اعتـذار عمـا كتبتـه بحـق الصحفي الهلالي ياسر عائس !!

يـاسـر عايس ..
بكـل أسـف أعتذر لك عن وصفـي
لك بالجهـل والغبـاء فـي بـوسـت
سـابق ..
أعتذر لـك وأرجـو أن تسـامحني
عـن هـذا الخطـأ ..

يا سلام عليك يا حسين ..

كثيرة هي أخطاء الناس هنا ؛ لكن قلما يعتذرون ..


أحييك ؛

مش كـدا عليك الله يا عبد اللطيف
والله أنا خجلت عديييل من الكتبتو
في حقـو ..
الله يسامحنا غايتو ..
وتاني بعتذر ليهـو ..

شجاعه منقطعة النظير
تسلم يا زوق

Quote: شجاعه منقطعة النظير تسلم يا زوق

تسلم إنت يا راقي
بس يا ابو علوة مش الحديث
الشريف بقول فيما معناه :

رفـع القلم عن ثلاثة !!!

الاخ
حسين تحياتي

Quote: يـاسـر عايس .. بكـل أسـف أعتذر لك عن وصفـي لك بالجهـل والغبـاء فـي بـوسـت سـابق .. أعتذر لـك وأرجـو أن تسـامحني عـن هـذا الخطـأ ..

تعتذر بعد إيه ? تعتذر بعد ماهزمتوهم وأخذتم "كؤيس" السودان منهم!!!! كان تعتذر بعد الممتاز مباشرة.....!!!!!
.....نجي للجد
الاعتذار قيمة أنسانية رفيعة ....ممارسة فضيلة الاعتذار تحسب لمن
يقوم بها فهي له لا عليه......
ولك تقديري

Quote: تعتذر بعد إيه ? تعتذر بعد ماهزمتوهم وأخذتم "كؤيس" السودان منهم!!!! كان تعتذر بعد الممتاز مباشرة.....!!!!!

صديقي العزيز استاذ كمال
تحياتي وتقديري ..

دا السبب ذاتو الخلانا نعتذر للزول دا

Quote: نجي للجد

وبالجد كدا .. أنا ظلمت الزول دا شديد
وكنت مفتكر إنو خارج اطار الثلاثة الذين
رفع عنهم القلم !!!
لكن لمن قريت كلامو الليلة عزرتو خالص والله .
وكان لازم أعتزر ليهو .
محبتي ..

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
امنت ياسحس

ونحن ليه ما قاعدين ناخذهم ماشان دي

Quote: ههههههههههههههههههههههههههههههههههههههههههههههههههههههههه امنت ياسحس ونحن ليه ما قاعدين ناخذهم ماشان دي

سـامي ..
مع احترامي الشديد لكل الأخوة الأعزاء
بس إنت الفهمتني صاح ..!!

لأنك أكيد قريت الكتبو اليوم !!!

عشان نوضح لاخوة هنا الزول دا كتب :

Quote: * و يكفي الاحمر استسلاما انه استعان بقوات هجين قائدها نيجيري للوصول الي شباك الهلال .

بس يا أخوانا دا كلام بكتبوا زول
ما مجنون .. أو ما طفل .. أو ما نايم ؟؟

الزول دا بجرة قلم مسح بالهلال الواطة !!!
ولا ناس قودوين وكلاتشي ويوسف سودانيين ونحن
ما عارفين !!!

لذا نعتذر لهذا الياسر فقد كنت أعتقد جهل
وغباء فقط ولكنه جنون عديييل وعدم رشد ..

محبتي ..

Quote: حسين يوسف احمد يـاسـر عايس .. بكـل أسـف أعتذر لك عن وصفـي لك بالجهـل والغبـاء فـي بـوسـت سـابق .. أعتذر لـك وأرجـو أن تسـامحني عـن هـذا الخطـأ ..

الأخ العزيز (( حسين ))
أنا أحترم الأخ ياسر عائس في شخصه لتهذيبه المتناهي
وشخصيته الشفافة .. فقد إلتقيته مرات أثبت لي فيها
أنه رجل يحمل قلبا من ذهب ..

لكنني أحترمك من باب المنطق الذي جعلك تقدم على هذا
الإعتذار مما يدلل على شجاعتك الكبيرة وأنك تحمل قلبا
مرصعا بالجواهر ..

..


زز

قوات هجين عديل ........

الجالية في مقدمة الهلال ودفاعه ...........

عيييييييييييييك الجالية في الجهاز الفني .....


هجين شنو دي امم متحدة عديييييييييييييللللللل ....

عزيزي واو ..

Quote: قوات هجين عديل ........ الجالية في مقدمة الهلال ودفاعه ........... عيييييييييييييك الجالية في الجهاز الفني ..... هجين شنو دي امم متحدة عديييييييييييييللللللل ....

عشـان كـدا نحن اعتذرنا ليهو
وتعاملنا معه بفقه رفع القلم
عن ثلاثة !!!
محبتي ..

الأستاذ صلاح شكوكو ..
تحياتي وتقديري ..

Quote: أنا أحترم الأخ ياسر عائس في شخصه لتهذيبه المتناهي وشخصيته الشفافة .. فقد إلتقيته مرات أثبت لي فيها أنه رجل يحمل قلبا من ذهب ..

أشكرك من الأعماق على هذه الاضافة ..
وأؤكد لك ايضا احترم ياسر عائس
في شخصه رغم عدم معرفتي به لكن لا شئ
يجعلني أسي لشخصه ..
ولكني قطعا لا أحترم ما يكتبه قلمه ..
ليس لأنه يكتب ما يسمى أدب العكننة
ولكن ياسر يكذب فيما يكتبه ودوما
يقدم للقارئ معلومات كلها أكاذيب ..
واعتذاري له أتى بعد ما كتبه أمس
عن لاعبي المريخ النيجيرين ..
فقد اتضح لي تماما أن ياسر عائس
أحد الذين رفع عنهم القلم !!!
لذا اعتذرت له .

محبتي وتقديري .

خارج النص

بسببك أنت بحثت في ارشيف احدى
المنتديات لما يقارب الثمانين
صفحة ..
وحين أجد ما ابحث عنه ستعرف ..
وحتى ذلك الوقت تقديري لكل مجهوداتك !!!

قبلها بيوم كتب رمضان احمد السيد الاتي:

وفشل ثنائي خط الإحتراف في الهلال

طبعاً يا شباب خط الاحتراف دا اقرب نقطة لخط بارليف يقع غرب خط الاستواء مباشرة ويقسم العرضة لقسمين قسم يضم مزمل ابو القاسم ومامون ابوشيبة كمثال وقسم يضم رمضان وياسر عائس وحاجات كده.

يا عم ونحن مالنا خليهم نايمين احسن

يا حسين يوسف
ده ما كلامك ولا رائك .. دى تعليمات (مزمل ابو القاسم)

Quote: يـاسـر عايس .. بكـل أسـف أعتذر لك عن وصفـي لك بالجهـل والغبـاء فـي بـوسـت سـابق .. أعتذر لـك وأرجـو أن تسـامحني عـن هـذا الخطـأ ..

شرفاء الهلال غير راضين عن اى صحفى يكتب فى صحيفة مزمل ابو القاسم الذى لا يسخر من الهلال أو يستهزا به فقط، وانما يتآمر عليه !!!
ولهذا لا يهمنى كهلابى أن تسئ لكاتب يكتب مع مزمل أو أن تعتذر له !!
لعلمك .. اتصل بى احد الأخوان رئيس تحرير .. لأعداد صفحة اسبوعيه (رياضيه فنيه) من مصر، وخبأ عنى علاقة صحيفته بمزمل ابوالقاسم ربما (قاصد خير) .. بوسائلى الخاصه وبعد عدد من الأتصالات الهاتفيه علمت أن الصحيفه لها علاقه بمزمل .. فاتصلت بأحد الأخوان الصحفيين فى مصر وهو مريخابى ويمكن أن يشهد بذلك وأعطيته تلفون رئيس تحرير الصحيفه وقلت له قل له بأنى طلبت منك أن تقوم بهذا العمل بدلا عنى !!
الهلال يا حسين عندنا أكبر من (الكاش الذى لا يقلل النقاش) .. دائما ومع اى انسان !!
فاذا رفض (علاء الدين يوسف) كاش الوالى فما هو الشئ الذى يجعل ياسر عائس يكتب فى صحيفة (مزمل) ؟؟

يا سحس الجماعة الظاهر ما وصلتهم لسا

يا خوانا قال ليكم رفع القلم عن ثلاثة أفهموها ..

تشكر يا حسين ودي الروح العهدناه فيك ياسر عايس رغم انه هلالابي مر الا ان مععظم كتاباته موضوعيه الي حد ما

ملحوظه
اي شخص قبل ما يتكلم في مزمل ابو القاسم والصدي والمريخ مفروض يكون ضليع في الصحافه وفي امتلاك ناصيه اللغه والا الخسران مصيرو ولا شنو يا حسين الجهلاء والدخلاء كثر

Quote: تشكر يا حسين ودي الروح العهدناه فيك ياسر عايس رغم انه هلالابي مر الا ان مععظم كتاباته موضوعيه الي حد ما

نيازي العزيز ..
لو قريت ما كتبه أمس عن لعيبة المريخ
النيجيرين ستقيم مأتما وعويلا على الموضوعية ..

يا صديقي افهم :

أنا اعتذرت له من باب رفع القلم عن ثلاثة !!!


محبتي ..

Quote: يا سحس الجماعة الظاهر ما وصلتهم لسا يا خوانا قال ليكم رفع القلم عن ثلاثة أفهموها ..

تشـكر يا مايسـترو ..
لقد أوضحت ما نعنيه ..

محبتي ..

عندنا مسابقة اسمها :

من سيربح المسمار
رايك شنو تشترك فيها !!!

فعلا" المسمارحـــــــــــــــــــار
وليهو حقق يجنن عائس ويخليهو يعوس
url=http://www.sudaneseonline.com/][/url]





منتدي محبي المريخ العظيم

Quote: رايك شنو تشترك فيها !!!

لا لا ياخوي .. نبري ونستبرى

أرشح أخونا أبوقوتةأو تاج السر

وانا واثق إنو سيربحوا المسمار