.. من النيل الازرق .. نجوم الغـــد .. ريماز ميرغني

دا شعر؛ طرحة و لا باروكة ؟

shokran laik ya tmbis ... strong vocals, very confident performance.... who's on the other keyboard with Saad.. is that Nagi Tagelsir

Mallasi
alshare3a ma galo tarshagat lol

سوداناوي ..
سلامات .. ومشتاقين وين الحي بيك ؟؟

Quote: strong vocals, very confident performance

المزيكاتية بيعرفو يقيمو كويس طبعا..
ده ما ناجي تاج السر ..
اسمو القصاص ( علي ما اعتقد عمر القصاص )...
شكرا لاستمتاعك معاي ..

إبداع يا تمبس
ربنا يخليك لينا...
وعازف الأورج الثاني هو عمر القصاص المبدع.

راكوووووووبا..
يديك العافية ياابو الزمل .. وكل سنة وانت طيب
تعرف.... متذكر القصاص طشاش طشاش ..
لكن تمام جبتها من الاخر ..

بلقي عندك نجوم الغد ... الحلقة الاخيرة ..؟ طبعا فاتتني ما قدرت اسجله .. بعدين عندك فكرة عن الاعاده متين ؟؟

تمبس الإعادة اليوم وشغالة الآن على النيل الأزرق.
تحياتي

راكـوبة

يديك العافية ده احسن خبر سمعتو امس
مع اني اتجهجهته شديد .. بس حضرت باقي الحلقة .. وسجلتها .. لانو برضو يوم العيد راحت علي ..
ما عدمتك ياوجيه ..

دي كرفته ياملاسي

يا تامبا



شنو الخيانات دي ؟ ..
والله إلا أكشف حالك ..

____

العتب على النظر يا تمبس.

ما النظر ياملاسي ..
لكن ( خـــرفك كعب )

موووووووو
ده برضو انا يا مفتري ..







اشتكيك لي مين انا ؟؟

تمبس نسيبي
رائع ورهيب
بس يا ابني اسمع بدون ما تتأمل فيها
فنانة حليوه ورائعة
يا ابني ما عندك حاجة حلوه للفنانة ندى القلعة
عشاني والعجائز المثلي مش يا .....
.......
معتصم اخوي
انا بحب الشمار
[/RED

ابو النسب حمزاوي ..

Quote: بس يا ابني اسمع بدون ما تتأمل فيها

كويس



ندي القلعه ؟؟
في
لكن مع العجايز ما بتخارج ياحمزاوي .. للشباب بس من سن سبعين ولي فوق

أخي تمبس :

صبحك الله في رضاه ،، اخيرا واخيرا جدا بقيت استمتع بما تنزل من اغاني ،، وده بفضل مجهوداتك معانا
مشكور علي الاغنية وريماز مشروع مطربة نتمنى لها النجاح والتوفيق

أخوك
عبد الله / شرووم

شرووووم ..
الله يطمنك .. كده الواحد ممكن ينزل ليك ( آآآآآآآآآآهـ (و) 1/2 ) بي قلب قوي بالنسبة لي نانسي وكدا..

ما جيت شلت الحاجات .. جاهزة والله

ريماز ..
فعلا مشروع ناجح جدا .. بس لو لقت البمسكه الدرب الصحيح ..

كل عام وانت بخير ومزيد من الابداع

يا قرقوووووووور

كل سنة وانت طيب يامان .. مشتاقين كميات ..
الحلوين المعاك كيف عاملين ؟؟
اتوقعتك في خواتيم رمضان .. السنة دي ما جيت ؟؟

عاوزين ندي

عاوزين ندي

عاوزين ندي

عاوزين ندي


واغنية

مابرضي العوج انا كدي طي بطبقه انا ولد المك علي عين حاسدي بقلقه

ولا بنصرخ ليك هنا

حتي انت يا عباس

طيب
كووووورك كده لحدي بعدين العصرية .. كان ماجيت لقيته.. كووووورك لحدي بكره الصباح

ابداع يا تمبس

قول لى عمى حمزاوى فى موضوع ندى القلعة يا حمزاوى لا

السمؤل

سمؤل.. وينك ؟؟

بورداب الرياض في أمسية رمضانية رائعة

لالالالالالا

تمبس 00
لالالالالالا كده ما معانا يا تجيب اللنك يامدايرين هظار000
الكبكبه ظهرت 00
وااااى كتير000
لووووووووووووووووووول00
تمبس اسمع ديل ببقوا ليكم 000

تروتسكي ..
مالك ..؟؟ ما كنت كويس .. وصبووووووووور

ديل ما ببقوا ليكم لكن قرايبنا

كدي جرب كده بظبط معاك والا في كلام تاني ؟؟

Save@Pc

تمبس
إنت بتجيب الحاجات دي من وين ؟
غايتو ريماز دي يا موردابية يا من بانت ..

والله ياخال انا ما بجيب ..
بفتش
وبعدين قاعداللقي الحاجات دي

غايتو ياخال ما موردابية .. ولا من بانت امس اعادو الحلقة وكنت عايز اتصل عليك اقول ليك تابع الحلقة
تاني قلت الزول ده يكون نااام .. الكلام ده الساعه تسعه طبعا

تعرف يا تمبس انا احكي ليك طرفه عن هذه الاغنية


لقيت مره اتنين سودانيين موقفين العربية بين العين ودبي وفي واحد مواطن اماراتي واقف يعاين للجماعه ديل بيسو في شنو وهم يعرضو علي الاغنية وما شغالين بالشارع ولا بالناس البتعاين ليهم

خلصو الاغنية وركبو عربيتهم ومشو الاماراتي سالني ديل بيسو في شنو قلت ليه بيرقصو رقصه سودانيه تعبر عن الشجاعه قال لي والله يا الزولات عندكم حاجات جميله جدا وبتعرفو تعبرو عنها

عشان كده انا بقيت مدمن عليها وبسمعه كل يوم منها

وبكورك بكورك

.





الهادي

تمبس ....سلامات
و الله مشتاقين
رمضان كريم و كل سنة و انت طيب و حمدا الله بالسلامة وووووو حاجاااااااااات كتار

يمني ..

مشتاقين الشووية دي ؟؟
وينك .. دي كلها ملاريا يعني
كل سنة وانت طيبة .. وكل امروك ظابطه تمام
سلمي لي علي البقية .. الناس المزنوقه شديد

انت الاعسل ياهادي ..

وينك ؟؟

والله ياعباس ديل اخحلي ازوال في الدنيا وطيبين جدا

مش كويس انهم ما كان معاهم صوط وقامو عملوا الحركة ديك ؟؟
الاماراتي ده كان عرف حاجه ..



ياخ والله ما لقيته لكن لقيت واحده غيره .. بتنفع معاك ؟؟ والا اخليك في كواريكك دي
شايفك الليلة ما جيت عملت فوضي هنا
بكره الصباح كيف معاك ؟؟

تمبوسه والله بدورة

لو اسي نزلتها لي بدورة بنوم مرتاح

انت قايل سجيمان براه ولا شنو

يا عبس ..
يعني دي اخر كواريكك كده ؟؟

الليلة بتنوم بي مزاج ..
علي ضمانتي ..

تحية طبة للجميع

كدى تعال قدام شوية

و بعدين يا تمبس

لنك الحفظ وين لو سمحت !!

و شكرا

البنيه حليوه ياتمبو

وغنايه

تنفع تبقى مطربه عالميه وكدا

Quote: البنيه حليوه ياتمبو

غايتو ياراوية انا ما بعرف اكتر منك ..
لكن ناحية عالمية ..
عالمية ونص وخمسه

يا ابو الامين

حااااضر

استلم

بس طبعا بياخد معاك زمن ما زي الملف الصوتي لانو ده فيديو اتقل شوية


Save@Pc

حبيبنا تمبس

البوست ده فى ميزان و كلام الهلالابى عباس فى ميزان

Quote: لقيت مره اتنين سودانيين موقفين العربية بين العين ودبي وفي واحد مواطن اماراتي واقف يعاين للجماعه ديل بيسو في شنو وهم يعرضو علي الاغنية وما شغالين بالشارع ولا بالناس البتعاين ليهم خلصو الاغنية وركبو عربيتهم ومشو الاماراتي سالني ديل بيسو في شنو قلت ليه بيرقصو رقصه سودانيه تعبر عن الشجاعه قال لي والله يا الزولات عندكم حاجات جميله جدا وبتعرفو تعبرو عنها

الظاهر الجماعه ديل ممكونين و صابرين

تحياتى
تخريمه
ما هى ارخص طريقة تحويل شرائط VHS الى DVD

Quote: الظاهر الجماعه ديل ممكونين و صابرين

مكنة بلاد بره حاره يانصري ..والامكن منها لما تكون شايل تفاصيلك جواك .. وتطلع منك فجأة كده بي تلقائية زي بتاعت جماعة عباس الممكونين فوق ديل.. فاهمني طبعا؟؟!!

وبالنسبة للبرامج عندك برنامجين ممكن تتعامل معاهم بي كل سهولة إذا قدرت تتحصل عليهم.. مريحات في التحويل وساهلات في المعاملة ..

* Ulead Video Studio 7
* Inter Video Win DVD Creater
عن تجربة وانا عادة بستعملهم في التحويل ..

اما التخريمة الفوق لتخريمتك :
إذا لقيتهم اون لاين بيسهلو عليك شديد وما اظن بالساهل تلقاهم.. وهم طبعا املح طريقة إذا كانوا موجودين بالنت .. لكن إذا فشلت في الحكاية دي ما عندك اي مشكلة ايميلي في البروفايل رسل لي عنوانك الكامل بكندا وانا برسلهم ليك .. وان شاء الله افلس زاتو

تمبو..

تماااااام..

لكن الجهاز بقى تقيييل..


تخريمة: تقول لي الأكواد برضو ..؟

رجــاء..
تعرفي مرات البورد كلو.. يبقي لي تقيييييل ..واي مكان تاني شغال بي نفس ..
اها بقيت لما يتقل طوالي بقول دي الاكواد.. طبعا ما بقتنع انو عليهو ضغط

تحية طيبة للجميع

يا تمــبس والله اشكرك حتى تستغيث

و بعدين ولا يهمك الـDSL شغال



انت بس نزل العندك و لا يهمك

و شكرا

تمبو

شكرا لهذا الابداع
يبدو انها ردمت الهاوية

دوما الازرق هكذا -الاختيار وروعتة -موسيقي وكلمات

العزيز مجدي شبندر
شكرا لاعجابك بالعمل .. والشكر لقناة النيل الازرق دائما تنفرد بنوع من التميز في البرامج المختلفة وبرنامج نجوم الغد تحديدا من انجح البرنامج ويستحق الاشادة بيه وبمقدمه الاستاذ بابكرالصديق.

ابوالامين ..
D.S.L في .. مشكلة مافي تاني ..

بس كتر لي الملفات الفاضية واعفص طوالي في اي لنك تلقاهو

الغالي المبدع تـمـبس
كل عام وانت و الجميع بخير

شكرآ لواحتك في هذا الهجـير

لقد كدت أن أفقدالامل في هذا المكان ولكنك وأمثالك تجبرونا أن نواصل الحلم

كل الود
ودالعجب

انا فى شخصك احترم اشخاص.... جمييييل ياtmbis

البت دى ممتازة موز ما عادى... اختيار فعلا جميل و vocal acrobats ممتازة


عجب
كل سنة تيبين تيبين ايدو مبارا الينا اليكوم.. وينك?

Bilo

دي مدني وناس مدني دائما مبدعين وفنانيييييييييييييين وحلويييييييييييييييين كمان نتمنى لها التوفيق ولو جبت لينا كمان اغنية سعد احمد الحاج حبي ليك كان زاتي تكون ابدعت ذلك الطفل المعجزة

Quote: لبت دى ممتازة موز ما عادى

Bilo
انا متفق معاك برضو في حكاية الموز دي

الغالي ود العجب
وانت طيب وبالف خير وربنا يحقق كل امانيك ..
معليش ياعجب
دائما البورد ما بيستقر علي حال واحد ومن المستحيل التوصل لي نقطة معينة نقدر نمارس فيها ادب الاختلاف الجميل .. من غير الانحراف لي جوانب تانية ترمي بي ظلاله سلبيا علي الجميع وتخلق نوع من الدبرسه وفي بالي طبعا ان هذا المكان اصبح متنفس للجميع وخاصة من هم بالخارج .. لكن ربما نعشم في يوم ما انو الحال يتصلح وبرضو بقدر الامكان بنحاول نحافظ علي وجودناباي طريقة مشروعه بالرغم من الاسباب البتحرضنا علي الابتعاد.

Bilo

Kol sana wa inta tayeb

I thought I will see you in Ft. Lauderdale last weekend , but no luck

Fe Aman Allah
Agab

المبدع تمبس
نحن في انتظار المزيد

ولا ما كدة يا بـــيـلو

هناك المزيد ياعجب .. تابع ..وخليك قريب

بالمناسبة ..
شاكك في انك ود العجب بتاع الباص جيتار .. بكندا حاليا.. بس اعزرني الاسم رايح علي
ده انت ياربي ؟؟
والا انا غلطان

وينه يا تمبوسه


انا يومين نايم القوي

وعدتني واخلفت

عاوز

ندي
ندي
ندي
ندي
ندي

ولو ما سمعتها اليوم شيل شيلتك عاد اكان مته

عباس ..
وحسع بقيت كيف مع التطورات الجديدة دي

شكراً يا تمبس وكل عام وأنتم بخير، ربنا يحقق الأماني.

أنا في شخصك بحترم أشخاص، لم أسمع بأغنية غيرها لصاحبها إبراهيم إدريس ودالمقرن -رحمه الله- لكنّه لو اكتفي بها لكَفَتـْه! جلسة سمر ضمّتني وأصدقائي قبل شهور خلت، كنت أحمل في معيّتي ألبوماً غنائيّاً للفنانة سميرة دنيا ادعيت عند صدوره أنّها ما أصدرته إلا بناءاً على رغبتي!! وذلك لاحتواءه على أغنيات جميلة رصينة ذات وقعٍ عنديّ مثل (انت حياتي) و (عيون المها) و (مالو قلبي الأسروه) و(لحن الحياة منّك) ، لكن (أنا في شخصك بحترم أشخاص) كان لها دون غيرها احتراماً خاصاً !! يومها طلبت الصمتَ من أصدقائي والاستماعَ باهتمام لهذه الأغنية التي خرجت بالأغنية السودانيّة من سياج الغزل الحسيّ لفضاءٍ واسعٍ من احترام الذات لا لجمالها وإنّما لدواخلها، نقلت لهم اهتمامي بأنّ شاعر الأغنية وضع برفقٍ و(حرفنة) لا مثيل لهما كلمة (هكذا) بين الكلمات الدارجة كما لم يضعها أحد من قبله فلا اختل المعنى ولا شَعَرنا بالتكلّف!
برضو ما في خلاص ... هكذا يا ظالم جزا الإخلاص
بيد أنّي أعجب لعجب الشاعر من جزاء إخلاصه وتفانيه، ولا أدري ماذا كان ينتظر؟ ألم يسمع بقول الشاعر (ميل وأعرض وكتر أمراضي، في هواكم بالهوان راضي)؟! ألم يعلم أنّ الحبّ إذا كان بين طرفين حَرَمنا من الإبداع الذي تولده المعاناة؟! هل كنّا سننعم بروعة (يا روحي أنصفني) لو رقّ قلب حبيبة شاعرها له وأنصفته؟! وهل كنا سنطرب ل(الليل ما بنومو) لو نام شاعرُها الليلَ بأكلمه سعيداً برضا محبوبته عنه؟! من أجمل ما وصل إليه الشعراء في الزمانين القديم والحديث هذه النتيجة...
في الصدّ تزيد في خبرتك وفي الحب أزيد في خبرتي !
ورد هذا في اغنية الحقيبة (عيوني وعيونك)، لله در شاعرها الذي علم بعد تجارب مريرة أنّ خلاصة حبّه زيادة له في خبرة الحب وزياده لمحبوبته النافرة عنه في خبرة الصدّ والنفور!! على أنّه -وأعني الشاعر- أراد أن يفصح عن تميّزه وانفراده بحسن الكلام ونادره فقال... أسباب تشوقي نظرتك واسباب نفورك نظرتي !
وبعودة ل(أنا في شخصك بحترم أشخاص) فإنّ لحنها الجذاب وافَقَ معناها كما لم يوافق لحنٌ مفردات أغنيته، لست دارساً محترفاً للموسيقى لكنّي أجد نفسي منحازاً للساكسفون أداة أساسيّة يمكنها إبراز هذا اللحن في ابهى صورهـ ، ولا بأس بمداخلات من فلوت حزين هنا وهناك وقليل من الأكورديون يطرز ختام الجمل الموسيقية ... أكتفي بهذا القدر قبل أن أقع في المحظور واتّهم بالكتابة في ما لا علم لي به!!
ريماز ميرغني صوت جميل أجمل ما فيه صفاؤه الشبيه بصفاء صوت سميرة دنيا، جاء منسجماً مع لمسات عازفي (الأورغ) البارعين، أعجبني جنوحها لهذا النوع من الأغنيات بعيداً عن الأغاني الصاخبة إن جاز التعبير، وأحْمَدُ لها حفظها لمفردات الأغنية حفظاً متقناً وقد اعتدنا من بعض المؤديين التلاعب بالأغنيات وإدخال مفرادت ( من عندهم) لها! وأخيراً فإنّ الإشادة واجبة باستوديو النيل الأزرق وإضاءته الباهرة -ما شاء الله-، هذا فضلاً عن اللمسات الديكورية الراقية الدالة على أنّ هناك جهداً مبذولاً، أتمنى لهم التوفيق.

أحمد الريّح
_____________________________________________________________________________________
أجادت سمية حسن اداء هذه الأغنية وبذلت فيها جهداً كبيراً لإخراجها بصورة جيدة، ولا أنسى أنّ الراحل العميري أحسن غناءها كعادته مع كلّ ما غنّى.
لو لم تخني الذاكرة، فإنّ (مالو قلبي الأسروه) أغنية للفنان الراحل محمد حسنين، وأذكر ايضاً أنّه تغني ب(يا ناس انتو وين انتو)، لم يلقَ هذا الفنان حظه من الشهرة الوافرة رغم جمال صوته وقدراته التطريبيّة العالية.
أطرب لكلّ ما غنّى الراحل عثمان الشفيع وازداد طرباً لأداء عبد المنعم الخالدي لأغنياته.

احمد الريح ..
كل سنة وانت طيب وموفق .. واتمني ان يحققق الله كل امانيك ..
تعرف يااحمد في اغاني بتظل خالده وبتتابع الواحد فينا من أول لحظه يستمع ليها .. وتشبك معاهو واجزم ليك ان كل اغنية من الاغاني الاشرت ليها دي .. عالقه بوجدان كل سوداني .. عندي علاقات معينة مع اغاني محدده .. لدرجة احيانا ( بشطح ) وبيني وما بين نفسي بتخيل انو مفصله لي من دون ساير الناس..
فترة دراستنا المتوسطه .. كان لي صديق حببني في عزف العود .. كان يتنقل بين اوتاره بكل حرفنه ومهاره عالية .. عندما يغني انا في شخصك بحترم اشخاص .. تحتاج إلي مسافه طويلة جدا بعد انتهاء الاغنية للطلوع من حالة الانجذاب .. احيانا كان يكرر الاغنية في اي جلسة استماع مرتين حتي تخلق معادلة للخروج من الحالة الاولي.. وعند سماعي لها من الراحل ود المقرن يطلع لي عصام ده ..اي كلام
اعجبني تهويمك وفرتقتك الحية داخل البوست .. وتشبعك بكمية ضخمة من الاعمال الخالده جدا .. وتجدني احمل نفس هذه الاعمال كنسخه اخري من ما تستمع له ..



انا غايتو عندي ليك اقتراح
خليك اسبوع ظلامي ..واسبوع مزيكاتي

شكرا يااحمدسرتني مداخلتك القيمه ..
واتمني ان نكون علي تواصل

العزيز تمبس

لك التحيات النواضر
تسلم لزوقك العالى والرفيع فى الاختيار

وريماز نتمنى ليها التقدم وبالمناسبة
زولة اداءها متميز وقوى وواثقة من نفسها
فى طريقة التطريب,

تسلم مرة تانية

العزيز جدا
استاذ الفاتح ..
وشكرا لزوقك انت كمان ..

ريماز صوت متميز وإذا حالفني التخمين فهي امتداد لجيل مني الخير وعائشة الفلاتية وغيرهن ..اتمني لها التوفيق والمحافظة بقدر الامكان علي التميز.
ودائما مسالة التمرين المصاحب للبيانو بيوصل لي نتائج سليمة..
اتمني ان تحجز ليها مكان مميز من الآن وسط الساحة وتلتزم دائما باداء الاعمال الجيدة.
الف شكر لمرورك استاذ الفاتح..

انته متأكد
ياعلاء منصور

عاين ياقرمبوز


ااي متأكد

تمبس ازيك ..
تسلم على الغنيوة ..
سعد الطيب و القصاص مبالغة بس .
دى حالتو مباشر ..
يعنى لو قعدوا فى استوديو صوت ..
ناس محمدية اكلوا نيم

برهــان..
يديك الصحة والعافية .. ونحمد الله الغنية عجبتك ..
..
اها سعد الدين والقصاص ديل يعني خلو الناس شوية كده تتصالح مع الكيبورد في الاعمال ويتقبلوهو بي شكل كويس .. الشباب ديل متمكنين لي درجة الاحترافية وعرفو كيف يقرو ذاكرة الكيبورد كويس ..يعني عكس الشي الحاصل اليومين دي والحاجات البتعمل لي الواحد( انيميا ) لما يستمع ليها.. والله يابرهان قبل كم يوم حضرت لي حلقة كده في التلفزيون .. قربت اكسروو..الاورغن في سوباوالقون في ابوحمد...
وز ما قلته الناس دي كان فضت نفسها .. في ناس كتار مفترض تاكل نيم .. لكن ناس محمدية ديل طبعا خبرة الخبرة .. البروحو فيها الترزية ..

Quote: ريماز مشروع مطربة

يا زول ريماز مشروع خطيبة عديل ..


تمبس شوفها لو بتقبل ح أنزل إيميلي في البروفايل صورة وصوت , أوكي ؟


وبي المناسبة أخبار صاحبك المعتكف في كهوف نجد شنو ؟
زول يخلي بوستك ده ويرجى الجمال في نجد ؟
شيل ليهو صورة عينة ومعاها صحن سلطة أسود وكتير سلامي ..





أبنوسي

ابنوسي ..
بقيت تغيب وتجي علي كيفك ..
وما تظهر إلا مع المشاريـــع الناجحه دي
مشتاقين شديد ياخ..
انــا غايتو كان علي قبلان لكن مع الشفتو الايامات دي .. الحشاش يملا مخلايتو..

Quote: وبي المناسبة أخبار صاحبك المعتكف في كهوف نجد شنو ؟ زول يخلي بوستك ده ويرجى الجمال في نجد ؟ شيل ليهو صورة عينة ومعاها صحن سلطة أسود وكتير سلامي ..

اها شفت يا ابنوسي صاحبي ده أول المزارعية الممكن يداقروك في خريف زي ده ..
انت عارفو طبعا عينو طايره قدر شنو ..
كان حريص جدا يكون اول زول يفجر لي القنبلة دي وقال لي اللحق سجل المشاريع الكويسه في التلفزيون الآن ( وهو ما قايلني انابرضو ماسك موية في الحواشات ) وقال لي كمان احجز لي سيديهاتي ..
ومديني سيديهين وحات خوتك عايز يقبضني بيهم سنة لي قدام وعايز كمان يخم بيها كل المشاريع دفعه واحده

الاخ المبدع تمبس

سلام

زدنا ابداع والحقنا ب لينك الحفظ للاغنية الاولي في البوست



و زدنا ابداع

الوليد ..
سلامات ومرحب بيك ..منور
كان جدا ياوليد في اقرب فرصة بتلقي اللنك معاك ..

الاخ المبدع تمبس

سلام

و شكرا كتير علي الرد و الاهتمام و الترحيب

و في انتظار اللنك

و زدنا ابداع

ما شاء الله. عشرة على عشرة. الصوت أكتر من رائع

الأعزاء .. احمد الشريف . .. الوليد احمد منورين بوجودكم..

الوليد .. حفظ الاغنية وسوري للتاخير..
اضغط يمين الماوس لتحديد مكان الحفظ أو دبل كلك للحفظ التلقائي..

Save@Pc