.. ذكريات كــورال الحــزب الشيوعي السوداني ..

يــاســـــلام
ذكــرى لأيـام جميلة ..
مجموعــة كورال الحزب الشيوعي السوداني ضمت وقتهــا خيرة اساتذة الموسيقى وطلبة معهد الموسيقى وعلى راسهم الراحــل .. مصطفى سيد أحمد ، والاستاذة امال النــور .. الاستاذة كمالا بابكر النــور إبنة الشهيد ( بابكر النــور )..
وعلى الاوركسترا الاســاتذة زملا البــورد ( أزهري عبد القادر + عمر منصور + بكري أحمد المصطفى ( سمندلاوي ) )
اتمنى سرد ذكريات هذا العمل الجميل المتكامل الخالد .. في وجداننا
في وجــدان الزمــلاء

جــوزيف قرنق

غني ياخرطــــوم

قــاسم أمين

يا سلام يا تمبس يا جميل ،
ذاك زمان ، وذاك إنسان ، وتلك بضاعة
فاح أريجها ، وحقاً لكل زمان غًنا وغنّاى .

زمن جميل يا عزيزي عبد الله ..
ذكرياته الجميلة ستظل محفـورة بالوجدان .. هل تعــود للسودان ايامه تلك ؟؟
لاحظ مجموعة العمل ..
من رحــل ، من تشــرد ..
تعرف:
احتفظ بالنسخة الاصلية لشريط الكاسيت لهذه الأعمال ..
لكن
ما كنت اتصور ان احصل عى هذه النسخة من التسجيل وفيه كل هذه الشخصيات الجميلة التي كنت وبالرغم من عدم معرفتي بالكثير وقتها اتابع باهتمام كل مراحــل البروفات وكنت في بالي اخمن أن هؤلاء الشباب يقومون بعمل عظيم جدا..

واحلالى..

أنا واحلالى

أريتو حالك يابا حالى

أموت شهيد جرحى بيلالى

وأخلق اسما لعيالي

واحلالى

الشفيع يا فاطمة في الحى

في المصانع

وفي البلد حى

ما حصادو الأخضر النى

راضى عنو الشعب والدى

ومات شهيد، أنا

واحلالى

أحمد..أحمد تكبر تشيل الجواد

والسيف الطويل

اسم أبوك في النجمة والنيل

خط أبوك بالدم النبيل

كل صفحة وصفحة إكليل

ومات شهيد

أنا واحلالى

يا بنات الخالة والعم

يا بنات حلتنا من جم

الشفيع الخالى من ذم

أدو شبال جرن النم

هز فوق الدنيا بالدم

ومات شهيد

أنا واحلالى

يالورش.. يالسكة الحديد

يا مصانع نارا بتقيد

يالعرق..يالزيت..يالحديد

يالرجال في المينا البعيد

شدو حبل اليوم السعيد

شايفو قرب

واحلالى



عارف يا تمبس لمن كنت صغيرة واحلالي كانت غنيتي المفضلة لو ماشغلوها لي ما بتبسط
لكل القامات السامقة
لكل من عبقوا النضال غناءا
أنتم باقين فينا
دوما وابدا

مودتي

يالورش.. يالسكة الحديد

يا مصانع نارا بتقيد

يالعرق..يالزيت..يالحديد

يالرجال في المينا البعيد

شدو حبل اليوم السعيد

شايفو قرب

واحلالى

نهـــال:
تعرفي الكورال ده بالذات .. وكورال آخــر بقصر الشباب والأطفال حملتهم ف يالذاكرة فترة طويلة من الزمــن ..
لحدي قريب كنت بسمع صوت الآلات الموسيقية .. واصوات المجموعة منفرده في الونسة العادية في الفاصل بين بروفات العمــل ، ربما الفترة الزمنية كنت اعرف الاشخاص بمجرد اشكالهم او اصواتهم وكانت لحظات عادية بتمر .. وما كنت فاكر انو ممكن في لحـظة يتحول هذا العمل لي ملحمة تفضل خالده في الذاكرة نأتي لنبشهــا ونتحسر على ايام جميلة مرت وانطوت في الذاكرة..
وللقدر الجميــل ، حملت معي شريط الكاسيت ، وسافــر معي وقطع مسافات وأحيانا ، كان هروبي في لحظات ملل وانا معلق بين السماء والأرض او ادخــل بين السحاب ..
..
متذكرة سدنة ديل ما تصوتولهم .. السدنة ديل ؟
دي بس كانت بتتجر من اول الشريط وتترجع اكتر من مرة
وكانت لزمة ثابته ..
ياريت تعود الايام الجميلة .. ايام ابداع شباب الوطــن
لتمحي ايام احبــاط الشباب والدوامة العايشنها حالياً.

.

علاء يا جميل

انت نكّت لي ذكريات بعيدة خلاص

كورال الحزب و العيد الأربعين

بعد المسيرة من 1946 و إلي 1986

تعرف يا علاء و أثناء الإحتفالات دي أنا كنت

عضو في الحزب الشيوعي و طالب في المدرسة

الأهلية الثانوية أم درمان .

و لصقر سني آنذاك حضرت كل الفعاليت النهارية فقط

ولكن ما يهمنا هنا هو الكورال و ما تعلق بشريط الكورال .

في تلك الأيام ( منتصف الثمانينيات ) إجتهدت أيما إجتهاد

و عصرت علي نفسي و أصدقائي كي ما أوفر مبلغ 16 جنيه ( ستة عشر جنيه سوداني )

هو المبلغ الذي يساوي قيمة - شريط كورال الحزب + شريط خطابات الشهيد عبد الخالق محجوب

في مؤتمر المائدة المستديرة + كتاب ملخص معرض العيد الأربعين للحزب + بانفلت لشهداء الحزب

+ ديوان حروف و مقاصل + كتاب الماركسية وقضايا الثورة السودانية .

رجعت بهم بيتنا و انا ايما فخور بحزبي ، و استمعت و قرأت

حيث لم أسمع و لم أقرأ من قبل .

الشريطين ما زالوا موجودين في الحفظ و الصون لكن ما عدا ذلك

تبخر في وسط الإجراءات التأمينية أثنا هذه السلطة .

الغريبة إنو قبل كم يوم أهداني صديق تسجيل فيديو لكل عمل الكورال في ذلك الزمان

بقاعة الصداقة حيث يبرز صديقنا و أستاذنا الأستاذ المرحوم / مصطفي سيد أحمد

وهو يقود ذلك العمل الفني الرائع و كل الأعمال الغنائية في ذلك الإحتفال ،

وكم كان مفرح لي و معيد لي ايام في طعم الشجن .


ياخي مرة تانية انت زول جميل

ودي
م.كرفس

كـــرفس يا صاحب
تعرف الارضية مشتركة لحد بعيد تفاصيل نفس الزمن الجميل
بس كنت محظوظ اكتر منك والمعطيات كانت متوفرة ، بدون خسائر كتيرة
يعني ( سطاشــر جنيهك ) دي يا كرفس حسع ( تموصة وتشرب مويته ) ده كان ما طلعوك ( بره الزمن ) زي حالتنا دي ..
شفت ليك زول ببطل الدافوري المسخن في وكت زي داك ؟؟
كنا بنقطع الدافوري مجرد ما نشوف الشباب ديل زحمو دار الحزب بلجنة الموردة غــرب والدار كان منزل الزميل الاستاذ عبد الرحمن ضيف الله .. وكان مفتوح لنشاطات الحزب المتعددة ثقافية إجتماعية رياضية إلى آخــره ..
الروفات كانت بمثابة فترة توعوية بعدها انضم العديد من شباب الحي للحزب ، وبعد فترة كانت معظم العضوية من شباب الحي تختفي في ظروف غامضة .. اصبح بعض المفتحين يجهزون ( شنطهم ) غيارات تتلائم مع وضع الزنازين في ذلك الوقت بدايات حكومة الانقاذ ..
لنفس الاسباب التأمينية الذكرتها .. فقدت مجموعة ثمينة من الكتب ومجموعة ضخمة من اشعار الاستاذ هاشم صديق .. واذكر ديوان ( حورف ومقاصل ) والله يجازي اللي كان السبب ..
واحتفظت بشريط الكاسيت النسخة الاصلية للعمل واصبحت هي باقي من ذكرى تلك الايام ..
..
لكن يا كرفس ح ابقى ليك في رقبتك .. بالنسبة لي شريط الفيديو
يعني اعمل حساب لي حق ( الزمــالة ) واحجز لي نسخه تصلني الرياض بي اي شكل كان
إن شاء الله تفكها عكس الهــواء .. بس المهم تصلني .. تصلني
بعتبر كلامك ده وعـــد
ووعد الزميل .. دين عليه
عاين حسع انا مش رجعتك لي زمن الطراده والجنيه والخمسين قرش والريال
بلاي ده زمن ساهــل ؟

يا زول ده لقيته وين
إنت عارف البيت كله صاحي
لانه أنا و زوجتي كنا في العمل ده و ملاذ هسي 18 كانت بتتكون في بطن أمها
كلنا في حالة صعبة و أول مرة نشاهد العمل ده و مصطفي و ابوليلى و العمرين .....سهير الخالة و سهير بنت الأخت كمالا خالده نعمات خضر زينت عبدالمجيد عبدالله ود السجانة سبت عثمان سيد حمد إسماعيل صلاح خليل الهادي جمعة جابر محمد بخيت كمية من الناس الجميلة أبيع عمري عشان ألاقيهم تاني
يا سلام......

أجراس العـودة

أبو الزهــور ..
يظهــر أنو ناس الموقع ديل مستقصدنك ..
امس بعدما حفرت ولقيت العمل ده .. اتذكرت المجموعة كلها ، وعالق في بالي دائما صوت الاكورديون والفــلوت ..
بعدين مــلاذ بالطريقة دي ح تبقيني ( جـــدو ) لانو كنت بشيله وهي ( صغمبوته ) خالص سلم لي عليها وعلى امهــا .. وراجع الماسينجر الداخلي ..

Quote: و مصطفي و ابوليلى و العمرين .....سهير الخالة و سهير بنت الأخت كمالا خالده نعمات خضر زينت عبدالمجيد عبدالله ود السجانة سبت عثمان سيد حمد إسماعيل صلاح خليل الهادي جمعة جابر محمد بخيت كمية من الناس الجميلة أبيع عمري عشان ألاقيهم تاني

.. دي حاجة صعبة جدا يااستاذ وذكرى متعبة .. ربنا يجمع البعيدين وترجع الايام الجميلة ..

العزيز تمبس

و أنا فى تلك الفتره أدمنت الإستماع لهذا الإبداع ...
كنت حين أستمع لهذا العمل بكون عامل كده ...

20/6/1988

طبعا يا علاء التحية و الإجلال لهذا الرجل العظيم أبوليلى
الموسيقار العظيم عبدالرحمن عبدالله
الرجل الذي أشرف و أخرج هذا الأبداع له الرحمة و المغفرة

عبد الرحمن لم يرحل فهو مقيم في قلوبنا وعقولنا يا ابو الزهور

Quote: طبعا يا علاء التحية و الإجلال لهذا الرجل العظيم أبوليلى الموسيقار العظيم عبدالرحمن عبدالله الرجل الذي أشرف و أخرج هذا الأبداع له الرحمة و المغفرة

الف رحمة ونور للاستاذ عبد الرحمن عبد الله ( ابو ليلي ) .. من هذا البوست فقط عرفت انه توفى ومن خلال كلماتك .. مرت علي شخصية الراحل في الكثير من الصور الفوتغرافية القديمة مع عمر منصور .. وعرفت من لحظتها انه من المقربين للجميع ..
عليه رحمة الله والمفغرة ..

مصـــدق :
سلامات يا وجيــه ..
نفس تلك الفترة يا مصدق . انتعشت فينا اهتمامات عديدة جدا ، الموسيقى ، الرسم ، الاطلاع بكل اشكاله .. قرأنا وقتها كتب لا اعتقد انها تتوافق مع المرحلة العمرية ، سمعنا من الشعر وشاهدنا من اللوحــات اقل ان اقول عنها انها لا يمكن ان يجود بها الزمن الحالي ..
يحزنني الرجوع القهقري من تلك المرحلة حتى الآن وبسرعة جنونية..
ويفرحني .. انك ما زلت مواصلا لدرب الابداع بدأته من فترة مبكرة .. من زمن جميل ..

ياشيوعي

سلامات استاذ يوسف الموصلي :
معك نترحم على روح الاستاذ ابوليلى
هو حقا استاذ اجيال .. عرفت البعض عنه عن طريق الأخ عمــر
من يشرف على مثل هذا العمل الضخم بما فيه من الفنيات الكورالية من توزيع الاصوات وخطوط الكونتربونت .. إلخ ، اكيد هو شخص له الكثير من الخبرة والتمرس في هذا المجال .
هو من ضمن الذين افتقدتهم الساحة في مثل هذه الاعمال التي اختفت تماما .. حتى وإن وجدت فهي مشوهة المــلامح ..

Quote: ياشيوعي

انا بقترح يا استاذ الشيوعي يكتب لينــا باللون الأحمـــر والما بعرف يلون يكتب ملاحظة انو الكتــابة دي اقروهــا باللون الأحمـــر ..
طبعا المسالة تنظيمية ليس إلا وبنراعي فيها حق الزمالة

تعرف يا تمبس ان الراحل العظيم عبد الرحمن آخذته السياسة من الفن وهما
لا ينفصلان ابدا فالفن هو الذي يعكس مايدور في الحياه والحياه تسيطر عليها السياسة للآسف
لكنه عظيم مثل الذين رحلوا ولايعرف الشعب السوداني عن عبقريتهم الكثير مثله في ذلك
مثل
(عربي الصلحي)
في عبقرية مرت الايام
آو
عبد الله عربي في
(هبت الخرطوم في جنح الدجي)

.


و يا سلام تاني يا Azhari Nurelhuda




سلامات

.

التحية و التجلة

لكل من ساهم في هذا العمل الراقي

و من قبل ندعو المغفرة و الرحمة

للأستاذين : عبد الرحمن عبد الله

ومصطفي سيد أحمد ,

لهم بقدر ما قدموا من عطاء

العزيز كرفــس
لك التحية وجهدك مقدر في المتابعة ورفع البوست لمزيدا من الاشياء الجميلة ..
بالصدفة اتصل بي بعض اصدقاء الراحــل مصطفى سيد أحمد هنا بالرياض .. وهم من المتابعين لسودانيز اونلاين الاصدقاء ( عبد الحليم حامد + عمر أحمد عمر ) واخبروني عن امتلاكهم لهذه النسخة من الفيديو ..
عليه
الله حلاك من مسالة المرسال دي .. والحاجة التانية ح اعمل بكل جهد على اني اواصل تنزيل بعض الاعمــال هنا .. من هذه الاعمال الخالدة ..
شكرا يا كرفس تاني مرة

شكرا ليك كتير يا أخ Tmbis

مليون سلام يا شعبنا ... ويا محمد أحمد همتك صوتك أمانة في ذمتك أمانة في ذمتك ما تخلي سادن قمتك ... سميت المدن النايمة ... تغلغلت هذه الأعمال في دواخلنا، فكونت وعي جيل ثوري مصادم لا يساوم ويتوق دوماً لفجر الحرية والانعتاق ولا يرضى الخنوع والضعف والهوان ... التحية للشرفاء الذين أبدوعوا في هذا العمل الجميل وعاش نضال الشعب السوداني.

تحياتي يا Tariq Villamosh واشكرك للمتابعة ..

Quote: مليون سلام يا شعبنا ... ويا محمد أحمد همتك صوتك أمانة في ذمتك أمانة في ذمتك ما تخلي سادن قمتك ... سميت المدن النايمة ... تغلغلت هذه الأعمال في دواخلنا، فكونت وعي جيل ثوري مصادم لا يساوم ويتوق دوماً لفجر الحرية والانعتاق ولا يرضى الخنوع والضعف والهوان ... التحية للشرفاء الذين أبدوعوا في هذا العمل الجميل وعاش نضال الشعب السوداني.

.. كل هذه الاعمال الثورية او معظمها حكت عن كفاح جيل .. فيها ما كتب من داخل الزنزانة في اسواء الظروف تعبيرا عن الصمود ، وعن عشم اكيد بفجر آتي ..
انتقلت هذه الاعمال وتوارثت من جيل لجيــل ـ حملت بداخلها مفاهيم ثورية صاغت حياة البعض واعادت صياغة البعض فظلت خالده .. وقيمة حية تتوارث من جيل .. إلى جيل.

الأخ علاء الدين

حسب النظام و الأصول....
نرجوا أن يتكرم السيد المحترم الأستاذ حمد إسماعيل و هو زميل في هذا البودر و لديه سحارة خطيرة بها كل الذكريات الجميلة بإفتتاح هذا السرد.
العين ما بتعلوا علي الحاجب...
رجاءا يا محترم.... إعلان ضربة البداية
و منتظرين.....

Quote: نرجوا أن يتكرم السيد المحترم الأستاذ حمد إسماعيل و هو زميل في هذا البودر و لديه سحارة خطيرة بها كل الذكريات الجميلة بإفتتاح هذا السرد.

الزول ده وين يا ابو الزهــور ..؟
حركــوا لينا شوية ..

والله ياكرفس لكن لقيت قديم قدم
لاحولالالالالا

ثم ياتمبس

أنا سعيد جداً بهذا البوست الجميل

ودي وتقديري

خضر

قــاسم أمين

الطارق مين
أنا قاسم أمين

أهلا أهلا أهلا
بالراي
شيخ السراي
اتفضل جاي
أعمل لك شاي
اللحظة معاك بتساوي سنين

أديتني حماس وحواس ويقين
كلمت الناس
كم واحد قال
أديتو حماس وحوا ويقين

قــاسم أمين

الطارق مين
أنا قاسم أمين

أهلا أهلا أهلا
بالراي
شيخ السراي
اتفضل جاي
أعمل لك شاي
اللحظة معاك بتساوي سنين

أديتني حماس وحواس ويقين
كلمت الناس
كم واحد قال
أديتو حماس وحواس ويقين
لأنك يابا
نقابة وغابة
وحس ربابه
وغنا أطفال
ودياليكتيك

تقرا كتاب الزمن الجايي
وتكشف سراً في الأعماق
تنحت تنحت
في الآفاق
أنفاق
انفاق
تشوف المدن
اللسه مكانه
تراب وخلا
تشوف أهلا
وهم لسه
حنين
في عيون عشاق

درع الوطن الواقي وباقي
وحلم الناس المغلوبين
اديني حواس وحماس ويقين

فني التشريح اللغــوي .. والبصري
استاذنــا الكابتن محمد عبد الجليــل..
كلام استاذنــا مربي الاجيال .. محجوب شريف كلام خطيــر جدا
وتكمن خطورتو في انو طالع من قلب الحدث ومن القلب للقلــب ..
وتزداد خطــورتو لما يلقى الناس الصاح البتدي الكلام الجميل ده حقو بالتمام والكمال في اللحن وفي التوزيع وفي الاداء
الشباب ديل وصلو الفكرة دي كاملة .. لذلك كان الكلام معبر سواء كان عن قاسم امين ، والا عن كل الشهداء الضحو بي دمهم ..

الزميل خضــر حسين
وانا في سعادة اكتر منك لا توصف .. وجميل ان البوست جاب لينا ناس بيناتنا ما كنا عارفين ان لهم الفضل في هذا الابداع وهذه الملحمة ..

تمبس والمشاركون

داك كان زمان الكلمة المسئولة والتي غيرت وشكلت وعي امة.

وتقول لي برضو ( سنتر الخرطوم)

هذا زمانك يا مهازل فامرحي

شكراً يا تمبس على التسجيلات دي وعلى كل الحاجات الحلوة
البتتحفنا بيها ..

موسيقى وكلامات تملاء الهاوية الجوانا
شكرا تمبس

شكرا تمبس الجميل ..


الزول البنضح سكر

Quote: موسيقى وكلامات تملاء الهاوية الجوانا شكرا تمبس

..

Quote: شكرا تمبس الجميل .. الزول البنضح سكر

الاعزاء هنادي الفضــل + محمد عبد الله شريف ..
تشكرو يا شباب على المرور الجميل ..
الف شكــر ..

Quote: تمبس والمشاركون داك كان زمان الكلمة المسئولة والتي غيرت وشكلت وعي امة. وتقول لي برضو ( سنتر الخرطوم) هذا زمانك يا مهازل فامرحي

يا امير كل مرحلـة تعبر عن نفسها فزمن الانهزام دائما مصحوب بالانهزام .. وإن كانت هناك بوادر تصحيحية تلوح في الافق .. بالرغم من السلحفائية..
تشكر يا امير .. ..

Quote: شكراً يا تمبس على التسجيلات دي وعلى كل الحاجات الحلوة البتتحفنا بيها ..

...
يا طــــل
شكرا ليك انت يا حلــو .. كل الاشياء الجميلة الفوق دي خاطبت الوجدان في زمن جميل ... عملوها ناس جميلين ناس عاديين زيي وزيك واحد .. التاريخ بيحفظ ليهم حقهم . زي ما نحن رجعنا ليهم هنا حسع دي من بعد واحد وعشرين سنة غياب .. فيهم من رحــل وترك خلفه كل المعاني الجميلة ومنهم من واصل ويواصل .. بنفس الروح القديمة ..
وما زلنا في انتظار كل الايام الجميلة

.
تمبس وضيوفه الأعزاء..

عندي ليكم هـدية حلوة، ترقبوها..

ماشي أعمل ليها "اسكان" وراجع لكم!

عدلان.

Quote: تمبس وضيوفه الأعزاء.. عندي ليكم هـدية حلوة، ترقبوها.. ماشي أعمل ليها "اسكان" وراجع لكم! عدلان.

.. العزيز عدلان أحمد عبدالعزيز.. بالمناسبة الشغل العملتو ده اضاف للعمل نكهة خاصة جدا ..
والله لفترة طويلة كنت ما قادر استوعب كلمات الاناشيد بشكل واضح ..
اشكرك شديد يا عدلان .. وفعلا ده كنز من الكنوز المفقوده
على ما اعتقد انو القصاصات دي من نفس ديوان حــروف على ما اعتقد ..
شكرا ياعــدلان .. شكرا جزيلا

تمبس ............ سلام
ارشح هذا البوست ليكون الاميز لفترة طويلة ......... شكرا يافنان ياابن فنان واخو فنان

قــولوا واحــد..

قــولوا تاني..

شكرا علي هذا الجمال

يا رفيق

Quote: تمبس ............ سلام ارشح هذا البوست ليكون الاميز لفترة طويلة ......... شكرا يافنان ياابن فنان واخو فنان

.. يا حــاج بهــاء ..
والله البوست ادخلني في زمــن جميل .. واعاد لي بعض المفقود من اشخاص ما زالوا يمرون بالذاكرة الصغيرة وقتهــا .. ما تلاشت ملامحهم ولا حتى اصواتهم بالرغم من طول المدة ..
من ناحية اخرى والاميز من كدا ..
عاين جبت ليك عمــر منصور .. ده حقــو تدفع لي عليهو بدل اي حاجة تجي في بالك .. دفعة الثانوي في ايام جميلة زي الزمن داك ..
والله يابهــاء ذكريات زي دي .. إلا تحضره في فلم هندي وتقعد تبكي مع ام البطل
سعيد يا بروف بالمرور الجميل ..

قــولوا تالت.. وجاي رابع..

وقــولوا رابع..



مع عامر الود لكم، ولمبدعي الكورال.. أين ما كانوا ..

غايتو يا تمبس شيل شيلتك كان ما جاك عبدالرازق وخت ليك العلامة المسجلة

ياخي دا كلام جميل وزمن أجمل ..
زكرتنا حاجات لا تنسى ..

يديك العافية يا صاحب ..

العزيز تمبس وقفه وتعظيم سلام

لك كل الود يا غالي

Quote: شكرا علي هذا الجمال يا رفيق

.. تشكــر يا درش يا زميـــل
..

Quote: غايتو يا تمبس شيل شيلتك كان ما جاك عبدالرازق وخت ليك العلامة المسجلة ياخي دا كلام جميل وزمن أجمل .. زكرتنا حاجات لا تنسى .. يديك العافية يا صاحب ..

.. تشكر يا ابو الدفاع .. للزمن الجميل ، معزة في القلب .. وذكرى ايام جميلة ..
امــا صاحب .. عدو الماسونية ..
نتمنى ان يتحفنــا ببعض من زهراته
و

وما تنسى حاجة حاجتين كدا من الهولوكوســت

يا تامبا ده ركوب العجلة و لا عامل ساتر بالكورال

يا زول سيرة الشيوعية دى بتجيب ليك الهواء السخن



ذكرتنى بنات عمى سهير و سهير ... من اعمدة الكورال ... زمن


ابوظ ليك بوستك الظريف ده؟

يعنى خلاص الغنا ما بخلينا نجوطا ...

هاك واحد:

Quote: ومتى يكون الشيوعي سعيدا ؟؟؟ لامن يشبع من ولغ بحور الدم النازفة.. ويمارس ضلالياتو.. وينكر وجود الخالق.. ويعزف على وتر الحياة مادة.. ويبغبغ بحكاية الدين أفيون الشعوب.. ليصبح نصيراً للقوم الفاسقين.. جمبلغ جوة الجكـ.. يلغي عقلو.. ويبقى خنجر مسموم في خاصرة أمتو..

إن شاء الله عرفت حاجة..

اجيب ليكم الباقيين؟
تدفع كم يا تمبس يا عميل الشيوعية اليهودية الامبريالية

وبالمرة شوف لينا عشرة مقاطع للحياة

Quote: اجيب ليكم الباقيين؟

.


مالك علينا يا عصام ؟؟
ياخى خلينا نبكى شوية ، وبدمعٍ سخين
ليس ذلك الزمان الذى مضى فقط ، بل
الناس التى مضت ، لا أدرى لماذا إمتلأت
بالحزن الكثيف ، وفجأة برغم فرحى الأول
بذكريات ذلك الزمن الفلانى .

والله إمتلأت ببكاءٍ مُمضٍ على أنجم وفراشات
طارت منا ، ولم يتح لنا بكاءها كما يجب ،
يا حليلهم ... يا حليلهم .... يا حليلهم .

والله ما كنت قايل إننا مظلومين قدر ده .

Quote: العزيز تمبس وقفه وتعظيم سلام لك كل الود يا غالي

.. حســام يا صاحب .. وين الحي بيك ؟؟ يعني بقيتو ما بتطلعوا إلا بي حاجات الزملة مشتاقين ياصاحب ..
..

Quote: ليس ذلك الزمان الذى مضى فقط ، بل الناس التى مضت ، لا أدرى لماذا إمتلأت بالحزن الكثيف ، وفجأة برغم فرحى الأول بذكريات ذلك الزمن الفلانى . والله إمتلأت ببكاءٍ مُمضٍ على أنجم وفراشات طارت منا ، ولم يتح لنا بكاءها كما يجب ، يا حليلهم ... يا حليلهم .... يا حليلهم . والله ما كنت قايل إننا مظلومين قدر ده .

. عبد الله ،، والله كلنــا مظاليم . ومليانين مغصة تشق عديل كــدا .. ياخي لو الزمن ده بيمشي كويس والله ما كنا محتاجين لي اننا نكون حسع هنا ده بي مغصتنا دي .. بي كل حنينا وشوقنـا لي اشياء كانت في متناول يدنــا بي الامكانات البسيطة المتاحة . لي ناس كان بينك وبينهم حبــل الوريد في مسافة القــرب .. اصبحت مجــرد ذكراهم .. وجع يلون كل اللحظــات بالآلم والحنين .. واللوعــة ..
يمكن دي ضريبة الايام الجميلة العشناها في لحظــات بسيطة ياهندي قاعدين ندفع فيها..
لكن ما زلنــا نعشم في لحظات إن ما كانت أجمل .. يمكن ان نعيش بها ما تبقى ... من عمــر

الشيــوعي عصام جبر الله ..
تعرف لما تجي داخل اي بوست حقي .. وعشان عارفك زي ود المــوية ما بتتمسك تاني بلحقك واديك في راسك الكبير ده قبال ما تمشي لانو ما بتجي بسهولة ..

Quote: يا تامبا ده ركوب العجلة و لا عامل ساتر بالكورال .. يا زول سيرة الشيوعية دى بتجيب ليك الهواء السخن

..

شوف يا عصام والله البورد ده بي الحركات الفيهو دي .. تعمل اي حاجة عايز تعمله .. البتلايق فيك تتلايق فيهو ..
حسع قبل يومين مش كنــت ( كــوز ) عايز من هنــا لحدي ( الراتب ) بتاع شهــر خمسة ده اركب مكنة زميــل .. داير معاي ما عندك مشكلة تعال ..
المهم
البوست ده مافيش زول ح يجي يجوطــو .. غرك إنت وكان جطــو .. بنختها ليك قدام ..
..
بلاي قطعت لينا حبــل ردودنــا .. يا شيوعي
امشي نــوم ياخ ..
خلينا نراجع الذكريات دي .. ونعرف نردرد للناس الفوق دي

ماندلا


اولاد وبنات الحلة
يلا نغني يلا
عن كل نضال هن كل مدينة
عن كل سجين عن كل سجينة
زائد ايمان وجسارة
شامخ في كل القارة
حتما يوم تطلع ليك شمس الحرية
وتظل نبراس قوة للانسانية
للسلم حياتي ,,, للسلم حقيقة
للوطن النابض في كل دقيقة
سلما ,, خبزا ,, حبا ,, شعرا وموسيقى


يا سواعد شابة في كل مكان
في ارض الغابة وارض الوديان
ابدكم في ايدي نبدأ البنيان
ابدكم في ايدي نبني السودان
لا تفرقة بين انسان وانسان
لاظلم وجور باسم الاديان

سلما ,, خبزا ,, حبا ,, شعرا وموسيقى

تأليف والحان طارق الامين ( الواحد ده )

غناء كورال شباب حيمورة

تمبس

تم



بس


ياخ



تم



بس

يا طــارق الأمين ..
والله اتمبس ليك حنان اي حــاجة انت عايزه ..
بس كان جبت لينــا ( أبو الرور )
تكون ( تــم بست هــا ) معانــا على الآخــر

Quote: تأليف والحان طارق الامين ( الواحد ده ) غناء كورال شباب حيمورة

... يا يابو هبـــه .
طيب الحــاجات دي وين مدســـوسة ؟ ...

شكرا تمبس

وقاسم أمين يا تمبس

سميت المدن النايمة
المدن التصحى فى حين
تترجى خطى العمال
اصوات الفلاحين
النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟
الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..

كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين


مودتي

Elmoiz Abunura
الــف شكر لوجودك هنا

والشفيع . يــانهال
وا حلالى أنا وا حلالي أريتو حالك يابا حالي
الشفيع يا فاطمة في الحي في المصانع..
وفي البلد حي
سكتيها الـ قالت أحي .. ما حصادو الأخضــر الني
ومات شهيد أنا
وا حلالى
أمحمد أحمد تكبر وتشيل الجواد..
والسيف الطويل
أسم أبوك في النجمة والنيل ..
خط أبوك بالدم النبيل
كل صفحة وصفحة الكيل ..
مات شهيد أنا وا حلالي
يا بنات الخالة والعم..
يا بنات حلتنا من جم
الشفيع الـ خالي من دم أدو شبال جّرن النم
هزّ في الدنيا بالدم ومات شهيد أنا وا حلالي
يا الورش يا السكة الحديد..
يا مصانع نار تقيد
يا العرق يا الزيت يا الحديد..
يا رجال في المينا البعيد
شّدو حيل اليوم السعيد
شايفو قّرب
وا حلالي ..

طارق ود الامين

الصحافة مربع تلاتة وعشرين

لمزيد من المعلومات ... اتصل يا تمبس


.... لن بفلت المجرمون .....

.... نحن في السودان ,,,,,,

,,,, صه يا كنار .......

.... يا والده يا مريم ......


وأشياء أخرى ,,,,


مودتي با طارق

تحياتي وحبي يا علاء تمبس

علاء حيموره؟؟؟؟؟؟؟؟؟؟؟؟؟

لاحولااااااااااااااااااااا

كم سنه

اعترف


محبتي لكم


بلا


حدود




طارق

حيموره حيموره
ماتقول لي الكشافة الجوية
تتذكر عمر منصور كان فى الفتيان وبعدها الجواله كان بيشترى أقلام ال(PILOT)من مكتبتكم في نهاية السبعينات ,بداية
الثمانينات كنت ساكن جنب داخلية المعهد?

الاخ / عمر

الف تحية

انا ياهو حيموره زاتو ,, وايام فعلا كانت جميلة وستظل محفورة في الذاكرة,,

اتمنى ان تكون الاجيال التي تلتنا حافظت على القيم الحميلة ...

لك ودي يا عمر ..

ايميلي على البروفايل ,, ارجو التواصل ,,,,

زمن طويل أخ علاء


أكيد ح نتواصل إنشاء الله

طــارق الأمين ، علاء حيمـورة ـ وعمر منصور
مستمع معكم بذكرياتكم الجميلة عن تلك الفترة الجميلة ..

بالمناسبة يا علاء حيمــورة .. ده عمر منصور أخوي البكــر .. تتذكر يوم زيارة عـادل الصديق للرياض وكنت بحــاول اوصف ليك عمــر وفترة المعهــد .. والداخلية الجمب البيت ..
أهــو كدا الصورة اكتملت ليك ..
رايك شنـو في الربط الغريب البي الصدفة ده.. الدنيا دي مش ضيقة ؟

ياتمبس التحايا لك ولروح فارس ود سلفاب المقيم مصطفي سيداحمد

حــاج بهــاء ..
وينك تاني ما مريت بي هنـا .. ؟؟
الف رحمة ومغفرة للراحــل مصطفى سيد أحمد .. وبالمناسبة اتصلي علي أحد الأخوة من المتابعين للبورد ويمتلك كمية من أعمال مصطفى بالدوحة . فيديو وصوت ..
اظنك متذكر الفترة ديك .. بحاول لو لقيت فيها اعمال نضيفة اضيفة للبوست ده وتكون بمثابة ذكرى للراحل المقيم فينا أبو ســامر ,,

العزيز سيد الجمال (تمبس) شكرا
افاقنى اليوم الصديق والأخ أستاذ الأجيال (أزحرى),يرجعنى هذالذكريات البروفات التحضيرية لتلك الملحمة ودائما فى مخيلتى الأخ إبن الإنقسنا
الفنان (سبت) نقاشاته والأستاذ (أزحرى)فى ربط هذه العناقيد إيقاعيا
أذكر ذاك الملتقى العريق (نادى الموردة القديم) تجسم (أوبيل)هذاك
العملاق الحاضر (أبوليلى) شكرا أستاذى (موصلى) فمن ضمن هموه ومهامه الكثيره
يحرص على أن يصل كلا منا الى موقع البروفة.
ونلتقى (بمصطفى فارس ود سلفاب شكرا صديقى ورفيق دراستى بهاء الدين الكردى) وبقية الجميلين حتما سنلتقى

وللحديث بقية

العزيز ( بوعميــر )
انا بشكــر التقنية للحظات الجميلة دي .. وادين لي ( بل قتس وبكري ابوبكر ) بالكثير أن جمعتني مساحة اتحسس فيها ما يمكن ان توصله أو ان يأتيني منك من احاديث انقطعت ..
اكتب لك وفي البــال رسالة صغيرة من عمــار منصور قبل فتــرة .. زاحمتني في ساعات متأخــرة من الليل ..
كتب في حســرة :
( يأتيني الآن صوت كمــان عمر منصور من الغرفة البعيدة وثم ضحكة عذبة ).., عرفت لحظتها أنها الأشـــواق بلغت إقصى حد لهــا ..
الجميع يشتاق أن تعود الأيام . بكل ما فيها من لحظات صعبة ـ حزينة ـ سعيدة ..
..
ثم
ذكريات هذا العمــل ما زالت تمر امامي في شاشة عريضة .. وأنــا أتأبط ( الكمــان ) عنك اتقدمك لمحل البروفات ... أو نادي الفنانين .. تمــر بخاطري ذكريات السمندل .. حنان النيل .. عثمان مبارك .. كمنجولجي .. أحمد باص .. سعد الطيب .. عبد المنعم الخــالدي .. حفلة وردي في الملازمين ..
ما زلت اتذكر ( قفشــات ) اصدقـاء طفولتي محمد أمين .. ومحمد عبد القادر .. وانا أحمل الكمان :
( ممكــن تسمعنــا حاجة صغيرة يا استــاذ )
هذه الذكريات الصغيرة بقدر ما هي متعبة . إلا أنهــا جميلة ..
سعيد انك تطــل من هنا بعد هذه المسافة الطويلة جدا بمقياس الغربة ..


رايك شنــو لو قلت ليك عازمك فطــور في البيت الليلة الجمعة دي .. في السودان طبعا

فسيـــخ كيف معــاك ... يا حبيبي ويا صديقي اللطيف ..؟

عزومتك مقبوله يازول يازين
بس الجمعه دى خليها كم شهر وكم جمعه كده أقل من سنه (اللمرق من ناس Omer Elsheikh ديل).
نتلاقى فى الرياض حقتكم يا جنب حقتنا (المطار)(فانا زولا دايرله قواده),وماحريف فى البتاعات الطايره دى ومابعرف حاجات ناس القذافى بعرف(جنينة الحيوانات وخور أبوعنجه)حتى المواصلات بعرف التاكسى الأصفر الزمان وأبورجيله لابعرف أمجاد ولا أمتها الجديده.
ولمن نصل سيد عمار وناس بيتنا الحنان أكيد ح ألاقى عمر منصور الزمان.
عزيزى قد يبدو فى كثير من الأحيان ان الذكريات هى ذادنا الباقى لنجتر وقد قدم أبناء وبنات شعبى الكثير ولازالوا. ولكم أفتقد مصطفى وعبدالرحمن.

يا الله يا الله
من هذه و تلك....
الله يجمع شملكم يا عيال منصور......
الله................................

عزيزى أبوالزهور
لقد سأله المبدعين وسألناه (يازمن أرحم شويه)
أتمنى ذلك وأن أتأبط أيادى أصدقائى خصوصا سيد حمد وسيد وليد
وبعدها نعود ونغنــــــــــــى
نحن ياست الحبايب
فى دروب الليل نهارك
وقبل مايطول إنتظارك
نحن جينا ونحن جينا
وبعدها
(اللسوى الزمن الداير يسويهو)

بوست راقي يا تمبس وفعلا اعمال كورال الحزب الشيوعي كلها جميلة وراقية
اسأل الله العلي القدير ان يسكن الفقيد مصطفى سيد احمد جنات الفردوس بقدر ما قدم لشعبه - كان من اروع البشر

واكتر من اجمل

العزيز تمبس

شكرا علي مدنا بذكريات الماضي

كلمات و الالحان لها وقع خاص

اغاني تخاطب و جدان الشعب

الكورال اطرب كل الشعب السوداني و ليس الشيوعيين فقط


و مع راي الاخ بهاء البوست ده حيكون شعله

Quote: واكتر من اجمل

عصــام .. أنت دائما تحرضنــا على الاشياء الجميلة يا صاحب.
..
العزيزة مــي :
البوست شعلة جميل بوجودكم .. مع الذكريات الجميلة لتلك الفترة الجميلة من عمر الشعب السوداني .. حقبة زمنية مرت كالطيف .. لم ندرك حلاوتها إلا بعد ان اصبحت طي النسيان ومن ضمن ذكرياتنا التي نتحســرهــا..
ما قدمته المجموعة من اناشيد كتب معظم كلماتها شاعر الشعب .. الثوري ابونا محجوب شريف ودوزن الحانهـا اساتذة في علم الموسيقى وترجمهــا شباب واعي برسالته .. هي منظومة جمالية متكاملة لايمكن أن تتكرر بسهولة هذه الأيام..

العزيزة شــادية الطيب ..
مليون ســــلام..
البوست جميل بكل الشباب الفيهـو بروحهم العالية النبيلة وأنت منهم ..
هذا البوست بمثابة ذكرى خالده .. لايام جميلة ـ نتنسم فيها عبير الراحل مصطفى سيد أحمد ..
عليه الرحمة والمغفرة .. بقدر ما اعطانا مساحة من الجمال اصبحت شاغرة برحيله..

عمر وعلاء اولاد العم منصور ............. سلام

عمر الشيخ ...... علاء يونس ..... فتاح منصور ...... عايزين تجننونا ولا شنو ؟

الفتك
أعز الناس من 87 (وعيك) أخر مره الدوحه الوكره
طبعا علاء الدين ادانى التلفون حاولت أتصل بيك الظاهر الوقت كان غلط
اقول ليك حاجه انا يونس ما شفته خليك من الشيخ لكن تسمية الخواجات
(ايانى قشر منصور) ح أتكلم مع سيد بكرى بخصوص عمر منصور

تحياتى للجميع خصوصا الأخ صديق
بالمناسبه سمعت اخبار عن الأخ طارق بابكر في السودان

إلى لقاء أخر

حمدالله علي السلامة ياسيد (كتوص)
البوست نور.......
و أحسن تخليها(صتوفكة)
و لا شنو؟

شكرا أبو الزهور

عمــر .. وبهــاء .. وأبو الزهــور :
منورين البوست والله يا شبــاب .. واصلوا ذكرى الايام الجميلة .. البوست ده بيستمد روحــو بي حواراتكم دي واضافاتكم اللذيذة ..

Quote: الفتك أعز الناس من 87 (وعيك) أخر مره الدوحه الوكره طبعا علاء الدين ادانى التلفون حاولت أتصل بيك الظاهر الوقت كان غلط اقول ليك حاجه انا يونس ما شفته خليك من الشيخ لكن تسمية الخواجات (ايانى قشر منصور) ح أتكلم مع سيد بكرى بخصوص عمر منصور تحياتى للجميع خصوصا الأخ صديق بالمناسبه سمعت اخبار عن الأخ طارق بابكر في السودان إلى لقاء أخر

ياعمر منصور ده كلام ؟............. يازول انت ماتتكلم ساكت في زول قال ليك الكلام ده حصل متين .......... صديق فضل بكر ببنية اظنها عروس الان ........... اماحبيبنا طارق لم اسمع عنه قريبا ولكنه رجع من امريكا واظنه في الموردة ............ بالمناسبة الحله فيها نادر عوض ابشر وهو الان قاضي استئناف قدر الضربة ونادر الريح (ابوالجيش) مساعد وكيل بالمالية ...... اما البقية شتات ياصاحبي.......... معانا في الدوحة هنا امين ابراهيم اسماعيل ولد الحكم ........... طبعا تمبس قال اتونسو وانا ماصدقت

Quote: طبعا تمبس قال اتونسو وانا ماصدقت

... يا حاج بهــاء ..
والله انا مستمتع خالص بالحاجات البتعملو فيها انت وعمر وأزهري .. على الاقل الواحد يقرا نفسياتكم سنة 2007م ..
واصلوا بلاي في الحاجات الجميلة دي .. والذكريات دي ..
طبعا لقيت ليك عند صديق المووج تسجيل خطير جدا .. لي سماية اخلاص بتو .. لاحظ سماية اخلاص دي عاملة كيف .. التسجيل حفلة كانت بي سامي المغـــرب فيها شلة مزيكاتية انتحارية جدا من ضمنها عمر فتح الله وعمر منصور وباقي المجموعة .. التسجيل ده ممكن ابيعو لي عمر منصور . لو بيدفع كويس
طبعا بيدفع كويس دي معناته بالدولار الأمريكي وكدا ..
حق السماسرة محفوظ طبعا

كلامك صح ياسيد بهاء
لأنى خليت نادر عوض وا (أبوالجيش) (Rookies). تحياتى مره ثانيه للأخ صديق وربنا يحفظ العروسه ويزيد من امثالها. سلم لى كتير على (الدشن)وربنا يتقبل بالرحمه والده وشقيقته فقد سمعت تلك الأخبار من كمال مصطفى قبل فتره فى أميركا . (طارق كبجا) سمعت إنو بخير والحمد لله وهو فى (العوده).............



مليون سلام.

العزيز والرائع تمبس
شكرا جزيلا واعدت لينا ذكريات عزيزة ..اعتز بها كثيرا..الزمن الجميل والرفاق الاروع..
فقط أود ان أضيف ان هذا العمل كان نتاج سنتين من العمل الدؤوب..ظروف صعبة حيث كنا نقوم بعمل البروفات فى اماكن مختلفة..مواعيد صعبة (بداية البروفة الساعة الثالثة بعد الظهر..بالاضافة إلى يوم الجمعة من العاشرة صباحا..إمكانيات محدودة(كل ماكان متوفر هو الرغبة الجامحة لانتاج ابداع تغنى بةجماهير شعبنا ...ويمجد ذكرى تضحيات اناس قدموا التضحيات لتكون عبرة للاجيال القادمة..).
من الزملاء الذين لم ترد اسمائهم واسهموا اسهاما فاعلا سواء اثناء ورشة العمل أو فى الحفل:
من الاركسترا
1.الزميل عضو البورد حمد إسماعيل(يا حمد متذكرين الشره بتاعة الاستاد ما حدابالاستاذ صلاح خليل ان يقوم بتغطية نقص الباص جيتار
2.الزميل عضو البورد ياسر بسطاوى.
3الاستاذ عباس عمر (ايضا قام بتلحين وا حلالى القبلى شال ....)
4.الاستاذ علاء الدين إبراهيم (قام ايضا بتلحين النصف الاخير من انشودة قاسم أمين.)
كما قام بالغناء ايضا.
من الكورال :-
1.خيرى
2.الباشا
3.سهير مصطفى
4.سهير سيداحمد
5.تيسير مصطفى (زوجة الراحل المقيم الخاتم عدلان)
6.شخصى الضعيف (محمد مكى).

من كان لهم ايضا اسهام في بعض مراحل العمل :-
1.الاستاذ شاكر عبد الرحيم.
2.الاستاذ الصادق شيخ الدين.


شكرا مرة أخرى ياتمبس
محمد مكى

محمد مكى يافنان

معزتى
بس كيف مبتتذكر بقية العنقود

العزيز جدا محمد مكي محمد ..
مسلون سلام يااستاذ ..
وجميل انك تكون متواجد معانا هنــا في البوست ده .. وإنت من ضمن المجموعة المميزة التي نفذت هذا العمل الملحمة الضخم .. وهذا هو الزمن حفظ لكم كل ما قمتم به وكان نتاج تعب وايام بالرغمن من انها جميلة إلا الحسابات المعقدة الأخرى من امكانيات متواضعة ـ والكثير من الصعوبات الحياتية الأخرى ..
اشكرك لهذه التفاصيل الدقيقة .. واتمنى ان تواصل مع باقي الرفاق .. في مدنــا بهذا الحديث الجميل عن الذكريات الجميلة لهذا العمل ..
وصلتني العديد من الرسائل والاتصالات تتعلق بهذا البوست .. اعاد للبعض ذكريات جميلة .. وهم متابعين كل صغيرة وكبيرة تكتب هنا عن هذا العمل وعن ذكرياته
اتمنى ان تواصل ولا تبخل علينـا
ولك الف شكر يا مكي ..

شكرا ليك ياتمبس
دهشة الزكرى ارقتنى اليوم وجال فى زهنى شسريط الزكريات وعاد الامس كانة اليوم عبدالرحمن عبداللة بجدية صارمة ومصطفى بقلق المبدع وحماس الشباب الواعد . وسؤال ملح اين علاء الدين ابراهيم وياسر بسطاوى وعباس عمر وكل الناس. تحتاج مراحل الكورال المختلفة لشهادة كل الناس .اكرر شكرى وتقديرى.

Quote: شكرا ليك ياتمبس دهشة الزكرى ارقتنى اليوم وجال فى زهنى شسريط الزكريات وعاد الامس كانة اليوم عبدالرحمن عبداللة بجدية صارمة ومصطفى بقلق المبدع وحماس الشباب الواعد . وسؤال ملح اين علاء الدين ابراهيم وياسر بسطاوى وعباس عمر وكل الناس. تحتاج مراحل الكورال المختلفة لشهادة كل الناس .اكرر شكرى وتقديرى.

.. مرحب يا حسن النــور ..
وأنت شاهد عصر وتفتح مدخل آخــر يطل منه جمال هذا العمــل . اتمنى مرور جميع الذين عاصروا هذه المرحلة لنوثق لها مرحلة مهمة في تاريخ الاعمال الخالده التي مرت على السودان ..
مرحب بيك يا استاذ حسن وبكل من ذكرتهم

يعني الجماعة العندهم الاصل بتاع الشريط دا ثقلاء ثقالللللللللللللللة
طيب ياخي ما تورونا انتو وييين عشان لس ننسخو منكم و لهو هوووو احتكااااااااااار ابداع و السلام
غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا


خصوصا انو كان عندي و شالو مني زميل و من ديييييك و عيييييييك


مودتي تمبس

يعني الجماعة العندهم الاصل بتاع الشريط دا ثقلاء ثقالللللللللللللللة
طيب ياخي ما تورونا انتو وييين عشان لس ننسخو منكم و لهو هوووو احتكااااااااااار ابداع و السلام
غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا


خصوصا انو كان عندي و شالو مني زميل و من ديييييك و عيييييييك


مودتي تمبس

Quote: غايتو انا كان الشريط دا ما نسختو الترابة في خشمكم بشيل حالكم عبر الاساااااافير عديل كدا

.. امجــد:
الظاهر لي الترابة ح تكون في خشمك انت
يازول الناس دي اي واحد عندو نسخة .. مكنكش فيها شديد جدا ..
إنت القال ليك ( فــك ) منــو؟
مش قالو ليك كان فكيت ما تنــدم ..؟
غايتو كان اتصلحو معانا .. نسختك اعتبره وصلت ليك ..

الاعزاء جميعا بدون فرز
فات على ان اذكر الزملاء
احمد المامون الامين من المجموعة الغنائية وجعفر حرقل من مجموعة الاوركسترا
لكم التحية
ودمتم

uppppppppppppppppppppppp

Quote: الاعزاء جميعا بدون فرز فات على ان اذكر الزملاء احمد المامون الامين من المجموعة الغنائية وجعفر حرقل من مجموعة الاوركسترا لكم التحية ودمتم

.. شكرا يامحمد مكي .. وانت تواصل ف يتحديث البيانات المتعلقة بهذا العمل ..ومازلنا نعشم في الكثير ..
..
.
أخونا نصر الدين صلاح
شكرا للمرور .. ودعم البوست

بوست تمام يا تمبس
به أرغمتني على المشاركة

فتلك أيام عزيزة لن تنمحي من الذاكرة

تحيةل:
- زينب عبدالمجيد
- نعمات خضر سعيد
- سهير محجوب سيد أحمد
- تيسير مصطفى

وإنحناءة لذكرى :
- عبدالرحمن عبدالله
- مصطفى سيد أحمد

كانت هناك ثلاث كراتين معبأة بشريط { كاسيت } الكورال راهنتني رشيدة
على توزيعها جميعها في حفل الإستاد
وكسبت الرهان
مازال الكاسيت يرافقني أينما ذهبت وأحتفظ بنسخة منه في البيت وفي السيارة
والآن بفضلك يا تمبس أحتفظ بنسخة في المكتب ، فكتر خيرك يا جميل

وحا نتابع

طبعا من الملاحظات الجميلة:
طيلة أيام الإستعداد لتنفيذ هذا العمل و التي إستمرت لفترة طويلة منذ شريط الإنتخابات و حتى إحتفالات العيد الأربعين1988
كان أبوليلى و بصفة مستمرة يعزف على آلة العود حتى صرنا نمازحه بإن أطلقنا عليه إسم فريد الأطرش تارة و (عواد الحزب على وزن عواد الست أم كلثوم) تارة أخرى‘ حتى يقلع عن ذلك و نسترده إلى آلة الكمان و التي كنا في شوق شديد لسماع عزفه....لأنها كانت تتأدب له...و أوحشنا كثير عزفه الجميل بسبب طول و تعدد فترات إعتقاله المتكررة عليه الرحمة...
المهم أنه و في حفل الإستاد و لظرف طارئ قرر هو أن يعزف الكمان لوحده دون ما إملاء من أي أحد منا... و طبعا كان عزف ....مافي داعي للتعليق فقط إستمعوا له أعلاه.
فعلق الصديق عمر فتح الله:
لا حولا.........دي كمنجة كومر 59 بس....سامع أبوليلى ده كان بلبلب كيف؟
ده تعليق دار بين إثنين من أعزف عازفي الكمان السودانيين....العمرين...منصور\ فتح الله...
و كانت أيام...
في القلب ذكراها...
ياليتنا عدنا
و لا شنو يا كتوص؟؟؟

موعدنا يا يا وطنى الحبيب
لكم افاقنى العزف المنفرد الذى يسبق هذا المقطع فى (حدق العيون)وطريقة عزف أبوليلى فى (الاسمو جوزيف)لأيام لم ولن تعود ونحن نخوض فى دروب الغربه الطويله.
تميز أبولبلى ب(tonality)مميزه وتنغيم (أميز). رغم ابداع احبتى عمرفتح الله مجدى العاقب وأستاذى وصديقى (مرغون).
يعود بى هذا للعام 1989 فى رحله إلى ليبيا مع الأستاذ محمد وردى, كان أن
كلفنى أبوليلى بتدوين عشره مقاطع وبقية الأعمال ومعظم الوقت كنت احاول أن أدونها على طريقة عزفه.
بالمناسبه إتذكرت
من الشباب الذين شاركوا مع مصطفى و أمال ليلة الأستاد
بكرى عبد الله (كيبورد) وهو عضو البورد ومتواجد معنا هنا (Hamilton, Ontario)
طارق أحمد أبو شنب (بيز) ألمانيا صديق ورفيق دراسه بقصر الشباب والأطفال وطبعا
الأخ والصديق العزيز الصادق شيخ الدين (بلجيكا)


وللحديث بقية

يا عمــر ..
من اللحظة الكتبت المداخلة دي وأنا في حالة اجتهاد شديد جدا علشان اتحصل ليك على المقطع المذكور هنا للراحــل ابوليلى .. علشان النوذج لما يصاحب الحكي بيكون ارسخ في البال .. وللاسف لحدي الآن ما اتحصلت على المقطع المطلوب . لكن من خلال العمل المرفق هنا تتضح نكهة الراحل أبوليلى والتكنيك العالي جدا والاحساس الأجمل..

Quote: من الشباب الذين شاركوا مع مصطفى و أمال ليلة الأستاد بكرى عبد الله (كيبورد) وهو عضو البورد ومتواجد معنا هنا (Hamilton, Ontario)طارق أحمد أبو شنب (بيز) ألمانيا صديق ورفيق دراسه بقصر الشباب والأطفال وطبعا الأخ والصديق العزيز الصادق شيخ الدين (بلجيكا)

.. الشباب ديــل وين ما ظاهــرين في البوست ده ..
ح اجي راجع لمداخلتك دي من جديد ومعاي الملف المذكور .. وح اتحصل عليهو خلال الساعات القادمة
تشكر يا بوعميــر .. ومزيد من التواصل عبر هذه المساحة الجميلة بكم.

أبوالزهـــور ..
تعجبني جدا هذي التفاصيل الدقيقة جدا من خلف الكواليس ..
احتفظ بالعديد من القفشات ما زالت في الذاكــرة .. منها المضحك ومنها العديد مازلت استغرب لاسبابه..
وانا بتقرا في كلامك ده .. مرت علي خاطره جميلة جدا .. ما عارفكم انت وعمر بتذكروها والا ما بتتذكروهــا ..
كانت في حفلة في الحلة .. وكنتو شغالين ضمن الاوركسترا مع بلبل الغرب عبد الرحمــن عبد الله .. كنت منتظر عمر علشان نمشي البيت بعد نهاية الحفلة ،، فتشت لي عمر ما لقيتو .. فجأة لقتيكم الاتنين مع بعض .. إنت طابي الاكورديون .. وعمر طابي الكمــان .. والاتنين متماسكين وقاعدين ( تبكوا ) .. .. استغربت قلت الناس ديل الدقاهم منــو ..؟
لكن بحكم معرفتي بصلتكم القوية مع بعض .. قلت اكيد مرت عليكم لحظة اتهبشتوا فيها في مكان حساس جدا ...
بالمناسبة المسالة دي شفتها في الكثير من الشباب المزيكاتية المعروفين .. وده بيرجعني دائما لي أنو الشخص الفنان دائما مرهــف .. واحساسو في السماء .. وصافي جدا ونقي .. ودائما المزيكا بتعمل العجب في النفوس .. وبتهذب الروح ووسيلة تخاطب انسانية ووجدانية.
ادينا من الذكريات الجميلة دي يا ابو الزهور ورجع شوية من الزمن اللي فات

العزيز ابوساندرا ..
من حق الاجيال الحالية ان تفخــر بالاعمال الخالده المفترض تضاف للمقررات الدراسية بتخصيص حصص عن التربية الوطنية .. طالما اتلغت مقررات الموسيقى ـ وانمحت من الذاكرة الكثير من الاشيتء الجميلة بفعل فاعل ..
ح تفضل الفترة دي نقطة مهمة في صناعة الادب الثوري عن طريق توصيل الرسائل التوعويه في قالب موسيقي يخاطب الوجدان ويلهب المشاعـــر ..
تجربة الكورال بشكله المتكامل يجب ان لاتمر .. وأن لا تهمــل والا تضع في رف اي مخزن لياكل عليها الدهــر دون ان تمتد لها ايادي التجديد لتعرضها تجربة انسانية وقيمة جسدت كفاح جيل كامل..

Quote: مازال الكاسيت يرافقني أينما ذهبت وأحتفظ بنسخة منه في البيت وفي السيارة والآن بفضلك يا تمبس أحتفظ بنسخة في المكتب ، فكتر خيرك يا جميل

.. كتر خيرك وكتر خير الزمن والتقنية الخلتنا نفتح نافذة للعمل الجميل ده .. واتمنى ان يعاد تداول هذا العمل لنحتفظ بنكهته المميزة ونمجد به أرواح من رحلــوا ووضعوا بصمات واضحة ،، ومن هم بيننا الآن وتفرقت بهم السبل واصبح هذاالعمل في طي النسيان يعيدهم إلى أيام ولحظات جيملة ..
الف شكر يا ابوساندرا .. والتحية لكل من ذكرتهم في القائمة .. واتمنى ان تواصل من الذاكرة عن تداعيات هذاالعمل الجميل ..

تمبو يا شعوعي ..

يعني لي يومين ما دايرة أفتح البوست ده قايلاه كمين لأهلنا الشيوعيين.. أصلو اليومين دي المنبر كله كماين ..

تحياتي للجمع المهيب المشارك في الكورال..

وتحياتي لروح صديقي الحبيب الفنان عبدالرحمن عبدالله



وشكرا ليك يا جميل







تخريمة: طيب إنت ما كويس أهو.. بيقولو عليك كده ليه ..

يا سلام يا تمبس
دي ايام جميلة كيف
كان في اليوم ده استاد الخرطوم قبلة الشيوعيين
كانت فرصة نادرة في تاريخ الحزب
وكان عمل سامق بقامة الشيوعيين
هناك افذاذ لايذكرهم أحد
كانوا وراء شريط العيد الاربعين
وتحضيرات العيد الاربعين
منهم الصديق عباس عمر الموجود في سدني
والصديق علاء ابراهيم
والتشكيلي صلاح سليمان بخيت
والتشكيلي علي الامين
دي ذكريات لا تمحي من الذاكرة
التحية للحزب الشيوعي
منارة الاجيال
وشكرا علي كل هذا الجمال تمبس
ربيع السماني
الكليات التكنولوجية 1986

فوق

عوض هارون ..
تشكر على المرور اللطيف ..
وجميل انو شغل الكورال جــابك البورد من جديد


تحياتي لكل الناس المعاك ..

العزيز ربيــع السماني ..
مليون سلام..
ذكرياتك متداوله هنــا مع بعض الصحاب .. بالطريقة الصحيحة ..
اشكرك على هذه القائمة الجميلة .. وهذا المشروع التذكيري لهذا اليوم الشمهود ..
احي معك كل هؤلاء الفنانين .. وكل من ساهم معهم في جعل كل هذا الجمال متاح لنــا وللاجيال القادمة ..

تحياتي يا ربيع وشكرا جزيلا ..

Quote: تمبو يا شعوعي

رجــــاء .. يعني عايزه ( تلغمينــا) والا شنـــو ..
الاستاذ الراحل المقيم عبد الرحمن عبد الله .. يظهــر من كلام الشباب هنا كان رجل عظيم . واستاذ بارع ... التقيته فترات متباعده .. وما كنت اعرف انني يما ساكتب حرفا في عبقريته .. أو في رحيله . فكانت الايام عاديه تمر دقائقها وثوانيها كما تمر الآن.. عبقريته تتجلى في قيادته لهذا الكم الهائل من الشباب الواعي الذين نفذوا هذه السمفونية الضخمة .. لهم التحية اينما كانوا ..






تخريماتك:
والله ( يازميلة ) أنا ذاتي مرات بقول كدا

عبدالله شمس الدين مصطفى
شايف اعصابك باظت ... ما نهظر ياخ؟ تهرشنى تانى بفرتقا المرة دى بالجد ...

سلام

يا سلام على عبدالرحمن عبدالله العازف المبدع ... رجل ودود و بشوش و كريم ...

انا المستغرب فيهو تمبس "السجمان" ده اخو عمر كيف؟ صحى البطن بطرانة ...


محمد مكى محمد

Quote: .سهير مصطفى .سهير سيداحمد

ابو ساندرا

Quote: .سهير محجوب سيد أحمد

يا شباب ما تلخبطو لينا بنات اهلنا, خاصة الناس اللبط زى ابو ساندرا ,محمد مكى قرب يعملم بنات مصطفي سيداحمد,ابو ساندرا عملتها محجوب سيداحمد عديييييل كده؟ بعد يومين تكتبا سهير محمد ابراهيم نقد

سهير محمد سيداحمد الفراعية بت مدنى و سهير محجوب الحسن بت الاسنان ـ حى الزهور، و التانية خالة الاولى طوالى، والاتنين بنات اعمامى (راس كبير فوقو كورال و مسرح ... وبالمرة كده نجلاء التوم وحيدر حدربي برضو اهلنا ... ميتين الشهرة زاتا)
سهير محجوب الحسن ..اعتقد انها من اجمل الاصوات النسائية السمعتها في حياتى... بس نقول شنو!!!


اغانى الكورال دى عندها طعم خاص... شعور مختلف ... غض النظر عن اى شئ تانى...

سيد عصام تحياتى

والله تمبس ما سجمان

لكن أنا طلعت الأكبر

تحياتى

للأختين المبدعتين
سهير وسهير

يااااااااااااااااااااااعمر منصووووووووووووووووور

والله لو ما صورتك ما كنت أبدا أربط بين عمر الشيخ

وعمر منصور.

وينك يا راجل

انتظرت تلفونك من علاء الدين لمن حردت.

بالله عليك راسلنى على الايميل [email protected]

وابقى أظهر يافردة فى الزمن السمح

أخوك عاصم الطيب

عاصم الطيب
الزول جبل الروعه
تحياتى وليك وحشه سأداوم الإتصال رجائى معرفة أخبار عباس عمر وبقيه الأعزاء

العزيز عــاصم ..
ربنا يجمع الشمل ،، لتعود الأيام الجميلة..
هل تعود أيام داخلية معهد الموسيقى والمسرح ( بــانت ) وذكرى الاصدقاء .. كل الاصدقــاء الذين افتقدناهم في زحمة الأيام وركوب الطائرات ..
أرجـو ان تكونوا قد تمكنتم من بعضكم .. كل السبل متاحة .. والرقم بالماسينجر الداخلي ..

Quote: والله تمبس ما سجمان

والله ياعمـــر سيد عصام ده .. عارف المسالة دي ..
وكمان عارف اني بعرف حاجات كتيرة جدا .. لكن ما بيصدقك .. بس يبقى كيف نقنعــو

Quote: سهير محمد سيداحمد الفراعية بت مدنى و سهير محجوب الحسن بت الاسنان ـ حى الزهور، و التانية خالة الاولى طوالى، والاتنين بنات اعمامى (راس كبير فوقو كورال و مسرح ... وبالمرة كده نجلاء التوم وحيدر حدربي برضو اهلنا ... ميتين الشهرة زاتا) سهير محجوب الحسن ..اعتقد انها من اجمل الاصوات النسائية السمعتها في حياتى... بس نقول شنو!!!

عزيزنا عصام
كلامك الفوق صحيح 100المية...وتحياتى لك ولهن عبرك...
الواضح انو الزول كبر والخرف حصل..





بعدين ياخى انت بقيت (براى جدا).
مع مودتى

يوصل يا مكى ...

بعدين ياخى انت بقيت (براى جدا).

ياخى الحمدلله في زول "انبري" منى ... لى سنوات بتعلم في البراية

من العلينا يا مكى... الما بخلينا نبقا برايين شنو؟ نخليهم يبرو فينا العمر كلو... بعد ده شعارنا:
برية بي عشرة بريات

سلام

Quote: بعدين ياخى انت بقيت (براى جدا).

شكرا يا محمد مكي
ده كلام عملي جدا .. حسع كان قلتو ليهو .. بيجوط البوست ده


يا عصام يا فــرده
خـــرف الزمــــلاء كعب جدا
على كــل مصاريف العمــرة على اخوك القدامك ده

علي بالطلاق من الاحــرام لي السفنجات
عشان نوصله معاك الحد ونوريك الفورة الف كيف ؟؟

عارف مكنتك ح تجي تقول لي عندي امتحانات

اناسعيد جدا باهتمام اعضاء البورد
تنويه :
الاحتفال موجود في موقع Youtube بجهد من الاخ معتز خليفه بايرلندا
وقد وعد بانزال باقي الحفل في اقرب سانحه
الاحتفال يحتوي على:
1- فارس الحمى وردي
2- عصافيرك محمد الامين .......وغيرها

الاخ امجد :
اذا كنت تود الحصول علي نسخه ارسل عنوانك في khalid1100 at gmail.com

خالد

سلامات ياخالد مرغني :

Quote: تنويه : الاحتفال موجود في موقع Youtube بجهد من الاخ معتز خليفه بايرلندا وقد وعد بانزال باقي الحفل في اقرب سانحه

..عبرك كل التحايا والتقدير للأخ معتز خليفة الذي جعل هذا الأمر متاح .. ونفض من عليه غبار السنين ـ وقام بعملية ربط جميلة جدا بإنزال هذا العمل .. بحثت كثيرا عن هذا العمل وفق امكانياتي المتاحة .. وكانت دهشتي حقا عندما وجدت هذا العمل متاح بالموقع ..
اتمنى ان تتاح الفرصة للاخ معتز لإدراج المزيد من الأعمال من هذه التسجيلات ..
حسابي في موقع Youtube باسم yashooy اتمنى ان يتم الربط بين الحسابين لنقل هذه المواد هنــا لتعم الفائده .. أو مراسلتي عبر الايميل tmbisco(at)hotmail.com
ساقوم بالمراسلة عبر الايميل المرفق khalid1100 at gmail.com

يا جماعه خلونا برانا
أتارى تمبس ذااااتو كان (معانا)....
الواطه سخانه...
يا حليل أيامنا وايام زمانا...
دايرين تخربوا طبعنا
عشان نقول يا سيدى الحسن
لى وين سبحتك مودّّيانا؟!!
يعنى سماحه تشبه الأميره ديانا
غايتو بس نقول...إنشاء الله عادل عاطى ما يغشانا...!

قــراءة شـعـريــة ... في روائـــع مـحـجـوب شــريــف ..

Quote: أتارى تمبس ذااااتو كان (معانا)....

مكي ..
كيفك يا دكتــور؟
والله نحن بنشجع اللعبة الحلــوة .. بالذات لماالعمل يكون مجود .. ومنظم
معاكم للطيش في الحاجات الحلوة دي كلها ..
وبدون اي تحفظات ..

اللة يكون في عون الحزب الشيوعي السوداني






سبحان اللة





عالم داقسة





منعم

.

تمبس يا علاء

تحياتى لك والاسرة

التى اتوق لمعرفة أخبارها المفصلة عبر الايميل.

ياريتك يا تمبس

لو تنزل كل اعمال الكورال حتى ولو كانت صوت فقط

ومعاها لينكات حفظ.

شكرا جزيلا

تشكر يا وســام على الرابط ..
العزيز .. حلولي .. اشكرك للمرور والمتابعة ..

Quote: عالم داقسة

many thanks

Quote: ارشح هذا البوست ليكون الاميز لفترة طويلة

تمبس ..
شكرا يا زول يا رايع

...
..
العافية

Quote: many thanks

.. يا استاذ محمد مكي ده رد عملي جميل في مواجهة قبح ظــاهر
كفيتني عن الرد وأنــا قادر ..

عديتو في الكورال:

خالدة الجنيد
حرم

وعبدالخالق يا تمبس

هادئا كان آوان الموت
عاديا تماما
وتمام كالذي يمشي بخطو
مطمئن كي ينام
وكشمس عبرتها لحظة
تبدو غمامة
قال مع السلامة
ولوح بإتسامة
ثم ارتمى وتسامي
غارقا في دمه
وأسمنا في فمه
والأسى حزمة كبريت رماها
في ملايين الايادي
ناهضاًفي كل عين وفؤادي
مالئا كل زمان ومكان
في بلادي
سيبقى رغم سجن الموت
غير محدود الإقامة

مودتي

عبد الله ود السجانة

الهادي جمعة جابر

Quote: حــاج بهــاء .. وينك تاني ما مريت بي هنـا .. ؟؟ الف رحمة ومغفرة للراحــل مصطفى سيد أحمد .. وبالمناسبة اتصلي علي أحد الأخوة من المتابعين للبورد ويمتلك كمية من أعمال مصطفى بالدوحة . فيديو وصوت .. اظنك متذكر الفترة ديك .. بحاول لو لقيت فيها اعمال نضيفة اضيفة للبوست ده وتكون بمثابة ذكرى للراحل المقيم فينا أبو ســامر ,,

عارف ياتمبس انا بوستك ده وقع لي في جرح ..... قدرت اتونس مع صديقي ودفعتي قشر منصور من خلاله ..... ايضا البوست توقيته كان موفق جدا فقد كان المميز من بين كل البوستات التي تصدرت الصفحة الاولي ......... الاهم من كده انك اخترت اعمال كان بطلها فارس ودسلفاب بدون منازع ......... حاجه اخيرة ياتامبا مصطفي ده اسمو ابو سيداحمد ...... كمان مكتبة الراحل مصطفي وارشيفه اسال عنه اخونا عبدالمنعم الفكي عازف الايقاع الذي اكسب اغنيات مصطفي حاجه عجيبة كده ماعارف اسميها ليك ...... المهم عبدالمنعم ده كان عندو مشروع برنامج جمع فيه اغلب اغاني الراحل قيدو وصوت ساكت وكلمات مكتوبة وكان ذلك باتفاق بينه ومصطفي ..... الان هنالك ورثة وكده وماعارف كيف يطلع البرنامج ده للناس علي العموم انا بشوف طريقة تتكلمو مع بعض عشان التطوير وكدة .... قبل مااقول باي بقول ليك انا سعيد ان عمر اصبح متاح لنا .......... سلم لي علي الاعزاء معتصم وشتات والممسوخ ود الموج واخونا حميدة .......... مودتي

الاخ تمبس لك التحيه بفتح بوست الزكريات هذا واعادة الايام الجميله

ومتأسف لهذا التأخير الغير مقصود لمشكله فى النت.


الاستاذ الكبير خالص والاخ الصديق جدا ازهرى لك الود يا محترم قلت لى :


حسب النظام و الأصول....
نرجوا أن يتكرم السيد المحترم الأستاذ حمد إسماعيل و هو زميل في هذا البودر و لديه سحارة خطيرة بها كل الذكريات الجميلة بإفتتاح هذا السرد.
العين ما بتعلوا علي الحاجب...
رجاءا يا محترم.... إعلان ضربة البداية
و منتظرين.....


أولا الضربة جات متأخره وبعدين والله لو فى طريقه اخلى العين فوق للحاجب .


أزكر فى احدى الامسيات باتحاد الفنانيين جاءنى الاخ العزيز الاستاذ المرحوم

عبد الرحمن عبد الله (أبو ليلى) وسألنى بأن أشارك معه فى تنفيذ بعض الاعمال

الموسيقيه وهى تخص الاحتفال بمرور 40 عاما للحزب الشيوعى , وأردف بأن الذين

اختارهم سوف لن يخذلوه فى تنفيذ هذه الاعمال لمعرفته التامه بهم .


تجمعنا فى منزل ببحرى يخص أحد أعضاء الحزب وكانت المره الاولى التى أرى هؤلاء

الشباب من الجنسين وهم يمثلون الكورال, وأزكر من الذين أعرفهم ألاستاذ المرحوم

مصطفى سيد أحمد والاستاذه خالده الجنيد وامال النور والعزيزه كماله بابكر النور .

و الاخت ساره .

المجموعه الموسيقية تتكون من :كمنجات

الاستاذ المرحوم عبد الرحمن عبد الله

عمر منصور

عمر فتح الله

أكورديون: أزهرى عبد القادر

فلوت: عبدالله ( ود السجانه)

ايقاع سبت عثمان

جيتار صلاح خليل

بيز جيتار حمد اسماعيل


بدأت البروفات وكانت دهشتى اذ أن كل الاعمال أو العشره مقاطع كانت تماما

محفوظه للكورال و الفرقه الا أنا وصلاح خليل الكنا جداد واخير عرفت من المجموعه

بانهم يعملون من مده فى عمل البروفات وازكر أن الاخوان طارق أبو شنب و الصادق

شيخ الدين قد بداءا فى بروفات مع هذه المجموعه الموسيقيه من قبلنا .

لقد كانت البروفات مكثفه وكان المرحوم عبد الرحمن صارما لايجامل اطلاقا.كانت تقام

فى الايام العاديه و ايام الجمعه . لقد اثبت الجميع على الجديه فلم يكن هناك تأخير

فى المواعيد المحدده للبروفه من ناحية الكورال أو الفرقه الموسيقيه بجانب المشرفين

على قيام المناسبه و الذين كانو يوفرون كل الاحتياجات .

لقد كان حفل الاستاد مشرفا للغايه بحضور الاعداد الكبيره من الناس . وزاد تصفيق الحضور

من حماس المجموعه لاخراج العشرة مقاطع بالصوره المشرفه .



اكتظت قاعة الصداقه بالجمهور لحضور الحفل الساهر الكبير و الذى حضره كل من تهمه المناسبة

وهى مرور الاربعون عاما للحزب الشيوعى السودانى .


كانت مجموعة الكورال و الفرقه الموسيقيه فى اتم استعداد لتقديم ثمرة ما تعبو من أجله

ظهر الابداع بكامله فى تلك الليلة الفريده, اثبت الشباب بأنه ليس هناك مستحيل , كانو بحق

قدر المسؤوليه وتحملوها ونفذوها باتقان وايمان ولم يخذلو الاستاذ الاخ العظيم أبو ليلى .


منذ تلك اللحظه نمت علاقات حميمة بهؤلاء الشباب الذين جمعتنى بهم هذه اللحظات الفنيه السعيدة

_____________

تشىء الظروف العجيبه بأن نشارك فى العيد الخمسين بانجلترا بعد أن عرف المنظمون للاحتفال

أن معظم الذين شاركو فى العيد الاربعين خارج السودان , فعلا اتصلو بنا فسافرنا للندن للمشاركه


من كندا الاخوان

عمر منصور

عمر فتح الله

عبد الهادى أحمد

حموده ساكس

حمد اسماعيل

بالمشاركة مع الاخوة الزملاء بلندن وبعض الاخوه من هولندا قدمنا عرضا جميلا رائعا بمناسبة العيد

الخمسين ( ان شاء الله الستين ما عندنا مانع) وقد كان الاستاذ ازهرى عبد القادر المشرف على

الفرقه الموسيقيه و الكورال , فلهم التحيه الخالصة .


لقد اتصلت بالاخ المرحوم عبد الرحمن فى تلك الايام وعرفت منه نسبة لمسؤولياته باذاعة اريتريا

وهو المشرف هناك اعتذر لعدم تمكنه من حضور هذا المهرجان وتمنى لنا التوفيق وهو معنا من على

البعد (رحم الله ابوليلى ) .

ان شاء الله ما أكون نسيت لى زول او حاجه كده , دى زكريات ليها 20 سنه ونص .


شكرا تانى يا تمبس وبحاول أنزل حاجات أن شاء الله من شريط البروفات أيه رأيك

كان ما قدرته على نزيل فيديو . فى العيد الاربعين و الخمسين كمان .
--------------------------



زكرياتنا الحلوه عاشت فينا من زمن الطفوله

لا خيال شاعر بجيبه لا الزمن بقدر يطوله

المحترم السيد حمد إسماعيل

نشكرك على الحضور البهي و الإفتتاحية الجات بكره

نداء و رجاء

أنا عندي تسجيل تأريخي بكل ما تحمل هذه الكلمة من معنى:
التسجيل ده كان في بيت ناس جرجس في بحري
يحتوي على بروفة عشرة مقاطع كاملة (بالشكل و كل شئ)
و البروفة الأخيرة للإسم جوزيف
في شريط كاسيت أسود ديباجته زرقاء بالأبيض
إستلفه أحدكم مني بحجة نقله للتوثيق و لم يعده لي
عليه: رجاءا رجاءا رجاءا إعادته لي....

و يا سيد حمد لو عندك نسخة من التسجيل ده أطبع لي نسخة و البريد بيننا

سيدحمدنورت
الدوام لله ولفقيدة الرحمه وألهمنا الله وإياكم الصبر الجميل
تركت لكم (message)يامحترم وحاولت مراراالإتصال (علا أكان غلطان فى النمره لكن ما باقى لى. كنت أود ان أعرف متى تواجدك لأزورك صديقى.
شكرا على شريط الذكريات الممتع.

وإلى لقاء قريب

الاخ تمبس الف سلام وتحية

والتحية للمبدعين الشيوعيين والديمقراطيين السودانيين اينما كانوا.........

ذكريات ............ذكربات................ الخلق والابداع والفرح الذي يجلبة العمل وسط متعرجات حياة الانسان السوداني.........................

كورال الشيوعيين والديمقراطيين ...........

طيب يا عزيزي ...............

تمت اول الاعمال بمنزل المبدع عبد الله محمد عبد الله والمبدعة خالده الجنيد بام درمان ........

باشراف الاجلاء المبدع الانسان الجميل عبد الرحمن عبد الله والموسيقار البديع محمد ادم المنصوري...........
وطبعا بحانب الاعزاء عبد الله محمد عبد الله وخالده الجنيد كان هنالك العزيز علاء الدين ابراهيم والاستاذ عباس عمر العزيز الهادي جمعة جابر ........ وشخصي
ومجموعة من المبدعين عسى الذاكرة الخربة تسعفني لاحقا بذكرهم

هذا العمل الجليل كان حجر زاوية في تطور العمل الابداعي السوداني وارتباطة المباشر بهموم الناس في مرحلة تعتبر هامة جدا وهي اولى الانتخابات العامة الحرة بعد نجاح الشعب السوداني في دحر الديكتاتورية التانية في مرحلة ما بعد الاستقلال

وهذا العمل الذي صاحبتة ابداعات التشكيليين الشيوعيين والديمقراطيين وبالطبع كانت البوسترات الخلاقة التي صاحبت حملة الحزب الشيوعي الانتخابية فاصبحت مع الاعمال الغنائية تحول جبار في تاربخ الحزب الشيوعي السوداني وتاريخ الحملات الانتخابية السودانية كعموم كسابقة ليس لها نظير


ورجعة لتاريخ هذا الابداع الغنائي نقول:-

كانت الاعمال الاولى للكورال هي عبارة عن تعبئة الجماهير وتوعيتهم باهمية التسجيل للانتخابات
وكانت:-

ياعزة مشوارك طويل...... دربك على التسجيل عديل

و ياشباب واسع المدارك احمي ابريل من مهالك

ومحمد احمد همتك صوتك امانة في ذمتك

هذه كانت المرحلة الاولي التي سبقت الرسائل الانتخابية الاخرى.
ويا تمبس ياعزيزي انا الان تعب جدا لانها الواحدة و 57 بعد منتصف الليل باتوا............
اذا لنا معك لقاء مع المرحلة التالية من رحلة هذه العمل الخلاق المبدع
وسلامي

العزيز تمبس ،
والأعزاء هنا وهناك ..

أحببت الحزب الشيوعي ، من خلال هذه الأبواب التي إنفتحت لنا على الرحب
والسعة لنحلم لأنفسنا بمستقبل أجمل ، وليتعزز إيماننا بحياتنا ..

جزء كبير من حياتي مرتبط بهذا الأمل الجماعي في المساواة والمحبة والعدل
الإجتماعي ..
ومحبتي للبلاد وهذا السودان قائمة على وجود مثل هؤلاء القوم المحبين صادقي
العهد امام القبح والشين من فعايل الحاكمين في الناس .

إنسان صادق زي مصطفى سيداحمد وشاعر دافيء وعميق زي محجوب شريف
وسيرة عطرة من النضال والإبداع والفكر ، يجعلونني أقف للأبد موافقاً ومبهوراً
وحالماً أمام حاجة بسيطة إسمها الأمل .

كتب عصام{ الدين } جبرالله ك

Quote: سهير محجوب الحسن بت الاسنان ـ حى الزهور،

أيوة ،، ياها دي القاصدها بت { الزهور } وصاح سبب اللخبطة بت عمك خالتها
لكن نعمل شنو مع بنات أهلك الحلوات ديل
في بنات أهلك انا بهلك ،، دي مش من الحقيبة

وصاح سهير محجوب الحسن صوتها مبالغة

تخريمة :
أوعك تهابش لي صاحبي عاطف مكاوي ، عاطف ده زول تمام لكنو حار وكبير عندو { الجمل } بس
وزي ماطلعت سهير وسهير من بقية أهلك فعاطف من بقية اصحابي
تفلط فيهو طوالي بمشي أتحاوم في الزهور تاني
إن شاء الله يلاقيني أسامة أبوشنب ويقوم رافع فيني بلاغ

ماتشمتو فينا الأعادي

كنــا هنـــاك

في القاعـــة و الأستــاد

و كانت معاي حبيبتي الما بدسوهـا (زي ما قال عركي)

و كانت أيام خريفية بمعنى الكلمة

قبل الظلام الإسلاموي

لأول مرة نشعـر بأننا سياد مكان

لا زعل لا خوف

مشينـا المعرض

و تصفحنا الأوراق و الصور

و شفنا دميع الرجال المو غـلاب !

حتى صغـار الشماسـة كانوا حضـورا

و شاغلوا حبيبتي ذات التوب الأصفر ( هاك المريخ ده ) و ضحكنا و ضحكوا معنا ناس كتار,

كل شئ كان ينبئ عن سلام و حب و حرية و دموع و حصـاد و وعد

سمعنا: عريس الحمى

و قاسم أمين

غنوة الخرطوم

و مليون سلام

و ( تقلع هدوما.. و تدق العيال.. تسب الحكومة و تخش المصحة
يعيش الأصح .. يعيش النضاااال)!

كان هناك عز الدين علي عامر و كان الخاتم عدلان .. ترى أين هم الآن!

و ماذا جرى!!

إستلهمنـا التجربة

و تجمعنا في كندا

شيوعيين و ديمقراطيين و وطنيين و ناس كتار,

حمد اسماعيل(بيز جيتار)
و عمر منصور(كمنجة)
و عمر فتح الله(كمنجة)
و حمودة (ساكسفون)
و عبد الهادي(صوت و عود و فلوت)
و طارق شنقااااااااااااا !..(إيقاع)
و بكري عبد الله (يكون أجمل) !.. جملته الشهيرة .. (أكورديون)
علاء الدين(إيقاع)

آمـال مادبو
رقية وراق
جميلة الكارب
و مريم و لوسي (حمد و الديبة)
و حتى (تحية زروق) و ابنتها شيراز
و ود العطا
و حسن عبد السلام و خالد الأرتري المتوطن
إلهام
و د. منتصر الكارب
و هالة
و ناس تانية,

غنينا للخرطوم و لأكتوبر و مليون سلام

و من نخلاتك يا حلفا للغابات ورا تركاكا
و من دارفور الحرة نبيلة لكل قبيلة على التاكا

و رسائل غنائيـة تانية كتيرة
ألهبت حماس بني وطني المشردين و جمعتهم حول الكارثة في قمتها آنذاك في 91

مش كده يا حمد و يا ود منصور!

يا لها من ذكرى يا تمبس
معاي شريط الفيديو كاااامل كيتا ليكم, بس لا في زمن لا في عرفة ننزلوا ليكم!

و عاش نضال الشعب السوداني

Quote: تمبس يا علاء تحياتى لك والاسرة التى اتوق لمعرفة أخبارها المفصلة عبر الايميل. ياريتك يا تمبس لو تنزل كل اعمال الكورال حتى ولو كانت صوت فقط ومعاها لينكات حفظ. شكرا جزيلا

أخي وصديقي العزيز عــاصم ..
لك تحيات الجميع وهم في حالة سؤال دائم عنك وعن أخبارك .. أتمنى ان تكون وصلتك رسالتي .. واستاذنك والجميع في إدراج الملفات الصوتية لهذا العمل الخالد وبناء على رغبة العديد من الأخـوة الذين اتصلوا مطالبين .. بهذه الأعمال.

أهــلا .. بالاعياد

Save@Pc
..
محمد أحمد

Save@Pc
..
مليــون سلام

Save@Pc
..
اضغط للتشغيل.. وللحفظ في الجهــاز

ياسلالالالالالالالالالام
ياعزنا
عذوبه وسلاسه سرد
خلينا نشوف موضوع ال(uploading)ده فى الأيام مع إنك ذكرتنى مرارا أنك تقتنى نسخه من شريط الفديو.


سلام.....................................

العزيز تمبس
تحياتي
بوست جميل اتمنى مشاركة كل من له ذكريات عن تلك الايام
قبل ايام اتصلت بالعزيز الموسيقار عباس عمر
احد المشاركين في الحان تلك الروائع
وعد بالجلوس معي لاستنطاقه عن خوابي تلك الايام
وهو رجل صموت مهذب مبدع قليل الكلام
ولكن ساحاول جهدي معه
مودتي

كتب عصام جبر الله متفاخرآ :

Quote: راس كبير فوقو كورال و مسرح ... وبالمرة كده نجلاء التوم وحيدر حدربي برضو اهلنا ... ميتين الشهرة زاتا)

كويس يا جكسا


بتاع مستشفى مدني

الأعزاء:
تمبس : قائد الأسطول
أزهري نور الهدى
عمر الشيخ
عدلان أحمد عبدالعزيز
عصام جبرالله
الباقر موسى
وكل المتابعين

هناك شريط آخر { كورال 2 } نزل في العام 1990
مكرس ضد إنقلاب الجبهة الإسلامية
أرجو إنزاله هنا
مع جزيل الشكر

Quote: من الشباب الذين شاركوا مع مصطفى و أمال ليلة الأستاد بكرى عبد الله (كيبورد) وهو عضو البورد ومتواجد معنا هنا (Hamilton, Ontario) طارق أحمد أبو شنب (بيز) ألمانيا صديق ورفيق دراسه بقصر الشباب والأطفال وطبعا الأخ والصديق العزيز الصادق شيخ الدين (بلجيكا)

الأخ العزيز علاء(تمبس)
يالك من رائع من اين لك كل هذه الذكريات .......................كانت ايام
الآخ العزيز عمر منصور
سعيدكل السعادة ان نكون فى بلد ومدينة واحدة
بجانب ما ذكرتهم هنالك ايضا من العازفين الاخوة عمر الطيب على الترمبيت عوض على الإيقاع اسامة كمنجه العم جمعة ساكس هبدالرحمن حضرة اكوريون والأستاذ عبدالله فلوت.

will be back

الأخ أبوساندرا تحياتى
للأسف كانت أخر مره اتعاملت فبها مع الشريط مع الزميل (أبوليلى)حيث كنت أقوم بتدوينه (نوته موسيقيه) معه وقبل رجوعه والأستاذ محمد وردى وبقية الزملاء للقاهره وبقاءنا بكندا كنا قد إتفقنا أنا والأخ عبدالرحمن أن يوكل كل المهمه وان توثق وتخرج بشكل اكبر تحت إشراف الأستاذ يوسف الموصلى (نرجو أن يفيدنا الأستاذ موصلى فى ذلك).
ولذلك الشريط قصة طريفه فى خروجه من السودان ليد آبوليلى فى القاهره. وكنت قد أرجعت من المطار مره قبل هذه وكان أن قابلت إحدى الزميلات والأخوات النشطات فى هذا البورد لاأعرف لو كانت تتذكر كتبت هلى ديباجة الشريط (السمندل وشرحبيل).

الفنان تمبس
بوستك جمع ناس جميلين من زمن جميل...انا متاكد انهم لم يفقدوا المقدرة على العطاء ...ولكننا وإن تشرذمت بنا السبل باقون,برغم انف الاحباط..باقون..باقون لنضع زهرة فى جبين عزة..
الرجاء من الاخوة عمر وازهرى وبقية العنقود التواصل..
محمد مكى..
[email protected]

الزول الجميل محمد مكى
دائما أفكر أن رحلة العد التنازلى لحياة الإنسان تبدأ بالميلاد وقد تنتهى فى أية لحظة بعده أي من السنين التى نقضيها قبل الذهاب إلى المرحله الأخيره قد لاتاتى وقد تقصر خصوصا بعد استمرارية فاقت الأربعين ربيعا وبعده. وقد تجمعنا أجمل اللحظات وتفرقنا السبل لأزمنة طويله فقط نتمنى أن تجمعنا مره ومرات أجمل وإلى حينها أرجو أيضا التواصل.
وقد حدثنى مرة الزميل (MUEZ)بالبورد أن (أواليس لناحق التمنى).
فلنتواصل عزيزى.

(عمر منصور).