( فيديو ) أوبريت مواكب الوفاء الكويتي 1989 ( لوحة السُّودان )

.

شكرا لؤى

والله اكتر خساره لى فى فيضانات القاش بكسلا

كانت فقدى لهذا الشريط الذى اغلى هديه من خالى المرحوم عبد الكريم محجوب

وكان معه شريط فيديو لاعتزال النجم فيصل الدخيل

الله يديك العافيه ياحبيب

اظن الاخ يسرى ماشافو لانو كنا بنشاكل فى الفيديو هو داير شرط الكوره وانا داير الشريط ده

اللهم ارحم خالى كرومه

Quote: شكرا لؤى والله اكتر خساره لى فى فيضانات القاش بكسلا كانت فقدى لهذا الشريط الذى اغلى هديه من خالى المرحوم عبد الكريم محجوب وكان معه شريط فيديو لاعتزال النجم فيصل الدخيل الله يديك العافيه ياحبيب اظن الاخ يسرى ماشافو لانو كنا بنشاكل فى الفيديو هو داير شرط الكوره وانا داير الشريط ده اللهم ارحم خالى كومه

أبو اليُسر
سلامات

ألف رحـمة للخال كومة
العمل لافت نظري من سنيـن طويلة
بالله شوف الأداء دا
وصوت شادي الـخليج
والإتقان في كُلّ شيء
ياخـي تـحس النّاس كُلّها بتعمل حاجاتنا أحسن منّنا نـحن



مودّتـي

تعرف يا لؤي بعد كل الوفاء ده من الكويتيين للسودان والسودانيين..حيث كانوا من اكبر الدول التي مدتنا بجسر إغاثة جوي ايام كارثة السيول والامطار ثم كان بيننا السفير عبد الله السريع الذي تمنى ان يدفن بالسودان..رغم كل هذا الحب وقفت حكومتنا مع صدام ايام الغزو المشؤوم.

الاخ لؤي
السلام عليكم ياراجل يافنان
دائمابتجيب الحاجات الجميله
وزكرتنا بالزمن الجميل
كنت طلبته منك رقم محمد سعيد بالرياض
اسمو كان نازل في البوست حق عامر الجوهري
ارجو ارساله علي العنوان ادناه
[email protected]

يالؤى ياأخوى ياخى أنت إنسان من الزمن الجميل
الشغل دا فيهو مجهود سودانيين مقيمون فى الكويت
وزى ماقال ليك أخوى ياسر
دا تحفة فنيةمتكاملة
الله يديك العافية

Quote: يالؤى ياأخوى ياخى أنت إنسان من الزمن الجميل الشغل دا فيهو مجهود سودانيين مقيمون فى الكويت وزى ماقال ليك أخوى ياسر دا تحفة فنيةمتكاملة الله يديك العافية

يُسري العزيز
سلامات

ياخـي إنت الـجّميل والله
ودا شغل جد جـميل
ومتأثّر بيهو أنا من أواخر الثّمانينات والله




الله يعافيك يا عزيزي

Quote: الاخ لؤي السلام عليكم ياراجل يافنان دائمابتجيب الحاجات الجميله وزكرتنا بالزمن الجميل كنت طلبته منك رقم محمد سعيد بالرياض اسمو كان نازل في البوست حق عامر الجوهري ارجو ارساله علي العنوان ادناه [email protected]

ناظـم
سلامات

معليـش كبرنا ياخـي
وقد أرسلت لك الرّقـم الآن




تـحاياي

Quote: تعرف يا لؤي بعد كل الوفاء ده من الكويتيين للسودان والسودانيين..حيث كانوا من اكبر الدول التي مدتنا بجسر إغاثة جوي ايام كارثة السيول والامطار ثم كان بيننا السفير عبد الله السريع الذي تمنى ان يدفن بالسودان..رغم كل هذا الحب وقفت حكومتنا مع صدام ايام الغزو المشؤوم.

مـحمّد خليل
صباح الـخير

والله السّياسة دي
لـخبطت الحياة علينا
الفنون إتبهدلت
والرّياضة قطعت شوط كبيـر في طريقها للبهدلة برضو
وأصبح التعصّب وأصبحت الكراهيّة
هما اللذان يتحكّمان فـي معاييـر النّاس
والظّلم دفن العدالة ونطّط فوق قبـرها بكُلّ إرتياح




وُدّي

لؤي سلام
الفيديو ده اوضح بكثير
وشكرا لنقل المادة للبورد

Quote: ياخـي تـحس النّاس كُلّها بتعمل حاجاتنا أحسن منّنا نـحن

والله العمل في قمة الروعة.

Quote: والله العمل في قمت الروعة.

أخـي الفاضل
سلامات

نعـم والله
بالفعل هو عمل فـي قمّة الرّوعة




تقديـري

Quote: لؤي سلام الفيديو ده اوضح بكثير وشكرا لنقل المادة للبورد

مصعب
سلامات

ألف شُكر ياخـي
فعلاً واضح جدّاً




لك التّقديـر

شكراً جزيلاً الأخ لؤي الذي لطالما عودتنا الاتيان بالروائع
إن دل هذا على شيء فإنما يدل على أنك إنسان فنان ذواق
شكراً لك على إيراد هذه اللوحة الرائعة الجمال ، وكما جاء في مداخلات المتداخلين ، ليه غيرنا بيعملوا حاجتنا أحسن مننا ، وعلى ذكر هذا فقد سبق أن قدمت فرقة رضا عند زيارتها للسودان في أواخر الستينات على ما أعتقد لوحة رقصة الحمامة والأداء الرائع لأغنية الفنان الراحل صالح الضيء ( أوعى تطول البعاد) والرقصة المصاحبة الرائعة من بنات فرقة رضا المصرية ، ذاك العمل ، وهذا العمل عملان سودانيان من صنع غير سوداني ، ويمكن أن يكون هذا السؤال ( لماذا يعمل غيرنا حاجتنا أحسن منا ؟؟؟ ) موضوع بوست.

مرة أخرى شكراً لك ودمت بخير وفي انتظار المزيد ، ويا حبذا لو أتانا أحد بفيديو لفرقة رضا ورقصة الحمامة التي قدمتها إبان زيارتها وتقديم عروضها في المسرح القومي بأم درمان ( طبعاً أيامها كان التصوير التلفزيوني أبيض وأسود ) وكان ذلك التسجيل موجود لدى مكتبة التلفزيون القومي وكان يعرض أحياناً ولكن الآن ومنذ زمن طويل جداً لم يعرض هذا العمل ، أرجو أن يأتينا أحدكم بتسجيل لذلك العمل الرائع.
شكراً مرة أخرى .

اخي لؤي والله كتر خيرك

في قمة الاحباطات الحاصله من وحده او انفصال تذكرنا بالاشياء الجميله
لكن برضو لا تخلو من تذكرة.
عندما اري هذا الفيديو واتذكر موقف حكومتنا من غزو الكويت اتالم اشد الالم.

يا حليل السودان ....... الله يرحموا

يا عريس

يا عديلة وزين

غايتو الرقصو رقبة بتكون رقبتهم موجعاهم لحدى هسه

ذكرتنى تلفزيون السودان زمان

وايام فترة مايو تحديدا عندما كانت الفنون مزدهرة

لو بتذكر فى اوبريت اسمو ( وحاتك انت يا مايو ) غناء اسماعيل حسب الدائم
مع فرقة الفنون الشعبية السودانية ، اختارو من كل قبيلة من قبائل السودان
رجل وامرأة بملابس القبيلة كما هى ، تتوسطهم ( العروس )

كعمل فنى انا اعتبرو من اجمل ما قدمته فرقة الفنون الشعبية السودانية

Quote: ذكرتنى تلفزيون السودان زمان وايام فترة مايو تحديدا عندما كانت الفنون مزدهرة لو بتذكر فى اوبريت اسمو ( وحاتك انت يا مايو ) غناء اسماعيل حسب الدائم مع فرقة الفنون الشعبية السودانية ، اختارو من كل قبيلة من قبائل السودان رجل وامرأة بملابس القبيلة كما هى ، تتوسطهم ( العروس )

عبد الدّائـم
سلامات

ياخـي دا كلام قديـم شديد
وما فـي زمنـي أنا
يـمكن النّاس القدرك تتذكّر




تـحاياي

Quote: يا حليل السودان ....... الله يرحموا

أخـي مصطفـى
سلامات

وحليل كُلّ العالـم كمان




تـحاياي

Quote: اخي لؤي والله كتر خيرك في قمة الاحباطات الحاصله من وحده او انفصال تذكرنا بالاشياء الجميله لكن برضو لا تخلو من تذكرة. عندما اري هذا الفيديو واتذكر موقف حكومتنا من غزو الكويت اتالم اشد الالم.

أبو الطُّرق العزيز
ياخي مشتاقيـن

يا حليل الزّمن الـجّميل
وعليك الله حكوماتنا دي خلّيها
والله أرسّل ليك دفعة كاريكاتيرات للرّاحل عزّ الدّين
تشوف بلاوي من زمااااااااااان





وُدّي

Quote: وعلى ذكر هذا فقد سبق أن قدمت فرقة رضا عند زيارتها للسودان في أواخر الستينات على ما أعتقد لوحة رقصة الحمامة والأداء الرائع لأغنية الفنان الراحل صالح الضيء ( أوعى تطول البعاد) والرقصة المصاحبة الرائعة من بنات فرقة رضا المصرية ، ذاك العمل ، وهذا العمل عملان سودانيان من صنع غير سوداني ، ويمكن أن يكون هذا السؤال ( لماذا يعمل غيرنا حاجتنا أحسن منا ؟؟؟ ) موضوع بوست.

ميـرغنـي
سلامات

إنت شكلك دفعتـي وعجوز زيّيـي
ياخـي دا توارد خواطر مدهش
والله العظيم
قبل مداخلتك
كنت سارح بفكّر فـي تسجيل فرقة رضا
( دوّر بينا البلد دا نـحرق الجّازولين يا الوابور جاز )
بالله شفت الرّوعة دي ؟



مودّتـي

دوّر بينا البلد دا
نحرق الـجّازوليـن يا الوابور جاز
دوّر بـي حبيبـي دوّر بـي

فرقة رضا فـي إحتفالها بيوبيلها الذّهبـي







.

فكرتونى باللذى مضى
طفولتى العشتها بهناك كانت 12 سنه فى الكويت
قبال حرب الخليج بسنه فارقتها
لكن لحسى ما بقدر انساها لها معز فى دواخلى خاصه برغم شوائب شعبها

Quote: فكرتونى باللذى مضى طفولتى العشتها بهناك كانت 12 سنه فى الكويت قبال حرب الخليج بسنه فارقتها لكن لحسى ما بقدر انساها لها معز فى دواخلى خاصه برغم شوائب شعبها

رانية
مساء الـخير

يا حليل الزّمن الـجّميل
قبلما السّياسة والـحكومات والـحروب تتسبّب فـي لـخبطة حياة النّاس




مودّتـي

جميلة الحاجات دى رجعتنا الى زمن نظيف وجميل ورائع

الاخ لؤي تحية مقدرة
طبعا انا من المغتربين المخضرمين جدا بالكويت منذ عام 1974 وعشت بها اكثر من ثلثي عمري هذا العمل الجميل والصعب جداكان لن يخرج بهذه الخصوصية لو لا مشاركة المرحومة المخرجة حورية حاكم الفنانة المرهفة التي فارقتناوهي في مقتبل شبباها وتركت بنتها مهيرة صغيرة اللهم ارحمها وادخلها جناتك -- وبعدالغزو وخروجها من الكويت عملت بمحطة ART بمصر
الحاجة المحزنة جدا انه بعد شهور قليلة جدا تقف حكومة السودان مع احتلال الكويت
الاخ ياسر معتصم اولا البركة فيكم في وفاة كرومه وهو من اظرف الناس الذين يقولون النكتة بسرعة بديهية لقد تلازمنا في السكن لمدة-- وكانت لنا ايام جميل معه ومع المهندس المرحوم ودكسلا احمد الشيخ وعبدالرضاالممرض الفارس ولقد اتصلنا حينما علمنا خبر وفاة عبدالكريم بالخير --

Quote: الاخ لؤي تحية مقدرة طبعا انا من المغتربين المخضرمين جدا بالكويت منذ عام 1974 وعشت بها اكثر من ثلثي عمري هذا العمل الجميل والصعب جداكان لن يخرج بهذه الخصوصية لو لا مشاركة المرحومة المخرجة حورية حاكم الفنانة المرهفة التي فارقتناوهي في مقتبل شبباها وتركت بنتها مهيرة صغيرة اللهم ارحمها وادخلها جناتك -- وبعدالغزو وخروجها من الكويت عملت بمحطة ART بمصر الحاجة المحزنة جدا انه بعد شهور قليلة جدا تقف حكومة السودان مع احتلال الكويت

أخـي الفاتـح
مساء الـخير

يا سلام ياخـي
دي سيرة جـميلة وتفاصيل مهمّة
رحمة الله على روح حوريّة
وربّنا يعيد لينا سيرتنا الأولـى





مودّتـي

Quote: جميلة الحاجات دى رجعتنا الى زمن نظيف وجميل ورائع

أخـي مصطفـى
سلامات

بالفعل والله
هـي جـميلة وتعيدنا لذكريات زمن جـميل ورائع





مودّتـي

يارائع يالؤي
والله نحن محتاجين كنا لحاجة تعرفنا بالسودانين قبل الغزو
وتعال شوف حالنا هسع بالكويت
السودانين غير مرقوب فيهم
والمصرين طبعا سياده بلد
اول حاجة تقدم لوظيفة يقول ليك المصري سوداني اه من دول الضد
والسودانين كسلانين
والكويتي تقدم السيرة الزاتية بتاعك يقول ليك نحن نيي مصري
ونادر مايقول ليك يازول نحن بنعز السودانين
وحقيقة هم اهل خير وقدمو لينا كتير
وياهلا بهم وهم يدعموننا باعمار اهل الشرق

Quote: يارائع يالؤي والله نحن محتاجين كنا لحاجة تعرفنا بالسودانين قبل الغزو وتعال شوف حالنا هسع بالكويت السودانين غير مرقوب فيهم والمصرين طبعا سياده بلد اول حاجة تقدم لوظيفة يقول ليك المصري سوداني اه من دول الضد والسودانين كسلانين والكويتي تقدم السيرة الزاتية بتاعك يقول ليك نحن نيي مصري ونادر مايقول ليك يازول نحن بنعز السودانين وحقيقة هم اهل خير وقدمو لينا كتير وياهلا بهم وهم يدعموننا باعمار اهل الشرق

إكرام
سلامات

يا إكرام كيف نكون مرغوب فينا ؟
ونـحن فـي بلدنا ما مرغوب فينا ؟؟
حصلت تغييـرات كبيرة جدّاً للأسف فـي الشّخصيّة السُّودانيّة
وفـي الظّروف
وكُلّها للأسف ضد سـمعة أهل السُّودان
لذلك من الطّبيعـي أن نصبح من دول الضّد
نقول شنو بس ؟
الله يصلح الحال




مـحبّتـي

يا لؤي يافنان يا ظريف
دحين ما بتلقى لينا تسجيل لحفلة فرقة رضا وأدائها لأغنية صالح الضي ( أوعى تطول البعاد) وكسرتها ب ( دور بينا البلد داك ) حفلة المسرح القومي بأم درمان ( تسجيل تلفزيون السودان - أبيض وأسود ) خاصة الجزئية الجميلة جداً من رقصة الحمامة حينما تحاكي فتيات فرقة رضا الحمام ( ويتقابلوا كل بنتين) ويحاكون الحمام في زغزة صغاره بالطعام بالمناقير . ( يا الله على الروعة ) . أجتهد يا لؤي واجتهدوا جميعاً علنا نحصل لذلك التسجيل .

خليتك يالؤي بعافية ، وخليتكم جميعاً بعافية .

Quote: يا لؤي يافنان يا ظريف دحين ما بتلقى لينا تسجيل لحفلة فرقة رضا وأدائها لأغنية صالح الضي ( أوعى تطول البعاد) وكسرتها ب ( دور بينا البلد داك ) حفلة المسرح القومي بأم درمان ( تسجيل تلفزيون السودان - أبيض وأسود ) خاصة الجزئية الجميلة جداً من رقصة الحمامة حينما تحاكي فتيات فرقة رضا الحمام ( ويتقابلوا كل بنتين) ويحاكون الحمام في زغزة صغاره بالطعام بالمناقير . ( يا الله على الروعة ) . أجتهد يا لؤي واجتهدوا جميعاً علنا نحصل لذلك التسجيل . خليتك يالؤي بعافية ، وخليتكم جميعاً بعافية .

عزيزي ميـرغنـي
سلامات يا راقـي
وجـمعتك مباركة

طبعاً أنا متذكّر الـتّسجيل زي الأُمبارح
وقاعد أحاول وأفتّش
وياريت يتلقـي



الله يعافيك

أخي لؤي ، ياأخي ما معقول توارد خواطر جميل فعلاً وسر هذا أعتقد أن كلانا من الزمن الجميل ( عجايز)
ومشاركة في الذوق والوجدان الذي شكله ذلك الزمن الجميل .

يا أخي أنت رائع وحسك عالي وذوقك رفيع . حفظك الله ، وتعجز الكلمات عن الشكر والثناء يا رائع.
وفي انتظار روائع قادمة إن شاء الله .

يا سلااااااااااام يا لؤي ياخ
مكتبتك كلها كنوز ودرر
ذكرتني الشريط ده كنت محتفظه بيه وعاجبني وشلتوا معاي السودان في الاجازة اتفرجوا فيه كل البعرفه
تسجيل كان اكثر من رائع ولفتة بارعة من الاشقاء في الكويت
لكن على قول الاحبة السبقوني في التعليق
ده كان ايام زمان زمن العلاقات السمحة والناس البتفهم معنى الدبلوماسية
أسوأ هعد مرينا بيه في زمن الانقاذ
قدر الفي من علاقات مع دول الجوار وغيرها من الدول العربية والأجنبية انتهى منها
وقضى على القديم والجديد وربما الجاي كمان
الله يجازي الكانوا السبب
شكرا يا الضي يا حنين ياخ

يا لؤي يا مبدع و الله دايما بتتحفنا بأجمل الأغاني

الشريط ده زكرني بأيام و زمن جميل جدا يا ريتو يعود مرة تانية

Quote: يا لؤي يا مبدع و الله دايما بتتحفنا بأجمل الأغاني الشريط ده زكرني بأيام و زمن جميل جدا يا ريتو يعود مرة تانية

أخـي شريف
صباح الـخير

إنت برضو شكلك عجوز دفعتنا
سوما دي ما معانا طبعاً




مودّتـي

Quote: يا سلااااااااااام يا لؤي ياخ مكتبتك كلها كنوز ودرر ذكرتني الشريط ده كنت محتفظه بيه وعاجبني وشلتوا معاي السودان في الاجازة اتفرجوا فيه كل البعرفه تسجيل كان اكثر من رائع ولفتة بارعة من الاشقاء في الكويت لكن على قول الاحبة السبقوني في التعليق ده كان ايام زمان زمن العلاقات السمحة والناس البتفهم معنى الدبلوماسية أسوأ هعد مرينا بيه في زمن الانقاذ قدر الفي من علاقات مع دول الجوار وغيرها من الدول العربية والأجنبية انتهى منها وقضى على القديم والجديد وربما الجاي كمان الله يجازي الكانوا السبب شكرا يا الضي يا حنين ياخ

سوما
سلامات
مشتاقيـن

والله يا سوما
فـي واحدة من مشياتـي للسُّودان
مشيت التّلفزيون
وكلّـمت صديقنا عبّاس سليمان فـي التّلفزيون بـموضوع تسجيلات نادرة
قام عرّفنـي على مخرج برنامج ( من الأمس ) وقتها
زول عجيب كدا
جاء وقف معاي بتـجاهل كدا
وعدم إكتراث وعامل فيها مستعجل مستعجل كدا
قلت ليهو أنا قاعد أسبوع بس
وعندي تسجيلات نادرة جدّاً
منّها تسجيلات لوردي أوّل السّبعينات لـمّا طلع من السّجن
قلت أرحل ، بناديها وأسفاي
وحاجات عجيبة
عمل فيها شال رقمي
وجاب ليهو ورقة كدا كتب فيها الرّقم
وما اشتغل بـي الشّغلة
لـمّا سافرتَ
بتذكّر ليك إسـم الـمخرج





مودّتـي

Quote: أخي لؤي ، ياأخي ما معقول توارد خواطر جميل فعلاً وسر هذا أعتقد أن كلانا من الزمن الجميل ( عجايز) ومشاركة في الذوق والوجدان الذي شكله ذلك الزمن الجميل . يا أخي أنت رائع وحسك عالي وذوقك رفيع . حفظك الله ، وتعجز الكلمات عن الشكر والثناء يا رائع. وفي انتظار روائع قادمة إن شاء الله

يا ميـرغنـي
سلامات

ياخـي أنا والله العاجزة كلماتـي وتعابيـري عن التّقدير والإمتنان
سلمت يا عجوز
وأهديك من الـتّسجيلات النّادرة الـمرحوم سيّد خليفة
فـي فيلـم ( تـمر حنّة )

مودّتـي

Quote: تذكّر ليك إسـم الـمخرج

سلام يا لؤي بالاكتر والله ..
عارف يا ابو اللول ده قطع شك الحذف مشاركتي السجلتها في مسقط
بحجة انه قال سوما ما كانت محجبة كويس لووووووووولز
طيب ما كان ترفض التصوير من اساسه لو فعلا الكلام صاح !!!!
ياخ بالله ديل ناس بتهتم ؟؟ لو بهتموا نص اهتمامك ده كان حالنا مشا لقدام بخطوات ثابتة
لكن نوعية زي دي تمرض عديــــــــــل ؟ عالم تورم الكبد والفشفاش زاتو

بمناسبة المرارة الفوق دي
عيدكم سعيد وربنا يحقق امانيكم ان شاء الله
والقابلة على امانيكم يا رب

الله الله الله يا لؤي

إنت راجل جميل

ذكريات جميلة مدفونة في أعماق الوجدان.....تجعل العين تدمع وتحن لأيام لن ننسي ذكراها

لؤي يا حبيب
عيدكم سعيد

متوقعين زيارتكم في الاجازة الطويلة دي
شكراً على البوست ده (من الأمس)

Quote: لؤي يا حبيب عيدكم سعيد متوقعين زيارتكم في الاجازة الطويلة دي شكراً على البوست ده (من الأمس)

عمر العزيز
سلامات
وكُلّ عام وأنتـم بألف خيـر

ما فـي طريقة للأسف
عاملين معسكر للكاس




مودّتـي

Quote: الله الله الله يا لؤي إنت راجل جميل ذكريات جميلة مدفونة في أعماق الوجدان.....تجعل العين تدمع وتحن لأيام لن ننسي ذكراها

يا أُستاذ
سلامات

الزّمن هو الكان جـميل
ما عارف حصل شنو فجأة
والدُنيا كُلّها إتـلخبطت




وُدّي وإمتنانـي

Quote: سلام يا لؤي بالاكتر والله .. عارف يا ابو اللول ده قطع شك الحذف مشاركتي السجلتها في مسقط بحجة انه قال سوما ما كانت محجبة كويس لووووووووولز طيب ما كان ترفض التصوير من اساسه لو فعلا الكلام صاح !!!! ياخ بالله ديل ناس بتهتم ؟؟ لو بهتموا نص اهتمامك ده كان حالنا مشا لقدام بخطوات ثابتة لكن نوعية زي دي تمرض عديــــــــــل ؟ عالم تورم الكبد والفشفاش زاتو بمناسبة المرارة الفوق دي عيدكم سعيد وربنا يحقق امانيكم ان شاء الله والقابلة على امانيكم يا رب

يا سوما
صباح الـخير

إتذكّرت ليك إسـم الرّاجل
( كردش )

زولِك داك يا سوما بيكون مغيوظ من الحجاب

وإنتي طيبة يا رب
وربّنا يـحقّق الأُمنيات
ويـجعله عيد سعيد

Quote: إتذكّرت ليك إسـم الرّاجل ( كردش )

اهليين يا لؤي
بالله ده عم كردش ؟؟!!!
كان كده على الدنيا السلاااااااااااام
والله يا لؤي آخر ما اتوقعت يكون هو
لانه الراجل ده بهتم شديد
وانا قابلته في زيارة مع الحبيبة ايمان أحمد دفع الله واتونسنا
في ما يتعلق بي شغله واهتماماته
وتحس بيه ما زي باقي الجيل الجديد ده
بالعكس ما بحب الناس الما بتهتم
سبحان الله

Quote: بالله ده عم كردش ؟؟!!!

سوما
مساء الـخير

يا سوما أكيد في حاجة غلط
الزّول داك ما كان عـم
زول كان فـي الأربعينات كدا




مودّتـي