يـالـمـيـاء .. أحـبـّك .. أحـبـّك

مامعنى هذا الذى يحدث بينها وبينى ؟؟ وهل هناك تفسيراً سوى أنّ الحُب الحقيقى الذى وضعه الله فى قلبينا يجرى فى شرايننا كالدم ؟؟ الحقيقة الوحيدة التى أعرفها جيّداً ، هى أنّنى أحبّها أكثر من نفسى .

توارد الخواطر بيننا اصبح لايدهشنى لتكراره المتواصل فى مواقف يصعب حصرها ، وكلّما حدث ذلك يقشعر كل بدنى وتغالبنى الدموع فالأمر لايُمكن تخيّله ..

زارنى صديق يركب درّاجة بخارية ، وعند وداعى له وقف يحدّثنى عن دراجته البخارية الجديدة ومميزاتها ، وانا لست من هواة ركوب الدرّاجات البخارية .. وقفت أستمع إليه فقال لى : عاوز تركب تجرّبو ؟؟ فتردّدت وقبل أن أجيبه جاءتنى رسالة على تلفونى الجوال ، أخرجت التلفون ووجدتها قد كتبت لى : لؤى انت أوعك تكون بتركب مواتر فى السويد ؟؟ ابتسمت وأعطيت التلفون لصديقى ليقرأ بنفسه ، ولازال مندهشاً للأمر إلى الآن .

فى إحدى المرّات كانت قد مرّت أيام لم أسمع صوتها ، أمسكت بسمّاعة الهاتف للإتصال بها فوجدت رقمها مشغول ، وضعت انا السمّاعة وأعدت المحاولة بعد دقائق لأجد الرقم لازال مشغولاً ، ثم كرّرت نفس العملية مرّات متعدّدة وصرت لاأضع السماعة وإنّّما أعيد المحاولة بعد كل إشارة مشغول .. قرّرت الإنتظار لمدّة ساعة وبعد ساعة اتّصلت بها لأجدها فى الخط دون أن يرن الجرس عندها فقلت : لمياء ؟ قالت لؤى : الحاصل شنو ؟ انا يالؤى لى ساعة بضرب ليك وتلفونك مشغول ! أخت السماعة وأجى أضرب ليك تانى ألقاه لسه مشغول ، وهسّه قلت أنتظر ساعة رفعت السماعة وعملت رقمك لقيتك فى الخط بدون مايدّينى حتّى جرس .. ويالدهشتى حينها ، فقد كنّا نتصل ببعضنا فى نفس اللحظات مراراً ..

إتّصلت بى قبل فترة لتحكى لى حلماً بمجرّد أن أفاقت من نومها ، والمُدهش أنّنى كنت قبل اتصالها بدقائق أقوم بكل ماحكته فى حلمها ذاك !! وهكذا هى معى دائماً ..

جلست يوم الأربعاء الماضى أكتب لها رسالة من تلفونى الجوّال ، ولم نكن قد تحدّثنا مطلقاً عن ماكنت أود كتابته فى تلك الرسالة ، أخرجت تلفونى من جيبى وبدأت أكتب عن فكرتى تلك وقبل أن أكمل رسالتى جاءتنى منها رسالة على الجوال تسألنى فيها عن رأيى فى فكرة ، وكانت فكرتها هى تماماً ماكنت أكتب لها .. ولدهشتى أعطيت جوالى لمن كانوا حولى ليروا بأعينهم والدهشة تكاد تطفر من أعينهم .

كنت أعانى من مانسمّيه بالقطيعة أو آلام فى الجانب الايمن من الظهر الأسبوع الماضى ، فذهبت وأحضرت مرهم صينى لمسحه على ظهرى .. اتّصلت بها وسألتها عن الأحوال ، فأجابتنى : والله يالؤى عندى اليومين ديل قطيعة فى ضهرى فى الجانب اليمين تاعبانى شديد ، لكن مسحت لى مرهم صينى كده وبتمنّى أبقى أحسن !!

قبل قليل كتبت لها رسالة قصيرة على الجوال ، كتبت فيها : I love you .. وبمجرد ضغطى على زر الإرسال جاءتنى منها رسالة فى نفس الثانية .. تماماً فى نفس الثانية ، كتبت فيها : نحن بنحبّك .


هل كل هذا معقول ؟؟


حبّها يملأ قلبى وعقلى ويجرى فى عروقى سائلاً لحياتى .

أحـبـّك يالـمـيـاء

لؤى

ــــــــــــــــــــــــــــــــــــــــــــــــ
[email protected]

الحبيب : لولو

ونحن نحبكما معا: أنت ولميــاء.

فأنتما ـ يا صديق العمرـ روح واحدة في جسدين.

لك ولها معزتي وسلامي بلا حدود.


خضر عطا المنان

الاخ لؤي بشراك بي صادق الحب الذي يصبح اهله متوافقين في كل شي ,فهذه علامة صدق يالؤي من جانب من تحب فهي تفكر فيك كما تفكر فيها , املي ان يجمع الله بينكم ويمتعكم بالصحة والعافية

الاخ العزيز لؤى
يروى عن عن خير البريه انه قال
الارواح جنود مجنده ما تالف منها اتلف وما تنافر منها اختلف
صدق الحبيب المصطفى عليه الصلاة والسلام
وادام الله الود بينكم
انور

العزيز لؤي
ربنا يحفظكم، ويخليكم لي بعض.
لك تحياتي وامنياتي الطيبة
إيمان

إيمان

تسلمى .. وربّنا يخليك يارب لوالدتك الكريمة وكل أخواتك وأخوانك ولى كل البيعزّوك ويخليهم/ن ليك يارب .


ــــــــــــــــــــــــــــــــــــــــ
[email protected]

أنور العزيز
رمضان كريم

على المصطفى الحبيب الصلاة والسلام .. ربّنا يحفظك ياعزيزى ويلفّك كذلك بالسعادة والحُب .


ــــــــــــــــــــــــــــــــــــــــ
[email protected]

الأخ سيف
رمضان كريم

بالفعل ياعزيزى مابين لمياء وبينى صادق لاريب فيه ، وفعلاً كلانا نفكّر فى بعضنا البعض .. فى مرّة من المرّات جاءتنى منها رسالة على الموبايل ، وكان كل الذى كتبته هى فى الرسالة لاعلاقة له بى ، يعنى كتبت مثلاً : اها عملتو شنو فى موضوع الأوراق ؟؟ وبالطبع لم أفهم قصدها ، فسألتها : أوراق شنو يالمياء ؟؟ وجاء ردّها : بسم الله هو انا رسّلتها ليك انت ؟ معليش يالؤى الرسالة كانت المقصودة بها أمّى ، لكنّك فى البال طوالى !!!


ــــــــــــــــــــــــــــــــــــــــ
[email protected]

العزيز خضر

لك ياعزيزى انت كذلك كل الحُب على مشاعرك الصادقة هذه نحونا ، وربّنا يخلّيك ويخلّى ليك كل البيحبّوك يارب .


لك التحايا والتقدير


ـــــــــــــــــــــــــــــــــــــــ
[email protected]

لؤي
شيل شيلتك
اللييييييلة

Very inticing words Luai, you are a good story teller. May this love blossom more and more and may its fruits all be in accordance to the rules and your love for Allah. And updates will be anticipated

الأخت فقيرة
رمضان كريم

شكراً لمرورك من هنا ولكلماتك .. رغم أن لمياء لها حياتها التى بنت لها وخطّطت لها منذ طفولتها ، ورغم أنّنى لى كذلك حياتى التى قد يصعب التغيير فى مسارها .. رغم كل ذلك لازالت فى كل رسائلها ومكالماتها تقول أن كل همّها أن نجتمع فى مكان واحد بقية أعمارنا ..


كما قلت : بحبّها بحبّها بحبّها


ـــــــــــــــــــــــــــــــــــــــ
[email protected]

محمّد الحبيب

دى بقى مافهمتها !! أشيل شيلتى فى شنو ؟؟ انا سوّيت شنو ؟؟ أوعى يكون طلعت فتوى بتحرم الرسائل التلفونيّة بس وانا أكون آخر من أعلم ؟؟ يقوموا يهدروا دمّى فى رمضان ده !!



ــــــــــــــــــــــــــــــــــــــــ
[email protected]

الله يديكم العافيه ويحفظكم

وأنا فاهماك كويس يا لوى

أم در العزيزة

ويدّيكِ العافية ياعزيزتى ويخلّى ليك بنيتك ويخلّيك ليها يارب .. احتمال انتى تفهمينى لكن انا رغم كل الحُب ده ، ورغم إنّى بطّلت أندهش ، برضو لسّه ماقادر أفهم توارد الخواطر المستمر ده .. هسّه حصلت حاجة قبل دقيقتين بس وسألتنى : انت نحن نكون تيمان وماعارفين ؟؟


ـــــــــــــــــــــــــــــــــــــــــ
[email protected]

لوئ

كل سنة وانت طيب وتصوم وتفطر على خير

اسال الله ان يديم نعمته عليكم وان يجمعكم فى الحلال

لؤي مبروك على هدية رب السماء وتوفيقه
ولكنني أهمس في أذنك ... أستعجل بالزواج فالشيطان أفلح ما يكون في تفريق الاحباب سواء كان من شياطين الإنس أو الجن
نسأل الله أن يحفظكم ويحفظ حبكم الى الأبد

العزيز حبيب بلدو

الله يبارك فيك ياعزيزى ، وهى فعلاً أغلى هديّة .. هى شقيقتى الوحيدة ياأخى وربّما لم يكن الأمر واضحاً بالنسبة لك وللبعض غيرك .

لك تقديرى على مشاعرك النبيلة



ـــــــــــــــــــــــــــــــــــــــ
[email protected]

الأخ أبو الزفت
رمضان كريم
وكل سنة وانت طيب

ياعزيزى شكرى وتقديرى لصادق دعواتك ولكلماتك الطيبة ..

Quote: وان يجمعكم فى الحلال

عُذراً أخى ولكن لمياء هى شقيقتى الوحيدة وحبيبة عُمرى .


لك وُدّى وثنائى


ـــــــــــــــــــــــــــــــــــــــــــ
[email protected]

مدهش

الغالي لؤي،

كلامك يدهش بجد، دة حب على إصولو دة البحصل مرحلة ال(telpacy ) توارد الخواطر دة. يلا أبقي عليها عشرة بت الناس دي...المرحلة دي ما بحصلا أي جوز بسهولة...



مع أطيب أمنياتي

الأخ بيكهام
رمضان كريم

هو بالتأكيد حُب قوى ومتين وصادق ، وال ( telepathy ) لنا معه حكايات عديدة لاأظنّنى حتّى أذكرها جميعها ، وسأحاول هنا إيراد كل ماأذكره منها .


لك تقديرى وشكرى لمرورك


ـــــــــــــــــــــــــــــــــــــــ
[email protected]

Quote: مدهش

مش كده ؟؟


ـــــــــــــــــــــــــــــــــــــــ
[email protected]

أخي الحبيب لؤي،
التحايا الناضرة لك والإنحناءة والإجلال لشقيقتك الرائعة ليمياء
وأسمى آيات التعظيم لوالدتكم الغالية..

أدرك شعورك العظيم وهو ما يمر بي أيضاً مع شقيقتي الكبرى أمل..

مرة أخرى لليمياء امتناني العظيم لما بذلته من جهد جبار في الحصول على النسخة الأصلية لقصيدتي «وطني حزنك لا ينام» بعد تنقيبها الذي لم يكل ولم يمل في ارشيف جريدة الصحافة..

لكم قدسية الإبداع وأنهار العذوبة

معز

لؤى العزيز الصديق ازيك00
ومده ما اتلاقينا مع الجرى والكلام الكتير ده00
وحاتك تعرف قبل ما اخش بوستك ده 0
لى كم يوم بجاول ارفع صور عشان احملها لاخوتى وتكون لى فى واجة البرافيل0
لكن الصوره كبيره 00يعنى احمل صورتى انا وخنساء او انا مهند00
اصلو التلاته ابت تجى 00
فبقدر ما اكنه لاخوتى الاثنين احس بشعورك ياحبيب000
وكم وكم اتنمنى لك ولشقيتك من كل قلبى كل الصحه والتوفيق 00
وكذلك بقية الاسره
فكم هى حزينه بك 00
وكم انت حزين بها000
وكم انا حزين بكما00

لؤي ليمياء00

معتز العزيز
سلامات

معليش يامعتز الجرى حاصل فى كل القارات ، هنا انا قرّبت أجى الأول .. ياعزيزى تحيّاتى لخنساء ولمهنّد ولو عاوز أى مساعدة بخصوص الصورة أرسلها لى وحاأقوم باللازم ..

يامعتز تسلم ، وأملى أن يجمع ربّنا شملنا بكل من نحب وأن يعيد لأوطاننا نعمة الإستقرار حتّى تعود كل الطيور إلى أوكارها وتعيش فى أمان ومودّة .

لك تقديرى ومودّتى


ـــــــــــــــــــــــــــــــــــــــ
[email protected]

معز الحبيب

ولك ياعزيزى كل الحُب والتبجيل .. ولك التحايا من لمياء ومن الوالدة .. ومنّى مثلها لأمل ولأسرتك بكاملها .. ماقامت به لمياء من مجهود لم يكن إلاّ لحبّها وتقديرها لتلك القصيدة ال Prophetic ..

وصلتنى اليوم رسالة من الأخ الطيب عبد الماجد عاد بى معها لذكرى أيام جميلة جمعتنا فى دارك أيام البروفات مع حمد الريح ونكات الطيب ومقص الحلاقة فى يده ..


لك وُدّى والتجلّة


ـــــــــــــــــــــــــــــــــــــــ
[email protected]

العزيز لؤي
من العنوان أحسست أن نجلاء أختك، فتحت الموضوع، فهمت أنها أختك، لكنني تشككت قليلاً. وحينما قرأت:
"رغم أن لمياء لها حياتها التى بنت لها وخطّطت لها منذ طفولتها، ورغم أنّنى لى كذلك حياتى التى قد يصعب التغيير فى مسارها"،
تأكدت إنها شقيقتك.
الله يخليكم لبعض، ويملأ حياتكم بالنجاح والأفراح.
وين رجعتك للكلام عن العود؟

تحياتي لك وللمياء ولأهلكما
نجاة

عزيزنا الغالي
سيد المزيكا
تحيات هتون
للمياء
والاسرة
الموقرة

صفاء العزيزة
ست الحمام والسلام
وحلو الكلام
لكِ التحايا
والإحترام




ــــــــــــــــــــــــــــــــــــــــ
[email protected]

العزيزة أستاذة نجاة

كنت على قناعة بأنّنى لست فى حوجة للكتابة عمّن تكون لمياء ، فالأمر لم يكن مهمّاً بالنسبة لى وكنت على يقين أن الغالبية العُظمى قد رأت ماأشار إليه الأخ دكتور معز فى أماكن كثيرة عن لؤى ولمياء وماأشرت إليه انا أيضاً فى بعض البوستات .. لكنّنى كنت على علم أن الغالبية التى لاتعرفنا ربّما ستطلق لخيالها العنان ، ولا أذيعك سرّاً إن قلت أنّنى كنت على ثقة تامّة بأنك لن تكونى ضمن تلك الغالبية ، وذلك لعلمى التام بمقدرتك وخبرتك فى قراءة مابين السطور .. ولو قصصت عليكِ ماجاءنى من رسائل بعد كتابة البوست بساعات ومن أناساً لاأعرفهم/ن لأصابك الذهول والدهشة من مضمونها كما حدث معى !!

يبدو أن الحُب أصبح إحساساً محرّّماً فى هذا الزمان !!!! ماهذا الجنون الذى أصاب هذا العالم ؟؟؟

ربّنا يخلّى ليك بناتك ويخلّيكِ ليهم ولكل أحبابك ويجعل السعادة عنواناً لأسرتك .

عودتى للكلام عن العود تعنى لى حوار بسيط كنت وتساؤلات كنت أود طرحها على الاستاذ عبدالله ، ولكونك تعرفين الرجل أفضل منّا جميعاً ، فهو قامة لا أظنّنى أستطيع إرتياد معارجها الجمالية بهذه سهولة .. لكنّنى عائد .. أعدك .


لكِ احترامى ووُدّى
وتحايا لمياء
وتحيّاتى لأسرتك



ــــــــــــــــــــــــــــــــــــــــ
[email protected]

الليلة
لأنوا المحبة دي متعبة
عموما الله يجمعكم
ويخليها ليك
وتشوف أولادك بيحبوا أولادها زي ما قاعدين تعملوا انتوا هسع

لؤى
يخليكم لى بعض ويمتعكم بالصحه
دا لنك ممكن تلقى فيهو حاجه عن الموضوع دا
انا شخصيا بصدق فيهو شديد
واول ماسمعت عنه حكته لى واحده يونانيه
واكدت انها بتبادل الافكار مع اشخاص فى اماكن مختلفه
Telepathy
--------------------------------------------------------------------------------

The psychic phenomena by which communication occurs between minds, or mind-to-mind communication. Such communication includes thoughts, ideas, feelings, sensations and mental images. Telepathic descriptions are universally found in writings and oral lore. In tribal societies such as the Aborigines of Australia telepathy is accepted as a human faculty, while in more advanced societies it is thought a special ability belonging to mystics and psychics. Although not scientifically proven, telepathy is being increasingly studied in psychical research
http://www.themystica.com/mystica/articles/t/telepathy.html

تسلمى ياراوية ، ويخلّيكم/ن انتم/ن كمان لبعضكم/ن .. وشكراً على اللينك الذى ماهو إلاّ إضافة للعديد من الكتب التى قرأتها بخصوص هذا الموضوع .


كل التقدير


ـــــــــــــــــــــــــــــــــــــــــــــــ
[email protected]

محمّد الولد الطيّب

تسلم ياعزيزى .. وربّنا يجمع شملنا جميعاً بأهلنا وأحبابنا وبأوطاننا المنفيّة .


ــــــــــــــــــــــــــــــــــــــــــــــ
[email protected]

لؤي عن اذنك(السدة بالسدة،مش قاعد تعمل لي كده مرة مرة..)
راوية
أيوة كدة...!

كدة كلو في محلو

لؤى عن اذنك برضو
محمد يعنى ماعجبتك صورتى وانا فى اولى ابتدائى

لؤى

هذا التوارد في الخواطر لا يتولد إلا من عاطفة صادقة و نقية و مخلصة لا تشوبها شائبة .. و لا غرو .. فأنت تتمتع بكل ما هو صادق و مخلص ..
متعكم الله بالعافية و رد غربتك

جلال الحبيب
رمضان كريم

العاطفة الصادقة والحب العميق يملآننا لبعضنا البعض وقد تسيل الدموع لمجرد سماع اصوات بعضنا البعض .. وكما قلت عزيزى ، ربّنا يرد غربتنا جميعاً .


لك الثناء وكل الحُب

ـــــــــــــــــــــــــــــــــــــــــــــ
[email protected]

راوية انتى مابتخافى من الكلاب ؟؟



ـــــــــــــــــــــــــــــــــــــــــــــ
[email protected]

محمّد الفاضلابى بطّل شغب .. أقوم هسّه أحرش ليك كلبنا


ـــــــــــــــــــــــــــــــــــــــــــــــ
[email protected]

يا لؤي.. انا ومازن أخوي بالضبط كده.. بس أنا أكبر من مازن بي ستة سنين... ما تسأل من عُمر مازن..

الفرق التاني إني انا ما ممكن أقول لمازن بحبك... شكل 24 ساعة... لكن شكل بالبارد.. تصور يا لؤي لما مشيت الأردن.. وهم هنا في قطر... ولا رسائل ما كان برسلها لي... كل ما أسأله يقول لي ما عندي رصيد.. انا عارف الرصيد ده بكمل في شنو!! اها بنشبهكم إنت ولمياء في شنو!؟ في توارد الخواطر، ممكن انا وابوالزوز نقول في نفس الوقت جملة تتكون من ستة سبعة كلمات في نفس اللحظة.. ما بحتاج ابدا يشرح لي شي... مره كان بطلع أصوات غريبه كده بي خشمه.. مروان أخوي قعد ينقنق فيه ويقول ليهو "كبير وعوير !".. اها انا فهمته ليك طوالي.. تخيل كان بعمل في شنو؟ كان بتخيل إنه بكتب رسالة بالموبايل بتاعه.. موش الموبايل بتطلع أصوات كده!!


إييييه... زمن


الله يخلي ليك لمياء.. ويخليك ليها.. قول آمين في الشهر الكريم ده

بنت الحسين

مريم العزيزة
سلامات

Quote: بس أنا أكبر من مازن بي ستة سنين... ما تسأل من عُمر مازن..

طيب ياستّى حاضر ماحاأسألك من عمر مازن ، لكن عمرك انتى كم ؟؟

لمياء وانا برضو ممكن نقول كميّة من الجُمل المتشابهة مع بعض فى وقت واحد ..

Quote: مره كان بطلع أصوات غريبه كده بي خشمه.. مروان أخوي قعد ينقنق فيه ويقول ليهو "كبير وعوير !".. اها انا فهمته ليك طوالي.. تخيل كان بعمل في شنو؟ كان بتخيل إنه بكتب رسالة بالموبايل بتاعه.. موش الموبايل بتطلع أصوات كده!!

طيب يامريم كلّمى لينا مازن ده يرسّل لينا نغمات



آمين ياستى .. وربّنا يخلّيك لمازن ويخلّيهو ليك يارب .. قولى آمين .


خالص وُدّى

ـــــــــــــــــــــــــــــــــــــــــــــ
[email protected]

لؤي العزيز..

ســـلام..

امبارح شفتا البوست ده.. وقلت والله ما أدخل وأكب ليك الدعوات للحب الجميل إلا أتأكد انها ما شقيقتك أو ابنتك ..

حلوة لما نعبًر عما نشعر به.. وحلو أكتر الا نخجل ان نقول لبعضنا: أحبك بدون كسوف.. او نحس انها عيب..

ربي يحفظها ليك ويخليك ليها..

رجاء
سلامات

Quote: امبارح شفتا البوست ده.. وقلت والله ما أدخل وأكب ليك الدعوات للحب الجميل إلا أتأكد انها ما شقيقتك أو ابنتك

طبعاً انا لمّا بديت أقر كلامك ده إفتكرتك حاتكتبى : (امبارح شفت البوست ده .. وقلت والله ما أدخل وأكب ليك الدعوات للحب الجميل إلا أتأكّد إنك منزّل صورة عشان أهكرها) .. الله ستر والله يستر على الصورة .. وأعملى حسابك الصورة دى بينضرب فيها العيار .

Quote: وحلو أكتر الا نخجل ان نقول لبعضنا: أحبك بدون كسوف

يعنى مانقولها لمّا الأرض تقع فى ظل القمر ولا شنو بدون " كسوف " دى ؟


تسلمى يارجاء
وربّنا يخليك انتى كمان ليهم/ن ويخلّيهم/ن ليك

ـــــــــــــــــــــــــــــــــــــــــــــ
[email protected]

يالؤي انا في البداية افتكرت انكم توائم لان توارد خواطر بهذا الشكل يقال انه يحدث بين

التوائم لكن من الصورة واضح ان بينكم فرق سن فهذا شئ مدهش فعلا

المهم ياسيدي ربنا يخليكم لبعض ويديم عليكم الصحة والعافية وتحياتنا لها

الاخ لؤي
ربنا يحفظكم و يخليكم لى بعض

تسلمى يايُمنى

وربّنا يحفظك ويخلّيك كذلك ويخلّى ليك كل أحبابك يارب .


خالص تقديرى


ــــــــــــــــــــــــــــــــــــــــــــ
[email protected]

فعلاً ياسلوى توارد الخواطر بين التوائم شئ معروف ومفهوم بالطبع ، لكن بين لمياء وبينى 3 سنوات ممّا يجعل الأمر مدهش .. وحتّى هى قالت لى قبل يومين : انت نحن نكون تيمان وماعارفين ؟؟


وربّنا يخلّيك لكل أهلك ويخلّيهم/ن ليك يارب
تسلمى ياسلوى


ـــــــــــــــــــــــــــــــــــــــــــــ
[email protected]

استاذى العزيز لؤى

اسعد الله اوقاتك بكل خير وربنا يسعدكم




لك معزتى
هشام مدنى

الأخ العزيز هشام

لك منّى خالص الوُد والإحترام ..


تحيّاتى لأسرتك الكريمة


ــــــــــــــــــــــــــــــــــــــــــــ
[email protected]

Salamat Luai

Ramadan Kareem

It is all about the love bro

yekhlikom leba3d wa yerdona salmeen to our beloved ones.

Agab

العزيز لؤي

ربنا يخليكم لبعض ..
ويملأ بالسعادة قلوبكما ..

في إنتظارك يا حبيب ..

ربنايحفظكم ويحببكم في بعض اكتر واكتر


تحياتي
ليون

حفظكما الله

تسلم يانصر
كل سنة وانتو طيبين

معليش انا مسافر بعد ساعات فحاأكتب ليك بخصوص الموضوع .


تقديرى


ــــــــــــــــــــــــــــــــــــــــــــ
[email protected]

ليون
رمضان كريم

شكراً على الدعوة الحلوة دى ، وربّنا يجعل حياتك كلّها حُب وسعادة يارب .


تسلمى


ــــــــــــــــــــــــــــــــــــــــــــ
[email protected]

معتصم العزيز

ويخلّيك ياحبيب لكل البيحبّوك ويخلّيهم ليك ، ويحقق كل أمنياتك يارب .


انا خلاص ساعات وأغادر


ــــــــــــــــــــــــــــــــــــــــــــ
[email protected]

الأخ عجب
الله أكرم
وكل سنة وانت طيّب

نعم عزيزى ، انا كذلك على قناعة بأن الحُب هو الذى يقف وراء كل هذا التحاطر العجيب .


لك خالص ثنائى والأمنيات


ــــــــــــــــــــــــــــــــــــــــــــ
[email protected]

Always wished if I had a brother.....

I envy you

النجمة الساطعة

Quote: Always wished if I had a brother

انا أنفع ؟؟


كل الوُد

ــــــــــــــــــــــــــــــــــــــــــــ
[email protected]

والله يا لؤى تبغروا..

انا عندى تسعين اخو الواحد الا يلكزوه لكز حتى يضرب ليك...

بس طيبين "دى خوفة طبعا"

تعرف البينك وبين ليمياء ده انا عندى مع اتنين من صاحباتى واحده عشة بت فاطنة الحية وموجوده دى...تحلم بى واحلم بيها ونضرب لى بعض بالاخبار وتطلع حقيقية

تتصور يوم امى ماتت ..الله يرحمها...عشوشتى دى حلمت بامى ماتت ونحن لينا سنين ما اتشاوفنا...ضربت لى لقت انه الكلام صاح...


والتانية اسمها kathy pyne

بتضرب لى بى هفة القلب وانا برضو وكل واحده تورى التانية فكرتها...وتكون مشتركة...بقينا ما بنستغرب...بنخش فى الموضوع طوالى

فى اللثقافة السودانية بقولو ارواحكم متواعدة...

الله يخليكم لى بعض..."ويجمعكم بالحلال" هاها يعنى مافى "محرم" لانه ده شهر الله الحرام...يجمعكم شهر حلال زى شهر حداشر مثلا..

بت علويّة بت التاية

كنت أعتقد أن لعلاقة الدم التى بينى وبين لمياء علاقة مباشرة بما يحدث معنا دوماً لكن يدهشنى مابينك وعشّة وكاثى .. للمسألة إرتباط قوى ووثيق بالارواح وإرتباط بعضها بالآخر .

أعذرينى لتأخيرى فى الرد
تحيّاتى للجميع
وكل الوُد

حبيبنا لؤى

الحـــب فـــى ذاتــو مبـــرر كافــــى


ودالعجب

الأخ ود العجب

تماماً عزيزى .. كما قلت , الحب مبرر كافى وانا على قناعة تامة بذلك .

جميل ... ومدهش كما( قال اخونا) .. بلا شك ..



الله يخليكم لي بعض ..
حقيقة ..لم اكن مقتنعا بشيئ اسمه (توارد الخواطر) ..وكنت دائما اسميها (صدف).
لكن مازكرته لايدع مجالا للشك ..

مريم بنت الحسين ..

Quote: ... مره كان بطلع أصوات غريبه كده بي خشمه.. مروان أخوي قعد ينقنق فيه ويقول ليهو "كبير وعوير !".. اها انا فهمته ليك طوالي.. تخيل كان بعمل في شنو؟ كان بتخيل إنه بكتب رسالة بالموبايل بتاعه.. موش الموبايل بتطلع أصوات كده!!

عجيييييييييييييب اديييل كدة ..


هذا من اغرب ماسمعت .. هل هو زكاء خارق منك ..؟؟
هذا يتعدي توارد الخواطر ... يمكن تسميته (قراءة افكار).

ولا تكونى (حاوي) ونحن ماجايبين خبر ..


تعرف يا ابو اللول ... عندى اخواتى اتنين.. (وانا الاصغر) ..لمن اتصل عليهم ..الواحدة فيهم تقولى لى في منتهى الغباء ..هى , انت منو ؟؟؟
اقوم اقول ليها ... انا معتصم .. تقول لي ... معتصم دة كمان شنو ؟؟
اقول ليها ... اخووك يا سجم الرماد انتى .. بعد داك تقول لي اااااااااااااااااااه ... عرفتك
قال توارد خواطر قال.


كل التحايا .. للشفافة ... ليمياء

الاخ/ لؤي الحــــــــــــــلاج
الاخت /ليمــــــــاء العدوية

أنها شئ من حالات التصوف تجاه الذات الانسانية انها حالة من حالات الوجد الانساني العالي وإتحاد الارواح, الروح دوما تبحث عن مثيلتها .الطريق بينكم مفتوحا معبدا للتواصل انها حالة يا سارية الجبل أنه درجة الصفاء الروحي .

يا لؤي مدد مدد مدد مدد.
يبدو اني سوف اكون احد مريديكم .
مجـــــــــــتتدي شبنـــــــــدر

الجميل مجدى

لم أكن أحسب أن ردّى على مداخلتك كان سيأتى شفهيّاً كما حدث .. الشكر لك عزيزى على كل لحظة منحتنى إيّاها أنت والجميلين أمثالك وسأتّصل بك فى القريب .. عشمى أن تكون كل أمور الوالدة والوالد عال العال .


ولك الوُد

لؤي

إنت وين

ياريت تكون هنا لسه

لو لقيتك بحكي ليك شي زي ده مبالغة
وربنا قادر على كل شيء

انا غايتو عندي تعريف خاص للحب وهو يتكون من 4 دبيلو (WWWW) تبدأ بها 4 اسئلة
يجب للشخص ان يجيب عليهم

W الاولي هي : WHO

W الثانية هي :WHEN

W الثالثة هي :ًWHERE

W الرابعة هي :WHY


فاذا جاوبت عليهم الاربعة عن علاقتك باي شخص فتكون دي ما علاقة حب اما اذا استطعت ان تجيب على ثلاثة فقط فأنت تحب هذها الشخص ويتبقى سؤال WHY بدون اجابة

وربنا يسعدكم

جمال السنوسي

الأخ جمال
سلامات

شكراً عزيزى للسؤال والإهتمام وسأقوم بالإتصال بك فى أقرب سانحة ، وانا فى شوق للإستماع لما ستقصّه علىّ .

لك كل الوُد

الاخ/ لؤي الحــــــــــــــلاج
الاخت /ليمــــــــاء العدوية

أنها شئ من حالات التصوف تجاه الذات الانسانية انها حالة من حالات الوجد الانساني العالي وإتحاد الارواح, الروح دوما تبحث عن مثيلتها .الطريق بينكم مفتوحا معبدا للتواصل انها حالة يا سارية الجبل أنه درجة الصفاء الروحي .

يا لؤي مدد مدد مدد مدد.
يبدو اني سوف اكون احد مريديكم .
مجـــــــــــتتدي شبنـــــــــدر

الاخ%2

Quote: تعرف يا ابو اللول ... عندى اخواتى اتنين.. (وانا الاصغر) ..لمن اتصل عليهم ..الواحدة فيهم تقولى لى في منتهى الغباء ..هى , انت منو ؟؟؟ اقوم اقول ليها ... انا معتصم .. تقول لي ... معتصم دة كمان شنو ؟؟ اقول ليها ... اخووك يا سجم الرماد انتى .. بعد داك تقول لي اااااااااااااااااااه ... عرفتك قال توارد خواطر قال.

معتصم العزيز ، سلامات

أضحكنى جدّاً ماسردته عن طريقة التعامل بين أخواتك وبينك .. لكن صدّقنى مسألة توارد الخواطر هذه مسألة مؤكّدة تماماً وليتنى أجد الفرصة لأقص لك الكثير والمثير عنها .

لك وُدّى

الزول اللذيذ ابو مواضيع لذيذه ..... تعرف انا بقراء في البوست بتاعتك قبل الفطور وجد وجدت فيه متعه ..... الاولي من المقلب ... لانو في البدايه فكري راح ذي ناس كتار انو زولنا لقه زولته ... وغرقان لشوشته ..... لدرجة التهيات و التصريح في البورد ودي زي عملية الانتحار المسرحي يعني كل الجكس حيطفش من عريس السويد اللقطه...... بس الموضوع طلع من نوع تاني ..... جد .... هو سؤال دايما بيراودني هل الصداقه ... والزماله..... وكل العلاقات الانسانيه الجميله بين الجنسين لازم ترتبط بس بال ..................... الخ ..... فعلا ده فهم معظم مجتمعنا.... بس والله جد معجب ومنتشي لذلك الترابط بينيك وبين اختك لمياء الي درجة توارد الخواطر مابين فوق اربعين درجه فهرنهايت الي ما تحت الصفر ... دعوه خالصه لله ربنا يحميكم لشبابكم ويديكم الفي مرادكم ................. حاجه تانيه شيل شيلتك من المعجبات والمعجبات ...........ورمضان كريم

Quote: سؤال دايما بيراودني هل الصداقه ... والزماله..... وكل العلاقات الانسانيه الجميله بين الجنسين لازم ترتبط بس بال ..................... الخ ..... فعلا ده فهم معظم مجتمعنا....

العزيز وليام

أولاً عذراً لطول الغياب وكل سنة وانت طيب .. سؤالك ياعزيزى لطالما ناقشته ووصلت لنتيجة واحدة وهى أن هذه العلاقات تأخذ ذلك الشكل العاطفى فى الغالب الأعم فقط فى مجتمعاتنا ، والأمر يعود لشكل التربية ووضع العلاقة بين المرأة والرجل فى قالب واحد يقودها فى كثير من الحالات لذلك الشكل .

لك وُدّى

ــــــــــــــــــــــــــــــــــــــــــــــــ
[email protected]

سلام يالؤى


انا برضو بحب ليمياء
ما اصدقها من مشاعر
ومانبلك وانت تفضح مشاعرك بهذا الحنين وتداعياته

أستاذة إشراقة
سلام واحترام

لك من لمياء ومنّى كل الوُد والإحترام .. وليت الحب كان لغة التعامل بين البشر .

لؤي الصديق

كل سنة وإنت طيب

وربنا يخليكم لي بعض إنتو الأربعة

تحياتي لها وللوالدة والخالة وأبلغهم مباركتي بالشهر الكريم

عبير العزيزة
سلامات
وكل سنة وانتى طيبة

عذراً للرد المتأخر والذى لم أجد له سبيلاً سوى الآن .. لك من الوالدة ولمياء أرق التحايا ومنّى مثلها لك ولأسرتك الكريمة .

خالص تقديرى

الاخ لؤي:
لك التحايا علي هذا النص الجميل الملئ..

وشيئ جميل ان نعبر عن حب امهاتنا.. واباءنا.. واخواتنا.. واخواننا

الشي الذي تعتبر من المناطق المحرمة في ثقافتنا السودانية.. وربما العربية..

لك وللمياء خالص الود.. ودوام الحب.. وتوالد الخواطر والقلوب...

الأخ إيهاب

لطالما أدهشنى الحذر والوجل فى التعامل مع الحب وكذلك مع الدموع وكأن الأمران محرّمان كما قلت ..


لك وُدّى وشكرى لمرورك الكريم

عودا حميدا يالؤي

الرائع / لـــؤى

تحياتى و مشتاقين كتير و لله

كم انا سعيد بعلاقتك الطاهرة

مع الرائعة لمياء و لكن ...!!

فى نفس الوقت خايف ليك من

الشاكوش ... اسأل مجرب يا اخوى

شايف صلعتى دى كلها شواكيش !!!

و البيأمن النسوان يأمن المويه

فى الغربال (مثل) مع احترامى

لكل نساء بلادى ... و مع تمنياتى

لك بأن تتوج هذه العلاقة كم تتمنى


....

و السلام ...... الفولانى

Quote: و البيأمن النسوان يأمن المويه فى الغربال (مثل) مع احترامى لكل نساء بلادى ...

الفولانى سلام

الكلام ده بيدمى قلبى عديل كده!!!!!!!

عزرا يالؤى على تخريمتى دى

أستاذة إشراقة

لاداعى للإعتذار .. انا دائماً سعيد بمرورك وتخريماتك وآرائك الصريحة والجريئة .

احترامى ووُدّى

الأخ عوض الله
سلامات

Quote: كم انا سعيد بعلاقتك الطاهرة مع الرائعة لمياء و لكن ...!! فى نفس الوقت خايف ليك من الشاكوش ... اسأل مجرب يا اخوى شايف صلعتى دى كلها شواكيش !!!

مالم أفهمه عزيزى هو خوفك علىّ من الشاكوش كما أوردت !! لمياء هى شقيقتى الوحيدة التى تحبّنى أكثر من نفسها ، فبأى الشواكيش تُراها تهاجمنى ؟؟؟؟

Quote: و البيأمن النسوان يأمن المويه فى الغربال

أمّا حكمك هنا على النساء نتيجةً لتجاربك الشخصيه فلا أظنّه يصلح حكماً على النساء عزيزى ، ولو أعطيتك القليل جدّاً من أمثلة ظلم الرجال للنساء وفداحة أثر ممارسة رجولتهم عليهن لما رأيت حينها معظم الرجال سوى وحوش .


تقديرى لمرورك

الأخت سلوى
سلامات

تسلمى عزيزتى ، انا سعيد لعودتى للمنبر بينكن/م ، لكنّنى لازلت أبعد آلاف الأميال عن دارى ..


كل الوُد

ألأخ / لؤى

Quote: أمّا حكمك هنا على النساء نتيجةً لتجاربك الشخصيه فلا أظنّه يصلح حكماً على النساء عزيزى ،

ما اوردته فى مداخلتى كان من باب المذاح فقط
ومن هنا اقدم اعتزارى لكل من تضايق او اساء فهمى
لك ولكم جميعااخواتى العتبة حتى ترضو !!!

الفولانى

الأخ عوض الله

ليس الأمر بأمر مضايقة أو إعتذار ، وماسطّرته انا هنا ليس سوى رد على ماجاء فى مداخلتك أعلاه .. والآن وضح أن الأمر كان مزاحاً كما ذكرت أنت ، فلك الوُد والتقدير .

يا جماعة ما تشاكلوا

الزعل مرفوع في حضرة لمياء

تحياتي لي لمياء ولي والدة لمياء والتي سمحت الظروف بملاقاتها في الخرطوم
وهي بحق سيدة مدهشة ...

ولي عنها عودة ... اذا سمحت الظروف وسمح لؤي

سلام

بت الهنا
سلامات

مافى أى مشاكل ياعزيزتى ، هى مجرّد آراء .. وتسلمى على كلماتك الطيبة فى حق لمياء وفى حق الوالدة ، وانتى ماساهلة وكلمات الشكر والثناء أعلم تماماً انّها لاتكفى .. تقبّلى تحيّات الوالدة ولمياء ..

بالمناسبة انتى فى السودان ولا رجعتى لى قواعدك ؟؟