**سجل أغانيك ... وملفاتك الصوتية **بسهــــــولة

يتم تحميل الأغاني وعرضها بعدة طرق ، أما برفعها من أحد المواقع وعدة تكون محملة وجاهزة وتصلح للعرض علي صيغة

wma ، ram

وطريقة أخرى عن طريق تسجيل أي مادة من شريط كاسيت عبر برامج مساعدة . يتم فيها تحويل المادة إلي ملفات يسهل قراءتها خلال برامج الكمبيوتر المعروفة كالريل بلير ، أو الميديا بلير .. إلا أن هذه الطريقة قد تبدو صعبة أو غريبة نوعا ما للكثير منا ، وبمساعدة الخال خالد الحاج ( أبـا ) سنقوم بعملية شرح مبسطة لكيفية تسجيل وتحويل المواد من شريط الكاسيت بواسطة جهاز التسجيل العادي ومن ثم رفعها علي أي صفحة ، وسنقوم باستعمال واحد من أسهل واشهر البرامج المستعملة لهذا القرض ، ويمتاز هذا البرنامج بالسهولة وقلة الحركات فيه وعدم التعقيد ، وآليته المتقدمة في التعامل والتحايل علي جميع الملفات ، وضغطها والتحكم في حجم الملف بالسعة المطلوبة لرفعه في أي موقع ، مجانية الحصول عليه وتسجيل النسخة للاستعمال الشخصي ..يعني بي صراحة كده .ملح
سيقوم الخال خالد ابا
بشرح كيفية تحميل البرنامج من الموقع المحدد له ..وكيفية تسجيل الاصداره والخطوات المهمة .ويعتبر هذا البوست امتداد لبوست الأخوان الليندي وشيبا وجزء منه ..ونهديه للأخ الباشمهندس الخواض ، حيث علمنا من قبل كيفية تسجيل المواد ورفعها من خلال برنامج مشابه .
اها المطلوب ؟؟؟
مسجل صالح للاستعمال بحالة جيدة ..ما يكون مخستك وروحو محرقاهو .. علشان ما يخزلنا في عملية الصوت .
مطلوب كمان وصلة تسجيل خاصة يتم توصيلها بمدخل المايك الموجود اسفل الكمبيوتر

( input )

وبي جهاز التسجيل في المدخل الخاص بالمايك ويمكن الحصول عليها من أي محل ألعاب الكترونية مع ملاحظة أن هذه الوصلة ذات رأس متشابه حيث يمكنه الولوج بمنفذ كارد الصوت ومنفذ المايك .
Acoustica MP3 Audio Mixer

الخطوة الأولي
سلام للجميع
في البداية سنقوم بتوفير البرنامج الذي يستخدم في تسجيل الملف الصوتي ومن ثم ضغطه ليناسب الحجم المطلوب حسب قوانين الباشمهندس بكري ثم شرح مصحوب بالصور لكيفية ذلك



(1)

في الوصلة أدناه تجد البرنامج واسمه
Acoustica Mp3 Audio Mixer
ويوجد في الوصلة أدناه
http://www.acoustica.com/download.htm?src=imix-help




هذا هو شكل الوصلة بعد فتحها والبرنامج المقصود الأخير عل اليسار ويجب عليك هنا أن تضغت علي الخيار الأول (داون لوود) وليس الثاني المشار ليه بي إشتري

كذلك يجب إنزال الفايل المسمي

1.4 MB download)
RealAudio plugin

ويوجد في نفس المنطقة إلي اليمين مباشرة للبرنامج نفسه وهو تكملة للبرنامج عبارة عن أداة ضغط الفايل الصوتي

وأدناه صورة للفايل الأساسي ومكمله



الفايل الأساسي


أعلاه صورة الفايل المكمل تضغت علي ما تتحه خط
ستظهر هذه الصورة أدناه تضغط علي (داون لوود) ألفايل الأخير في الصفحة
[IMG]http://www.arab7.com/up/file/1065972498.jpg[IMG]

بعد ذلك نأتي لعمل تسجيل البرنامج
ٌRegisteration

بإمكانك إستخدام السيريل الأتي لذلك
سيريال نمبر :إكسوتكا إم بي 3
1633222304

بعد إكمال خطوات تنزيل البرنامج من النت نشرح هنا كيفية عمل ست أب أو إنستول له
نبدأ بعمل كلك للأيكونة الأولي التي تم إنزالها
Acoustica Mp3 Audio Mixer
ثم تتبع خطوات التي يطالبك بها البرنامج كأي عملية ست أب لبرنامج
ثم نتبعه بالفايل الملحق
1.4 MB download)
RealAudio plugin
وأيضا نعمل ست أب له
بعد ذلك سيطالبك البرنامج بالتسجيل تقوم بإدخال رقم السيريل أعلاه
مبروك بذلك إكتملت الخطوة الأولي

لناس الملاحق برضو

salam aba and timbs
I have difficulty uploading songs, the files are larger than allowed, i converted them to rm using real producer pro as described by Elkhawad, but they are still large,for example on file has been converted and the size from 9 mb to 3 mb , which is still large, what can I do ?? and doing the steps correctly, I think there is a step somewhere which is not correctly done
thanks in advance.. and for your efforts
tmbs... I like the fotos you are hanging on your profile.. you have a good taste
also the songs
salam tani
maraweed

v impoirtant
thank you

أخونا سنتمنتل
شكرا أصالة عن شخصي ونيابة عن أخونا تمبس

مراويد
في الجزء الثاني سنعمل علي شرح كيفية عمل تحويل للفايلات
Ram,Mp3,Wav
إلي ريل بلير فايل وضغطه ليناسب الحجم المطلوب وهو 650 كيلو بايت
فقط نعطي فرصة للإخوة حتي يقوموا بإنزال البرنامج وتذليل الصعاب حول ذلك إن وجدت

شكرا ليكم تمبس وابا
هل الشرح الفوق ده ليهو علاقه برضو بكيفية نقل اغنيه معينه من السى دى الى الى موقع فى الانترنت زى سودانيس اون لاين مثلا , والله الموضوع ده تعبنى جنس تعب , اشرحولنا ياناس ولك الشكر

أستاذنا حسن الجزولي
ياهو زاتو بس شرحنا بيعتمد علي البرنامج المشروح كيفية إنزاله أعلاه
وتابع معانا مقضية إن شاء الله

الأخوان تمبس وأبا
ألف شكر على هذا البرنامج الملفيد والذى كنت أبحث عن برنامج مثله منذ فترة وكل البرامج التى جربتها لم تكن مفيدة

الشكر لكم مرة أخرى

وإديكم العافية ياشباب

مراويد .. تشكر علي الاعجاب ده ..والظاهر عليك وقعته زينا برضو كدي شوف هنا
http://www.aliciakeys.net/
سنتمنتال ..علي الرحب والسعه ياوجيه ..
أستاذ حسن : زي ما قال الخال ..البرنامج فيهو امكانيات رهيبة ..وسهل ..وانا بالذات قدرت انقل مواد كتيرة جدامن السيديهات .. وده طبعا متاح في حالة توفر شرط معين بالملف المنقول .. وعلي كل الرؤية بتتضح اكتر بعد اكتمال الشرح المهم حاول اولا تحميل البرنامج وتسجيل النسخة حسب الخطوات الموضحة .. والمسألة اسهل من السهولة بالمناسبة العمل المصاحب للحكي انا ناقلو من سي دي ..للعازف العالمي كيني جي أرجو أنو يكون مسموع معاك ..

ماجد .. أتمني أنو تكون حملت البرنامج بي سهولة ..وجاهز للخطوة البعديها ؟؟

أكان كدى حاأبدا المذاكره من حسع ولازمن لازم انجح فى المصيبه دى , والله يطمنكم , انا بفرح كتير لمن زول يقول لى( ياخى الحاجه دى ساهله جدا) ! , كتر خيركم وحابدا طوالى , ولو ماجيتكم راجع معناتو سقطت فى الامتحان ولميت خجلتى وزغت

تمبس
شكرا لكنى جى وسامعو وبحبو كتير كمان

معقولة يااستاذنا ؟؟
اها اطمنك زيادة يا استاذ أنو الميزة في البرنامج ده مجرد ما تنجز فيهو عملية واحده بي نجاح ..خلاص ..كل امورك سلكت ..والادهش من كده انك بتكتشف فيهو كل لحظه شي جديد .زي كأنو البرنامج ده من اختراعك الخاص .. بس كدي نزلو .. ونحنا بنتدي مذاكرة مع بعض . بس ما تزوغ مننا ..لانو لي قدام ح نحتاج ليك ..في عملية الشرح .. لي تحميل الاغاني من السي دي . شفت الاخبار دي مفرحه قدر كيف ؟؟؟
وشكرا لاستمتاعك بكيني جي ..

سلام يا شباب اها جاهزين الرجاء المواصله نزلناهم الا تنين وعملنا رجستريشن

دوما
الله يبشرك بالخير

شكرا يا ودالحاج نحن في الانتظار ومنكم نتعلم يا شباب

tmbis, iam broken too ( makasar), i like the girl she has a very good voice and she is a nice chick but I like Tracey Champman more than her, her texts are incredible, her charisma and presence
anyhow it is a matter of taste
alhaguna bai suraa, I have a lot of good stuff to share
thanx brothers
mara(weed)......lol

الأخ تمبس .. تحية طيبة
شكراً للمجهود الرائع .. يديك ألف عافية
سيف

حبوبة دومة
بركة السجلتي في درس العصر .. وطمنتينا برضو الله يطمنك اها خليكي جاهزة

مراويد ...
الله يعينك يا خوي كدي اعفص هنا برضو
** هوزي **وأبو الزيك إهـــــداء من الشمال لليمين
بحاول بقدر الامكان افتش ليك حلل معاي من الشبكة دي يا مراويد

سيف كلي
شكرا يا جميل ...بس ما وريتنا الراي ..نزلت البرنامج والا لسه ...؟؟ لانو منتظرين علشان نبدا الخطوة التانية

دي عرفناها
الحصة الجاية متين
عشان يرجعو لينا الاستيكة

الجزء الثاني
كيف تسجل فايل صوتي وكيف يضغط ليناس الحجم المطلوب




هنا نبدأ هذا هو شكل البرنامج بعد فتحه
(1)
التسجيل
تقوم بالضغط علي الزر الأحمر أعلي الصورة وسيقوم ذلك بفتح (وندو جديدة ) تظهر كما هو الوضع في الصورة أدناه

من المطلوب هنا وضع علامات (صاح) علي كل من

16 Bit
Stereo
Show Level Indicator
والأخيرة لتبيان تناسب الصوت ويظهر مؤشر الصوت بحرفي
L
R
إشارة للسماعات ، ويبدأ مؤشر الصوت باللون الأصفر ثم الأخضر ثم الأزرق فالأحمر والأحمر يعني أن الصوت مرتفع أكثر من اللازم ويجب عليك هنا تخفيض حجم الصوت الداخل إلي الكمبيوتر من آلة التسجيل

(2)
بعد ذلك عليك ستظهر (وندو) جديدة عليك بتسمية الفايل الصوتي الذي قمت بتسجيله وسنسميه هنا (وردي) للتوضيح هذا هو شكل الوندو



بهذا إكتملت الخطوة الأولي بتسجيل أغنية وهي هنا تكون بالحجم العادي والذي لا يتناسب مع رفعه علي الوب

كيفية ضغط الفايل الصوتي

نقوم بعمل كلك علي
File
وستظهر وندو هذا هو شكلها في الصورة أدناه

ثم نقوم بالضغت علي الأمر
Add Sound
ثم نقوم بتحديد الفايل المطلوب وهو هنا (وردي) كما هو متفق عليه، نعمل عليه كلك وسيقوم البرنامج بإستحضاره
بعد ذلك لعملية الضغط نقوم بعمل كلك علي الأمر
File
مرة أخري وهذه المرة نختار الأمر
Save As a
ثم الخيار
Real Player File
وسيكون شكل الوندو كما في الصورة أدناه

بمجرد الضغت علي الأمر المعني ستظهر وندو جديدة نسمي الفايل ثم نوافق ستظهر صورة جديدة كما هو في الصورة أدناه

وعلينا هنا تحديد إختياراتنا حسب الحوجة (أغنية،موسيقي ، أم إلقاء شعري مثلا غير مصحوب بموسيقي ) وهنا سنختار
ٍStereo Music
وذلك بوضع علامة (صاح) علي المربع المصاحب للخيار
ثم نضع علامة (صاح) علي نوع المودم
56 K Modem
ثم عمل كلك علي الدائرة المكتوب عليها
Single Rate for Web Servers
نأتي هنا لعملية الضغط وهي أهم مرحلة نقوم بالضغط علي الأمر
Fine Tune
وستظهر الوندو أدناه

وهنا تسير المسألة كالآتي
كلما قل عدد ال
Kbps
يكون حجم الفايل أصغر ولكن إذا ذاد الضغط سيؤثر ذلك علي درجة نقاوة الصوت لذلك من المستحسن البداية بي
11 Kbps
إذا رأيت أن الحجم ما ذال كبيرا تقوم بإختيار الأقل وهو
8Kbps
وهكذا ، وبإمكانك معرفة حجم الفايل بعمل كلك علي الفايل المعني بعد حفظه بالرايت ماوس ثم كلك علي الخيار
Proporaties
كما هو موضح في الصورة أدنا بكلمة
Size


بعد ذلك يحفظ الفايل الصوتي بحجمه الجديد وتقوم برفعة علي الوب في مخزن الباشمهندس بكري ثم تستخدم الكود لإنزاله في البوست

في الجزء الأخير سنقوم بتوضيح تحويل الفايلات إلي
Mp3

أهل العوض
سلام للزول الزين
الصبر البيبل الآبري يا زول الشغلانة دايرة تحضير
ولا نكلفتكم بسرعة كده

تمبس

انا نجحت فى تنزيل الفيلات المساعده لضغط الاغانى لحجم اصغر , لكين كلما حاولت استعمال الفايل لضغط اغنيه محدده اجد حجمها مازال كبيرا بالميقا بايت , دى الصعوبه الاولى
الصعوبه التانيه اذا نجحت فى تصغير حجم الاغنيه كيف اتمكن من نقلها للبوست بتاعى عشان ابثها فى سودانيس اون لاين ؟!ة
مع التحايا لكم

أستاذنا حسن الجزولي
أرجو أن تكون وجدت الإجابة التي تسأل عنها تابع التفاصيل في الشرح أعلاه

الأخوان تمبس وأبا
تحياتى لكم ومشكورين على المجهود

thanks aba, iam at work can't try it now, will do later and the first song is for you and tmbis bitaa alicia
till later
maraweed

استاذ حسن الجزولي

آآمن علي كلام الخال خالد ابا وعلي ما أعتقد أنو نزلت الرد بتاعك قبل الشرح الآخير أرجو ان تتم متابعة الخطوات كما أتفقنا .. ومافي ا مشكلة وجاهزين في كل الحالات يا استاذ .وخطوة خطوة لحدي ما تغني ..بس اشرح اي عقبه تواجهك

طارق شكرا ليك انت كمان يا زوق ونتمني أنو الخطوات تكون سهلة التنزيل وتنصيب البرنامج والشرح الاخير

مراويد
حضورك مميز .. والبركة في الصورة وست الصورة ..بالمناسبة ..بقترح عليك تسمع
Tracey
في أغنية
Bob Marley .. Three Little Birds
حاجه خطيرة جدا

يا أهل العوض ...أجمع الكراسات الحصة الجاية ..تسميع
اها ياجماعة نتقدم خطوة تانية ؟؟؟ لناس المتابعه معانا ؟؟

تمبس وابا

عندما وصلت لخطوة add sound and save
بعدها لم اتمكن من اختيار الفايل Realaudio
لأنه لم يكن مضيئا , أفيدونى

واود ان اسأل ايضا هل خطوة التسجيل السابقه لهذه الخطوه تستغرق زمنا طويلا يمتد لساعات كما حدث معى ؟ حيث كان الويندو به كلمة
recording
محاطه بخطين احمرين

وشكرا

أستاذ حسن
الحاصل إنك الفايل المكمل ما نزلتو راجع الخطوة الأولي والفايل إسمه
Real Audio plugin 1.4
ولو ملاحظ هو موضوع في نفس المكان مع الفايل الأساسي أنظر الصورة

أما بخصوص التسجيل فهو مواز للزمن الذي يستغرقه سماعك للأغنية أكثر من ذلك راجع وصلاتك ، وأنصحك أن تجرب في البداية تحويل أغنية موجودة علي جهازك علي أن لا تكون مضغوطة حتي تعتاد علي الكيفية ثم تأتي لمسألة التسجيل
تحياتي

نسم الله بدينا اها يا ود الحاج خليك معانا في الخط يمكن نحتاج درس عصر

دوما
أبشري بالخير يا بت العم

الاخوان ابا و تمبس
سلااااام
دخلت احييكم علي اللفتة البارعة دي

يادوب لحقت فصل محو الامية بالعصر
الظروف وكدة
عملت التسجيل للبرنامج و بتابع معاكم.. بس طولوا بالكم علي

تسلموا

حنينة
أبشري بالخير
معاك نحن شدي حيلك

Tmbis, aba:
That might seem like an stupid question, but can you download a song from the Web directly to- say-Sudaneseonline board, or that is illegal??.
I still remember the lawsuit against (I don't remember the name of the company) which allowed useers to download/exchange music files though the WEB (I think using MP3 files). I am no computer Guru at all, so your posts are very valuable to people like myself, please continue.

انا متابع الموضوع دة جدآ
لكن بالدس كدة
ومع انة خستك معاى فى البداية الا انة الان ماشي مظبوط تمام التمام

شكرآ تمبس
شكرآ خالد

الاخوان

خالد

تمبس

شكرا لما تقدموه من خدمة جليلة

ونتمنى ان ينثر البورداب ابداعهم

بفضل مجهوداتكم المقدرة


كل الحب

الأعزاء
أوت كاست
منعم
شيبا
سلام
شكرا ليكم

أوت كاست
ممكن تنزل أغنية من ويب سايت أخر وفي هذه الحالة تأخذ عنوان الأغنية وتستخدم كود معين لإنزلها في حوش بكري وتابع مع تمبس سيقوم بشرح ذلك اليوم في الغالب

منعم
الدس لزومو شنو أها كان عصلجت معاك تسوي كيف

شيبا
إنت سيد الروائع ونرجو أن نكون مفيدين بصورة أو بأخري

تحياتي
وتمبس

والله علم يا خالد وبيان شوف عين
تشكر يا صديقي

اها انا مشكلتي في كيف ارفع اغنية من جهازي اونلاين وفي سودانيزاونلاين دي طريقة بكري ما نفعت او ما فهمتها كويس ما تجي تقول لي استعمل الاكواد دي

الاكواد زاتها استعملها كيف

انا عايز طريقة
كاك وطاق بس خطوتين

انت خت في بالك كدي انو انا عايز طعمية جاهزة بس اختها في النار وتطلع غنية مسموعة

واذا عايز تديني كود تقول لي الاغنية اكتبها وين عشان تطلع باقي الحكاية دي انا تعقدت منها خلاص

عندي اغاني سمحة خلاس ومسجلة في سي ديهات كتيرة وبسمع فيها براي

عليك امان الله امس استعملت كودك الكاتبو فوق ده ظهرت لي علامة مسجل ابا يشتغل

نزار
سلام
يا أخوي أنا الكودات دي عارف نقته كتيرة وأهو في زول بالوا طويل ماسك الجانب ده دحين أصبر كم ساعة كده والله تمبس الليلة من الصباح شغال فيها وستكون كافية وشافية وبعد ما ينزل الشرح حيكون مستعد للمساعدة في حل الصعوبات البتظهر
وشكرا يا ملك

العزيز ابا

شرحك الخاص بالتسجيل هل بالضروره يتم من مسجل خارجى ؟ لا ارغب فى التسجيل بل فى ضغط اغنيه موجوده فى سى دى وبعد ان نقلتها للكمبيوتر ارغب فى تحميلها على البوست بتاعى

فيما يخص الفيل الثانى الذى ذكرته لى فى رسالتك الآخيره فقد قمت بتحميل الفايل وبعد ذلك لم اتمكن من متابعة الخطوات فعندما اضغط على فايل بعدها آد ساوند ثم كتابة اسم الاغنيه لا اجد الفيل الذى يدعمها من ضمن الفيلات

وعندما اضغط على فايل مرة اخرى وبالذهاب الى سيف آز اجد الفايل المعنى بلون باهت لا يسمح بالضغط عليه وبالتالى هذه هى عقبتى الكؤود
تحياتى

اها يا استاذ ابا انا طرأت لي مشكله عويصه جدا لماحاولت اكرر اضغط فايل تاني كل الخطوات بتتم كمافي الشرح لكين اول ما اجي احملها ما بتتحمل بتجيني رساله بتقول باد فايل

بعد الانتهاء من تجهيز المادة .. وضغط الملف بالحجم المثالي للتحميل علي السيرفا ( نفترض سودانيز أون لاين ) نتبع الخطوات التالية :
وسنستعين بملف موسيقي تم انجازه بنجاح باستخدام البرنامج ..عن طريق حبوبة دومــــا
http://www.bayanit.com/upload/protected/beethoven2.ra
- البحث عن ايقونة التحميل والغط عليها وتحديد مكان الملف بجهاز الكمبيوتر ثم ضغط تحميل . سيتم تحميل الملف بنجاح إذا كان مستوفي لشروط التحميل ومن ضمنها حجم الملف 650

حجم الملف كما هو مطلوب

- أبحث عن اسم الملف بالقائمة ..وضع موشر الماوس عليه وأضغط علي الماوس من الناحية اليمني .. واذهب حيث اخر القائمة وأختار
Properties

بعد الضغط علي
Properties
نافذة وعليها عنوان الاغنية ..وهو المطلوب قم بتظليله كما موضح بالشكل لنسخه علي الكود .. ..

عملت كل القلتوه وجاني الكلام كده لا في غنية ولا حاجة

وبعد ان انتهي الدرس طلب من الالفا مسح السبورة
فقام الالفا بمسح السبورة

سنة يا انا

شكرا تمبس

سمعت براي بعد ما فتحت البوست وضغطت علي اللنك كان جاتني الغنية مطفرة ولا انقطعت وانا بكتب ليكم في الرد

لي زي عشرمية شهر بحاول بي الدس بس الدس واعمل بريفيو بيني وبين نفسي واششششششششوك لا خبر ولا غنية بعد ده بس استنوني ساكت امانه ما اطربكم طرب

ويا دكتور

انا الدرس ظبط معاي وكان آخر شي هو نزيل الغنا واهو نزل بعد ده طلباتكم بدءا من عبدالله الماحي وميرغني المامون واحمد حسن جمعة حتي حيدر بورتسودان نيالا انا حاضر

تمبس
وابا
يهووووووووووووووووو
انا نزلتا البرنامج في الجهاز
بعدين المسا عاوز اسجل
نجحتا في الخطوه الاولى الخطوه التانيه لو نجحت حاملا ليكم البورد غنا سمح
لكم الود

معتصم سيد أحمد مبروك
ولو في أي إشكال قول عوووووووووك

نزار
مبروك وغنية محمد ميرغني حلوة يعني زوقك كويس وما حتجيب لينا النبيشة كلما زول ينزل غنية أي كلام (تبش) يقولوا كلو من تمبس وأبا

دوما العزيزة
تابعي الشرح أدناه الخاص بأستاذ حسن الجزولي
وشيلي صرة الوش دي وختي بسمة بتجي معاك

أستاذنا حسن الجزولي

نبدا خطوة خطوة

(1)
تعمل كوبي للغنية المعنية في فايل عندك بالكمبيوتر يعني زي
My Music

(2)
تفتح البرنامج وتبدأ مباشرة من
Add Sound

البرنامج حا يفتح وندو بتاع بحث إسمو
Find out
تعمل براوز وتوديه للغنية وتعمل عليها دبل كلك سيقوم الرنامج بستحضارها ويمكن مشاهدة ذلك أسفل الوندو الأساسية في شكل خطوت

(3)
بعد إكتمال الخطوط تفتح من جديد
File
وتختار الأمر
Save as a Real Audio (R) File
سيقوم البرنامج بفتح وندو جديدة تسمي فيه الأغنية من جديد وتعمل أو كي سيقوم بفتح وندو جديده تضغط علي الأمر
Fine Tune
وهنا علي حسب حجم الأغنية مثلا إذا كانت من سي دي الأغاني الفيه
Mp3
تختار
11Kbps
لو كانت أغنية لأم كلثوم تختار
Music 8Kbps
سيقوم البرنامج بحفظ الأغنية بالإسم الذي سميته بها في المكان الحددتو ليه
تمشي للغنية تعمل كلك عليها بالرايت ماوس تختار أخر خيار بروبروتس) بيديك معلومات عن الأغنية ونوع الفايل وهنا لازم يكون ريل فايل كذلك ستجد حجمه فإن كان مناسب تكون الخطوة إنتهت وإن لم يكن مناسب تعيد الخطوة الأخيرة وتختار المرة دي
Music 5Kbps

بخصوص الفايل

أستاذنا بعد ما تنزلو لازم تعمل ليه إنستول أو ست أب وليس إنزاله فقط
يعني تمشي للأيكونة النزلت وتعمل عليها دبل كلك وتابع الخطوات


بكده تكون الخطوة إنتهت والغنية جاهزة للتحميل ولو عصلجت ورينا عصلجت وين وما تيأس يا أستاذ (بتطلع) من الواسوق أو من أي حته تانية

نزار حسين ، ومعتصم سيد احمد ، شيبا ، منعم ، أوت كاست والخال أبا
كل سنة وانتو طيبين
استاذ حسن الجزولي ..براحه براحه ..وبدون قلق المسألة محلولة ..ومعاك في اي عقبة بتلاقيك
الخاله دوما ..مافي مشكلة المسالة عادية جدا ..ومحلولة ان شاء الله ..والناس الحملو البرنامج وعاملين نايمين برضو ادونا خبر علي الاقل الواحد يحس أنو الكلام البيعمل فيهو ده ماشي كويس وأنو في ناس استفادة ..
احييك يا خال علي طولة النفس

اها آخر خطوة يا جماعة في الشرح

الكـــود




عفوا يا شباب سأعيد الشرح في مكان آخر

الاساتذه
تمبس وابا
تحياتي
انا مشكلتي كالاتي
عندي غنيه قاعده في الكمبيوتر ودايره انزلها
لما احاول هنا ولابتجيني اي كود بس اقعد احرس وارجي ولا بجيني اي حاجه ونزلت برنامجكم
ده قلت اضغط بيهو وحجمها بديني كالاتي
4.00 KB
وغلبني اها كيف العمل
شكرا مقدما
توما

توما
سلام
سؤالك بالجد كدي ما واضح حاولي أشرحي أكتر لكن إذا كان حجم الغنية
400Kbps
فدي بيعني إنك قدرتي تضغطيها أما عملية رفعها في الويب سايت بتاع سودانيس أون لاين ومن ثم إنزالها في البوست راجعي الشرح بتاع تمبس بي رواقة كده وما تتهيبي الشغلانة لأنها بسيطة جدا بس ختي الرحمن في قلبك وقولي بسم الله ولو عصلجت برضو قولي عووووك

الأعزاء إبا وتمبس
كثير ســــــلامي وتقديري
طبعا والله نحن متابعين من البداية، في كنبة واحد مع ناس الكنبة الأخيرة ديل، وشوية كده في صعوبة وياهو حالنا القصة معصلجة معانا زي حال الكاشف أخوي وعشة الفلاتية (حسن الجزولي – دومة)، شف ما نفع وبخرة ما نفعت، أول شئ البرنامج سله روحي عشان ينزل وأخد ليهو أكتر من 45 دقيقة عشان ينزل، تانيا البرنامج المساعد بتاع
Audio plugin1.4
حلف براس أبوهو كان ينزل، أمس مساهر معاهو لحدي الساعة 4 صباحا أخد ليهو أكتر من ساعة، ولما خلاص بقى على الأخر قومي إنتي يا الكونكشن أقطعي بدون أي مناسبة، رجعت تاني عملت كونكشن وكلو ما اعمل داون لوود يحلف كان ينزل، عملت معاهو المستحيل، عملت دسك كلين أب، وكلين هيستري، وعملت رستارت للكمبيوتر، رجعت خشيت الموقع بتاع البرامج دي من الصفحة الرئيسية ومشيت لغايت ما لقيت محل الوصلة تاني، ولسه حارن، المهم حا أحاول تاني، وغايتو كان ما نزل إلا كان ندق ليهو زار عشان ينزل بس ورونا خيطهو. أو شوفو لينا حل.

تاني برضو في حاجة، يا تمبس مريت عليها دغمسة كده، شكلها معروفة لكن والله ما عارف، الزول كان داير ينزل أغنية يعمل شنو؟؟؟ يعني يختها وين ويكتب الكود.. لا حول الله من قصة الكود دي، مزعجة جدا

غايتو يا أخونا إستحملونا وقالوا الما عارف في ذمة العارف، ودي زي السكران في ذمة الواعي، أخر لوايق وأسئلة إلا وسعو صدركم

في إنتظار المدد والتوجيهات
وتسلموا

الرايق
سلام
ما عندك مشكلة تب يا زول لما تكمل إنزال الفايل وتعمل ليه إنستول نشوف الحاصل شنو لكن شكلك كده متخوف من المسألة ساكت ، جرب ونحن بنساعد

الأخ الأكرم خالد
تحياتي وتسلم ياأخوي، البرنامج نزل معاي وعملت ليهو إنستول، لكن الفايل التاني بتاع ال
Real Audio plugin
دا ياهو من قبيل المعكلت معاي، عليك الله يا خالد كدي راجع وصلتك دي، هل البرنامج دا وقوفوا تنزيل من الموقع ولا أنا براي بس البلقى الحصي في الفشفاش؟؟؟، بالنسبة للبرنامج
MP3 Audio mixer
فدا نزل معاي كويس، وعملت ليه الإنستولشين زي ما قلت ليك، وعندي نسخة من نفس خشم البيت

MP3 to Wav converter plus
وما عارفوا دا خاشي معانا ولا لأ.
تسلم ولسه ح أحاول تاني أنزل الفايل التاني دا، شايف الجماعة مهيصين، وملوا البورد غناء، عقبالنا

إزيك يا رايق
البرنامج العندك الإسمو
Mp3 To Wav Converter
ده وظيفتو عكس وظيفة البرنامج بتاعنا يعني بحول لي واف ، والواف فايل مفكوك وعادة بكون كبير الحجم
أما عن الوصلة فما فيها غلط بس إنت فتش كويس تلقي في نفس المكان ولصق الأيكونة بتاعة البرنامج الأساسي في وحدة مكتوب عليها
1.4 Mp Download
Real Audio Plugin

أها المكتوب عليها ريل أوديو بلك إن وتحتها خط دي أعمل عليها دبل كلك بتنزل ليك الفايل وبعد ما ينزل أعمل ليه برضو ست أب
وبعد ما ينزل نتشاور

لوووووووووووووووول والله العمي كعب تصدقواالعصلجه ليها يومين ما فكت الا الليله تراني كنت بحمل الفايل بتاعي في مكان الصور لوووووووووووووووول والله الدقسه كعبه لوووووووووووووول شكرا ليكم يا شباب بعد دا اقوم اشتري لي كاست وسي دي بلير ذي باقي الناس والفكه العصلجه يفك الفلس

دومة
أها الفلسة فكت ؟ لو فكت أفلقينا بي حاجة ده طبعا بعد ما تشتري النضارة

يا خالد أبا يا أخوي

مشيت معاهو كل الخطاوي الممكنة والبعرفها والقلتها لي إنت، وأهي دي النتيجة تحت .يا ربي يكون مالو؟؟؟

ويحلنا الحلا دومة ، وكلامك يا خالتو دومة كده
زي البتقول لي حندوكك،
أو لق لق لق

looool


ERROR
The requested URL could not be retrieved

--------------------------------------------------------------------------------

While trying to retrieve the URL: http://www.acoustica.com/mp3-audio-mixer/download.htm

The following error was encountered:

Access Denied.
Access control configuration prevents your request from being allowed at this time. Please contact your service provider if you feel this is incorrect.

Your cache administrator is root.

رايق
صباحك رايق
ياأخي الوصلة شغالة ذي الفس فس وأنا جربتها وما فيها (إرور) ومدياني (أكسلنت) داون لوود يمكن النت شوية مزحومة مد ليه حبل الصبر ما عندك طريقة غيرو ولو لي المسا رفض ينزل قول عووك نرسلو ليك في إميل عشان ما يفوتك العام الدراسي

هنا كان في غنية


يا جماعة انا حقو تصفقوا لي براوة كبيرة
نجحت نجاح منقطع النظير وبقيت اتفنن كمان
الله يديكم العافية يا تمبس وخالد

وبعد كده حا اشتغل ليكم علي الفيديو
اضغط ليكم شرايط الفيديو لما اجيبها اشششششششششششششش بتاعة نهاية الارسال زمان وتلفزيون عطبرة الريفي وكده

خالد
صباح الفل والياسمين
والله يا خالد حالف كان ينزل، وطبعا بأي حال من الأحوال ما لازمانا إعادة وتربيت، كدي رسلوا لي بالإيميل عشان نقدر نحصل الملحق كان ما مريت في الإمتحان.
عنواني رسلتوا ليك على الماسنجر
تسلم كتير يا خالد وربنا يديك العافية

يا رايق
أبشر بالخير

يا الرايق

ان شاء الله مشكلتك تكون اتحلت
ما شايفك عملت حاجه


يا خال
سلامات


عندنا حصة باقيه لي لنك الحفظ ..جاهزين ؟؟

يا خــــاله دوما
ده كلام منطقي خالص
شغلك نضيف جدا
في السلك

غناك شغال تش ..قشة ما تعتر ليك
نديك كود للحفظ

كــــود للحفظ بالجهاز

نتبع نفس الخطوة السابقة في تنزيل الملف الصوتي وإدراجه بالكود .. ونقوم بنقل الكود إلي البوست ونسخ العنوان الخاص بالملف ..ولزقه في المكان المخصص له مع مراعاة الدقة في ذلك حيث أن أي حزف أو إضافة .. حتلخبط الدنيا كلها ..

http://www.bayanit.com/upload/protected/beethoven2.ra

<**a href=http://www.bayanit.com/upload/protected/beethoven2.ra target=blank> Save @ PC

الكود قبل إزالة النجمتين

Save @ PC

بعد إزالة النجمتين

Dear tmbis, aba

Something weird happened to me, after so much effort, I managed to upload my song to Barkri's "Hosh" successfully, BUT, and a big BUT, I didn't know how to past the song's URL to the post as the URL doesn't appear immediately after I select the song I want to add to my post. Do you understand my weird question???...

Your help and patience are very much appreciated.

الاخوان ابا
وتمبس
عند عمل المعاينة
تجنى رسالة
خطا عام قد حدث

العزيزة
Outcast
تقيفي في الغنية بعد ما ترفعيها في الحوش بتاع بكري وتعملي عليها كلك بالرايت ماوس تختاري أخر أمر وهو بروبرتس بيديك العنوان المفروض ينزل في الكودا
URL

كده كيف (طبعا الحكايا ما كانت مقصودة وأعتذر لك)

المهندس

عشان تتغلب علي حكاية الخطأ دي أعمل الأتي أنقل الكود كما هو في البوست ثم أعمل إحلال لعنوان الغنية بعد ذلك أعمل بريفيو حتي تتأكد إنها نازلة بصورة صحيحة وعليك مراجعة الشرح أعلاه للإخت أوت كاست

http://www.bayanit.com/upload/protected/IHopeYouDance.ra

<*mcg />

Yahoooo,

First: aba, DON'T you Brother me man... I am a sister ..

Second: Although I am happy I am finally able to upload a song, but the quality of the uploaded song is not as good as the originl, could it be because of the compression (may be I should have used 11kbps??(I am sure I used 11kbs, but I don't know how it turned into 8kbps, beats me..

Third: Thank you guys for being with us through all the steps...

اعــادة شرح الكـــود

الخطـــوات
نقوم بنسخ هذاالكود ولزقه في داخل البوست ..
نقوم هنا بلزق عنوان الملف المطلوب والذي سبق وأن تحصلنا عليهو من صفحة التحميل كما موضح في الشرح السابق .
نقوم بازالة النجوم الموضحة وبذلك ..يكون الملف قد استجاب للأمر وجاهز للعمل .. وقبل ارساله قم بالضغط علي برفيو ..حتى تتأكد من أن الملف يعمل ..وظهر شكل الريل بلير ..

http://www.bayanit.com/upload/protected/beethoven2.ra

<**embed src="http://www.bayanit.com/upload/protected/beethoven2.ra" align="baseline" border="0" width="189" height="44" type="audio/x-pn-realaudio-plugin" console="Clip1" controls="ControlPanel" autostart="true">

لاحظ للنجمتين علي يسارك عند بداية الكود

الخال خالد ابا
سلامات

المهندس
أرجو أن أعادة الشرح تكون واضحة ومفيدة ..ويا معتصم ..ياريت تكون الحكاية واضحة أكتر من الاول

الأخت اوتكاست
معليش كنت معاك اون لاين لحظة الاستفسار النزلتيهو بس ما كنت قادر ادخل علي البوست . بسبب مشكلة فنية صغيرة ..والحمد لله الخال ابا وضح ليك العمل ملاحظة صغيرة أنك استعملتي الكود الكنت واضعو للتوضيح عند بداية الشرح ..ارجو أن تستعملي الكود الموضح اخيرا ..وذلك للسهولة ..

آسف لتكرار الشرح في اكتر من مكان لكن ..لمزيد من التوضيح لانو يظهر أنو المشكلة الاساسية البتواجه الناس هي كيفية التعامل مع الكود وادراج الاغنية بعد التحميل ..شكرا للمتابعة

مبروك يا اوت كاست
اها زول تاني نجح واتخرج من الجامعة
وانا لسسسسة في الروضة
بغرانة منكم...لكن بلحقكم
حتي لو جيت الطيش
برضو مصممة

t,r

شكراياحنينه...وماتخافى خليك ع الخط مع الشباب ديل و اكيد ماحيقصروا معاك...

الأعزاء خالد ابا وتمبس
كتتتتتتتتير سلامي وتقديري
معذرة على الغياب، فقط مشغوليات حالت دون إكمال القسم الثاني من
الشرح، وأعني الأخير الذي قدمه تمبس، البرنامج نزل، وإعملت إنتسوليشن للفايل الرسلتوا يا خالد، وسلك تمام التمام ألف، وعملت تجربة جميلة جدا بتاعت ري مكس، آآمل في إنزالها أو إرسلها لكما إن تمكنت، لكن لم أوفق في إيجاد الوصلة المذكورة بخصوص التسجيل، أما ما نجحت فيه فهو تغيير الفايل من
mp3
إلى ريل أوديو بلير، وطبعا مسألة الكود دي عايز ليها تركيز وتجريب ووقت فاضي، وشوية الأيام دي الشغل تقيييل،إنشاء الله سأتابع ولكما جزيل شكري وتقديري

الرايق
سلامات يا زول
معليش كل الناس محكومة بي ظروف معينة والله احيانا بكون قدام الجهاز وفاتح البورد ..ما بقدر حتي اكتب حرف من الزحمة
علي العموم ..الوصلة المذكورة ممكن تلقاها في اي محل العاب الكترونية أو محلات بلي استيشن ..ولاحظ أنو الوصلة ذات رأس متشابه وأحد لمدخل المايك في جهاز التسجيل والآخر لمدخل المايك في جهاز الكمبيوتر

اما بخصوص الشرح أرجو المتابعه بهدو خطوة خطوة والمسالة هي عبارة عن تركيز ما اكتر من كده
واذا لاقدر الله اي عقبه واجهتها ممكن تتصل علي ايميلي علي البروفايل موجود
أو بالخال ابا

يا استاذ تمبس

الفزع الفزع الفزع


برنامج التسجيل

Acoustica

قلعوا مني اسيادو

اتاريه كان فترة تجريبية

وربيع الدنية محمد الامين طاعت بين الكمبيوتر والبرنامج
هسع تلاقيهم يسمعوا فيها الخواجات

بلاي ورينا الحل سريع نجيبوا من وين
وانا قصة اشتريه بي بطاقة كريدت كارد دي ما معانا
كان في حتة الزول بمشي ليها ويدفع ليها غييييييييغ كدي ويشيل برنامجو ما بطال
اما ادفع بالكريدت واستني فيها جابوه واللا لحسوا قروشي دي انا ما بسويها

انا اتغشيت في حياتي دي مرة واحدة في سوق الخضار بتاع الخرطوم وبقيت بعدها ما اثق الا في اديني وهاك قروشك
الدفع قبل الرفع دي ما مقنعة

والله انت رايك شنو

نزار حسين
الوداك تضغط محلات بي قروش شنو ؟؟

http://www.acoustica.com/download.htm?src=imix-help
اضغط هنا وراجع الشرح كويس في البوست

في محل مكتوب فيها
Download
دي المجانية

ومحل مكتوب فيها
Buy Now
ودي بدوك فترة تجريبية وبعدين بيملصوك
لما تضغط في المجانية ..البرنامج بيتحمل معاك ولازم تعمل ليهو تسجيل ..وبعد ما تعمل ليهو تسجيل ..تاني عنتر ما بقلعو منك ..غايتو الناس ديل اديتهم فرصة في عثمان حسين بتجدعوا حسع تلقاهم
حمل البرنامج ..وفكو ولما تبقي لي مرحلة التسجيل اديني خبر
لاحظ أنهم ملفين في الملف الكبير وملف صغير ملحق الملف الصغير الملحق ده ممكن ارسلو ليك في الايميل بتاعك اذا ما كان عندك مانع وزودتني بيهو
في انتظارك

نزار
سلام
والله حكايتك حكاية
نحن نسرق ونديكم الملح البوديك تكوس لي البي قروش شنو
أعمل الأتي
شيلو من السستم خالص وشيل حتي الأيكونة بتاعة الست أب النزلت بيها البرنامج من الهارد دسك نهائ
تمشي الوب سايت بتاع إكسوتيكا وتنزل البرنامج تاني بتلقي محل التنزيل أيكونتين واحدة
Download
والتانية
Buy Now
أها الأخيرة دي أختاها أطبظ الأولي نزل البرنامج وأعمل ليهو ست أب وكذلك البرنامج الملحق
تحياتي يا دكتور

لا لا سجلوني معاكم انا عندي امية تقيلة وفهمي تقيل وانشا الله افهم

وين يا استاذة عشة
مافي ليك طريقة لي عدم الفهم ..بس تابعي معانا حبه حبه ..وبنعمل ليك دروس مكثفة ودروس خصوصية ..
ومرات درس عصر وحصص صباحية ..واذا لاقتك حاجه ادينا اشارة ..محلولة في دقايق ب ان شاء الله
كديمن دربك ده حاوليعافري في البرنامج نزليهو واديني خبر

اتفقنا ؟؟

يا تمبس

يعني ندقس الخواجات


يلا هادي تدقيسة ومن هسي انا ماشي امسح البرنامج

اها موضوع ارسال البرنامج التاني دي ضرورية

وايميلي

[email protected]

up for the benefit of all

up

سلام الغالي تمبس والحبيب ابا

لا حوووووووووولاا انا جاي جاري جري شديد وشايل عراقي في خشمي
عشان احصلكم اها نزلتا البرنامجين القولتو عليهم ديل ودخلتا الاغاني في الجهاز وانتظروني لغاية ما القي لي فراغ عشان اجيكم جاري تاني لانو كفاية الليلة ساهرتا كتير وورانا شغل ... مهمة قصة الاكواد دي قبل فترة في موقع عربي اسمو القصيمي ولا حاجة زي دي فيهو كمية من الاكواد المهمة لو امكن تدلوني عليهو ويديكم الف عافية

استاذ بشري

الرايق
شكرا للمتابعة

يا محمد ...سلامات واعمل حسابك ما تقع زيي كده .لانو انا الصباح وقعته ..ووقعت الناس الكبار شينة مش كده ؟؟

الاكواد قاعده يا محمد ما تشيل هم حقك محفوظ .. بس كدي خلص وتعال

ابا
تمبس

ماشي وين
مكانك فوق
نحنا مااتخرجنا لسة

يا تمبس و ابا
جهزت الاغنية
صور الكابشراتنشلت

شوفوا طريقة

الأخــوان تـمـبـس و ود الحاج ســـلام

و الله ما قصرتوا ساعدتوا في محو أمية كتيرين و درستوا و علمتوا

دروس مجانية في آخـر تكنلوجيا العصر الله إديكم العافية.

و شايف الناس فرحت بي التخرج لكن ما عندهم زوق دولار واحد ما رسلوهوا ليكم.


لكن قولوا لي الدورة الجاية عن شنو ؟؟؟ و متين ؟؟؟ علشان نجهز حالنا من أسي



أقـتـرح عن ضـبـط الصـوت و جـودة الصــوت في النت و الماسينجر و لا شنو يا شباب ؟؟


و الله إديكم العافية و طولة العمر

لا لا ياجماعةديل كلهم حيفوتوني لازم الحق كمان عندكم ناس اتخرجو لازم ادخل انشاالله اجي الطيش .
بعدين عايز اتعلم كيف اطلع من الكمبيوتر للفيديو يعني عايز اشيل مثلا من اوت الكمبيوتر اها دي كيف محاولاتي كلها راحت ادراج الرياح في رجاكن يا تمبس وخلوانجدوني ، اي البوست رهيب انا نسيت اشكر ليكم بوستكم اعمل شنو عدم الاتوكيت ما في شك بوست ممتع ومفيد وبعدين برفع الطبقية عن البورد يعني ما حيكون ناس بوستاتهم طاعمة وناس بدون غنى اها الله ايديكم العافية واشكركم نيابة عن الغلابة غلابة البورد اقصد

العزيز أبو حسين
تشكر يا ملك ومرحب بيك

عشة بت فاطنة
مرحب بيك يا أستاذة وتشكري ، سؤالك ما واضح والله لو ممكن توضحي شوية أكتر يكون جميل . سأعمل علي إنزال الصور التوضيحية مرة أخري والمرة دي نشوف ليها محل غير حوش بكري عشان ما يجي بعد يومين يقش الحوش ويقش معاهو شغلنا

ارفع لى ناس الملاحق

حنينة
حمد الله الف علي السلامة .مع أنك كنتي متعبة ومشاغبة ..

أبوحسين ..
تشكر لكلماتك الجميلة .وزي ما شايف مافي زول عصر لينا حاجه وحيات خوتك .. غايتو عشمانين فيك لانو الدورة الجاية بي كنجالات .. والدفع مقدم ..أديك رقم الحساب ؟؟
وما عندك مشكلة حدد لينا الحاجه الفي مزاجك أو البرنامج المعين .. وطالب الشرح فيهو وبتلقانا معاك ..أتفقنا ؟؟

عشة بت فاطنة
مع أنو أعتمدناك من جيتك من السودان ..بس ما شايفنك خالص لا انت ولا صاحبتك .. علي العموم ابتدي في الخطوات بي سهولة ..ومكان عترت معاك .. بتلقينا واقفين ليك ..بس ما تزوغي تاني ..

ابا
تمام يا خال لاعادة الكابشر ..ده شغل نضيف

استاذ بشري ..ملاحق مافي ان شاء الله الكل بيتخرج بامتياز طالما انك متابع معانا ..

الأخوان تمبس وأبا
السلام عليكم ومشكورين كتير
كنت بتابع معاكم من منازلهم ولكنني فوجئت بصعوبة لم أتمكن من تخطيها
الصعوبة
عند الحفظ الأولي للملف
وفي نوع حفظ الملف
أقصد
Save as type
لا أستطيع الحفظ الا علي نوع
Wav.
وعند محاولة التغيير الي
Real Audio Files(*.ra,*.rm)
أجد الخاصية الوحيدة فقط الموجودة هي
Wav.
هل يمكنم أن تعينوني أعانكم الله
أها نحن منتظرين ومنتظمين معاكم في الفصل
في رجاكم
وأتمني أن أكون قد كنت واضحا
تحياتي
أخوكم الحليلة

عزيزي
الحليلة
هنالك واحد من إحتمالين
إنك تكون نزلت برنامج غلط
أو لم تقم بإنزال البرنامج المكمل الخاص بضغط الفايل وتحويلو إلي ريل فايل
حاول ترجع للبوست الفيهو الشرح مرة أخري أنا نزلت الصور من جديد وهي هذه المرة أكثر وضوحا وتفصيلا
تحياتي

الأخـوان تمبس و ود الحــاج ســـلام

و الله ما قصرتو فتحتوا فصل محو الأمية و علمتوا الأذكياء و الفهمن تقيل ناس هناية


و سـؤال أثناء التسجيل من الكاسيت لي الكمبيوتر ما بسمع حاجة يعني سمع على طرش

ما عارف الحاصل شنو هل في أوبشن معين بسمعك الصوت اللي إنت بتسجل فيهو و لا

في حاجة غلط ؟؟؟ أفيدونا أفادكم الله

يا تمبس الكنجالات يا خوي بعد الشهادة شـوف الناس اللي إستلموا الشهادة

و فتحوا ليها بوسـت نحن لسه برالمة يا خوي

عزيزي أبا
بحمد الله توفقت بعد مراجعة متأنية
فألف شكر لك
فقد أعنتني علي شيء هزمني ردحا من الزمان
واصل كفاحك
نحن معكم وبكم ولكم

الأعزاء الكرام خالد أبا وتمبس،،،
كتير سلامي وتحياتي
بحمد الله إتوفقت في القسم الأول وقدرت أسجل عدد كبير من الأغاني، ومعاها كمان شوية فلهمة، باقي الجزء المعكلت من الموضوع وهو كيفية إنزال الأغنية في بوست، وعليكم الله ما تقولوا لي راجع الشرح، والكود دا ساهل؟؟؟ تساؤلاتي كالأتي:
الأغنية في شكل فايل صوتي(ماخد إسم طبعا)، وقاعدة عندي في الجهاز، هل يفترض أن أنزل الأغنية في موقع وبعدها للبوست، ولا تووف ممكن طوالي من الجهاز للبوست؟؟، كود الجن دا يكتبوهو وين؟؟ يعني في البوست العاوز تنزل فيهو الأغنية مثلا؟؟؟ براحة وواحدة واحدة عليكم الله.

معذرة إنقطعت الفترة الماضية بسبب زحمة العمل، ولسه في سنة أولي ما بلادة ولف ساكت، بقت علينا حكاية أدروب في النكتة القديمة " قالوا أدروب تلميذ في سنة أولي أولية، وظل أربعة سنوات في سنة أولي، الناظر طلب من ينادي أبوهو، لما أبو أدروب جا قابل الناظر، قالوا ليهو ولدك دا بليد أربعة سنة قاعد في سنة أولى، أحسن يمشي يشوف ليهو شغل، رد عليهو أبو أدروب قائلا : أدروب ما بليد ، أدروب ولوف.

كدي بعد ما ننقش طريقة تنزيل الأغنية والكود وما أدراك ما الكود، بعد داك، أمانة يا الباندودث ما جاك بلا..
شكرا كتير على المساعدات القيمة وطولة البال على ناس أنحنا
كتير خيركم كنير وتسلموا .

الرايق
حمدا لله علي السلامة
أول حاجة تتأكد من حجم الأغاني هو الحجم المطلوب ولا لا ودي تعملها كالآتي تقيف في الغنية في الجهاز وتعمل عليها كليك بجهة الماوس اليمين وتختار أخر أمر في الأوامر البتظهر ليك (بروبرتس) تضغط عليه بيديك معلومات عن الأغنية تشوف الحجم والمفروض يكون 650 Kbs وما دون

تمشي بعد كده ترفعها في الحوش بتاع بكري ودي بتلقاها لو فتحت صفحة البورد ونزلت تحت خالص (تحميل الأغاني) بكده تكون الغنية موجودة وباقي موضوع الكود تشوف تمبس يحلو ليك
تحياتي يا أدروب

صراحة يا تمبس....وابا......دا اكتر بوست فيهو فايدة.....من الهيصة الفي البورد دي كلها... لكم الشكر موصول

سجيمان
أزيك يا حبيب
والله دي شهادة نعتز بيها وتشكر يا نبيل

العزيز حالد أبا.
ســـلام كنير
بحاول ألاقيك في الماسنجر لكن يبدو إننا بنخش في أوقات مختلفة، لكم الحي بلاقي...
يا زول قصة حجم الفايل، ووضح الصوت، أسكت ساكت يا زول دي نجمتها ليك تب، بس كدي خليني النلم في تمبس
طبعا لسه عندي أسئلة لكن من خارج المقرر، ودي خليها لما نتقابل في الماسنجر عشان ما نشوش على باقي الفصل.

دكـــتور سجيمان
شكرا جزيلا يا دكتور ..علي كلماتك الجميلة ..بس ماشيفنك في الفصل ..وكنا بنتمني أنو تكون معانا ولو بي رايك ..ونحن منتظرين منك .. ومدام جيتنا هنا بنفرش ليك الواطه رمله والله ..وبنشيل الرمله بنديك ورود
قصرنا معاك ؟؟
بالمناسبة ..قاعد اتابع كل نقطة بتكتبه هنا .. في البورد ده ..وحمدو في بطنو

الـــرايق
يظهر انو الشغلانة جايطه ليك شديد ,,لكن خت الرحمن في قلبك وواحده واحده تابع معاي

بعد ما تتأكد من حجم الاغنية انهابالحجم المطلوب للتحميل خليها في مكانه ده وامشي للصفحة الخاصة لتحميل الاغاني .واضغط علي تحميل الاغاني ..لاحظ في ايقونة تاني بتقول تحميل الصو ما تقوم تحمل فيها
بعد كده تضغط علي براوز علشان تحدد مكان الملف بتاعك وين الداير تحملو ..وبعد ما تحدد مكانو اضغط علي كلمة تحميل ..واديهو خاطرك ..خليهو يحمله ..وبعديها بتتفتح ليك صفحة عند اكتمال التحميل بيديك عنوان الاغنية فوق ..اذا اتحملت بي نجاح ..واذا مااتحملت بي نجاح في سبب رئيسي أنو حجم الملف بيكون اكتر من650 وعليك بمراجعت الضغط بحيث ما يكون اكتر من الحجم ده
الخطوة البعديها تتابع اسم الملف ..وتضغط علي الاسم بالجهة اليمني للماوس وتختار بروبرتس وبديك عنوان الاغنية ..اتفقنا ؟؟
هنا بتبدا المرحلة بتاعتك التانية

تقوم تفتح بوست جديد وبعدما تسمي العنوان تقوم تستعمل الكود ده



<**embed src="http://www.bayanit.com/upload/protected/beethoven2.ra" align="baseline" border="0" width="189" height="44" type="audio/x-pn-realaudio-plugin" console="Clip1" controls="ControlPanel" autostart="true">

تشلو منن هنا وتعمل ليهو كوبي ..وبيست في داخل البوست بتاعك ..جميل ؟؟ وتقوم تجيب عنوان الاغنية القالوها ليك في صفحة التحميل وعملت عليها كلك بالجهة اليمني يعني مثلا
http://www.bayanit.com/upload/protected/beethoven2.ra
دي طبعا اخدتها من اللنك الفوق ده ..تقوم تجيبه من هناك وتعمل ليها كوبي وتلزقه في الكود ده فوق بين الشختطين الصغار ديل ( " ) وبعد كده تشيل النجمتين في بداية الكود وتعمل ليهو بريفيو واذا ما اشتغل
يا اما نقلت حاجهغلط .. يا اما ما مسحت النجمتين ..يا اما كمان نقصت حاجه منالكود
لاحظلازم تكون دقيق جدا في الخطوات دي ...وممكن ترجع للشرح بي رواقه كده
وبعد ده برضو نحنا موجودين والخال ما بيقصر معاك

ابو حسين

سلامات
اهم شي تتأكد من أن التوصيلات سليمة يعني كل شي في مكانو
وتاني حاجه في خيار لابد منو وهو اختيار الخيار المناسب للعمليه يعمي مثلا في حالت تسجيل من الكاسيت بتمشي
Sound Group
Record Sound
Adjust Recording Levels
اعمل علامة صاح علي الخيار بتاع

Line In
موضحو ليك في الصورة المرفقة
لازم تكوزن متاكد من السماعات بتاعتك انها شغاله تمام ..ولاحظ انو الصوت ح يطلع ليك من سماعات الكمبيوتر ما سماعات جهاز التسجيل ..أتفقنا ؟؟
يعني حتي اذا ما بديت تسجل وعملت حتي تشغل لي الراديو ..بيطلع ليك الصوت .. ودون ذلك تكون لاسمح الله في حاجه غلط محتاجه مراجعه ..اتفقنا ؟؟

ســـــــلام كتير يا تمبس
وتسلم يا معلم كدي نمشي نجرب ونجيك راجع

جزيل الشكر وكثير التقدير

الأخ أبا
تحياتي
لم ننفك نلاحقك بالمشاكل معذرة للأزعاج
بالأمس قمت بتسجيل مادة ولكن للأسف بعد الضغط ظهر صدأ شديد وبعد
تكرارمحاولات الضغط لأكثر من مرة لم يتغير الحال بالمناسبة هذا الصدأ يمنع من سماع المادة المسجلة
أتمني لو تفيدني
وأكون شاكرا ومقدرا
الأخ الرايق
تحياتي
يالحبيب ليك وحشة والله ومشتاقين شديد
نتمني سماع أخبارك
وتحياتي

عزيزي
الحليلة
يظهر من كلامك إنه المشكلة في الصوت الداخل من جهاز التسجيل إلي الكمبيوتر أجعل الصوت منخفض بقدر الإمكان وسيختفي الصدأ

Salam Aba
I did all the things so as to get rid of the echo.
But
All came
to

0
0
0
0
Nothing.
I hope that U may try to find a cause of that if Possible

عزيزي معتصم
راجع وصلاتك من المسجل للكمبيوتلر ويجب أن تكون كالأتي

السلك بتاع السماعات(أوت بت) من المسجل تقوم بإدخالة في مكان المايك في الكمبيوتر هنالك ثلاثة فتحات في الغالب لون الفتحة المطلوبة أخضر،
تظهر مشكلة هنا في الغالب وهي أثناء عملية التسجيل لا تستطيع سماع الأغنية وبالتالي لا تعرف إذا كانت إنتهت أم لا ويمكنك التغلب علي ذلك بإستعمال سماعات الأذن وتوصيلها بالمسجل في الفتحة المكتوب عليها مايكرفون وفي حالة عدم وجودها تقوم بتوصيل سلك السماعة مع الوصلة الأولي التي تدخل إلي الكمبيوتر من المسجل وحاول تقلل حجم الصوت ما أمكن
تحياتي

الأعزاء تمبس وخالد الحاج .. تحية وود

ظللت طويلاً أمنى نفسى بتسجيل بعض الأغانى والملفات الصوتية لكننى ظللت اتكاسل لظنى ان الطريقة معقدة ومتعبة ، والآن وبفضلكما تيسر لى الأمر وأصبحت أتعامل مع الطريقة بمنتهى السهولة وكأننى خبير ، لكما منى كل الثناء والتقدير

ياحضرة الناظر ابا
واستاذ تمبس
فى فصول اعادة ؟ (ناضجين)
بصراحة انا ما بحب القرايى ام دق دى
لكن بحب الحاجات السمحة البتنزل
وعندى حاجات سمحة اتمنى انزلها
(ود النصرى يا ابا) كل ما اسمع الرريط دا بتذكرك واجى جارية على الفصل دا القى المقررات مردومة اخاف ارجع بررررراحة
اها دحين دروس خسوسية براحة براحة
فى طريقة ؟؟
وطبعا من الف با تا ثا
غايتو جنس امية هى

أخونا لؤي
تسلم يا أخيوأنا عارف إنك زول مبدع وفنان
يلا أتحفنا بالجميل

الملكي:
تأمري بس ألحقي البوست ده قبل بكري يلم العده يوم 31 ديسمبر ونزلي البرنامج والملحق بتاعو..والباقي هين..أنتم الملوك ونحن الرعية

جبتيهو تاني يا بلقيس
علي العموم الدروس الخصوصية جاهزة ..
وبي سرعة زي ما قال ليك الخال قبل مانلم الحاجات
استلم يا خال فصول الاعاده دي ..سجلني انا معاك برضو

مراجعة بسيطه

كر علينا الما قرينا
الفصل دا حيقفلوا في نهاية السنة ؟