سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟

كما جاء في عنوان البوست (( سلسلة حوارات صريحة وبلا حساسيّة .. البداية مع (( ميّادة كمال )) فهل تقبلين ؟ ))
فهل تقبلين ؟
والشّروط الاساسيّة هي :-

الهدوء
عدم التّعصّب
الرّد والحوار بلا تعجّل وأحكام مُسبقة على النّوايا
الصّراحة
وعدم الزّعل والتحسّس

أقرأ لبعض الأقلام هنا بعض البوستات
وقد تساءلت كثيراً بيني وبين نفسي حول بعض محتوياتها
ولم أجد إجابات لتساؤلاتي
لذا رأيت أنّ الحوار هو أحد وسائل التّفاهم
والرّد على التّساؤلات قد يكون فيه استيعاب كبير على ما لا نفهمه عادةً
فالغاية هُنا هي محاولة الفهم فقط لا غير
لا أحكام ولا آراء مُسبقة ولا نوايا مُستترة

في نيّتي أن أحاور كذلك لاحقاً على سبيل المثال :-
الأخ محمّد عادل
الدّكتور مصطفى محمود
الأخ هشام هبّاني
الأخ عصام دهب
الأُخت تراجي مصطفى
وعدد من عضوات وأعضاء المنبر
إن حظيت بالاستجابة بالطّبع


لكِ وللجّميع التّحيّة

فكرة جميلة أخ لؤي وبإمكانها أن تسمح لنا بالتعرف على آراء زملاء بالمنبر لا يكاد أحدنا الدخول إلى بوستاته للكثير من الشد والجذب الذي يكون فيها

Quote: فكرة جميلة أخ لؤي وبإمكانها أن تسمح لنا بالتعرف على آراء زملاء بالمنبر لا يكاد أحدنا الدخول إلى بوستاته للكثير من الشد والجذب الذي يكون فيها

أخي جعفر
نهارك سعيد

لي علاقة بالبعض هنا
وأعلم تمام العلم بإنعكاس صورة مختلفة تماماً هنا عن الصُّورة في الواقع
لا نريد أن نحكم على النّاس
فلكُلٍ رأي وحق في تبنّيه
لكنّا نودّ فقط الفهم واستيعاب
وهذا أمر طبيعي أعتقد
فأنا بطبعي قد أسأل شخصاً رأيته يقوم بشيء مثير للتّعجّب
عن سبب قيامه بذاك الشّيء
وأحياناً يكون التّوضيح مقنعاً تماماً
ولا علاقة له بما قد كنت سأعتقده
وكثيراً أتعامل برودو أفعال هادئة ومتّزنة حيال أمور مُدهشة تستوجب الإنفعال الشّديد
مُقنعاً نفسي بـ ( يا لؤي أفرض هسّع دي الكاميرا الخفيّة )


لك التّحيّة أخ جعفر

سلام عليكم اخي لؤي
اولا لي الشرف انو انا اكون اول زول/ زولة

بس خليني اطلع من الهجمة والخلعة الدخلت فيني من عنوان بوستيك

اصلوا انا ما بخاف الا من حاجتين في المنبر دا
- إسمي يكون في عنوان بوست
- وبكري ابو بكر يخش لي بوست



ثانيا: ممكن اعرف السبب الخلاك تختارني انا اول زول
ولا هي مسألة مستعجلة


عموما حبابك ومرحب بيك
ولأني عهدتك من العقلانيين في هذا المنبر
اقبل
بس تضمن لي عدم دخول المهاترين والمهاترات
لو حوار موضوعي حبابك الفين



شكرا على الهجمة يا مان

Quote: سلام عليكم اخي لؤي اولا لي الشرف انو انا اكون اول زول/ زولة

أهلين يا ميّادة
مساء الخير

وشاكر لكِ استجابتِك

Quote: بس خليني اطلع من الهجمة والخلعة الدخلت فيني من عنوان بوستيك اصلوا انا ما بخاف الا من حاجتين في المنبر دا - إسمي يكون في عنوان بوست - وبكري ابو بكر يخش لي بوست

الأمر نفسه حدث منكِ
باستخدامِك إسمي في أحد البوستات
وهو بوست لم أدخله ورُبّما تعلمين السّبب أكثر منّي
هذا هو رابطه :-
(( يا لؤي يا عزيز بالمرة كدا كمل جميلك ... أبحث عن أغاني ب...وت الصحوة او الصفوة ))

Quote: ثانيا: ممكن اعرف السبب الخلاك تختارني انا اول زول ولا هي مسألة مستعجلة

كما ذكرت مُسبقاً
هي فكرة للعلم ببعض ما في دواخل البعض هنا
وأنتِ واحدة من مجموعة
فلا مسألة عجلة ولا سبب مباشر في الإختيار غير الدّور الذي كان سيأتيكِ إن إبتدأت بسواكِ

Quote: اقبل بس تضمن لي عدم دخول المهاترين والمهاترات لو حوار موضوعي حبابك الفين

أصدق الشُّكر
وأضمن لكِ عدم المهاترات إن كان لكِ قرار بعدم الإكتراث للمهاترات إن حدثت
وأعدِك بأنّي سأحاول أن أكون موضوعي في محاولتي لاستيعاب بعض ما أحاول إدراكه عبر هذا الحوار




تقديري

Quote: الأمر نفسه حدث منكِ باستخدامِك إسمي في أحد البوستات وهو بوست لم أدخله ورُبّما تعلمين السّبب أكثر منّي

معذرة يا اخي
تتذكر البوست القبل دا
انا نزلت طلب دايرة برامج لعمل داووونلود لاغاني من اليوتيوب
فسياتك اول المارين كنت
ولاني تفاءلت بيك طلبتك في بوست اغاني الصحوة بالاسم
اعتذر مرة اخرى

Quote: معذرة يا اخي تتذكر البوست القبل دا انا نزلت طلب دايرة برامج لعمل داووونلود لاغاني من اليوتيوب فسياتك اول المارين كنت ولاني تفاءلت بيك طلبتك في بوست اغاني الصحوة بالاسم اعتذر مرة اخرى

عارف
وهذا ما قصدته
مسألة استخدام الأسماء عاديّة
أيّاًَ كانت الأسباب
وأعطيتِك مثالاً باستخدامِك لإسمي
وقد كان لديكِ سبب مفهوم وحوجة
وأنا كذلك استخدم إسمك لسبب وحوجة
ولا داعي للإعتذار
ليس غريباً إيراد الإسم في عنوان بوست نتوجّه فيه بطلب لشخص محدّد
وهنا نحن مُتّفقان

معقولة البوست دا من الساعة الواحدة ظهرا بتوقيتنا وانا ماشفته






أبو الشغل والمشغوليات !!!!!!!!!

حُضور و مُتابعة

Quote: حُضور و مُتابعة

أخي علاء الدّين
مساء الخير

أهلاً بك
وبما تحمل من عسل




تقديري

Quote: حُضور و مُتابعة

في شن يا جماعة!!!!!!
إنتو جادين ؟؟؟؟؟؟؟؟





لا لا انا دايرة المحامي بتاعي
والله خوفتوني

Quote: أبو الشغل والمشغوليات !!!!!!!!!

والحمد لله على الشُّغل والمشغوليّات كذلك




يلاّ تعالي أسألِك سؤالي الأوّل عشان أفهمِك لو ممكن

Quote: يلاّ تعالي أسألِك سؤالي الأوّل عشان أفهمِك لو ممكن

على بركة الله
والعفش داخل البوست على مسئولية صاحبه
اللي هو سياتك
انا مالي

Quote: على بركة الله والعفش داخل البوست على مسئولية صاحبه اللي هو سياتك

صاحبة عفش البوست سيادتِك ما سيادتي




على بركة الله

قبل أيّام أُختي ميّادة
قرأت لك بوستات متعدّدة على الصّفحة الأولى للمنبر
كان من ضمنها بوست جديد عنوانه (( لــن أمنحكــم هذا الشــرف ))
كنتِ تتحدّثين فيه عن ( قسمك بالله ما حاتمنحيهم شرف إنّهم يفرحوا بغيابك )
( وبعد دا العين بالعين والسّن بالطّقم كُلّللللله ) على حدّ قولِك
ثُمّ بعده بدقائق بوست كذلك جديد عنوانه (( أعــلن إنسحــابي من المنبر العام ))



هل أنا على حق ؟

اهلا فيك يا اخي
الفكرة العامة صحيحة
لكن الترتيب
انا اولان نزلت بوست : (( أعــلن إنسحــابي من المنبر العام ))
احتجاجا على الحصل

وبعدين تراجعت ونزلت البوست الاخر
(( لــن أمنحكــم هذا الشــرف ))

Quote: الفكرة العامة صحيحة لكن الترتيب انا اولان نزلت بوست : (( أعــلن إنسحــابي من المنبر العام )) احتجاجا على الحصل وبعدين تراجعت ونزلت البوست الاخر (( لــن أمنحكــم هذا الشــرف ))

كيفما كان التّرتيب
فهمت أنّكِ أصدرتِ قراراً أعلنتيه على الملأ في المنبر العام
وبعد دقائق أصدرتِ قراراً نقيضاً للأوّل
وأعلنتيه على وجه السُّرعة كذلك على الملأ في المنبر العام
صحيح ؟

وقد تمّ سحب كلا البوستين
ألديكِ أيّة فكرة عن سبب سحبهما ؟
وهل إن كانت هناك فكرة عن السّبب ، هل ترينه سبب مقنع ؟

Quote: كيفما كان التّرتيب فهمت أنّكِ أصدرتِ قراراً أعلنتيه على الملأ في المنبر العام وبعد دقائق أصدرتِ قراراً نقيضاً للأوّل وأعلنتيه على وجه السُّرعة كذلك على الملأ في المنبر العام صحيح ؟

نعم صحيح

Quote: وقد تمّ سحب كلا البوستين ألديكِ أيّة فكرة عن سبب سحبهما ؟

السؤال دا يحول للسيد بكري ابو بكر
وانا على حد علمي وقناعتي انو بكري ما بحب زول ينزل ليه في المنبر بوست انسحاب او احتجاج او او او
ما يراه هو بانه تدخل في اختصاصه

كما وانو موضوع سحب البوستات ياتي ضمن سلسلة كميييييييية بوستات قام المهندس بكري او من ينوب عنه او يقوم مقامه ... قاموا بسحبها لانها تتكلم عني** او انا احتج فيه على اسلوب بكري ابو بكر في ادارة مشكلة بيني وبين احد الاعضاء

** ودي قاصدة بيها تحديدا
بوست قبل فترة نزله سيف مساعد بعنوان : يا دينق الزولة دي راقية جدا ومحترمة...
طبعا بي جوه البوست كان بيتكلم عني انا

وبقدرة قادر تم حذف البوست من المنبر في اقل من نصف ساعة
ولا ادري ما السبب للان

Quote: وهل إن كانت هناك فكرة عن السّبب ، هل ترينه سبب مقنع ؟

بالنسبة لي انا كمتظلمة لدى بكري وما قام به
اكيييييييييد حتكون غير مقنعة

وقد ياتي طرف ثاني ويرى انها مقنعة
والاحتمالين صواب

Quote: وانا على حد علمي وقناعتي انو بكري ما بحب زول ينزل ليه في المنبر بوست انسحاب او احتجاج او او او ما يراه هو بانه تدخل في اختصاصه

طيّب جميل
لمّا إنتي تكوني على علم وقناعة
بأنّ الأخ الباشمهندس بكري
ما بيحب زول ينزّل ليهو في المنبر
بوست إنسحاب أو إحتجاج
لمّا تعملي الحاجة دي رغم علمك وقناعتك
بتكوني متعمّدة تعاكسي وتمشّي رأيك على صاحب القرار ؟
وواضع دستور المكان ؟
ولاّ الفكرة بتكون شنو من عمل الحاجة دي ؟

Quote: طيّب جميل لمّا إنتي تكوني على علم وقناعة بأنّ الأخ الباشمهندس بكري ما بيحب زول ينزّل ليهو في المنبر بوست إنسحاب أو إحتجاج لمّا تعملي الحاجة دي رغم علمك وقناعتك بتكوني متعمّدة تعاكسي وتمشّي رأيك على صاحب القرار ؟ وواضع دستور المكان ؟ ولاّ الفكرة بتكون شنو من عمل الحاجة دي ؟

هو ما تعمد معاكسة ولا فرض رايي عليه
وانا شنو جنب بكري ابو بكر
ممكن هو في الحالة دي بكلك واحدة يحجب باسووردي

اللي انا تصرفته نابع من انو عندي قناعة انو كلنا في المنبر دا شركاء مع بعض
ولولا الاعضاء بكري ما كان قامت ليه قائمة
والعكس صحيح
لولا بكري ان اتاح لنا فرصة التواجد هنا
لما كنا عرفنا تراجي ولا علاء الدين يوسف ولا لؤي ولا الصادق ولا غيره وغيره مثلا
والحاجة التانية:
طيب لمن بكري ما بحب زول ينزل ليه في المنبر بوست انسحاب ولا احتجاج
المفروض في وسائل قبليها مؤكد انا كبوردابية سلكتها
زي اني رسلت ليه كم رسالة وماسنجر
وما اشتغل بي الشغلة.....
وبعد داك مافي قدام غير اني حردت واعلنت انسحابي
ولمن بكري تمادي في موقفه
انا شفت انو لا بكري يستحق انو يزعلوا علشانه
ولا الاطراف التانية في المشكلة معاي بيستحقوا اني ازعل واخلي ليهم المنبر وامشي
وهنا عندي سؤال من زماااان نفسي اساله لي بكري ابو بكر

هو بعمل كدا مع كل البورداب : قصدي ما برد على ماسنجراتهما واستفساراتهم واحتجاجهم
ولا الناس مقامات برضو هنا

Quote: طيب لمن بكري ما بحب زول ينزل ليه في المنبر بوست انسحاب ولا احتجاج المفروض في وسائل قبليها مؤكد انا كبوردابية سلكتها زي اني رسلت ليه كم رسالة وماسنجر وما اشتغل بي الشغلة..... وبعد داك مافي قدام غير اني حردت واعلنت انسحابي ولمن بكري تمادي في موقفه انا شفت انو لا بكري يستحق انو يزعلوا علشانه ولا الاطراف التانية في المشكلة معاي بيستحقوا اني ازعل واخلي ليهم المنبر وامشي وهنا عندي سؤال من زماااان نفسي اساله لي بكري ابو بكر هو بعمل كدا مع كل البورداب : قصدي ما برد على ماسنجراتهما واستفساراتهم واحتجاجهم ولا الناس مقامات برضو هنا

سأردّ على تساؤلك أصالةً عن نفسي
نسبةً لأنّي لا أعرف كيف يكون التّعامل بين الغير

أنا شخصيّاً
تسجّلت في هذا المنبر منذ اليوم الأوّل من يونيه من سنة 2003
أي منذ ستّ سنوات وخمس أشهر وأسبوع
خلال هذه الفترة لم يحدث أن إلتقيت الأخ الباشمهندس بكري أبو بكر
وطيلة هذه الفترة
لم يحدث أن طلبت منه عبر الماسنجر أو عبر بوست في الموقع
أن يقوم بإلغاء عضويّة شخص
أو أن ينوب عنّي في معاقبة شخص
أو أن يطبّق القانون
ولم أتدخّل مطلقاً في خصوصيّات إدارته لهذا الموقع
لكنّي ومع ذلك
سبق وأن أرسلت عشرات الإيميلات له
ولم يحدث على الإطلاق
أن تجاهل مشكوراً أيّاً منها
فقد قام بالرّد على جميع مراسلاتي له دون استثناء
بل وقام بتلبيّة كافّة رغباتي التي أوردتها فيها
إن كانت إعادة بوست من الإرشيف
أو سحب بوست إلى المكتبة
أو ما شابه




له من هنا التّحيّة
ولكِ

Quote: وبعدين تراجعت ونزلت البوست الاخر

هل كان قرارك الأوّل بالإنسحاب مدروس بشكل جيّد ؟
أم كان متسرّعاً بلا تفكير وتمحيص وصبر ؟
وإن كان قراراً حكيماً وأنتِ على قناعة به ِ
ما الذي أدّى سريعاً جدّاً للتّنازل عنه ؟
والسُّؤال ينطبق على القرار الثّاني
هل أصدرتيه وأنتِ على قناعة تامّة به ؟
وبعد تفكير ومنح نفسك فرصة لدراسته والصّبر قبل إصداره ؟
وهل إعلان الأمر الأوّل أو الثّاني في المنبر العام
ليقرأه كُلّ العالم
أمر مهم بالنّسبة إليكِ ؟
ولماذا ؟

Quote: هل كان قرارك الأوّل بالإنسحاب مدروس بشكل جيّد ؟ أم كان متسرّعاً بلا تفكير وتمحيص وصبر ؟ وإن كان قراراً حكيماً وأنتِ على قناعة به ِ ما الذي أدّى سريعاً جدّاً للتّنازل عنه ؟ والسُّؤال ينطبق على القرار الثّاني هل أصدرتيه وأنتِ على قناعة تامّة به ؟ وبعد تفكير ومنح نفسك فرصة لدراسته والصّبر قبل إصداره ؟

ياسيدي انا كنت تحت ضغط نفسي رهيب
ودا لو سياتك كنت متابع الفترة الاخيرة من ملاحقتهم بكملة المقرن لي
ولحدي ما جينا حددناها مع سيف مساعد ومنها نزلت الماسنجر اياه
انا اعترف ان تصرفت وفق ضغطي النفسي اللي كنت فيه
والى حد ما بيكون صحيح او خطأ

Quote: وهل إعلان الأمر الأوّل أو الثّاني في المنبر العام ليقرأه كُلّ العالم أمر مهم بالنّسبة إليكِ ؟ ولماذا ؟

في العادة في حياتي العامة انا لايهمني الناس
طالما انا ما بعمل حاجة غلط
ولا بتعدى على حق زول
لكن في الحالة موضوع نقاشنا
كان مهم
لانو موضوع الاتهام ... وطريقة انهاءه هنا بالصورة اللي تمت في المنبر
كان الناس حتعيد وتزيد في الكلام والاحتمالات والاقاويل
خاصة وانو سيف مساعد موقوف او توقف من تلقاء نفسه
ولو انا كنت مشيت وانسحبت من البورد
انت ولا غيرك ما كان حيضمنوا لي كلام الناس
على الاقل بانو ربما اكون انا ايضا توقفت من قبل بكري ووووو
المهم ما يساويني بي الظلامي سيف مساعد




*** انا مواعيد قفلي المركز جات
يا مشيت عملت كونكت من البيت
يا صباحات الله بي خيرها

Quote: ياسيدي انا كنت تحت ضغط نفسي رهيب ودا لو سياتك كنت متابع الفترة الاخيرة من ملاحقتهم بكملة المقرن لي ولحدي ما جينا حددناها مع سيف مساعد ومنها نزلت الماسنجر اياه انا اعترف ان تصرفت وفق ضغطي النفسي اللي كنت فيه والى حد ما بيكون صحيح او خطأ

أمر طبيعي أن تكوني تحت ضغط نفسي رهيب
فهذا هو ما تنتج عنه الحروب في الغالب
والعلاج المتعارف عليه في هذه الحالة
هو الإبتعاد عن الشّد والصّراعات
والتّفكير بهدوء وتروٍّ
وبعد ذلك الوصول إلى قرار
دون الإنجرار وراء الحُكم على الأشياء تحت ضغط الغضب

Quote: في العادة في حياتي العامة انا لايهمني الناس طالما انا ما بعمل حاجة غلط ولا بتعدى على حق زول

ما لا ترينه خطأ
قد يراه غيرك منتهى الخطأ
وقد لا يهمّك الأمر
لأنّك لا تهتمّين للنّاس
وأحياناً يكون الخطأ في أسلوب المخاطبة نفسه
فبينما يمكننا إيصال آرائنا بمنتهى الهدوء والذّوق
قد نختار إيصالها بشكل قد يكون فيه استفزاز للمتلقّي لتعليقنا
كما ورد منك اليوم ( في رأيي ) في البوست الذي كتبه الأخ ( ذو اليد )
عن ضياع باسوورد الأُخت ( عواطف أحمد إسحق ) ذاكراً إنّها أحد أعلام السُّودان
وكان تعليقك فيما معناه (( ما تبالغ ، علم من أعلام السُّودان بوين ؟ ))
والبوست نفسه أعتقد تمّ سحبه
والسّبب البيّن قد يكون لجوء الأخ كاتبه لكتابته في المنبر
بدلاً من مراسلة الأخ باشمهندس بكري

وعموماً لا أعتقد أنّ تعليقِك كان سيكون بنفس أسلوب المخاطبة هذا إن كانت الأُخت ( عواطف ) هذه صديقتك
وأظنّها ستتساءل لو قرأت مداخلتك تلك ، ما الذي ( يضايقك ) منها ؟
مع تام الإحترام لرأيك بالطّبع

أكرّّر
هو أسلوب المخاطبة في الغالب
وشكل طرح الرّأي

Quote: *** انا مواعيد قفلي المركز جات يا مشيت عملت كونكت من البيت يا صباحات الله بي خيرها

بالسّلامة
ويستمر حوارنا متى ما سمحت ظروفنا

أقعدw إتعازمو كدا لمان بكري يأرشف البورد ....




الانقازيه دي عيبها حاجه واحده بس .....









انها هلالابيه

Quote: أقعدw إتعازمو كدا لمان بكري يأرشف البورد .... الانقازيه دي عيبها حاجه واحده بس ..... انها هلالابيه

اوووووووووووو يا الصادق** يا اخوي
سلمات وويين الحي بيك
إنت اقعد حرش فيهم كدا دي
واسع بقدرة قادر البوست حيتحول لماراثون مهاترات
والزول السمح لؤي دا عارفاه ما زول شكل ومنابذة

فبالله يا غواصة اطلع من البوست دا سريع
ما تخلينا نتحرج مع الضيف
قصدي المضيف ..........


** كيفك

Quote: والزول السمح لؤي دا عارفاه ما زول شكل ومنابذة

ذكّرتيني عمّنا زيادة عليه رحمة الله
سايق عربيتّو وواحد بتاع بوكس قطع قدّامو في الصّينيّة
فكورك في بتاع البوكس بأعلى صوتو ( حُماااااااااااار )
بتاع البوكس لفّ وجا لاحقو
وزنقو على جنبة لغاية ما وقّف عربيتّو
نزل من بوكسيهو
زول عاتي ومفتّل
وعم زيادة قاعد في عربيتّو
وصلو وقال ليهو :
حُمار أنا ؟
عم زيادة قال للرّاجل :
عاين با إبن العم
أنا راجل كبير وعندي سُكّري
وكان ضربتني بيدّينك الكُبار ديل بموت ليك هنا
فدق وعوارة ما معانا
عاوز منابذة بنابذك لبُكرة
بتاع البوكس قعد يضحك وفات خلاّهو

Quote: ذكّرتيني عمّنا زيادة عليه رحمة الله سايق عربيتّو وواحد بتاع بوكس قطع قدّامو في الصّينيّة فكورك في بتاع البوكس بأعلى صوتو ( حُماااااااااااار ) بتاع البوكس لفّ وجا لاحقو وزنقو على جنبة لغاية ما وقّف عربيتّو نزل من بوكسيهو زول عاتي ومفتّل وعم زيادة قاعد في عربيتّو وصلو وقال ليهو : حُمار أنا ؟ عم زيادة قال للرّاجل : عاين با إبن العم أنا راجل كبير وعندي سُكّري وكان ضربتني بيدّينك الكُبار ديل بموت ليك هنا فدق وعوارة ما معانا عاوز منابذة بنابذك لبُكرة بتاع البوكس قعد يضحك وفات خلاّهو

شكلنا ما حنتفق
انا مصنفه هنا اني مصادمة
وانت لا ليك في الشكل ولا في المصادمات

Quote: شكلنا ما حنتفق

نختلف أو نتّفق
تسمعيني وأسمعِك
نختصم أو نصطلح
تفهميني وأفهمِك
المهم إنّه الحوار يستمر
يستمر ما ينقطع
المهم تبقى المودّة
في التّصافي وفي الزّعل

على فكرة
شكرا يا اخي على الغنية واللحن
تصور للان ما عرفت هي شغالة من وين في البوست

Quote: على فكرة شكرا يا اخي على الغنية واللحن تصور للان ما عرفت هي شغالة من وين في البوست

إنتي عاوزة بيها شنو شغالة من وين ؟
خلّي الشُّوبار وأسمعي وبس




العفو
الشُّكر لكِ

Quote: إنتي عاوزة بيها شنو شغالة من وين ؟ خلّي الشُّوبار وأسمعي وبس

Quote:

Quote: أقعدw إتعازمو كدا لمان بكري يأرشف البورد ....

أهلاً بك أخي الصّادق

لؤي و مياده*** ....
تحيه ...بوستيكم دا أنا بجيهو عشان أسمع وردي ...:)
لمن لقيتكم تتعازمو ...إنا الضيف و أنا صاحب العفش ...
قلت النفنكم بحجر حجرين :)


**تمام والله ....انتي كيف؟....اعملي حسابك ....لؤي و أنا أولاد بواليص
يعني بعد ما يخلص تحقيق معاك ....بنفتح ملف الغواصه دا :)

me out for good

ــــ
العزيز لؤي سلامات

ياأخي ممكن تسمح لي تداخل بسيط جداً في حسب بكري البوستات التي أشرت لها ؟!

إذا وجدت القبول رجعت لك .

Quote: العزيز لؤي سلامات ياأخي ممكن تسمح لي تداخل بسيط جداً في حسب بكري البوستات التي أشرت لها ؟! إذا وجدت القبول رجعت لك .

الأخ عماد الطّيّب
تحيّة طيّبة

بالتّأكيد تجد منّي القبول بلا شك
هي مساحة للرأي والرّأي الآخر
طالما إلتزمنا بآداب الحوار



تحيّة ووُد

Quote: me out for good

بس ما يبكون زي قرارات ميّادة

الأخ لؤي
شكراً أولاً لترحيبك بنا في البوست
و خوفاً من أن يكون تداخلنا ثقيلاً عليكم و على الحوار
أسألك الإذن على التعليق على نُقطة ما (أحد أسئلتك للأخت ميّادة) إن أمكن

Quote: الأخ لؤي شكراً أولاً لترحيبك بنا في البوست و خوفاً من أن يكون تداخلنا ثقيلاً عليكم و على الحوار أسألك الإذن على التعليق على نُقطة ما (أحد أسئلتك للأخت ميّادة) إن أمكن

أخي علاء الدّين
سلامات

يا عزيزي عيب
ما في إثقال على الإطلاق
قصدي هو إيجاد فهم قد يوفّر جو من تفهّم البعض هنا لآراء قد لا نصل لها بأشكال الحوار المتّبعة في الغالب هنا
فلا تتردّد في سكب كُلّ ما في دواخلك



أهلاً بك دوماً

ــــ
مع الشكر لك علي تلك المساحة ..

نص البنود لوائح وقوانيين المنبر واضحة جداً أنظر إلي البند رقم

12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..

هل بعد ذلك يسأل بكري لماذا قام بحذفها ؟!

لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) ,

والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي .

ومرة ثانية شكراً لك ..

ـــــــــــــــــــــــ
اول مرة اشوف عضو في المنبر هنا بيستأذن في دخول بوست ..وطلب للرد
ما عارفة جاني احساس فصل ..

ــــ

Quote: اول مرة اشوف عضو في المنبر هنا بيستأذن في دخول بوست ..وطلب للرد ما عارفة جاني احساس فصل ..

عشان تعرفو كيف نحن محترمين ومهذبين ,

وإحساسك أصلو ما خاب والله كمان ربعت يدي منتظر الرد بعد ما إستأذنت


تحياتي ياسارة ..

Quote: عشان تعرفو كيف نحن محترمين ومهذبين , وإحساسك أصلو ما خاب والله كمان ربعت يدي منتظر الرد بعد ما إستأذنت

Quote: اول مرة اشوف عضو في المنبر هنا بيستأذن في دخول بوست ..وطلب للرد ما عارفة جاني احساس فصل ..

وقاعدة ولاّ داكّة ؟

يا اخ عماد

Quote: هل بعد ذلك يسأل بكري لماذا قام بحذفها ؟! لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) , والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي . ومرة ثانية شكراً لك ..

شكرا على اللمز والهمز المغلف
كفاية انتو ابو الفهم زاتو ..... ومكملينه

ــــ

Quote: شكرا على اللمز والهمز المغلف كفاية انتو ابو الفهم زاتو ..... ومكملينه

الله يسامحك ..



وشكراً لك كثيراً


كوني بخير

Quote: الله يسامحك .. وشكراً لك كثيراً كوني بخير

لا عليك أخي عماد
كُلّنا أخوة وإن إختلفنا أو أصبنا بعضنا بحاد القول
نحاول هنا معاً الوصول لأسباب الخلافات
والوصول من ثمّ إلى معالجات ممكنة




لك إعتذاري
ولميّادة تمنّياتي بإتّباع الحكمة
والتّريّث

Quote: شكرا على اللمز والهمز المغلف كفاية انتو ابو الفهم زاتو ..... ومكملينه

أُختي ميّادة
أنصحك بالصّبر
لو تسمحين لي بالطّبع
فإن كان حديث الأخ عماد همزاً ولمزاً
فحديثي عن التّربية
سيكون بالتّأكيد منتهى التّعدّي السّافر عليكِ
من الصّعب الحُكم على نوايا النّاس
هكذا بمجرّد المرور على بعض الحروف



واحدة واحدة عشان نصل

صباح الخير
اللهم لا سهل الا ما جعلته سهلا.....

Quote: أُختي ميّادة أنصحك بالصّبر لو تسمحين لي بالطّبع فإن كان حديث الأخ عماد همزاً ولمزاً فحديثي عن التّربية سيكون بالتّأكيد منتهى التّعدّي السّافر عليكِ من الصّعب الحُكم على نوايا النّاس هكذا بمجرّد المرور على بعض الحروف واحدة واحدة عشان نصل

الاخ لؤي
الامر ليس مجرد مرور على بعض الحروف
ولا من حقي ان احكم على نوايا الناس
وبالنسبة لما ترونه غلظة او مخاشنة مني للاخ عماد الطيب وغيره
فله عندي من المبررات ما اراها كافية لسلك ذلك السلوك معه
وبالتالي ردي هذا ليس من فراغ
وهو يعلم ذلك جيدا

Quote: الاخ لؤي الامر ليس مجرد مرور على بعض الحروف ولا من حقي ان احكم على نوايا الناس وبالنسبة لما ترونه غلظة او مخاشنة مني للاخ عماد الطيب وغيره فله عندي من المبررات ما اراها كافية لسلك ذلك السلوك معه وبالتالي ردي هذا ليس من فراغ وهو يعلم ذلك جيدا

أُختي ميّادة
شُكراً لردّك

لكن عزيزتي
ما لا نعلمه نحن في العام
وتعلمينه أنتِ ويعلمه عماد أو غيره دون علم النّاس به
يمكن أن يتم في الخاص بينكما
أمّا فيما يطّلع عليه عامّة النّاس
فسيكون شكل ردّك دليلاً يُحسب عليكِ لا لكِ
فإن إفترضنا اسعداء البعض لكِ بشكل مغلّف ومبطّن
يعني إثارة البعض لكِ بشكل غير مرئي للجّميع
سيجعلك عُرضة للظّهور بشكل غير لائق
وسيجعل الحكم عليكِ غير كريماً
بغير إن كان ردّك في العام يشابه ما يغلّفه البعض لكِ
وبمنتهى الهدوء والبرود

Quote: لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) , والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي .

لك الشُّكر أخي عماد
على مداخلتك الثّرّة
وصدّقني
بمنتهى الصّراحة
الأمر أمر ( تربية )
ولا أعني هنا الأُخت ميّادة أو أيّ شخص بعينه
أنا أعني أنّ معظم مشكلات تصرّفاتنا هذه
ناتجة في الواقع عن شكل التّربية عموماً في المجتمع
وسبق أن كتبت عن هذا الأمر
هنا على سبيل المثال لا الحصر :-
(( التربية وأثرها على تصرّفاتنا (( المنبر مثالاً )) ))

(( الكذب ، النميمة ، وسوء الظن ))

(( رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها ))


لك التّحيّة

Quote: لؤي و مياده*** .... تحيه ...بوستيكم دا أنا بجيهو عشان أسمع وردي ...:)

الصّادق
دي الحاجة الكويسة فيك كمرّيخابي

المِفضال لؤي
تُشكر على الإشارة الخضراء

Quote: وإن كان قراراً حكيماً وأنتِ على قناعة به ِ ما الذي أدّى سريعاً جدّاً للتّنازل عنه ؟

لا أود أن أُجيب عن الأُخت ميّادة أو لعِب دور المُحامي و المسألة لا تستحِق فالمُتحاوران إخوة لا أشُكُّ إطلاقاً في نواياك أو نواياها و أعلم أن القاعدة التي بُني عليها الحوار سليمة خالية من الشوائب
لكن لأن لي يد في مسألة عودة ميّادة سريعاً عن قراراها فضّلتُ التداخل
لم أتداخل قبلاً في بوستات ميّادة و بإجراء بحث سريع ستجد أن أول تداخُل لي معها كان في البوست المُعنون بإسمك و السبب كان كلمِةٍ ما ألقاها شخصٌ ما و قد تابعت مجريات الأمور كما أعتقد
هذه المجريات كانت الأمور فيها تتسابق بشكلٍ محموم غير مفهومٍ أحياناً
شد و جذب و ضغط عصبي رهيب في تقصِّينا للسبب الذي قيلت بسببِه تلكم الكلمة اللعينة
لا أود فتح الملف الذي أُغلِق
نحن من كُنّا حولها أُصِبنا بالتعب و الرهق و الإعياء جرّاء المُساسكة الإسفيرية و البحث و التنقيب و الكِتابة و اللزق و المُحاورة و و و و و
فما بالك بِسِت الهمْ كُلُّو
المُهِم حينما أنْزَلتْ ميّادة بوست الإنساحب إتّصلت عليها أنا هاتِفِياً و حاولت إثناءها عمّا عزمت عليه بحجة كانت مقبولةً لي و لها
و هي أنّها في فترة شد عصبي و عدم قدرة على التركيز و تحتاج إلى راحة ثم العودة و لم ترضخ لكلامي بسهولة بل عاندت ما أمدّ الله لها في العِناد
و لكن إنتصرت الحُجّة التي سُقتها إليها
و قد كان
أنا ذاتي بعدها بِعدت يومين كاملين من سودانيز أون لاين

هذا ما لزم توضيحه مع الشُكر

الأخ لؤي
السلام عليكم
تُشكر على هذه اللفتة الجميلة!
ولا شك أنّ الكثير من الزملاء في حال متابعة لمجريات الحوار الصريح!
ولو أنه لا يزال مشوباً بالتحفظ الشديد!
الآن عندي ملاحظة للأخت ميادة في ردها على الأخ عماد الطيب:

Quote: شكرا على اللمز والهمز المغلف كفاية انتو ابو الفهم زاتو ..... ومكملينه

أعتقد أنّ هذا الرد مع فائق احترامي للأخت ميادة غير موضوعيّ!
مُحمل بشحنات لا علاقة لها بسياق الكلام نفسه!
وقد أكون مخطئاً في تقييمي لحقيقة الأمر، فالواجب في هذه الحال أن تكون بيننا مساحة
يعذر فيها بعضنا بعضاً، ويحمل كلامه على أحسن المحامل!

Quote: أعتقد أنّ هذا الرد مع فائق احترامي للأخت ميادة غير موضوعيّ! مُحمل بشحنات لا علاقة لها بسياق الكلام نفسه! وقد أكون مخطئاً في تقييمي لحقيقة الأمر، فالواجب في هذه الحال أن تكون بيننا مساحة يعذر فيها بعضنا بعضاً، ويحمل كلامه على أحسن المحامل!

أخي صلاح عبّاس
تحيّة مسائيّة طيّبة

أعجبني صوت العقل الظّاهر بين حروفك
ويحدوني الأمل في أن نصلح ما أُفسِد فينا
وأن نتحلّى بما عُرف عن مجتمعنا من أفضال وصفات حميدة
وأن ننجح يوماً ما في صرع هذه الصّراعات
والقبول بالآخر




لك التّحيّة والإحترام

الاخ صلاح فقير

Quote: وقد أكون مخطئاً في تقييمي لحقيقة الأمر،

زي ما قلت للاخ لؤي فوق
لي من المبررات ما يعطيني الحق في اني ارد عليه هكذا

Quote: أعتقد أنّ هذا الرد مع فائق احترامي للأخت ميادة غير موضوعيّ! مُحمل بشحنات لا علاقة لها بسياق الكلام نفسه!

أكاد اجزم لو سياتك متابع من الاول ما كنت قلت كدا
تحياتي

Quote: زي ما قلت للاخ لؤي فوق لي من المبررات ما يعطيني الحق في اني ارد عليه هكذا

ميّادة
صباح الخير

إذا إفترضنا إتّفاقنا في البدء على خطأ الفئة التي تهاجمك
وإعتداء تلك الفئة البيّن عليكِ بشكل غير حضاري
هل الغاية عندك تبرّر الوسيلة ؟
هل المبرّرات تعطي الحق في استخدام لغة قد تكون قبيحة في حكم الغالبيّة
وتعود عليكِ بنظرة قد لا تكون كريمة في حقِّك
مثل بعض ما قد يرد في ردودِك
(( ذُباب ، ذُبابة ، ما عندك دم ، يا طيرة إنتَ وأنبح براك إلخ ... ))
هذا بغض النّظر عن السّبب من وراء استخدامها
أليس هذا في رأيِك عُنف لفظي ؟
وحيث أنّي أتوقّع أنّك تستخدمين تلك العبارات لإقتناعك بأنّها تناسب الفئة التي توجّهينها لها وأنّها فئة تستحق تلك اللغة
فهل كنتِ سترضين لو تمّ استخدامها ضدّك من قبل فئة تراكِ تستحقّين المخاطبة بهذا الشّكل ؟

Quote: هل المبرّرات تعطي الحق في استخدام لغة قد تكون قبيحة في حكم الغالبيّة وتعود عليكِ بنظرة قد لا تكون كريمة في حقِّك

وأين كانت هذه الاغلبية(الا من رحم ربي) لما تلك الفئة كانوا بيوجهوا لي عنف لفظي

ومن افراد بعينهم ... وبطريقة منظمة ..... لاقصائي من المنبر

Quote: مثل بعض ما قد يرد في ردودِك (( ذُباب ، ذُبابة ، ما عندك دم ، يا طيرة إنتَ وأنبح براك إلخ ... ))

مع احترامي ليك:
عشان الرؤية تكون كلية كان حضرتك تجيب الفاظهم وردي عليهم على شاكلة

Quote: (( ذُباب ، ذُبابة ، ما عندك دم ، يا طيرة إنتَ وأنبح براك إلخ ... ))

لكن بطريقة دي الرؤية حتكون احادية

Quote: وحيث أنّي أتوقّع أنّك تستخدمين تلك العبارات لإقتناعك بأنّها تناسب الفئة التي توجّهينها لها وأنّها فئة تستحق تلك اللغة فهل كنتِ سترضين لو تمّ استخدامها ضدّك من قبل فئة تراكِ تستحقّين المخاطبة بهذا الشّكل ؟

انت يا استاذ لؤي : متابع للحاصل من الاول ولا لا ؟؟؟؟؟؟
وبحسب ردك على الاخ علاء الدين بالنسبة لعدم دخولك بوستي الكان معنون باسمك
واللي كان مسرح العملية
وطالما سياتك بتقول انك ما جيت خاشي فيه تاني
وانك توقعت الحصل فيه
فارى انو لو سياتك كنت متابع ما بدر تجاهي
كان حيكون فيه رد لاستفسارك الاخير عندي

Quote: وأين كانت هذه الاغلبية(الا من رحم ربي) لما تلك الفئة كانوا بيوجهوا لي عنف لفظي ومن افراد بعينهم ... وبطريقة منظمة ..... لاقصائي من المنبر

هل يعني هذا عدم إكتراثك لشكل لُغتِك وردّك وطريقة تصدّيك ؟
يعني ممكن تعملي أيّ شيء حتّى لو قبيح في حقّك للدّفاع عن نفسك ؟
حتّى لو في أساليب أُخرى متوفّرة وممكنة وتحفظ لكِ إعتبارِك وصورة مُشرقة لك في نظر النّاس ؟

Quote: مع احترامي ليك: عشان الرؤية تكون كلية كان حضرتك تجيب الفاظهم وردي عليهم

أنا أعلنت سلفاً فرضيّة إعتبار الفئة مخظئة في حقّك
وأنا هنا أحاور ميّادة لا تلك الفئة
لذلك أهتمّ بنهجِك أنتِ
مع كامل تفهّمي لوجود سبب لا أنكره
سؤالي هل يكفل لكِ حقّك في الرّد إتّباع حتّى الوسائل التي قد تسيء إليكِ
في حين وجود وسائل قد تجعلك تكسبين وُد الرّأي العام
أم أنّ الأمر لا يهمّك ؟
بالرّجوع لحديثك حول عدم إهتمامك بالنّاس

Quote: انت يا استاذ لؤي : متابع للحاصل من الاول ولا لا ؟؟؟؟؟؟ وبحسب ردك على الاخ علاء الدين بالنسبة لعدم دخولك بوستي الكان معنون باسمك واللي كان مسرح العملية وطالما سياتك بتقول انك ما جيت خاشي فيه تاني وانك توقعت الحصل فيه فارى انو لو سياتك كنت متابع ما بدر تجاهي كان حيكون فيه رد لاستفسارك الاخير عندي

ميّادة
ليس الأمر هنا مربوط بمتابعتي من عدمها
فمهما قيل لكِ
أنا أتساءل
هل يعني الخطأ الشّنيع جدّاً
تبرير إتّباع قانون الغاب في حين وجود وسائل أُخرى أكثر تحضّراً ؟
وقد تضع الفئة التي ترينها تستعديك في وضع حرج
هل صار إتّباع العنف هو الأسلوب الأقرب لمعالجة مشاكلنا؟
حتّى وإن كان القانون أو الحكمة أو العقل قادراً على حلّها ؟

Quote: هل يعني هذا عدم إكتراثك لشكل لُغتِك وردّك وطريقة تصدّيك ؟

قبيل انا قلت ردة الفعل مربوطة بالفعل وقوته
وطالما لغتي جاءت قوية وخشنة... بالطبع دا يعكس حجم الفعل الاتوجهت ليه انا...
بعد ذلك سؤالكم هذا يدخل في باب تقييم الناس
وكل له منطلقاته ووجهاته
وعلينا ان نحترمها

Quote: يعني ممكن تعملي أيّ شيء حتّى لو قبيح في حقّك للدّفاع عن نفسك ؟

القبح شئ او مفهوم نسبي
وبختلف من رؤية زول لي زول
يعني الانت بتراه قبح
ممكن شخص اخر يراه حق في الرد

Quote: وأنا هنا أحاور ميّادة لا تلك الفئة لذلك أهتمّ بنهجِك أنتِ مع كامل تفهّمي لوجود سبب لا أنكره

هنا لا يمكنك ان تحاورني او احاورك دون ان نتناول العوامل والاسباب والاشخاص اللي ساهموا في صدور ذلك التصرف مني
ولا نستطيع مناقشة ظاهرة (ميادة كمال) بكل اللي صدر مني
من غير تناول تاثير الاشخاص الموجودين معاي
والبيئة الموجودين فيها (بيئة سودانيز اونلاين) وما يدور فيها

Quote: سؤالي هل يكفل لكِ حقّك في الرّد إتّباع حتّى الوسائل التي قد تسيء إليكِ في حين وجود وسائل قد تجعلك تكسبين وُد الرّأي العام أم أنّ الأمر لا يهمّك ؟ بالرّجوع لحديثك حول عدم إهتمامك بالنّاس

ما قلنا فوق انو المسالة نسيبة
والحاجة الشايفهنا مسيئة لي ... قد يكون شخص اخر له راي اخر
والاحتمالين صواب

Quote: في حين وجود وسائل قد تجعلك تكسبين وُد الرّأي العام أم أنّ الأمر لا يهمّك ؟ بالرّجوع لحديثك حول عدم إهتمامك بالنّاس

حدد لي بالضبط أي راي عام حضرتك تقصد ؟؟؟؟؟

Quote: قبيل انا قلت ردة الفعل مربوطة بالفعل وقوته وطالما لغتي جاءت قوية وخشنة... بالطبع دا يعكس حجم الفعل الاتوجهت ليه انا... بعد ذلك سؤالكم هذا يدخل في باب تقييم الناس وكل له منطلقاته ووجهاته وعلينا ان نحترمها

يا ميّادة
حاولي برّاحة تفهميني
((( إتّفقنا ))) على فظاعة حجم الفعل
لكنّنا هنا نناقش تصرّفات ميّادة
ليس بمعزل عن فعل الفئة الأُخرى
ولكن تركيزنا هنا على أفعالك
هل هناك أسلوب واحد ووسيلة واحدة لمواجهة فظاعة أفعال تلك الفئة ؟
فهمتيني ؟
يعني بالدّارجي كدا ما في أيّ حل تاني غير مواجهة الاستفزاز باستفزاز ؟
ومقابلة الصّفعة بصفعة ؟
والسّن بالطّقم كُلّو ؟؟؟

Quote: القبح شئ او مفهوم نسبي وبختلف من رؤية زول لي زول يعني الانت بتراه قبح ممكن شخص اخر يراه حق في الرد

يعني الإساءة والشّتائم والعُنف ليس بقبح ؟
إن كان حق في رد أو مُبادرة بالعداء ؟

Quote: هنا لا يمكنك ان تحاورني او احاورك دون ان نتناول العوامل والاسباب والاشخاص اللي ساهموا في صدور ذلك التصرف مني ولا نستطيع مناقشة ظاهرة (ميادة كمال) بكل اللي صدر مني من غير تناول تاثير الاشخاص الموجودين معاي والبيئة الموجودين فيها (بيئة سودانيز اونلاين) وما يدور فيها

أكرّر حديثي
((( إتّفقنا ))) على فظاعة حجم الفعل
لكنّنا هنا نناقش تصرّفات ميّادة
ليس بمعزل عن فعل الفئة الأُخرى
ولكن تركيزنا هنا على أفعالك
هل هناك أسلوب واحد ووسيلة واحدة لمواجهة فظاعة أفعال تلك الفئة ؟
فهمتيني ؟
يعني بالدّارجي كدا ما في أيّ حل تاني غير مواجهة الاستفزاز باستفزاز ؟
ومقابلة الصّفعة بصفعة ؟
والسّن بالطّقم كُلّو ؟؟؟

Quote: ما قلنا فوق انو المسالة نسيبة والحاجة الشايفهنا مسيئة لي ... قد يكون شخص اخر له راي اخر والاحتمالين صواب

لكن هناك فهم عام
تمّت تربيتنا عليه
تعلّمناه في المدرسة
أوليس هناك فرق بين دماثة الخلق وبين الفظاظة والوقاحة ؟
بين الخير وبين الشّر ؟
بين السّلم وبين الحرب ؟
بين الحُبّ وبين البغض ؟

Quote: حدد لي بالضبط أي راي عام حضرتك تقصد ؟؟؟؟؟

يعني زي رأي لؤي شمّت على سبيل المثال
لمّا يدخل بوست
يلقى ميّادة بتتشتم
ويلقاها بتشتم
رأيي بيكون سيّئ في الفئة البتشتم ميّادة
وفي ميّادة
مع تفهّمي لمسألة من تسبّب في ماذا
والتي لا تهم كثيراً حين يحدث الخراب
وتتسبّب الحروب في موت الابرياء
هي نتيجة واحدة
قد نتجنّبها فقط بالحكمة
وهذا ما أحاول الوصول إليه معك
ومن ثمّ بعد ذلك لكُلٍ دوره في سلسلة الحوارات هذه

Quote: يعني زي رأي لؤي شمّت على سبيل المثال لمّا يدخل بوست يلقى ميّادة بتتشتم ويلقاها بتشتم رأيي بيكون سيّئ في الفئة البتشتم ميّادة وفي ميّادة مع تفهّمي لمسألة من تسبّب في ماذا والتي لا تهم كثيراً حين يحدث الخراب وتتسبّب الحروب في موت الابرياء هي نتيجة واحدة قد نتجنّبها فقط بالحكمة وهذا ما أحاول الوصول إليه معك ومن ثمّ بعد ذلك لكُلٍ دوره في سلسلة الحوارات هذه

انا ما شتمت من فراغ
مني ولي نفسي كدا
اكيد عندي سبب في الرد بالمثل

Quote: مع تفهّمي لمسألة من تسبّب في ماذا والتي لا تهم كثيراً حين يحدث الخراب وتتسبّب الحروب في موت الابرياء

إن محاولة معرفة ظاهرة من الظواهرة ومناقشتها وتحليلها
يتطلب معرفة السبب والظروف
وفي حالتي انا هذه
معرفة من تسبب مهم جدا بالنسبة لي
لانو يخرجني من دائرة اني انا التي اشتم ....
او اني مثيرة للجدل وما شابه ذلك
وحتى ابين ان ردت فعلي التي جاءت عنيفة
هي متناسبة مع الفعل

Quote: انا ما شتمت من فراغ مني ولي نفسي كدا اكيد عندي سبب في الرد بالمثل إن محاولة معرفة ظاهرة من الظواهرة ومناقشتها وتحليلها يتطلب معرفة السبب والظروف وفي حالتي انا هذه معرفة من تسبب مهم جدا بالنسبة لي لانو يخرجني من دائرة اني انا التي اشتم .... او اني مثيرة للجدل وما شابه ذلك وحتى ابين ان ردت فعلي التي جاءت عنيفة هي متناسبة مع الفعل

طيّب يا ميأدة
كدا بديت أفهمك شديد
والحوار أفادني جدّاً في فهمك
بس عندي سؤال يا ميّادة
لو أنا شتمتِك
وردّيتي علي بالشّتيمة
وطاردتك في كم بوست شتمتك
وردّيتي على بالشّتيمة في كم بوست
بعد كم يوم هدنة أو غياب لي من المنبر
رجعت وكتبت بوست
لا علاقه له بكِ
عن عمل فنّي مثلاً للأُستاذ محمّد وردي
عاوز بس أعرف لو حاتدخلي لي في البوست وتناكفيني ؟
وتستهزأي بالأُستاذ وردي ؟
ولاّ خلاص ساكت منّك بتسكتي منّي وتكتفي بما حدث بيننا فيما سبق من بوستات ؟

Quote: لم أتداخل قبلاً في بوستات ميّادة و بإجراء بحث سريع ستجد أن أول تداخُل لي معها كان في البوست المُعنون بإسمك و السبب كان كلمِةٍ ما ألقاها شخصٌ ما و قد تابعت مجريات الأمور كما أعتقد

أخي الكريم علاء الدّين
التّحيّة مجدّداً

والشُّكر على هذا الشّرح والتّوضيح الضّافي
وصدّقني
البوست المعني
دخلته مرّةً واحدة فقط
حينما رأيته معنوناً بإسمي
وكان عدد المداخلات فيه وقتها حوالي ( 20 ) مُداخلة
وحينما دخلته ومررت على ما يحدث فيها
قرّرت الخروج وعدم العودة إليه
وقد كان
وحتّى الآن لا أعلم ما هيّة تلك الكلمة اللعينة المعنيّة
لكنّي أعلم تماما العلم ما قد قيل ويقال في هذا المنبر
وما ظللنا نحاول التّذكير به
من أنّ هذا الموقع مقروء
وتمر عليه عيون مجتمعات وشعوب وأفراد
قد نتسبّب بجدارة في صنع رأي فينا كسودانيّين
لا أظنّنا سنعترف به أو نرضاه وقتها
في حين أنّنا نثبته بمهارة




لك الوُد الجّزيل

Go ahead man

good job and go on my dear

even if it takes you to do it with all members of online


go ahead bro and God bless you







---------------
my cell phone is alright

Quote: even if it takes you to do it with all members of online

Then, your turn is coming soon

Quote: my cell phone is alright

I beleive this's just a lie



Love

شنو يا جماعة قلبتو إنجليزي ؟؟؟

Quote: go ahead bro and God bless you

ـــــــ
المهم إنّه الحوار يستمر
يستمر ما ينقطع
المهم تبقى المودّة
في التّصافي وفي الزّعل

Quote: شنو يا جماعة قلبتو إنجليزي ؟؟؟

أطلعي منّها ما تجيك طوبة إنقليزيّة طايرة في راسِك

Quote: المهم إنّه الحوار يستمر يستمر ما ينقطع المهم تبقى المودّة في التّصافي وفي الزّعل

والمهم
إنّه الجّدار
ما يعلو أكتر ويرتفع



بقيتي كويسة ؟
ولاّ الحُمَّى طالعة ليك في راسِك ؟
مع الطّوبة

Quote: Go ahead man

عمران
Thanks dear
I'm grateful
I just saw your message there
You get my reply soon



Regards

سلام استاذ لؤي
حمد الله على السلامة نزلت متين؟
ولا انا برة الشبكة


ميادة ازيك متابعين
لدي تحفظات/تعليقات/.......
ولكن احتراما لسياسة البوست احتفظ بها الان ممكن لاحقا او في ايميل

تحياتي
صفية

Quote: سلام استاذ لؤي حمد الله على السلامة نزلت متين؟ ولا انا برة الشبكة

سلامات يا دكتورة
كيف أخبارك ؟
ووين الحي بيك ؟

الله يسلّمك
نزلت وين ؟
في الإنتخابات ؟



تحاياي

سلامات يا دكتورة صفية
وامورك ماشة كيف

Quote: ميادة ازيك متابعين لدي تحفظات/تعليقات/....... ولكن احتراما لسياسة البوست احتفظ بها الان ممكن لاحقا او في ايميل تحياتي صفية

خذي راحتك وقولي كل العندك بدون تحفظ بينا


ننتظرك

Quote: خذي راحتك وقولي كل العندك بدون تحفظ بينا ننتظرك

دكتورة صفيّة
هذه دعوة من ميّادة لتشاركي بما لديكِ




شُكراً ميّادة

أُخت ميّادة
هل يحدث أن تجدي نفسك تناصرين اخاكِ ظالماً أو مظلوماً ؟
أو هل يحدث أن تجدي نفسِك تعادين عدوِّك وإن كان على حق ؟

صباح النور

Quote: صباح النور

دكتورة صفيّة
صباحِك نور

أتمنّى تكوني بخير





تحاياي

المحترم جدا لؤي

سلام من اللة ورحمة...

شدني للتعليق قولك أن الموضوع في النهاية موضوع تربية...وأعني هنا تربية المجتمع ككل....

الشخصية السودانية عموما تتسم بسرعة الغضب...عدم التروي وقلة الحلم...

وهي أيضا في الغالب لا تقبل أن تكون علي خطأ ...single minded لدرجة العناد

وهي رغم طيبتها وبساطتها...عنيفة في خطابها وإختيارها لمفردات النقاش...مما يؤدي إلي تأزم النقاش وإحتدامة...وقد يتطور نقاش في الفن إلي تنابذ وإسآءة...

إيماننا بأننا دائما علي حق...والتعصب لفكر أو نظرية محددة لدرجة إلغاء إحتمال أن هذة الفكرة مثل الأخريات قابلة للنقد....

عندنا إيمان عندما نتحاور بصورة عامة أن من يعلو صوتة هو من علي حق...وأننا لا نقبل الحقارة و نرد الصاع صاعين...والعين بالعين والبادئ أظلم...فالحلم ضعف...والعفو ضعف...وأعرض عن الجاهلين ضعف..والحكمة كلام ساي وفلسفة...التروي جبن وإختباء...والترفع عن سفاسف الأمور غرور وتعالي....لا نقل خيرا أو نصمت ...ولا نفرق بين العناد علي الخطأ أو الثبات علي المبدأ


فكرة البوست ممتازة...والحوار الهادئ هو الطريق الوحيد للتغيير....

إذا نصحت انا الأخت ميادة بترك العنف اللفظي ولغة التهكم ...ولو نصحتها بالتروي وعدم لإنفعال و إحترام الرأي الآخر...فسوف تعتبرة نقدا لها....

علينا صياغة الشخص السوداني بنكهة جديدة أغلبها تقبل الآخر وترك التعصب...Tolerance هو مانفتقدة كثيرا هنا

Quote: المحترم جدا لؤي سلام من اللة ورحمة... شدني للتعليق قولك أن الموضوع في النهاية موضوع تربية...وأعني هنا تربية المجتمع ككل.... الشخصية السودانية عموما تتسم بسرعة الغضب...عدم التروي وقلة الحلم... وهي أيضا في الغالب لا تقبل أن تكون علي خطأ ...single minded لدرجة العناد وهي رغم طيبتها وبساطتها...عنيفة في خطابها وإختيارها لمفردات النقاش...مما يؤدي إلي تأزم النقاش وإحتدامة...وقد يتطور نقاش في الفن إلي تنابذ وإسآءة... إيماننا بأننا دائما علي حق...والتعصب لفكر أو نظرية محددة لدرجة إلغاء إحتمال أن هذة الفكرة مثل الأخريات قابلة للنقد.... عندنا إيمان عندما نتحاور بصورة عامة أن من يعلو صوتة هو من علي حق...وأننا لا نقبل الحقارة و نرد الصاع صاعين...والعين بالعين والبادئ أظلم...فالحلم ضعف...والعفو ضعف...وأعرض عن الجاهلين ضعف..والحكمة كلام ساي وفلسفة...التروي جبن وإختباء...والترفع عن سفاسف الأمور غرور وتعالي....لا نقل خيرا أو نصمت ...ولا نفرق بين العناد علي الخطأ أو الثبات علي المبدأ فكرة البوست ممتازة...والحوار الهادئ هو الطريق الوحيد للتغيير.... إذا نصحت انا الأخت ميادة بترك العنف اللفظي ولغة التهكم ...ولو نصحتها بالتروي وعدم لإنفعال و إحترام الرأي الآخر...فسوف تعتبرة نقدا لها.... علينا صياغة الشخص السوداني بنكهة جديدة أغلبها تقبل الآخر وترك التعصب...Tolerance هو مانفتقدة كثيرا هنا

أخي هيثم الصّدّيق
تحيّة طيّبة

تجدني أتّّفق معك تماماً في ما أوردت
كُلّ كلمة في مكانها





لك التّقدير

Quote: هل يحدث أن تجدي نفسك تناصرين اخاكِ ظالماً أو مظلوماً ؟ أو هل يحدث أن تجدي نفسِك تعادين عدوِّك وإن كان على حق ؟

العزيز لؤي
انصر اخي مظلوما لا ظالما
وليس لدي اعداء ..... وحقد تجاه احد بعينه
بل اختلاف في وجهات النظر والميول السياسيه ولا اعرف حمل العصي من المنتصف فيها

Quote: على فكرة شكرا يا اخي على الغنية واللحن تصور للان ما عرفت هي شغالة من وين في البوست

انا كمان ماعرفتا انت مالك كدة ماتورينا عشان ننزلا

شكرا ليكم على الحوار

Quote: انا كمان ماعرفتا انت مالك كدة ماتورينا عشان ننزلا شكرا ليكم على الحوار

الأُخت نجاة محمّد بابكر
تحيّة طيّبة

أُغنية ( نختلف أو نتّفق ) تجدينها هنا :-

(( وقت للشّوق والمحبّة .. ووقت للصّبر الطّويل .. وقت للفرح... ووقت للحُزن النّبيل ))



وحفظ الأُغنية من هنا :-

(( Re: وقت للشّوق والمحبّة .. ووقت للصّبر الطّويل .. وقت ل... ووقت للحُزن النّبيل ))





تحاياي

الأخ لؤي والأخت ميادة الأفاضل
أول مرة أتداخل معاكما في بوست واحد يجمعكما
نهج الحوار هو ما سيؤدي بالجميع لنهايات إن لم تكن سعيدة ، حتما فيها احترام الآخر أيا كان توجهه
أو أفكاره وطرحه

أعجبتني هذه الفكرة أن ندير خلافاتنا بالحوار
وأعتقد جازما أن كل مصائبنا كأمة ناتجة من انعدام الحوار
وكيفية الخلاف باحترام وكيف ندير الخلاف نفسه

سأظل مقتنعا معك أخي لؤي بأن المسألة مسألة تربية
في المقام الأول ، وأظن أن تربيتنا معظمنا إن لم يكن جلنا فيها اعوجاج
وبعد عن منهج الحوار والاختلاف
ولا أقول فقه الاختلاف
عموما سأظل متابعا لهذا الموضوع بينكما
وأرجو أن يتسع صدركما للمناواشات التي ستلاحقكما
أديرا هذا الحوار ليكون سلوكا عمليا للآخرين
لكما مودتي المحضة
بهاء

Quote: نهج الحوار هو ما سيؤدي بالجميع لنهايات إن لم تكن سعيدة ، حتما فيها احترام الآخر أيا كان توجهه أو أفكاره وطرحه أعجبتني هذه الفكرة أن ندير خلافاتنا بالحوار وأعتقد جازما أن كل مصائبنا كأمة ناتجة من انعدام الحوار وكيفية الخلاف باحترام وكيف ندير الخلاف نفسه سأظل مقتنعا معك أخي لؤي بأن المسألة مسألة تربية في المقام الأول ، وأظن أن تربيتنا معظمنا إن لم يكن جلنا فيها اعوجاج وبعد عن منهج الحوار والاختلاف ولا أقول فقه الاختلاف عموما سأظل متابعا لهذا الموضوع بينكما وأرجو أن يتسع صدركما للمناواشات التي ستلاحقكما أديرا هذا الحوار ليكون سلوكا عمليا للآخرين

الأخ المحترم بهاء
تحيّة طيّبة

وجدتني كذلك أتّفق معك في ما جاء في حديثك
أعتقد أنّنا في حوجة لإنتهاج نهج جديد
طالما فشلنا في الوصول إلى نتائج مُرضية عبر طُرق حل الخلافات المُتّبعة





تقديري وإحترامي ووُدّي

Quote: العزيز لؤي انصر اخي مظلوما لا ظالما وليس لدي اعداء ..... وحقد تجاه احد بعينه بل اختلاف في وجهات النظر والميول السياسيه ولا اعرف حمل العصي من المنتصف فيها

إذن
ماذا لو كانت ميولك السّياسيّة
وإنتمائك السّياسي
يحتّم عليكِ الوقوف خلف قرار سياسي ظالم
ظالم في نظر الكُل تقريباً
وغير ظالم في نظر الجّهة السّياسيّة التي تعلنين ميولك لها
هل ستكون مناصرة لظالم في نظرِك ؟
أم ضرورة يحتّمها الإنتماء وتجعل النّظر إلى الأمور يمر عبر منظار الإنتماء
لا المنطق والإنسانيّة والعقل

Quote: إذن ماذا لو كانت ميولك السّياسيّة وإنتمائك السّياسي يحتّم عليكِ الوقوف خلف قرار سياسي ظالم ظالم في نظر الكُل تقريباً وغير ظالم في نظر الجّهة السّياسيّة التي تعلنين ميولك لها هل ستكون مناصرة لظالم في نظرِك ؟ أم ضرورة يحتّمها الإنتماء وتجعل النّظر إلى الأمور يمر عبر منظار الإنتماء لا المنطق والإنسانيّة والعقل

مشكلة الناس في المنبر دا التصنيف
وهل انا يوم اعلنت صراحة انتمائي السياسي
الانطباع الماخذاه الناس ... بيرجع ليها هي
وليس لي يد فيه
انا توجهي لنفسي ومن نفسي وبمبادئ
بعد داك توافقت هذه التوجهات مع رؤية جهة معينة او محددة
هذه ليست مشكلتي
ولا يعطي الحق لاحد بان يصنفنا
وطبعا المشكلة الكبرى في المنبر دا
تصنيف الناس كدا من طرف
هذا امنجي ... هذا كوز ..... هذا مؤتمر وطني
وفي نوع كدا بحكم من الظاهر والشكل
يعني انا محجبة واقول الدين
معناه انا كوزة ومؤتمر
مع انو الاسلام والدين جاء قبل الكيزان

انا اؤكد دائما وما زلت للان
اني ليس لي انتماء سياسي لجهة معينة

لؤي يا صديق ..
قريت 80% من البوست .. و بقول ليك بكل صراحة بوستك متحيز الي فئة معينة ..
لمن تجي تدير حوار مع اشخاص لازم تكون متابع ..
بتحاول انك تكون منطقى و محايد في كثير من الاحيان .. لكنك فشلت ..
و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز ..
كونك انت ما متابع و لا عارف ما بديك الحق انه تطلع ميادة غلطانة ..
ودا دليل قاطع انه ادارتك للحوار فيها خلل كبير ..

..
..

Quote: لؤي يا صديق .. قريت 80% من البوست .. و بقول ليك بكل صراحة بوستك متحيز الي فئة معينة .. لمن تجي تدير حوار مع اشخاص لازم تكون متابع .. بتحاول انك تكون منطقى و محايد في كثير من الاحيان .. لكنك فشلت .. و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز .. كونك انت ما متابع و لا عارف ما بديك الحق انه تطلع ميادة غلطانة .. ودا دليل قاطع انه ادارتك للحوار فيها خلل كبير ..

الاخ حميدة
سلامات
هو فعلا ما محايد
وشكله ما عارف الحملة الاتعرضت ليها
لا وكمان بي عضمة لسانه قال فوق انه لم يدخل البوست اياه الا مرة واحدة
وانا بعتبر البوست كان مسرح العملية الاتعرضت ليها
وكمان ما متابع سلسلة الملاحقات الاتعرضت ليها انا بداء من محمد عادل وسيف مساعد ومصطفى محمود وكمية الشباب النوبيين في بوست فاروق حسني وووووووووو
المهم ما مشكلة
اختك قدرها وقدود
ونمشي مع اي زول حسب فهمه

Quote: الاخ حميدة سلامات هو فعلا ما محايد وشكله ما عارف الحملة الاتعرضت ليها لا وكمان بي عضمة لسانه قال فوق انه لم يدخل البوست اياه الا مرة واحدة وانا بعتبر البوست كان مسرح العملية الاتعرضت ليها وكمان ما متابع سلسلة الملاحقات الاتعرضت ليها انا بداء من محمد عادل وسيف مساعد ومصطفى محمود وكمية الشباب النوبيين في بوست فاروق حسني وووووووووو المهم ما مشكلة اختك قدرها وقدود ونمشي مع اي زول حسب فهمه

ميّادة
فهمي هو الآتي
أنا أتحاور معك بشأن لغتك وأسلوبك
وسأحاور تلك الفئة في نفس الخصوص
ولأحاورك بخصوص لغتك
فلست في حاجة لأكثر من أن اقرأ لكِ بعض السّطور التي تدعوني لتلك الرّغبة في محاورتك
ومهما كانت الأسباب
فالغاية عندي لا تبرّر الوسيلة
طالما أنّ الوسائل المتحضّرة موجودة وممكنة
وطالما أنّ الوسيلة المُتّبعة تصيبني بالضّرر
وتسيئ لنا كشعب وأُمّة
لا أهاجمك أنا
ولا أقول لكِ أنتِ لم يحدث لكِ أيّ تعرُّض من أيّة فئة
أنا أحاول الوصول لأسباب إنتهاجك ذاك النّهج
وعبره يمكننا أن نحاول إيجاد وسائل تنصر قضيّتك
ولا تصيبنا بالضّرر
وحين أحاور محمّد عادل أو سيف مساعد أو دكتور مصطفى محمود
لن أصفّق لهم إن كانت تصرّفاتهم تصيبنا كذلك بالضّرر
أنا أحاول دعمك
وسأفعل الأمر معهم كذلك
الدّعم من أجل مصلحة الكُل
لا جهة غير أُخرى
فلا تتوقّعين منّي التّصفيق لكِ فيما تنتهجينه من نهج
ولا هم فاعلون

Quote: لؤي يا صديق .. قريت 80% من البوست .. و بقول ليك بكل صراحة بوستك متحيز الي فئة معينة .. لمن تجي تدير حوار مع اشخاص لازم تكون متابع .. بتحاول انك تكون منطقى و محايد في كثير من الاحيان .. لكنك فشلت .. و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز .. كونك انت ما متابع و لا عارف ما بديك الحق انه تطلع ميادة غلطانة .. ودا دليل قاطع انه ادارتك للحوار فيها خلل كبير ..

الاخ حميدة
سلامات
هو فعلا ما محايد
وشكله ما عارف الحملة الاتعرضت ليها
لا وكمان بي عضمة لسانه قال فوق انه لم يدخل البوست اياه الا مرة واحدة
وانا بعتبر البوست كان مسرح العملية الاتعرضت ليها
وكمان ما متابع سلسلة الملاحقات الاتعرضت ليها انا بداء من محمد عادل وسيف مساعد ومصطفى محمود وكمية الشباب النوبيين في بوست فاروق حسني وووووووووو
المهم ما مشكلة
اختك قدرها وقدود
ونمشي مع اي زول حسب فهمه

Quote: لؤي يا صديق .. قريت 80% من البوست .. و بقول ليك بكل صراحة بوستك متحيز الي فئة معينة .. لمن تجي تدير حوار مع اشخاص لازم تكون متابع ..

عزيزي حُمّيدة
سلامات

برامج الكُرسي السّاخن
لا تقف بجانب الضّيف
وإنّما تحاول وضعه في كُرسي ساخن
معتمدة على كُلّ ما يثُار حول الشّخص أو دوره من سلبيّات أو قصور
والأمر هنا مشابه لذاك
أحاول الوصول لفهم ميّادة وطريقتها في التّعاطي مع الفئة التي تراها تستعديها
الحوار هنا مع ميّادة فقط
وليس معها ومع تلك الفئة في آنٍ واحد لأقف مع جهة دون الأُخرى
أنا هنا أنفرد بميّادة
لأُحاول تركيز نظرها على أفعالها
ورأي البعض في أسلوبها
كشخصيّة مثيرة للجّدل
وليس القصد أن أُثني على أفعالها أو أن أهاجم الفئة الأخرى
هذا الأمر أفعله حين استضيف أفراد تلك الفئة
وهذا هو البوست الأوّل
فكيف سيكون حُكمك حين أنحاز ضد تلك الفئة يومها ؟

Quote: بتحاول انك تكون منطقى و محايد في كثير من الاحيان .. لكنك فشلت ..

حُكم أحترمه
أحاول بالفعل
أحاول إيجاد حلول لخلق وسائل أفضل لمعالجة خلافاتنا
وليس من الضّروري أن أنجح
فهي مجرّد محاولة
قابلة للنّجاح أو كذلك للفشل

Quote: و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز ..

حينما استضيف الأخ عماد أو غيره يوماً
لن أتحدّث وقتها عمّا يرى هو أنّ ميّادة فعلته وجعلته يطاردها
يومها سأحاوره في مطاردته لها

Quote: كونك انت ما متابع و لا عارف ما بديك الحق انه تطلع ميادة غلطانة .. ودا دليل قاطع انه ادارتك للحوار فيها خلل كبير ..

البوست لتنوير ميّادة ببعض أخطائها
التي جعلتني أختارها لأنّها أحد أطراف الصّراعات
والتّركيز هنا على سليّات تصرّفاتها
والتي أراها غلطات في النّهج
فإن لم أكن اراها غلطانة
لما كان بوست الحوار معها
لذا لم تأت بجديد هنا
بالنّسبة للخلل في إدارتي للحوار
أحيلك إلى ما ذكرته مُسبقاً
أحاول إيجاد حلول لخلق وسائل أفضل لمعالجة خلافاتنا
وليس من الضّروري أن أنجح
فهي مجرّد محاولة
قابلة للنّجاح أو كذلك للفشل



تحاياي

Quote: كشخصيّة مثيرة للجّدل

مثيرة للجدل مررررررة واحدة كدا !!!!!!!!
الحكم دا ما كبير علي شوية
او لسع بدري مع عمري البوردي هنا

Quote: مثيرة للجدل مررررررة واحدة كدا !!!!!!!! الحكم دا ما كبير علي شوية او لسع بدري مع عمري البوردي هنا

ميّادة
ما هو الجّدل ؟
وما هي الإثارة ؟
مثيرة للجّدل لغويّاً تعني أنّك تجعلين أمر التّعاطي معك في أمر المناقشة أمراً مثيراً
ويصير الحديث معك عبارة عن نقاش حار وفيه الكثير من الأخذ والرّد
وأن الحديث عنكِ يكون مثيراً وفيه جدل بشأنِك
مثيرة للجّدل لا تعني سيّئة
وإنّما صفة أراها تتبعك مثلما تتبع العديد من عضوات وأعضاء هذا المكان
وحين أجلس وسط مجموعة بورداب
وأسمع ( إنتو ميّادة دي شنو ؟ )
أو ( إنتو رودا مردا دي شنو ؟ )
أو ( إنتو محمّد عادل دا شنو ؟ )
أو ( إنتو حُمّيدة دا شنو ؟ )
يكون في بالي أنّ الشّخصيّة المستفسر عنها
شخصيّة ( ملفتة ) ومثيرة للتّساؤل بشأنها
وهذا أمر يتكرّر حدوثه كثيراً في نقاشات البورداب
ويندر أن يكون السُّؤال
( إنتو هشام إبراهيم دا شنو ؟ )
أو ( إنتو حسن الطّيّب دا شنو ؟ )
أو ( إنتو وفاء تاج الدّين دي شنو ؟ )

Quote: أنّك تجعلين أمر التّعاطي معك في أمر المناقشة أمراً مثيراً ويصير الحديث معك عبارة عن نقاش حار وفيه الكثير من الأخذ والرّد وأن الحديث عنكِ يكون مثيراً وفيه جدل بشأنِك

ودي ميزة ولا مزمة

Quote: ودي ميزة ولا مزمة

دي صفة
دعتني لمحاورتك

Quote: مشكلة الناس في المنبر دا التصنيف وهل انا يوم اعلنت صراحة انتمائي السياسي الانطباع الماخذاه الناس ... بيرجع ليها هي وليس لي يد فيه انا توجهي لنفسي ومن نفسي وبمبادئ بعد داك توافقت هذه التوجهات مع رؤية جهة معينة او محددة هذه ليست مشكلتي ولا يعطي الحق لاحد بان يصنفنا وطبعا المشكلة الكبرى في المنبر دا تصنيف الناس كدا من طرف هذا امنجي ... هذا كوز ..... هذا مؤتمر وطني وفي نوع كدا بحكم من الظاهر والشكل يعني انا محجبة واقول الدين معناه انا كوزة ومؤتمر مع انو الاسلام والدين جاء قبل الكيزان انا اؤكد دائما وما زلت للان اني ليس لي انتماء سياسي لجهة معينة

ميّادة
يا أُختي

ما جعلني أقحم أمر الميول السّياسيّة
هو حديثك عن الأمر
بدون أيّ حُكم مسبق منّي بفرضيّة إنتمائك إلى جهة محدّدة
غير ما تعلنينه أنتِ بنفسك
بغير ذلك
لا علم لي بما في دواخل النّاس

Quote: ميّادة يا أُختي ما جعلني أقحم أمر الميول السّياسيّة هو حديثك عن الأمر بدون أيّ حُكم مسبق منّي بفرضيّة إنتمائك إلى جهة محدّدة

متى تحدثت انا عن الامر ؟؟؟؟؟؟؟
رجاء ان تاتيني بالاقتباس

Quote: Quote: ميّادة يا أُختي ما جعلني أقحم أمر الميول السّياسيّة هو حديثك عن الأمر بدون أيّ حُكم مسبق منّي بفرضيّة إنتمائك إلى جهة محدّدة

Quote: متى تحدثت انا عن الامر ؟؟؟؟؟؟؟ رجاء ان تاتيني بالاقتباس

حاضر يا ميّادة
عنيت هذا الحديث
العزيز لؤي
انصر اخي مظلوما لا ظالما
وليس لدي اعداء ..... وحقد تجاه احد بعينه
بل اختلاف في وجهات النظر والميول السياسيه ولا اعرف حمل العصي من المنتصف فيها


وتجدينه هنا :-

(( Re: سلسلة حوارات صريحة وبلا حساسيّة .. البداية مع (( مي...كمال )) فهل تقبلين ؟ ))



تحاياي

Quote: ( إنتو حُمّيدة دا شنو ؟ )

حلوة ..
بعد خمستاشر سنة خدمة .. البسألك السؤال دا اديهو تلفوني ..
ما بتمنى انه يوم اجي ألقى بوست ذي دا بأسـمي ..
مشكلة سودانيزاونلاين يا حبوب هي الانحياز للباطل بمثل هذه البوستات ..
اشانة السمعة التي تعرضت لها ميادة من سيف مساعد و مصطفى محمود لا تدخل في باب تعالوا يا جماعة نشوف الغلطان منو ..
الموضوع دا واضح جدا لجميع الاطراف .. ما عداك انت و مصطفى محمود و سيف مساعد ..

يلا حاور ميادة في اي حاجة تانية .. بس ما ليك الحق انك تدخل في موضوع سيف مساعد و مصطفى محمود بدون ادانة قوية لفعلهم .. و الإعتذار بأسم الشعب السوداني البطل عن افعالهم الما بتشبهنا ..
حكاية انك تركبهم كلهم في سرج واحد .. بتنسف فكرة البوست بتاعك دا .. حتي لو كررت كلامك الفوق دا مية مرة ..
و لو في اللقاء بتاعك دا بتستقبل تلفونات علي الهواء مباشرة .. كان ضربت ليك و قلت ليك .. ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن ..
يا تقول رأيك بصراحة .. يا تقول ( فاصل و نواصل ) .. و تجيب لينا دعاية بيبيسي ..

Quote: حلوة .. بعد خمستاشر سنة خدمة .. البسألك السؤال دا اديهو تلفوني .. ما بتمنى انه يوم اجي ألقى بوست ذي دا بأسـمي .. مشكلة سودانيزاونلاين يا حبوب هي الانحياز للباطل بمثل هذه البوستات .. اشانة السمعة التي تعرضت لها ميادة من سيف مساعد و مصطفى محمود لا تدخل في باب تعالوا يا جماعة نشوف الغلطان منو .. الموضوع دا واضح جدا لجميع الاطراف .. ما عداك انت و مصطفى محمود و سيف مساعد .. يلا حاور ميادة في اي حاجة تانية .. بس ما ليك الحق انك تدخل في موضوع سيف مساعد و مصطفى محمود بدون ادانة قوية لفعلهم .. و الإعتذار بأسم الشعب السوداني البطل عن افعالهم الما بتشبهنا .. حكاية انك تركبهم كلهم في سرج واحد .. بتنسف فكرة البوست بتاعك دا .. حتي لو كررت كلامك الفوق دا مية مرة .. و لو في اللقاء بتاعك دا بتستقبل تلفونات علي الهواء مباشرة .. كان ضربت ليك و قلت ليك .. ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن .. يا تقول رأيك بصراحة .. يا تقول ( فاصل و نواصل ) .. و تجيب لينا دعاية بيبيسي ..

ليك إنت وقتها حأقول ليك أنا منحاز لما فعله مصطفى محمود وسيف مساعد

Quote: ما رأيك يا استاذ لؤي في اتهام سيف مساعد لميادة انها ( بت ما كويسة ) و قبضوها في وضع مخل في المقرن ..

Quote: ذلك الذي تتعرّض له النساء في هذا العالم ((الرجالي)) أمر فظيع ومخيف ، وقد أصبح منبرنا هذا صورة مصغّرة لهذا العالم الغريب ، الأمر الذى يدعو للتساؤل والحيرة .. هل هى محاولات لتأكيد ((رجولة)) هذا العالم ؟ ولتأكيد هيمنة الرجال على هذا العالم ؟ وهل لاتكون الرجولة إلاّ بقهر وإضطهاد النساء وتشويه ملامحهن في كل سانحة ؟ الفتاة السودانية شأنها شأن المرأة في كل مكان هي أصل الحياة لو تمعّنا في التفكير في هذا الأمر البسيط ، وقد أثبتت نجاحها وكفاءتها في لعب دورها التربوي ، نجحت في لعب دورها كرفيقة للرجل تسانده وتقف معه في كل عثراته وتخَبّطه الذي صار في الغالب الأعم سمة من سماته ، نجحت المرأة في رفعه ورفع شأنه رغم متانة ((عضالته)) التي لاتقوى على رفعه من سقطاته عندما تتحكم الخمور في عقله ((الفذ)) . الدعوة لأولئك الذين لا يرون المرأة سوى عنصر خُلق لتلبية مُختَلف رغباتهم ، الدعوة لهم للنظر للحياة بمنظار الواقعية وبنظرة لاتحتاج منّا سوى للقليل من الصدق مع النفس والقناعة والمنطق . المرأة عزيزي الرجل هي أساس هذه الحياة وما انت إلاّ ذاك العنصر الذي خُلق لتلبية رغباتها لتسير الحياة . المرأة تحتاج منّا لتشجيع وحُب واحترام ، لا لقهر وسب واضطهاد .. الرجل أصبح في أغلب الأحيان شبح مُخيف يهدد أمن المرأة وثقتها بنفسها ، أمر مُحيّر فعلاً ان تنتهي معظم الحوارات التي يختلف فيها النساء والرجال فى الرأي ، "الأمر الطبيعي جدا"ً ، مُحيّر ان تنتهي كل معظم تلك النقاشات بالتعرّض لشكل التربية والشرف والعفاف ، وكأن الشرف والعفاف هما القالبان الوحيدان الذان يشكّلان النساء والوحيدان الذان يصلحان للحُكم عليهن ، وكأن الرجل هو الحكم والقاضي في هذا الكون للحُكم على شرف وعفاف المرأة ، وكأن الشرف والعفاف لهما شكل واحد يحدّده الرجال حسب مفاهيمهم وآرائهم التي أتساءل من يؤكّد رجاحتها ؟؟ ومن يحكُم علينا نحن الرجال وعلى شرفنا وعفافنا ((وطُهرنا)) ؟؟ للذين اعتادوا شتم وسب وقهر واضطهاد وربّما ضرب اخواتهم والنساء من حولهم ، إكتفوا رجاءً بممارسة أفعالكم المريضة هناك حيث نشأتم ، لكن عُذراً أرجو ألاّ تجلبوا لنا هنا في هذا المكان الراقي والنقي تلك المفاهيم والقناعات التي لاتصلح إلاّ للتعامل مع أمثالكم . ولأمّي وأختي ولكل نساء العالم ونساء بلادي ، شديد إعتذاري لكوني رجل . وإن كانت الرجولة بإعلاء الأصوات وبالسب والشتم والتجريح والتحرُش بمختلف أنواعه والضرب والتحكُم فى النساء وإضطهادهن فانا ليس برجل ومتنازل عن رجولتي التي لا أفخر بها ..

إعتراف .. (( انا ماراجل ))

إعتراف .. (( انا ماراجل ))






-

Quote: ليك إنت وقتها حأقول ليك أنا منحاز لما فعله مصطفى محمود وسيف مساعد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: ليك إنت وقتها حأقول ليك أنا منحاز لما فعله مصطفى محمود وسيف مساعد

طوالي حأرد ليك .. يا لؤي كلامهم دا ما بشبهك .. حتي لو كان مناصرتك ليهم من باب مكاواتي ..

Quote: طوالي حأرد ليك .. يا لؤي كلامهم دا ما بشبهك .. حتي لو كان مناصرتك ليهم من باب مكاواتي ..

وهنا كان بيشبهني كيف ؟

Quote: مشكلة سودانيزاونلاين يا حبوب هي الانحياز للباطل بمثل هذه البوستات ..

Quote: الموضوع دا واضح جدا لجميع الاطراف .. ما عداك انت و مصطفى محمود و سيف مساعد ..

ما الغريب إن كنت قبل قليل منحازاً للباطل حسب رأيك ؟

لؤي

مساء الخير


والله من قبيل متابعة الحوار ورغم تحفظي ..إحترمت ميادة لقبولا المحاورة فدي سماحة نفس تحسب لها ..رغم

أني ما عارفة بديت بيها ليه ؟ ، ميادة رغم إختلافي مع الكتير من أفكارا إلا أنها إتعرضت للهجوم

كان أوفر للحد البعيد ..



ولأني إفترضت فيك الحياد فردك على حميدة ما كان موفق وبنسف فكرة البوست البدت حسنة النية ..


وأنا ما كوت كلامك عشان ما يخرب فكرة البوست فإذا كنت بتمزح يا ريت تستدرك ، وإذا كنت بتعني كلامك


فده شيء تاني ..

Quote: ولأني إفترضت فيك الحياد فردك على حميدة ما كان موفق وبنسف فكرة البوست البدت حسنة النية .. وأنا ما كوت كلامك عشان ما يخرب فكرة البوست فإذا كنت بتمزح يا ريت تستدرك ، وإذا كنت بتعني كلامك فده شيء تاني ..

داليا
مساك سعيد

ردّي على حُمّيدة كان ( لحُمّيدة فقط )
وهو ما عنيته بعبارتي ( ليك إنت وقتها حأقول ليك )
أمّا ردّي لمن يـ/تـ/ـتابع إن كنت منحازاً للرّأي الذي يمسّ عفاف وطُهر أُختي ميّادة
فقد أوردته في مُداخلتي اللاحقة هنا :-
(( Re: سلسلة حوارات صريحة وبلا حساسيّة .. البداية مع (( مي...كمال )) فهل تقبلين ؟ ))



تحاياي وتقديري

داليا حافظ يا حبيبة
سلامات وشكرا على حسن الظن

Quote: والله من قبيل متابعة الحوار ورغم تحفظي ..إحترمت ميادة لقبولا المحاورة فدي سماحة نفس تحسب لها ..رغم

تسلمي يا حبوبة مافي شئ بخليني ارفض الحوار حتى مع الشيطان
سلمكم الله
وما تواجدنا هنا الا لتبادل الحوار والافكار والاراء
بدون همز ولمز
ودي كرهتي في الدنيا
لاني وقتها بقول للاعوار انت اعور في عينك

Quote: تسلمي يا حبوبة مافي شئ بخليني ارفض الحوار حتى مع الشيطان سلمكم الله وما تواجدنا هنا الا لتبادل الحوار والافكار والاراء بدون همز ولمز ودي كرهتي في الدنيا لاني وقتها بقول للاعوار انت اعور في عينك

حلووووووووووو
بس خلّيك لذيذة ورايقة كدا
وأصبري معاي للآخر بنفس الشّروط
لا تزعلي ولا تتعصّبي ولا تدسّي النّصيحة
إنتي وانا خلّينا رايقين مع بعض عشان نصل
أمّا ناس عماد وحُمّيدة والمهاترين والمهاترات ديل بندقّهم سوا إنتي وأنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا تتعجّبي يا ميّادة
إن كان فهم حُمّيدة عن فكرة هذا البوست حُكم صادر
وهو فهم عن أنّي منحاز للباطل
ومؤيّد لمواقف الفئة التي تستعديك
فلن يصلح الجدال
ولن يغيّر ردّي بالنّفي رأيه
لذا سيكون ردّي وقتها ( عليه ) ( كويّس إنّك عارف طيّب )

Quote: إن كان فهم حُمّيدة عن فكرة هذا البوست حُكم صادر

ما قلنا ما نحكم علي الناس بالظاهر .. انت بتخالف كلامك مالك ..
يا لؤي .. معليش كان ما اتوفقت انه اوصل ليك فكرتي ..
بوستات ذي البوست بتاعك دا .. يصلح لمن يكون الجو العام جو نضيف .. يعني و الله لو ابتديت بأي زول غير ميادة كمال كان كلنا استمتعنا ..
بس في حالة ميادة بالتحديد ما بنفع الحياد .. لانه ما اتعرضت ليهو حاجة شينة جدا بكل المقاييس ..

Quote: ما قلنا ما نحكم علي الناس بالظاهر .. انت بتخالف كلامك مالك ..

حديثي كان عنك وليس عنّي
أنت من يحكم على نواياي وليس أنا

Quote: يا لؤي .. معليش كان ما اتوفقت انه اوصل ليك فكرتي ..

لا صدّقني إتوفّقت توصّلها

Quote: بوستات ذي البوست بتاعك دا .. يصلح لمن يكون الجو العام جو نضيف .. يعني و الله لو ابتديت بأي زول غير ميادة كمال كان كلنا استمتعنا .. بس في حالة ميادة بالتحديد ما بنفع الحياد .. لانه ما اتعرضت ليهو حاجة شينة جدا بكل المقاييس ..

ليس هناك حياد أو إنحياز
فأنا لا أجالس مجموعتين
أنا أحاور شخص بخصوص أسلوب
ولا أناقش قضيّة الخلاف
ولها أن تذكر أسباب إتّخاذها لهذا النّهج
كما فعلت
ومن هناك يتحدّد رأيّي في نهجها
وإمكانيّة علاجه
أن تتحوّل ميّادة إلى وحش
بفعل فاعل
لا يعني غفراني عن الفاعل
وشنقي لها
لكنّي أحاول الوصول لأسباب تحوّلها لوحش
ومحاولة إيجاد علاج للأمر بعد ذلك
أمّا أمر إختياري لها هي في البدء
بمنتهى البساطة
لأنّي استطيع رؤية الكائن الخيّر النظيف في داخلها
والذي يمكن إنبات أزهاره بيُسر
يجعل الكفّة الأولى من أقطاب المشكلة مستجيبة لفكرة الحل
ممّا يسهّل أمر التّعامل مع الكفّة الأصعب فيما بعد
وإلاّ صرت مترنحّاً بين اليمين واليسار
وأسلوب ( أها شوفها قالت شنو ؟ ) ( أها شوفو قال شنو ؟ )

Quote: أنا أحاور شخص بخصوص أسلوب ولا أناقش قضيّة الخلاف ولها أن تذكر أسباب إتّخاذها لهذا النّهج كما فعلت ومن هناك يتحدّد رأيّي في نهجها وإمكانيّة علاجه أن تتحوّل ميّادة إلى وحش بفعل فاعل لا يعني غفراني عن الفاعل وشنقي لها

صدقني مهما نحكي ونقول ونعيد
برضو ما حنصل لنقطة متفق عليها
وكاننا بنحرث في البحر
طالما ما حيتم نقاش الاسباب اللي دفعت للصدور ذلك المسلك مني
ولا النتائج الحتتوصل ليها حتكون منطقية طلما تريد ان تقفز للامام بدون ان تهمك المقدمة

Quote: أن تتحوّل ميّادة إلى وحش

كدا إثنين
وتعال قول لي دا مدح دفعك لمحاورتي !!!!!!!!!!!!!!!!!

Quote: صدقني مهما نحكي ونقول ونعيد برضو ما حنصل لنقطة متفق عليها وكاننا بنحرث في البحر طالما ما حيتم نقاش الاسباب اللي دفعت للصدور ذلك المسلك مني ولا النتائج الحتتوصل ليها حتكون منطقية طلما تريد ان تقفز للامام بدون ان تهمك المقدمة

بنصل كان قلتي خير
وذاك أمر أناقشه مع من بدر منـ/ـهم/ـن
فصبراً
طوّلي بالك وما تيأسي

Quote: كدا إثنين وتعال قول لي دا مدح دفعك لمحاورتي !!!!!!!!!!!!!!!!!

أحسبي لي دا برضو
(( أمّا أمر إختياري لها هي في البدء
بمنتهى البساطة
لأنّي استطيع رؤية الكائن الخيّر النظيف في داخلها
والذي يمكن إنبات أزهاره بيُسر ))
وحاولي تقري كلماتي بمعاني مقاصدها
لا بمعاني كلماتها
أنا لا اعني أنّك تحملين أنياباً بارزة
وصوف أشعث على جسدك
أنا أعني الوحشيّة في التّعامل بخشونة وعنف
ممّا يفقدك المقدرة على التّصرّف بحكمة
الأمر الذي ينعكس سلباً عليك
فتكوني الخاسرة في الحالين

Quote: كنّي أحاول الوصول لأسباب تحوّلها لوحش

وحش عديل كدا ..
كان كدا نتخارج .. قبل ما تطلعنا طرزانات ..

..
..

Quote: وحش عديل كدا .. كان كدا نتخارج .. قبل ما تطلعنا طرزانات ..

قُل خيراً أو أصمت يا شيتا

خيراً فعلت
موزة ما تعتّر ليك

Quote: وحش عديل كدا .. كان كدا نتخارج .. قبل ما تطلعنا طرزانات

حمييييييييييدة
عااااااااالم جبانات
ماشي وين
خليك قاعد
ان شاء الله نطلع شواطين
ما مشكلة

Quote: حمييييييييييدة عااااااااالم جبانات ماشي وين خليك قاعد ان شاء الله نطلع شواطين ما مشكلة

شواطين ولاّ قاقرين ؟

خلّيهو يتخارج
عشان نعرف نتفاهم معاك




وركّزي معاي

طيّب يا ميأدة
كدا بديت أفهمك شديد
والحوار أفادني جدّاً في فهمك
بس عندي سؤال يا ميّادة
لو أنا شتمتِك
وردّيتي علي بالشّتيمة
وطاردتك في كم بوست شتمتك
وردّيتي على بالشّتيمة في كم بوست
بعد كم يوم هدنة أو غياب لي من المنبر
رجعت
أو المهم كتبت بوست
لا علاقه له بكِ
عن عمل فنّي مثلاً للأُستاذ محمّد وردي
عاوز بس أعرف لو حاتدخلي لي في البوست وتناكفيني ؟
وتستهزأي بالأُستاذ وردي ؟
ولاّ خلاص ساكت منّك بتسكتي منّي وتكتفي بما حدث بيننا فيما سبق من بوستات ؟

Quote: طيّب يا ميأدة كدا بديت أفهمك شديد والحوار أفادني جدّاً في فهمك بس عندي سؤال يا ميّادة لو أنا شتمتِك وردّيتي علي بالشّتيمة وطاردتك في كم بوست شتمتك وردّيتي على بالشّتيمة في كم بوست بعد كم يوم هدنة أو غياب لي من المنبر رجعت أو المهم كتبت بوست لا علاقه له بكِ عن عمل فنّي مثلاً للأُستاذ محمّد وردي عاوز بس أعرف لو حاتدخلي لي في البوست وتناكفيني ؟ وتستهزأي بالأُستاذ وردي ؟ ولاّ خلاص ساكت منّك بتسكتي منّي وتكتفي بما حدث بيننا فيما سبق من بوستات ؟

سبحان الله
بتسالني شئ انا استقبحته لما مورس معاي
ومن باب اولى طالما انا استقبحته
فما بحب اسلك نفس السلوك

Quote: سبحان الله بتسالني شئ انا استقبحته لما مورس معاي ومن باب اولى طالما انا استقبحته فما بحب اسلك نفس السلوك

طيّب جميل
يلاّ فهّميني حاجة
في بوست إتسحب أمبارح
كانت عندي فيهو مُداخلة
قام بكتابته زميل إسمه ( ذو اليد )
يسأل فيه الأخ باشمهندس بكري
أن يعيد باسوورد أُخت إسمها ( عواطف أحمد إسحاق )
وتداخل معه الأخ تمبس سائلاً إيّاه من هي تلك العواطف
والتي قال الأخ ذو اليد في صدر البوست :
إنّها أحد أعلام السُّودان
ولعدم إلمامي التّام بكُلّ تفاصيل سيرة الأُخت عواطف
لجأت للقراءة عنها في كم موقع
ووجدت لها سيرة حسنة
ومدح لأنشطتها
ولعبها دور إيجابي جدّاً في الجّانب التوعوي
وقوّة إرادة في تحقيق طموحات تعود بالفائدة على المجتمع
فقمت بإيراد ما قرأته عنها بوضعي لوصلات لتلك المواقع التي وجدت فيها سيرتها

فوجئت بعد قليل بدخولك للبوست
دون أن يتم ذكرك في البوست
وتوجيهك لعبارات حادّة
لا أعلم حقّاً السّبب وراءها
ولو كُنت أنا عواطف
لتضايقت جدّاً ممّا كتبتيه هناك
مستهجنة بحدّة وصفها بالعلم من أعلام السُّودان



نوّريني

مع انو من اسلوبك الاخيرالغرض من البوست وضح لي

Quote: طيّب جميل يلاّ فهّميني حاجة في بوست إتسحب أمبارح كانت عندي فيهو مُداخلة قام بكتابته زميل إسمه ( ذو اليد ) يسأل فيه الأخ باشمهندس بكري أن يعيد باسوورد أُخت إسمها ( عواطف أحمد إسحاق ) وتداخل معه الأخ تمبس سائلاً إيّاه من هي تلك العواطف والتي قال الأخ ذو اليد في صدر البوست : إنّها أحد أعلام السُّودان ولعدم إلمامي التّام بكُلّ تفاصيل سيرة الأُخت عواطف لجأت للقراءة عنها في كم موقع ووجدت لها سيرة حسنة ومدح لأنشطتها ولعبها دور إيجابي جدّاً في الجّانب التوعوي وقوّة إرادة في تحقيق طموحات تعود بالفائدة على المجتمع فقمت بإيراد ما قرأته عنها بوضعي لوصلات لتلك المواقع التي وجدت فيها سيرتها فوجئت بعد قليل بدخولك للبوست دون أن يتم ذكرك في البوست وتوجيهك لعبارات حادّة لا أعلم حقّاً السّبب وراءها ولو كُنت أنا عواطف لتضايقت جدّاً ممّا كتبتيه هناك مستهجنة بحدّة وصفها بالعلم من أعلام السُّودان نوّريني

لا اعتقد انو بكري ابو بكر محدد معايير معينة لدخول بوست ما
ولا اعتقد من ضمنها انو الزول يخش في البوست الاسمه فيه


ايوا دخلت واستنكرت كلام الاخ ذو اليد
خاصة بي وصفه لها بعلم من اعلام السودان
فمع احترامي للاخت عواطف
الا انو وصف علم من اعلام السودان لا ينطبق عليها
بالذات في مجال الاعلام ما ممكن نوصف لينا زول كتب ليه كم جريدة حائطية كدا (وبرضو مع احترامي لما قامت بيه من مجهود) انها علم من اعلام السودان
يعني ناس شمو واستاذ محجوب واستاذ عروة ديل يمشوا وين
لانو الدرجات دي الزول بوصل ليها بعد تراكمات خبرات طويييييلة
ودي ليها كم سنة لا يتعدوا باصبع اليد
يجي يقولوا لينا علم من اعلام السودان


*** تخريمة
شايفاك قلت البوست اتمسح
هل لي يد فيه

Quote: مع انو من اسلوبك الاخيرالغرض من البوست وضح لي

يا ميّادة
إنتي ما سامعة الأُغنية الفي الخلفيّة دي ؟
بابا بيقول ( نخلط الجّد بالهزار )

Quote: لا اعتقد انو بكري ابو بكر محدد معايير معينة لدخول بوست ما ولا اعتقد من ضمنها انو الزول يخش في البوست الاسمه فيه

ما في زول قال ممنوع دخولك للبوست
ولا في زول قال ما مفروض تعلّقي
أنا سألتك قبلها لو شتمتك وشتمتيني وخلّيتك بعد داك
ورجعت فتحت بوست ما عندك علاقة بيهو
حاتطارديني وتناكفيني ؟
قلتي إنّك مستحيل تعملي حاجة إنتي شخصيّاً عانيتي منّها
ودا الخلاّني أسأل
ليه دخولك كان حاد ومستفز ؟

Quote: ايوا دخلت واستنكرت كلام الاخ ذو اليد خاصة بي وصفه لها بعلم من اعلام السودان فمع احترامي للاخت عواطف الا انو وصف علم من اعلام السودان لا ينطبق عليها بالذات في مجال الاعلام ما ممكن نوصف لينا زول كتب ليه كم جريدة حائطية كدا (وبرضو مع احترامي لما قامت بيه من مجهود) انها علم من اعلام السودان يعني ناس شمو واستاذ محجوب واستاذ عروة ديل يمشوا وين لانو الدرجات دي الزول بوصل ليها بعد تراكمات خبرات طويييييلة ودي ليها كم سنة لا يتعدوا باصبع اليد يجي يقولوا لينا علم من اعلام السودان

طيّب يا ميّادة
السُّؤال المهم
هل ما كان ممكن الكلام يتقال بشكل لطيف ورايق ؟
بدون ما يكون بنبرة جارحة وحادّة ؟
لفتت نظري أنا ؟
والسُّؤال التّالي له
هل كان في سبب للحدّة غير موضوع البوست ؟
يعني لشيء له علاقة بكاتب البوست ؟
أو عواطف ؟
أو لشيء مرتبط بشيء قاما به لم يعجبك ؟

Quote: *** تخريمة شايفاك قلت البوست اتمسح هل لي يد فيه

لا
لا أعتقد
أعتقد إتمسح لنفس السّبب الذي أعتقد حُذفت به بوستاتك
وهو أمر كتابة بوست للأخ بكري
بدل مكاتبته عن طريق الإيميل




مجرّد ظن

Quote: لفتت نظري أنا ؟

إنت منو !!!!!!!!

Quote: أو عواطف ؟

ما عندي سابق معرفة
ولا سمعت بيها قبال كدا
ولانو زي ما قلت ليك دا مجال اعلام
فما ممكن يجوا يلصقوا لينا اسم كعلم
انا جني وجن المبالغة


والغريبة شايفاك قلت تمبس جاء من قبلي وانتقده
اها مالك ما مسكت فيه
ولا ميادة حيطتكم القصيرة

Quote: إنت منو !!!!!!!!

ضمير المتحدّث

Quote: ما عندي سابق معرفة ولا سمعت بيها قبال كدا ولانو زي ما قلت ليك دا مجال اعلام فما ممكن يجوا يلصقوا لينا اسم كعلم انا جني وجن المبالغة

السُّوال كان
( لماذا الحدّة ؟ )
( ما الدّاعي لها ؟ )
لم يكن السُّؤال ( لماذا الإعتراض ؟ )

Quote: والغريبة شايفاك قلت تمبس جاء من قبلي وانتقده اها مالك ما مسكت فيه ولا ميادة حيطتكم القصيرة

بالضّبط كدا
رغم عدم إلمامي بمعى إشارة صيغة ضمير الجّمع في ( حيطتكم ) هنا

Quote: بنصل كان قلتي خير

خير
كمل يا اخوي
وناس حميده ديل رشششششششششهم
وانا موش طلعت وحش كان لميت فيهم باكلهم ليك بسنوني
لالا قصدي بلساني

Quote: وانا موش طلعت وحش كان لميت فيهم باكلهم ليك بسنوني لالا قصدي بلساني

دا لو ما إتقطع في البوست دا





فأنا شايف أحسن تلمّيهو
ونكون وصلنا لغرضي
وبدون جراحة

Quote: فأنا شايف أحسن تلمّيهو ونكون وصلنا لغرضي وبدون جراحة

طيب ما كان من الاول
كان تقول انو الغرض كدا
والله كان وفرت ليك تعب المصاقرة في بوست يومين
معقولة !!!!!!!!!!!!


اكيد بتهظر
عليك الله قول لي انك بتهزر
عشان ما اغير الفكرة الكويسة الخاتاها ليك في ذهني وكدا

وادرك شهرزاد الصباح و سكت عن الكلام المباح ..

..
..

لؤي يقطع لسان ميادة .. ( النتيجة واحد صفر لصالح الحكم من هدف تسلل ) ..

Quote: وادرك شهرزاد الصباح و سكت عن الكلام المباح ..

وعادت القرود للصّياح




حُمّيدة الله يرضى عليك
منتدى الرّباطاب تجده هنا :-
(( http://alrobatabforumotion.ahlamountada.com/montada-f1/ ))

.

Quote: اكيد بتهظر عليك الله قول لي انك بتهزر

أقول بهظّر ؟
ولاّ بهزّر ؟؟

Quote: دا لو ما إتقطع في البوست دا

أضبط حالة خرق لروح الحوار اللي نادى بيه السيد لؤي !!!!!!!!!!
دا تهديد مغلف

تحية لميادة الانقاذية







_

واحد مناتل

Quote: تحية لميادة الانقاذية _ واحد مناتل

يا حيدر يا اخي

نحن بنتبهدل على قولة عادل امام

Quote: يا حيدر يا اخي نحن بنتبهدل على قولة عادل امام

إنتي ؟
هه



إنتي تبهدلي بلد
الله يسترنا معاك بس

Quote: إنتي ؟ هه إنتي تبهدلي بلد الله يسترنا معاك بس

خلّيك جادّي النّاس متابعة

Quote: تحية لميادة الانقاذية _ واحد مناتل

أخي واحد مناتل
مساء الخير

ميّادة قالت ما عندها أيّة ميول سياسيّة
وهذا منّا للإعتماد




سلمت أخ حيدر

Quote: أضبط حالة خرق لروح الحوار اللي نادى بيه السيد لؤي !!!!!!!!!! دا تهديد مغلف

صحي صحي محتاجة محامي
هسّع أنا قلت أنا الحأقطعو ؟
مُش يمكن يتقطع من طولو



خلّيك جادّة النّاس متابعة

Quote: حُمّيدة الله يرضى عليك منتدى الرّباطاب تجده هنا

Quote: Quote: حُمّيدة الله يرضى عليك منتدى الرّباطاب تجده هنا

عُمران
سلامات

سلسيون بملاح ويكة ياخ



من أين أتى هؤلاء ؟

Quote: وعادت القرود للصّياح

احي انا ياخي .. عشان كدا قلنا الناس لمن تبدأ ليها بوست ما تبدأهو بالحكم و المواعظ .. لانه الغريق قدام ..
وين يا عمك ضبط الاعصاب .. و تحلي بالصبر .. و المروءة .. و اغاثة الملهوف .. و اكرام الضيف ..

يا حليلك يا حبوبتي بتول .. قالت لي يا محمد يا ولدي كرهتني لعب البلي زاتو ..

و بمناسبة القرود دي ..
و بما انه سيد البوست طلع ( لباسه ضيقه ) .. لا يسعنا في الختام ألا ان نقول من خلال مكبرات الصوت .. ( يلا يا جماعة .. كل ككو يطلع شدرتو ) .. و سكة للخارج ..

..
..

في ناصية الشارع كان ايمن و مصطفى يتهامسان .. ( ياخي انت العريس دا مالو شين كدا ) ..

Quote: في ناصية الشارع كان ايمن و مصطفى يتهامسان .. ( ياخي انت العريس دا مالو شين كدا ) ..

أها يا عريس
وما الذي فعلته بعد ما سمعته منهما ؟

Dear Luai
salamat
ميادة رغم احتلافي معها اراها واضحة جدا
تدافع عن افكارها بقدر ما تسمح ليهاالمساحة المتاحة في المنبر
افضل بكثير من ناس بي شنباتا ومن غير شنب لا هم لهم الا في الفارغة
اختلافها مع اخوانها في الضفة التانية ليس بالامر الجلل لو كان هناك مراعاة لاصول الاختلاف
هم يخطئون وهي تخطئ وفي النهاية بشر وخيرهم من يقر بالخطأ
محاكمة ميادة على خلفية الخلافات التي وقعت مؤخرا اراها في غير مكانها

Quote: Dear Luai salamat ميادة رغم احتلافي معها اراها واضحة جدا تدافع عن افكارها بقدر ما تسمح ليهاالمساحة المتاحة في المنبر افضل بكثير من ناس بي شنباتا ومن غير شنب لا هم لهم الا في الفارغة اختلافها مع اخوانها في الضفة التانية ليس بالامر الجلل لو كان هناك مراعاة لاصول الاختلاف هم يخطئون وهي تخطئ وفي النهاية بشر وخيرهم من يقر بالخطأ محاكمة ميادة على خلفية الخلافات التي وقعت مؤخرا اراها في غير مكانها

أخي حيدر
وأنا وحتماً غيري كذلك
صرنا نعرف ميّادة أكثر اليوم أعتقد
فقط تأكّد من شيء
ليس هذه بمحاكمة على الإطلاق




تحاياي وتقديري

Quote: احي انا ياخي .. عشان كدا قلنا الناس لمن تبدأ ليها بوست ما تبدأهو بالحكم و المواعظ .. لانه الغريق قدام .. وين يا عمك ضبط الاعصاب .. و تحلي بالصبر .. و المروءة .. و اغاثة الملهوف .. و اكرام الضيف ..

ما هو أنا لو عارفك إنت بتدخل
كُنت استعنت بصديق

Quote: يا حليلك يا حبوبتي بتول .. قالت لي يا محمد يا ولدي كرهتني لعب البلي زاتو ..

صدقت حبّوبة بتول
أعانها الله

Quote: الدّكتور مصطفى محمود

سلامات يالؤى

ياخ لىّ زمن بباصر لىّ فى وقت لحوار مفتوح مع د. مصطفى محمود
وعندى اسئلة استراتيجية تخص الكيفية اللى ممكن نهزم بيها {الكيزان}
تداخلت فى واحد من البوستات خاصتو ومالقيت اجابة

ونفسى اعرف برضو , كيف ممكن نهزم هؤلاء الجماعة
ونفسى برضو اعرف كيفية النضال المؤسس اللى مابيفصل فى انحيازو بين الوطن والمرأة كانسان

فلو سمحت يالؤى تدينى فرصة معاك,
لو لحدى الوكت داك مالقيت لىّ زمن فاطرح ليهو كلامى ده
كاحد افراد الجمهور الكريم المتابع

Quote: سلامات يالؤى ياخ لىّ زمن بباصر لىّ فى وقت لحوار مفتوح مع د. مصطفى محمود وعندى اسئلة استراتيجية تخص الكيفية اللى ممكن نهزم بيها {الكيزان} تداخلت فى واحد من البوستات خاصتو ومالقيت اجابة ونفسى اعرف برضو , كيف ممكن نهزم هؤلاء الجماعة ونفسى برضو اعرف كيفية النضال المؤسس اللى مابيفصل فى انحيازو بين الوطن والمرأة كانسان فلو سمحت يالؤى تدينى فرصة معاك, لو لحدى الوكت داك مالقيت لىّ زمن فاطرح ليهو كلامى ده كاحد افراد الجمهور الكريم المتابع

سلامات يا دكتورة
كيفك وكيف العيال ؟




تدفعي كم ؟

ـــ
كتب حميدة زاجاً بإسمي مما جعلني لتداخل مرة أخري

Quote: و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز ..

وحتي لا أتسرع وأصف حميدة بأقذع الأوصاف بناءً علي هذا الإتهام أريد أن يرد علي الأتي وأتمناه خارج هذا البوست

ماهو تعريفك للمطاردة ؟! ومتي وأين طاردة ميادة كمال ؟! وهات الإثبات ؟! وماهو هدفي من المطاردة ؟!


في حالة لما تأتي بدليل يحق لي أن أسامحك إن شئت ويحق لي أن أصف ما يليق بك
.

Quote: وحتي لا أتسرع وأصف حميدة بأقذع الأوصاف بناءً علي هذا الإتهام أريد أن يرد علي الأتي وأتمناه خارج هذا البوست

أخي عماد
لو تسمح لي

نحاول كما ترى درء الفتن
والتّقليل ما استطعنا من حدّة الخلافات
وأسلوب الشّتم والتّنكيل والإحتقار
وهو ما لا يرضاه شخص في نفسه
لذا آمل أن نحاول الوصول لأغراضنا عبر حوار هادئ
دون حاجة لاستخدام أدوات الوصف بأقذع الاوصاف وما شابه
لا خارج هذا البوست ولا في غيره أو فيه

ومعك في إنتظار رد حُمّيدة عليك





تحاياي وتقديري

الأخ لؤي

لقد كنت في السابق احترمك


كبوردابي محترم


كشخصية سودانية


هادئة ورزينة


وعاقلة


واتابع كل ما تكتبه قبل ان أحط رحالي هنا


ولكنني اليوم



بلا شك احترمك أكثر




متابع لهذا الحوار الجاد والمفيد جدا

وقيل رحم الله إمرئ أهدى إلي عيوبي

ولا يخلو كل منا من عيوب هنا وهناك

وأشكر هنا سعة صدر ميادة كمال لتقبلها هذا الحوار


وأكيد اكيد سوف تستفيد منه أكثر لأنه بمثابة المرآة التي تعكس آراء البورداب

ولا أعتقد بوجود ضرر فيه لميادة كمال أو غيرها

والإنسان دائما يقيَم بواسطة محيطه ومجتمعه الذي يعيش فيه

والأغلبية لاتجتمع على الباطل مطلقاً

وأرجو أن تفتح في الختام فرصة لمشاركة الأعضاء في الحوار الجاد

حتى نستفيد كلنا من ذلك...

والمشكلة ليست متعلقة بالتربية  ولكن لها دوافعها الخاصة في هذا البورد

اقــــــول هذا ونحن كسودانيين وفي ثقافتنا وتربيتنا على امتداد هذا الوطن الميل ميل مربع

عندنا الراجـــل البشاكل النســــوان أكيد راجل ما كويس وباطل...

وبرضو المرة البتشاكل الرجال برضو المجتمع عنده فيها نظرة ما كويسة

وحوارك ده الشــــــاهد منه أننا لا بد لنا من تعلم آداب الحوار

وكذلك آداب الإختــــــــلاف


كل الود لكم

بالجنبة:
أقف من الجميع على مسافة واحدة ... وأحترم كل من يحترمني
يعني محايد

Quote: وبرضو المرة البتشاكل الرجال برضو المجتمع عنده فيها نظرة ما كويسة

و لو الراجل دا جا قال المرة دي ما كويسة .. تبكي بس يعني .. !!

..
..

ما عارف ليه بعد قريت كلامك اتذكرت سنبل بتاع عالم المظلات ..

..
..

لؤي ..
خلاص و الله ماشي .. تشيلسي و مانشستر يا مان .. ( اشتري ليك كرت ياخي ) .. احسن ليك من بوستك دا ..

ـــــ
كتب حميدة يخاطب صاحب الإستضافة لؤي ..

Quote: خلاص و الله ماشي .. تشيلسي و مانشستر يا مان .. ( اشتري ليك كرت ياخي ) .. احسن ليك من بوستك دا ..

وقبلها كتب له آي حميدة فيما أتهمني به , وحتي الان لا أظن فيه بشيء من السؤ فأحسنت ظني إنه لم يقراء ما كتبته له فأعيده له عسي ولعل يقراءه , فإن الإفراط في التسامح والرحمة والطيب علي كل حال لا يعني لي الذل والخوف والجبن .. ولابد من نهائية الطريق حيث الوصول .

كتب حميدة زاجاً بإسمي مما جعلني لتداخل مرة أخري

Quote: و اديك مثال بسيط .. رد ميادة علي عماد .. مفهموم لدينا جميعا .. لانه عماد بطارد ميادة ليهو زمن .. باسلوب الهمز و اللمز ..

وحتي لا أتسرع وأصف حميدة بأقذع الأوصاف بناءً علي هذا الإتهام أريد أن يرد علي الأتي وأتمناه خارج هذا البوست

ماهو تعريفك للمطاردة ؟! ومتي وأين طاردة ميادة كمال ؟! وهات الإثبات ؟! وماهو هدفي من المطاردة ؟!


في حالة لما تأتي بدليل يحق لي أن أسامحك إن شئت ويحق لي أن أصفك بما يليق بك .

Quote: في حالة لما تأتي بدليل يحق لي أن أسامحك إن شئت ويحق لي أن أصفك بما يليق بك .

أعجبتني هنا الإشارة لمبدأ المقدرة على الصّفح




أصلح الله حالنا

Quote: لؤي .. خلاص و الله ماشي .. تشيلسي و مانشستر يا مان .. ( اشتري ليك كرت ياخي ) .. احسن ليك من بوستك دا ..

يا مسكين
أنا عندي Network Sattelite يا قديم



ودعناك الله

ميّادة
أكتفي بهذا القدر من الاسئلة
شاكراً لكِ ومقدّراً على إجابتك على أسئلتي
ومعتذراً إن عكّرت صفوك
أو أشعرتك أيّ شعور غير مريح
كُلّ قصدي من هذه النّافذة
لو تصدّقين
هو فهم طريقة تفكيرك
نسبة لملاحظتي للصّراعات الدّائرة هنا
ومن هناك الإنطلاق في محاولة لرأب صدع التّعامل في هذا المنبر الجّامع
( جامع الخليفة )
وعادةً لا أتدخّل في شؤون النّاس
لكنّي توسّمت فيك الخير
ودائماً ما أرى جوانب مُشرقة
في أيّة فئة أو افراد فئة أختلف معها
قد أختلف 99% مع شخص أو جماعة
وهذا أمر غير وارد بهذه النّسبة العالية
لكن هناك دائماً على الاقل نسبة متبقّيّة لجانب مُشرق في الشّخص
يجعل التّعامل ممكناً
وعادة ما أناصح شقيقتي الوحيدة
إن رأيت ردود افعالها عنيفة تصيبها هي في البدء بالتّوتر
وتنعكس أحياناً على صغارها
غرضي ليس التّسبّب في ضرر على الإطلاق
أسعى فقط لما هو عكس ذلك تماماً
فعل الخير فقط لا غير
ومحاولة عكس صورة للشّخص
قد لا يراها بنفسه
وقد لا يجد الفرصة ليراها في حالة العراك والغضب والإحساس بالإمتهان
كما قد تفشل الفئات المتناحرة
في الاستماع لبعضها البعض أثناء التّناحر
ولكن في حوارٍ كهذا
قد تمر الأعين بهدوء
وتسمع منك ما لا يمكن سماعه عادةً في ظروف مختلفة



نصيحتي ليك لو بتقبليها
حاولي تفكّري في روحِك
حتّى وإنتي زعلانة وبتصارعي
الزّعل الكتير
والهموم بتقصّر العمر
أطال الله عمرِك
ودثّرك بالصّحّة والعافية
وصدّقيني
بحث المشاكل والتّفكير فيها
يزيد من حجمها
ويصيب النّفس بإحساس الإحباط
بينما التّفكير في حلول للمشاكل
يفتح مدارك الذّهن
ويساعد في حلّها




لكِ فائق إحترامي وتقديري
وشُكري الجّزيل
والعفو والعافية

Quote: ميّادة أكتفي بهذا القدر من الاسئلة شاكراً لكِ ومقدّراً على إجابتك على أسئلتي ومعتذراً إن عكّرت صفوك أو أشعرتك أيّ شعور غير مريح كُلّ قصدي من هذه النّافذة لو تصدّقين هو فهم طريقة تفكيرك نسبة لملاحظتي للصّراعات الدّائرة هنا ومن هناك الإنطلاق في محاولة لرأب صدع التّعامل في هذا المنبر الجّامع ( جامع الخليفة ) وعادةً لا أتدخّل في شؤون النّاس لكنّي توسّمت فيك الخير ودائماً ما أرى جوانب مُشرقة في أيّة فئة أو افراد فئة أختلف معها قد أختلف 99% مع شخص أو جماعة وهذا أمر غير وارد بهذه النّسبة العالية لكن هناك دائماً على الاقل نسبة متبقّيّة لجانب مُشرق في الشّخص يجعل التّعامل ممكناً وعادة ما أناصح شقيقتي الوحيدة إن رأيت ردود افعالها عنيفة تصيبها هي في البدء بالتّوتر وتنعكس أحياناً على صغارها غرضي ليس التّسبّب في ضرر على الإطلاق أسعى فقط لما هو عكس ذلك تماماً فعل الخير فقط لا غير ومحاولة عكس صورة للشّخص قد لا يراها بنفسه وقد لا يجد الفرصة ليراها في حالة العراك والغضب والإحساس بالإمتهان كما قد تفشل الفئات المتناحرة في الاستماع لبعضها البعض أثناء التّناحر ولكن في حوارٍ كهذا قد تمر الأعين بهدوء وتسمع منك ما لا يمكن سماعه عادةً في ظروف مختلفة نصيحتي ليك لو بتقبليها حاولي تفكّري في روحِك حتّى وإنتي زعلانة وبتصارعي الزّعل الكتير والهموم بتقصّر العمر أطال الله عمرِك ودثّرك بالصّحّة والعافية وصدّقيني بحث المشاكل والتّفكير فيها يزيد من حجمها ويصيب النّفس بإحساس الإحباط بينما التّفكير في حلول للمشاكل يفتح مدارك الذّهن ويساعد في حلّها لكِ فائق إحترامي وتقديري وشُكري الجّزيل والعفو والعافية

يازول ما بتمشي ساي
اديني نتيجتي

Quote: يازول ما بتمشي ساي اديني نتيجتي

قادّة عربي ودين وتاريخ وجغرافيا وعلوم ورياضيّات وتدبير منزلي
وناجحة رسم



عيدي

Quote: الأخ لؤي لقد كنت في السابق احترمك كبوردابي محترم كشخصية سودانية هادئة ورزينة وعاقلة واتابع كل ما تكتبه قبل ان أحط رحالي هنا ولكنني اليوم بلا شك احترمك أكثر

أخي الأمين موسى
تحيّة طيّبة

يا عزيزي لك منّي أجزل آيات الثّناء والإحترام
وربّنا يقدّرنا على التّعامل بتآخي وروح محبّة
أو أضعف الإيمان
السّيطرة على ردود الافعال والغضب

Quote: متابع لهذا الحوار الجاد والمفيد جدا وقيل رحم الله إمرئ أهدى إلي عيوبي ولا يخلو كل منا من عيوب هنا وهناك وأشكر هنا سعة صدر ميادة كمال لتقبلها هذا الحوار وأكيد اكيد سوف تستفيد منه أكثر لأنه بمثابة المرآة التي تعكس آراء البورداب ولا أعتقد بوجود ضرر فيه لميادة كمال أو غيرها والإنسان دائما يقيَم بواسطة محيطه ومجتمعه الذي يعيش فيه والأغلبية لاتجتمع على الباطل مطلقاً وأرجو أن تفتح في الختام فرصة لمشاركة الأعضاء في الحوار الجاد حتى نستفيد كلنا من ذلك... والمشكلة ليست متعلقة بالتربية ولكن لها دوافعها الخاصة في هذا البورد اقــــــول هذا ونحن كسودانيين وفي ثقافتنا وتربيتنا على امتداد هذا الوطن الميل ميل مربع عندنا الراجـــل البشاكل النســــوان أكيد راجل ما كويس وباطل... وبرضو المرة البتشاكل الرجال برضو المجتمع عنده فيها نظرة ما كويسة وحوارك ده الشــــــاهد منه أننا لا بد لنا من تعلم آداب الحوار وكذلك آداب الإختــــــــلاف كل الود لكم

كلام عين العقل
وتحليل منطقي لحالنا



سلمت يا عزيزي

نختلف أو نتّفق

نختلف أو نتّفق تقنَيعني وأقنَعِك
نختصم أو نصطلح تسمعيني وأسمعِك
المهم إنُّه الحوار يستمر ما ينقطع
المهم إنُّه الجّدار ما يعلو أكتر ويرتفع
المهم تبقى المودّة في التّصافي وفي الزّعل
المهم إنُّه الولف ما يبقى وحلان في الملل

***

الحياة زيارة وفوات والعمر إطلالة واحدة
تفضل أجمل ذكريات والمواسم الحلوة شاهدة
نحرس الأمل الموات والظّروف الما مساعدة
ولاّ نتحدّى السُكات بأغاني جديدة واعدة
نختلف أو نتّفق الأمل في الإنتظار
نختصم أو نصطلح نخلط الجد بالهزار

***

الحياة العاديّة أجمل الحياة العاديّة أحلى
لو من خيال أو مستحيل الزمان الفيها عادل
موسم المُر والجّميل
وقت للشّوق والمحبّة ووقت للصّبر الطّويل
ووقت للفرح المعربد ووقت للحُزن النّبيل
نتّفق أو نختلف .. نختلف أو نتّفق
كلمة منّك وكلمة منّي نختصم أو نصطلح
بحنانك وحُسن ظنّك

***

ومرّة نتوتّر سوا في لحظة والمنطق يغيب
وفجأة يبقى نفسنا حار والكلمة بتودّي وتجيب
وما نبرّد لبعض ومرهقين واليوم عصيب
ما نحن في الآخر بشر والبشر يخطا ويصيب
نختلف أو نتّفق
تفهميني وأفهمك
نختصم أو نصطلح
تكتبيني وأرسمك

ــــ
كتبت الاخت ميادة كمال أيضاً زاجةً أسمي

Quote: الاخ لؤي الامر ليس مجرد مرور على بعض الحروف ولا من حقي ان احكم على نوايا الناس وبالنسبة لما ترونه غلظة او مخاشنة مني للاخ عماد الطيب وغيره فله عندي من المبررات ما اراها كافية لسلك ذلك السلوك معه وبالتالي ردي هذا ليس من فراغ وهو يعلم ذلك جيدا

وقد كانت مداخلتي التي من قبل هي كالأتي :

مع الشكر لك علي تلك المساحة ..

نص البنود لوائح وقوانيين المنبر واضحة جداً أنظر إلي البند رقم

12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..

هل بعد ذلك يسأل بكري لماذا قام بحذفها ؟!

لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) ,

والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي . إنتهت مداخلتي
ومرة ثانية شكراً لك ..

ردت الأخت ميادة كمال

Quote: شكرا على اللمز والهمز المغلف كفاية انتو ابو الفهم زاتو ..... ومكملينه

والأن وبعد أن إنتهي الحوار معك وقد سامحتك في الفهم الذي توصلتي له ولكن أريد أن أسالكِ

أين همزت ولمزت لك ؟! ألم تقرئي ما تحت خطه فهو يحمل (آي عضو) بما فيهم شخصي فقد كنت لا أعرف القوانيين , فلماذا أهمز لك وألمز لك أنت شخصياً ؟! هل بيننا معرفة سابقة وشخصية ؟! هل أسئت لكِ في مداخلاتي لك سابقاً ؟! وعندما طرتيني بالتداخل من بوستك هل أسئت ليك ؟! أم أحترمت نفسي كما تداخلت خرجت بكل آدب وإحترام ليس من أجلك ولكني هكذا , وكان بمقدوري أن أواصل ولكني لا أستخدم الخبث ..

هل تعرفين الأساءة التي قلتيها في حقي وحق غير من الذين (حسب فهمك) لم يتضامون معك فهم علي قولك غير مربيين ولا عندهم أصل ؟! لم أردها لك ولا أريد أن أردها وحتي ولو بالإمكان ذلك ,
كيف عرفت إني إطلعت علي مادار بينك وبين الذين حسبما تقولين أساؤا لك ؟! ولماذا تضعين الناس في خيارين إما معكِ أو ضدك ؟! ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!



هات تلك المبررات التي إشرتي إليها ؟!

Quote: والأن وبعد أن إنتهي الحوار معك وقد سامحتك في الفهم الذي توصلتي له ولكن أريد أن أسالكِ

ميّادة
سلام تاني

آمل أن تقومي بالرّد على تساؤل الأخ عماد الطّيّب
وذلك حتّى نتدرّب على الحوار
دون خصام وغضب وصراع

كما أرجو نفس الشّيء
من حُمّيدة الما بيترجي

وللأخ عماد
أرجو أن تنتظر الرّد
دون عجلة وإعتقاد بنيّة في تجاهلك
فلرُبّما هناك ظروف لا تسمح بدخول حُمّيدة أو ميّادة الآن




ومعك في الإنتظار
من أجل حوار راقي
أعشم على الأقل فيه

صباح الخير عليكم جميعا
الاخ عماد الطيب
سلامات
اولا لا شئ شخصي بيني وبينك
إصرارك على تذكرينا بلوائح بكري وقوانينه.... مع انو التذكير مفيد للمؤمنين
ولكنك تصر فقط بالجزء الذي يديننا
وياريت عشان تكون حقاني اكتر كان تجيب الجزء الذي يلينا
اي يصب ويدينا الحق في مطالبتنا لي بكري
يعني ما معقولة انا لو ما شايفه اني عندي حق ما كان لاحقت بكري واصريت على طلبي كان ...

ثانيا موش حضرتك عماد الطيب اللي تجادلنا انا والاخ وليد المبارك في البوست اياه
واصرارك الدائم على كوبي اند بست للوائح بكري تلك
طيب انا غلطانة
معقولة وليد يكون برضو غلطان
او يجي يناصرني وانا غلطانة
للاسف البوست اتحذف من قبل بكري
وما حاقدر اجيك بالكوتات


وكمان سياتك في بوست الشابة اللي وقعت من كوبري كوبر
شابة تلقي نفسها من أعلى كوبري شمبات وتتوفى في الحال

دا كان كلامك لي

Quote: emad altaib تاريخ التسجيل: 27-12-2007 مجموع المشاركات: 4203 Re: شابة تلقي نفسها من أعلى كوبري شمبات وتتوفى في الحال (Re: mayada kamal) ــــ Quote: نحن نتكلم عن الوازع الديني بين العبد وربه مافي شئ دخل الانقاذ هنا ميادة كمال ,,, ما عارفك بالتمام إنك كوزة ولا حتي متأكد إنك مؤتمر وطني , إلا أن تعترفي بنفسك حتي أصفك بها..! لكن العاوز أقوله ليك كان ما عندك قدرة علي المدافرة في الأشياء الفكرية والسياسية أو إنت لديك مصالح مع المؤتمر الوطني والإنقاذ, ما تكتبي كلام ما بيدخل العقل , وأحسن تهتمي بمصالحك بعيد بعيد , وتجدي وقتها كل إحترام وتقدير هنا بالمنبر .

هل دي الطريقة والاسلوب الاملائي البتكتب بيها لاي زول او زولة هنا


وكمان هاك دي

Quote: لدي قناعة تامة المشكل الحقيقي هوالجهل باللوائح , فالذي أستغرب وأتعجب له كيفية عدم معرفة آي عضو باللوائح , من هنا ياتي بعدنا عن ثقافة القوانين لم نكتسبها في حياتنا بالرغم من أهميتها وبالتأكيد للدولة تأثير سلبي (ما علينا) , والجهل بالشيء في ذاته ليست عيب ولكن هو عدم وعي تام, فالذي يحب يفهم يسأل ويثابر علي المعرفة , ولكن الإصرار علي عدم المعرفة هو الفشل الحقيقي والكارثي . إنتهت مداخلتي ومرة ثانية شكراً لك ..

الاقتباس الفوق دا ورد منك في البوست الاحنا فيه دا زاته
سياتك جيت نزلت بعض لوائح المنبر ومعاه الشرح بتاعك
وموضوع بوست لؤي واضح انه بيشرح حالتي المنبرية
فيبقى اي زول يقرا كلامك دا قطع شك حيجد انه موجه لينا
والا كان تكتب نفس الكلام في بوست تاني
وعندها انا لو جيت ورديت ليك بي رد الزعلك قبيل
كنت انا اكون غلطانة ومحقوقة ليك

Quote: هل تعرفين الأساءة التي قلتيها في حقي وحق غير من الذين (حسب فهمك) لم يتضامون معك فهم علي قولك غير مربيين ولا عندهم أصل ؟! لم أردها لك ولا أريد أن أردها وحتي ولو بالإمكان ذلك , كيف عرفت إني إطلعت علي مادار بينك وبين الذين حسبما تقولين أساؤا لك ؟! ولماذا تضعين الناس في خيارين إما معكِ أو ضدك ؟! ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!

دا حكم مسبق منك علي
كوني قلت على الايدوني وناصروني انهم عملوا كدا من اصلهم
دا ما بينقص من قدر الاخرين.... ولا ينفي عنهم تلك الصفة

Quote: ألم يكن للذين لم يتضامنو معك حق , في عدم معرفة أيكم عي حق فيذهب بنفسه بعيداً كل هذا وذلك ؟!

واصلا لو في عدم معرفة ... الجاي خاشي ليها شنو
موش الزول المفروض يعرف الحاصل شنو ويجي يحكم الناس
عشان حكمه يكون حقيقي ومنطقي
كان تعطوا انفسكم فرصة فهم الحاصل وقراءته
ومن ثم التفضل بالحضور والقاء الراي
او من الاول مافي شئ بلزم للدخول.......

Quote: صباح الخير عليكم جميعا الاخ عماد الطيب سلامات

ميّادة
سلامات

شاكر لردّك على الأخ عماد
كنت في حالة سفر وعائد الآن للتّو
سأعود للتّعليق لاحقاً إن وجدت ما يستحق المناقشة من طرفي





تحاياي

النجيضة .. ملاريا ولا يرغان؟

Quote: النجيضة .. ملاريا ولا يرغان؟

ود الصّائم
سلامات

الإتنين تصدّق ؟




الله يعينها بس

Quote: إنتي ما سامعة الأُغنية الفي الخلفيّة دي ؟ بابا بيقول ( نخلط الجّد بالهزار )

بابا منو؟؟
والاغنية شنو؟؟
معليش انا طرشاء ولابتوبي as well
i will be wait




ing

Quote: معليش انا طرشاء ولابتوبي as well

أسعي ليك حل

ــــ

Quote: وللأخ عماد أرجو أن تنتظر الرّد دون عجلة وإعتقاد بنيّة في تجاهلك فلرُبّما هناك ظروف لا تسمح بدخول حُمّيدة أو ميّادة الآن

شكراً لك مراراً وتكراراً الأخ لؤي :

سوف أنتظرهم لكي يدافعوا عن أرآئهم أو اقوالهم وإن صحت كتاباتهم ويجبوا علي أسئلتي .

بالتأكيد أخي لؤي واضع كل الإعتبارات المعرقلة من تقنية ... وإلي النفسية (المزاجية في الكتابة)


مافي عجلة خلاص .

وتحياتي .