قوافيك!! و كم هو مؤلم و محزن و مفرح هذا القصيد!! فهل من مزيد يا خضر حتي لا تموت فينا روح القوافي التي تخاطب الوجدان و العقل معا!! فنحن اناس ندخل بوستاتك على طمع!! و حتي لا تكون جندري الهوي فقط يا خضر , نريد ان نري جيت أنت : حروف الي لاجيء!! فنحن في انتظار الابداع في هذا في هذا الزمن الصعب, زمن الجراحات و التلطيشات و الفظائع و البلاوي المتلتلة و المجلجلة!!
|
Post: #30
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:13 PM
Parent: #25
Ya Doctor,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #31
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:13 PM
Parent: #30
,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #32
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:14 PM
Parent: #31
,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #35
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:17 PM
Parent: #32
,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #33
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:15 PM
Parent: #31
,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #34
Title: Re: جيتي انتي : حروف الى لاجئة !!**
Author: Asskouri
Date: 10-11-2004, 03:16 PM
Parent: #30
,
Thanks for this rubish. In UK as you know if you are a practicing doctor you are not allowed to be involved in politics whether in Uk or outside UK, apologise for this or I will take the issue to registrar and you will lose your job. if you don't know the law in this country I know. Don't play around with me in my rights. You better mind what you are doing and dont try to fool me.
I tell you, you better resign from SAF Office or you risk you own job. Don't blame me latter. I'm very serious I will send a copy of this to the registrar and you will be in trouble. I will also send this to my solicitor to pursue you further and take it with the registrar. Who are you to dismiss me?
You better stick to your profession. I don't want to get in trouble with you ya Doctor hassan, please don't belittle me. These people who are pushing you to this are quite ignorant and please mind your own business!I'm yet to forgive you for the threatening letter you sent to me, now you came up with this garbage! You better know what you are doing! I have no interest in getting you in trouble, but don't fool around wih me Okay?
A.Askouri
|
Post: #36
Title: Re: جيتي انتي : حروف الى لاجئة !!**
Author: خضر عطا المنان
Date: 10-11-2004, 10:14 PM
Parent: #34
الأخ العزيز : عسكوري
دا شنو القاعد تسوي فيهو هنا دا ؟؟؟؟؟؟؟.
ياخوي البوست دا علاقتو شنو بالكلام دا كلو ؟؟؟؟؟؟؟؟؟؟؟؟؟؟؟
لا أدري عن ولا مع أي دكتور تتكلم !!!!!!!!!!!!!!.
وما علاقة ما تقوله أصلا بالموضوع !!!!!!.
أنا حقيقة مندهش !!!!!!!!!!!!!!!!!.
أعقد أنك دخلت مكان غلط !!!!!!!!!!.
دا شعر ياالحبيب .
لك ودي .
خضر عطا المنان
|
Post: #26
Title: Re: جيتي انتي : حروف الى لاجئة !!**
Author: Ehab Eltayeb
Date: 10-10-2004, 03:27 PM
Parent: #1
Quote: من شقوق أرض المحــن
ومن بين أضابيرالزمن
جيتي انتي ... |
الأستاذ خضر:
لك التحايا.. وقد تحول هذا البوست لمرفأ من الشعر العذب.. بينك ود.معز ..والرائعة سوما.. وبقية العقد الفريد..
فلكم التحايا.. وانتم تنشرون الجمال بهذه الربوع ..
خالص الود,,
|
Post: #27
Title: Re: جيتي انتي : حروف الى لاجئة !!**
Author: soma
Date: 10-11-2004, 00:31 AM
Parent: #26
سلام اخوى المبدع خضر..
حقيقة ابداعك متدفق وراوى كل المساحات الجافه .. الله يديك العافيه ويخدر دربك ان شاء الله
.. تسلم ويسلم قلمك يا شفيف
والله خجلتنى بكرمك وكريم خصالك وشهامتك يا ود الاصول ..
حاولت كتير جدا ارد عليك .. ولكن توارت احرفى خجلا من قمم نضميك وهرجك السمح..
بهديك كل الجمال الفى سطورك وبهديك كل الطيبه الجواك والحنين الفى دواخلك .. يا صافى النيه ..
وبهديك انا ياالبلد ..
****
انت السنــــــــد ...
احلف اقول انت البلد ...
انت البوادى والمدن ...
انت المرافى والسفن ..
انت الولـــــــــــــد ...
يصرخ يقول ..انا يا بلد ..
افرح اكون .. ليك الولد ...
منك بكون
لوح الحفظ سبحه وعدد ...
شيخ الذكر ..مدد ..مدد ...
شدر الصمغ طعم الشهد ...
لوزة قطن زى الورد ...
انا يا بلد ..
ليك بكون ..
ضهر البنيات والعرض ...
سلوكه تحفر فى الارض ...
نيلك بيسقى كل نبض ...
زولا تقى صلى الفرض ...
شدر اللبان شدر القرض ..
لى كل مريض سدً الغرض...
عالج شفا من كل مرض ...
انا يا بلد
انا فيك بشوف
ابواتنا فى الحاره بتسد ...
كيفن تصد .. كيفن ترد ..
اماتنا زى مطر الدغش ..
نازل غزير مليان برد ...
جنياتنا فى الحوبه الرعد...
بنوتنا لى ضيف الخلا ...
تعزم تشد عز البرد ...
شفعنا تيراب اب كرد...
ترفع تشيل تسمع ترد ....
اعلامنا راياتاً ترفرف من بعد...
انا يا بلد
داير اكون ..
ود البلد .. بت البلد
ام البلد .. اهل البلد .. نهتف نقول...
نحن البلد .. نحن البلد ...
وانا يا بلد .......
التحيه ليك اخوى خدر ولكل ابناء البلد الاوفياء ..
|
Post: #28
Title: Re: جيتي انتي : حروف الى لاجئة !!**
Author: خضر عطا المنان
Date: 10-11-2004, 10:22 AM
Parent: #27
Quote: التحيه ليك اخوى خدر
ولكل ابناء البلد الاوفياء ..
|
فراشتنا الزاهية : سوما
ربي يخليك
والعافية التكسيك
من راسك لى رجليك
وراجع ليك حتما .
خضر عطا المنان
|
Post: #29
Title: Re: جيتي انتي : حروف الى لاجئة !!**
Author: برير اسماعيل يوسف
Date: 10-11-2004, 02:03 PM
Parent: #28
في انتظار الزيادة يا خضر, فالعطش قد هلكنا!!
|
Post: #37
Title: Re: جيتي انتي : حروف الى لاجئة !!**
Author: خضر عطا المنان
Date: 10-13-2004, 10:43 AM
Parent: #29
حاضرين يا العزيز ( برير) .. وليك ولفراشتنا
الجميلة ( سوما) وهي تغني للبلد الحبيب ..
أمد يدي اليها محييا وأقول :
بحبك انتي يا بـلـدي
بحبك انتي يا بــلـدي
أنادي عليك رافع ايدي
وقلبي حداك لا تـــردي
أناالغرقان قريب شاطيك
هاتي ايـدك ليا مــدي
وعدي دقات قلبي عــدي
كل دقة تنادي تهتـف :
سـدي باب الغربة سـدي
خلي مـركب هـم يعــدي
والرياح ترسى وتهتـدي ..
يا بلد غالــية عنـدي
ردي ليـا تــحيـة ردي
وشدي فوق ايديا شــدي
أناالدايما بهاتيــبك
وأراقصك يومي في بعدي
يومي مع الخيال عايـش
وأحلم بي لقاك قصــدي
أهلل بيك بشـارة فـال
وراسمك وشمة فوق خـدي ..
يا بـلد يا باقي هـمي
أنتي اللقمة والجقـمة
وسـاري هواكي في دمـي
أناالساويكي ليا دليل
واعـزك انتـي زي أمـي
بلاقي دوام حروف اسـمك
تراقص في حـروف اسـمي
عايشك يومي في الغربة
وكاسي هواك مسام جسمي ..
كلمي النيـل البيجري
والنسيم الساري فجـرك
نحنـا ولادك الغايبين
نحب ارضك .. نجل قـدرك
بكرة نعود ونرجـع ليك
مهما طـال زمـن هجــرك
دريب الرجعة يمة قريب
يضمنا بى حنـان صـــدرك
وترسى خطاوي تايهة سنين
تنـوم ترتاح على حـــجرك ..
** ** **
ويديكم ألف عافية .. ويخليك لينايا( سوما) يانوارة بلدنا .
خضرعطا المنان
|
Post: #38
Title: Re: جيتي انتي : حروف الى لاجئة !!**
Author: خضر عطا المنان
Date: 10-15-2004, 01:26 PM
Parent: #37
From : Mutwakil Taha
Sent : Friday, October 15, 2004 8:36:59 PM
To : [email protected]
Subject : لاهنا شكرا وكتر خيرك
الرائع خضر عطا المنان صاحب الكلمات النارية ارسل اليك قصيدة الشاعر (حاتم الدابى ) لكى تزين لكم جيد المنبر الحر وانا واثق
من انها سوف تنال حظها من النقاش عبر هذا الموقع الرائع
بعدها سوف ارسل لك رائعة حميد (الحكومة لو بتعين كان عانت
وقيع الله ) والقصة الكاملة لها.
__________________________________
حاتم والرواسى والبشير :
هل يقدر احدكم ان يطالب رئيسه بالتنحى عن الحكم هذا ماحدث عزيزى القارئ عندما خاطب شاعر عادى من اهل الشمال الرئيس البشير :
ياريسنا قدر مديرك
فك الدفه وادها غيرك
احفظ نفسك وارضى ضميرك
وقف وقف اوع تواصل سيرك
كان طاوعتنا شن بيضيرك
عرض اكتافك وفك البيرك
لاهنا شكرا وكتر خيرك
وكل انسان فى الارض خليفة .
في الذكرى الخامسة عشر لقيام ثورة الانقاذ الوطنى هذا شاعر من شمال السودان يصف لنا سفينة الانقاذ التى غنى لها الشعراء فى بداية الثورة وقالوا فيها الكثير مثلا شاعرهم الذى يقول:
وسفينة الانقاذ سارت .....لاتبالى بالرياح
فهاهو الشاعر (حاتم حسن الدابى ) من الولاية الشمالية محافظة مروى يصور لنا بقلمه مسيرة سفينة الانقاذ ورغم ان الشعراء فى بداية الانقاذ وصفوها بالسفينة الا ان (حاتم) وصفها بالمركب الخشبى الذى يتهادى ويجوب نيلنا الحبيب وفى قصيدته يرسم لنا حال المركب والرواسى وهو قائد السفينة والقصيدة من النوع الرمزى ويقول فى مطلعها :
مدر ....مدر يا رواسى
نحن بعاد لحقنا القيفه
انت مدبج ونحن نقاسى
مربوشين والموج والزيفه .
ويمضى الشاعر واصفا تقلبات حكومة الانقاذ الوطنى وسياستها
التى تدور مرة مع المعسكر الشرقى وتارة اخرى مع المعسكر الغربى :
مركبك الماليها مطارق
تمشى تقيف تسرح بى كيفها
مرة مغارب ومرة مشارق
وانت تخاف الريح والزيفه.
ويبحر بنا شاعرنا واصفا حال وزارء الحكومة الذين يعيشون فى النعيم وباقى الشعب المسكين الذين ماتوا والسالمين الذين يعيشون فى ضنك:
ساوها زينه وفوقها بيارق
وانت مدبج ثوب وقطيفة
فيها المات والضاربو الفالق
والسالمين فى حالهم ضيقة .
وفى المركب الذى سار وانطلق فى العام1989 جلس كل الشعب السودانى فى المركب حسب قول الشاعر بينما جلس الرئيس عمر البشير وناسه فوق دفة المركب :
كل الناس ترزح فى كفة
وانت وناسك فوق الدفة
الدايشين والراسهم لفه
والشاخصين فى مدن الضفة.
ويمضى شاعرنا ليكشف لنا ممارسات النظام الذى نصب طبالا فوق هذه الامة المغلوبة على امرها بمثابة الالفة الذى يحفظ النظام فى الفصول الدراسية وغالبا مايكون هذا الالفة قاسيا :
ساو طبالك فوقهم ألفة
جوة الموية وريقهم جفه .
بعد ذلك يقول شاعرنا ان نص الشعب السودانى قد توفى من العطش وكالعطش هنا تشمل عطش الماء وعطش المعيشة وبالرغم من ان البلاد حباها الله باطول نهر فى الدنيا:
من العطش النص اتوفى
وباقى النص الفضل جيفة.
ويقول شاعرنا ان الشعب المسكين قد ضاق المر واستعصى عليهم الحال عمالا ومعلمين :
ضاقو المر والحال استعصى
الشغال واللاحق الحصه .
بعدذلك يصف لنا النسيج الاجتماعى وان صلة الارحام صارت مقطوعة لان كل فرد من الشعب مشغول بروحه:
الوصال للرحم اتقصى
والهداى مو لاقى الفرصة .
وحتى الذين كانو ينعمون بخيرات البلاد ولم يخطر ببالهم هاجس الهجرة هاجروا وتركوا اولادهم فى مهب الريح وهذا الذى ترك اولاده محمد واحمد وصغيرته حفصة سافر ولم يوصى :
الرساي سافر ما وصى
خلى محمد واحمد وحفصة.
ويمضى الشاعر وهو يصف اطفال السودان الذين عرفو القصة ولكن من شدة الاحزان والباكاء انحبست دموعهم وصارت غصة فى حلقوهم
الاطفال العرفو القصه
سدت جوه حلوقهم غصة
وبالرغم شعارات الثورة التى رفعتها فى بداية المشوار مات
الالاف من الجوع بالرغم من ان السودان هو سلة غذاء العالم:
من الجوع الدم اتمصى
واصبح كل الحلم رغيفة
كل الراكب شاف احلامو
دون احساس ماتت قدامو.
وحتى الطلاب تركو مقاعد الدراسة وفنوا كتبهم وكسرواقلامهم لكى يعلموا ويساعدو الاهل وبالرغم منذلك لم يلومهم اهليهم وجيرانهم:
فن كتابو وكسر اقلامو
لا الوالدين لاجار ما لامو
ناس الحلة القعدو وقامو
اصر وألح يمشى كلامو .
وبالرغم من جامعات الانقاذ الكثيرة الا ان الملايين من الخريجين
لم يجدوا وظائف :
خدمو اخوانو البى الجوع نامو
كم خريج ما لاقى وظيفة.
والشاعر ملم بتفاصيل ثورة الانقاذ ولانها قامت ونهر النيل فى بداية الفيضان فى30/6/1989يقول شاعرنا ان الرئيس عمر البشير قد فك المركب وقال لها سيرى وكان لسان حاله يقول( وسفينة الانقاذ سارت لاتبالى بالرياح) :
يا الفكيتها وقلت لها سيرى
وعارف انو الدنيا دميرى
لافى ضفاف لاشفنا جزيرى
لافى الحيرى ولافى الطيرى .
وهل سارت المركب كما كانت لا لا فان الشاعر يقول ان الرئيس قد كسر جناحها وقال لها طيرى وهل يطير عصفور مكسور الجناح ؟ :
كسرت جناحها وقلت لها طيرى
واتملكت الكانت ميرى .
ويقول شاعرنا ان السودان كان بلدا ناصع البياض بياض فى النيات وبياض فى قلوب شعبه لكن ثورة الانقاذ قد احالت هذا البياض الناصع الى سواد كالح :
ياالسودت الناصع وجيرى
سيد الحق صابونة وليفة .
ويصف شاعرنا الحكومات السابقة وكم كان فيها متعلمين ويقول:
قبلك كم متعلم وقاري
عكس الريح فكوه الصارى
مشدوهين متعشى وحارى
لابسها شلتو والبحارى .
وبالرغم من ان السنوات قد قاربت الخمسة عشر عاما ويقول الانقاذيون ان المركب ماشية لكن الشاعر يقول :
كم سنوات علام البارى
واقفى وهم شايفنها جارى .
ويصف شاعرنا مسيرة المركب الخشبى والناس الذين دخلو فى باطنها والمرسى بعيد جدا :
بقينا هلاك والقيف متضارى
لاحجار لادوحه وريفه
حسو يمينك ما تتهادى
وتنسى الراكب عندو ارادة .
ويصف شاعرنا الاهوال والمصائب التى خاضها المعلمين والاطباء:
الاهوال الشافها وخاضها
كان فى مدرسة والله عيادة .
ويصف شاعرنا حال الاغنياء والكرماء الذين اعلنو افلاسهم وبترت اياديهم والايادى التى كانت بالامس تنفق وتكسى العارى لم تجد (تعريفة) وهى اصغر عملة قبل سياسة التحرير :
شفنا الايد الكان اجوادها
يامبتورة وياشحاده
وياما رقاب كانت سدادة
علمت الله من التعريفة .
وفى هذه الابيات ضاق الشاعر مرارة السجن والحبس بسببها حيث يصف الرئيس بانه لايصلح لقيادة هذه المركب ويطالبه بالتنحى عن الحكم:
ياريسنا قدر مديرك
فك الدفه وادها غيرك
احفظ نفسك وارضى ضميرك
وقف وقف اوع تواصل سيرك
كان طاوعتنا شن بيضيرك
عرض اكتافك وفك البيرك
لاهنا شكرا وكتر خيرك
وكل انسان فى الارض خليفة .
وياسادتى هل صدق شاعرنا فى وصف الحال حينما قال مخاطبا الرئيس :
لاهنا شكرا وكتر خيرك
وكل انسان فى الارض خليفة.
***************
مع تحيات : متوكل طه محمد احمد موظف بمنظمة دولية باليمن
____ التوقيع ____
مسافر لى بعيد وبعيد انا مسافر
رغم قساوة الاقدار انا مسافر
رغم الموجة والتيار انا مسافر
وشايلك ياجميل تذكار .
|
Post: #39
Title: Re: جيتي انتي : حروف الى لاجئة !!**
Author: عبدالعظيم عبدالله
Date: 10-15-2004, 02:19 PM
Parent: #1
مبدع يا خضر لك كل الود والتقدير على رائعتك وهيا لا تترك ريشتك تجف .
من بين قانون الطوارئ
ومن بين بواليس السواري
من بين صحن الفول والكوارع
ومن موية التبلدي الفي الصحاري
من بين صوت البشير ووجهه الصاري
الشرد الشعب ونومهم تحت الكباري
غصبا عنه وعن حاشيته اصحاب المعالي
جيتي انتي
آسف اذا ادخلت شيئ يسئ لتحفتك .
مع بالغ الود
|
Post: #40
Title: Re: جيتي انتي : حروف الى لاجئة !!**
Author: خضر عطا المنان
Date: 10-16-2004, 00:06 AM
Parent: #39
Quote:
من بين قانون الطوارئ
ومن بين بواليس السواري
من بين صحن الفول والكوارع
ومن بين حفر مالية الشوارع
من موية التبلدي الفي الصحاري
من بين صوت البشير ووجهه الصاري
الشرد الشعب ونومهم تحت الكباري
غصبا عنه وعن حاشيته اصحاب المعالي
جيتي انتي
|
أخي الحبيب : عبد العظيم
معبرة لوحتك واضافتك وكم هي منسجمة مع سياق القصيدة وجوها العام .
يعطيك ألف عافية .
خضر عطاالمنان
|
Post: #41
Title: Re: جيتي انتي : حروف الى لاجئة !!**
Author: لؤى
Date: 10-17-2004, 11:05 AM
Parent: #1
أستاذ خضر
لك التجلّة
ولك احترامى الذى تعرفه
ــــــــــــــــــــــــــــــــــــــــ
[email protected]
|
Post: #42
Title: Re: جيتي انتي : حروف الى لاجئة !!**
Author: خضر عطا المنان
Date: 10-17-2004, 12:19 PM
Parent: #41
Quote:
أستاذ خضر
لك التجلّة
ولك احترامى الذى تعرفه
|
الحبيب : لؤي
ألف حمد لله على السلامةأولا
فقد افتقدنا أطلالتك البهية .
ورمضان كريم .
وتحياتي أيضا لك
واحتراماتي بلا حدود
يا لولو يافنان.
خضر عطا المنان
|
Post: #43
Title: Re: جيتي انتي : حروف الى لاجئة !!**
Author: lana mahdi
Date: 10-18-2004, 09:00 AM
Parent: #1
أمــــــــــــــــــــــــــــل
ثلاثة أحرف تخرج كل الممكن من اللا ممكن
تخرج الضياء من قلب العتمة
والروح من قلب الموات
والقطرة من قلب الصحراء
والندى من سطح الصبار
والبسمة من الوجه الجهم
ولا استحالة
ومحبتى لك
ايها الصحفي الذى ضل طريقه الى الشعر او الشاعر الذى ضل طريقه للصحافة و كلاهما-على رأى أبي-جنون وإبداع
|
Post: #44
Title: Re: جيتي انتي : حروف الى لاجئة !!**
Author: خضر عطا المنان
Date: 10-18-2004, 12:36 PM
Parent: #43
Quote:
محبتى لك :
ايها الصحفي الذى ضل طريقه الى الشعر
او الشاعر الذى ضل طريقه للصحافة
و كلاهما-على رأى أبي- جنون وإبداع .
|
حبيبتنا : لنا
واعتزازي بك يا أيها اليراع المترع بالوفاء
والصدق والجمال وهموم الوطن المثخن بالجراح ..
ولحبيبي الأصيل : والدك الفاضل سلامي واشيتاقي .
خضر عطا المنان
|
Post: #45
Title: Re: جيتي انتي : حروف الى لاجئة !!**
Author: خضر عطا المنان
Date: 10-18-2004, 02:32 PM
Parent: #44
Quote:
إلى الأُستاذ الشاعر الصحفي (خضر عطا المنان) ورفاقه الكرام
في منتديات الحوار الحر....
أهديكم قصيدة (جيتي إنتي) رداً على قصيدة الغالي خضر لاجئة :
الفأل الحسن...
جيتي جيتي ....
ويااااحلاتك لما جيتي...
ألف مرحى بيك حبابك
الحقيقة السفرة مُرَّة وطال غيابك
وفي النهاية تراكي جيتي من اْغترابك
يعَلَمْ الله الشوق دفين...
جيتي من الماضي ذكرى
شايلة جوَّاك أحلى فكرة
كم شرحتي نصيحة عِبرة
للزمانُنْ طائشين
جيتي تبْتبْتي المرافي
نحلة تهدي عسلها صافي
بسمة حلوة تقول عوافي
للغلابة الكادحين...
جيتي من غنوة حقيبة
من بلاد واااسعة ورحيبة
يوم وصلتي الدنيا غيبة
فجأة لاح وجهِك لُجين...
جيتي رحمة من الشروق
نازلة من بعد البروق
بلَّت العطشان شقوق
بُشرى خير للزارعين...
جيتي فرحة دُقاااق دُقاق
غُصَّة في حلق النفاق
الجنا اللِّي أُمُّو عاق..
تاب رجع هادي ورزين...
جيتي ضمَّدتي الجراح
لما لاح فجرك صباح
كم سجين مكسور جناح
روحو صارت ليكي دين...
جيتي من أقصى المدائن
شايلة حب فِ عينيكِ باين
كالمِرِقْ تحت المرايِن
كم سندتِّي كئيب حزين...
جيتي رحمات للعباد
شايلة برَّ التقوى زاد
جاية راحلة بلاد بلاد
في انتظارك من سنين...
جيتي تتحدِّي المحال
رااايقة هادية بلا انفعال
شامخة أعلى من الجبال
بس عزاي قلبِك حنين...
جيتي من وحي الحقيقة
من عصور ولَّت سحيقة
الخُطى التاهت طريقة
جات تنِم بي مقطعين....
...........................
............................
أرجو من الإخوة إكمال هذين المقطعين....
ولنا عودة.....
أبو الحسين.....
|
الحبيب المبدع : أبو الحسين
شكرا على الاهـــــداء .
ولي عودة اليك لاحقا.
خضر عطا المنان
|
Post: #46
Title: Re: جيتي انتي : حروف الى لاجئة !!**
Author: Nada Amin
Date: 10-18-2004, 02:47 PM
Parent: #1
المبدع خضر عطا المنان
نص غاية في الروعة و اللغة المموسقة
كله مؤثر و معبر لكن أكثر ما شدني فيه مقطعه الأول
Quote: من وسط جيل التعاسة
من خلافات السياســة
جيتي انتي ... |
نعم هي الممارسة السياسية الساذجة و التي لا تخلو من أنانية الطائفية و الحزبية، هي السبب بلا جدال في تشريد الغلابة و نزوحهم. فالوطن هو سقف كبير يضم معاني الاحتواء و الاطمئنان و ليس معاول هدم السقوف الآمنه!
|
Post: #47
Title: Re: جيتي انتي : حروف الى لاجئة !!**
Author: خضر عطا المنان
Date: 10-19-2004, 05:26 AM
Parent: #46
Quote:
نعم هي الممارسة السياسية الساذجة
و التي لا تخلو من أنانية الطائفية
و الحزبية، هي السبب بلا جدال في تشريد
الغلابة و نزوحهم. فالوطن هو سقف كبير
يضم معاني الاحتواء و الاطمئنان و ليس
معاول هدم السقوف الآمنه!
|
العزيزة الفاضلة : ندى أمين
صحيح تماما ما تقولينه هنا..اذ لولا ذلك لما
كنا اليوم مشتتين في أصقاع هذا العالم الفسيح
ولا يخلو معسكر على أمتداده من سوداني أو سودانية او كليهما.
شكرا للمرور مع صادق مودتي .
ورمضان كريم .
خضر عطا المنان
|
Post: #48
Title: Re: جيتي انتي : حروف الى لاجئة !!**
Author: خضر عطا المنان
Date: 10-28-2004, 10:29 AM
Parent: #47
جيتي انتي ...
من قيم وأخلاق بتنزف
من طنابير حزن تعزف
من مآتم مســــتمرة
ومن بلد نص أهلو برة
جيتي انتي ..
جيتي انتي ...
من ظلام في ليلنا ساري
ومن لهيب شمس الصحاري
جيتي انتي ..
جيتي انتي ...
من بـــلد أصبح مبــاح
للملاقيط وابن الــسفاح
من ليل طويل فاقدالصباح
ومن نـزيف عـمق الجـراح
جيتي انتي ...
جيتي أنتي ...
من بلد خيـرات مهــولة
ومن صـحاريها و سـهـولا
من كلمة ما قادرين نقولا
ومن خطى الفرح العجـولة
جيتي انتي ..
******************
خضر عطا المنان
|
Post: #49
Title: Re: جيتي انتي : حروف الى لاجئة !!**
Author: soma
Date: 10-29-2004, 00:04 AM
Parent: #48
وجيتى انتى ..
من خدار طين الجروف..
من بياض قلب الشغوف..
من خيوط نسج الحروف..
من شعاع لون الطيوف ..
من عشق زولا لهوف ..
ومن نضم جيلا بشوف..
****
وجيتنا انت يا خضر..
من نفس ريق الاهل ..
من بيوت رويانه طل ..
ومن نزيف مطرا هطل..
من هناك فوق المقل ..
ومن ذكر جدا مهل ..
فى وشيهو دعوات تهل
بالبشائر والامل ..
وافراح قبيلة فى كل محل ..
دفرت دموع وسط الوحل ..
فشان تعيش رغم الحصل ..
رضيانه بى فرحا فضل ..
وعشمانه فى لمة شمل ..
يسطع يطل نجما افل ..
ويرجع يعود من فات رحل ..
وجيتنا انت يا ضلنا الما كمل ..
****
ان شاء الله ضلك ما يكمل ويكبر ويلم باقى الشتات ..
ويبقى ضلاله يا عشا الامات.. واخو البنيات ..
اخوى خضر التحيه ليك سبح مطويات ..
وانفاس طالعه نازله بالدعوات الحنينات..
والود بحر قالد القيف ..
والشكر ليك تب ما بقيف
|
Post: #50
Title: Re: جيتي انتي : حروف الى لاجئة !!**
Author: خضر عطا المنان
Date: 10-29-2004, 04:08 AM
Parent: #49
Quote:
وجيتنا انت يا خضر..
من نفس ريق الاهل ..
من بيوت رويانه طل ..
ومن نزيف مطرا هطل..
من هناك فوق المقل ..
ومن ذكر جدا مهل ..
فى وشيهو دعوات تهل
بالبشائر والامل ..
وافراح قبيلة فى كل محل ..
دفرت دموع وسط الوحل ..
فشان تعيش رغم الحصل ..
رضيانه بى فرحا فضل ..
وعشمانه فى لمة شمل ..
يسطع يطل نجما افل ..
ويرجع يعود من فات رحل ..
وجيتنا انت يا ضلنا الما كمل ..
**** |
سوما...
انتي يانبع التصافي
وشتلةالنيل والمرافي
يا نغيمة طفل حــافي
وياكليمة زول عوافي
وفرحةالزمن الخرافي
سوما...
يا نسمة في عزالنهار
وياوقار
يا ضحكةأطفالنا الصغار
وهيبة فوق أهلي الكبار ..
تحيات الشوق والاعزاز والمحبة لك سوما.. ومليون شكرا .
خضر عطا المنان
|
Post: #51
Title: Re: جيتي انتي : حروف الى لاجئة !!**
Author: Dr. Moiz Bakhiet
Date: 10-29-2004, 06:04 AM
Parent: #50
سوما وخضر،
فلتسافرا هكذا للبعيد فراشتان تهاجران الى البعيد ..
تتسابقان على الرُّبى و توقّعان اللحن عيد ..
بوحا يردده المكان كما يريد لنا الزمان
و ما نُريد.
لكم البحر نجمة ولكم الحمامة تستريح ..
فليكن غناؤكما دفء روحى
ولكم وثاق عروتى
ولكم الشوق الفصيح
ولكم المحبة والسفر والعمق والحنين والمطر
معز
|
Post: #52
Title: Re: جيتي انتي : حروف الى لاجئة !!**
Author: خضر عطا المنان
Date: 10-29-2004, 01:03 PM
Parent: #51
Quote: فلتسافرا هكذا للبعيد فراشتان تهاجران الى البعيد ..
تتسابقان على الرُّبى و توقّعان اللحن عيد ..
بوحا يردده المكان كما يريد لنا الزمان
و ما نُريد.
|
رحيق حرفنا الأغر : معز
ألــــف شــــكرا يامعـز
لــيك تحيــة وحــرف عـز
بى حروفــك أنتــشيـــنا
والزمــن راقــص يـهـــز
ليــنا تســلــم يامعـز .
لك صهيل شوقنا حنينا لا يتوقف ..
وتقديرنا شلالات دفء تسقي كل الأمكنة.
خضر عطا ا لمنان
|
Post: #53
Title: Re: جيتي انتي : حروف الى لاجئة !!**
Author: Ehab Eltayeb
Date: 10-29-2004, 09:48 PM
Parent: #1
الاعزاء :
خضر ..
وسوما..
لكم التحايا.. ودخلنا سلمنا عليكم فوق..
لكن الظاهر وسط انتشاء الحرف... وتوهج الجمال النابع من القلب.. نسيتوا تردوا علي..
كل الود,,
|
Post: #54
Title: Re: جيتي انتي : حروف الى لاجئة !!**
Author: عشة بت فاطنة
Date: 10-30-2004, 00:05 AM
Parent: #53
العزيز خضر ، ايها المترع بالجمال والحروف الوسيمة نشكرك يا مبدع وهذا اكتشاف جديد اضافة لابداعاتك واصل ورش عبيرك فينا ..
|
Post: #56
Title: Re: جيتي انتي : حروف الى لاجئة !!**
Author: خضر عطا المنان
Date: 10-30-2004, 02:39 AM
Parent: #54
العزيزة : عشة بت فاطنة
لأسمك وقع خاص في نفسي .. ولحروفه سحر بهائي الترنم غارق في أصالة الايقاع .. فهما معا : (عشة) و (فاطنة) .. ترسماني أمامي لوحة معبأة بالأصالة وشتات أصقاع الريف والحواشات والجروف وضفاف النيل والخدار واللوبيا وقطعان من مواشي واغنام وارتال من الابقار ترعى في مساحات بلا حدود غارقة في الخضرة .. والمراكب والمراكبية وحتى بنطون رفاعة بي خبوبو وطينو وناسو الطيبين ..
عفوا يا (عشةبت فاطنة) فانا معذور شوية لاني زول
( قروي ضايع في اروربا) .
شكرا ليك على المرور من هنا .. ويديك ألف عافية وعافية .
خضر عطا المنان
|
Post: #55
Title: Re: جيتي انتي : حروف الى لاجئة !!**
Author: خضر عطا المنان
Date: 10-30-2004, 01:29 AM
Parent: #53
حبيبنا : أيهاب
هذه هي مداخلتك الأولى فوق :
Quote:
الأستاذ خضر:
لك التحايا.. وقد تحول هذا البوست لمرفأ من الشعر العذب.. بينك ود.معز ..والرائعة سوما.. وبقية العقد الفريد..
فلكم التحايا.. وانتم تنشرون الجمال بهذه الربوع ..
خالص الود,,
|
فمرحبا بك حرفا ريانا ياأيهاب ..
فهل تربعت معنا هنا في رحاب هذا (المجلس الثلاثي) البهي ليصبح (رباعيا) وبك يزداد توهجا ..فقد سبق لي أن تمسحت ببعض ترابك الأنيق هناك في أحد بوستاتك المضيئة.. حيث لا تزال بعض من تلك التراب عالقة بي أتحسسها كلما عاركني الحنين لمرفأ اتكئ عنده .
لك مودتي خالصة ايهاب .
وهذا ماورد في مداخلتك الثانية :
Quote: الاعزاء :
خضر ..
وسوما..
لكم التحايا.. ودخلنا سلمنا عليكم فوق..
لكن الظاهر وسط انتشاء الحرف... وتوهج الجمال النابع من القلب.. نسيتوا تردوا علي..
كل الود,,
|
وهنا كم تجدني معتذرا .. فأنا في حضرة فراشتنا سوما وجليسها سمحنا معز.. اغرق كصوفي ( مدروش ) في حلقات ( نوبتهما) الصاخبة وذات الرنين السحري العجيب ..وانسى الزمان والمكان معا .. لذا أسألك المعذرة .. ولك العتبي حتى ترى ترضى يا ايهاب .
خضر عطا المنان
|
Post: #57
Title: Re: جيتي انتي : حروف الى لاجئة !!**
Author: bayan
Date: 10-30-2004, 04:51 AM
Parent: #55
العزيز خضر
اسعدتنى حروفك الناعمة نعومة حد الشفرة..
كم جميلة مشاعرك وكم معبرة حروفك..
مودتى
|
Post: #58
Title: Re: جيتي انتي : حروف الى لاجئة !!**
Author: soma
Date: 10-30-2004, 11:09 AM
Parent: #57
سلام يا اهلنا
تسلم كتير اخوى خضر على كل الجمال الفى الساحه
نورت وشرفت الزوار يا كريم المقدار ..
ايهاب الطيب
عمى لزم
انت بتتنسى يا الحنين
يا دعاء اهلى الطيبين
يا فرح فرهد فى دارنا
وبدل النغم الحزين
يا بحر خدر جروفنا
ويا نغم قالد حروفنا
حبابك اخوى ايهاب
والتحايا ليك علو السحاب
والود محنة
|
Post: #59
Title: Re: جيتي انتي : حروف الى لاجئة !!**
Author: خضر عطا المنان
Date: 10-31-2004, 04:44 AM
Parent: #57
Quote: العزيز خضر :
اسعدتنى حروفك الناعمة نعومة حد الشفرة..
كم جميلة مشاعرك وكم معبرة حروفك..
|
فاضلتنا : بيان
وكم أسعدتني عودتك وعودة قلمك المشاغب في شموخ ..
والسائل في أباء وكبرياء ..
الشكر أجزله لك .
تقبل الله صيامك وقيامك .. ولأسرتك الكريمة تحياتي .
خضر عطا المنان
|
Post: #60
Title: Re: جيتي انتي : حروف الى لاجئة !!**
Author: خضر عطا المنان
Date: 10-31-2004, 06:51 AM
Parent: #59
وجيتي أنتي ....
جيتي أنتي يا أميــرة
من ضلوع عزة ومهيــرة
من حريرة ومن ضريــرة
ومن رتاين ضاويةسيـرة ..
جيتي أنتي ...
من شمس بلدي وهجيــرا
ومن وجع ناسهاالفقيرة
وجيتي انتي ...
لوزة من قطن الجزيـرة
ونيمة في حيشان كبيرة
جيتي انتي ..
**************
خضر عطا المنان
|
Post: #61
Title: Re: جيتي انتي : حروف الى لاجئة !!**
Author: خضر عطا المنان
Date: 10-31-2004, 07:02 AM
Parent: #60
Quote:
تسلم كتير اخوى خضر على كل الجمال الفى الساحه
نورت وشرفت الزوار .. يا كريم المقدار ..
|
تسلمي فراشتنا الجميلة : سوما
ياما بيك كتيــر نسـعد
وبيـك تنـور دون عــدد
مــساحات فوقنا تتمـدد
تشيلك في العيون والخد..
وأسعد الله أيامك ياأختاه .
خضر عطا المنان
|
Post: #62
Title: Re: جيتي انتي : حروف الى لاجئة !!**
Author: لؤى
Date: 12-30-2004, 10:04 AM
Parent: #1
أستاذ خضر
تحيّاتى
اسمح لى أستاذى برفع هذا الجمال إلى هنا من جديد .
لك ودّى
|
Post: #63
Title: Re: جيتي انتي : حروف الى لاجئة !!**
Author: soma
Date: 12-30-2004, 12:06 PM
Parent: #62
واسمح لى انا يا الضى اعقب عليك ..
سلام يا اهلى الديمه فى البال
كل سنه وانتو طيبين وزايدين محنه ..
اخوى خضر انا متلومه فيك والله..لك العتبى حتى ترضى يا نوارة بلدنا المفرهده ديمه
فى كل الفصول..
جابنى الدرب ..وسمعت ونستكم انت والضى الحنين(لؤى) .. وينكم يا غرة الوالدين ..
نحن كان شغلتنا منكم الظروف ..يعلم الله ليكم ما ناسيين ..
الضى وين جيتك لينا يا خوى ؟
وعدتك يا خوى خضر ارجع ليك فى حلمك الجميل وانا خيتك .. عندى وعدى باذن الله
قريب بجيكم صاده بالدرب.. هسه دى مطايبه بى فوق الحيطه ..
لكم التحايا ..
والشوق محنه
والود نيلين
|
Post: #66
Title: Re: جيتي انتي : حروف الى لاجئة !!**
Author: خضر عطا المنان
Date: 12-30-2004, 01:36 PM
Parent: #63
Quote:
كل سنه وانتو طيبين وزايدين محنه ..
اخوى خضر انا متلومه فيك والله..
لك العتبى حتى ترضى يا نوارة بلدنا
المفرهده ديمه فى كل الفصول..
جابنى الدرب ..وسمعت ونستكم انت والضى الحنين(لؤى) ..
وينكم يا غرة الوالدين ..
نحن كان شغلتنا منكم الظروف ..
يعلم الله ليكم ما ناسيين ..
وعدتك يا خوى خضر ارجع ليك فى حلمك الجميل وانا خيتك ..
عندى وعدى باذن الله قريب بجيكم صاده بالدرب..
هسه دى مطايبه بى فوق الحيطه ..
لكم التحايا ..
والشوق محنه
والود نيلين
|
فراشتنا الجميلة : سوما يا بت القبايل والأصول
كيف أبهجتنا طلتك البهية دي .. وفراشتك الحنينة
لسه ماشاءالله مازالت تطوف في اودية المحنة والشوق والمحبة.
يامليون حبابك يا بت الجنيد ..
ياترعة الزمن الجميل في زمن اليباس المر ..
وياسليلة مهيرة ومهرة بنات عزة ..
السلام ليكي بلا حدود .. ولكل نقطة موية في ترعة الجنيد
الحبيبة .. وكل أهلي الحنان ياسوما من دون فرز.
وكل سنة وان شاء الله طيبة وفراشتك محلقة في سماها
تنثر الجمال وتوزع الريد فوق كل فضاءاتنا الرحيبة.
وراجين بلحيل رجعتك ..
خضرعطاالمنان
|
Post: #64
Title: Re: جيتي انتي : حروف الى لاجئة !!**
Author: خضر عطا المنان
Date: 12-30-2004, 01:00 PM
Parent: #62
Quote: أستاذ خضر
تحيّاتى
اسمح لى أستاذى برفع هذا الجمال إلى هنا من جديد .
لك ودّى
|
حبيبنا المتلالئ دوما : لؤي
قبلات شكري وشوقي ومحبتي واعزازي أطبعها على جبينك الوضاء .
وكل عام وأنت بألف خير .
خضرعطا المنان
|
Post: #65
Title: Re: جيتي انتي : حروف الى لاجئة !!**
Author: ست البنات
Date: 12-30-2004, 01:23 PM
Parent: #1
1--
رش عبيرك
يلا رشرش
زيد دموعنا
فى العيون
البقت من
شدة الشوق
ما بترمش
-----
2--
خضر الهامة
السامى مقاما
وكل الناس
ليهو بتتشابى
---
فرح المنبر
فاح العنبر
----
من بينات
الأحرف
شفتها قاعدة
فى حوش
فوق بنبر
سوت شايها
وفرحة اترسمت
فوق الوش
العمرو
ما كشر
-----
وندهت قالت
خضر البار
اب كتفا أخضر
يوم وراء يوم
يا يرب تتجبر
ايدو السامية
الساندة المنبر
----
وعطر الكلمة
الفاح من عندو
يزين ربى
وشيو الأسمر
----
يعلى مراتبو
وما ينحدر
من وطنيتو
شبير ما
يصغر
-----
وحتى النيل
انتشىبالفرحة
وسوى أمدر
فوق ضفتو طرحة
---
وعمة وتوب
وراية
ومدحة
---
وعبا ولاد
البلد الكانت
ماتت جوه قلوبون
عزة ونخوه
-----
قبيل ما
قلنا المبدع
بظهر
----
من ساقيتنا
الدايرة ولافة
----
وشايل المنجل
والطوريى
----
وطالع نخل
البلد العالى
----
قلمو الشايلو
من تمراتنا
----
ورق كراسو
سنابل
قمحو
----
يقول للوطن
القدرو عالى
جاييك يابا
ويمة تعالى
ست البنات .
|
Post: #67
Title: Re: جيتي انتي : حروف الى لاجئة !!**
Author: خضر عطا المنان
Date: 12-30-2004, 01:57 PM
Parent: #65
Quote: رش عبيرك
يلا رشرش
زيد دموعنا
فى العيون
البقت من
شدة الشوق
ما بترمش
-----
خضر الهامــة
السامى مقاما
وكل الناس
ليهو تشابى
---
فرح المنبر
فاح العنبر
----
من بينات
الأحرف
شفتها قاعدة
فى حوش
فوق بنبر
سوت شايها
وفرحة اترشمت
فوق الوش
العمرو
ما كشر
-----
وندهت قالت
خضر البار
اب كتفا أخضر
يوم وراء يوم
يارب تتجبر
ايدو السامية
الساندة المنبر
----
وحتى النيل
انتشى بالفرحة
وسوى أمدر
فوق ضفتو طرحة
وعمة وتوب
وراية
ومدحة
---
وعبا ولاد
البلد الكانت
ماتت جوه قلوبون
عزة ونخوه
-----
قبيل ما
قلنا المبدع
بظهر
----
من ساقيتنا
الدايرة ولافة
----
وشايل المنجل
والطوريى
----
وطالع نخل
البلد العالى
----
قلمو الشايلو
من تمراتنا
----
ورق كراسو
سنابل
قمحو
----
يقول للوطن
القدرو عالى
جاييك يابا
ويمة تعالى
ست البنات .
|
*************
ستهن لاحدهن تسلمي أنتي يالمبيريكة ..
ويسلم قلمك الصادق النقي والأصيل :
يالدروبـك رايـحة مني
يا البتسألي ديمة عني
أفتش في عيونك وين
أتاريك راجية مســتني ..؟؟.
يديك العافية يا ست البنات .
وكل سنة وانتي والوطن ترفلان معا في ثياب السلام والعز .
وشوية كدي ـ يا ستهن ـ فاتك شرف السلام على أخيتنا
سوما بت الجنيد القصيدة ..
خضرعطا المنان
|
Post: #68
Title: Re: جيتي انتي : حروف الى لاجئة !!**
Author: ست البنات
Date: 12-30-2004, 01:59 PM
Parent: #1
وشايلى اسبير فى قفاها
اسبيرا ينقز
وانت تنقز
ونحنا ننقز
---
والله دا أطرف بيت شعر ، ضحكت فيهو لمان اتشرقت
غايتو شعبنا مبدع ...
مبدع ..... ومبدع ...
من غير حدود <<<<
ست البنات .
|
Post: #69
Title: Re: جيتي انتي : حروف الى لاجئة !!**
Author: خضر عطا المنان
Date: 12-31-2004, 10:11 AM
Parent: #68
Quote:
وشايلى اسبير فى قفاها
اسبيرا ينقز
وانت تنقز
ونحنا ننقز
---
والله دا أطرف بيت شعر ، ضحكت فيهو لمان اتشرقت!!
غايتو شعبنا مبدع ...مبدع ..... ومبدع ...من غير حدود.
ست البنات
|
غايتو أهلك الشايقية ديل يا ستهن الله يخليهن ..
فعلا عليك الله شفتي الزول دا مبدع كيف : صورة كاريكاتورية
تكاد تتحرك !!!.
لك وله التحية
خضرعطاالمنان
|
|