قشلاق القسم الجنوبي الخرطوم حي في حجم وطن

قشلاق القسم الجنوبي هذا الحي المتميز
حي في حجم الوطن
ذكريات جميلةوايام لا تنسي ومنه كان الاثر الكبير في خارطة حياتنا
نبدأ باول منزل في الاشلاق منزل العم الجليل احمد عبد الحفيظ
وابناءه غماد تفاحة من الشخصيات الشهيرة في الاشلاق وابنه النابغة عادل
وابنه الفنان عصام ثم جيرانهم سوسو المشاغب واخوه هشام
ثم نعرج علي الشارع المطل غلي الميدان ونتذكر طارق الترماي واخوه
خالد نافورة ثم الي الامام في نفس الشارع استاذ سيف
ثم الشارع الخلفهم الرمز والرقم المرحوم عوض كبدة واخوه وقيع الله
ثم فاكهة الاشلاق هوا وحافلته الشهيرة وتليس واخوانهموالي الامام في
نفس الشارع مولانا اسامة صديق واخوانه وابو بكر عبد الله احرف لاعب كورة في الاشلاق
ونذهب الي الشارع الثالت وعصام بكري وعلاء بكري وابناء محمد فضل الله ومجدي الطيب
والمرحوم عبد الرحيم الطيب وكمبلي واخوانه حسين وعصام ثم ابناء محمد خليفة غرباوي
عادل وعماد وعمر ثم منزل ابناء العم عثمان عمر ازهري وجمال وعصاموفي نفس الشارع علي شارع الزلط منزل المرحوم جهاد واخوانه وابناء العم مصطفي ميرغني وعبد السلام جلود
وقلة واخوانهم ثم نأتي غلي لبشلرغ الرابع ناس بريش وازرق واخوانهم ومنزل ناس نيني
وعثمان واخوانهموناس ود السعداية عماد وعامر حمبريطي وابناء العم عبد الكريم شمس الدين ومنوكل والنور ثم طاحونة العم علي محجوب الشهيرة وابناءه حسن واستاذ عبد الفتاح
ثم منزل ناس فيصل وياسر الدقا وجلي واخوانهم ثم منزل ناس ياسر النحيف ومحمد الطيب
ثم الشارع المطل عاي المدارس ناس احمد بشير واسماعيل واخوانهم ثم منزل ناس مزمل واخوانهم ثم منزل ناس ابراهيم محمد عثمان واخوانهم ثم منزل ناس العم يعقوب
تم منزل ابناء العم ابراهيم عبد الحليم تم المنزل الاشهر في الاشلاق منزل ناس ليلي
الداية تم منزل فاكهة الاشلاق قيصل وحلوبي واخوانهم ثم منزل ناس عاصم وكل اسرة الاشلاق المترابطة الذي اشتطي منه عضو تداعي له باقي المناول بالسهر ومن يذكر الاشلاق لابد من ان يذكر اشهر مكتبة في الخرطوم مكتبة الدوحة لصاحبها العم الجليل محمد عثمان مكاوي
مركز تجمع كل ابناء الاشلاق
والتحدي الكبير في الباشلاق بين فريقي الاهلي والكفاح
وساعود لاواصل

خالد ...

الظاهر الشهر دا هو شهر التوثيق للمدن والاحياء السودانية

طبعاً يا خالد كان لازم تترحم اول على الجذء الفاتح على زلط الحرية من القشلاق التم مساواتو بالأرض والتصرف في بعض الأراضي فيهو بالبيع أو بالإيجار (الله اعلم) لأنو انا شايف مباني إسمنتية جميلة وكبيرة وملونة بدت تظهر في المنطقة دي !!

Quote: يذكر اشهر مكتبة في الخرطوم مكتبة الدوحة لصاحبها العم الجليل محمد عثمان مكاوي مركز تجمع كل ابناء الاشلاق

حتى مكتبة مكاوي تم تحويلا من مكانا الزمان في الكورنر بتاع نادي أبناء حلفا ، وهسي حاليا مكانا في محطة القسم الجنوبي جمب ميدان المولد ..

Quote: طبعاً يا خالد كان لازم تترحم اول على الجذء الفاتح على زلط الحرية من القشلاق التم مساواتو بالأرض والتصرف في بعض الأراضي فيهو بالبيع أو بالإيجار

إنتصب مكانها بنك أم درمان الوطني.. ذلك هو الكورنر الجنوبي الغربي، وأول منزل فيه على الناصية كان فيه الخال وداعـة أحمد سلطان "سِمــيد" وأولاده محمد وعمار وحاتم وماجد -الصغار لا أذكر أسماءهم- ويجاوره من ناحية الشرق المرحوم الصول محمد محجوب والد كل من محجوب وحيدر ومزمل ومدثر، شرقهم شارع صغير وبعده منزل العم صديق والد المرحوم حامد، وعامر -الصغار لا أذكر أسماءهم- ثم يليه شرقاً منزل العم إسماعين، والد معاوية وميسرة ومحي الدين "الطرشة"، ثم يليهم في منزل العم محمد بخيت والد عادل وأخوانه، يليهم شرقاً منزل العم محمد بليل، والد فتحي وعماد وسيف وأخوانهم الصغار.. وخلفهم منزل المرحوم خضر، والد عبدالوهاب، ومحمد، وأنور، وأحمد..

يلا تموا الباقي..

.

عدلان ..

سبحن الله ..

لي أكتر من ساعتين قاعد أقرا في نلفات قديمة من منبر سودانيات ولمن وصلت الحتة دي :

Quote: فى المساء تم إقتيادى مصحوباً بقوة مسلحة من أربعة أفراد يقودهم طارق الشفيع إلى منزلنا فى السجانة، جنوب قشلاق القسم الجنوبى، وتم حصر سكان المنزل فى مكان واحد يحرسهم عسكرى أمن مسلح ببندقية كلاشنكوف وفى ذلك الجو المكهرب والمتوتر بدأت صغيرتى الرضيعة مها، فى الصراخ المتواصل بينما كان طارق الشفيع وباقى قوته معى يفتشون ويقلبون فى غرفتى.. صراخ إبنتى أصاب المدعو طارق بالتوتر، فذهب وصرخ فى أهل الدار أن يسكتو البت.. تم إرجاعى وتحويلى إلى مكان إعتقال وهو سطح إحدى العمارات الأربعة الحمراء داخل حوش القيادة العامة، ، كانت التعليمات المشددة والمستديمة لطاقم الحراسة أن المدعو عدلان يجب ألا يخلد إلى الجلوس أو النوم أبداً، إلى حين إشعار آخر.

قلت النعاين في سودانيز في شنو في بوست خالد تاج السر ولقيتك عامل الرد دا !!!

أنا وصلت قصتك في الإشلاق بي هناك وجيت لقيتك بتحكي عن الإشلاق بي هنا !!

يا انت زولاً مبروك يا كمان انا زولاً شيخي عافي مني !!

Quote: إنتصب مكانها بنك أم درمان الوطني.. ذلك هو الكورنر الجنوبي الغربي، وأول منزل فيه على الناصية كان فيه الخال وداعـة أحمد سلطان "سِمــيد" وأولاده محمد وعمار وحاتم وماجد -الصغار لا أذكر أسماءهم- ويجاوره من ناحية الشرق المرحوم الصول محمد محجوب والد كل من محجوب وحيدر ومزمل ومدثر، شرقهم شارع صغير وبعده منزل العم صديق والد المرحوم حامد، وعامر -الصغار لا أذكر أسماءهم- ثم يليه شرقاً منزل العم إسماعين، والد معاوية وميسرة ومحي الدين "الطرشة"، ثم يليهم في منزل العم محمد بخيت والد عادل وأخوانه، يليهم شرقاً منزل العم محمد بليل، والد فتحي وعماد وسيف وأخوانهم الصغار.. وخلفهم منزل المرحوم خضر، والد عبدالوهاب، ومحمد، وأنور، وأحمد.. يلا تموا الباقي..

سلام اخي عدلان
نعم وهج الذكريات والماضي الجميل الي المكان الذي شكل حياتنا
ميسرة اسماعيل ملك المهارات بالكرة الذي يضاهي رونالدينيو
وانور خضر تزوج قبل فترة قصيرة انور ابن عم خضر كتال الكلاب

نعم اخي العزيز ناذر
كل ما اري الاشلاق وقد تم تقسيمه كالكعكة كل يريد نصيبه فيها
اري الدموع تتساقط ليس مني وحدي بل من كل من عشق هذا الحي العظيم
ومكتبة مكاوي يوم تم ترحيلها زرف الكل الدموع من اجلها فهي كانت
في صميم قلوبنا وكأن هناك جزء من قلبنا قد نزع يوم ترحيلها

تعرف يا ناذر، كوني زولاً مبروك دي مافيها شك.. وكان ما مصدقني أسأل شيخك العافي منك.. وشيخك ده كان ما أخاف الكذب ظنيتو علي أب راس.. ودحلتكم، بالله بلغوا تحياتي

زمان –إنت كنت شافع- كان المرحوم العميري وأسامة الخواض والفنان محمد ميرغني، وغيرهم من الوسط الثقافي، والفني، والفكري.. بيتلموا عند صاحبنا، ود حِلتكم، علي أب راس.. ويقعدوا ينظروا ليك في البنيوية، والحداثة، وما أدراك.. ويتغالطوا.. صاحبنا علي أب راس ماعندو كبير غرض في النقاشات دي.. لكن القصة لمن تسخن والغُلاط يكتر.. يقوم يمشي يدق الباب للشفيع خضر سعيد، والذي كان يسكن في نفس الشارع.. كو كو كو، أهلاً مرحب إتفضل.. لا لا يا أستاذ، بس الجماعة المعاي هناك ديل.. متغالطين في موضوع بتاع المادية الجدلية وكدة.. ياريت لو تجي تبستفم لينا..

ومدد يا شيخ ناذر

ندي المكرفون لخالد تاج السر..
..

عدلان ...

Quote: وشيخك ده كان ما أخاف الكذب ظنيتو علي أب راس.. ودحلتكم، بالله بلغوا تحياتي

ما بعرفو والله زي ما قلت انا زولاً صغير لسة وحاتنا ما كان فيها شيخ غير محمد عثمان البرهاني والشيخ الحنفي بتاع الطريقة الإسماعيلية وفي زي 4 شيوخ نص كلتش (نظام بكتبو محايات وبخرات وعروق محبة) وديل كلهم ولا واحد فيهم شيخي

أما إنك زول مبروك فدي ما بيكون فيها شك ..
تأثرت بي قصتك والله يا عدلان .. وثق إنو حقك بيرجع ليك بإذنه تعالى ..

معليشس يا خالد سرحنا في بوستك .. أحسن نواصل في موضوع القشلاق

ناذر.. والله ما بخليك تمرق ساكت.. في الأول كنتَّ قايلك من أولاد تلاتة شرق النادي الأهلي.. طيب كدي نفتشك مع أولاد تلاتة شمال قشلاق الجنوبي، من دفعتي في الإبتدائبة، الواثق أحمد الأمين وهو ساكن شرق مدرسة عبدالمنعم الإبتدائية بنات، وفي مثلث محطة عشرة دقايق زملائي في عبدالمنعم المتوسطة، أولاد عمك المرحوم سلامة، عبدالعظيم الله يرحمه، وأخيه.. وأيضاً في نفس الشارع، محمد صباحي.. كما زاملني في التدريس في معهد بخت الرضا، وكان مدرساً لمادة التاريخ.. الأستاذ عزام أبوبكر.. فيا زول إنت مكانك وين؟

خالد كان ما جا، خلينا نسرح شوية.. هو دافع فيها ملين؟ و رمضان كريم..

.

Quote: الرائد عصام ابوالقاسم ولد بمدينة الخرطوم وتلقى تعليمه بها, والتحق بالكلية الحربية وتخرج فيها ضمن الدفعة (29) ضابط مدرعات, تلقى العديد من الدورات فى مدرسة سلاح المدرعات.

الأخوة المتداخلون..
من يستطيع ان يذكر لى افراد فريق الكفاح الذى كان يلعب برابطة السجانة وبملاعب (ترب بلاع ) والذى كان يتمرن فى الميدان الواقع بين نادى ابناء وادى حلفا ومسجد انصار السنة الذى كان يلقى فيه مصطفى ناجى محاضراته ؟
انا اذكر منهم الآن دكتور عباس عبدالكريم النور طبيب نادى الهلال الحالى .هل من مزيد ؟
مع تحياتى لهم جميعا.

رمضان كريم .. ان كان العم احمد عبد الحفيظ هو الصول احمد عبد الحفيظ في مطلع سبعينات القرن الماضي ذاك الرجل الراقي الهمام الانيق .. كان في المرور والحق بمشروع اسكان الشرطة الذي كنت اديره مصمما معماريا ومنفذا اقترحته بحماس الخريج الجديد فامر به السلطان ووجدت نفسي في ذاك او الطوفان وكانت سنوات عملي قليلة فهيا الله لي الصول احمد عبد الحفيظ والمرحوم الشاويش عطرون فاعاناني في ادارة عمل شاق من تصميم وتنفيذ مئات المساكن في المدن الثلاث ولم يشفع لي ذلك فاحالنا السلطان الي المعاش وانا اسمي لم يزل مكتوبا بقلم الرصاص-قبل القومسيون الطبي- فخرجت من البلاد وما زلت وهذا عامي الثلاثيين بعيدا . و يشفع لي بعدي انني وبمعاونة رجال مثلهم اسكنت ما يقرب من الالف اسرة في بيوت لائقه وبقيمة ورطت فيها نفسي 1500 جنيه للبيت ولكني التزمت بها ويسر لي الله ذلك ..ان كان هو فله التجلة والاحترام ممن كان في اول الطريق فاعانه بحكمته ورزانته وليرحم الله الشاويش عطرون
مودتي

ابوبكر سيداحمد

Quote: الأخوة المتداخلون.. من يستطيع ان يذكر لى افراد فريق الكفاح الذى كان يلعب برابطة السجانة وبملاعب (ترب بلاع ) والذى كان يتمرن فى الميدان الواقع بين نادى ابناء وادى حلفا ومسجد انصار السنة الذى كان يلقى فيه مصطفى ناجى محاضراته ؟ انا اذكر منهم الآن دكتور عباس عبدالكريم النور طبيب نادى الهلال الحالى .هل من مزيد ؟ مع تحياتى لهم جميعا.