|
تلاته اشياء محيرانى جدا فى مباراة الامس بين المريخ والهلال !!!
|
الاولى : -
انو ايداهور دا مركب كرونة شنو ؟ والا يكون شارب بنزين يا ربى الفلاتى من استلم هديو ولدنا الى ان وصل الشريف مبسوط منى انا رمشت بس .. بس رمشت لقيت ليك المسمار فى الكيس لا حولا ولا قوة الا بالله دى غايتو الا تكون كرونة كلب عديل كدا
ــــــــــــــــــــــــــــــــــــــــ
التاتيه : -
عمار مرق دا من ما دخل الميدان وهو مفلوق ورابط راسه ياربى يكون كان بيدردق بى بره ساعة علاء الدين بابكر كان بيغسل وبيكوى فى الجماعه .. ما اصلو فى مرات كدا بيكون فى اغنيه او رقصه كدا تعجبك بتقوم ومن غير ما تحس تنزل رقيص وهجيج لا شعوريا كدا والظاهر لمن علاء جبريل كان راقد فى الواطه وبيرقص فى رقصة دردقنى فى النجيله قام مرق بيدردق معاهو من بره والدليل انو نزل الملعب مفلوق جاهز
ــــــــــــــــــــــــــــــــــــــــ
التالته : -
هل صحيح انو علاء الدين جبريل اصيب امس بشلل اطفال وكدا لانو تلاحظ امس بعد المباراه وبعد ان اطمأنت وزيرة الصحه لاستلام لاعبى المريخ للكاس قامت بالفحص الطبى على علاء الدين جبريل ويقال انها اعطته كرت توطئه لاضافته للبرنامج القومى لشلل الاطفال
|
|
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
برضو محتار ليكم فى حاجه
اخر مباريتين مريخ هلال اثبتت انو الهلال دا ميت سريريا
دفاع كله شوارع وفى مباريتين داريوكان عينو فى الشريف مبسوط منى شات الكوره فى الكورنر ومافى ولا لاعب من المريخ واقف جمبه
رتشارد امس اصبح ضنب الاسد ياخ امس عمل عمايل .. ولد صغير ما يعملا والحاله الحكم جامله جدا واشفق عليهو لانو مفروض يطلعو بالكرت الاحمر من ما مسك طمبل وهو منفرد وشنقله راسا على عقب
علاء الدين جبريل امس بكى بكاء حار بعد ان اصيب بشلل الاطفال وغنى من وسط الدموع لعلاء بابكر ( خلانا ونسى العشره ) وشاركه بالغناء مهند الطاهر وهو يمارس دور الكورس
عمر بخيت العاملين لينا بيهو سافوته طلع اكبر دكان هدايا فى شارع الجمهوريه
والغريبه مهاجمين الهلال البياخدوا بالدولار مباريتين طالعين نضاف كفؤاد ام موسى
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
Quote: تلاته اشياء محيرانى جدا فى مباراة الامس بين المريخ والهلال !!! |
Quote: عمار مرق دا من ما دخل الميدان |
وانا بضيف ليك حاجة رابعة علي : هو عمار مرق اصلاً دخل لي شنو!!!!!!!!!!!!!!
Quote: هل صحيح انو علاء الدين جبريل اصيب امس بشلل اطفال |
لا يا علي انت كمان ما تبالغ !! الود بس ركبتو كانت رايحة ما لاقنها واليوم الصباح قالوا لقوها في كلوتو واسي بركبوا في البلالي القالها ثابت!!
علاء بابكر بالغ لكن .. والله عيب عليهو الكلام ده ! مهما كان ده كان زميلو لمن كان صغيّر !! وللا عشان يعني علاء جبريل قعد في محلو وما اتقدم معاهو لي قدام يقوم يحقر بيهو كدي؟؟!!
وهيبة يا المريخ هيبة يا النجمة. احب المرييييييييييييييييييييييييييييييييييييييييييييييييييييييييييييييييييييييييييييييييييخ
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: امير عوض الجمري)
|
Quote: هو عمار مرق اصلاً دخل لي شنو!!!!!!!!!!!!!!
|
ياود الجورى
اوعى انك تكون متخيل انو مرق دخلوهو عشان يحد من هجوم المريخ ابدا وطبعا لا دا دخلوهو عشان يغطى على اخطاء ( ضنب الاسد )
Quote: الود بس ركبتو كانت رايحة ما لاقنها واليوم الصباح قالوا لقوها في كلوتو واسي بركبوا في البلالي القالها ثابت!!
|
يجازى محنك انتا وثابت
Quote: علاء بابكر بالغ لكن .. والله عيب عليهو الكلام ده ! مهما كان ده كان زميلو لمن كان صغيّر !! وللا عشان يعني علاء جبريل قعد في محلو وما اتقدم معاهو لي قدام يقوم يحقر بيهو كدي؟؟!!
|
على نفسها جنت براقش يا ود الجمرى فعلاء الدين شلاليت قبل كدا وفى مباراه سابقه ادى ليك علاء شطاره بونيه والحكم ما سوى ليهو شئ فعاد شطاره فى نهاية الموسم لينتقم
وبرضو انا مصر انو شلاليت امس جاهو شلل اطفال ووزيرة الصحه ادتو كرت توصيه للبرنامج القومى لشلل الاطفال
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
يا علي سلام .. ومبروك ليكم كأس السودان .. صدقني لم أحزن بالأمس على هزيمة الهلال وضياع الكأس فقد لعب لاعبوه وأجادوا وسيطروا على الملعب طولاً وعرضاً ودي ما بنكرها إلا مكابر والهدف الذي دخل مرماه كان هدية من عمر بخيت وكذلك خروج هيثم مصطفى أضعف خط الوسط ولا ننفي بأن المريخ لعب مباراة جميلة وسعى للفوز ونال ما سعى إليه ولكن لا تبخسوا الناس أشيائهم .. علاء الدين جبريل لعب المباراة دي وهو مصاب وكلنا يعلم ذلك وكويس إنو مشاطيبكم المرشحين كانوا لاعبين عشان يحفظوا ماء وجههم إحتمال تغيروا رأيكم وتمدوا ليهم فترة أقامتهم .. وعن علاء الدين طيارة قبل كده دخل معاي في تحدي وكان معي في التقسيمة سامي جرنان لاعب الهلال السابق ووقتها شوط كامل لم يلمس الكرة وحين خرجت في الشوط الثاني أحرز لوحده ستة أهداف يعني المسألة تكتيك مدربين ويمكن لأي لاعب أن يوقف التاني بشوية شطارة وفهلوة وعلاء الدين غير الوقوع على الأرض لم يفعل شي بدليل رجوعه للطرف الأيمن وكان قد بدأ برأس حربة ودموعه لن تشفع له باللعب في المريخ ..
وتاني مبروك ليكم ..
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: معتصم دفع الله)
|
Quote: يا علي سلام .. ومبروك ليكم كأس السودان ..
|
شكر ا ليك مرتين يا معتصم يا جنتل اولا على مرورك الكريم وثانيا على تهنئتك الرقيقه
Quote: علاء الدين جبريل لعب المباراة دي وهو مصاب |
طيب يا معتصم ومهند الكاهر وحموده بشير برضو كانوا مصابين مابرضو اخدوا نصيبهم من الغسيل والمكوه !
Quote: وعلاء الدين غير الوقوع على الأرض لم يفعل شي بدليل رجوعه للطرف الأيمن |
انتا عارف انو دى زاتا النطه القصمت ظهر البطه لانو برجوع علاء للطرف اليمين وتقدم ايداهور لراس الحربه تغير بعدها شكل المريخ تماما وقبلها ولحوالى تلت الساعه كان الهلال مسيطر على المباراه وعلى منطقة الوسط والمناوره ورجوع علاء وتقدم ايداهور قلب الامور تماما واصبح المريخ مسيطرا على الوضع واخز الشكل الهجومى ولفعالية علاء فى الطرف اليمين ومحاوراته المتكرره لعلاء جبريل وتخطيه اكثر من مره ووضعه فى الارض اضطر ريكاردو ان يامر مهند الطاهر للرجوع ومساندة علاء جبريل ولما فشل فى المهمه حرره وارجع حموده بشير للجانب الايسر للمسانده ايضا واخد بعدها حموده كرت اصفر فى اول دخول له مع علاء شطاره
ياخ علاء دا امبارح حير ليك ريكاردو ظااطو .. وتقول لى ما عمل حاجه تتصور يا معتصم انو علاء امس هو الذى حول كفة المباراه من الهلال للمريخ بعد رجوعه للعب فى الطرف اليمين
ايضا تحويل ايداهور لراس حربه نتج عنه هدف الفوز فى شوط اللعب التانى ودا كله كان تغيير من مازدا فى داخل الميدان ومن غير ان يخرج او يدخل لاعب من خارج الملعب بينما اخرج ريكاردو هيثم مصطفى وكشف وسط الهلال مع تراجع مهند لمهام دفاعيه وحموده ايضا ليدخل لاعب اكل عليه الدهر وشرب كماجم تالت بينما كانت علة الهلال فى الوسط المتراجع لدعم الدفاع الذى ظهر امس فى اسؤا حالاته
Quote: ودموعه لن تشفع له باللعب في المريخ ..
|
لا وحياتك
فقط الغسيل والمكوه السواهن امس تشفع له اللعب للمريخ لمواسم قادمه خاصه وانه صغير فى السن ويرجى منه اذا ما استطعنا ان نعالج خوفه من ركوب الطيارات
وشكرا مره تانيه للمرور الجميل
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
على محمد علي بشير
يازووول المباراة البارح كلها تحير بين الشوطين .. هيثم مصطفى كان بتكلم مع البلدوز .. قال ليهو شنو يااااخ ياااخ علاء جبريل ده خاااف فيهو الله .. إنت ماعندك عُشرة ولا شنو ؟؟ ضحك البلدوز ثم قال .. ياهيثم لو عاوزين تستروهو طلعوهو فعلاً طلعوهو وجابو مرق راسو مربوطة من بره إستدراراً للشفقة وكسباً لعطف البلدوزر لو عملو فيها فلسفة وجابوهو بدون ربطة راس كان لحقو ليهم أمات علاء جبريل .. بس عرفوهاجابوهو من برة مبنشر ومرقوع ومنفس .. وطبعاً الضرب على الميت حرام وهذا ما حدث ساعتها فقط أطفأ البلدوز محركات التدوير ________________________________
مهتز كبير .. أقصد معتز أدخلوهو للوداع .. الدنيا ما دوامة ________________________________ ريتشارد البارح أضحوكة بعد أن قام بقبض طمبل من ( تلابيبه ) كان حاسي إنو الحكم ح يطردو ح يطردو فالقانون واااضح عارف عمل شنو .. شاف أقرب واحد من جماعتو مشى يشاكل فيهو ويكورك وينفض في إيديهو والله ضحكت جنس ضحك .. الغريبة الزول الشاكلوهو ما كان ليه أي سبب في الهدف .. فعلاً الحكم شاف الجرسة عفاهو .. تصدق أداهو كرت أصفر .. وحسبها فاول _________________________________
جوز حمام نيجيريا ( قودين المصارع ) ( كلتشي المفوت طارة ) ديل كانو تحت الحراسة _________________________________
برجع ليك سمح ؟؟
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: ثابت محمد)
|
Quote: بين الشوطين .. هيثم مصطفى كان بتكلم مع البلدوز .. قال ليهو شنو يااااخ ياااخ علاء جبريل ده خاااف فيهو الله .. إنت ماعندك عُشرة ولا شنو ؟؟ ضحك البلدوز ثم قال .. ياهيثم لو عاوزين تستروهو طلعوهو
|
بالمناسبه يا ثابت عاوز اصحح ليك معلومه علاء جبريل ما طلعوهو لانو هو الطله نفسه بى نفسه وقال ليك بين الشوطبن كانوا بيوصوا فيهو امو يحد من خطورة علاء شطاره قام قال ليهم انتوا بتوصوا فينى لييه ماتوصوا كرنقو القاعد جمبكم دا قالوا ليهو الراجل عريس وما ح يقدر على البشتنه دى قال ليهم والله لو ابوهو مات لازم يلعب الشوط الباقى دا لانو انا خلاص ما بقدر اكمل !
Quote: ريتشارد البارح أضحوكة بعد أن قام بقبض طمبل من ( تلابيبه ) كان حاسي إنو الحكم ح يطردو ح يطردو فالقانون واااضح عارف عمل شنو .. شاف أقرب واحد من جماعتو مشى يشاكل فيهو ويكورك وينفض في إيديهو والله ضحكت جنس ضحك .. الغريبة الزول الشاكلوهو ما كان ليه أي سبب في الهدف .. فعلاً الحكم شاف الجرسة عفاهو .. تصدق أداهو كرت أصفر .. وحسبها فاول
|
والله ياثابت انا الحركه دى برضو ضحكتنى ليك كتير لانو ( ضنب الاسد ) عملا ظاهره شديد
سمح
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
على يا اخوى مبرووووك...علاء الدين امبارح شبع غسيل ظهر على وجه احيانا ووجه على ظهر تارات اخر..غايتو نشط سوق الجيزال قالوا ناسك يتمسحوا لى هسع. لكنانا العاجبنى وكتين الولد ايداهور مليح الموهبة،حاذقها اخد ليه جرية وبحركة واحدة زولك ريتشارد وقف مكانك سر ،وداريو كان بعد ان اصبح فى( خبر كان) حاول ان يمسك الجنا ايداهور ولم تفلح المحاولات..حينمااصبح ايداهور وابوبكر فى خلوة وشيطان القدم اليمنى ثالثهما، لم يخالج ابوبكر الشك فى ان المرق قد انكسر واتشتت الرصاص،واطلق ايداهور قنبلة على يسار ابوبكر بينما ذهب ابوبكر يمينا فى حركة مسرحية خوفا من ان تصيبه شظايا...امانة ما عاقل يا ابوبكر.. وين اخوانا ناس تمبس وحميضة ومن لف لفهما،،،
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: صديق الموج)
|
Quote: على يا اخوى مبرووووك |
الله يبارك فيك يا ود الموج تعرف قون ايداهو دا حلو حلاه على وزن راجل المره وذلك لانو رجعك للكتابه فى المنمتدى تانى يا ود الموج ومشتاقين وسائلين منك والله
Quote: علاء الدين امبارح شبع غسيل ظهر على وجه احيانا ووجه على ظهر تارات اخر..غايتو نشط سوق الجيزال قالوا ناسك يتمسحوا لى هسع.
|
Quote: وين اخوانا ناس تمبس وحميضة ومن لف لفهما،،، |
ما تفقدم انتا ياخ مامعاك فى الرياض الاولاد ديل ما يكون حصل ليهم حاجه
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: abdelwahab hijazi)
|
Quote: مبروك يا أولاد الزعيم |
وعليك يا ود حجازى
Quote: المحير جد إنو تمبس مساهر في البورد ده لما الاذان أذن تقريباً. مش كده وبس هو وصاحبنا ود الريح كل واحد فيهم فتح صيوان براهو. ويا ولد زيد التلج الفي الصبارة ويافلان أدي عمك ده شاي. واستغفر يا فلان واستغفر ياعلان.
ماقلتوا نوبا وبتنسوا الهوبا.
|
المشكله يا ود حجازى انو الهلالاب كانوا ضامنين النتيجه وخاتنها فى جيبهم وذلك قياسا بنتيجة المباراه السابقه والتى لعب فيها المريخ مباراه جيده وانهزم رغم ذلك الاداء لذلك الهلالاب كانوا واثقين من انو المريخ يستطيع ان يزور شباكهم فى اى لحظه من لحظات المباراه ولكنهم يستطيعون التعويض فى وجود بهاء الطين ولكن نقبهم طلع على شونه
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: معتصم دفع الله)
|
Quote: شكل المباراة تغير بعد تسجيل أيداهور لهدفه وقبلها كانت سجال بين الفريقين |
فى دى الظاهر عليك ما فهمتنى انا بقصد شنو يا معتصم انا اقصد كما تابعت انت وتابع الكثيرين من خلال سير المباراه انو الهلال كان مسيطر على المباراه منز انطلاقتها سيطره تامه بينما كان المريخ متراجع دفاعيا ليحمى المرمى وقام مازدا بتعديل فى صفوف الفريق من داخل الملعب برجوع البلدوزر للمساك اليمين وتقدم اياهور لراس الحربه وتغير شكل المباراه منز هذه اللحظه واتملك المريخ زمام الامور وفتح البلدوزر ثغرات فى جانب الهلال الايسر مما ادى الى تراجع مهند الطاهر لدعم علاء جبريل ولم ينجح فقام بهذا المهمه حموده بشير مما خلق نقص عددى فى لاعبى وسط الهلال المشغولين بسد الثغره فى اليسار
فهمتنى ياخ
Quote: لكن البركة في نشوة أمس دي أعادت الروح لحمامكم الميت |
المصيبه انو اخر مباريتين مريخ هلال كشفت لينا انو فريقنا ما حمام ميت بل الحمام الميت هو الهلال ودليلنا انو اهدافنا بيصنعوها لينا لاعبى الهلال الذين يرتبكون ويرجفون عندما يلعبون امام المريخ وما عندنا لاعب بيرجف الا بهاء الدين ملوص واليوم الما لعبناهو لم تتزوقوا طعم شباك المريخ
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: شهاب الفاتح عثمان)
|
طبعا انتا راجل دكتور وما بنقدر نغالطك لكن علاء جبريل حالته صعبه وخاصه النفسيه لانو زعلان من البلدوزر وقال عليهو نسى العشره
Quote: الكعب الكعبـ الشلل الدمــاغي حــاله عمر بخيت المتـالم مثالا...!!.
|
دا كمان مشكلته مشكله قال ليك كمية القروش اللى ح يدوه ليها عشان يسجل فى المريخ عملت ليهو هضربة صحيان .. قال ليك كان اثناء المباراه بيفكر فى القروش وفى شكله وهو لابس فنلة المريخ وانو ح يكون مع مجاهد ومرات بيطلع يساند العجب وشنو كدا ما عارف واثناء ماهو غرقان فى تفكيره دا جاته الكوره فاذا به يتقدم نحو مرمى الهلال وهو متقمص شخصية لاعب فى المريخ ووضع باص بينى تحت اقدام ايداهو ولم يفيق الا والشريف مبسوط منى راقد يمين والكوره بتلعب فى الشبكه شمال
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
الاخ على تحايا واشواق بالطن وكل سنة وانت طيب
والف مبروووووووك للزعيم وسيد البلد
معاى واحد احول الواحد بشفو اتنين شاف علاء الدين بيجمع ويطرح قال لى الزول رجلينو الاتنين شمال ولاشنو؟؟؟؟ قلت ليهو انت عاين بعين واحد عشان عيونك تستعدل؟؟
انت الشريف وقع على اليمين قااااااااااااصد اكييييييييييد ماقاصد؟؟
داريو دا طلع الكورة الى ركنية وهو براهو يعنى لو كان العجب قريب منو كان دخلها قووووووووون؟؟
خالص الحب وكل عام وانت بخير
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: عبدالله ادريس محمد)
|
Quote: الاخ على تحايا واشواق بالطن وكل سنة وانت طيب
|
وانتا طيب يا ود ادريس
Quote: والف مبروووووووك للزعيم وسيد البلد
|
ومبارك عليك كاس السودان ودخول الجماعه فى بيت الطاعه حتى اشعار اخر
Quote: معاى واحد احول الواحد بشفو اتنين شاف علاء الدين بيجمع ويطرح قال لى الزول رجلينو الاتنين شمال ولاشنو؟؟؟؟ |
الله يجازى محنك ياخ وبينى وبينك انا زاتى فى اللحظه ديك شفت علاء دا رجلينو كلهن شمال ياخ لكن كان هو جنس غسيل ومكوه واحد
Quote: انت الشريف وقع على اليمين قااااااااااااصد اكييييييييييد ماقاصد؟؟ |
دا كمان مشكلته مشكله واحد قال انو كلتشى كان بيعتقد انو المباراه ستحسم بضربات الجزاء فى حالة التعادل وقل للشريف مبسوط منى انو ايداهور دا دايما بيشوت البلنتى فى اليمين وصاحبك ركز فى الحكايه دى ولمن ايداهور انفرد ولقاهو فى حلقه افتكر الحكايه بلنتى وقام طوالى رقد يمين عليك الله يا ود ادريس عمرك دا كلو شفت ليك حارس مرمى اثناء اللعب وفى انفراد بيقع فى زاويه والكوره فى زاويه غايتو الله يجازى كلتشى هو الغش الراجل ولخبط تفكيره
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: على محمد على بشير)
|
هوووي يـــــا مساكين إنتو لحدي الآن ماسكاكم أم فريحانه دي .. بالنظر إلى البوست .. والمداخلات الفيهو .. نجد أن: عبد الوهــاب حجازي حالتو (تحنن) طبعا تحنن دي دخلناها بين ( قوسين ) بالنسبة لي معز محجوب وكدا الحاجة التانية: عاينو زي المسكين الاسمو طلحـة دا ..؟ والله انا ناوي اجيب ليهو كاس كبير من محلات قرناطــة الجمبنا دي .. ياخ اقول ليكم حـاجة: نجيب ليكم كاس للفرح .. افــرح واحد فيكم نديهو ليهو .. المساكين لع .. يعني يا طلحـة اعمل حساب إنك ح تلعب في الكونفدرالية بتاعت ( الفــرح ) دي وفنجرية مني ساكت بديك كاس الهداف .. مناصفة بينك إنت واساسي طبعا بعد الركلات الترجيحية..
اما المدعــو علي محمد علي بشير .. فخليناهو لي الله .. ضربنا ليهو عشان نهنيهو .. لقيناهو قافل الموبايل .. زي نوعيتو دي بيكون من ما الحكم صفر بداية المباراة بيكون بلع ليهو فاليوم ودخل تحت البطانية .. زيو وزي ابوحروف كبيرة واحد .. الاتنين ما عندهم ذمة تذكر .. بلاي يا علي طلب خاص .. عليك الله .. وعليك النبي .. احكي لي النكته بتاعت السكران الشالوهو الجماعة ديلاك وقال ليهم هناي دا ما يشيل معاكم .. وبالمناسبة دي بهديها لي المسكين طلحـة .. والمسكين اساسي .. والمحنني طوالي .. عبد الوهاب حجازي ..
ملحوظة: امس صديق الموووج جاب صينيتو وجــا اتغدى معانا بالنسبة للفوز وكدا .. وكان قبلها قادي السلك .. من يوم التلاتة ديك .. وقووون كرنقو قالو فتح خلى الرياض ذاته عالم مسكينة
| |
|
|
|
|
|
|
Re: تلاته اشياء محيرانى جدا فى مباراة الامس بين المريخ والهلال !!! (Re: tmbis)
|
Quote: هوووي يـــــا مساكين إنتو لحدي الآن ماسكاكم أم فريحانه دي .. |
نحنا اخير منكم .. ام فريحانتكم كان حدها 14 يوم بس حقتنا دى ح تستمر معانا حتى اول لقاء مريخ هلال فى الموسم الجديد واكان الله ادانا الفى مرادنا ح تستمر معانا سنين
Quote: اما المدعــو علي محمد علي بشير .. فخليناهو لي الله .. ضربنا ليهو عشان نهنيهو .. لقيناهو قافل الموبايل .. |
ياخ انا جوالى انسرق من فتره ونسيت اصححه فى البروفايل ولانى طولت ما ضربت ليك عشان كدا الرقم الجديد ما عندك بس خلاص صححته فى البروفايل واهو دا عديل 0557778340 بس مس كول مامعانا
Quote: زي نوعيتو دي بيكون من ما الحكم صفر بداية المباراة بيكون بلع ليهو فاليوم ودخل تحت البطانية .. زيو وزي ابوحروف كبيرة واحد .. الاتنين ما عندهم ذمة تذكر ..
|
انا غايتو اليوم داك كنت عامل عيزومه عندى فى البيت لى نسيبى بمناسبة وصول عروسه الى المملكه والبيت كان مليان ناس وشفع غايتو كنت عامل زى ام العروس داخل مارق وعفصت لى كم شافع كدا ما عديت عددهم ( اماتهم غلطانات طبعا لانو دا يوم يفكوا فيهو شفع تحت كرعينا ) غايتو فى انفراده لى كلتشى بى جبهتنا الشمال وشاتا طايشه انا عفصت لى فيها شافع ما وعيت الا على امه بتثكلب ووب على ووب على
لكن بينى وبينك دكتور عبد الماجد اليوم داك بيكون بلع الفاليوم واتغطى
Quote: بلاي يا علي طلب خاص .. عليك الله .. وعليك النبي .. احكي لي النكته بتاعت السكران الشالوهو الجماعة ديلاك وقال ليهم هناي دا ما يشيل معاكم |
دى بقولا ليك فى التلفون لانو شايف المنبر انطلقوا فيهو شفع صغار كدا الله يجازيك يا بكرى
Quote: وبالمناسبة دي بهديها لي المسكين طلحـة .. والمسكين اساسي .. والمحنني طوالي .. عبد الوهاب حجازي .. |
Quote: امس صديق الموووج جاب صينيتو وجــا اتغدى معانا بالنسبة للفوز وكدا .. وكان قبلها قادي السلك .. من يوم التلاتة ديك .. وقووون كرنقو قالو فتح خلى الرياض ذاته عالم مسكينة |
صديق الموج جزاهو الله خير لكن عمران ياتامبا ما تفقدتوه الراجل دا يمكن حاصله عليهو حاجه
بعدين انتا كويس صاحبك معتصم عامل فيها انو الموضوع ماهاميهو وكدا وجاء فتح ليهو بوست بهذا المعنى صدقنى كل مداخله ليهو فى بوستيه بتلقى فيها تعديلين على الاقل قول ليهو تانى بتجى المدينه
| |
|
|
|
|
|
|
|